☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆REBEK☆ - 10 By Dingdi Pachuau
"Tihchi nâng."
"Eng nge a chi lohna?"
"A tihchi loh a ni tawp mai."
"Keimah bâkin an hre dáwn hlei nem."
"Tiang hian min nawr tlat zel lo la?"
"Min riahtîr mai la?"
Ni lo, zanin chu a sawi ang hian din tlaivàr a tum tak tak em ka fiah dáwn.
"Haw zâwk mai teh."
"Ka ding tlaivâr mai ang."
"I duh a thu le,"ka ti ve hmak a.
Eng mah sawi lo chuan a chhuak ve mai bawk a, kawngka chu ka kalh a, ka mu nghal titih dèr. Nakin deuhah ka bihthla ang, a thu sawiah a ding ngût ang em?
Ka muhìl sek a ni ang, ka phone ka ti ěng a, dâr 12 a ri țêp. Ka tho vat a, ventilation darthlalang ațangin pâwn chu ka bih a, ka hmu miah lo. Kha maw, a sawi ve mai mai a ni, inah hawin mu lum se, a nuam daih rěng ang.
Che deuh ka hmu tlat!
Ka'n bih țha leh a, en thuak kha chuan hmuh a lo har bawk a ni. Chhuk bih pawhin bih chian a lo ngai ém a ni, ka kawngkhàr nghèng chuan a lo la ding tak tak!
He pa hi chu aw!
Kawngkhàr ka hawng vat a, hmui dâng lapin min lo en a. Vâwt a ti tih chu sawi kher lo mah se a hriat vek. In chhûngah ka pawt lût a, pâwn boruak vawt var mai chuan min ti mûr ar ar hial a.
"Mãwla, luhlul chhuah mah ta che, mãwl leh lutuk mai. Pâwna i din khân eng nge hlâwkna i neih?"
Hau mawlh mawlh pah chuan a kawr hâk vâwt thlur chu ka hlîp a, puan nuam ka sin chuan zàwnin ka kuah a. A hmai leh a bengte pawh a vâwt thlur mai; a kut erawh chu a kekawrlum iptea a zen luh tlat avàngin a vawt lutuk lo.
"Naupang tihmawh angin awm tlat țhìn suh, hlâwkna a awm lo."
"I bulah ka riah theih phah."
Hm, hahthlâk hian.
Mutnaah chuan min kuah chial a, tunah chuan a vâwt tawh bîk lo. A kut lian zet chuan ka kut chu hûmin a hûm bo hneh khawp ang chu.
"Hmân zàna i lo riah, tûkah khan dâr eng zâtah nge i haw?"
"Dâr 4:30-ah."
"Engtin nge thawh hun i hriat chat bîk a?"
"Ka muhìl lo hrim hrim."
A va mak àwm ve, kei lah ka mu tui ropui si. Ka hnâr ang em aw?
"Ngati nge? I muhìl thei lo tihna em ni?"
"Ka muhìl phal lo zâwk."
Ka nghâwngah min fâwp phawt a, chutah, min kuai herin ka hmuiah min fâwp leh a, kei pawhin a hmui lum thar thar chu duhthawh zet hian ka lo fâwp lêt ve bawk a. Chu chuan a ti phûr tih hriat reng, duhãm zet hian ka hmui mai ni lo, ka beng kâwmah leh ka nghâwngah te chuan a fâwp ta zel a.
Nuamti takin ka lo thaw halh halh a, ka duh ber leh ka hmangaihin min fâwp a ni a, țang tùr ka awm lo, țan a țùlna pawh ka hre lo.
A kut chuan ka kawr a rawn zen a,kawrhnuai ka hâk loh avàngin a kut hrawl zetin ka âwm a rawn khawih chuan ka nuamti chu ka lo thaw tãwi hat hat a, ka khùr dar dar bawk, vâwt chu ka ti hauh lo.
"Rebek..."
A aw thûm, zàwi leh sehchilh zet ațang chuan ani pawh a pângngai tawh bîk lo tih ka hria. Amaha hetianga effect ka nei ve thei hi ka lãwm hle a ni. A kut chu lain ka fâwp zauh a, min hmu chiang thei lo nângin ka nuih sak bawk a.
"Zanin chu... min hnial suh aw."
Hnial thei dinhmunah pawh ka ding tawh lo, keimah zâwk hian ka hruai dik lo zo tawh.
