☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆REBEK☆ - 9 By Dingdi Pachuau
Tu mahin min fiam hran lo, ka hnung lamah min sawi a nih ngawt loh chuan. Sikulah pawh min fiam chuang lo, Rova hian mi sawi a la hre lo a ni mahna. Hminga hi chuan hria pawh ni se a sawi lo tawp ang, eng mah a sawi ve ngai lo.
Mi mitmei a vêng ve a ni mahna, Nunhlua pawh a lo lêng ta rih lo. Ka ngai tho nain pawi ka ti vak lo, mi min sawi hre lo mah ila, a fapa kan sikulah a lût si a, nuam lo a ti palh ang. Kei pawhin nuam ka ti vak bîk lo ang.
Dam chuan hun a kal chak a, November thla a lo thlen meuh chuan khua pawh a vawt țan leh ta. Vawt tuar hi ka theih loh ém avàngin thlasik lo thleng hi ka huphurh țhìn hle a ni.
Țhaate țhian dùn pawh an rawn lang ngun leh deuh ta. Ka inah an rawn kal lo thei țhìn si lo va, tlêm chuan Nunhlua pawh hian a thîk deuh țhìn tih ka hria. A chhan chu John-a hian min kàwmngeih ve tlat a, țhianite pahnih hi chance pêk an ngaih ve țhin avàngin John-a nèn kan chhuak leh dâwrh dâwrh bawk a. Min lo hmu a nih loh pawhin mi sawi a lo hre ve țhìn a ni ang, a thîk poh leh nuam ka ti tlat. Min duh ve hle tihnaah ka ngai hmiah thung.
Muantei pawh Nunhlua inah a la awm zel. Khawlai leh Biak inah ka hmu ve zauh zauh a, a lu a zo veh vawh hlein ka hria. A țawng duh viau a, a nui duh hle bawk. A rûk tak chuan Nunhlua ina a awm tlat reng hi ka ngaimawh a, nula leh tlangvâl an ni a, miin an sawi mai ang tih ka hlau.
Mahse, Nunhlua bulah ka sawi ngam lo. Ka thîk emaw a ti ang, thîk deuh hlek mah ila,sawisèl chu ka duh lo. Kâr tàwpah chauh ka hmu thei bawk si a, hlim taka awm dun ka duh zâwk.
Pathianni tlai a ni a, dàn ngai těin Țhaate țhian dùn leh Apuii an lo lêng leh a, chaw kan ei khâwm dáwn lehnghal a, rawng bàwl lam kan buaipui hma loh chuan zànah kan inkhâwm hman lo ang.
Chawhmeh tùr an rawn ken sa vek avàngin chawhmehah buaina tùr a awm lo va, mipa pahnihin chawhmeh an siam a, hmeichhe pahnihin chaw leh hmarcha ràwt kan buaipui thung.
Chaw ei hmain John-a car rawn ken chuan kan lêng phawt a, kawng dungah kan lêng mai mai. Thlate kan la ho va, Țhaa a rui lo bawk a, a nuam reuh phian.
Chaw ei khamah an hãw a, keini pawh inkhâwm tùrin kan insiam nghal. Apuii leh Țhaa induh hi chu mite hian an hre deuh vek tawhin ka ring, khaw dang tlangvâl an ni a, hriat loh theih pawh a ni lo, lo lèn an peih ve ropui si.
Zànah chuan Nunhlua a lo lèn ka rin tehlul nèn, a lo kal miah lo. Ka phone dáwn ûk ûk a; mahse, ka țhulh leh. A buai ve deuhte pawh a ni ang, bâkah leilet lamah riah leh a tum àwm sia, thil ken tùrte siam fel a ngai dáwn asin.
Mahse, chu pawh chu lo ni ta se, rei lo tě chu rawn lèn tal tùr a nia. Ka ngai leh dáwn lutuk tlat, dik tak chuan phone khawih hi a peih hlawl loh avàngin message pawh hi ka thawn duh bîk lo va, phone-a inbiak ai chuan hmai chhan ngeia inbiak duh chi a nih vángin. Thu thlum tak takte pawh thawn ve ka duh țhìn a; mahse, a check ngaiin ka ring lo va, ka delete leh vek țhìn.
