☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆REBEK☆ - 16 By Dingdi Pachuau
"Novi hi chu a fel ve ngawt mai, a hmelțha bawk si. Min ti hlim teh e."
Kan fanu, a hming pawha kan koh phal loh chu a râk ve nasa mai a, motor chuanpui hi nuam a ti țhìn hle a, John-a pawh hian a phur nasa țhìn rêng, a awm ve dàn a nia. A hman tawh phawt chuan Novi hi a kuah chawt a ni mai, min hre vetute pawhin John-a hi a pa a ni lo tih an hre miah lo. A awm nasain ka in luah hi a in pakhat ang ve tho a ni mai, a hàw peih loh châng pawhin sitting room-ah a riak mai zel. Mite ngaihah chuan nupa kan nih loh hi rin loh chi pawh a ni lo.
Ka nun engkim hretu a ni a, kei chuan ka unaupa ang maiin ka en. Min duat a, kei pawhin ka theih dàn ang ang chuan ka duat ve tho, heti khawpa min duat leh min ngaihsaktu hi ka duat lêt ve a ngai tlat a ni.
Novi ka pài ațanga tûn thlengin min țanpuitu leh engkima min buaipuitu a ni a, Novi ka neih hma, damdawi ina kal ka ngaih châng leh ka neih lai pawha ka kianga awm reng a ni. Tûn thleng pawhin min la awmpui reng chu a nih hi, ka chunga a thil tih zawng zawng hi Pathianin a lêt tam takin a rùl ngei ang tih ka ring a, ka beisei bawk a ni.
"Nangmah a chhùn che a nih hi, a fel dàn em em hi."
A nui var var mai. Nunhlua a pa dik tak ni mah se, John-a hian a fanu ang maiin a duat a, mi hmuh dànah pawh a rila rah a ni lo tih a hriat miah loh, kei ngei pawh hian mak ka ti țhìn. 'Kan fanu' a ti deuh ngat zel lehnghal a, 'ka fanu' tih leh zauh châng ka neih pawhin 'kan fanu' a lo ti vat țhìn. Fanu nei ta chiah se, Novi aia a duat chuang bîk ka ring miah lo.
Ka fanu hi ka khawvêl a ni a, hlimna min petu pawh amah bawk hi a ni. Khawharna lak ata hlimna min petu, ka engkim a ni. Lo piang lo ta se, engtin nge ka awm ang aw ka ti țhìn. Hei chauh hi Nunhlua laka ka neihchhun a ni a, ka inhnemna leh harsatna kâr pawha min pawt kal hrâm hrâmtu a ni.
"Naktûkah Lungleiah ka phei dáwn asin, i zin phei ve duh em?"
Hetiang zawhna hi vawi thum min zawhna a ni ta. Aizawl ka phei țan tirh deuh lai, Novi ka neih hnu lawk leh tunah.
"A châkawm khawp mai; mahse, ka hman loh tawh ém hi."
"I chhûngte i kan pah ang a?"
"Pa Thanate maw? A țha khawp mai, Novi pawh an rawn en ve vang vang a nia."
"Lo inring la?"
"Mahse, dàwr hi..."
"Dàwr chu mi dang an awm hi, ni hnih vèl kan châm ang a. Pa Thanate pawhin i tlawh duh lo lutuk hi an dem viau maithei che asin."
"I phal chiah maw?"
"Novi ka bula a awm zawngin phal loh ka nei hlei nem."
Tlai lamah chuan eirawng ka bàwl kêp a, aniin Novi a awm a, an inchhaih nui ar ar reng a.
Chawhmeh siam hi ka zir nasa ve viau a; mahse, ka thiam ém ém chuang miah lo. Siam awlsam leh buai hrep ngai lo chi chawhmeh ka lei char char țhìn. Sa leh kan lam hi chu ka thiam ve tho, bai leh tih neuh neuh hi ka thiam thei lo.
"I bai siam chu leh!"
"A tui lo ti raw? Ka thiam thei lo bai siam hi, ka beidawng tawh."
"A al tâwk lo a nih hi."
"Bai siam hi ka thiam zâwng a ni lo."
"Ka la zirtîr ang che."
Ka nuih a,"Hun i neih loh hi maw, i hun neih chhunah lah Novi hlîr i buaipui a,"ka ti a.
