☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆RUATDIKA☆- 27 By Dingdi Pachuau
Ka chhâng peih lo, ka chau, muthilh ka châk.
Ka lo muhìl tak tak niin, ka harh chuan ka bulah Ruatdika a lo mu tawh lo, bathroom lama tui ri sar sar chuan a awmna a hril chiang hlein ka hria.
Ka zi ar ar a, ka taksa hnuai lam na țhûm vàngin ka tàwp chiang hle. Maimichhîngin kan thil tih chu ka ngaihtuah chhuak a, tunah zet chuan inchhuanna tùr rêng ka nei ta lo. Angel-i dem thei ka ni lo va, nula awm țha duh lo deuh nia ka lo hriat țhinte nèn chuan ang khat reng kan lo ni ta. Miin ka chanchin hi hria se, engtin nge min ngaih ve ang? Bialpa nèn chêng dùn, eng mah ni bîk lo. Chu chiah chu ka nih dàn a ni.
Bathroom kawngkhàr chu a rawn inhawng a, ka muhìl der leh vat. Ke pên a rawn hnai zêl a, ka mutna bulah chuan a tàwp chat. Min en a ni chiang, ka hnâr chu a ni deuh mum mumin ka hria.
Rei vak lo hnuah ka beng bul lawkah chuan," Peach, harh tawh la," a rawn ti sar sar a, ka mûr chiai chiai mai. Meng lo pawhin a inbual fai tih ka hre mai, inbual fai rim a nam.
Ka meng siar siar a, kawr a lo la ha lo, boxer nèn chauh. Ka chhîng leh vat a, a pian nalh tak ka hmuh chuan ka dik lo dáwn tlat.
"I inbual tawh bîk elo?"
"Aw, inbual la, i harh kâwk mai ang. I inbual zawha ei tùr ka lo siam dáwn nia."
Ka va peih lo tak! Mut reng mai ka duh. A na țhûm ve lo em ni le?
"Ka va peih lo tak!"
"Ka lo pawm tho ang che aw."
"Aih!" Ka chhâng rang lutuk chu a nuih a za kher a ni ang, a nui hawk hawk a.
"A nuihzatthlâkna pawh ka hre lo."
"Ka làwm ém che a ni, damdawi ei tùr ka'n lâk nghal ang che."
Puana intuamin ka tho, chuti lo chu thawmhnaw pakhat mah ka inbel si lo va, min nuih mai ang, bâkah ka zak.
Kan mutna ka en lêt chu, awii, thisen a kai!! Ruatdika chu enin," En miah suh!" ka ti chûl a, ka taksa nâ pawh hrechang lo chuan a rang thei ang berin bed-sheet chu ka pawt hlîp nghal, ka zak ngawih ngawih. Bathroom-ah tlân lût nghalin ka awm chu ka dawm vang vang, a zia lo tak tak a ni.
"Fai deuh khân inbual rawh aw."
Tihchi loh e, duh viau mah ila ka zah tho si. Nichina kan hnuhma kha chu engtin mah ka tifai thei tawh lo ang, pawiti viau mah ila, ka duh ber hnênah a ni tho tiin ka inhnèm tawp. Ani bâk hlan tùr ka nei chuang lo, ka thil neih hlu ber ka hlàn ta a ni a, engtin tak ngai ang maw?
"Zorin, i rei tawh lutuk! Lo chhuak tawh teh."
Ka hmu zak thar tlat, min fiam ang tih ka hlau bawk.
"Aw, ka zo țêp."
"I țha tiraw?"
"Um."
Ka piin kan awm dàn hi hre ta se, engtin nge a awm ang le?
Kawngkhàr ka hawn chuan kawngka bulah a lo ding reng tawh niin, ngun zetin min lo en a, kei erawh chuan ka en rei ngam lo va.
"I inchhîr tih min hrilh miah suh."
Ka inchhîr a, ka inchhîr lo bawk. Ka pasal tùr tân ka tih erawh ka bawhchhe ta chu a nih hi.
"Zorin?"
"Um."
"Min en teh, lawk?"
A lam hawia ka inher chuan a kut pahnihin ka khabe a dawm nghal a, ngun zeta ka mita en chungin,"Ka tân i neih hlu ber min hlàn hi ka hlim asin. I mitmengah hian inchhîra pawiti hmel ka hmu tlat, a pawi ka ti. Kei chuan a thil neih hlu ber min hlàntu hi phatsan ka tum miah lo," a ti charh charh a, rawn kûn hniamin ka chalah chuan a fâwp zoh a.
