☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆REBEK☆ - 19 By Dingdi Pachuau
Kan inthlah hlei thei lo, min duh loh vànga kalsan ka ni lo va, ka duh loh vànga kalsan ka ni hek lo, ngai leh thlahlel tak chungin, ka hmangaih ém avànga kalsan ka ni zâwk. Kan induh a, kan inthlahlel em em, chuvàng chu a ni ang, kan inhmuh loh chhûng zawnga min fawh ai kha min fawh a tum ni maiin ka hria.
"I hnâr a sen leh têk tawh a nia."
"Nangmah vàng vek."
"I inhmeh ka ti."
"Tak tak?"
"Um, hmangaihna chèn zo hlim i nih duh hmel."
"Ka lang pawr hle a ni maw?"
"Ka duh dàn chu a ni si."
Kan mut dáwn meuh chuan dâr 11 a ri țêp. Long chair-a a mu tùr chu ka khawngaih roh a, a la damkawr si. Naktûk zànah chuan khumah hian mu ta zâwk se.
"Long chair-a mut kha a hrehawm lutuk lo ang ti raw?"
"Nuam vak lo ang."
"Zanin chiah a ni mai, a nawm vak loh pawhin tuar hrâm hrâm mai rawh."
"Naktûk zànah?"
"Khumah i mu dáwn nia, keini nufa chhuatah kan mu ang a."
"Kan chhûngkuain chhuatah mu ila?"
Kan chhûngkua. Ka duh tawp, he word hi ka va hre khât tawh tak, a chhûngah hian ka tel ve ang tih pawh ka ngaihtuah phâk tawh ngai lo asin.
"I la damkawr si."
"Kan la hria ang chu."
Kan mut hnu rei vak loah chuan ka tho leh a, a lo muhìl tawh. Kha maw, a chau tih ka hria alawm, a la damkawr bawk, nilêngin motor-ah a rawn chuang a, a nat belh loh hrâm ka beisei.
Muhìl thei lo chuan ka meng reng a, Nunhlua ka kalsan țantirh lai te kha ka mitthlaah lo langin ka ngaihtuah zui a. Hrehawm ka tihzia leh ka țah nasatzia kha. Engtin nge a tawrh ve le? Ka hre châk kher mai, hun kal tawh mah ni se, ka la zâwt chhin ang. Kei ang ém kha chuan a tuar ve kherin ka ring lo deuh ringawt, mipa a ni bawk sia.
Zîngah ka tho tlai, ka thawh chuan Novi nèn an lo inchhaih leh tawh. Eirawng bàwl vak a ngai lo va, a zia deuh.
"Morning."
"Um, morning. Nizànah i mu tui em?"
"Tui lo."
Ka awih hlawl lo, ka thawh leh pawhin a lo muthilh daih tawh kha.
"Nia, khumah i mu si lo va."
"Khuma mut lam a ni lo."
"Ngawi teh, zîng kâr ațang chuan țan lo teh ang. Novi chu a harhna a rei tawh em? Thawh ka hai chiang hle mai."
"A ko a ko che a, i chhàwn mang si lo va, ka lo lût ve tawp a."
Ka inphih fai a, chaw chhuan nghal ka tum a, cooker-a ka indeh chuan ka phu zawk mai, ani hian eirawng a lo bâwl tawh maw!!!
Makti zeta en hau pahin,"Eirawng i lo bâwl vek tawh elo?"ka ti chûl a.
"Thawh i tum mang si lo va."
"Nizànah ka muhìl thei lo alawm."
"Nupui tho har deuh ka nei dáwn tihna a ni a..."
"Ka thawh hai țum a ni ve mai a."
"Thawh i hai deuh reng dáwn a nih chu."
Rum zetin ka melh a, min en duh țhak lo. Novi sam chu a khawihsak malh malh a.
"Khatia rum zeta mi melh i chîn chuan Novi hian a chîng ve mai ang, sim teh."
Ka hawisan hmak. A nui hawk lehnghal a, ka ngei lutuk. Amah vàng liau liauin nizànah ka muhìl thei lo va, min sawisa zui a nia.
"Vawiinah eng nge i tih dáwn?"ka ti ve ngat a.
"Novi ka awm ang, a nuin dàwr nghah a ngai si a."
He pa hian ka chanchin engkim hi a hre sa vek chiang a ni, tu hnên ațangin nge a hriat le? Nimin lamah pawh ka in luah a hre chat bawk a, min lo nghâk a nih kha. John-a hian a hrilh em ni le? Chutiangin an inhre țha pawh a ni si lo va, ka thu lo chuan John-a hian a hrilh duh dáwn em ni?
Chaw kan ei a, chawhmeh lah chu a siam tui phian mai. Ka ei apiangin makti zetin ka ei a, ka va en ziah bawk. Ani lah chuan nui suk suk chungin,"Tui i ti lutuk kha i lei i lem tel ang e,"a ti duh chauh lehnghal a, a rûk tak chuan mak ka ti.
