☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆MAGDALENE☆ - 3 By Dingdi Pachuau
A țhiannu lo haw hmain kan chhuak, chahbi chu dahna tùr an inhrilh. A ril a țàm avàngin Swing-In-ah ka chawlhpui leh rih, Maruatite dàwr a ni a, ka ril a țàm chuan ka chàwl ve ziah.
"Ei țeuh rawh aw."
A nui var var a, a hmai sen tân mai hi keimah vàng a ni tih ka hre khiau.
"Chakna i neih tam leh ka tân a țha ting a ni mai a, i ei țeuh țeuh a ngai a ni."
"Nang pawh ei ve la? A nuam lo e."
"I thil ei lai lo thlìr che hi nuam ka ti zâwk."
Tlêm chu ka ei ve tho, a awm nawm nân chauh tak tak ka ei.
A la hma tho sia, dàwra lo lèn a duh leh duh loh ka zâwt phawt a, pawi a tih loh avàngin kan inphur phei leh rih.
Kan pahniha dàwra kan lût min hmuh chuan Kimtei chu a lo meng nasa mai. Melo-i hi chu ka dàwrah hian ka kalpui ve zauh zauh tawh a, an inhre tawh viau bawk.
"Hei vàng hi a ni maw i lo khîk leh suk suk țhin?"
"Ni lo thei nâng. Melo, țhu rawh," tiin țhutna ka pe nghal a.
Amawia chuan," Luck leh luck lo hi chu kan inhriat hleih teh tak e. Kimtei hi chuan rawn hruai tùr pawh a nei tawp nâng," a ti phawt a, chutah, " Kei pawh naktûk chu ka rawn hruai ve ang," nui chungin a ti leh a.
Kimtei chuan," Rawn hruai rawh, hmuh a châkawm alawm. Eng nge a an pawh hriat a châkawm pah bawk a," a lo ti vat a.
"Melo, Julian-a hi i hre chiang meuh maw? A vau vàng chea rawn zui i ni mial em? Mi intih theih khum teh hi an châk a, ka hruai ve hunah chuan an châk lo ngawt ang," a ti barh barh a.
"Rawn hruai ve tak tak teh."
"Ka phal lo."
"I neih loh vàng a nih kha."
"I hre hauh lo."
"Nei lo pui, nei lo nih i duh loh vàng chauh a nih kha aw."
Amawia leh Kimtei inchhâng chu kan ngaithla a, Melo-i chu a nui deuh sak sak reng a.
"Rawn hruai la, i rawn hruai hnuah ka rawn hruai ve ang."
"Chiah?"
"Teh rêng mai!"
Ka lo inrawlh ta vat.
"Aw, in thu sawi awmzia chu Amawia'n a rawn hruai phawt ang a, chumi hnuah Kimtei'n a rawn hruai ve leh ang, a dik tiraw?"
"Aw, Lalrammawia hian a rawn hruai phawt chuan rawn hruai ve ka cho chiang alawm," Kimtei chuan a lo ti vat a.
"Kimbawng, ka rawn hruai khawp ang, ka hlau hlei nem!"
Melo-i chu a lo nui char char a, a hnuah kan nui ta vek. 'Kimbawng' lai tak kha a nuihzatthlâk, an infiam nasa a, hming ni lo lo hian an inko țhìn rêng a ni.
"Boss hian bialnu hran hran hi a rawn hruai ziah sia, tuna mi hming pawh hi ka hre tawh lo ve!"
"Nichinah pawh i koh tawh kha!"
"Melo-i maw? E, Melo-i kha a ni tak, ka hriat pawlh vek tawh a, an tam tawh lutuk a, ka hriat pawlh leh țhìn alawm, Baby, Sarah tihte kha a rawn hruai nual tawhin ka hria."
Melo-i chu ka en vat a, mit ko sàn ãk hian min en a, a nui pah bawk a. Kan infiam bawrh bawrh țhang a, a awih bîk lo tih ka hria.
"Kimbawng, i senior țan tawh a ni tiraw? Pasal i neih vat vat a ngai a ni. Amawi, rawn hruai tum thuai rawh aw, Kimbawngi hian rawn hruai tùr a neih loh vaih chuan a bialpa tùr țha deuh ka hualsak a ni."
"Hualsak ka ngai lo, mahni duh hre lo rual pawh ka nih loh hi."
Kan nui leh dar dar a, customer an rawn kal leh tâk avàngin kan titi a chàwl leh rih.
"Zaninah lo lên i tum em?"
"I phal em?"
Min melh ralh a," Ka phal tih i hre reng siah," a ti sap a. A kuta vuanin," Lo lèn chu ka duh alawm; mahse, lehkha zir i duhin ka ring a. I nu leh pate lo kawm chu ka peih miah lo," ka ti thung a.
