☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆REBEK☆ - 6 By Dingdi Pachuau
Kan dik lo ve ve tawh. Ani pawh a thâwk dàn a mumal lo va, a thâwk a tãwi riau tawh. A boruaka ka chèn tawh ém avàngin rilruah 'Dàn Thianghlim' lam rêng rêng a lang pha tawh lo. Tuna kan awm dàn bâk hi rilruin a ngaihtuah thei lo, a dang chu blank tawp a ni mai.
"I duhawm thlâwt..."
Dawhkàn chunga ka phone dah chu a rawn nghawr ta dar dar a, kan țawng loh avàngin a ring khawp mai. Kan thil tih lai pawh kan tàwp chawt mai a, kan inen dùn ta reng mai. Ka meng phî chiai ang chu.
Ka phone chu ka ngei lutuk. Tûn ang huna lo rîk ve mai mai, ka vawm keh darh vek dáwn zâwk emaw ni. Ka thaw halh halh phawt a, ka pângngai deuh hnuah chuan ka chhâng ta chauh a.
"Hello?"
"Naktûkah kan inah rawn pêng kãwi lawk ang che."
Apuii. Ka va ngei tak. Chuti ang lek min hrilh tùra min rawn phone a ngai lo asin. Message pawhin min hrilh thei tho si, ka va haw tak!
"Min rawn message mai tùr alawm."
"Han biak buai ve hrim hrim che kha ka duh a, ka rawn tibuai che u a ni maw?"
He nu hian min bihthla a ni lo maw? Min bihthla a nih chuan a châk lo khawp ang.
"Buai țêp."
Nui kar kar chung hian,"Dàn thianghlim kha hre reng la,"a rawn ti zauh a,a hnuah,"Aw le, hlim deuhin țha te te khân inkàwm rawh u,"tiin min be tàwp ta nghal a.
Min enthla chiang lutuk.
A mal chung ațang chuan ka chhuk a, kawngkaah chuan ka va dãk a, tu mah ka hmu hran lo. Ka che vêl chu Nunhlua chuan maktih hmel deuh hian min lo en char char ringawt.
"Apuii. Min enthla a nih ka ring a."
A lo nui suk ringawt nia.
Insi rialin țhutthlêngah chuan kan țhu a, kan tih zawh loh kha chhun zawm pawh kan tum tawh chuang lo; mahse, infawh erawh kan tâwp chuang lo. Zàwi tě těin kan phun a, a nuam danglam ve tlat.
"Ngati nge zàwi tě těa kan phun sar sar le?"
"A nuam alawm le, a romantic bîk riauin ka hria."
"Kei chu ka hrawk a na vek tawh."
"Tui lum i duh em?"
"Eng atân maw?"
"I hrawk nâ tih dam nân chuan maw le."
"Tihian a dam hma zâwkin ka ring,"tih leh min rawn fawh a rual leh zat a, a nuam ka va ti sî ém!
He pa ka hlauh loh dàn ém ém hi chu a mak ve ngawt chuan ka hria. Mipa rěng rěng ka hnaih vak ngai lo kha a ni a, khati ang thil ka chunga a thlen hnu kha chuan; mahse, he pa zet hi zawng, ka nêlin ka ngam sârh mai a,mak ka inti zâwk țhìn.
"Hãw tawh la, i chàu viau ang e?"
"Min ning tawh a ni maw?"
"Teuh lo, ram lamah hna i thawk nasa àwm bawk sia. I chàu lo em ni?"
"Chàu lo."
Apuii thu sawi kha ka hre chhuak zawk mai. 'A in-fit dàwn si'. Ka nui sak ringawt a, in-fit lo deuh ai chuan in-fit deuh chu a țha daih zâwk alawm, kawng engkimah.
"Thingpui tui deuhin min lum leh la, chuan ka hãw ang."
Ka thlâkhlelh loh vàngah a ngaih loh hrãm ka beisei. Ka bulah awm se, zàn rei tak thleng awm dùn reng ila, chu chu ka duh alawm; mahse, chu chu a la theih si loh a ni. Zàn a men rei chuan a taksain a tuar ang a, hna a thawk țha thei lo ang tih ka hlauhpui.
"I bula ka awm lai reng hi chuan thil dang ngaihtuah lo teh."
