☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆REBEK☆-3 By Dingdi Pachuau
"U Nunhlua nge nge, a indaihzai bîk mang e, thiam loh pawh hi a nei lovin ka hria."
Nunhlua hming a rawn sawi chuan ka beng a verh chiang khawp mai. Ka țhutna ațang chuan ka hawi kual nghal vat a,bike-a a lâwn chu ka hmu nghal bawk. Lunglei a kal ve em ni le? Nge Haulawng lamah zâwk? Ruahsûr hnuaiah a ni si a, a damlo leh rêu rêu ang ti nia.
Ka bula țhu, nu lian lam deuh chuan,"Thiam loh pakhat chu a nei ve lo maw? Nupui koh haw dan a thiam lovin ka hria,"nui chung hian a lo ti a.
Kan hmaa țhu putar ve thung chuan,"Mi taima leh tlàwmngai tak a ni bawk asin, a hna thawk rêng rêng pawh hi a zei thlarh mai a. Lehkhathiam tho si, taima leh kut hnathawh hreh bawk si lo, ani ang hi chu ngaihsànawm ka ti asin,"a ti charh charh a.
Driver chuan,"A nupui nèn khân eng vànga ințhen nge an nih le?"a lo ti thung a, motor chu tinungin kan tlân ve ta a.
Ka bula mi chuan,"An nu khân tlangvâl dang a ûm a ni lo'm ni?"a ti sap a.
E khai!!!! A va râpthlâk ve! Chuti ang chu Nunhlua hian a tawng maw?! Chuan, Nundika têt laiin tlangvâl dang a ûm a nih si chuan Nunhlua hian amah chauhin a enkawl chho ngar ngar tihna a ni a, a va khawngaihthlâk ve! Nu leh pa ni kawpin naute kum 1 mi vêl chu a enkawl chho a nia, chutih lai chuan a la upa vak àwm bîk si lo va...
"Nunhlua hian an nu kha a duh ém asin, a hmangaih ngawih ngawih kha a ni a, tunah hian rawn lêt leh ta se, a lo pawm leh duh maiin a nia ka rin ni."
"Hmangaihna hi chu, sawi fiah leh hriat phâk loh a ni tlat si a ni."
A lo ni maw? Heti chen nupui dang a la neih loh chhan pawh hi a nupui lo lêt leh hun a châng a ni ngei ang, a fapa nu a ni bawk a; a hmangaih tak a nih bawk si chuan a lo nghâk thei ém ém ang.
Engtizia nge kei hi, heti ang lam hi ka ngaihtuah vak vak a? Ka ngaihzawngpa pawh a ni lo va,inbe țhìn leh innêl pawh kan ni lo. Chubâkah, ka chungah a ngeiawm theih ém kha, min nuihzattu a ni. Hmeichhe hlau thlabâr min nuihzattu, hei hi ka theihnghilh tùr a ni lo.
Țhaa leh John-a pawh an rawn lêng ta zauh zauh mai. Khua a țhat viau pawhin tlai lamah ruah a sûr duh si a,an ngaihtuahawm thei țhìn khawp mai, Țhaa lahin Chawlhni a lo nih tawh phawt chuan rawn lèn a tum ziah bawk si, ka in chu a lùn thei khawp.
John-a chu a fel khawp mai, kan inkàwmngeih tawh hle a, an chhûngkaw chanchinte min hrilh țhìn. A țawng duh a, a hmelțha a, a polite hle bawk.
"Aizawl i phei har tawh e."
"Chu, phei thuai tùrin min duh tihna a ni maw? Min lo ning tawh àwm mang e.'
"Ni lo, chuti ang vàng a ni lo."
"Ka phei țêp tawh."
"Lo phei leh thuai la?"
"Min lo ngai ang em?"
"A reh ngawt ang, ka inlêng neihchhun in ni sia."
"Thu dik pawh va ni suh."
"Tak tak alawm, khua a har duh lutuk."
A ni tak tak. Zirtîrtu ka nih vàng hian a nih ka ring, mi hian lo lèn an hreh phah deuh tlat a, Apuii lah a hman bîk si lo. Thawhpui tlangvâl pahnih lah hi min fiam hlut reng a, chu zawng chu.
Tlaia kan sikul bâng chu Hminga chuan," Pu Muanate inah khân in lêng ve tawh hlawm em?"a ti a. Pu Muana pawh chu ka hre si lo va, ka ngawi reng a.
Apuii chuan,"Lêng nâng, i lêng tawh bîk elo?"a lo ti vat a. Ani chuan,"Lêng lo, ka nu chu nizàn khân a va kal ve zawk a, eng vak a ang lo a ni àwm e,"a ti a.
Madam Nui chuan,"Kan pa kha chu a lêng ve ngei mai a, kei tak chu ka la kal bîk lo,"a lo ti ve a. Ka ngawi reng tawp, an mi sawi chu Aizawla inentîra va kal, va awm ta reng kha a nih ka ring deuh ringawt.
"Zaninah kan lêng ve dáwn em ni ang? In duh hlawm em?"
"Nia, a tlawngãwl deuhho kha va lêng teh u."
Pu Muanate in chu Nunhluate in lam kawngah a lo awm a, hlat pawh an inhlat lêm lo. Kalkawnga kan kal chhûng chuan Apuii chuan Pu Muana chanchin chu min hrilh pah a, a tar ve deuh tawh bawk a, cancer a lo ni bawk nèn. An beidawng a, an rawn hàwpui tawp niàwm tak a ni.
In chhûngah chuan ka rin aiin mi an lo awm tam a, nula pahnih leh tlangvâl pahnih lût chu min lo en deuh hâ hâ-in ka hria, mikhual chan ka chan deuh vàng pawh a ni mahna.