Ka nuih sak nain ka che sawn tùr chu ka taksa na zak avàngin ka țhen leh sak mai.
"Ka dìm viau che emaw ka ti a, ka lo dìm tâwk lo che a ni maw? Next round-ah chuan ka dìm tawh ngawt ang che."
Next round!!
A thil siam tuizia mai chuh! Ka ei țeuh, ka lei ka lem lo chauh.
"Muangchângin ei rawh, tu mahin an eisak dáwn lo che."
Min lo en reng a ni maw?! Ka sen țâwn țawn ang chu. Ka hâk lenghal.
Ka hnung chùm dat dat pahin," Naupang chhia lutuk," a ti hluk a. Ka sen nasa sauhin ka ring.
"Peach dik tak i ni!"
Ka ngawih reng avàngin ka hma chiahah țhuin min en a, "Ngatinge i ngawih tâk reng? Kan thil tih váng khân maw? A na viau em ni?" a ti zat a.
"Aih."
"I zak em ni? A ni chiang, cute reuh lutuk mai!" tih pah chuan ka biangah chuan a piai vak a, ka țê chùl mai.
"Thil ei laiin ninhlei suh."
"I țawng duh lo ém a nih kha."
Tih tùr awm hek lo, mut leh a ni mai.
Zànah erawh Angel-i chungchâng ka titipui a, tlawha a unaunu a nih vànga țha taka be tùrin ka fuih ve ngial.
"I tlawh duh loh vàng leh i biak duh loh vàngin i unaunu a nih loh phah dáwn lo, i pi leh pu thisen kha a la chhawm ve tho a ni, nangmah ang thovin. I pi pawhin țha takin awm dùn thei ula a ti dáwn lutuk asin, vawi khat tal chu be ve hrâm la?"
Min en lovin in chung lam a melh vang vang a, kei erawh chu ka kiu lehlamin ka inbengkâng a, ka en reng a.
"Ka unaunu a nih hi ka ring thei lo a ni."
"A ni miau bawk si a."
"Ka pi ro a duh vàng chauhin a rawn kal duh a, bâkah ka pi ngainat zâwng a nih loh inringin a aiah a tîr duh che a nia, a rilru hi a mak ka ti a ni."
"Ruatdik, chutiang a ni lo. A hman loh vàngin alawm ka rawn kal ni. Kei lahin sum vàngin..."
Ka hmui a rawn hup a," Sawi tawh suh, khatiang mi kha i ni lo tih ka hria, kan hre vek. Angel-i ngei pawhin a sawi vek, ngatinge i țhiannu hi i puh chhiat duh miah loh a? A sual teh lul nèn," a ti nghut nghut a.
"I unaunu a nih hi, ka tân chuan chènna leh ei tùr min petu leh hna thawhna tùr min hmuhsaktu a ni asin, ani hi awm lo ta se, engtin nge ka awm ang le?"
Nghet deuhin min kuah thlawp a.
"I chunga a lo țhat tawhna zawng zawngah chuan a tițha ka ti khawp mai, chuan, amah vàngin ka tawng bawk che a, thil dang zawng zawng aia ka thlan chu."
A vawi hnih sawina a ni ta, ngaihthlâk a nuam ka ti. Ngaihtuah erawh a tithui.
"Chuan, be leh hrâm la tiraw? Ka pi tân a țha dáwn ém asin."
Kei chuan Angel-i hi ka pi bulah ka tirh chhoh theih ka ring lo, ka sawi ve lahin min nuihsan mai mai zêl a, Ruatdika hi chuan a hmin theih ka ring tlat, a hmin theih hlauh chuan ka pi pawhin min ngaih dàn a sawh sawn thei deuh mahna.
"Nangmah vàng chauhin ka bia ang."
"Ka lâwm lutuk e aw." Ka lawm tak tak a ni.
"Lâwmthu sawi nân," tiin a hmui chu a kâwk zauhh a, kei pawhin ihê lovin ka fâwp zauh a.
"Eng thil nge i tih?"
"Ka fâwp che."
"Fâwp pawh a nih loh kha."
Zànah chuan next round match kan khêl leh a, ka thiam tawh viau. Ka taksa nâ pawh a zia viau tawh a, game control-tu pawh ka ni zar zar mai, min hlahthlem thiam viau!
