☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆REBEK☆- 2 By Dingdi Pachuau
Chawlhniah ka inkhâwm a, tlai lamah erawh chuan inah awmin naktûk lama naupang zirtîr tùr kan hmabâk chu ka en mai mai a.
"In awm em?"
Tu tak chu ni maw? Apuii aw a ang deuhin ka hria.
"Aw, awm e. Lo lût rawh u."
Apuii leh tlangvâl pahnih, sâng zet zawt hi an rawn lût a, ka lo en reng a. Apuii chuan,"Kan lo tibuai dáwn che,"nui chung hian a ti a.
"Tihbuaina tùr a awm lo, lo țhu r'u."
Țhutna ka neihchhun chu an awh khat dêr. Dining chair 3 leh plastic chair 2 erawh ka la nei tho,ka lehkhabu chu khupin,"Apui, i țhiante chu khawi lam mi nge an nih a? Ka hmuh àwm ka va hre lo ve?"tiin ka be ve a.
"Nia, ka bula țhu hi Țhaa a nia, a piaha mi hi Țhaa țhianpa John-a a nih hi, ka țhiante an nia, Lunglei ațangin an rawn lêng vang vang a nih hi."
"A ni maw? In rawn kalna a hla vang vang hle mai."
Țhaa chuan,"Nia, pawttu hi a na ve a,"nui chung hian a lo ti a, Apuii chu a melh ralh a. Ani chuan,"Sâwm lo che ila chuan rawn lèn i tum loh kha aw,"a lo ti thung a.
Țhaa chuan,"Lo lèn kan tumin i phal lo ziah a nih kha, ti raw, țhianpa?"tiin John-a chu a en a. Ani chuan dam zet hian,"Ka hre lo le,"nui chung hian a ti a, kan nui ta vek a. An țawng duh hmèl khawp hi, fel pawh an fel ang.
"Bekte, Apuii hian ka chanchin i bulah a la sawi miah lovang ti raw?"
"Ka hre miah lo, a la sawi..."an nui ka hmuh chuan ka țawng sual emaw ka ti hial, eng nge ka sawi sual leh tâk?
Țhaa chuan,"Kha maw, i țhian kawm ber hnênah pawh kan chanchin i la sawi miah lo a nia, ka thin a rim, ka hàw dáwn,"tiin a ding ta uaih a, Apuii chuan,"I ho ém mai, sawi tùr a la awm rêng rêng lo,"zàwi sapa tiin Țhaa bân chu a chelh a. Ka țawng sual chuan ka hre lo, Apuii hian Țhaa hming ka bulah a sawi àwm ka hre tlat lo.
"Sawi fel ang, zanin tlaiah ngei hian."
Apuii chu a zak ve ngawt ang. Zah loh chhuaha John-a hi ka inthiarfihlîmpui a ngaiin ka hria, ka hreh viau nain ka țhiannu tân hian ka tih ngei a ngai. Chuan, kan awm loh laiin an inkâr an sawi fel thei ang.
"John, dàwrah min kalpui lawk mai ta che?"
"Aw le, lêng pah nghal ila?"
A nui ka hmuh chuan a ti tak tak lo tih ka hria a, ka thaw huai mai. Hmel hriat lohte nèna Chawlhni tlaia lèn chu ka duh miah lo, ka vawi khat hmuhna lehnghal.
"Apui, thil kan lei lawk ang aw, țha tê tê khân lo awm ula."
Kan hmanhmawh lêm lo, dàwr awmna hi a hla lêm lo bawk a, zawi muangin kan kal a.
"Bekte, he khaw mi dik tak hi i ni lo ang ti raw?"
A va hre thei, engtin nge a hriat le?
"Aw, ni lo ve. Engtin nge i hriat a?"
A nui sak a,"Hriat a har hlei nem. Ka hmuh chiah che khân ka hre thei nghal mai. I awmna a rei tawh em?"tiin min zâwt zui zat a.
"Rei vak lo, kum thum vêl chiah a ni. Chuan, Lunglei khawi vêngah nge in awm a?"
"Lunglei mi ka ni lo va, ka rawn zin phei lai a ni zâwk. Chanmari, Aizawlah kan awm."
"A ni maw? Aizawlah chuan kei pawh ka awm reng țhìn alawm."
Dàwrah chuan thingpui hmeh tùr kan lei a, pawisa chu ka pêk hmain John-a chuan min pêk khalh daih. Nuam lo ka ti ang reng a, inah pêk ka tum mai ang.
Kan lêt leh lamah chuan,"An lo insawi fel thei ang chu maw?"ka ti sap a, ka nui pah deuh nain ka fiamthu miah lo.
"Ngaihtuah suh, a fel vek tawh ang."
"Hrehawm ka ti ang reng, keimah vàng niin ka hria."
"An induh tawn alawm, naupang chhia pawh an ni tawh lo va, engah mah ngai duh suh."
In kan luh dáwn chuan John-a chuan,"In awm em? Kan lo lêng dáwn,"tiin kawngkhàr chu a kik karh karh phawt a,a hnuah kan lût chauh.
An lo sawi fel tawh a ni ang, an lo ințhut hnaih ém mai.