"Ani hi chu kan fanu 'cial' alawm, ani ka ngaihtuah lohin tunge maw ka buaipui ang le?"
Zànah dâr 7 pelhah a haw a, Novi a mut tawh avàngin naktûk lama kan zinnaa thawmhnaw ken tùr ka buaipui a, khua a lum avàngin thawmhnaw lum lo ka dah chhuak a, ken vak a ngai chuang lo, kan awm rei dáwn chuang si lo.
Nunhlua pawh ka hmu thut maithei a ni; hmuh ka châk ém ém rualin hmuh loh ka duh. Min huatna leh ka chunga a thinrimna ka tuar zo lo ang. Novi chungchâng hi ka hrilh bawk lo nèn, a hriat chuan a thin a ur ang a, min lâksak daih palh ang.
Ni lo, a chungchâng hi ka ngaihtuah tùr a ni lo. Heti chen hi amah ngaihtuah chungin hun ka lo hmang tawh a, harsa ti tak chunga hmalam ka pan zel chu a nih hi. Ka hmangaih vànga ka kalsan hian ka thih phah lo va, hun harsa chu tawng mah ila hmalam hunah buaipui tùr ka nei tawh. Ani chuan min haw mahse, kei chuan ka en dàn a ngai reng tho dáwn. A thuhrimin, ka va hmu kher chuang nâng.
Mut hmunah chuan Novi chu ka en vang vang a. A pa hian hmu ve se, a hmangaih ve thoin ka ring, kei min haw mahse. Ani chu pawisawi lo niin a kalsan ve azeng pawh a ni lo va, kei min huat avàng ngawtin Novi hi chu a haw ve thei lo vang.
"I pa chuan a duh ve ngawt ang che. Kei ai pawhin a duat chein ka ring. Mahse, i nu hian ka kalsan a, ka hmangaih ém avàng leh a hmangaihte nèn ka pawh țhen lohna tùrin. Nang chuan min hre thiam ang ti raw? Nang chauh hi tunah chuan innghahna ka neih chhun i ni tawh, i lo puitlin hunah chuan ka thil tih hi maw, min hriat thiamsak hi ka ring tlat a ni,"tiin ka fanu chu ka be mawlh mawlh a.
Zîngah kei aiin a harh hmasa a, min kàitho a nih ber chu. Ka hmaiah hian min fâwp dan dan țhìn, ka la harh ve lo a nih chuan.
Chaw ei hmain ka bual a, chaw ei khamah chuan ka hman ka rin loh vàngin. Kawngah khua a lum viau ka ring a, Lunglei thlen hunah sil leh thuak thuak ila.
Ka inpeih fel ta maw tihah John-a pawh a rawn thleng ve nghal a, Novi chu a rawn chuh leh nghal hmiah bawk a.
"Ka duat, Lal ânu chu a phûr hle mai ti raw? Nang i phûr ve em?"tiin a be nghal sat sat a.
Tlêm tlêmin a țawng thiam ve tawh a, a duh zâwng pawh a sawi thiam tawh a, John-a a hmuh hi a pa ang chiaha a en a nih vàng hian a ngaina em em a, a pan chat țhìn reng a ni.
"Lungleiah kal ang aw? Sâwtah, àpite hnênah aw,"tiin a pawm a, step-ah chuan a chhukpui nghal a, kei pawh chuan bâg lian vak lo khai chuan ka zui a, kawngka chu ka kalh nghal a.
Dàwr nghâk pahnih, U Dina leh Tetea chu John-a chuan a lo be mawlh mawlh a, an bul ka thlen chuan,"Nuam deuhin hun va hmang r'u, hun thâwl neih a harsat ém hi,"an lo ti a.
"Nia, a thawh hlâwk lo ber hi min lo kêp leh mai r'u, eng nge ka lo hawn ang che u?"
"In pathum khân dam takin lo lêt leh ula."
"Kei chu Pelh ka duh. A tui si."
"Aw le, a awm phawt chuan ka lo hàwn țeuh ang, țha te te khân lo awm ula, lo inhau miah suh u."
Kan infiam țhang a, kan innêl tawh hle bawk. Kal tak tak hmain Novi chu an pawm leh rih a, an làwm ve hle a ni.
Kalkawng chu ka rin aiin a lum lo deuh, Novi pawhin nuam a ti lehpek hle mai. John-a hla play chu a lo zàwm ve a, kan nuihpui nasa mai.
