☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆RUATDIKA☆- 7 By Dingdi Pachuau
A tûk zàna Neil-a a lo lèn leh chuan ka lài thar ta tlat mai. Min rawn text-na kha fiamthuin chhâng mah ila, hmaichhana han hmuh leh meuh chuan nuam ka ti ru tho.
Ruatdika a lêng a, a tihzia ka ti khawp mai. Kan titi leh awm dàn hrim hrim a hmuin a hre lo tùr ringawt pawh hi ka lãwm a ni tawp.
Ka pi chu a mu har lo va, kan pahnih chuan sitting room-ah kan țhu a, kan awmpuite pawh an reh țhap tawh.
Ka bul hnãi têah rawn insawnin," Angel, bialpa i nei lo tak tak tiraw?"a ti sar sar a.
Nui chungin," Ka hre nâng, ka neih loh thu kha i sawi sia, i hre zâwk ang chu,"ka ti thung a.
"Kha kha chu, i phone i lock loh vàngin ka sawi mai mai alawm."
"Ka phone hi ka lock ngai miah lo."
"Chuvàng chu alawm ka tih, miin an lo khawih palh pawha thurûk an hriat chhuah tùr a awm lo tihna a nih bâkah i fel ve hrim hrim."
"Ka fel miah lo."
"Hey, i fel ka tih chu, nula dang ka lo kawm țhinte lakah chuan i dang hlak."
"Engti kawng zâwngin maw?"
"Ka hre thei tlat che a ni, i chezia leh hawiher ațang pawhin tam tak a hriat theih alawm."
Ka fel lo, tunah pawh hian lem ka chang mêk asin. Ka pi tunu țhiannu hi ka pi tunu tak angin, chu pawh pawisa vàngin. Hria se chuan tuna a thil sawi hi a sawi miah lo ang.
"Kha lam kha chu sawi tawh lo ang."
"Angel, ka duh che tih i hre thiam tiraw?"
Teh tâwng chuan. Mipain țawngka ngeia hetiang thu ka bula an sawi ka vawi khat hriatna. A zahthlâk e, a làwmawm tho bawk si.
"Min duh maw?"
"Aw, ka hmuh vawi khatna che ațangin, tihdanglamin ka awm a."
A ni tak tak ang em le? A ni tak tak a nih chuan... Ni tak tak se ka ti.
"Min fiam lo la?"
"Ka fiam lo che, fiamthu pawh ka thawh lo."
Chhàn dàn ka thiam lo, ka làwm bawk si. Ngaihzâwng ka la nei ngai si lo va, a thu sawi hi awih tùr nge awih loh tùr pawh ka hre lo.
"Ka thu sawi chu i awih em?"
"Ka hre lo."
"Angel, awihawm takin ka sawi thiam lo a ni; mahse, thu dik asin ka sawi."
"Neil, hetiang lamah hian tawn hriat ka la nei lo va."
Ka kut a rawn chelh a, nui sâng chung hian," Ka rin kha a dik ngei a nih chu, ka va lãwm tak! I awm dàn ațangin ka hre thei ka tih kha,"a ti sar sar a.
"Mahse, kha te chu i rinthu mai mai a nih kha."
"Ka hre dik tho alawm, ka hre thei deuh reuh tak tak a!"
Inhnaih taka kan țhut dun lai chuan Ruatdika a rawn lût a, nuam lo ka ti nghal viau nain Neil-a chuan țhut sawn pawh a tum chuang lo.
"I va rawn haw hma ve a, zanin chu i che fuh lutuk lo a ni ang a?" Neil-a chuan a lo fiam hlak a.
"Chêt fuh loh ka nei ngai em ni?"
"Ni dáwn tak; mahse, che fuh lo ang ziazângin i lo haw hma ém a."
"Tlangvâl luck lo lèn chen zet lèn ka peih lo."
Neil-a chuan nui chung bawk hian," Tlangvâl luck chuan lènna tùr an hmu ngai hlei nem, tiraw Angel? I u hian tlangvâl luck lo angah min ngaih loh hrâm ka beisei,"a ti deuh duah a.
Ani chuan," Ka hre chiang ve tâwk tawh che alawm,"a lo ti thung a. Nia, an inhre chiang ve tawh ngawt ang chu, an inkawmngeih hmel si a.