Zàn dâr 11 vêlah ka phone a rawn rì a, hei chu Nunhlua phone call a ni tlat! Ka muhìl țêp tawh asin le, eng tak chu rawn sawi dáwn ni maw?
"Hallo?"
"Kawngkhàr lo hawng teh."
Leh ta mai mai țhìn chuan. Eng nge maw a hriat ni? Khua a vawt bawk si.
Hmanhmawh tak chuan ka tho vat a, ka rizai sin ka thawhsan chiah chu a vawt nghal raih raih mai. Kawrlum ka mutpui thiam si lo va, rizai lum chu ka ui kher mai.
Kawngkhàr ka hawng a, pâwnah chuan a dinna a rei tawh a ni maithei, vâwt a tih hmel riauin ka hria.
"Lo lût rawh, engtizia nge ni?"
Pâwna ding reng chung chuan chiang fahran hian min melh rùn mai a, a thinrim loh hrâm ka beisei. Tûn ang zàn reia inhâu chu a tihchi dáwn loh em mai.
"Lo lût rawh."
Ka țawng ring vak ngam lo, miin ka țawng ri an hria ang tih ka hlau.
"Rebek?"
"Aw, lo lût phawt teh, pâwn chu a vâwt si."
Ka pawt lût nghal a, pâwna inbiak chu ka duh lo, miin hre ta se, a hmingchhiatthlâk.
"Eng nge i duh tâk? Zàn a rei tawh si."
"Nangmah."
Ka nuih a tiza țêp. Zàn dâr 11 vêla inkaihthawh nân chuan a naupan chhiatthlâk ka ti ve lehchhâwng.
"Țhu rawh, heater ka'n on ang e."
Ka kal tùr chu min man bet chawt mai a, ka phu zawk lehnghal.
"Nunhlu?!!!"
Ka vawi khat kohna.
"Kal suh!"
Khawiah maw ka kal loh ang? He pa hi zanin chu hriat thiam a va har tak! A rui niin ka hre bawk si lo, zû a in ngai lo tawp ang.
"Heater ka on dáwn alawm."
Min thlah ve leh mai bawk a.
Jacket chu a ha ve ngei mai; mahse, a pan khawp. Chubâkah, a vâwt thlur chi a ni bawk. Engtia rei nge a din ka hre si lo va, vâwt a ti viau ang.
"Engtia rei nge i din tawh?"
A jacket chu ka phelhsak a, khuma puan nuam ka sin chu ka sintîr nghal bawk a.
"Tlaia in lêng kha ka hmu che u."
Hm, hei vàng hi a ni ngei ngei ang.
"Țhiante ka lènpui ve mai mai alawm."
"Zanin chu hetah ka riak dáwn."
Ni lo, thil theih a ni lo. A riak ve a nih chuan thil thleng tùr ka hmu lâwk sa.
"Nunhlu..."
"Min 'u' duh miah lo hi ka lãwm."
Nula leh tlangvâl, lênglai țheuh țheuh in'u' hi ka duh lěm lo. Chuan, ka bialpa chu ni lo se, ka 'u' duh deuh mahna.
A rilru a buai deuh a ni ang, heta zàn a riah hlauh chuan... Awm rih deuh se, nakin deuhah ka hàwtîr ang.
"I ril a țâm em? Thingpui ka lum ang aw."
"Min hlau ti raw? Hlauhna chhan tùr ka awm em?"
Ka hlau lo, ka hlau hauh lo. Keimah zâwk hi ka inhlauhthàwnpui a ni. A chhan chu a bulah hian ka awm reng rengin 'Dan thianghlim' hi ka ngaihtuah chhuak thei țhìn lo.
"Chuti, ka bulah hian lo kal teh."
He pa hian eng nge a hriat le aw?
Nuih tlawn deuh titih hian,"I rui lo ti raw?"ka ti a, ani lah chuan,"Zû ka in ngai lo,"a lo ti hmiah a.
"Ruih nei i ang em a."
"Ka ruihchilh che a nih hi."
Hm, a ngaihna a awm lo ve.
"A vâwt i la ti em?" Thu dang daihah luhpui ang.
"Min kuah hma chu."