Mahse, a meng rei thei lo khawp mai. Mêl thum kan pelh chuan a muhìl leh dèr tawh, John-a pawh chuan a khalh chak ta deuh sawt a.
"Țhaa khân nupui dang a ru leh tawh a."
"A ni maw?! A hmaa mi kha ?"
"An ințhenna a rei leh tawh."
"A va luck ve maw le."
"Țha takin nei tawh se ka ti ngawt mai."
"Zu kha a la in reng em?"
"Aw, a thlah tak tak thei lo. In dàn tâwk hi thiam a har ve bawk a ni."
"I in ve ngai em ni?"
"In zauh zauh."
"Nang i in thiam em?"
"Thiam e. Nang i thiam lo em ni?"
"Ka in ngai hlei nem, ka hre lo."
"Thingpui in nèn a inang reng alawm."
A sawi dàn chu ka hre thiam ta mai. 'In dàn thiam' a tih leh keiin 'in dàn thiam' ka tih kha a inang lo a nih hi.
"Ka zawh dàn i hre thiam lo a nih kha."
A nui ta hak a. "Ka han ti kual vêl a nih kha, ka hre thiam reng alawm. Zu hi chu in thiam tih tak tak a awm thei lo, in thiam viau emaw kan in tih lai hian min lo in lêt reng tawh hi a lo nia; mahse, kei chu in țhìn ka ni chuang lo,"a ti duah a.
"Nia, Țhaa kha chuan zu kha a duh deuh mah mah ka ti. Apuii'n a lo țhen pawh kha a lo țha zâwk a nih hi, ti ila ințhen lo ta se, a in tawh kher lo thei bawk a."
"Ta se tih zel chuan...a buaithlâk e."
Thênzâwl kan thlen chuan Novi pawh a harh tawh a, khua chu a lo lum nuam ham ham hle mai. Kan chàwl a, Novi tân chuan John-a chuan dhoi lâksakin a barh nghal a, ka sawisêl lêm lo.
Dàwr neitunu chuan,"E khai! John, i fanu elo? A va hmelțha em em ve! A duhawm hle mai, a ngo si,"a ti hlut a.
"Um, ka fanu duat a nih hi."
"Nupui i nei tih ka lo hre lo reng reng,"tiin min rawn nuih a." Eng nge in ei duh ang le?"a ti nghal a.
Khua a lum si a, tui vâwt in tùr kan dîl a. Kalkawnga ei tùr apple leh vûr kan lei bawk a.
Haulawng kan thleng a, Haulawng ațanga Zotui pènna kawngpui ka han hmu leh zet chu, ka rilruah Zotui a lo thar leh zut zut mai, nunhlui liam tawh hnu mitthlaah a lo lang nghal zut zut a, ka thlîr zui vawng vawng mai. Tunah hian John-a hian a car khalh lai hi vei lamah herh kawi ta thut se, Zotui lam panin tlãn ta vang vang mai ila...
Kan tlãn chak ta vak lo, kawng a nuam lutuk tawh lo bawk a, Lunglei kan thlen chuan a lo tlai ve ta ruih mai.
Pa Thanate inah min drop phawt a, ani chu a tlãn chhuak lehnghal daih. Pa Thana'n min hmuh chuan a kut a lo bêng a, kan lam pana lo tlãnin," Tute nge ka hmuh hi? E khai! Kan naute chu a va lian tawh ve! A hmelțha lutuk,"a ti chûl a.
Boruak chu a nuam a ni tawp mai. Min làwm thiam a, Novi chu ka pawm hman tawh lo, an pawm a, an inpawm chhâwk a, a lawmawm rual a ni tawh bawk nèn, an bial tuau tuau mai.
Aizawl ka phei hmaa ka riahna room-ah ngei mai khân ka innghat leh a, tûn țum chu keimah chauhin ka ni ta lo, a hma ang éma khawhar lunglêng kha chuan ka awm tawh lo tùrah ngai ang.
Zanriah kan kîl laiin Pa Thana chuan,"Engtia rei nge in awm theih dáwn le?"tiin min zâwt a, kei chuan,"Naktûk tûk leh thleng kan awm thei ang,"ka lo ti vat a.
"A rei lo viau nain a zia e. Naktûk chawhnu lamah i u Zamite inah kan va lêng dáwn nia, naute thar an neih pawh i la hmuh loh kha."
