☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 9 By Dingdi Pachuau
Step-ah chuan ka ai lo awhtu nèn chuan kan intâwk a, en pawh ka en ngam lo, ka zak, biak phei chu a hla lutuk ringawt!
An reh țhap a, ka thâwm an hria ang tih ka hlauh avàngin thãwm ka dìm tak zet, zanlai ang a ni tawh a, ka chhuak ru tih hria se mak an ti dâwn lutuk. Maremi leh ka chhûngte phei chuan an âwih thei hauh lo ang.
An hre lo ta sa sa, ka hrilh lo ang. Chuan, kha pa nèn khân chanchin eng emaw sawi tùr pawh kan nei tawh lo bawk ang, a chhan chu hmel hriat loh ang kan ni tawh dâwn, naktûk ațang chuan. Ka hrilh chian viau kha maw.
Mahse, ka rilru a nuam chuang miah lo, a hma aiin a hrehawm zâwk emaw tih mai tùr a ni. Kei hian thil țha lo tak ka ti a ni, ka thiam lo hmasa zâwk tlat. Ani kha chuan thiam lohna a nei hauh lo, keimah zâwk hi a bul tumtu ka ni, engah nge a hruai chhuah theih tùr leh a zuam theih tùra ka awm tlat ni? Mipa lakah indaidanna ka siam ka ti ve a, a bawhchhetu ka ni leh si, mi nêp tak chu ka lo ni.
Lukhum leh kutkawr ka pêk theihnghilh zui, a chí loh tak tak, ka hmanhmawh lutuk vàng vek a ni. Ka mu lah chu ka muhìl har khawp mai. Ka ngaihtuahna a vâk vêl a, kha pa hnêna khatiang thu sawi tùr khán a eng chiah nge ka nih? Ka lo indah sâng viau em ni? A bialnu pawh ka ni lo. Kei hian ka rilru ka pêk nasat ka hlauh vàng em ni a hnênah khatiang thu kha ka sawi? A bialnu ka ni lo ti siin ka infawhtîr thei bawk si...
A hmel kha chu a țha a ni. Zanin khân ka hmu chiang ve chauh, khatiang êm khân a țha a ni tih ka lo hre ngai lo a nia, engti enin nge maw ka lo en țhin le?!! Ruata'n 'a luck' tia a lo sawi pawh kha a lo àwm hliah hliah a ni. A hmel chu thuhran, mi rethei fapa chu a ni lo chiang mai a! A pian lah a nalh, a sâng zeih zawih viau bawk. Kan din dun pawhin a khabe hnuaiah a nih kha ka dah chhoh ve chauh ni, sâng tâwk tak chu a ni. A pâwn lam lan dànah hrim hrim chuan sawisèlna tùr ka hre lo, a dik vêl vek.
Mahse, a lakah ka inham buai thei lo ang, ani nèn chuan chhim leh hmar ang hlauh kan ni, bâkah, min hmuhsit êm kha, kha kha ka theihnghilh tùr a ni lo.
Ka lû a nat bûr vàngin class chu phûr lo zetin ka kal a, ka tha a za lo lutuk chu Maremi chuan mak min ti, min melh leh zoh zoh țhin; mahse, ka hmu lo der tlat thung, țawng pawh ka peih thlâwt lo.
Break lai chuan canteen-ah kan chàwl a, mi dang chàwl pawh an tam, an ri nuai nuai mai, a boruak chuan min tihrehawm zualin ka hria!
"Thil thleng a awm em?"
Ka nui lui sak," Eng thil maw?" tiin ka zâwt lêt a.
"I ngawi êm a."
"A, ka lu a nuam zân lo deuh a," tiin ka chhâng, dâwt a ni hleinem.
"Damdawi ka keng, ei la?"
"A reh ve mai ang, zàn ka men rei vàng a nia," ka ti leh a, ka sawi zo chiah chu ka inchhîr zat.