"A hrehawm tawh lo tiraw?"
"Aw."
"I zei tawh e!"
A bân bulah ka bêng thak.
"Over suh," ka ti hlak a.
"Zirlai thiam chak tak i ni."
"Ninhlei suh." A kut chu ka sik hlawk. Ka âwmbawr a rawn dap da da a, a la lêt chuang miah lo.
"Ui viau lo la, a hek lo e."
"A hek hlek hlek."
Kan nui leh rih, tu dang kan ngai mawlh lo. Ka tân chuan hlimna min thlentu hi a ni ve chiang a ni, a bulah hi chuan eng dang mah ka ngai lo.
Dàwr nghâka ka chhuah hlànin a lo chhuak ve ngei a, Angel-i hmuh a tum pawh a ni maithei. Khawiah nge a kal, enh nge a tih ka zâwt lo, amahin min hrilh loh chuan zawh țûl ka ti lo.
A lo haw tlai ve viau a ni ang, dàwr ațanga ka haw dàwnin min lo phone chiah chiah a, kan haw rual.
"Angel-i hian hotel-ah hian eng hna ber nge a thawh?"
"Ka hre lo." Ka hre lo miau sia.
A tûkah chuan ka chhuah rualin a chhuak ve thung. A thangna chin zawh chu ka châk; mahse, min hrilh loh chuan ka zâwt duh lo.
Tun țum a lo chhuk chu haw hma tùrin ka tur lo. Ka pi khân min hrilh viau nain ka ngai a, ka thlahlel a, hrilh mah ila a duh hun têah lo chuan haw a tum leh dáwn chuang lo va, ka peih lo.
Mahse, ka rin aiin haw a tum hma. A haw dáwn zànah âm takin nupa nun kan chèn a, ka hnial chhin tawh lo rêng rêng. Min thunun hnehin a zùnah ka uai chiang lutuk tawh a, ka hnial chhin phal eih tawh lo.
A chhoh hnu zan hnihnaah Angel-i'n min rawn phone teh khiah mai!!
"Zorin, Mizoramah ka chho dáwn asin."
"A ni maw!!!" Mak ka ti lutuk a, ka au vak țhelh a ni.
"Aw, naktûka chhoh ka tum deuh a."
"A va làwmawm ve!! Awm rei i tum ang em?"
"Rei lo ang, Pitari tih-làwm nân ka han chho zawk ang."
Ka rilru a hlim lutuk tlat, ka piin tih tùr min tuk kha ka theihna ni lovin mak tak maiin Angel-i thinlunga thawktu awmin a tihlawhtling dáwn si a, ka lâwm lutuk ringawt.
"Nuam deuhin han awm tum rawh, ka pi chuan a lo duat ngawt ang che."
"Ni lo ve, kei chu ka thu tê lo chuan ka awm peih lo tih i hriat kha, kan inmil thei lo ang; mahse, kal ka tum tho chu a nia, a mak khawp mai," tiin a rawn nui har har a.
"Nihna thup țêt a ngai tawh lo ang a, free deuhin i awm thei ang chu. Ka pi chuan a tunu dik tak a hmuin a hre tawh che a, inpawh takin in awm dùn dáwn nia."
"Ka phûr teh chiam lo."
"Phùr a ngai vak chuang lo, i kal hrim hrim kha a țha a ni mai."
Ka rilru a thâwl ta huai mai. Step khatin hma ka sâwn e; mahse, step làwn tùr hi a va la tam ém! Ka hmuh theih chin hi step indawh chho zui hlîr a la ni si!
A tûkah Ruatdika ka han phone a, zàna phone ka tum khân a tlai tawh ang reng si a, ka țhulh ta a ni. Min rawn phone miah lo va, a buai pawh a ni ang.
"Hey, Peach?"
"Angel-i a rawn chho dáwn asin!"
"Tak tak maw?" A la hre bîk lo a niang.
"Aw, ka làwm dàn hi, ka pi kha ka lawmpui tak zet a ni. A tunu dik tak nèn an awm dùn thei dáwn si a."
A rûm nghut a.
"Min ngaihtuah ve ta che."
"Nang pawh ka lawmpui che."
"Engah chuan maw?"
"I unaunu tak tak nèn in awm dùn thei dáwn a."
"Min va tihlim ém!"
A lungawi lohzia hre chiangtu ber ka ni hial ang chu.
