☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆RUATDIKA☆ - 2 By Dingdi Pachuau
"Ka tupa leh ka tunuin min awmpui dáwn a ni a, ka thla a muang sawt mai."
Ruatdika chuan min melh rûn mai a, ka pi driver ve pângngai emaw ka tih char char kha Angel-i cousin lek lo niin. Angel-i hian unau dang a nei lo tih ka hria, chuti a nih chuan a cousin tihna. A nu kha khasi a ni a, a pa unaunu fapa a nih ngei dáwn chu. Angel-i pa khân unau pianpui hmeichhe pakhat bâk a nei lo tih Angel-i'n a sawi ka hria. Chuti a nih si chuan Angel-i leh Ruatdika chuan a pi ro chu an inchuh dáwn a nih deuh ber chu.
"Ka lo khai ang,"tiin ka luggage chu ka chuh a; mahse, ani chuan zo zeta khai sawnin,"I chau ang, i room thleng ka kensak ang che,"a ti a, kan bula a pi a awm ve vàng a ni ngei ang, min duat àwm tak chuan a țawng vêl a, phakar lutuk mai.
Step kual chho rúihah chuan kan chho a, in chung lamah pawh room chu a awm nual dáwn a nih hi. Room lo hnai ber dawt chiahah chuan kan lût a, ka thaw hawk mai.
Room mawi leh nuam tak a ni, furniture mawi zet zet leh parda inzâr dulh maite chuan ka mit a la hle mai a, ka mit la bertu chu ka pan chat mai.
Book-shelf lian vak lo a ni a, lehkhabu erawh a khat țân thung. Lehkhabu hi ka ngaina a, hun ãwl ka neih phawt chuan ka hmuh theih chin chu ka chhiar ve țhìn.
"Lehkhabu i ngaina a ni maw?"
"Aw, ka pi. Hun ãwl hnawhkhah nân ka hmang țhìn."
"A țha e, lehkhabu chhiar tam hi finna bul a ni asin, tunu fing tak ka lo nei reng a nih hi."
A fiamthu mah ni se nuam ka lo ti. A tunu tak ni lo mah ila, min fak der chu nuam ka ti tho.
"Novel lam hlîr hi a lo chhiar țhìn ang a..."
Ruatdika chu ka en vat a, a lo nui deuh ka hmuh chuan ka tlawh zawt châk lutuk. Ka duh duh ka chhiar ang a, ka chhiar țhin a lo hriat ve pawh a ngai lo.
"Lehkhabu a ngainat chuan a țha tho tho." Ka pi chuan ka thlavãng a lo hauh ve tlat.
Ka room tùr chu a nuam reuh dáwn khawp mai. Khum lah chu ka duhthusàm. Bedsheet, pillow case leh parda chu a rawng a inang vek a, hmuh an nuam khawp mai.
"I room tùr chu eng nge ang i tih?"
"Ka pi, a nuam dáwn lutuk tlat."
"A țhat chu. Intihfâi i duh ang. Bawiha, chhuk ila?"
An chhuk hnu chuan ka thawmhnaw chu ka phawrh a, intleuh lawk chu ka duh reng mai.
Bathroom lah chu a zau nuam a, a thianghlim viau bawk. Shower chuan ka inphuhtîr sar sar a, a nuam hle mai. Shower hnuaia awm reng mai a châkawm dáwn alawm le.
Zanriah kan ei tlai viau. Ruatdika pawh ka hmu miah lo nia, hetah hian a chêng ve ngei àwm si a, eng tak ti ang maw? Ka pi nèn chauh chaw kan ei a, an awmpui pahnih pawh chuan min kilpui miah lo.
"Angel Bawihte, i pa i chhùn lo hle mai tiraw?"
Angel-i pa hmêl ka hre lo, a nu pawh; mahse, Angel-i chuan a nute lam a chhùn zâwk tih a sawi ka hria.
"Aw, ka nu lam ka chhùn zâwk a."
Dâwt sawi reng a ngai dáwn chu a ni si a, a va huphurhawm tak ém!
"I pa kha a dam rei lutuk lo tlat alawm le, la dam se chuan a chhuang ngawt chein ka ring a ni. Ka bulah i awm reng thei tawh ang chu tiraw?"
A tar ve deuh tawh a, a thil sawi pawh a inkahpah nuai ve țhìn a nih dáwn hi.
"Kâr khat vêl chu ka awm theiin ka ring."
"Chuti lek maw? Ni lo, i nu leh pa an boral tawh a, i pi ka la dam a. Ka bulah hun i hmang ve tawh ang chu, mahni chauhin i tãl rei tawh alawm."