"I tih dàn dàn le, ka hmu châk khawp mai."
Novi pawh a chau deuh a ni ang, a muhìl hma khawp mai a, ka sil zo hman țâwk a ni.
"A pa i hrilh tawh em?"
Room-a Pa Thana lo lût chu ka lo en reng ringawt a, Nunhlua hi hrilh tumna ka nei lo rêng rêng. Ka hrilh chuan a thinrimin min lâksak ang tih ka hlau asin, biak pawh leh pawh ka duh lo, kalsantu zâwk ka nih hi.
"Hrilh lo."
"Hrilh a hun ve tawh viau lo maw? Hrilh lo ta la, nakin hunah ka tunu hmakhua hi ngaihtuah a ngai ang a, pa hre lova a awm reng mai hi a khawngaihthlâk i ti lo em ni?"
"Min lâksak mai ang tih ka hlau a ni."
"Chutiang rilru chu a puin ka ring lo, mipa hian chutiang rilru chu kan pu vek lo asin, an nute'n an enkawl duh lo a nih ngawt loh chuan. Kei chuan hrilh hriat țha ka ti a; mahse, ka ti lui lo che a nia, i thu thu a ni e."
Mut hmunah chuan Pa Thana thil sawi chu ka ngaihtuah lêt a. A pa ka hrilh loh chuan a lo len hunah min dem viau ang em? Tunah hian hre rual a la ni lo va, ka la zêp thei a ni maithei. Nakinah a lo len hunah a pa hming min zâwt ta se, a pa chu a hriat si loh chuan min dem mai ang em? Pa lovin a piang dáwn lo tih a hre dáwn si. Hun a kal zêl ang a, ka hrilh loh pawhin hriat chhuah hun a la nei ngei ngei ang, thil hi thup theih tak tak a awm si lo. A hriat chhuah hunah min dem ang a, a thin a rim zâwk si chuan ka tuar thei dáwn em ni? Chubâkah, Nunhlua pawh hian fanu a neih hi a la hre lo a ni thei,hun a kal zel ang a, ka hrilh ni lova mi dang ka ațanga a hriat chhuah hunah a thinrim viau zâwk ang, chuan, a fanuin min dem a a lama a țan zâwk tlat chuan...
Huiz, ka rilru a hah. Tunah hian ka hrilh lo a nih pawhin hrilh hun a la awm tho tho dáwn. Hrilh hma hi a țha zâwk ang em? Mahse, engtin nge ka hrilh theih ang? A number pawh ka nei tawh lo va, Apuii leh mi dang zawng zawng pawh ka nei tawh lo vek. Tih ngaihna tak pawh ka hre tawh lo ve, ka rilru a buai.
Muhìl thei lo chuan ka let ka let a, a hnuah phei chuan thãwm dìm takin ka tho ta daih a, tukverh chu zau vak lo chuan ka hawng a, pâwn lam chu ka thlîr vang vang a.
He room-ah ngei hian Nunhlua ngaiin ka țap a nih kha. Ka biak hnuhnun berna pawh kha he room ngei hi a ni. Kum hnih liam tawh mah se, ka rilru ngaihtuahnaah chuan nizàn ang chiahin a la chiang a, tunah hian kum hnih liam taa ka awmna hmunah ngei khân ka awm leh ta, ka rilruah pawh Nunhlua tho a ni la awm ni. Tunah erawh chuan keimah chauhin ka awm tawh lo va, ka hmangaih ber nèna kan fanu nèn ngei kan awm a nih hi. A hmaa keimah chauha ka awm kha chuan Nunhlua ngaiin ka țap ka țap a, tunah ve thung chuan ka rilru amah leh kan fanu vàngin a buai ta thung. Ka țap lo va, ka rilruah erawh Nunhlua chu a awm reng thung.
Um, ka hrilh ngei ang. Fanu a nei tih hi ka hrilh hre ngei ang; mahse, a hun tùr ka hre mai lo. Phone-in nge hrilh ila țha ang lehkhathawnin? Nge direct taka hrilh lovin mi dang kal tlangin?
Ni lo, chutianga ka tih chuan a thin a rim zual ang, keimahin ka hrilh ang, hmaihmaah chuan ka hrilh thei kher lo a nih pawhin phone talin ka hrilh mai ang. Chu chu ka thu tlûkna a ni.