A nui sak a.
"Lo lêng tho la?"
"A rûka i room luh theihna awm se."
"E, ka țhiannute inah note copy chhuanlamin ka kal thei ang."
"Tak tak?"
"Aw, ka ti tak tak. Kan in rawn thlen hma chiah kawng kãwiah khân ka țhiannute chu an awm."
"Chuan?"
"Ka rawn kal ang a, kan inhmu dáwn alawm."
"Kan inhmu ringawt ang maw?" A kut chu ka chûl zai zai a.
"Hm, hre thiam lo der vêl lo la?"
"A țha alawm."
Hetia chhaih vêl hi a nuam ka ti. A mit han lèn kual vêl leh nui deuh sakte, hriat thiam loh hmêl deuha min en țhìnte hi hmuh nuam ka ti fo.
Dâr 4 velah ka thlah haw chauh. A taksa si renga awm hi nuam ka ti, ka hnung thlâwp zaiha min han kuahte hi nuam ka ti a, ka duh dàn thlapa min kuah lah a thiam. Duata hnunga mawng poh deuh târha a'n țhu auh maite hi a sexy hi ka tia, inhmeh bîk riauin ka hre bawk.
Zànah ka lêng hman ta miah lo mai. In ka thlen veleh ațangin kan buai nghal char char, Nonoi sikul bâng motor-in a lo su palh deuh a ni àwm a, min lo hrilh duh lo lo niin, ka buai an rin vàngin. A rûkin ka inthiam lo deuh dûk mai.
Damdawi inah kan tlànpui a; an han buaipui nak nak a, a ruh erawh tliak a awm lo. Kan awm rei ta hrep a, ka khawngaih reuh lutuk. A țap miah lo va, a mittui erawh a tling piau.
Ina kan haw meuh chuan dâr 9 a pèl tawh. Admit a ngai hranpa lo va, a zia viau. Sikul erawh a kal thei lawk dáwn lo a ni, a khawngaihthlâk bîm bêm reuh asin.
A tûk lamah chuan peih lo zetin dàwrah chuan ka kal a, ka rilruah Nonoi hlîr a awm. Ani hi chu naupang fel ngang a nia, nâ tuara khuma mu tùr a ni lo asin le. Kei angte hi motor chuan min su ta zâwk se, ka sual zâwk si a.
Nilêng pawhin ka awm lo, ka haw hma ta daih. In ka thlen veleh chuan Nonoi mutnaah ka kal hmasa ber a, a lo harh reng niin.
"Hey, sweetie, thil ka lo hawn che a nia, i lo dam tawh em?"
Min lo nuih hrâm hrâm a.
"Tàte, âpain sikul kal a la phal rih lo va, ka țhiante ka ngai tawh e, anni pawhin min ngai ngawt ang tiraw?"
"Teh rêng mai, i dam veleh Duata hnungah i chuang ang a, ka thlah ang che."
"Ih, ka ke hi ka chêt thei lo va, chuan ka hnung a thak lutuk a."
A awm dàn chu siam remin a hnung ka hiahsak a, chutia kan inhiahsak lai chuan Bawihteite an lo lût ve a.
"E, Nono, Tàtea nèn in lo awm a ni maw? En teh, hei ka țhiante'n an lo kan dáwn che a, an fel i ti em?"
Bawihtei țhiante a hmuh chuan a hmêl a hlim sawtin ka hria.
Melo-i'n min rawn phone avàngin ka chhuak ta rih, nizànah khân ka phone miah lo, chanchin pawh ka lo hrilh lo niin. Rilruah Nonoi bâk a awm lo atin ni.
Thla a liam a, Nonoi pawh a zia ta. Ka ngaihtuah lutuk ta lo deuh, ka haw apiangin thil ka lei ziah a, ei tùr ni se a ei châk leh duh zawng apiang ka hawn ziah, ka duat a, ani awh hian a hre ve khawp mai.
Tlai khat chu ka haw hma leh deuh a, țhianpa Remate dàwrah ka pêng lawk a. Nula chhe lo zet hian tuibûr a rawn lei a, amah lah a chhe lo sî, tuibûr hmuam atân chuan ka lo ui rilru viau mai.
Ka en zui deuh reng a, min rawn hmu lo a niang, pawisa a pêk fel hnu chuan a chhuak leh ta mai a. A chhe lo hle a ni, Hrangbana college-a kal hi a nih ngei ka ring. A rûk têin ka en zui zêl a, step-ah a chho zêl, in chung lam a pan a ni. College naupang pawh an bâng țan tawh a, an phu suau suau ni berin ka hria.
Zànah Bawihtei hnênah chuan," In college-ah chhe lo deuh ka hmu," ka ti ringawt a.
