☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆RUATDIKA☆ - 22 By Dingdi Pachuau
Engtizia nge hetah a lo kal le? Ka in luahna a rawn hre chat lehnghal, a hriat theih dàn tùr chu Angel-i hnên ațangin a ni ngei ang, ani lo hre tùr an awm lo. Angel-i a tlawh tawh tihna, a hau hrep em le?
Min rawn hau a tum em ni le? Mahse, ka ngai tho asin, min vìn țhìn mah se, ka ngai tho. Țhian ka neih loh em hi, ka bul vêla min hautu awm miah lo ai chuan min hau rengtu, ka bula awm reng ka la duh zâwk tho.
Chhûng ril lama intichak thar tùrin ka infuih sauh sauh a, kawngka chu ka hawng ta a.
"Eng nge i lo tih dáwn a?"
"Ka lo lût duh."
"Engtin nge ka awmna i hriat?"
"Ka hria a ni mai."
"Inhau ka peih lo a nia."
"Hawng mai teh!"
Heti chen lo kal ve ta chu, ka hawnsak ta nge nge. Țhu lo chuan a ding tlat a, a kekawr iptea a kut zen ve vein min en kur a.
"Ngatinge i tlànchhiat a?"
"Ka tlànchhe bawk lo."
"Ngatinge i chhuk dáwn tih ka hriat ve si loh?"
"I hriat ve a țûl lo tihna a ni mai."
Min rawn hnaih nghal kuar a, a âwmah min pawm bet nghal. A nghet lutuk a, ka thaw țha thei lo.
"Ka thaw..țha thei...lo a nia."
"Kutthlâk i duh loh chuan ngawi rawh!"
Hmeichhia kut a thlâk ngai lo. Ka hre tawh; mahse, a thinrim rih a nih hi. Ka ngai tho sia, ka ngawi ta. A âwm nghènga ka awm leh thei chu ka lung a chhia a, Neil-a ka hre chhuak thar leh uar uar, a țhianpa hmuh leh pawh hi a nuam ka ti bawk. A hmel ka hmu leh thei ringawt pawh hi ka lâwm, ka hmuh leh tawh ka inrin loh teh lul nèn.
"I mittui a tla a nih chuan hru hul vat ang che, ka hmu duh miah lo a nia."
Nui hawk pah chuan," A tla lo, nichin khân ka mit a mìm a, chuvàng chu a ni," ka ti a, ka chhuanlam siam ve chu a awih ngût pawhin ka ring lo.
"Nui rawh, Zorin. Nui tùrin ka duh che."
"Ka nuih tawh kha."
"Nui zêl ang che."
Min thlah hnu chuan min en leh vang vangin," I chêr lutuk, chaw i ei ngai nange?" a ti leh sup a.
"Hei, apple ka lo ei dáwn chiah a."
"Chaw i ei ngai em?"
Ka ei ngai lo. Thil ei châkna ka neih loh vàngin theirah lam ka ei deuh tawp, siam awlsam chi nèn.
"Apple pawh chaw țha alawm."
"Zanin hetah ka riak dáwn, chaw ka ei duh a nia."
"Ni lo, a theih loh!"ka ti chûl a.
"Ka hmel hriat awmchhun i nih hi. Induh viau suh."
A riak thei lo ang, in a tê si. Room pawh a hranin ka nei lo a nia.
"Mut puan ka nei lo."
"I bulah ka mu mai dáwn alawm."
"A theih loh!"
"I apple chu, ei ila. Ka ril a țâm a nia."
A ti tak tak ang tih ka hlau. Mut puan chu ka nei tho, riah dun kha ka duh lo zâwk.
Apple chu ka chhawp hnai a, a țhial hmarh hmarh a.
"Engtin nge ka awmna hi i hriat a?"tiin ka zâwt leh a. Angel-i a zâwt a nih hlauh chuan Angel-i chuan rilru dik lo a lo pu ang tih ka hlau. Ani lo zawh tùr an awm si lo.
"Ka antenna a țha alawm."
"Angel-i'n a hrilh che tiraw? I vau em ni?"
"Kha nu kha sawi tawh suh, hmuh leh pawh ka duh tawh lo!"
"A nih leh, engti tùrin nge i lo kal?"
"Ka zin khawthawng."
"Eng tikah nge i chhoh ang?"
"Ka duh hunah."
Min chhàn dàn chu ka ngei tak tak. Tih theih vak ka nei bawk si lo, rum deuhin ka melh ringawt a.
Zanriah chu amahin a buaipui vek!! Mak ka tihzia ka thup thei lo, ka puih a duh miah lo lehnghal. A ei siamna bulah ka lo tawlh ka lo tawlh ve ringawt, mak ka ti.
"Rawng i bâwl thiam hi mak ka ti e!"
"Eng nge a makna?"
"A mak!"
"Bih hnai lutuk suh, i chilthli kha i lo tifar ang e."
Ka ngei kher asin.
"Chilthli pawh ka nei bawk lo."
Ka in reh raih mai a bengchheng ve ta viau chu nuam ka ti. Mak pawh ka ti a ni, Ruatdika a rawn kal tlat mai hi, ka rin phâk bâk a ni. Rawn kal lo se chuan ka mu leh thlur tawh ang chu.
"Pudding ka lo siam ang, ka siam thiam teh a nia."
