☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆RUATDIKA☆ - 5 By Dingdi Pachuau
Ka chhâng ngam tawh lo.
Thlai hnah kan la zo a, a rah lam ve thung kan lo leh a. Nuam ka ti tawp, ka phone pawh ka chhawr țangkai khawp, thla ka la deuh chhên mai.
Dâr 2 vêlah thingpui kan in a, ni a sat ém avàng chuan a lum hle a, ka hmai pawh a sa hat hat mai.
Mi paruk kan awm a, nupa leh tlangvâl pahnih an ni. Tlangvâl ka ti nain pa upa lam deuh tawh chu an ni, an țawng ve duh phian a, kei ka țawng duh a chhuak bawk si a, fiamthu kan thawh reng mai.
"Nu i nih hunah chuan i hmai a duk dáwn a nih kha."
"Engvàng ngawtin maw? Ka hma lam hun i hre thei em ni, ka pi?"tiin makti zetin nutling chu ka zâwt a.
"Hre thei chuang lo ve, i biang kha a tài ém a ka ti mai mai."
"Nia, ka biang tài hi ka duh bík miah lo asin, khaw lum vàng pawh hi a ni maithei tho."
"Nula, lungngâi mah ta che. I duh ber pasala i neihte chuan hmai duk tih mai mai, engah mah a ngai lo ang,"tiin a pasal chuan min lo hnèm a.
"Nia, min hmangaih te chuan a hmu mawi vek dáwn asin."
Ruatdika chuan muang charh hian,"Chutiang problem solve dàn țha ber chu pasal neih loh a ni mai,"a lo ti nghut a.
"Mi ang nih chuan pasal neih chu ka la duh ve ang chu, pasal neih loh tih ngawt chu a fuh lo,"ka ti thung a.
A pasal zâwk chuan,"Ni e, pasal neih loh chu hmeichhia an zahawm lo,"a lo ti ve a. Tifuh inti zet hian Ruatdika chu ka en a, ani chuan," Pasal sawi rual pawh i la nih loh kha,"a ti ta daih a.
Ka rin loh dàn deuha țawngkam a rawn neih avàng chuan ka dang titih ta ringawt a. A sawi hi a dik chiah, pasal neih hi sawi pawh ka la sawi chhin ngai miah lo, ngaihtuah pawh ka la ngaihtuah lo. Biangtài ațanga rawn ințan vek a ni.
"Sawi tawh lo ang u. Kha, ei tùr kha ka pi min kentîr a nia, ei țeuh r'u, in thawk hah ropui si,"tiin ei tùr chu ka sem kual a. Ruatdika nui suk suk chu ka hmu reng, ka ngei rilru khawp mai.
Luiah kan kal vek a, kaikuang man kan tum a ni; mahse, kei chu ka ți deuh hlek tawh a, fanghmîr khân min seh leh ang tih ka hlau.
An hmu theiin an man thei phian mai. Keiin bûrah ka lo keng khâwm zêl a, ka lo râk chèl chúl. Hnathawk tlangvâlin sangha pakhat a man phei chuan ka lo zuang tawr tawr a, nuam ka ti tak zet a ni.
"I bengchheng lutuk a, an tlãn bo zo vek tawh."
Thinrimin min hau bîk lo tih ka hria a, nuam ka ti. Inkhak fek fek leh thupêk inpêk reng ai chuan nuam ka ti daih zâwk, ina haw leh pawh a peihawm tawh lo zâwk ka ti.
Haw kan tum chuan tlai dâr 4 a pèl tawh. Luia kan thil manho kha min hawntîr vek a, motor hnungah thlai kan phur haw țeuh bawk a, khawiah nge a dah dáwn phei chu ka hre lo.
Kan in-bye bye lâwp lâwp a, kan tlãn chhuah chuan ka hawi lêt a, hlim taka hun ka hmanna a ni si a, ka kal leh tawh àwm si lo va, ka ngai ngawt ang.
"I chau em?"
"Aih."
"Kal leh i duh ang em?"
Phûr zetin,"Kan kal leh dáwn em ni?" ka lo ti vat a, ani lah chuan," Ka zâwt che a nih chu," a ti deuh hmuk a.
"Kal leh ka châk; mahse, hun ka nei tawh lo ang ka ring."
"Chhuk thuai thuai pawh chu i va châk àwm ve."
Châk thil a ni lo. Ka chhûngte tak tak ni lo bula chèn ve reng chu thil tihchi a ni lo alawm.
"Ka hna thawh ve chhun rei tak ka chawlhsan thei lo ang."
A țawng tawh lo, kei pawh ka țawng tawh lo. Ka ngaihtuahnain Chennai ka chhuk leh hun tùr ka ngaihtuah a, helaia hun ka hman hi ka ngai dáwn lutuk a, hetiang hun hlimawm hi ka hmang leh tawh dáwn si lo.
