☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆REBEK☆ - 8 By Dingdi Pachuau
Rei ang reng tak kan inngaihzia leh kan inthlâkhlelhzia chetziaa kan lantîr hnuah chuan Nunhlua chuan,"Thawhțanah Lunglei kal ila ?"a ti sup a.
Ka inngaihtuah a, kal chu ka duh ve viau nain tih tùr ka nei lo, sikul kal a ngai bawk. A ruala kal chu ka châk khawp mai.
"Sikul kal ka ngai alawm."
"Office dàwr in ngai lo em ni?"
"Head-in eng mah a sawi lo, a ngai lo a ni ang."
"Nih, engtikah nge i hman theih ang?"
"Sikul kal loh nî a ngai ang."
"Chuti, inrinni-ah kal ila?"
"Um, eng nge kan tih ang?"
"Phone kan lei ang chu."
"Online-a chah i duh mai lo'm ni?"
"Chhuahpui ve che ka châk alawm."
A nuam ngawt ang, ka ngaihtuah zawng pawhin ka phûr lutuk tlat.
"A țha alawm, a nuam viau ang."
A lêng rei phian. In lamah Muantei a awm vàng pawh a ni ang, a lêng rei em mai.
Muantei chu a fel a nih ka ring, a lãr nghal hat mai. Chiang takin ka hmu leh ta chuang lo va; mahse, a chhe lo tih ka hre tho.
Sikulah pawh an sawi nasa mai. Rova chuan office-a kan awm khawm laiin a sawi chhuak a, Hminga erawh hi chu tlangvâl țawng tam lo ngang hi a ni a, a sawi ve vak lo.
Apuii chuan,"I lêng leh tawh elo? Mikhual nula hi chu i hre ve thei ngawt mai,"a lo ti vat a, ka lo nui var var a.
"Khawtual nulaah rîm tùr awm hek lo che u. Ngaihzawng dang in nei țhêm a."
"Nei lo an tam em mai, mikhual hi in làwm hrim hrim."
"Bektei a rawn mikhual țantirh pawh khân ka lêng ve lo aw. Mikhual nula ka làwm chûk lo."
"I lêng lo teh tlat maw?"
An infiam na thei bawk a, mi dang kan inrawlh ngai lo, kan lo nui char char zel.
"Mikhual nula rìm ngai lo tùr hian nulaho hian tlangvâlho hi min ngaizawng rêng ta che u. A hnuah in thîk leh tho si."
Ka lo nui chhuak hawk. Ka làwm lutuk a, Rova hi chuan hnial khàn hi a hre thei a, Apuii hi a hnial dang leh tlat zel.
Apuii a lo la dang awzawng lo mai!
"Kan thîk awkawng lo. In duh duhnaah lêng rawh u, kan vêng tlangvâlho tluka mikhual nula làwm ka hre lo ve,"a ti leh a.
"Kha, i thîk reng kha."
Kan nui chhuak ta vek a, Hminga pawh a lo nui ve suk suk mai. Madam Nui chuan,"Khai, duh tâwk rih teh u, nakinah in ti țha leh dáwn nia. Tûn round-ah kha chuan Rova a chak deuh zâwk tlat,"nui sâng chung hian a lo ti a.
"Rova a ni lo, Khuallàwma a ni tawh."
Kan nui nasa lutuk. Rova lah chu a làwm ber berah a țang a,a uang zui a, kan nui tàwp hlei thei lo achhâ chu a ni.
A tûkah chuan Madam Nui chuan,"Ngawi teh u, nimina in thu sawi kha, Muantei kha ka hmu ve a, a fel reuh khawp mai. A lu pawh a zo riauin ka hria. Rova ai chuan Hminga tân hian hauh ila a țha ang,"a rawn ti chhuak a.
Rova pek chuan,"Zei àwm lo em mai,"a lo ti hluk a, Hminga chuan,"Rova tân hian hauh zâwk r'u, ani ang hian ka zei dáwn si lo,"a lo ti ve sup sup a.