Zàn dãr 9 pelah chaw chu kan ei a, Chennai ka chhuk hnua chaw mumal taka ka ei vawi khatna a ni. Angel-i nèn pawh kan ei vak ngai lo, kan haw hun kha a inang lo țhìn bawk sia, thil ei tui a har em em bawk.
"I ei tùr siam chu a tui hle mai."
"Chaw mumal deuhin ei tawh ang che."
"I eirawng bàwl ang hian ka bâwl thiam ve hlei nem."
"I thiam tâwk ang khân bâwl mai rawh."
Ka va puar tak ém!
Chaw ei khamah chuan thil sil ngai a sil vek a, keiin hmun ka phiat fai thung. A nuam ka ti, thlèng a sil ka hmuh chuan inhmeh lo ka ti a, ka tih a phal tlat bawk si lo.
"Zanin chu riah i tum tak tak lo tiraw?"
"Tum e."
"Khum ka neih loh hi."
"Chhuatah kan mu ang chu."
"I bula mut ka duh lo."
"Ka duh thung alawm."
"A tihchi loh."
"I insùm theih loh i hlau a ni maw?"
"Teuh lo lutuk!"ka ti țhat a.
Rawn hawiin a nui huk huk a," A nih a hnu, ka riak dáwn," a ti sup a, thleng chu a rem fel nghal a.
"Ngati?" Ka bei a tidawng.
"Ka ngai che a."
Ka phu deuh zawk, a lam ka en duh lo.
"Angel-i i tlawh hrim hrim em?" Thil dang ka sawipui loh chuan a țha dáwn lo tlat.
"Tlawhna chhan tùr ka nei lo."
"I unaunu a ni alawm."
"Unaunu ka nei lo."
Ka bulah chuan a rawn kal hnai a, a apron hâk chu ka lo lâksak a. Chumi pah chuan a thawmhnaw hâk chu ka en chiang a, a T-shirt hâk dum nalh zet mai chu a inhmeh viau a ni. Ruatdika hian rawng dum hi a ngaina tih a inthuamna ațangin ka hria a, hmeh pawh a inhmeh viau bawk.
"Ka T-shirt chu mawi i ti viau a ni maw?"
Ka melh sawn vat. Min lo hmu reng chu ka duh lo kher mai, apron chu khai tùrin ka kal sawn ta nghal a.
"Ka pi a țha tiraw?"ka ti a, titipui tùr ka hre vak lo. Ka duh loh deuh a rawn sawi chhuah ka hlau bawk si a, ngawi renga awm dun lah chu ka duh loh ber a ni si.
"Aw, țha."
"I nute?"
"An țha."
Kan inchhâng tâwk viau mai.
"Zorin, ka bula lo țhu teh."
Ka duh lo asin, ngun zetin min en leh kur ang a, awm ngaihna a vâng.
"Sawi rawh, heta țang pawh hian ka hre thei alawm."
"Min hlau chu a ni lo tiraw?"
"Hlauhna chhan tùr i awm em ni?"
"Țha lutuk!" a ti phawt a, chutah," Eng mah min hrilh lova i chhuk thut chhan hi ka hre duh a ni,"a ti ta.
"Thil kal tawhah buai suh."
"Min chhâng rawh."
Ka thaw hawk a, um, thu dik ka hrilh mai ang chu.
"I unaunu tak tak ka nih loh vàngin maw le."
Min en reng a, kei pawhin ka en lêt ve kar, ka hawi sawn duh bîk nâng.
"Chu chu i chhuk chhan a ni tih ka hria, a rûka i chhuk chhan a nia ka zawh che."
He pa hi chu, a ngaihna a awm hlawl lo.
"I hriat ka duh loh bâkah min zâwt hlei nem."
A ngawi ta rân a, ka chhâng fuh ve ém bawk a ni.
"Ka piin a chhuktîr che tiraw?"
"Teuh lo mai!"
"Min chhàn ran dànah ka hre mai e."
A pi a rinhlelh ka hlau lutuk chuan," Ka pi vàng a ni lo, ka chhuk duh tawh bâkah khitah chuan tih tùr ka nei lo va, ka chènna tak tak a ni lo bawk a," ka lo ti thuai thuai a.
"A rûka thil tih hi i duh zâwng a ni ve hrim hrim."
Chu tawngkam zet chu ka va haw tak em! A rûk, dâwt, lemchang. Heng pathum hi inkaihhnawih leh inlam hnai tak an ni si a, dâwt ka sawi tih ka hria; mahse, hmaichhana hetianga inhrilh lâwng mai hi a nâ ka ti tho.
"Ka nihna a ni alawm," rilru na tak chuan ka ti sap a.
He pa hi chuan ka rilru tihnat pawh a hreh lo a nih hi. Dâwt sawi ka nin tawhzia leh inpuan ka duhzia pawh a hre vek a, hetia a rawn sawi chhuak leh kher hian ka rilru hrehawmna kha min hriat chhuahtîr leh a ni.
"Min mangțha ve tal tùr a nia."
"Ka thiam loh vek a ni."
Ka țhutna bul chêtah a rawn țhu a, ka en duh lo. Ka rilru natzia hre lo se ka duh, naktûkah, min chhuahsan hun ațang chiahin nun thar dang, Ruatdika tel ve miah lohna ka țan ang. Tuna nun thar ka din chhoh mêkah hi chuan a rawn lang leh miau si a, nunhlui theihnghilh tum pawhin a rawn sawi chhuak zêl si.
