☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆REBEK☆ - 15 By Dingdi Pachuau
"Aw le, black & white-in kan inhmu dáwn nia. I phone kha dah hmasa la?"
"Ka khawngaih che alawm, dah hmasa zâwk la?"
"I aw hriat ka la kham lo va."
"Inbe leh rih ang."
Ka bulah a awm lo va, ka hmuh leh kuah theihin a awm lo nèn, a aw tal hriat ka la duh, ka la kham lo.
"Tunah hian van a thiang kûk a, arsi an lang chiai asin, nangmah ka ngaihzia che hi an hre ve a nih ka ring."
Ka mitthla thiam reng mai. Ka maimichhîng a, ka mittui chu ka bekah a luang thla zaih zaih reng a, ka aw-ah erawh lan loh tîr hrâm hrâm ka tum.
"Nizàn kha ka ngai."
Nizàna kan hun hman dun kha kei pawhin ka ngai asin, ka ngai hlû a, khatiang hun hlimawm kha kan hmang dùn leh tawh dáwn lo asin.
"Ka ngai ngawih ngawih che a ni."
Ka ngaih thu hi ka zêp lo, ka hrilh leh khât tawh dáwn a, zanin leh naktûk zàn bâk hrilhna hun ka nei tawh dáwn lo. Hrilh mawlh mawlh ka duh.
"Kei pawhin ka ngai che, ka ngai lutuk che hi ka ngaih a țha lo hial zâwk."
"Chutiang sawi suh."
"Ka ngaih em vàng che a ni."
Kan inbe zo hlei thei lo.
A tûk zîng kârah Apuii'n min rawn phone ve thung a.
"I zin elo?!"
"Zin nâng."
"Nizànah pawh i rawn inkhâwm loh kha."
"Ka nuamsam lo alawm."
"Dâwt sawi kher a ngai lo."
"Ka ti tak tak."
"Bike-in an phur che tih an sawi a."
"Tak tak chuan, a remchâng ém a."
"Lungleiah maw?"
"Ka sawi duh lo."
Ka hrilh chuan a buaithlâk. Ani pawh hi nakin deuhah chuan ka biak loh pawh a la ngai ngei ang, chuti a nih loh chuan Nunhlua'n thil awmzia a zâwt ang a, a țang zo lo mai ang tih ka hlau. Min ngei viau ang; mahse, ani pawh hian min hre thiam thei tho ang chu.
"Tunge ni reng reng a?"
"Ka chhas maw le."
A nui hak a,"U Nunhlua ka hrilh dáwn,"a ti zui a.
"A hre dáwn tho."
Thu tak deuhin,"In inti thiam lo em ni?"tiin min zâwt a.
"Chutiang a awm lo."
Ka inkhâwm lo, ka nawmsam loh ka chhuanlam a, dâwt ka sawi hran lo. Nizàn lam ka mut tlèm bâkah ka țap leh bawk nèn, ka lu a rit lûk a ni.
Chawhnu lamah John-a a lo kal a, a lêng ve deuh reng. Pa Thanate chuan ka bialpaah an ngai hmiah, ka sawi fiah peih lo, an ngaih ngaihin ngai mai mai teh se.
John-a hnênah chuan ka chanchin zawng zawng chu ka hrilh vek a; mahse, kan mut dun thu chu ka hrilh lo. Ka awm zel dàn tùr chu min zâwt a, chhàn har ka ti viau nain hna thawh tùr zawn ka duh thu ka hrilh a, min bengvàr tùrin ka chah nghal bawk a. Ani pawh chuan theihtáwp a lo chhuah tùr thu min hrilh ve a, ka thâw a veng deuh huai mai.
Zànah nizàna min rawn phone hun angah chiah min rawn phone leh a, zanin chiah hi kan inbiak theih hun a ni tawh, zanin bâk ka be tawh lo ang a, ani pawhin min rawn be thei tawh lo ang.
"Naktûkah zîng dâr 6: 30-ah ka lo haw dáwn."
"A ni maw?! Nangmahin maw?"
"Aw."
Ka ngawi deuh vang vang a, rilru hlim takin a rawn haw ang a, kei ka lo awm tawh dáwn si lo. A hrilhhai lutuk tùr chu ka khawngaih lâwk, ka mitthla zut zut mai.