Ka hnunga dingin hnung lam ațang chuan min kuah a, a âwm lum ham ham mai chuan ka hnung chu a ur thei hialin ka hria, thlasik laia a bula mut a nuam ngawt ang chu.
"Eng nge i ngaihtuah?"
"Nangmah."
"A țha lo lamin maw?"
"A țha lo lam ngaihtuah tùr ka hre hlei nem."
"Ka ngaihtuah min zâwt ve la?"
"Aih, ka duh lo."
"Engah chuan maw?"
"A sexy palh ang."
"Nia."
A ngaihtuahna chu a hmul chiang mai. Mipa hi chuan heti ang lam hi an ngaihtuah vek a nih àwm hi; mahse, kei pawhin ka ngaihtuah deuh thuak thuak tho kha.
"Va țhu rawh, hei a so a ni mai."
"I bula ka awm hi chuan i bul chětah awm ka duh. Naktûk lamah chuan leiletah ka kal leh daih dáwn asin."
"A ni maw? I riak leh dáwn em?"
"Ka hre lo le."
Thingpui a in zawh hnuah chuan a hãw har lo. Thlahlel viau mah ila, a tâna thil țha chu mut tam a nih miau avàngin rei tak ka menpui thei lo ang.
Sikul kal hmain Apuiite inah ka pêng a, min lo hmuh veleh chuan a lo nui var var a, eng thil nge a hriat ni?
"Eng nge? Hei ka lo pêng a."
"I lo lêng khât lutuk a, ka insiam chhûng min lo nghâk lawk mai."
Ka va ngei tak. Pawimawh a awm tawp si lo.
"I va ngeiawm tak!"
"Eng nge?"
"Ka ngei che a ni tawp mai."
Ka hah avàng chuan step-ah chuan ka chàwl leh rih a, a lam pawh ka hawi duh lo.
"Ka rawn phone lai khân in awm dùn em ni?"
Ka chhâng lo.
"Chuvàng chuan min ngei a ni maw? Thil pawimawh in tih lai em ni? Awi, eng in tih lai tak nge?"
"Eng mah chuti ang kan ti bawk lo,"chu ka ti ve tak nain ka inthiam lo deuh.
"Ka rawn phone ziah tawh ang che, thil țha lo tih palh vêngtu atân pawh a țha hrim hrim."
"Infawh tih vêl chauh alawm."
"Chu pawh ni se, chu aia thui chu a kal theih tho, induhtawn inkârah chuan thleng thei lo a awm lo. Kei pawh hi duh aiin Țhaa hian min ngai easy țêpin ka hria, ka thiam loh pawh a ni ang."
"Engtin nge a tih țhin che a?"
"Hun fâl min neihpui phêt a tum țhìn alawm."
"A dik lo chuang hlei nem."
"Ni viau tho; mahse, hun fâl neih dun hian thil țha a hring chhuak khât ve ém a ni. Zu rim a nam zauh zauh lehnghal a, a fâl a awmpui ka duh țha mang hlei nem."
Zàwi muangin kan kal leh ta a.
"A nih chu, a zia lo hle mai. Nunhlua ve thung chuan zu rim a nam ngai hlei nem."
"U Nunhlua chu a fel alawm. Ih, inngaizâwng inkâr hi ka hre thiam viau a, induh ve ve inkârah chuan hun thâwl leh fâl neih pawh hi awm ve tùr a ni. Hmeichhe tân pawh rilru zâu chu put ve tùr ka ti tho."
"Engti zawngin maw?"
A nui deuh sak a.
"Ih maw, kâwng achin chung lam hi chu ui vak loh tùr, kâwng hnuai lam erawh chu..."
A sawi zawm duh tawh lo.
Ka nuih a za lutuk. A thil sawi chu amah nèn a inhmeh lo lutuk a,ka nuih a za lo thei lo.
"Nui ringawt suh. Ka tidik asin; mahse, phal viau loh tùr a ni tho. Kâwng achin chunglamah an duh tâwk lo thei tho, invèn a harsa duh tawh țhìn."
Nui chung hian,"Ka lo hre reng dáwn nia,"ka ti a, ani pawh a nui ve leh a.
"Mahse, nangni pahnih chu hun thâwl in nei reng thei si a, humsual dài a awl bîk ngawt ang. In dâi tawh hial lo maw?"
A bânah ka chûm chawrh a.