Ka kuah ta poh mai. Min thlahlel ve bawk si a, keiin ka thlahlel tho si a, a taksa lum thar thar deh chu nuam ka ti lehpek hle.
"Riah i tum tak tak lo ti raw?"
"Tum e."
A tum tak tak a ni roh ang. Khumah mu se, kei chu țhutthlêngah hian ka mu thei mai ang, zanin chauh chu.
"Khumah mu rawh aw."
"I bulah."
Ka khum lian fahran lo-ah chuan kan mu dùn thei lo ang, inngaizawng khum khata mut dun chu, a chî loh. Thil 'țha lo' a thleng palh ang.
"Nundika i ngaihtuah lo em ni?"
"Muantei a awm alawm."
"Hetah i riak dáwn tih an hria em?"
"Tu mahin an hre lo."
"Ngati nge riah i tum tlat a?"
"Ka duh a ni mai."
"Phal lo ta ila?"
"Pâwnah ka ding tlaivâr ang."
A ti duh tak takin ka ring ta.
"Ngati nge heti ang hian i awm tlat a?"
"Mi dang tân ka phal lo che."
"Mi dang ka nei hlei nem."
"Chuti, riah i phal ti raw?"
A va buaithlâk țhìn tak.
"Miin hetah i riak tih hre ta se?"
"An hre lo ang."
Ka hàw luihtîr thei bîk lo. Ka hmangaih ém avàng hian pâwna zankhuaa ding tlaivâr tùr chuan ka phal bîk lo.
Eng thil țha lo mah kan ti lo, kan inkuah a, kan infâwp a, chu zawng chu. Kan mut hmain, "Chesual lo ang aw,"ka ti thlap a, kan mu thianghlim tawp a ni mai.
Zînga a hàw lai ka hre miah lo. A mutna chu ka chûl a, ka nui sak ringawt. Mi hriat ka hlauhzia a hre ve tho a, hma takah a hãw a ni ngei ang. Mipa a ni a, min khawih luih a tum bîk miah lo kha mak ka ti hial zâwk. Tum ta pawh ni se, ka hnial thei tawh miah lo ang chu, mi pawhin an dem tùr chu keimah ka ni ngei ang; mahse, mi min dem chu a phal bîk lo a ni chiang. Ka duh dàn leh ka duh loh ka hrilh tawh a, a ti lui duh bîk lo.
November thla a ral a, a leilet buh pawh kha ka sengpui ta miah lo. A phal tlat lo va, inrinni chauh ka hman țhin avàngin ka pui hman lo. Ka hman ni ve berah lah chuan feh a duh miah lo a, chawlh ni atân a hmang zâwk hlauh.
December 14 thleng class kan kal a, John-a car-in Aizâwlah Apuii nèn kan bazar ve a, mipui tâwt lutuk vàng chuan ka rawl vekin ka hria. Ka lo lian fahran lo nèn, ka per leh dâwrh țhìn a, nuih pawh kan nui tam. Nunhlua thil tùr ka leisak bawk a, a lãwm ve ngawtin ka ring.
Ni 20-ah kan hãw a, ka rui nasa phian. A nuam fahran lo khawp mai, sumo pângngai ni phei se chuan hrehawm ka ti khawp ang chu, John-a'n a khalh damin ka duh duhnaah ka ti ding ngam zâwk a.
Muantei pawh Aizâwlah Krismas hmang tùrin a hãw. Ka thaw a veng huai mai, a sualthlâk ka ti deuh nain mi sawi lakah ka bialpa ka vènthàwnpui a ni ve mai a, thil àwm lo pawh a ni chuang lo.
Kumhlui hma ni, ni 30 zànah kan inhnial ve deuh hlek. An ina lêng tùrin min sàwm ve țhìn a, ka la lêng miah lo, a damloha zirtîrtute'n kan kan a ka kal bâk kha. Chu chu a sawi chhuak a.
"Ka sâwm tawh lo ang che."
"Ka zak ve alawm le."
"Min zahpui chiang a ni."
"Chuti ang a ni lo."
"Nia, kan in ve hi chu lèn luhna tlâkah i ngai tawp nâng."