"Min ngaihtuah chiang mai, i ngawih vang vang dànah."
"Aw, ka ngaihtuah che a."
"Naktûk zànah kan inhmu thei tawh dáwn alawm, duh tâwk chin awm lovin ka kuah vawng vawng ang che."
Phûr tak, cool ruih chung siin ka in a rawn pan ang a, a lo thim țhiap si ang. Ka in kawngkhàr, tala-a inkalh țhap chu a hmu ngei ang a, mak a ti viau ang chu. Min rawn phone a tum ang a, a thei tawh dáwn si lo. A mangangin Apuii a pan ngei ang a, ani lahin ka awmna a hre dáwn si lo. Beidawng taka in lam pana a haw hnak hnak tùr chu...
"I țap lo ti raw?"
Ka mittui ka bek lama luang thla ngaih ngaih chu hruin,"Țap lo, dam leh hrisêl leh tluang takin lo haw la, chu chu ka duh a ni,"ka ti sap a.
A nui hawk a,"Ka hmuh hma che chu thih ka tum hlei nem. Nang nèna tar kun khûp biha dam dun ka duh a ni."
"Chuti chen chen chu min ning sî ang?"
"Ka ning ngai lo ang che tih i hria alawm, ka lo haw hunah thil pakhat ngen leh zawh duh che ka nei ang aw."
"Tunah a sawi theih loh em ni?"
"Theih loh, ka lo hawa ka hmuh che hunah chauh. Thurûk a ni rih."
Chu thurûk chu eng tikah mah ka hre ngai dáwn lo a nih chu.
"Ka hre châk."
"Ka lo haw hunah." A awka chhuak ațang chuan a hlim tih ka hre thei a, he a hlimna ngei mai hi thinrimna leh lungngaihnain a rawn thlâk dáwn si a, min ngeiin min haw ngawt ang, ka bumin ka tih der tih a hre chhuak thuai ang a. Min va dem dáwn tak ém!!
Mahse, kum a vei ang a, a hriat thiam theih hrâm ka beisei. Mi â a ni lo va, a hre thiam ngei ang. Chutih hunah chuan ka hmangaihna hi a hre thiam ang a, min dem tawh lo ang chu maw.
"Ka hmangaih che, ka angel te reuh te."
"Ka hmangaih che, Nunhlu. Ka nunna ai pawhin ka hmangaih che."
"Ka lawm e, min hmangaih avàng hian ka lo haw hunah làwmthu ka hrilh ang che."
"Tunah pawh min hrilh reng alawm."
"Hmai hmaah ngei hrilh che ka duh a."
"A țha alawm."
"Mu tawh rawh aw, naktûk zànah ka men hrep dáwn si che a."
Ka biak tàwpna tak tak a ni tawh dáwn. Ka la be kham hlawl bawk si lo va, biak ka la duh asin.
"Eng nge min lo hawn ang?"
"Keimah. I duh em?
"Hah, ka ei zo vek ang che."
"Kei lo thil dang i duh tel em?"
"Tel lo, nangmah chauh ka duh."
"Sure. I mut a chhuak tawh em?"
"Nangmah kha a chhuak a ni maw?"
"Ka biak rei lutuk che chuan naktûkah lu na bûrin i tho ang tih ka hlau a."
"A nih chuan kan duh tâwk dáwn em ni ang ?"
"I thu thu."
Biak ka la duh; mahse, a thawh hma a ngai dáwn si, ka khawngaih ve tho.
"Thawh hma i ngai sia, duh tâwk mai ang aw. Mang țha mut tui le aw."
"Mang țha tih chu a țha lo, mut tui tih hi a tâwk e."
"Mahse, sawi ka duh si alawm."
"Ințhenna lam a kâwk tlat."
Ka be tawh dáwn si lo va, sawi ngei ka duh si a ni. Tûn bâk hi a hnêna 'mang țha' tih sawina hun ka nei dáwn tawh lo va, a aw pawh ka hre tawh dáwn hek lo. Kan hun hnuhnung a ni tawh.
"Mang țha fo le tia thlah che hi ka duh alawm."
"Naktûk zàna sawiah khêk mai la?"
"Ni lo, vawi khat chiah ka sawi ang."
"Aw le, mut tui, mumangah min hmu dáwn nia."
"Aw le, nang pawh le. Mang țha fo le."
