☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆REBEK☆ - 17 By Dingdi Pachuau
Zîngah Novi chuan min ti harh a,a harhna a rei tawh a ni ang, a sam pawh a lo hnawk lutuk tawh lo. Ka phone ka en chuan a hma vak tawh lo bawk a, ka tho chhuak ta nghal a.
Pa Thana hian fa 4 a nei a, U Zami kha a upa ber a, a chhang chiah Mamitei nèn kan inrual chiah a, a naute pahnih chu mipa ve ve niin pakhat chu sipai niin hmun dangah a awm. Mamitei pawh hi zirtîrtu tho a ni a, a chhang chiah hi chuan an dàwr a enkawl thung.
Kan thawh chuan Pa Thanate nupa chu an lo tho tawh a, Mamitei pawh a lo tho ve chiah, Novi chu an lo chhaih nghal a, an ri nghal chèl chúl mai.
Eirawng ka bàwlpui a, țhu mai mai tùrin min ti nàin ka pui tho.
Chawhma chuan inah awmin kan titi mai mai a, John-a pawh a buai a ni ang, min rawn phone lo rêng rêng. Chawhnu lamah erawh chuan U Zamite ina lêng tùr chuan kan insiam a, kan chhuak ta nghal a.
U Zami chuan Nunhlua pateate in bul chiahah pasal a lo nei niin. Motor ațanga ka chhuk chu min hmu ang tih ka hlau viau a; mahse, an hmel hmuh tùr a awm lo hlauh. Ka thaw huai mai.
U Zami fapa chu a te reuh, a hmelțha reuh hle thung. An pa a lo awm lo va, a pasal chhûngte erawh an lo awm ve nual hlawm a, anni pawh naute ena kal an ni ve tho.
Novi chuan pawm a ngèn tlat mai, a țap dáwn ta mai, buaithlâk țhìn. Kan inthlêm thei hrâm, hetiang hian a awm khât asin le.
Thlâte kan la a, thingpuite kan in hnuah chuan haw a hun leh ruai tawh mai. Eirawng bàwl a ngai dáwn sia, inah tu mah an awm si lo.
Kan haw lam chuan Zotui sumo ka hmu tlat, an la ding reng!! Tunah dâr 2:30 a ri tawh a, engtizia nge ni ang le? Passenger zîngah chuan hmel hriat pawh ka hmu nual, driver erawh ka hmu lo.
Ka thin a phu dup dup mai. Nunhlua hmu thut mai ila ka che buai àwm teh e; mahse, ani zawng bike a neih kha. Sumo-ah zawng, a chuang lo tawp ang.
Zànah chuan John-a'n min rawn phone ve ta a, a chanchin chu min rawn hrilh ve a, Novi chanchin min zâwt pah bawk a.
"Naktûk chu rei lo tê Civil Hospital-ah min kalpui la, ka țhianpa ve ngawih ngawih nupui kan ka duh a."
"A nih tak chu, nia, lèn kualpah a ni mai a, hman ka lo tum ang e."
"Novi a mu tawh em?"
"Aw, nichin lawk khân."
"Ka pawm leh châk tawh hle mai."
"Naktûkah i hmuh dáwn chu."
Mut hmunah chuan Nunhlua number neih theih dàn tùr ka ngaihtuah a, hmaichhanah chuan ka hmu thei dáwn rih lo phawt mai a, a number neih hmasak a ngai a ni.
U Zami kal tlang chuan ka nei thei mai ang; mahse, zawhtîr kha ka huphurh deuh. Chutiang lo chuan kawng dang a vâng riau, ka sim card ka lo ti bo kher kher chu buai lohna tùrah ka buai phah hrep dáwn ta a nih hi.
Novi ka hruai lo thei si lo va, damdawi inah kher kher hi chuan hruai loh hrâm ka duh viau nain tih ngaihna dang ka hre lo. John-a'n min rawn lam a, Novi lah chu a phûr phûrah a țang a, John-a chu a lo ban vat a.
