☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆REBEK☆ - 13 By Dingdi Pachuau
He pa lakah hian ka thinrim thei lo. Thinrimna chhan tùr ka nei miah lo bawk, a nupui a lo kal avàng hian thiam lohna a nei reng reng lo va, nun hrehawm takin a hmang zâwk tih ka hmu ve tlat a ni. Kan inngaizawng tih lo hretute chuan thinrim khuma lo be duh lo tùr pawhin min duh ngei ang chu; mahse, eng nge ani hian thiam lohna a neih le? Rilru buai nuai leh min thlahlel ngawih ngawihtu hi ka lo be duh lovin ka lo thinrimsan ang maw? Teuh lo, ka phal teuh lo. Rilru chhe tak put ka duh hlei nem, ka hmangaihzia tih lanna hun a ni zâwk dáwn lo'm ni?
A haw hnuah chuan a thil sawi hrang hrangte chu ka ngaihtuah lêt a, rei tak awm a tum lo a tih khân min ti thawveng ve deuh ringawt a; mahse, kan hma lam hun tunge hre thei le? Nundika'n a nu a hmu ve chauh a, a ngaina em em a nih phei chuan haw a phal lo tawp ang. A cancer pawh chu a ni tak tak a nih chuan, Remi chu ka khawngaih reuh viau ang. A chhûngte a pan ngam loh chhan chu ama thil tih sual vàng liau liau chu a ni a, a pasal hlui a rawn pan pawh hi a dik lohna a awm chuang hlei nem. A fapa pa a ni a, nupui dang a la nei bawk si lo nèn, pan tùr a hria ka ti lutuk.
Pângngai tak chuan hun kan hmang chho ve zel a, Nunhlua erawh a lo lêng khât ta deuh, ka dem chuang lo. A lo lèn huna țha taka biak leh lo duat kha ka tih theih awmchhun chu a ni rih mai.
Apuii'n min rawn text a.
*Rova a lo lêng a, a inla mûk tawp. Sikula a awm ang kha a ni miah lo.*
*Chu, biak țawng a har deuh elo?*
*Har chuang lo ve, a inla man tawp a ni mai. Ka chhûngte bulah chuan a țawng țha duh reng, kan pahniha kan awm chuan...*
*A fuh e, bialnu chu a nei tak tak em?*
*Nakin deuhah ka zâwt ang. Bathroom ka luh laiin ka lo text che.*
Ka nuih a za reuh tawp. A nuam viau ang, inrem thei se ka ti. A single rei ve ta a, Rova'n a duh ve tho chuan an inkawp rem thei ngawtin ka ring. Rova lah zu in ngai lo leh taima a ni a, tlangvâl fel tak a ni. Apuii hi ka duhpui a, hlim tùrin ka duh.
******************
Zànah Nunhlua a lo lèn loh chuan ka mu hma thei khawp mai. Mut hmunah erawh story ka chhiar ziah, ka rilruah a lût lo a nih pawhin zai ka ngaithla a, muthilh ka tum hrâm hrâm țhìn.
Naupang exam a lo hnai leh ta. Kan course chu kan zo chiang khawp mai a, an thiam viau hlawm chuan ka hria. Questions lam ka ti fel tawh bawk a, a zia viau mai.
Apuii leh Rova pawh an la ni chiah lo nain an inhaw lo tak zet tawh tih a hriat a, ka lawmpui viau mai. Sikulah pawh na deuh deuh khân an infiam tawh miah lo, fiamthute chu an thawh tho a, 'Khuallàwm' pawh an inti tawh lo.
Remi pawh ka hmu ve tawh. A chhe lo tawp, a tlâwntlai a țha a, a ngo viau bawk; mahse, damlo hmel a pu ka ti, a lo cancer tak tak a nih ka ring deuh ngawt. Nundika nèn an inang hle, a lo chhùn em a ni, a hai theih loh. Dàwrah ka hmu a, min en duh viau mai. Nunhlua nèn kan chanchin hi a hria em ni chu aw ka ti hial a ni; mahse, tuin nge hrilh teh lul ang?
Kei nèn chuan tehkhin chi rual kan ni lo. Inanna pakhat chauh kan nei, kan ngo ve ve. A bâk chu ani chu a țha lam vek, feet 5 hi inches 5 vela a pelh ka ring, a pian a nalh thlarh mai.
Vawiin chu Nundika sikul a rawn kal lo, a nu entîrnaah a kal ve a ni àwm e. Exam a hnai tawh si a, a tih chhiat phah loh hrâm ka beisei. Chuan, a nu pawh chu a serious loh hrâm ka beisei bawk, cancer chu ni lo se ka ti, a râpthlâk si a, he natna tuar tùr hian tu mah ka duhsak lo ve.
