☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆2020☆ - 7 By Dingdi Pachuau
"Aw...aw le, ka rawn kal nghâl," tiin hmanhmawh hmel deuh chuan a chhuak ta nghâl a.
A chhuah hnu deuhah chuan,"Ninawm teh chawng hlawm êm mai a!" Ruata chuan a ti hlak hlak a.
"Essa bialnu em ni?" Maremi chuan min rawn melh ralh chung hian a ti a.
"Ka hriatpui lo ve, a tu hmeichhia tawh phawtin buaipui chûk ziah hlawm mai, ka ning hlawm a nia," nêm zet hian a ti hlaih hlaih a.
"Kan tel ve loh hrâm ka beisei," ka lo ti a.
"Nangnite chu tel nâng. Tenawm hlawm hian! Essa hian a lo ning ve ang em tih pawh an ngaihtuah hlawm lo, pawisa nei deuh hlek hi chu an pâk huam mai zawng a nih hi," a ti leh duai duai a.
Ruata hi chu, a rilru a chhia pawh a ni chuang lo, a mil loh zâwngte hi chu a sawisêl pawp pawp, a insûm ve hnì hnè ngai lo. Kan țhian dùn hi chuan kan ngam a, kan dàwr peih bawk a, bâkah, a thil zawrh tùr lo pack-sak leh thil tihpui kan peih a, min welcome țha êm êm reng, thingpui pawh flask-ah min ken kêp thlap zêl.
"Bawihi, a lo phone tawh che em?" Ruata chuan a ti sar sar a.
"Tuin maw?"
"Tlangvâl-luck-a chuan maw le."
"A theihnghilh leh tawh a niang?" Nui chung hian ka ti, dâwt ka sawi ve zauh, pawi lo êm mai.
"Ni leh pek tawh a niang, nula number hi a ngah tawh ngawtin a nia ka rin ni," tiin a nui awr awr a.
Haw kawngah chuan Maremi chuan," Rilru nat âwih loh," a ti sap a.
"Teuh lo mai!!! Engah nge a nat ngawt ang?" Uar zet hian ka lo ti a.
"Kuch kuch hota hai lo em ni?" Nui séng chuan a ti leh a.
"Vaițawng i va thiam!"
"Thu dang daih sawi suh aw," a ti leh a, kei ve thung chuan," I hnuaiah hian hindi class kal ka duh a ni," tiin fiamthuah ka lo lâksak a, a hnu deuhah phei chuan a hindi thiam chhun chhun chuan a țawng a, kan nui dùn vak vak a.
Sangzuala chuan engtin nge ka number a neih ka hre lo, min rawn bia a, mak ka ti lutuk! A zak lo chu ka ti viau nain a thil sawi 'Keimah vàng maiin khâng i nungchang mawi tak kha paih bo miah suh' a tih kha, kha kha ka ngaihtuah reuh reuh țhin a, insiam țhat chhoh ka tum ve ru reng tawh. Mipa lakah ka nèlawm lo tih ka hria a, chu chu keimah hian hrehawm ka ti ru țhìn. Mipa pakhat vàng maiin mipa zawng zawng deuhthaw ka haw vek ringawt a, tlêm chuan ka insiam țhat a ngai ka ti ve reng.
Tlai khat chu Chimawmliana chuan min rawn phone ve tlat! Kan inhmuh lohna leh kan inbiak lohna kâr hnih deuhthaw a tling tawh. Umm, ka lo chhinchhiah thlap a ni maw, eng thil nge ka tih?
"Naktûk zàn chu i chhuak thei ang tiraw?"
Leh ringawt mai a!
"Engvàngin nge ka chhuah ngawt ang?" ka ti deuh hmak.
"Kan in-race-naah i lo kal dâwn kha."
"Chutiang ka sawi àwm ka hre lo."
A thaw hawk a," Sawi lo, keiman ka sawi, hruai che ka duh alawm," a ti leh sup a.
"Ni lo ve, mi dang hruai tùr zawng zâwk rawh."
"Hruai che ka tum tawh!" a ti deuh tlat.
Kei chuan," Ka kal duh lo, bâkah zàn chhuah phal a ni lo," ka ti leh a.
"In hostel rules chu ka hre ve bawk e."