A kut chuan ka taksa chu a chûl kual a, chung lam mai duh tâwk lo chuan ka âwm ațang chuan zàwi muangin a chûl thla a, ka dul thêp zaih mai chu chûl zai zaiin a aia hnuai chu chùl leh a tum lai chuan a kut chu mansakin,"Ka virgin tawh lo va,"ka ti ta sap a. Ka sawi loh chuan a hre dáwn tho tho si a, hrilh hriat ka duh ta zâwk a ni.
"A pawi lo, kei pawh ka virgin chuang lo."
Ka sawi tùr hi ka huphurh tak zet a ni; mahse, a vawi khatna atân ka sawi ngei ang, ka up rei ve tawh em mai.
"Pâwngsual ka ni a..."
A che lai chu a tàwp chiang khawp mai.
Chutah, a kut hrawl zet chuan ka hmai a rawn chûl a, ka chalah fâwpin,"Thil thleng chu min hrilh vek duh ang em?"a ti sup a, a aw chhuak chuan min ngèn tak meuh niin ka hria.
Ka mitthlaah ka nunhlui zawng zawng chu a rawn inlâr ta zut zut a.
"Ka pahrawnin min pâwngsual a ni."
Ka pa hi a dam rei lo va, ka pa thih hnu kum thum hnuah ka nuin pasal dang a nei ta a, ka pahrawn chu a la țhalai zek zawk khawp mai. Ka nu a duh ve mai pawh kha mak ka ti a, tûn hnua ka ngaihtuah hian kan sum vàng a nih ka ring ta.
Ka pahrawn chuan min duat khawp mai; mahse, ka nêl thei miah lo. Ka pa țhianpa, Pa Thanate inah ka lêng ziah țhin. Ka pa kha a hna vàngin sawn kual a ni deuh reng țhin a, Aizawlah kan awm rei ber. A hnuah Lungleiah kan awm leh a, ka pa țhianpa Pa Thana sikulah ka kal țhìn. Min duat bawk a, kei pawhin an chhûngkua ka nêl vek.
Ka nu a hrisêl lo chho a,ka theih tâwk chuan ka ngaihtuah ve țhìn khawp mai. Ka la naupang viau nain ka theih ang angin ka enkawl ve a, ka pahrawn hian eng nge a tih țhin ka hre lo. Chhùnah a chhuak a, zànah pawh a châng chuan a chhuak țhìn tho.
Zan khat chu lehkha ka zir a, test tùr kan neih avàngin ka zir ngawrh ve khawp mai a, ka meng rei bawk. Room-a lehkha ka zir lai chuan ka pahrawn chu a rawn lût a,(hetih lai hian ka nu chu a mu daih tawh)a rim ațang chuan zu a in tih a hriat theih a. A rûk tak chuan ka hlau khawp mai a, ka lo en kar ringawt a.
"Bekte, i va zir nasa ve!"
"Nia,"ti ringawtin ka chhâng.
Ka bulah rawn țhuin min rawn chûl thuak thuak a, ka hlau lutuk chu ka râk țhat mai. Ka hmui rawn hupin,"Bengchheng siam suh ang che, i bengchhen vaih chuan..."tiin a kekawr kâwng ațang chuan chemte a rawn phawrh nghal a. Ka la naupang bawk a, ka hlau kher mai, ka che ngam tawh lo va, min dang bet hneh khawp.
A hnua thil thleng chu ka sawi chhuak ngai lo. Ka hlau lutuk leh rilru na bawk si kha kan in ațangin ka chhuak a, Pa Thanate inah ka awm char char. Thil thleng min zâwt a, eng mah ka sawi lo. Ka sawi chhuak a nih chuan kei leh ka nuin kan tuar dáwn, ka nu pasal a ni a, a thil tih țha lo tak chu hriattîr ka duh lêm lo. Keimah hi awm bo ila a dik zâwk ang.
Mipa ka hnaih ngai lo va, ka be hmasa ngai hek lo. Pa Thana erawh hi chu pa anga ka en a nih vàngin ka be serh chuang lo, an in ațangin sikul ka kal, kan inah ka lêt leh tawh lo hrim hrim. Ka pain ka hminga bank-a pawisa a dah hmangin lehkha ka zir zawm a, Lungleia awm pawh ka duh lo. Lehkha zir pahin ka theih ang angin ka inhlawh a, ka nu chanchin erawh ka hre zauh zauh. A boral thuai, mak ka ti lutuk. A hrisêl fahran lo tih chu ka hria; mahse, a thi thut chu mak ka ti. Kan in chu ka pahrawn chuan a rochun nghal, ka pahrawn hi ka ringhlel deuh nain eng mah ka sawi chhuak lo. A chungah phuba lâk ka tum hran lo, Pathianin a duh hunah a la mai ang tih ka ring tlat a. In nei lo mah ila, Pathian zâra ka dam chuan ka ei tùr tâwk chu ka thawk chhuak ve em em ang.
