☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆RUATDIKA☆- 9 By Dingdi Pachuau
Ka chhia leh țha hriatna chu zàwi zãwiin an rawn lêt țan a, ka thluak nu deuh nuai pawh a fîm țan ta. Mahni inngei leh inten tak chung chuan ka hawi sawn ta vat a, ka kut pahnih chuan a âwmah ka nam bawk a.
"Min chhuahsan rawh."
"I zak leh sî a ni maw?"
Aw, ka zak. Ka zah bâkah ka inten hluah hluah. Engtin nge ka unaupa ka infawhtîr theih?!!
"Khatianga nuam khân a fâwp lo che a nih ka ring."
Kal pèlin ka room kawngka chu ka hawng a, amah pawh en țha ngam lo chuan," Chhuak rawh,"seh chilh nak, zàwi sap sî hian ka ti a, ka țawng ring lo, ka ngam lo, ka piin a hria ang tih ka hlau.
"Tunge zei zâwk?"
Ka insehruh ngar ngar. Ka thin a rim a, he pa hi ben pawp ka châk; mahse, keimah ka inhaw tel bawk si. Kha thil kha a thiam loh a nih rualin ka thiam loh a ni tel bawk si a, ka insûm hrâm.
"Ka la duh tâwk hauh lo a nia,"tiin a rawn kal phei a, ka bulah ding datin chiang zet hian min en chhuk kur a.
"Neil-a hi ngaizâwng suh ang che, a rilru i tihnat ka phal miah lo," tiin a kut chuan ka dul a rawn chûl zai zai a, ka phut zawk bâkah ka îp chãwih mai.
"Mut tui le, ka unaunu duh tak...," a chàwl deuh dat a, meng rum sawtin,"...Zorin," a ti chang bàng a, a chhuak ta nghal a.
Zorin. 'Zorin' tiin min ko! Ka beng chhe rî a ni miah lo. He pa hian ka hming dik takin min ko!! A unaunu ka ni lo tih pawh a hria tihna. Ka rei!!! Engtin nge ka tih tâk ang?!!!
Ka inthupna leh ka lem channa chu a tàwp ta. Eng hremna nge ka hma chhawn tâk ang? He pa hian a ngawihpui dáwn hauh lo tih hi ka hming ka hriat chian tlukin ka hria
Eng tik ațangin nge a lo hriat tawh ang le? Ka thlen țan tirh ațang tawh khân em ni ang? Chuti, a va ngawi rei thei sî ve, ni lo, a ni thei lo. Chumi hnu lamah, vawiin lamah pawh a ni maithei asin.
Ka pi a hrilh ngei ang. Nge a lo hrilh tawh reng zâwk? Ka thluak chu a buai nuai nuai mai, ka pi chuan eng ang mi-ah nge min ngaih tâk ang? Dâwt hmanga mi bum tum leh pawisa duh lutukin em ni ang? Chu aia nasa daih pawh chuan a ni ngei ang.
Hm, min hre chhuak ta rau rau, naktûkah ka pi bulah a bul tê ațangin ka inpuang fãi vek ang a, hremna a duh ang ang chu min pe rawh se. Kei chuan ka dem lo ang, thil sual tia bumtu chu keimah hi ka ni tlat a, min hrem nasa a nih pawhin ka tuar chhuak țhak mai ang.
Ka muthilh theih loh vàngin khumah chuan ka țhu reng a, nichin maia he room-a thil thleng kha ka ngaihtuah lêt leh a. Ruatdika nèn khân kan infâwp a ni!
A va zei kher em! A zei tak zet a ni. Eng mah pawh ngaihtuah thei lo leh fâwp lêt lo thei lovin min siam thiam a nia. Min fawh dàn lah a duhthawhin a ril raih mai a, Neil-a min fawh dàn nèn chuan a dang hlak a ni ringawt.
Zîngah chuan ka lu a rit lûk mai, thawh chhuah ka va peih lo tak! Mahse, ka thawh ngei a ngai si, ka pi ka hrilh fiah ngei a ngai. Ka hrilh fiah hma poh leh ka free hma a ni mai.
In hnuaia ka chhuk tùr leh ani morning walk zo chu a room bulah chuan kan intâwk a, melh pawh ka melh lo. Nuam tih lohna leh inthlahrun rûkna ka nei tawh a, hrehawm ka ti ru ngawih ngawih.
"Room-ah min rawn zui nghal rawh."
Ka ding rèn ráwn a, a thu awih rih mai loh chu tih theih ka nei rih lo.