Thingpui sen hâng min lo pe vat a, ka in ngai lo asin le. Zàna thingpui in phei chuan zun a chhuak sek a, ka in ve pawhin ka tho sek zel. Zanin erawh ka tawrh hrãm hrãm a ngai dáwn a nih hi.
Room lamah damlo chu a awm a, an chhûng leh khatte chu an va lût leh zawk țhìn. Puitling, nu leh pate chu an titi a, ring vak lovin. Keini chu kan ngawi reng a, awm dan tùr ka hre thiam lo.
Nunhlua ka hmu tlat!
Pâwnah ka hmu a ni. Thingpui lum zîngah a tel ve a ni maithei. Tuna kan kan mêk, Pu Muanate in hi a zîm ve a, thingpui pawh pâwnah an lum daih, a chungah ràngva an zàrsak a, a zia daih zâwk ang chu.
A hnuah a rawn lût, a chezia ka lo chîk khawp mai. Ani chuan min hmu teuh lo, kei erawh chuan ka hmu kiau thung. He pa zùnah hian ka uai chu a nih țan dèr tawh hi maw. En duh lo hle mah ila ka mit hian a zawng kual ruai tho zel a ni. Ka phâ thei lo, ka rilruin duh lo ti mah se, ka thinlung hian a hre tlat si.
Kan piahah a rawn țhu, incheina melh ngai lo hian a incheina, a thawmhnaw hâk leh pheikhawk thlengin ka en chhuak vek!
T-shirt dum nghâwng V hain, jeans pãwl duk lam deuh a ha a, a pheikhawk pawh a dum. Rawng dum lam a ngaina a nih dáwn hi. Chuan, țhî a awrh bawk, silver a ni. Hei chu a nupui pêk a nih ngei ka ring, a awrh rei ve tawh ngawt ang chu. Tunah a fapa pawh kum 14 vêl a ni tawh a, ani hi chu a lo berah 35 a ni sa. Um, a tâwk chiah.
"I mut a chhuak em ni?"
Thil ka lo ngaihtuah nasat avàngin ka lo maimichhîng daih niin. Meng chhuakin,"Chhuak lo ve, thil ka ngaihtuah kual mai mai a,"ka ti ta ringawt a.
"I hàw duh chuan sawi la aw."
"Aw le, tunah chuan a la hma alawm."
Thãwm deuh hak a awm avàngin ka hawi chhuak vat a, room lamah chuan an tlãn lût bawk a.
"Eng thil nge ni?"
"Pu Muana mar a buai deuh a ni ang."
"A thî ang a?"
"Ka hre lo le."
A nuam lêm lo. Kan beng kan tun hrâ reng mai a; mahse, a pângngai leh a ni ang, an rawn chhuak leh deuh phak phak a, tlêm chuan rilru a nuam deuh.
Eng mah tih theih kan neih loh avàng chuan dâr 10 pelhah kan hãw a, ruah a tla deuh cherh cherh lehnghal a, thinlung a zîng.
A tûk chhûn dar 12 vêlah a boral ta nge nge. Zàn tlaivàr a ngai dáwn, peihawm loh viau țhìn mah se, țhalai tân chuan tih ngei ngei tùr a ni tawp. Pawi lo, Nunhlua pawh a tlaivâr hrim hrim ang, hmuhna hun ka nei tihna a ni mai. Tih tak takah chuan thihna pawh hi malsàwmna a ni ve thei tho alawm le.
Mahse, he pa hi ka hua. Tlaivàrnaah inhmachhawn zâwngin kan țhu a, vawi khat tê pawh min en chhin lo hrim hrim nia, kan țhutpui nulate inbe ru leh sar sar țhìn chu ka hria. Nunhlua an en leh zauh zauh pawh ka hmu reng, Apuii sawi ang deuh hlek khân he pa hi a lo luck phian a nih dáwn hi. A țhut dan ngai rengin a țhu a, a che mang mang lo rêng rêng.
Zài ka thiam lêm lo nain ka zâi peih viau thung. Ka theih ang tâwka ring chuan ka zâi ve a, mi dang aw a ţhain a ring a, zài pawh a nuam viau, Nunhlua hian ka rilru kam hle lo phei se chuan, a nuam ngawt ang chu.
Zàn dâr 12:30 vêlah chuan sawhchiar leh thingpui an rawn sem ta a, ka ril a țâm tawh bawk a, ka ei țeuh mai. Tlaiah khân chaw ka ei tlêm vàng a ni. Apuii chuan a ei tùr chu min pêk belh bawk a, ka ei zawh meuh chuan ka puar ta ngei mai.
YMA hruaitute'n kan țhut dan chu tidanglamin mipa chu a hnung lamah an țhuttîr a, nula chu hma lamah. Nunhlua țhutna pawh ka hre thei ta lo, zanin zawng malsàwmin ka awm lo chiang a nih hi.
Kûnin ka mit ka chhîng vang vang a, ka beng bulah Apuii hian,"I mut a chhuak tawh chiang,"a rawn ti sar sar a, en pheiin ka nui sak a. Chutah chiah chuan, kan sîra min rawn hmachhawn zâwng a țhu, Nunhlua nèn kan mit chu a indêt leh sar mai!
Ka mit ka la lêt vat, ka zak lutuk ringawt. Ka thin a phu nghal dut dut a, keimahah 'thil' danglam thleng a awm chiang alawm. A damloh laia an ina kan mit a intawn țuma ka awm ang chiah khân ka awm leh tawh.
Ka mit sîr pawhin ka en leh ngam tawh lo, ka che tawh mang lo a ni ber. Ka țhu ngar ngar a, ka mawng hi a â muihin ka hria.
"Pâwna chhuah i duh em?"
Ka zun a chhuak a, ka sawi ngam tawh lo a ni a, chutia min rawn zâwt chu ka lãwm tak tak. Ka ina awm chu ni ila chuan ka zung zing viau ang chu.