Ni lo, hetiang chu thil ni thei a ni lo, university-ah zir chhun zawm pawh ka la tum asin. Kâr khat chauh awm tùrin ka kal a, min dang bet thei lo ang.
"Ka pi, chu lam chu sawi rih lo ang. I sumdàwnna lam sawi zâwk ang." Sumdàwnna lam chu ka tui hauho; mahse, a rilru ka kal pèntîr a ngai, a hnêna awm lam kha chu dah țha rih teh ang.
"Ka tunu, sumdàwnna lam i tui a ni maw? A tihchi hle mai, i u Ruatdika hi puih a ngai hle a, i pui thei ngeiin ka ring a ni."
Ni lo, ni lul lo. Sumdàwnna lam ka tui lo, ka peih zâwng a ni miah lo. Peih lo nâk laiin Ruatdika bulah lehnghal, hei hi chu mangchhia dik tak a ni.
"Angel, i pa kha hêng kan sumdàwnna zawng zawng enkawl tùr hi a ni a, i nu a tawng kha a buai zo ta vek a. I nu khân Shillong chhuahsan kha a duh lo bur bawk si nèn, i pu remti lo chung chungin i nu hnênah khân a kal ta daih a."
"Ka nu khasi a nih vàngin em ni ka pu chuan a duh loh a?"
A thil ei chàwl meuh chuan min en a, nuam lo ka ti khawp mai.
"Ni lo ve, hetah Aizâwla awmtîr a duh a. Kan inah kan fanu anga awm tùrin a duh a, i pa kha min chãwmtu tùr a ni bawk a."
"Ka pa chuan engkim a kalsan tihna a ni maw?"
Chaw melh vang vang pahin,"I pu duh dàn chu i nu khân a duh thei ngang lo va, i pa lahin i nu kha a hnial duh dêr lo. Rilru na takin kan kaltîr ta a, i pu rilru nat dàn chu, a fapa chân taah a inngai hial a ni,"a ti sap sap a.
Angel-i sawi dàn nèn chuan a inang lo hret. Ani chuan a pi leh a pu chu a dem deuh tlat thung, a nu chu an duh lo tlat niin a sawi a, tu nge dik zâwk ta pawh ka hre thiam lo ve.
"Ka pate nèn chuan in in-contact lo ta vang vang a?"
"Ni lo ve, chanchin kan inhre tawn reng. A damloh pawhin engkimah kan buaipui vek alawm, in ațanga a chhuah avàngin kan fapa a nihna a bo chuang lo va, a boral hma ta ém a,"a ti zàwi raih a.
"A boral hnuah ka nute nèn in inpawh tho em?"
A ngawi vang vang phawt a, a mit meng ațang chuan a rilru a na tih a hriat theih mai a.
"I pa boral hnu chuan i nu chu kan be pawh thei tawh lo a ni, engkim kan lakah a thup ta tlat a, biak pawh tum pawhin a biak theih loh, kan lakah a inkhàrkhip tlat a ni."
Hm, hei pawh Angel-i sawi dàn nèn a inang lo. Angel-i sawi dàn chuan a pa thih chhanah Angel-i nu chu a pi leh pute chuan an puh deuh tlat a, chuvànga inla hrang a ni.
"A nih tak chu, ka lo hre lo a nih chu."
"Angel Bawihte, i nu kha ka thiam lo miah lo. Aizâwla kan bula awmtîr kan tum tlat kha kan thiam loh pawh a ni ang, kan fapa neihchhun a nih miau vàngin, min chãwm tùr a ni bawk nèn, kan bula awm tùr khân kan duh ém a ni. I nu kha a awm ngai lohna a nih vàngin a lo hreh viau pawh a ni ang a, kan lo ti lutuk pawh a ni maithei a ni."
A khawngaihthlâk kerh kerh reuh ka ti. A tar ve tawh tho bawk si a, chutah, a pasal a awm tawh bawk si lo, a khua a har thei ngawt reuh ang ka ti.
"Ka pi, kha lam kha chu theihnghilh daih ang, hun kal tawh chu liamtîr ila, kan hma lam hun thlîr zâwk ang."
A rawn nui ta ver ver a.
"I lo kal hi ka lãwm tak tak a ni. Ka titipui ta hrep che a, i puar lo ang e, ei țeuh rawh aw. I chêr mah mah ka ti a nia, ei țeuh rawh,"a ti ta barh barh a.
Kan kham dáwn lamah chuan Ruatdika a lo haw a; mahse, chaw a ei tawh a nih hmel. Rawn kîl a tum miah lo, in chung lamah a chho nghal daih.
