☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆RUATDIKA☆ - 1 By Dingdi Pachuau
Inrinni a ni a,in hnuai kan sak avàngin ka buai ve hle mai. Ka tih ve theih tâwk mistiri hnêna leirawhchan lo pêk khâwl leh a țûl apianga tirh tùrin ka duty a. Khua a lumin nî a sa viau mai; mahse, in hnuaia hna kan thawh miau avàngin ni sâ kan hre lo va, a zia phian.
Chhùn chawlh laiin ka phone a rawn ri ve hlawl mai, mak ka ti viau, a àwm rêng bawk a. A chhan chu Airtel signal ka nei țha lo va, phone call pawh ka dawng khât khawp. Chutia ka phone lo ri ve ta chu, ka țhian tu ber nge ni ang aw ti rilruin, phûr zetin ka ban nghal a.
Number ringawt! Hetiang number ringawt call dawn hi nuam ka ti ngai lo, ka ngai serious thei lutuk a.
"Hello?"
"Dingdi Pachuau, Ruatsanga story ziaktu kha i ni em?"
Teh tâwng chuan.
Ka ziah a ni ve miau bawk si a, 'Ni lo' tih thu awm bîk hek suh,"Aw, ni e,"ka ti ringawt. Story ziah lam min sawipui dáwn chuan sawi tùr a vâng ngawt ang.
"Zorini ka nia, ka chanchin hi min ziahsak ve la ka duh a ni."
Ngawt mai a, a manganthlâk teh e. Ka hun hman mêk nèn hian a va inmil lo tak ém!
A hming - Zorini. Ka hre ngai miah lo. Chubâkah, mi chanchin ka ziak ngai si lo, engtin nge ka tih ang?
"Mi chanchin ka ziak ngai lo va."
"Lalhlimpuia pawh i ziah kha."
Ka dang chiang hle mai!!! Kha kha chu ka ziah mai mai asin le, keima rilru puak chhuaka ka ziah, tuna mi nèn chuan a inang hauh lo ang.
" A tak ang taka ziah pawh a ngai chuang lo, thawnthu pângngai ang tawpin ziak mai rawh."
Ka va huphurh tak! Ka hmelhriat sa chu ni se ka hnial ngei ang; mahse, ka hriat ngai pawh ni si lovin min rawn phone ve țâwk țâwk si a, lo hnial chu ka hreh ve bawk si. Ka mizia hi ka duh lo.
"Aw, ni rawh se."
"Ka lâwm ngawt ang."
Zànah ka hman veleh ka room-ah ka lût vat a, laptop chu la chhuakin ka țhiani tâna thil ka tihsak tùrah chuan ka bûr țan nghal mawlh mawlh a.
**************
Lêngpui Airport-a kan han țum leh thei chu ka làwmin Mizoram sik leh sa ka han tem leh tùr ringawt pawh chu ka phûr lutuk ringawt. Mizorama ka awm lohna kum 5 vêl zet a ni ta, a leilung ka han rap leh thei chu ka lâwm tak zet a, ka tih tùr huphurhawm tak chu theihnghilhin boruak chu ka hîp vang vang a. Hm, hei ngei hi ka lo sei lenna ram kha a nih hi, ram dangah leh hmun dangah awm mah ila, he ka sei lenna ram ngei hi ka ngai țhìn a nih kha.
"Angel-i i ni em?"
Ka meng nghal thuai. Ka hmaa mipa sâng thlarh ding chu ka hmu nghal bawk, he pa hian min bia tihna em ni?
"Keimah maw?"
"Aw, nangmah kha."
A awka chhuak ațang chuan min nuihzat tih ka hre nghal mai. Ka nèl chi a ni lo nghal tih ka hria, mi nuihzat chîng hi ka tei thei miah lo.
"Ka pi driver i ni em?"
"Angel-i i nih chuan min zui rawh."