"Ka lâwm e aw, nangin be lo la chuan ka pi bula lo chhoh kha a tum àwm miah si lo va, làwmthu ka hrilh mawlh mawlh che."
"Làwmthu chu ka lo chhuk hunah le."
"Teh rêng, i tâ ka ni alawm." Zak chung chungin ka sawi.
"Eng maw? Ka hre thei lo a nia."
"I tâ ka ni."
"A va chiang lo, ka hre țha thei lo. Han sawi leh teh."
A va sual tak! A hre thei chiang, min sawi nawntîr leh a duh vàng mai mai.
"I sawi ka hre thei lo, eng maw?"
A rawn nui hawk a.
"Ka bulah chuan awm la chuan aw..."a ti vang vang a.
"Ka awm lo sia..." tiin ka chhaih lêt a.
"Peach te reuh tê, dimdawihna tel miah lovin ka sawp tawh ang che."
Ka nui hak hak a," Ka lâwm e, ka pu," ka tih lai chuan," Lo inenkawl țha ang che, Round 1 tih vêl mai maiah ka chawlhtîr tawh dáwn lo che a nia," a ti hluk a, ka nuih nasa sauh a.
Nilêng maiin ka hlim, ka nui deuh sâng reng mai. Ruatdika'n min chhohsan mah se, Angel-i a chho dáwn a, ka hlim ém ém tho a ni.
Dàwr ațanga ka chhuah dáwn chuan dàwra thawk ve tho Sanju-a chuan," Joreen, thlah i duh em?" tiin min zâwt ve khiah a. Ni dangah min zâwt ngai si lo, mak ka ti rilru khawp mai. Bike a rawn keng țhìn a, a awmna a hla deuh hlek nèn, a àwm tho. A bike lah a mawi phian, an rethei teh chiam lo tih a hriat.
"A ngai lo ve, ka lâwm e."
"I duh lo tak tak maw?"
"Aw, kea kal hi ka tân exer țha tak a nia," tiin ka hnial tlat a, kan in-bye bye a, ka kalsan ta nghal a.
Mipa dang hi biak vak ka tum lo. Sanju-a hi kei aiin kum khatin a nau a, tlangvâl fel tak chu a ni ang, hnam dang a ni a, ka nêl viau tho nain tlangvâl enin ka en duh lo. Ka tân chuan Ruatdika hi a tâwk ém ém, mi dang an awm thei lo.
Zànah Ruatdika'n min rawn phone ka ring a nia, min rawn phone miah lo. A buai a ni ang, tukinah ka phone tawh tho kha maw; mahse, ka ngai veng veng tho.
Mutnaah chuan a thawmhnaw chu ka mutpui a, ka hnìm leh vang vang țhìn. Ka bulah awm se chuan min kuah ang a, min kherh bet leh tlat ang a, a kut hlei zet khân min chûl leh dan dan ang chu. A nih loh pawhin a hmui khân zei zetin min han fâwp kual leh ang a, ka tuiral hneh leh ngawt ang.
Ka mumangah ka lo hmu a, hlim takin ka lo bia ka lo bia a, min chhâng ve miah lo. En pawh min lo en țha duh lo va, a hnuah phei chuan min lo kalsan dáwn a, ka lo au lawm lawm a, ka au chhuak lehnghal. Ka harh a, ka țhu chhuak zawt. Mak ka ti kher mai, ngaihtuahna țha lo ka nei dáwn lek lek a; mahse, mumang mai mai alawm tiin ka inhnêm a, tui lo zetin ka mu leh ta a.
Zînga pâwna ka chhuak chu ka room luah bul chiaha room chu a rawn inhawng a, mipa sâng zet zawt, indian ni lo tih hriat ngawih ngawih hi a rawn chhuak a. Min rawn hmuh chuan," Hi, Max ka nia, ka țhenawma chêng hi i ni em? Nizàn ațang khân ka rawn chêng ve a," english mawi zet hian a ti a.
Nui sângin," Max, Zorini ka nia, 'Zorin' tiin min ko thei ang, țhenawm thar ka lo nei reng che a nih chu," ka ti lêt ve a.
"A nuam dáwn khawp mai."
"Nia, ka'n lût tawh ang e, insiam ka ngai tawh a," ka ti zaih a, biak tam vak loh ka duh.
"Ok, kan inhmu leh dáwn nia."