Apuii chuan,"Rova, awh, Khuallàwma kha pe vek rawh u, a hauh na ém!"a lo ti vat a.
"Nang lah hi, min ngaizawng viau suh, lo thîk lutuk mah ta che, a awmna a la rei loh em hi."
"Awi, ka ngaihzawn lohzia che hi, sawi ngaihna pawh ka hre lo zâwk. Nei rawh, nei vek rawh."
Ka lo inrawlh ve a.
"Nangni pahnih hi room pakhatah khung dùn che u ila, in insual reng thei dáwn a nih hi."
Apuii chuan,"Ka awmpui peih teuh lo!"uar zet hian a lo ti a, Rova lah chuan,"Room pakhata khung dun ai chuan nilênga sakhi thanga awh pawh ka duh zâwk,"a lo ti ve a, Apuii chuan rum zet hian a melh a, ani lah chu a lo nui mai mai a.
Head chuan muang cherh chawrh hian,"Induh lo leh intei thei lo deuhte hi a rûkin an induh ru duh a nia,"a lo ti charh charh a.
Apuii chuan,"Teuh lo e!"a lo ti vat a. Rova chuan,"Ka bêm dáwn alawm, nakinah chuan 'Bawiha pa' min la ti hrim hrim ang,"a lo ti lehpek a. Apuii chuan a melh râwm râwm a,thaw huai hian,"Ka chhâng peih lo che,"a ti ta nge nge a.
"Nakin zànah ka rawn lêng nghal dáwn nia."
Rova hi chuan a tàwpah hi chuan hnehna a chang nge nge zel.
Kâr tluan chuan Nunhlua nèn kan inhmu lo. Leiletah a riak leh a, Muantei pawh an inah a la awm reng. Awm reng a tum em ni le? Tihchi loh e, inchhûngkhat pawh an ni si lo va, miin an sawi ang tih pawh a hlauhawm alawm.
Min rawn be si lo, a rawn kal bawk si lo nèn, Lunglei kal pawh chu a ti ta lo a ni ang. Pawi lo, a buai leh si a ni mahna.
Tûkțhuan ei khamah chuan nimin lama ka thawmhnaw hâk ka sù a, ka zâi rát rât a.
Kawngka a rawn ri a, Nunhlua a rawn lût hlawl mai.
"Khawnge i kal dáwn? I va chhe lo ve!"
"Lunglei kan kal dáwn kha. I theihnghilh tih sawi miah suh."
"E, i țhulh ta emaw ka ti!"
"Insiam rawh, ka nghâk ang che."
Ka insiam ran ber țum a la ni ang chu. Room ațanga chhuah pah chuan,"Le, kal ang le,"ka ti a.
Min lo en vang vang a.
"I insiam rei lo hle mai."
"Ka tih ve dàn a nia."
"A țha. I mawi hle tho si."
"Ka lãwm e."
Kan tlãn chhuak chu min en deuh hâ hâ chuan ka hria; mahse, ka en duh lo lui tlat hlawm. Min fiam hlak hlawm dáwn a nih hi. Chhùn êngah Nunhlua hi a lo kal ngai tlat lo va, bâkah kan inzui hi an hmu ngai bawk lo ang, makti tùr chu an ni.
Khua kan pelh hnu chuan,"Min kuah nghet rawh, min rawn hnaih bawk la,"a ti sup a. A thu awihin ka hnaih sauh a, kan inkârah hian eng mah a awm thei tawh lo ang tih tùr khawpin ka si thlap a, a kâwngah ka kuah nghet hle bawk.
"Ka tlãn chak ang aw, hlau lo la."
Bike khalh a va thiam tak! Ka hlau lo rěng rěng. Nuam ka ti zâwk.
Lunglei pawh kan thleng hma. Rahsivêng lamah kan tlãn chho a, khawiah nge min kalpui dáwn ka hre lo, min phurhnaah ka zui tawp a ni mai.
Convention centre piaha building lian pui kawtah kan ding a, bike ațanga chhuk pah hian,"Ka patea te inah kal lawk ang aw,"a ti sup a, hnial duh ta pawh ni ila, hnialna hun pawh ka nei tawp lo. Mahse, ka hnial dáwn lo khawp tih a hre sa a ni ang.
