☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆RUATDIKA☆- 6 By Dingdi Pachuau
Haw kawngah chuan ka pi chuan," Neil-a hi chu a nèlawm ve ngawt mai. A polite reuh si a, tu nula tak vànnei ang maw?"a ti barh barh a.
"Engtiang taka fel nge a nih a?"
"Fel tak a ni mai."
Ruatdika erawh chu a ngawi reng a, ani hian a hre chiang khawp ang chu.
"Chhûngkaw harsa lo tak an ni a, chuvàng chuan a duhna takah lehkha pawh a zir thei a, Computer Engineer a ni tain ka hria, Bangalore-ah hna thawkin a awm reng tawh a. Hei, i u țhianpa a lo ni bawk nèn, a lo haw chhoh apiangin min tlawh ziah reuh lehnghal a, a bula awm hi a nuam asin."
"A nih dáwn kha."
"Ka pi, duh tâwk teh u."
Ka pi nèn chuan kan inen vat a, mit ko sàn ãk hian," I thîk deuh em ni fel kan tih vàng chuan maw? Ka tupa fel lutuk hi chu a tluk thei chuang lo ang che,"a ti a, kei chu ka lo nui thung a.
Neil-a chu a lo lêng tak tak. A chhe lo ka ti a, a pà viauin ka hre bawk. A zei ve hrim hrim, nge a tih dàn pângngai ka hre lo, ka pi chu a'n chhaih hmasa phawt a. Ruatdika pawh a awm nghe nghe a, ințhian țha tak an nih ka ring.
"Ka pi hi chu i hmelțha ngawt mai, Angel-i pawh hian a chhùn viau chein ka hria."
Fiamthu mah ni se, ka lài tho. Ka pi hi chu engti kawng mahin ka ang lo hrim hrim tih ka hria, an ngaihna a awm hek lo, thisenah inzawmna a awm si lo va.
"Ka mut a hun ta, Neil, lêng reng rawh aw,"tiin ka pi chu a tho ta țâih țâih a.
"A, ka pi, i mut daihte chuan a nuam àwm lo e, ka rawn lèn chhan ber i nia."
Ka pi chu a nui hak hak a, "Mangțha mai u,"a ti a, room-ah chuan a lût ta nghal a.
Kan pathum chuan kan țhu ta kar mai.
"Chutia ka pi ber a mut tâkah chuan nula bulah ka'n țhu teh ang," tiin Neil-a chu ka bul țhutna âwlah chuan a rawn țhu ta chat a.
An sikul luh hun lai a sawi barh barh a, Ruatdika nèn an lo kal tlâng char char alawm le, inkàwmngeih leh inhre chiang ve hle tùr chu an lo ni.
"Angel, i unaupa lêrh theihzia chu maw, a lo luck ve tho bawk si nèn, buaina hi a chhuak zing thei a nia."
"Tak tak maw?"
"Tak tak e, a lo kawp kual țhìn bawk nèn, inchhuahchhàl rap rap pawh an awm țhìn," tiin a nui sak sak a.
"I nihna min hmehbel tum lo la."
"Cl- xii kan zir laia tu emaw a țah pûr laite kha..." sawi zawm duh lo chuan a tàwp ta daih a, ka hre chhun zawm châk asin le.
"Tunge țap a? Han sawi chiang la, Neil?"
"I unaupa hi i zâwt tawh mai dáwn nia. E, taka,hmãn deuh khân kha nu kha ka hmu asin, R-a. Pasal a la nei miah lo, kan inbe nghe nghe a, a chhiat lohzia chu a."
"A chhe ngai reng reng em ni?"
"A khal phian lehnghal a, dang tawh tak a ni."
Kei chu ka lo ngawi ve tawh thung. Mipa titi hi ka ngaithla khât a, lo inrawlh vena tùr ka nei lêm lo bawk nen, ngaihthlâk mai loh chu tih theih ka nei lo.
Mut hmunah chuan Neil-a chungchâng chu ka ngaihtuah a, a nèlawm tak zet a ni, a țawng duhin a nui peih si. Tlangvâl fel tiin ka pi khân a sawi a, tlangvâl fel leh hlawh nei a ni a, a chhe lo em em zui. Pasal atâna tlâk tak tùr a ni ngei ang.