Dàwra ka chhuk hma chuan," Nakinah bual tùrin ka rawn chho dáwn nia, hrehawm i lo ti lo ang maw?"ka ti ve ngial a.
"Chhuk rawh, ka lo ngaihven thei ang."
"Dàwrah lo awmpui ve mai la?"
"Novi bula awm ka duh zâwk."
Hm, lo awmpui poh se ni mai. Dàwrah chuan a lo kal duh pawhin ka ring lo, an lo inawm thei mai ang chu maw. Ka rei dáwn chuang lo.
Novi'n a nêl nghal mai hi mak ka ti, min ngaihtuah lo reng reng. John-a leh Nunhlua hi an inang riau a nih hi, Novi hi an duat a, tihhlim dàn an thiam tlat.
Tetea'n min lo hmuh veleh chuan,"U Bekte, khawnge Novi? A mut hun a la ni si lo,"a lo ti vat a.
"Um, a pain a awm a."
"A pa maw?!!"an ti rual țhawt a.
Min dàwrtute an lo kal avàngin kan sawi chhun zawm thei ta lo va, ka lâwm phian; mahse, tàwpsan an lo tum miah lo.
Min dàwrtute kian veleh chuan U Dika chuan,"Ko thla ve la, kan hmu ve châk alawm,"a ti a, Tetea pawh chuan,"Nia, hmuh a châkawm. A zak deuh em ni? Nge nangmah hian kan hmuh i phal lo zâwk?"a lo ti ve a.
"Ni lo ve, nakinah kan ko thla ve dáwn nia."
Novi bual tùr chuan ka chho har lo. Anni pafa chu chhuatah an lo bawk vâk a, ui leh zawhte angah an lo chang ni ngei tùr a ni, a chângin an bauh a, a chângin an ngiau bawk a, va chîm buai duh lovin ka enthla ru reng a, ka nuih a zâ a, ka làwm bawk si.
Novi ka bual chhûng chuan kan bulah a lo awm ve reng a, dàwr ka nghahpuite thu sawi chu ka hrilh a. Lo chhuk ve tùr chuan ka sâwm a.
U Dika nèn chuan an inkâwm thiam khawp mai. Tetea erawh a la nau deuh a, an titi chu a lo pui ve zauh zauh chauh. Min dàwr an rawn kalin Nunhlua chu a lo che ve zel mai, Novi keiin ka pua a, ka ai a chê a ni mai.
Thingpui lumin ka pe thla a, an lo lâwm thiam khawp mai. Tlai lamah chuan Nunhlua a awm tho bawk a, eirawng bâwl tùrin ka chho hma ta deuh a, ka inla ãwl ve deuh.
A airbag rawn ken chu room lamah ka dah lo a nih dáwn hi, màwl theih ngei mai. Novi pa a ni a, ka theih ang tâwk chuan lo duat ve tùr ka ni asin le.
A rit reuh phian mai. Inthiam lo ru deuh chuan ka hawng chhin a, lehkhabu ni àwm tak, chhah angreng deuh hi ka phawrh a, chu chuan a tirit pakhat a nih dáwn hi. Ka keu chhin a, hawrawp mawi zet, kut ziak ngei mai ka hmu a, hei chu a Diary a nih dáwn hi, ka khup lehnghal daih.
Chawhmeh siam vak a ngai lo va, tukin zîng lama Novi pa chawhmeh siam pawh kha rin tùr a la awm nual mai. A tui hlawm bawk si a, kei aiin eirawng bàwl a thiam daih zâwk.
A diary kha ka chhiar châk. A lo chho thut ang em aw, kawngka ka va kalh phawt a, pindanah ka lût ta nghal a.
A nupui hlui Aizâwla an va hruai a a lo lêt hnu lam kha, kha tak kha ka chhiar châk. Ka keu par par a, hm, ka hmu ta e.
24th April (Mon): He khawvêla ka hmangaih ber leh ka ngaih em em hmu leh thei tùrin hlim takin Aizâwl ațangin ka haw phei a, ka hma lawkah eng nge ka tawn dáwn hre hauh lovin hlim takin ka haw a. Kawng laka chawlh pawh ka duh lo, chàwl tùra mi dang an chhuk sap sap te chu ka ngei lek lek hial, kei chuan tlân thuai thuai ka duh.
Zotui ka thleng a,kan inah pawh lût hmasa lovin phûr takin a in ka pan, ka va hrilhhai ém!! Tala-in a lo inkalh tlat, ka mit vai emaw ka ti, Apuiite inah a kal a nih ringin ka kal leh nghal; mahse, ani pawhin a lo hre miah lo. A zin tih chauh a lo hria.
Khawnge a awm ang le? Ka phone dáwn țhìn, a tlang thei miah lo. Ka hmangaih hian min kalsan tihna em ni? Min hmangaih ve ni khân ka hre si a, thil ni thei a ni lo. A in lamah ka tlân leh nghal a; mahse, a lo la inkalh tho.