Țhaa chuan,"In rei hle mai, in lêng kual nghal a ni maw?"a lo ti vat a.
"Bektei hi alawm, 'Ka bialpa min hmuhpui lawk rawh' a ti tlat a, ka hmuhpui alawm. Rin aiin a lo chhe lehnghal a."
Fiamthu an thawh a, kan nui dar dar a. Kan thil leite chu siamin thingpui nèn kan hmeh a, mi ka nèl har teh lul nèn, anni pahnih chu ka nêl nghal mai nia.
Naupangin John-a nèn dàwra kan kal kha min lo hmu a ni chêk ang chu, min fiam nak nak mai. Ka nui mai mai, thingtlâng a la nih vàng leh a mi chêng an tam hran loh vàng hian heti ang hi chu thil nih dàn pângngai ve rêng a ni tlat a ni. Thingtlâng nun hi nuam ka ti a, kum thum chiah ka la awm nachung hian an nun dan hi ka hre ve hle tawh a ni. Mi chanchin sawi hi peih viau țhìn mah se, thingtlâng nun hi chu khawpui nun nèn tehkhin chi-ah ka ngai lo. A thianghlim ka ti a, Mizo nun hi a la lang hliah hliah ka ti bawk.
Zirtàwpni a ni a, sikul kan chawlh avàngin Apuiite leiletah kan kal dáwn a, ka phûr khawp mai. A takah ka la hmu ngai lo va, ka hmu châk tawh lutuk.
Kawng chu a nuam lutuk lo; mahse, leilet zau leh buh lo țo hring dup mai hmuh chu a nuam kher mai. Ka au chèl chûl a, Apuii nu leh pa chuan min nuih nasa mai a.
"A va nuam tak! Chuan, saw saw in thlâm a ni em?"
"Ni lo deuh, hei chu U Nunhluate leilet a nih hi, an buh hi a țha asin."
Intiveia leilet maw? A leilet chuan a neitupa a chhùn lo kher mai, a faiin a nuam ka ti, thlâm lah a zau hmel si, a nuam ngawt ang.
Apuiite leilet chu kan thleng thuai, inrîin leilet an lo nei a nih hi. Apuiite buh pawh a țha lutuk, hawi vêl a nuam tawp.
Thlâmah chuan kan lût a, a thaw veng hle mai. Ni a sa viau nain thlî a thaw deuh heuh heuh a, thlan pawh a dài nghal sawng sawng mai.
"A nuam e ka ti. Apui, hun kan neih hunah riak tùrin kal leh ila?"
"I peih phawt chuan le."
Hna kan thawk lo, thlai kan la a, luiah kan awm mai mai. Chèngkawl ka khawrh e ka ti a, te tak tê tê panga vêl ka man, chu chu min nuih vak vak a.
"Nula senior i nih tawh kha, nui vak vak suh."
"Inlâk young a ngai leh tawh alawm, tleirawl nuih duh laiah ka țan țha leh tawh."
"Țhaa ka hrilh dáwn."
Kan hàw dáwn hnaihah an dîla mi sangha kan man a, nuam ka va ti tak! Ka khêk rawi rawi mai a ni.
"U Nunhlu, eng nge i tih ve dáwn?"
"Sangha ka'n man ve ang e."
Ka nui tàwp chiang hle mai. Mipa hriata khèk vak vak hi ka duh lêm lo, he pa hriatah hlauh phei hi chuan. A nèlawm lêm lo bawk a, kei pawhin heti ang hi ka thiam ve.
"Hmeichhe naupang in hruai tel ve emaw ka tia."
"Hei, luia kal ngai lo tih takah, nuam a ti lutuk a."
Ka va ngei tak, ka hlimna boruak a rawn tichhe zo dáwn tak ngial.
"Man tam in tum em?"
Apuii pa, Pa Mawia chuan,"Tum hran lo ve, ei khawp a ni mai. In sangha kha a lian tawh ngawt lo maw?"a ti a.
Ani chuan,"Aw, lian ve tawh, kg 1 leh kg 2 inkâr vêl an ni tawh,"a lo ti ve mai a, sangha man sâ chu a en kual a.
"Nang zawng tluk loh rim i nam e, i thawk rim bawk a, hlawhtlin i phû a ni."
Hàw kawngah chuan ka kal chak thei lo. Kawng chu a chho ve deuh a, a thui ve tho bawk si a, ka hah lutuk ringawt.
"Chawlh rih i duh em?"
"Aw, i hmanhmawh loh chuan."
Ka thaw ham ham mai, ka thlan a tla nasa bawk.
"Bekte, ngaihzawng i nei ngai lovin ka hria, a dik em?"
"Aw, hmàn deuh khân pakhat chu ka nei ve."
"A nuam ve alawm, John-a hi a chhe lo viauin ka hria."
A sawi chu ka man thiam ve nghal mai. Nia, ka rualpuite chuan ngaihzawng mai ni lo pasal an nei deuh vek tawh ang chu.
"A fel khawp ang."
"An awmthei teh asin, amah khân dàwr a nei a, a nu leh pa leh chhûngte pùr buai miah lovin sum a thawk chhuak țeuh țeuh a, a ngaihsànawm asin aw."
"A luck dáwn chu."
