☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
RINSANGA "Min nei duh em?"a ti sup a. Car hnungah kan țhu a, a awmah ka bei a, min kuah chial bawk. A zawhna chu ka rin zawh loh tluk zetin chhânna pék dan tur pawh ka hre lo. Engmah sawi loin ka ngâwi ta reng ringawt a. "Min nei duh em?" a ti leh sup a. Chhân loh chi ni pawn ka hre tawh lo. "Min nei duh ami?" Zawhna ka zâwt lét ta ringawt a. "Umm..Duat, neih che ka duh. Khawngaihin, min nei rawh aw," a ti thãm leh sup a, min kuah nghet lehzual bawk. "Umm," ka ti sep a. Ka aw ah chuan a thusawi rinhlelhna a awm tel bawk. Rawn kûn hniamin ka chalah a fâwp zeuh a. "Duat, kumin chiah ka nghak ang che. Nakkumah chuan inneih ka duh," a ti leh nghut a. "I ti tak tak ami?" "Min ring zo lo anih kha.Mipa ka nih hi. Mipain ka sawi chu ka sawi a ni mai,"a ti chharh chharh a. Ka chhãng tawh lém lo. Ka khabe-ah a lama hawi turin a dawm a, ka hmuia duhthawh zeta a fawhna chu ...