"Tu nge chu chu?" a lo ti vat a.
"Ka hre lo, tuibûr a lei a."
"I hmu țhing e," tiin a nui hak hak a.
"Mahse, a hmuam tùr pawh a ni lo thei tho a."
"Chu chu vawiinah maw?"
"Aw."
"Ka va hre châk! Min lo phone mai tùr alawm, chhe lo deuh chu hmuh ve pawh a châkawm a."
Ka ngaihtuah rauh rauh, a sam kha a dum vak lo, bâkah a thlah a, thliin a chhêm nasa a ni maithei, a kawi deuh niaih tlat. Um, bialpa bike nei a ni ngei ang.
"Ka hmuh leh hunah ka hrilh ang che."
An college bul ka tlàn apiangin ka zawng ru deuh ta ziah. Ka zawng tih a hria a niang, a vâng kher mai. Zirlai inpèl suau suau kârah chuan hmuh a har khawp ang le, ni tin chãng ta ila chuan ka hmu mahna!
Chaw kan ei laiin Bawihtei chuan," Nu, mi rêng rêng hi eng nunhlui pawh lo nei se, emaw nunhlui țha lo leh theihnghilh duh ngawih ngawih lo nei ta se, an nunhlui hmer tel khera fiam a ngai kher lo tiraw?" a ti a.
"Aw, a dik alawm. Kan hun liam tawh chu a inang vek lo ang;a țhenin kan hmang țha a, a țhenin kan hmang țha lo thei bawk."
"Mi nuihsawh leh deusawh zâwng khera infiam phei chu a țha lo, mi hmusit zâwng phei chuan tih miah loh tùr, mihring chu tu mah inhmusit thei kan awm lo a nia," ka pa chuan a lo ti be dap dap a.
Bawihtei bawk chuan," Ka țhiante zînga pakhat hi nunhlui țha vak lo a nei a, amah pawhin hrehawm a ti lutuk; mahse, a nunhlui a ni tlat sia, chu chu mi pakhatin a hria a, vawiinah a chhaih a, ka khawngaih lutuk a," a ti leh a.
"Bawihte, țhian sual i kàwm hlauh ang e," ka lo ti vat a.
"Ka țhiante hi chu an fel hlawm lutuk, ka fel lo berin ka ring zâwk."
Ka nu chuan," Mi tu pawhin nunhlui țha lo tak, inchhìr ngawih ngawihna a nei thei, chutiang chu kawm loh tùr tihna a ni miah lo. An nunhlui erawh hriatsak reng tùr a ni lo, mi piang thar, nunhlui sima nun thara nung ta daih duh pawh a lo ni thei a, chutiang tùr chuan kan fuih thiam zâwk tùr a ni. Mi nunhlui tha lo hre ràna lo thar thawhsak chiam țhin hi thil țha a ni lo, a lo sim daih tawh thei a ni," a ti dap dap a.
"Thil țûl lo, nunhlui sawi chhuahsak chiam chu a finthlâk loh."
"Chu rêng chu alawm, kha nu kha ka ngei lutuk a."
Ka pa chuan," A, Bawihte, mi hi ngei ringawt loh tùr, an lo ngei ve loh che phei chuan țûl lovah i intirethei thlàwn mai mai dáwn asin," a lo ti leh a.
"Kei chu tu mah ka ngei lo."
Nonoi țhìn hi chu aw, a ute pahnih hian kan tluk lo chu a nih hi.
"Ni e, kan naute hian tu mah a ngei lo va, a fel teh a nia. Sikulah pawh a țhiante'n an lo ngai tawh nasa mai a, an zirtîrtute pawhin an lo ngai tawh bawk. A fel vàng vek a nia, Bawihtei leh Tàtea pawhin Nonoi hi entawn ang che u."
Ka room-ah Bawihtei chu a lo lût a, a hmêl ațang chuan a lung a la awi lo tih ka hre thei mai.
"Engtin maw in țhiannu chu an lo chhaih a?"
Khuma țhu chung chuan," Mipaho hi alawm, in lêrh lutuk a! In duh tak tak loh tùr hi ngaizâwngin mutpui in tum thla zen a," a ti ta bawrh bawrh a.
Sawi tùr ka hre miah lo, ka ngawi hmiah.
Ngun zetin min rawn en a," Tuna i bialnu hian i fa pai ta se, chu chu duh lovin tihtlâktîr tum ta la, duh lo se; mahse, vànduaithlâk takin chhiat si se, chu chu mi zîngah insawitheih khumin 'Ka fa a pai duh lo va, a titla lui' tiin. Tichuan, mipa dik tak angah i inngai thei ang em?" a ti teh daih a.
Ka lo la ngaihtuah ngai miah lo.