College ka kal hnuah erawh chuan mipa laka ka inlâk hranna chu a reh ve deuh ta a, țhianah pawh mipa țhian ka nei ve a, kum têl ka kawm hnuah chuan ka zia tawh lutuk. Hlim takin ka nuihpui bãwk bãwk thei tawh a, ngaihzâwng pawh pakhat chu ka nei ve, mahse; min mutpui a tum a, ka țhen hmak.
Pâwngsual ka nih vàngin nghawng țha lo keimahah lan loh tîr ka tum hrâm hrâm a, ka bei nasa viau bawk. Nèlawm loh, thinchhia leh induh tia miin min sawina pawh hi mipa ka biak tam loh vàng a ni pakhat a, a theih hrâm chuan biak hmasak loh hi ka la tum ve ngar ngar țhìn.
Ka mittui a tla tih rêng ka lo hre lo, a âwmah nghet zetin min kuah bet a, duat tih hriat zetin ka chalah fâwpin ka hnung a chûl bawk a. Țawngkain sawi lo mah se, ka tawrhna chu min tawrhpui ve tho tih ka hria a, bâkah ka thil sawi avàng chuan ka thâwl huaiin ka hria a, ka rilru a zãng hawk bawk.
"Min la duh tho em?"
"Min țhen ve dáwn em?"
"Eng angin nge i ngaih?"
"Tunah tak hi chuan i pahrawn aia ka țhat bîkna ka hre lo a ni."
Kuah lêt chãih chãih pah chuan,"Nang chu i dang alawm," ka ti sap a.
"Khawih che ka tum tho si a."
"Ka bialpa i ni tlat alawm."
Ka chhîp fâwp vang vang pah chuan," Rebek, min ngai dam ang che, i thil tawn râpthlâk tak ka hriat loh avàngin. I duh loh zawng a awm hi ka tum miah lo. Chuan, ka tân chuan nula thianghlim i ni reng bawk ang,"a ti sup a.
Hetia a bula mut hi nuam ka ti. Min kuah reng bawk si a, ka thla a muang hliah hliah. Ani chauh hi innghahna ka neihchhun a ni tawh a, min chêtsualpui mah se, ka țhen miah lo ang.
Mahse, engtin mah a che zawm tawh lo. Duat takin min chûl hleuh hleuh reng a, ka mut pawh a rawn chhuak selh selh tawh mai.
"Zanin chu muhìl ve tawh rawh aw."
"Muhìl phawt la."
Nia, ka mut a chhuak alawm, min chûl hliau hliau reng bawk si a; mahse, muhìl ve tawh ngei se ka duh a ni.
"Mang țha, mut tui aw."
"Nang pawh le."
Zînga ka harh chuan a lo awm leh tawh lo. A mutna hnu chu ka chûl ka chûl a, ka ngai a ni. Mu chunga min kuah kha nuam ka ti a, ka muthilh thlenga min chûl kha nuam ka ti bawk, ka him veng veng bîkin ka hre tlat a ni.
Whatsapp message a lo awm vàng tawh a.
*Ka zak viau, i duh loh zawngin ka che chhun zawm lo thei ta hrâm. I innghahna tlâk nih ka duh, eng tikah mah ka kalsan dáwn lo che, ka tân chuan i la thianghlim reng tih hi theihnghilh ngai suh ang che.*
Ka chhiar zo chu ka mittui a parawl kuang mai. Ka thianghlim tawh loh avàngin min hmusit lo va, min kalsan a tum hek lo. Kei pawhin ka kalsan lo tawp ang, amahin min kalsan a nih ngawt loh chuan.
Apuii hman remchàn veleh kan pahnihin a inah chuan kan lêng ve a, Nundika leh Muantei an la awm lo bawk a, inthlahrunna leh zahna tùr a awm hran lo.
Apuii chuan,"Muantei hi eng tikah nge a lo phei dáwn?"tiin a zâwt a.
"Ka chiang chiah lo nain ni 12 vêlah hian a ni ang."
"In inah hian a awm reng mai dáwn em ni?"