Ka luggage chu min kenpui a tum miah lo nia! Mipa hawihhâwm lo lutuk. Ka pi pawh hian hetiang driver te neih rêng rêng, vawi khat inhmuhna ațangin min la nuihzat zui.
Ka luggage chu motor-a dah luh ka tum teuh lo, keimah chu ka lût that a. Ani, driver chak a awm a, mipa awm renga hmeichhiain luggage dah luhte chu a. Ka tum teuh lo.
Kan tlân chak ang reng. Khua a țha a, ka rin ai chuan a lum lo. Chennai khaw lum lutuk ka hlatsan thei hi lâwm viau tùr ka ni, tuna ka boruak hìp mêk hi Chennai-ah khân ka hîp ngai hlei nem.
Ka maimichhîng vang vang a, Aizawla ka pite in ka thlen huna ka chêt dàn tùr leh biak dàn tùr ka ngaihtuah lâwk a ngai.
Angel-i ka ni lo. Zorinpuii ka ni a, Angel-i aiawhin, a lem ka chang dáwn a ni.
Angel-i hi kei aiin kum 3- in a upa a; mahse, a ngo reuh a, a lang upa lo. Kum 22-na ka hmang mêk a, Chennai-ah Angel-i bulah ka khawsa bawk. Chennai khawpuia hotel lãr ber pawlah a thawk a, eng hna chiah nge a thawh phei chu ka hre lo, a hlawh tam ve viau chuan ka hria. Kei pawh hi a hmel hriatte zârah dàwr lian ve deuhah hna min hmuhsak a, hlawh tam vak lo mah se, pawisa ka thawk chhuak hrim hrim a, ka lâwm tâwk viau.
Fb ațanga inhria kan ni! Singapore-ah housemaid hna ka thawk a, kum 2 ka thawh hnuah Mizoramah ka haw zawk a, ka ni a boral tawh avàngin nuam ka ti lo va. Ka ni pasal chuan ka pawisa khâwl min eisak phêt a tum vàngin Singapore-ah ka kal leh a, kum hnih ka thawh hnuah Angel-i awmnaah hian ka kal ve daih. Ka haw duh tawh lo, chhûngte belh tùr tak tak ka nei si lo.
Angel-i hi a fel ka ti viau. Min duat a, inhmel hriat sa kan ni lo nain Whatsapp ațangin kan inbe reng a, a bula kal tùra min thlêmtu a ni. A chènna hi a zau lutuk lo nain a nuam ve reuh reng a, bazarna kan hlat lêm lo bawk nèn, ka ni pasal bula awm ai chuan a bula awm hi ka thlang fê.
"I mut a chhuak a ni maw?"
Min zawh kher a ngai lo e. Ka maimichhîng a nih chuan țawng ka peih lo tihna a ni mai a, min biak loh mai àwm. He pa hi a polite lo thlâwt ka ti, mi chinchâng hre tak a nih duh hmel nèn.
"Aw."
"Ka pi hnênah him takin i lo thleng tawh tih tal pawh hrilh i tum lo em ni?"
A thil sawi dàn hian min khei fek lehnghal a, ka duh leh ka phone ang a, a lo inrawlhna tùr a awm lo chiang e. Ani, driver mai mai lehnghal.
Ka pi driver chu ni lo se chuan ka liak hrep ang, thlawhna ka rui deuh nèn, ka awm a nuam lo nghulh asin.
"Min hrilh vàngin ka lâwm e."
Mi â tak a nih loh chuan ka aw ațang chuan ka lungawi vak lo tih a hre thei ang chu; mahse, a fing vak lo a ni ang, a polite lo em mai.
Ka phone chu la chhuakin Angel-i pi number chu ka hmet chhuak a, ka call ta nghal a.
Rei kan inbe lo, kan inbiak zawh chuan ka maimichhîng leh nghal daih, ka titi peih lo, ka titi tam loh poh leh a țha a ni mai.
"Engtia rei nge Mizoramah i awm tawh loh?"