Ka rilru lo ang deuha min puh chu ka ngai thei dêr lo. Mi hausa ka ni lo va, mi hmuhsit chîng pawh ka ni hek lo. Ka thin a rim phat mai.
"Chuti angin mi ka hmusit ngai lo ve,"ka ti tuar a.
"I thin a chhe si."
"A chhia a ni mai."
"I têt nèn, i thin a chhe reuh bawk si. I hnate hi i hre chiang meuh maw?"
Ka hre chiang ve ém! Naupang bulah ka thin a chhe lo bawk, chhia pawh lo ni se, a sawi tùr a awm lo chiang e.
"I buaina tùr a awm lo, lo inrawlh lo mai teh."
Ka thin a ti rim tual tual. Ani pawh hi lian viau mah se, a thin a chhe ve tho.
"I thin chhiat dànah hian i virgin tawh lo chiang."
Ka ngawi hmak. En pawh ka en duh lo, a hmel hmuh pawh ka duh lo, a thil sawi hnuhnung berin min nghawngzia hi hre lo se ka duh.
"Lo hawi teh."
"Hãw rawh."
"Ka fiam mai mai che a nih kha."
A ni lo, a ti tak tak ang. Ka tê a, ka thin a chhia a, ka virgin tawh lo bawk. A sawi dik vek a, fiamthu a ni lo.
Kawngka ri rak ka hriat tâkah chuan a hãw ta a ni chiang mai. Nia, hãw rawh se, tuna ka rilru natna rawn lêt leh hi ngaihtuah chhuah ka duh tawh miah loh leh sawi rîk pawh ka duh ngai loh thil a ni. Tu ma hnena ka sawi chhuah loh leh hriat nawn ka duh loh ngei kha loh theih lohin ka hre chhuak leh ta si.
Ka mittui chu a far fap a, ka insût hraih bawk. Ka rilru natna a rawn thar leh a, rei tak țap lova ka awm tawh hnuah he thu 'virgin' hian min ti țap leh ta a nih hi.
"I țap elo?!"
A chhuak tawh emaw ka ti a, insûm miah lova țah ka duh asin le.
"Hãw rawh."
Min rawn kuah a,"Engtin nge ka hàwsan theih ang che? Ka ti țap si che a,"a ti sup a.
A âwm chu chùmin,"Hãw rawh, min ngaihtuah suh,"ka la ti fan a, ka nam bawk a; mahse, keia thâ ve zawng eng mah lo mai a ni.
A âwmah min pawm bet a,a kut lehlamin ka hnung a chûl a, lehlamin ka tukhum sam, na lo těin a țhâm bawk a.
"Ka angel te reuh tê hi a thin ka ti rim rih a nih àwm hi. Ka'n chùl damsak ang e."
"I sual êm a nih kha,"țap pâr chung chuan ka ti a, ka mittui chu a la far fap fap a.
"Nia, ka sual a ni ang, kan inah pawh i lo lêng duh hlei nem."
Leh țâlh țâlh tak chuan.
"Min thlah rawh."
"Ka thlah dáwn lo che, eng tikah mah. Thlah tùr che hian min ngèn ngai suh ang che."
A hnuah chuan ka lungawi ve leh mai. Ka thinrim rei thei bîk lo, amah a thinrim duh mang si lo va. Thinrim duh miah lo bula thinrim tlat chu a hahthlâk ka ti.
Kumthar ni zànah ka bula riah leh a tum tlat a, keiin ka phal tawh lo thung. Nundika amah chauhin a awm dáwn bâkah ka bula rawn riah a zawngchhang dáwn tlat. Engtin awm lo mah ila, thil mawi a ni lo, thil 'țha lo' pawh thleng thei a ni.
"Pâwna ka din tlaivàr a ngai dáwn a ni mai."
"Khati ang khân min nawr ve ziah suh."
"I hre mai ang."
"Ngati nge heti ang hian i awm ziah a? Haw la, mu ve mai la, lum nuam takin. Nundika pawh i ngaihtuah lo em ni?"
"A awm lo."
"Khawiah nge a awm a?"
"Lungleiah kumthar a hmang. Mahnia riah ka peih lo alawm, riah i phal loh chuan lo riak zâwk la?"
