☆RUATDIKA☆- 10

☆RUATDIKA☆- 10 By Dingdi Pachuau


Ruatdika
~~~~~~~


A hmui mawlh mai kha, ka fâwp leh châk a ni. Nêm thap, sexy ém ém mai leh fawh nuam zet kha, ka ngaihtuah zâwng leh ka mitthla ringawt pawhin ka thisen a tilum thei nia! Shalla!! He nu hi hetiang zâwng hian ka ngaihtuah tùr a ni lo, ka pi hriat leh mit hmuhah hlauh phei chuan nula melh pawhin ka melh tùr a ni lo.


Cupboard ațangin in tùr ka dah țhat ka phawrh a, he nu vàng hian ka tih ngai tawh loh a vawi hnih nân zanin hian ka ti leh dáwn chu a nih hi. No-ah thli chhuakin ka in hlek a, thil kal tawh ka ngaihtuah kual a.


Ka piin 'cousin i nei a, chennai-ah a awm mêk' tih min hrilh chuan mak ka ti kher asin! Ka putea fanu a ni tih min hrilh chuan mak ka ti ta lo deuh, heta zin chho tùrin a sawm tih a sawi phei chuan kan hmuh ngai loh leh Mizoram pawh a la rawn kal ngai lo ang tih tùrin 'aw' a lo pawh ve mai  bawk si chuan ka ngaih a tițha lo rum rum mai. A chhan chu ka pi te leh putea te inkâr hi ka hre chiang ve êm a ni. Ka pi hi chuan ka putea fanu chu a hmu châkin a  duat hle dáwn tih ka hre nghal a; mahse, he 'ka cousin thar' hian ka pi chu a haw ve tho ang em? A nu a chhùn a nih hlauh chuan a chiang sa; mahse, hnial miah lova a lo 'aw' ringawt mai hian ka ngaihtuahna a tithui viau a ni.


Ka pi hnên ațangin a address chiang tak ka hre thei a, chutah chuan kei kal hman lo mah ila țhian ka nei ve e! Ka cousin thar address sawiah chuan nula pahnih an chêng tlat mai! Pakhat chuan hotel-ah hna a thawk, pakhat chu 'ka hre lo' a ti. An hming pawh Angel-i leh Zorini. Pakhat chu ka cousin thar chu a ni ngei e, ka pi khân 'Angel-i' a tih kha maw. An thlalâk pawh ka nei thlap, thil hriat chian hi ka duh dàn a ni țhìn.


Angel-i chu a lo kal ta ngei e. Nula chhe lo tak chu a ni, a nu a chhùn lo va, ka putea a chhùn hek lo. Ka motor ațang chuan ka en reng a, he nu hi ka cousin a ni lo tawp a ni ang. Ka țhianpain Angel-i thlalâk min rawn thawn chu ka en leh ngat a, thlalâka mi leh tuna a taka ka hmuh hi mi hrang hlak an ni si. A țhiannu Zorini zâwk kha a ni tlat a ni, hmm, eng emaw tak tih an tum a ni ang, ka pi lakah hian trick play an tum a ni chiang mai, kan hria ang chu.


A polite lo viauin ka hria. Hmeichhe naràn, hna thawh mumal pawh nei lo, mahni ram pawha awm peih lo hi chu ka hmuh dàn a sâng viau lo. He nu pawh hian ka pi lakah eng nge a duh, engvànga Angel-i lem rawn chang nge a nih, sum vàng a ni ngei ang chu. Hetiang hmeichhe dukdak lo hi chuan sum bâk an melh lo, sum an neihna tùr a nih phawt chuan eng mah tihhreh an nei lo.


Ka rin ang ngeiin ka pi bulah chuan lem chan a thiam khawp mai, ni lo, ka rin phâk bâk a ni zâwk. Zak lo ka ti viau mai; mahse, ka pi chuan a hlim phah ém ém thung. Hetiang khawpa  ka pi hlim hmél hi ka la hmu ngai lo, ka pi hlimna tihchhiat ka duh loh vàng chauhin ka insûm hrâm hrâm  a ni. Kan chunga lem a chang ngam hi a tisual hle tih chu ka la hriattîr mawlh ang, phuba ka la ang.