"Ka dàisan dáwn che."
"Dàn Thianghlim kha theihnghilh miah suh ang che."
Sikul kan thlen hnuah pawh chuan Apuii thil sawi chu ka ngaihtuah ta reng a. Rawn phone lo ta se engtin nge kan awm ang le? Eng chena thui nge kan kal ang? Ka ngei viau kha a ni a, ka ngaihtuah chian cheuh cheuh chuan rawn phone lo se chuan humsual kan dâi ngeiin ka ring ta. A zahthlâk ngawt ang, ni lo, khati chena thui kha ka inkalpuitîr thei tawh lo ang, ka invêngin ka insûm ve tùr a ni. Keimah ka invèna ka insùm ve phawt chuan ani pawhin min ti lui thei bîk lo ang chu, induh ve ve ni mah ila. Ka zahawmna hloh tùrin min duh bîk nâng.
Zàna a lo lèn leh pawhin a hmaa mi ang thovin ka lo làwm a;mahse, Apuii thu sawi kha ka hre reng ta thung. Kan inngaihzàwnna a la rei lutuk lo bawk a, hmingchhiat theihna tùrin awm ka duh lo. Thingtlângah phei chuan thil an hre thei si a, mi pakhatin a hriat tawh chuan khaw pumpuiin an hre deuh nghal tùrah ngai ila, a dik deuhthaw. Hetia a lo lêng thìn pawh hi an lo hriat rûk tawh hial ka ring.
"Zanin chu thil i ngaihtuah nasa hle mai."
Ka harh chhuak zawk mai.
"Eng vak a ni lo,"ka ti ringawt a.
"Ka lo lêng țhìn hi min ning tawh em?"
"Teuh lo mai!"
"Mahse, zanin hi i zia a dang deuh tlat, harsatna i nei em ni?"
Ka zah deuh tlat a nih chu.
"Nei lo, nei hmêl ka pû em ni?"
Chiang zet hian min en a.
"I neih loh chuan a țha e. Nih leh, buaina i nei em?"
"Nei lo ve, engtizia nge ni?"
"Lo hnai teh."
Ka hnaih ve mai bawk a; ani chuan nghet zet hian min lo kuah a, ka thaw țha thei lo țêp.
"I duh loh zâwngin ka awm em ni?"
He pa hian ka ngaihtuahna hi a chhiar thei em ni le? Ka thil ngaihtuah hi a ho bawk si a, ka hrilh ngam lo tawp ang. Chubâkah, a 'ril ruih' bawk si.
"I awm lo hrim hrim, sawi tawh lo ang."
"I lung ka ti awi lo emaw ka ti a."
Kuah lêt pahin a bengah ka fâwp zauh a. "Ka lung hi chu i ti awi ngawih ngawih," ka ti sap a. A bengkâwm vawt raih chu deh nuam ka ti kher mai.
"Ka lãwm e."
"Kei pawh le."
Kan infawh vang vang hnuah chuan ka phone la chhuakin hla ka play a, ear phone chu vuahin lehlam chu Nunhlua ka pe a, keiin lehlam chu ka bengah ka vuah nghal a.
"Eng hla nge ni?"
"Ngaithla ve phawt la?"
A ngawi ve mai. Insi rial chuan kan țhu a, Ed Sheeran hla ka ngaihthlâkpui a ni. He pa hla hi mawi ka ti țhìn, mi dang zai hi chu ka ngaithla peih vak lo.
"A mawi i ti em?"
"Tih vak pawh ka hre lo."
"A, i ngaithla chiang lo a ni ang. He pa hla hi chu a mawi hlawm asin, i ngaithla ngai em?"
"Tunlai hla hi ka ngaithla vak lo."
"Inla upa viau teh suh, i la upa lo ém mai."
"Kum 40 ka tling țêp tawh alawm."
"Kei pawh ka la tling ve dáwn tho."
A nui suk ringawt mai. He pa hi a indah upa lutuk tùr a ni lo rêng rêng, fa pakhat a nei dêk dêk a, inla upa nghal ringawt mai.
"Inla upa viau ringawt tawh suh."
"Fapa tlangvâl dáwn ka neih tawh hi."
"Ka thingpui lum i in duh chuan inla senior tawh suh ang che."
"In leh tawh ila?"