"Mang țha le. Dam takin lo haw la, Nundika leh a nute nèn hlim takin awmho rawh u. Kei ka lo tel ve chuan i fapa hlimna ka dâl mai mai dáwn si, in tâna țha ka duh vàngin hmangaih em em chung leh rilru na tak chungin ka kalsan che hi a țûl a ni. In hmalam hunah, kawng engkimah thil țha tinrêngin hmuak che u sela, ka kalsan che tih theihnghilh hmakin hlim ang che." Hei hi chu ka rilrua ka thlahna thu sawi a ni, a hriat loh tùrin ka hrilh mawlh mawlh.
Phone chu ka off phal lo a, a off hun ka nghâk. Ani pawh chu keimah ang tho a nih duh hmel, mittui tla chungin ka rilruin," Mang țha ngawih ngawih, dam takin lo lêt la,min hua a nih pawhin ka dem thei lo ang che. Min theihnghilh la,chuan, i fapa tân pa țha tak ni zel ang che,"ka ti sap sap a, ka phone chu ka en pah reng a.
Zanin chu ka muhîl thei dáwn lo. A awm dàn tùr ka mitthla a, khumah a mu ang a, a nupui hlui bulah chuan a mut ka ring lo. Inah pawh khân Nundika nèn an mu dùn țhìn a tih kha. Ani pawhin min ngaihtuah tho ang, min ngaihtuah chungin muthilh a tum ngei ang a, rilru hlim takin min hmuh leh hun tùr a suangtuah ngei bawk ang chu, kei lah chu min hmu leh tawh ngai dáwn si lo.
Ka mittui tla zung zung chung chuan phone chu ka khawih nauh nauh a, ka phone mai dáwn em ni ang? Harsa ka va ti tak ém! Tûn hun hi ka pal tlang theih chuan a bâk chu a harsat lutuk loh hrâm ka beisei; mahse, a aw ri tal hriat leh ka va châk ém!
Ka muhìl thei ngang lo, ka mittui a tla zel bawk si. Ka tho a, tukverh hawngin pâwn lam ka thlîr a, a reh țhup tawh mai. Ka hmuh theih chin vàn lam ka thlîr leh a, arsi an la lang phoh phoh a, anni pawh hi an muhìl thei bîk lo a ni ang.
Phone chu ka hmet êng a, dâr 12 a pêl tawh. A muhìl tawh ang em? A muhìl lo a nih chuan thoin vàn lam hi a thlîr ve ang em? Nge khumah a mu meng kar ang? Nge tui takin a muhìl ang?
A number chu ka hmet chhuak a, ka hmet zeuh a nih chuan ka țah khum ngei ang. Ni lo, ka hmet thei lo ang, kalsan ka tum tak tak a nih chuan he hun tak hi a pawimawh a ni. He hun hi hun harsa ber chu a ni.
**********************
Zotui ka chhuahsanna pawh kum hnih a lo tling ve leh ta; mahse, eng tik lai mahin Nunhlua hming hi ka theihnghilh ngai lo, Nunhlua tih leh Zotui khaw hming hrim hrim hi chuan ka nunah thu an sawi thûkin awmzia an nei ém a ni.
Ka chhuahsan hnua ka awm dàn zawng zawng kha diary ang reng deuhah ka ziak chhuak vek a, nakina ka chhiar leh duh tâkin ka ti a ni. Chubâkah, ka thil tawn ang tawnga tuar vete tân bâkah kei anga fahrah, chhûngte pan tùr nei lote tân a pawimawh dáwnin ka hria a, inhnem nân leh chak nân an lo hmang ve thei asin. Rilru hrehawmna leh natna ka tawh zawng zawngte kha chipchiar takin ka ziak vek a, ka chhiar leh țhìn, chu chuan chakna min pêk leh phah fo a, ka tân ngei ngei hian a lo țha a nih hi ka ti rilru fo bawk.
John-a dàwrah ka thawk a, min duhsakna ka hnar phal lo a ni. A chhan chu hna hmuh mai kha chu a har lo; mahse, thil dang ngaihtuah tel tùr ka neih vàng a ni. Thla thum chhûng kha chu a remchâng chângah ka thawk lâwr a, John-a sàwmna pawmin Khatla, Aizawla a dàwrah ka thawk ta. A hrehawm hran lo, John-a'n min ngaihsak em em reng a, a dàwr chung chiahah ka chêng nghal bawk a, a remchâng tawp. A dàwra thawk ve țhìn tho nula a awm țhìn a; mahse, pasal a ûm ta daih niàwm tak a ni.
