☆RUATDIKA☆-26

☆RUATDIKA☆ -26 By Dingdi Pachuau


"Min nei rawh," a ti leh sup a.


"Engtizia teh thut nge?!!" Min tihrilhhai lehling alawm, a thinrim em em a, nei tùrin min sâwm leh bawk si.


"Aw nge aih?"


"Rilru let but thil tih a ni maw?" Kei hi chuan rilru puitling tak ka put hrâm hrâm a ngai, ani hi chu a rilru hi a let but zel si a.


"Ka ngaihtuah chet chet ațanga lo chhuak a ni."


A naupang chhia thei si, kum upat pawh hian rilru hi a lo upain a lo puitling lo tawp a nih àwm hi.


"Ngaihtuah ngun a ngai asin. Phùr thut vanga tih ringawt chi a ni lo," te chu ka han ti ve ngial a.


"Neil-a pawh neih i tum tho kha."


Hm, Neil-a leh bawk a sawi chhuak leh ta. Mitthi tawh sawi chhuah ziah hi ka duh loh bâkah ani chuan min hmangaih asin, engmah ka ni lo tih hre chung pawhin, keimah vàngin a boral bawk a...


"Sawi chhuak lo teh."


"Ngati maw? I la duh reng a ni tiraw?"


Mitthi tawh chu a la thîk reng tihna em ni? A va buaithlâk țhìn tak ém!


"I thîk a ni maw?"


Min chhâng lovin a hawi sawn daih. A thîkthu a va chhe tak ém!


Ka pan phei a, a hmaah tak dingin ngun zetin ka en chho a, min melh duh miah lo.


"Min en duh lo maw?"


Min en chuang lo.


"Ka ngai em em che a, i thu awihin ka mittui pawh ka tihtlâk duh loh bâkah chaw pawh țha takin, peih lo chung chungin ka ei a; mahse, ka ngaih em em hian melh pawh min melh duh lo a nia, a pawi ka ti hle mai."


Ka thin a rim lo; mahse, a âtthlâk ka ti. Thil țûl lo lutuk leh sâwt lo, mitthi tawh thîk tlat chu.


"Ngatinge min neih duh loh?"


"Ka duh lo ka ti miah lo."


"Min chhàn theih miah loh kha."


Eng mah lah hi a hre si lo va aw...


"Nupui neih i duh tawh rêng rêng em ni?"


"Duh lo ila min nei tùrin ka ti dáwn che em ni?"


Ngaihtuah tùr a tam, Ruatdika hi ka duh chiang tih ka phâ lo; mahse, tunah hian chhâng ta ila, kan hma hun tùr ka hmu nghal kuar, chhûngkaw indona thlentu ka ni dáwn chiang. Ka chhàn loh chuan a thinrim, lungawi lohna hi ka tihbelhchhah ka hlau bawk si, a va khirh tak!


"A hmasa berin min hmangaih phawt rawh."


"Hmangaihna a awm tak tak lo."


Hetiang hi kan ni si! Engtin nge kan tih ang? Buaithlâk tak a ni.


"Țhu phawt mai teh, ei tùr ka siam ang che, i ril a țâm lutuk ang."


"Min ngaihtuah lo ka ti rêng a ni."


Ka chhâng tawh lo. Ka indah fel a, ka thawmhnaw ka inthlâk a, a ei tùr chu ka buaipui ta nghal a. Ka țawngpui zêl a nih chuan kan inhnial thui mai mai, ani thinrim leh lungawi lohna nei sâ a ni si a, ngawih rih mai a țha zâwk.


Ei tùr a ei laiin a bulah ka lo țhu ve reng a, lungawi lo mah se a bula awm chu ka la thlang tho, mahni chauha awm hi chu a khawharthlâk ka ti tawh tlat.


"I ei ve dáwn lo em ni?"


"Ka puar alawm."


"Tlêm tal ei la."


"I tân ka siam a nia."


"Kha, ei ve rawh."


A lung a awi țan deuh tawh tih ka hre mai. Inhnial thui vak lo khân ei tùr hi lo siam hma deuh ila chuan a lungawi daih tawhin ka ring ta.


"Inbual la?"


"Nakinah mut dáwnah le."