Ka hriat châk, ka zawh ngam si loh a nia, a chhànna ka hre châk tawp.
"Dáwn lo ve."
A va tãwi ve.
"Quarter saw a luah thei ang chu, a rem reuh em em lehnghal a."
"Nia, a tum alawm. Thingpui in ang u aw."
Apuii chuan,"Ngawi teh, chhûngpuinu ber tùr hian han lum teh se, a lum vawi khatna pawh a ni dáwn asin,"a lo ti a, a nui var var a.
"In lo lèn vawi khatna a ni si a, a bo lutuk palh ang. Bâkah, ka lumtîr phal lo, ka duat ém asin."
Hm, a ti zahthlâk vêl e.
Apuii hi chu ka zah hran lo; mahse, a mit ti kham zawng a awm chu ka tum chuang lo. Zànah a awm loh laiin Nunhlua nèn kan awm dùn thei reng a, inthlahlel viau mah ila, mi bulah chuan tih lan kher țûl ka ti lo.
Thingpui erawh chu ka siam ve a, Apuii chuan," A tui viau ang chu, hmangaihna nèn hi chuan engkim hi a tui vêl vek a ni,"ka va pêk lai chuan a lo ti kher a, ka chhu lawlh țêp a ni.
Zochhangban kan a lo nei ve ngei. Thingpui hâng leh kurtai nèn kan hmeh a, tui ka ti tawp. Ka ei țeuh mai.
"A tui kher mai!"
"A boruak azir pawh hi a ni ve a."
Rum zetin Apuii chu ka melh a, ani lah chuan,"Min melh rum lo mai teh, i mit kiau kuau kha a lian ropui si, bâwng mit a an an nèn,"a ti leh hmanhmawh a, ka nuih a za tho si a, ka insûm thei lo.
Ka hlim vàng hian ni hi a kal chak ka ti. Ni khat hi rei lo ka ti thei em em a, zàn ka nghahhlelh țhin vàng a ni mahna, zan tin a lo lêng a ni deuh mai. Ka han hâu ve deuh țhìn nain kei pawhin ka thlahlelin ka ngai ve tho bawk si a, ka hâu na ngam lo a ni ber mai.
Rova pawhin a lo hre ve tawh a, sikulah min fiam zuk zuk mai. Mi hmuhah hi chuan kan fîmkhurin kan awm dùn khât khawp asin le, bike-a kan inphur kha a lo hre ve a ni ang.
"Khuallàwm, bike-a inphur apiang hi inngaizawng an ni kher em ni?"
Apuii'n min lo chhan leh khauh mai.
"Nang lah hi, lo inrawlh ziah suh, pân lovah tho a fu lo."
"A fu ve bawk. Pânah kher lo pawh a fu ve țhìn."
"I va hre ve!"
"Hria e, nizànah i lêng leh tawh em?"
"Ka hrilh pît ang che."
"I chang chuang lo, a duh chuang lo ang che."
"Ka bêm tak tak dáwn che."
"I chhe mai a nih chu."
Mi dang chu kan lo nui vek a, anni pahnih hi chu an inngam bawk a, na deuh deuh hian an inchhâng a, an thinrim chuang hlei lo va. Min tihlimin kan nui nasa thei hle a ni.
Pathianni tlaiah Țhaate an lo lêng leh a, a rui ang reng. John-a pawhin nuam a ti vak lovin ka hria, ani hi chuan a in ve ngai pawhin ka hre lo. Țhaa hi chuan a duh deuh mah mah chu a ni.
Zànah Apuii a rawn inkhâwm lo va, mak ka ti ru viau. Țhaate kha an hãw hma riauin ka hre bawk si a, ani hi, a zui hãw ve nghal em ni le? Ka ring chiah lo deuh bawk si a.
Biak in ațanga ka chhuah chuan ka phone nghal a, țap aw deuh țiau hian min lo chhâng a, thil dik lo a awm tih ka hre thei nghal mai.
"I in kawtah ka lo nghâk che."
Hmanhmawh ang reng deuhin in lam pan chuan ka kal hlawk hlawk a, Nunhlua hi lo lèn a tum leh ngei àwm si a, zanin kan boruak tùr hi hriat thiam a va har dáwn ve le.
Kawtah chuan min lo nghâk reng a, puan a lo sin thûn mai. Thil awmzia zawh nghal char char ka duh teh lul nèn, in chhûngah lût phawt ang.
Khua a la vawh deuh avàngin heater ka on phawt a, a bulah țhuin thil awmzia chu ka zâwt nghal a.