Kan chhuah rual chuan chhuak an awm ve nual. Pâwnah chuan intiharh pahin kan makeup-te kan siam țha a, kan luh meuh chuan kan țhutna kha a lo ãwl tawh lo va, lût hnung ber ka nih vàngin a sîr ber chiah ka chang ta. Ka ding lam sîr, min hmachhawn zâwng a țhu chu Nunhlua a ni! A malin min rawn si ta rân mai!
In hi a len loh avàngin țhutna hi chêp deuh hlek lo chuan a hùn theih loh. Kan țhutna pawh hi kan chêp angreng bâkah kan hmaa țhute țhutphah kan khûpin a va si reng bawk a, a nuam fahran lo.
Mahse, nuam ka ti. Nuam ti si, hrehawm ti ru deuh bawk siin ka awm. Ka bula a țhut vànga ka che ngam lo ber chu hrehawm ka ti,zai pawh ka zai ring ngam tawh lo. Min en reng nia ka hriat vàngin ka hnâr hi a mûr chem chemin ka hria a, ka han tuai leh ringawt țhìn a, eng phei chu a ang hlei law.
Ka mut a chhuak kher mai. Vawi hnih chu ka bu deuh dâwrh chuan ka hria, ka zak viau nain a chhuak ém a ni.
YMA zàn tàwp berah chuan Apuii chuan min rawn sâwm a, ka insiam zawh diam tawh avàngin ka lo nghâk reng tawh zâwk a.
"I kawr hâk chu i va inhmeh ve! A thar a ni maw?"a ti hlut a.
"Thar nâng. A țhui dan hi ka ngaina teh chiam lo va, ka ha ngai lo alawm."
"I inhmeh tawp."
"Ka lãwm e. Mawi i tih chuan ka pe daih ang che chu."
"Ka ha tâwk lo lutuk. Bâkah, kei chuan hà ila chuan e, ka mak ngawt ang."
Apuii hi chu a lian a, a khal bawk. Kan kum erawh a inrual reng a, inrual khat țheuh țheuh pawh hi a lo intiat loh theih khawp mai.
Khawhar inah chuan Nunhlua chu ka zawng ru deuh a, ka hmu miah lo nia. He pa hi khawiah nge a awm daih le? Ka rilru a down rawih thei, hmuh ka inrin teh lul nèn.
He pa hi engtizia nge heti taka ka vei tâk le? Kum thum lai ka awm ve tawh a, tûn hnai lawka ka hriat thar lehnghal, heti tak maia ka rilru a luah ta mai hi ka lêrh vàng em ni ang? Mipa ka ngaihsak loh teh lul nèn, ni lo, ka huat theihzia kha. He pa hi chu, ka hre thiam lo, ka vei tut tut tawh a ni.
**************
"A na viau em?"
Nâ ka tih vànga ka mittui tling kal mai chu a far ta zãih mai a, zêp pawh ka tum chuang lo.
"Aw."
"Nakinah a tûr thahna tùr kan hnawih dáwn nia,"tiin ka kuta khuai zang la bûr vâ chu a phawi a, a chhêm hauh hauh a.
Apuiite leiletah kan feh a, feh tih lêmah chawhmeh kan la a ni mah. Leilet sîra changêl hnah chu anhnah tèl nân ka la e ka ti a, changêl kung bula thingah chuan khuai an lo awm a ni chêk ang, min rawn zûk ta a. Hmun hnihah min zûk hman chuan ka hria, ka au rî hriain Nunhlua hi a rawn tlãn a, silpauline tê ka ti mai, chu chuan min rawn khuh ta a ni.
"Engtin nge hei hian min rawn khuh nachâng i hriat a?"
"Nimin khân khuai hi ka hmu tawh a, a awmna a sìr deuh avàng hian pawi khawih thei tùrah ka lo ngai lo va. I țe rî ka hriat khân khuai hi a nih ka ring nghal hmiah mai."
A inbual zo chiah a nih duh hmel, sahbawn rim a nam ram ram a, kawr ruaka awmin kekawr erawh a ha thung. Ka en reng chuan a fuh dáwn lo, thil dang ka ngaihtuah a ngai.
"Nih, eng chena rei nge kan inkhuh dáwn?"
"An tlân bo hma zawng."
A nih chuan tlãn bo thei lo se ka ti. Inhnaih taka a bula ka awm theihna hun a ni si a.
"Ka thih phah ang em?"
"Teuh lo, i thih ka phal teuh lo mai."
Kan inen ràn mai a, hawi sawn ka tum bîk lo. Eng vànga ka thih phal lo nge a nih ang? Ka rilru ang tho hi a pu ve em ni?
"Rebek..?"
Ka chhâng lo, ka en kiau ringawt.
"Ka fâwp dáwn che."
Ka hmui ringawt chu a rawn melh tawh, kan inhnaih bawk a, a thaw rang ta deuh pawh chu ka hre thei.
Ka hnial miah lo, hnial ahnêkin ka lo chhâng lêt ve a, hei hi ka duhthusâm țhin a ni. Mipa, mipa dik tak fawh chu ka tawng ta e.
Khuaiin min zûk a ni tih pawh ka hrechang tawh lo. Hmangaihna tuipuiah ka chêng a, ka pil diai diai tlat a ni.
"Rebek, ka duh che."
A aw thûm chhar chharte hi a va mawi ém! Tuna a thil sawi kha ka tân chuan rimawi ber a ni, miin 'Rebek' tiin min ko ta se chuan, ka duh lo viau ang; mahse, min kotu hi tu dang ni lovin 'Amah' a ni tlat.
"Kei pawh."
Hun hi ding reng se ka va ti tak!
"Bekte,khawnge i awm?"