"Novi hi chu a fel ve ngawt mai, a hmelțha bawk si. Min ti hlim teh e."
Kan fanu, a hming pawha kan koh phal loh chu a râk ve nasa mai a, motor chuanpui hi nuam a ti țhìn hle a, John-a pawh hian a phur nasa țhìn rêng, a awm ve dàn a nia. A hman tawh phawt chuan Novi hi a kuah chawt a ni mai, min hre vetute pawhin John-a hi a pa a ni lo tih an hre miah lo. A awm nasain ka in luah hi a in pakhat ang ve tho a ni mai, a hàw peih loh châng pawhin sitting room-ah a riak mai zel. Mite ngaihah chuan nupa kan nih loh hi rin loh chi pawh a ni lo.
Ka nun engkim hretu a ni a, kei chuan ka unaupa ang maiin ka en. Min duat a, kei pawhin ka theih dàn ang ang chuan ka duat ve tho, heti khawpa min duat leh min ngaihsaktu hi ka duat lêt ve a ngai tlat a ni.
Novi ka pài ațanga tûn thlengin min țanpuitu leh engkima min buaipuitu a ni a, Novi ka neih hma, damdawi ina kal ka ngaih châng leh ka neih lai pawha ka kianga awm reng a ni. Tûn thleng pawhin min la awmpui reng chu a nih hi, ka chunga a thil tih zawng zawng hi Pathianin a lêt tam takin a rùl ngei ang tih ka ring a, ka beisei bawk a ni.
"Nangmah a chhùn che a nih hi, a fel dàn em em hi."
A nui var var mai. Nunhlua a pa dik tak ni mah se, John-a hian a fanu ang maiin a duat a, mi hmuh dànah pawh a rila rah a ni lo tih a hriat miah loh, kei ngei pawh hian mak ka ti țhìn. 'Kan fanu' a ti deuh ngat zel lehnghal a, 'ka fanu' tih leh zauh châng ka neih pawhin 'kan fanu' a lo ti vat țhìn. Fanu nei ta chiah se, Novi aia a duat chuang bîk ka ring miah lo.
Ka fanu hi ka khawvêl a ni a, hlimna min petu pawh amah bawk hi a ni. Khawharna lak ata hlimna min petu, ka engkim a ni. Lo piang lo ta se, engtin nge ka awm ang aw ka ti țhìn. Hei chauh hi Nunhlua laka ka neihchhun a ni a, ka inhnemna leh harsatna kâr pawha min pawt kal hrâm hrâmtu a ni.
"Naktûkah Lungleiah ka phei dáwn asin, i zin phei ve duh em?"
Hetiang zawhna hi vawi thum min zawhna a ni ta. Aizawl ka phei țan tirh deuh lai, Novi ka neih hnu lawk leh tunah.
"A châkawm khawp mai; mahse, ka hman loh tawh ém hi."
"I chhûngte i kan pah ang a?"
"Pa Thanate maw? A țha khawp mai, Novi pawh an rawn en ve vang vang a nia."
"Lo inring la?"
"Mahse, dàwr hi..."
"Dàwr chu mi dang an awm hi, ni hnih vèl kan châm ang a. Pa Thanate pawhin i tlawh duh lo lutuk hi an dem viau maithei che asin."
"I phal chiah maw?"
"Novi ka bula a awm zawngin phal loh ka nei hlei nem."
Tlai lamah chuan eirawng ka bàwl kêp a, aniin Novi a awm a, an inchhaih nui ar ar reng a.
Chawhmeh siam hi ka zir nasa ve viau a; mahse, ka thiam ém ém chuang miah lo. Siam awlsam leh buai hrep ngai lo chi chawhmeh ka lei char char țhìn. Sa leh kan lam hi chu ka thiam ve tho, bai leh tih neuh neuh hi ka thiam thei lo.
"I bai siam chu leh!"
"A tui lo ti raw? Ka thiam thei lo bai siam hi, ka beidawng tawh."
"A al tâwk lo a nih hi."
"Bai siam hi ka thiam zâwng a ni lo."
"Ka la zirtîr ang che."
Ka nuih a,"Hun i neih loh hi maw, i hun neih chhunah lah Novi hlîr i buaipui a,"ka ti a.
"Ani hi chu kan fanu 'cial' alawm, ani ka ngaihtuah lohin tunge maw ka buaipui ang le?"