Eng thil nge ka ngaihtuah hi??? Pasal maw?!! Zahthlâk lutuk. Lehkha ka la zir dáwn, hna ka la nei lo. Chuta kâra mipa lo ngaihtuah chu. Heta ka kal chhan hi ka hre chiang hle tùr a ni. University țha zâwka lehkha zir ka duh vànga 'dâwt-a lem chang' ka nih hi. Ka theihnghilh thiang lo. Ka pi pawh hi ngaina viau tùr ka ni lo asin, nakinah hrehawm ka ti lutuk ang.
Ruatdika hi chu ka ngaina hran lo, ani hi chu ka ngai lo ang; mahse, ka hre reng tawh thung ang chu. Min nuihzattu kha ni mah se, ka chungah a sual ém ém lo va, a inla 'boss' deuh țhìn e tih lohah chuan a zia reng.
Tûkțhuan ei laiin ka pi chuan,"Angel, tun țum i lo chho chu rei tak chelh rih che ka tum lo va, thla hnih khat i awm rih ang a, chumi hnuah chhuk lehin i thawmhnawte la la, Aizawlah ka bulah hian chêng tawh la ka duh a ni. Hmeichhia nula lehnghal, chhûngte hmuh phâk loha awm chu a fuh lo, hna nghet nei ni la chu ka hre thiam lutuk. Lehkha zir i la duh thu i sawi a, heta țang pawhin a theih reng a ni," a ti ta.
Ka rin loh dàn ang deuha a duh dàn a sawi chhuah chuan ka chaw ei lai ka chàwl dat a. He thil hi huphurh takin ka kalpui a, kár khat vêl bâk awm ka inring lo kha a ni a, hetiang a nih chuan ka thil lo plan ve zawng zawng a buai vek dáwn.
Sawi tùr ka ngah; mahse, ka sawi chuan ka insawi kawlâwk ang a, ka inpuang leuh ang tih ka hlau bawk si.
"Ka tar tawh a, kum lamah pawh kum 80 ka lo hnaih ta a, rei pawh ka dampui kher tawh lo ang che u. Ka tunu i nihna angin ka bulah awm la ka ti a ni, i pa kha kan bulah a awm tawh bawk si lo va, nang tal hi chuan min hnial loh ka beisei a ni."
Ka rilru a buai map map mai.
Helaia kal ka lo remti ta kher kher kha ka inchhîr zual. Dâwt lo awm kher hi ka hua, ka nun kha nun awhawm tak a ni lo maithei; mahse, dâwt ka sawi ngai lo. Tunah chuan ka thil sawi tùr reng reng ngaihtuah hmasak phawt zel a ngai tawh si a, dâwt hlîr mai ka sawi chu a ni ta si.
Angel-i ka call a.
"A buaithlâk lutuk, engtin nge ka tih ang? I pi hian thla hnih khat tal awm tùrin min tia, chhuanlam siam tùr ka hre lo a nia."
Ani lah chuan awlsam zet hian," Awm rih la ni mai alawm. Hetah eng vak thawh i nei chuang hlei nem. Thla khat hnuah i lo chhuk dáwn a ni mai a, a buaithlâk loh tawp chu."
A ngai awlsam thei bawk si a aw...
"A bula chêng tawh tùrin a duh che a ni."
A nui hak a.
"Teuh lo. Tuna ka hnà kalsan hian pitar ka hriat ngai hleih loh bulah ka chêng ang maw? Ka nu leh pa chunga an tih ang chiah khân ka ti ve ang; mahse, a ro erawh min pêk țhen ngei a ngai. Ka pa leh ka nu eng mah nei lo va an kaltîr ai kha ka neih lêt ve nual chu a ngai tlat, a ba ve a ni."
Hei hi Angel-i ngaih dàn a ni tlat si.
"Zorin, thla khat emaw thla hnih emaw pawh awm tùra a tih che chuan awm mai rawh. I zir chhun zawmna tùr ngaihtuah reng la, i tuar chhuak mai ang, a duat viau tho che a ni lo'm ni Pitari chuan?"
"Angel, i pi a nih hi, chutiangin ko suh."