Apuii au ri vawn vawn chu ka hria a, Nunhlua nèn chuan kan inmelh ta rân mai.
"An tlân bo zo tawh em ka'n thlithlai phawt ang e."
Kan inkhuhna kan hawn meuh chuan a vâwt sawng sawng maiin ka hria. Kan awmna ațanga hla lo teah chuan Apuii chu a lo ding reng a,mak tih hmel deuh hian min en a.
"Khuaiin min seh alawm."
"A ni maw?! A va zia lo ve, a nâ em?"tiin min rawn pan vat a.
"Nakinah a khua a sikin ka ring. E, lo kal rawh, damdawi chu ka lo bel ang e."
A thlâm pan chuan ka phei a, ka kut chu a vûng sen țûn tawh mai.
Khaini a bel nia, ka ten reuh tawp.
"A rim kha chu chhe deuh mah se, tuar hrâm hrâm rawh. A zia thuai mai ang."
"Ka khua a sik dáwn maw?"
"A sikin ka ring."
A nuam fahran lo khawp mai, ka rilru hlim hle lo phei se chuan ka khua a sik daih tawhin ka ring. Ka chawhmeh hawn tùr pawh chu ka phal lo chung Nunhlua'n min lâksak daih a, kal chak theih loh nâk laiin ka kut tur ut ut nèn, a nuam vak lo.
Thlen veleh ka inbual a, khuaiin min sehna lai ka tihhuh phei chuan a na zualin ka hria. A tur ut ut mai, a vûng sen țul tawh mai.
Ka khua chu a sik ta ngei e. Chaw pawh ka ei peih ta lo, damdawi ka ei zo mut ka tum lai mêkin kawngka a rawn rî a. Ka rin loh lutukin Nunhlua a rawn lût ta tlat!
"I khua a sik ta a ni maw?"
"Aw.... lo lêng rawh. Damdawi ka ei zo chiah a."
Țhutthlênga țhu ta mai lo chuan min rawn pan a, ka lo en hâ a.
"I kut chu ka lo en teh ang."
Ka phar chhuak a, a sen nasa bawk si a, a nat hmel tawp. A vûng ve bawk si nèn, en vang vang pah chuan,"I haw ve hrim hrim bawk a nih hi, a la na viau em?"a ti sup a.
"A na viau lo; mahse, a mar."
"Lo hnai teh, ka lo kuah ang che."
Ka zak dáwn teuh lo, min kuaha min duattu ka nei khât ém mai.
Min kuah chuan ka dam huai huaiin ka hria, hei hi ka lo mamawh a nih dáwn hi.
"Ka dam sawng sawng mai."
"Chuti,ka kuah reng mai dáwn che em ni ang?"
"Pawi lo."
Duat tih hriat zeta min kuah chu nuam ka ti hluah hluah.
"Ka thlah phal tawh lo maithei che a ni."
"Min thlah suh."
A lakah chuan hmeichhe naupang ang mai ka ni, min kuah bo hneh lutuk ringawt. Ka chhîpah chuan a khabe a nghat a, a lungphu ri chu ka ngaithla reng. Ka khua sik mah se heti khawpa thlamuang siaia ka awm hi ka la hre lo.
"I pang chu a sa hle mai."
Nia, ka khua a sik tlat alawm.
"Mut i duh zâwk em? I chal kha tui vawtin ka lo dep dáwn em ni ang?"
Mut ai chuan hetia min kuah hi ka duh zâwk. Ka thlâ a muang hle si a.
"Hetia min kuah hi ka duh zâwk."
Min kuah leh ta hle hle a, hmâna ka nuin ka damloh laia min kuah țhin kha ka hre chhuak zawk mai a. Puak hi ka duh ngai lo, kuah hi ka duh zâwk țhìn. Him zâwkin ka inngai tlat zel.
"Ka nu min tihre chhuak."
"A boral tawh a ni maw?"
"Aw."
"I pa?"
"Ani pawh."
"Oh, a pawi ka ti hle mai,"tih pah chuan ka hnung chu a chûl hliau hliau a, ka chhîp fâwp zohin,"I nu ai zanin chu ka awh mai ang e,"ti supin min pawm nghet sauh sauh a.
A taksa lum ham ham kuah chial mai chu a nuam ka ti tak zet, a rim lah hi a tui ka ti. Mipa inhnawih rimtui chûk mai hi ka ngai thei lo, ka kuah chial mipa rim hi chu mipa rim dik tak a ni.
"I mut a chhuak a nih chuan muthilh tum rawh, vawiin lamah i chau bawk si."
"I bula awm ka duh alawm."
"I awm reng dáwn, ka kalsan dáwn lo che."
Mahse, ka nawmna ringawt ka zawng thei bîk lo, ka inlêng a ni a, thingpui ilo fahran pawh ka lumsak ve a ngai alawm. A vawi khat lo lènna a ni lehnghal.
"Thingpui ka lum ang che aw?"
"I lum chu ka in châk reng; mahse, i damlo sia?"
"Lumsak che ka duh alawm."
Ka lumsak tho. Ka bulah a ding ve reng a, a la țhu miah lo tih ka hre chhuak thut mai.
"Lo țhû la?"
"I siam zawhah le."
Țhutthleng mi pathum tâna țhut theihna nuam tâwk ang velah chuan tâwt deuhin kan țhu dùn a; mahse, a hrehawm hauh si lo.
"I kut chu a la na viau em?"
"Ka dah dàn azirin a châng chauhin a na tawh."
Min en reng tih ka hria; kei chuan ka en lo va, a kut hrawl zet chu ka khalhsak nap nap a.
"Rawn kal lo la chuan khuai khân min seh nasa ngawt ang ti raw?"
"Aih."
Min chhàn dàn avàng chuan ka en chho vat a, chiang zet hian min lo la en chhuk rùn a.