"Lehkha i zir rei a ni maw?"
Dâwt sawi ka duh loh vàngin ka nui ringawt, dâwt ka sawi tam tawh si a, ka inthlahrung ve tawh.
Nilêngin ka lu a nuam lo, haw thuai thuaia mut thlawp ka châk ber. Hetia ka awm chhan hi ka hre chiang nasa mai si a, a rûkin ka inhau mawlh mawlh reng. Ka nêp rah ka tuar a ni mai, tu mah puh tùr an awm lo.
Mak ve deuh mai chu, Chimawmliana chuan ka thu a awih ve tlat mai a nih chu! Min rawn phone lo va, min rawn text hek lo. Class ka kal lam leh haw lamte hian hmuh ka inring deuh thut thut a nia, hmuh tùr pawh a awm lo. A reh vang vang, ni li lai a ni tawh a nia! Ka thu a awih a nih chu ka ring leh chiah lo, tlâwm a inti lutuk zâwk a ni ang, ani ang tân chuan tlàwmthlâk deuh tùr asin, ka thil sawi khân a induhtâwkna a khawih che ve det a ni ngei ang.
Mahse, keimah zâwk hian hrehawm ka ti deuh si chu a nih hi, hmuh thut inringin ka mit ka lèn ruai ziah. P/s bul, Basketball court kan paltlang apiangin ka bazâr haw min lo chàn kha ka hre chhuak ziah lehnghâl. Hmm, a zùnah ka lo uai hman tawh chiang a ni, hetia a reh ta vang vang pawh hian țhatna riau a nei, ka inngaihtuah harh thei mahna. Ka hmuh chhunzawm zêl chuan ka hnar thei lo ang tih a hlauhawm.
Inrinni a ni a, tih tùr țûl kan tih zawh hnuah chuan ka insu hlek a, in chung zâwlah chuan chhovin ka han pho a, ni lum ka ai pah nghâl zaih. Maremi'n ei tùr pe paha min rawn tlawh zawk a tum si a, chu chu ka nghâk pah deuh bawk.
Chhak lam dorm ațang chuan Opi'n min rawn ko ta.
"Zopui, visitor i nei a nia!" tiin.
A va rang ve! Ni lum pawh ka la kham lo asin, Opi chuan min fiam êm ka ring si lo. Maremi chuan ei tùr a lei hman em ni? Eng ei tùr tak rawn keng ang maw?
"Aw le, ka lo kal nghâl."
Ka sam hnawk deuh niaih chu ka țâwn țha peih lo, nakinah ka su dâwn tho. Lan mawi vak a ngai lo, Maremi a ni tho alawm le, ei tùr min rawn kensak zui, a rûkin ka nui var var.
Ka kal chho chu Opi chuan min lo fiam zui.
"A chhe lo teh a nia," tiin a nui sâng a.
"Ka lo biak ang che."
Ka zai chho pah rât rât a, visitor's room pawh ka en lo, Maremi chuan garage chung zâwlah awm a duh daih záwk tih ka hria.
Ka han thlen chhoh chuan," Eng ei tùr nge min rawn ken? Nimin lawkah kan inhmu tho sia, i va hmanhmawh-"
Ka mi hmuh avàng chuan ka țawng tàwp chiang kher mai!!! Ka kal lai pawh chu ka ding chat mai.
A chhiat lohzia chu a!!! Thawmhnaw dum vekin a inthuam a, a thil inbel dum lo awm chhun chu a sana chain rangkachak rawng chauh chu a ni, ka en thuak chuan ka hmu nghal vek!
"Eng nge i lo tih?" Min tihamhaih zo vek.
"Tu maw nimin lawka i hmuh chu?"
A thawmhnaw dum vek leh a aw thûm deuh dût, hniam reih rawih, thatchhiat hmel zet si hi a inhmeh bîk ka ti leh tawh!
"Tu mah."