Zànah dâr 7 pelhah a haw a, Novi a mut tawh avàngin naktûk lama kan zinnaa thawmhnaw ken tùr ka buaipui a, khua a lum avàngin thawmhnaw lum lo ka dah chhuak a, ken vak a ngai chuang lo, kan awm rei dáwn chuang si lo.
Nunhlua pawh ka hmu thut maithei a ni; hmuh ka châk ém ém rualin hmuh loh ka duh. Min huatna leh ka chunga a thinrimna ka tuar zo lo ang. Novi chungchâng hi ka hrilh bawk lo nèn, a hriat chuan a thin a ur ang a, min lâksak daih palh ang.
Ni lo, a chungchâng hi ka ngaihtuah tùr a ni lo. Heti chen hi amah ngaihtuah chungin hun ka lo hmang tawh a, harsa ti tak chunga hmalam ka pan zel chu a nih hi. Ka hmangaih vànga ka kalsan hian ka thih phah lo va, hun harsa chu tawng mah ila hmalam hunah buaipui tùr ka nei tawh. Ani chuan min haw mahse, kei chuan ka en dàn a ngai reng tho dáwn. A thuhrimin, ka va hmu kher chuang nâng.
Mut hmunah chuan Novi chu ka en vang vang a. A pa hian hmu ve se, a hmangaih ve thoin ka ring, kei min haw mahse. Ani chu pawisawi lo niin a kalsan ve azeng pawh a ni lo va, kei min huat avàng ngawtin Novi hi chu a haw ve thei lo vang.
"I pa chuan a duh ve ngawt ang che. Kei ai pawhin a duat chein ka ring. Mahse, i nu hian ka kalsan a, ka hmangaih ém avàng leh a hmangaihte nèn ka pawh țhen lohna tùrin. Nang chuan min hre thiam ang ti raw? Nang chauh hi tunah chuan innghahna ka neih chhun i ni tawh, i lo puitlin hunah chuan ka thil tih hi maw, min hriat thiamsak hi ka ring tlat a ni,"tiin ka fanu chu ka be mawlh mawlh a.
Zîngah kei aiin a harh hmasa a, min kàitho a nih ber chu. Ka hmaiah hian min fâwp dan dan țhìn, ka la harh ve lo a nih chuan.
Chaw ei hmain ka bual a, chaw ei khamah chuan ka hman ka rin loh vàngin. Kawngah khua a lum viau ka ring a, Lunglei thlen hunah sil leh thuak thuak ila.
Ka inpeih fel ta maw tihah John-a pawh a rawn thleng ve nghal a, Novi chu a rawn chuh leh nghal hmiah bawk a.
"Ka duat, Lal ânu chu a phûr hle mai ti raw? Nang i phûr ve em?"tiin a be nghal sat sat a.
Tlêm tlêmin a țawng thiam ve tawh a, a duh zâwng pawh a sawi thiam tawh a, John-a a hmuh hi a pa ang chiaha a en a nih vàng hian a ngaina em em a, a pan chat țhìn reng a ni.
"Lungleiah kal ang aw? Sâwtah, àpite hnênah aw,"tiin a pawm a, step-ah chuan a chhukpui nghal a, kei pawh chuan bâg lian vak lo khai chuan ka zui a, kawngka chu ka kalh nghal a.
Dàwr nghâk pahnih, U Dina leh Tetea chu John-a chuan a lo be mawlh mawlh a, an bul ka thlen chuan,"Nuam deuhin hun va hmang r'u, hun thâwl neih a harsat ém hi,"an lo ti a.
"Nia, a thawh hlâwk lo ber hi min lo kêp leh mai r'u, eng nge ka lo hawn ang che u?"
"In pathum khân dam takin lo lêt leh ula."
"Kei chu Pelh ka duh. A tui si."
"Aw le, a awm phawt chuan ka lo hàwn țeuh ang, țha te te khân lo awm ula, lo inhau miah suh u."
Kan infiam țhang a, kan innêl tawh hle bawk. Kal tak tak hmain Novi chu an pawm leh rih a, an làwm ve hle a ni.
Kalkawng chu ka rin aiin a lum lo deuh, Novi pawhin nuam a ti lehpek hle mai. John-a hla play chu a lo zàwm ve a, kan nuihpui nasa mai.