A patea nupui ni ngei tùr, nu upa lam tawh hian min lo chhàwn vat a.
"Aw, Hlua a ni reng mai. Lo kal r'u. I patea pawhin a sawi a sawi tawh che a."
"Nute, hei ka țhiannu hi Rebek-i a nih hi,"tiin a nutei nèn chuan min inhmel hriattîr nghal a. A nutei chu a patea ko tùrin a kal sawn ta nghal bawk a.
Sitting room-ah kan țhu a, min rawn enin,"I chau em?"a ti sup a.
"Chau lo ve, i patea te chuan in an nei nuam hle mai,"ka ti a.
"Nuam e, ei rûk tel miah lova an sak a nia."
"A ni maw?! A va ngaihsànawm ve!"
Room dang ațangin a patea leh a nutei chu an rawn inzui chhuak a. Min rawn hmuh veleh chuan a patea chuan,"Hlua, hei tunge ni? Diktea nu thar tùr em ni?"a rawn ti a, ka zak ve lutuk.
"Pate, i ti zak lutuk ang e. Rebek-i a nih hi. Chhe lo i ti ve tho em?"
"Teh rêng mai. Chhuah miah suh, a ngo var lehnghal a."
A nutei chu a lo inrawlh ve vat a.
"Duh tâwk teh u, in ti zak lutuk a nih kha. Rebek, lo kal rawh, thingpui lum daih ang."
Thingpui ka va pêk chuan thil dang an lo sawi daih tawh a, mipa titi a nih vàngin lo hriat ve kher pawh ka tum chuang lo.
Kan hmanhmawh lěm lo bawk a, kan awm deuh reng. Phone lei deuh chauh a ngaih avàngin hmanhmawh a țûl hran lo bawk.
Mak ka ti tawp. Hmel hriat a ngah lutuk. Thingtlânga awm e ti lo chuan a hmel hriatte lah chu hna thawh nei an ni fur bawk.
Phone pawh chu țha tâwk tak a lei a, mawi ka tih zâwngte min zâwt ve ngial a, ka thlansak nghe nghe. Phone thar lawm nân thla kan la dùn a, a camera pawh a țha khawp mai.
Bazârah kan inzui kual a, lei tùr ka hre chuang miah lo. Ani erawh chuan a mamawh a lei nghal chat chat a, thil zuar hnênah chuan tlàwm pawh a dîl ve miah lo.
"I ril a țâm em?"
Chawhnu dâr 2 a ri tawh. Ka ril pawh a țâm țan, țâm tak erawh a la ni lo.
"Țâm țan, chawlh i duh tawh em?"
"I duh leh duh loh a ni mai."
Murray-ah kan chàwl a, ka chàwl khât ta deuh a, an lo ti nuam tawh khawp mai. Lunglei ka kal hian keima tâwkah ka buai ve thei lutuk a, ka chàwl hman meuh tawh lo a ni.
"I hmui sîrah khân a kai a nia."
A ni maw?! A va zahthlâk tak. Ka ei fîmkhur ve viau asin le. Tissue paper chuan dîm těin ka hru a.
"A la kai a nia."
Ka hru nawn leh a, ka va melh chuan a lo nui suk a.
"Tak tak emaw i ti a ni maw?"
Min fiam a ni maw!! Zah ve nak laia, rum deuh hian ka melh a.
"I va sual tak."
"I hmai a sen vek."
"Ka zak alawm le!"
"I sen awp awp pawh hian i chhe lo tho."
Tlêm chuan ka lãwm deuh; mahse, ka la zak tho.
"I sual tho tho."
"Sual min ti mah la, i chhe lo tho tho."
Khaw èn laia hàw ka hreh ru viau. Miin min lo en leh hû hû ang tih ka hlau. Bâkah, min fiam dáwn chiang.
"Hmanhmawh lo ang aw, bike hi check-tîr lawk ka duh a."
A va zia tak. A bike chu rei tak lo check se ka ti hle mai.