A in kawtah ka ding reng. Khawiah emaw a kal ang a, min phone thei bîk lo a ni ang. Ka nghâk reng a, dârkâr a liam a, a lo haw thei chuang lo. Ina haw ka peih lo, a in bathlàrah ka ding tlaivâr. A lo lêt thut thei si a.
Ka mittui a lo tling leh kuang kuang tawh. Heti khawp hian min ngaiin min lo thlahlel a, hrehawm a tihzia a ziak hreh hauh lo. Ka mitthla uar uar a, ka in bathlàra a ding reng tùr leh ka haw hun a nghâk reng tùr chu. Ka mittui chu a far ta fap a, ka khawngaih lutuk avànga ka mittui tla chu ka zak bîk lo.
25th April (Tue): Mi min biakna chu mûmal pawhin ka chhâng lo, ka rilruah thil pakhat chiah a awm. Apuii hnênah ka kal leh a, ani hi a țhian a ni a, eng emaw chu a hrilh ngei ang; mahse, ani pawh a lo buai ém ém tho. Eng mah a lo hrilh bîk lo a ni ang, ka va tibuai teh rêng ém!
John-a nèn bike-a an inphurh thu a sawi chhuah chuan ka thin a tiphu zawk mai. Min kalsan theih nân mipa dang a pan maw? Min hmangaih a, min kalsan a tum tho si.
Inah ka haw a, har hle mah se ngun takin kan chungchâng ka ngaihtuah lêt a, ka rilru buai ém ém laia a bula ka thil sawi zawng zawngte, min demna thu pakhat mah a chhâk chhuak duh miah lote ka ngaihtuah lêt a, Nundika nu kan entîr dáwn ni thlengin. Ka ngaihtuah chhuak thiam ta, min kalsan a lo tum reng a ni.
Min kalsan a tum vàngin zànah a bula riak tùrin min sâwm a, hei hi zàn danga a duh ngai loh leh a sawi chhuah ngai loh a ni. Ka lo hre chhuak lawk lo lehnghal, a va màwl theih teh lul ém!
Ka ngai lutuk chu ka muhìl thei lo, khumah ka let ka let a, mipa pawh ka pà zo lo țêp a ni, ka mittui pawh a tla. Ka hmangaih èm avàngin ka zak lo, ka ngai ém atin ni.
A mittuiin a farna a ni ngei ang, pen tui pawh a pherh deuh nian mai.
Min ngaih vángin a mittui a tla hial a ni si, a diary chu ka khup thawk a, ka chhiar duh tawh lo. Ka țap chhuak mai ang, ka mittui far fap fap chu ka hru hul a, a diary a airbag-a ka khung dáwn chiah chuan kawngka kik ri ka hre nghal. Ka dah vat vat a, inhru hul leh thuak thuakin ka va hawng nghal a.
"Tinge i kalh kher a? Min tihlauthãwng țêp alawm."
Nui lui sak chungin,"Novi chhuah a tum zêl a," ka ti ve zaih.
"I țap em ni?"
Hawi sawn vatin,"Teuh lo mai, ka mitah eng emaw a lût a,"ka ti leh a, Novi chu ka hnaih nghal daih a.
"Thil thup i nei chiang."
He pa thil chîk thei lutuk hi chu, a lakah hian thil zêp tak tak theih pawh a ni lo.
"Ti ta daih ila, Apuii a dam țha em? Min ngei àwm mang e,"ka ti daih a.
"Phone mai la?"
"A number ka nei tawh lo."
"Ka nei alawm."
"Nakinah le, chaw ei kham lamah."
Dàwrah chuan keimah ka chhuk leh zâwk rih a, U Dika leh Tetea chuan fel an tih thu an lo sawi sap sap a. A rûk tak chuan ka hlim nui ver ver mai.
Zànah chuan John-a'n min rawn phone a, naktûk lama rawn phei a tum thu min hrilhin Nunhlua lo phei leh phei loh min zâwt nghal a, he pa hi a ni chiang mai, engkim Nunhlua hrilh vektu hi.
"John-a hnên ațangin em ni ka chanchin hi i hriat ?"
"Aw."
"Min ngei em?"
"Ka hmangaih che."
Min chhànna chuan min tidang hneh lutuk a, țawng leh tùr pawh ka hre lo. Ka rin loh dàn deuha min chhàn vàng vek, ' Ka ngei deuh che' tia min chhàn ka rin teh lul nèn.
"Tinge i ngawih tâk reng a? 'Kei pawh le' i tih ka ring a nia."
"I hre sa reng alawm."
"Hriat hi a châkawm reng a ni. Hre tawh tih a awm thei hlei nem."
Ka chhàn dáwn lai tak chuan phone a rawn ri a, Pa Thana number a ni tlat mai.
"Aw, Bekte, hei Novi pa palâite hmel kan hmu a, nizàn khân a ni tawh a."
Makti zetin Nunhlua chu ka en a, ani chuan a dàr a lo chhìn ãk ringawt a, kan inbiakna a lo hre ve azeng pawh a ni lo.
