☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆REBEK☆ - 12 By Dingdi Pachuau
Driver bula țhu, nu la valai deuh chuan,"Ngawi teh u, Remi kha a lo lêt ta a ni maw? Mi sawi ka hre tlat mai,"a ti a.
Kan țhutna sîra țhu putar lam tawh chuan," Lo lêt an tih tak kha. Kum 13 vel hnuah a rawn lêt leh a ni a, a fapa pawhin a lo hre tawp nâng,"a ti charh charh a.
"Nunhlua chuan engtin tak lo dawngsawng ang maw?"
"A duh ém mai, a lo pawm thei mai ang."
"A fapa nu a ni a, nupui a la nei bîk lo va, an awm dùn thei mai ang."
"Mahse, Nunhlua tân chuan lo pawm leh ringawt pawh a har duh àwm e."
"A hmangaih ém mai, a ngai dam thei lutuk ang."
"Nimin khân ka rawn phur hãw tak alawm, an fiam deuh hlut lehnghal a. A chhe lo ka ti, nuthlawi a ni tih a hriat miah loh."
Hetiang hi an titi dàn a ni.
Nunhlua nupui hlui chu Remi maw lo ni a? Engvànga lo lêt leh ta nge a nih le? Kum tam tak a vei tawh si a, nupui a nei leh tawh rih lo tih hriain leh, a hmangaihzia hriain a rawn lêt a ni ngei ang.
Chuan, a nupui chu a lo lêt leh ta a, kan pahnih inkâr hi engtin nge ni ta ang le?
In ka thlen pawhin eng mah ka ti peih lo, ka mu tlawk tlawk mai. Ka taksa chau leh rilru hmang nasa lutuk chuan min tichau hluah hluah zualin ka hria.
Zànah pawh ka che peih chuang lo, tlaia ka mut ang ang chuan ka mu reng a, Apuii a rawn kal a, ka tho ve chiah.
"Chaw i ei nange?"
"Ka ei peih lo."
"En teh, U Nunhlua nupui hlui kha a lo lêt leh tawh asin."
Ka hria tih a la hre lo a nih dáwn hi, ka chhâng lo, ka ngawih reng avàng chuan mak a ti deuh a ni ang.
"I hre tawh em ni a?!! Mak i tih ka rin nèn."
"Vawiin sumo-ah an sawi a."
"Chuan?"
"Chuan, ka hre ve."
"Nizànah a lo lêng lo tihna a ni maw?"
"Lêng lo, a buai dáwn ém chu."
"An nu ngati nge a lo lêt leh ringawt le?"
Za lo deuh hian ka nui sak a, "Amah zawh chi a nih chu,"ka ti sap ringawt a.
"U Nunhlua'n a lo phone tal lo che em ni a?"
"Phone kher ka ngai chuang hlei nem, min rawn phone lo mah se, hei ka hre tho alawm."
"In awm dàn hi...a mak dáwn e, engtin nge ni ang?"
Chhàn ngaihna ka hre lo, ka hre lo tak tak a ni. Nundika nu a lo lêt a, a nupui dik tak niin a fapa nu a ni. Rilru na tak leh zahthlâk takin kalsan mah se, hmangaihna chuan ngaihdam theih loh a nei lo va, duh takin a lo pawm leh thei mai ang.
"A mak e, U Remi rěng rěng pawh U Nunhlua duh lovin tlangvâl dang a ûm tawh a, a rawn lêt leh ngam hi a mak ka ti. A tlangvâl ûm-a khân a lo hmangaih lo tawp a nih dáwn hi. U Nunhlua rilru chu a buai àwm mang e, nang leh Remi: khawi zâwk nge a thlan tâk ang?"
Ka țhiani ţhìn hi chu aw...
"A nupui a ni a, hmangaih taka a neih a ni alawm."
Kei chu a nupui êm ka la ni lo va, a ngaihzawng mai ka ni. A thinlungah chuan a nupui, duh taka a neih, a fapa nu chuan hmun a chang tam daih ang a, a hmangaih lutuk bawk ang.
Ngaihtuah loh ka duh, suangtuahna dik lo neih ka duh hek lo.
"Ka riahpui che i duh em?"
"Ngai lo mai rawh se, ka lãwm e."