"Ka pi a ni tak tak pawhin ka ring lo, ka pa nu a nih tak tak chuan ka pa chungah khatiang thil kha a ti thei lo tawp ang."
Ka sawipui duh tawh lo.
"Um, ka lo la call leh ang che, thil țûl a awm chuan. Inenkawl țha la."
"Ok, nang pawh le, bye."
"Bye."
Tunge dik lo ta zâwk pawh ka hre thiam tawh lo, ka buai miah lohna tùrah ka inbarh lût a, pawisa ka duh luat vàngin. Chubâkah, Angel-i kha ka hnial thei lo a ni. Khati chen a bulah min chènpui a, a thil neih apiang kan ei dùn a, ka haw thei bîk lo. Mi dang chungah a lo sual viau a nih pawhin kei chuan ka dem thei lo ang a, ka rêl thei lo ang. A chunga rilru sual pu thei ka ni lo hrim hrim; mahse, tuna ka buaina hi a ni buaithlâk ta ber chu.
Chhûnah ka pi a muhìl a, kei chuan ka room a tifai a, ka room kher kher hi chu mi dangin min tihfaisak ka duh lo. Hetah awmpui nei tho mah ila, khutah pawh ka tifai vek zêl tho a, helai a nih vànga ka tihfai lohna tùr ka hre lo. Chuan, ka room-a mi dang luhtîr vak ka duh lo, ka mimal thil an khawihte hi ka duh lo, tunah phei chuan Angel-i lem chang ka ni a, ka room-a an lo luh loh poh leh a țha a ni mai.
Dâr 12 vêlah Ruatdika a rawn haw tlat! Amah maiin a ni lo lehnghal, a rawn hruainu chu ka la hmu ngai lo a ni ang, he pa lêrh ve dàn tùrzia hi aw. A dang dang hi vêng tinah a hûng fir ferin ka ring ta.
Tuna a rawn hruainu pawh kei aiin a tawi leh ta. Nula lian hi a ngaizáwng ngai lo a nih dáwn hi, a pian erawh a inphut nalh reuh, a kâwng a fêk reuhin a mawng a lian leh laih reuh a; mahse, a hmêl erawh a țha lutuk bîk lo.
Ka pi a la muhìl a, lo chhawn dàn ka thiam lêm lo. In hnuaiah minute 5 vêl an țhut hnuah room-ah an inzui chho daih nia!!! Mak ka ti tawp, kei ka awm ve reng sia, min zah ve deuh ka ring asin!!!
An awm rei ta phian, ei tùrte hi siam kêp an ngai dáwn em le? Han zawh a chî mang si lo va, va buaithlâk tak.
Ka pi kaihthawh ka tum lai takin an rawn chhuk ve ta hrâm e. Room meuh meuha nula leh tlangvâl inkàwm chu, inngaizâwngte an nih phei chuan an tih tùr a rin hriat ruak theih. E khai! Hetiang ka ngaihtuah duh lo, a țûl lo lutuk.
"Ei tùr siam kêp in ngai em?"
"Ngai lo, kan chhuak nghal dáwn,"a ti sup a, thu dang sawi leh tawh lovin a chhuahpui ta nghal a. He pa hi chu aw... ka thlen țantirha a chunga ka rilru put hmang kha a rawn lêt leh țan deuh.
Ka pi ka kaihthawh hnuah chuan ei tùr eiin fiamthu ka sawipui a, kan nui vak vak a, ka pite awmpui pahnih pawh chu an lo nui ve nasa mai.
Neil-a a rawn lang leh hlawl mai.
Ka piin a lo chhàwn vat a, kan thil ei chu ka suahsak ve a.
"R-a ka phone a, i awm leh awm loh ka zâwt a."
Ani zawh kher a ngai lo asin le.
"Khawi maw, i phone min lo pe lawk."
Ka pe ve mai a, password ka dah lêm lo bawk a, nui var var chung hian a hmet mual mual a, a phone a ri ta. Ka phone min pe lêtin," Bialpa i nei lo, Yes,"a ti a.
Hre thiam lo zet hian," I hre ngawt lo," ka ti ringawt a, bialpa chu nei nâng aw, neih nân a la hma alawm.
"Ka hre deuh chiah alawm."