In kan thlen chuan zàn dâr 7 a ri tawh a, ka pi chuan min lo lãwm thiam hle mai. Kan thil hawn chu ka pite awmpui nutling zâwk chuan a lo buaipui vat a, a kang sar sar ri chu ka hria, a tui ngawt ang. Ruatdika chu a tlãn chhuak leh rih a, thlai kan phurh haw țeuh kha a leitu tùrte a pe dáwn a nih ka ring.
Ka inbual a, vawiina fanghmìr min sehna kha a lo sen thliah thliah niin. Ka taksa hmun tin deuhthawah hmuh tùr a awm.
Ruatdika pawh a lo lêt har lo, a inbual chhûngin ka pi chu vawiina thla ka lâk hrang hrang leh video țhenkhat ka lo hmuhtîr a. Ruatdika a hman veleh chuan chaw kan ei a.
Chaw kan ei lai chuan," Ka pi, vawiinah tu emaw englo ka hmu asin,"a ti ta. Phâwk zet hian ka melh a, a sawi chhuah ka ring miah lo asin le.
Ka pi chuan," Eng maw? Hriat awlsam theih tùrin sawi mai la,"a lo ti thung a.
"A ti ve mai mai a nih kha, eng mah a hmu lo. Ka pi, kan kaikuang lo hawn chu tui i ti em?"ka ti vat a.
Room-ah chuan chhoin journal ka ziak a, vawiin lama ka hun hman hlimawm tak chu ka ziak a, khumah chuan bawkin ka maimichhîng a, vawiin lam ka hun hmante ka ngaihtuah lêt neuh neuh a.
Ka harh meuh chuan a lo thim vek tawh, ka awm dàn chu ka hai lek lek mai. Ka tui a hãl huam huam a, ka lu a na tluk tluk bawk. Ka pang ka dek a, a lo sa vur mai a. Damdawi ka ei ngei a ngai, naktûkah ka piin ka dam lo tih a hriat hlauh chuan...
Peih lo tak chuan in hnuaiah ka chhuk a, tui in tùr la pahin damdawi chu ka zawng nghal a, an dahna ka va hre mai lo ve aw.
Kitchen drawer ka en vek a, ka hmu lo. Awmpuite kaihthawh ka duh teuh si lo, fridge bul drawer chu ka en leh a, chutah pawh chuan ka hmu lo.
Zawn ngaihna ka hre tawh lo, zanin chu damdawi ei lovin tuar phawt mai ang.
Room ka chhoh dáwn chuan a tàwp nân tak tak tiin step bula cupboard chu ka hawng a, hmuh pawh ka inring tawh chuang lo.
"Eng thil phiangsen nge i tih a?"
Ka phu nasa kher mai!!
"Eng nge i tih ka tih chu?" A țawng ring lo nain a hlauhawm kher mai.
"Damdawi ka zawng."
Ngun zet hian min en a, kei erawh chuan ka en duh lo tlat a, ka khua a sik tih ka pi bula a sawi ka duh lo.
"I thil zawn dik tak min hrilh rawh."
Eng thil nge ka zawn a rin reng reng ni? Mi mah lu nat naka laiin. Thil rûk tùr zawngah min ngai a ni ngei ang, ka thin a rim ve phat a.
"Eng nge ka zawn i rin? Damdawi ka zawng."
Cupboard chu khãrin tui bottle chu kengin step-ah chuan ka chho nghal a, he pa hian thil rûk tùr zawngah min ngai a nih hi, râpthlâk lutuk. Thil ru duh tùrah min ngai reng reng em ni le? Ka pian ahnu lamah thil ka rûk ka la hre bîk lo asin, ka rilru chu a na kher mai.
Room ka lût tùr chu ka bânah a rawn man chawt a.
"Min thlah nghal rawh."
Thinrim zet hian ka melh a, ka lu nâ leh rilru nâ nèn, ka țap lo chauh a ni.
"I khua a sik em ni?"
Ka hawi sawn nghal a," Min thlah rawh, ka mu duh,"ka ti nghat a.
Ka chal a rawn dek a," I khua a sik a nih hi," tiin room-ah chuan min kai lût a, ka bathroom chu hawngin darthlalang a nawr tawlh a, damdawi a rawn la chhuak ta nghal a. Hm, lo ngaihtuah chhuah nachâng ka hre miah lo chu ka mãwl hle mai.
Mûm khat ka kuta hmeh belin,"Ei nghal rawh,"a ti sup a, tui bottle chu a hawng nghal bawk a. Ka mittui khap per sak pahin tui chu inin damdawi chu ka dawlh nghal a.
"A rei tawh em?"
"Ka pi hrilh suh aw, khawngaihin?"
Min en vang vang phawt a, chutah," Mu lum thuai rawh, naktûkah a reh hman lo palh ang e," a ti ta sup a.
Dâr 1 a ri țêp tawh a nih hi, he pa hi a va meng rei ve le! Kei chu ka muhìl tawh, ka harh leh tawh zâwk a ni a, men rei hi a țha vak lo asin.