Damdawi in hi ka ngaina lo va, kal pawh hi ka hreh, țûl tàwpah lo chuan ka kal lo. Pathian zârah ka dam thei viau a, Novi ka neih nia ka awm bâk kha ka kal leh tawh lo, Novi lah a hrisêl reuh phian a, doctor ka râwn zauh zauh tih loh chu ka kal ngai lo.
Kan kan ber chu rin aiin a lo harh țha a, a lo țawng peih a, a pasalin lo awmpuiin làwmthu a lo sawi barh barh a. Nupa emaw min lo la ti zui, John-a lah chuan a nuihpui mai mai.
Damdawi in khuma damlo mu dal mai hmuh chuan kan nufa vànneihzia ka hre chhuak uar uar a, tu emaw zawk zawk hi damlo ve ta ila a buaithlâk dàn tùr chu ka ngaihtuah thiam lo zâwk. Kan vànnei tak zet a ni.
Kan chhuak țêp tawh tihah chuan Nunhlua patea ka hmu tlat mai, ani pawh chuan min rawn hmuin min rawn hre nghal tih ka hre thei a.
"Bekte!!!?"
"Oh, nangmah i niin ka hre rěng che a, eng nge i tih ve a?"
"Hei, Hlua hi ka kan a."
Ka thaw a tàwpin ka hria, second rei lo te chhûng chu. Ka makti meng pawh chu a hmu chiang khawp ang.
"A awm... maw!!!?"
"Aw, sawlai deuha saw. A nutei'n a awmpui bawk a."
Ka en phei a, khumah chuan a lo mu ngât a; mahse, a hmel ka hmu thei lo. Kan hmuh theih loh lam hawiin a mu tlat, nichîna kan luh lai vel khân min lo hmu ang em le?
"A zia lo hle mai,"ka ti sap ringawt. Sawi tùr ka hre lo hle a ni.
"In haw tawh dáwn em ni?"
"Aw, kan tum chu a nia."
"In chhuah hmain hmu ve zawk ula?"
Engtizia nge le? A hrisêl viau khân ka hre sia, damdawi in hial thlenpui a ngaih tâk le? A serious viau ang em? Chu zawng, ni lul lo ve, a thleng thei lo ang.
Kan lêt phei leh a, hmuh ka châk em em rualin ka huphurh em em bawk. Ka phûr a, ka tha a khùr a, ka thin a phu nasa viau. Ka rilruin a natna a serious loh nân ka țawngțai mawlh mawlh a.
A lo meng lo va, a chau hle a ni ang, drip an lo khai a, ka rin aiin a chêr daih mai.
Ka insûm țâng țâng a, mi hmaah ka mualpho mai ang tih ka hlau. Heti zâwng kher hi chuan hmuh ka duh lo asin, dam țha ver vawrin hlim taka a awm hmuh ka duh,natna khuma a mu hmu lovin.
A nutei chuan min lo nuih sak a.
"Rebek, i va fel ve! Ah, hei hi i pasal leh fa em ni? Inhmuh lohna a rei ta a ni ang, pasal hial i lo neih tâk?"
"In fanu chu a va duhawm teh lul em!! A chhùn hle mai che."
Nunhlua chu ka en reng a, ka duh dàn a ni mawlh lo a ni. Natna khum hi a tân ka la mitthla chhin ngai lo va, damdawi in khuma a mu hi ka la kan ang tih ka ngaihtuah ngai hek lo. Tunah ka hmaah ngei mai chutiang chuan ka hmu si.
Ngawi rengin a kut chu ka hmersak a, lum thar thar țhin kha a lo vâwt ngiai a, a chêr bawk. A biangah hmul țoin a khabe hmul pawh ziah a hun tawh viau, hmuin hre lo pawh ni ila a àwm viau, a lo danglam deuh tawh a ni. A hmui hil bal te, a biang lang thãwp ta deuh te leh a sam sei deuh, lang bawrchawr zet chuan a ti lang upain a khawngaihthlâk ngawih ngawih, dam țha se chuan hetiang hian a bawrchhawr hauh lo ang.