Dàwra thawh chu a hahthlâk lěm lo, thawk pathum kan awm a, hmeichhe awmchhun ka ni. Min duat thiam khawp mai a, John-a lah chuan an bulah fiamthuin a bialnu angin min sawi a, min zahder sawtin ka hria. Kei lah ka nui mai mai a, engah vak ka ngai lo.
John-a hi ka tawng lo ang tih ka hlau ngawih ngawih. Ka tân chuan ka hmuh theih vàntirhkoh a ni, kawng engkimah min pui a, hringnun harsatna ka paltlang laia ka kianga awm reng a ni a, min hlatsan lo rêng rêng. Khum beta ka damloh lai pawhin, a hna lamah zinna tùr pawimawh tak a neih tùr pawh țhulh țhakin min awmpui tlat a, ka mamawh engkim min tihsak a ni. Min hmangaih tih ka hria, sawi miah lo mah se. Hmangaihtu thinlung hi chu chezia leh nungchang leh mitmengah a lang țhìn a, țawngka a sawi kher a ngai lo.
Pathianni a ni a, kan inkhâwm a. Biak in hi hlat lêm lo mah ila, John-a hian kea kal a phal lo tlat zel a, kan pathum chuan kan chuangho leh dal dal a, keiin naute ka pawm a, kum khat a pelh tawh avàngin a nula viau tawh a, țawng zirin a râk ve nasa tawh a, kan hlimpui thei hle.
Min chhùn viauin ka hria. Ka fa a nih vàng nge, a hmelțha ka ti a, a ngo viau bawk. A duhawm hle a, thla ruk chho a nih phei chuan a chum lutuk a, a chum reuh em avàngin ka hah phah hle thìn, kei nu lian tak ka lo ni lo nèn. A fel ém zâwk a, zànah ni se, a mu țha thei si, chhùnah lah a țap ngai bawk si lo. Fanu rangkachak hlang a ni ringawt.
"Aw le, black & white-in kan inhmu dáwn nia. I phone kha dah hmasa la?"
"Ka khawngaih che alawm, dah hmasa zâwk la?"
"I aw hriat ka la kham lo va."
"Inbe leh rih ang."
Ka bulah a awm lo va, ka hmuh leh kuah theihin a awm lo nèn, a aw tal hriat ka la duh, ka la kham lo.
"Tunah hian van a thiang kûk a, arsi an lang chiai asin, nangmah ka ngaihzia che hi an hre ve a nih ka ring."
Ka mitthla thiam reng mai. Ka maimichhîng a, ka mittui chu ka bekah a luang thla zaih zaih reng a, ka aw-ah erawh lan loh tîr hrâm hrâm ka tum.
"Nizàn kha ka ngai."
Nizàna kan hun hman dun kha kei pawhin ka ngai asin, ka ngai hlû a, khatiang hun hlimawm kha kan hmang dùn leh tawh dáwn lo asin.
"Ka ngai ngawih ngawih che a ni."
Ka ngaih thu hi ka zêp lo, ka hrilh leh khât tawh dáwn a, zanin leh naktûk zàn bâk hrilhna hun ka nei tawh dáwn lo. Hrilh mawlh mawlh ka duh.
"Kei pawhin ka ngai che, ka ngai lutuk che hi ka ngaih a țha lo hial zâwk."
"Chutiang sawi suh."
"Ka ngaih em vàng che a ni."
Kan inbe zo hlei thei lo.
A tûk zîng kârah Apuii'n min rawn phone ve thung a.
"I zin elo?!"
"Zin nâng."
"Nizànah pawh i rawn inkhâwm loh kha."
"Ka nuamsam lo alawm."
"Dâwt sawi kher a ngai lo."
"Ka ti tak tak."
"Bike-in an phur che tih an sawi a."
"Tak tak chuan, a remchâng ém a."
"Lungleiah maw?"
"Ka sawi duh lo."