Hm, min zâwt chîk ve siah. Ka chanchin hi ani lo hriat ve tùr a awm lo asin.
"A rei tawh."A tâwk chiah, hetiang hian chhâng keuh ang, a titi rei peih tawp nâng.
"I nu kha engtia boral nge a nih?"
Ka nu a hre tawp lo ang, kei pawhin ka hre mang lo a nia.
"Ka nu i hria em ni?"
"Aw."
Ni lo, Angel-i alawm ka nih, ka chal bêng koh kohin ka rilruin, " Angel-i ka ni, ka theihnghilh tùr a ni lo,"ka ti leh rih a.
Engtia thi nge kha? Pneumonia nge septicaemia? Angel-i nu thihna kha.
"Septicaemia vàng a nia."
"Shillong-ah ti raw a boral kha?"
"Aw."
He pa hi, ka rin aiin thil a hre hrep mai ka ti. Ka pi hian a driver mai mai pawh hi chhûngkaw thil engkim a hrilh vek tihna em ni le? Ka țawng fîmkhur a ngai, ka țawng sual hlauh chuan a pawi thei dáwn tlat.
Min biak chhun zawm tâk loh avàng chuan ka thaw huai a, inring reng leh dâwt sawi inpeih at renga ka awm a ngai. Ka maimichhîng a, Angel-i nèna ka titi kha ka ngaihtuah chhun zawm a.
**************
"Zorin, thu thar țha deuh hrilh tùr che ka nei a nia."
"A va làwmawm ve! Hriat a châkawm hle mai."
Hlim tih hriat zet hian,"Chhûngte ka lo nei reng a!"a ti hliai a, makti zet hian ka en a, ka lawmpui rual rualin ka malzia ka hre thar leh a.
"Ka lawmpui che."
Chhûngte neih loh hrehawmzia ka hria. Ka ni min hrilh dàn chuan ka têt laiin min hringtu ka nu a boral a, ka pa chuan nupui dang a neih vàngin ka ni hnênah ka awm. Ka pa pawh chu motor accident-ah a boral leh hlauh mai a. Ka ni chuan pasal a neih hnuah Singapore-ah ka kalsan a, ka kal hlànin a lo boral leh si, ka tân chuan vànpui a chim tak meuh a ni.
"Ka pi chuan Mizorama zin chho tùrin min chah a."
A nuam viau ang chu.
"Chuan, kal i tum ta a, a țha lutuk tlat."
"Tum nâng, ka aiawhin i kal mai ang chu."
Makti zetin ka en hrâ a, hnial tuma țawng ka tum lai chuan,"Min hnial miah suh, inngaihtuah hmasa phawt rawh,"a ti khauh a.
Ni lo, a aiawhin ka kal thei lo tawp ang, a fiamthu mai mai a nih hi.
"Fiamthu sawi lo teh."
"Ka thutak khawp mai."
"I ti tak tak lo ti raw?"
"Engvàngin nge ka tih tak tak loh ang?"
"A chhan chu thil theih loh hul hual a ni."
Awlsam zet hian,"Thil theih loh hul hual a nihna ka hre lo, i han kal ang a, kâr khat hnuah i lo chhuk leh mai dáwn alawm,"a ti leh mai a.
A hmelah tifiam hmel hmuh tumin ka en a; mahse, a ti tak hle si. Hei hi chu a harsa deuh a ni, dâwt ka sawi a ngai dáwn asin.
"Angel..."
"Dàwra i hna tùr hmuhsaktu che ka ni ti raw?"
"Ni e, ka lâwm viau reng a ni; mahse,.."
"Zorin, min hnial lo teh, University țhaa luh kha i duh a ni lo'm ni?"
"Duh e; mahse,.."
"Fee ka tumsak ang che."
Ka hnial nasa, ka theihtâwpin. Min hnial thla zar zar a, hnial khàn pawh ka hre tawh lo.
"Hun i nei lo tih hrilh mai la?"