"A rawn tlawh dâwn che a ni maw?" Thîkna awka ni àwm tak ka hriain ka hria, ka hre sual a ni ngei ang.
"Aw, tlawh dâwn chiang e." Eng vànga chutianga chhâng chu nge ka nih kher le? Maremi chu thîk se ka ti em ni? Nge mipa dangah ngai se ka ti zâwk?
"Eng vànga ti nge i nih?"
A ngaihna hre lo zet hian ka en hau mai! Ani lah chuan mit khap lêk lo hian min en rùn mai a, a zawhna chu ka man thiam lo tih pawh a hre lo a niang.
"Eng nge ka tih a?!"
"Hmàn zàna i thil sawi kha. Fiah takin han sawi teh."
Ka man chiah e.
"Inhmel hriat loh anga awm i duh chhan kha."
Ka țawngkam ka chhep sual ang tih ka hlauh vàngin sawi dàn tùr ngaihtuahin ka ngawi vang vang rih, bâkah, ka awm dàn leh hawiher ațangin ka rilru put hmang a hre chhuak ang tih pawh a hlauhawm, helam kawngah kher hi chuan a fin hmel bawk si.
"Zàna ka hruai chhuah vàng che kha em ni?"
"Țawng zawi deuh teh!" A thil sawi chu lo hria an awm ang tih hlauin ka hawi kual nasa mai, a țawng ring chuang lo nain lo hre palh an awm hlauh chuan a pawi dâwn lutuk.
"A chhan hrilh fiah chu ka phû vein ka hria."
Amah pawh en ngam lo chuan," Ka duh a ni tawp mai, bâkah, mi hmuhsit hmang i nih kha," ka ti ta daih mai!
A nuih hawk avàng chuan makti zet hian ka en nghâl vat. A nuih chu a za tak tak a niang, tilui hmel a pu miah lo; mahse, kei ve thung chu ka lo inseh ruh leh nghâl țùng thung.
"Ka hmusitah che i ngai maw?" A nuih a la zat hmel khawp mai.
"Thingtlâng nula ka nih hi, ka nihna hi a danglam ngai lo ang," ka ti hmarh hmarh a.
"Danglam tùrin ka duh hauh lo che."
"In in-race-naah min hruai tawh a, a tâwk tawh. I thu ka awih a, tunah chuan ka thu i awih ve hun a ni tawh, ka hrilh ang che khân inhre ngai lo anga awm hi a țha ber, ka tân," ka ti a, a tàwp ber thu erawh hi chu ka sawi ri tel ve lo.
"A țhat ber chhan chu?"
"Engati nge hetiang hian i awm tlat a? Ka thil sawi chu pawm ve mai ta che," ka ti leh a.
"Ka rilru min hneh hunah chuan ka pawm ve thei mahna!" a ti duh chauh.
Han sawi viau dàn ka hre si lo, min en rùn reng bawk si, awm dàn thiam a har khawp mai.
"Hmân zàn khân nuam i ti ve miah nange?" a rawn ti leh ta daih.
Nuam ti hran lo, hlauthãwng rêng rêngin hun ka hmang a, min man chhuak ang tih leh bike accident hlau rêng rêngin. Hlauthâwng rêng rêngin hun ka hmang tih pawh a hre tawp nâng.
"Hlauthâwnga hun hman nuam i ti ngai em ni?" ka ti ve thung.
"Oh...sorry..." a ti phawt a, chutah," Nuam ka tih avàngin i ti ve viau tùrah ka lo ngai asin," a ti leh sup a.
Nuam a ti maw? Ka tel ve vàngin, min hruai ve vàngin. Pakhatna a ni zui bawk. Aw, ni dâwn tak e, pakhatna a ni a, a hlimin nuam a ti viau tak ang chu maw le.
"A pawi khawp mai, rilru hlauthâwng rêng rênga hun ka hman a ngai kha ka thiam loh a ni; mahse, a thleng nawn tawh lo ang," ka ti sap a.