Zàn chhuah hi chu kan dìl phawt chuan an phal, college chinah phei hi chuan an strict lêm lo. Kan dorm-a mite pawh an chhuak ru fo, warden-in zan tìrah room a rawn fang kual a, keini dorm phei chu college kal lai vek kan nih vàngin a rawn fang ngai mang lo, kan free viau.
Engtin nge kan hostel rules chu a hriat theih le? E, Hmangaihi rawn tlawhin a rawn kal ve tawh kha, a hre vek thei tak ang chu maw le!
"A chhuah rúk theih tih fiah nân zaninah ka rawn kal ang, ka rawn hmu ang che."
Ka ngaihtuah zâwng ringawt pawhin ka thin a tiphu dawt dawt thei nia! Ka hlauthâwng țan nghâl. He pa ka lo hria hi ka tihsual lian ber a ni ang tih ka lo ngaihtuah pha hauh lo asin le!
"I rawn kal thei lo vang."
"Kan hria ang chu!" a ti ngur mai.
"An hmuh hlauh che chuan-"
Ka la sawi lai chuan," Nangmah hmu tùra ka rawn kal thu ka sawi mai ang chu," a la ti zui, a ngaihna a awm lo.
"Khawngaihin-"
"Naktûk zàna ka hruai chhuah dàn tùr che rawn practice a ngai alawm," a ti leh heu mai!
"Ka hmingchhiat i duh a ni maw?" In chung zâwlah ka awm hlauh a, a zia. Chuti chu ni lo se chuan ka țhiante chuan ka thil sawi chu hria se mak min ti ngawt ang.
"Min hmu kher nâng!"
A ngai awlsam si.
"Rawn kal suh, chuan mi dang hruai mai rawh, hruai tùr chu i hriat țeuh ka ring," ka ti ve ngial a.
"Hre țeuh; mahse, nangmah kher kha hruai che ka duh si a ni," a ti leh dût dût a.
"Ka kal duh lo!"
"Zanin chu, mi dang min hmuh i duh loh chuan in chung zâwlah khân lo awm ang che," tiin a phone chu a off hmak.
Aw, vàn mite u, min lo țanpui hrâm teh u!
Thu min pe thei lo ang,a thu ka awihna chhan tùr ka hre lo, a bialnu pawh ka ni lo va, an chhûng laina hnai lah ka ni hek lo.
Ka kal hauh lo ang. Thu min pe tùrin tu nge a nih teh chai le...a lo hriat țhin leh a lo kawp țhin hmeichhe dang angah min ngai ngawt a niang e...
Teuh lo mai!
Ka ngaih erawh a țha miah lo, awm nuamin ka awm thei lo bawk. Ka hlauthãwng ru reng a, a lo kal a nih hlauh chuan...mahse, ka hmu thei lo ang, a thu awih ka ni ringawt dâwn asin, a thu hnuaiah ka awm em ni?
Zanriah ei khamah chuan ka phone chu ka off a, min rawn call theih lohna tùrin. Rilrua lût lo zetin lehkha ka zir a, ka ți hrû mai. Rawn kal lo hrâm se...an man chhuah hlauh chuan, hmeichhe hostel a ni si, ka hming a chhe dâwn chiang.
Ka thaw leh hawk hawk țhìn, ka awm a nawm theih loh bâkah ka rilru pawh a nuam thei chuang lo, dâr zât ka en sek, ka va ning tak! He pa ka lo hre kher kher hi chu aw...
Dâr 8 a lo rîk chuan ka thaw a veng deuh hlek, a lo kal ta lo a niang, min phone thei dâwn si lo va, lo kal pawh ni se a beidawng mai ang. Dorm-ah êm chuan a rawn lût ngam àwm lo em mai a.
Tlêmin ka ngaih a țha ta deuh.
Mahse, thlanglam tukverha a rawn dâk ka hmuh chuan ka phu chiang teh asin! Ka hmui ka hup vat, chuti ni lo se chuan ka au chhuak ngei ngei ang. Engtin nge a rawn làwn theih ni! He pa hi, a rawn kal tak tak!! Tukverh ka lo khâr hman lo chu ka tisual chhiava a ni.
Bar a awm avàng erawh chuan a rawn lút thei lo ang,ka rilru ka tifîm hrâm hrâm a, ka hawi hual nghâl vat vat. Mi dangin an hmu ang tih ka hlau lutuk!
"Eng thil nge-"
"Ka-" a țawng rîk avàng chuan kâwlphe tluk zeta rangin a hmuiah ka zu hup, ka țuan țhat êm êm zia chu, mak ka ti zâwk hial!