"Kha, min chhâng thei lo a nih kha. In lo inang vek a ni ngei ang."
"Ni lo, chu chu i țhiannu chunga thil thleng maw?"
"Aw, chu a nunhlui chu kan college-a lût ve pakhat, an khuaa miin a hria a, chhaih nân a hmang a nih chu, tenawm lutuk!"
"Chiangkuang deuhin han sawi teh."
A bulah chuan ka țhu thla ve nghal a.
"A hming ka sawi kher lo ang, bialpa a nei ve a, a vawi khat nân. Chu pa chuan a duh lutuk, țhiani pawh chuan a duh viau bawk. Vawi khat an chesual a, țhiani chu a rai ta si a. A bialpa chu a hrilh a, ani chuan titla tùrin a lo ti a, an inhau nghe nghe."
" Țhiani chuan tihtlâk a duh lo va, a pai zui a; mahse, a vànduai a. A tlu a, naute chu a chhiat ta hlauh mai a. A bialpa chuan chu chu remchângah lain mi zîngah titla lui angin a sawi darh a; mahse, thu dik a ni si lo. Chu chu hun kal tawh ni mah se, vawiinah an khuaa mi ngei chuan kan awm kháwm laiin kan hriat ngei tùrin a rawn fiam sak a nih chu!"
"Engtin?" ka lo ti hmanhmawh a.
"A ngeiawm a ni tawp mai. ' Mahni chhài tâwk pawh hre lo, phû tâwk hi hriat tùr asin. Fa tihtlâk pawh hnial lo, nula pângngai lèna lèn tùr a ni hlei nem' nui țhâw chungin a rawn ti a nih chu. Kan thin a rim vek a, țhiani erawh a zak ngawih ngawih thung, a mittui a tla lo chauh."
A thin a rim hle a niang, a kut chu a hûm ruh ngar ngar a.
"A nih tak chu. I țhiannu nunhlui chu a hre chiang viau bawk si a ni maw?"
"A hre dik tluan bawk si lo alawm, khatia rawn tih pawh kha a ngai lo rêng rêng. Hrehawm a ti ém asin, a nunhlui chu theihnghilh a duh ve tho, a tihsual liau liau tiin hrehawm a ti a, theihnghilh theih rual loh ni mah se, nun bul țan țhat a tum ve laia khatia lo tih leh kher kha nâ ka tihpui a ni tawp mai."
A kut chu ka vawnsak a.
"A nih tak chu, chu pa chuan a tidik lo nasa a nih chu."
"Chu 'pa' a ni lo, hmeichhia alawm. Amah chu a chhe lo viau nain a rilru a țha lo ém mai a, a tihmel chhe vek."
Mut hmunah Bawihtei thil sawi chu ka ngaihtuah a, Melo-i hi lo râi ta se, engtin nge ka tih ang le? Titla tùr chuan ka ti ve mai lo'ng maw? Amah pawhin naute neih chu a duh lo tawp ang.
A nih leh, lo duh ta se, kei hian ka duh ang em? Ka fa a pài miau chuan ka neih ngei a țûl maithei. Ni lo, nupui neih chu ka la tum chhin miah lo, dam chhûnga hmeichhe pakhat chauh bula mut reng chu, ni lo, ka duh miah lo.
Chuti a nih chuan, kha pa nèn khân kan inang reng dáwn a nih chu. Kan inan lohna chu tuna ka bialnu(te) hi an la râi ve lo, chu tê chauh chu.
Ka insùm deuh a ngai a nih duh hmèl ta riau mai. Bawihtei țhiannu dinhmunah khân tuna ka kawpte hi lo ding ve ta se, ka nei duh hlawm dáwn miah si lo, chu chu ka hre chiang ngam sak. Nupui neih ka la duh lo.
Mahse, a fâla ka han awmpui leh meuh chuan insûm theihna ka tlachham leh tlat. Ka thisen hian a lo țhan hnan deuh tawh tlat a ni, a buaithlâk khawp mai.
Tlai khat ka haw chu ka hmeichhe hmuh kha ka hmu leh ta. Tûn țum chu a sam a zial chho ta thung; mahse, ka hai miah lo. A chhe lo tak zet, ka en reng a, thil ka hre chhuak, he nu hi ka bialnu dangte ang a ni miah lo, ka duh zâwng ang chi kha a ni miah lo nia!!
Mahse, mahse a awm tlat.
A hmêl chu a ngui deuhin ka hria. Nui chiah se, a chhe lo ngawt ang, a ha a rual țhah ang em? A vâr sarin ka ring. A hmui sen deuh char chu fawh a nuam ngawt ang, het, ka rilru a dik lo leh țan tawh. Chhe lo deuh ka hmuh hian engtizia nge hetiang lam hi ka lo ngaihtuah hman zêl ni.