In chung lama a chhoh hnu chuan,"Zanin chu i u hian min làwm vak lo niin ka hre deuh tlat,"a ti sap a.
"Awihawm loh e, chutiang rilru chu engtin nge i neih theih a?"
"Ka kawm che hi a phal lo a nih ka ring deuh ringawt."
"Chutiang rilru chu paih bo nghal rawh, min kàwm thei reng alawm, chutiang rilru a pu lo tawp ang." Ka theihtâwp chuan Neil-a bulah chuan ka hum ve hrâm hrâm, keimah zâwk hi a ni reng sia, warning min pêk chu. Neil-a hi ka kawm a phal lo zâwk a nih kha, kàwm han tihah nula leh tlângvâl inkawmin. Țhian ang chuan a phal maithei; mahse, tlangvâl lo lêng lo kawm loh ringawt thu a awm lo. Chuan, Neil-a hnaih hi min phalsak lo, a țhianpa a ni a, a rilru ka tihnatsak a hlau a ni ngei ang chu.
"Phal lo mah se, ka kiansan ringawt thei lo che a ni. A farnu i nia, a farnu bialpa ka nih a duh lo pawh a ni mahna."
A farnu bialpa. A farnu ka ni lo, kei chu lem chang mai ka ni. Chuan, ka u der mai a nia, chubâkah, ka mimal nunah inrawlh theihna a nei lo, kei pawh a mimal nunah ka inrawlh hlei nem.
"Nangma nunah chuan nangma'n thu i nei thei, kei pawh ka mimal nunah chuan thu ka nei."
"Oh, kha kha ka duh dàn chiah! Va huaisen reuh tak."
Neil-a haw hnua room-a ka chhoh chuan a la mu lo a ni chêk ang chu, ka room-ah a rawn lût a.
"Kawngka kik i thiam lo em ni?"
"Kan in a nih hi, mahni in chhûngah tunge kawngka kik kurh kurh ngai?"
"I room a nih loh chuan tu room pawh ni se, kik zel rawh, i in chhûng pawh ni se."
"Ka thu thu."
Ka chungah a thinrim a nih chiah hi.
"I huaisen hle mai."
"Nia."
"Ka thu sawi kha i la hriat ka ring."
"Neil-a hi ka hnaih niin i ngai em ni? Min hnaih zâwk a nih kha, bâkah tlangvâl lo lêng lo kàwm lo tùrin ka polite lo tâwk lo,"ka ti ve siah a.
"Mitmei i hmuh tih hriat reng."
A va zak lo tak! Hetiang hi a nih ka ring phâk bîk lo asin, a rilru a chhe hle mai, Angel-i unaupa chu a ni tak si a, inanna lai pawh an nei deuh tak e a.
"Ka sawi peih lo, chhuak tawh rawh, ka mu dáwn."
"Ka thu awih lote chungah hi chuan ka rãwng thei hle a ni."
Hmeichhe chungah pawh maw? A bialnu nih a va peihawm loh dáwn ve!
"I bialnu nih a châkawm zawk zawk lo a nih chu, an țhen hmasa ziah zâwk chein ka ring."
A thinrim ka rin teh lul nèn, a nui huk duh chauh.
"I ring sual chhiava a nih chu."
"Ka awm rei dáwn lo bawk a, țha tê têin awm teh ang."
"Ka thu i awih loh chuan i hrehawm a ni mai."
Hm, a țha e.
"Ka pi vàng chauha awm rei tùr ka nih hi aw, ka pi thu chu hnial duh ila ka hawsan daih tawh ang."
"Daw lo mai teh, a ro chan i duh ve vàng a nih kha."
Makti rilru deuh hian ka en ta reng mai.
"Ka pi hi duat ém ém la, a thu leh ka thu awih ang che. Nangni ang hmeichhe duhãm hi ka hre țeuh nain ka pi thisen i kài ve miau avàng chauhin i chungah hian ka dawh hrâm hrâm zâwk a ni. Ka thu hrilh che kha ka sawi țha leh ang, Neil-a hi hnaih tam suh."
"I ţhianpa a nia, hrilh mai la ti nia."
"Duh ang chein a sawi vêl mai mai a nih hi, a duh zâwng chi i ni lo hrim hrim, a tân chuan i class tâwk lo."
"Chhuak rawh, engtin nge chutiang chu i unaunu chungah i sawi theih zâwk?"