Ka mittui a tla ta, ka dang zo sêng tawh lo. Ka en reng a, ka mittui chu ka kut, a kut ka hmersaknaah chuan a far a, ka tuai hoh hoh a, he a kut lian zet hian ka kut a hûm bo vek zel a nih kha, tunah chuan keiin ka hmersak ve thung. Hna a thawk leh nasa a ni ang, a thapin a châr leh tawh em mai.
"Rebek!"
He aw hi chu khawiah pawh awm ila, ka hre hrang nalh nalh thei ang. A aw thâm zet leh chau tak si chuan ka thinlung a dek zar mai.
A mit khur tla dâk maia a mitmeng chau tak leh dãvâ riai maia min melhtu chu ka en ve a, ka mittui a la tlin kuau avàng chuan ka hmu phê ruai a.
"I ni tak tak ti raw?"
A aw zàwi zet chu mi dang chuan an hre kher lo ang, ka mittui chu ka khap per sak a, mittui hi hmuhtîr ka duh lo asin.
"Ngati nge i damloh?"
A kut chêr țhiak chuan ka kut chu hmerin,"I ni tak tak! Ka thi lo ti raw?"a ti leh a, min hmerna chu a nat loh dànah thá a nei lo hle tih ka hre mai, a damlo hi a na hle a nih dáwn hi.
"Dam rawh, dam tùrin ka duh che a nia."
Min en vang vang a, natna khuma a mu chung pawh hian min la en lài thei thoin ka mar phû a la ti rang thei tho nia!
"Min kalsan tawh suh."
Ka kalsan chhan dik tak kha a hria ang em? A fapa leh a nupui hlui...ni e, khawnge a nupui hlui kha a awm le? Hetia a damloh chuan awmpui ve àwm tak, ka hmu miah si lo.
"Ei châk i nei em?"
"Min kalsan leh chuan ka thi tawh mai ang."
Ka mittui a rawn hnâm leh țiam țiam a, thi tùrin ka duh lo, dam taka awma hlim taka nun hmang tùrin ka duh. Ka kalsan leh chuan a thi ang maw?!! Chuti khawp chuan a lo la na ve em ni?
"I thi tùr a ni lo, fate, chhûngte i nei alawm, i ngaihtuah an ngai asin."
"Min kalsan leh dáwn tihna a ni maw?"a awka chhuak chu a zàwiin a zuai raih a, a beidawnzia a hriat theih bawk.
"Fanu kan nei tawh asin."
Maktih hmel zeta min enin ka kut a hmerna chu a thlah ta riai riai a, a thinrim a ni chiang mai. A maimichhîng ta nghal daih bawk a, zàwi tê têin ka ko naa, a meng lo reng reng, ka ko tih hria ang pawhin a awm miah lo.
Novi țê ri chuan min ti harh chhuak kâwk mai. Ka mittui chu hru hulin ka ding chhuak a, John-a kut ațang chuan Novi chu ka la a, ka chhuak ta nal nal a.
Pâwnah chuan ka ding vang vang a, fanu kan nei tih ka hrilh a, a thin a rim em kha maw. Ka lo hrilh ta kher kher chu a pawi teh e, ka thiam loh a ni pakhat. A hma daihin hrilh ni ta ila chuan a zia deuh mahna. A damloh lai a ni bawk si a, eng mah a ti thei lo chu a zia phian.
"Kan kal thei tawh em?"
Ka bulah John-a a lo ding reng tawh niin. Ka inthiam lo ang reng, ka chhuahsan daih bawk sia.
In lam pana kan tlàn lai chuan, "Novi pa chu a lian roh hle mai,"a ti sap a. Makti zet hian ka melh a.
A ni lah tak a, a bulah hian Novi pa hming leh tunge a nih hi ka la sawi miah lo, min zâwt ngai lo. Chuan, amah bâk hi 'Novi pa' angin a sawi ngai lo bawk.
"Khati khân min en suh, ka hre vek a ni."
A hriat dàn pawh ka zâwt peih lo. Tunah rih hi chuan Nunhlua damlo chuan ka rilru a kam a, chuta kârah a thin ka ti rim bawk nèn, rilru a buai nuai mai.