"Teh rêng mai. Lerh tak a lo ni lo hlauh zâwk a."
Kan kal leh ţan chiah a, Nunhlua'n min rawn ûm pha a, kal hmasa se ka tih teh lul nèn, kan hnungah chuan a kal tlat a.
"Ka kal muang asin, kal hmasa rawh."
"Kan hahdam deuh dáwn tihna a ni mai."
Ka rin ai chuan a țawng ve duh. Apuii nèn chuan an țawng zauh zauh a, hnung lamah a rawn țawng thûm leh deuh dût dût țhìn a, ka nuih a tizâ. Kal muang chu min ti ve khawp ang chu.
An in lama a pèn hnu chuan Apuii chuan,"A fel asin aw,"a ti sar sar a.
"Tlangvâl senior tawh lenghal, a fel mai loh nâkah."
Apuii chuan min en hâ a, nia, a bulah hian mi ka rêl chhe khât a, mak a ti a nih pawhin a àwm viau.
"A fel bâkah a luck tel bawk aw."
"Luck lo a ni ang, tûn thlengin nupui a la neih loh hi. Tlangvâl senior, duh khirh ém ém ringawt ang chi, ka ngaisang lo."
"Tlangvâl senior a ni lo, nupui a nei tawh a; mahse, an nuin a chhuahsan ta daih a."
Chu lehnghal! Hm,a ni rêng ang, khati ang bulah kha chuan tu mah an awm rei peih lo ang, a la inla ngêng ve zui a, țawngkam ngeiawm deuha mi biak dan a la thiam zui bawk.
"A nih tak chu."
"A fapa pawh kan sikulah a luh hi."
"Tù ber hi?"
"Lalnundika."
**************
Class-ah chuan Lalnundika chu a nungchang țha pâwl a ni. A chér țhal a, a pa ang lo takin a ngo thung. A țawng tam lo khawp mai a, lehkha pawh a ti thei viau.
Chawhma last period-ah, class- ix- in ka subject chu an test a, test hi kan ngai pawimawh hle. Naupang pawh kan hrilh nasa, tûl fê-ah lo chuan test țhulh kan phal mai mai ngai lo.
"Miss, khawngaih takin, ka hãw thei ang em?"
"Ngati maw? Thil thleng a awm em ni?"
"Ka pa a damlo a, awmpui ka duh a."
"Aw le, mi dang bulah pawh ka lo sawi dáwn nia."
"Ka lãwm e, Miss."
Hmanhmawh taka Nundika kal vat vat chu ka en reng a, a nuin a chhuahsan tawh a, a pain a enkawl chho a ni. Nundika kum khat pawh a la tlin hmain a nuin a chhuahsan. Fahrah, nu nei lo a ni. Kan inang ka ti a, ka khawngaih reuh tawp; mahse, kei chu nu leh pa leh chhûngte nei lo ka ni thung. Ani chuan innghahna tùr pa a la nei tal a, kei chuan tu mah ka nei lo.
Mi dang bula ka sawi chuan Apuii chuan,"A va bengvàr loh theih ve aw! Engtik ațangin nge a lo damloh le?"a ti hul hak a.
Rova chuan,"Nundika tê hi chu a khawngaihthlâk reuh ngawt mai. In chhûngah ni se, engkimah a che vek a, fel pawh hi a fel asin. Tlaiah an inah chuan kan pêng kawi dáwn em ni ang?"a ti a, țha an titlâng a, kei chuan eng mah ka sawi ve lo.
An in chu a fâl deuh hlek a, kum thum chhûng ka awm ve tawh a, an inah hian ka la kal miah lo tih ka hria. Kawt zâwl zau vak lo neiin thingpui kung, cheh rual hmai hian an in chu a hual chhuak a, assam type in, lian vak lo hi a ni nghe nghe a.
"A nawm reuh hi."
A khaw neitu tak takte chu an lût hmasa a, in chhûng chu a zau lo nain a fel fai reuh tawp, mipa naupang enkawl atân chuan a fai mah mahin ka hria. Engkim a awm ve thlap reuh a, chhûngkaw pângngai in ang mai a ni.
Ka tih dan ngai têin in chhûng chu ka en chîk leh khawp mai, hmeichhe awm lohna tih hriat loh khawpin zu fel fai reuh a! Thil rêng rêng chu a awmna tùr hmunah a awm thlap mai, hmeichhia an mamawh lo tawp a nih àwm hi.
Nunhlua pawh a rawn țhu chhuak a, a țawng ve sup sup a. Nundika erawh chuan nuam lo a tih hmel reuh lutuk a, ka khawngaih reuh zâwk. A nuam lo duh viau ang tih chu ka hriatpui reng mai.
"Bawiha, thingpui lum la, in sir-te, in miss-te hi an chhãwl a hãl tawh ang?"
"Aw, hei ka siam mêk a."
Apuii chu a tho vat a, kei pawhin ka zui ve nghal. Thingpui chu a lo siam vek tawh a, tray-ah dahin kan sem a.
"Kan nulate hi chu an fel a nia aw, tu tlangvâl tak hi vànnei ang maw?"pu ber chuan a lo ti vang vang a.
"Lunglei lamah min la liamsanin ka ring."
