☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆RUATDIKA☆ - 3 By Dingdi Pachuau
Ka chhâng lo, chhàn ngai chî ni pawhin ka hre lo.
Ka room opposite chiah chu a room a ni ngei ang, kawngka pawh a lo inhawng sa deuh a, êng a rawn chhuak raih bawk a.
Room-ah chuan ka lût a, kawng khãrin ka kalh nghal zat bawk, a lo luh ka hlau deuh emaw ni le.
Ka tho hma lêm lo khawp mai. In hnuaia ka chhuk chuan ka pi a lo tho daih tawh a, min lo nuih sâng a, ka muttui leh tui loh te min lo zâwt. Awmpuite pahnih pawh ka hmu, Ruatdika ka hmu lo. A la tho lo a ni ang, tûnlai dàn a nia, zànah rei fé mengin zîng thawh nachâng an hre lo.
Ka tih dàn țhinin tui tam tâwk ka in phawt a, chumi zawhah ka room tifãi tùrin ka chho a, ka tihfài zawhah eirawng bâwl lam puih an ngaih tâkin ka ti a, choka lamah ka lût phei a.
Nu upa lam deuh zâwk chuan," Miss, eng nge i duh?" a lo ti vat a, chutia 'miss' tia min ko chu nuam lo ka ti lutuk, min tilài zo vek.
"Ah, duh ka nei hran lo. Puih theihna che u ka nei em ka ti deuh a," ka ti sawk sawk a.
Ani chuan,"Puih kan ngai lo ve. In tùr lam i duh zâwk em?" a ti leh a, ka chêt ve an phal lo a ni ang.
"Duh lo ve, ka lâwm e."
Veranda nuam zet, zau pui maiah chuan ka pi nèn kan vei tawn sek a, exer ka lâkpui a ni. A tar ve tawh a, hah taka tihpui chu ka duh lo, hahdam têin a tân pawha harsa lo tùrin ka tihpui a.
"En teh, ka pi, ka tih dàn ang hian lo ti zêl rawh aw. Hei, heti hian," tiin ka kut ka phar a, ka kutzungțang chu tichê-in,"Hei hi kut hmâwr exer nân a țha lutuk a, i kut chung lama phar pah pawhin i ti thei tho a nia, i thâ tawm khâwm tawh a siam țha leh thei a ni," tiin ka hrilh malh malh a, ani pawh chuan zàwi muang hian ka hrilh ang leh ka tih dàn ang chuan a ti zêl a.
"Angel Bawihte, zîng tin hetianga exer min lâkpui phawt chuan thla tâwp lamah chuan ka fit tawh ngawt ang tiraw?"
"Teh rêng mai, i fit hunah chuan kan tlãn dùn țhìn ang a, tu chak chak kan ti ang chu le."
Kan nui dùn bãwk bãwk a, Angel-i pi hi ka ngainat zâwng tak a ni tlat, min duat reuh bawk si a, ka awm chhûng chu hlim taka siam ka duh a ni.
"Good Morning,nulate u, in va nui nasa ve? Min rêl ém lo'ng chu maw?"
He pa hi morning walk a lo neih vàng a nih hi ka hmuh miah loh. Ka melh duh lo lui tlat a, ka pi erawh chuan a thil tih lai chàwl meuhin a tupa chu duat hmel zet hian a en a.
"Bawiha, lo tel ve rawh. Hei, exer kan lo la a, ka coach hian a thiam teh mai a nia, thla tàwpah chuan ka tlãn zar zar thei tawh ang ka lo ti a."
A nui hawk a.
"I tlãn chak lutuk ang tih a hlauhawm e a."
In chhûnga lût ta lo chuan kan bulah chuan a awm ve ta reng a, kei pawh chuan ka chawlhpui a, a tìr ațanga ka tihpui vak chuan a taksain a tuar palh ang.
Chaw ei khamah chuan chhuak thei tùr chuan ka insiam ta a, ka pi chu lo tel ve se ka tih teh lul nèn, a lo tel thei dáwn si lo. He pa nèn chauha chhuah chu ka peih lo asin le.
Incheina ka uar lêm lo va, ka inthuamna pawh simple a ni tawp mai. Makeup a tâwk lekin ka hmang ve a, hman loh ai ka ti a ni deuh ber. Sitting room-ah lo țhuin a lo chhuk hun ka nghâk, mipa ve si, a insiam rei mah mah a ni.
Minute 10 hnuah a rawn chhuk chauh, kan kalna tùr hmun chu hria ila ka kalsan daih tawh ang. Eng emaw a rawn khai bâwr viau a, lo lâk țhensak pawh ka tum chuang lo.
Ka pi chuan veranda thleng min thlah a, hlim taka hun hmang tùrin min chah a. Min chah ang chuan hmang thei ila ka ti khawp mai, dâwr kal kual chu ka huphurh lo, Ruatdika nu leh pa hmuh chu ka huphurh ber.
"Ka nu chuan a hmu châk tawh khawp mai che."
Kei chuan ka hmu châk lo.