Tlangvâl a nih chuan a fuh miah lo ang, bâkah, Ruatdika'n a duh dáwn lo chiang, a thîk leh ringawt ang.
Ka chhâng peih lo, ka chau, muthilh ka châk.
Ka lo muhìl tak tak niin, ka harh chuan ka bulah Ruatdika a lo mu tawh lo, bathroom lama tui ri sar sar chuan a awmna a hril chiang hlein ka hria.
Ka zi ar ar a, ka taksa hnuai lam na țhûm vàngin ka tàwp chiang hle. Maimichhîngin kan thil tih chu ka ngaihtuah chhuak a, tunah zet chuan inchhuanna tùr rêng ka nei ta lo. Angel-i dem thei ka ni lo va, nula awm țha duh lo deuh nia ka lo hriat țhinte nèn chuan ang khat reng kan lo ni ta. Miin ka chanchin hi hria se, engtin nge min ngaih ve ang? Bialpa nèn chêng dùn, eng mah ni bîk lo. Chu chiah chu ka nih dàn a ni.
Bathroom kawngkhàr chu a rawn inhawng a, ka muhìl der leh vat. Ke pên a rawn hnai zêl a, ka mutna bulah chuan a tàwp chat. Min en a ni chiang, ka hnâr chu a ni deuh mum mumin ka hria.
Rei vak lo hnuah ka beng bul lawkah chuan," Peach, harh tawh la," a rawn ti sar sar a, ka mûr chiai chiai mai. Meng lo pawhin a inbual fai tih ka hre mai, inbual fai rim a nam.
Ka meng siar siar a, kawr a lo la ha lo, boxer nèn chauh. Ka chhîng leh vat a, a pian nalh tak ka hmuh chuan ka dik lo dáwn tlat.
"I inbual tawh bîk elo?"
"Aw, inbual la, i harh kâwk mai ang. I inbual zawha ei tùr ka lo siam dáwn nia."
Ka va peih lo tak! Mut reng mai ka duh. A na țhûm ve lo em ni le?
"Ka va peih lo tak!"
"Ka lo pawm tho ang che aw."
"Aih!" Ka chhâng rang lutuk chu a nuih a za kher a ni ang, a nui hawk hawk a.
"A nuihzatthlâkna pawh ka hre lo."
"Ka làwm ém che a ni, damdawi ei tùr ka'n lâk nghal ang che."
Puana intuamin ka tho, chuti lo chu thawmhnaw pakhat mah ka inbel si lo va, min nuih mai ang, bâkah ka zak.
Kan mutna ka en lêt chu, awii, thisen a kai!! Ruatdika chu enin," En miah suh!" ka ti chûl a, ka taksa nâ pawh hrechang lo chuan a rang thei ang berin bed-sheet chu ka pawt hlîp nghal, ka zak ngawih ngawih. Bathroom-ah tlân lût nghalin ka awm chu ka dawm vang vang, a zia lo tak tak a ni.
"Fai deuh khân inbual rawh aw."
Tihchi loh e, duh viau mah ila ka zah tho si. Nichina kan hnuhma kha chu engtin mah ka tifai thei tawh lo ang, pawiti viau mah ila, ka duh ber hnênah a ni tho tiin ka inhnèm tawp. Ani bâk hlan tùr ka nei chuang lo, ka thil neih hlu ber ka hlàn ta a ni a, engtin tak ngai ang maw?
"Zorin, i rei tawh lutuk! Lo chhuak tawh teh."
Ka hmu zak thar tlat, min fiam ang tih ka hlau bawk.
"Aw, ka zo țêp."
"I țha tiraw?"
"Um."
Ka piin kan awm dàn hi hre ta se, engtin nge a awm ang le?
Kawngkhàr ka hawn chuan kawngka bulah a lo ding reng tawh niin, ngun zetin min lo en a, kei erawh chuan ka en rei ngam lo va.
"I inchhîr tih min hrilh miah suh."
Ka inchhîr a, ka inchhîr lo bawk. Ka pasal tùr tân ka tih erawh ka bawhchhe ta chu a nih hi.
"Zorin?"
"Um."
"Min en teh, lawk?"
A lam hawia ka inher chuan a kut pahnihin ka khabe a dawm nghal a, ngun zeta ka mita en chungin,"Ka tân i neih hlu ber min hlàn hi ka hlim asin. I mitmengah hian inchhîra pawiti hmel ka hmu tlat, a pawi ka ti. Kei chuan a thil neih hlu ber min hlàntu hi phatsan ka tum miah lo," a ti charh charh a, rawn kûn hniamin ka chalah chuan a fâwp zoh a.