"Muhìl rawh, damdawi kha a thawk har vak lo ang."
"Ka pi i hrilh lo ang tih min tiam phawt la?"
Rûm nghut pah chuan," Naktûk zînga i khawsik a reh hman loh chuan hrilh lo mah ila a hre tho ang,"a ti sup a.
"A nih, i room-ah phei tawh rawh."
"Ka thu thu."
Ka inkhuh hlãn a, ka lu a na tluk tluk nèn, ka maimichhîng a. Ka muthilh lai pawh ka hre lo, ka harh chuan zîng a lo ni tawh.
Ka chal chu ka han dek a, a lo lum tawh lo. Damdawi khân min chhâwk chiang hle mai, nizàn khân Ruatdika kha ka room-ah a awm rei em le?
Ka phone ka'n en a, Lalpa leh!!
Dâr 8 a ri dáwn tawh!! Ka tho ta vat a, ka piin mak min ti ngawt ang, nizànah ka khua a sik tih a hriat loh hrâm ka beisei.
In hnuaia ka chhuk chuan tu mah ka hmu lawk lo va, ka pi pawh hi khawnge a kal daih ni, a lêng em ni le?
"Ka pi..." Ka ko a, ka kal kual a.
"Miss Angel, ka pi chu a tupa nèn an chhuak lawk a nih kha, an lo lêt țêp tawh ang," ka pite awmpui nula zâwk khân a lo ti a.
"Aw le, ka lâwm e."
Pâwn lama motor ri ka hriat tâkah chuan ka chhuak vat a, motor ațanga ka pi lo chhuk chu," Ka pi, ka mut hlànin i lo chhuak daih a, min kaih thawh ve tùr a nia, i bulah ka chhuak ve châk asin," ka lo ti vat a.
Nui var varin ani chuan," I mu tui lutuk a, nimin lamah i hah bawk si a. Bawiha hian kaih thawh che a phal lo nèn, kan chhuahsan ta che a nih kha. Ei tùr tui deuh deuh ka lo hawn che a nia," a ti a, ka kut chu kaiin in chhûngah kan lût ta nghal a.
Ka pi hi ka ngaina lutuk tawh, hun rei tak chhûngte bula awm tawh lo ka lo ni bawk nèn, lem ka chang tih pawh hi ka theihnghilh lek lek tawh a ni. Pi ka nei ngai lo va, pite'n heti tak hian an tûte an duat thei ang tih ka ngaihtuah pha ngai miah lo bawk. Agel-i pawh kha kal se, a lo duat em em dáwn tihna tho a ni a, nuam a tih dáwn teh lul nèn.
"Angel Bawihte, sunday thawmhnaw i lo keng em?"
"Aih, ka pi. Sunday thawmhnaw ka nei lo hrim hrim, khutah ka inkhâwm ngai lo va."
"E khai!! Hetah chuan inkhâwm tùr aw. Vawiinah i thawmhnaw tùr chu kan en ang aw."
Ka hnial ngam lo.
Chawhnu lamah kan chhuak a, Ruatdika kan driver a ni. MC-ah kan kal a, khawi dàwrah pawh kal se, ka pite chuan hmel hriat an nei zel mai. Thawmhnaw min hâk chhintîr zêl a, hâk thum min leisak. Ka thawmhnaw mil tùr puan min ensak leh bawk a, ka hnial ve tak nain kawng ro erawh a su lo khawp mai.
Sunday pheikhawk kan en leh ta. Ka hnial peih tawh lo, min hruainaah ka kal vêl mai mai tawh a ni; mahse, ka duh ka thlang ve tawh thung. Rawngah chuan a dum hian hmeh a ngah ber avàngin a dum ka thlang, a sâng viau bawk.
"Bawihte, i kalpui thei dáwn em ni le?"
Ka nui a, "Ka kalpui theih tâk loh leh, ka hlîp ang a, ka keng mai ang," ka tih chuan a nuih a za kher mai.
*****************
Sunday chu a lo thleng ve ta reng mai, ka la sawi miah lo nain Sunday leh hi chu ka awm tawhin ka ring lo. Rei awm tuma kal ka ni lo hrim hrim a, ka pi pawhin rei ngial min chelh a tum ka ring bîk lo.
Room-ah chuan thawmhnaw chu ka inthlâk a, ka piin mawi a tih ber violet rawng chu ka la chhuak a, puan pathum min lei lah chuan a hmeh vek lehnghal a, tihchi reuh lutuk.
Ka hmai chu ka chei ve ngial a, eye-shadow tlêm leh mascara ka hmang hlek a, ka hmui chu lip-gloss ka tât hlek ringawt.
Ka piin min hmuh chuan," I mawi lutuk ringawt,"tiin min en chhuak vek a, ka pheikhawk chu en nawnin," Pheikhawk chu kha, i kalpui thei maw? A tliak hlauh ang e," a ti leh hrâm a.