Ka pi chuan," Nula a ni tawh a, a nei ve bawk ang chu,"a lo ti ve a, a nui pah a.
"Ka pi, a nei lo tak tak alawm. Chuan, a thar tùr ka hualsak a nia; mahse, ka sawi dáwn rih lo."
A va ho mai mai tak.
Tlaia Ruatdika lo haw thlengin a lêng nia! A fel ka ti khawp mai, ka pi a chhaih fiam reng a, eng eng emaw sawiin fiamthu a thawh bawk a, ngainat loh theih pawh a ni lo, a bula awm a nuam thlâwt.
Zanriah kan kîl lai chuan ka pi chuan Neil-a chanchin chu a sawi barh barh reng a, Ruatdika chu a ngawi hmak thung. Kei pawh chuan ka pi chu ka lo pui leh zauh țhìn a, ka rilru takah erawh chuan he pa hian thinrimna eng emaw a nei a ni ang ka ti rilru a. Thinrimna nei pawh ni se, chhûngte bulah kher chuan tihlan loh ve tal àwm. Vawiinah a bialnu nèn an chêt țhat àwm teh rêng nèn.
Zànah ka room kawngkhàr a rawn ri dat dat a, ka phâwk kher mai! Ruatdika hmêl ka hmuh tâkah chuan mak ka ti tho nain ka ûksàk fahran lo.
"Eng nge ni ta?"
"Neil-a hi hnaih tam vak suh."
Thupêk leh bawk em ni?
"Thu min pe tihna em ni?"
"Ka hrilh che a nih chu."
A va zak lo tak.
"I unaunu ka nihna angin min hrilh tihna maw?"
"Ka țhianpa a nih vàng zâwkin maw le."
Ka thin a rim deuh phat a.
"Ka hnaih leh hnaih loh tùr chu ka thu a ni dáwn lo'm ni?"
"Ka hrilh tawh che a, zàwm ang che."
"Thupêk min pe tawh suh, i inrawlh lohna tùrah chuan rawn inrawlh suh, kei pawh i mimal nunah ka inrawlh lo."
Chiang zeta min enin," Ka hrilh nawn lo ang che, zàwm la a țha a ni mai," a ti sup a, room ațang chuan a chhuak ta nghal a.
Ka thin a rawn rim tut tut a, he pa hi ka hua. Ka hmuh țantirha ka huat ém ém chhan pawh kha hetiang a lo nih dáwn vàng hi a ni ngei ang. A țhianpa hi ka ngaizâwng pawh a ni lo va, warning min pe tùr pawh a ni lo reng reng. A duh duhin thupêk min pe a, a chhiahhlawh chhawr pawh ka ni lo va, a mimal nunah ka inrawlh bawk lo. Ka nun a ni a, ka nunah hian lo inrawlh theihna a nei țhak lo.
Mut hmunah thinrim țûnin ka insawh ka insawh a, ka thinrimna chu lan chhuahtîrna ka mamawh tak zet a ni.
Message tone a ri ral.
*Hi, i mu tawh em, bialpa nei lo nu?*
Neil-a a nih chiah hi, ka nui sak a.
*Mu tawh e, hìl tel lovin.*
*Ka ngaihtuah reuh reuh reng che a.*
*A ni maw? I ngaihtuah ho hle a nih chu.*
*Ho nâng aw, thil hlu lutuk zâwk a ni asin.*
Ka lài leh ringawt tawh. Chhàn dàn tùr pawh ka hre tawh lo, min chhaih vêl dàn hi...
*Bialpa nei lo nu, bialpa nei tawh la?*
*Ka piin a la phal lo va.*
*Ka pi chu ka dìlsak dáwn che.*
*A phal lo ka tih chu.*
*Ka dìl chuan ka hlawhtling dáwn sa.*
He pa hian a ti tak tak em ni le? Mi dang min hualsak tak tak nge, amah zâwk hi le? Mi hi chu a beisei ve deuh ang hian ka hre deuh țhìn a; mahse, min duh ka ring hran bawk si lo.
*Hmu lo chea awm hi har ka ti țan tlat.*
Ahhhh, he pa hi.
