☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆REBEK☆ - 18 By Dingdi Pachuau
John-a leh Pa Thana'n an sawi ve ve ta. Mipa an ni a, mipa rilru puin min hrilh an ni a, a dikin ka ring. Nunhlua bulah pawh khân sawi lo chu ka nih bîk loh kha maw, a thinrim ka hlau ve tho. Hrilhna hun ka nei bîk lo, a number ka neih loh bâkah ka hmangaih vànga ka kalsan tâk va biak leh dûk dûk kha chu a tih chi thlâwt loh. Kalsan tawh hnua va biak leh te chu, mi lě lo zia tlat.
Mahse, a dam țhat deuh hunah chuan ka va hrilh chiang tho ang. Chiang takin ka hrilh lo ve deuh bawk a, keiin hrilha ka inngai kha ani tân chuan mi dang nèna fanu kan neih tawh thu ka hrilhah min ngai daih thei. Engtin nge ka hrilh kha? Ka ngaihtuah vang vang a, ka hre chhuak thei ta mai lo. Chu pawh ni se, ka hrilh tawh tho, ka thiam ve tawh.
Chawlhkâr a ral a, Nunhlua pawh a dam țha zel ang chu. A dam chian ver vawr hunah ka hrilh chiang leh ang, a dam kawr thinchhiat laia hrilh chu a fuh lo palh ang. A thinrimin min hau lêt tùr ka ngaithla peih miah lo, a number erawh ka nei rân tawh.
Ruah a rawn sûr leh țan ta. Fùr hi ka nghâkhlel fahran lo asin, Novi pawh ka enkawl țha sawt, hetiang hunpui inthlâk lai hian naupang hian natna an kâi duh bîk an tih vàng a nia; mahse, ani hi zawng, Pathian zârah a damlo khât khawp, tlâng hri lêng lah a kâi har reuh phian.
John-a pawh Lungleiah a phei leh tawh, min sâwm miah lo. Ka phei duh a ring tawh lo a ni ang, nia, min sâwm pawh ni se ka kal duh tawh lo.
Chhûnah dàwrah kan buai a, Novi ka paw pah a, kei phei chu che buai chi ka lo ni bawk nèn, ka buai nuai mai. Eirawng bàwl a ngaih loh avàngin ka nghah reipui thei hlauh a, thil ka ei tam lo hi ka vànneihna a ni ve. Eirawng bàwlin buai leh țhìn phei ila chuan dàwrah ka awm hman lo tawp ang. John-a hi fel viauin min hre thiam viau mah se, a hriat thiam reng ngaia khawsak hi ka theih hrâm chuan ka duh bîk lo.
Tetea chuan,"U Bekte, chho tawh rawh, nghahpui kan ngaih tawh loh hi, a tlai tawh reng reng. Novi pawhin țhut a châk ve tawh ang, i paw bet reng a, a khawngaihthlâk. Customer an tlèm tawh hi," tiin chho tawh tùrin min ti a.
U Dina pawh chuan,"Ni e, i inthlahrung thei lutuk a, chho rawh. Kan buai tawh loh hi, Notei a khawngaihthlâk,"a lo ti ve a.
"Eirawng bàwl ka ngai lo, chubâkah, min hre thiam ziah a, ka chho hma ziah alawm, vawiin tlai chu dâr 5 thleng le."
Dâr 5-ah chuan Novi chu kàiin step-ah chuan muangchângin ka chhohpui a, zâwl kan thleng chho a, kan in kawngkhàr nghênga Nunhlua lo ding ka hmuh chuan ka makti lutuk chu ka meng bial kâwk kâwk ngei ang chu!
Che lo chuan ka en reng a, ani pawh chuan min en ve tho. A la chêr ang reng a; mahse, a bawrchhawr tawh lo. A inmêt fai vek tawh a, a sam erawh a la sei ang reng.
"Eng nge i tih?"
Ka rilrua awm hmasa ber ka sawi chhuak tawp, Novi chuan a pan phei mai a, kei erawh chu ka la ding reng.
"Ka lo nghâk che,"tih sup pahin Novi chu a melh a, min en tawn ta chhên mai.
Ka zawhna kha a dik lo tih ka hre chhuak chiah, 'Eng nge i lo tih dáwn?' tih zâwtah ka inngai, a chhànna min pêk ațangin ka hre chiah.
"Ka fanu a ni ti raw?"
"Ka fanu."
"Kan fanu."