A ti râpthlâk thei a nia.
Tu mahin min fiam hran lo, ka hnung lamah min sawi a nih ngawt loh chuan. Sikulah pawh min fiam chuang lo, Rova hian mi sawi a la hre lo a ni mahna. Hminga hi chuan hria pawh ni se a sawi lo tawp ang, eng mah a sawi ve ngai lo.
Mi mitmei a vêng ve a ni mahna, Nunhlua pawh a lo lêng ta rih lo. Ka ngai tho nain pawi ka ti vak lo, mi min sawi hre lo mah ila, a fapa kan sikulah a lût si a, nuam lo a ti palh ang. Kei pawhin nuam ka ti vak bîk lo ang.
Dam chuan hun a kal chak a, November thla a lo thlen meuh chuan khua pawh a vawt țan leh ta. Vawt tuar hi ka theih loh ém avàngin thlasik lo thleng hi ka huphurh țhìn hle a ni.
Țhaate țhian dùn pawh an rawn lang ngun leh deuh ta. Ka inah an rawn kal lo thei țhìn si lo va, tlêm chuan Nunhlua pawh hian a thîk deuh țhìn tih ka hria. A chhan chu John-a hian min kàwmngeih ve tlat a, țhianite pahnih hi chance pêk an ngaih ve țhin avàngin John-a nèn kan chhuak leh dâwrh dâwrh bawk a. Min lo hmu a nih loh pawhin mi sawi a lo hre ve țhìn a ni ang, a thîk poh leh nuam ka ti tlat. Min duh ve hle tihnaah ka ngai hmiah thung.
Muantei pawh Nunhlua inah a la awm zel. Khawlai leh Biak inah ka hmu ve zauh zauh a, a lu a zo veh vawh hlein ka hria. A țawng duh viau a, a nui duh hle bawk. A rûk tak chuan Nunhlua ina a awm tlat reng hi ka ngaimawh a, nula leh tlangvâl an ni a, miin an sawi mai ang tih ka hlau.
Mahse, Nunhlua bulah ka sawi ngam lo. Ka thîk emaw a ti ang, thîk deuh hlek mah ila,sawisèl chu ka duh lo. Kâr tàwpah chauh ka hmu thei bawk si a, hlim taka awm dun ka duh zâwk.
Pathianni tlai a ni a, dàn ngai těin Țhaate țhian dùn leh Apuii an lo lêng leh a, chaw kan ei khâwm dáwn lehnghal a, rawng bàwl lam kan buaipui hma loh chuan zànah kan inkhâwm hman lo ang.
Chawhmeh tùr an rawn ken sa vek avàngin chawhmehah buaina tùr a awm lo va, mipa pahnihin chawhmeh an siam a, hmeichhe pahnihin chaw leh hmarcha ràwt kan buaipui thung.
Chaw ei hmain John-a car rawn ken chuan kan lêng phawt a, kawng dungah kan lêng mai mai. Thlate kan la ho va, Țhaa a rui lo bawk a, a nuam reuh phian.
Chaw ei khamah an hãw a, keini pawh inkhâwm tùrin kan insiam nghal. Apuii leh Țhaa induh hi chu mite hian an hre deuh vek tawhin ka ring, khaw dang tlangvâl an ni a, hriat loh theih pawh a ni lo, lo lèn an peih ve ropui si.
Zànah chuan Nunhlua a lo lèn ka rin tehlul nèn, a lo kal miah lo. Ka phone dáwn ûk ûk a; mahse, ka țhulh leh. A buai ve deuhte pawh a ni ang, bâkah leilet lamah riah leh a tum àwm sia, thil ken tùrte siam fel a ngai dáwn asin.
Mahse, chu pawh chu lo ni ta se, rei lo tě chu rawn lèn tal tùr a nia. Ka ngai leh dáwn lutuk tlat, dik tak chuan phone khawih hi a peih hlawl loh avàngin message pawh hi ka thawn duh bîk lo va, phone-a inbiak ai chuan hmai chhan ngeia inbiak duh chi a nih vángin. Thu thlum tak takte pawh thawn ve ka duh țhìn a; mahse, a check ngaiin ka ring lo va, ka delete leh vek țhìn.