"Aizâwl lamah pawh a ni thei tho."
"Rûlin mi a seh theih lohna hmunah ni rawh se."
Za tak chuan an nui zo vek, ka sen țâwn țâwn ang chu. Nunhlua ka va en lai tak chuan min lo en ve chiah a, eng emaw thil thleng a awm!!!! Ka sawi thiam chiah lo, ka thinlung hi a nghawr dawt maiin ka hria. Heti ang hian vawi khat mah ka la awm ngai lo, ka lungphu, phu rang ta lutuk thunun tum chuan zawi muangin thâwk ka la raih raih a.
"Rûlin a seh duh teuh lo, 'a tê ém mai' a ti tlat zêl."
Ka țawng ve ngam tawh lo hrim hrim. Nunhlua lam pawh ka melh ngam tawh lo, a rûk tê chuan ka lài thar ta ém ém ringawt nia. Ka pian ahnu lama ka laih ber a la ni hial ang, hawi ngaihna thlâwt ka hre lo.
He pa hi ka duh tihna em ni? Ni lo, a ni thei lul lo ang. A ngeiawm ém kha, melh pawh min melh ngai lo a nia. Vawiin kha chuan min en lai kha ka va hmu fuh ve mai mai chauh a ni. Ni lo, nula en pawhin min en lo hrim hrim bawk. Ka duh thei lo ang. Ka duh chi pawh a ni lo, pa a ni tawh a, chutah, pathlawi lehnghal, fapa tlangvâl tawh dáwn dáwn nei. Ka duh thei lo bur a ni mai; mahse...
Mut hmunah chuan Nunhlua chu ka mitthla vang vang a, a mitmeng cool zet mai, a mit hmul sei seng sawng, er miah si lo te, a aw thûm dût dût te kha a inhmeh viau chu ka ti. Vawiina min rawn en khân engtin emaw ni tak a awm ve ang em le?
Teuh lo mai, engtin mah a awm hauh lo ang. Reih ruih a, inla cool ruih ringawt mai. Nuih pawh a nui khât ngawt ang chu, hrisèl pawh a hrisêl thei nâng. Pathianin heti ang mi hi chu ka tân min ruatsak loh hrãm ka beisei. Kei chuan hlim thei tak, inla cool lo, intivei bawk lo ka duh, kha pa bulah kha chuan nun a chawhnu ruihin ka ring.
Fùr a lo thleng a, ruah a sûr leh țan ta. Nuam ti viau țhìn mah ila, thawmhnaw sûk ro har thei lutuk hi ka ning, sikul kawng a nãl duh bawk si a, fùr hi chu kan hunpui neih zînga ka ngainat loh ber a ni.
Kawng a chhia a, Lungleia mamawh lama kal pawh a huphurhawm leh ta. Kei phei chu ka dawih si a, office dàwr tùra rin ber ka ni țhìn bawk si a, ka huphurh thei tawp. Pu ber hian min ring khawp a, amah a theih loh chuan keimah hi Head ber ka ni mai.
Zîng ațangin ruah a sûr a, peih lo deuh chuan Lunglei kal tùrin ka insiam a, sumo hi a chhuak hma ve thei riau a, min rawn phone hma ngeiin chàn hman ka duh.
Tluang takin kan thleng a, office-a tih tùr țûl zawng zawng ka tih hnuah ka in pakhata ka neih, Pa Thanate inah ka pêng leh rih. Min lo lãwm thiam khawp a, riak tùrin min sâwm hial a; mahse, a theih loh tih chu an hre ve tho.
Hàw kawngah, kan thleng țêp tawh tihin kan tâng ta. Kan tànna lai hi an tàn fona a ni a, driver chuan a theih dan tùr hrang hrangin a bei a; mahse, eng a ang thei lo. Ruah a sûr seng seng bawk si nèn, rilru a hah duh tawp. Chutah, motor chu a thi ta hmak zui, a nung thei ta rêng rêng lo mai.
Kan hnungah motor a rawn ri dat dat a, motor pângngai ni lovin Bike a lo ni! A berh ve nasa mai a, raincoat ha-in, helmet full face nèn, amah a palian angreng si a, a lang pà tawp.
Kan bul a rawn thlen chuan driver nèn chuan an inbia a, ka lo en chîk lêm loh avàngin tunge ka hre thei lo.
Motor ațang chuan hmanrua la chhuakin a hma chu a va hawng rak rak a, driver nèn chuan an buaipui ta a, sumo-a chuang hi hmeichhia kan nih deuh vek avàngin puih ngaihna rêng rêng kan hre lo, kan țhu ve tawp. Pâwna chhuak tùrin ruah a tlâl bâkah a dial bawk si.
Rei vak lo hnuah Bike khalhtupa chu rawn lûtin motor chu a rawn tinung ta hlarh hlarh a, hnehsawh zeta steering chu tuai vat vatin kan tànna ațang chuan kan tlân chhuak ta zawt mai a, hnehsawh ka va ti tak em! Heti ang mi hi a ni motor khalh thiam ka tih chu.
Motor ațang chuan chhuakin kan driver pângngai a rawn lût leh thung a, a huh hnuang mai. A àwm ve tho mai, ruah a tla seng seng reng tlat a ni.