A room-ah chuan mi sual thil ru lai man ang maia zumin ka lût a, ka rin ai daihin a room chu a lo nuam!! A dah hnawk nuaih ka ring a nia.
"Țhu rawh."
Ani chu min hma chhawn zâwngin a ding luah a, a chal leh a nghâwng vêla thlan chu towel vâr ser sawrin a hru pah a.
"I sawi tùr chu sawi phawt rawh."
"I thu le, ka sawi rei maithei a nia."
Ka țhu duh chuang lo. Ka pi a hrilh tawh ang a, ka pi thinrim hian min hmu peih lovin a tupa hi hremna min pe tùrin a tîr a ni ngei ang chu, a rûk takin ka zãm lutuk chu ka chhûng ril a khùr dar dar mai.
"He thil hi eng vànga ti nge i nih?"
Chu zawhna kher chu ka rin loh daih a nih vàngin ka melh chho rang khawp. Ngun zet hian min lo en reng a, ka mit chu ka la leh zàl zãl rang khawp mai.
"Ka pi sum i awh vàng hi a ni tiraw? Ka pi tunu ni miah lovin a tunu lema changin ka pi bâkah keini pawh min bum thei vek a nia, i lo ropui hle mai."
Dikna chen a awm avàng chuan chhàn ka tum lo, ka ngawi reng ringawt; mahse, a dik vek bîk chuang lo, a sum phei chu awt lo ve. University țhaa ka luh theihna tùr sum, Angel-i min pêk tùr zâwk a nia ka duh ni.
"Ka pi chu i bum ta zêl a, kei erawh chu min bum thei ta lo va. I thil tih râpthlâk dàn hi i ngaihtuah chiang ngai em?"
A thil sawi dàn ațang hian ka pi chu a la hrilh lo a nih chiah hi, ka thaw deuh huai a. Chuti a nih chuan keimah ngeiin hrilh ila, a thinrim pawh a zia maithei asin, ngaihdam dîl bawk ila.
"Ka pi chu ka hrilh dáwn a ni."
"Hrilh hlek suh ang che!"
Hlau rilru zet hian ka en chho a, ka hrilh loh pawhin a hrilh àwm tho si a, tunah lah hrilh lo tùrin min ti leh bawk si a, eng thil nge tih a tum ni ang le?
"Ka pi hlimna hi tichhe suh. A tunu tak tak nia ngai chein a hlim em em a, he a hlimna hi tihchhiat ka duh lo. A tìr ațangin i bum thei a nih chuan a tàwp thlenga i bum theih tho ka ring e."
Min ngaih nêpzia chu a țawngkam ațang chuan a man thiam theih vek. Hrilh hriat a duh bawk si lo, ka hre thiam lo thlâwt.
"Ka hrilh ang a, min hremna tùr eng pawh ka tuar mai ang. Chuan, ka chhuak vang vang thei ang a."
"I tâna țha chauh ngaihtuah suh, ka pi hi i hrilh a nih chuan a nunna hian a tuar phah thei tih i hria em?"
Hre lo, ka hre miah lo.
"Lung natna nei a nih hi. I thil hrilh tùrin a țhàwn dàn tùr leh a den nat dáwnzia ngaihtuah tel ta che."
A ni maw? Kei hian ka tih miah loh tùr ka ti a ni. He in ațang hian ka chhuak thei lo mai ang tih ka hlau deuh ţan ta. Thla hnih khat hnuah Chennai-ah chhuk mah ila, chhoh leh a ngai ngei ang a, a nih loh chuan ka dâwt sawi chu a hre chhuak dáwn tho tho.
"Hriat hun a la nei dáwn tho a ni."
"A hriat loh nân țawngțai ang che, hrilh suh ka tih chuan hrilh lo mai rawh. Ka thu i awih loh chuan eng pawh i chungah ka ti a nih pawhin min thiam lo suh ang che."
"I nun a rãwng hle mai."
"I hre țan mai ang. Ka thil sawi hi zawm ngai a nih chuan a zàwm apiang an him mai, ka sawi nawn peih lo a nia. Ka inbual duh, chhuak tawh rawh."
He pa mizia hi chu aw. A thu anga ka awm lo a nih chuan...warning min pe tawh bawk si. Ka pi hrilh ta ila, a chungah thil țha lo thleng se Ruatdika'n engtin nge min tih ang? Min that duh hial ang chu. Ka rilru a hah.
"Nizàna kan thil tih kha i la kham lo em ni? Kan chhun zawm dáwn em ni ang?"
Ka chhuak rang kher mai.