"Chutiang sawi tawh suh, Zorin."
"Engkim hi ka thiam loh vek a ni alawm."
Rang zeta ka hmui rawn hupin," Sawi tawh suh! Sawi tawh ngai suh!" a ti tuar a, ka hlau bawk si, ka rilru na bawk si chu ka mittui a tling pam a.
"Min en rawh!"
Ka melh chhoh zâwngin ka mittui a luang thla ta zãih a, kan chal chu a insi rân ta mai.
"Ka tihpalh, Zorin. Ka tihpalh a ni," a ti sup a, a aw a zawi lutuk a, ka hre thei chang chang chauh a ni.
Chutah, a kut chu la sawnin ka bianga ka mittui luang chu dìm zet hian a rawn fâwp ta. Ka khawng awt mai, ka rin loh dàn lutuka a chêt avàng chuan lo dan emaw chêt sawn emaw pawh ka tum lo, ka awm ngaiin ka awm tawp.
"Ruatdik..."
"Shhh, lo țawng rih suh. I rilru ka lo tihnatna zawng zawng kha tih-reh ka duh a ni."
Ka hmai chu a fâwp kual dan dan a, kei chuan nghet zetin ka kut chu ka lo hûm ruh thung, ka țang nasa kher mai.
"Hetiang hi...ti suh."
"Shhh, țawng awih loh." Kan pahnih chauha awm e ti lovin kan țawng ri mang lo, kan phun sap sap chauh a ni.
Ka kut chu a rawn hûm ta chat mai. Ka hùm ruh tlat chu muang châng hian a phelh a, a hmui lam lahin a tih tùr a hai hauh lo. Kan kut chu a insuih zawm chial a, a kut lian țha tak lum thar thar chuan ka kut te reuh tê chu a hliah khuh hneh ngawt ang chu.
"Ruatdik, thil..."
Ka chhun zawm thei lo, a hmuiin a rawn khàr chilh hmiah. Dìm tê, duat leh tihnat hlau zet hian min fâwp a, min fawh dànah chuan ka luang liam hneh lutuk!
Ka fâwp lêt ve dáwn chiah tihah chuan ka mitthlaah Neil-a hmel chiang zetin ka hmu ta tlat mai. Mahni inzahpui leh inthiam lo tak chungin ka hawi sawn ta nghal a, keimah ka inhaw nghal hlur mai.
"Hetiang hi kan ti thei lo!"
A ngawi reng. A thin a rim loh hrâm ka beisei, ka thiam loh a ni, Neil-a mitmu ém pawh a la keh hmain mipa dang ka infawhtîr sî, ka lo râwp viau em ni? Nge ka sihhnip viau zâwk?
Kan kut erawh kan la inthlah lo, thlah a tum hmel loh. A chhan chu ka kut chêt ka tumin a chelh nghet sauh sauh tlat.
"Ka thiam loh..."
"Sawi tawh suh!"
Ka ngawi ta reng mai. A thin tih-rim ka hlau ve tho, dik tak chuan Ruatdika hi ka duh lo hran bîk lo, Neil-a thlarau ka zah ém a ni.
"Thleng lo angah ngai rawh."
Kan inbe tam ta lo khawp mai. Țawng tùr ka vàn a, ani lah a ngawi ngul tawh bawk si. Ka melh leh zauh țhìn a, ka be ngam lo, sawi tùr pawh ka hre lo.
Mutna hrang awm thei hek suh, chhuatah kan mutna tùr ka phah a, long chair tal chu nei ila a zia deuh tùr. Dunlop pakhat bâk ka nei si lo, dik tak chuan mikhual ka kêp lo hrim hrim a ni tawp.
A kil rêtah ka mu a, kan inkârah sin tùr pakhat ka dah, kan intawk lohna tùrin. Sin tùr puan pakhat ka dahsak a, keiin puan pakhat. Muthilh a har duh ngei mai.
Thil chi hrang hrang ka ngaihtuah kual a, mut chhuak mawlh hek lo. Ka phone-a zai ka play leh ringawt a, ani ve thung chu a che map lo. Zangthal zawngin a mu a, a bânin a mit a hliah daih si a, a muhìl thei a ni ang.
Number ka chhiar a, a lêt zawngin. Vawi thumna chu ka chhiar chhuak leh thei bîk lo, ka hla play pawh ka muthilhsan daih.
Neil-a nèn kan lêng dùn a, ka țawng barh barh reng. Ani erawh chu a țawng ve miah lo nain ka thu sawiah chuan a lo nui leh hak hak țhìn a, kan hlim kher asin.
Kawngah zawi muangin kan kal dùn a, kan inkuah rial mai. Chutih lai chuan mi sual an lo lang thut mai a, Neil-a nèn chuan min man an tum a, min man tumtu chu Neil-a chuan hnekin min kai a. Chutih lai chuan silai a ri țhuai a, Neil-a chu a tlu nghal tawp a.
Mangang zetin Neil-a chu ka buaipui nghal, thisen a chhuak nasa lutuk a, ka hlau kher mai. Ka ko vak vak a, min chhâng thei lo, ka lungchhe lutuk chu ka țap a, Neil-a chu sâwiin ka ko vak vak a.
"I bulah ka awm reng alawm, țap suh, mang chhia i mang a nih kha."
A âwm nghêng chuan nghet zetin min kuah a, ka la insût hlap hlap mai.