"Hlauthâwng suh, ka pi. Tliak tùrin an siam bîk lo a nia."
Ruatdika pawh a rawn inthuam nalh khawp mai. Coat suit mawi zeta țhui hain necktie a awrh thlap a, a chhe lo khawp, nui hmel pu deuh phei se chuan...
Inkhâwm bànah chuan ka pi chuan a țhiante a ni ngei ang chu, a be kual a, an bulah chuan ka ding ve reng a. Ruatdika hmel erawh ka hmu lo, ani zawng a ngaihtuahawm lo ve.
"Angel Bawihte, han chibai kual la, ka țhiante an nih hi."
Nui sâng chung chuan ka chibai kual a,"I hmelțha hle mai," min ti ve sap sap a, tak tak ni lo mah se, ka lâwm ve tho nia.
"Ka pi, i dam țha maw? Khawnge R-a hi?"
Tunge R-a chu ni ta le?
Ka pi chuan tlangvâl rawn betu chu enin," Oh, Neil-a ni rengin! Eng tik nge i lo haw chhoh a? I dam țha em?"a ti chûl a.
"Kâr khat ka awm tawh, ka dam țha e, ka pi. Hei hi tunge ni a?"
"Ka tunu Angel-i a nih kha, R-a unaunu maw le."
"A ni maw? R-a vàn em em chhan ka hre ta, unaunu hmelțha deuh a lo neih vàng a nih chiah hi. Angel, inchibai ila?"
Nui sângin ka chibai a, a fel hmel thar thar khawp mai. A hmel a țha a, a sâng a, a ngo bawk.
Ka pi chuan," Chuan, Neil, hetah Mizoramah i awm ve tawh dáwn em ni?"tiin a zâwt a. Hm, Mizorama awm lo ve tho maw.
"Kum hnih khat chu khutah ka la awm rih ang, ka hna a laklawh lutuk a."
Eng hna nge a thawh le?
"Bangalore nge Mumbai-ah i awm kha?"
"Bangalore-ah a nia, ka pi."
Ruatdika pawh ka hmu ta, nula chhe lo zet a lo dinpui vàng a nih chiah hi a lo reh em em.
"Angel, khawiah nge nang i awm ve? Aizâwla mi hi chu i ni lo chiang mai a."
Nui chungin,"Engtin nge i hriat theih zâwk a?"ka ti a, ani chuan,"A, ka hre thei mai, i ni lo miau sia. Khawiah nge i awm ka hre thei maithei,"tiin maimichhîng chung hian a ngaihtuah vang vang a, awih lo zet hian ka lo en reng thung a.
"Chennai a ni em?"
"I risk tiraw?"
"A ni tiraw?"
"Aw, ni e. I hriat theih dàn ka hre châk hle mai."
"I mit meng ațangin ka hre thei alawm."
"Chu, ka mit meng ațanga thil i hriat theih chuan i va hlauhawm dáwn ve! Ka en duh tawh lo che."
Kan nui dùn a, he pa hi ka nêl nghal mai nia.
"Eng tikah nge i chhuk dáwn?"
"Ka hre lo le, ka chhuk har vak lo ang."
"Chhuk rual ila?"
"I hlauhawm e, ka chhukpui ngam dáwn che em ni le?"
Kan nui hak hak a, chutia kan nuih lai chuan," Neil, i lo chho a ni maw? A va inhmuh loh theih ve?"Ruatdika aw ngei mai chuan a rawn ti a.
Kan lo en vat a, a nula dinpui pawh kha kan bulah chuan a lo ding ve reng tawh a.
"Unaunu i neih avàngin i induh ta riau a nih hi ka lo ti a,"Neil-a chuan zângkhai zet hian a ti a, nui chungin min siai sak a, a rûkin ka lo lài chhe tawp.
Ruatdika chuan ngun zeta min enin,"In lo inhmel hriat tawh bawk a, a țha e,"tiin Neil-a lam chu a hawi a," Eng tikah nge chhuk leh i tum ang?"a ti leh a.
"Hm, tunah chuan thil țha ka hmu ta sia, chhuk lam chu ka hmanhmawh ta lo."
"Bawiha, kan haw tawh mai dáwn em ni ang?"ka pi chuan a rawn ti ta hlauh mai a.
Nia, pawi ka ti lo. High-heel pheikhawk ka bun ngai loh avàngin ka ke chu a na tawh hle mai a, haw thuai chu ka châk tawh khawp mai.
Kan kal dáwn chuan Neil-a chuan," Angel, hman hunah ka lo lêng dáwn nia aw,"a rawn ti hrâm a, kei pawh chuan,"Teh rêng mai," ka ti lêt ve a.
(Nizànah net signal ka nei thei lo va, pawi ka ti tak zet, min lo hre thiam hrâm r'u, hrehawm ka ti teh a nia)
Ka chhâng ngam tawh lo.