"Chuan?"
"Keini lamah chuan buaina a awm lo va, nangma thu thu kan ti a."
"A, in thu thu."Min tihamhaih zo vek.
Kan inbiak zawh chuan Nunhlua en nghalin," Ngatinge min hrilh loh?"ka ti ringawt a.
"Eng maw?"
"Palâi i tîr a."
"Tîr e."
"Min hrilh tùr a nia."
"Chu, hrilh ngai lovin i hria alawm."
He pa hian ngatinge țha deuhin min chhàn loh le?
"Min tihamhaih zo vek."
"Lo kal hnai teh."
Ka ding reng chu min rawn pan hnai a, min kuah ta hlù hlù a.
"Hamhaihna tùr a awm lo, nupuiah neih che ka tum mai a nia."
"I ti tak tak ti raw?"
Min kuah nghet sauhin," Tùn aia ka thutak hi ka la hre lo,"a ti sup a, ka hlim lutuk chu ka mittui a lo hnai leh tawh.
"Ka mithmuh ata hi kaltîr leh che ka tum tawh lo, ka bula awm reng tùrin ka duh che."
Ka thil hriat avàng chuan ka hlim a, ka lãwm bawk si, ka mumang a ni ang tih ka hlau.
"Ka mumang mai a ni ang tih ka hlau."
"Mumang nihtîr ka tum miah lo."
Sawi tùr tam tak ka nei; mahse, tunah hi chuan sawi ka tum rih lo. Ka hlim a, ka hlimna hi neih reng rih ka duh.
Chhuatah chuan kan mu a, Novi ka ngaihtuah viau nain a pa ka ngaihtuah ve tho bawk si. An bula mut ka duh ve ve bawk si a, sitting room chhuatah kan mu ta dal mai.
"Hetia kuah reng che hi ka duh a ni."
"Min kuah reng hi."
"Zan tinin."
"Kan inneih hnuah."
Ka nghâwnga fawh zoh pahin,"Ka nghâk rei tawh che a, rei ka nghâk tawh dáwn lo che a nia,"a ti thãwp sut a.
"Naktûkah ti mai ila?"
"Min fiam miah suh."
Min dap ruk ruk a, ka kawr a rawn zen a, ka mûr ar ar mai.
"Pawi ka khawih miah lo ang."
Ka nuih a tiza tawp.
"I taksa nãl han mai chûl hi a nuam ka ti."
Min chûl kual dan dan a, kei pawhin ka lo dawh hârh hârh zel a, a remchàn dàn angin ka lo chûl lêt ve a.
"Kei pawh."
"Naktûkah haw phei ila?"
"A va mak thut thut àwm ve!"
"Nghah rei ka duh lo. Novi pawh pa nei lovin a awm rei tawh alawm."
"A nei reng che alawm."
"A pa bulah a awm lo rei alawm."
"Apuii a thinrim ngawt ang, hmuh a huphurhawm tawp."
"Novi a hmu ang a, a thinrim rei lo tawp ang."
"Khua han vâr phawt se, kan ngaihtuah țha dáwn nia aw."
Min mamawhzia chu ka hre chiang khawp mai, a insûm nasa ngawt ang chu, ka khawngaih roh.
"Ka hmangaih che, Nunhlu. Ka hmangaih lutuk che."
"Min hmangaih chuan che tawh suh."
Thovin bathroom-ah rei fé chu a va awm, a lo lêt hun ka lo nghâk a, ka lo meng kar.
A lo mut hnu chuan min kuah leh tho, thaw hawkin,"Ka nghâk hrâm hrâm ang; mahse, min nghah reitîr lo hrâm rawh aw,"a ti sup a.
"Um, i tih hun hunah ka nei ang che."
"Ka hmangaih che, Rebek. Min hmangaih avàngin ka lâwm a, hmangaihna awmzia min hriattîr bawk a ni."
"Kei pawhin ka hmangaih che. Chhûngkua min pêk avàngin ka lâwm a, fahrah ka nihna ang lova min hmangaih avàng leh ka chanchin engkim hriaa min hmangaih tho avàngin ka lâwm em em bawk, ka kalsan tawh miah lo ang che."
Pathian hnênah làwmthu ka sawi a, min hmangaih ém émtu Nunhlua min pêk avàng leh min hmangaih avàngin. Ka naupan laia ka thil tawn râpthlâk tak avànga nun khawlo ka neih chhoh loh vàng leh min vènna zawng zawngah pawh làwmthu ka sawi bawk.
Rilru hlim takin, Zotuia ka lêt leh hun tùr leh Nunhlua nèn kan inneih hun tùr rilrua ngaihtuah chungin leh Nunhlua, duat taka min kuah chialtu âwm nghèng chialin mumang ramah chuan ka lût ta riai riai a.
A TÀWP TA.