"I u Ruatdika hi a thawk nasa a, ka rin pui ber a ni. A țawng tam hran lo va, fel erawh a fel teh a nia."
"Kum eng zât nge a nih tawh?"
"Kum 30 a ni ve dáwn tawh ang, nupui nei rual a nih tawh vàng hian nei tùrin ka ti țhìn a, a nui mai zêl. Hmeichhia chu a rawn hruai ve fo; mahse, a duh tak tak lo a ni ang, ka dam lai ngei hian nupui nei se ka ti hle a ni,"a ti chiar chiar a.
Kum 30 chu a la upa hlei nem. A tâwk chauh zâwk, a la țhalai zek zawk khawp alawm, senior a ni lo.
"A la upa hran hlei nem, ka pi. Kei pawh kum sawm hnih leh..,"ka chàwl dat a,"panga chauh alâwm ka la nih, pasal neih ka la tum chuang lo,"ka ti leh a. Kum sawm hnih leh pahnih tiin ka sawi teuh lutuk chu ka nuih a za zâwk. Angel-i ka ni tih hi ka lo theihnghilh leh dáwn țhìn, ka țawng sual hlauh a nih chuan...
Chaw ei khamah TV room-ah kan țhu leh rih a, a țawng duh reuh sia, a nèlawm ka ti. Va biak nèl hmasak ngai hi ka kàwm thiam lo va, ka țawng duh ve tho nain ka hriat ngai loh chu ka kàwm nêl hmasa ngai lo. Anmahniin min rawn kàwm nêl a nih chauhin ka nêl ve thei țhìn.
Ruatdika pawh in chung lam ațangin a rawn chhuk a, a inthuam dàn ațang chuan a chhuak tawh dáwn lo a nih hmèl.
"Inthlahrung miah suh aw, Angel. I in a ni tih hria la, i inthlahrun chuan i pi hian nuam ka ti dáwn miah lo a nia."
A ni lah tak a, ka țhut dàn chu ka tlângnêl lo țhut ka ti mai, ka bet chiah lo tih a hre thei a ni ngei ang. Dik tak chuan dâwt tel lo chu ni se nuam ka ti ngeiin ka ring, dâwt sawi reng mai a ngai hian awm pângngaiin min awmtîr thei lo.
"Ka inthlahrung lo, ka pi. Inhmu ngai lo leh inhre ngai lo kan inhmu thar chauh a, chuvàngin min hmu inthlahrung mai mai a ni ang,"ka ti ve a, ka rilru tak chuan ka inthlahrung reng sia.
Ruatdika chu kan bulah chuan a rawn țhu ve a, a rim ațang chuan a inbual zo chiah tih a hriat theih mai.
"Naktûk chu i chàwl hahdam phawt ang a, a tûk leh ațangin i u Ruatdika bulah hian an hnathawh dàn en tùrin i chhuak ve dàwn nia, unau in ni a, innêl taka awm tùrin ka duh che u. Nangni bâk hi innghahna tùr ka nei miah lo a nia,"a ti leh barh barh a.
Ruatdika bula hnathawh chu, ka peih lo sa. Mahse, ka pi ka hnial duh lo, ka awm rei dáwn chuang lo va, ka awm chhûng tal chu tunu thu awih thei tak anga ka lan a ngai.
"Naktûkah chuan dàwr kan fang dáwn nia, nuam i ti viau ang."
Ka pi bulah chuan a polite-in min ngaihtuah ve hmel tawp.
"Ka pi, lo kal ve la?"
A nui hak hak a," I unaupa hi i la nêl lo a ni tiraw? Lungngai mah ta che, i awm rei ang a, i hre chiang telh telh mai ang,"a ti leh sarh sarh a.
"Chutiang pawh a ni lo."
"Ka sual hmel viau em ni?"
Ka melh zawk ringawt, a nui miah lo. Min nuihzattu kha a ni miau a, ka nêl har ngawt ang chu.
"Ka awm chhûng tal chuan ka chungah țhat i chhuah hrâm ka beisei, ka awm rei dáwn chuang lo va,"ka ti ve hmiah.
"Hau ngaia i awm loh dáwn phawt chuan." A nui deuh nain a tifiam miah lo tih ka hria. Ka pi erawh chu a lo nui hak hak a," A țha e, in awm dùn rei ang a, in inkàwmngeih mai ang, in nu leh pate min tihre chhuak uar uar mai,"a ti a.
"Ka pi, ka nute pawhin ka unaunu thar chu an hmu châk ve ngawt ang chu!"