Ka pi chuan min la hre chhuak lo bawk a, a bulah chuan ka pângngai thei mai, rilruin inthiam lo viau mah ila, ka tihlim a ni tih ka hriat vàngin ka lâwm leh țhìn.
Chaw kan ei lai chuan ka pi chuan," Nizàn chu a nuam bawk em? Neil-a chuan khawiah nge a hruai che?"tiin min zâwt a.
Ni lo, ka pi, Ruatdika awm ve lai chuan hetiang zawhna zawh hi ka duh lo asin. I tupa ramhuai hian i tunu lema chang ramhuai ve tho hi min hre chhuak tawh si a.
"Um, nuam lutuk."
"A fel asin, nuam i ti chu a làwmawm e. Ka tunu pasal tùr pawh a lo ni maithei asin."
"Ka pi?"ka lo ti vat a.
"Ka naute, a zahthlâk hlei nem. I unaupa hian nupui a nei duh si lo va, nangmahin neih khalh daih rawh aw, naupang tak i ni tawh chuang lo va. In fate hmel hmuh hman ka duh asin, ka kut ngei hian ka pawm châk a ni."
En lo mah ila, Ruatdika chuan min melh kur tih ka hre tho, ka sen awp awp ngei ang chu. Ka pi hian nizàna ka room-a thil thlengte kha hre ve ta se...
"Ka pi, chutianga kan fa hmuh i châk chuan nupui nei kher lo pawhin a neih theih tho alawm."
Ka pi chuan," Bawiha, chutiang mai mai sawi lovin țha takin nupui nei la, ka liamsan hma ngei che u hian fa nei ta che,"a ti thung a.
"Tûnlai khawvêlah chuan nupuia neih tlâk an awm lo, mi bumhmang, lem chang vek alawm an nih, ka pi."
Min hmer tel salh mai, min sawi chhanna tak pawh a ni ang, ka ngawi reng a, he pa bulah hi chuan țawng tam loh a țha ber.
"Chutiang a ni vek bîk nâng, i duh zâwng i la tawng tak tak lo a nih chu."
"Ka mamawh lo ve."
A thawh hnu chuan ka pi chuan," Khatiang kha i unaupa chu a ni si a, a rilru ang kha chu pu ve miah suh aw. Nang chuan Neil-a i tawng tawh a, a fel a, pasal țha tak a nih ka ring tlat a ni," a ti sar sar a.
Neil-a'n min rawn bia a, dâr 2 vêlah an chhuak dáwn a, chumi hma chuan min rawn hmu zawk hman thei dáwn a ni.
Neil-a hi ka ngai ngawt ang. A hlim thei a, a bula awm a nuamin min duat thiam si. Ka bula awm reng tùrin ka duh.
Chhùnah chuan a rawn kal tak tak a, ka pi mut lai a nih vàngin free takin kan inkàwm thei a, in chhûngah pawh awm lovin pâwnah, pangpar lian pui pui dinna hnuaiah chuan kan țhu dùn a.
"Ka ngai ngawt ang che."
"Ka kal leh lo mai dáwn em ni ang?"
"Ni lo ve, i kal tùr a ni. I hna a pawimawh hmasa ber alawm."
"Mi dangin an lo ru bo daih ang che tih ka hlau."
A fiamthu tih hriain ka nuih sak a.
"I thlen veleh min lo hrilh ve ang a tiraw?"
"Teh rêng mai, ka rawn phone sek ang che, min lo ning ang tih ka hlau zâwk."
"Teuh lo, min duat si a, ka ngai dáwn tak tak che a ni."
Min kuah pahin," I u hi i chungah a țha lutuk lo em ni a? Ka lo zilh deuh ang chu,"a ti sap sap a.
"Ni lo, a ngai miah lo. Kan la inpawh tâwk lo deuh ringawt alawm. Nang anga pawh awlsam leh nèlawm hi a nih loh vàng a nia."
"Um, i hre chho zêl ang a, i nêl mai ang."
Ka ring lo, he pa hi ka nêl theiin ka ring lo. A nun a rãwng si a, a duh loh zâwng ka tih chuan min tihnat pawh a hreh hauh lovin ka ring.
A awm rei lo hlein ka hria, hun a kal chak ka ti. A kal dáwn chuan kan inpawm vawng vawng a, a car-ah chuan lûtin a bân a rawn vai zauh a, a tlãn chhuak ta. Inah a haw leh phawt ang a, chuta țangin Lengpuiah a kal tawh ang.