A țhiannu lo haw hmain kan chhuak, chahbi chu dahna tùr an inhrilh. A ril a țàm avàngin Swing-In-ah ka chawlhpui leh rih, Maruatite dàwr a ni a, ka ril a țàm chuan ka chàwl ve ziah.
"Ei țeuh rawh aw."
A nui var var a, a hmai sen tân mai hi keimah vàng a ni tih ka hre khiau.
"Chakna i neih tam leh ka tân a țha ting a ni mai a, i ei țeuh țeuh a ngai a ni."
"Nang pawh ei ve la? A nuam lo e."
"I thil ei lai lo thlìr che hi nuam ka ti zâwk."
Tlêm chu ka ei ve tho, a awm nawm nân chauh tak tak ka ei.
A la hma tho sia, dàwra lo lèn a duh leh duh loh ka zâwt phawt a, pawi a tih loh avàngin kan inphur phei leh rih.
Kan pahniha dàwra kan lût min hmuh chuan Kimtei chu a lo meng nasa mai. Melo-i hi chu ka dàwrah hian ka kalpui ve zauh zauh tawh a, an inhre tawh viau bawk.
"Hei vàng hi a ni maw i lo khîk leh suk suk țhin?"
"Ni lo thei nâng. Melo, țhu rawh," tiin țhutna ka pe nghal a.
Amawia chuan," Luck leh luck lo hi chu kan inhriat hleih teh tak e. Kimtei hi chuan rawn hruai tùr pawh a nei tawp nâng," a ti phawt a, chutah, " Kei pawh naktûk chu ka rawn hruai ve ang," nui chungin a ti leh a.
Kimtei chuan," Rawn hruai rawh, hmuh a châkawm alawm. Eng nge a an pawh hriat a châkawm pah bawk a," a lo ti vat a.
"Melo, Julian-a hi i hre chiang meuh maw? A vau vàng chea rawn zui i ni mial em? Mi intih theih khum teh hi an châk a, ka hruai ve hunah chuan an châk lo ngawt ang," a ti barh barh a.
"Rawn hruai ve tak tak teh."
"Ka phal lo."
"I neih loh vàng a nih kha."
"I hre hauh lo."
"Nei lo pui, nei lo nih i duh loh vàng chauh a nih kha aw."
Amawia leh Kimtei inchhâng chu kan ngaithla a, Melo-i chu a nui deuh sak sak reng a.
"Rawn hruai la, i rawn hruai hnuah ka rawn hruai ve ang."
"Chiah?"
"Teh rêng mai!"
Ka lo inrawlh ta vat.
"Aw, in thu sawi awmzia chu Amawia'n a rawn hruai phawt ang a, chumi hnuah Kimtei'n a rawn hruai ve leh ang, a dik tiraw?"
"Aw, Lalrammawia hian a rawn hruai phawt chuan rawn hruai ve ka cho chiang alawm," Kimtei chuan a lo ti vat a.
"Kimbawng, ka rawn hruai khawp ang, ka hlau hlei nem!"
Melo-i chu a lo nui char char a, a hnuah kan nui ta vek. 'Kimbawng' lai tak kha a nuihzatthlâk, an infiam nasa a, hming ni lo lo hian an inko țhìn rêng a ni.
"Boss hian bialnu hran hran hi a rawn hruai ziah sia, tuna mi hming pawh hi ka hre tawh lo ve!"
"Nichinah pawh i koh tawh kha!"
"Melo-i maw? E, Melo-i kha a ni tak, ka hriat pawlh vek tawh a, an tam tawh lutuk a, ka hriat pawlh leh țhìn alawm, Baby, Sarah tihte kha a rawn hruai nual tawhin ka hria."
Melo-i chu ka en vat a, mit ko sàn ãk hian min en a, a nui pah bawk a. Kan infiam bawrh bawrh țhang a, a awih bîk lo tih ka hria.
"Kimbawng, i senior țan tawh a ni tiraw? Pasal i neih vat vat a ngai a ni. Amawi, rawn hruai tum thuai rawh aw, Kimbawngi hian rawn hruai tùr a neih loh vaih chuan a bialpa tùr țha deuh ka hualsak a ni."
"Hualsak ka ngai lo, mahni duh hre lo rual pawh ka nih loh hi."
Kan nui leh dar dar a, customer an rawn kal leh tâk avàngin kan titi a chàwl leh rih.
"Zaninah lo lên i tum em?"
"I phal em?"
Min melh ralh a," Ka phal tih i hre reng siah," a ti sap a. A kuta vuanin," Lo lèn chu ka duh alawm; mahse, lehkha zir i duhin ka ring a. I nu leh pate lo kawm chu ka peih miah lo," ka ti thung a.