Kan motor chuanna chu nimina mi kha a ni lo, tuna mi hi chu bolero vâr a ni, motor eng zât nge an neih le?
Dàwr chu a lian hlawm khawp mai a; chanmari, bazâr bûngkàwn leh khatla-ah an lo nei, bungrua a muk khawp hlawm mai.
Thawkte hnênah chuan min inhmêl hriattîr a, an lo fel hlawm khawp mai. Manager a ko hrang zêl a, eng nge a hrilh phei chu ka hre lo, ka ngaihven teh chiam lo bawk.
Khatla lam kan tlawh zawhah chuan Sikulpuikawn lamah kan kal leh a, kan kalna tùr lam ka zâwt lo nain a nu leh pa kan hmu tawh dáwn a nih ka ring. Ka kut a thlan dap dap ta mai, ka nervous-a ka awm țhin dàn a nia, ka kut hmâwr a vâwt țan.
"Kan in lamah aw."
Kan inbe lo khawp, kei phei chu ka țawng mang lo a ni. Min biak loh chuan biak ka tum hran lo, biakna tùr pawh ka nei lo.
"Khawi vêngah nge in awm?"
"I hre mai ang."
Min hrilh ve mai àwm a nia, sawi a har lo zâwk daih àwm si a.
Thakthîng lamah daih an awm. An in chu kawng bul mai lo deuhah a awm, a building a lian khawp mai. In hnuai chu garage niin a tlãn lût a, Garage chung chiahah chuan an chêng a ni àwm e.
Step-ah kan chho a, ka hah țêp. Ani chu hah hmel pawh a pu lo, a speed ngai rengin a kal.
Doorbell a hmet a, nula pakhatin a lo hawng a. Ruatdika a hmuh chuan a au chûl a.
"Âpi, U Ruatdika te an lo thleng tawh a nia."
Kan lût a, nu valâi ang reng deuh, han en reng reng pawha ka pi fanu tih hai theih hauh lo tùr hian min rawn pan a.
"Ka vahnu i ni maw? I hmelțha hle mai ka ti."
Min chibai a, ka chibai zo chu ka lài kher mai. A vahnu tak tak pawh ka ni si lo va, chhûngril lamah nuam lo tihna ka nei tlat.
"Ka nî, ka hmu che chu ka lâwm e."
Ka tih tùr a ni a, theihtâwp chhuaha ka tih hrâm hrâm a ngai. Ka ti laklawh tawh a, a tàwp thleng rakin ka ti mai ang.
"I nu chuan a enkawl țha che tih ka hre mai. Kei pawh ka hmu che hi ka lâwm hle a ni, ka awih lo lek lek zâwk."
Sofa nalh zetah chuan kan țhu dùn a, Ruatdika erawh chu kan bulah a lo awm tawh lo.
"I pa i chhùn lo hle mai tiraw? I nu kha ka hre chiang tawh lo va, i nu i chhùn tihna em ni?"
"A nih ka ring, mi sawi dàn pawh a nia."
"Um, i fel hle mai, lêng ve reng rih rawh aw. I pu pawhin hmuh che a châk a; mahse, a țhianpa damlo kha kan tùrin a chhuak ta rih a nih kha. Chuan, Bawiha hi chu i hre tawh a, i la nêl lo hle ang tiraw?"ka kut chu a khàl nauh nauh a.
"Mi hi nèl nghal harsa ka ti a."
A nui sak a," A dik alawm. Kei pawh ka nih dàn țhìn a nia, i awm rei ang a, i nêl mai ang. A țawng tam vak lo va, i pu a chhùn a nih hi,"a ti sarh sarh a. A țawng duh a, a nêlawm phian ka ti. Ka pi nèn an inang bawk a, an mizia pawh a inan hmèl khawp mai.
Room pakhat ațangin Ruatdika a rawn chhuak a,"Nu, ka ril a țâm tawh a nia,"a rawn ti a, a nu bulah chuan a pangchan thiam hmel khawp hi.
"Aw, a ni maw? I unaunu ka hmu hi ka hlim lutuk a, ka lo theihnghilh a ni. Lo țhu rawh u, ka'n buatsaih ang e,"tiin a tho a, kei pawh ka tho ve zat a.
"Ka lo pui ang che, ka nî."
Min rawn en lêtin," A ngai lo ve, lo țhu rawh. Kan inhmuh vawi khatna a nia, ka tîr phal rih miah lo che. A harsa lo, puih ka ngai lo,"a ti a.
Nula khân a lo pui ve nghal a, puih dàn tùr ka hriat chuan loh avàngin ka țhu leh daih a.
Zochhangban kan ka ei chu ka lung a tilêng lutuk. Ka ei loh rei tawhzia ka hre chhuak a, ka têt deuh laia ka ei kha tunah hian ka chhun zawm leh chiah.
"A tui hlê mai, a lunglènthlâk bawk si."
A nui var var a," Ei țeuh rawh aw. Bawiha hian tui a ti a, a lo kal dáwn hi chuan lei tùr a awm chuan ka lei hrâm hrâm țhìn a. Unau nge nge chu inanna lai in nei alawm,"a ti barh barh a. Nuam lo ka ti thut ziah, unau anga min sawi apiangin.