Sil tùr ka sil fai hnu chuan," Lo kal teh, hei hi lo ei rawh," a ti a, Apple ei tùr a lo zai niin. A bul chêtah min țhuttîr a, min en vang vangin," Ka thinrim khum che a, ka tisual a ni.  Ka ti tawh miah lo ang," a ti sup a.


Um, a inthiam lo ta chiah a nih hi. A țha, inthinrim khum bawrh bawrh châng chu a awm ang a, ngaihdam indìl leh hun pawh a awm ang chu, mihring nunphung alawm.


"I thinrim kha a àwm ka tihpui chein ka hriat thiampui che, kei pawh ni ila ka lung a awi bîk lo ang."


"Theihnghilh daih ang, min lo ngai viau em?" a ti ta daih a.


Nia, thinrimna thil chu theihnghilh daih ang, a nuam lo ém mai.


"I ring em?"


"Ka ngaih ang zât chein min ngaih ka ring."


"Min ngaih zât lêtin."


"Chutiang a theih loh! Ka ngaih vàng chein ka rawn chhuk a nia, i lo chho ve hlei nem."


Ka nuih a,  a tihdik avàngin ka chhâng lêt lo.


"Ka pi a țha tiraw?"


"Um."


"I nu leh pate?"


"Um."


"I rawn chhuk sia, chhuanlamah eng nge i siam?"


"Chhuanlam siam a ngai em ni?"


"Ka pi thu kalhin i rawn kal loh hrâm ka beisei."


"Ka kalh ngai lo, min kalh zâwk alawm."


A hahthlâk thei a nia. Sawi tùr ka nei nual; mahse, ka sawi rih lo ang, a lo thlen zàn a ni sia, inhnial ka duh lo. A lungawi lo a lungawi ve chiah a ni si.


"Inbual dùn ila?"


"Ni lo ve, i inbual zawhah ka inbual ve mai ang."


"Min hlau a ni maw? Ka thinrim tawh hlei nem."


Chutiang lam a ni lo.


Mut hmunah chuan kan inkuah chial a, kan inngaihzia țawngka leh cheziain kan tilang a, kan inning mawlh lo.


Zanlaia ka țhangharh chuan ruah a sûr a ni tih ka hria a, fùr a ințan ve tawh dáwn a ni ang, sûr ve teh se, khawlum lutuk pawh a zia sawt ang chu.


"Ruah a sûr a ni maw?"


"Aw, boruak a nuam sawt mai ang."


"Kan mu char char ang a ni mai alawm tiraw?"


"Nia."


Zînga ka harh pawh chuan a lo la tla reng, ka tho peih lo va, Ruatdika phei chu a la harh miah lo.


A hmel chu chiang zetin ka en a, a chal arh phak leh a mit hmul dum buk zet mai te, a hnâr zum  nalh fahran leh a khabe  invuah fuh zet mai chu hmuhnawm ka ti, a mit hmul chu khawih ka châk em avàngin ka za zek zek a, ka tiharh ang tih ka hlau si.


Ka insûm thei lo, ka khawih de de a, a hnâr ngûl sâng ve tâwk tak chu ka zût thla a, a hmuiah. Chuta țangin a khabeah, a khabeah chuan khuavàng te reuh tê ka hmu.


Ka kut chu a rawn man chat, a harh tih ka lo hre miah lo.


"Peach, a la hma lutuk."


Ngawi rengin ka kuah a, he pa hi chu ka duh chiang a ni. Tuna ka awm dàn te hi, mipa dang bulah chuan hetiang hian ka awm duh teuh lo; mahse, he pa bulah hi chuan...ka thianghlimna pawh hi ka hum rei thei ngût ang em?


Ruah a sùr avàngin pâwnah a chhuah theih loh va, Sunday a lo ni bawk nèn, kan mu nilêng deuhthaw a ni mai. Eirawng bâwlin kan tho ve hrâm a, kan ei khamah kan mu lehnghal.


Bathroom-a a luh hlànin a phone a ri ral ral a, ka chhànsak duh lo. A lo chhuah hunah call-back mai rawh se.


Ka phone a ri ve ta thung, tu tak ni ang maw? Ka han en a, ka pi a ni tlat mai!! Chhàn ka huphurh tak zet.