Zànah rei lo tě a rawn lêng a, ka hmuh lohna ni 3 a ni tawh a, a chěr deuhin ka hria. Thil awm dàn min hrilh zung zung a, ngun takin ka lo ngaithla a.
Doctor chuan Remi chu a cancer a nih a ring a, Aizawl lama kala biopsy ti tùrin a lo hrilh a. Remi erawh chuan tih a tum lo bur, dam rei tawh tùrah a inngaih loh bâkah an pafa chu a kalsan leh ţêp tawh avàngin a awm chhûng chu a fapa bula hlim taka hun hman a duh. Nundika lah chuan a nu chu kal tawh lo tùrin a thlêm a, țap chungin a ngèn bawk a, chutiang chu an boruak a ni.
"Bawiha hian a duh ém a ni, zànah ni se, a bulah a mu a, a thawh rualin a tho a. A nu bulah char char a awm a ni mai, a chezia ka hmuh hian ka khawngaih lutuk a, nu a lo awt lutuk ni berin ka hria a, ka inthiam lo zâwk a ni."
"Inthiam lo duh suh, i theihtâwpa țhain i enkawl tho alawm."
"Nu dinhmun chu luah zawh a lo har a nih àwm hi."
"A dik alawm, a nu tak tak chiahin a luah zo thei a ni."
"Nimin lam vàng kha a nih ka ring, a awm a nuam lo va, a mu deuh reng mai. Ka rawn chhuak lawk a ni, hmuh che ka duh si a."
A rilru hi a buai a ni. A nupui, a hmangaih em em țhin kha tunah an bulah rawn lêtin natna a tuar a, hmangaihtu thinlung hian en liam mai mai harsa a ti dáwn tih ka hria. Bâkah, Nunhlua mizia a ni lo bawk, a theihtâwp chhuahin a enkawl ngei ang, a fapa tân liau liau pawh.
Nunhlua hàw hnua ka ngaihtuah tâk ber chu kei hi ka awm lohna tùr hmunah ka awm a ni ang tih hi. Ka ngaihtuah nasat poh leh dik ka ti tawlh tawlh. Awm lo ta ila, hlim takin, rilru saihê rùn lovin Nunhlua pawh a awm theiin ka ring. Tunah hi chuan a rilru hi a phîr tlat a, kei min ngaihtuah a, a fapa leh a fapa nu ngaihtuah an ngai tho bawk si. A rilru hi tuilairapin ka siam a ni, kalsan ta ila, pakhatah a rilru a sâwrbing thei ang a, a zia mai ang.
Mahse, kalsan tùr anga ka ngaihtuah chhin ringawt pawhin hrehawm ka ti lutuk. Hrehawm ka tih tluk zetin hrehawm a ti ve ngei ang tih pawh ka ring nghal. Kan inngai a, kan inthlahlel a, inkalsan chu kan huphurh khawp ang; mahse, heti ringawt hi chuan kan awm reng thei lo ang. A châng chuan kawng harsa kan thlan a ngaih châng a awm ve țhìn a ni.
Remi nu leh pa pawh an rawn kal a, Aizawl lama hruai ngei an duh a, Nundika kal ve a duh avàngin exam zawh lamah ni se an ti. Apuii bulah pawh kan ve țha ka tih thu ka sawi a; mahse, ka ngam meuh si lo. Min lo hre chhuak ang tih ka hlau, ka awm dàn hi a buaithlâk ka ti tak zet a ni.
Sikul kal tàwp ni ber chawhnuah kan lêng ta hlawm a. Remi chu a nuin a awmpui a, a pa erawh a haw tawh thung. Nundikate hi kâr khat chhûng an exam ang a, exam zawh inrinniah Aizawlah an phei ang, chu chu an ruahmanna a ni, Nunhlua'n min hrilh tawh.
Nunhlua a lo awm lo hlauh a, tihzia ka ti tak tak. Remi pawh chu a lo nula khawp mai a, a lo țhu ve a, a țawng ve tak nain a ngawi leh vang vang țhìn. Làwmthute chu a lo sawi ve tho. A hmel ka hmuh hian ka khawngaih tlat nia. A inthlahrung dâk mai a, a thil tih kha a inchhîr hle ang tih ka rin phah bâkah amah pawh hian a ngaihtuah reng țhìn a ni ang, tunah heti hian ngaihtuah ngaiin a awm leh ta bawk sia, a rilru a hrehawm ngawt ang chu.
Thu tlûkna hi ka siam ngei a ngai; mahse, ka siam nghal mai duh lo, ka ngaihtuah ka ngaihtuah phawt. Zan khat thilthua thu tih tlûk rum rum chu a hnua inchhìrna a nih vàngin zan tam tak ka ngaihtuah hnuah fel takin thu tlûkna ka siam ta, ka hlen chhuak ngei tùr a ni ang, keima siam ngei a nih vàngin.