"Ka pi chu ka hrilh vek tawh. I han kal ang a, a ro ka chan theih phawt chuan ka sem țhen ve ang che."
Râpthlâk ti zet hian ka en reng a, nuam a ti lutuk bîk lo a ni maithei, nui deuh chung hian,"Ka pi chu a hrisêl tawh lo hle a, a upa tawh bawk a,"a ti leh a.
"Chu, a boral țêp tawh i tihna em ni?"
"Aw, a thih hma ngeia min hmuh a duh a."
"Chuti, kal mai la?"
"Ka theih loh hi, ka hna hi ka kalsan thei lo."
"I pi chu hrilh mai la?"
"Hna ka nei tih ka hrilh lo, part-time job thawk angin ka insawi alawm."
"Dâwt i hrilh maw?!!!"
"Dâwt tènau mai mai. Min khawngaih se ka duh si alawm. Hna ka nei tih an hriat chuan min ngaihsak țha duh nâng."
Ka hnial fê hnuah hetiang hi kan thleng ta a ni. A duh lohnaah chuan a nunrâwng thei hle țhìn tih ka hre ve kiau bawk si a, ka hnial zo ta lo. Ka bo hle loh nân a pite chanchin chu min hrilh nual rêng a, ka hre ta nual bawk a ni.
***************
"Kan thleng țêp tawh em?"
Ka biak hmasak vawi khatna.
"Țêp lo."
Tãwi ve khawp mai. Ka pite in kan thlen hma loh chu kan inbe tawh lo.
Ka pite chu Laipuitlânga awm an ni a, compound an lo nei zau khawp mai. Kawt zâwl zau zet mai neiin an in chu en rêng rêng pawhin architect thiam tak ruahmanna hnuaia sak a ni tih a hriat ngawih ngawih. Lal in a nih duh hmel ka ti ve tawp.
Veranda-ah ka pi chuan min lo hmuak a, ka pi a ni tih ka hriat theihna pawh a thlalâk Angel-i phone-ah ka hmu tawh tlat a; mahse, ka rin aiin a tar lo tlat.
Motor ațanga ka chhuk chu ngun zet hian min lo thlêk a, ka chhîp ațanga ka ke lèr thlengin chîk zetin min en chhuak dap. Jeans tight țeng țawng ka lo ha lo chu ka inchhîr lo khawp mai, Angel-i nèn ka pi duh zâwng tùr ber nia kan hriatin ka inthuam ve tlat.
"Dear Angel, ka lo làwm a che. Ka hmu che chu ka lâwm khawp mai, i chau em?" Min kuah nghal a, min kuah nghet viau lehnghal a.
"Chau lo ve, ka pi.Kei pawh ka hmu thei che hi ka lâwm a ni,ka hmu nula viau lehnghal che a."
A nui hak hak a, ka thil sawi chuan a tilâwm ve hle a ni ang.
"Ka lâwm e, ka naute. I ril a țâm em?"
"Țâm lo ve." Angel-i pi hi ka ngainat zâwng tak tùr a ni ve tlat, min lawm dàn hi a der miah lo lehnghal.
"I room tùrah ka hruai ang che aw."
Ka pi driver chuan ka luggage a rawn nawr lût teh tlat a! A hna a ni rêng a ni, khati mai tùr kha.
"Oh, Bawiha, in inhre tawn tawh em?" Ka pi hi a fel ve reng reng a nih dáwn hi, a țawngkam a țha viau bawk.
"Ka pi, ka hre tawh e."
Ka lam hawia nui sâng chung hian,"Ka naute, hei hi i unaupa Ruatdika a nih hi, in inhriat tawh ka ring tho a, ani hian min awmpui a,"a ti ta.
Ka pi driver hi ka unaupa tùr maw!!! Ka pi driver ni lovin ka unaupa maw ni a!!! Ka rei leh! He inah hian kan awmho dáwn si maw! A ni thei lo.