Zàn dâr 11 vêlah ka phone a rawn rì a, hei chu Nunhlua phone call a ni tlat! Ka muhìl țêp tawh asin le, eng tak chu rawn sawi dáwn ni maw?
"Hallo?"
"Kawngkhàr lo hawng teh."
Leh ta mai mai țhìn chuan. Eng nge maw a hriat ni? Khua a vawt bawk si.
Hmanhmawh tak chuan ka tho vat a, ka rizai sin ka thawhsan chiah chu a vawt nghal raih raih mai. Kawrlum ka mutpui thiam si lo va, rizai lum chu ka ui kher mai.
Kawngkhàr ka hawng a, pâwnah chuan a dinna a rei tawh a ni maithei, vâwt a tih hmel riauin ka hria.
"Lo lût rawh, engtizia nge ni?"
Pâwna ding reng chung chuan chiang fahran hian min melh rùn mai a, a thinrim loh hrâm ka beisei. Tûn ang zàn reia inhâu chu a tihchi dáwn loh em mai.
"Lo lût rawh."
Ka țawng ring vak ngam lo, miin ka țawng ri an hria ang tih ka hlau.
"Rebek?"
"Aw, lo lût phawt teh, pâwn chu a vâwt si."
Ka pawt lût nghal a, pâwna inbiak chu ka duh lo, miin hre ta se, a hmingchhiatthlâk.
"Eng nge i duh tâk? Zàn a rei tawh si."
"Nangmah."
Ka nuih a tiza țêp. Zàn dâr 11 vêla inkaihthawh nân chuan a naupan chhiatthlâk ka ti ve lehchhâwng.
"Țhu rawh, heater ka'n on ang e."
Ka kal tùr chu min man bet chawt mai a, ka phu zawk lehnghal.
"Nunhlu?!!!"
Ka vawi khat kohna.
"Kal suh!"
Khawiah maw ka kal loh ang? He pa hi zanin chu hriat thiam a va har tak! A rui niin ka hre bawk si lo, zû a in ngai lo tawp ang.
"Heater ka on dáwn alawm."
Min thlah ve leh mai bawk a.
Jacket chu a ha ve ngei mai; mahse, a pan khawp. Chubâkah, a vâwt thlur chi a ni bawk. Engtia rei nge a din ka hre si lo va, vâwt a ti viau ang.
"Engtia rei nge i din tawh?"
A jacket chu ka phelhsak a, khuma puan nuam ka sin chu ka sintîr nghal bawk a.
"Tlaia in lêng kha ka hmu che u."
Hm, hei vàng hi a ni ngei ngei ang.
"Țhiante ka lènpui ve mai mai alawm."
"Zanin chu hetah ka riak dáwn."
Ni lo, thil theih a ni lo. A riak ve a nih chuan thil thleng tùr ka hmu lâwk sa.
"Nunhlu..."
"Min 'u' duh miah lo hi ka lãwm."
Nula leh tlangvâl, lênglai țheuh țheuh in'u' hi ka duh lěm lo. Chuan, ka bialpa chu ni lo se, ka 'u' duh deuh mahna.
A rilru a buai deuh a ni ang, heta zàn a riah hlauh chuan... Awm rih deuh se, nakin deuhah ka hàwtîr ang.
"I ril a țâm em? Thingpui ka lum ang aw."
"Min hlau ti raw? Hlauhna chhan tùr ka awm em?"
Ka hlau lo, ka hlau hauh lo. Keimah zâwk hi ka inhlauhthàwnpui a ni. A chhan chu a bulah hian ka awm reng rengin 'Dan thianghlim' hi ka ngaihtuah chhuak thei țhìn lo.
"Chuti, ka bulah hian lo kal teh."
He pa hian eng nge a hriat le aw?
Nuih tlawn deuh titih hian,"I rui lo ti raw?"ka ti a, ani lah chuan,"Zû ka in ngai lo,"a lo ti hmiah a.
"Ruih nei i ang em a."
"Ka ruihchilh che a nih hi."
Hm, a ngaihna a awm lo ve.
"A vâwt i la ti em?" Thu dang daihah luhpui ang.
"Min kuah hma chu."