Exam zawh veleh kei pawh ka zin chhuak ang a, ka lêt tawh lo ang. Ka hnà leh nunhlui zawng zawng ka kalsan ang a,Nunhlua biak pawh theih loh tùrin ka awm ang. Pa Thanate in ka pan phawt ang a, chuta țang chuan kalna tùr ka ngaihtuah leh ang. Boarding school velah pawh inhlawhnate chu ka hmu ve thei mai ang chu maw, Nunhlua hi ka hlatsan phawt a ngai. Ka hmangaih ém avàngin ka hlatsan dàwn a ni, a hre thiam hauh lo ang; mahse, an tâna țha tùr zâwk a ni. Nundika hian a nu kal hi a phal tawh lo va, a pa bulah pawh an ina awmtîr reng tawh tùrin a ngèn a ni a, Nunhlua hian a fapa hnial a hreh dáwn bâkah kei nèna ințhen chu a duh lo bawk si ang, a buai nuai tawh mai dáwn a ni. Nunhlua rilru pakhata ka awm ve reng chuan a fapa rilru a ti nâ ang a, an inkâr a buai phah thei, chu chu ka duh bau lo.
Nunhlua chu ka ngai ngawt ang, ka ngaihtuah lâwk duh lo. Ngaihtuah lâwk vak vak chuan ka thil tum chu ka țhulh phah ang tih ka hlau, ka ngaihtuah dáwn pawhin thil dang ka ngaihtuah lui tlat zel. Rilru la pêng tùr ka zawng nghal thuai zel a, tlêm chuan a zia deuh. Hlim erawh a har ka ti, țhiante bulah pawh ka nui ve țhìn tak nain chhûngril erawh a rûm vawng vawng thung.
Exam laiin zan khat chu a rawn leng a, ka hmuh khàt tawh ém avàngin ka ngai em em a, kan inkuah deuh reng a, țawngkain sawi lo mah ila, kan inngai ve ve tih kan inhre tho a ni.
"A nu entîrnaa Aizâwla kal ve tùrin Bawiha'n min phût a; mahse, thu ka la ti tlu lo. Ka kal a nih chuan ka ngai dáwn lutuk che a ni, engtia rei nge va thang tùr tih pawh a hriat lâwk si loh a."
Kal ve tùrah ka ngai sa hrim hrim. A fapa hi a hmangaih em em a, a thu hnial pawh a hreh ngawih ngawih dáwn, keimah vànga a hnial a nih chuan a fapa rilru a ti na dáwn asin.
"I kal ve ngei ngei ang chu, in va thang rei tawp nâng."
"Min ngai ve dáwn lo em ni?"
Ngai dáwn lutuk. Chuan, kan inhmu ngai tawh lo bawk ang.
"Ngai ve bawk ang chu."
"I sawi dàn kha..."
"In va entîr ang a, tluang takin ni rei lo te hnuah in lo hãw mai dáwn alawm."
"Ka rawn haw vat ang."
"I nghâk ve ang chu."
"Ka kal ve ta a nih pawhin ni hnih bâk ka awm lo ang."
"Inrinniah in phei nghal ang ti raw?"
"Aw, a pain car a rawn tîr dáwn a, chaw ei kham dâr 9 velah kan chhuak thei ang chu."
'Kan' a hmang a, kal chu a tum ngei a nih ka ring. Kal rawh se, a fapa ti beidawng tùrin ka duh lo va, ka tân hun remchâng a inhawng dáwn bawk a ni. Chuan, inrinniah an kal a nih chuan thawhțan zîngah Lunglei kal ve ta ila, an kal dáwnah thlah ve rih phawt ila.
"In kal dáwn zànah rawn lêng hrâm la, i hman thei ang ti raw?"
Farewell kan neih ve ngei a ngai dáwn a ni.
"Lêng tùra min sàwm vawi khatna a ni tih i hria em? Ka ti hlawhtling chiang viau ang."
Exam chu tluang takin kan zo ta a, Nunhlua nèna kan ințhenna, ni lo, ka țhenna tùr hun chu a lo hnai tak zet tawh a ni. Tlai ațangin ka mittui a tla țan tawh a, zanin bâk chu he khawvêla ka hmangaih ber hi ka hmu thei tawh dáwn lo a ni. Ka hmu a nih pawhin ka biak a duh tawh lo ang a, min ngei em em tawh bawk ang.
Zànah pawh chaw ka ei peih lo, ka hmabâk hi ka huphurh lutuk tlat; mahse, hriattîr loh hrâm chu ka tum ang. Ka theihtâwpin ka kàwm hlim ang a, a hlim thei ang berin kei pawhin hun ka hmang ang. Chuan, zanin hian ka thil duh ber ka ti bawk ang, a hnuah inchhîr leh dáwn pawh ni ila, zanin hun chu zanin atân chauh ni rawh se.