( REBEK chhiartute, in chungah làwmthu ka sawi mawlh mawlh e. Story thar nèn kan inhmu leh thuai dáwn nia)
Kan inthlah hlei thei lo, min duh loh vànga kalsan ka ni lo va, ka duh loh vànga kalsan ka ni hek lo, ngai leh thlahlel tak chungin, ka hmangaih ém avànga kalsan ka ni zâwk. Kan induh a, kan inthlahlel em em, chuvàng chu a ni ang, kan inhmuh loh chhûng zawnga min fawh ai kha min fawh a tum ni maiin ka hria.
"I hnâr a sen leh têk tawh a nia."
"Nangmah vàng vek."
"I inhmeh ka ti."
"Tak tak?"
"Um, hmangaihna chèn zo hlim i nih duh hmel."
"Ka lang pawr hle a ni maw?"
"Ka duh dàn chu a ni si."
Kan mut dáwn meuh chuan dâr 11 a ri țêp. Long chair-a a mu tùr chu ka khawngaih roh a, a la damkawr si. Naktûk zànah chuan khumah hian mu ta zâwk se.
"Long chair-a mut kha a hrehawm lutuk lo ang ti raw?"
"Nuam vak lo ang."
"Zanin chiah a ni mai, a nawm vak loh pawhin tuar hrâm hrâm mai rawh."
"Naktûk zànah?"
"Khumah i mu dáwn nia, keini nufa chhuatah kan mu ang a."
"Kan chhûngkuain chhuatah mu ila?"
Kan chhûngkua. Ka duh tawp, he word hi ka va hre khât tawh tak, a chhûngah hian ka tel ve ang tih pawh ka ngaihtuah phâk tawh ngai lo asin.
"I la damkawr si."
"Kan la hria ang chu."
Kan mut hnu rei vak loah chuan ka tho leh a, a lo muhìl tawh. Kha maw, a chau tih ka hria alawm, a la damkawr bawk, nilêngin motor-ah a rawn chuang a, a nat belh loh hrâm ka beisei.
Muhìl thei lo chuan ka meng reng a, Nunhlua ka kalsan țantirh lai te kha ka mitthlaah lo langin ka ngaihtuah zui a. Hrehawm ka tihzia leh ka țah nasatzia kha. Engtin nge a tawrh ve le? Ka hre châk kher mai, hun kal tawh mah ni se, ka la zâwt chhin ang. Kei ang ém kha chuan a tuar ve kherin ka ring lo deuh ringawt, mipa a ni bawk sia.
Zîngah ka tho tlai, ka thawh chuan Novi nèn an lo inchhaih leh tawh. Eirawng bàwl vak a ngai lo va, a zia deuh.
"Morning."
"Um, morning. Nizànah i mu tui em?"
"Tui lo."
Ka awih hlawl lo, ka thawh leh pawhin a lo muthilh daih tawh kha.
"Nia, khumah i mu si lo va."
"Khuma mut lam a ni lo."
"Ngawi teh, zîng kâr ațang chuan țan lo teh ang. Novi chu a harhna a rei tawh em? Thawh ka hai chiang hle mai."
"A ko a ko che a, i chhàwn mang si lo va, ka lo lût ve tawp a."
Ka inphih fai a, chaw chhuan nghal ka tum a, cooker-a ka indeh chuan ka phu zawk mai, ani hian eirawng a lo bâwl tawh maw!!!
Makti zeta en hau pahin,"Eirawng i lo bâwl vek tawh elo?"ka ti chûl a.
"Thawh i tum mang si lo va."
"Nizànah ka muhìl thei lo alawm."
"Nupui tho har deuh ka nei dáwn tihna a ni a..."
"Ka thawh hai țum a ni ve mai a."
"Thawh i hai deuh reng dáwn a nih chu."
Rum zetin ka melh a, min en duh țhak lo. Novi sam chu a khawihsak malh malh a.
"Khatia rum zeta mi melh i chîn chuan Novi hian a chîng ve mai ang, sim teh."
Ka hawisan hmak. A nui hawk lehnghal a, ka ngei lutuk. Amah vàng liau liauin nizànah ka muhìl thei lo va, min sawisa zui a nia.
"Vawiinah eng nge i tih dáwn?"ka ti ve ngat a.
"Novi ka awm ang, a nuin dàwr nghah a ngai si a."
He pa hian ka chanchin engkim hi a hre sa vek chiang a ni, tu hnên ațangin nge a hriat le? Nimin lamah pawh ka in luah a hre chat bawk a, min lo nghâk a nih kha. John-a hian a hrilh em ni le? Chutiangin an inhre țha pawh a ni si lo va, ka thu lo chuan John-a hian a hrilh duh dáwn em ni?
Chaw kan ei a, chawhmeh lah chu a siam tui phian mai. Ka ei apiangin makti zetin ka ei a, ka va en ziah bawk. Ani lah chuan nui suk suk chungin,"Tui i ti lutuk kha i lei i lem tel ang e,"a ti duh chauh lehnghal a, a rûk tak chuan mak ka ti.