Thlai hnah kan la zo a, a rah lam ve thung kan lo leh a. Nuam ka ti tawp, ka phone pawh ka chhawr țangkai khawp, thla ka la deuh chhên mai.
Dâr 2 vêlah thingpui kan in a, ni a sat ém avàng chuan a lum hle a, ka hmai pawh a sa hat hat mai.
Mi paruk kan awm a, nupa leh tlangvâl pahnih an ni. Tlangvâl ka ti nain pa upa lam deuh tawh chu an ni, an țawng ve duh phian a, kei ka țawng duh a chhuak bawk si a, fiamthu kan thawh reng mai.
"Nu i nih hunah chuan i hmai a duk dáwn a nih kha."
"Engvàng ngawtin maw? Ka hma lam hun i hre thei em ni, ka pi?"tiin makti zetin nutling chu ka zâwt a.
"Hre thei chuang lo ve, i biang kha a tài ém a ka ti mai mai."
"Nia, ka biang tài hi ka duh bík miah lo asin, khaw lum vàng pawh hi a ni maithei tho."
"Nula, lungngâi mah ta che. I duh ber pasala i neihte chuan hmai duk tih mai mai, engah mah a ngai lo ang,"tiin a pasal chuan min lo hnèm a.
"Nia, min hmangaih te chuan a hmu mawi vek dáwn asin."
Ruatdika chuan muang charh hian,"Chutiang problem solve dàn țha ber chu pasal neih loh a ni mai,"a lo ti nghut a.
"Mi ang nih chuan pasal neih chu ka la duh ve ang chu, pasal neih loh tih ngawt chu a fuh lo,"ka ti thung a.
A pasal zâwk chuan,"Ni e, pasal neih loh chu hmeichhia an zahawm lo,"a lo ti ve a. Tifuh inti zet hian Ruatdika chu ka en a, ani chuan," Pasal sawi rual pawh i la nih loh kha,"a ti ta daih a.
Ka rin loh dàn deuha țawngkam a rawn neih avàng chuan ka dang titih ta ringawt a. A sawi hi a dik chiah, pasal neih hi sawi pawh ka la sawi chhin ngai miah lo, ngaihtuah pawh ka la ngaihtuah lo. Biangtài ațanga rawn ințan vek a ni.
"Sawi tawh lo ang u. Kha, ei tùr kha ka pi min kentîr a nia, ei țeuh r'u, in thawk hah ropui si,"tiin ei tùr chu ka sem kual a. Ruatdika nui suk suk chu ka hmu reng, ka ngei rilru khawp mai.
Luiah kan kal vek a, kaikuang man kan tum a ni; mahse, kei chu ka ți deuh hlek tawh a, fanghmîr khân min seh leh ang tih ka hlau.
An hmu theiin an man thei phian mai. Keiin bûrah ka lo keng khâwm zêl a, ka lo râk chèl chúl. Hnathawk tlangvâlin sangha pakhat a man phei chuan ka lo zuang tawr tawr a, nuam ka ti tak zet a ni.
"I bengchheng lutuk a, an tlãn bo zo vek tawh."
Thinrimin min hau bîk lo tih ka hria a, nuam ka ti. Inkhak fek fek leh thupêk inpêk reng ai chuan nuam ka ti daih zâwk, ina haw leh pawh a peihawm tawh lo zâwk ka ti.
Haw kan tum chuan tlai dâr 4 a pèl tawh. Luia kan thil manho kha min hawntîr vek a, motor hnungah thlai kan phur haw țeuh bawk a, khawiah nge a dah dáwn phei chu ka hre lo.
Kan in-bye bye lâwp lâwp a, kan tlãn chhuah chuan ka hawi lêt a, hlim taka hun ka hmanna a ni si a, ka kal leh tawh àwm si lo va, ka ngai ngawt ang.
"I chau em?"
"Aih."
"Kal leh i duh ang em?"
Phûr zetin,"Kan kal leh dáwn em ni?" ka lo ti vat a, ani lah chuan," Ka zâwt che a nih chu," a ti deuh hmuk a.
"Kal leh ka châk; mahse, hun ka nei tawh lo ang ka ring."
"Chhuk thuai thuai pawh chu i va châk àwm ve."
Châk thil a ni lo. Ka chhûngte tak tak ni lo bula chèn ve reng chu thil tihchi a ni lo alawm.
"Ka hna thawh ve chhun rei tak ka chawlhsan thei lo ang."
A țawng tawh lo, kei pawh ka țawng tawh lo. Ka ngaihtuahnain Chennai ka chhuk leh hun tùr ka ngaihtuah a, helaia hun ka hman hi ka ngai dáwn lutuk a, hetiang hun hlimawm hi ka hmang leh tawh dáwn si lo.