A rawn lêng ngei e, zanin phei chu ka hmu țha zual sauh mai. A lo luh veleh ka lo kuah chat a, ka kuah khât tawh dáwn si a, kuah reng mai ka duh.
"Min lo ngai tawh a ni maw, My little angel?"
Min koh duatnate hi ka ngai ngawt ang, zaninah bâk ka hre tawh dáwn si lo.
"Nunhlu, ka ngai ngawt ang che." Ka ngai dáwn lutuk che, ka kalsan tùr che hi min dem suh aw, kan zavai tâna țha tùr a ni si a.
"Ka kal lo mai ang."
"Ni lo, i kal ngei ngei tùr a ni. Kei chu min ngaihtuah miah suh, i fapa leh a nu chauh hi ngaihtuah rawh."
"Ka rawn phone ziah ang che aw, Ka awm rei dáwn lo bawk a, thawhțanah emaw thawhlehah emaw ka lo phei ang."
"Aw le, țha i tih dàn dàn a ni mai."
Ka pum a rawn ri rak rak a.
"Chaw i ei nange?"
"Ka ei peih lo va."
"Thingpui ka lum ang che aw, chhang nèn i hmeh ang a?"
Zan dang chu ni se ka hnial chiang viau ang; mahse, zanin chu ka hnial lo ang. Thingpui min siam ngai tawh dáwn hlei nem, a thingpui siam ka in khât tawh dáwn em mai.
Gas stove bula a che vêl chu a hnung lam ațang chuan ka en reng a, ka mitthlaa ka hmuh reng theihna tùrin a chezia zawng zawng chu hmuh hmaih ka tum lo. Tuna ka hmuhte hi nakinah chuan mitthlaah chiah a ni ka hmuh tawh dáwn ni, a tak chu ka khawih phâk leh ka hmuh phâkah a awm tawh dáwn lo. Min zinsan harsa a tih ang tùr chuan awm duh ta ila chuan, tunah hian ka pan phei ang a, a hnungah hian ka va bei chial ang; mahse, rilru dam tak leh harsa lova min zinsan theihna tùr chuan ka insûm nasa hle a ni. Ka duh dàn ang tak chuan awm ta ila, min zinsan thei lo ang, chu chu ka duh lo, a ngaih țhat lohna tùr zâwngin ka awm thei lo ang.
Dawhkàna thingpui no 2 leh chhang a rawn hùn chuan lo ban vatin,"A tui ngawt ang, ka lãwm e,"ka lo ti sap a.
"A tui viau ang, a 'cial'-in alawm ka siam, i tân luau liau."
Insi chêtin kan țhu a, zanin bâk hi ka dek thei tawh dáwn lo va, a bulah pawh ka țhu thei tawh lo ang. Ãm takin he hun hi hman ka duh, thil dang ngaihtuah tel loh hrâm ka duh bawk; mahse, a harsa mah mah chu a ni.
"In ta che, en ràn reng lo khan."
"Zanin chu ka bulah riak la?"
Mak a ti viau a ni ang, min chhâng har em mai.
Nuihsak pahin,"Ka ti ve mai mai a nih kha,"ka ti sap a, thingpui chu ka dût hlak a.
"Fiamthu pawhin sawi tawh suh."
"Ka fiamthu lo maithei asin."
Min en reng tih ka hre nain ka en duh lo ve tlat.
"Rebek, min en teh."
Hnai zetah chuan kan inen ta reng mai a.
"Ka ti mai mai ka tih chu."
"Rebek, min thlêm suh!"
Dik chiah, thlêm tùr ka ni lo asin. A hmeichhia zâwkin kan thlèm chuan tu mipa mah hian tlàwm an duh nâng.
"Ka tih palh."
Min fâwp chat mai. Hm, hei hi ka mamawh ber chu a ni, duh takin min fâwp se, min thlah tawh lo se, chatuan atân.
"Hetia fawh reng che hi ka duh."
"Kei pawh."
Zanin chauh, zanin chauh a ni hun kan neih ni.
"Zanin chu i ta ka ni."
Min en vang vang a, kei pawhin ka en lêt ve kar. Ka hmangaihzia leh mipa dang ka tân an awm lohzia hi hria se ka duh.
"Ka ta chu a puma neih ka duh."
"Kawngka kalh phawt la?"
'Zanin chauh' tih thu chu ka thinlungah chuan a ri tluk tluk a.
"Rebek, i chiang chiah maw?"
Ka bu nghat a. Ka inchhîr lo ang, ka inchhîr thei lo bawk ang. Ka hmangaih leh ka duh ber a ni a, ani hnênah bâk tu hnênah nge ka inpêk chuan ang?