Lunglei ațanga kan chhuah meuh chuan a tlai tawh hle mai; mahse, ka duhthusâm a ni thung.
Zàn thla ěng hnuaia tlàn chu nuam ka ti kher mai. A vâwt lek lek nain Nunhlua'n min phèn a, chutah, ka la kuah zui a. A taksa lum ham ham ka hre thei vek a, nuam ka ti veng veng.
"Vâwt i ti em?"
A koki-ah ka khabe ka nghat ve ârh ârh a, a beng bulah chuan,"Ti lo, ka kuah thei che alawm,"ka ti lang lang a, nghet deuh hian ka kuah bawk a.
"Min kuah nasat lutuk chuan ka dik lo ang e."
A fiamthu pawh ni se, ka ngei țhelh tho.
"Tenawm suh!"ka ti hlar a.
A nui huk ringawt.
A hnuah a hnungah chuan ka bei chial a, ka ngaihtuahna ka kàwm kual a, heti hian kuah reng theih mai se, a nuam ngawt ang chu.
"I muhìl elo?"
"Hìl lo ve."
"Ka rawn pêng lawk ang aw."
"I thu thu."
"Vawiinah ka tih tùr ka la ti miah lo va."
A sawi awmzia pawh ka hre lo ve.
Kan tlàn tluang viau. Khua kan thlen meuh chuan zàn dâr 7 a ni tawh. Inkhâwm reh lai tak a ni a, zia ka ti reuh tak tak.
Thingpui ka lumsak a, chaw ei ngai tawh lo tùrin chhang ka lei nèn chuan ka chhawp nghal a.
"Ka bulah lo țhu phawt teh."
Ka țhu ve mai. Ka mal a rawl deuh lehnghal a, naktûk inkhâwm ka peih lo dáwn kher mai.
"Ka lãwm e, vawiina Lunglei min kalpui vàngin."
"Kei pawh min kalpui duh vàngin ka lãwm tho."
A lam a min kuai herin ka hmuiah a fâwp de de a, ka lo chhàn lêt hmanhmawh avàngin duhthawh tak chuan min fâwp ta bawrh bawrh a.
Kan duhthawh a, kan inkeih tawn mawlh mawlh mai. A kut lah chuan min dap kual ruai mai a, dap tùr lai lah a hre chiang khawp mai.
Kan inthlah meuh chuan thâwk kan la dùn hawk hawk a, ka hnar a sen leh vât tawh ang chu.
"Thingpui hi a dai ang, in tawh rawh."
Ka hnâr tawk zauhin,"I inhmeh reuh lutuk,"a ti sup a, țhu țhain thingpui chu a ban ta nghal a.
"Ka mal a rawl deuh nia."
"Ka lo hmet dáwn em ni ang?"
"Ka lãwm e; ngai lo mai rawh se."
"Ka hmet châk asin le."
"In mai mai teh."
Thingpui a in zawh hnu rei lo těah chuan a hãw ve ta a. A hàw hnuah kei pawh tui ka lum a, sa deuh hlekin ka inbual sar sar a, mut hma mai pawh a pawi lo. Nunhlua a lo lêng àwm si lo.
Apuii'n min rawn phone a.
"Vawiinah tu nèn nge Lungleiah in kal a?"
"Nunhlua."
"Mak an ti hlawm teh mai a nia."
"A ho e."
"Ho i ti chiah maw?"
"Ti lutuk chuang lo ve; mahse, engtin vak nge ka tih chuan ang?"
"Nia, thil pawi pawh a ni chuang hlei nem."
"Miin min sawi nasa em?"
"Ho lutuk."
Nia, mak chu an ti ve ang, kan inzui ngai lo va, bike-ah min phur ngai hek lo.
"Khaw èn laia lo luh pawh ka zak rěng a."
"Bike-a inphurh vànga inngaizawng a ngaih ringawt tùr in ni hlei nem."
"Mahse, thingtlang a ni miau a, bâkah, kan inzui ve miau bawk sia."