Ka hrilh chuan a buaithlâk. Ani pawh hi nakin deuhah chuan ka biak loh pawh a la ngai ngei ang, chuti a nih loh chuan Nunhlua'n thil awmzia a zâwt ang a, a țang zo lo mai ang tih ka hlau. Min ngei viau ang; mahse, ani pawh hian min hre thiam thei tho ang chu.
"Tunge ni reng reng a?"
"Ka chhas maw le."
A nui hak a,"U Nunhlua ka hrilh dáwn,"a ti zui a.
"A hre dáwn tho."
Thu tak deuhin,"In inti thiam lo em ni?"tiin min zâwt a.
"Chutiang a awm lo."
Ka inkhâwm lo, ka nawmsam loh ka chhuanlam a, dâwt ka sawi hran lo. Nizàn lam ka mut tlèm bâkah ka țap leh bawk nèn, ka lu a rit lûk a ni.
Chawhnu lamah John-a a lo kal a, a lêng ve deuh reng. Pa Thanate chuan ka bialpaah an ngai hmiah, ka sawi fiah peih lo, an ngaih ngaihin ngai mai mai teh se.
John-a hnênah chuan ka chanchin zawng zawng chu ka hrilh vek a; mahse, kan mut dun thu chu ka hrilh lo. Ka awm zel dàn tùr chu min zâwt a, chhàn har ka ti viau nain hna thawh tùr zawn ka duh thu ka hrilh a, min bengvàr tùrin ka chah nghal bawk a. Ani pawh chuan theihtáwp a lo chhuah tùr thu min hrilh ve a, ka thâw a veng deuh huai mai.
Zànah nizàna min rawn phone hun angah chiah min rawn phone leh a, zanin chiah hi kan inbiak theih hun a ni tawh, zanin bâk ka be tawh lo ang a, ani pawhin min rawn be thei tawh lo ang.
"Naktûkah zîng dâr 6: 30-ah ka lo haw dáwn."
"A ni maw?! Nangmahin maw?"
"Aw."
Ka ngawi deuh vang vang a, rilru hlim takin a rawn haw ang a, kei ka lo awm tawh dáwn si lo. A hrilhhai lutuk tùr chu ka khawngaih lâwk, ka mitthla zut zut mai.
"Min ngaihtuah chiang mai, i ngawih vang vang dànah."
"Aw, ka ngaihtuah che a."
"Naktûk zànah kan inhmu thei tawh dáwn alawm, duh tâwk chin awm lovin ka kuah vawng vawng ang che."
Phûr tak, cool ruih chung siin ka in a rawn pan ang a, a lo thim țhiap si ang. Ka in kawngkhàr, tala-a inkalh țhap chu a hmu ngei ang a, mak a ti viau ang chu. Min rawn phone a tum ang a, a thei tawh dáwn si lo. A mangangin Apuii a pan ngei ang a, ani lahin ka awmna a hre dáwn si lo. Beidawng taka in lam pana a haw hnak hnak tùr chu...
"I țap lo ti raw?"
Ka mittui ka bek lama luang thla ngaih ngaih chu hruin,"Țap lo, dam leh hrisêl leh tluang takin lo haw la, chu chu ka duh a ni,"ka ti sap a.
A nui hawk a,"Ka hmuh hma che chu thih ka tum hlei nem. Nang nèna tar kun khûp biha dam dun ka duh a ni."
"Chuti chen chen chu min ning sî ang?"
"Ka ning ngai lo ang che tih i hria alawm, ka lo haw hunah thil pakhat ngen leh zawh duh che ka nei ang aw."
"Tunah a sawi theih loh em ni?"
"Theih loh, ka lo hawa ka hmuh che hunah chauh. Thurûk a ni rih."
Chu thurûk chu eng tikah mah ka hre ngai dáwn lo a nih chu.
"Ka hre châk."
"Ka lo haw hunah." A awka chhuak ațang chuan a hlim tih ka hre thei a, he a hlimna ngei mai hi thinrimna leh lungngaihnain a rawn thlâk dáwn si a, min ngeiin min haw ngawt ang, ka bumin ka tih der tih a hre chhuak thuai ang a. Min va dem dáwn tak ém!!
Mahse, kum a vei ang a, a hriat thiam theih hrâm ka beisei. Mi â a ni lo va, a hre thiam ngei ang. Chutih hunah chuan ka hmangaihna hi a hre thiam ang a, min dem tawh lo ang chu maw.
"Ka hmangaih che, ka angel te reuh te."