Zàn muthilh a va har teh lul em! Khumah chuan ka let ka let a, ngaihtuah loh ka tum poh leh thil dang ka ngaihtuah thei lo sauh bawk si. Story ka chhiar sateh a, rilruah a lût hlawl bawk si lo. A hnuah phei chuan ka mu peih lo, ka tho nge nge a.
Ka pum a ri rak rak a, eng mah ka ei châk lo. Țhutthlengah ka țhu a, ka țhu rei peih lo. Ka tho a, chhuatah chuan ka vei ka vei a, heti chiama ka awm chhan hi engvàng nge? Nunhlua nupui hlui lo lêt vàng maw? Eng nge chu chu ka lo buaipui chiam le? A lo lêt ve a ni mai a, an innei leh azeng pawh a ni lo. Mut theih loh phah nân ka lo hmang chu a ni si, mi ngaihah phei chuan a ho ngawt ang.
Zîngah lu rit lûkin ka tho a, zîng lamah ka mut sek vàng a ni ang, tlêm chuan ka harh ve deuh chuan ka hria; mahse, ka lu a rit.
Sikul kal a ngaih vàngin peih lo deuhin ka insiam a, ka thâ erawh a za zar lo khawp mai. Ka thawhpuite hmuhah phei chuan hetiang hian ka awm tùr a ni lo reng reng, ka ti lang tùr a ni lo.
Rova leh Apuii an inhnial leh a, ka nuih an ti za lehpek khawp mai. Rova chuan engtin tin emaw a fiam a, Apuii chuan nui chung hian a chhâng lêt zel a.
"Single life hi a nuam i ti riauin ka hria?"
"Ka single bawk lo."
"Ka hre ve khawp mai che, sunday-ah an rawn lèn ziah kha."
"Teuh lo."
"Nang pawh hi Khuallàwmi i nih hi."
"Ka ni tawh leu."
"Kha maw, i inpuang chiang hle mai."
Kan nui kar kar a, he mite pahnih hi chuan nuihna min siam hnem teh e, rilru hlim loh ber lai pawhin rilru zãngkhai ka put theih phah ţhìn.
Chhùnah thing buk hnuaiah ka țhu leh a, Apuii pawh a rawn lawr rang khawp mai.
"I mu thei em?"
"Thei e."
"Daw suh, i hmelah a hriat vek alawm le."
"I hriat tho chuan min zawh loh mai tùr alawm."
"Zanin chu ka riahpui tawh ang che aw."
"A ngai lo, in lamah in buai theih ém kha."
Nunhlua chungchâng ni lo, thil dang kan sawi a, Rova chungchâng leh a message dawn chungchâng chu a sawi a, kan nui mai mai a.
"Rova hian a star deuh chein ka hria."
Ani lah chuan,"Fiamthu vek a nih kha, bialnu a nei an ti alawm le,"inti hre zet hian a lo ti thung a.
"Ka chîk deuh ang, Rova hi fel ka ti riau asin, a rilru a zau bâkah a fel bawk a."
"Hmánah ka star tawh asin, ka tleiràwl chhoh laiin."
"Eu, a fuh dáwn e, i single rei ta bawk a, a țha viau ang."
"Bialnu a nei tih mawlh mawlh chu aw..."
"A nei tak tak pawhin ka ring lo ve."
Chutiang mai mai kan sawi avàng chuan ka rilru pawhin Nunhlua ka hre chhuak ta rih lo va, a zia ka ti tawp.
Zànah dâr 8 velah Nunhlua a rawn lang hlawl mai.
Eng mah hre lo ang maiin,"I reh hle mai, i riak leh ta daih emaw ka ti a,"ka lo ti a, ka nui sâng a.
Eng mah sawi lovin min kuah a, ka inthiam lo deuh ngawt nia. Kuah lêt pawh ka tum nain ka tîm deuh tlat.
"Thil thleng hi i hre lo tih sawi tum miah suh, hre lo anga lan der pawh a ngai lo."
Hm, min hre chiang tawh khawp mai, ka inhriat chian aiin min hre chiang zâwk tlat.
Ka ngawi reng tho. Sawi tùr ka hre lo va, sawi dàn tùr pawh ka hre lo.
"Ka ngai che a."