Rei ang reng tak kan inngaihzia leh kan inthlâkhlelhzia chetziaa kan lantîr hnuah chuan Nunhlua chuan,"Thawhțanah Lunglei kal ila ?"a ti sup a.
Ka inngaihtuah a, kal chu ka duh ve viau nain tih tùr ka nei lo, sikul kal a ngai bawk. A ruala kal chu ka châk khawp mai.
"Sikul kal ka ngai alawm."
"Office dàwr in ngai lo em ni?"
"Head-in eng mah a sawi lo, a ngai lo a ni ang."
"Nih, engtikah nge i hman theih ang?"
"Sikul kal loh nî a ngai ang."
"Chuti, inrinni-ah kal ila?"
"Um, eng nge kan tih ang?"
"Phone kan lei ang chu."
"Online-a chah i duh mai lo'm ni?"
"Chhuahpui ve che ka châk alawm."
A nuam ngawt ang, ka ngaihtuah zawng pawhin ka phûr lutuk tlat.
"A țha alawm, a nuam viau ang."
A lêng rei phian. In lamah Muantei a awm vàng pawh a ni ang, a lêng rei em mai.
Muantei chu a fel a nih ka ring, a lãr nghal hat mai. Chiang takin ka hmu leh ta chuang lo va; mahse, a chhe lo tih ka hre tho.
Sikulah pawh an sawi nasa mai. Rova chuan office-a kan awm khawm laiin a sawi chhuak a, Hminga erawh hi chu tlangvâl țawng tam lo ngang hi a ni a, a sawi ve vak lo.
Apuii chuan,"I lêng leh tawh elo? Mikhual nula hi chu i hre ve thei ngawt mai,"a lo ti vat a, ka lo nui var var a.
"Khawtual nulaah rîm tùr awm hek lo che u. Ngaihzawng dang in nei țhêm a."
"Nei lo an tam em mai, mikhual hi in làwm hrim hrim."
"Bektei a rawn mikhual țantirh pawh khân ka lêng ve lo aw. Mikhual nula ka làwm chûk lo."
"I lêng lo teh tlat maw?"
An infiam na thei bawk a, mi dang kan inrawlh ngai lo, kan lo nui char char zel.
"Mikhual nula rìm ngai lo tùr hian nulaho hian tlangvâlho hi min ngaizawng rêng ta che u. A hnuah in thîk leh tho si."
Ka lo nui chhuak hawk. Ka làwm lutuk a, Rova hi chuan hnial khàn hi a hre thei a, Apuii hi a hnial dang leh tlat zel.
Apuii a lo la dang awzawng lo mai!
"Kan thîk awkawng lo. In duh duhnaah lêng rawh u, kan vêng tlangvâlho tluka mikhual nula làwm ka hre lo ve,"a ti leh a.
"Kha, i thîk reng kha."
Kan nui chhuak ta vek a, Hminga pawh a lo nui ve suk suk mai. Madam Nui chuan,"Khai, duh tâwk rih teh u, nakinah in ti țha leh dáwn nia. Tûn round-ah kha chuan Rova a chak deuh zâwk tlat,"nui sâng chung hian a lo ti a.
"Rova a ni lo, Khuallàwma a ni tawh."
Kan nui nasa lutuk. Rova lah chu a làwm ber berah a țang a,a uang zui a, kan nui tàwp hlei thei lo achhâ chu a ni.
A tûkah chuan Madam Nui chuan,"Ngawi teh u, nimina in thu sawi kha, Muantei kha ka hmu ve a, a fel reuh khawp mai. A lu pawh a zo riauin ka hria. Rova ai chuan Hminga tân hian hauh ila a țha ang,"a rawn ti chhuak a.
Rova pek chuan,"Zei àwm lo em mai,"a lo ti hluk a, Hminga chuan,"Rova tân hian hauh zâwk r'u, ani ang hian ka zei dáwn si lo,"a lo ti ve sup sup a.
Apuii chuan,"Rova, awh, Khuallàwma kha pe vek rawh u, a hauh na ém!"a lo ti vat a.