He nu mizia hi hriat thiam a har reuh zêk. Ina awm der der leh pawisa hman hiau hiau lam a àwn viau ka rin tehlul nèn, leileta kal leh ram kal nuam a ti tlat. A hmêlah nuam a ti tih ka hmu thei a, ni sa leh khaw lum hrehawm pawh engah mah a ngai miah lo. Hmeichhe dang ni se, an peih miah loh tùr thil a ni, mak ka ti, a la nui reng peih zui. Fanghmìrin a taksa a luhchilh laia a inhlîp kha ka hmu chiang vak lo nain hmeichhe nalh tâwk tak a ni, a vun a nalh tâwk viau bawk. Khumah han mut zar ila, a thawmhnaw kha han phelhsak pahin han zût kual ila...


Ka rin loh lam daih ațangin Neil-a a rawn lang ta. Ka țhian țha ber a ni a, kan inhre chiang viau. Hmeichhia a kawp ve nasa țhìn, a chhe lo miau a. A kawpte pawh class tak tak hlîr an ni, a kawp rei ngai lêm lo. Ani ai chuan kei hian ngaihzawng chu ka nei rei ziah a, ani hi chuan eng teh chiamah a ngai hran lo.


Ka duh aiin a rawn kal zing tlat. Ka nau ang a nih miau avàngin warning han pêk teh chiam a rem si lo. A duh tak tak pawhin ka ring lo, hmeichhia hi engah vak a ngaih loh țhin miau avàngin, bâkah Zorini hi chu eng mah a ni lo, kum 22 chauh, hna thawh pawh nei lo a la ni zui,  phai vaiho leh mi dumho a kawp a nih chuan pawisa a nei ve mahna, chu pawh tenawm takin.


Neil-a hi ka țhian a nih miau avàngin Zorini zâwk hi warning pêk a ngai, ka nau a nih loh thu ka hrilh chuan ka thu angin a awm thei ngei ang. Min bum a, ka blackmail lêt ve thung dáwn a ni mai a, ka inthiam lo teh chiam lo.


Khatlaah ka bialnu rìma ka lèn pawhin chance chu kan nei țhìn teh meuh mai,  ka mitthlaah Zorini inphelh mawlh kha ka hmu zêl a, he nu hian keimahah a dik lo zâwngin hna a thawk tlat a ni. Khuma awmpui châkna ka nei tlat mai a, engtiang chiaha zei nge a nih ang? A kawp hnem ve tawh viau ang a, pawisa hmuh nân ringawt pawh. A zei over tawh ang chu, a la naupan ngaihtuahin a che hit thei ngawt ang, a mawng bâwr leh a âwm bâwr en ringawt pawhin a hriat theih a ni.


A fing ve viau mai, sum nei deuh tùr nia a hriat Neil-a a kawp chat mai. Neil-a lah hi ka rin a ang miah lo, a thu tak tlat. Nakin lawkah rilru na taka siamin a kalsan mai ang, he nu hi tihluihna hmanga ka țhentîr a ngai, thil pawi a thlen hmain.


A mut kawr ni ngei tùr t-shirt chhîng tai mai chu a inhmeh phian mai,  a thinrim hmél deuh leh a țawng paha a hmui sexy zet che kual vel chuan ka mit a la tak zet. He nu lakah hian ka râwng deuh tih ka hria; mahse, ka rin aiin a huai reuh tlat a, ka nun a ràwn deuh loh chuan min hlau lo palh ang.


Min hnial ve tân tân mai chuan min tiphûr tlat nia, a lang sexy ka ti tlat! A thinrim mit meng leh a hmui mawlh chu, ka fâwp dáwn chiang, eng ang chiah fawh nuam nge a nih ka hre mawlh ang, hmeichhia chu an thin hi tirim hmasa tê tê ila, chumi hnuah chuan han che chauh ila, a nuam bîk.


Ka rin dàn chiah! Vawi khat mai hi ka duh tâwk dáwn lo tih ka hre nghal bawk. A hmui chuan zùn a nei tlat, ka duh dàn chiah chuan ka'n fâwp a, a tìrah chuan a țang ve alawm; mahse, a țang rei dáwn lo, eng hmanrua pawh ka hmang mai ang. He nu hi ka thu hnuaiah ka dah ang, ka blackmail ang a, Neil-a pawh a țhen ang, ka chan pual tùr a nih hi.