"Tihchi nâng."
"Eng nge a chi lohna?"
"A tihchi loh a ni tawp mai."
"Keimah bâkin an hre dáwn hlei nem."
"Tiang hian min nawr tlat zel lo la?"
"Min riahtîr mai la?"
Ni lo, zanin chu a sawi ang hian din tlaivàr a tum tak tak em ka fiah dáwn.
"Haw zâwk mai teh."
"Ka ding tlaivâr mai ang."
"I duh a thu le,"ka ti ve hmak a.
Eng mah sawi lo chuan a chhuak ve mai bawk a, kawngka chu ka kalh a, ka mu nghal titih dèr. Nakin deuhah ka bihthla ang, a thu sawiah a ding ngût ang em?
Ka muhìl sek a ni ang, ka phone ka ti ěng a, dâr 12 a ri țêp. Ka tho vat a, ventilation darthlalang ațangin pâwn chu ka bih a, ka hmu miah lo. Kha maw, a sawi ve mai mai a ni, inah hawin mu lum se, a nuam daih rěng ang.
Che deuh ka hmu tlat!
Ka'n bih țha leh a, en thuak kha chuan hmuh a lo har bawk a ni. Chhuk bih pawhin bih chian a lo ngai ém a ni, ka kawngkhàr nghèng chuan a lo la ding tak tak!
He pa hi chu aw!
Kawngkhàr ka hawng vat a, hmui dâng lapin min lo en a. Vâwt a ti tih chu sawi kher lo mah se a hriat vek. In chhûngah ka pawt lût a, pâwn boruak vawt var mai chuan min ti mûr ar ar hial a.
"Mãwla, luhlul chhuah mah ta che, mãwl leh lutuk mai. Pâwna i din khân eng nge hlâwkna i neih?"
Hau mawlh mawlh pah chuan a kawr hâk vâwt thlur chu ka hlîp a, puan nuam ka sin chuan zàwnin ka kuah a. A hmai leh a bengte pawh a vâwt thlur mai; a kut erawh chu a kekawrlum iptea a zen luh tlat avàngin a vawt lutuk lo.
"Naupang tihmawh angin awm tlat țhìn suh, hlâwkna a awm lo."
"I bulah ka riah theih phah."
Hm, hahthlâk hian.
Mutnaah chuan min kuah chial a, tunah chuan a vâwt tawh bîk lo. A kut lian zet chuan ka kut chu hûmin a hûm bo hneh khawp ang chu.
"Hmân zàna i lo riah, tûkah khan dâr eng zâtah nge i haw?"
"Dâr 4:30-ah."
"Engtin nge thawh hun i hriat chat bîk a?"
"Ka muhìl lo hrim hrim."
A va mak àwm ve, kei lah ka mu tui ropui si. Ka hnâr ang em aw?
"Ngati nge? I muhìl thei lo tihna em ni?"
"Ka muhìl phal lo zâwk."
Ka nghâwngah min fâwp phawt a, chutah, min kuai herin ka hmuiah min fâwp leh a, kei pawhin a hmui lum thar thar chu duhthawh zet hian ka lo fâwp lêt ve bawk a. Chu chuan a ti phûr tih hriat reng, duhãm zet hian ka hmui mai ni lo, ka beng kâwmah leh ka nghâwngah te chuan a fâwp ta zel a.
Nuamti takin ka lo thaw halh halh a, ka duh ber leh ka hmangaihin min fâwp a ni a, țang tùr ka awm lo, țan a țùlna pawh ka hre lo.
A kut chuan ka kawr a rawn zen a,kawrhnuai ka hâk loh avàngin a kut hrawl zetin ka âwm a rawn khawih chuan ka nuamti chu ka lo thaw tãwi hat hat a, ka khùr dar dar bawk, vâwt chu ka ti hauh lo.
"Rebek..."
A aw thûm, zàwi leh sehchilh zet ațang chuan ani pawh a pângngai tawh bîk lo tih ka hria. Amaha hetianga effect ka nei ve thei hi ka lãwm hle a ni. A kut chu lain ka fâwp zauh a, min hmu chiang thei lo nângin ka nuih sak bawk a.
"Zanin chu... min hnial suh aw."
Hnial thei dinhmunah pawh ka ding tawh lo, keimah zâwk hian ka hruai dik lo zo tawh.