"Hello, ka pi?"


"Bawiha a lo chhuk leh tawh tiraw?"


"Aw, ka pi."


"Bawihi, tih tùr ka tuk che kha i la tihlawhtling lo va."


"Aw, ka hria e, ka pi."


"Ka tupa hi ka duh dànin a awm lo tih i hriat ka ring bawk. Ka thu a hnial zélna chhan pawh hi nangmah vàng a ni."


Sawi tùr a va vâng tak!


"Ka tupa hian ka ro a khâwm dáwn vàng hian i lo be țha em ni?"


Hei zet chu ka ngaihtuahnaa la awm ngai rêng rêng lo thil a ni!!!


"Ni lo, ka pi, i hre sual a ni."


"Ka hre sual a nih chuan a țha a nih chu. Chutiang mi chu i nih loh ka beisei rêng bawk a ni."


Ka va hniam ngawih ngawih tak em!!


"Mi leplerh tak anga i lo awmpui loh ka beisei bawk. Ka han sawi nawn leh ang e, i tih tùra ka tuk che kha tihlawhtling hrâm la, Bawiha kha a hma thei ang berin lo chhohtîr ang che, ka ngèn che a ni."


"Aw le, ka pi."


Kan inbiak chhûng chuan thâwk pawh ka thaw țha ngam lo, hrehawm ka ti lutuk a, ka thin a na vekin ka hria.


"Eng thil nge ka pi chuan a rawn sawi a?"


Ka phu chiang lutuk, ka phone ka thlauh lo chauh! Bathroom ațanga a lo chhuah lai ka hre miah lo, ka țawng kha a hria a ni ngei ang.


Ka mit  ka khap sak sak hnuah chuan ka inher chauh. Ka nui lui sak a.


"A rawn call deuh mai mai a nih kha."


"Zorin, i hmêl kha, engtizia nge?!!"


Ka hmai ka hup a, thâwk ka la kâwk a, chumi hnuah chuan," Ka pi chuan a ngaihtuah che a ni, haw chho thuai tùrin a duh che a," ka ti a, ka en duh lo tlat a.


"Zorin, min bum tum suh."


"Ka pi hian a mamawh che a ni."


Ngun zetin min en reng a, chutah, min rawn pan hnaiin duat zetin min rawn kuah a, ka lung a tichhe tlat a nih chu. Ka pi thil min zawh khân ka rilru a tina ém ém a, ka rilrua ka lo ngaihtuah ngai loh lutuk thil a nih avángin khatiang zawhna kha a râpthlâk ka ti.


"Ruatdik, mi duhãm tak ka ni em?"


"Engvàngin nge chu thil chu min zawh?"


"Ka hre duh a ni."


"I ni lo, ka hre chiang viau tawh che."


"Nih, mi duhãm tak angin ka lang em?"


"Mi fel tak i ni."


Ka ngawi ta vang vang. Ka pi thil min zawh pawh a àwm lo viau lo ang, kei chu fahrah ka ni a, sum tam tak leh sumdàwnna rochungtu tùr fapa mal chu ka tân chuan a sâng viau rêng a ni. Mi pawhin  ka theihna zawng zawng hmanga kherhthlûk tum ang pawhin min lo sawi ta se, a àwm lo miah lo ang.


"Ka pi chuan eng thil chiah nge a hrilh che?"


"Ka hrilh tawh che kha."


"Sawi duh loh i nei a ni tiraw?"


"Eng mah a ni lo."


"Ka bula i awm chuan eng thil dang mah ngaihtuah lo tùrin ka duh che, tu pawhin thil sawi mah se, ka pi a ni emaw ka chhûngte emaw pawh ni se, rilru nawm loh phah nân hmang suh aw. Thil dang zawng zawng aia ka thlan i ni tih hria ang che."


Min hnem nân a sawi pawh ni se, ka lâwm tho. Ni e, min duh ve tih hi chu ka hria, eng mah ka nih loh teh lul nèn.


"Ka lâwm e."


"Chuti, ka fâwp thei che em?"