A nihna dik tak ka pi hrilh a tum tih a sawi chuan ka thin a dek zawk mai. Ni lo, a hrilh thei lo, kei hi a chungah hian  ka lo râwng over em ni le? Ka pi a hrilh chuan...ni lo, a hrilh chuan ka plan a chhe vek ang. Ka pi chu a rilru a na hle ang a; mahse, a chungah eng thil mah a ti lo ang. Chuan, a awmnaah a lêttîr ringawt ang. Chu chu ka duh loh ber a ni. Min bum a, ka bum lêt ve ang, ka pi chu thu thințhawng hrilh chi a nih loh thu ka hrilh, thu dik lo pawh a ni chiah chuang lo, a dikna chen a awm ve tho. Chuan, Neil-a țhen tùrin ka ti leh bawk, a țhen lo a nih chuan a nihna dik tak hrilh hriatah ka vau pah. Mi fel tak chu ka ni lo chiang; mahse, hmeichhiain kei leh ka chhûngte min bum hmasa duh a ni a, ka bei lêt ve thei alawm. Hmeichhe lakah hian tharum hi ka hmang khât khawp, he nu tê erawh hi chuan ka thluak a tinu leh tlat țhìn, ka insûm zo lo tlat zêl.


               **************


Ka ni tin hun hman chu a ngai, Ruatdika, nèlawm lo zeta min melh kur kur țhin hi ka hua, ka hmu ning. Nèlawm lo lutuka awm hi a ning ve lo emaw ni. Ka pi nèn erawh kan inkâr chu a țha ém ém reng a, min duat a, kei pawhin ka theih ang tâwkin ka duat. Ka bum avàng hian ka inthiam lo a, ka awm chhûng tal hi chuan ka theih anga hlima siam ka duh, thla khat ral hnuah chuan ka chhuk ang a, ka chho tawh dáwn si lo. Ka dam chhûng hian hmuh leh tawh loh ka duh ang, mahni inthiam lohnain min chènchilh reng dáwn si a.


Neil-a'n min rawn be fo mai, min ngai ve hle a ni ang, kei pawhin ka ngai alawm. A hlim thei a, ka nihna dik tak hre lo mah se, mi fel tak a ni tih ka hria. Min duh ve viauin ka hria, ka rlru pawh a luah khat ve viau bawk,mipa ka ngaihsak ngai loh vàng leh ngaihzawng ka neih ngai loh vàng pawh a ni mahna. Ruatdika khân țhen tùrin min hrilh na a, ințhen lam sawipui ka tum lo hrim hrim. Ka hma ka sial a ni maithei, hetianga min duattu hi ka tawng tawh lo maithei a, ka la thlahlel alawm.


Ni khat chu Ruatdika nu te an lo lêng a, Ruatdika a awm loh avàngin ka lo welcome țha hle a, kan ri hlut a.


"Angel, i pu hian a takah a hmu châk ve che a, vawiin chu kan lo kal tawp mai, i lo lêng duh mang si lo va."


"Nia, tiraw? Eng tikah emaw ka pi nèn kan lo lêng ngei ngei tawh ang."


Ruatdika pa chuan min en vung vung pah hian," I hmelțha hle mai. I nî hian a sawi țhìn che a, ka lo awih teh chiam lo va, a lo sawi dik a nih hi,"a ti sup sup a, a fapa nèn chuan an inchhùn teh e, Ruatdika hi a pa siar a lo nih chiah hi.


"Ka lâwm e, ka pu."


"Angel Bawihte, zochhangban kha ka rawn keng asin, tui i ti si a, i u Ruatdika pawhin a duh tho sia."


"Ka nî chu thil i va hre rei thei ém ém! A tui leh ngawt ang."


Ka pi chhùna mu ziah țhìn pawh a mu miah lo. Kan titi a, ka ni a lo țawng duh ve tho bawk a, ka pu erawh a fapa ang mai a ni, a lo țawng khât.


"Tlaiah chaw ei ve r'u aw, ka nî, in lo lêng khat si," ka ti barh barh a.


Ka pu chuan,"Kan ei ngei ngei ang, Angel-i'n min sâwm tlat,"a lo ti sup a. Ka nî chuan nui var var chung hian," Aw, hei i pu hian ei a ti tlat a nih chu, chaw hi kan ei chhuak ngai lo tluk a ni, vawiin chu i pu rilru i hneh tlat," a ti lang lang a.


Ruatdika pawh a lo haw hma deuh. A nute a hmu chu mak a ti ve deuh a ni ang," Eng nge in lo tih a?"a ti hû a.


"Kan lo lêng maw le, i lo haw hma tho a, i nau nèn bâwngsa lei tùrin chhuak ula a țha ang, hetah chaw kan ei dáwn," a pa chuan a lo ti thuai a.


"Tak tak maw!! Nu, a ni em?!"


"Ni e, chaw kan lo ei dáwn. Angel-i'n min sâwm miau alawm."


Bâwngsa lei tùr chuan a tamna ber tùr bazârah kan chhuk a, bâwngsa lo thil dang lei a ngai lêm lo bawk a, a hmanhmawhthlâk lutuk lo.