"Engtia rei nge i awm theih ang? I awm ve deuh reng ang chu tiraw?"
"Ka hre lo le, awm rei tùr ang chuan ka lo chho miah lo va."
"Angel, i pi hi a tar ve tawh a. In unau hian a sumdáwnna hi in enkawl a ngai a ni. I awm rei thei lo a nih pawhin i chhuk zawk ang a, i lo chho leh ang a."
"Nia, ka nî. Ka lo ngaihtuah ang."
"Chuti tùr chu a ni." Min rawn hnaih deuh sauh a,"I unaupa hi nupui nei thuai tùrin ti ve teh, a pi hian a fate a hmu hman lo palh ang,"a ti sar sar a.
Ka nuih a za hle mai. Nupui nei tawh tùr chuan an lo duh tawh hle a nih dáwn hi, a àwm ve tho mai. A pi hian a tupa fate a hmu hman lo ang tih a hlauhpui a ni ve mai a.
"Nu, sawi ve ziah teh suh."
A nu thil sawi kha a hre pha miah lo ang, a rawn risk mai mai a nih hi.
"Bawiha, i pi hian i fate a hmu hman lo ang tih ka hlau alawm. Angel-i hi chu pasal nei tùrin a la naupan hmel si. Angel, kum eng zât nge i nih le?"
"Kum sawmhnih leh...panga."
"Kum sawmhnih tling hmêl pawh i la pu si lo, i unaupa hi chu kum sawmthum a ni dáwn tawh asin, nupui neih a hun ve tawh reng tiraw? Tû pawm pawh a châkawm ve tawh hrim hrim bawk."
Kan awm rei ve phian mai. A titi nasa a, a țawng duh bawk si nèn, nèl loh theih pawh a ni lo. Kan haw dáwn chuan,"Angel, ka hmu che hi ka lãwm tak tak a ni, kan lo lêng hman lo a nih pawhin lo lêng leh rawh aw, kan in awmna i hriat tawh hi,"a ti a.
"Aw le, ka lo lêng leh hrim hrim ang."
Motor kan luh hnuah a phone a rawn ri a, hmeichhe aw a ni. A bialnu a ni ang, ngaihtuah lo zet chuan ka phone ka khawih ve a.
Motor start pah chuan," Khatla-ah pêng leh lawk mai ang aw,"a ti sup a, ka chhâng chuang lo. A bialnute inah min pènpui dáwn a ni àwm sia, ka peih teh chiam lo asin, a bialnu erawh hmuh a châkawm mai mai.
A bialnute in chu a len hmel khawp. Min sâwm ve hran lo va, ka kal peih bîk bawk lo. Motor-ah ka țhu a, ka fb mai mai. Țhiante pic ka like-sak a, ka comment bawk a, ka ning viau hman lo ve.
A bialnu ni ngeia ka rin chuan a rawn zui chhuak a, a sam buang deuh thar chu a inhmeh khawpin ka hria. A hmel a chhe hran lo bawk, duh aiin makeup erawh a hmang nasa a nih hmel, a pian pawh a nalh; mahse, kei aiin a tê chiang mai.
An inchelh ve rèn ráwn a, en reng nuam ka tih loh vàng leh ka lan chian ém avàngin ka hawi sawn ta daih a.
Motor-a a rawn luh chuan melh pawh ka lo melh lo, a bialnu nèn khân an infâwp ngei àwm sia, ka ten reuh tawp.
"Eng nge i thawh țhin?"
Ka ngawi vang vang phawt a, ka ngaihtuah lêt a, Angel-i khân part-time job thawk angin a insawi tak.
"Ka thawk kual dûm mai, dàwrah te, restaurant-ah te leh hna ka hmuh hmuh a ni mai."
"Ngati nge Mizoramah i lo lêt mai loh?"
Ka duh lo a ni mai.
"Chhûngte ka nei tih ka hre lo."
Hei hi chu ka risk mai mai. Angel-i kha chuan a hre ru reng maithei a, a hre lo der mai mai thei tho bawk.
"I nuin kal lo tùra a duh vàng che a ni ang tiraw?"
"Ka nu thi tawh thlarau puhchhe suh."
"Ka puhchhe lo, thil nih dàn ka sawi mai a nia."
"Ka nu kha in ngai sual mai mai a ni."
Ka țang ve tlat, thu dik phei chu ka hre miah lo; mahse, hei hi Angel-i țanna tùr a nih ka ring tho.
"A nih chuan, engtizia nge ka pi leh pute kha a biak duh miah loh a? A hmu duh lo bawk. Ka pu phei chu a beidawng țhak asin, a rilru a nâ, a tunu neihchhun pawh hmuhtîr a phal lo a nia."
Hei chu ka hre ta miah lo. He pa thil sawi hi thu dik a nih chuan ka țanna hi a dik lo thei tho si.
"Ka hre ve hauh lo mai."
"I hriat loh chuan țan miah suh."