In kan thlen chuan zàn dâr 7 a ri tawh a, ka pi chuan min lo lãwm thiam hle mai. Kan thil hawn chu ka pite awmpui nutling zâwk chuan a lo buaipui vat a, a kang sar sar ri chu ka hria, a tui ngawt ang. Ruatdika chu a tlãn chhuak leh rih a, thlai kan phurh haw țeuh kha a leitu tùrte a pe dáwn a nih ka ring.
Ka inbual a, vawiina fanghmìr min sehna kha a lo sen thliah thliah niin. Ka taksa hmun tin deuhthawah hmuh tùr a awm.
Ruatdika pawh a lo lêt har lo, a inbual chhûngin ka pi chu vawiina thla ka lâk hrang hrang leh video țhenkhat ka lo hmuhtîr a. Ruatdika a hman veleh chuan chaw kan ei a.
Chaw kan ei lai chuan," Ka pi, vawiinah tu emaw englo ka hmu asin,"a ti ta. Phâwk zet hian ka melh a, a sawi chhuah ka ring miah lo asin le.
Ka pi chuan," Eng maw? Hriat awlsam theih tùrin sawi mai la,"a lo ti thung a.
"A ti ve mai mai a nih kha, eng mah a hmu lo. Ka pi, kan kaikuang lo hawn chu tui i ti em?"ka ti vat a.
Room-ah chuan chhoin journal ka ziak a, vawiin lama ka hun hman hlimawm tak chu ka ziak a, khumah chuan bawkin ka maimichhîng a, vawiin lam ka hun hmante ka ngaihtuah lêt neuh neuh a.
Ka harh meuh chuan a lo thim vek tawh, ka awm dàn chu ka hai lek lek mai. Ka tui a hãl huam huam a, ka lu a na tluk tluk bawk. Ka pang ka dek a, a lo sa vur mai a. Damdawi ka ei ngei a ngai, naktûkah ka piin ka dam lo tih a hriat hlauh chuan...
Peih lo tak chuan in hnuaiah ka chhuk a, tui in tùr la pahin damdawi chu ka zawng nghal a, an dahna ka va hre mai lo ve aw.
Kitchen drawer ka en vek a, ka hmu lo. Awmpuite kaihthawh ka duh teuh si lo, fridge bul drawer chu ka en leh a, chutah pawh chuan ka hmu lo.
Zawn ngaihna ka hre tawh lo, zanin chu damdawi ei lovin tuar phawt mai ang.
Room ka chhoh dáwn chuan a tàwp nân tak tak tiin step bula cupboard chu ka hawng a, hmuh pawh ka inring tawh chuang lo.
"Eng thil phiangsen nge i tih a?"
Ka phu nasa kher mai!!
"Eng nge i tih ka tih chu?" A țawng ring lo nain a hlauhawm kher mai.
"Damdawi ka zawng."
Ngun zet hian min en a, kei erawh chuan ka en duh lo tlat a, ka khua a sik tih ka pi bula a sawi ka duh lo.
"I thil zawn dik tak min hrilh rawh."
Eng thil nge ka zawn a rin reng reng ni? Mi mah lu nat naka laiin. Thil rûk tùr zawngah min ngai a ni ngei ang, ka thin a rim ve phat a.
"Eng nge ka zawn i rin? Damdawi ka zawng."
Cupboard chu khãrin tui bottle chu kengin step-ah chuan ka chho nghal a, he pa hian thil rûk tùr zawngah min ngai a nih hi, râpthlâk lutuk. Thil ru duh tùrah min ngai reng reng em ni le? Ka pian ahnu lamah thil ka rûk ka la hre bîk lo asin, ka rilru chu a na kher mai.
Room ka lût tùr chu ka bânah a rawn man chawt a.
"Min thlah nghal rawh."
Thinrim zet hian ka melh a, ka lu nâ leh rilru nâ nèn, ka țap lo chauh a ni.
"I khua a sik em ni?"
Ka hawi sawn nghal a," Min thlah rawh, ka mu duh,"ka ti nghat a.
Ka chal a rawn dek a," I khua a sik a nih hi," tiin room-ah chuan min kai lût a, ka bathroom chu hawngin darthlalang a nawr tawlh a, damdawi a rawn la chhuak ta nghal a. Hm, lo ngaihtuah chhuah nachâng ka hre miah lo chu ka mãwl hle mai.
Mûm khat ka kuta hmeh belin,"Ei nghal rawh,"a ti sup a, tui bottle chu a hawng nghal bawk a. Ka mittui khap per sak pahin tui chu inin damdawi chu ka dawlh nghal a.
"A rei tawh em?"
"Ka pi hrilh suh aw, khawngaihin?"
Min en vang vang phawt a, chutah," Mu lum thuai rawh, naktûkah a reh hman lo palh ang e," a ti ta sup a.
Dâr 1 a ri țêp tawh a nih hi, he pa hi a va meng rei ve le! Kei chu ka muhìl tawh, ka harh leh tawh zâwk a ni a, men rei hi a țha vak lo asin.