Kan lei zawh chuan Ruatdika chuan pârbâwr leh tomato lei a rawt a, inah kan nei tlêm tawh a, hnial lo chuan ka zui nghal a. Kan lei zawh chuan ka rin aiin kan rit ta, Ruatdika'n sa a khai a, keiin thlai. Motor kan dahna kan thlen chuan ka thaw huai huai mai, thlan pawh a tla phat phat alawm le.


Ruatdika pain bâwngsa chu a siam a, keiin ka lo pui ve bawk. Awmpuite pahnih chuan chawhmeh dang an siam a, kan inpeih chuan a la tlai chhe lo. Room-ah chhoin ka inbual phawt a, ka t-shirt duh ém ém Singapore ațanga ka lei haw ve ngat chu ka ha a, to pawh a to ve ngial asin. Kekawr erawh tight over lo, ka chàwn khuh lo deuh chiah chiah ka ha a, a stretch a ni bawk a, hetianga inthuam hi nuam ka ti, ka confi dàn ber pawh a ni.


"I kawr hâk chu i inhmeh hle mai,"an lo ti sap sap hlawm a, Ruatdika erawh chuan min en vung vung ringawt. Ani fak hi chu ka beisei pha lo mai ni lovin min fak dáwn lo tih ka hre sa a, ka phût bawk hek lo.


Chaw chu ka ei tam khawp mai. Mi dang pawh  chu an puar a ni ang, an sawi sap sap mai, ka chhûngkua tak tak ni se ka ti, Ruatdika tel lo hian. Nuam ka ti dáwn ém asin.


Ka pi chu a mu hma deuh, chhùn lamah a mu mang si lo va, Ruatdika nèn a nu leh pate chu kan thlah a, vawiina an rawn kal khân taxi an rawn hmang a ni. Kawngah chuan kan titi a, kan ri bawrh bawrh reng mai. An inah chuan kan awm rei lo, ka pi a mu tawh si a, kan ngaihtuah avàngin  kan haw deuh nghal mai.


Haw kawngah erawh kan ngawi chiang ta hle mai. Zàn a la tlai chhe lo va, motor tlân leh dàwr inhawng pawh a la tam. Titipui ka châk lêm lo va, chu ai chuan ka suangtuahna rama chèn ka duh zâwk.


"Aizâwl mi dik tak i ni tiraw?"


"Engvànga chutiang ring nge i nih?"


"Ka zawhna chu chhâng mai rawh, zawhna vêk hian min chhâng miah suh."


Ka thaw hawk a. A thinchhiatna ka chawk tho leh dáwn a nih hmèl.


"Aw."


"Sum vàng a ni tiraw?"


"Aw." 'Ni chiah lo' tiin chhâng ta ila, a awih si lo ang. Ni chiah lo deuh mah se, a awih tùr ber hi hrilh mai a țha.


"I chhûngte'n an hre chhuak ang che tih i hlau lo em ni?"


"Chutiang chhûngte ka nei lo."


A ngawi vang vang a, min khawngaih vàng a nih erawh ka ring hauh lo. Tlang taka ka chhàn zêl vàng chuan mak a ti a ni zâwk ang.


"Eng tik ațangin nge Angel-i ka ni lo tih i hriat?"tiin ka zâwt ve ta nge nge a, ka hre châk ém a ni.


"Airport-a ka hmuh che khân."


A ni maw?!! Khata țang daih tawh khân min hre tawh a nih chuan ka chunga a lo thinrim viau pawh hi a àwm ve tho. Khami ațanga tùn hun thleng hian ka lem chan hi nuihzat takin min thlîr reng țhìn a ni àwm si a.


"Phuba chu i duh chuan la mai la; mahse, chhuk thuai ka duh a ni."


"Ka pi thu awih mai rawh, ka hrilh tawh che kha."


"A nih, ka pi hi ka hrilh tawh mai ang?"


Thinrim zet hian motor chu a tiding thut mai a, kawng zau lai leh reh lai deuh a nih vàngin a zia deuh. Ka intauh dawt țêp, ka thin a phu nasa hle a ni.


"Ka pi hrilh kha chu sawi ri tawh suh ang che."


"Ka zêp reng thei lo ang."


"Thla hnih khat tal chauh pawh maw?"


"A rei ém asin, kâr khat chauh a ngaih ka rin vànga lo kal ka ni asin."