Chawlhniah ka inkhâwm a, tlai lamah erawh chuan inah awmin naktûk lama naupang zirtîr tùr kan hmabâk chu ka en mai mai a.
"In awm em?"
Tu tak chu ni maw? Apuii aw a ang deuhin ka hria.
"Aw, awm e. Lo lût rawh u."
Apuii leh tlangvâl pahnih, sâng zet zawt hi an rawn lût a, ka lo en reng a. Apuii chuan,"Kan lo tibuai dáwn che,"nui chung hian a ti a.
"Tihbuaina tùr a awm lo, lo țhu r'u."
Țhutna ka neihchhun chu an awh khat dêr. Dining chair 3 leh plastic chair 2 erawh ka la nei tho,ka lehkhabu chu khupin,"Apui, i țhiante chu khawi lam mi nge an nih a? Ka hmuh àwm ka va hre lo ve?"tiin ka be ve a.
"Nia, ka bula țhu hi Țhaa a nia, a piaha mi hi Țhaa țhianpa John-a a nih hi, ka țhiante an nia, Lunglei ațangin an rawn lêng vang vang a nih hi."
"A ni maw? In rawn kalna a hla vang vang hle mai."
Țhaa chuan,"Nia, pawttu hi a na ve a,"nui chung hian a lo ti a, Apuii chu a melh ralh a. Ani chuan,"Sâwm lo che ila chuan rawn lèn i tum loh kha aw,"a lo ti thung a.
Țhaa chuan,"Lo lèn kan tumin i phal lo ziah a nih kha, ti raw, țhianpa?"tiin John-a chu a en a. Ani chuan dam zet hian,"Ka hre lo le,"nui chung hian a ti a, kan nui ta vek a. An țawng duh hmèl khawp hi, fel pawh an fel ang.
"Bekte, Apuii hian ka chanchin i bulah a la sawi miah lovang ti raw?"
"Ka hre miah lo, a la sawi..."an nui ka hmuh chuan ka țawng sual emaw ka ti hial, eng nge ka sawi sual leh tâk?
Țhaa chuan,"Kha maw, i țhian kawm ber hnênah pawh kan chanchin i la sawi miah lo a nia, ka thin a rim, ka hàw dáwn,"tiin a ding ta uaih a, Apuii chuan,"I ho ém mai, sawi tùr a la awm rêng rêng lo,"zàwi sapa tiin Țhaa bân chu a chelh a. Ka țawng sual chuan ka hre lo, Apuii hian Țhaa hming ka bulah a sawi àwm ka hre tlat lo.
"Sawi fel ang, zanin tlaiah ngei hian."
Apuii chu a zak ve ngawt ang. Zah loh chhuaha John-a hi ka inthiarfihlîmpui a ngaiin ka hria, ka hreh viau nain ka țhiannu tân hian ka tih ngei a ngai. Chuan, kan awm loh laiin an inkâr an sawi fel thei ang.
"John, dàwrah min kalpui lawk mai ta che?"
"Aw le, lêng pah nghal ila?"
A nui ka hmuh chuan a ti tak tak lo tih ka hria a, ka thaw huai mai. Hmel hriat lohte nèna Chawlhni tlaia lèn chu ka duh miah lo, ka vawi khat hmuhna lehnghal.
"Apui, thil kan lei lawk ang aw, țha tê tê khân lo awm ula."
Kan hmanhmawh lêm lo, dàwr awmna hi a hla lêm lo bawk a, zawi muangin kan kal a.
"Bekte, he khaw mi dik tak hi i ni lo ang ti raw?"
A va hre thei, engtin nge a hriat le?
"Aw, ni lo ve. Engtin nge i hriat a?"
A nui sak a,"Hriat a har hlei nem. Ka hmuh chiah che khân ka hre thei nghal mai. I awmna a rei tawh em?"tiin min zâwt zui zat a.
"Rei vak lo, kum thum vêl chiah a ni. Chuan, Lunglei khawi vêngah nge in awm a?"
"Lunglei mi ka ni lo va, ka rawn zin phei lai a ni zâwk. Chanmari, Aizawlah kan awm."
"A ni maw? Aizawlah chuan kei pawh ka awm reng țhìn alawm."
Dàwrah chuan thingpui hmeh tùr kan lei a, pawisa chu ka pêk hmain John-a chuan min pêk khalh daih. Nuam lo ka ti ang reng a, inah pêk ka tum mai ang.
Kan lêt leh lamah chuan,"An lo insawi fel thei ang chu maw?"ka ti sap a, ka nui pah deuh nain ka fiamthu miah lo.
"Ngaihtuah suh, a fel vek tawh ang."
"Hrehawm ka ti ang reng, keimah vàng niin ka hria."
"An induh tawn alawm, naupang chhia pawh an ni tawh lo va, engah mah ngai duh suh."
In kan luh dáwn chuan John-a chuan,"In awm em? Kan lo lêng dáwn,"tiin kawngkhàr chu a kik karh karh phawt a,a hnuah kan lût chauh.
An lo sawi fel tawh a ni ang, an lo ințhut hnaih ém mai.
Țhaa chuan,"In rei hle mai, in lêng kual nghal a ni maw?"a lo ti vat a.