"Neil, i thi emaw ka ti asin, min kalsan tawh suh aw."
Ka thla a muang ta suai suai mai, nghet zetin ka kuah lêt ve a, ka lungchhe zualpui a reh hnuah chuan a âwm nawr châk châk chuan ka insiam rem a, ka muhìl ta siai siai a.
Ka han meng uau a, khua a èn tawh avàngin ka maimichhîng leh a, tukin chu Sunday a ni tak. Dàwr kal a ngai lo, mu leh rih ang.
Taksa lum thar thar ka nghen hi Angel-i em ni? Kan mu tlâng ngai si lo. Ka khum min țâwm chu a ni lo maw? Ka kut chuan ka zût kual dan dan a, a taksa hi hmeichhe taksa a ni lo, a lian mah mah a ni!
Ka meng a, ka lu chêt deuhin ka chhîp chen vela thaw sâk sâk chu ka en chho a, mipa hrawk bâwk ka hmu! Tu nge ni ta?!! Lalpa, mipa kuahin ka muhìl maw!!!
Ka tâl sawn tùr chu a bân chuan nghet zetin min kuah bet a, ka thin a phu dawt dawt mai.
"Mu mai mai teh, Sunday a nih hi."
Ruatdika aw a ni. Ni lo, he pa nèn hian kan chesual em ni? A ni thei lo ang.
"Thil pawi a thleng em?"
"Ka titi peih rih lo a nia."
"Aw le."
Thleng lo tùrah ngai ang. Hei, kawr pawh ka ha alawm, kekawr pawh, kan chesual lo tihna. Ka rilru a nuam sawt mai.
Ka muthilh theih tawh loh avàngin ka meng ta reng a, ka che sawn ta bîk lo. Min kuah ang angin ka awm ve mai, vawiin chu Sunday a nia, tih tùr ka nei lo ve. Ka duh chen chen ka mu thei; mahse, he pa nèn hi chuan, a fuh ber lo ang.
Dârkâr khat vêl zet kan mut leh hnu chuan a rawn chê ta a, kei chu ka che ngam lo. Ka chala fâwpin," Morning, ka va mu tui kher ém!" a ti sup a, a tho phang aw thâm deuh chu a sexy riauva ka hriat chu le!
"A țha a nih chu."
"Nizàna ka bula mu a țahbelh lutuk a, min timu țha thei hlei nem."
Min fiam tih hre tho mah ila ka zak deuh tho. Nia, ka mumangah Neil-a ka hmu a nih kha. Min be ve miah lo lehnghal. Ka mumangah ka hmu ngai miah lo asin, Ruatdika rawn riah zàn ataka han hmuh kha, ka la țap zui.
"Khati khân min ti kher suh."
Ka tho nghal a, ani erawh chu a la che zui miah lo.
"Vawiin chu lêng ila?"
"Khawiah?"
"Khawpui hi kan fang ang chu."
Ka la fang miah lo, ka dàwr nghah țhin leh kan in luah inkâr hi chu ka bel viau mai. Angel-i nèn vawi khat Sunday-ah kan chhuak tawh bawk, fan pawh chu a châkawm.
"Ina awma chawlh i duh pawhin a theih tho; mahse, rilru tihthawven nân lèn duh la chu ka ti."
"Ka hre rih lo le."
"Nizàn kha chu ka hnute kha hnêk i tum emaw ka ti a, ka âwm kha i rawn nawr châk châk sia."
Ka awih chiah lo, min fiam leh pah a ni sa. Tlêm hian fiamthu a telh leh tho ka ring.
"Nangmahin min rawn hnaih hmasa a nih kha aw."
"Nula bula mutin ka mu mai mai thiam hlei nem."
Râpthlâk ti zet hian ka en phei a, a lo nui miah si lo. Ani hi, ka muthilh hlànin min chûlin min dap ruai lo ang chu maw, ka awmbâwr ka hup vat a.
"Min chûl em?"
A nui huk huk chauh.
"Min chûl zâwk lo maw? Min zût dan dantu kha tunge ni?"
Min tihrilhhai zaw mah mai.
"Kha chu, tunge tih ka hriat loh vang che a nih kha."
"Nulain min zût min zùt chuan engtin nge ka awm a i rin?"
A sawi tum chu ka man lawk loh avàngin ka en phei a, nuihzat hmel deuha min lo en aváng chuan ka thin a rim deuh hlek.
"Chutiang sawi suh."
"Mipa hrisêl tak ka ni a."
"Breakfast-ah eng nge ei i duh?"ka ti ta thuai thuai a.
A nui hawk.
"Bawng soup, mipa tâna țha tak kha a ni mai."
He pa hi chu, engtizia nge hetiang lam mawlh hi a sawi reng ni? Min tihzah hi nuam a ti ve hrim hrim.
"Khatiang i sawi reng chuan vawiinah ka lèn chhuahpui peih lo che."
"A țha. Inah nilêngin kan inawm ang a, ka soup in lahin hna a thawk țha dáwn si."
Ka ning, ka ning tak tak. Bathroom-ah ka luhsan ta daih a, ka biang a sen leh țûn țûn tawh ang chu, ka beng pawh a sa vung vung alawm.
Bathroom ațanga ka chhuah chuan a lo tho tawh a, ei tùr a lo siam leh diam tawh nia. He pa hi a țuan a țha tak tak a ni, ei siam a thiam si.