A kut chuan ka taksa chu a chûl kual a, chung lam mai duh tâwk lo chuan ka âwm ațang chuan zàwi muangin a chûl thla a, ka dul thêp zaih mai chu chûl zai zaiin a aia hnuai chu chùl leh a tum lai chuan a kut chu mansakin,"Ka virgin tawh lo va,"ka ti ta sap a. Ka sawi loh chuan a hre dáwn tho tho si a, hrilh hriat ka duh ta zâwk a ni.
"A pawi lo, kei pawh ka virgin chuang lo."
Ka sawi tùr hi ka huphurh tak zet a ni; mahse, a vawi khatna atân ka sawi ngei ang, ka up rei ve tawh em mai.
"Pâwngsual ka ni a..."
A che lai chu a tàwp chiang khawp mai.
Chutah, a kut hrawl zet chuan ka hmai a rawn chûl a, ka chalah fâwpin,"Thil thleng chu min hrilh vek duh ang em?"a ti sup a, a aw chhuak chuan min ngèn tak meuh niin ka hria.
Ka mitthlaah ka nunhlui zawng zawng chu a rawn inlâr ta zut zut a.
"Ka pahrawnin min pâwngsual a ni."
Ka pa hi a dam rei lo va, ka pa thih hnu kum thum hnuah ka nuin pasal dang a nei ta a, ka pahrawn chu a la țhalai zek zawk khawp mai. Ka nu a duh ve mai pawh kha mak ka ti a, tûn hnua ka ngaihtuah hian kan sum vàng a nih ka ring ta.
Ka pahrawn chuan min duat khawp mai; mahse, ka nêl thei miah lo. Ka pa țhianpa, Pa Thanate inah ka lêng ziah țhin. Ka pa kha a hna vàngin sawn kual a ni deuh reng țhin a, Aizawlah kan awm rei ber. A hnuah Lungleiah kan awm leh a, ka pa țhianpa Pa Thana sikulah ka kal țhìn. Min duat bawk a, kei pawhin an chhûngkua ka nêl vek.
Ka nu a hrisêl lo chho a,ka theih tâwk chuan ka ngaihtuah ve țhìn khawp mai. Ka la naupang viau nain ka theih ang angin ka enkawl ve a, ka pahrawn hian eng nge a tih țhin ka hre lo. Chhùnah a chhuak a, zànah pawh a châng chuan a chhuak țhìn tho.
Zan khat chu lehkha ka zir a, test tùr kan neih avàngin ka zir ngawrh ve khawp mai a, ka meng rei bawk. Room-a lehkha ka zir lai chuan ka pahrawn chu a rawn lût a,(hetih lai hian ka nu chu a mu daih tawh)a rim ațang chuan zu a in tih a hriat theih a. A rûk tak chuan ka hlau khawp mai a, ka lo en kar ringawt a.
"Bekte, i va zir nasa ve!"
"Nia,"ti ringawtin ka chhâng.
Ka bulah rawn țhuin min rawn chûl thuak thuak a, ka hlau lutuk chu ka râk țhat mai. Ka hmui rawn hupin,"Bengchheng siam suh ang che, i bengchhen vaih chuan..."tiin a kekawr kâwng ațang chuan chemte a rawn phawrh nghal a. Ka la naupang bawk a, ka hlau kher mai, ka che ngam tawh lo va, min dang bet hneh khawp.
A hnua thil thleng chu ka sawi chhuak ngai lo. Ka hlau lutuk leh rilru na bawk si kha kan in ațangin ka chhuak a, Pa Thanate inah ka awm char char. Thil thleng min zâwt a, eng mah ka sawi lo. Ka sawi chhuak a nih chuan kei leh ka nuin kan tuar dáwn, ka nu pasal a ni a, a thil tih țha lo tak chu hriattîr ka duh lêm lo. Keimah hi awm bo ila a dik zâwk ang.
Mipa ka hnaih ngai lo va, ka be hmasa ngai hek lo. Pa Thana erawh hi chu pa anga ka en a nih vàngin ka be serh chuang lo, an in ațangin sikul ka kal, kan inah ka lêt leh tawh lo hrim hrim. Ka pain ka hminga bank-a pawisa a dah hmangin lehkha ka zir zawm a, Lungleia awm pawh ka duh lo. Lehkha zir pahin ka theih ang angin ka inhlawh a, ka nu chanchin erawh ka hre zauh zauh. A boral thuai, mak ka ti lutuk. A hrisêl fahran lo tih chu ka hria; mahse, a thi thut chu mak ka ti. Kan in chu ka pahrawn chuan a rochun nghal, ka pahrawn hi ka ringhlel deuh nain eng mah ka sawi chhuak lo. A chungah phuba lâk ka tum hran lo, Pathianin a duh hunah a la mai ang tih ka ring tlat a. In nei lo mah ila, Pathian zâra ka dam chuan ka ei tùr tâwk chu ka thawk chhuak ve em em ang.