Inrinni a ni a,in hnuai kan sak avàngin ka buai ve hle mai. Ka tih ve theih tâwk mistiri hnêna leirawhchan lo pêk khâwl leh a țûl apianga tirh tùrin ka duty a. Khua a lumin nî a sa viau mai; mahse, in hnuaia hna kan thawh miau avàngin ni sâ kan hre lo va, a zia phian.
Chhùn chawlh laiin ka phone a rawn ri ve hlawl mai, mak ka ti viau, a àwm rêng bawk a. A chhan chu Airtel signal ka nei țha lo va, phone call pawh ka dawng khât khawp. Chutia ka phone lo ri ve ta chu, ka țhian tu ber nge ni ang aw ti rilruin, phûr zetin ka ban nghal a.
Number ringawt! Hetiang number ringawt call dawn hi nuam ka ti ngai lo, ka ngai serious thei lutuk a.
"Hello?"
"Dingdi Pachuau, Ruatsanga story ziaktu kha i ni em?"
Teh tâwng chuan.
Ka ziah a ni ve miau bawk si a, 'Ni lo' tih thu awm bîk hek suh,"Aw, ni e,"ka ti ringawt. Story ziah lam min sawipui dáwn chuan sawi tùr a vâng ngawt ang.
"Zorini ka nia, ka chanchin hi min ziahsak ve la ka duh a ni."
Ngawt mai a, a manganthlâk teh e. Ka hun hman mêk nèn hian a va inmil lo tak ém!
A hming - Zorini. Ka hre ngai miah lo. Chubâkah, mi chanchin ka ziak ngai si lo, engtin nge ka tih ang?
"Mi chanchin ka ziak ngai lo va."
"Lalhlimpuia pawh i ziah kha."
Ka dang chiang hle mai!!! Kha kha chu ka ziah mai mai asin le, keima rilru puak chhuaka ka ziah, tuna mi nèn chuan a inang hauh lo ang.
" A tak ang taka ziah pawh a ngai chuang lo, thawnthu pângngai ang tawpin ziak mai rawh."
Ka va huphurh tak! Ka hmelhriat sa chu ni se ka hnial ngei ang; mahse, ka hriat ngai pawh ni si lovin min rawn phone ve țâwk țâwk si a, lo hnial chu ka hreh ve bawk si. Ka mizia hi ka duh lo.
"Aw, ni rawh se."
"Ka lâwm ngawt ang."
Zànah ka hman veleh ka room-ah ka lût vat a, laptop chu la chhuakin ka țhiani tâna thil ka tihsak tùrah chuan ka bûr țan nghal mawlh mawlh a.
**************
Lêngpui Airport-a kan han țum leh thei chu ka làwmin Mizoram sik leh sa ka han tem leh tùr ringawt pawh chu ka phûr lutuk ringawt. Mizorama ka awm lohna kum 5 vêl zet a ni ta, a leilung ka han rap leh thei chu ka lâwm tak zet a, ka tih tùr huphurhawm tak chu theihnghilhin boruak chu ka hîp vang vang a. Hm, hei ngei hi ka lo sei lenna ram kha a nih hi, ram dangah leh hmun dangah awm mah ila, he ka sei lenna ram ngei hi ka ngai țhìn a nih kha.
"Angel-i i ni em?"
Ka meng nghal thuai. Ka hmaa mipa sâng thlarh ding chu ka hmu nghal bawk, he pa hian min bia tihna em ni?
"Keimah maw?"
"Aw, nangmah kha."
A awka chhuak ațang chuan min nuihzat tih ka hre nghal mai. Ka nèl chi a ni lo nghal tih ka hria, mi nuihzat chîng hi ka tei thei miah lo.
"Ka pi driver i ni em?"
"Angel-i i nih chuan min zui rawh."
Ka luggage chu min kenpui a tum miah lo nia! Mipa hawihhâwm lo lutuk. Ka pi pawh hian hetiang driver te neih rêng rêng, vawi khat inhmuhna ațangin min la nuihzat zui.