"Bektei hi alawm, 'Ka bialpa min hmuhpui lawk rawh' a ti tlat a, ka hmuhpui alawm. Rin aiin a lo chhe lehnghal a."
Fiamthu an thawh a, kan nui dar dar a. Kan thil leite chu siamin thingpui nèn kan hmeh a, mi ka nèl har teh lul nèn, anni pahnih chu ka nêl nghal mai nia.
Naupangin John-a nèn dàwra kan kal kha min lo hmu a ni chêk ang chu, min fiam nak nak mai. Ka nui mai mai, thingtlâng a la nih vàng leh a mi chêng an tam hran loh vàng hian heti ang hi chu thil nih dàn pângngai ve rêng a ni tlat a ni. Thingtlâng nun hi nuam ka ti a, kum thum chiah ka la awm nachung hian an nun dan hi ka hre ve hle tawh a ni. Mi chanchin sawi hi peih viau țhìn mah se, thingtlâng nun hi chu khawpui nun nèn tehkhin chi-ah ka ngai lo. A thianghlim ka ti a, Mizo nun hi a la lang hliah hliah ka ti bawk.
Zirtàwpni a ni a, sikul kan chawlh avàngin Apuiite leiletah kan kal dáwn a, ka phûr khawp mai. A takah ka la hmu ngai lo va, ka hmu châk tawh lutuk.
Kawng chu a nuam lutuk lo; mahse, leilet zau leh buh lo țo hring dup mai hmuh chu a nuam kher mai. Ka au chèl chûl a, Apuii nu leh pa chuan min nuih nasa mai a.
"A va nuam tak! Chuan, saw saw in thlâm a ni em?"
"Ni lo deuh, hei chu U Nunhluate leilet a nih hi, an buh hi a țha asin."
Intiveia leilet maw? A leilet chuan a neitupa a chhùn lo kher mai, a faiin a nuam ka ti, thlâm lah a zau hmel si, a nuam ngawt ang.
Apuiite leilet chu kan thleng thuai, inrîin leilet an lo nei a nih hi. Apuiite buh pawh a țha lutuk, hawi vêl a nuam tawp.
Thlâmah chuan kan lût a, a thaw veng hle mai. Ni a sa viau nain thlî a thaw deuh heuh heuh a, thlan pawh a dài nghal sawng sawng mai.
"A nuam e ka ti. Apui, hun kan neih hunah riak tùrin kal leh ila?"
"I peih phawt chuan le."
Hna kan thawk lo, thlai kan la a, luiah kan awm mai mai. Chèngkawl ka khawrh e ka ti a, te tak tê tê panga vêl ka man, chu chu min nuih vak vak a.
"Nula senior i nih tawh kha, nui vak vak suh."
"Inlâk young a ngai leh tawh alawm, tleirawl nuih duh laiah ka țan țha leh tawh."
"Țhaa ka hrilh dáwn."
Kan hàw dáwn hnaihah an dîla mi sangha kan man a, nuam ka va ti tak! Ka khêk rawi rawi mai a ni.
"U Nunhlu, eng nge i tih ve dáwn?"
"Sangha ka'n man ve ang e."
Ka nui tàwp chiang hle mai. Mipa hriata khèk vak vak hi ka duh lêm lo, he pa hriatah hlauh phei hi chuan. A nèlawm lêm lo bawk a, kei pawhin heti ang hi ka thiam ve.
"Hmeichhe naupang in hruai tel ve emaw ka tia."
"Hei, luia kal ngai lo tih takah, nuam a ti lutuk a."
Ka va ngei tak, ka hlimna boruak a rawn tichhe zo dáwn tak ngial.
"Man tam in tum em?"
Apuii pa, Pa Mawia chuan,"Tum hran lo ve, ei khawp a ni mai. In sangha kha a lian tawh ngawt lo maw?"a ti a.
Ani chuan,"Aw, lian ve tawh, kg 1 leh kg 2 inkâr vêl an ni tawh,"a lo ti ve mai a, sangha man sâ chu a en kual a.
"Nang zawng tluk loh rim i nam e, i thawk rim bawk a, hlawhtlin i phû a ni."
Hàw kawngah chuan ka kal chak thei lo. Kawng chu a chho ve deuh a, a thui ve tho bawk si a, ka hah lutuk ringawt.
"Chawlh rih i duh em?"
"Aw, i hmanhmawh loh chuan."
Ka thaw ham ham mai, ka thlan a tla nasa bawk.
"Bekte, ngaihzawng i nei ngai lovin ka hria, a dik em?"
"Aw, hmàn deuh khân pakhat chu ka nei ve."
"A nuam ve alawm, John-a hi a chhe lo viauin ka hria."
A sawi chu ka man thiam ve nghal mai. Nia, ka rualpuite chuan ngaihzawng mai ni lo pasal an nei deuh vek tawh ang chu.
"A fel khawp ang."
"An awmthei teh asin, amah khân dàwr a nei a, a nu leh pa leh chhûngte pùr buai miah lovin sum a thawk chhuak țeuh țeuh a, a ngaihsànawm asin aw."
"A luck dáwn chu."
"Teh rêng mai. Lerh tak a lo ni lo hlauh zâwk a."