"Fîmkhur ang che, ka duh loh zâwngin awm suh."
A chhuak chu thinrim zetin ka thlîr a, vawm zui chawrh ka châk rualin he khawvêl ata hi delete nghâl ka châk. Ka thinrim lutuk chu chhuatah ka vei tawn sek a, hetiang chuan ka muhìl thei lo ang.
Zîngah ka pi chu exer ka lâkpui leh a, ka pi bulah hi chuan ka hlim, a tupa erawh hi chu mak ka ti a ni. Hetiang ém ém a rilru chhia leh rãwng hi ka la hre lo, ka pi tupa chu a ni ve si. A nu leh a pa kha chu an fel ngeiin ka ring, fapa ramhuai rilru pu an nei erawh hi chu a mak, an hre ve tho ang em le? Nge a nu leh pate bulah a inthup zâwk le?
"Vawiin chu i u zui la?"
Ka suangtuahna ram ata harh chhuakin ka pi chu ka nuih sak a.
"Ni lo ve, ka pi. Vawiin chu kan pangpârho hi suasam ka duh a, suasam tihah siam rem a ni zâwk ang chu, a pâr hluite hi cut a lei țha pêk belh ka duh zâwk. Ani bulah chuan ka țangkai tam lo àwm em mai."
"Chu chu mi dangin an ti thei reng alawm."
"Keimahin tih ngei ka duh alawm, ka pi." Ruatdika bula awm loh theihna ka ngaihtuah char char a ngai, he pa bulah hian ka awm peih lo, hmeichhe duhãm hmuha min hmu kha chu ka dem vak thei lo ang. A chhan chu pawisa ka duh vànga heta awm hi ka ni rêng a, kha kha chu a dik pah reng. Ka pi ro chan tum a tih pawh kha a dik tho; mahse, Angel-i kha a pi khân zin tùr leh amah tlawh tùr khân sâwm lo se chuan Angel-i pawh khân khatiang rilru kha a pu bîk kher lo ang.
Tûkțhuan kan kîlnaah pawh ka melh lo hrim hrim, ka pi chu a țawng siam siam a, ka lo tawng ve zoh tih loh phei chu ka țawng tam lo. Ruatdika pawh chu a țawng tam lo viau bawk, nizàn vàng khân nuam lo a ti ve pawh a ni maithei. Huh, teuh lo mai, a rilruah sual hlîr a awm a, ka pi bul a nih vàngin a insûm mai mai zâwk a nih hi.
Chhùnah ka pi chu a mu leh a, keiin pangpâr ka buaipui thung. Kan awmpuite chuan min puih an tum viau nain țûl ka ti lo va, min pui ta lo.
Pangpâr ka buaipui lai chuan," Hey, ka phone i chhâng thei lo ka ti ka ti a, i lo hetih vàng a nih hi," Neil-a aw ngei mai chuan a rawn ti chûl a.
Nuih sakin," Ka buai alawm, chhùn chhùnah tlangvâl an vâk dâw dâw ngai lo," ka lo ti a.
"Ka vâk lo, ka lo rîm dáwn che a. Ina i awm leh awm loh zawh che ka tum a, min chhàn theih si lohah chuan i u ka phone a."
Leh sak mai a!
"Lo kal rawh, min lo pui nghe nghe la."
"Ka nula rìm tùr berin pui tùra min tih tlat te chuan ka pui mai a ni ang chu."
"Ka tifiam, lo țhu mai mai rawh, ni a sa si."
Min pui ta hrep mai. Ni a sa a, thlan a tla zawih zawih, vawiin zet chu lo kal fuh lo a inti viauin ka ring.
"Pangpâr i làwm ve viau a nih dáwn hi. Ka nu pangpâr ka lo rûksak dáwn che em ni ang?"
"A rûksak zâwngin maw?"
"Dìl buai ai chuan a pot chawpin chawi tawrh ila, sawi tùr a tlêm zâwk. A ngah alawm, a mawi phian lehnghal a."
"A hriat chhuah che chuan...?"
"Teuh lo, a nei țeuh, a zât a hre miah lo ang."
"A tihchi loh ang."
"A nih loh pawhin ka lo thliak ru tal ang aw."
A thil sawi dàn hi a naupang chhia ka ti țhìn, vènthàwn leh enghelh vak a neih loh hmel bawk; mahse, a bula awm hi a nuam viau thung si.