Dàwra ka chhuk hma chuan," Nakinah bual tùrin ka rawn chho dáwn nia, hrehawm i lo ti lo ang maw?"ka ti ve ngial a.
"Chhuk rawh, ka lo ngaihven thei ang."
"Dàwrah lo awmpui ve mai la?"
"Novi bula awm ka duh zâwk."
Hm, lo awmpui poh se ni mai. Dàwrah chuan a lo kal duh pawhin ka ring lo, an lo inawm thei mai ang chu maw. Ka rei dáwn chuang lo.
Novi'n a nêl nghal mai hi mak ka ti, min ngaihtuah lo reng reng. John-a leh Nunhlua hi an inang riau a nih hi, Novi hi an duat a, tihhlim dàn an thiam tlat.
Tetea'n min lo hmuh veleh chuan,"U Bekte, khawnge Novi? A mut hun a la ni si lo,"a lo ti vat a.
"Um, a pain a awm a."
"A pa maw?!!"an ti rual țhawt a.
Min dàwrtute an lo kal avàngin kan sawi chhun zawm thei ta lo va, ka lâwm phian; mahse, tàwpsan an lo tum miah lo.
Min dàwrtute kian veleh chuan U Dika chuan,"Ko thla ve la, kan hmu ve châk alawm,"a ti a, Tetea pawh chuan,"Nia, hmuh a châkawm. A zak deuh em ni? Nge nangmah hian kan hmuh i phal lo zâwk?"a lo ti ve a.
"Ni lo ve, nakinah kan ko thla ve dáwn nia."
Novi bual tùr chuan ka chho har lo. Anni pafa chu chhuatah an lo bawk vâk a, ui leh zawhte angah an lo chang ni ngei tùr a ni, a chângin an bauh a, a chângin an ngiau bawk a, va chîm buai duh lovin ka enthla ru reng a, ka nuih a zâ a, ka làwm bawk si.
Novi ka bual chhûng chuan kan bulah a lo awm ve reng a, dàwr ka nghahpuite thu sawi chu ka hrilh a. Lo chhuk ve tùr chuan ka sâwm a.
U Dika nèn chuan an inkâwm thiam khawp mai. Tetea erawh a la nau deuh a, an titi chu a lo pui ve zauh zauh chauh. Min dàwr an rawn kalin Nunhlua chu a lo che ve zel mai, Novi keiin ka pua a, ka ai a chê a ni mai.
Thingpui lumin ka pe thla a, an lo lâwm thiam khawp mai. Tlai lamah chuan Nunhlua a awm tho bawk a, eirawng bâwl tùrin ka chho hma ta deuh a, ka inla ãwl ve deuh.
A airbag rawn ken chu room lamah ka dah lo a nih dáwn hi, màwl theih ngei mai. Novi pa a ni a, ka theih ang tâwk chuan lo duat ve tùr ka ni asin le.
A rit reuh phian mai. Inthiam lo ru deuh chuan ka hawng chhin a, lehkhabu ni àwm tak, chhah angreng deuh hi ka phawrh a, chu chuan a tirit pakhat a nih dáwn hi. Ka keu chhin a, hawrawp mawi zet, kut ziak ngei mai ka hmu a, hei chu a Diary a nih dáwn hi, ka khup lehnghal daih.
Chawhmeh siam vak a ngai lo va, tukin zîng lama Novi pa chawhmeh siam pawh kha rin tùr a la awm nual mai. A tui hlawm bawk si a, kei aiin eirawng bàwl a thiam daih zâwk.
A diary kha ka chhiar châk. A lo chho thut ang em aw, kawngka ka va kalh phawt a, pindanah ka lût ta nghal a.
A nupui hlui Aizâwla an va hruai a a lo lêt hnu lam kha, kha tak kha ka chhiar châk. Ka keu par par a, hm, ka hmu ta e.
24th April (Mon): He khawvêla ka hmangaih ber leh ka ngaih em em hmu leh thei tùrin hlim takin Aizâwl ațangin ka haw phei a, ka hma lawkah eng nge ka tawn dáwn hre hauh lovin hlim takin ka haw a. Kawng laka chawlh pawh ka duh lo, chàwl tùra mi dang an chhuk sap sap te chu ka ngei lek lek hial, kei chuan tlân thuai thuai ka duh.
Zotui ka thleng a,kan inah pawh lût hmasa lovin phûr takin a in ka pan, ka va hrilhhai ém!! Tala-in a lo inkalh tlat, ka mit vai emaw ka ti, Apuiite inah a kal a nih ringin ka kal leh nghal; mahse, ani pawhin a lo hre miah lo. A zin tih chauh a lo hria.
Khawnge a awm ang le? Ka phone dáwn țhìn, a tlang thei miah lo. Ka hmangaih hian min kalsan tihna em ni? Min hmangaih ve ni khân ka hre si a, thil ni thei a ni lo. A in lamah ka tlân leh nghal a; mahse, a lo la inkalh tho.