Nui var var chuan ka tho a, flask-a ka dah chu thliin ka pe nghal a.
"Ih maw, i sawi hreh chuan sawi lo mai la, Nundika nu kha a hmelțha ngawt lo maw?"
Ka hre châk ém a ni. A hmelțhat chu ka ring tho a; mahse, a ka ațang ngei hian ka hre châk zual a ni.
"Hmelțha."
"Ka ring rěng a ni. Ka hmu châk ngawt mai, a zùna i uai theih leh nupui atân i neih duh chu a chhe lo dáwn tih ka ring thlap."
"Hmêl hi chu pâwn lam lan dàn mai a nia."
"Hmelchhia ai chuan a țha zâwk tho."
A nui suk suk a, melh ràn pah chuan,"Kha maw, dik i tih hle kha,"ka ti ve salh a.
"I sawi dik chat chat hle mai."
"Ka fing alawm."
Ka nui chhuak lo thei lo.
"Fing bawk, hmelțha bawk."
"Ka nihna em ni i sawi?"
"Niin i hria em?"
"Ni chuan ka hria a, sawi kim loh i la ngah ém mai pawh a,"ka nui pah sâng a.
Nui miah lo hian,"Fing, hmelțha, lehkha thiam, fel, thinchhia, tě..."a sawi zawh hma chuan,"Sawi tawh suh...."tiin a hmuiah chuan ka hupsak vat a.
Kan inmelh hnai khawp mai.
"Khati ang lam chu sawi tawh lo ang."
Ka kut ka lâk sawn veleh chuan,"Thinchhia tih leh tě tih chu i duh lo a ni maw?"nui chung hian a ti a.
"Duh lo mah ila, ka nihna a ni tho sia; mahse, sawi chhuah kher kha ka duh lo alawm."
Ka khabe-a vuan pah chuan,"I lawmawm reuhzia hi! Ka duh tak tak reuh che a ni. I zavai hian ka duh che,"a ti sup a.
Ka zavai maw? Ka len hmel tawp.
"Kei pawhin ka duh vek che, i kut thap hrip hrep tel vekin,"tiin a kut lian zet, hnà a thawhna avànga thap deuh chu ka chùlsak a.
Kan dik lo ve ve tawh. Ani pawh a thâwk dàn a mumal lo va, a thâwk a tãwi riau tawh. A boruaka ka chèn tawh ém avàngin rilruah 'Dàn Thianghlim' lam rêng rêng a lang pha tawh lo. Tuna kan awm dàn bâk hi rilruin a ngaihtuah thei lo, a dang chu blank tawp a ni mai.
"I duhawm thlâwt..."
Dawhkàn chunga ka phone dah chu a rawn nghawr ta dar dar a, kan țawng loh avàngin a ring khawp mai. Kan thil tih lai pawh kan tàwp chawt mai a, kan inen dùn ta reng mai. Ka meng phî chiai ang chu.
Ka phone chu ka ngei lutuk. Tûn ang huna lo rîk ve mai mai, ka vawm keh darh vek dáwn zâwk emaw ni. Ka thaw halh halh phawt a, ka pângngai deuh hnuah chuan ka chhâng ta chauh a.
"Hello?"
"Naktûkah kan inah rawn pêng kãwi lawk ang che."
Apuii. Ka va ngei tak. Chuti ang lek min hrilh tùra min rawn phone a ngai lo asin. Message pawhin min hrilh thei tho si, ka va haw tak!
"Min rawn message mai tùr alawm."
"Han biak buai ve hrim hrim che kha ka duh a, ka rawn tibuai che u a ni maw?"
He nu hian min bihthla a ni lo maw? Min bihthla a nih chuan a châk lo khawp ang.
"Buai țêp."
Nui kar kar chung hian,"Dàn thianghlim kha hre reng la,"a rawn ti zauh a,a hnuah,"Aw le, hlim deuhin țha te te khân inkàwm rawh u,"tiin min be tàwp ta nghal a.
Min enthla chiang lutuk.
A mal chung ațang chuan ka chhuk a, kawngkaah chuan ka va dãk a, tu mah ka hmu hran lo. Ka che vêl chu Nunhlua chuan maktih hmel deuh hian min lo en char char ringawt.
"Apuii. Min enthla a nih ka ring a."
A lo nui suk ringawt nia.