A kûn hniam a, Novi chuan a hlau miah lo nia. A pawm nawlh mai a, ani lah chuan a en duh khawp mai.
"Rebek, i zêp rei hle mai."
"Novi hriat lai chuan thinrimin eng mah sawi ka duh lo."
"Ka thin a rim lo."
Ka en vang vang a,"Mahse, i lung a awi lo a nih kha,"ka ti ve ngat a.
"Mi dang nèna in fanu chungchâng i sawi emaw ka ti a nih kha."
"Tunge nei se min tih a?"
"Ka fanu hriat laia chutiang sawi ka duh lo, kan inhmuh vawi khatna a ni lehnghal a."
Kawngka chu hawngin ka lût a, hetia ka hmu thut mai hian min țhâwng ang reng a, ka chêt dàn pawh min ti lài zo vek.
Min zui luh ve mai ka ring a nia, a lo lût miah lo. Ka va chhuak leh a, Novi chu pawmin ngun fahran mai hian a lo en vang vang a.
"Lo lût la?"
"Novi hian min chhùn ve em?"
A va ho tak. Patling ve pui tawh si, a zawhna a ho e.
"A pa i nia, chhunna lai a nei lutuk ang che. A sam, a mit leh a ke kha en la, i hre mai ang."
Eirawng ka bâwl sawk sawk, a ril a țâm tawh viau ang, kei lahin tlêm tê ka ei țhin avángin chawhmeh pawh siam chawp vek a ngai.
"Fa pahnih ka nei ve ta a, an nu zâwk an chhùn ve ve, engtizia nge le?"
Ka nuih a za lutuk.
"I țan deuh a ngai a nih chu."
"A pathumna chuan min chhùn tawh chiang viau ang."
Ka nui chhuak lo thei lo.
"I ril a țâm em? Thingpui ka lum ang aw."
"I bulah ka awm tawh a, ka fanu ka pawm bawk a, ka ril a țâm pawhin ka hre lo."
"Min lo nghâk rei viau lo maw?"
"Rei lo ve, dârkâr 4 chauh."
A thil sawi vel dàn hi... Ka awm a ti nuam lo deuh tlat nia.
"Min ngaidam rawh, i lo kal tih ka hre lo tlat a ni."
Ka thu sawi chu a ngaihtuah loh hmel khawp mai, Novi chu a chhaih char char a, an pafa inlàwm hmuh chuan ka thinlung hi a nui var varin ka hria.
Thingpui leh a hmeh ka pe a, kei pawhin ka in ve tho. Chawhmeh siam awlsam chi ka siam a, kan ei har lo ang.
"Eng nge i rawn tih dáwn?"
"Ka fanu ka rawn hmu."
"I dam chiangkuang tawh maw?"
"Aw."
"Eng tik thleng nge i awm ang?"
Chiang zeta min en pahin," Ka haw har lo ang, lungngai suh,"a ti ta sup a.
Lungawi loh phahna tùr zâwngin ka zâwt miah lo asin le. A awm theih chin tùr, a chàm chen tùr ka zâwt a ni mai a.
"La kàwi lo la."
Ka țawng chu a ngaihtuah leh tawh miah lo, Novi chauh a ngaihtuah leh tawh. Hahthlâk hian a. A lungawi lo ve rih a nih hi.
Chaw kan ei a, a ei duh zâwng niin tui a ti ang em tih pawh ka hre lo, a ei tam lo hrim hrim a, a chaw ei a la tui lo pawh a ni maithei.
"I va ei tlêm ve."
"Ka puar e."
Novi a buaipui leh char char. He pa hi min ngaihtuah duh lo reng reng nia, hmm, pawi lo, Novi mut hunah a hre ve viau ang chu.
Novi chu a mu har lo, khuma ka mut hnu chuan tho lehin,"Inbual i duh em? Tui lum pawh a awm a nia,"ka ti a.
A ngawi reng a, min en reng bawk a. Makti rilru deuh hian,"Ka lo siamsak ang che aw, inbual la, i mu dáwn nia, i chau viau ang chu,"ka ti leh a.
"Ka chau lo."
"Chu pawh ni se, inbual rawh."
Ka siamsak hnu chuan bathroom-ah chuan a lût ve mai bawk a, a inbual hlàn chuan a mutna tùr long chair-ah chuan ka siamsak bawk a, vawiin lamah motor-ah a rawn chuang a, a chau ang, a la damkawr bawk si.