Ka luggage chu motor-a dah luh ka tum teuh lo, keimah chu ka lût that a. Ani, driver chak a awm a, mipa awm renga hmeichhiain luggage dah luhte chu a. Ka tum teuh lo.
Kan tlân chak ang reng. Khua a țha a, ka rin ai chuan a lum lo. Chennai khaw lum lutuk ka hlatsan thei hi lâwm viau tùr ka ni, tuna ka boruak hìp mêk hi Chennai-ah khân ka hîp ngai hlei nem.
Ka maimichhîng vang vang a, Aizawla ka pite in ka thlen huna ka chêt dàn tùr leh biak dàn tùr ka ngaihtuah lâwk a ngai.
Angel-i ka ni lo. Zorinpuii ka ni a, Angel-i aiawhin, a lem ka chang dáwn a ni.
Angel-i hi kei aiin kum 3- in a upa a; mahse, a ngo reuh a, a lang upa lo. Kum 22-na ka hmang mêk a, Chennai-ah Angel-i bulah ka khawsa bawk. Chennai khawpuia hotel lãr ber pawlah a thawk a, eng hna chiah nge a thawh phei chu ka hre lo, a hlawh tam ve viau chuan ka hria. Kei pawh hi a hmel hriatte zârah dàwr lian ve deuhah hna min hmuhsak a, hlawh tam vak lo mah se, pawisa ka thawk chhuak hrim hrim a, ka lâwm tâwk viau.
Fb ațanga inhria kan ni! Singapore-ah housemaid hna ka thawk a, kum 2 ka thawh hnuah Mizoramah ka haw zawk a, ka ni a boral tawh avàngin nuam ka ti lo va. Ka ni pasal chuan ka pawisa khâwl min eisak phêt a tum vàngin Singapore-ah ka kal leh a, kum hnih ka thawh hnuah Angel-i awmnaah hian ka kal ve daih. Ka haw duh tawh lo, chhûngte belh tùr tak tak ka nei si lo.
Angel-i hi a fel ka ti viau. Min duat a, inhmel hriat sa kan ni lo nain Whatsapp ațangin kan inbe reng a, a bula kal tùra min thlêmtu a ni. A chènna hi a zau lutuk lo nain a nuam ve reuh reng a, bazarna kan hlat lêm lo bawk nèn, ka ni pasal bula awm ai chuan a bula awm hi ka thlang fê.
"I mut a chhuak a ni maw?"
Min zawh kher a ngai lo e. Ka maimichhîng a nih chuan țawng ka peih lo tihna a ni mai a, min biak loh mai àwm. He pa hi a polite lo thlâwt ka ti, mi chinchâng hre tak a nih duh hmel nèn.
"Aw."
"Ka pi hnênah him takin i lo thleng tawh tih tal pawh hrilh i tum lo em ni?"
A thil sawi dàn hian min khei fek lehnghal a, ka duh leh ka phone ang a, a lo inrawlhna tùr a awm lo chiang e. Ani, driver mai mai lehnghal.
Ka pi driver chu ni lo se chuan ka liak hrep ang, thlawhna ka rui deuh nèn, ka awm a nuam lo nghulh asin.
"Min hrilh vàngin ka lâwm e."
Mi â tak a nih loh chuan ka aw ațang chuan ka lungawi vak lo tih a hre thei ang chu; mahse, a fing vak lo a ni ang, a polite lo em mai.
Ka phone chu la chhuakin Angel-i pi number chu ka hmet chhuak a, ka call ta nghal a.
Rei kan inbe lo, kan inbiak zawh chuan ka maimichhîng leh nghal daih, ka titi peih lo, ka titi tam loh poh leh a țha a ni mai.
"Engtia rei nge Mizoramah i awm tawh loh?"
Hm, min zâwt chîk ve siah. Ka chanchin hi ani lo hriat ve tùr a awm lo asin.