Ruatdika lo haw hmain a haw e, pawi lo, ka room-ah a lo luh phah leh reu reu ang, ka room-a lo lût tùrin ka duh tawh lo, min hau tùr phei chuan.
Kâr hnih ka awm ve ta. Kâr hnih dang ka awm leh chuan heta țang hian ka chhuak vang vang tawh ang a, ka duh dànin ka nung leh tawh ang. Keima thawh chhuah ngei hmangin ka nung leh dáwn a ni, chumi hma chu ka la tuar țang țang a ngai.
Neil-a nèn chuan kan nì chu ka ti ngam chiah lo nain a ngaihzâwng ang chuan min enin ka hria. Zànah a lo lèn loh chuan min rawn phone ziah a, zînga ka hmuh tùrin ka phone-ah duhsakna thu thlum tak min thawn ziah bawk. Nuam ka ti ang reng viau, a chhan chu min care a, a tân eng ka nih loh teh lul nèn, Delete-ka-châka sawi kha a dik lo tawp a ni ang, min iaina lam a sawi ngai lo reng reng.
Nilàini a ni a, chhùnah Neil-a a lo lêng a, Ruatdika erawh a awm lo. Ka pi bulah chuan," Ka pi, naktûkah chhuk ka tum a, nakin zànah Angel-i hi chaw eia chhuahpui ka duh a, chu chu i phal ang em le?"tiin a dîl a.
Makti deuh hian," Niel, naktûkah i chhuk dáwn maw?! I va sawi har ve?"ka lo ti vat a.
"Aw, nia, ka tum thut a ni. Khu lama mite'n min rawn phone thut sia."
"A va khawharthlâk dáwn ve!"
Ka pi chuan," Amahin a duh leh duh loh a ni mai alawm,"a lo ti a.
"Chaw eia chhuah dun maw?"
"Aw, i hreh em?"
Ka hreh hran lo. Engkim hi ka tân chuan thil thar vek a ni a, ka vawi khatna tùr, tlangvâl nèna chaw ei dun. Hm, a nuam phian ang.
"Hreh lo ve."
"A țha, i hreh ka ring lo rêng a ni. Tlai dâr 5 -ah ka rawn lam ang che aw."
"Aw le, ka piin a phal chuan le."
Neil-a chuan," Ka pi, i phal tiraw?"a ti vat a, ani chuan," Um, chutiangin ka khirh viau lo a nia, hlim takin hun in hmang ang a, zànah erawh rawn haw tlai viau lo la. Neil, i rawn thlah leh ang chu tiraw?"a lo ti a.
"Teh rêng mai, ka pi. Ka rawn thlah ngei ngei ang, ka tlaipui lo bawk ang."
Neil-a haw hnu chuan ka pi chuan," A fel ém a, in induh tawnin ka hre bawk a," a ti sar sar a.
Zak sen deuh ap apin," Ka pi, a awihawm loh e, a țhianpa nau angin min en alawm," ka ti ve tak na a, ka pi chuan a awih vak hmel loh.
"Hlim takin hun i hmang dáwn nia, nula nih man a ni ve mai a, in inhmeh dùn ka ti teh a nia."
Rilru hlim deuhin ka inbual fai ser sawr a, thawmhnaw hâk tùr erawh ka hre lo khawp mai. Zahawm deuh hlelin nge ka inthuam ang a ho deuh takin ? Ka bùk rei khawp mai.
Dàr 5 a rîk hma daihin ka insiam zo tawh a, ka lo nghâk deuh reng tawh zâwk, ka phûr lutuk em aw ka ti hial zâwk a ni.
A inthuam dàn simple tak ka hmuh tâkah chuan ka thaw huai a, ka inthuamna chu a fuh a ni tih ka hre nghal bawk.
"I hman tawh maw? Ka lo thleng hma em? Ka phûr tawh lutuk a,"a rawn ti ham ham a.
"Thleng tâwk chiah, kei pawh ka phûr viau."
"I nalh hle mai."
"Ka lâwm e, nang pawh i mawi simple e."
Ka piin veranda thleng min thlah a, Delete-ka-châka erawh room ațangin a lo la chhuak lo hrim hrim, a thu ka awih loh vàng a ni lo, ka pi thu hmua chhuak ka ni zâwk. Ka chungah a thinrim thei ngawt lo ang.