Unaunu thar. A țawngkam han ngeiawm theihzia hi, unaunu thar tih kher pawh a ngai lo asin, a unaunu thar pawh ka ni lo.
"Naktûkah chuan i nute pawh i tlawhpui ang a, a țha khawp ang chu." Ka lam lo hawiin," A vahnu neihchhun i ni a, i nî chuan a lo làwm ngawt ang che,"ka kut hnung chûl hliau hliau pah chuan a ti a.
"Kei pawh ka hmu châk tawh khawp mai,"tiin ka pi chu ka nuih sak a.
"A làwmawm e."
Rei vak lo hnuah chuan ka pi chu a room lamah a kal a, zàn a meng rei ngai lo a ni àwm e. Ruatdika bula awm hi ka peih vak lo, chhuanlam siama kalsan daih ka duh.
"Ka pi chuan a lo làwm hle mai che tiraw?"
"A fel ka ti khawp mai."
"A nih leh kei hi?"
"Ka hre lo."
A nui huk huk a," Ka pi thu i hnial loh chuan kei chu ka fel ang. A thu angin awm tum ang che, a tunu i nih chuan," a ti charh charh a.
He pa hian min ringhlel chu a ni em lo maw? A thu sawi duh dàn te hi, bâkah, a nèlawm lo ropui si.
"Min lo hre thiam la, room lamah ka kal tawh ang e, ka chàu deuh riau mai," ka ti a, ka ding nghal a.
"Ka thu sawi chu theihnghilh suh ang che."
Thupêk min pe tihna em ni? Vawiinah kan inhmu ve chauh a, chu pawh tlai lamah. Zànah thupêk min pe nghal a nia, he pa hi ka hua!
En pawh ka en lo, țawngkam țha pawhin ka thlah peih lo, inla 'boss' lutuk mai. Ka thinchhe teh chiam lo nain he pa bulah hian ka thin a rim țùng maiin ka hria, a bula ka awm tam loh a him ang.
Chennai-ah kan meng rei thei si a, ka muhìl thei lawk lo ang. Angel-i biak ka duh hle mai; kha pa khân min lo ngaihthla ru ang tih ka hlau deuh bawk si, ka text ta ringawt a.
Kan chanchin chu ka hrilh a, ani lah chuan a'n ngai awlsam em em khawp a, engah mah ngai lo tùrin min ti. A har àwm teh e.
Room-ah chuan ka awm reng a, lehkhabu pakhat la chhuakin chhiar ka tum a, ka keu ka keu a, chhiar ta lêm lo chuan ka dah leh ringawt. Ka rilruah a lût meuh lo, naktûk lama ka tih tùr chu ka ngaihtuah lâwk a, ka peih lo kher mai.
Ka tui a hàl vàngin tui in tùrin in hnuai lamah ka chhuk a, an lo mu vek tawh a ni ang, a lo thim khap tawh mai.
Filter tui ka herh a, fridge chu hawngin vûr tlang ka la chhuak a, tuiah chuan ka thlâk a. Fridge ka khãr chiah chu ka phu chiang lutuk!!! No ka thlauh lohna chu bete bawk vêl a ni ang!
"Min hlau a ni maw?"
He pa hi chu a huatthlala ve hrim hrim!
A mu tawh rawn tho leh a ni chiang mai, boxer leh tàwnzau chiah a ha. Ka melh sawn vat a, ka no ken lai chu ka kut khing hniha chelhin kawng chu ka kian a, tui chu ka in khawlh khawlh a.
"I la mu nange?"
Chhàn ngai lovin hei min hmu reng sia, a ninawm mai mai.
"Aw."
"I lung a lêng a ni maw?"
Lunglèn chu khawi lam, he pa hi a ninawm lutuk a, ka lung pawh lêng se, a hnawt țiau zâwk ang chu!
"Ka mu hma ngai lo."
Ani pawh chuan fridge hawngin," Ni dáwn tak e, ka lo theihnghilh palh a ni,"a ti a.
Ka chanchin ka la hrilh tawp si lo va, theihnghilh palh ang tein a insawi zui. Daw peih lutuk.
Tui ka in zawh chuan no chu ka tleuh a, be tawh lo chuan ka kalsan ta nghal a.
Ka hnungah a lo kal niin!
"Naktûk lo thleng thuai thuai se ka ti hle mai, chhuahpui che ka châk tawh."
He pa hian min chhaih a ni! A unaunu ka ni si a, eng thil nge a hriat le? Min hre chhuak a ni mai lo maw?! Ni lo, thleng lul suh se.