Thinrim zet si, țawng ri ngam si lo hian,"Țawng ri suh, chhuk rawh, ka rawn chhuak ang," ka ti ta nge nge. A tân a hlauhawm bâkah ka tân pawh ka hlauthãwng, ka hming a chhe tùr chu ka ngai ngam lo.
A hmui ka hupna ka kut ka la sawn chiah chu a nui suk nia! Ka va thinrim tak! Hlauhthàwnna rilru min puttîr hrim hrim pawh chu ka thin a rim, ka la rùl lêt ang.
Ka jacket lum nuam tak chu la chhuakin ka ha phawt, pâwnah ka kal dâwn si a, a vawt dâwn asin.
Pâwn boruak chu a vawt var mai, fîmkhur takin, dorm danga mite hmuh hlau tak siin step-ah chuan ka chho dên dên a, pâwn lama éng a awm lo hlauh chu ka vànnei hle a ni.
In chung zâwl kalna tùrah gate a awm a, chu chu keini dorm lam hian chahbi kan kawl țhin avàngin kan kalh mai zêl. Tunah hian kan la kalh lo va, a rawn kal tlang awlsam mai mai a ni, lo kalh tawh ni ila chuan...
Hmm, luh rûk dàn a hre leh tho ang.
Gate bulah chuan a lo ding luah, thla a èn ve deuh hlek avàngin kan inhmu thei ruai ruai, bâkah dorm chhak lam tukverh ațangin êng a rawn chhuak tho a, a thim lêm lo.
"Engati nge i phone i off daih?"
A țawng thûm dût chu an hre thei ang tih ka hlauh vàngin a bânah chuan ka pawt dàwr dáwr, a chhak lam kil sîrah ka dinpui ta ringawt.
"Engati nge i lo kal? Min tihlauthãwng alawm," sehchilh nak hian ka ti sap a.
"Ka lo kal dâwn tih ka hrilh che kha."
"I sawi tùr sawi thuai la, haw vat rawh. Lo kal tawh ngai suh ang che," ka ti hmarh hmarh a, ka țawng ring ngam si lo, ka thin a rim bawk si.
"Naktûk zànah ka lo kal leh ang."
Min tibeidawng tawp. Engtizia nge hetiang hian a awm tlat le?
"Khawngaih takin, ka ngèn che, lo kal tawh lo hrâm rawh," tiin ka ngèn ta tawp, tihngaihna dang ka hre tawh lo.
"Naktûk zànah ka lo kal leh dâwn, ka hrilh tawh che kha."
Tlàwm chu a tum hauh lo.
"Ka kal duh lo ka tih tawh kha, ka chhuak thei lo," ka ti ringawt, ka bei a tidawng.
"Thei e, hei tunah pawh, i chhuak tih tu mahin an hre miah lo ang. Kan rei tawp nâng, hruai che ka duh, hnial bîk lo la."
A vâwt reuh si a, ka khabe a inkhâwng dat dat, ka kut chu nghet takin ka hûm a, ka jacket ipteah ka zen lút ve ve bawk.
"Ni lo, khawngaihin-"
Min rawn hnaih thut a, inrinna hun awm miah lo chuan min rawn kuah ta nghâl, a chêt dàn chu, ka lo inring si lo va, a âwm ka nghèng rawk mai!
"A vâwt i ti a nih kha," ti supin nghet fahran hian min kuah a, min kuah nghet lutuk a, ka thaw thei lo țêpin ka hria.
Ka maimichhîng tawp, he pa hian ka bei a tidawng a ni. A luhlulzia hi, a tum tawh chu tihtlang zél a tum a nih hmel.
"Mi dang hruai mai rawh," ka ti leh ringawt a.
"Mi dang ni lovin nangmah ngei hi hruai che ka duh a ni," ka chhîpa a khabe nghat pah chuan a ti sup a.
"Bike-ah ka chuang ngai lo," tiin chhuanlam ka hriat hmasak ber chu ka sawi ta ringawt.
"Car ka lo keng mai ang."
Hnial dàn tùr a vâng si, ka chhuanlam siam lah chu, eng mah lo mai a ni leh ta.
"Engati nge kei kher? Mi dang i hruai châk deuh deuh an awm țeuh àwm si a?" Ka tâl chhuak thei lo, min kuah nghet lutuk.