"Nang pawh, i hriat chian tak tak loh chu min hrilh miah suh."
A thinrim leh rim loh ka hre lo; mahse, a lãwm kher lo ang chu.
"I awm chhûngin ka pi rilru tina zâwng leh a duh loh zâwngin awm suh ang che."
Thupêk leh bawk maw. Ka chhâng peih tawh lo. Inla boss lutuk mai, ka pi rilru tina zâwnga awm mah hlauh nâk laia, he pa hi chu delete daih ka châk. Delete ila, paih bo vawng vawng ila.
"I rilruin anchhia min lawh suh, mahni chungah a thleng duh a nia."
Ka ngaihtuah chu a rawn hre ta emaw ka ti hial mai; mahse, a hre thei tak tak teuh lo mai, amah ka en pawh a ni lo va, ka hmel a hmu pawh a ni lo. A risk vêl mai mai a ni.
"Pawi tawp lo."
Ka rin loh deuhin a rawn nui hawk mai. Ka ngei belhchhah sawt, mi nuihzat chîng mihring hi ka hua a ni tawp mai.
"Bialpa i nei tawh em?"
A zah lohzia hi!!!
Hmm...
A mãwl deuh a nih ka ring thut thut, tûn ang kuma bialpa nei lo tùra inngaihte chu. Ka hrilh àwm lo chiang em mai a, a lo hriat tùr pawh a awmlo. Khawvêlah hian kan pahnih chauh pawhin awm mah ila, ka hrilh chuang lo ang.
"Nei țeuh tawh tak ang. Khûng vêla awmte chuan hnam dang kawp an hrât lehnghal, chûng zîngah chuan i tel ve em? An caring bîk an tia, tak tak a ni em?"
Ka tuar thei tawh lo.
"Ding rawh!"ka ti tuarh a.
"Accident-tîr min tum em ni!!"
Traffic a jam ta hlauh, tihzia lutuk! Ka chhuk ta vat a. He pa bulah hian ka chuang peih tawh lo, duh leh kein ka kal thleng zak mai ang.
Min ko miah lo, țha lutuk! Min ko pawh ni se, ka ding chuang lo ang. Hmanhmawh zetin ka kal sawk sawk a, a hmel hmu pha lova awm ka duh ber a ni tawp mai.
Tuna ka awm mêkna bazâr bûngkàwn ațang hian Laipuitlâng chu la hla deuh mah se, exer a ni mai a. Kea kal țhang ka ni tho a, ka hah vak bîk nâng.
Chanmari ka thlen chuan ka hmanhmawh tawh bîk lo, helai vêl hi chu ka hre chiang ve a, ka têt laia ka tàl tamna a ni ve a, kawng short-cut pawh ka hre nual.
Hrângbàna college kawtah a lo ding niin, min lo ko a. Traffic kha a jam rei lo tawp a nih hi. Min ko mah se, ka hre lo der hmak. Chanmari biak in lamah chak fêin ka liam phei lehnghal a, ka hai der ve thiam ém!
In ka thlen chuan a lo la thleng lo a ni ang, a hmel ka hmu lo. Ka pi chuan min lo hmuh veleh,"In lo lêt tawh maw? A nuam i ti em? I nî chuan a lo làwm che em?"a lo ti siam siam a, ka pi hi chu a ngainatawm thlâwt, a tupa hi chu, a tupa a nihna ațang hian delete-sak ka châk!
"Aw, nuam e. Ka nî chu nangmah ang maia ngainatawm a ni, ka nêl nghal khawp. Ka pu erawh chu a lo awm lo va."
Hlim takin a nui var var a.
"Ka naute, nang pawh hi i ngainatawm alawm. Ka ngaina che a, ka duat bawk che. I sual dáwn lo tih ka hre thei bawk a, ka tunu ni àwm rêng i ni."
Kan nui dùn hawk hawk a.
Motor a rawn rì a, a hnu deuhah Delete-ka-châka chu a lo lût a, min hmuh chuan," I thleng tawh maw? Min chhuksan daih a, rilru nuam lo deuhin ka rawn haw phah alawm,"a rawn ti a.
Daw peih lutuk. Rilru nawm loh chu khawi lam, a nui vur vur ang chu.
Ka pi chuan makti deuh hian min en a," Eng nge a awmzia? Kein i rawn haw tihna em ni? In inhâu em ni a?"a ti ta khauh mai a.
"Hâu lo ve, ka pi. Kea kal ka châk deuh a, hriat chian pah ka duh bawk a."
"A țhat chu. In inhâu mai mai ang e, unau in nih hi. Tu mah mi dang ka nei tawh lo, inngeih taka in awm hi ka duh a ni."
Ka va en phei lai chuan a lo nui suk zui! A va nui ngam zâwk ve le! Ka pi chu awm lo se chuan ka pheikhawk hi a thlâwk phei ang a, a lo head chiang khawp ang chu! Hetiang hi apply ngaih hun a la awm dáwn, ka pi hmuh loh laiin a ngai ang. Ka thil ngaihtuah avàng chuan ka nui sak a. A va țha reuh tak!!!