"Ka tupa leh ka tunuin min awmpui dáwn a ni a, ka thla a muang sawt mai."
Ruatdika chuan min melh rûn mai a, ka pi driver ve pângngai emaw ka tih char char kha Angel-i cousin lek lo niin. Angel-i hian unau dang a nei lo tih ka hria, chuti a nih chuan a cousin tihna. A nu kha khasi a ni a, a pa unaunu fapa a nih ngei dáwn chu. Angel-i pa khân unau pianpui hmeichhe pakhat bâk a nei lo tih Angel-i'n a sawi ka hria. Chuti a nih si chuan Angel-i leh Ruatdika chuan a pi ro chu an inchuh dáwn a nih deuh ber chu.
"Ka lo khai ang,"tiin ka luggage chu ka chuh a; mahse, ani chuan zo zeta khai sawnin,"I chau ang, i room thleng ka kensak ang che,"a ti a, kan bula a pi a awm ve vàng a ni ngei ang, min duat àwm tak chuan a țawng vêl a, phakar lutuk mai.
Step kual chho rúihah chuan kan chho a, in chung lamah pawh room chu a awm nual dáwn a nih hi. Room lo hnai ber dawt chiahah chuan kan lût a, ka thaw hawk mai.
Room mawi leh nuam tak a ni, furniture mawi zet zet leh parda inzâr dulh maite chuan ka mit a la hle mai a, ka mit la bertu chu ka pan chat mai.
Book-shelf lian vak lo a ni a, lehkhabu erawh a khat țân thung. Lehkhabu hi ka ngaina a, hun ãwl ka neih phawt chuan ka hmuh theih chin chu ka chhiar ve țhìn.
"Lehkhabu i ngaina a ni maw?"
"Aw, ka pi. Hun ãwl hnawhkhah nân ka hmang țhìn."
"A țha e, lehkhabu chhiar tam hi finna bul a ni asin, tunu fing tak ka lo nei reng a nih hi."
A fiamthu mah ni se nuam ka lo ti. A tunu tak ni lo mah ila, min fak der chu nuam ka ti tho.
"Novel lam hlîr hi a lo chhiar țhìn ang a..."
Ruatdika chu ka en vat a, a lo nui deuh ka hmuh chuan ka tlawh zawt châk lutuk. Ka duh duh ka chhiar ang a, ka chhiar țhin a lo hriat ve pawh a ngai lo.
"Lehkhabu a ngainat chuan a țha tho tho." Ka pi chuan ka thlavãng a lo hauh ve tlat.
Ka room tùr chu a nuam reuh dáwn khawp mai. Khum lah chu ka duhthusàm. Bedsheet, pillow case leh parda chu a rawng a inang vek a, hmuh an nuam khawp mai.
"I room tùr chu eng nge ang i tih?"
"Ka pi, a nuam dáwn lutuk tlat."
"A țhat chu. Intihfâi i duh ang. Bawiha, chhuk ila?"
An chhuk hnu chuan ka thawmhnaw chu ka phawrh a, intleuh lawk chu ka duh reng mai.
Bathroom lah chu a zau nuam a, a thianghlim viau bawk. Shower chuan ka inphuhtîr sar sar a, a nuam hle mai. Shower hnuaia awm reng mai a châkawm dáwn alawm le.
Zanriah kan ei tlai viau. Ruatdika pawh ka hmu miah lo nia, hetah hian a chêng ve ngei àwm si a, eng tak ti ang maw? Ka pi nèn chauh chaw kan ei a, an awmpui pahnih pawh chuan min kilpui miah lo.
"Angel Bawihte, i pa i chhùn lo hle mai tiraw?"
Angel-i pa hmêl ka hre lo, a nu pawh; mahse, Angel-i chuan a nute lam a chhùn zâwk tih a sawi ka hria.
"Aw, ka nu lam ka chhùn zâwk a."
Dâwt sawi reng a ngai dáwn chu a ni si a, a va huphurhawm tak ém!
"I pa kha a dam rei lutuk lo tlat alawm le, la dam se chuan a chhuang ngawt chein ka ring a ni. Ka bulah i awm reng thei tawh ang chu tiraw?"
A tar ve deuh tawh a, a thil sawi pawh a inkahpah nuai ve țhìn a nih dáwn hi.
"Kâr khat vêl chu ka awm theiin ka ring."
"Chuti lek maw? Ni lo, i nu leh pa an boral tawh a, i pi ka la dam a. Ka bulah hun i hmang ve tawh ang chu, mahni chauhin i tãl rei tawh alawm."