"U Nunhlua nge nge, a indaihzai bîk mang e, thiam loh pawh hi a nei lovin ka hria."
Nunhlua hming a rawn sawi chuan ka beng a verh chiang khawp mai. Ka țhutna ațang chuan ka hawi kual nghal vat a,bike-a a lâwn chu ka hmu nghal bawk. Lunglei a kal ve em ni le? Nge Haulawng lamah zâwk? Ruahsûr hnuaiah a ni si a, a damlo leh rêu rêu ang ti nia.
Ka bula țhu, nu lian lam deuh chuan,"Thiam loh pakhat chu a nei ve lo maw? Nupui koh haw dan a thiam lovin ka hria,"nui chung hian a lo ti a.
Kan hmaa țhu putar ve thung chuan,"Mi taima leh tlàwmngai tak a ni bawk asin, a hna thawk rêng rêng pawh hi a zei thlarh mai a. Lehkhathiam tho si, taima leh kut hnathawh hreh bawk si lo, ani ang hi chu ngaihsànawm ka ti asin,"a ti charh charh a.
Driver chuan,"A nupui nèn khân eng vànga ințhen nge an nih le?"a lo ti thung a, motor chu tinungin kan tlân ve ta a.
Ka bula mi chuan,"An nu khân tlangvâl dang a ûm a ni lo'm ni?"a ti sap a.
E khai!!!! A va râpthlâk ve! Chuti ang chu Nunhlua hian a tawng maw?! Chuan, Nundika têt laiin tlangvâl dang a ûm a nih si chuan Nunhlua hian amah chauhin a enkawl chho ngar ngar tihna a ni a, a va khawngaihthlâk ve! Nu leh pa ni kawpin naute kum 1 mi vêl chu a enkawl chho a nia, chutih lai chuan a la upa vak àwm bîk si lo va...
"Nunhlua hian an nu kha a duh ém asin, a hmangaih ngawih ngawih kha a ni a, tunah hian rawn lêt leh ta se, a lo pawm leh duh maiin a nia ka rin ni."
"Hmangaihna hi chu, sawi fiah leh hriat phâk loh a ni tlat si a ni."
A lo ni maw? Heti chen nupui dang a la neih loh chhan pawh hi a nupui lo lêt leh hun a châng a ni ngei ang, a fapa nu a ni bawk a; a hmangaih tak a nih bawk si chuan a lo nghâk thei ém ém ang.
Engtizia nge kei hi, heti ang lam hi ka ngaihtuah vak vak a? Ka ngaihzawngpa pawh a ni lo va,inbe țhìn leh innêl pawh kan ni lo. Chubâkah, ka chungah a ngeiawm theih ém kha, min nuihzattu a ni. Hmeichhe hlau thlabâr min nuihzattu, hei hi ka theihnghilh tùr a ni lo.
Țhaa leh John-a pawh an rawn lêng ta zauh zauh mai. Khua a țhat viau pawhin tlai lamah ruah a sûr duh si a,an ngaihtuahawm thei țhìn khawp mai, Țhaa lahin Chawlhni a lo nih tawh phawt chuan rawn lèn a tum ziah bawk si, ka in chu a lùn thei khawp.
John-a chu a fel khawp mai, kan inkàwmngeih tawh hle a, an chhûngkaw chanchinte min hrilh țhìn. A țawng duh a, a hmelțha a, a polite hle bawk.
"Aizawl i phei har tawh e."
"Chu, phei thuai tùrin min duh tihna a ni maw? Min lo ning tawh àwm mang e.'
"Ni lo, chuti ang vàng a ni lo."
"Ka phei țêp tawh."
"Lo phei leh thuai la?"
"Min lo ngai ang em?"
"A reh ngawt ang, ka inlêng neihchhun in ni sia."
"Thu dik pawh va ni suh."
"Tak tak alawm, khua a har duh lutuk."
A ni tak tak. Zirtîrtu ka nih vàng hian a nih ka ring, mi hian lo lèn an hreh phah deuh tlat a, Apuii lah a hman bîk si lo. Thawhpui tlangvâl pahnih lah hi min fiam hlut reng a, chu zawng chu.
Tlaia kan sikul bâng chu Hminga chuan," Pu Muanate inah khân in lêng ve tawh hlawm em?"a ti a. Pu Muana pawh chu ka hre si lo va, ka ngawi reng a.
Apuii chuan,"Lêng nâng, i lêng tawh bîk elo?"a lo ti vat a. Ani chuan,"Lêng lo, ka nu chu nizàn khân a va kal ve zawk a, eng vak a ang lo a ni àwm e,"a ti a.
Madam Nui chuan,"Kan pa kha chu a lêng ve ngei mai a, kei tak chu ka la kal bîk lo,"a lo ti ve a. Ka ngawi reng tawp, an mi sawi chu Aizawla inentîra va kal, va awm ta reng kha a nih ka ring deuh ringawt.
"Zaninah kan lêng ve dáwn em ni ang? In duh hlawm em?"
"Nia, a tlawngãwl deuhho kha va lêng teh u."
Pu Muanate in chu Nunhluate in lam kawngah a lo awm a, hlat pawh an inhlat lêm lo. Kalkawnga kan kal chhûng chuan Apuii chuan Pu Muana chanchin chu min hrilh pah a, a tar ve deuh tawh bawk a, cancer a lo ni bawk nèn. An beidawng a, an rawn hàwpui tawp niàwm tak a ni.
In chhûngah chuan ka rin aiin mi an lo awm tam a, nula pahnih leh tlangvâl pahnih lût chu min lo en deuh hâ hâ-in ka hria, mikhual chan ka chan deuh vàng pawh a ni mahna.