"Chutiang chuan ka unaunu tak tak chuan a hrilh che maw?!!"


"Aw; mahse, thiam lo viau teh suh, a tân heta lo kal a buaithlâk tùrzia ngaihtuah ve la?"


"Min bum duh hi a mak ka ti."


Ka inngaihtuah vang vang phawt a, thil kan tisual ve ve si a, pahnih tawrh ai chuan thla hnih khat chhûng chu keima'n ka tuar mai ang, Angel-i chuan tuar ve lul suh se.


"Ka thiam loh vek a ni, Ruatdik. Ka pi min ngen ang khân a duh chen chu hetah ka awm rih mai ang, Angel-i chu tawrhtîr ve kher suh, ka chungah hian phuba chu la mai rawh. Ka pi duh chen ka awm hnuah erawh min hmu tawh lo ang."


Min melh kur a, chutah, zawi sup hian," I tuar thei ang maw?"a ti ta nghut a.


"Ka taksa min nghaisa dáwn em ni? Nge Neil-a hnênah engkim i hrilh dáwn?"


Kei chu ka țawng duh a, ka rilrua thil awm hi ka lo sawi chhuak leh bawrh bawrh ţhìn.


"Hmeichhe nghaisa duh tùr hmuhin min hmu em?"


"Ka hre lo, i nun a râwng hle si a."


A nui hawk. Hetia a nuih hawk hi chuan a thin a rim tihna; mahse, ka hlau em em hran miah lo, mak ve tak chu a ni.


"Ka phuba lâk tùr chu?"


"Aw, Angel-i tuartîr ve lo la?"


"Zànah ka duh hunah i room-ah ka rawn riak ang."


Makti zet hian ka en ta reng mai! He pa hi a â deuh a ni ang,  engtin nge ka room-ah a rawn riah theih ang? Min ngaizâwng pawh a ni lo va, ni lo, eng hmuhin nge min hmuh? Lerh leh hurherh takin min hmu em ni?


"I va zak lo ve!" Ka ti tawp ringawt.


"Zahna tùr a awm em ni? Khutah pawh engtin vak nge ei i hmuh chuan? Phai vaiho leh mi dum kawp kual bâkin engtin vak nge ni chuang ang?"


A hmaia ka benna avàng chuan ka kut chu a na kher mai. Ka thin a rim lutuk a, ka kut ka vêng hman lo a ni.


"Sawi tawh suh!"


"Thu dikin min den hi chuan a danglam bîk țhìn rêng a ni," a ti duh lek chauh lehnghal a.


"Ka hua che!"


"Hmeichhiain min ben vawi khatna! A lêt engtia tuar nge i duh?"


A awka chu a vîn miah lo; mahse, a thinrim nasa hle a ni tih ka hre thei mai. Nia, bêng miah lo tùr kha ka ni a, hmeichhia, zahawmna nei lêk lova min chhuah kha ka thin a rim êm a ni. Dik tak chuan hlawh tam tak neiin hmun dang dangah thawhna tùr chu ka hre ve tho; mahse, ka zahawmna hi hum ka duh ve vàng liau liauin hlawh tam zâwk pawh ûm duh lovin dàwrah ka inhlawh ve hrâm hrâm a ni zâwk.


"Ka..tih..palh."


Ka samah țhãm sawkin a lamah min hnûk hnai nghal a, na zet hian min fâwp nghal bawrh bawrh a, a thinrim thil tih a ni bawk a, a nuam lo khawp mai.


Ngawi reng chuan kan insual a ni deuh mai, kei lahin infawhtîr chu tum lovin țan ka lo la a, a samah chuan a theih ang angin ka kêk a, ka thle sawn zêl bawk a.


A hnuah erawh motor seat-ah min bawhthluin ka kut pahnih chu min delh behtîr a, a kut pakhatin ka khabeah nghet zetin a vuan a, a na vawng vawng thei hial.


"I țan nasat poh leh a nuam ting."


Na zet hian min fâwp leh a, ka thle sawn thei tawh si lo, ka thaw te lam chu a chham titih dáwn ta mai.


"Min fâwp rawh."


Chhân lêt ka tum miah lo va, min fawh ngial pawh chuan ka lo âng tawp.


"Min chhâng lêt khawp ang,"tiin a awm dàn chu insiam remin a kut pakhat chuan ka kawr chhûng a rawn zen ta mai, ka thaw hawk a, ka îp chãwih bawk.


Ni lo, hetiang chu thleng lul suh se.