"Ka hmangaih che, Nunhlu. Ka nunna ai pawhin ka hmangaih che."
"Ka lawm e, min hmangaih avàng hian ka lo haw hunah làwmthu ka hrilh ang che."
"Tunah pawh min hrilh reng alawm."
"Hmai hmaah ngei hrilh che ka duh a."
"A țha alawm."
"Mu tawh rawh aw, naktûk zànah ka men hrep dáwn si che a."
Ka biak tàwpna tak tak a ni tawh dáwn. Ka la be kham hlawl bawk si lo va, biak ka la duh asin.
"Eng nge min lo hawn ang?"
"Keimah. I duh em?
"Hah, ka ei zo vek ang che."
"Kei lo thil dang i duh tel em?"
"Tel lo, nangmah chauh ka duh."
"Sure. I mut a chhuak tawh em?"
"Nangmah kha a chhuak a ni maw?"
"Ka biak rei lutuk che chuan naktûkah lu na bûrin i tho ang tih ka hlau a."
"A nih chuan kan duh tâwk dáwn em ni ang ?"
"I thu thu."
Biak ka la duh; mahse, a thawh hma a ngai dáwn si, ka khawngaih ve tho.
"Thawh hma i ngai sia, duh tâwk mai ang aw. Mang țha mut tui le aw."
"Mang țha tih chu a țha lo, mut tui tih hi a tâwk e."
"Mahse, sawi ka duh si alawm."
"Ințhenna lam a kâwk tlat."
Ka be tawh dáwn si lo va, sawi ngei ka duh si a ni. Tûn bâk hi a hnêna 'mang țha' tih sawina hun ka nei dáwn tawh lo va, a aw pawh ka hre tawh dáwn hek lo. Kan hun hnuhnung a ni tawh.
"Mang țha fo le tia thlah che hi ka duh alawm."
"Naktûk zàna sawiah khêk mai la?"
"Ni lo, vawi khat chiah ka sawi ang."
"Aw le, mut tui, mumangah min hmu dáwn nia."
"Aw le, nang pawh le. Mang țha fo le."
"Mang țha le. Dam takin lo haw la, Nundika leh a nute nèn hlim takin awmho rawh u. Kei ka lo tel ve chuan i fapa hlimna ka dâl mai mai dáwn si, in tâna țha ka duh vàngin hmangaih em em chung leh rilru na tak chungin ka kalsan che hi a țûl a ni. In hmalam hunah, kawng engkimah thil țha tinrêngin hmuak che u sela, ka kalsan che tih theihnghilh hmakin hlim ang che." Hei hi chu ka rilrua ka thlahna thu sawi a ni, a hriat loh tùrin ka hrilh mawlh mawlh.
Phone chu ka off phal lo a, a off hun ka nghâk. Ani pawh chu keimah ang tho a nih duh hmel, mittui tla chungin ka rilruin," Mang țha ngawih ngawih, dam takin lo lêt la,min hua a nih pawhin ka dem thei lo ang che. Min theihnghilh la,chuan, i fapa tân pa țha tak ni zel ang che,"ka ti sap sap a, ka phone chu ka en pah reng a.
Zanin chu ka muhîl thei dáwn lo. A awm dàn tùr ka mitthla a, khumah a mu ang a, a nupui hlui bulah chuan a mut ka ring lo. Inah pawh khân Nundika nèn an mu dùn țhìn a tih kha. Ani pawhin min ngaihtuah tho ang, min ngaihtuah chungin muthilh a tum ngei ang a, rilru hlim takin min hmuh leh hun tùr a suangtuah ngei bawk ang chu, kei lah chu min hmu leh tawh ngai dáwn si lo.
Ka mittui tla zung zung chung chuan phone chu ka khawih nauh nauh a, ka phone mai dáwn em ni ang? Harsa ka va ti tak ém! Tûn hun hi ka pal tlang theih chuan a bâk chu a harsat lutuk loh hrâm ka beisei; mahse, a aw ri tal hriat leh ka va châk ém!
Ka muhìl thei ngang lo, ka mittui a tla zel bawk si. Ka tho a, tukverh hawngin pâwn lam ka thlîr a, a reh țhup tawh mai. Ka hmuh theih chin vàn lam ka thlîr leh a, arsi an la lang phoh phoh a, anni pawh hi an muhìl thei bîk lo a ni ang.