"I ai lo awh tùr dah chung pawh khân i la hlauthãwng fo maw?"
"Nang angin ka huai ve lo a ni ang e," ka ti deuh kher, ka sual reuh mang tak e aw. 'Aw' tih ve mai mai tùr a nia.
A thaw hawk ringawt.
Țhiante dàwr kal pawh a țhen an rawn haw, an rawn hmu ang tih ka hlau! Aw an rawn thian lui tliar tliar hlawm leh pek, min fiam nasa leh ngawt ang chu, kei chu min rawn hmu thei mai ang, ani erawh chu vànneihthlâk takin an hnungchhawn zâwngin a ding hlauh a, a hmel chu an hmu thei lo ang. Chimawmliana chuan thâwm chu hre ve mah se a hawi sawn lo rêng rêng, a tihzia tak tak!
Remchângah lain," Haw tawh rawh, chuan, lo kal tawh suh, hmel hriat loh an inbia an inbe ngai lo," ka ti a.
"Ka rilru i la hneh lo."
"Khawngaihin, ka ngèn che a ni, inhre ngai lo inhmel hriat loh angin awm tawh ang, a har lo ang, kan inhre chiang tak tak chuang hlei nem," ka ti ve fan a.
Min en vung vung hnuah chuan," Hmân zàna i lukhum leh kutkawr kha min pe lêt tawh rawh," a ti nghut.
Ka zak ru nghâl cham cham, ka lo hrechang tawh hauh lo niin, bâkah, Maremi emaw kha ka ti hrim hrim bawk a, ken chhoh nghál ngaihna ka hre lo a ni.
"Ka'n zu la ang e," tiin kan dorm lamah ka tlân thla nghâl vat, ka su fai sa vek tawh a, pêk mai theih tùrin polythene-ah ka khung sa thlap a ni.
Ka chhoh leh chuan a lo awm tawh miah lo!!!
Min tihawihai kher asin.
Maremi lo kal hnuah erawh nichina thil thleng kha chu ka theihnghilh leh ta vek rih. A ei tùr lo ken chu tui ti takin kan pahnihin kan ei dùn a, a titi barh barh a.
"Essa a lo kal tiraw?"
Ka thil ei chu ka tàwp nghâl chat.
"Engtin nge i hriat a?"
"Min rawn tlawh a."
Chu vàng a nih chiah chu ka room-a ka chhuk hlàna a lo awm loh ni, eng vàngin nge Maremi chu a tlawh ang le?
"A nih tak chu," ka ti nain Maremi a tlawh chhan chu ka hre thiam chuang lo. Ka țhiannu a nih vàng nge ni ang le? Eng thil tak sawi ang maw?
"Hmân zàna in chhuah dun chungchâng kha a sawi chhuak a."
Lalpa leh! Ka țhiannu hmaah min puan vek tihna a nih chu, a zia lo thei e.
"A pawi ka ti lutuk, eng mah ka hrilh loh che avàngin," ka inthiam loh êm avàng chuan ka ti sap a.
"Nia, min hrilh miah lo."
"Ih, eng lo a nia, hmuh tawh loh ka tum avàngin leh hostel-a ka țhiante hian min man chhuah loh nân ka chhuahpui a nih kha," ka ti ta nge nge a.
"Ka hria alawm."
Engtin nge a hriat? A hrilh tel vek tho tihna em ni?
"In chhuah hlàna i ai lo awh tùr khân min ngèn a."
Lalpa leh!! Mak ti zet, phâwk zetin ka en hau ringawt!! Khûk chem chema khûk ral daih ka va châk tak!
"Marem..." sawi tùr ber pawh ka hre lo.
"In hun hman dàn zawng zawng min hŕilh vek thei."