Ka nuih sak nain ka che sawn tùr chu ka taksa na zak avàngin ka țhen leh sak mai.
"Ka dìm viau che emaw ka ti a, ka lo dìm tâwk lo che a ni maw? Next round-ah chuan ka dìm tawh ngawt ang che."
Next round!!
A thil siam tuizia mai chuh! Ka ei țeuh, ka lei ka lem lo chauh.
"Muangchângin ei rawh, tu mahin an eisak dáwn lo che."
Min lo en reng a ni maw?! Ka sen țâwn țawn ang chu. Ka hâk lenghal.
Ka hnung chùm dat dat pahin," Naupang chhia lutuk," a ti hluk a. Ka sen nasa sauhin ka ring.
"Peach dik tak i ni!"
Ka ngawih reng avàngin ka hma chiahah țhuin min en a, "Ngatinge i ngawih tâk reng? Kan thil tih váng khân maw? A na viau em ni?" a ti zat a.
"Aih."
"I zak em ni? A ni chiang, cute reuh lutuk mai!" tih pah chuan ka biangah chuan a piai vak a, ka țê chùl mai.
"Thil ei laiin ninhlei suh."
"I țawng duh lo ém a nih kha."
Tih tùr awm hek lo, mut leh a ni mai.
Zànah erawh Angel-i chungchâng ka titipui a, tlawha a unaunu a nih vànga țha taka be tùrin ka fuih ve ngial.
"I tlawh duh loh vàng leh i biak duh loh vàngin i unaunu a nih loh phah dáwn lo, i pi leh pu thisen kha a la chhawm ve tho a ni, nangmah ang thovin. I pi pawhin țha takin awm dùn thei ula a ti dáwn lutuk asin, vawi khat tal chu be ve hrâm la?"
Min en lovin in chung lam a melh vang vang a, kei erawh chu ka kiu lehlamin ka inbengkâng a, ka en reng a.
"Ka unaunu a nih hi ka ring thei lo a ni."
"A ni miau bawk si a."
"Ka pi ro a duh vàng chauhin a rawn kal duh a, bâkah ka pi ngainat zâwng a nih loh inringin a aiah a tîr duh che a nia, a rilru hi a mak ka ti a ni."
"Ruatdik, chutiang a ni lo. A hman loh vàngin alawm ka rawn kal ni. Kei lahin sum vàngin..."
Ka hmui a rawn hup a," Sawi tawh suh, khatiang mi kha i ni lo tih ka hria, kan hre vek. Angel-i ngei pawhin a sawi vek, ngatinge i țhiannu hi i puh chhiat duh miah loh a? A sual teh lul nèn," a ti nghut nghut a.
"I unaunu a nih hi, ka tân chuan chènna leh ei tùr min petu leh hna thawhna tùr min hmuhsaktu a ni asin, ani hi awm lo ta se, engtin nge ka awm ang le?"
Nghet deuhin min kuah thlawp a.
"I chunga a lo țhat tawhna zawng zawngah chuan a tițha ka ti khawp mai, chuan, amah vàngin ka tawng bawk che a, thil dang zawng zawng aia ka thlan chu."
A vawi hnih sawina a ni ta, ngaihthlâk a nuam ka ti. Ngaihtuah erawh a tithui.
"Chuan, be leh hrâm la tiraw? Ka pi tân a țha dáwn ém asin."
Kei chuan Angel-i hi ka pi bulah ka tirh chhoh theih ka ring lo, ka sawi ve lahin min nuihsan mai mai zêl a, Ruatdika hi chuan a hmin theih ka ring tlat, a hmin theih hlauh chuan ka pi pawhin min ngaih dàn a sawh sawn thei deuh mahna.
"Nangmah vàng chauhin ka bia ang."
"Ka lâwm lutuk e aw." Ka lawm tak tak a ni.
"Lâwmthu sawi nân," tiin a hmui chu a kâwk zauhh a, kei pawhin ihê lovin ka fâwp zauh a.
"Eng thil nge i tih?"
"Ka fâwp che."
"Fâwp pawh a nih loh kha."
Zànah chuan next round match kan khêl leh a, ka thiam tawh viau. Ka taksa nâ pawh a zia viau tawh a, game control-tu pawh ka ni zar zar mai, min hlahthlem thiam viau!