Phone chu ka hmet êng a, dâr 12 a pêl tawh. A muhìl tawh ang em? A muhìl lo a nih chuan thoin vàn lam hi a thlîr ve ang em? Nge khumah a mu meng kar ang? Nge tui takin a muhìl ang?
A number chu ka hmet chhuak a, ka hmet zeuh a nih chuan ka țah khum ngei ang. Ni lo, ka hmet thei lo ang, kalsan ka tum tak tak a nih chuan he hun tak hi a pawimawh a ni. He hun hi hun harsa ber chu a ni.
**********************
Zotui ka chhuahsanna pawh kum hnih a lo tling ve leh ta; mahse, eng tik lai mahin Nunhlua hming hi ka theihnghilh ngai lo, Nunhlua tih leh Zotui khaw hming hrim hrim hi chuan ka nunah thu an sawi thûkin awmzia an nei ém a ni.
Ka chhuahsan hnua ka awm dàn zawng zawng kha diary ang reng deuhah ka ziak chhuak vek a, nakina ka chhiar leh duh tâkin ka ti a ni. Chubâkah, ka thil tawn ang tawnga tuar vete tân bâkah kei anga fahrah, chhûngte pan tùr nei lote tân a pawimawh dáwnin ka hria a, inhnem nân leh chak nân an lo hmang ve thei asin. Rilru hrehawmna leh natna ka tawh zawng zawngte kha chipchiar takin ka ziak vek a, ka chhiar leh țhìn, chu chuan chakna min pêk leh phah fo a, ka tân ngei ngei hian a lo țha a nih hi ka ti rilru fo bawk.
John-a dàwrah ka thawk a, min duhsakna ka hnar phal lo a ni. A chhan chu hna hmuh mai kha chu a har lo; mahse, thil dang ngaihtuah tel tùr ka neih vàng a ni. Thla thum chhûng kha chu a remchâng chângah ka thawk lâwr a, John-a sàwmna pawmin Khatla, Aizawla a dàwrah ka thawk ta. A hrehawm hran lo, John-a'n min ngaihsak em em reng a, a dàwr chung chiahah ka chêng nghal bawk a, a remchâng tawp. A dàwra thawk ve țhìn tho nula a awm țhìn a; mahse, pasal a ûm ta daih niàwm tak a ni.
Dàwra thawh chu a hahthlâk lěm lo, thawk pathum kan awm a, hmeichhe awmchhun ka ni. Min duat thiam khawp mai a, John-a lah chuan an bulah fiamthuin a bialnu angin min sawi a, min zahder sawtin ka hria. Kei lah ka nui mai mai a, engah vak ka ngai lo.
John-a hi ka tawng lo ang tih ka hlau ngawih ngawih. Ka tân chuan ka hmuh theih vàntirhkoh a ni, kawng engkimah min pui a, hringnun harsatna ka paltlang laia ka kianga awm reng a ni a, min hlatsan lo rêng rêng. Khum beta ka damloh lai pawhin, a hna lamah zinna tùr pawimawh tak a neih tùr pawh țhulh țhakin min awmpui tlat a, ka mamawh engkim min tihsak a ni. Min hmangaih tih ka hria, sawi miah lo mah se. Hmangaihtu thinlung hi chu chezia leh nungchang leh mitmengah a lang țhìn a, țawngka a sawi kher a ngai lo.
Pathianni a ni a, kan inkhâwm a. Biak in hi hlat lêm lo mah ila, John-a hian kea kal a phal lo tlat zel a, kan pathum chuan kan chuangho leh dal dal a, keiin naute ka pawm a, kum khat a pelh tawh avàngin a nula viau tawh a, țawng zirin a râk ve nasa tawh a, kan hlimpui thei hle.
Min chhùn viauin ka hria. Ka fa a nih vàng nge, a hmelțha ka ti a, a ngo viau bawk. A duhawm hle a, thla ruk chho a nih phei chuan a chum lutuk a, a chum reuh em avàngin ka hah phah hle thìn, kei nu lian tak ka lo ni lo nèn. A fel ém zâwk a, zànah ni se, a mu țha thei si, chhùnah lah a țap ngai bawk si lo. Fanu rangkachak hlang a ni ringawt.
Comments
Post a Comment