A rawn chhuak chu ka lo melh zawk a, a sam la hnâwng deuh kãwi niai chuan a tilang sexy riau, towel a rawn bât chhuak a,a lu chu a la rawn hru pah. Rei lo tê chauh ka melh chhûngin ka hmu hman tho, a tàwnzau dum hâk chu a inhmeh kher bawk.
"I duh hun hunah a mut theih aw, hei ka phah vek tawh a nia."
"I bula ka awm pawh chu i hlau hle mai maw."
Ni lo, amah zâwk hi ka ngaihtuah vàng a ni, a bula awm hi ka châk a, nuam ka ti bawk. Ințhen ngai miah lova a bula awm hi ka duh asin, a bula awm hi ka hlau hlawl lo.
"I chau ang ka tia, mut i duh ka ring a."
"Rebek!"
"I lungawi loh chhan hi ka hre lo, Novi chanchin ka hrilh har che tih chu ka hria; mahse, ka tân a har ve em asin."
"Novi vàng a ni lo."
"Chuti, i lungawi lo bawk sia?"
"Min tihrilhhai lutuk a ni!"
A thil sawi awmzia hi ka man thlâwt lo. Tunah tak hi chuan min tihrilhhai daih zâwk.
"Ka hre thiam lo."
"Lo hnai teh."
Ka pan hnai ve mai bawk a, min kuah lawp pahin," Min hlau ta niin ka hria a,"a ti sup a, chutah," I lo lian ta sawt a nih hi,"a ti leh a.
Hmeichhia chu fa pakhat kan neih hnuah kan țhang sawt țhìn an tih tak kha, ka lo țhang ve deuh em ni le? Ka lo inchîk ngai miah lo.
"Ka hlau lo che."
"Ka mumang a ni lo!"
A nghâwnga kuah pahin," Mumang ni nâng aw, ka sik ang che aw,"tiin a bengah chuan ka fâwp zoh a, a inbual zo chiah bawk a, a rimtui kher mai.
Nghet zetin min kuah a, ka thaw thei lo țêp zâwk.
"Ka thlah phal tawh lo che."
Kan inkuah rei khawp mai, ka ngai viau emaw ka ti a, ka ngaih aiin min ngai zâwk niin ka hria.
"Ka ngaihzia che hi... sawi chhuah dàn ka thiam lo."
Ka kuah nghet ve sauh sauh. Heti khawpa min ngai a nih chuan ka chunga tlêm têa a lungawi lo ve mai mai hi chu lãwm hle tùr ka ni zâwk.
"Kei pawh ka ngai che."
"Fanu min pe a, ka lãwm e."
"Ka pêk che a ni lo, min pêk zâwk alawm."
Kan inthlah theih meuh chuan hun a kal duak tawh mai.
"I bula mut ka châk nèn!"
"Khum a tê lutuk, Novi nèn kan leng tâwk chiah a."
"Min hrem i tum ve hrim hrim a ni lo maw?"
"Teuh lo, i lo kal ang tih rin ngaihna pawh ka hre lo hrim hrim."
"Pasal min neihsan hi ka ring lo rêng a ni. Ka tân i lo awm reng ang tih hi ka ring tlat a."
"Chutiang rinna chu khawi ațangin nge i neih a?"
"Nangmah ațangin maw le."
"John-a pawh hi ka pasal a lo ni thut maithei a?"
"A ni si lo va."
"A la ni lo ang tih tunge sawi thei?"
"Keimahin."
A inringtâwk lutuk chu mak ka ti zâwk, nia, John-a hi chu pasalah ka nei dáwn lo chiang a, Nunhlua ka nei lo a nih chuan Novi hi nu leh pa ang maia enkawl chhoh ka tum reng a ni.
"Pasal ka nei dáwn hlei nem."
"Kei chauh lo chu."
"I inringtâwk hle mai maw?"
"Hemi-ah kher kher hi chuan ka inringtâwk khawp mai,"tiin min rawn hnaih sauh a, chiang zetin min melh a, kan inen hnai khawp mai.
"Mut ka duh tawh a..." ka sawi zo hman lo, a kut pahnih chuan ka biang rawn dawmin,"Hei hi ka tâ kha a nih hi,"tih pahin râwp zet hian min fâwp ta ngawr ngawr a, kei pawh lo insiamremin duhthawh tak chuan ka lo chhâng lêt ve zat a, kan nghei rei dùn tawh bawk a, kan duhthawh khawp mai.