Mahse, a meng rei thei lo khawp mai. Mêl thum kan pelh chuan a muhìl leh dèr tawh, John-a pawh chuan a khalh chak ta deuh sawt a.
"Țhaa khân nupui dang a ru leh tawh a."
"A ni maw?! A hmaa mi kha ?"
"An ințhenna a rei leh tawh."
"A va luck ve maw le."
"Țha takin nei tawh se ka ti ngawt mai."
"Zu kha a la in reng em?"
"Aw, a thlah tak tak thei lo. In dàn tâwk hi thiam a har ve bawk a ni."
"I in ve ngai em ni?"
"In zauh zauh."
"Nang i in thiam em?"
"Thiam e. Nang i thiam lo em ni?"
"Ka in ngai hlei nem, ka hre lo."
"Thingpui in nèn a inang reng alawm."
A sawi dàn chu ka hre thiam ta mai. 'In dàn thiam' a tih leh keiin 'in dàn thiam' ka tih kha a inang lo a nih hi.
"Ka zawh dàn i hre thiam lo a nih kha."
A nui ta hak a. "Ka han ti kual vêl a nih kha, ka hre thiam reng alawm. Zu hi chu in thiam tih tak tak a awm thei lo, in thiam viau emaw kan in tih lai hian min lo in lêt reng tawh hi a lo nia; mahse, kei chu in țhìn ka ni chuang lo,"a ti duah a.
"Nia, Țhaa kha chuan zu kha a duh deuh mah mah ka ti. Apuii'n a lo țhen pawh kha a lo țha zâwk a nih hi, ti ila ințhen lo ta se, a in tawh kher lo thei bawk a."
"Ta se tih zel chuan...a buaithlâk e."
Thênzâwl kan thlen chuan Novi pawh a harh tawh a, khua chu a lo lum nuam ham ham hle mai. Kan chàwl a, Novi tân chuan John-a chuan dhoi lâksakin a barh nghal a, ka sawisêl lêm lo.
Dàwr neitunu chuan,"E khai! John, i fanu elo? A va hmelțha em em ve! A duhawm hle mai, a ngo si,"a ti hlut a.
"Um, ka fanu duat a nih hi."
"Nupui i nei tih ka lo hre lo reng reng,"tiin min rawn nuih a." Eng nge in ei duh ang le?"a ti nghal a.
Khua a lum si a, tui vâwt in tùr kan dîl a. Kalkawnga ei tùr apple leh vûr kan lei bawk a.
Haulawng kan thleng a, Haulawng ațanga Zotui pènna kawngpui ka han hmu leh zet chu, ka rilruah Zotui a lo thar leh zut zut mai, nunhlui liam tawh hnu mitthlaah a lo lang nghal zut zut a, ka thlîr zui vawng vawng mai. Tunah hian John-a hian a car khalh lai hi vei lamah herh kawi ta thut se, Zotui lam panin tlãn ta vang vang mai ila...
Kan tlãn chak ta vak lo, kawng a nuam lutuk tawh lo bawk a, Lunglei kan thlen chuan a lo tlai ve ta ruih mai.
Pa Thanate inah min drop phawt a, ani chu a tlãn chhuak lehnghal daih. Pa Thana'n min hmuh chuan a kut a lo bêng a, kan lam pana lo tlãnin," Tute nge ka hmuh hi? E khai! Kan naute chu a va lian tawh ve! A hmelțha lutuk,"a ti chûl a.
Boruak chu a nuam a ni tawp mai. Min làwm thiam a, Novi chu ka pawm hman tawh lo, an pawm a, an inpawm chhâwk a, a lawmawm rual a ni tawh bawk nèn, an bial tuau tuau mai.
Aizawl ka phei hmaa ka riahna room-ah ngei mai khân ka innghat leh a, tûn țum chu keimah chauhin ka ni ta lo, a hma ang éma khawhar lunglêng kha chuan ka awm tawh lo tùrah ngai ang.
Zanriah kan kîl laiin Pa Thana chuan,"Engtia rei nge in awm theih dáwn le?"tiin min zâwt a, kei chuan,"Naktûk tûk leh thleng kan awm thei ang,"ka lo ti vat a.
"A rei lo viau nain a zia e. Naktûk chawhnu lamah i u Zamite inah kan va lêng dáwn nia, naute thar an neih pawh i la hmuh loh kha."