A in kawtah ka ding reng. Khawiah emaw a kal ang a, min phone thei bîk lo a ni ang. Ka nghâk reng a, dârkâr a liam a, a lo haw thei chuang lo. Ina haw ka peih lo, a in bathlàrah ka ding tlaivâr. A lo lêt thut thei si a.
Ka mittui a lo tling leh kuang kuang tawh. Heti khawp hian min ngaiin min lo thlahlel a, hrehawm a tihzia a ziak hreh hauh lo. Ka mitthla uar uar a, ka in bathlàra a ding reng tùr leh ka haw hun a nghâk reng tùr chu. Ka mittui chu a far ta fap a, ka khawngaih lutuk avànga ka mittui tla chu ka zak bîk lo.
25th April (Tue): Mi min biakna chu mûmal pawhin ka chhâng lo, ka rilruah thil pakhat chiah a awm. Apuii hnênah ka kal leh a, ani hi a țhian a ni a, eng emaw chu a hrilh ngei ang; mahse, ani pawh a lo buai ém ém tho. Eng mah a lo hrilh bîk lo a ni ang, ka va tibuai teh rêng ém!
John-a nèn bike-a an inphurh thu a sawi chhuah chuan ka thin a tiphu zawk mai. Min kalsan theih nân mipa dang a pan maw? Min hmangaih a, min kalsan a tum tho si.
Inah ka haw a, har hle mah se ngun takin kan chungchâng ka ngaihtuah lêt a, ka rilru buai ém ém laia a bula ka thil sawi zawng zawngte, min demna thu pakhat mah a chhâk chhuak duh miah lote ka ngaihtuah lêt a, Nundika nu kan entîr dáwn ni thlengin. Ka ngaihtuah chhuak thiam ta, min kalsan a lo tum reng a ni.
Min kalsan a tum vàngin zànah a bula riak tùrin min sâwm a, hei hi zàn danga a duh ngai loh leh a sawi chhuah ngai loh a ni. Ka lo hre chhuak lawk lo lehnghal, a va màwl theih teh lul ém!
Ka ngai lutuk chu ka muhìl thei lo, khumah ka let ka let a, mipa pawh ka pà zo lo țêp a ni, ka mittui pawh a tla. Ka hmangaih èm avàngin ka zak lo, ka ngai ém atin ni.
A mittuiin a farna a ni ngei ang, pen tui pawh a pherh deuh nian mai.
Min ngaih vángin a mittui a tla hial a ni si, a diary chu ka khup thawk a, ka chhiar duh tawh lo. Ka țap chhuak mai ang, ka mittui far fap fap chu ka hru hul a, a diary a airbag-a ka khung dáwn chiah chuan kawngka kik ri ka hre nghal. Ka dah vat vat a, inhru hul leh thuak thuakin ka va hawng nghal a.
"Tinge i kalh kher a? Min tihlauthãwng țêp alawm."
Nui lui sak chungin,"Novi chhuah a tum zêl a," ka ti ve zaih.
"I țap em ni?"
Hawi sawn vatin,"Teuh lo mai, ka mitah eng emaw a lût a,"ka ti leh a, Novi chu ka hnaih nghal daih a.
"Thil thup i nei chiang."
He pa thil chîk thei lutuk hi chu, a lakah hian thil zêp tak tak theih pawh a ni lo.
"Ti ta daih ila, Apuii a dam țha em? Min ngei àwm mang e,"ka ti daih a.
"Phone mai la?"
"A number ka nei tawh lo."
"Ka nei alawm."
"Nakinah le, chaw ei kham lamah."
Dàwrah chuan keimah ka chhuk leh zâwk rih a, U Dika leh Tetea chuan fel an tih thu an lo sawi sap sap a. A rûk tak chuan ka hlim nui ver ver mai.
Zànah chuan John-a'n min rawn phone a, naktûk lama rawn phei a tum thu min hrilhin Nunhlua lo phei leh phei loh min zâwt nghal a, he pa hi a ni chiang mai, engkim Nunhlua hrilh vektu hi.
"John-a hnên ațangin em ni ka chanchin hi i hriat ?"
"Aw."
"Min ngei em?"
"Ka hmangaih che."
Min chhànna chuan min tidang hneh lutuk a, țawng leh tùr pawh ka hre lo. Ka rin loh dàn deuha min chhàn vàng vek, ' Ka ngei deuh che' tia min chhàn ka rin teh lul nèn.
"Tinge i ngawih tâk reng a? 'Kei pawh le' i tih ka ring a nia."
"I hre sa reng alawm."
"Hriat hi a châkawm reng a ni. Hre tawh tih a awm thei hlei nem."
Ka chhàn dáwn lai tak chuan phone a rawn ri a, Pa Thana number a ni tlat mai.
"Aw, Bekte, hei Novi pa palâite hmel kan hmu a, nizàn khân a ni tawh a."
Makti zetin Nunhlua chu ka en a, ani chuan a dàr a lo chhìn ãk ringawt a, kan inbiakna a lo hre ve azeng pawh a ni lo.