John-a leh Pa Thana'n an sawi ve ve ta. Mipa an ni a, mipa rilru puin min hrilh an ni a, a dikin ka ring. Nunhlua bulah pawh khân sawi lo chu ka nih bîk loh kha maw, a thinrim ka hlau ve tho. Hrilhna hun ka nei bîk lo, a number ka neih loh bâkah ka hmangaih vànga ka kalsan tâk va biak leh dûk dûk kha chu a tih chi thlâwt loh. Kalsan tawh hnua va biak leh te chu, mi lě lo zia tlat.
Mahse, a dam țhat deuh hunah chuan ka va hrilh chiang tho ang. Chiang takin ka hrilh lo ve deuh bawk a, keiin hrilha ka inngai kha ani tân chuan mi dang nèna fanu kan neih tawh thu ka hrilhah min ngai daih thei. Engtin nge ka hrilh kha? Ka ngaihtuah vang vang a, ka hre chhuak thei ta mai lo. Chu pawh ni se, ka hrilh tawh tho, ka thiam ve tawh.
Chawlhkâr a ral a, Nunhlua pawh a dam țha zel ang chu. A dam chian ver vawr hunah ka hrilh chiang leh ang, a dam kawr thinchhiat laia hrilh chu a fuh lo palh ang. A thinrimin min hau lêt tùr ka ngaithla peih miah lo, a number erawh ka nei rân tawh.
Ruah a rawn sûr leh țan ta. Fùr hi ka nghâkhlel fahran lo asin, Novi pawh ka enkawl țha sawt, hetiang hunpui inthlâk lai hian naupang hian natna an kâi duh bîk an tih vàng a nia; mahse, ani hi zawng, Pathian zârah a damlo khât khawp, tlâng hri lêng lah a kâi har reuh phian.
John-a pawh Lungleiah a phei leh tawh, min sâwm miah lo. Ka phei duh a ring tawh lo a ni ang, nia, min sâwm pawh ni se ka kal duh tawh lo.
Chhûnah dàwrah kan buai a, Novi ka paw pah a, kei phei chu che buai chi ka lo ni bawk nèn, ka buai nuai mai. Eirawng bàwl a ngaih loh avàngin ka nghah reipui thei hlauh a, thil ka ei tam lo hi ka vànneihna a ni ve. Eirawng bàwlin buai leh țhìn phei ila chuan dàwrah ka awm hman lo tawp ang. John-a hi fel viauin min hre thiam viau mah se, a hriat thiam reng ngaia khawsak hi ka theih hrâm chuan ka duh bîk lo.
Tetea chuan,"U Bekte, chho tawh rawh, nghahpui kan ngaih tawh loh hi, a tlai tawh reng reng. Novi pawhin țhut a châk ve tawh ang, i paw bet reng a, a khawngaihthlâk. Customer an tlèm tawh hi," tiin chho tawh tùrin min ti a.
U Dina pawh chuan,"Ni e, i inthlahrung thei lutuk a, chho rawh. Kan buai tawh loh hi, Notei a khawngaihthlâk,"a lo ti ve a.
"Eirawng bàwl ka ngai lo, chubâkah, min hre thiam ziah a, ka chho hma ziah alawm, vawiin tlai chu dâr 5 thleng le."
Dâr 5-ah chuan Novi chu kàiin step-ah chuan muangchângin ka chhohpui a, zâwl kan thleng chho a, kan in kawngkhàr nghênga Nunhlua lo ding ka hmuh chuan ka makti lutuk chu ka meng bial kâwk kâwk ngei ang chu!
Che lo chuan ka en reng a, ani pawh chuan min en ve tho. A la chêr ang reng a; mahse, a bawrchhawr tawh lo. A inmêt fai vek tawh a, a sam erawh a la sei ang reng.
"Eng nge i tih?"
Ka rilrua awm hmasa ber ka sawi chhuak tawp, Novi chuan a pan phei mai a, kei erawh chu ka la ding reng.
"Ka lo nghâk che,"tih sup pahin Novi chu a melh a, min en tawn ta chhên mai.
Ka zawhna kha a dik lo tih ka hre chhuak chiah, 'Eng nge i lo tih dáwn?' tih zâwtah ka inngai, a chhànna min pêk ațangin ka hre chiah.
"Ka fanu a ni ti raw?"
"Ka fanu."
"Kan fanu."