Ka journal-ah chuan ka hun tawn chu ka ziak lût malh malh a, a tê ber ațanga a lian ber thlengin. Tunah hi chuan mang chhe ber ramah ka chêng mêk a, nakinah ka harh chhuah ngei ka beisei thu chu ka ziak kûr nguai a.
Zànah ka pi nèn Tv kan en mai mai a, kan awmpuite hi chuan an thlîr ve vak lo. Kei pawh hian ka peih teh chiam lo nain ka pi hi a khawhar àwm si a tiin ka enpui ve țhìn a ni.
A mut hnuah erawh room-ah ka chho rang khawp mai. Ruatdika a lêng a, a zia hlauh. A bula awm hi ka hlau a, ka țih deuh tlat. Thil tisualtu chuan mi dang a hlau tlat țhìn ang deuh hian ka hlau deuh tlat, a bula awm tam loh ka duh ber.
Ka room kawngkhàr chu ring vak lo hian a rawn ri karh karh a, zanin chu a kik ve ta alawm, hmasawnna pakhat chu a ni ve tho.
A lo luh chuan ruih a neih hmel loh, rim dang a nam lo bawkin ka hria.
"Eng nge i duh leh tâk?"
"Khatiang zawhna kha min zâwt miah tawh suh, ka lo lût a nih chuan duh ka nei tihna a ni mai."
A nèlawm loh ngaiin a la nèlawm loh reng a nih hi.
"Eng nge i duh, ka u?"
A nui hawk mai.
"Ka bulah hi chuan i lem chan kha duh tâwk rawh, kan pahniha kan awm chuan Zorini i ni."
"A nih chuan, eng nge i duh, Ruatdik?"
"Eng maw?!"
"Ruatdika i ni lo em ni?"
"Nang kum 22 mi lek hian min u lo maw?!!"
"Ka u dik tak i ni si lo va."
"A țha e. Neil-a'n a lo phone tawh che em?"
La phone miah lo, ka hrilh kher erawh a țûl lo.
"Aw."
"Daw suh. I nihna dik tak hi i hrilh tawh em?"
"Hrilh lo."
"Hre chhuak ta se?"
"Hrilh i tum tih sawi suh."
"Ka la sawi miah lo."
"Țûl ka tih hunah ka hrilh mai ang."
"Hnaih tum suh ka tih kha i awih lo va."
"Ka hnaih ni lovin min hnaih a ni."
"I insawi thiam hle mai maw?"
"I sawi tum tak chu sawi thuai mai teh."
Muang zet hian a kal kual a, chutah ding thutin," Neil-a'n thu dik a hriat hma hian țhen ang che, a rilru tihnatsak ka duh loh vàng a nih chu. A hriat chhuah hlauh chuan a rilru a na dáwn lutuk, ka țhianpa hi chutianga awm tùr chuan ka duh lo,"a ti nghut nghut a.
"I hrilh loh phawt chuan a hre lo tawp ang."
"Ka hrilh lo ang tih ka la sawi miah lo. Ka thu i awih loh chuan a hre ngei ang."
"Ani nèn kan inkârah hian engvànga lo inrawlh nge i nih?"
"Ka țhianpa a nih hi."
"Min blackmail i tum dàn hi a țhing hle a ni tih i hria em?"
"I huaisen reuh khawp hi maw," a ti duh lek chauh a.
Ka thin a rim ve khawp mai, ka thin a rim hi chuan hlauh lutuk hi ka nei lo va, he pa pawh hi ka hlau lo lek lek tawh.
"I sawi zawh tawh chuan chhuak tawh la."
"Ka sawi chu i hre chiang maw? Neil-a hi țhen ang che, i țhen hma poh leh a țha a ni mai. Chuti lo chu, i chungah leh a chunga thleng tùr i hriat kha."
"Ka pi hi ka hrilh mai ang."
Thinrim zet hian min rawn hnaih nghal ruak a. Ka bâna hmerin," Ka pi i hrilha a chunga thil tha lo a thleng a nih chuan ka pawt sawm vek ang che, a nih loh pawhin dam chhûngin jail-ah i tâng ang,"a ti sawk sawk a, a thinrim hle a ni ang, a thâwk zâwng te chuan a hnâr chu a arh sãwk sãwkin ka hria.
"A nâ, min thlah rawh."
"Ka nunràwnna hi cho chhuak kher zel suh."
Min chhuahsan hnu chuan ka mittui a tla zawih zawih a, ka țap ri ngam chiah lo. Hetiang ém éma nunrãwng bula ka lo kal kher kher hi ka inchhîr tak zet a, tihngaihna ka hre tawh si lo, ka inchhìrna hian bân a pèl tak meuh meuh a ni.