*Hei, min tizak dáwn a nia.*
*Tak tak, Angel, ka tifiam lo a nia.*
Haw kawngah chuan ka pi chuan," Neil-a hi chu a nèlawm ve ngawt mai. A polite reuh si a, tu nula tak vànnei ang maw?"a ti barh barh a.
"Engtiang taka fel nge a nih a?"
"Fel tak a ni mai."
Ruatdika erawh chu a ngawi reng a, ani hian a hre chiang khawp ang chu.
"Chhûngkaw harsa lo tak an ni a, chuvàng chuan a duhna takah lehkha pawh a zir thei a, Computer Engineer a ni tain ka hria, Bangalore-ah hna thawkin a awm reng tawh a. Hei, i u țhianpa a lo ni bawk nèn, a lo haw chhoh apiangin min tlawh ziah reuh lehnghal a, a bula awm hi a nuam asin."
"A nih dáwn kha."
"Ka pi, duh tâwk teh u."
Ka pi nèn chuan kan inen vat a, mit ko sàn ãk hian," I thîk deuh em ni fel kan tih vàng chuan maw? Ka tupa fel lutuk hi chu a tluk thei chuang lo ang che,"a ti a, kei chu ka lo nui thung a.
Neil-a chu a lo lêng tak tak. A chhe lo ka ti a, a pà viauin ka hre bawk. A zei ve hrim hrim, nge a tih dàn pângngai ka hre lo, ka pi chu a'n chhaih hmasa phawt a. Ruatdika pawh a awm nghe nghe a, ințhian țha tak an nih ka ring.
"Ka pi hi chu i hmelțha ngawt mai, Angel-i pawh hian a chhùn viau chein ka hria."
Fiamthu mah ni se, ka lài tho. Ka pi hi chu engti kawng mahin ka ang lo hrim hrim tih ka hria, an ngaihna a awm hek lo, thisenah inzawmna a awm si lo va.
"Ka mut a hun ta, Neil, lêng reng rawh aw,"tiin ka pi chu a tho ta țâih țâih a.
"A, ka pi, i mut daihte chuan a nuam àwm lo e, ka rawn lèn chhan ber i nia."
Ka pi chu a nui hak hak a, "Mangțha mai u,"a ti a, room-ah chuan a lût ta nghal a.
Kan pathum chuan kan țhu ta kar mai.
"Chutia ka pi ber a mut tâkah chuan nula bulah ka'n țhu teh ang," tiin Neil-a chu ka bul țhutna âwlah chuan a rawn țhu ta chat a.
An sikul luh hun lai a sawi barh barh a, Ruatdika nèn an lo kal tlâng char char alawm le, inkàwmngeih leh inhre chiang ve hle tùr chu an lo ni.
"Angel, i unaupa lêrh theihzia chu maw, a lo luck ve tho bawk si nèn, buaina hi a chhuak zing thei a nia."
"Tak tak maw?"
"Tak tak e, a lo kawp kual țhìn bawk nèn, inchhuahchhàl rap rap pawh an awm țhìn," tiin a nui sak sak a.
"I nihna min hmehbel tum lo la."
"Cl- xii kan zir laia tu emaw a țah pûr laite kha..." sawi zawm duh lo chuan a tàwp ta daih a, ka hre chhun zawm châk asin le.
"Tunge țap a? Han sawi chiang la, Neil?"
"I unaupa hi i zâwt tawh mai dáwn nia. E, taka,hmãn deuh khân kha nu kha ka hmu asin, R-a. Pasal a la nei miah lo, kan inbe nghe nghe a, a chhiat lohzia chu a."
"A chhe ngai reng reng em ni?"
"A khal phian lehnghal a, dang tawh tak a ni."
Kei chu ka lo ngawi ve tawh thung. Mipa titi hi ka ngaithla khât a, lo inrawlh vena tùr ka nei lêm lo bawk nen, ngaihthlâk mai loh chu tih theih ka nei lo.
Mut hmunah chuan Neil-a chungchâng chu ka ngaihtuah a, a nèlawm tak zet a ni, a țawng duhin a nui peih si. Tlangvâl fel tiin ka pi khân a sawi a, tlangvâl fel leh hlawh nei a ni a, a chhe lo em em zui. Pasal atâna tlâk tak tùr a ni ngei ang.