"Nang lah hi, min ngaizawng viau suh, lo thîk lutuk mah ta che, a awmna a la rei loh em hi."
"Awi, ka ngaihzawn lohzia che hi, sawi ngaihna pawh ka hre lo zâwk. Nei rawh, nei vek rawh."
Ka lo inrawlh ve a.
"Nangni pahnih hi room pakhatah khung dùn che u ila, in insual reng thei dáwn a nih hi."
Apuii chuan,"Ka awmpui peih teuh lo!"uar zet hian a lo ti a, Rova lah chuan,"Room pakhata khung dun ai chuan nilênga sakhi thanga awh pawh ka duh zâwk,"a lo ti ve a, Apuii chuan rum zet hian a melh a, ani lah chu a lo nui mai mai a.
Head chuan muang cherh chawrh hian,"Induh lo leh intei thei lo deuhte hi a rûkin an induh ru duh a nia,"a lo ti charh charh a.
Apuii chuan,"Teuh lo e!"a lo ti vat a. Rova chuan,"Ka bêm dáwn alawm, nakinah chuan 'Bawiha pa' min la ti hrim hrim ang,"a lo ti lehpek a. Apuii chuan a melh râwm râwm a,thaw huai hian,"Ka chhâng peih lo che,"a ti ta nge nge a.
"Nakin zànah ka rawn lêng nghal dáwn nia."
Rova hi chuan a tàwpah hi chuan hnehna a chang nge nge zel.
Kâr tluan chuan Nunhlua nèn kan inhmu lo. Leiletah a riak leh a, Muantei pawh an inah a la awm reng. Awm reng a tum em ni le? Tihchi loh e, inchhûngkhat pawh an ni si lo va, miin an sawi ang tih pawh a hlauhawm alawm.
Min rawn be si lo, a rawn kal bawk si lo nèn, Lunglei kal pawh chu a ti ta lo a ni ang. Pawi lo, a buai leh si a ni mahna.
Tûkțhuan ei khamah chuan nimin lama ka thawmhnaw hâk ka sù a, ka zâi rát rât a.
Kawngka a rawn ri a, Nunhlua a rawn lût hlawl mai.
"Khawnge i kal dáwn? I va chhe lo ve!"
"Lunglei kan kal dáwn kha. I theihnghilh tih sawi miah suh."
"E, i țhulh ta emaw ka ti!"
"Insiam rawh, ka nghâk ang che."
Ka insiam ran ber țum a la ni ang chu. Room ațanga chhuah pah chuan,"Le, kal ang le,"ka ti a.
Min lo en vang vang a.
"I insiam rei lo hle mai."
"Ka tih ve dàn a nia."
"A țha. I mawi hle tho si."
"Ka lãwm e."
Kan tlãn chhuak chu min en deuh hâ hâ chuan ka hria; mahse, ka en duh lo lui tlat hlawm. Min fiam hlak hlawm dáwn a nih hi. Chhùn êngah Nunhlua hi a lo kal ngai tlat lo va, bâkah kan inzui hi an hmu ngai bawk lo ang, makti tùr chu an ni.
Khua kan pelh hnu chuan,"Min kuah nghet rawh, min rawn hnaih bawk la,"a ti sup a. A thu awihin ka hnaih sauh a, kan inkârah hian eng mah a awm thei tawh lo ang tih tùr khawpin ka si thlap a, a kâwngah ka kuah nghet hle bawk.
"Ka tlãn chak ang aw, hlau lo la."
Bike khalh a va thiam tak! Ka hlau lo rěng rěng. Nuam ka ti zâwk.
Lunglei pawh kan thleng hma. Rahsivêng lamah kan tlãn chho a, khawiah nge min kalpui dáwn ka hre lo, min phurhnaah ka zui tawp a ni mai.
Convention centre piaha building lian pui kawtah kan ding a, bike ațanga chhuk pah hian,"Ka patea te inah kal lawk ang aw,"a ti sup a, hnial duh ta pawh ni ila, hnialna hun pawh ka nei tawp lo. Mahse, ka hnial dáwn lo khawp tih a hre sa a ni ang.