Engtizia nge hetah a lo kal le? Ka in luahna a rawn hre chat lehnghal, a hriat theih dàn tùr chu Angel-i hnên ațangin a ni ngei ang, ani lo hre tùr an awm lo. Angel-i a tlawh tawh tihna, a hau hrep em le?
Min rawn hau a tum em ni le? Mahse, ka ngai tho asin, min vìn țhìn mah se, ka ngai tho. Țhian ka neih loh em hi, ka bul vêla min hautu awm miah lo ai chuan min hau rengtu, ka bula awm reng ka la duh zâwk tho.
Chhûng ril lama intichak thar tùrin ka infuih sauh sauh a, kawngka chu ka hawng ta a.
"Eng nge i lo tih dáwn a?"
"Ka lo lût duh."
"Engtin nge ka awmna i hriat?"
"Ka hria a ni mai."
"Inhau ka peih lo a nia."
"Hawng mai teh!"
Heti chen lo kal ve ta chu, ka hawnsak ta nge nge. Țhu lo chuan a ding tlat a, a kekawr iptea a kut zen ve vein min en kur a.
"Ngatinge i tlànchhiat a?"
"Ka tlànchhe bawk lo."
"Ngatinge i chhuk dáwn tih ka hriat ve si loh?"
"I hriat ve a țûl lo tihna a ni mai."
Min rawn hnaih nghal kuar a, a âwmah min pawm bet nghal. A nghet lutuk a, ka thaw țha thei lo.
"Ka thaw..țha thei...lo a nia."
"Kutthlâk i duh loh chuan ngawi rawh!"
Hmeichhia kut a thlâk ngai lo. Ka hre tawh; mahse, a thinrim rih a nih hi. Ka ngai tho sia, ka ngawi ta. A âwm nghènga ka awm leh thei chu ka lung a chhia a, Neil-a ka hre chhuak thar leh uar uar, a țhianpa hmuh leh pawh hi a nuam ka ti bawk. A hmel ka hmu leh thei ringawt pawh hi ka lâwm, ka hmuh leh tawh ka inrin loh teh lul nèn.
"I mittui a tla a nih chuan hru hul vat ang che, ka hmu duh miah lo a nia."
Nui hawk pah chuan," A tla lo, nichin khân ka mit a mìm a, chuvàng chu a ni," ka ti a, ka chhuanlam siam ve chu a awih ngût pawhin ka ring lo.
"Nui rawh, Zorin. Nui tùrin ka duh che."
"Ka nuih tawh kha."
"Nui zêl ang che."
Min thlah hnu chuan min en leh vang vangin," I chêr lutuk, chaw i ei ngai nange?" a ti leh sup a.
"Hei, apple ka lo ei dáwn chiah a."
"Chaw i ei ngai em?"
Ka ei ngai lo. Thil ei châkna ka neih loh vàngin theirah lam ka ei deuh tawp, siam awlsam chi nèn.
"Apple pawh chaw țha alawm."
"Zanin hetah ka riak dáwn, chaw ka ei duh a nia."
"Ni lo, a theih loh!"ka ti chûl a.
"Ka hmel hriat awmchhun i nih hi. Induh viau suh."
A riak thei lo ang, in a tê si. Room pawh a hranin ka nei lo a nia.
"Mut puan ka nei lo."
"I bulah ka mu mai dáwn alawm."
"A theih loh!"
"I apple chu, ei ila. Ka ril a țâm a nia."
A ti tak tak ang tih ka hlau. Mut puan chu ka nei tho, riah dun kha ka duh lo zâwk.
Apple chu ka chhawp hnai a, a țhial hmarh hmarh a.
"Engtin nge ka awmna hi i hriat a?"tiin ka zâwt leh a. Angel-i a zâwt a nih hlauh chuan Angel-i chuan rilru dik lo a lo pu ang tih ka hlau. Ani lo zawh tùr an awm si lo.
"Ka antenna a țha alawm."
"Angel-i'n a hrilh che tiraw? I vau em ni?"
"Kha nu kha sawi tawh suh, hmuh leh pawh ka duh tawh lo!"
"A nih leh, engti tùrin nge i lo kal?"
"Ka zin khawthawng."
"Eng tikah nge i chhoh ang?"
"Ka duh hunah."
Min chhàn dàn chu ka ngei tak tak. Tih theih vak ka nei bawk si lo, rum deuhin ka melh ringawt a.
Zanriah chu amahin a buaipui vek!! Mak ka tihzia ka thup thei lo, ka puih a duh miah lo lehnghal. A ei siamna bulah ka lo tawlh ka lo tawlh ve ringawt, mak ka ti.
"Rawng i bâwl thiam hi mak ka ti e!"
"Eng nge a makna?"
"A mak!"
"Bih hnai lutuk suh, i chilthli kha i lo tifar ang e."
Ka ngei kher asin.
"Chilthli pawh ka nei bawk lo."
Ka in reh raih mai a bengchheng ve ta viau chu nuam ka ti. Mak pawh ka ti a ni, Ruatdika a rawn kal tlat mai hi, ka rin phâk bâk a ni. Rawn kal lo se chuan ka mu leh thlur tawh ang chu.
"Pudding ka lo siam ang, ka siam thiam teh a nia."