"Naktûk chu kan châm leh rih mai dáwn em ni ang?"
"Engah ngawt maw?"
"Damlo kan kan leh ang chu."
Ni lo ve, a thin a rim si a, min hmu duh tawh lo ang.
"Ni lo, a ngai lo ve."
"A patea number kha ka dîl a, a chanchin hriat i duh tâkin ka ti a."
John-a hi chu a ngaihtuah kim ngawt mai, a felin min ngaihtuah nufa bawk si, a chungah hian bat hi ka va ngah tak ém!
Kan haw phei hnu ni hnihnaah chuan Nunhlua patea chu ka phone ta nge nge a, thinrim mah se ka ngaihtuah ru ve tho bawk si a.
A patea chuan hlim zetin min lo chhâng vat a.
"Bekte, i lo kan lo ang tih ka hlau tak tak a ni, hei a zia ta viau mai. Thil pawh a ei thei tawh țan tawh e,a chak thuai mai ang. Lungleiah em ni i la awm?"
"Ni lo e, kan haw tawh a."
"Lo ngaihtuah miah suh aw, in haw hnu ațanga a țawng duh ta miah lo erawh hi chu a buaithlâk khawp mai,"tiin a nui hak hak a.
"A va mak ve!"
"Ni lo, kei chuan a chakna a khêk khâwl ka ti mai. A țawng a țawng chuan a chaknain a kiansan hlek hlek dáwn a, chu chu a duh lo niin ka hria."
"Nia, dam thuai thuai rawh se, patling tawh damdawi ina mut rengte chu a zia lo hrim hrim."
"An nu hlui kha ngaiin zui ve nghal mai a tum dáwn em ni le ka ti rilru a, hei, min melh rum khawp mai. A duh loh zâwng ka sawi a ni ang."
An nu hlui zui ve a tum tih chu eng nge a awmzia le? A thi tawh tihna em ni? Lalpa leh!
"Remi chu a boral tawh tihna em ni?"
"Aw, kum khat a ni tawh alawm."
Nundika chuan a va tuar dáwn ve aw. A va khawngaihthlâk ém! Chuti maia a boral chu ka ring bîk lo asin le, Remi tak pawh chu a khawngaihthlâk hle mai.
"A ni maw? A pawi hle mai, Nundika engtin nge a awm le? A tuar na viau em?"
"Aw, a khawngaihthlâk reuh khawp mai. A nu vàng khân doctor nih a tum ta tlat a, tumruhna nasa tak a neih phah a."
Thihna hi na hle mah se, malsàwmna hnâr pawh a ni ve fo bawk. Nundika tê reuh chu, ka lainat hle mai.
Kâr khat hnuah ka phone leh a, a dam țha viau tawh a, doctor-te'n an phal chuan naktûk lamah a chhuak thei ang tih a sawi chuan ka lâwm kher mai. Dam rawh se, a fapa a hmangaih em em enkawl a ngai a, a fanu ka pawmlai mêk pawh hian pa a mamawh a, a pa hian a duh emaw duh lo emaw ka tân chuan a hlutna a ngai reng. Nunhlua pawhin Remi tel lovin Nundika a enkawl seilian thei a, kei pawhin Novi hi a pa tel lovin ka enkawl thei ve tho ang. Chuan, a len hunah pawh min dem lo ang a,min lainat zâwk dáwn a ni.
Tlaiah John-a'n chaw a rawn ei a, Novi sêp lauh lauh pah chuan," Novi pa i phone tawh em?"a ti a.
"Phone lo."
"A dam chiang tawh maw?"
"Aw."
"Bekte, i chanchin dik tak hi hrilh tawh la?"
"Hrilh a țûl kher lo."
"Novi chanchin pawh hi hrilh a phû ve alawm, a pa a ni a, kei ni ta ila, ka lung a awi lo ngawt ang."
"Hrilhna hun pawh ka neih loh hi,"ka insawi thiam ve tlat.
"I thu thu le, kei chu ni ila ka hrilh ngei ang."