*I NIHNA ANGIN LANG FO RAWH, LEMCHAN KHER A NGAI LO, BUAINA TAM ZÂWK I TAWH LOH NÂN*
Step-ah chuan ka ai lo awhtu nèn chuan kan intâwk a, en pawh ka en ngam lo, ka zak, biak phei chu a hla lutuk ringawt!
An reh țhap a, ka thâwm an hria ang tih ka hlauh avàngin thãwm ka dìm tak zet, zanlai ang a ni tawh a, ka chhuak ru tih hria se mak an ti dâwn lutuk. Maremi leh ka chhûngte phei chuan an âwih thei hauh lo ang.
An hre lo ta sa sa, ka hrilh lo ang. Chuan, kha pa nèn khân chanchin eng emaw sawi tùr pawh kan nei tawh lo bawk ang, a chhan chu hmel hriat loh ang kan ni tawh dâwn, naktûk ațang chuan. Ka hrilh chian viau kha maw.
Mahse, ka rilru a nuam chuang miah lo, a hma aiin a hrehawm zâwk emaw tih mai tùr a ni. Kei hian thil țha lo tak ka ti a ni, ka thiam lo hmasa zâwk tlat. Ani kha chuan thiam lohna a nei hauh lo, keimah zâwk hi a bul tumtu ka ni, engah nge a hruai chhuah theih tùr leh a zuam theih tùra ka awm tlat ni? Mipa lakah indaidanna ka siam ka ti ve a, a bawhchhetu ka ni leh si, mi nêp tak chu ka lo ni.
Lukhum leh kutkawr ka pêk theihnghilh zui, a chí loh tak tak, ka hmanhmawh lutuk vàng vek a ni. Ka mu lah chu ka muhìl har khawp mai. Ka ngaihtuahna a vâk vêl a, kha pa hnêna khatiang thu sawi tùr khán a eng chiah nge ka nih? Ka lo indah sâng viau em ni? A bialnu pawh ka ni lo. Kei hian ka rilru ka pêk nasat ka hlauh vàng em ni a hnênah khatiang thu kha ka sawi? A bialnu ka ni lo ti siin ka infawhtîr thei bawk si...
A hmel kha chu a țha a ni. Zanin khân ka hmu chiang ve chauh, khatiang êm khân a țha a ni tih ka lo hre ngai lo a nia, engti enin nge maw ka lo en țhin le?!! Ruata'n 'a luck' tia a lo sawi pawh kha a lo àwm hliah hliah a ni. A hmel chu thuhran, mi rethei fapa chu a ni lo chiang mai a! A pian lah a nalh, a sâng zeih zawih viau bawk. Kan din dun pawhin a khabe hnuaiah a nih kha ka dah chhoh ve chauh ni, sâng tâwk tak chu a ni. A pâwn lam lan dànah hrim hrim chuan sawisèlna tùr ka hre lo, a dik vêl vek.
Mahse, a lakah ka inham buai thei lo ang, ani nèn chuan chhim leh hmar ang hlauh kan ni, bâkah, min hmuhsit êm kha, kha kha ka theihnghilh tùr a ni lo.
Ka lû a nat bûr vàngin class chu phûr lo zetin ka kal a, ka tha a za lo lutuk chu Maremi chuan mak min ti, min melh leh zoh zoh țhin; mahse, ka hmu lo der tlat thung, țawng pawh ka peih thlâwt lo.
Break lai chuan canteen-ah kan chàwl a, mi dang chàwl pawh an tam, an ri nuai nuai mai, a boruak chuan min tihrehawm zualin ka hria!
"Thil thleng a awm em?"
Ka nui lui sak," Eng thil maw?" tiin ka zâwt lêt a.
"I ngawi êm a."
"A, ka lu a nuam zân lo deuh a," tiin ka chhâng, dâwt a ni hleinem.
"Damdawi ka keng, ei la?"
"A reh ve mai ang, zàn ka men rei vàng a nia," ka ti leh a, ka sawi zo chiah chu ka inchhîr zat.
"Lehkha i zir rei a ni maw?"