A nui sak a.
"Lo lêng tho la?"
"A rûka i room luh theihna awm se."
"E, ka țhiannute inah note copy chhuanlamin ka kal thei ang."
"Tak tak?"
"Aw, ka ti tak tak. Kan in rawn thlen hma chiah kawng kãwiah khân ka țhiannute chu an awm."
"Chuan?"
"Ka rawn kal ang a, kan inhmu dáwn alawm."
"Kan inhmu ringawt ang maw?" A kut chu ka chûl zai zai a.
"Hm, hre thiam lo der vêl lo la?"
"A țha alawm."
Hetia chhaih vêl hi a nuam ka ti. A mit han lèn kual vêl leh nui deuh sakte, hriat thiam loh hmêl deuha min en țhìnte hi hmuh nuam ka ti fo.
Dâr 4 velah ka thlah haw chauh. A taksa si renga awm hi nuam ka ti, ka hnung thlâwp zaiha min han kuahte hi nuam ka ti a, ka duh dàn thlapa min kuah lah a thiam. Duata hnunga mawng poh deuh târha a'n țhu auh maite hi a sexy hi ka tia, inhmeh bîk riauin ka hre bawk.
Zànah ka lêng hman ta miah lo mai. In ka thlen veleh ațangin kan buai nghal char char, Nonoi sikul bâng motor-in a lo su palh deuh a ni àwm a, min lo hrilh duh lo lo niin, ka buai an rin vàngin. A rûkin ka inthiam lo deuh dûk mai.
Damdawi inah kan tlànpui a; an han buaipui nak nak a, a ruh erawh tliak a awm lo. Kan awm rei ta hrep a, ka khawngaih reuh lutuk. A țap miah lo va, a mittui erawh a tling piau.
Ina kan haw meuh chuan dâr 9 a pèl tawh. Admit a ngai hranpa lo va, a zia viau. Sikul erawh a kal thei lawk dáwn lo a ni, a khawngaihthlâk bîm bêm reuh asin.
A tûk lamah chuan peih lo zetin dàwrah chuan ka kal a, ka rilruah Nonoi hlîr a awm. Ani hi chu naupang fel ngang a nia, nâ tuara khuma mu tùr a ni lo asin le. Kei angte hi motor chuan min su ta zâwk se, ka sual zâwk si a.
Nilêng pawhin ka awm lo, ka haw hma ta daih. In ka thlen veleh chuan Nonoi mutnaah ka kal hmasa ber a, a lo harh reng niin.
"Hey, sweetie, thil ka lo hawn che a nia, i lo dam tawh em?"
Min lo nuih hrâm hrâm a.
"Tàte, âpain sikul kal a la phal rih lo va, ka țhiante ka ngai tawh e, anni pawhin min ngai ngawt ang tiraw?"
"Teh rêng mai, i dam veleh Duata hnungah i chuang ang a, ka thlah ang che."
"Ih, ka ke hi ka chêt thei lo va, chuan ka hnung a thak lutuk a."
A awm dàn chu siam remin a hnung ka hiahsak a, chutia kan inhiahsak lai chuan Bawihteite an lo lût ve a.
"E, Nono, Tàtea nèn in lo awm a ni maw? En teh, hei ka țhiante'n an lo kan dáwn che a, an fel i ti em?"
Bawihtei țhiante a hmuh chuan a hmêl a hlim sawtin ka hria.
Melo-i'n min rawn phone avàngin ka chhuak ta rih, nizànah khân ka phone miah lo, chanchin pawh ka lo hrilh lo niin. Rilruah Nonoi bâk a awm lo atin ni.
Thla a liam a, Nonoi pawh a zia ta. Ka ngaihtuah lutuk ta lo deuh, ka haw apiangin thil ka lei ziah a, ei tùr ni se a ei châk leh duh zawng apiang ka hawn ziah, ka duat a, ani awh hian a hre ve khawp mai.
Tlai khat chu ka haw hma leh deuh a, țhianpa Remate dàwrah ka pêng lawk a. Nula chhe lo zet hian tuibûr a rawn lei a, amah lah a chhe lo sî, tuibûr hmuam atân chuan ka lo ui rilru viau mai.
Ka en zui deuh reng a, min rawn hmu lo a niang, pawisa a pêk fel hnu chuan a chhuak leh ta mai a. A chhe lo hle a ni, Hrangbana college-a kal hi a nih ngei ka ring. A rûk têin ka en zui zêl a, step-ah a chho zêl, in chung lam a pan a ni. College naupang pawh an bâng țan tawh a, an phu suau suau ni berin ka hria.
Zànah Bawihtei hnênah chuan," In college-ah chhe lo deuh ka hmu," ka ti ringawt a.
"Tu nge chu chu?" a lo ti vat a.