Thingpui sen hâng min lo pe vat a, ka in ngai lo asin le. Zàna thingpui in phei chuan zun a chhuak sek a, ka in ve pawhin ka tho sek zel. Zanin erawh ka tawrh hrãm hrãm a ngai dáwn a nih hi.
Room lamah damlo chu a awm a, an chhûng leh khatte chu an va lût leh zawk țhìn. Puitling, nu leh pate chu an titi a, ring vak lovin. Keini chu kan ngawi reng a, awm dan tùr ka hre thiam lo.
Nunhlua ka hmu tlat!
Pâwnah ka hmu a ni. Thingpui lum zîngah a tel ve a ni maithei. Tuna kan kan mêk, Pu Muanate in hi a zîm ve a, thingpui pawh pâwnah an lum daih, a chungah ràngva an zàrsak a, a zia daih zâwk ang chu.
A hnuah a rawn lût, a chezia ka lo chîk khawp mai. Ani chuan min hmu teuh lo, kei erawh chuan ka hmu kiau thung. He pa zùnah hian ka uai chu a nih țan dèr tawh hi maw. En duh lo hle mah ila ka mit hian a zawng kual ruai tho zel a ni. Ka phâ thei lo, ka rilruin duh lo ti mah se, ka thinlung hian a hre tlat si.
Kan piahah a rawn țhu, incheina melh ngai lo hian a incheina, a thawmhnaw hâk leh pheikhawk thlengin ka en chhuak vek!
T-shirt dum nghâwng V hain, jeans pãwl duk lam deuh a ha a, a pheikhawk pawh a dum. Rawng dum lam a ngaina a nih dáwn hi. Chuan, țhî a awrh bawk, silver a ni. Hei chu a nupui pêk a nih ngei ka ring, a awrh rei ve tawh ngawt ang chu. Tunah a fapa pawh kum 14 vêl a ni tawh a, ani hi chu a lo berah 35 a ni sa. Um, a tâwk chiah.
"I mut a chhuak em ni?"
Thil ka lo ngaihtuah nasat avàngin ka lo maimichhîng daih niin. Meng chhuakin,"Chhuak lo ve, thil ka ngaihtuah kual mai mai a,"ka ti ta ringawt a.
"I hàw duh chuan sawi la aw."
"Aw le, tunah chuan a la hma alawm."
Thãwm deuh hak a awm avàngin ka hawi chhuak vat a, room lamah chuan an tlãn lût bawk a.
"Eng thil nge ni?"
"Pu Muana mar a buai deuh a ni ang."
"A thî ang a?"
"Ka hre lo le."
A nuam lêm lo. Kan beng kan tun hrâ reng mai a; mahse, a pângngai leh a ni ang, an rawn chhuak leh deuh phak phak a, tlêm chuan rilru a nuam deuh.
Eng mah tih theih kan neih loh avàng chuan dâr 10 pelhah kan hãw a, ruah a tla deuh cherh cherh lehnghal a, thinlung a zîng.
A tûk chhûn dar 12 vêlah a boral ta nge nge. Zàn tlaivàr a ngai dáwn, peihawm loh viau țhìn mah se, țhalai tân chuan tih ngei ngei tùr a ni tawp. Pawi lo, Nunhlua pawh a tlaivâr hrim hrim ang, hmuhna hun ka nei tihna a ni mai. Tih tak takah chuan thihna pawh hi malsàwmna a ni ve thei tho alawm le.
Mahse, he pa hi ka hua. Tlaivàrnaah inhmachhawn zâwngin kan țhu a, vawi khat tê pawh min en chhin lo hrim hrim nia, kan țhutpui nulate inbe ru leh sar sar țhìn chu ka hria. Nunhlua an en leh zauh zauh pawh ka hmu reng, Apuii sawi ang deuh hlek khân he pa hi a lo luck phian a nih dáwn hi. A țhut dan ngai rengin a țhu a, a che mang mang lo rêng rêng.
Zài ka thiam lêm lo nain ka zâi peih viau thung. Ka theih ang tâwka ring chuan ka zâi ve a, mi dang aw a ţhain a ring a, zài pawh a nuam viau, Nunhlua hian ka rilru kam hle lo phei se chuan, a nuam ngawt ang chu.
Zàn dâr 12:30 vêlah chuan sawhchiar leh thingpui an rawn sem ta a, ka ril a țâm tawh bawk a, ka ei țeuh mai. Tlaiah khân chaw ka ei tlêm vàng a ni. Apuii chuan a ei tùr chu min pêk belh bawk a, ka ei zawh meuh chuan ka puar ta ngei mai.
YMA hruaitute'n kan țhut dan chu tidanglamin mipa chu a hnung lamah an țhuttîr a, nula chu hma lamah. Nunhlua țhutna pawh ka hre thei ta lo, zanin zawng malsàwmin ka awm lo chiang a nih hi.
Kûnin ka mit ka chhîng vang vang a, ka beng bulah Apuii hian,"I mut a chhuak tawh chiang,"a rawn ti sar sar a, en pheiin ka nui sak a. Chutah chiah chuan, kan sîra min rawn hmachhawn zâwng a țhu, Nunhlua nèn kan mit chu a indêt leh sar mai!
Ka mit ka la lêt vat, ka zak lutuk ringawt. Ka thin a phu nghal dut dut a, keimahah 'thil' danglam thleng a awm chiang alawm. A damloh laia an ina kan mit a intawn țuma ka awm ang chiah khân ka awm leh tawh.
Ka mit sîr pawhin ka en leh ngam tawh lo, ka che tawh mang lo a ni ber. Ka țhu ngar ngar a, ka mawng hi a â muihin ka hria.
"Pâwna chhuah i duh em?"
Ka zun a chhuak a, ka sawi ngam tawh lo a ni a, chutia min rawn zâwt chu ka lãwm tak tak. Ka ina awm chu ni ila chuan ka zung zing viau ang chu.