Zàn dãr 9 pelah chaw chu kan ei a, Chennai ka chhuk hnua chaw mumal taka ka ei vawi khatna a ni. Angel-i nèn pawh kan ei vak ngai lo, kan haw hun kha a inang lo țhìn bawk sia, thil ei tui a har em em bawk.
"I ei tùr siam chu a tui hle mai."
"Chaw mumal deuhin ei tawh ang che."
"I eirawng bàwl ang hian ka bâwl thiam ve hlei nem."
"I thiam tâwk ang khân bâwl mai rawh."
Ka va puar tak ém!
Chaw ei khamah chuan thil sil ngai a sil vek a, keiin hmun ka phiat fai thung. A nuam ka ti, thlèng a sil ka hmuh chuan inhmeh lo ka ti a, ka tih a phal tlat bawk si lo.
"Zanin chu riah i tum tak tak lo tiraw?"
"Tum e."
"Khum ka neih loh hi."
"Chhuatah kan mu ang chu."
"I bula mut ka duh lo."
"Ka duh thung alawm."
"A tihchi loh."
"I insùm theih loh i hlau a ni maw?"
"Teuh lo lutuk!"ka ti țhat a.
Rawn hawiin a nui huk huk a," A nih a hnu, ka riak dáwn," a ti sup a, thleng chu a rem fel nghal a.
"Ngati?" Ka bei a tidawng.
"Ka ngai che a."
Ka phu deuh zawk, a lam ka en duh lo.
"Angel-i i tlawh hrim hrim em?" Thil dang ka sawipui loh chuan a țha dáwn lo tlat.
"Tlawhna chhan tùr ka nei lo."
"I unaunu a ni alawm."
"Unaunu ka nei lo."
Ka bulah chuan a rawn kal hnai a, a apron hâk chu ka lo lâksak a. Chumi pah chuan a thawmhnaw hâk chu ka en chiang a, a T-shirt hâk dum nalh zet mai chu a inhmeh viau a ni. Ruatdika hian rawng dum hi a ngaina tih a inthuamna ațangin ka hria a, hmeh pawh a inhmeh viau bawk.
"Ka T-shirt chu mawi i ti viau a ni maw?"
Ka melh sawn vat. Min lo hmu reng chu ka duh lo kher mai, apron chu khai tùrin ka kal sawn ta nghal a.
"Ka pi a țha tiraw?"ka ti a, titipui tùr ka hre vak lo. Ka duh loh deuh a rawn sawi chhuah ka hlau bawk si a, ngawi renga awm dun lah chu ka duh loh ber a ni si.
"Aw, țha."
"I nute?"
"An țha."
Kan inchhâng tâwk viau mai.
"Zorin, ka bula lo țhu teh."
Ka duh lo asin, ngun zetin min en leh kur ang a, awm ngaihna a vâng.
"Sawi rawh, heta țang pawh hian ka hre thei alawm."
"Min hlau chu a ni lo tiraw?"
"Hlauhna chhan tùr i awm em ni?"
"Țha lutuk!" a ti phawt a, chutah," Eng mah min hrilh lova i chhuk thut chhan hi ka hre duh a ni,"a ti ta.
"Thil kal tawhah buai suh."
"Min chhâng rawh."
Ka thaw hawk a, um, thu dik ka hrilh mai ang chu.
"I unaunu tak tak ka nih loh vàngin maw le."
Min en reng a, kei pawhin ka en lêt ve kar, ka hawi sawn duh bîk nâng.
"Chu chu i chhuk chhan a ni tih ka hria, a rûka i chhuk chhan a nia ka zawh che."
He pa hi chu, a ngaihna a awm hlawl lo.
"I hriat ka duh loh bâkah min zâwt hlei nem."
A ngawi ta rân a, ka chhâng fuh ve ém bawk a ni.
"Ka piin a chhuktîr che tiraw?"
"Teuh lo mai!"
"Min chhàn ran dànah ka hre mai e."
A pi a rinhlelh ka hlau lutuk chuan," Ka pi vàng a ni lo, ka chhuk duh tawh bâkah khitah chuan tih tùr ka nei lo va, ka chènna tak tak a ni lo bawk a," ka lo ti thuai thuai a.
"A rûka thil tih hi i duh zâwng a ni ve hrim hrim."
Chu tawngkam zet chu ka va haw tak em! A rûk, dâwt, lemchang. Heng pathum hi inkaihhnawih leh inlam hnai tak an ni si a, dâwt ka sawi tih ka hria; mahse, hmaichhana hetianga inhrilh lâwng mai hi a nâ ka ti tho.
"Ka nihna a ni alawm," rilru na tak chuan ka ti sap a.
He pa hi chuan ka rilru tihnat pawh a hreh lo a nih hi. Dâwt sawi ka nin tawhzia leh inpuan ka duhzia pawh a hre vek a, hetia a rawn sawi chhuak leh kher hian ka rilru hrehawmna kha min hriat chhuahtîr leh a ni.
"Min mangțha ve tal tùr a nia."
"Ka thiam loh vek a ni."
Ka țhutna bul chêtah a rawn țhu a, ka en duh lo. Ka rilru natzia hre lo se ka duh, naktûkah, min chhuahsan hun ațang chiahin nun thar dang, Ruatdika tel ve miah lohna ka țan ang. Tuna nun thar ka din chhoh mêkah hi chuan a rawn lang leh miau si a, nunhlui theihnghilh tum pawhin a rawn sawi chhuak zêl si.
"Chutiang sawi tawh suh, Zorin."