Eng thil nge ka ngaihtuah hi??? Pasal maw?!! Zahthlâk lutuk. Lehkha ka la zir dáwn, hna ka la nei lo. Chuta kâra mipa lo ngaihtuah chu. Heta ka kal chhan hi ka hre chiang hle tùr a ni. University țha zâwka lehkha zir ka duh vànga 'dâwt-a lem chang' ka nih hi. Ka theihnghilh thiang lo. Ka pi pawh hi ngaina viau tùr ka ni lo asin, nakinah hrehawm ka ti lutuk ang.
Ruatdika hi chu ka ngaina hran lo, ani hi chu ka ngai lo ang; mahse, ka hre reng tawh thung ang chu. Min nuihzattu kha ni mah se, ka chungah a sual ém ém lo va, a inla 'boss' deuh țhìn e tih lohah chuan a zia reng.
Tûkțhuan ei laiin ka pi chuan,"Angel, tun țum i lo chho chu rei tak chelh rih che ka tum lo va, thla hnih khat i awm rih ang a, chumi hnuah chhuk lehin i thawmhnawte la la, Aizawlah ka bulah hian chêng tawh la ka duh a ni. Hmeichhia nula lehnghal, chhûngte hmuh phâk loha awm chu a fuh lo, hna nghet nei ni la chu ka hre thiam lutuk. Lehkha zir i la duh thu i sawi a, heta țang pawhin a theih reng a ni," a ti ta.
Ka rin loh dàn ang deuha a duh dàn a sawi chhuah chuan ka chaw ei lai ka chàwl dat a. He thil hi huphurh takin ka kalpui a, kár khat vêl bâk awm ka inring lo kha a ni a, hetiang a nih chuan ka thil lo plan ve zawng zawng a buai vek dáwn.
Sawi tùr ka ngah; mahse, ka sawi chuan ka insawi kawlâwk ang a, ka inpuang leuh ang tih ka hlau bawk si.
"Ka tar tawh a, kum lamah pawh kum 80 ka lo hnaih ta a, rei pawh ka dampui kher tawh lo ang che u. Ka tunu i nihna angin ka bulah awm la ka ti a ni, i pa kha kan bulah a awm tawh bawk si lo va, nang tal hi chuan min hnial loh ka beisei a ni."
Ka rilru a buai map map mai.
Helaia kal ka lo remti ta kher kher kha ka inchhîr zual. Dâwt lo awm kher hi ka hua, ka nun kha nun awhawm tak a ni lo maithei; mahse, dâwt ka sawi ngai lo. Tunah chuan ka thil sawi tùr reng reng ngaihtuah hmasak phawt zel a ngai tawh si a, dâwt hlîr mai ka sawi chu a ni ta si.
Angel-i ka call a.
"A buaithlâk lutuk, engtin nge ka tih ang? I pi hian thla hnih khat tal awm tùrin min tia, chhuanlam siam tùr ka hre lo a nia."
Ani lah chuan awlsam zet hian," Awm rih la ni mai alawm. Hetah eng vak thawh i nei chuang hlei nem. Thla khat hnuah i lo chhuk dáwn a ni mai a, a buaithlâk loh tawp chu."
A ngai awlsam thei bawk si a aw...
"A bula chêng tawh tùrin a duh che a ni."
A nui hak a.
"Teuh lo. Tuna ka hnà kalsan hian pitar ka hriat ngai hleih loh bulah ka chêng ang maw? Ka nu leh pa chunga an tih ang chiah khân ka ti ve ang; mahse, a ro erawh min pêk țhen ngei a ngai. Ka pa leh ka nu eng mah nei lo va an kaltîr ai kha ka neih lêt ve nual chu a ngai tlat, a ba ve a ni."
Hei hi Angel-i ngaih dàn a ni tlat si.
"Zorin, thla khat emaw thla hnih emaw pawh awm tùra a tih che chuan awm mai rawh. I zir chhun zawmna tùr ngaihtuah reng la, i tuar chhuak mai ang, a duat viau tho che a ni lo'm ni Pitari chuan?"
"Angel, i pi a nih hi, chutiangin ko suh."