He pa lakah hian ka thinrim thei lo. Thinrimna chhan tùr ka nei miah lo bawk, a nupui a lo kal avàng hian thiam lohna a nei reng reng lo va, nun hrehawm takin a hmang zâwk tih ka hmu ve tlat a ni. Kan inngaizawng tih lo hretute chuan thinrim khuma lo be duh lo tùr pawhin min duh ngei ang chu; mahse, eng nge ani hian thiam lohna a neih le? Rilru buai nuai leh min thlahlel ngawih ngawihtu hi ka lo be duh lovin ka lo thinrimsan ang maw? Teuh lo, ka phal teuh lo. Rilru chhe tak put ka duh hlei nem, ka hmangaihzia tih lanna hun a ni zâwk dáwn lo'm ni?
A haw hnuah chuan a thil sawi hrang hrangte chu ka ngaihtuah lêt a, rei tak awm a tum lo a tih khân min ti thawveng ve deuh ringawt a; mahse, kan hma lam hun tunge hre thei le? Nundika'n a nu a hmu ve chauh a, a ngaina em em a nih phei chuan haw a phal lo tawp ang. A cancer pawh chu a ni tak tak a nih chuan, Remi chu ka khawngaih reuh viau ang. A chhûngte a pan ngam loh chhan chu ama thil tih sual vàng liau liau chu a ni a, a pasal hlui a rawn pan pawh hi a dik lohna a awm chuang hlei nem. A fapa pa a ni a, nupui dang a la nei bawk si lo nèn, pan tùr a hria ka ti lutuk.
Pângngai tak chuan hun kan hmang chho ve zel a, Nunhlua erawh a lo lêng khât ta deuh, ka dem chuang lo. A lo lèn huna țha taka biak leh lo duat kha ka tih theih awmchhun chu a ni rih mai.
Apuii'n min rawn text a.
*Rova a lo lêng a, a inla mûk tawp. Sikula a awm ang kha a ni miah lo.*
*Chu, biak țawng a har deuh elo?*
*Har chuang lo ve, a inla man tawp a ni mai. Ka chhûngte bulah chuan a țawng țha duh reng, kan pahniha kan awm chuan...*
*A fuh e, bialnu chu a nei tak tak em?*
*Nakin deuhah ka zâwt ang. Bathroom ka luh laiin ka lo text che.*
Ka nuih a za reuh tawp. A nuam viau ang, inrem thei se ka ti. A single rei ve ta a, Rova'n a duh ve tho chuan an inkawp rem thei ngawtin ka ring. Rova lah zu in ngai lo leh taima a ni a, tlangvâl fel tak a ni. Apuii hi ka duhpui a, hlim tùrin ka duh.
******************
Zànah Nunhlua a lo lèn loh chuan ka mu hma thei khawp mai. Mut hmunah erawh story ka chhiar ziah, ka rilruah a lût lo a nih pawhin zai ka ngaithla a, muthilh ka tum hrâm hrâm țhìn.
Naupang exam a lo hnai leh ta. Kan course chu kan zo chiang khawp mai a, an thiam viau hlawm chuan ka hria. Questions lam ka ti fel tawh bawk a, a zia viau mai.
Apuii leh Rova pawh an la ni chiah lo nain an inhaw lo tak zet tawh tih a hriat a, ka lawmpui viau mai. Sikulah pawh na deuh deuh khân an infiam tawh miah lo, fiamthute chu an thawh tho a, 'Khuallàwm' pawh an inti tawh lo.
Remi pawh ka hmu ve tawh. A chhe lo tawp, a tlâwntlai a țha a, a ngo viau bawk; mahse, damlo hmel a pu ka ti, a lo cancer tak tak a nih ka ring deuh ngawt. Nundika nèn an inang hle, a lo chhùn em a ni, a hai theih loh. Dàwrah ka hmu a, min en duh viau mai. Nunhlua nèn kan chanchin hi a hria em ni chu aw ka ti hial a ni; mahse, tuin nge hrilh teh lul ang?
Kei nèn chuan tehkhin chi rual kan ni lo. Inanna pakhat chauh kan nei, kan ngo ve ve. A bâk chu ani chu a țha lam vek, feet 5 hi inches 5 vela a pelh ka ring, a pian a nalh thlarh mai.
Vawiin chu Nundika sikul a rawn kal lo, a nu entîrnaah a kal ve a ni àwm e. Exam a hnai tawh si a, a tih chhiat phah loh hrâm ka beisei. Chuan, a nu pawh chu a serious loh hrâm ka beisei bawk, cancer chu ni lo se ka ti, a râpthlâk si a, he natna tuar tùr hian tu mah ka duhsak lo ve.