Zîngah Novi chuan min ti harh a,a harhna a rei tawh a ni ang, a sam pawh a lo hnawk lutuk tawh lo. Ka phone ka en chuan a hma vak tawh lo bawk a, ka tho chhuak ta nghal a.
Pa Thana hian fa 4 a nei a, U Zami kha a upa ber a, a chhang chiah Mamitei nèn kan inrual chiah a, a naute pahnih chu mipa ve ve niin pakhat chu sipai niin hmun dangah a awm. Mamitei pawh hi zirtîrtu tho a ni a, a chhang chiah hi chuan an dàwr a enkawl thung.
Kan thawh chuan Pa Thanate nupa chu an lo tho tawh a, Mamitei pawh a lo tho ve chiah, Novi chu an lo chhaih nghal a, an ri nghal chèl chúl mai.
Eirawng ka bàwlpui a, țhu mai mai tùrin min ti nàin ka pui tho.
Chawhma chuan inah awmin kan titi mai mai a, John-a pawh a buai a ni ang, min rawn phone lo rêng rêng. Chawhnu lamah erawh chuan U Zamite ina lêng tùr chuan kan insiam a, kan chhuak ta nghal a.
U Zami chuan Nunhlua pateate in bul chiahah pasal a lo nei niin. Motor ațanga ka chhuk chu min hmu ang tih ka hlau viau a; mahse, an hmel hmuh tùr a awm lo hlauh. Ka thaw huai mai.
U Zami fapa chu a te reuh, a hmelțha reuh hle thung. An pa a lo awm lo va, a pasal chhûngte erawh an lo awm ve nual hlawm a, anni pawh naute ena kal an ni ve tho.
Novi chuan pawm a ngèn tlat mai, a țap dáwn ta mai, buaithlâk țhìn. Kan inthlêm thei hrâm, hetiang hian a awm khât asin le.
Thlâte kan la a, thingpuite kan in hnuah chuan haw a hun leh ruai tawh mai. Eirawng bàwl a ngai dáwn sia, inah tu mah an awm si lo.
Kan haw lam chuan Zotui sumo ka hmu tlat, an la ding reng!! Tunah dâr 2:30 a ri tawh a, engtizia nge ni ang le? Passenger zîngah chuan hmel hriat pawh ka hmu nual, driver erawh ka hmu lo.
Ka thin a phu dup dup mai. Nunhlua hmu thut mai ila ka che buai àwm teh e; mahse, ani zawng bike a neih kha. Sumo-ah zawng, a chuang lo tawp ang.
Zànah chuan John-a'n min rawn phone ve ta a, a chanchin chu min rawn hrilh ve a, Novi chanchin min zâwt pah bawk a.
"Naktûk chu rei lo tê Civil Hospital-ah min kalpui la, ka țhianpa ve ngawih ngawih nupui kan ka duh a."
"A nih tak chu, nia, lèn kualpah a ni mai a, hman ka lo tum ang e."
"Novi a mu tawh em?"
"Aw, nichin lawk khân."
"Ka pawm leh châk tawh hle mai."
"Naktûkah i hmuh dáwn chu."
Mut hmunah chuan Nunhlua number neih theih dàn tùr ka ngaihtuah a, hmaichhanah chuan ka hmu thei dáwn rih lo phawt mai a, a number neih hmasak a ngai a ni.
U Zami kal tlang chuan ka nei thei mai ang; mahse, zawhtîr kha ka huphurh deuh. Chutiang lo chuan kawng dang a vâng riau, ka sim card ka lo ti bo kher kher chu buai lohna tùrah ka buai phah hrep dáwn ta a nih hi.
Novi ka hruai lo thei si lo va, damdawi inah kher kher hi chuan hruai loh hrâm ka duh viau nain tih ngaihna dang ka hre lo. John-a'n min rawn lam a, Novi lah chu a phûr phûrah a țang a, John-a chu a lo ban vat a.
Damdawi in hi ka ngaina lo va, kal pawh hi ka hreh, țûl tàwpah lo chuan ka kal lo. Pathian zârah ka dam thei viau a, Novi ka neih nia ka awm bâk kha ka kal leh tawh lo, Novi lah a hrisêl reuh phian a, doctor ka râwn zauh zauh tih loh chu ka kal ngai lo.