Um, kei pawhin ka ngai lutuk che. Tuna thil thleng vàng hian nun pângngaiin ka nun theih loh phah tih pawh i hre lo ang.
"Kei pawhin ka ngai che."
"Tlãn bo dùn daih ang."
A thil sawi chu a inhmeh lo lutuk a, makti zetin ka en chho vat a. Hetiang rilru a pu thei hi ka awih lo zâwk a ni.
"I inhmeh lo a nia!"
"Mahni hma ka sial i ti em?"
A rilru a buai tak zet tih ka hre thei mai. Fîm takin ngaihtuah se chuan a fapa hi a tlàn bosan duh dáwn lo chiang tih ka hria, chuvàngin, a rilru hah, buai hian hetiang țawngkam hi a phuh chhuak tih hriat reng.
"Thingpui ka lum ang che aw."
Thingpui in chhûngin a nupui hlui chanchin chu ka zâwt chiang a.
"Ka awm loh hlànin a lo thleng a, a fapa bulah chuan a lo insawi vek tawh niin. Leilet ațanga ka haw,in ka lût chiah chu Bawiha chuan hlim deuh hian,'Pa, ânu a lo haw a,'a ti a, mak pawh ka ti hman lo. Bathroom ațanga a lo chhuak chiah nèn chuan kan inhmachhawn ta nghal a."
"Mak ka ti a, mak ka tihna chu thinrimnain a rawn thlâk a. A duh hun huna min rawn pan tùr ka ni lo tih hi ka ngaihtuahnaah a awm a. Bawiha chu awm lo se chuan ka vìn țhawt ang, ka mitmeng ațangin ka rilru chu a lo man thiam vat a, dam diaiin min be ta sawk sawk a."
"Bawiha lah chu a hlim em em mai si a, khatiang khawpa a hlim hmel kha ka la hmu ngai lo. Ka fapa vàng chauhin thinrim hmel ka hmuh lo a ni."
Chuvàng a lo nih chiah chu, Nundika kha a sikul bâng chiah rang zeta a tlàn haw tâk kha. A nu chu a lo ngai tak zet a nih dàwn hi, a àwm viau a ni.
"Zànah Bawiha mut hnuah thil awm dàn ka zâwt a. A tlangvâl ûm nèn khân kum 1 an awm dùn a, an ințhen hnuah a pate hnênah a lêt ngam tawh si lo va, mi hnuaiah a inhlawh kual ta a ni àwm e. Aizawl lamah hlîr khawsain kum hnih kal ta khân Lungleiah a rawn phei a, boarding school-ah inhlawhin hun a hmang a, tlêm lai deuh khân a awm dàn dik lo avànga inentîrin doctor chuan cancer a nih a ring a, Aizawl lam a refer ta a; mahse, Aizâwlah pawh chuan phei lovin a thih hma ngeia Bawiha a hmuh châk avàngin a rawn chho ta a ni."
A sawi zawhah chuan a thaw halh a," Ka hmangaih hle țhìn, engtiang takin nge ka hmangaih tih pawh hi a hre lo ang. A hliam min pêk na tak kha hmangaihnain nangin min tuam damsak a. Ka tân hian i hlû asin, i hlutzia hi i inhre phâk lo hial ang, nun pângngai ka hman leh theih phah a,"a ti leh sup sup a.
Sawi tùr ka ngah a; mahse, sawi chhuah kher țûl ka ti lo.
"Eng emaw tal sawi teh, min demna thu tal pawh?"
"Ka dem lo che, demna tùr i awm hlei nem."
"Ka rilru ti buaitu chu Bawiha hi a ni, a nu hi a duh nghal em em mai si a, sikul a rawn kalsan thei țâwk a ni a, rilru put dàn thiam a har ém a ni."
A nu a takah a hmuh vawi khatna a ni dáwn a, ani naupang rilru thianghlim phei chuan a ngaina nghal dáwn tih hriat reng; chu bâkah, a nu pawhin a hmangaih dáwn chiang sa a, an inhmuhna la rei lo mah se, hmangaihna avàngin an inkâr chu a nghet viau ang.
Duat takin ka kuah a, a rilru hah leh buai hi ka theih tâwka ka hnem ve theihna chu hre thiam tak chunga duat taka kuah hi a ni mai.