Kan chhuah rual chuan chhuak an awm ve nual. Pâwnah chuan intiharh pahin kan makeup-te kan siam țha a, kan luh meuh chuan kan țhutna kha a lo ãwl tawh lo va, lût hnung ber ka nih vàngin a sîr ber chiah ka chang ta. Ka ding lam sîr, min hmachhawn zâwng a țhu chu Nunhlua a ni! A malin min rawn si ta rân mai!
In hi a len loh avàngin țhutna hi chêp deuh hlek lo chuan a hùn theih loh. Kan țhutna pawh hi kan chêp angreng bâkah kan hmaa țhute țhutphah kan khûpin a va si reng bawk a, a nuam fahran lo.
Mahse, nuam ka ti. Nuam ti si, hrehawm ti ru deuh bawk siin ka awm. Ka bula a țhut vànga ka che ngam lo ber chu hrehawm ka ti,zai pawh ka zai ring ngam tawh lo. Min en reng nia ka hriat vàngin ka hnâr hi a mûr chem chemin ka hria a, ka han tuai leh ringawt țhìn a, eng phei chu a ang hlei law.
Ka mut a chhuak kher mai. Vawi hnih chu ka bu deuh dâwrh chuan ka hria, ka zak viau nain a chhuak ém a ni.
YMA zàn tàwp berah chuan Apuii chuan min rawn sâwm a, ka insiam zawh diam tawh avàngin ka lo nghâk reng tawh zâwk a.
"I kawr hâk chu i va inhmeh ve! A thar a ni maw?"a ti hlut a.
"Thar nâng. A țhui dan hi ka ngaina teh chiam lo va, ka ha ngai lo alawm."
"I inhmeh tawp."
"Ka lãwm e. Mawi i tih chuan ka pe daih ang che chu."
"Ka ha tâwk lo lutuk. Bâkah, kei chuan hà ila chuan e, ka mak ngawt ang."
Apuii hi chu a lian a, a khal bawk. Kan kum erawh a inrual reng a, inrual khat țheuh țheuh pawh hi a lo intiat loh theih khawp mai.
Khawhar inah chuan Nunhlua chu ka zawng ru deuh a, ka hmu miah lo nia. He pa hi khawiah nge a awm daih le? Ka rilru a down rawih thei, hmuh ka inrin teh lul nèn.
He pa hi engtizia nge heti taka ka vei tâk le? Kum thum lai ka awm ve tawh a, tûn hnai lawka ka hriat thar lehnghal, heti tak maia ka rilru a luah ta mai hi ka lêrh vàng em ni ang? Mipa ka ngaihsak loh teh lul nèn, ni lo, ka huat theihzia kha. He pa hi chu, ka hre thiam lo, ka vei tut tut tawh a ni.
**************
"A na viau em?"
Nâ ka tih vànga ka mittui tling kal mai chu a far ta zãih mai a, zêp pawh ka tum chuang lo.
"Aw."
"Nakinah a tûr thahna tùr kan hnawih dáwn nia,"tiin ka kuta khuai zang la bûr vâ chu a phawi a, a chhêm hauh hauh a.
Apuiite leiletah kan feh a, feh tih lêmah chawhmeh kan la a ni mah. Leilet sîra changêl hnah chu anhnah tèl nân ka la e ka ti a, changêl kung bula thingah chuan khuai an lo awm a ni chêk ang, min rawn zûk ta a. Hmun hnihah min zûk hman chuan ka hria, ka au rî hriain Nunhlua hi a rawn tlãn a, silpauline tê ka ti mai, chu chuan min rawn khuh ta a ni.
"Engtin nge hei hian min rawn khuh nachâng i hriat a?"
"Nimin khân khuai hi ka hmu tawh a, a awmna a sìr deuh avàng hian pawi khawih thei tùrah ka lo ngai lo va. I țe rî ka hriat khân khuai hi a nih ka ring nghal hmiah mai."
A inbual zo chiah a nih duh hmel, sahbawn rim a nam ram ram a, kawr ruaka awmin kekawr erawh a ha thung. Ka en reng chuan a fuh dáwn lo, thil dang ka ngaihtuah a ngai.
"Nih, eng chena rei nge kan inkhuh dáwn?"
"An tlân bo hma zawng."
A nih chuan tlãn bo thei lo se ka ti. Inhnaih taka a bula ka awm theihna hun a ni si a.
"Ka thih phah ang em?"
"Teuh lo, i thih ka phal teuh lo mai."
Kan inen ràn mai a, hawi sawn ka tum bîk lo. Eng vànga ka thih phal lo nge a nih ang? Ka rilru ang tho hi a pu ve em ni?
"Rebek..?"
Ka chhâng lo, ka en kiau ringawt.
"Ka fâwp dáwn che."
Ka hmui ringawt chu a rawn melh tawh, kan inhnaih bawk a, a thaw rang ta deuh pawh chu ka hre thei.
Ka hnial miah lo, hnial ahnêkin ka lo chhâng lêt ve a, hei hi ka duhthusâm țhin a ni. Mipa, mipa dik tak fawh chu ka tawng ta e.
Khuaiin min zûk a ni tih pawh ka hrechang tawh lo. Hmangaihna tuipuiah ka chêng a, ka pil diai diai tlat a ni.
"Rebek, ka duh che."
A aw thûm chhar chharte hi a va mawi ém! Tuna a thil sawi kha ka tân chuan rimawi ber a ni, miin 'Rebek' tiin min ko ta se chuan, ka duh lo viau ang; mahse, min kotu hi tu dang ni lovin 'Amah' a ni tlat.
"Kei pawh."
Hun hi ding reng se ka va ti tak!
"Bekte,khawnge i awm?"
Apuii au ri vawn vawn chu ka hria a, Nunhlua nèn chuan kan inmelh ta rân mai.