Dâwt sawi ka duh loh vàngin ka nui ringawt, dâwt ka sawi tam tawh si a, ka inthlahrung ve tawh.
Nilêngin ka lu a nuam lo, haw thuai thuaia mut thlawp ka châk ber. Hetia ka awm chhan hi ka hre chiang nasa mai si a, a rûkin ka inhau mawlh mawlh reng. Ka nêp rah ka tuar a ni mai, tu mah puh tùr an awm lo.
Mak ve deuh mai chu, Chimawmliana chuan ka thu a awih ve tlat mai a nih chu! Min rawn phone lo va, min rawn text hek lo. Class ka kal lam leh haw lamte hian hmuh ka inring deuh thut thut a nia, hmuh tùr pawh a awm lo. A reh vang vang, ni li lai a ni tawh a nia! Ka thu a awih a nih chu ka ring leh chiah lo, tlâwm a inti lutuk zâwk a ni ang, ani ang tân chuan tlàwmthlâk deuh tùr asin, ka thil sawi khân a induhtâwkna a khawih che ve det a ni ngei ang.
Mahse, keimah zâwk hian hrehawm ka ti deuh si chu a nih hi, hmuh thut inringin ka mit ka lèn ruai ziah. P/s bul, Basketball court kan paltlang apiangin ka bazâr haw min lo chàn kha ka hre chhuak ziah lehnghâl. Hmm, a zùnah ka lo uai hman tawh chiang a ni, hetia a reh ta vang vang pawh hian țhatna riau a nei, ka inngaihtuah harh thei mahna. Ka hmuh chhunzawm zêl chuan ka hnar thei lo ang tih a hlauhawm.
Inrinni a ni a, tih tùr țûl kan tih zawh hnuah chuan ka insu hlek a, in chung zâwlah chuan chhovin ka han pho a, ni lum ka ai pah nghâl zaih. Maremi'n ei tùr pe paha min rawn tlawh zawk a tum si a, chu chu ka nghâk pah deuh bawk.
Chhak lam dorm ațang chuan Opi'n min rawn ko ta.
"Zopui, visitor i nei a nia!" tiin.
A va rang ve! Ni lum pawh ka la kham lo asin, Opi chuan min fiam êm ka ring si lo. Maremi chuan ei tùr a lei hman em ni? Eng ei tùr tak rawn keng ang maw?
"Aw le, ka lo kal nghâl."
Ka sam hnawk deuh niaih chu ka țâwn țha peih lo, nakinah ka su dâwn tho. Lan mawi vak a ngai lo, Maremi a ni tho alawm le, ei tùr min rawn kensak zui, a rûkin ka nui var var.
Ka kal chho chu Opi chuan min lo fiam zui.
"A chhe lo teh a nia," tiin a nui sâng a.
"Ka lo biak ang che."
Ka zai chho pah rât rât a, visitor's room pawh ka en lo, Maremi chuan garage chung zâwlah awm a duh daih záwk tih ka hria.
Ka han thlen chhoh chuan," Eng ei tùr nge min rawn ken? Nimin lawkah kan inhmu tho sia, i va hmanhmawh-"
Ka mi hmuh avàng chuan ka țawng tàwp chiang kher mai!!! Ka kal lai pawh chu ka ding chat mai.
A chhiat lohzia chu a!!! Thawmhnaw dum vekin a inthuam a, a thil inbel dum lo awm chhun chu a sana chain rangkachak rawng chauh chu a ni, ka en thuak chuan ka hmu nghal vek!
"Eng nge i lo tih?" Min tihamhaih zo vek.
"Tu maw nimin lawka i hmuh chu?"
A thawmhnaw dum vek leh a aw thûm deuh dût, hniam reih rawih, thatchhiat hmel zet si hi a inhmeh bîk ka ti leh tawh!
"Tu mah."