"Ka chungah rilru dang i pu lo ti raw? I pu thei lo ang, ka phal lo."
A rilru hi a buai tak zet a nih hi. A chungah rilru dang pu tùrin min ngai a ni a, ka pu miah lo. Ka hmangaih a, ka hmangaih reng ang.
"Ka hmangaih che, i chunga ka rilru put chu a ngai reng alawm."
"Ka lãwm e, min hmangaih vàng hian ka lãwm tak tak a ni."
Kan ngawi dùn vang vang a, kan ngaihtuahna erawh a inhlat lo ngawt ang.
"Remi lo kal vàng hian min hlatsan i tum lo ang ti raw?"
Min ring ngam tâwk thlâwt lo a ni ang, min zâwt țha leh a. Mahse, a rilru hi ka hriat thiam a ngaiin ka hria. Heti taka ka kalsan leh hlatsan hlau hi chuan min duhin min thlahlel ve tâwkah ka ngai ve tlat. A rilru a buai rih a, rilru fîm tak a hmang thei rih lo a nih hi.
"Ka hmangaih che tih i hria alawm. Chuan, i fapa chu ka lawmpui a ni. Amah hringtunu ngei hmu lehin a bulah a awm thei a, nu hmangaihna hlutzia leh chhûngkaw hlutzia a hre thiam thei ngei ang. A nu chuan a chhuahsanin a kalsan tawh a ni thei a; mahse, a hmangaih lo tihna a ni chuang lo. A hmangaihna a dawng leh hrim hrim hi ka làwmpui em em a ni,"ka ti duah a.
"Ka fapa chu ngaihtuah lo ila chuan kan inah sáwn a awm lo tawp ang, ka fapa hlim hmel hian eng mah min tih tîr thei lo rěng a ni."
"Țha takin chhàwn zel rawh aw, cancer a nih tak tak phei chuan tu mah enkawltu a nei dáwn hlei nem. I fapa nu a ni a, i fapa hlimna thlentu a nihzia hre reng la, tu hmeichhia mahin a dinhmun hi an awh zo thei ngai lo tih i hre tel bawk dáwn nia."
Driver bula țhu, nu la valai deuh chuan,"Ngawi teh u, Remi kha a lo lêt ta a ni maw? Mi sawi ka hre tlat mai,"a ti a.
Kan țhutna sîra țhu putar lam tawh chuan," Lo lêt an tih tak kha. Kum 13 vel hnuah a rawn lêt leh a ni a, a fapa pawhin a lo hre tawp nâng,"a ti charh charh a.
"Nunhlua chuan engtin tak lo dawngsawng ang maw?"
"A duh ém mai, a lo pawm thei mai ang."
"A fapa nu a ni a, nupui a la nei bîk lo va, an awm dùn thei mai ang."
"Mahse, Nunhlua tân chuan lo pawm leh ringawt pawh a har duh àwm e."
"A hmangaih ém mai, a ngai dam thei lutuk ang."
"Nimin khân ka rawn phur hãw tak alawm, an fiam deuh hlut lehnghal a. A chhe lo ka ti, nuthlawi a ni tih a hriat miah loh."
Hetiang hi an titi dàn a ni.
Nunhlua nupui hlui chu Remi maw lo ni a? Engvànga lo lêt leh ta nge a nih le? Kum tam tak a vei tawh si a, nupui a nei leh tawh rih lo tih hriain leh, a hmangaihzia hriain a rawn lêt a ni ngei ang.
Chuan, a nupui chu a lo lêt leh ta a, kan pahnih inkâr hi engtin nge ni ta ang le?
In ka thlen pawhin eng mah ka ti peih lo, ka mu tlawk tlawk mai. Ka taksa chau leh rilru hmang nasa lutuk chuan min tichau hluah hluah zualin ka hria.
Zànah pawh ka che peih chuang lo, tlaia ka mut ang ang chuan ka mu reng a, Apuii a rawn kal a, ka tho ve chiah.
"Chaw i ei nange?"
"Ka ei peih lo."
"En teh, U Nunhlua nupui hlui kha a lo lêt leh tawh asin."
Ka hria tih a la hre lo a nih dáwn hi, ka chhâng lo, ka ngawih reng avàng chuan mak a ti deuh a ni ang.