A tûk zàna Neil-a a lo lèn leh chuan ka lài thar ta tlat mai. Min rawn text-na kha fiamthuin chhâng mah ila, hmaichhana han hmuh leh meuh chuan nuam ka ti ru tho.
Ruatdika a lêng a, a tihzia ka ti khawp mai. Kan titi leh awm dàn hrim hrim a hmuin a hre lo tùr ringawt pawh hi ka lãwm a ni tawp.
Ka pi chu a mu har lo va, kan pahnih chuan sitting room-ah kan țhu a, kan awmpuite pawh an reh țhap tawh.
Ka bul hnãi têah rawn insawnin," Angel, bialpa i nei lo tak tak tiraw?"a ti sar sar a.
Nui chungin," Ka hre nâng, ka neih loh thu kha i sawi sia, i hre zâwk ang chu,"ka ti thung a.
"Kha kha chu, i phone i lock loh vàngin ka sawi mai mai alawm."
"Ka phone hi ka lock ngai miah lo."
"Chuvàng chu alawm ka tih, miin an lo khawih palh pawha thurûk an hriat chhuah tùr a awm lo tihna a nih bâkah i fel ve hrim hrim."
"Ka fel miah lo."
"Hey, i fel ka tih chu, nula dang ka lo kawm țhinte lakah chuan i dang hlak."
"Engti kawng zâwngin maw?"
"Ka hre thei tlat che a ni, i chezia leh hawiher ațang pawhin tam tak a hriat theih alawm."
Ka fel lo, tunah pawh hian lem ka chang mêk asin. Ka pi tunu țhiannu hi ka pi tunu tak angin, chu pawh pawisa vàngin. Hria se chuan tuna a thil sawi hi a sawi miah lo ang.
"Kha lam kha chu sawi tawh lo ang."
"Angel, ka duh che tih i hre thiam tiraw?"
Teh tâwng chuan. Mipain țawngka ngeia hetiang thu ka bula an sawi ka vawi khat hriatna. A zahthlâk e, a làwmawm tho bawk si.
"Min duh maw?"
"Aw, ka hmuh vawi khatna che ațangin, tihdanglamin ka awm a."
A ni tak tak ang em le? A ni tak tak a nih chuan... Ni tak tak se ka ti.
"Min fiam lo la?"
"Ka fiam lo che, fiamthu pawh ka thawh lo."
Chhàn dàn ka thiam lo, ka làwm bawk si. Ngaihzâwng ka la nei ngai si lo va, a thu sawi hi awih tùr nge awih loh tùr pawh ka hre lo.
"Ka thu sawi chu i awih em?"
"Ka hre lo."
"Angel, awihawm takin ka sawi thiam lo a ni; mahse, thu dik asin ka sawi."
"Neil, hetiang lamah hian tawn hriat ka la nei lo va."
Ka kut a rawn chelh a, nui sâng chung hian," Ka rin kha a dik ngei a nih chu, ka va lãwm tak! I awm dàn ațangin ka hre thei ka tih kha,"a ti sar sar a.
"Mahse, kha te chu i rinthu mai mai a nih kha."
"Ka hre dik tho alawm, ka hre thei deuh reuh tak tak a!"
Inhnaih taka kan țhut dun lai chuan Ruatdika a rawn lût a, nuam lo ka ti nghal viau nain Neil-a chuan țhut sawn pawh a tum chuang lo.
"I va rawn haw hma ve a, zanin chu i che fuh lutuk lo a ni ang a?" Neil-a chuan a lo fiam hlak a.
"Chêt fuh loh ka nei ngai em ni?"
"Ni dáwn tak; mahse, che fuh lo ang ziazângin i lo haw hma ém a."
"Tlangvâl luck lo lèn chen zet lèn ka peih lo."
Neil-a chuan nui chung bawk hian," Tlangvâl luck chuan lènna tùr an hmu ngai hlei nem, tiraw Angel? I u hian tlangvâl luck lo angah min ngaih loh hrâm ka beisei,"a ti deuh duah a.
Ani chuan," Ka hre chiang ve tâwk tawh che alawm,"a lo ti thung a. Nia, an inhre chiang ve tawh ngawt ang chu, an inkawmngeih hmel si a.
In chung lama a chhoh hnu chuan,"Zanin chu i u hian min làwm vak lo niin ka hre deuh tlat,"a ti sap a.