Ka kuah ta poh mai. Min thlahlel ve bawk si a, keiin ka thlahlel tho si a, a taksa lum thar thar deh chu nuam ka ti lehpek hle.
"Riah i tum tak tak lo ti raw?"
"Tum e."
A tum tak tak a ni roh ang. Khumah mu se, kei chu țhutthlêngah hian ka mu thei mai ang, zanin chauh chu.
"Khumah mu rawh aw."
"I bulah."
Ka khum lian fahran lo-ah chuan kan mu dùn thei lo ang, inngaizawng khum khata mut dun chu, a chî loh. Thil 'țha lo' a thleng palh ang.
"Nundika i ngaihtuah lo em ni?"
"Muantei a awm alawm."
"Hetah i riak dáwn tih an hria em?"
"Tu mahin an hre lo."
"Ngati nge riah i tum tlat a?"
"Ka duh a ni mai."
"Phal lo ta ila?"
"Pâwnah ka ding tlaivâr ang."
A ti duh tak takin ka ring ta.
"Ngati nge heti ang hian i awm tlat a?"
"Mi dang tân ka phal lo che."
"Mi dang ka nei hlei nem."
"Chuti, riah i phal ti raw?"
A va buaithlâk țhìn tak.
"Miin hetah i riak tih hre ta se?"
"An hre lo ang."
Ka hàw luihtîr thei bîk lo. Ka hmangaih ém avàng hian pâwna zankhuaa ding tlaivâr tùr chuan ka phal bîk lo.
Eng thil țha lo mah kan ti lo, kan inkuah a, kan infâwp a, chu zawng chu. Kan mut hmain, "Chesual lo ang aw,"ka ti thlap a, kan mu thianghlim tawp a ni mai.
Zînga a hàw lai ka hre miah lo. A mutna chu ka chûl a, ka nui sak ringawt. Mi hriat ka hlauhzia a hre ve tho a, hma takah a hãw a ni ngei ang. Mipa a ni a, min khawih luih a tum bîk miah lo kha mak ka ti hial zâwk. Tum ta pawh ni se, ka hnial thei tawh miah lo ang chu, mi pawhin an dem tùr chu keimah ka ni ngei ang; mahse, mi min dem chu a phal bîk lo a ni chiang. Ka duh dàn leh ka duh loh ka hrilh tawh a, a ti lui duh bîk lo.
November thla a ral a, a leilet buh pawh kha ka sengpui ta miah lo. A phal tlat lo va, inrinni chauh ka hman țhin avàngin ka pui hman lo. Ka hman ni ve berah lah chuan feh a duh miah lo a, chawlh ni atân a hmang zâwk hlauh.
December 14 thleng class kan kal a, John-a car-in Aizâwlah Apuii nèn kan bazar ve a, mipui tâwt lutuk vàng chuan ka rawl vekin ka hria. Ka lo lian fahran lo nèn, ka per leh dâwrh țhìn a, nuih pawh kan nui tam. Nunhlua thil tùr ka leisak bawk a, a lãwm ve ngawtin ka ring.
Ni 20-ah kan hãw a, ka rui nasa phian. A nuam fahran lo khawp mai, sumo pângngai ni phei se chuan hrehawm ka ti khawp ang chu, John-a'n a khalh damin ka duh duhnaah ka ti ding ngam zâwk a.
Muantei pawh Aizâwlah Krismas hmang tùrin a hãw. Ka thaw a veng huai mai, a sualthlâk ka ti deuh nain mi sawi lakah ka bialpa ka vènthàwnpui a ni ve mai a, thil àwm lo pawh a ni chuang lo.
Kumhlui hma ni, ni 30 zànah kan inhnial ve deuh hlek. An ina lêng tùrin min sàwm ve țhìn a, ka la lêng miah lo, a damloha zirtîrtute'n kan kan a ka kal bâk kha. Chu chu a sawi chhuak a.
"Ka sâwm tawh lo ang che."
"Ka zak ve alawm le."
"Min zahpui chiang a ni."
"Chuti ang a ni lo."
"Nia, kan in ve hi chu lèn luhna tlâkah i ngai tawp nâng."