"Engkim hi ka thiam loh vek a ni alawm."
Rang zeta ka hmui rawn hupin," Sawi tawh suh! Sawi tawh ngai suh!" a ti tuar a, ka hlau bawk si, ka rilru na bawk si chu ka mittui a tling pam a.
"Min en rawh!"
Ka melh chhoh zâwngin ka mittui a luang thla ta zãih a, kan chal chu a insi rân ta mai.
"Ka tihpalh, Zorin. Ka tihpalh a ni," a ti sup a, a aw a zawi lutuk a, ka hre thei chang chang chauh a ni.
Chutah, a kut chu la sawnin ka bianga ka mittui luang chu dìm zet hian a rawn fâwp ta. Ka khawng awt mai, ka rin loh dàn lutuka a chêt avàng chuan lo dan emaw chêt sawn emaw pawh ka tum lo, ka awm ngaiin ka awm tawp.
"Ruatdik..."
"Shhh, lo țawng rih suh. I rilru ka lo tihnatna zawng zawng kha tih-reh ka duh a ni."
Ka hmai chu a fâwp kual dan dan a, kei chuan nghet zetin ka kut chu ka lo hûm ruh thung, ka țang nasa kher mai.
"Hetiang hi...ti suh."
"Shhh, țawng awih loh." Kan pahnih chauha awm e ti lovin kan țawng ri mang lo, kan phun sap sap chauh a ni.
Ka kut chu a rawn hûm ta chat mai. Ka hùm ruh tlat chu muang châng hian a phelh a, a hmui lam lahin a tih tùr a hai hauh lo. Kan kut chu a insuih zawm chial a, a kut lian țha tak lum thar thar chuan ka kut te reuh tê chu a hliah khuh hneh ngawt ang chu.
"Ruatdik, thil..."
Ka chhun zawm thei lo, a hmuiin a rawn khàr chilh hmiah. Dìm tê, duat leh tihnat hlau zet hian min fâwp a, min fawh dànah chuan ka luang liam hneh lutuk!
Ka fâwp lêt ve dáwn chiah tihah chuan ka mitthlaah Neil-a hmel chiang zetin ka hmu ta tlat mai. Mahni inzahpui leh inthiam lo tak chungin ka hawi sawn ta nghal a, keimah ka inhaw nghal hlur mai.
"Hetiang hi kan ti thei lo!"
A ngawi reng. A thin a rim loh hrâm ka beisei, ka thiam loh a ni, Neil-a mitmu ém pawh a la keh hmain mipa dang ka infawhtîr sî, ka lo râwp viau em ni? Nge ka sihhnip viau zâwk?
Kan kut erawh kan la inthlah lo, thlah a tum hmel loh. A chhan chu ka kut chêt ka tumin a chelh nghet sauh sauh tlat.
"Ka thiam loh..."
"Sawi tawh suh!"
Ka ngawi ta reng mai. A thin tih-rim ka hlau ve tho, dik tak chuan Ruatdika hi ka duh lo hran bîk lo, Neil-a thlarau ka zah ém a ni.
"Thleng lo angah ngai rawh."
Kan inbe tam ta lo khawp mai. Țawng tùr ka vàn a, ani lah a ngawi ngul tawh bawk si. Ka melh leh zauh țhìn a, ka be ngam lo, sawi tùr pawh ka hre lo.
Mutna hrang awm thei hek suh, chhuatah kan mutna tùr ka phah a, long chair tal chu nei ila a zia deuh tùr. Dunlop pakhat bâk ka nei si lo, dik tak chuan mikhual ka kêp lo hrim hrim a ni tawp.
A kil rêtah ka mu a, kan inkârah sin tùr pakhat ka dah, kan intawk lohna tùrin. Sin tùr puan pakhat ka dahsak a, keiin puan pakhat. Muthilh a har duh ngei mai.
Thil chi hrang hrang ka ngaihtuah kual a, mut chhuak mawlh hek lo. Ka phone-a zai ka play leh ringawt a, ani ve thung chu a che map lo. Zangthal zawngin a mu a, a bânin a mit a hliah daih si a, a muhìl thei a ni ang.
Number ka chhiar a, a lêt zawngin. Vawi thumna chu ka chhiar chhuak leh thei bîk lo, ka hla play pawh ka muthilhsan daih.
Neil-a nèn kan lêng dùn a, ka țawng barh barh reng. Ani erawh chu a țawng ve miah lo nain ka thu sawiah chuan a lo nui leh hak hak țhìn a, kan hlim kher asin.
Kawngah zawi muangin kan kal dùn a, kan inkuah rial mai. Chutih lai chuan mi sual an lo lang thut mai a, Neil-a nèn chuan min man an tum a, min man tumtu chu Neil-a chuan hnekin min kai a. Chutih lai chuan silai a ri țhuai a, Neil-a chu a tlu nghal tawp a.
Mangang zetin Neil-a chu ka buaipui nghal, thisen a chhuak nasa lutuk a, ka hlau kher mai. Ka ko vak vak a, min chhâng thei lo, ka lungchhe lutuk chu ka țap a, Neil-a chu sâwiin ka ko vak vak a.
"I bulah ka awm reng alawm, țap suh, mang chhia i mang a nih kha."
A âwm nghêng chuan nghet zetin min kuah a, ka la insût hlap hlap mai.
"Neil, i thi emaw ka ti asin, min kalsan tawh suh aw."