Ka chhâng lo, chhàn ngai chî ni pawhin ka hre lo.
Ka room opposite chiah chu a room a ni ngei ang, kawngka pawh a lo inhawng sa deuh a, êng a rawn chhuak raih bawk a.
Room-ah chuan ka lût a, kawng khãrin ka kalh nghal zat bawk, a lo luh ka hlau deuh emaw ni le.
Ka tho hma lêm lo khawp mai. In hnuaia ka chhuk chuan ka pi a lo tho daih tawh a, min lo nuih sâng a, ka muttui leh tui loh te min lo zâwt. Awmpuite pahnih pawh ka hmu, Ruatdika ka hmu lo. A la tho lo a ni ang, tûnlai dàn a nia, zànah rei fé mengin zîng thawh nachâng an hre lo.
Ka tih dàn țhinin tui tam tâwk ka in phawt a, chumi zawhah ka room tifãi tùrin ka chho a, ka tihfài zawhah eirawng bâwl lam puih an ngaih tâkin ka ti a, choka lamah ka lût phei a.
Nu upa lam deuh zâwk chuan," Miss, eng nge i duh?" a lo ti vat a, chutia 'miss' tia min ko chu nuam lo ka ti lutuk, min tilài zo vek.
"Ah, duh ka nei hran lo. Puih theihna che u ka nei em ka ti deuh a," ka ti sawk sawk a.
Ani chuan,"Puih kan ngai lo ve. In tùr lam i duh zâwk em?" a ti leh a, ka chêt ve an phal lo a ni ang.
"Duh lo ve, ka lâwm e."
Veranda nuam zet, zau pui maiah chuan ka pi nèn kan vei tawn sek a, exer ka lâkpui a ni. A tar ve tawh a, hah taka tihpui chu ka duh lo, hahdam têin a tân pawha harsa lo tùrin ka tihpui a.
"En teh, ka pi, ka tih dàn ang hian lo ti zêl rawh aw. Hei, heti hian," tiin ka kut ka phar a, ka kutzungțang chu tichê-in,"Hei hi kut hmâwr exer nân a țha lutuk a, i kut chung lama phar pah pawhin i ti thei tho a nia, i thâ tawm khâwm tawh a siam țha leh thei a ni," tiin ka hrilh malh malh a, ani pawh chuan zàwi muang hian ka hrilh ang leh ka tih dàn ang chuan a ti zêl a.
"Angel Bawihte, zîng tin hetianga exer min lâkpui phawt chuan thla tâwp lamah chuan ka fit tawh ngawt ang tiraw?"
"Teh rêng mai, i fit hunah chuan kan tlãn dùn țhìn ang a, tu chak chak kan ti ang chu le."
Kan nui dùn bãwk bãwk a, Angel-i pi hi ka ngainat zâwng tak a ni tlat, min duat reuh bawk si a, ka awm chhûng chu hlim taka siam ka duh a ni.
"Good Morning,nulate u, in va nui nasa ve? Min rêl ém lo'ng chu maw?"
He pa hi morning walk a lo neih vàng a nih hi ka hmuh miah loh. Ka melh duh lo lui tlat a, ka pi erawh chuan a thil tih lai chàwl meuhin a tupa chu duat hmel zet hian a en a.
"Bawiha, lo tel ve rawh. Hei, exer kan lo la a, ka coach hian a thiam teh mai a nia, thla tàwpah chuan ka tlãn zar zar thei tawh ang ka lo ti a."
A nui hawk a.
"I tlãn chak lutuk ang tih a hlauhawm e a."
In chhûnga lût ta lo chuan kan bulah chuan a awm ve ta reng a, kei pawh chuan ka chawlhpui a, a tìr ațanga ka tihpui vak chuan a taksain a tuar palh ang.
Chaw ei khamah chuan chhuak thei tùr chuan ka insiam ta a, ka pi chu lo tel ve se ka tih teh lul nèn, a lo tel thei dáwn si lo. He pa nèn chauha chhuah chu ka peih lo asin le.
Incheina ka uar lêm lo va, ka inthuamna pawh simple a ni tawp mai. Makeup a tâwk lekin ka hmang ve a, hman loh ai ka ti a ni deuh ber. Sitting room-ah lo țhuin a lo chhuk hun ka nghâk, mipa ve si, a insiam rei mah mah a ni.
Minute 10 hnuah a rawn chhuk chauh, kan kalna tùr hmun chu hria ila ka kalsan daih tawh ang. Eng emaw a rawn khai bâwr viau a, lo lâk țhensak pawh ka tum chuang lo.
Ka pi chuan veranda thleng min thlah a, hlim taka hun hmang tùrin min chah a. Min chah ang chuan hmang thei ila ka ti khawp mai, dâwr kal kual chu ka huphurh lo, Ruatdika nu leh pa hmuh chu ka huphurh ber.
"Ka nu chuan a hmu châk tawh khawp mai che."
Kei chuan ka hmu châk lo.
Kan motor chuanna chu nimina mi kha a ni lo, tuna mi hi chu bolero vâr a ni, motor eng zât nge an neih le?