"Hnial phêt tum lo mai teh, nuam i ti viau ang."
Teuh lo, nuam ka ti lo ang, hlauthãwng rêng rênga hun hman hi a nuam thei ngai lo.
"Min man chhuak ngei ngei ang," ka ti leh.
"Ka kutah dah hmiah rawh, ngaihtuah duh suh," mahni inring tâwk zet hian a ti a nih chu, eng thil mah ani hian a ngaihtuah lo ang e. A ngaihtuah theih thil pawh a ni lo.
"Kal tawh rawh," tiin ka tâl țha leh, ani pawh chuan min thlah ve ta mai. A vâwt nghâl sawt mai.
"Hlauthãwng miah suh, an man chhuak lo ang che tih ka tiam e," tiin a rawn kûn hniam thut a, na zet hian ka hmuiah min rawn fâwp ta a nih chu!
Thil thleng chu a rang fahran lutuk a, ka awm dàn ngai rengin ka lo awm, lo hnial tùr pawhin a rang teh phut lutuk a, ka hriat chian chuan min lo fâwp mawlh mawlh tawh!
Ka țang ve leh hnuhnawh; mahse, ka bek tawn tawnah min vuan nghet si a, ka che sâwt hauh lo. Duhthawh zeta min fawh ngur ngur hnuah phei chuan ka thluak a tibuai a, a hnu deuhah phei chuan ka lo fâwp lêt ve ta hial nia!
Ka room ka thlen dàn pawh ka hre mumal lo, ka vài riai mai, ka thluakin hna a la thawk mumal thei lo, a la ni chiai mai!
Dârthlalangah ka thla ka hmu thut mai chuh, ka inhai țhelh! Ka meng dãvã riai a, ka sam a thur deuh a, ka hnar a sen deuh bâkah ka hmui pawh a pawrh deuh târhin ka hmu!
Ka rei! Keimah chu ka ni si a maw.
*MAHNI I INKHAWNGAIH VE ȚHIN EM? MAHNI INKHAWNGAIH KHÂN I DINHMUN A DANGLAM PHAH MIAH LO, ȚÛL LOAH I INTIHREHAWM MAI MAI A NI*
"Aw...aw le, ka rawn kal nghâl," tiin hmanhmawh hmel deuh chuan a chhuak ta nghâl a.
A chhuah hnu deuhah chuan,"Ninawm teh chawng hlawm êm mai a!" Ruata chuan a ti hlak hlak a.
"Essa bialnu em ni?" Maremi chuan min rawn melh ralh chung hian a ti a.
"Ka hriatpui lo ve, a tu hmeichhia tawh phawtin buaipui chûk ziah hlawm mai, ka ning hlawm a nia," nêm zet hian a ti hlaih hlaih a.
"Kan tel ve loh hrâm ka beisei," ka lo ti a.
"Nangnite chu tel nâng. Tenawm hlawm hian! Essa hian a lo ning ve ang em tih pawh an ngaihtuah hlawm lo, pawisa nei deuh hlek hi chu an pâk huam mai zawng a nih hi," a ti leh duai duai a.
Ruata hi chu, a rilru a chhia pawh a ni chuang lo, a mil loh zâwngte hi chu a sawisêl pawp pawp, a insûm ve hnì hnè ngai lo. Kan țhian dùn hi chuan kan ngam a, kan dàwr peih bawk a, bâkah, a thil zawrh tùr lo pack-sak leh thil tihpui kan peih a, min welcome țha êm êm reng, thingpui pawh flask-ah min ken kêp thlap zêl.
"Bawihi, a lo phone tawh che em?" Ruata chuan a ti sar sar a.
"Tuin maw?"
"Tlangvâl-luck-a chuan maw le."
"A theihnghilh leh tawh a niang?" Nui chung hian ka ti, dâwt ka sawi ve zauh, pawi lo êm mai.
"Ni leh pek tawh a niang, nula number hi a ngah tawh ngawtin a nia ka rin ni," tiin a nui awr awr a.
Haw kawngah chuan Maremi chuan," Rilru nat âwih loh," a ti sap a.
"Teuh lo mai!!! Engah nge a nat ngawt ang?" Uar zet hian ka lo ti a.
"Kuch kuch hota hai lo em ni?" Nui séng chuan a ti leh a.
"Vaițawng i va thiam!"