"I hre tawh em ni a?!! Mak i tih ka rin nèn."
"Vawiin sumo-ah an sawi a."
"Chuan?"
"Chuan, ka hre ve."
"Nizànah a lo lêng lo tihna a ni maw?"
"Lêng lo, a buai dáwn ém chu."
"An nu ngati nge a lo lêt leh ringawt le?"
Za lo deuh hian ka nui sak a, "Amah zawh chi a nih chu,"ka ti sap ringawt a.
"U Nunhlua'n a lo phone tal lo che em ni a?"
"Phone kher ka ngai chuang hlei nem, min rawn phone lo mah se, hei ka hre tho alawm."
"In awm dàn hi...a mak dáwn e, engtin nge ni ang?"
Chhàn ngaihna ka hre lo, ka hre lo tak tak a ni. Nundika nu a lo lêt a, a nupui dik tak niin a fapa nu a ni. Rilru na tak leh zahthlâk takin kalsan mah se, hmangaihna chuan ngaihdam theih loh a nei lo va, duh takin a lo pawm leh thei mai ang.
"A mak e, U Remi rěng rěng pawh U Nunhlua duh lovin tlangvâl dang a ûm tawh a, a rawn lêt leh ngam hi a mak ka ti. A tlangvâl ûm-a khân a lo hmangaih lo tawp a nih dáwn hi. U Nunhlua rilru chu a buai àwm mang e, nang leh Remi: khawi zâwk nge a thlan tâk ang?"
Ka țhiani ţhìn hi chu aw...
"A nupui a ni a, hmangaih taka a neih a ni alawm."
Kei chu a nupui êm ka la ni lo va, a ngaihzawng mai ka ni. A thinlungah chuan a nupui, duh taka a neih, a fapa nu chuan hmun a chang tam daih ang a, a hmangaih lutuk bawk ang.
Ngaihtuah loh ka duh, suangtuahna dik lo neih ka duh hek lo.
"Ka riahpui che i duh em?"
"Ngai lo mai rawh se, ka lãwm e."
Zàn muthilh a va har teh lul em! Khumah chuan ka let ka let a, ngaihtuah loh ka tum poh leh thil dang ka ngaihtuah thei lo sauh bawk si. Story ka chhiar sateh a, rilruah a lût hlawl bawk si lo. A hnuah phei chuan ka mu peih lo, ka tho nge nge a.
Ka pum a ri rak rak a, eng mah ka ei châk lo. Țhutthlengah ka țhu a, ka țhu rei peih lo. Ka tho a, chhuatah chuan ka vei ka vei a, heti chiama ka awm chhan hi engvàng nge? Nunhlua nupui hlui lo lêt vàng maw? Eng nge chu chu ka lo buaipui chiam le? A lo lêt ve a ni mai a, an innei leh azeng pawh a ni lo. Mut theih loh phah nân ka lo hmang chu a ni si, mi ngaihah phei chuan a ho ngawt ang.
Zîngah lu rit lûkin ka tho a, zîng lamah ka mut sek vàng a ni ang, tlêm chuan ka harh ve deuh chuan ka hria; mahse, ka lu a rit.
Sikul kal a ngaih vàngin peih lo deuhin ka insiam a, ka thâ erawh a za zar lo khawp mai. Ka thawhpuite hmuhah phei chuan hetiang hian ka awm tùr a ni lo reng reng, ka ti lang tùr a ni lo.
Rova leh Apuii an inhnial leh a, ka nuih an ti za lehpek khawp mai. Rova chuan engtin tin emaw a fiam a, Apuii chuan nui chung hian a chhâng lêt zel a.
"Single life hi a nuam i ti riauin ka hria?"
"Ka single bawk lo."
"Ka hre ve khawp mai che, sunday-ah an rawn lèn ziah kha."
"Teuh lo."
"Nang pawh hi Khuallàwmi i nih hi."
"Ka ni tawh leu."
"Kha maw, i inpuang chiang hle mai."
Kan nui kar kar a, he mite pahnih hi chuan nuihna min siam hnem teh e, rilru hlim loh ber lai pawhin rilru zãngkhai ka put theih phah ţhìn.