Kan kal leh ţan chiah a, Nunhlua'n min rawn ûm pha a, kal hmasa se ka tih teh lul nèn, kan hnungah chuan a kal tlat a.
"Ka kal muang asin, kal hmasa rawh."
"Kan hahdam deuh dáwn tihna a ni mai."
Ka rin ai chuan a țawng ve duh. Apuii nèn chuan an țawng zauh zauh a, hnung lamah a rawn țawng thûm leh deuh dût dût țhìn a, ka nuih a tizâ. Kal muang chu min ti ve khawp ang chu.
An in lama a pèn hnu chuan Apuii chuan,"A fel asin aw,"a ti sar sar a.
"Tlangvâl senior tawh lenghal, a fel mai loh nâkah."
Apuii chuan min en hâ a, nia, a bulah hian mi ka rêl chhe khât a, mak a ti a nih pawhin a àwm viau.
"A fel bâkah a luck tel bawk aw."
"Luck lo a ni ang, tûn thlengin nupui a la neih loh hi. Tlangvâl senior, duh khirh ém ém ringawt ang chi, ka ngaisang lo."
"Tlangvâl senior a ni lo, nupui a nei tawh a; mahse, an nuin a chhuahsan ta daih a."
Chu lehnghal! Hm,a ni rêng ang, khati ang bulah kha chuan tu mah an awm rei peih lo ang, a la inla ngêng ve zui a, țawngkam ngeiawm deuha mi biak dan a la thiam zui bawk.
"A nih tak chu."
"A fapa pawh kan sikulah a luh hi."
"Tù ber hi?"
"Lalnundika."
**************
Class-ah chuan Lalnundika chu a nungchang țha pâwl a ni. A chér țhal a, a pa ang lo takin a ngo thung. A țawng tam lo khawp mai a, lehkha pawh a ti thei viau.
Chawhma last period-ah, class- ix- in ka subject chu an test a, test hi kan ngai pawimawh hle. Naupang pawh kan hrilh nasa, tûl fê-ah lo chuan test țhulh kan phal mai mai ngai lo.
"Miss, khawngaih takin, ka hãw thei ang em?"
"Ngati maw? Thil thleng a awm em ni?"
"Ka pa a damlo a, awmpui ka duh a."
"Aw le, mi dang bulah pawh ka lo sawi dáwn nia."
"Ka lãwm e, Miss."
Hmanhmawh taka Nundika kal vat vat chu ka en reng a, a nuin a chhuahsan tawh a, a pain a enkawl chho a ni. Nundika kum khat pawh a la tlin hmain a nuin a chhuahsan. Fahrah, nu nei lo a ni. Kan inang ka ti a, ka khawngaih reuh tawp; mahse, kei chu nu leh pa leh chhûngte nei lo ka ni thung. Ani chuan innghahna tùr pa a la nei tal a, kei chuan tu mah ka nei lo.
Mi dang bula ka sawi chuan Apuii chuan,"A va bengvàr loh theih ve aw! Engtik ațangin nge a lo damloh le?"a ti hul hak a.
Rova chuan,"Nundika tê hi chu a khawngaihthlâk reuh ngawt mai. In chhûngah ni se, engkimah a che vek a, fel pawh hi a fel asin. Tlaiah an inah chuan kan pêng kawi dáwn em ni ang?"a ti a, țha an titlâng a, kei chuan eng mah ka sawi ve lo.
An in chu a fâl deuh hlek a, kum thum chhûng ka awm ve tawh a, an inah hian ka la kal miah lo tih ka hria. Kawt zâwl zau vak lo neiin thingpui kung, cheh rual hmai hian an in chu a hual chhuak a, assam type in, lian vak lo hi a ni nghe nghe a.
"A nawm reuh hi."
A khaw neitu tak takte chu an lût hmasa a, in chhûng chu a zau lo nain a fel fai reuh tawp, mipa naupang enkawl atân chuan a fai mah mahin ka hria. Engkim a awm ve thlap reuh a, chhûngkaw pângngai in ang mai a ni.
Ka tih dan ngai têin in chhûng chu ka en chîk leh khawp mai, hmeichhe awm lohna tih hriat loh khawpin zu fel fai reuh a! Thil rêng rêng chu a awmna tùr hmunah a awm thlap mai, hmeichhia an mamawh lo tawp a nih àwm hi.
Nunhlua pawh a rawn țhu chhuak a, a țawng ve sup sup a. Nundika erawh chuan nuam lo a tih hmel reuh lutuk a, ka khawngaih reuh zâwk. A nuam lo duh viau ang tih chu ka hriatpui reng mai.
"Bawiha, thingpui lum la, in sir-te, in miss-te hi an chhãwl a hãl tawh ang?"
"Aw, hei ka siam mêk a."
Apuii chu a tho vat a, kei pawhin ka zui ve nghal. Thingpui chu a lo siam vek tawh a, tray-ah dahin kan sem a.
"Kan nulate hi chu an fel a nia aw, tu tlangvâl tak hi vànnei ang maw?"pu ber chuan a lo ti vang vang a.
"Lunglei lamah min la liamsanin ka ring."
"Aizâwl lamah pawh a ni thei tho."