Zànah rei lo tě a rawn lêng a, ka hmuh lohna ni 3 a ni tawh a, a chěr deuhin ka hria. Thil awm dàn min hrilh zung zung a, ngun takin ka lo ngaithla a.
Doctor chuan Remi chu a cancer a nih a ring a, Aizawl lama kala biopsy ti tùrin a lo hrilh a. Remi erawh chuan tih a tum lo bur, dam rei tawh tùrah a inngaih loh bâkah an pafa chu a kalsan leh ţêp tawh avàngin a awm chhûng chu a fapa bula hlim taka hun hman a duh. Nundika lah chuan a nu chu kal tawh lo tùrin a thlêm a, țap chungin a ngèn bawk a, chutiang chu an boruak a ni.
"Bawiha hian a duh ém a ni, zànah ni se, a bulah a mu a, a thawh rualin a tho a. A nu bulah char char a awm a ni mai, a chezia ka hmuh hian ka khawngaih lutuk a, nu a lo awt lutuk ni berin ka hria a, ka inthiam lo zâwk a ni."
"Inthiam lo duh suh, i theihtâwpa țhain i enkawl tho alawm."
"Nu dinhmun chu luah zawh a lo har a nih àwm hi."
"A dik alawm, a nu tak tak chiahin a luah zo thei a ni."
"Nimin lam vàng kha a nih ka ring, a awm a nuam lo va, a mu deuh reng mai. Ka rawn chhuak lawk a ni, hmuh che ka duh si a."
A rilru hi a buai a ni. A nupui, a hmangaih em em țhin kha tunah an bulah rawn lêtin natna a tuar a, hmangaihtu thinlung hian en liam mai mai harsa a ti dáwn tih ka hria. Bâkah, Nunhlua mizia a ni lo bawk, a theihtâwp chhuahin a enkawl ngei ang, a fapa tân liau liau pawh.
Nunhlua hàw hnua ka ngaihtuah tâk ber chu kei hi ka awm lohna tùr hmunah ka awm a ni ang tih hi. Ka ngaihtuah nasat poh leh dik ka ti tawlh tawlh. Awm lo ta ila, hlim takin, rilru saihê rùn lovin Nunhlua pawh a awm theiin ka ring. Tunah hi chuan a rilru hi a phîr tlat a, kei min ngaihtuah a, a fapa leh a fapa nu ngaihtuah an ngai tho bawk si. A rilru hi tuilairapin ka siam a ni, kalsan ta ila, pakhatah a rilru a sâwrbing thei ang a, a zia mai ang.
Mahse, kalsan tùr anga ka ngaihtuah chhin ringawt pawhin hrehawm ka ti lutuk. Hrehawm ka tih tluk zetin hrehawm a ti ve ngei ang tih pawh ka ring nghal. Kan inngai a, kan inthlahlel a, inkalsan chu kan huphurh khawp ang; mahse, heti ringawt hi chuan kan awm reng thei lo ang. A châng chuan kawng harsa kan thlan a ngaih châng a awm ve țhìn a ni.
Remi nu leh pa pawh an rawn kal a, Aizawl lama hruai ngei an duh a, Nundika kal ve a duh avàngin exam zawh lamah ni se an ti. Apuii bulah pawh kan ve țha ka tih thu ka sawi a; mahse, ka ngam meuh si lo. Min lo hre chhuak ang tih ka hlau, ka awm dàn hi a buaithlâk ka ti tak zet a ni.
Sikul kal tàwp ni ber chawhnuah kan lêng ta hlawm a. Remi chu a nuin a awmpui a, a pa erawh a haw tawh thung. Nundikate hi kâr khat chhûng an exam ang a, exam zawh inrinniah Aizawlah an phei ang, chu chu an ruahmanna a ni, Nunhlua'n min hrilh tawh.
Nunhlua a lo awm lo hlauh a, tihzia ka ti tak tak. Remi pawh chu a lo nula khawp mai a, a lo țhu ve a, a țawng ve tak nain a ngawi leh vang vang țhìn. Làwmthute chu a lo sawi ve tho. A hmel ka hmuh hian ka khawngaih tlat nia. A inthlahrung dâk mai a, a thil tih kha a inchhîr hle ang tih ka rin phah bâkah amah pawh hian a ngaihtuah reng țhìn a ni ang, tunah heti hian ngaihtuah ngaiin a awm leh ta bawk sia, a rilru a hrehawm ngawt ang chu.
Thu tlûkna hi ka siam ngei a ngai; mahse, ka siam nghal mai duh lo, ka ngaihtuah ka ngaihtuah phawt. Zan khat thilthua thu tih tlûk rum rum chu a hnua inchhìrna a nih vàngin zan tam tak ka ngaihtuah hnuah fel takin thu tlûkna ka siam ta, ka hlen chhuak ngei tùr a ni ang, keima siam ngei a nih vàngin.