"Thu dang daih sawi suh aw," a ti leh a, kei ve thung chuan," I hnuaiah hian hindi class kal ka duh a ni," tiin fiamthuah ka lo lâksak a, a hnu deuhah phei chuan a hindi thiam chhun chhun chuan a țawng a, kan nui dùn vak vak a.
Sangzuala chuan engtin nge ka number a neih ka hre lo, min rawn bia a, mak ka ti lutuk! A zak lo chu ka ti viau nain a thil sawi 'Keimah vàng maiin khâng i nungchang mawi tak kha paih bo miah suh' a tih kha, kha kha ka ngaihtuah reuh reuh țhin a, insiam țhat chhoh ka tum ve ru reng tawh. Mipa lakah ka nèlawm lo tih ka hria a, chu chu keimah hian hrehawm ka ti ru țhìn. Mipa pakhat vàng maiin mipa zawng zawng deuhthaw ka haw vek ringawt a, tlêm chuan ka insiam țhat a ngai ka ti ve reng.
Tlai khat chu Chimawmliana chuan min rawn phone ve tlat! Kan inhmuh lohna leh kan inbiak lohna kâr hnih deuhthaw a tling tawh. Umm, ka lo chhinchhiah thlap a ni maw, eng thil nge ka tih?
"Naktûk zàn chu i chhuak thei ang tiraw?"
Leh ringawt mai a!
"Engvàngin nge ka chhuah ngawt ang?" ka ti deuh hmak.
"Kan in-race-naah i lo kal dâwn kha."
"Chutiang ka sawi àwm ka hre lo."
A thaw hawk a," Sawi lo, keiman ka sawi, hruai che ka duh alawm," a ti leh sup a.
"Ni lo ve, mi dang hruai tùr zawng zâwk rawh."
"Hruai che ka tum tawh!" a ti deuh tlat.
Kei chuan," Ka kal duh lo, bâkah zàn chhuah phal a ni lo," ka ti leh a.
"In hostel rules chu ka hre ve bawk e."
Zàn chhuah hi chu kan dìl phawt chuan an phal, college chinah phei hi chuan an strict lêm lo. Kan dorm-a mite pawh an chhuak ru fo, warden-in zan tìrah room a rawn fang kual a, keini dorm phei chu college kal lai vek kan nih vàngin a rawn fang ngai mang lo, kan free viau.
Engtin nge kan hostel rules chu a hriat theih le? E, Hmangaihi rawn tlawhin a rawn kal ve tawh kha, a hre vek thei tak ang chu maw le!
"A chhuah rúk theih tih fiah nân zaninah ka rawn kal ang, ka rawn hmu ang che."
Ka ngaihtuah zâwng ringawt pawhin ka thin a tiphu dawt dawt thei nia! Ka hlauthâwng țan nghâl. He pa ka lo hria hi ka tihsual lian ber a ni ang tih ka lo ngaihtuah pha hauh lo asin le!
"I rawn kal thei lo vang."
"Kan hria ang chu!" a ti ngur mai.
"An hmuh hlauh che chuan-"
Ka la sawi lai chuan," Nangmah hmu tùra ka rawn kal thu ka sawi mai ang chu," a la ti zui, a ngaihna a awm lo.
"Khawngaihin-"
"Naktûk zàna ka hruai chhuah dàn tùr che rawn practice a ngai alawm," a ti leh heu mai!
"Ka hmingchhiat i duh a ni maw?" In chung zâwlah ka awm hlauh a, a zia. Chuti chu ni lo se chuan ka țhiante chuan ka thil sawi chu hria se mak min ti ngawt ang.
"Min hmu kher nâng!"
A ngai awlsam si.
"Rawn kal suh, chuan mi dang hruai mai rawh, hruai tùr chu i hriat țeuh ka ring," ka ti ve ngial a.
"Hre țeuh; mahse, nangmah kher kha hruai che ka duh si a ni," a ti leh dût dût a.
"Ka kal duh lo!"
"Zanin chu, mi dang min hmuh i duh loh chuan in chung zâwlah khân lo awm ang che," tiin a phone chu a off hmak.
Aw, vàn mite u, min lo țanpui hrâm teh u!
Thu min pe thei lo ang,a thu ka awihna chhan tùr ka hre lo, a bialnu pawh ka ni lo va, an chhûng laina hnai lah ka ni hek lo.