Chhùnah thing buk hnuaiah ka țhu leh a, Apuii pawh a rawn lawr rang khawp mai.
"I mu thei em?"
"Thei e."
"Daw suh, i hmelah a hriat vek alawm le."
"I hriat tho chuan min zawh loh mai tùr alawm."
"Zanin chu ka riahpui tawh ang che aw."
"A ngai lo, in lamah in buai theih ém kha."
Nunhlua chungchâng ni lo, thil dang kan sawi a, Rova chungchâng leh a message dawn chungchâng chu a sawi a, kan nui mai mai a.
"Rova hian a star deuh chein ka hria."
Ani lah chuan,"Fiamthu vek a nih kha, bialnu a nei an ti alawm le,"inti hre zet hian a lo ti thung a.
"Ka chîk deuh ang, Rova hi fel ka ti riau asin, a rilru a zau bâkah a fel bawk a."
"Hmánah ka star tawh asin, ka tleiràwl chhoh laiin."
"Eu, a fuh dáwn e, i single rei ta bawk a, a țha viau ang."
"Bialnu a nei tih mawlh mawlh chu aw..."
"A nei tak tak pawhin ka ring lo ve."
Chutiang mai mai kan sawi avàng chuan ka rilru pawhin Nunhlua ka hre chhuak ta rih lo va, a zia ka ti tawp.
Zànah dâr 8 velah Nunhlua a rawn lang hlawl mai.
Eng mah hre lo ang maiin,"I reh hle mai, i riak leh ta daih emaw ka ti a,"ka lo ti a, ka nui sâng a.
Eng mah sawi lovin min kuah a, ka inthiam lo deuh ngawt nia. Kuah lêt pawh ka tum nain ka tîm deuh tlat.
"Thil thleng hi i hre lo tih sawi tum miah suh, hre lo anga lan der pawh a ngai lo."
Hm, min hre chiang tawh khawp mai, ka inhriat chian aiin min hre chiang zâwk tlat.
Ka ngawi reng tho. Sawi tùr ka hre lo va, sawi dàn tùr pawh ka hre lo.
"Ka ngai che a."
Um, kei pawhin ka ngai lutuk che. Tuna thil thleng vàng hian nun pângngaiin ka nun theih loh phah tih pawh i hre lo ang.
"Kei pawhin ka ngai che."
"Tlãn bo dùn daih ang."
A thil sawi chu a inhmeh lo lutuk a, makti zetin ka en chho vat a. Hetiang rilru a pu thei hi ka awih lo zâwk a ni.
"I inhmeh lo a nia!"
"Mahni hma ka sial i ti em?"
A rilru a buai tak zet tih ka hre thei mai. Fîm takin ngaihtuah se chuan a fapa hi a tlàn bosan duh dáwn lo chiang tih ka hria, chuvàngin, a rilru hah, buai hian hetiang țawngkam hi a phuh chhuak tih hriat reng.
"Thingpui ka lum ang che aw."
Thingpui in chhûngin a nupui hlui chanchin chu ka zâwt chiang a.
"Ka awm loh hlànin a lo thleng a, a fapa bulah chuan a lo insawi vek tawh niin. Leilet ațanga ka haw,in ka lût chiah chu Bawiha chuan hlim deuh hian,'Pa, ânu a lo haw a,'a ti a, mak pawh ka ti hman lo. Bathroom ațanga a lo chhuak chiah nèn chuan kan inhmachhawn ta nghal a."
"Mak ka ti a, mak ka tihna chu thinrimnain a rawn thlâk a. A duh hun huna min rawn pan tùr ka ni lo tih hi ka ngaihtuahnaah a awm a. Bawiha chu awm lo se chuan ka vìn țhawt ang, ka mitmeng ațangin ka rilru chu a lo man thiam vat a, dam diaiin min be ta sawk sawk a."
"Bawiha lah chu a hlim em em mai si a, khatiang khawpa a hlim hmel kha ka la hmu ngai lo. Ka fapa vàng chauhin thinrim hmel ka hmuh lo a ni."
Chuvàng a lo nih chiah chu, Nundika kha a sikul bâng chiah rang zeta a tlàn haw tâk kha. A nu chu a lo ngai tak zet a nih dàwn hi, a àwm viau a ni.