Kan kan ber chu rin aiin a lo harh țha a, a lo țawng peih a, a pasalin lo awmpuiin làwmthu a lo sawi barh barh a. Nupa emaw min lo la ti zui, John-a lah chuan a nuihpui mai mai.
Damdawi in khuma damlo mu dal mai hmuh chuan kan nufa vànneihzia ka hre chhuak uar uar a, tu emaw zawk zawk hi damlo ve ta ila a buaithlâk dàn tùr chu ka ngaihtuah thiam lo zâwk. Kan vànnei tak zet a ni.
Kan chhuak țêp tawh tihah chuan Nunhlua patea ka hmu tlat mai, ani pawh chuan min rawn hmuin min rawn hre nghal tih ka hre thei a.
"Bekte!!!?"
"Oh, nangmah i niin ka hre rěng che a, eng nge i tih ve a?"
"Hei, Hlua hi ka kan a."
Ka thaw a tàwpin ka hria, second rei lo te chhûng chu. Ka makti meng pawh chu a hmu chiang khawp ang.
"A awm... maw!!!?"
"Aw, sawlai deuha saw. A nutei'n a awmpui bawk a."
Ka en phei a, khumah chuan a lo mu ngât a; mahse, a hmel ka hmu thei lo. Kan hmuh theih loh lam hawiin a mu tlat, nichîna kan luh lai vel khân min lo hmu ang em le?
"A zia lo hle mai,"ka ti sap ringawt. Sawi tùr ka hre lo hle a ni.
"In haw tawh dáwn em ni?"
"Aw, kan tum chu a nia."
"In chhuah hmain hmu ve zawk ula?"
Engtizia nge le? A hrisêl viau khân ka hre sia, damdawi in hial thlenpui a ngaih tâk le? A serious viau ang em? Chu zawng, ni lul lo ve, a thleng thei lo ang.
Kan lêt phei leh a, hmuh ka châk em em rualin ka huphurh em em bawk. Ka phûr a, ka tha a khùr a, ka thin a phu nasa viau. Ka rilruin a natna a serious loh nân ka țawngțai mawlh mawlh a.
A lo meng lo va, a chau hle a ni ang, drip an lo khai a, ka rin aiin a chêr daih mai.
Ka insûm țâng țâng a, mi hmaah ka mualpho mai ang tih ka hlau. Heti zâwng kher hi chuan hmuh ka duh lo asin, dam țha ver vawrin hlim taka a awm hmuh ka duh,natna khuma a mu hmu lovin.
A nutei chuan min lo nuih sak a.
"Rebek, i va fel ve! Ah, hei hi i pasal leh fa em ni? Inhmuh lohna a rei ta a ni ang, pasal hial i lo neih tâk?"
"In fanu chu a va duhawm teh lul em!! A chhùn hle mai che."
Nunhlua chu ka en reng a, ka duh dàn a ni mawlh lo a ni. Natna khum hi a tân ka la mitthla chhin ngai lo va, damdawi in khuma a mu hi ka la kan ang tih ka ngaihtuah ngai hek lo. Tunah ka hmaah ngei mai chutiang chuan ka hmu si.
Ngawi rengin a kut chu ka hmersak a, lum thar thar țhin kha a lo vâwt ngiai a, a chêr bawk. A biangah hmul țoin a khabe hmul pawh ziah a hun tawh viau, hmuin hre lo pawh ni ila a àwm viau, a lo danglam deuh tawh a ni. A hmui hil bal te, a biang lang thãwp ta deuh te leh a sam sei deuh, lang bawrchawr zet chuan a ti lang upain a khawngaihthlâk ngawih ngawih, dam țha se chuan hetiang hian a bawrchhawr hauh lo ang.
