The Other Side Of Me

☆2020☆ - 9 By Dingdi Pachuau Step-ah chuan ka ai lo awhtu nèn chuan kan intâwk a, en pawh ka en ngam lo, ka zak, biak phei chu a hla lutuk ringawt! An reh țhap a, ka thâwm an hria ang tih ka hlauh avàngin thãwm ka dìm tak zet, zanlai ang a ni tawh a, ka chhuak ru tih hria se mak an ti dâwn lutuk. Maremi leh ka chhûngte phei chuan an âwih thei hauh lo ang. An hre lo ta sa sa, ka hrilh lo ang. Chuan, kha pa nèn khân chanchin eng emaw sawi tùr pawh kan nei tawh lo bawk ang, a chhan chu hmel hriat loh ang kan ni tawh dâwn, naktûk ațang chuan. Ka hrilh chian viau kha maw. Mahse, ka rilru a nuam chuang miah lo, a hma aiin a hrehawm zâwk emaw tih mai tùr a ni. Kei hian thil țha lo tak ka ti a ni, ka thiam lo hmasa zâwk tlat. Ani kha chuan thiam lohna a nei hauh lo, keimah zâwk hi a bul tumtu ka ni, engah nge a hruai chhuah theih tùr leh a zuam theih tùra ka awm tlat ni? Mipa lakah indaidanna ka siam ka ti ve a, a bawhchhetu ka ni leh si, mi nêp tak chu ka lo ni. Lukhum leh k...

☆2020☆ - 8 By Dingdi Pachuau Lehkha zir leh chu khawi lamah! Mut pawh ka muhìl thei lo, ka maimichhìn apiangin 'thil thleng' kha ka mitthlaah a lo lang nghâl zél a, ka ngaihtuah nghâl zêl. Ka duh lo tak zet a ni; mahse, ka ngaihtuahna ațangin ka dah bo thei si lo. A rûk tak chuan nuam ka ti hlê si chu a nih kha! Zahpuiawm khawpin alawm ka fawh lêt ve ni. Ka ngaihtuah zâwng ringawt pawhin a fawh nawmzia kha ka la feel veng veng thei. Mipa hi ka fâwp tam miah lo, Sangzuala nèn khân kan uar viau a, a hnên ațang khân ka zir thiam ve viau rêng bawk. Mahse, nichîna mi kha chu a dang zak! A awmzia tak tak ka man ta niin ka hria! A tìrah kha chuan na zet khân min fâwp kha a ni a; mahse, a hnu lam kha chu, kan tàwp hlei thei lo chu a nih kha. Eng mah ka ngaihtuah thei lo va, amah rin chhan takmeuhin ka ding ve mai a nih kha. A fawh nawmzia mawlh kha, khatih lai khân ka chungah eng pawh tih tum ta se ka hnial thei lo tawp ang, ka thluak a buai vek, amah chauh kha ka ...

☆2020☆ - 7 By Dingdi Pachuau "Aw...aw le, ka rawn kal nghâl," tiin hmanhmawh hmel deuh chuan a chhuak ta nghâl a. A chhuah hnu deuhah chuan,"Ninawm teh chawng hlawm êm mai a!" Ruata chuan a ti hlak hlak a. "Essa bialnu em ni?" Maremi chuan min rawn melh ralh chung hian a ti a. "Ka hriatpui lo ve, a tu hmeichhia tawh phawtin buaipui chûk ziah hlawm mai, ka ning hlawm a nia," nêm zet hian a ti hlaih hlaih a. "Kan tel ve loh hrâm ka beisei," ka lo ti a. "Nangnite chu tel nâng. Tenawm hlawm hian! Essa hian a lo ning ve ang em tih pawh an ngaihtuah hlawm lo, pawisa nei deuh hlek hi chu an pâk huam mai zawng a nih hi," a ti leh duai duai a. Ruata hi chu, a rilru a chhia pawh a ni chuang lo, a mil loh zâwngte hi chu a sawisêl pawp pawp, a insûm ve hnì hnè ngai lo. Kan țhian dùn hi chuan kan ngam a, kan dàwr peih bawk a, bâkah, a thil zawrh tùr lo pack-sak leh thil tihpui kan peih a, min welcome țha êm êm reng...