Ka chhia leh țha hriatna chu zàwi zãwiin an rawn lêt țan a, ka thluak nu deuh nuai pawh a fîm țan ta. Mahni inngei leh inten tak chung chuan ka hawi sawn ta vat a, ka kut pahnih chuan a âwmah ka nam bawk a.
"Min chhuahsan rawh."
"I zak leh sî a ni maw?"
Aw, ka zak. Ka zah bâkah ka inten hluah hluah. Engtin nge ka unaupa ka infawhtîr theih?!!
"Khatianga nuam khân a fâwp lo che a nih ka ring."
Kal pèlin ka room kawngka chu ka hawng a, amah pawh en țha ngam lo chuan," Chhuak rawh,"seh chilh nak, zàwi sap sî hian ka ti a, ka țawng ring lo, ka ngam lo, ka piin a hria ang tih ka hlau.
"Tunge zei zâwk?"
Ka insehruh ngar ngar. Ka thin a rim a, he pa hi ben pawp ka châk; mahse, keimah ka inhaw tel bawk si. Kha thil kha a thiam loh a nih rualin ka thiam loh a ni tel bawk si a, ka insûm hrâm.
"Ka la duh tâwk hauh lo a nia,"tiin a rawn kal phei a, ka bulah ding datin chiang zet hian min en chhuk kur a.
"Neil-a hi ngaizâwng suh ang che, a rilru i tihnat ka phal miah lo," tiin a kut chuan ka dul a rawn chûl zai zai a, ka phut zawk bâkah ka îp chãwih mai.
"Mut tui le, ka unaunu duh tak...," a chàwl deuh dat a, meng rum sawtin,"...Zorin," a ti chang bàng a, a chhuak ta nghal a.
Zorin. 'Zorin' tiin min ko! Ka beng chhe rî a ni miah lo. He pa hian ka hming dik takin min ko!! A unaunu ka ni lo tih pawh a hria tihna. Ka rei!!! Engtin nge ka tih tâk ang?!!!
Ka inthupna leh ka lem channa chu a tàwp ta. Eng hremna nge ka hma chhawn tâk ang? He pa hian a ngawihpui dáwn hauh lo tih hi ka hming ka hriat chian tlukin ka hria
Eng tik ațangin nge a lo hriat tawh ang le? Ka thlen țan tirh ațang tawh khân em ni ang? Chuti, a va ngawi rei thei sî ve, ni lo, a ni thei lo. Chumi hnu lamah, vawiin lamah pawh a ni maithei asin.
Ka pi a hrilh ngei ang. Nge a lo hrilh tawh reng zâwk? Ka thluak chu a buai nuai nuai mai, ka pi chuan eng ang mi-ah nge min ngaih tâk ang? Dâwt hmanga mi bum tum leh pawisa duh lutukin em ni ang? Chu aia nasa daih pawh chuan a ni ngei ang.
Hm, min hre chhuak ta rau rau, naktûkah ka pi bulah a bul tê ațangin ka inpuang fãi vek ang a, hremna a duh ang ang chu min pe rawh se. Kei chuan ka dem lo ang, thil sual tia bumtu chu keimah hi ka ni tlat a, min hrem nasa a nih pawhin ka tuar chhuak țhak mai ang.
Ka muthilh theih loh vàngin khumah chuan ka țhu reng a, nichin maia he room-a thil thleng kha ka ngaihtuah lêt leh a. Ruatdika nèn khân kan infâwp a ni!
A va zei kher em! A zei tak zet a ni. Eng mah pawh ngaihtuah thei lo leh fâwp lêt lo thei lovin min siam thiam a nia. Min fawh dàn lah a duhthawhin a ril raih mai a, Neil-a min fawh dàn nèn chuan a dang hlak a ni ringawt.
Zîngah chuan ka lu a rit lûk mai, thawh chhuah ka va peih lo tak! Mahse, ka thawh ngei a ngai si, ka pi ka hrilh fiah ngei a ngai. Ka hrilh fiah hma poh leh ka free hma a ni mai.
In hnuaia ka chhuk tùr leh ani morning walk zo chu a room bulah chuan kan intâwk a, melh pawh ka melh lo. Nuam tih lohna leh inthlahrun rûkna ka nei tawh a, hrehawm ka ti ru ngawih ngawih.
"Room-ah min rawn zui nghal rawh."
Ka ding rèn ráwn a, a thu awih rih mai loh chu tih theih ka nei rih lo.