"Ka hre lo, tuibûr a lei a."
"I hmu țhing e," tiin a nui hak hak a.
"Mahse, a hmuam tùr pawh a ni lo thei tho a."
"Chu chu vawiinah maw?"
"Aw."
"Ka va hre châk! Min lo phone mai tùr alawm, chhe lo deuh chu hmuh ve pawh a châkawm a."
Ka ngaihtuah rauh rauh, a sam kha a dum vak lo, bâkah a thlah a, thliin a chhêm nasa a ni maithei, a kawi deuh niaih tlat. Um, bialpa bike nei a ni ngei ang.
"Ka hmuh leh hunah ka hrilh ang che."
An college bul ka tlàn apiangin ka zawng ru deuh ta ziah. Ka zawng tih a hria a niang, a vâng kher mai. Zirlai inpèl suau suau kârah chuan hmuh a har khawp ang le, ni tin chãng ta ila chuan ka hmu mahna!
Chaw kan ei laiin Bawihtei chuan," Nu, mi rêng rêng hi eng nunhlui pawh lo nei se, emaw nunhlui țha lo leh theihnghilh duh ngawih ngawih lo nei ta se, an nunhlui hmer tel khera fiam a ngai kher lo tiraw?" a ti a.
"Aw, a dik alawm. Kan hun liam tawh chu a inang vek lo ang;a țhenin kan hmang țha a, a țhenin kan hmang țha lo thei bawk."
"Mi nuihsawh leh deusawh zâwng khera infiam phei chu a țha lo, mi hmusit zâwng phei chuan tih miah loh tùr, mihring chu tu mah inhmusit thei kan awm lo a nia," ka pa chuan a lo ti be dap dap a.
Bawihtei bawk chuan," Ka țhiante zînga pakhat hi nunhlui țha vak lo a nei a, amah pawhin hrehawm a ti lutuk; mahse, a nunhlui a ni tlat sia, chu chu mi pakhatin a hria a, vawiinah a chhaih a, ka khawngaih lutuk a," a ti leh a.
"Bawihte, țhian sual i kàwm hlauh ang e," ka lo ti vat a.
"Ka țhiante hi chu an fel hlawm lutuk, ka fel lo berin ka ring zâwk."
Ka nu chuan," Mi tu pawhin nunhlui țha lo tak, inchhìr ngawih ngawihna a nei thei, chutiang chu kawm loh tùr tihna a ni miah lo. An nunhlui erawh hriatsak reng tùr a ni lo, mi piang thar, nunhlui sima nun thara nung ta daih duh pawh a lo ni thei a, chutiang tùr chuan kan fuih thiam zâwk tùr a ni. Mi nunhlui tha lo hre ràna lo thar thawhsak chiam țhin hi thil țha a ni lo, a lo sim daih tawh thei a ni," a ti dap dap a.
"Thil țûl lo, nunhlui sawi chhuahsak chiam chu a finthlâk loh."
"Chu rêng chu alawm, kha nu kha ka ngei lutuk a."
Ka pa chuan," A, Bawihte, mi hi ngei ringawt loh tùr, an lo ngei ve loh che phei chuan țûl lovah i intirethei thlàwn mai mai dáwn asin," a lo ti leh a.
"Kei chu tu mah ka ngei lo."
Nonoi țhìn hi chu aw, a ute pahnih hian kan tluk lo chu a nih hi.
"Ni e, kan naute hian tu mah a ngei lo va, a fel teh a nia. Sikulah pawh a țhiante'n an lo ngai tawh nasa mai a, an zirtîrtute pawhin an lo ngai tawh bawk. A fel vàng vek a nia, Bawihtei leh Tàtea pawhin Nonoi hi entawn ang che u."
Ka room-ah Bawihtei chu a lo lût a, a hmêl ațang chuan a lung a la awi lo tih ka hre thei mai.
"Engtin maw in țhiannu chu an lo chhaih a?"
Khuma țhu chung chuan," Mipaho hi alawm, in lêrh lutuk a! In duh tak tak loh tùr hi ngaizâwngin mutpui in tum thla zen a," a ti ta bawrh bawrh a.
Sawi tùr ka hre miah lo, ka ngawi hmiah.
Ngun zetin min rawn en a," Tuna i bialnu hian i fa pai ta se, chu chu duh lovin tihtlâktîr tum ta la, duh lo se; mahse, vànduaithlâk takin chhiat si se, chu chu mi zîngah insawitheih khumin 'Ka fa a pai duh lo va, a titla lui' tiin. Tichuan, mipa dik tak angah i inngai thei ang em?" a ti teh daih a.
Ka lo la ngaihtuah ngai miah lo.
"Kha, min chhâng thei lo a nih kha. In lo inang vek a ni ngei ang."