Ka kal hauh lo ang. Thu min pe tùrin tu nge a nih teh chai le...a lo hriat țhin leh a lo kawp țhin hmeichhe dang angah min ngai ngawt a niang e...
Teuh lo mai!
Ka ngaih erawh a țha miah lo, awm nuamin ka awm thei lo bawk. Ka hlauthãwng ru reng a, a lo kal a nih hlauh chuan...mahse, ka hmu thei lo ang, a thu awih ka ni ringawt dâwn asin, a thu hnuaiah ka awm em ni?
Zanriah ei khamah chuan ka phone chu ka off a, min rawn call theih lohna tùrin. Rilrua lût lo zetin lehkha ka zir a, ka ți hrû mai. Rawn kal lo hrâm se...an man chhuah hlauh chuan, hmeichhe hostel a ni si, ka hming a chhe dâwn chiang.
Ka thaw leh hawk hawk țhìn, ka awm a nawm theih loh bâkah ka rilru pawh a nuam thei chuang lo, dâr zât ka en sek, ka va ning tak! He pa ka lo hre kher kher hi chu aw...
Dâr 8 a lo rîk chuan ka thaw a veng deuh hlek, a lo kal ta lo a niang, min phone thei dâwn si lo va, lo kal pawh ni se a beidawng mai ang. Dorm-ah êm chuan a rawn lût ngam àwm lo em mai a.
Tlêmin ka ngaih a țha ta deuh.
Mahse, thlanglam tukverha a rawn dâk ka hmuh chuan ka phu chiang teh asin! Ka hmui ka hup vat, chuti ni lo se chuan ka au chhuak ngei ngei ang. Engtin nge a rawn làwn theih ni! He pa hi, a rawn kal tak tak!! Tukverh ka lo khâr hman lo chu ka tisual chhiava a ni.
Bar a awm avàng erawh chuan a rawn lút thei lo ang,ka rilru ka tifîm hrâm hrâm a, ka hawi hual nghâl vat vat. Mi dangin an hmu ang tih ka hlau lutuk!
"Eng thil nge-"
"Ka-" a țawng rîk avàng chuan kâwlphe tluk zeta rangin a hmuiah ka zu hup, ka țuan țhat êm êm zia chu, mak ka ti zâwk hial!
Thinrim zet si, țawng ri ngam si lo hian,"Țawng ri suh, chhuk rawh, ka rawn chhuak ang," ka ti ta nge nge. A tân a hlauhawm bâkah ka tân pawh ka hlauthãwng, ka hming a chhe tùr chu ka ngai ngam lo.
A hmui ka hupna ka kut ka la sawn chiah chu a nui suk nia! Ka va thinrim tak! Hlauhthàwnna rilru min puttîr hrim hrim pawh chu ka thin a rim, ka la rùl lêt ang.
Ka jacket lum nuam tak chu la chhuakin ka ha phawt, pâwnah ka kal dâwn si a, a vawt dâwn asin.
Pâwn boruak chu a vawt var mai, fîmkhur takin, dorm danga mite hmuh hlau tak siin step-ah chuan ka chho dên dên a, pâwn lama éng a awm lo hlauh chu ka vànnei hle a ni.
In chung zâwl kalna tùrah gate a awm a, chu chu keini dorm lam hian chahbi kan kawl țhin avàngin kan kalh mai zêl. Tunah hian kan la kalh lo va, a rawn kal tlang awlsam mai mai a ni, lo kalh tawh ni ila chuan...
Hmm, luh rûk dàn a hre leh tho ang.
Gate bulah chuan a lo ding luah, thla a èn ve deuh hlek avàngin kan inhmu thei ruai ruai, bâkah dorm chhak lam tukverh ațangin êng a rawn chhuak tho a, a thim lêm lo.
"Engati nge i phone i off daih?"
A țawng thûm dût chu an hre thei ang tih ka hlauh vàngin a bânah chuan ka pawt dàwr dáwr, a chhak lam kil sîrah ka dinpui ta ringawt.
"Engati nge i lo kal? Min tihlauthãwng alawm," sehchilh nak hian ka ti sap a.
"Ka lo kal dâwn tih ka hrilh che kha."
"I sawi tùr sawi thuai la, haw vat rawh. Lo kal tawh ngai suh ang che," ka ti hmarh hmarh a, ka țawng ring ngam si lo, ka thin a rim bawk si.