☆2020☆ - 6 By Dingdi Pachuau Class kan han țan leh ta a, kan result pawh a chhuak har lo. Kan pass țha ve leh khawp mai a, a làwmawm tak zet a ni. A lawm nân Maremi nu leh pate'n Maremi nèn bag inang min leisak nghe nghe, ka phû lo ka ti a, làwmthu sawi dàn pawh ka hre lo hial. Lehkhabu dàwr kha kan la nghâk rih lo, an dàwr an siam țha a, thlaleh ațang chauhin kan inhlawh thei ang, pawisa ren leh deuh hlek a ngai rih a ni. Sangzuala chuan min rawn tlawh tak tak a nih chu! Engtin nge min rawn zawn chhuah theih zâwk ni! A zak lo ve chiang ngawt mai. Hostel-a awm ve mi dangte pawhin an hmu, a chhan chu an chhuah leh haw lamah min rawn hmu thei tlat a. Garage chungah kan țhu sia, hmuh loh theih pawh kan ni lo. "I thin a la rim reng tiraw?" Sawi pawh ka sawi peih lo zâwk! Ka chhàn loh avàng chuan amah bawk chuan," Nia, ka thil tih kha a dik lo chiang, kan inkârah eng emaw a awm ka lo ring miah lo va. Inngaizawng pânngngaite angin kan ințhen ve leh mai...

☆2020☆ - 5 By Dingdi Pachuau Krismas leh kum thar chu hlim leh dam takin kan hmang a, YMA lamin kan khuaa țhalai awm kim lai tiin intihhlimna hun an buatsaih a, kei pawhin volleyball ka bêng lâwp lâwp mai. A hnuah musical chair-ah kan section aiawhin ka tel leh ta a, ka nui nasa lutuk ringawt. Ka fing phakar thiam viau nain Taitesena section-a mi Siami ka hneh ta lo va, min nêk per dâwrh mai, mi dang pawhin min lo nuih nasa. Kan President chuan," Zopui, Siami chuan a nêk sil vek lo che maw?" tiin nui chung hian min fiam a. "Sil deuhin ka hria, min nêk per ve chiang si a, damdawi ei lâwk pawh ka ngai maithei a ni," ka ti ve a. Siami hi nula lian tak a ni a, chak pawh a chak. Hna thawh pawh a chak khawp mai, mipa tam tak aiin hlawhfaah pawh an duh zâwk! Zànah inlêng ka nei ve zauh zauh; mahse, zaikhawmna lamah ka hruai daih zêl. Hmun danga lehkha zira awm țhinte  leh khawtual mi pawh an rawn lêng, ka nau țhiante pawh an rawn kal khâwm țhìn, kan ri...

☆2020☆ - 4 By Dingdi Pachuau Min hmu ang tih ka hlau lutuk! Min hmuh dun hlauh chuan rilru dik lo an pu nghâl ngei ang a, ka hriat ngai loh mipa nèna hmingchhiat chu ka duh hauh si lo, ka hriat țhin pawh lo ni ta teh rêng se ka duh chuang lo. An țawng rîk dàn ațang chuan an ding rih a nih hmel. An ding rei ang tih ka va hlau tak! Lalpa, min pui hrâm teh, tunah pawh hian ka thaw țha ngam tawh lo a nia. Chêt sawn ka duh, ka ngam si lo, ka chêt sawn chuan min hmu ngeiin ka ring si, a va hahthlâk tak! "Zàn boruak chu a vawt ve deuh tawh a nih hi." Pakhat ve thung chuan," Hei hi han pak ve chhin teh, a rù tui riau asin, a thar a nia," a ti thûm dût a. Meizial chungchâng a nih chu. A hnu deuhah chuan," A hnâng rim pawh a nam chiai chiai alawm, a tui khawp mai. I la ngah em? Min lo țhen ve teh, vaihlo tui a vâng lutuk a," pakhat chuan a ti a. "Thingtlâng ațanga ka chah a nia, kan nu chhûngte hian an ngah thìn  alawm. Ngawi tak rawh,...

☆2020☆ - 3 By Dingdi Pachuau Class xi WhatsApp group-ah chuan an pãwt zãwrh zãwrh hlawm a, ngawi rengin ka chhiar thla zêl a, kan class-a ngawichawi ber țhìn Kûri birthday a ni tih Manuna'n a rawn sawi chuan an wish liam liam a, kei pawhin group-a min add hnua a vawi khat nân ka duhsakna chu ka ziak ve ta a. Ka lang ve ngai lo bawk a, chutia ka lang ve ta chu min rawn be ve ta tliar tliar hlawm a, Chhana leh Biaka phei chuan min rawn fiam chiam a. Anni hi fiamthu duh ngang kha an nia, an thu sawi rêng rêng hi thinrimah pawh a lâk theih loh, thinrim lui mah ila a tàwpah kan nui leh nge nge țhìn. College an kalna chu ka zâwt hlawm a, Lunglei lamah a ni deuh vek hlawm. Sawmi leh Lawmi chu Kolkatta lamah niin Biaka ve thung chu Serchhîpah a ni ve thung. Inhmuh khâwm an châkzia chu an rawn sawi sap sap, Kûri birthday a ni tih pawh an rawn theihnghilh zo ta hlawm a niang. Group-ah chuan Lawmi a rawn lang ve miah lo, Kûri leh mi dang 2 nèn, an buai ve a ni ang e. Chha...