"Ni lo, chu chu i țhiannu chunga thil thleng maw?"
"Aw, chu a nunhlui chu kan college-a lût ve pakhat, an khuaa miin a hria a, chhaih nân a hmang a nih chu, tenawm lutuk!"
"Chiangkuang deuhin han sawi teh."
A bulah chuan ka țhu thla ve nghal a.
"A hming ka sawi kher lo ang, bialpa a nei ve a, a vawi khat nân. Chu pa chuan a duh lutuk, țhiani pawh chuan a duh viau bawk. Vawi khat an chesual a, țhiani chu a rai ta si a. A bialpa chu a hrilh a, ani chuan titla tùrin a lo ti a, an inhau nghe nghe."
" Țhiani chuan tihtlâk a duh lo va, a pai zui a; mahse, a vànduai a. A tlu a, naute chu a chhiat ta hlauh mai a. A bialpa chuan chu chu remchângah lain mi zîngah titla lui angin a sawi darh a; mahse, thu dik a ni si lo. Chu chu hun kal tawh ni mah se, vawiinah an khuaa mi ngei chuan kan awm kháwm laiin kan hriat ngei tùrin a rawn fiam sak a nih chu!"
"Engtin?" ka lo ti hmanhmawh a.
"A ngeiawm a ni tawp mai. ' Mahni chhài tâwk pawh hre lo, phû tâwk hi hriat tùr asin. Fa tihtlâk pawh hnial lo, nula pângngai lèna lèn tùr a ni hlei nem' nui țhâw chungin a rawn ti a nih chu. Kan thin a rim vek a, țhiani erawh a zak ngawih ngawih thung, a mittui a tla lo chauh."
A thin a rim hle a niang, a kut chu a hûm ruh ngar ngar a.
"A nih tak chu. I țhiannu nunhlui chu a hre chiang viau bawk si a ni maw?"
"A hre dik tluan bawk si lo alawm, khatia rawn tih pawh kha a ngai lo rêng rêng. Hrehawm a ti ém asin, a nunhlui chu theihnghilh a duh ve tho, a tihsual liau liau tiin hrehawm a ti a, theihnghilh theih rual loh ni mah se, nun bul țan țhat a tum ve laia khatia lo tih leh kher kha nâ ka tihpui a ni tawp mai."
A kut chu ka vawnsak a.
"A nih tak chu, chu pa chuan a tidik lo nasa a nih chu."
"Chu 'pa' a ni lo, hmeichhia alawm. Amah chu a chhe lo viau nain a rilru a țha lo ém mai a, a tihmel chhe vek."
Mut hmunah Bawihtei thil sawi chu ka ngaihtuah a, Melo-i hi lo râi ta se, engtin nge ka tih ang le? Titla tùr chuan ka ti ve mai lo'ng maw? Amah pawhin naute neih chu a duh lo tawp ang.
A nih leh, lo duh ta se, kei hian ka duh ang em? Ka fa a pài miau chuan ka neih ngei a țûl maithei. Ni lo, nupui neih chu ka la tum chhin miah lo, dam chhûnga hmeichhe pakhat chauh bula mut reng chu, ni lo, ka duh miah lo.
Chuti a nih chuan, kha pa nèn khân kan inang reng dáwn a nih chu. Kan inan lohna chu tuna ka bialnu(te) hi an la râi ve lo, chu tê chauh chu.
Ka insùm deuh a ngai a nih duh hmèl ta riau mai. Bawihtei țhiannu dinhmunah khân tuna ka kawpte hi lo ding ve ta se, ka nei duh hlawm dáwn miah si lo, chu chu ka hre chiang ngam sak. Nupui neih ka la duh lo.
Mahse, a fâla ka han awmpui leh meuh chuan insûm theihna ka tlachham leh tlat. Ka thisen hian a lo țhan hnan deuh tawh tlat a ni, a buaithlâk khawp mai.
Tlai khat ka haw chu ka hmeichhe hmuh kha ka hmu leh ta. Tûn țum chu a sam a zial chho ta thung; mahse, ka hai miah lo. A chhe lo tak zet, ka en reng a, thil ka hre chhuak, he nu hi ka bialnu dangte ang a ni miah lo, ka duh zâwng ang chi kha a ni miah lo nia!!
Mahse, mahse a awm tlat.
A hmêl chu a ngui deuhin ka hria. Nui chiah se, a chhe lo ngawt ang, a ha a rual țhah ang em? A vâr sarin ka ring. A hmui sen deuh char chu fawh a nuam ngawt ang, het, ka rilru a dik lo leh țan tawh. Chhe lo deuh ka hmuh hian engtizia nge hetiang lam hi ka lo ngaihtuah hman zêl ni.
Comments
Post a Comment