"A hrehawm tawh lo tiraw?"
"Aw."
"I zei tawh e!"
A bân bulah ka bêng thak.
"Over suh," ka ti hlak a.
"Zirlai thiam chak tak i ni."
"Ninhlei suh." A kut chu ka sik hlawk. Ka âwmbawr a rawn dap da da a, a la lêt chuang miah lo.
"Ui viau lo la, a hek lo e."
"A hek hlek hlek."
Kan nui leh rih, tu dang kan ngai mawlh lo. Ka tân chuan hlimna min thlentu hi a ni ve chiang a ni, a bulah hi chuan eng dang mah ka ngai lo.
Dàwr nghâka ka chhuah hlànin a lo chhuak ve ngei a, Angel-i hmuh a tum pawh a ni maithei. Khawiah nge a kal, enh nge a tih ka zâwt lo, amahin min hrilh loh chuan zawh țûl ka ti lo.
A lo haw tlai ve viau a ni ang, dàwr ațanga ka haw dàwnin min lo phone chiah chiah a, kan haw rual.
"Angel-i hian hotel-ah hian eng hna ber nge a thawh?"
"Ka hre lo." Ka hre lo miau sia.
A tûkah chuan ka chhuah rualin a chhuak ve thung. A thangna chin zawh chu ka châk; mahse, min hrilh loh chuan ka zâwt duh lo.
Tun țum a lo chhuk chu haw hma tùrin ka tur lo. Ka pi khân min hrilh viau nain ka ngai a, ka thlahlel a, hrilh mah ila a duh hun têah lo chuan haw a tum leh dáwn chuang lo va, ka peih lo.
Mahse, ka rin aiin haw a tum hma. A haw dáwn zànah âm takin nupa nun kan chèn a, ka hnial chhin tawh lo rêng rêng. Min thunun hnehin a zùnah ka uai chiang lutuk tawh a, ka hnial chhin phal eih tawh lo.
A chhoh hnu zan hnihnaah Angel-i'n min rawn phone teh khiah mai!!
"Zorin, Mizoramah ka chho dáwn asin."
"A ni maw!!!" Mak ka ti lutuk a, ka au vak țhelh a ni.
"Aw, naktûka chhoh ka tum deuh a."
"A va làwmawm ve!! Awm rei i tum ang em?"
"Rei lo ang, Pitari tih-làwm nân ka han chho zawk ang."
Ka rilru a hlim lutuk tlat, ka piin tih tùr min tuk kha ka theihna ni lovin mak tak maiin Angel-i thinlunga thawktu awmin a tihlawhtling dáwn si a, ka lâwm lutuk ringawt.
"Nuam deuhin han awm tum rawh, ka pi chuan a lo duat ngawt ang che."
"Ni lo ve, kei chu ka thu tê lo chuan ka awm peih lo tih i hriat kha, kan inmil thei lo ang; mahse, kal ka tum tho chu a nia, a mak khawp mai," tiin a rawn nui har har a.
"Nihna thup țêt a ngai tawh lo ang a, free deuhin i awm thei ang chu. Ka pi chuan a tunu dik tak a hmuin a hre tawh che a, inpawh takin in awm dùn dáwn nia."
"Ka phûr teh chiam lo."
"Phùr a ngai vak chuang lo, i kal hrim hrim kha a țha a ni mai."
Ka rilru a thâwl ta huai mai. Step khatin hma ka sâwn e; mahse, step làwn tùr hi a va la tam ém! Ka hmuh theih chin hi step indawh chho zui hlîr a la ni si!
A tûkah Ruatdika ka han phone a, zàna phone ka tum khân a tlai tawh ang reng si a, ka țhulh ta a ni. Min rawn phone miah lo va, a buai pawh a ni ang.
"Hey, Peach?"
"Angel-i a rawn chho dáwn asin!"
"Tak tak maw?" A la hre bîk lo a niang.
"Aw, ka làwm dàn hi, ka pi kha ka lawmpui tak zet a ni. A tunu dik tak nèn an awm dùn thei dáwn si a."
A rûm nghut a.
"Min ngaihtuah ve ta che."
"Nang pawh ka lawmpui che."
"Engah chuan maw?"
"I unaunu tak tak nèn in awm dùn thei dáwn a."
"Min va tihlim ém!"
A lungawi lohzia hre chiangtu ber ka ni hial ang chu.