A patea nupui ni ngei tùr, nu upa lam tawh hian min lo chhàwn vat a.
"Aw, Hlua a ni reng mai. Lo kal r'u. I patea pawhin a sawi a sawi tawh che a."
"Nute, hei ka țhiannu hi Rebek-i a nih hi,"tiin a nutei nèn chuan min inhmel hriattîr nghal a. A nutei chu a patea ko tùrin a kal sawn ta nghal bawk a.
Sitting room-ah kan țhu a, min rawn enin,"I chau em?"a ti sup a.
"Chau lo ve, i patea te chuan in an nei nuam hle mai,"ka ti a.
"Nuam e, ei rûk tel miah lova an sak a nia."
"A ni maw?! A va ngaihsànawm ve!"
Room dang ațangin a patea leh a nutei chu an rawn inzui chhuak a. Min rawn hmuh veleh chuan a patea chuan,"Hlua, hei tunge ni? Diktea nu thar tùr em ni?"a rawn ti a, ka zak ve lutuk.
"Pate, i ti zak lutuk ang e. Rebek-i a nih hi. Chhe lo i ti ve tho em?"
"Teh rêng mai. Chhuah miah suh, a ngo var lehnghal a."
A nutei chu a lo inrawlh ve vat a.
"Duh tâwk teh u, in ti zak lutuk a nih kha. Rebek, lo kal rawh, thingpui lum daih ang."
Thingpui ka va pêk chuan thil dang an lo sawi daih tawh a, mipa titi a nih vàngin lo hriat ve kher pawh ka tum chuang lo.
Kan hmanhmawh lěm lo bawk a, kan awm deuh reng. Phone lei deuh chauh a ngaih avàngin hmanhmawh a țûl hran lo bawk.
Mak ka ti tawp. Hmel hriat a ngah lutuk. Thingtlânga awm e ti lo chuan a hmel hriatte lah chu hna thawh nei an ni fur bawk.
Phone pawh chu țha tâwk tak a lei a, mawi ka tih zâwngte min zâwt ve ngial a, ka thlansak nghe nghe. Phone thar lawm nân thla kan la dùn a, a camera pawh a țha khawp mai.
Bazârah kan inzui kual a, lei tùr ka hre chuang miah lo. Ani erawh chuan a mamawh a lei nghal chat chat a, thil zuar hnênah chuan tlàwm pawh a dîl ve miah lo.
"I ril a țâm em?"
Chawhnu dâr 2 a ri tawh. Ka ril pawh a țâm țan, țâm tak erawh a la ni lo.
"Țâm țan, chawlh i duh tawh em?"
"I duh leh duh loh a ni mai."
Murray-ah kan chàwl a, ka chàwl khât ta deuh a, an lo ti nuam tawh khawp mai. Lunglei ka kal hian keima tâwkah ka buai ve thei lutuk a, ka chàwl hman meuh tawh lo a ni.
"I hmui sîrah khân a kai a nia."
A ni maw?! A va zahthlâk tak. Ka ei fîmkhur ve viau asin le. Tissue paper chuan dîm těin ka hru a.
"A la kai a nia."
Ka hru nawn leh a, ka va melh chuan a lo nui suk a.
"Tak tak emaw i ti a ni maw?"
Min fiam a ni maw!! Zah ve nak laia, rum deuh hian ka melh a.
"I va sual tak."
"I hmai a sen vek."
"Ka zak alawm le!"
"I sen awp awp pawh hian i chhe lo tho."
Tlêm chuan ka lãwm deuh; mahse, ka la zak tho.
"I sual tho tho."
"Sual min ti mah la, i chhe lo tho tho."
Khaw èn laia hàw ka hreh ru viau. Miin min lo en leh hû hû ang tih ka hlau. Bâkah, min fiam dáwn chiang.
"Hmanhmawh lo ang aw, bike hi check-tîr lawk ka duh a."
A va zia tak. A bike chu rei tak lo check se ka ti hle mai.