A kûn hniam a, Novi chuan a hlau miah lo nia. A pawm nawlh mai a, ani lah chuan a en duh khawp mai.
"Rebek, i zêp rei hle mai."
"Novi hriat lai chuan thinrimin eng mah sawi ka duh lo."
"Ka thin a rim lo."
Ka en vang vang a,"Mahse, i lung a awi lo a nih kha,"ka ti ve ngat a.
"Mi dang nèna in fanu chungchâng i sawi emaw ka ti a nih kha."
"Tunge nei se min tih a?"
"Ka fanu hriat laia chutiang sawi ka duh lo, kan inhmuh vawi khatna a ni lehnghal a."
Kawngka chu hawngin ka lût a, hetia ka hmu thut mai hian min țhâwng ang reng a, ka chêt dàn pawh min ti lài zo vek.
Min zui luh ve mai ka ring a nia, a lo lût miah lo. Ka va chhuak leh a, Novi chu pawmin ngun fahran mai hian a lo en vang vang a.
"Lo lût la?"
"Novi hian min chhùn ve em?"
A va ho tak. Patling ve pui tawh si, a zawhna a ho e.
"A pa i nia, chhunna lai a nei lutuk ang che. A sam, a mit leh a ke kha en la, i hre mai ang."
Eirawng ka bâwl sawk sawk, a ril a țâm tawh viau ang, kei lahin tlêm tê ka ei țhin avángin chawhmeh pawh siam chawp vek a ngai.
"Fa pahnih ka nei ve ta a, an nu zâwk an chhùn ve ve, engtizia nge le?"
Ka nuih a za lutuk.
"I țan deuh a ngai a nih chu."
"A pathumna chuan min chhùn tawh chiang viau ang."
Ka nui chhuak lo thei lo.
"I ril a țâm em? Thingpui ka lum ang aw."
"I bulah ka awm tawh a, ka fanu ka pawm bawk a, ka ril a țâm pawhin ka hre lo."
"Min lo nghâk rei viau lo maw?"
"Rei lo ve, dârkâr 4 chauh."
A thil sawi vel dàn hi... Ka awm a ti nuam lo deuh tlat nia.
"Min ngaidam rawh, i lo kal tih ka hre lo tlat a ni."
Ka thu sawi chu a ngaihtuah loh hmel khawp mai, Novi chu a chhaih char char a, an pafa inlàwm hmuh chuan ka thinlung hi a nui var varin ka hria.
Thingpui leh a hmeh ka pe a, kei pawhin ka in ve tho. Chawhmeh siam awlsam chi ka siam a, kan ei har lo ang.
"Eng nge i rawn tih dáwn?"
"Ka fanu ka rawn hmu."
"I dam chiangkuang tawh maw?"
"Aw."
"Eng tik thleng nge i awm ang?"
Chiang zeta min en pahin," Ka haw har lo ang, lungngai suh,"a ti ta sup a.
Lungawi loh phahna tùr zâwngin ka zâwt miah lo asin le. A awm theih chin tùr, a chàm chen tùr ka zâwt a ni mai a.
"La kàwi lo la."
Ka țawng chu a ngaihtuah leh tawh miah lo, Novi chauh a ngaihtuah leh tawh. Hahthlâk hian a. A lungawi lo ve rih a nih hi.
Chaw kan ei a, a ei duh zâwng niin tui a ti ang em tih pawh ka hre lo, a ei tam lo hrim hrim a, a chaw ei a la tui lo pawh a ni maithei.
"I va ei tlêm ve."
"Ka puar e."
Novi a buaipui leh char char. He pa hi min ngaihtuah duh lo reng reng nia, hmm, pawi lo, Novi mut hunah a hre ve viau ang chu.
Novi chu a mu har lo, khuma ka mut hnu chuan tho lehin,"Inbual i duh em? Tui lum pawh a awm a nia,"ka ti a.
A ngawi reng a, min en reng bawk a. Makti rilru deuh hian,"Ka lo siamsak ang che aw, inbual la, i mu dáwn nia, i chau viau ang chu,"ka ti leh a.
"Ka chau lo."
"Chu pawh ni se, inbual rawh."
Ka siamsak hnu chuan bathroom-ah chuan a lût ve mai bawk a, a inbual hlàn chuan a mutna tùr long chair-ah chuan ka siamsak bawk a, vawiin lamah motor-ah a rawn chuang a, a chau ang, a la damkawr bawk si.