Ka thla a muang ta suai suai mai, nghet zetin ka kuah lêt ve a, ka lungchhe zualpui a reh hnuah chuan a âwm nawr châk châk chuan ka insiam rem a, ka muhìl ta siai siai a.
Ka han meng uau a, khua a èn tawh avàngin ka maimichhîng leh a, tukin chu Sunday a ni tak. Dàwr kal a ngai lo, mu leh rih ang.
Taksa lum thar thar ka nghen hi Angel-i em ni? Kan mu tlâng ngai si lo. Ka khum min țâwm chu a ni lo maw? Ka kut chuan ka zût kual dan dan a, a taksa hi hmeichhe taksa a ni lo, a lian mah mah a ni!
Ka meng a, ka lu chêt deuhin ka chhîp chen vela thaw sâk sâk chu ka en chho a, mipa hrawk bâwk ka hmu! Tu nge ni ta?!! Lalpa, mipa kuahin ka muhìl maw!!!
Ka tâl sawn tùr chu a bân chuan nghet zetin min kuah bet a, ka thin a phu dawt dawt mai.
"Mu mai mai teh, Sunday a nih hi."
Ruatdika aw a ni. Ni lo, he pa nèn hian kan chesual em ni? A ni thei lo ang.
"Thil pawi a thleng em?"
"Ka titi peih rih lo a nia."
"Aw le."
Thleng lo tùrah ngai ang. Hei, kawr pawh ka ha alawm, kekawr pawh, kan chesual lo tihna. Ka rilru a nuam sawt mai.
Ka muthilh theih tawh loh avàngin ka meng ta reng a, ka che sawn ta bîk lo. Min kuah ang angin ka awm ve mai, vawiin chu Sunday a nia, tih tùr ka nei lo ve. Ka duh chen chen ka mu thei; mahse, he pa nèn hi chuan, a fuh ber lo ang.
Dârkâr khat vêl zet kan mut leh hnu chuan a rawn chê ta a, kei chu ka che ngam lo. Ka chala fâwpin," Morning, ka va mu tui kher ém!" a ti sup a, a tho phang aw thâm deuh chu a sexy riauva ka hriat chu le!
"A țha a nih chu."
"Nizàna ka bula mu a țahbelh lutuk a, min timu țha thei hlei nem."
Min fiam tih hre tho mah ila ka zak deuh tho. Nia, ka mumangah Neil-a ka hmu a nih kha. Min be ve miah lo lehnghal. Ka mumangah ka hmu ngai miah lo asin, Ruatdika rawn riah zàn ataka han hmuh kha, ka la țap zui.
"Khati khân min ti kher suh."
Ka tho nghal a, ani erawh chu a la che zui miah lo.
"Vawiin chu lêng ila?"
"Khawiah?"
"Khawpui hi kan fang ang chu."
Ka la fang miah lo, ka dàwr nghah țhin leh kan in luah inkâr hi chu ka bel viau mai. Angel-i nèn vawi khat Sunday-ah kan chhuak tawh bawk, fan pawh chu a châkawm.
"Ina awma chawlh i duh pawhin a theih tho; mahse, rilru tihthawven nân lèn duh la chu ka ti."
"Ka hre rih lo le."
"Nizàn kha chu ka hnute kha hnêk i tum emaw ka ti a, ka âwm kha i rawn nawr châk châk sia."
Ka awih chiah lo, min fiam leh pah a ni sa. Tlêm hian fiamthu a telh leh tho ka ring.
"Nangmahin min rawn hnaih hmasa a nih kha aw."
"Nula bula mutin ka mu mai mai thiam hlei nem."
Râpthlâk ti zet hian ka en phei a, a lo nui miah si lo. Ani hi, ka muthilh hlànin min chûlin min dap ruai lo ang chu maw, ka awmbâwr ka hup vat a.
"Min chûl em?"
A nui huk huk chauh.
"Min chûl zâwk lo maw? Min zût dan dantu kha tunge ni?"
Min tihrilhhai zaw mah mai.
"Kha chu, tunge tih ka hriat loh vang che a nih kha."
"Nulain min zût min zùt chuan engtin nge ka awm a i rin?"
A sawi tum chu ka man lawk loh avàngin ka en phei a, nuihzat hmel deuha min lo en aváng chuan ka thin a rim deuh hlek.
"Chutiang sawi suh."
"Mipa hrisêl tak ka ni a."
"Breakfast-ah eng nge ei i duh?"ka ti ta thuai thuai a.
A nui hawk.
"Bawng soup, mipa tâna țha tak kha a ni mai."
He pa hi chu, engtizia nge hetiang lam mawlh hi a sawi reng ni? Min tihzah hi nuam a ti ve hrim hrim.
"Khatiang i sawi reng chuan vawiinah ka lèn chhuahpui peih lo che."
"A țha. Inah nilêngin kan inawm ang a, ka soup in lahin hna a thawk țha dáwn si."
Ka ning, ka ning tak tak. Bathroom-ah ka luhsan ta daih a, ka biang a sen leh țûn țûn tawh ang chu, ka beng pawh a sa vung vung alawm.
Bathroom ațanga ka chhuah chuan a lo tho tawh a, ei tùr a lo siam leh diam tawh nia. He pa hi a țuan a țha tak tak a ni, ei siam a thiam si.
Tawi thei eee🙊
ReplyDeleteBlehhhhh
Delete