"A rawn tlawh dâwn che a ni maw?" Thîkna awka ni àwm tak ka hriain ka hria, ka hre sual a ni ngei ang.
"Aw, tlawh dâwn chiang e." Eng vànga chutianga chhâng chu nge ka nih kher le? Maremi chu thîk se ka ti em ni? Nge mipa dangah ngai se ka ti zâwk?
"Eng vànga ti nge i nih?"
A ngaihna hre lo zet hian ka en hau mai! Ani lah chuan mit khap lêk lo hian min en rùn mai a, a zawhna chu ka man thiam lo tih pawh a hre lo a niang.
"Eng nge ka tih a?!"
"Hmàn zàna i thil sawi kha. Fiah takin han sawi teh."
Ka man chiah e.
"Inhmel hriat loh anga awm i duh chhan kha."
Ka țawngkam ka chhep sual ang tih ka hlauh vàngin sawi dàn tùr ngaihtuahin ka ngawi vang vang rih, bâkah, ka awm dàn leh hawiher ațangin ka rilru put hmang a hre chhuak ang tih pawh a hlauhawm, helam kawngah kher hi chuan a fin hmel bawk si.
"Zàna ka hruai chhuah vàng che kha em ni?"
"Țawng zawi deuh teh!" A thil sawi chu lo hria an awm ang tih hlauin ka hawi kual nasa mai, a țawng ring chuang lo nain lo hre palh an awm hlauh chuan a pawi dâwn lutuk.
"A chhan hrilh fiah chu ka phû vein ka hria."
Amah pawh en ngam lo chuan," Ka duh a ni tawp mai, bâkah, mi hmuhsit hmang i nih kha," ka ti ta daih mai!
A nuih hawk avàng chuan makti zet hian ka en nghâl vat. A nuih chu a za tak tak a niang, tilui hmel a pu miah lo; mahse, kei ve thung chu ka lo inseh ruh leh nghâl țùng thung.
"Ka hmusitah che i ngai maw?" A nuih a la zat hmel khawp mai.
"Thingtlâng nula ka nih hi, ka nihna hi a danglam ngai lo ang," ka ti hmarh hmarh a.
"Danglam tùrin ka duh hauh lo che."
"In in-race-naah min hruai tawh a, a tâwk tawh. I thu ka awih a, tunah chuan ka thu i awih ve hun a ni tawh, ka hrilh ang che khân inhre ngai lo anga awm hi a țha ber, ka tân," ka ti a, a tàwp ber thu erawh hi chu ka sawi ri tel ve lo.
"A țhat ber chhan chu?"
"Engati nge hetiang hian i awm tlat a? Ka thil sawi chu pawm ve mai ta che," ka ti leh a.
"Ka rilru min hneh hunah chuan ka pawm ve thei mahna!" a ti duh chauh.
Han sawi viau dàn ka hre si lo, min en rùn reng bawk si, awm dàn thiam a har khawp mai.
"Hmân zàn khân nuam i ti ve miah nange?" a rawn ti leh ta daih.
Nuam ti hran lo, hlauthãwng rêng rêngin hun ka hmang a, min man chhuak ang tih leh bike accident hlau rêng rêngin. Hlauthâwng rêng rêngin hun ka hmang tih pawh a hre tawp nâng.
"Hlauthâwnga hun hman nuam i ti ngai em ni?" ka ti ve thung.
"Oh...sorry..." a ti phawt a, chutah," Nuam ka tih avàngin i ti ve viau tùrah ka lo ngai asin," a ti leh sup a.
Nuam a ti maw? Ka tel ve vàngin, min hruai ve vàngin. Pakhatna a ni zui bawk. Aw, ni dâwn tak e, pakhatna a ni a, a hlimin nuam a ti viau tak ang chu maw le.
"A pawi khawp mai, rilru hlauthâwng rêng rênga hun ka hman a ngai kha ka thiam loh a ni; mahse, a thleng nawn tawh lo ang," ka ti sap a.