"Rûlin mi a seh theih lohna hmunah ni rawh se."
Za tak chuan an nui zo vek, ka sen țâwn țâwn ang chu. Nunhlua ka va en lai tak chuan min lo en ve chiah a, eng emaw thil thleng a awm!!!! Ka sawi thiam chiah lo, ka thinlung hi a nghawr dawt maiin ka hria. Heti ang hian vawi khat mah ka la awm ngai lo, ka lungphu, phu rang ta lutuk thunun tum chuan zawi muangin thâwk ka la raih raih a.
"Rûlin a seh duh teuh lo, 'a tê ém mai' a ti tlat zêl."
Ka țawng ve ngam tawh lo hrim hrim. Nunhlua lam pawh ka melh ngam tawh lo, a rûk tê chuan ka lài thar ta ém ém ringawt nia. Ka pian ahnu lama ka laih ber a la ni hial ang, hawi ngaihna thlâwt ka hre lo.
He pa hi ka duh tihna em ni? Ni lo, a ni thei lul lo ang. A ngeiawm ém kha, melh pawh min melh ngai lo a nia. Vawiin kha chuan min en lai kha ka va hmu fuh ve mai mai chauh a ni. Ni lo, nula en pawhin min en lo hrim hrim bawk. Ka duh thei lo ang. Ka duh chi pawh a ni lo, pa a ni tawh a, chutah, pathlawi lehnghal, fapa tlangvâl tawh dáwn dáwn nei. Ka duh thei lo bur a ni mai; mahse...
Mut hmunah chuan Nunhlua chu ka mitthla vang vang a, a mitmeng cool zet mai, a mit hmul sei seng sawng, er miah si lo te, a aw thûm dût dût te kha a inhmeh viau chu ka ti. Vawiina min rawn en khân engtin emaw ni tak a awm ve ang em le?
Teuh lo mai, engtin mah a awm hauh lo ang. Reih ruih a, inla cool ruih ringawt mai. Nuih pawh a nui khât ngawt ang chu, hrisèl pawh a hrisêl thei nâng. Pathianin heti ang mi hi chu ka tân min ruatsak loh hrãm ka beisei. Kei chuan hlim thei tak, inla cool lo, intivei bawk lo ka duh, kha pa bulah kha chuan nun a chawhnu ruihin ka ring.
Fùr a lo thleng a, ruah a sûr leh țan ta. Nuam ti viau țhìn mah ila, thawmhnaw sûk ro har thei lutuk hi ka ning, sikul kawng a nãl duh bawk si a, fùr hi chu kan hunpui neih zînga ka ngainat loh ber a ni.
Kawng a chhia a, Lungleia mamawh lama kal pawh a huphurhawm leh ta. Kei phei chu ka dawih si a, office dàwr tùra rin ber ka ni țhìn bawk si a, ka huphurh thei tawp. Pu ber hian min ring khawp a, amah a theih loh chuan keimah hi Head ber ka ni mai.
Zîng ațangin ruah a sûr a, peih lo deuh chuan Lunglei kal tùrin ka insiam a, sumo hi a chhuak hma ve thei riau a, min rawn phone hma ngeiin chàn hman ka duh.
Tluang takin kan thleng a, office-a tih tùr țûl zawng zawng ka tih hnuah ka in pakhata ka neih, Pa Thanate inah ka pêng leh rih. Min lo lãwm thiam khawp a, riak tùrin min sâwm hial a; mahse, a theih loh tih chu an hre ve tho.
Hàw kawngah, kan thleng țêp tawh tihin kan tâng ta. Kan tànna lai hi an tàn fona a ni a, driver chuan a theih dan tùr hrang hrangin a bei a; mahse, eng a ang thei lo. Ruah a sûr seng seng bawk si nèn, rilru a hah duh tawp. Chutah, motor chu a thi ta hmak zui, a nung thei ta rêng rêng lo mai.
Kan hnungah motor a rawn ri dat dat a, motor pângngai ni lovin Bike a lo ni! A berh ve nasa mai a, raincoat ha-in, helmet full face nèn, amah a palian angreng si a, a lang pà tawp.
Kan bul a rawn thlen chuan driver nèn chuan an inbia a, ka lo en chîk lêm loh avàngin tunge ka hre thei lo.
Motor ațang chuan hmanrua la chhuakin a hma chu a va hawng rak rak a, driver nèn chuan an buaipui ta a, sumo-a chuang hi hmeichhia kan nih deuh vek avàngin puih ngaihna rêng rêng kan hre lo, kan țhu ve tawp. Pâwna chhuak tùrin ruah a tlâl bâkah a dial bawk si.
Rei vak lo hnuah Bike khalhtupa chu rawn lûtin motor chu a rawn tinung ta hlarh hlarh a, hnehsawh zeta steering chu tuai vat vatin kan tànna ațang chuan kan tlân chhuak ta zawt mai a, hnehsawh ka va ti tak em! Heti ang mi hi a ni motor khalh thiam ka tih chu.
Motor ațang chuan chhuakin kan driver pângngai a rawn lût leh thung a, a huh hnuang mai. A àwm ve tho mai, ruah a tla seng seng reng tlat a ni.
Comments
Post a Comment