"Naktûk zànah ka lo kal leh ang."
Min tibeidawng tawp. Engtizia nge hetiang hian a awm tlat le?
"Khawngaih takin, ka ngèn che, lo kal tawh lo hrâm rawh," tiin ka ngèn ta tawp, tihngaihna dang ka hre tawh lo.
"Naktûk zànah ka lo kal leh dâwn, ka hrilh tawh che kha."
Tlàwm chu a tum hauh lo.
"Ka kal duh lo ka tih tawh kha, ka chhuak thei lo," ka ti ringawt, ka bei a tidawng.
"Thei e, hei tunah pawh, i chhuak tih tu mahin an hre miah lo ang. Kan rei tawp nâng, hruai che ka duh, hnial bîk lo la."
A vâwt reuh si a, ka khabe a inkhâwng dat dat, ka kut chu nghet takin ka hûm a, ka jacket ipteah ka zen lút ve ve bawk.
"Ni lo, khawngaihin-"
Min rawn hnaih thut a, inrinna hun awm miah lo chuan min rawn kuah ta nghâl, a chêt dàn chu, ka lo inring si lo va, a âwm ka nghèng rawk mai!
"A vâwt i ti a nih kha," ti supin nghet fahran hian min kuah a, min kuah nghet lutuk a, ka thaw thei lo țêpin ka hria.
Ka maimichhîng tawp, he pa hian ka bei a tidawng a ni. A luhlulzia hi, a tum tawh chu tihtlang zél a tum a nih hmel.
"Mi dang hruai mai rawh," ka ti leh ringawt a.
"Mi dang ni lovin nangmah ngei hi hruai che ka duh a ni," ka chhîpa a khabe nghat pah chuan a ti sup a.
"Bike-ah ka chuang ngai lo," tiin chhuanlam ka hriat hmasak ber chu ka sawi ta ringawt.
"Car ka lo keng mai ang."
Hnial dàn tùr a vâng si, ka chhuanlam siam lah chu, eng mah lo mai a ni leh ta.
"Engati nge kei kher? Mi dang i hruai châk deuh deuh an awm țeuh àwm si a?" Ka tâl chhuak thei lo, min kuah nghet lutuk.
"Hnial phêt tum lo mai teh, nuam i ti viau ang."
Teuh lo, nuam ka ti lo ang, hlauthãwng rêng rênga hun hman hi a nuam thei ngai lo.
"Min man chhuak ngei ngei ang," ka ti leh.
"Ka kutah dah hmiah rawh, ngaihtuah duh suh," mahni inring tâwk zet hian a ti a nih chu, eng thil mah ani hian a ngaihtuah lo ang e. A ngaihtuah theih thil pawh a ni lo.
"Kal tawh rawh," tiin ka tâl țha leh, ani pawh chuan min thlah ve ta mai. A vâwt nghâl sawt mai.
"Hlauthãwng miah suh, an man chhuak lo ang che tih ka tiam e," tiin a rawn kûn hniam thut a, na zet hian ka hmuiah min rawn fâwp ta a nih chu!
Thil thleng chu a rang fahran lutuk a, ka awm dàn ngai rengin ka lo awm, lo hnial tùr pawhin a rang teh phut lutuk a, ka hriat chian chuan min lo fâwp mawlh mawlh tawh!
Ka țang ve leh hnuhnawh; mahse, ka bek tawn tawnah min vuan nghet si a, ka che sâwt hauh lo. Duhthawh zeta min fawh ngur ngur hnuah phei chuan ka thluak a tibuai a, a hnu deuhah phei chuan ka lo fâwp lêt ve ta hial nia!
Ka room ka thlen dàn pawh ka hre mumal lo, ka vài riai mai, ka thluakin hna a la thawk mumal thei lo, a la ni chiai mai!
Dârthlalangah ka thla ka hmu thut mai chuh, ka inhai țhelh! Ka meng dãvã riai a, ka sam a thur deuh a, ka hnar a sen deuh bâkah ka hmui pawh a pawrh deuh târhin ka hmu!
Ka rei! Keimah chu ka ni si a maw.
*MAHNI I INKHAWNGAIH VE ȚHIN EM? MAHNI INKHAWNGAIH KHÂN I DINHMUN A DANGLAM PHAH MIAH LO, ȚÛL LOAH I INTIHREHAWM MAI MAI A NI*
Ngaihnawm bon
ReplyDelete