Insi rialin țhutthlêngah chuan kan țhu a, kan tih zawh loh kha chhun zawm pawh kan tum tawh chuang lo; mahse, infawh erawh kan tâwp chuang lo. Zàwi tě těin kan phun a, a nuam danglam ve tlat.
"Ngati nge zàwi tě těa kan phun sar sar le?"
"A nuam alawm le, a romantic bîk riauin ka hria."
"Kei chu ka hrawk a na vek tawh."
"Tui lum i duh em?"
"Eng atân maw?"
"I hrawk nâ tih dam nân chuan maw le."
"Tihian a dam hma zâwkin ka ring,"tih leh min rawn fawh a rual leh zat a, a nuam ka va ti sî ém!
He pa ka hlauh loh dàn ém ém hi chu a mak ve ngawt chuan ka hria. Mipa rěng rěng ka hnaih vak ngai lo kha a ni a, khati ang thil ka chunga a thlen hnu kha chuan; mahse, he pa zet hi zawng, ka nêlin ka ngam sârh mai a,mak ka inti zâwk țhìn.
"Hãw tawh la, i chàu viau ang e?"
"Min ning tawh a ni maw?"
"Teuh lo, ram lamah hna i thawk nasa àwm bawk sia. I chàu lo em ni?"
"Chàu lo."
Apuii thu sawi kha ka hre chhuak zawk mai. 'A in-fit dàwn si'. Ka nui sak ringawt a, in-fit lo deuh ai chuan in-fit deuh chu a țha daih zâwk alawm, kawng engkimah.
"Thingpui tui deuhin min lum leh la, chuan ka hãw ang."
Ka thlâkhlelh loh vàngah a ngaih loh hrãm ka beisei. Ka bulah awm se, zàn rei tak thleng awm dùn reng ila, chu chu ka duh alawm; mahse, chu chu a la theih si loh a ni. Zàn a men rei chuan a taksain a tuar ang a, hna a thawk țha thei lo ang tih ka hlauhpui.
"I bula ka awm lai reng hi chuan thil dang ngaihtuah lo teh."
Ka hnunga dingin hnung lam ațang chuan min kuah a, a âwm lum ham ham mai chuan ka hnung chu a ur thei hialin ka hria, thlasik laia a bula mut a nuam ngawt ang chu.
"Eng nge i ngaihtuah?"
"Nangmah."
"A țha lo lamin maw?"
"A țha lo lam ngaihtuah tùr ka hre hlei nem."
"Ka ngaihtuah min zâwt ve la?"
"Aih, ka duh lo."
"Engah chuan maw?"
"A sexy palh ang."
"Nia."
A ngaihtuahna chu a hmul chiang mai. Mipa hi chuan heti ang lam hi an ngaihtuah vek a nih àwm hi; mahse, kei pawhin ka ngaihtuah deuh thuak thuak tho kha.
"Va țhu rawh, hei a so a ni mai."
"I bula ka awm hi chuan i bul chětah awm ka duh. Naktûk lamah chuan leiletah ka kal leh daih dáwn asin."
"A ni maw? I riak leh dáwn em?"
"Ka hre lo le."
Thingpui a in zawh hnuah chuan a hãw har lo. Thlahlel viau mah ila, a tâna thil țha chu mut tam a nih miau avàngin rei tak ka menpui thei lo ang.
Sikul kal hmain Apuiite inah ka pêng a, min lo hmuh veleh chuan a lo nui var var a, eng thil nge a hriat ni?
"Eng nge? Hei ka lo pêng a."
"I lo lêng khât lutuk a, ka insiam chhûng min lo nghâk lawk mai."
Ka va ngei tak. Pawimawh a awm tawp si lo.
"I va ngeiawm tak!"
"Eng nge?"
"Ka ngei che a ni tawp mai."
Ka hah avàng chuan step-ah chuan ka chàwl leh rih a, a lam pawh ka hawi duh lo.
"Ka rawn phone lai khân in awm dùn em ni?"
Ka chhâng lo.
"Chuvàng chuan min ngei a ni maw? Thil pawimawh in tih lai em ni? Awi, eng in tih lai tak nge?"
"Eng mah chuti ang kan ti bawk lo,"chu ka ti ve tak nain ka inthiam lo deuh.