A fawh rem thei tùr ang berin ka dâk a, a tìrah chuan muangchâng leh dìm takin min fâwp phawt a, a hnuah erawh chuan min dìm zo tawh lo, min fâwp bawrh bawrh a.


"Zorin, ka duhzia che hi..."


Kei pawhin ka duh, ka duh hluah hluah. Heti mai ka ni chung pawha min duh ve ém émtu hi ka hnar thei ngai lo ang.


"Kei pawhin ka duh che."


Min fâwp reng pah chuan min  pawm kâng nawlh a, kan mutna lam pan chuan min kalpui nghal a ni chêk ang, ka hnungzângin dunlop a deh chiah chuan min mut tih ka hre chiah.


"Ruatdik?"


"Shhh..."


Uar zeta min fawh leh tâk avàngin ka țawng zawm ta lo. Ka rilruin thil dang a ngaihtuah thei lo, tuna kan thil tih mêk boruakah hian ka lêng delh delh maiin ka hria.


"Zorin, ka mamawh che."


A aw sexy lutuk vàng chuan ka tui ral vekin ka hria, nia, min mamawh a, kei pawhin ka mamawh alawm, ka taksa hian a mamawh tunah tak hian.


"Ruatdik.."  Ka aw zet chuh!


"Min mamawh ve tho tiraw?"


A kut leh a hmui chuan khawih tùr leh fawh tùr an va hre tak! Awm ngaihna ka hre lo lek lek tawh. Min fawh pah chuan a kut chuan zei zet zetin ka taksa a chûl kual ruai a, ka kawrhnuai a phelh lai pawh ka hre lo!


Ka kawr leh kekawr chu hnawk ka ti tak zet tawh. Ka taksa hmun tin mai chu chûlin fâwp se ka duh, ka awm hle hle thei lo, ka tâl sek.


"Ka kawr hi hlîp teh le."


Rang zetin ka hlihsak, a âwm ruak kâng chu ka chùlsak nghal, ka rilruah thil dang eng mah a awm thei lo.


Thawmhnaw inbel kan nei tawh lo. Ruah sûr mah se vawt kan ti hek lo. Kan thâwk lâk a ring tawh a, kan inmamawh dùn tawh bawk a ni ang, kan muangchâng  lo dùn khawp.


"Min en rawh le."


Ka melh chho ta kiau, eng thil nge ka chungah a tih dáwn tih ka hre nain dang theiin ka awm lo, dan a hnêkin ka lo pui sauh sauh zâwk a nih hi.


"Hlau miah suh."


Ka îp zawk, ka tâwt nghal up up, ka bîng mup mupin ka hre bawk. A na lutuk a, ka mittui a tla tih pawh ka lo hre lo.


A rawn kûn hniam a, duat zetin ka mittui chu a rawn fâwp a, ka hmuiah a rawn fâwp bawk. Kei erawh chuan ka lo chhâng lêt lo, ka hmui ka pet fan fan zâwk.


A nat chhûng a rei lutuk lo, ka inthlahdul tial tial a, a hnu deuhah phei chuan nawmna nasa takin min tuam hlawp hlawp ni maiin ka hria, ka phûr a, he hun hi liam lo se ka duh.


Ruatdika nghâwngah chuan ka kut pahnihin ka kuah a, a hmuiah chuan ka fawhsak vawng vawng a, ka tâna mipa hmasa ber hi ka va hmangaih tak ém!


"A harsa vak lo tiraw?"


Ka nuih sak a, ka tân chuan he hun hi a hlu tak zet a ni. Ka thianghlimna ka vawn hrâm hrãm chu ka duh ber hnênah ka hlàn ta si a, ani tân pawh ka hlu viauin ka ring.


"I duhawm thlâwt!"


Min fakna chuan min tiphûr sawt, nuam ka ti. Phûr zetin a che vel chu ka lo pui ve zêl a, ka lo insiamrem ve zêl a ni. A mak tawp, ka lo chêtpui thiam ve zêl!!


Thaw huam huamin kan inkuah chial a, ka che peih ta dêr lo. Chakna ka nei ta lo. Ka thahrui ka hmang zo vek.


"I chau dêr elo?"


Țawng pawh ka țawng peih lo, ka meng peih che che a ni.


"Round 1-na chauh a nih kha aw."