College ka kal hnuah erawh chuan mipa laka ka inlâk hranna chu a reh ve deuh ta a, țhianah pawh mipa țhian ka nei ve a, kum têl ka kawm hnuah chuan ka zia tawh lutuk. Hlim takin ka nuihpui bãwk bãwk thei tawh a, ngaihzâwng pawh pakhat chu ka nei ve, mahse; min mutpui a tum a, ka țhen hmak.
Pâwngsual ka nih vàngin nghawng țha lo keimahah lan loh tîr ka tum hrâm hrâm a, ka bei nasa viau bawk. Nèlawm loh, thinchhia leh induh tia miin min sawina pawh hi mipa ka biak tam loh vàng a ni pakhat a, a theih hrâm chuan biak hmasak loh hi ka la tum ve ngar ngar țhìn.
Ka mittui a tla tih rêng ka lo hre lo, a âwmah nghet zetin min kuah bet a, duat tih hriat zetin ka chalah fâwpin ka hnung a chûl bawk a. Țawngkain sawi lo mah se, ka tawrhna chu min tawrhpui ve tho tih ka hria a, bâkah ka thil sawi avàng chuan ka thâwl huaiin ka hria a, ka rilru a zãng hawk bawk.
"Min la duh tho em?"
"Min țhen ve dáwn em?"
"Eng angin nge i ngaih?"
"Tunah tak hi chuan i pahrawn aia ka țhat bîkna ka hre lo a ni."
Kuah lêt chãih chãih pah chuan,"Nang chu i dang alawm," ka ti sap a.
"Khawih che ka tum tho si a."
"Ka bialpa i ni tlat alawm."
Ka chhîp fâwp vang vang pah chuan," Rebek, min ngai dam ang che, i thil tawn râpthlâk tak ka hriat loh avàngin. I duh loh zawng a awm hi ka tum miah lo. Chuan, ka tân chuan nula thianghlim i ni reng bawk ang,"a ti sup a.
Hetia a bula mut hi nuam ka ti. Min kuah reng bawk si a, ka thla a muang hliah hliah. Ani chauh hi innghahna ka neihchhun a ni tawh a, min chêtsualpui mah se, ka țhen miah lo ang.
Mahse, engtin mah a che zawm tawh lo. Duat takin min chûl hleuh hleuh reng a, ka mut pawh a rawn chhuak selh selh tawh mai.
"Zanin chu muhìl ve tawh rawh aw."
"Muhìl phawt la."
Nia, ka mut a chhuak alawm, min chûl hliau hliau reng bawk si a; mahse, muhìl ve tawh ngei se ka duh a ni.
"Mang țha, mut tui aw."
"Nang pawh le."
Zînga ka harh chuan a lo awm leh tawh lo. A mutna hnu chu ka chûl ka chûl a, ka ngai a ni. Mu chunga min kuah kha nuam ka ti a, ka muthilh thlenga min chûl kha nuam ka ti bawk, ka him veng veng bîkin ka hre tlat a ni.
Whatsapp message a lo awm vàng tawh a.
*Ka zak viau, i duh loh zawngin ka che chhun zawm lo thei ta hrâm. I innghahna tlâk nih ka duh, eng tikah mah ka kalsan dáwn lo che, ka tân chuan i la thianghlim reng tih hi theihnghilh ngai suh ang che.*
Ka chhiar zo chu ka mittui a parawl kuang mai. Ka thianghlim tawh loh avàngin min hmusit lo va, min kalsan a tum hek lo. Kei pawhin ka kalsan lo tawp ang, amahin min kalsan a nih ngawt loh chuan.
Apuii hman remchàn veleh kan pahnihin a inah chuan kan lêng ve a, Nundika leh Muantei an la awm lo bawk a, inthlahrunna leh zahna tùr a awm hran lo.
Apuii chuan,"Muantei hi eng tikah nge a lo phei dáwn?"tiin a zâwt a.
"Ka chiang chiah lo nain ni 12 vêlah hian a ni ang."
"In inah hian a awm reng mai dáwn em ni?"
Ka hriat châk, ka zawh ngam si loh a nia, a chhànna ka hre châk tawp.