"Ka rawn phone ziah tawh ang che, thil țha lo tih palh vêngtu atân pawh a țha hrim hrim."
"Infawh tih vêl chauh alawm."
"Chu pawh ni se, chu aia thui chu a kal theih tho, induhtawn inkârah chuan thleng thei lo a awm lo. Kei pawh hi duh aiin Țhaa hian min ngai easy țêpin ka hria, ka thiam loh pawh a ni ang."
"Engtin nge a tih țhin che a?"
"Hun fâl min neihpui phêt a tum țhìn alawm."
"A dik lo chuang hlei nem."
"Ni viau tho; mahse, hun fâl neih dun hian thil țha a hring chhuak khât ve ém a ni. Zu rim a nam zauh zauh lehnghal a, a fâl a awmpui ka duh țha mang hlei nem."
Zàwi muangin kan kal leh ta a.
"A nih chu, a zia lo hle mai. Nunhlua ve thung chuan zu rim a nam ngai hlei nem."
"U Nunhlua chu a fel alawm. Ih, inngaizâwng inkâr hi ka hre thiam viau a, induh ve ve inkârah chuan hun thâwl leh fâl neih pawh hi awm ve tùr a ni. Hmeichhe tân pawh rilru zâu chu put ve tùr ka ti tho."
"Engti zawngin maw?"
A nui deuh sak a.
"Ih maw, kâwng achin chung lam hi chu ui vak loh tùr, kâwng hnuai lam erawh chu..."
A sawi zawm duh tawh lo.
Ka nuih a za lutuk. A thil sawi chu amah nèn a inhmeh lo lutuk a,ka nuih a za lo thei lo.
"Nui ringawt suh. Ka tidik asin; mahse, phal viau loh tùr a ni tho. Kâwng achin chunglamah an duh tâwk lo thei tho, invèn a harsa duh tawh țhìn."
Nui chung hian,"Ka lo hre reng dáwn nia,"ka ti a, ani pawh a nui ve leh a.
"Mahse, nangni pahnih chu hun thâwl in nei reng thei si a, humsual dài a awl bîk ngawt ang. In dâi tawh hial lo maw?"
A bânah ka chûm chawrh a.
"Ka dàisan dáwn che."
"Dàn Thianghlim kha theihnghilh miah suh ang che."
Sikul kan thlen hnuah pawh chuan Apuii thil sawi chu ka ngaihtuah ta reng a. Rawn phone lo ta se engtin nge kan awm ang le? Eng chena thui nge kan kal ang? Ka ngei viau kha a ni a, ka ngaihtuah chian cheuh cheuh chuan rawn phone lo se chuan humsual kan dâi ngeiin ka ring ta. A zahthlâk ngawt ang, ni lo, khati chena thui kha ka inkalpuitîr thei tawh lo ang, ka invêngin ka insûm ve tùr a ni. Keimah ka invèna ka insùm ve phawt chuan ani pawhin min ti lui thei bîk lo ang chu, induh ve ve ni mah ila. Ka zahawmna hloh tùrin min duh bîk nâng.
Zàna a lo lèn leh pawhin a hmaa mi ang thovin ka lo làwm a;mahse, Apuii thu sawi kha ka hre reng ta thung. Kan inngaihzàwnna a la rei lutuk lo bawk a, hmingchhiat theihna tùrin awm ka duh lo. Thingtlângah phei chuan thil an hre thei si a, mi pakhatin a hriat tawh chuan khaw pumpuiin an hre deuh nghal tùrah ngai ila, a dik deuhthaw. Hetia a lo lêng thìn pawh hi an lo hriat rûk tawh hial ka ring.
"Zanin chu thil i ngaihtuah nasa hle mai."
Ka harh chhuak zawk mai.
"Eng vak a ni lo,"ka ti ringawt a.
"Ka lo lêng țhìn hi min ning tawh em?"
"Teuh lo mai!"
"Mahse, zanin hi i zia a dang deuh tlat, harsatna i nei em ni?"
Ka zah deuh tlat a nih chu.
"Nei lo, nei hmêl ka pû em ni?"
Chiang zet hian min en a.
"I neih loh chuan a țha e. Nih leh, buaina i nei em?"
"Nei lo ve, engtizia nge ni?"
"Lo hnai teh."
Ka hnaih ve mai bawk a; ani chuan nghet zet hian min lo kuah a, ka thaw țha thei lo țêp.