"A rei tawh."A tâwk chiah, hetiang hian chhâng keuh ang, a titi rei peih tawp nâng.
"I nu kha engtia boral nge a nih?"
Ka nu a hre tawp lo ang, kei pawhin ka hre mang lo a nia.
"Ka nu i hria em ni?"
"Aw."
Ni lo, Angel-i alawm ka nih, ka chal bêng koh kohin ka rilruin, " Angel-i ka ni, ka theihnghilh tùr a ni lo,"ka ti leh rih a.
Engtia thi nge kha? Pneumonia nge septicaemia? Angel-i nu thihna kha.
"Septicaemia vàng a nia."
"Shillong-ah ti raw a boral kha?"
"Aw."
He pa hi, ka rin aiin thil a hre hrep mai ka ti. Ka pi hian a driver mai mai pawh hi chhûngkaw thil engkim a hrilh vek tihna em ni le? Ka țawng fîmkhur a ngai, ka țawng sual hlauh chuan a pawi thei dáwn tlat.
Min biak chhun zawm tâk loh avàng chuan ka thaw huai a, inring reng leh dâwt sawi inpeih at renga ka awm a ngai. Ka maimichhîng a, Angel-i nèna ka titi kha ka ngaihtuah chhun zawm a.
**************
"Zorin, thu thar țha deuh hrilh tùr che ka nei a nia."
"A va làwmawm ve! Hriat a châkawm hle mai."
Hlim tih hriat zet hian,"Chhûngte ka lo nei reng a!"a ti hliai a, makti zet hian ka en a, ka lawmpui rual rualin ka malzia ka hre thar leh a.
"Ka lawmpui che."
Chhûngte neih loh hrehawmzia ka hria. Ka ni min hrilh dàn chuan ka têt laiin min hringtu ka nu a boral a, ka pa chuan nupui dang a neih vàngin ka ni hnênah ka awm. Ka pa pawh chu motor accident-ah a boral leh hlauh mai a. Ka ni chuan pasal a neih hnuah Singapore-ah ka kalsan a, ka kal hlànin a lo boral leh si, ka tân chuan vànpui a chim tak meuh a ni.
"Ka pi chuan Mizorama zin chho tùrin min chah a."
A nuam viau ang chu.
"Chuan, kal i tum ta a, a țha lutuk tlat."
"Tum nâng, ka aiawhin i kal mai ang chu."
Makti zetin ka en hrâ a, hnial tuma țawng ka tum lai chuan,"Min hnial miah suh, inngaihtuah hmasa phawt rawh,"a ti khauh a.
Ni lo, a aiawhin ka kal thei lo tawp ang, a fiamthu mai mai a nih hi.
"Fiamthu sawi lo teh."
"Ka thutak khawp mai."
"I ti tak tak lo ti raw?"
"Engvàngin nge ka tih tak tak loh ang?"
"A chhan chu thil theih loh hul hual a ni."
Awlsam zet hian,"Thil theih loh hul hual a nihna ka hre lo, i han kal ang a, kâr khat hnuah i lo chhuk leh mai dáwn alawm,"a ti leh mai a.
A hmelah tifiam hmel hmuh tumin ka en a; mahse, a ti tak hle si. Hei hi chu a harsa deuh a ni, dâwt ka sawi a ngai dáwn asin.
"Angel..."
"Dàwra i hna tùr hmuhsaktu che ka ni ti raw?"
"Ni e, ka lâwm viau reng a ni; mahse,.."
"Zorin, min hnial lo teh, University țhaa luh kha i duh a ni lo'm ni?"
"Duh e; mahse,.."
"Fee ka tumsak ang che."
Ka hnial nasa, ka theihtâwpin. Min hnial thla zar zar a, hnial khàn pawh ka hre tawh lo.
"Hun i nei lo tih hrilh mai la?"
"Ka pi chu ka hrilh vek tawh. I han kal ang a, a ro ka chan theih phawt chuan ka sem țhen ve ang che."