"Awihawm loh e, chutiang rilru chu engtin nge i neih theih a?"
"Ka kawm che hi a phal lo a nih ka ring deuh ringawt."
"Chutiang rilru chu paih bo nghal rawh, min kàwm thei reng alawm, chutiang rilru a pu lo tawp ang." Ka theihtâwp chuan Neil-a bulah chuan ka hum ve hrâm hrâm, keimah zâwk hi a ni reng sia, warning min pêk chu. Neil-a hi ka kawm a phal lo zâwk a nih kha, kàwm han tihah nula leh tlângvâl inkawmin. Țhian ang chuan a phal maithei; mahse, tlangvâl lo lêng lo kawm loh ringawt thu a awm lo. Chuan, Neil-a hnaih hi min phalsak lo, a țhianpa a ni a, a rilru ka tihnatsak a hlau a ni ngei ang chu.
"Phal lo mah se, ka kiansan ringawt thei lo che a ni. A farnu i nia, a farnu bialpa ka nih a duh lo pawh a ni mahna."
A farnu bialpa. A farnu ka ni lo, kei chu lem chang mai ka ni. Chuan, ka u der mai a nia, chubâkah, ka mimal nunah inrawlh theihna a nei lo, kei pawh a mimal nunah ka inrawlh hlei nem.
"Nangma nunah chuan nangma'n thu i nei thei, kei pawh ka mimal nunah chuan thu ka nei."
"Oh, kha kha ka duh dàn chiah! Va huaisen reuh tak."
Neil-a haw hnua room-a ka chhoh chuan a la mu lo a ni chêk ang chu, ka room-ah a rawn lût a.
"Kawngka kik i thiam lo em ni?"
"Kan in a nih hi, mahni in chhûngah tunge kawngka kik kurh kurh ngai?"
"I room a nih loh chuan tu room pawh ni se, kik zel rawh, i in chhûng pawh ni se."
"Ka thu thu."
Ka chungah a thinrim a nih chiah hi.
"I huaisen hle mai."
"Nia."
"Ka thu sawi kha i la hriat ka ring."
"Neil-a hi ka hnaih niin i ngai em ni? Min hnaih zâwk a nih kha, bâkah tlangvâl lo lêng lo kàwm lo tùrin ka polite lo tâwk lo,"ka ti ve siah a.
"Mitmei i hmuh tih hriat reng."
A va zak lo tak! Hetiang hi a nih ka ring phâk bîk lo asin, a rilru a chhe hle mai, Angel-i unaupa chu a ni tak si a, inanna lai pawh an nei deuh tak e a.
"Ka sawi peih lo, chhuak tawh rawh, ka mu dáwn."
"Ka thu awih lote chungah hi chuan ka rãwng thei hle a ni."
Hmeichhe chungah pawh maw? A bialnu nih a va peihawm loh dáwn ve!
"I bialnu nih a châkawm zawk zawk lo a nih chu, an țhen hmasa ziah zâwk chein ka ring."
A thinrim ka rin teh lul nèn, a nui huk duh chauh.
"I ring sual chhiava a nih chu."
"Ka awm rei dáwn lo bawk a, țha tê têin awm teh ang."
"Ka thu i awih loh chuan i hrehawm a ni mai."
Hm, a țha e.
"Ka pi vàng chauha awm rei tùr ka nih hi aw, ka pi thu chu hnial duh ila ka hawsan daih tawh ang."
"Daw lo mai teh, a ro chan i duh ve vàng a nih kha."
Makti rilru deuh hian ka en ta reng mai.
"Ka pi hi duat ém ém la, a thu leh ka thu awih ang che. Nangni ang hmeichhe duhãm hi ka hre țeuh nain ka pi thisen i kài ve miau avàng chauhin i chungah hian ka dawh hrâm hrâm zâwk a ni. Ka thu hrilh che kha ka sawi țha leh ang, Neil-a hi hnaih tam suh."
"I ţhianpa a nia, hrilh mai la ti nia."
"Duh ang chein a sawi vêl mai mai a nih hi, a duh zâwng chi i ni lo hrim hrim, a tân chuan i class tâwk lo."
"Chhuak rawh, engtin nge chutiang chu i unaunu chungah i sawi theih zâwk?"
"Fîmkhur ang che, ka duh loh zâwngin awm suh."