"I duh loh zâwngin ka awm em ni?"
He pa hian ka ngaihtuahna hi a chhiar thei em ni le? Ka thil ngaihtuah hi a ho bawk si a, ka hrilh ngam lo tawp ang. Chubâkah, a 'ril ruih' bawk si.
"I awm lo hrim hrim, sawi tawh lo ang."
"I lung ka ti awi lo emaw ka ti a."
Kuah lêt pahin a bengah ka fâwp zauh a. "Ka lung hi chu i ti awi ngawih ngawih," ka ti sap a. A bengkâwm vawt raih chu deh nuam ka ti kher mai.
"Ka lãwm e."
"Kei pawh le."
Kan infawh vang vang hnuah chuan ka phone la chhuakin hla ka play a, ear phone chu vuahin lehlam chu Nunhlua ka pe a, keiin lehlam chu ka bengah ka vuah nghal a.
"Eng hla nge ni?"
"Ngaithla ve phawt la?"
A ngawi ve mai. Insi rial chuan kan țhu a, Ed Sheeran hla ka ngaihthlâkpui a ni. He pa hla hi mawi ka ti țhìn, mi dang zai hi chu ka ngaithla peih vak lo.
"A mawi i ti em?"
"Tih vak pawh ka hre lo."
"A, i ngaithla chiang lo a ni ang. He pa hla hi chu a mawi hlawm asin, i ngaithla ngai em?"
"Tunlai hla hi ka ngaithla vak lo."
"Inla upa viau teh suh, i la upa lo ém mai."
"Kum 40 ka tling țêp tawh alawm."
"Kei pawh ka la tling ve dáwn tho."
A nui suk ringawt mai. He pa hi a indah upa lutuk tùr a ni lo rêng rêng, fa pakhat a nei dêk dêk a, inla upa nghal ringawt mai.
"Inla upa viau ringawt tawh suh."
"Fapa tlangvâl dáwn ka neih tawh hi."
"Ka thingpui lum i in duh chuan inla senior tawh suh ang che."
"In leh tawh ila?"
Nui var var chuan ka tho a, flask-a ka dah chu thliin ka pe nghal a.
"Ih maw, i sawi hreh chuan sawi lo mai la, Nundika nu kha a hmelțha ngawt lo maw?"
Ka hre châk ém a ni. A hmelțhat chu ka ring tho a; mahse, a ka ațang ngei hian ka hre châk zual a ni.
"Hmelțha."
"Ka ring rěng a ni. Ka hmu châk ngawt mai, a zùna i uai theih leh nupui atân i neih duh chu a chhe lo dáwn tih ka ring thlap."
"Hmêl hi chu pâwn lam lan dàn mai a nia."
"Hmelchhia ai chuan a țha zâwk tho."
A nui suk suk a, melh ràn pah chuan,"Kha maw, dik i tih hle kha,"ka ti ve salh a.
"I sawi dik chat chat hle mai."
"Ka fing alawm."
Ka nui chhuak lo thei lo.
"Fing bawk, hmelțha bawk."
"Ka nihna em ni i sawi?"
"Niin i hria em?"
"Ni chuan ka hria a, sawi kim loh i la ngah ém mai pawh a,"ka nui pah sâng a.
Nui miah lo hian,"Fing, hmelțha, lehkha thiam, fel, thinchhia, tě..."a sawi zawh hma chuan,"Sawi tawh suh...."tiin a hmuiah chuan ka hupsak vat a.
Kan inmelh hnai khawp mai.
"Khati ang lam chu sawi tawh lo ang."
Ka kut ka lâk sawn veleh chuan,"Thinchhia tih leh tě tih chu i duh lo a ni maw?"nui chung hian a ti a.
"Duh lo mah ila, ka nihna a ni tho sia; mahse, sawi chhuah kher kha ka duh lo alawm."
Ka khabe-a vuan pah chuan,"I lawmawm reuhzia hi! Ka duh tak tak reuh che a ni. I zavai hian ka duh che,"a ti sup a.
Ka zavai maw? Ka len hmel tawp.
"Kei pawhin ka duh vek che, i kut thap hrip hrep tel vekin,"tiin a kut lian zet, hnà a thawhna avànga thap deuh chu ka chùlsak a.
Comments
Post a Comment