Ni lo, hetiang chu thil ni thei a ni lo, university-ah zir chhun zawm pawh ka la tum asin. Kâr khat chauh awm tùrin ka kal a, min dang bet thei lo ang.
"Ka pi, chu lam chu sawi rih lo ang. I sumdàwnna lam sawi zâwk ang." Sumdàwnna lam chu ka tui hauho; mahse, a rilru ka kal pèntîr a ngai, a hnêna awm lam kha chu dah țha rih teh ang.
"Ka tunu, sumdàwnna lam i tui a ni maw? A tihchi hle mai, i u Ruatdika hi puih a ngai hle a, i pui thei ngeiin ka ring a ni."
Ni lo, ni lul lo. Sumdàwnna lam ka tui lo, ka peih zâwng a ni miah lo. Peih lo nâk laiin Ruatdika bulah lehnghal, hei hi chu mangchhia dik tak a ni.
"Angel, i pa kha hêng kan sumdàwnna zawng zawng enkawl tùr hi a ni a, i nu a tawng kha a buai zo ta vek a. I nu khân Shillong chhuahsan kha a duh lo bur bawk si nèn, i pu remti lo chung chungin i nu hnênah khân a kal ta daih a."
"Ka nu khasi a nih vàngin em ni ka pu chuan a duh loh a?"
A thil ei chàwl meuh chuan min en a, nuam lo ka ti khawp mai.
"Ni lo ve, hetah Aizâwla awmtîr a duh a. Kan inah kan fanu anga awm tùrin a duh a, i pa kha min chãwmtu tùr a ni bawk a."
"Ka pa chuan engkim a kalsan tihna a ni maw?"
Chaw melh vang vang pahin,"I pu duh dàn chu i nu khân a duh thei ngang lo va, i pa lahin i nu kha a hnial duh dêr lo. Rilru na takin kan kaltîr ta a, i pu rilru nat dàn chu, a fapa chân taah a inngai hial a ni,"a ti sap sap a.
Angel-i sawi dàn nèn chuan a inang lo hret. Ani chuan a pi leh a pu chu a dem deuh tlat thung, a nu chu an duh lo tlat niin a sawi a, tu nge dik zâwk ta pawh ka hre thiam lo ve.
"Ka pate nèn chuan in in-contact lo ta vang vang a?"
"Ni lo ve, chanchin kan inhre tawn reng. A damloh pawhin engkimah kan buaipui vek alawm, in ațanga a chhuah avàngin kan fapa a nihna a bo chuang lo va, a boral hma ta ém a,"a ti zàwi raih a.
"A boral hnuah ka nute nèn in inpawh tho em?"
A ngawi vang vang phawt a, a mit meng ațang chuan a rilru a na tih a hriat theih mai a.
"I pa boral hnu chuan i nu chu kan be pawh thei tawh lo a ni, engkim kan lakah a thup ta tlat a, biak pawh tum pawhin a biak theih loh, kan lakah a inkhàrkhip tlat a ni."
Hm, hei pawh Angel-i sawi dàn nèn a inang lo. Angel-i sawi dàn chuan a pa thih chhanah Angel-i nu chu a pi leh pute chuan an puh deuh tlat a, chuvànga inla hrang a ni.
"A nih tak chu, ka lo hre lo a nih chu."
"Angel Bawihte, i nu kha ka thiam lo miah lo. Aizâwla kan bula awmtîr kan tum tlat kha kan thiam loh pawh a ni ang, kan fapa neihchhun a nih miau vàngin, min chãwm tùr a ni bawk nèn, kan bula awm tùr khân kan duh ém a ni. I nu kha a awm ngai lohna a nih vàngin a lo hreh viau pawh a ni ang a, kan lo ti lutuk pawh a ni maithei a ni."
A khawngaihthlâk kerh kerh reuh ka ti. A tar ve tawh tho bawk si a, chutah, a pasal a awm tawh bawk si lo, a khua a har thei ngawt reuh ang ka ti.
"Ka pi, kha lam kha chu theihnghilh daih ang, hun kal tawh chu liamtîr ila, kan hma lam hun thlîr zâwk ang."
A rawn nui ta ver ver a.
"I lo kal hi ka lãwm tak tak a ni. Ka titipui ta hrep che a, i puar lo ang e, ei țeuh rawh aw. I chêr mah mah ka ti a nia, ei țeuh rawh,"a ti ta barh barh a.
Kan kham dáwn lamah chuan Ruatdika a lo haw a; mahse, chaw a ei tawh a nih hmel. Rawn kîl a tum miah lo, in chung lamah a chho nghal daih.