Dàwr chu a lian hlawm khawp mai a; chanmari, bazâr bûngkàwn leh khatla-ah an lo nei, bungrua a muk khawp hlawm mai.
Thawkte hnênah chuan min inhmêl hriattîr a, an lo fel hlawm khawp mai. Manager a ko hrang zêl a, eng nge a hrilh phei chu ka hre lo, ka ngaihven teh chiam lo bawk.
Khatla lam kan tlawh zawhah chuan Sikulpuikawn lamah kan kal leh a, kan kalna tùr lam ka zâwt lo nain a nu leh pa kan hmu tawh dáwn a nih ka ring. Ka kut a thlan dap dap ta mai, ka nervous-a ka awm țhin dàn a nia, ka kut hmâwr a vâwt țan.
"Kan in lamah aw."
Kan inbe lo khawp, kei phei chu ka țawng mang lo a ni. Min biak loh chuan biak ka tum hran lo, biakna tùr pawh ka nei lo.
"Khawi vêngah nge in awm?"
"I hre mai ang."
Min hrilh ve mai àwm a nia, sawi a har lo zâwk daih àwm si a.
Thakthîng lamah daih an awm. An in chu kawng bul mai lo deuhah a awm, a building a lian khawp mai. In hnuai chu garage niin a tlãn lût a, Garage chung chiahah chuan an chêng a ni àwm e.
Step-ah kan chho a, ka hah țêp. Ani chu hah hmel pawh a pu lo, a speed ngai rengin a kal.
Doorbell a hmet a, nula pakhatin a lo hawng a. Ruatdika a hmuh chuan a au chûl a.
"Âpi, U Ruatdika te an lo thleng tawh a nia."
Kan lût a, nu valâi ang reng deuh, han en reng reng pawha ka pi fanu tih hai theih hauh lo tùr hian min rawn pan a.
"Ka vahnu i ni maw? I hmelțha hle mai ka ti."
Min chibai a, ka chibai zo chu ka lài kher mai. A vahnu tak tak pawh ka ni si lo va, chhûngril lamah nuam lo tihna ka nei tlat.
"Ka nî, ka hmu che chu ka lâwm e."
Ka tih tùr a ni a, theihtâwp chhuaha ka tih hrâm hrâm a ngai. Ka ti laklawh tawh a, a tàwp thleng rakin ka ti mai ang.
"I nu chuan a enkawl țha che tih ka hre mai. Kei pawh ka hmu che hi ka lâwm hle a ni, ka awih lo lek lek zâwk."
Sofa nalh zetah chuan kan țhu dùn a, Ruatdika erawh chu kan bulah a lo awm tawh lo.
"I pa i chhùn lo hle mai tiraw? I nu kha ka hre chiang tawh lo va, i nu i chhùn tihna em ni?"
"A nih ka ring, mi sawi dàn pawh a nia."
"Um, i fel hle mai, lêng ve reng rih rawh aw. I pu pawhin hmuh che a châk a; mahse, a țhianpa damlo kha kan tùrin a chhuak ta rih a nih kha. Chuan, Bawiha hi chu i hre tawh a, i la nêl lo hle ang tiraw?"ka kut chu a khàl nauh nauh a.
"Mi hi nèl nghal harsa ka ti a."
A nui sak a," A dik alawm. Kei pawh ka nih dàn țhìn a nia, i awm rei ang a, i nêl mai ang. A țawng tam vak lo va, i pu a chhùn a nih hi,"a ti sarh sarh a. A țawng duh a, a nêlawm phian ka ti. Ka pi nèn an inang bawk a, an mizia pawh a inan hmèl khawp mai.
Room pakhat ațangin Ruatdika a rawn chhuak a,"Nu, ka ril a țâm tawh a nia,"a rawn ti a, a nu bulah chuan a pangchan thiam hmel khawp hi.
"Aw, a ni maw? I unaunu ka hmu hi ka hlim lutuk a, ka lo theihnghilh a ni. Lo țhu rawh u, ka'n buatsaih ang e,"tiin a tho a, kei pawh ka tho ve zat a.
"Ka lo pui ang che, ka nî."
Min rawn en lêtin," A ngai lo ve, lo țhu rawh. Kan inhmuh vawi khatna a nia, ka tîr phal rih miah lo che. A harsa lo, puih ka ngai lo,"a ti a.
Nula khân a lo pui ve nghal a, puih dàn tùr ka hriat chuan loh avàngin ka țhu leh daih a.
Zochhangban kan ka ei chu ka lung a tilêng lutuk. Ka ei loh rei tawhzia ka hre chhuak a, ka têt deuh laia ka ei kha tunah hian ka chhun zawm leh chiah.
"A tui hlê mai, a lunglènthlâk bawk si."
A nui var var a," Ei țeuh rawh aw. Bawiha hian tui a ti a, a lo kal dáwn hi chuan lei tùr a awm chuan ka lei hrâm hrâm țhìn a. Unau nge nge chu inanna lai in nei alawm,"a ti barh barh a. Nuam lo ka ti thut ziah, unau anga min sawi apiangin.