A room-ah chuan mi sual thil ru lai man ang maia zumin ka lût a, ka rin ai daihin a room chu a lo nuam!! A dah hnawk nuaih ka ring a nia.
"Țhu rawh."
Ani chu min hma chhawn zâwngin a ding luah a, a chal leh a nghâwng vêla thlan chu towel vâr ser sawrin a hru pah a.
"I sawi tùr chu sawi phawt rawh."
"I thu le, ka sawi rei maithei a nia."
Ka țhu duh chuang lo. Ka pi a hrilh tawh ang a, ka pi thinrim hian min hmu peih lovin a tupa hi hremna min pe tùrin a tîr a ni ngei ang chu, a rûk takin ka zãm lutuk chu ka chhûng ril a khùr dar dar mai.
"He thil hi eng vànga ti nge i nih?"
Chu zawhna kher chu ka rin loh daih a nih vàngin ka melh chho rang khawp. Ngun zet hian min lo en reng a, ka mit chu ka la leh zàl zãl rang khawp mai.
"Ka pi sum i awh vàng hi a ni tiraw? Ka pi tunu ni miah lovin a tunu lema changin ka pi bâkah keini pawh min bum thei vek a nia, i lo ropui hle mai."
Dikna chen a awm avàng chuan chhàn ka tum lo, ka ngawi reng ringawt; mahse, a dik vek bîk chuang lo, a sum phei chu awt lo ve. University țhaa ka luh theihna tùr sum, Angel-i min pêk tùr zâwk a nia ka duh ni.
"Ka pi chu i bum ta zêl a, kei erawh chu min bum thei ta lo va. I thil tih râpthlâk dàn hi i ngaihtuah chiang ngai em?"
A thil sawi dàn ațang hian ka pi chu a la hrilh lo a nih chiah hi, ka thaw deuh huai a. Chuti a nih chuan keimah ngeiin hrilh ila, a thinrim pawh a zia maithei asin, ngaihdam dîl bawk ila.
"Ka pi chu ka hrilh dáwn a ni."
"Hrilh hlek suh ang che!"
Hlau rilru zet hian ka en chho a, ka hrilh loh pawhin a hrilh àwm tho si a, tunah lah hrilh lo tùrin min ti leh bawk si a, eng thil nge tih a tum ni ang le?
"Ka pi hlimna hi tichhe suh. A tunu tak tak nia ngai chein a hlim em em a, he a hlimna hi tihchhiat ka duh lo. A tìr ațangin i bum thei a nih chuan a tàwp thlenga i bum theih tho ka ring e."
Min ngaih nêpzia chu a țawngkam ațang chuan a man thiam theih vek. Hrilh hriat a duh bawk si lo, ka hre thiam lo thlâwt.
"Ka hrilh ang a, min hremna tùr eng pawh ka tuar mai ang. Chuan, ka chhuak vang vang thei ang a."
"I tâna țha chauh ngaihtuah suh, ka pi hi i hrilh a nih chuan a nunna hian a tuar phah thei tih i hria em?"
Hre lo, ka hre miah lo.
"Lung natna nei a nih hi. I thil hrilh tùrin a țhàwn dàn tùr leh a den nat dáwnzia ngaihtuah tel ta che."
A ni maw? Kei hian ka tih miah loh tùr ka ti a ni. He in ațang hian ka chhuak thei lo mai ang tih ka hlau deuh ţan ta. Thla hnih khat hnuah Chennai-ah chhuk mah ila, chhoh leh a ngai ngei ang a, a nih loh chuan ka dâwt sawi chu a hre chhuak dáwn tho tho.
"Hriat hun a la nei dáwn tho a ni."
"A hriat loh nân țawngțai ang che, hrilh suh ka tih chuan hrilh lo mai rawh. Ka thu i awih loh chuan eng pawh i chungah ka ti a nih pawhin min thiam lo suh ang che."
"I nun a rãwng hle mai."
"I hre țan mai ang. Ka thil sawi hi zawm ngai a nih chuan a zàwm apiang an him mai, ka sawi nawn peih lo a nia. Ka inbual duh, chhuak tawh rawh."
He pa mizia hi chu aw. A thu anga ka awm lo a nih chuan...warning min pe tawh bawk si. Ka pi hrilh ta ila, a chungah thil țha lo thleng se Ruatdika'n engtin nge min tih ang? Min that duh hial ang chu. Ka rilru a hah.
"Nizàna kan thil tih kha i la kham lo em ni? Kan chhun zawm dáwn em ni ang?"
Ka chhuak rang kher mai.