A rawn chhuak chu ka lo melh zawk a, a sam la hnâwng deuh kãwi niai chuan a tilang sexy riau, towel a rawn bât chhuak a,a lu chu a la rawn hru pah. Rei lo tê chauh ka melh chhûngin ka hmu hman tho, a tàwnzau dum hâk chu a inhmeh kher bawk.
"I duh hun hunah a mut theih aw, hei ka phah vek tawh a nia."
"I bula ka awm pawh chu i hlau hle mai maw."
Ni lo, amah zâwk hi ka ngaihtuah vàng a ni, a bula awm hi ka châk a, nuam ka ti bawk. Ințhen ngai miah lova a bula awm hi ka duh asin, a bula awm hi ka hlau hlawl lo.
"I chau ang ka tia, mut i duh ka ring a."
"Rebek!"
"I lungawi loh chhan hi ka hre lo, Novi chanchin ka hrilh har che tih chu ka hria; mahse, ka tân a har ve em asin."
"Novi vàng a ni lo."
"Chuti, i lungawi lo bawk sia?"
"Min tihrilhhai lutuk a ni!"
A thil sawi awmzia hi ka man thlâwt lo. Tunah tak hi chuan min tihrilhhai daih zâwk.
"Ka hre thiam lo."
"Lo hnai teh."
Ka pan hnai ve mai bawk a, min kuah lawp pahin," Min hlau ta niin ka hria a,"a ti sup a, chutah," I lo lian ta sawt a nih hi,"a ti leh a.
Hmeichhia chu fa pakhat kan neih hnuah kan țhang sawt țhìn an tih tak kha, ka lo țhang ve deuh em ni le? Ka lo inchîk ngai miah lo.
"Ka hlau lo che."
"Ka mumang a ni lo!"
A nghâwnga kuah pahin," Mumang ni nâng aw, ka sik ang che aw,"tiin a bengah chuan ka fâwp zoh a, a inbual zo chiah bawk a, a rimtui kher mai.
Nghet zetin min kuah a, ka thaw thei lo țêp zâwk.
"Ka thlah phal tawh lo che."
Kan inkuah rei khawp mai, ka ngai viau emaw ka ti a, ka ngaih aiin min ngai zâwk niin ka hria.
"Ka ngaihzia che hi... sawi chhuah dàn ka thiam lo."
Ka kuah nghet ve sauh sauh. Heti khawpa min ngai a nih chuan ka chunga tlêm têa a lungawi lo ve mai mai hi chu lãwm hle tùr ka ni zâwk.
"Kei pawh ka ngai che."
"Fanu min pe a, ka lãwm e."
"Ka pêk che a ni lo, min pêk zâwk alawm."
Kan inthlah theih meuh chuan hun a kal duak tawh mai.
"I bula mut ka châk nèn!"
"Khum a tê lutuk, Novi nèn kan leng tâwk chiah a."
"Min hrem i tum ve hrim hrim a ni lo maw?"
"Teuh lo, i lo kal ang tih rin ngaihna pawh ka hre lo hrim hrim."
"Pasal min neihsan hi ka ring lo rêng a ni. Ka tân i lo awm reng ang tih hi ka ring tlat a."
"Chutiang rinna chu khawi ațangin nge i neih a?"
"Nangmah ațangin maw le."
"John-a pawh hi ka pasal a lo ni thut maithei a?"
"A ni si lo va."
"A la ni lo ang tih tunge sawi thei?"
"Keimahin."
A inringtâwk lutuk chu mak ka ti zâwk, nia, John-a hi chu pasalah ka nei dáwn lo chiang a, Nunhlua ka nei lo a nih chuan Novi hi nu leh pa ang maia enkawl chhoh ka tum reng a ni.
"Pasal ka nei dáwn hlei nem."
"Kei chauh lo chu."
"I inringtâwk hle mai maw?"
"Hemi-ah kher kher hi chuan ka inringtâwk khawp mai,"tiin min rawn hnaih sauh a, chiang zetin min melh a, kan inen hnai khawp mai.
"Mut ka duh tawh a..." ka sawi zo hman lo, a kut pahnih chuan ka biang rawn dawmin,"Hei hi ka tâ kha a nih hi,"tih pahin râwp zet hian min fâwp ta ngawr ngawr a, kei pawh lo insiamremin duhthawh tak chuan ka lo chhâng lêt ve zat a, kan nghei rei dùn tawh bawk a, kan duhthawh khawp mai.
Tawi ve
ReplyDelete