"An tlân bo zo tawh em ka'n thlithlai phawt ang e."
Kan inkhuhna kan hawn meuh chuan a vâwt sawng sawng maiin ka hria. Kan awmna ațanga hla lo teah chuan Apuii chu a lo ding reng a,mak tih hmel deuh hian min en a.
"Khuaiin min seh alawm."
"A ni maw?! A va zia lo ve, a nâ em?"tiin min rawn pan vat a.
"Nakinah a khua a sikin ka ring. E, lo kal rawh, damdawi chu ka lo bel ang e."
A thlâm pan chuan ka phei a, ka kut chu a vûng sen țûn tawh mai.
Khaini a bel nia, ka ten reuh tawp.
"A rim kha chu chhe deuh mah se, tuar hrâm hrâm rawh. A zia thuai mai ang."
"Ka khua a sik dáwn maw?"
"A sikin ka ring."
A nuam fahran lo khawp mai, ka rilru hlim hle lo phei se chuan ka khua a sik daih tawhin ka ring. Ka chawhmeh hawn tùr pawh chu ka phal lo chung Nunhlua'n min lâksak daih a, kal chak theih loh nâk laiin ka kut tur ut ut nèn, a nuam vak lo.
Thlen veleh ka inbual a, khuaiin min sehna lai ka tihhuh phei chuan a na zualin ka hria. A tur ut ut mai, a vûng sen țul tawh mai.
Ka khua chu a sik ta ngei e. Chaw pawh ka ei peih ta lo, damdawi ka ei zo mut ka tum lai mêkin kawngka a rawn rî a. Ka rin loh lutukin Nunhlua a rawn lût ta tlat!
"I khua a sik ta a ni maw?"
"Aw.... lo lêng rawh. Damdawi ka ei zo chiah a."
Țhutthlênga țhu ta mai lo chuan min rawn pan a, ka lo en hâ a.
"I kut chu ka lo en teh ang."
Ka phar chhuak a, a sen nasa bawk si a, a nat hmel tawp. A vûng ve bawk si nèn, en vang vang pah chuan,"I haw ve hrim hrim bawk a nih hi, a la na viau em?"a ti sup a.
"A na viau lo; mahse, a mar."
"Lo hnai teh, ka lo kuah ang che."
Ka zak dáwn teuh lo, min kuaha min duattu ka nei khât ém mai.
Min kuah chuan ka dam huai huaiin ka hria, hei hi ka lo mamawh a nih dáwn hi.
"Ka dam sawng sawng mai."
"Chuti,ka kuah reng mai dáwn che em ni ang?"
"Pawi lo."
Duat tih hriat zeta min kuah chu nuam ka ti hluah hluah.
"Ka thlah phal tawh lo maithei che a ni."
"Min thlah suh."
A lakah chuan hmeichhe naupang ang mai ka ni, min kuah bo hneh lutuk ringawt. Ka chhîpah chuan a khabe a nghat a, a lungphu ri chu ka ngaithla reng. Ka khua sik mah se heti khawpa thlamuang siaia ka awm hi ka la hre lo.
"I pang chu a sa hle mai."
Nia, ka khua a sik tlat alawm.
"Mut i duh zâwk em? I chal kha tui vawtin ka lo dep dáwn em ni ang?"
Mut ai chuan hetia min kuah hi ka duh zâwk. Ka thlâ a muang hle si a.
"Hetia min kuah hi ka duh zâwk."
Min kuah leh ta hle hle a, hmâna ka nuin ka damloh laia min kuah țhin kha ka hre chhuak zawk mai a. Puak hi ka duh ngai lo, kuah hi ka duh zâwk țhìn. Him zâwkin ka inngai tlat zel.
"Ka nu min tihre chhuak."
"A boral tawh a ni maw?"
"Aw."
"I pa?"
"Ani pawh."
"Oh, a pawi ka ti hle mai,"tih pah chuan ka hnung chu a chûl hliau hliau a, ka chhîp fâwp zohin,"I nu ai zanin chu ka awh mai ang e,"ti supin min pawm nghet sauh sauh a.
A taksa lum ham ham kuah chial mai chu a nuam ka ti tak zet, a rim lah hi a tui ka ti. Mipa inhnawih rimtui chûk mai hi ka ngai thei lo, ka kuah chial mipa rim hi chu mipa rim dik tak a ni.
"I mut a chhuak a nih chuan muthilh tum rawh, vawiin lamah i chau bawk si."
"I bula awm ka duh alawm."
"I awm reng dáwn, ka kalsan dáwn lo che."
Mahse, ka nawmna ringawt ka zawng thei bîk lo, ka inlêng a ni a, thingpui ilo fahran pawh ka lumsak ve a ngai alawm. A vawi khat lo lènna a ni lehnghal.
"Thingpui ka lum ang che aw?"
"I lum chu ka in châk reng; mahse, i damlo sia?"
"Lumsak che ka duh alawm."
Ka lumsak tho. Ka bulah a ding ve reng a, a la țhu miah lo tih ka hre chhuak thut mai.
"Lo țhû la?"
"I siam zawhah le."
Țhutthleng mi pathum tâna țhut theihna nuam tâwk ang velah chuan tâwt deuhin kan țhu dùn a; mahse, a hrehawm hauh si lo.
"I kut chu a la na viau em?"
"Ka dah dàn azirin a châng chauhin a na tawh."
Min en reng tih ka hria; kei chuan ka en lo va, a kut hrawl zet chu ka khalhsak nap nap a.
"Rawn kal lo la chuan khuai khân min seh nasa ngawt ang ti raw?"
"Aih."
Min chhàn dàn avàng chuan ka en chho vat a, chiang zet hian min lo la en chhuk rùn a.
Comments
Post a Comment