Ka pi chuan min la hre chhuak lo bawk a, a bulah chuan ka pângngai thei mai, rilruin inthiam lo viau mah ila, ka tihlim a ni tih ka hriat vàngin ka lâwm leh țhìn.
Chaw kan ei lai chuan ka pi chuan," Nizàn chu a nuam bawk em? Neil-a chuan khawiah nge a hruai che?"tiin min zâwt a.
Ni lo, ka pi, Ruatdika awm ve lai chuan hetiang zawhna zawh hi ka duh lo asin. I tupa ramhuai hian i tunu lema chang ramhuai ve tho hi min hre chhuak tawh si a.
"Um, nuam lutuk."
"A fel asin, nuam i ti chu a làwmawm e. Ka tunu pasal tùr pawh a lo ni maithei asin."
"Ka pi?"ka lo ti vat a.
"Ka naute, a zahthlâk hlei nem. I unaupa hian nupui a nei duh si lo va, nangmahin neih khalh daih rawh aw, naupang tak i ni tawh chuang lo va. In fate hmel hmuh hman ka duh asin, ka kut ngei hian ka pawm châk a ni."
En lo mah ila, Ruatdika chuan min melh kur tih ka hre tho, ka sen awp awp ngei ang chu. Ka pi hian nizàna ka room-a thil thlengte kha hre ve ta se...
"Ka pi, chutianga kan fa hmuh i châk chuan nupui nei kher lo pawhin a neih theih tho alawm."
Ka pi chuan," Bawiha, chutiang mai mai sawi lovin țha takin nupui nei la, ka liamsan hma ngei che u hian fa nei ta che,"a ti thung a.
"Tûnlai khawvêlah chuan nupuia neih tlâk an awm lo, mi bumhmang, lem chang vek alawm an nih, ka pi."
Min hmer tel salh mai, min sawi chhanna tak pawh a ni ang, ka ngawi reng a, he pa bulah hi chuan țawng tam loh a țha ber.
"Chutiang a ni vek bîk nâng, i duh zâwng i la tawng tak tak lo a nih chu."
"Ka mamawh lo ve."
A thawh hnu chuan ka pi chuan," Khatiang kha i unaupa chu a ni si a, a rilru ang kha chu pu ve miah suh aw. Nang chuan Neil-a i tawng tawh a, a fel a, pasal țha tak a nih ka ring tlat a ni," a ti sar sar a.
Neil-a'n min rawn bia a, dâr 2 vêlah an chhuak dáwn a, chumi hma chuan min rawn hmu zawk hman thei dáwn a ni.
Neil-a hi ka ngai ngawt ang. A hlim thei a, a bula awm a nuamin min duat thiam si. Ka bula awm reng tùrin ka duh.
Chhùnah chuan a rawn kal tak tak a, ka pi mut lai a nih vàngin free takin kan inkàwm thei a, in chhûngah pawh awm lovin pâwnah, pangpar lian pui pui dinna hnuaiah chuan kan țhu dùn a.
"Ka ngai ngawt ang che."
"Ka kal leh lo mai dáwn em ni ang?"
"Ni lo ve, i kal tùr a ni. I hna a pawimawh hmasa ber alawm."
"Mi dangin an lo ru bo daih ang che tih ka hlau."
A fiamthu tih hriain ka nuih sak a.
"I thlen veleh min lo hrilh ve ang a tiraw?"
"Teh rêng mai, ka rawn phone sek ang che, min lo ning ang tih ka hlau zâwk."
"Teuh lo, min duat si a, ka ngai dáwn tak tak che a ni."
Min kuah pahin," I u hi i chungah a țha lutuk lo em ni a? Ka lo zilh deuh ang chu,"a ti sap sap a.
"Ni lo, a ngai miah lo. Kan la inpawh tâwk lo deuh ringawt alawm. Nang anga pawh awlsam leh nèlawm hi a nih loh vàng a nia."
"Um, i hre chho zêl ang a, i nêl mai ang."
Ka ring lo, he pa hi ka nêl theiin ka ring lo. A nun a rãwng si a, a duh loh zâwng ka tih chuan min tihnat pawh a hreh hauh lovin ka ring.
A awm rei lo hlein ka hria, hun a kal chak ka ti. A kal dáwn chuan kan inpawm vawng vawng a, a car-ah chuan lûtin a bân a rawn vai zauh a, a tlãn chhuak ta. Inah a haw leh phawt ang a, chuta țangin Lengpuiah a kal tawh ang.
Ka journal-ah chuan ka hun tawn chu ka ziak lût malh malh a, a tê ber ațanga a lian ber thlengin. Tunah hi chuan mang chhe ber ramah ka chêng mêk a, nakinah ka harh chhuah ngei ka beisei thu chu ka ziak kûr nguai a.