"Ka pi a ni tak tak pawhin ka ring lo, ka pa nu a nih tak tak chuan ka pa chungah khatiang thil kha a ti thei lo tawp ang."
Ka sawipui duh tawh lo.
"Um, ka lo la call leh ang che, thil țûl a awm chuan. Inenkawl țha la."
"Ok, nang pawh le, bye."
"Bye."
Tunge dik lo ta zâwk pawh ka hre thiam tawh lo, ka buai miah lohna tùrah ka inbarh lût a, pawisa ka duh luat vàngin. Chubâkah, Angel-i kha ka hnial thei lo a ni. Khati chen a bulah min chènpui a, a thil neih apiang kan ei dùn a, ka haw thei bîk lo. Mi dang chungah a lo sual viau a nih pawhin kei chuan ka dem thei lo ang a, ka rêl thei lo ang. A chunga rilru sual pu thei ka ni lo hrim hrim; mahse, tuna ka buaina hi a ni buaithlâk ta ber chu.
Chhûnah ka pi a muhìl a, kei chuan ka room a tifai a, ka room kher kher hi chu mi dangin min tihfaisak ka duh lo. Hetah awmpui nei tho mah ila, khutah pawh ka tifai vek zêl tho a, helai a nih vànga ka tihfai lohna tùr ka hre lo. Chuan, ka room-a mi dang luhtîr vak ka duh lo, ka mimal thil an khawihte hi ka duh lo, tunah phei chuan Angel-i lem chang ka ni a, ka room-a an lo luh loh poh leh a țha a ni mai.
Dâr 12 vêlah Ruatdika a rawn haw tlat! Amah maiin a ni lo lehnghal, a rawn hruainu chu ka la hmu ngai lo a ni ang, he pa lêrh ve dàn tùrzia hi aw. A dang dang hi vêng tinah a hûng fir ferin ka ring ta.
Tuna a rawn hruainu pawh kei aiin a tawi leh ta. Nula lian hi a ngaizáwng ngai lo a nih dáwn hi, a pian erawh a inphut nalh reuh, a kâwng a fêk reuhin a mawng a lian leh laih reuh a; mahse, a hmêl erawh a țha lutuk bîk lo.
Ka pi a la muhìl a, lo chhawn dàn ka thiam lêm lo. In hnuaiah minute 5 vêl an țhut hnuah room-ah an inzui chho daih nia!!! Mak ka ti tawp, kei ka awm ve reng sia, min zah ve deuh ka ring asin!!!
An awm rei ta phian, ei tùrte hi siam kêp an ngai dáwn em le? Han zawh a chî mang si lo va, va buaithlâk tak.
Ka pi kaihthawh ka tum lai takin an rawn chhuk ve ta hrâm e. Room meuh meuha nula leh tlangvâl inkàwm chu, inngaizâwngte an nih phei chuan an tih tùr a rin hriat ruak theih. E khai! Hetiang ka ngaihtuah duh lo, a țûl lo lutuk.
"Ei tùr siam kêp in ngai em?"
"Ngai lo, kan chhuak nghal dáwn,"a ti sup a, thu dang sawi leh tawh lovin a chhuahpui ta nghal a. He pa hi chu aw... ka thlen țantirha a chunga ka rilru put hmang kha a rawn lêt leh țan deuh.
Ka pi ka kaihthawh hnuah chuan ei tùr eiin fiamthu ka sawipui a, kan nui vak vak a, ka pite awmpui pahnih pawh chu an lo nui ve nasa mai.
Neil-a a rawn lang leh hlawl mai.
Ka piin a lo chhàwn vat a, kan thil ei chu ka suahsak ve a.
"R-a ka phone a, i awm leh awm loh ka zâwt a."
Ani zawh kher a ngai lo asin le.
"Khawi maw, i phone min lo pe lawk."
Ka pe ve mai a, password ka dah lêm lo bawk a, nui var var chung hian a hmet mual mual a, a phone a ri ta. Ka phone min pe lêtin," Bialpa i nei lo, Yes,"a ti a.
Hre thiam lo zet hian," I hre ngawt lo," ka ti ringawt a, bialpa chu nei nâng aw, neih nân a la hma alawm.
"Ka hre deuh chiah alawm."