A chhuak chu thinrim zetin ka thlîr a, vawm zui chawrh ka châk rualin he khawvêl ata hi delete nghâl ka châk. Ka thinrim lutuk chu chhuatah ka vei tawn sek a, hetiang chuan ka muhìl thei lo ang.
Zîngah ka pi chu exer ka lâkpui leh a, ka pi bulah hi chuan ka hlim, a tupa erawh hi chu mak ka ti a ni. Hetiang ém ém a rilru chhia leh rãwng hi ka la hre lo, ka pi tupa chu a ni ve si. A nu leh a pa kha chu an fel ngeiin ka ring, fapa ramhuai rilru pu an nei erawh hi chu a mak, an hre ve tho ang em le? Nge a nu leh pate bulah a inthup zâwk le?
"Vawiin chu i u zui la?"
Ka suangtuahna ram ata harh chhuakin ka pi chu ka nuih sak a.
"Ni lo ve, ka pi. Vawiin chu kan pangpârho hi suasam ka duh a, suasam tihah siam rem a ni zâwk ang chu, a pâr hluite hi cut a lei țha pêk belh ka duh zâwk. Ani bulah chuan ka țangkai tam lo àwm em mai."
"Chu chu mi dangin an ti thei reng alawm."
"Keimahin tih ngei ka duh alawm, ka pi." Ruatdika bula awm loh theihna ka ngaihtuah char char a ngai, he pa bulah hian ka awm peih lo, hmeichhe duhãm hmuha min hmu kha chu ka dem vak thei lo ang. A chhan chu pawisa ka duh vànga heta awm hi ka ni rêng a, kha kha chu a dik pah reng. Ka pi ro chan tum a tih pawh kha a dik tho; mahse, Angel-i kha a pi khân zin tùr leh amah tlawh tùr khân sâwm lo se chuan Angel-i pawh khân khatiang rilru kha a pu bîk kher lo ang.
Tûkțhuan kan kîlnaah pawh ka melh lo hrim hrim, ka pi chu a țawng siam siam a, ka lo tawng ve zoh tih loh phei chu ka țawng tam lo. Ruatdika pawh chu a țawng tam lo viau bawk, nizàn vàng khân nuam lo a ti ve pawh a ni maithei. Huh, teuh lo mai, a rilruah sual hlîr a awm a, ka pi bul a nih vàngin a insûm mai mai zâwk a nih hi.
Chhùnah ka pi chu a mu leh a, keiin pangpâr ka buaipui thung. Kan awmpuite chuan min puih an tum viau nain țûl ka ti lo va, min pui ta lo.
Pangpâr ka buaipui lai chuan," Hey, ka phone i chhâng thei lo ka ti ka ti a, i lo hetih vàng a nih hi," Neil-a aw ngei mai chuan a rawn ti chûl a.
Nuih sakin," Ka buai alawm, chhùn chhùnah tlangvâl an vâk dâw dâw ngai lo," ka lo ti a.
"Ka vâk lo, ka lo rîm dáwn che a. Ina i awm leh awm loh zawh che ka tum a, min chhàn theih si lohah chuan i u ka phone a."
Leh sak mai a!
"Lo kal rawh, min lo pui nghe nghe la."
"Ka nula rìm tùr berin pui tùra min tih tlat te chuan ka pui mai a ni ang chu."
"Ka tifiam, lo țhu mai mai rawh, ni a sa si."
Min pui ta hrep mai. Ni a sa a, thlan a tla zawih zawih, vawiin zet chu lo kal fuh lo a inti viauin ka ring.
"Pangpâr i làwm ve viau a nih dáwn hi. Ka nu pangpâr ka lo rûksak dáwn che em ni ang?"
"A rûksak zâwngin maw?"
"Dìl buai ai chuan a pot chawpin chawi tawrh ila, sawi tùr a tlêm zâwk. A ngah alawm, a mawi phian lehnghal a."
"A hriat chhuah che chuan...?"
"Teuh lo, a nei țeuh, a zât a hre miah lo ang."
"A tihchi loh ang."
"A nih loh pawhin ka lo thliak ru tal ang aw."
A thil sawi dàn hi a naupang chhia ka ti țhìn, vènthàwn leh enghelh vak a neih loh hmel bawk; mahse, a bula awm hi a nuam viau thung si.