"I u Ruatdika hi a thawk nasa a, ka rin pui ber a ni. A țawng tam hran lo va, fel erawh a fel teh a nia."
"Kum eng zât nge a nih tawh?"
"Kum 30 a ni ve dáwn tawh ang, nupui nei rual a nih tawh vàng hian nei tùrin ka ti țhìn a, a nui mai zêl. Hmeichhia chu a rawn hruai ve fo; mahse, a duh tak tak lo a ni ang, ka dam lai ngei hian nupui nei se ka ti hle a ni,"a ti chiar chiar a.
Kum 30 chu a la upa hlei nem. A tâwk chauh zâwk, a la țhalai zek zawk khawp alawm, senior a ni lo.
"A la upa hran hlei nem, ka pi. Kei pawh kum sawm hnih leh..,"ka chàwl dat a,"panga chauh alâwm ka la nih, pasal neih ka la tum chuang lo,"ka ti leh a. Kum sawm hnih leh pahnih tiin ka sawi teuh lutuk chu ka nuih a za zâwk. Angel-i ka ni tih hi ka lo theihnghilh leh dáwn țhìn, ka țawng sual hlauh a nih chuan...
Chaw ei khamah TV room-ah kan țhu leh rih a, a țawng duh reuh sia, a nèlawm ka ti. Va biak nèl hmasak ngai hi ka kàwm thiam lo va, ka țawng duh ve tho nain ka hriat ngai loh chu ka kàwm nêl hmasa ngai lo. Anmahniin min rawn kàwm nêl a nih chauhin ka nêl ve thei țhìn.
Ruatdika pawh in chung lam ațangin a rawn chhuk a, a inthuam dàn ațang chuan a chhuak tawh dáwn lo a nih hmèl.
"Inthlahrung miah suh aw, Angel. I in a ni tih hria la, i inthlahrun chuan i pi hian nuam ka ti dáwn miah lo a nia."
A ni lah tak a, ka țhut dàn chu ka tlângnêl lo țhut ka ti mai, ka bet chiah lo tih a hre thei a ni ngei ang. Dik tak chuan dâwt tel lo chu ni se nuam ka ti ngeiin ka ring, dâwt sawi reng mai a ngai hian awm pângngaiin min awmtîr thei lo.
"Ka inthlahrung lo, ka pi. Inhmu ngai lo leh inhre ngai lo kan inhmu thar chauh a, chuvàngin min hmu inthlahrung mai mai a ni ang,"ka ti ve a, ka rilru tak chuan ka inthlahrung reng sia.
Ruatdika chu kan bulah chuan a rawn țhu ve a, a rim ațang chuan a inbual zo chiah tih a hriat theih mai.
"Naktûk chu i chàwl hahdam phawt ang a, a tûk leh ațangin i u Ruatdika bulah hian an hnathawh dàn en tùrin i chhuak ve dàwn nia, unau in ni a, innêl taka awm tùrin ka duh che u. Nangni bâk hi innghahna tùr ka nei miah lo a nia,"a ti leh barh barh a.
Ruatdika bula hnathawh chu, ka peih lo sa. Mahse, ka pi ka hnial duh lo, ka awm rei dáwn chuang lo va, ka awm chhûng tal chu tunu thu awih thei tak anga ka lan a ngai.
"Naktûkah chuan dàwr kan fang dáwn nia, nuam i ti viau ang."
Ka pi bulah chuan a polite-in min ngaihtuah ve hmel tawp.
"Ka pi, lo kal ve la?"
A nui hak hak a," I unaupa hi i la nêl lo a ni tiraw? Lungngai mah ta che, i awm rei ang a, i hre chiang telh telh mai ang,"a ti leh sarh sarh a.
"Chutiang pawh a ni lo."
"Ka sual hmel viau em ni?"
Ka melh zawk ringawt, a nui miah lo. Min nuihzattu kha a ni miau a, ka nêl har ngawt ang chu.
"Ka awm chhûng tal chuan ka chungah țhat i chhuah hrâm ka beisei, ka awm rei dáwn chuang lo va,"ka ti ve hmiah.
"Hau ngaia i awm loh dáwn phawt chuan." A nui deuh nain a tifiam miah lo tih ka hria. Ka pi erawh chu a lo nui hak hak a," A țha e, in awm dùn rei ang a, in inkàwmngeih mai ang, in nu leh pate min tihre chhuak uar uar mai,"a ti a.
"Ka pi, ka nute pawhin ka unaunu thar chu an hmu châk ve ngawt ang chu!"