Ka mittui a tla ta, ka dang zo sêng tawh lo. Ka en reng a, ka mittui chu ka kut, a kut ka hmersaknaah chuan a far a, ka tuai hoh hoh a, he a kut lian zet hian ka kut a hûm bo vek zel a nih kha, tunah chuan keiin ka hmersak ve thung. Hna a thawk leh nasa a ni ang, a thapin a châr leh tawh em mai.
"Rebek!"
He aw hi chu khawiah pawh awm ila, ka hre hrang nalh nalh thei ang. A aw thâm zet leh chau tak si chuan ka thinlung a dek zar mai.
A mit khur tla dâk maia a mitmeng chau tak leh dãvâ riai maia min melhtu chu ka en ve a, ka mittui a la tlin kuau avàng chuan ka hmu phê ruai a.
"I ni tak tak ti raw?"
A aw zàwi zet chu mi dang chuan an hre kher lo ang, ka mittui chu ka khap per sak a, mittui hi hmuhtîr ka duh lo asin.
"Ngati nge i damloh?"
A kut chêr țhiak chuan ka kut chu hmerin,"I ni tak tak! Ka thi lo ti raw?"a ti leh a, min hmerna chu a nat loh dànah thá a nei lo hle tih ka hre mai, a damlo hi a na hle a nih dáwn hi.
"Dam rawh, dam tùrin ka duh che a nia."
Min en vang vang a, natna khuma a mu chung pawh hian min la en lài thei thoin ka mar phû a la ti rang thei tho nia!
"Min kalsan tawh suh."
Ka kalsan chhan dik tak kha a hria ang em? A fapa leh a nupui hlui...ni e, khawnge a nupui hlui kha a awm le? Hetia a damloh chuan awmpui ve àwm tak, ka hmu miah si lo.
"Ei châk i nei em?"
"Min kalsan leh chuan ka thi tawh mai ang."
Ka mittui a rawn hnâm leh țiam țiam a, thi tùrin ka duh lo, dam taka awma hlim taka nun hmang tùrin ka duh. Ka kalsan leh chuan a thi ang maw?!! Chuti khawp chuan a lo la na ve em ni?
"I thi tùr a ni lo, fate, chhûngte i nei alawm, i ngaihtuah an ngai asin."
"Min kalsan leh dáwn tihna a ni maw?"a awka chhuak chu a zàwiin a zuai raih a, a beidawnzia a hriat theih bawk.
"Fanu kan nei tawh asin."
Maktih hmel zeta min enin ka kut a hmerna chu a thlah ta riai riai a, a thinrim a ni chiang mai. A maimichhîng ta nghal daih bawk a, zàwi tê têin ka ko naa, a meng lo reng reng, ka ko tih hria ang pawhin a awm miah lo.
Novi țê ri chuan min ti harh chhuak kâwk mai. Ka mittui chu hru hulin ka ding chhuak a, John-a kut ațang chuan Novi chu ka la a, ka chhuak ta nal nal a.
Pâwnah chuan ka ding vang vang a, fanu kan nei tih ka hrilh a, a thin a rim em kha maw. Ka lo hrilh ta kher kher chu a pawi teh e, ka thiam loh a ni pakhat. A hma daihin hrilh ni ta ila chuan a zia deuh mahna. A damloh lai a ni bawk si a, eng mah a ti thei lo chu a zia phian.
"Kan kal thei tawh em?"
Ka bulah John-a a lo ding reng tawh niin. Ka inthiam lo ang reng, ka chhuahsan daih bawk sia.
In lam pana kan tlàn lai chuan, "Novi pa chu a lian roh hle mai,"a ti sap a. Makti zet hian ka melh a.
A ni lah tak a, a bulah hian Novi pa hming leh tunge a nih hi ka la sawi miah lo, min zâwt ngai lo. Chuan, amah bâk hi 'Novi pa' angin a sawi ngai lo bawk.
"Khati khân min en suh, ka hre vek a ni."
A hriat dàn pawh ka zâwt peih lo. Tunah rih hi chuan Nunhlua damlo chuan ka rilru a kam a, chuta kârah a thin ka ti rim bawk nèn, rilru a buai nuai mai.
"Naktûk chu kan châm leh rih mai dáwn em ni ang?"