Ka rilru lo ang deuha min puh chu ka ngai thei dêr lo. Mi hausa ka ni lo va, mi hmuhsit chîng pawh ka ni hek lo. Ka thin a rim phat mai.
"Chuti angin mi ka hmusit ngai lo ve,"ka ti tuar a.
"I thin a chhe si."
"A chhia a ni mai."
"I têt nèn, i thin a chhe reuh bawk si. I hnate hi i hre chiang meuh maw?"
Ka hre chiang ve ém! Naupang bulah ka thin a chhe lo bawk, chhia pawh lo ni se, a sawi tùr a awm lo chiang e.
"I buaina tùr a awm lo, lo inrawlh lo mai teh."
Ka thin a ti rim tual tual. Ani pawh hi lian viau mah se, a thin a chhe ve tho.
"I thin chhiat dànah hian i virgin tawh lo chiang."
Ka ngawi hmak. En pawh ka en duh lo, a hmel hmuh pawh ka duh lo, a thil sawi hnuhnung berin min nghawngzia hi hre lo se ka duh.
"Lo hawi teh."
"Hãw rawh."
"Ka fiam mai mai che a nih kha."
A ni lo, a ti tak tak ang. Ka tê a, ka thin a chhia a, ka virgin tawh lo bawk. A sawi dik vek a, fiamthu a ni lo.
Kawngka ri rak ka hriat tâkah chuan a hãw ta a ni chiang mai. Nia, hãw rawh se, tuna ka rilru natna rawn lêt leh hi ngaihtuah chhuah ka duh tawh miah loh leh sawi rîk pawh ka duh ngai loh thil a ni. Tu ma hnena ka sawi chhuah loh leh hriat nawn ka duh loh ngei kha loh theih lohin ka hre chhuak leh ta si.
Ka mittui chu a far fap a, ka insût hraih bawk. Ka rilru natna a rawn thar leh a, rei tak țap lova ka awm tawh hnuah he thu 'virgin' hian min ti țap leh ta a nih hi.
"I țap elo?!"
A chhuak tawh emaw ka ti a, insûm miah lova țah ka duh asin le.
"Hãw rawh."
Min rawn kuah a,"Engtin nge ka hàwsan theih ang che? Ka ti țap si che a,"a ti sup a.
A âwm chu chùmin,"Hãw rawh, min ngaihtuah suh,"ka la ti fan a, ka nam bawk a; mahse, keia thâ ve zawng eng mah lo mai a ni.
A âwmah min pawm bet a,a kut lehlamin ka hnung a chûl a, lehlamin ka tukhum sam, na lo těin a țhâm bawk a.
"Ka angel te reuh tê hi a thin ka ti rim rih a nih àwm hi. Ka'n chùl damsak ang e."
"I sual êm a nih kha,"țap pâr chung chuan ka ti a, ka mittui chu a la far fap fap a.
"Nia, ka sual a ni ang, kan inah pawh i lo lêng duh hlei nem."
Leh țâlh țâlh tak chuan.
"Min thlah rawh."
"Ka thlah dáwn lo che, eng tikah mah. Thlah tùr che hian min ngèn ngai suh ang che."
A hnuah chuan ka lungawi ve leh mai. Ka thinrim rei thei bîk lo, amah a thinrim duh mang si lo va. Thinrim duh miah lo bula thinrim tlat chu a hahthlâk ka ti.
Kumthar ni zànah ka bula riah leh a tum tlat a, keiin ka phal tawh lo thung. Nundika amah chauhin a awm dáwn bâkah ka bula rawn riah a zawngchhang dáwn tlat. Engtin awm lo mah ila, thil mawi a ni lo, thil 'țha lo' pawh thleng thei a ni.
"Pâwna ka din tlaivàr a ngai dáwn a ni mai."
"Khati ang khân min nawr ve ziah suh."
"I hre mai ang."
"Ngati nge heti ang hian i awm ziah a? Haw la, mu ve mai la, lum nuam takin. Nundika pawh i ngaihtuah lo em ni?"
"A awm lo."
"Khawiah nge a awm a?"
"Lungleiah kumthar a hmang. Mahnia riah ka peih lo alawm, riah i phal loh chuan lo riak zâwk la?"
A ti râpthlâk thei a nia.
Comments
Post a Comment