"Engtia rei nge i awm theih ang? I awm ve deuh reng ang chu tiraw?"
"Ka hre lo le, awm rei tùr ang chuan ka lo chho miah lo va."
"Angel, i pi hi a tar ve tawh a. In unau hian a sumdáwnna hi in enkawl a ngai a ni. I awm rei thei lo a nih pawhin i chhuk zawk ang a, i lo chho leh ang a."
"Nia, ka nî. Ka lo ngaihtuah ang."
"Chuti tùr chu a ni." Min rawn hnaih deuh sauh a,"I unaupa hi nupui nei thuai tùrin ti ve teh, a pi hian a fate a hmu hman lo palh ang,"a ti sar sar a.
Ka nuih a za hle mai. Nupui nei tawh tùr chuan an lo duh tawh hle a nih dáwn hi, a àwm ve tho mai. A pi hian a tupa fate a hmu hman lo ang tih a hlauhpui a ni ve mai a.
"Nu, sawi ve ziah teh suh."
A nu thil sawi kha a hre pha miah lo ang, a rawn risk mai mai a nih hi.
"Bawiha, i pi hian i fate a hmu hman lo ang tih ka hlau alawm. Angel-i hi chu pasal nei tùrin a la naupan hmel si. Angel, kum eng zât nge i nih le?"
"Kum sawmhnih leh...panga."
"Kum sawmhnih tling hmêl pawh i la pu si lo, i unaupa hi chu kum sawmthum a ni dáwn tawh asin, nupui neih a hun ve tawh reng tiraw? Tû pawm pawh a châkawm ve tawh hrim hrim bawk."
Kan awm rei ve phian mai. A titi nasa a, a țawng duh bawk si nèn, nèl loh theih pawh a ni lo. Kan haw dáwn chuan,"Angel, ka hmu che hi ka lãwm tak tak a ni, kan lo lêng hman lo a nih pawhin lo lêng leh rawh aw, kan in awmna i hriat tawh hi,"a ti a.
"Aw le, ka lo lêng leh hrim hrim ang."
Motor kan luh hnuah a phone a rawn ri a, hmeichhe aw a ni. A bialnu a ni ang, ngaihtuah lo zet chuan ka phone ka khawih ve a.
Motor start pah chuan," Khatla-ah pêng leh lawk mai ang aw,"a ti sup a, ka chhâng chuang lo. A bialnute inah min pènpui dáwn a ni àwm sia, ka peih teh chiam lo asin, a bialnu erawh hmuh a châkawm mai mai.
A bialnute in chu a len hmel khawp. Min sâwm ve hran lo va, ka kal peih bîk bawk lo. Motor-ah ka țhu a, ka fb mai mai. Țhiante pic ka like-sak a, ka comment bawk a, ka ning viau hman lo ve.
A bialnu ni ngeia ka rin chuan a rawn zui chhuak a, a sam buang deuh thar chu a inhmeh khawpin ka hria. A hmel a chhe hran lo bawk, duh aiin makeup erawh a hmang nasa a nih hmel, a pian pawh a nalh; mahse, kei aiin a tê chiang mai.
An inchelh ve rèn ráwn a, en reng nuam ka tih loh vàng leh ka lan chian ém avàngin ka hawi sawn ta daih a.
Motor-a a rawn luh chuan melh pawh ka lo melh lo, a bialnu nèn khân an infâwp ngei àwm sia, ka ten reuh tawp.
"Eng nge i thawh țhin?"
Ka ngawi vang vang phawt a, ka ngaihtuah lêt a, Angel-i khân part-time job thawk angin a insawi tak.
"Ka thawk kual dûm mai, dàwrah te, restaurant-ah te leh hna ka hmuh hmuh a ni mai."
"Ngati nge Mizoramah i lo lêt mai loh?"
Ka duh lo a ni mai.
"Chhûngte ka nei tih ka hre lo."
Hei hi chu ka risk mai mai. Angel-i kha chuan a hre ru reng maithei a, a hre lo der mai mai thei tho bawk.
"I nuin kal lo tùra a duh vàng che a ni ang tiraw?"
"Ka nu thi tawh thlarau puhchhe suh."
"Ka puhchhe lo, thil nih dàn ka sawi mai a nia."
"Ka nu kha in ngai sual mai mai a ni."
Ka țang ve tlat, thu dik phei chu ka hre miah lo; mahse, hei hi Angel-i țanna tùr a nih ka ring tho.
"A nih chuan, engtizia nge ka pi leh pute kha a biak duh miah loh a? A hmu duh lo bawk. Ka pu phei chu a beidawng țhak asin, a rilru a nâ, a tunu neihchhun pawh hmuhtîr a phal lo a nia."
Hei chu ka hre ta miah lo. He pa thil sawi hi thu dik a nih chuan ka țanna hi a dik lo thei tho si.
"Ka hre ve hauh lo mai."
"I hriat loh chuan țan miah suh."
"Nang pawh, i hriat chian tak tak loh chu min hrilh miah suh."