"Zànah Bawiha mut hnuah thil awm dàn ka zâwt a. A tlangvâl ûm nèn khân kum 1 an awm dùn a, an ințhen hnuah a pate hnênah a lêt ngam tawh si lo va, mi hnuaiah a inhlawh kual ta a ni àwm e. Aizawl lamah hlîr khawsain kum hnih kal ta khân Lungleiah a rawn phei a, boarding school-ah inhlawhin hun a hmang a, tlêm lai deuh khân a awm dàn dik lo avànga inentîrin doctor chuan cancer a nih a ring a, Aizawl lam a refer ta a; mahse, Aizâwlah pawh chuan phei lovin a thih hma ngeia Bawiha a hmuh châk avàngin a rawn chho ta a ni."
A sawi zawhah chuan a thaw halh a," Ka hmangaih hle țhìn, engtiang takin nge ka hmangaih tih pawh hi a hre lo ang. A hliam min pêk na tak kha hmangaihnain nangin min tuam damsak a. Ka tân hian i hlû asin, i hlutzia hi i inhre phâk lo hial ang, nun pângngai ka hman leh theih phah a,"a ti leh sup sup a.
Sawi tùr ka ngah a; mahse, sawi chhuah kher țûl ka ti lo.
"Eng emaw tal sawi teh, min demna thu tal pawh?"
"Ka dem lo che, demna tùr i awm hlei nem."
"Ka rilru ti buaitu chu Bawiha hi a ni, a nu hi a duh nghal em em mai si a, sikul a rawn kalsan thei țâwk a ni a, rilru put dàn thiam a har ém a ni."
A nu a takah a hmuh vawi khatna a ni dáwn a, ani naupang rilru thianghlim phei chuan a ngaina nghal dáwn tih hriat reng; chu bâkah, a nu pawhin a hmangaih dáwn chiang sa a, an inhmuhna la rei lo mah se, hmangaihna avàngin an inkâr chu a nghet viau ang.
Duat takin ka kuah a, a rilru hah leh buai hi ka theih tâwka ka hnem ve theihna chu hre thiam tak chunga duat taka kuah hi a ni mai.
"Ka chungah rilru dang i pu lo ti raw? I pu thei lo ang, ka phal lo."
A rilru hi a buai tak zet a nih hi. A chungah rilru dang pu tùrin min ngai a ni a, ka pu miah lo. Ka hmangaih a, ka hmangaih reng ang.
"Ka hmangaih che, i chunga ka rilru put chu a ngai reng alawm."
"Ka lãwm e, min hmangaih vàng hian ka lãwm tak tak a ni."
Kan ngawi dùn vang vang a, kan ngaihtuahna erawh a inhlat lo ngawt ang.
"Remi lo kal vàng hian min hlatsan i tum lo ang ti raw?"
Min ring ngam tâwk thlâwt lo a ni ang, min zâwt țha leh a. Mahse, a rilru hi ka hriat thiam a ngaiin ka hria. Heti taka ka kalsan leh hlatsan hlau hi chuan min duhin min thlahlel ve tâwkah ka ngai ve tlat. A rilru a buai rih a, rilru fîm tak a hmang thei rih lo a nih hi.
"Ka hmangaih che tih i hria alawm. Chuan, i fapa chu ka lawmpui a ni. Amah hringtunu ngei hmu lehin a bulah a awm thei a, nu hmangaihna hlutzia leh chhûngkaw hlutzia a hre thiam thei ngei ang. A nu chuan a chhuahsanin a kalsan tawh a ni thei a; mahse, a hmangaih lo tihna a ni chuang lo. A hmangaihna a dawng leh hrim hrim hi ka làwmpui em em a ni,"ka ti duah a.
"Ka fapa chu ngaihtuah lo ila chuan kan inah sáwn a awm lo tawp ang, ka fapa hlim hmel hian eng mah min tih tîr thei lo rěng a ni."
"Țha takin chhàwn zel rawh aw, cancer a nih tak tak phei chuan tu mah enkawltu a nei dáwn hlei nem. I fapa nu a ni a, i fapa hlimna thlentu a nihzia hre reng la, tu hmeichhia mahin a dinhmun hi an awh zo thei ngai lo tih i hre tel bawk dáwn nia."
Comments
Post a Comment