"Engah ngawt maw?"
"Damlo kan kan leh ang chu."
Ni lo ve, a thin a rim si a, min hmu duh tawh lo ang.
"Ni lo, a ngai lo ve."
"A patea number kha ka dîl a, a chanchin hriat i duh tâkin ka ti a."
John-a hi chu a ngaihtuah kim ngawt mai, a felin min ngaihtuah nufa bawk si, a chungah hian bat hi ka va ngah tak ém!
Kan haw phei hnu ni hnihnaah chuan Nunhlua patea chu ka phone ta nge nge a, thinrim mah se ka ngaihtuah ru ve tho bawk si a.
A patea chuan hlim zetin min lo chhâng vat a.
"Bekte, i lo kan lo ang tih ka hlau tak tak a ni, hei a zia ta viau mai. Thil pawh a ei thei tawh țan tawh e,a chak thuai mai ang. Lungleiah em ni i la awm?"
"Ni lo e, kan haw tawh a."
"Lo ngaihtuah miah suh aw, in haw hnu ațanga a țawng duh ta miah lo erawh hi chu a buaithlâk khawp mai,"tiin a nui hak hak a.
"A va mak ve!"
"Ni lo, kei chuan a chakna a khêk khâwl ka ti mai. A țawng a țawng chuan a chaknain a kiansan hlek hlek dáwn a, chu chu a duh lo niin ka hria."
"Nia, dam thuai thuai rawh se, patling tawh damdawi ina mut rengte chu a zia lo hrim hrim."
"An nu hlui kha ngaiin zui ve nghal mai a tum dáwn em ni le ka ti rilru a, hei, min melh rum khawp mai. A duh loh zâwng ka sawi a ni ang."
An nu hlui zui ve a tum tih chu eng nge a awmzia le? A thi tawh tihna em ni? Lalpa leh!
"Remi chu a boral tawh tihna em ni?"
"Aw, kum khat a ni tawh alawm."
Nundika chuan a va tuar dáwn ve aw. A va khawngaihthlâk ém! Chuti maia a boral chu ka ring bîk lo asin le, Remi tak pawh chu a khawngaihthlâk hle mai.
"A ni maw? A pawi hle mai, Nundika engtin nge a awm le? A tuar na viau em?"
"Aw, a khawngaihthlâk reuh khawp mai. A nu vàng khân doctor nih a tum ta tlat a, tumruhna nasa tak a neih phah a."
Thihna hi na hle mah se, malsàwmna hnâr pawh a ni ve fo bawk. Nundika tê reuh chu, ka lainat hle mai.
Kâr khat hnuah ka phone leh a, a dam țha viau tawh a, doctor-te'n an phal chuan naktûk lamah a chhuak thei ang tih a sawi chuan ka lâwm kher mai. Dam rawh se, a fapa a hmangaih em em enkawl a ngai a, a fanu ka pawmlai mêk pawh hian pa a mamawh a, a pa hian a duh emaw duh lo emaw ka tân chuan a hlutna a ngai reng. Nunhlua pawhin Remi tel lovin Nundika a enkawl seilian thei a, kei pawhin Novi hi a pa tel lovin ka enkawl thei ve tho ang. Chuan, a len hunah pawh min dem lo ang a,min lainat zâwk dáwn a ni.
Tlaiah John-a'n chaw a rawn ei a, Novi sêp lauh lauh pah chuan," Novi pa i phone tawh em?"a ti a.
"Phone lo."
"A dam chiang tawh maw?"
"Aw."
"Bekte, i chanchin dik tak hi hrilh tawh la?"
"Hrilh a țûl kher lo."
"Novi chanchin pawh hi hrilh a phû ve alawm, a pa a ni a, kei ni ta ila, ka lung a awi lo ngawt ang."
"Hrilhna hun pawh ka neih loh hi,"ka insawi thiam ve tlat.
"I thu thu le, kei chu ni ila ka hrilh ngei ang."
Ngaihnawm eee, Bektei leh Nunhlua innei vat rawh se🙈
ReplyDeletePhal loh
Delete