Ruatdika lo haw hmain a haw e, pawi lo, ka room-ah a lo luh phah leh reu reu ang, ka room-a lo lût tùrin ka duh tawh lo, min hau tùr phei chuan.
Kâr hnih ka awm ve ta. Kâr hnih dang ka awm leh chuan heta țang hian ka chhuak vang vang tawh ang a, ka duh dànin ka nung leh tawh ang. Keima thawh chhuah ngei hmangin ka nung leh dáwn a ni, chumi hma chu ka la tuar țang țang a ngai.
Neil-a nèn chuan kan nì chu ka ti ngam chiah lo nain a ngaihzâwng ang chuan min enin ka hria. Zànah a lo lèn loh chuan min rawn phone ziah a, zînga ka hmuh tùrin ka phone-ah duhsakna thu thlum tak min thawn ziah bawk. Nuam ka ti ang reng viau, a chhan chu min care a, a tân eng ka nih loh teh lul nèn, Delete-ka-châka sawi kha a dik lo tawp a ni ang, min iaina lam a sawi ngai lo reng reng.
Nilàini a ni a, chhùnah Neil-a a lo lêng a, Ruatdika erawh a awm lo. Ka pi bulah chuan," Ka pi, naktûkah chhuk ka tum a, nakin zànah Angel-i hi chaw eia chhuahpui ka duh a, chu chu i phal ang em le?"tiin a dîl a.
Makti deuh hian," Niel, naktûkah i chhuk dáwn maw?! I va sawi har ve?"ka lo ti vat a.
"Aw, nia, ka tum thut a ni. Khu lama mite'n min rawn phone thut sia."
"A va khawharthlâk dáwn ve!"
Ka pi chuan," Amahin a duh leh duh loh a ni mai alawm,"a lo ti a.
"Chaw eia chhuah dun maw?"
"Aw, i hreh em?"
Ka hreh hran lo. Engkim hi ka tân chuan thil thar vek a ni a, ka vawi khatna tùr, tlangvâl nèna chaw ei dun. Hm, a nuam phian ang.
"Hreh lo ve."
"A țha, i hreh ka ring lo rêng a ni. Tlai dâr 5 -ah ka rawn lam ang che aw."
"Aw le, ka piin a phal chuan le."
Neil-a chuan," Ka pi, i phal tiraw?"a ti vat a, ani chuan," Um, chutiangin ka khirh viau lo a nia, hlim takin hun in hmang ang a, zànah erawh rawn haw tlai viau lo la. Neil, i rawn thlah leh ang chu tiraw?"a lo ti a.
"Teh rêng mai, ka pi. Ka rawn thlah ngei ngei ang, ka tlaipui lo bawk ang."
Neil-a haw hnu chuan ka pi chuan," A fel ém a, in induh tawnin ka hre bawk a," a ti sar sar a.
Zak sen deuh ap apin," Ka pi, a awihawm loh e, a țhianpa nau angin min en alawm," ka ti ve tak na a, ka pi chuan a awih vak hmel loh.
"Hlim takin hun i hmang dáwn nia, nula nih man a ni ve mai a, in inhmeh dùn ka ti teh a nia."
Rilru hlim deuhin ka inbual fai ser sawr a, thawmhnaw hâk tùr erawh ka hre lo khawp mai. Zahawm deuh hlelin nge ka inthuam ang a ho deuh takin ? Ka bùk rei khawp mai.
Dàr 5 a rîk hma daihin ka insiam zo tawh a, ka lo nghâk deuh reng tawh zâwk, ka phûr lutuk em aw ka ti hial zâwk a ni.
A inthuam dàn simple tak ka hmuh tâkah chuan ka thaw huai a, ka inthuamna chu a fuh a ni tih ka hre nghal bawk.
"I hman tawh maw? Ka lo thleng hma em? Ka phûr tawh lutuk a,"a rawn ti ham ham a.
"Thleng tâwk chiah, kei pawh ka phûr viau."
"I nalh hle mai."
"Ka lâwm e, nang pawh i mawi simple e."
Ka piin veranda thleng min thlah a, Delete-ka-châka erawh room ațangin a lo la chhuak lo hrim hrim, a thu ka awih loh vàng a ni lo, ka pi thu hmua chhuak ka ni zâwk. Ka chungah a thinrim thei ngawt lo ang.
Comments
Post a Comment