Unaunu thar. A țawngkam han ngeiawm theihzia hi, unaunu thar tih kher pawh a ngai lo asin, a unaunu thar pawh ka ni lo.
"Naktûkah chuan i nute pawh i tlawhpui ang a, a țha khawp ang chu." Ka lam lo hawiin," A vahnu neihchhun i ni a, i nî chuan a lo làwm ngawt ang che,"ka kut hnung chûl hliau hliau pah chuan a ti a.
"Kei pawh ka hmu châk tawh khawp mai,"tiin ka pi chu ka nuih sak a.
"A làwmawm e."
Rei vak lo hnuah chuan ka pi chu a room lamah a kal a, zàn a meng rei ngai lo a ni àwm e. Ruatdika bula awm hi ka peih vak lo, chhuanlam siama kalsan daih ka duh.
"Ka pi chuan a lo làwm hle mai che tiraw?"
"A fel ka ti khawp mai."
"A nih leh kei hi?"
"Ka hre lo."
A nui huk huk a," Ka pi thu i hnial loh chuan kei chu ka fel ang. A thu angin awm tum ang che, a tunu i nih chuan," a ti charh charh a.
He pa hian min ringhlel chu a ni em lo maw? A thu sawi duh dàn te hi, bâkah, a nèlawm lo ropui si.
"Min lo hre thiam la, room lamah ka kal tawh ang e, ka chàu deuh riau mai," ka ti a, ka ding nghal a.
"Ka thu sawi chu theihnghilh suh ang che."
Thupêk min pe tihna em ni? Vawiinah kan inhmu ve chauh a, chu pawh tlai lamah. Zànah thupêk min pe nghal a nia, he pa hi ka hua!
En pawh ka en lo, țawngkam țha pawhin ka thlah peih lo, inla 'boss' lutuk mai. Ka thinchhe teh chiam lo nain he pa bulah hian ka thin a rim țùng maiin ka hria, a bula ka awm tam loh a him ang.
Chennai-ah kan meng rei thei si a, ka muhìl thei lawk lo ang. Angel-i biak ka duh hle mai; kha pa khân min lo ngaihthla ru ang tih ka hlau deuh bawk si, ka text ta ringawt a.
Kan chanchin chu ka hrilh a, ani lah chuan a'n ngai awlsam em em khawp a, engah mah ngai lo tùrin min ti. A har àwm teh e.
Room-ah chuan ka awm reng a, lehkhabu pakhat la chhuakin chhiar ka tum a, ka keu ka keu a, chhiar ta lêm lo chuan ka dah leh ringawt. Ka rilruah a lût meuh lo, naktûk lama ka tih tùr chu ka ngaihtuah lâwk a, ka peih lo kher mai.
Ka tui a hàl vàngin tui in tùrin in hnuai lamah ka chhuk a, an lo mu vek tawh a ni ang, a lo thim khap tawh mai.
Filter tui ka herh a, fridge chu hawngin vûr tlang ka la chhuak a, tuiah chuan ka thlâk a. Fridge ka khãr chiah chu ka phu chiang lutuk!!! No ka thlauh lohna chu bete bawk vêl a ni ang!
"Min hlau a ni maw?"
He pa hi chu a huatthlala ve hrim hrim!
A mu tawh rawn tho leh a ni chiang mai, boxer leh tàwnzau chiah a ha. Ka melh sawn vat a, ka no ken lai chu ka kut khing hniha chelhin kawng chu ka kian a, tui chu ka in khawlh khawlh a.
"I la mu nange?"
Chhàn ngai lovin hei min hmu reng sia, a ninawm mai mai.
"Aw."
"I lung a lêng a ni maw?"
Lunglèn chu khawi lam, he pa hi a ninawm lutuk a, ka lung pawh lêng se, a hnawt țiau zâwk ang chu!
"Ka mu hma ngai lo."
Ani pawh chuan fridge hawngin," Ni dáwn tak e, ka lo theihnghilh palh a ni,"a ti a.
Ka chanchin ka la hrilh tawp si lo va, theihnghilh palh ang tein a insawi zui. Daw peih lutuk.
Tui ka in zawh chuan no chu ka tleuh a, be tawh lo chuan ka kalsan ta nghal a.
Ka hnungah a lo kal niin!
"Naktûk lo thleng thuai thuai se ka ti hle mai, chhuahpui che ka châk tawh."
He pa hian min chhaih a ni! A unaunu ka ni si a, eng thil nge a hriat le? Min hre chhuak a ni mai lo maw?! Ni lo, thleng lul suh se.
Comments
Post a Comment