A thinrim leh rim loh ka hre lo; mahse, a lãwm kher lo ang chu.
"I awm chhûngin ka pi rilru tina zâwng leh a duh loh zâwngin awm suh ang che."
Thupêk leh bawk maw. Ka chhâng peih tawh lo. Inla boss lutuk mai, ka pi rilru tina zâwnga awm mah hlauh nâk laia, he pa hi chu delete daih ka châk. Delete ila, paih bo vawng vawng ila.
"I rilruin anchhia min lawh suh, mahni chungah a thleng duh a nia."
Ka ngaihtuah chu a rawn hre ta emaw ka ti hial mai; mahse, a hre thei tak tak teuh lo mai, amah ka en pawh a ni lo va, ka hmel a hmu pawh a ni lo. A risk vêl mai mai a ni.
"Pawi tawp lo."
Ka rin loh deuhin a rawn nui hawk mai. Ka ngei belhchhah sawt, mi nuihzat chîng mihring hi ka hua a ni tawp mai.
"Bialpa i nei tawh em?"
A zah lohzia hi!!!
Hmm...
A mãwl deuh a nih ka ring thut thut, tûn ang kuma bialpa nei lo tùra inngaihte chu. Ka hrilh àwm lo chiang em mai a, a lo hriat tùr pawh a awmlo. Khawvêlah hian kan pahnih chauh pawhin awm mah ila, ka hrilh chuang lo ang.
"Nei țeuh tawh tak ang. Khûng vêla awmte chuan hnam dang kawp an hrât lehnghal, chûng zîngah chuan i tel ve em? An caring bîk an tia, tak tak a ni em?"
Ka tuar thei tawh lo.
"Ding rawh!"ka ti tuarh a.
"Accident-tîr min tum em ni!!"
Traffic a jam ta hlauh, tihzia lutuk! Ka chhuk ta vat a. He pa bulah hian ka chuang peih tawh lo, duh leh kein ka kal thleng zak mai ang.
Min ko miah lo, țha lutuk! Min ko pawh ni se, ka ding chuang lo ang. Hmanhmawh zetin ka kal sawk sawk a, a hmel hmu pha lova awm ka duh ber a ni tawp mai.
Tuna ka awm mêkna bazâr bûngkàwn ațang hian Laipuitlâng chu la hla deuh mah se, exer a ni mai a. Kea kal țhang ka ni tho a, ka hah vak bîk nâng.
Chanmari ka thlen chuan ka hmanhmawh tawh bîk lo, helai vêl hi chu ka hre chiang ve a, ka têt laia ka tàl tamna a ni ve a, kawng short-cut pawh ka hre nual.
Hrângbàna college kawtah a lo ding niin, min lo ko a. Traffic kha a jam rei lo tawp a nih hi. Min ko mah se, ka hre lo der hmak. Chanmari biak in lamah chak fêin ka liam phei lehnghal a, ka hai der ve thiam ém!
In ka thlen chuan a lo la thleng lo a ni ang, a hmel ka hmu lo. Ka pi chuan min lo hmuh veleh,"In lo lêt tawh maw? A nuam i ti em? I nî chuan a lo làwm che em?"a lo ti siam siam a, ka pi hi chu a ngainatawm thlâwt, a tupa hi chu, a tupa a nihna ațang hian delete-sak ka châk!
"Aw, nuam e. Ka nî chu nangmah ang maia ngainatawm a ni, ka nêl nghal khawp. Ka pu erawh chu a lo awm lo va."
Hlim takin a nui var var a.
"Ka naute, nang pawh hi i ngainatawm alawm. Ka ngaina che a, ka duat bawk che. I sual dáwn lo tih ka hre thei bawk a, ka tunu ni àwm rêng i ni."
Kan nui dùn hawk hawk a.
Motor a rawn rì a, a hnu deuhah Delete-ka-châka chu a lo lût a, min hmuh chuan," I thleng tawh maw? Min chhuksan daih a, rilru nuam lo deuhin ka rawn haw phah alawm,"a rawn ti a.
Daw peih lutuk. Rilru nawm loh chu khawi lam, a nui vur vur ang chu.
Ka pi chuan makti deuh hian min en a," Eng nge a awmzia? Kein i rawn haw tihna em ni? In inhâu em ni a?"a ti ta khauh mai a.
"Hâu lo ve, ka pi. Kea kal ka châk deuh a, hriat chian pah ka duh bawk a."
"A țhat chu. In inhâu mai mai ang e, unau in nih hi. Tu mah mi dang ka nei tawh lo, inngeih taka in awm hi ka duh a ni."
Ka va en phei lai chuan a lo nui suk zui! A va nui ngam zâwk ve le! Ka pi chu awm lo se chuan ka pheikhawk hi a thlâwk phei ang a, a lo head chiang khawp ang chu! Hetiang hi apply ngaih hun a la awm dáwn, ka pi hmuh loh laiin a ngai ang. Ka thil ngaihtuah avàng chuan ka nui sak a. A va țha reuh tak!!!
Comments
Post a Comment