Zànah ka pi nèn Tv kan en mai mai a, kan awmpuite hi chuan an thlîr ve vak lo. Kei pawh hian ka peih teh chiam lo nain ka pi hi a khawhar àwm si a tiin ka enpui ve țhìn a ni.
A mut hnuah erawh room-ah ka chho rang khawp mai. Ruatdika a lêng a, a zia hlauh. A bula awm hi ka hlau a, ka țih deuh tlat. Thil tisualtu chuan mi dang a hlau tlat țhìn ang deuh hian ka hlau deuh tlat, a bula awm tam loh ka duh ber.
Ka room kawngkhàr chu ring vak lo hian a rawn ri karh karh a, zanin chu a kik ve ta alawm, hmasawnna pakhat chu a ni ve tho.
A lo luh chuan ruih a neih hmel loh, rim dang a nam lo bawkin ka hria.
"Eng nge i duh leh tâk?"
"Khatiang zawhna kha min zâwt miah tawh suh, ka lo lût a nih chuan duh ka nei tihna a ni mai."
A nèlawm loh ngaiin a la nèlawm loh reng a nih hi.
"Eng nge i duh, ka u?"
A nui hawk mai.
"Ka bulah hi chuan i lem chan kha duh tâwk rawh, kan pahniha kan awm chuan Zorini i ni."
"A nih chuan, eng nge i duh, Ruatdik?"
"Eng maw?!"
"Ruatdika i ni lo em ni?"
"Nang kum 22 mi lek hian min u lo maw?!!"
"Ka u dik tak i ni si lo va."
"A țha e. Neil-a'n a lo phone tawh che em?"
La phone miah lo, ka hrilh kher erawh a țûl lo.
"Aw."
"Daw suh. I nihna dik tak hi i hrilh tawh em?"
"Hrilh lo."
"Hre chhuak ta se?"
"Hrilh i tum tih sawi suh."
"Ka la sawi miah lo."
"Țûl ka tih hunah ka hrilh mai ang."
"Hnaih tum suh ka tih kha i awih lo va."
"Ka hnaih ni lovin min hnaih a ni."
"I insawi thiam hle mai maw?"
"I sawi tum tak chu sawi thuai mai teh."
Muang zet hian a kal kual a, chutah ding thutin," Neil-a'n thu dik a hriat hma hian țhen ang che, a rilru tihnatsak ka duh loh vàng a nih chu. A hriat chhuah hlauh chuan a rilru a na dáwn lutuk, ka țhianpa hi chutianga awm tùr chuan ka duh lo,"a ti nghut nghut a.
"I hrilh loh phawt chuan a hre lo tawp ang."
"Ka hrilh lo ang tih ka la sawi miah lo. Ka thu i awih loh chuan a hre ngei ang."
"Ani nèn kan inkârah hian engvànga lo inrawlh nge i nih?"
"Ka țhianpa a nih hi."
"Min blackmail i tum dàn hi a țhing hle a ni tih i hria em?"
"I huaisen reuh khawp hi maw," a ti duh lek chauh a.
Ka thin a rim ve khawp mai, ka thin a rim hi chuan hlauh lutuk hi ka nei lo va, he pa pawh hi ka hlau lo lek lek tawh.
"I sawi zawh tawh chuan chhuak tawh la."
"Ka sawi chu i hre chiang maw? Neil-a hi țhen ang che, i țhen hma poh leh a țha a ni mai. Chuti lo chu, i chungah leh a chunga thleng tùr i hriat kha."
"Ka pi hi ka hrilh mai ang."
Thinrim zet hian min rawn hnaih nghal ruak a. Ka bâna hmerin," Ka pi i hrilha a chunga thil tha lo a thleng a nih chuan ka pawt sawm vek ang che, a nih loh pawhin dam chhûngin jail-ah i tâng ang,"a ti sawk sawk a, a thinrim hle a ni ang, a thâwk zâwng te chuan a hnâr chu a arh sãwk sãwkin ka hria.
"A nâ, min thlah rawh."
"Ka nunràwnna hi cho chhuak kher zel suh."
Min chhuahsan hnu chuan ka mittui a tla zawih zawih a, ka țap ri ngam chiah lo. Hetiang ém éma nunrãwng bula ka lo kal kher kher hi ka inchhîr tak zet a, tihngaihna ka hre tawh si lo, ka inchhìrna hian bân a pèl tak meuh meuh a ni.
Comments
Post a Comment