"Muhìl rawh, damdawi kha a thawk har vak lo ang."
"Ka pi i hrilh lo ang tih min tiam phawt la?"
Rûm nghut pah chuan," Naktûk zînga i khawsik a reh hman loh chuan hrilh lo mah ila a hre tho ang,"a ti sup a.
"A nih, i room-ah phei tawh rawh."
"Ka thu thu."
Ka inkhuh hlãn a, ka lu a na tluk tluk nèn, ka maimichhîng a. Ka muthilh lai pawh ka hre lo, ka harh chuan zîng a lo ni tawh.
Ka chal chu ka han dek a, a lo lum tawh lo. Damdawi khân min chhâwk chiang hle mai, nizàn khân Ruatdika kha ka room-ah a awm rei em le?
Ka phone ka'n en a, Lalpa leh!!
Dâr 8 a ri dáwn tawh!! Ka tho ta vat a, ka piin mak min ti ngawt ang, nizànah ka khua a sik tih a hriat loh hrâm ka beisei.
In hnuaia ka chhuk chuan tu mah ka hmu lawk lo va, ka pi pawh hi khawnge a kal daih ni, a lêng em ni le?
"Ka pi..." Ka ko a, ka kal kual a.
"Miss Angel, ka pi chu a tupa nèn an chhuak lawk a nih kha, an lo lêt țêp tawh ang," ka pite awmpui nula zâwk khân a lo ti a.
"Aw le, ka lâwm e."
Pâwn lama motor ri ka hriat tâkah chuan ka chhuak vat a, motor ațanga ka pi lo chhuk chu," Ka pi, ka mut hlànin i lo chhuak daih a, min kaih thawh ve tùr a nia, i bulah ka chhuak ve châk asin," ka lo ti vat a.
Nui var varin ani chuan," I mu tui lutuk a, nimin lamah i hah bawk si a. Bawiha hian kaih thawh che a phal lo nèn, kan chhuahsan ta che a nih kha. Ei tùr tui deuh deuh ka lo hawn che a nia," a ti a, ka kut chu kaiin in chhûngah kan lût ta nghal a.
Ka pi hi ka ngaina lutuk tawh, hun rei tak chhûngte bula awm tawh lo ka lo ni bawk nèn, lem ka chang tih pawh hi ka theihnghilh lek lek tawh a ni. Pi ka nei ngai lo va, pite'n heti tak hian an tûte an duat thei ang tih ka ngaihtuah pha ngai miah lo bawk. Agel-i pawh kha kal se, a lo duat em em dáwn tihna tho a ni a, nuam a tih dáwn teh lul nèn.
"Angel Bawihte, sunday thawmhnaw i lo keng em?"
"Aih, ka pi. Sunday thawmhnaw ka nei lo hrim hrim, khutah ka inkhâwm ngai lo va."
"E khai!! Hetah chuan inkhâwm tùr aw. Vawiinah i thawmhnaw tùr chu kan en ang aw."
Ka hnial ngam lo.
Chawhnu lamah kan chhuak a, Ruatdika kan driver a ni. MC-ah kan kal a, khawi dàwrah pawh kal se, ka pite chuan hmel hriat an nei zel mai. Thawmhnaw min hâk chhintîr zêl a, hâk thum min leisak. Ka thawmhnaw mil tùr puan min ensak leh bawk a, ka hnial ve tak nain kawng ro erawh a su lo khawp mai.
Sunday pheikhawk kan en leh ta. Ka hnial peih tawh lo, min hruainaah ka kal vêl mai mai tawh a ni; mahse, ka duh ka thlang ve tawh thung. Rawngah chuan a dum hian hmeh a ngah ber avàngin a dum ka thlang, a sâng viau bawk.
"Bawihte, i kalpui thei dáwn em ni le?"
Ka nui a, "Ka kalpui theih tâk loh leh, ka hlîp ang a, ka keng mai ang," ka tih chuan a nuih a za kher mai.
*****************
Sunday chu a lo thleng ve ta reng mai, ka la sawi miah lo nain Sunday leh hi chu ka awm tawhin ka ring lo. Rei awm tuma kal ka ni lo hrim hrim a, ka pi pawhin rei ngial min chelh a tum ka ring bîk lo.
Room-ah chuan thawmhnaw chu ka inthlâk a, ka piin mawi a tih ber violet rawng chu ka la chhuak a, puan pathum min lei lah chuan a hmeh vek lehnghal a, tihchi reuh lutuk.
Ka hmai chu ka chei ve ngial a, eye-shadow tlêm leh mascara ka hmang hlek a, ka hmui chu lip-gloss ka tât hlek ringawt.
Ka piin min hmuh chuan," I mawi lutuk ringawt,"tiin min en chhuak vek a, ka pheikhawk chu en nawnin," Pheikhawk chu kha, i kalpui thei maw? A tliak hlauh ang e," a ti leh hrâm a.