"Dáwn lo ve."
A va tãwi ve.
"Quarter saw a luah thei ang chu, a rem reuh em em lehnghal a."
"Nia, a tum alawm. Thingpui in ang u aw."
Apuii chuan,"Ngawi teh, chhûngpuinu ber tùr hian han lum teh se, a lum vawi khatna pawh a ni dáwn asin,"a lo ti a, a nui var var a.
"In lo lèn vawi khatna a ni si a, a bo lutuk palh ang. Bâkah, ka lumtîr phal lo, ka duat ém asin."
Hm, a ti zahthlâk vêl e.
Apuii hi chu ka zah hran lo; mahse, a mit ti kham zawng a awm chu ka tum chuang lo. Zànah a awm loh laiin Nunhlua nèn kan awm dùn thei reng a, inthlahlel viau mah ila, mi bulah chuan tih lan kher țûl ka ti lo.
Thingpui erawh chu ka siam ve a, Apuii chuan," A tui viau ang chu, hmangaihna nèn hi chuan engkim hi a tui vêl vek a ni,"ka va pêk lai chuan a lo ti kher a, ka chhu lawlh țêp a ni.
Zochhangban kan a lo nei ve ngei. Thingpui hâng leh kurtai nèn kan hmeh a, tui ka ti tawp. Ka ei țeuh mai.
"A tui kher mai!"
"A boruak azir pawh hi a ni ve a."
Rum zetin Apuii chu ka melh a, ani lah chuan,"Min melh rum lo mai teh, i mit kiau kuau kha a lian ropui si, bâwng mit a an an nèn,"a ti leh hmanhmawh a, ka nuih a za tho si a, ka insûm thei lo.
Ka hlim vàng hian ni hi a kal chak ka ti. Ni khat hi rei lo ka ti thei em em a, zàn ka nghahhlelh țhin vàng a ni mahna, zan tin a lo lêng a ni deuh mai. Ka han hâu ve deuh țhìn nain kei pawhin ka thlahlelin ka ngai ve tho bawk si a, ka hâu na ngam lo a ni ber mai.
Rova pawhin a lo hre ve tawh a, sikulah min fiam zuk zuk mai. Mi hmuhah hi chuan kan fîmkhurin kan awm dùn khât khawp asin le, bike-a kan inphur kha a lo hre ve a ni ang.
"Khuallàwm, bike-a inphur apiang hi inngaizawng an ni kher em ni?"
Apuii'n min lo chhan leh khauh mai.
"Nang lah hi, lo inrawlh ziah suh, pân lovah tho a fu lo."
"A fu ve bawk. Pânah kher lo pawh a fu ve țhìn."
"I va hre ve!"
"Hria e, nizànah i lêng leh tawh em?"
"Ka hrilh pît ang che."
"I chang chuang lo, a duh chuang lo ang che."
"Ka bêm tak tak dáwn che."
"I chhe mai a nih chu."
Mi dang chu kan lo nui vek a, anni pahnih hi chu an inngam bawk a, na deuh deuh hian an inchhâng a, an thinrim chuang hlei lo va. Min tihlimin kan nui nasa thei hle a ni.
Pathianni tlaiah Țhaate an lo lêng leh a, a rui ang reng. John-a pawhin nuam a ti vak lovin ka hria, ani hi chuan a in ve ngai pawhin ka hre lo. Țhaa hi chuan a duh deuh mah mah chu a ni.
Zànah Apuii a rawn inkhâwm lo va, mak ka ti ru viau. Țhaate kha an hãw hma riauin ka hre bawk si a, ani hi, a zui hãw ve nghal em ni le? Ka ring chiah lo deuh bawk si a.
Biak in ațanga ka chhuah chuan ka phone nghal a, țap aw deuh țiau hian min lo chhâng a, thil dik lo a awm tih ka hre thei nghal mai.
"I in kawtah ka lo nghâk che."
Hmanhmawh ang reng deuhin in lam pan chuan ka kal hlawk hlawk a, Nunhlua hi lo lèn a tum leh ngei àwm si a, zanin kan boruak tùr hi hriat thiam a va har dáwn ve le.
Kawtah chuan min lo nghâk reng a, puan a lo sin thûn mai. Thil awmzia zawh nghal char char ka duh teh lul nèn, in chhûngah lût phawt ang.
Khua a la vawh deuh avàngin heater ka on phawt a, a bulah țhuin thil awmzia chu ka zâwt nghal a.
Comments
Post a Comment