Râpthlâk ti zet hian ka en reng a, nuam a ti lutuk bîk lo a ni maithei, nui deuh chung hian,"Ka pi chu a hrisêl tawh lo hle a, a upa tawh bawk a,"a ti leh a.
"Chu, a boral țêp tawh i tihna em ni?"
"Aw, a thih hma ngeia min hmuh a duh a."
"Chuti, kal mai la?"
"Ka theih loh hi, ka hna hi ka kalsan thei lo."
"I pi chu hrilh mai la?"
"Hna ka nei tih ka hrilh lo, part-time job thawk angin ka insawi alawm."
"Dâwt i hrilh maw?!!!"
"Dâwt tènau mai mai. Min khawngaih se ka duh si alawm. Hna ka nei tih an hriat chuan min ngaihsak țha duh nâng."
Ka hnial fê hnuah hetiang hi kan thleng ta a ni. A duh lohnaah chuan a nunrâwng thei hle țhìn tih ka hre ve kiau bawk si a, ka hnial zo ta lo. Ka bo hle loh nân a pite chanchin chu min hrilh nual rêng a, ka hre ta nual bawk a ni.
***************
"Kan thleng țêp tawh em?"
Ka biak hmasak vawi khatna.
"Țêp lo."
Tãwi ve khawp mai. Ka pite in kan thlen hma loh chu kan inbe tawh lo.
Ka pite chu Laipuitlânga awm an ni a, compound an lo nei zau khawp mai. Kawt zâwl zau zet mai neiin an in chu en rêng rêng pawhin architect thiam tak ruahmanna hnuaia sak a ni tih a hriat ngawih ngawih. Lal in a nih duh hmel ka ti ve tawp.
Veranda-ah ka pi chuan min lo hmuak a, ka pi a ni tih ka hriat theihna pawh a thlalâk Angel-i phone-ah ka hmu tawh tlat a; mahse, ka rin aiin a tar lo tlat.
Motor ațanga ka chhuk chu ngun zet hian min lo thlêk a, ka chhîp ațanga ka ke lèr thlengin chîk zetin min en chhuak dap. Jeans tight țeng țawng ka lo ha lo chu ka inchhîr lo khawp mai, Angel-i nèn ka pi duh zâwng tùr ber nia kan hriatin ka inthuam ve tlat.
"Dear Angel, ka lo làwm a che. Ka hmu che chu ka lâwm khawp mai, i chau em?" Min kuah nghal a, min kuah nghet viau lehnghal a.
"Chau lo ve, ka pi.Kei pawh ka hmu thei che hi ka lâwm a ni,ka hmu nula viau lehnghal che a."
A nui hak hak a, ka thil sawi chuan a tilâwm ve hle a ni ang.
"Ka lâwm e, ka naute. I ril a țâm em?"
"Țâm lo ve." Angel-i pi hi ka ngainat zâwng tak tùr a ni ve tlat, min lawm dàn hi a der miah lo lehnghal.
"I room tùrah ka hruai ang che aw."
Ka pi driver chuan ka luggage a rawn nawr lût teh tlat a! A hna a ni rêng a ni, khati mai tùr kha.
"Oh, Bawiha, in inhre tawn tawh em?" Ka pi hi a fel ve reng reng a nih dáwn hi, a țawngkam a țha viau bawk.
"Ka pi, ka hre tawh e."
Ka lam hawia nui sâng chung hian,"Ka naute, hei hi i unaupa Ruatdika a nih hi, in inhriat tawh ka ring tho a, ani hian min awmpui a,"a ti ta.
Ka pi driver hi ka unaupa tùr maw!!! Ka pi driver ni lovin ka unaupa maw ni a!!! Ka rei leh! He inah hian kan awmho dáwn si maw! A ni thei lo.
OconcnaprotyoSpringfield Steven Ferniza https://wakelet.com/wake/AY2QwsN_qg_uj3S0cJnwk
ReplyDeletelectdolohor