Exam zawh veleh kei pawh ka zin chhuak ang a, ka lêt tawh lo ang. Ka hnà leh nunhlui zawng zawng ka kalsan ang a,Nunhlua biak pawh theih loh tùrin ka awm ang. Pa Thanate in ka pan phawt ang a, chuta țang chuan kalna tùr ka ngaihtuah leh ang. Boarding school velah pawh inhlawhnate chu ka hmu ve thei mai ang chu maw, Nunhlua hi ka hlatsan phawt a ngai. Ka hmangaih ém avàngin ka hlatsan dàwn a ni, a hre thiam hauh lo ang; mahse, an tâna țha tùr zâwk a ni. Nundika hian a nu kal hi a phal tawh lo va, a pa bulah pawh an ina awmtîr reng tawh tùrin a ngèn a ni a, Nunhlua hian a fapa hnial a hreh dáwn bâkah kei nèna ințhen chu a duh lo bawk si ang, a buai nuai tawh mai dáwn a ni. Nunhlua rilru pakhata ka awm ve reng chuan a fapa rilru a ti nâ ang a, an inkâr a buai phah thei, chu chu ka duh bau lo.
Nunhlua chu ka ngai ngawt ang, ka ngaihtuah lâwk duh lo. Ngaihtuah lâwk vak vak chuan ka thil tum chu ka țhulh phah ang tih ka hlau, ka ngaihtuah dáwn pawhin thil dang ka ngaihtuah lui tlat zel. Rilru la pêng tùr ka zawng nghal thuai zel a, tlêm chuan a zia deuh. Hlim erawh a har ka ti, țhiante bulah pawh ka nui ve țhìn tak nain chhûngril erawh a rûm vawng vawng thung.
Exam laiin zan khat chu a rawn leng a, ka hmuh khàt tawh ém avàngin ka ngai em em a, kan inkuah deuh reng a, țawngkain sawi lo mah ila, kan inngai ve ve tih kan inhre tho a ni.
"A nu entîrnaa Aizâwla kal ve tùrin Bawiha'n min phût a; mahse, thu ka la ti tlu lo. Ka kal a nih chuan ka ngai dáwn lutuk che a ni, engtia rei nge va thang tùr tih pawh a hriat lâwk si loh a."
Kal ve tùrah ka ngai sa hrim hrim. A fapa hi a hmangaih em em a, a thu hnial pawh a hreh ngawih ngawih dáwn, keimah vànga a hnial a nih chuan a fapa rilru a ti na dáwn asin.
"I kal ve ngei ngei ang chu, in va thang rei tawp nâng."
"Min ngai ve dáwn lo em ni?"
Ngai dáwn lutuk. Chuan, kan inhmu ngai tawh lo bawk ang.
"Ngai ve bawk ang chu."
"I sawi dàn kha..."
"In va entîr ang a, tluang takin ni rei lo te hnuah in lo hãw mai dáwn alawm."
"Ka rawn haw vat ang."
"I nghâk ve ang chu."
"Ka kal ve ta a nih pawhin ni hnih bâk ka awm lo ang."
"Inrinniah in phei nghal ang ti raw?"
"Aw, a pain car a rawn tîr dáwn a, chaw ei kham dâr 9 velah kan chhuak thei ang chu."
'Kan' a hmang a, kal chu a tum ngei a nih ka ring. Kal rawh se, a fapa ti beidawng tùrin ka duh lo va, ka tân hun remchâng a inhawng dáwn bawk a ni. Chuan, inrinniah an kal a nih chuan thawhțan zîngah Lunglei kal ve ta ila, an kal dáwnah thlah ve rih phawt ila.
"In kal dáwn zànah rawn lêng hrâm la, i hman thei ang ti raw?"
Farewell kan neih ve ngei a ngai dáwn a ni.
"Lêng tùra min sàwm vawi khatna a ni tih i hria em? Ka ti hlawhtling chiang viau ang."
Exam chu tluang takin kan zo ta a, Nunhlua nèna kan ințhenna, ni lo, ka țhenna tùr hun chu a lo hnai tak zet tawh a ni. Tlai ațangin ka mittui a tla țan tawh a, zanin bâk chu he khawvêla ka hmangaih ber hi ka hmu thei tawh dáwn lo a ni. Ka hmu a nih pawhin ka biak a duh tawh lo ang a, min ngei em em tawh bawk ang.
Zànah pawh chaw ka ei peih lo, ka hmabâk hi ka huphurh lutuk tlat; mahse, hriattîr loh hrâm chu ka tum ang. Ka theihtâwpin ka kàwm hlim ang a, a hlim thei ang berin kei pawhin hun ka hmang ang. Chuan, zanin hian ka thil duh ber ka ti bawk ang, a hnuah inchhîr leh dáwn pawh ni ila, zanin hun chu zanin atân chauh ni rawh se.