Lunglei ațanga kan chhuah meuh chuan a tlai tawh hle mai; mahse, ka duhthusâm a ni thung.
Zàn thla ěng hnuaia tlàn chu nuam ka ti kher mai. A vâwt lek lek nain Nunhlua'n min phèn a, chutah, ka la kuah zui a. A taksa lum ham ham ka hre thei vek a, nuam ka ti veng veng.
"Vâwt i ti em?"
A koki-ah ka khabe ka nghat ve ârh ârh a, a beng bulah chuan,"Ti lo, ka kuah thei che alawm,"ka ti lang lang a, nghet deuh hian ka kuah bawk a.
"Min kuah nasat lutuk chuan ka dik lo ang e."
A fiamthu pawh ni se, ka ngei țhelh tho.
"Tenawm suh!"ka ti hlar a.
A nui huk ringawt.
A hnuah a hnungah chuan ka bei chial a, ka ngaihtuahna ka kàwm kual a, heti hian kuah reng theih mai se, a nuam ngawt ang chu.
"I muhìl elo?"
"Hìl lo ve."
"Ka rawn pêng lawk ang aw."
"I thu thu."
"Vawiinah ka tih tùr ka la ti miah lo va."
A sawi awmzia pawh ka hre lo ve.
Kan tlàn tluang viau. Khua kan thlen meuh chuan zàn dâr 7 a ni tawh. Inkhâwm reh lai tak a ni a, zia ka ti reuh tak tak.
Thingpui ka lumsak a, chaw ei ngai tawh lo tùrin chhang ka lei nèn chuan ka chhawp nghal a.
"Ka bulah lo țhu phawt teh."
Ka țhu ve mai. Ka mal a rawl deuh lehnghal a, naktûk inkhâwm ka peih lo dáwn kher mai.
"Ka lãwm e, vawiina Lunglei min kalpui vàngin."
"Kei pawh min kalpui duh vàngin ka lãwm tho."
A lam a min kuai herin ka hmuiah a fâwp de de a, ka lo chhàn lêt hmanhmawh avàngin duhthawh tak chuan min fâwp ta bawrh bawrh a.
Kan duhthawh a, kan inkeih tawn mawlh mawlh mai. A kut lah chuan min dap kual ruai mai a, dap tùr lai lah a hre chiang khawp mai.
Kan inthlah meuh chuan thâwk kan la dùn hawk hawk a, ka hnar a sen leh vât tawh ang chu.
"Thingpui hi a dai ang, in tawh rawh."
Ka hnâr tawk zauhin,"I inhmeh reuh lutuk,"a ti sup a, țhu țhain thingpui chu a ban ta nghal a.
"Ka mal a rawl deuh nia."
"Ka lo hmet dáwn em ni ang?"
"Ka lãwm e; ngai lo mai rawh se."
"Ka hmet châk asin le."
"In mai mai teh."
Thingpui a in zawh hnu rei lo těah chuan a hãw ve ta a. A hàw hnuah kei pawh tui ka lum a, sa deuh hlekin ka inbual sar sar a, mut hma mai pawh a pawi lo. Nunhlua a lo lêng àwm si lo.
Apuii'n min rawn phone a.
"Vawiinah tu nèn nge Lungleiah in kal a?"
"Nunhlua."
"Mak an ti hlawm teh mai a nia."
"A ho e."
"Ho i ti chiah maw?"
"Ti lutuk chuang lo ve; mahse, engtin vak nge ka tih chuan ang?"
"Nia, thil pawi pawh a ni chuang hlei nem."
"Miin min sawi nasa em?"
"Ho lutuk."
Nia, mak chu an ti ve ang, kan inzui ngai lo va, bike-ah min phur ngai hek lo.
"Khaw èn laia lo luh pawh ka zak rěng a."
"Bike-a inphurh vànga inngaizawng a ngaih ringawt tùr in ni hlei nem."
"Mahse, thingtlang a ni miau a, bâkah, kan inzui ve miau bawk sia."
"Nia, thup tak tak theih a ni hlei nem. Nui mai mai la, a țha a ni mai."
Comments
Post a Comment