"I ai lo awh tùr dah chung pawh khân i la hlauthãwng fo maw?"
"Nang angin ka huai ve lo a ni ang e," ka ti deuh kher, ka sual reuh mang tak e aw. 'Aw' tih ve mai mai tùr a nia.
A thaw hawk ringawt.
Țhiante dàwr kal pawh a țhen an rawn haw, an rawn hmu ang tih ka hlau! Aw an rawn thian lui tliar tliar hlawm leh pek, min fiam nasa leh ngawt ang chu, kei chu min rawn hmu thei mai ang, ani erawh chu vànneihthlâk takin an hnungchhawn zâwngin a ding hlauh a, a hmel chu an hmu thei lo ang. Chimawmliana chuan thâwm chu hre ve mah se a hawi sawn lo rêng rêng, a tihzia tak tak!
Remchângah lain," Haw tawh rawh, chuan, lo kal tawh suh, hmel hriat loh an inbia an inbe ngai lo," ka ti a.
"Ka rilru i la hneh lo."
"Khawngaihin, ka ngèn che a ni, inhre ngai lo inhmel hriat loh angin awm tawh ang, a har lo ang, kan inhre chiang tak tak chuang hlei nem," ka ti ve fan a.
Min en vung vung hnuah chuan," Hmân zàna i lukhum leh kutkawr kha min pe lêt tawh rawh," a ti nghut.
Ka zak ru nghâl cham cham, ka lo hrechang tawh hauh lo niin, bâkah, Maremi emaw kha ka ti hrim hrim bawk a, ken chhoh nghál ngaihna ka hre lo a ni.
"Ka'n zu la ang e," tiin kan dorm lamah ka tlân thla nghâl vat, ka su fai sa vek tawh a, pêk mai theih tùrin polythene-ah ka khung sa thlap a ni.
Ka chhoh leh chuan a lo awm tawh miah lo!!!
Min tihawihai kher asin.
Maremi lo kal hnuah erawh nichina thil thleng kha chu ka theihnghilh leh ta vek rih. A ei tùr lo ken chu tui ti takin kan pahnihin kan ei dùn a, a titi barh barh a.
"Essa a lo kal tiraw?"
Ka thil ei chu ka tàwp nghâl chat.
"Engtin nge i hriat a?"
"Min rawn tlawh a."
Chu vàng a nih chiah chu ka room-a ka chhuk hlàna a lo awm loh ni, eng vàngin nge Maremi chu a tlawh ang le?
"A nih tak chu," ka ti nain Maremi a tlawh chhan chu ka hre thiam chuang lo. Ka țhiannu a nih vàng nge ni ang le? Eng thil tak sawi ang maw?
"Hmân zàna in chhuah dun chungchâng kha a sawi chhuak a."
Lalpa leh! Ka țhiannu hmaah min puan vek tihna a nih chu, a zia lo thei e.
"A pawi ka ti lutuk, eng mah ka hrilh loh che avàngin," ka inthiam loh êm avàng chuan ka ti sap a.
"Nia, min hrilh miah lo."
"Ih, eng lo a nia, hmuh tawh loh ka tum avàngin leh hostel-a ka țhiante hian min man chhuah loh nân ka chhuahpui a nih kha," ka ti ta nge nge a.
"Ka hria alawm."
Engtin nge a hriat? A hrilh tel vek tho tihna em ni?
"In chhuah hlàna i ai lo awh tùr khân min ngèn a."
Lalpa leh!! Mak ti zet, phâwk zetin ka en hau ringawt!! Khûk chem chema khûk ral daih ka va châk tak!
"Marem..." sawi tùr ber pawh ka hre lo.
"In hun hman dàn zawng zawng min hŕilh vek thei."
*I NIHNA ANGIN LANG FO RAWH, LEMCHAN KHER A NGAI LO, BUAINA TAM ZÂWK I TAWH LOH NÂN*
Comments
Post a Comment