"Hlauthâwng suh, ka pi. Tliak tùrin an siam bîk lo a nia."
Ruatdika pawh a rawn inthuam nalh khawp mai. Coat suit mawi zeta țhui hain necktie a awrh thlap a, a chhe lo khawp, nui hmel pu deuh phei se chuan...
Inkhâwm bànah chuan ka pi chuan a țhiante a ni ngei ang chu, a be kual a, an bulah chuan ka ding ve reng a. Ruatdika hmel erawh ka hmu lo, ani zawng a ngaihtuahawm lo ve.
"Angel Bawihte, han chibai kual la, ka țhiante an nih hi."
Nui sâng chung chuan ka chibai kual a,"I hmelțha hle mai," min ti ve sap sap a, tak tak ni lo mah se, ka lâwm ve tho nia.
"Ka pi, i dam țha maw? Khawnge R-a hi?"
Tunge R-a chu ni ta le?
Ka pi chuan tlangvâl rawn betu chu enin," Oh, Neil-a ni rengin! Eng tik nge i lo haw chhoh a? I dam țha em?"a ti chûl a.
"Kâr khat ka awm tawh, ka dam țha e, ka pi. Hei hi tunge ni a?"
"Ka tunu Angel-i a nih kha, R-a unaunu maw le."
"A ni maw? R-a vàn em em chhan ka hre ta, unaunu hmelțha deuh a lo neih vàng a nih chiah hi. Angel, inchibai ila?"
Nui sângin ka chibai a, a fel hmel thar thar khawp mai. A hmel a țha a, a sâng a, a ngo bawk.
Ka pi chuan," Chuan, Neil, hetah Mizoramah i awm ve tawh dáwn em ni?"tiin a zâwt a. Hm, Mizorama awm lo ve tho maw.
"Kum hnih khat chu khutah ka la awm rih ang, ka hna a laklawh lutuk a."
Eng hna nge a thawh le?
"Bangalore nge Mumbai-ah i awm kha?"
"Bangalore-ah a nia, ka pi."
Ruatdika pawh ka hmu ta, nula chhe lo zet a lo dinpui vàng a nih chiah hi a lo reh em em.
"Angel, khawiah nge nang i awm ve? Aizâwla mi hi chu i ni lo chiang mai a."
Nui chungin,"Engtin nge i hriat theih zâwk a?"ka ti a, ani chuan,"A, ka hre thei mai, i ni lo miau sia. Khawiah nge i awm ka hre thei maithei,"tiin maimichhîng chung hian a ngaihtuah vang vang a, awih lo zet hian ka lo en reng thung a.
"Chennai a ni em?"
"I risk tiraw?"
"A ni tiraw?"
"Aw, ni e. I hriat theih dàn ka hre châk hle mai."
"I mit meng ațangin ka hre thei alawm."
"Chu, ka mit meng ațanga thil i hriat theih chuan i va hlauhawm dáwn ve! Ka en duh tawh lo che."
Kan nui dùn a, he pa hi ka nêl nghal mai nia.
"Eng tikah nge i chhuk dáwn?"
"Ka hre lo le, ka chhuk har vak lo ang."
"Chhuk rual ila?"
"I hlauhawm e, ka chhukpui ngam dáwn che em ni le?"
Kan nui hak hak a, chutia kan nuih lai chuan," Neil, i lo chho a ni maw? A va inhmuh loh theih ve?"Ruatdika aw ngei mai chuan a rawn ti a.
Kan lo en vat a, a nula dinpui pawh kha kan bulah chuan a lo ding ve reng tawh a.
"Unaunu i neih avàngin i induh ta riau a nih hi ka lo ti a,"Neil-a chuan zângkhai zet hian a ti a, nui chungin min siai sak a, a rûkin ka lo lài chhe tawp.
Ruatdika chuan ngun zeta min enin,"In lo inhmel hriat tawh bawk a, a țha e,"tiin Neil-a lam chu a hawi a," Eng tikah nge chhuk leh i tum ang?"a ti leh a.
"Hm, tunah chuan thil țha ka hmu ta sia, chhuk lam chu ka hmanhmawh ta lo."
"Bawiha, kan haw tawh mai dáwn em ni ang?"ka pi chuan a rawn ti ta hlauh mai a.
Nia, pawi ka ti lo. High-heel pheikhawk ka bun ngai loh avàngin ka ke chu a na tawh hle mai a, haw thuai chu ka châk tawh khawp mai.
Kan kal dáwn chuan Neil-a chuan," Angel, hman hunah ka lo lêng dáwn nia aw,"a rawn ti hrâm a, kei pawh chuan,"Teh rêng mai," ka ti lêt ve a.
(Nizànah net signal ka nei thei lo va, pawi ka ti tak zet, min lo hre thiam hrâm r'u, hrehawm ka ti teh a nia)
Comments
Post a Comment