"Chuan?"
"Keini lamah chuan buaina a awm lo va, nangma thu thu kan ti a."
"A, in thu thu."Min tihamhaih zo vek.
Kan inbiak zawh chuan Nunhlua en nghalin," Ngatinge min hrilh loh?"ka ti ringawt a.
"Eng maw?"
"Palâi i tîr a."
"Tîr e."
"Min hrilh tùr a nia."
"Chu, hrilh ngai lovin i hria alawm."
He pa hian ngatinge țha deuhin min chhàn loh le?
"Min tihamhaih zo vek."
"Lo kal hnai teh."
Ka ding reng chu min rawn pan hnai a, min kuah ta hlù hlù a.
"Hamhaihna tùr a awm lo, nupuiah neih che ka tum mai a nia."
"I ti tak tak ti raw?"
Min kuah nghet sauhin," Tùn aia ka thutak hi ka la hre lo,"a ti sup a, ka hlim lutuk chu ka mittui a lo hnai leh tawh.
"Ka mithmuh ata hi kaltîr leh che ka tum tawh lo, ka bula awm reng tùrin ka duh che."
Ka thil hriat avàng chuan ka hlim a, ka lãwm bawk si, ka mumang a ni ang tih ka hlau.
"Ka mumang mai a ni ang tih ka hlau."
"Mumang nihtîr ka tum miah lo."
Sawi tùr tam tak ka nei; mahse, tunah hi chuan sawi ka tum rih lo. Ka hlim a, ka hlimna hi neih reng rih ka duh.
Chhuatah chuan kan mu a, Novi ka ngaihtuah viau nain a pa ka ngaihtuah ve tho bawk si. An bula mut ka duh ve ve bawk si a, sitting room chhuatah kan mu ta dal mai.
"Hetia kuah reng che hi ka duh a ni."
"Min kuah reng hi."
"Zan tinin."
"Kan inneih hnuah."
Ka nghâwnga fawh zoh pahin,"Ka nghâk rei tawh che a, rei ka nghâk tawh dáwn lo che a nia,"a ti thãwp sut a.
"Naktûkah ti mai ila?"
"Min fiam miah suh."
Min dap ruk ruk a, ka kawr a rawn zen a, ka mûr ar ar mai.
"Pawi ka khawih miah lo ang."
Ka nuih a tiza tawp.
"I taksa nãl han mai chûl hi a nuam ka ti."
Min chûl kual dan dan a, kei pawhin ka lo dawh hârh hârh zel a, a remchàn dàn angin ka lo chûl lêt ve a.
"Kei pawh."
"Naktûkah haw phei ila?"
"A va mak thut thut àwm ve!"
"Nghah rei ka duh lo. Novi pawh pa nei lovin a awm rei tawh alawm."
"A nei reng che alawm."
"A pa bulah a awm lo rei alawm."
"Apuii a thinrim ngawt ang, hmuh a huphurhawm tawp."
"Novi a hmu ang a, a thinrim rei lo tawp ang."
"Khua han vâr phawt se, kan ngaihtuah țha dáwn nia aw."
Min mamawhzia chu ka hre chiang khawp mai, a insûm nasa ngawt ang chu, ka khawngaih roh.
"Ka hmangaih che, Nunhlu. Ka hmangaih lutuk che."
"Min hmangaih chuan che tawh suh."
Thovin bathroom-ah rei fé chu a va awm, a lo lêt hun ka lo nghâk a, ka lo meng kar.
A lo mut hnu chuan min kuah leh tho, thaw hawkin,"Ka nghâk hrâm hrâm ang; mahse, min nghah reitîr lo hrâm rawh aw,"a ti sup a.
"Um, i tih hun hunah ka nei ang che."
"Ka hmangaih che, Rebek. Min hmangaih avàngin ka lâwm a, hmangaihna awmzia min hriattîr bawk a ni."
"Kei pawhin ka hmangaih che. Chhûngkua min pêk avàngin ka lâwm a, fahrah ka nihna ang lova min hmangaih avàng leh ka chanchin engkim hriaa min hmangaih tho avàngin ka lâwm em em bawk, ka kalsan tawh miah lo ang che."
Pathian hnênah làwmthu ka sawi a, min hmangaih ém émtu Nunhlua min pêk avàng leh min hmangaih avàngin. Ka naupan laia ka thil tawn râpthlâk tak avànga nun khawlo ka neih chhoh loh vàng leh min vènna zawng zawngah pawh làwmthu ka sawi bawk.
Rilru hlim takin, Zotuia ka lêt leh hun tùr leh Nunhlua nèn kan inneih hun tùr rilrua ngaihtuah chungin leh Nunhlua, duat taka min kuah chialtu âwm nghèng chialin mumang ramah chuan ka lût ta riai riai a.
A TÀWP TA.
( REBEK chhiartute, in chungah làwmthu ka sawi mawlh mawlh e. Story thar nèn kan inhmu leh thuai dáwn nia)
Comments
Post a Comment