"I tih dàn dàn le, ka hmu châk khawp mai."
Novi pawh a chau deuh a ni ang, a muhìl hma khawp mai a, ka sil zo hman țâwk a ni.
"A pa i hrilh tawh em?"
Room-a Pa Thana lo lût chu ka lo en reng ringawt a, Nunhlua hi hrilh tumna ka nei lo rêng rêng. Ka hrilh chuan a thinrimin min lâksak ang tih ka hlau asin, biak pawh leh pawh ka duh lo, kalsantu zâwk ka nih hi.
"Hrilh lo."
"Hrilh a hun ve tawh viau lo maw? Hrilh lo ta la, nakin hunah ka tunu hmakhua hi ngaihtuah a ngai ang a, pa hre lova a awm reng mai hi a khawngaihthlâk i ti lo em ni?"
"Min lâksak mai ang tih ka hlau a ni."
"Chutiang rilru chu a puin ka ring lo, mipa hian chutiang rilru chu kan pu vek lo asin, an nute'n an enkawl duh lo a nih ngawt loh chuan. Kei chuan hrilh hriat țha ka ti a; mahse, ka ti lui lo che a nia, i thu thu a ni e."
Mut hmunah chuan Pa Thana thil sawi chu ka ngaihtuah lêt a. A pa ka hrilh loh chuan a lo len hunah min dem viau ang em? Tunah hian hre rual a la ni lo va, ka la zêp thei a ni maithei. Nakinah a lo len hunah a pa hming min zâwt ta se, a pa chu a hriat si loh chuan min dem mai ang em? Pa lovin a piang dáwn lo tih a hre dáwn si. Hun a kal zêl ang a, ka hrilh loh pawhin hriat chhuah hun a la nei ngei ngei ang, thil hi thup theih tak tak a awm si lo. A hriat chhuah hunah min dem ang a, a thin a rim zâwk si chuan ka tuar thei dáwn em ni? Chubâkah, Nunhlua pawh hian fanu a neih hi a la hre lo a ni thei,hun a kal zel ang a, ka hrilh ni lova mi dang ka ațanga a hriat chhuah hunah a thinrim viau zâwk ang, chuan, a fanuin min dem a a lama a țan zâwk tlat chuan...
Huiz, ka rilru a hah. Tunah hian ka hrilh lo a nih pawhin hrilh hun a la awm tho tho dáwn. Hrilh hma hi a țha zâwk ang em? Mahse, engtin nge ka hrilh theih ang? A number pawh ka nei tawh lo va, Apuii leh mi dang zawng zawng pawh ka nei tawh lo vek. Tih ngaihna tak pawh ka hre tawh lo ve, ka rilru a buai.
Muhìl thei lo chuan ka let ka let a, a hnuah phei chuan thãwm dìm takin ka tho ta daih a, tukverh chu zau vak lo chuan ka hawng a, pâwn lam chu ka thlîr vang vang a.
He room-ah ngei hian Nunhlua ngaiin ka țap a nih kha. Ka biak hnuhnun berna pawh kha he room ngei hi a ni. Kum hnih liam tawh mah se, ka rilru ngaihtuahnaah chuan nizàn ang chiahin a la chiang a, tunah hian kum hnih liam taa ka awmna hmunah ngei khân ka awm leh ta, ka rilruah pawh Nunhlua tho a ni la awm ni. Tunah erawh chuan keimah chauhin ka awm tawh lo va, ka hmangaih ber nèna kan fanu nèn ngei kan awm a nih hi. A hmaa keimah chauha ka awm kha chuan Nunhlua ngaiin ka țap ka țap a, tunah ve thung chuan ka rilru amah leh kan fanu vàngin a buai ta thung. Ka țap lo va, ka rilruah erawh Nunhlua chu a awm reng thung.
Um, ka hrilh ngei ang. Fanu a nei tih hi ka hrilh hre ngei ang; mahse, a hun tùr ka hre mai lo. Phone-in nge hrilh ila țha ang lehkhathawnin? Nge direct taka hrilh lovin mi dang kal tlangin?
Ni lo, chutianga ka tih chuan a thin a rim zual ang, keimahin ka hrilh ang, hmaihmaah chuan ka hrilh thei kher lo a nih pawhin phone talin ka hrilh mai ang. Chu chu ka thu tlûkna a ni.
Comments
Post a Comment