Ka pi chuan," Nula a ni tawh a, a nei ve bawk ang chu,"a lo ti ve a, a nui pah a.
"Ka pi, a nei lo tak tak alawm. Chuan, a thar tùr ka hualsak a nia; mahse, ka sawi dáwn rih lo."
A va ho mai mai tak.
Tlaia Ruatdika lo haw thlengin a lêng nia! A fel ka ti khawp mai, ka pi a chhaih fiam reng a, eng eng emaw sawiin fiamthu a thawh bawk a, ngainat loh theih pawh a ni lo, a bula awm a nuam thlâwt.
Zanriah kan kîl lai chuan ka pi chuan Neil-a chanchin chu a sawi barh barh reng a, Ruatdika chu a ngawi hmak thung. Kei pawh chuan ka pi chu ka lo pui leh zauh țhìn a, ka rilru takah erawh chuan he pa hian thinrimna eng emaw a nei a ni ang ka ti rilru a. Thinrimna nei pawh ni se, chhûngte bulah kher chuan tihlan loh ve tal àwm. Vawiinah a bialnu nèn an chêt țhat àwm teh rêng nèn.
Zànah ka room kawngkhàr a rawn ri dat dat a, ka phâwk kher mai! Ruatdika hmêl ka hmuh tâkah chuan mak ka ti tho nain ka ûksàk fahran lo.
"Eng nge ni ta?"
"Neil-a hi hnaih tam vak suh."
Thupêk leh bawk em ni?
"Thu min pe tihna em ni?"
"Ka hrilh che a nih chu."
A va zak lo tak.
"I unaunu ka nihna angin min hrilh tihna maw?"
"Ka țhianpa a nih vàng zâwkin maw le."
Ka thin a rim deuh phat a.
"Ka hnaih leh hnaih loh tùr chu ka thu a ni dáwn lo'm ni?"
"Ka hrilh tawh che a, zàwm ang che."
"Thupêk min pe tawh suh, i inrawlh lohna tùrah chuan rawn inrawlh suh, kei pawh i mimal nunah ka inrawlh lo."
Chiang zeta min enin," Ka hrilh nawn lo ang che, zàwm la a țha a ni mai," a ti sup a, room ațang chuan a chhuak ta nghal a.
Ka thin a rawn rim tut tut a, he pa hi ka hua. Ka hmuh țantirha ka huat ém ém chhan pawh kha hetiang a lo nih dáwn vàng hi a ni ngei ang. A țhianpa hi ka ngaizâwng pawh a ni lo va, warning min pe tùr pawh a ni lo reng reng. A duh duhin thupêk min pe a, a chhiahhlawh chhawr pawh ka ni lo va, a mimal nunah ka inrawlh bawk lo. Ka nun a ni a, ka nunah hian lo inrawlh theihna a nei țhak lo.
Mut hmunah thinrim țûnin ka insawh ka insawh a, ka thinrimna chu lan chhuahtîrna ka mamawh tak zet a ni.
Message tone a ri ral.
*Hi, i mu tawh em, bialpa nei lo nu?*
Neil-a a nih chiah hi, ka nui sak a.
*Mu tawh e, hìl tel lovin.*
*Ka ngaihtuah reuh reuh reng che a.*
*A ni maw? I ngaihtuah ho hle a nih chu.*
*Ho nâng aw, thil hlu lutuk zâwk a ni asin.*
Ka lài leh ringawt tawh. Chhàn dàn tùr pawh ka hre tawh lo, min chhaih vêl dàn hi...
*Bialpa nei lo nu, bialpa nei tawh la?*
*Ka piin a la phal lo va.*
*Ka pi chu ka dìlsak dáwn che.*
*A phal lo ka tih chu.*
*Ka dìl chuan ka hlawhtling dáwn sa.*
He pa hian a ti tak tak em ni le? Mi dang min hualsak tak tak nge, amah zâwk hi le? Mi hi chu a beisei ve deuh ang hian ka hre deuh țhìn a; mahse, min duh ka ring hran bawk si lo.
*Hmu lo chea awm hi har ka ti țan tlat.*
Ahhhh, he pa hi.
*Hei, min tizak dáwn a nia.*
*Tak tak, Angel, ka tifiam lo a nia.*
Comments
Post a Comment