A rawn lêng ngei e, zanin phei chu ka hmu țha zual sauh mai. A lo luh veleh ka lo kuah chat a, ka kuah khât tawh dáwn si a, kuah reng mai ka duh.
"Min lo ngai tawh a ni maw, My little angel?"
Min koh duatnate hi ka ngai ngawt ang, zaninah bâk ka hre tawh dáwn si lo.
"Nunhlu, ka ngai ngawt ang che." Ka ngai dáwn lutuk che, ka kalsan tùr che hi min dem suh aw, kan zavai tâna țha tùr a ni si a.
"Ka kal lo mai ang."
"Ni lo, i kal ngei ngei tùr a ni. Kei chu min ngaihtuah miah suh, i fapa leh a nu chauh hi ngaihtuah rawh."
"Ka rawn phone ziah ang che aw, Ka awm rei dáwn lo bawk a, thawhțanah emaw thawhlehah emaw ka lo phei ang."
"Aw le, țha i tih dàn dàn a ni mai."
Ka pum a rawn ri rak rak a.
"Chaw i ei nange?"
"Ka ei peih lo va."
"Thingpui ka lum ang che aw, chhang nèn i hmeh ang a?"
Zan dang chu ni se ka hnial chiang viau ang; mahse, zanin chu ka hnial lo ang. Thingpui min siam ngai tawh dáwn hlei nem, a thingpui siam ka in khât tawh dáwn em mai.
Gas stove bula a che vêl chu a hnung lam ațang chuan ka en reng a, ka mitthlaa ka hmuh reng theihna tùrin a chezia zawng zawng chu hmuh hmaih ka tum lo. Tuna ka hmuhte hi nakinah chuan mitthlaah chiah a ni ka hmuh tawh dáwn ni, a tak chu ka khawih phâk leh ka hmuh phâkah a awm tawh dáwn lo. Min zinsan harsa a tih ang tùr chuan awm duh ta ila chuan, tunah hian ka pan phei ang a, a hnungah hian ka va bei chial ang; mahse, rilru dam tak leh harsa lova min zinsan theihna tùr chuan ka insûm nasa hle a ni. Ka duh dàn ang tak chuan awm ta ila, min zinsan thei lo ang, chu chu ka duh lo, a ngaih țhat lohna tùr zâwngin ka awm thei lo ang.
Dawhkàna thingpui no 2 leh chhang a rawn hùn chuan lo ban vatin,"A tui ngawt ang, ka lãwm e,"ka lo ti sap a.
"A tui viau ang, a 'cial'-in alawm ka siam, i tân luau liau."
Insi chêtin kan țhu a, zanin bâk hi ka dek thei tawh dáwn lo va, a bulah pawh ka țhu thei tawh lo ang. Ãm takin he hun hi hman ka duh, thil dang ngaihtuah tel loh hrâm ka duh bawk; mahse, a harsa mah mah chu a ni.
"In ta che, en ràn reng lo khan."
"Zanin chu ka bulah riak la?"
Mak a ti viau a ni ang, min chhâng har em mai.
Nuihsak pahin,"Ka ti ve mai mai a nih kha,"ka ti sap a, thingpui chu ka dût hlak a.
"Fiamthu pawhin sawi tawh suh."
"Ka fiamthu lo maithei asin."
Min en reng tih ka hre nain ka en duh lo ve tlat.
"Rebek, min en teh."
Hnai zetah chuan kan inen ta reng mai a.
"Ka ti mai mai ka tih chu."
"Rebek, min thlêm suh!"
Dik chiah, thlêm tùr ka ni lo asin. A hmeichhia zâwkin kan thlèm chuan tu mipa mah hian tlàwm an duh nâng.
"Ka tih palh."
Min fâwp chat mai. Hm, hei hi ka mamawh ber chu a ni, duh takin min fâwp se, min thlah tawh lo se, chatuan atân.
"Hetia fawh reng che hi ka duh."
"Kei pawh."
Zanin chauh, zanin chauh a ni hun kan neih ni.
"Zanin chu i ta ka ni."
Min en vang vang a, kei pawhin ka en lêt ve kar. Ka hmangaihzia leh mipa dang ka tân an awm lohzia hi hria se ka duh.
"Ka ta chu a puma neih ka duh."
"Kawngka kalh phawt la?"
'Zanin chauh' tih thu chu ka thinlungah chuan a ri tluk tluk a.
"Rebek, i chiang chiah maw?"
Ka bu nghat a. Ka inchhîr lo ang, ka inchhîr thei lo bawk ang. Ka hmangaih leh ka duh ber a ni a, ani hnênah bâk tu hnênah nge ka inpêk chuan ang?
Comments
Post a Comment