"Ka lâwm e aw, nangin be lo la chuan ka pi bula lo chhoh kha a tum àwm miah si lo va, làwmthu ka hrilh mawlh mawlh che."
"Làwmthu chu ka lo chhuk hunah le."
"Teh rêng, i tâ ka ni alawm." Zak chung chungin ka sawi.
"Eng maw? Ka hre thei lo a nia."
"I tâ ka ni."
"A va chiang lo, ka hre țha thei lo. Han sawi leh teh."
A va sual tak! A hre thei chiang, min sawi nawntîr leh a duh vàng mai mai.
"I sawi ka hre thei lo, eng maw?"
A rawn nui hawk a.
"Ka bulah chuan awm la chuan aw..."a ti vang vang a.
"Ka awm lo sia..." tiin ka chhaih lêt a.
"Peach te reuh tê, dimdawihna tel miah lovin ka sawp tawh ang che."
Ka nui hak hak a," Ka lâwm e, ka pu," ka tih lai chuan," Lo inenkawl țha ang che, Round 1 tih vêl mai maiah ka chawlhtîr tawh dáwn lo che a nia," a ti hluk a, ka nuih nasa sauh a.
Nilêng maiin ka hlim, ka nui deuh sâng reng mai. Ruatdika'n min chhohsan mah se, Angel-i a chho dáwn a, ka hlim ém ém tho a ni.
Dàwr ațanga ka chhuah dáwn chuan dàwra thawk ve tho Sanju-a chuan," Joreen, thlah i duh em?" tiin min zâwt ve khiah a. Ni dangah min zâwt ngai si lo, mak ka ti rilru khawp mai. Bike a rawn keng țhìn a, a awmna a hla deuh hlek nèn, a àwm tho. A bike lah a mawi phian, an rethei teh chiam lo tih a hriat.
"A ngai lo ve, ka lâwm e."
"I duh lo tak tak maw?"
"Aw, kea kal hi ka tân exer țha tak a nia," tiin ka hnial tlat a, kan in-bye bye a, ka kalsan ta nghal a.
Mipa dang hi biak vak ka tum lo. Sanju-a hi kei aiin kum khatin a nau a, tlangvâl fel tak chu a ni ang, hnam dang a ni a, ka nêl viau tho nain tlangvâl enin ka en duh lo. Ka tân chuan Ruatdika hi a tâwk ém ém, mi dang an awm thei lo.
Zànah Ruatdika'n min rawn phone ka ring a nia, min rawn phone miah lo. A buai a ni ang, tukinah ka phone tawh tho kha maw; mahse, ka ngai veng veng tho.
Mutnaah chuan a thawmhnaw chu ka mutpui a, ka hnìm leh vang vang țhìn. Ka bulah awm se chuan min kuah ang a, min kherh bet leh tlat ang a, a kut hlei zet khân min chûl leh dan dan ang chu. A nih loh pawhin a hmui khân zei zetin min han fâwp kual leh ang a, ka tuiral hneh leh ngawt ang.
Ka mumangah ka lo hmu a, hlim takin ka lo bia ka lo bia a, min chhâng ve miah lo. En pawh min lo en țha duh lo va, a hnuah phei chuan min lo kalsan dáwn a, ka lo au lawm lawm a, ka au chhuak lehnghal. Ka harh a, ka țhu chhuak zawt. Mak ka ti kher mai, ngaihtuahna țha lo ka nei dáwn lek lek a; mahse, mumang mai mai alawm tiin ka inhnêm a, tui lo zetin ka mu leh ta a.
Zînga pâwna ka chhuak chu ka room luah bul chiaha room chu a rawn inhawng a, mipa sâng zet zawt, indian ni lo tih hriat ngawih ngawih hi a rawn chhuak a. Min rawn hmuh chuan," Hi, Max ka nia, ka țhenawma chêng hi i ni em? Nizàn ațang khân ka rawn chêng ve a," english mawi zet hian a ti a.
Nui sângin," Max, Zorini ka nia, 'Zorin' tiin min ko thei ang, țhenawm thar ka lo nei reng che a nih chu," ka ti lêt ve a.
"A nuam dáwn khawp mai."
"Nia, ka'n lût tawh ang e, insiam ka ngai tawh a," ka ti zaih a, biak tam vak loh ka duh.
"Ok, kan inhmu leh dáwn nia."
Tlangvâl a nih chuan a fuh miah lo ang, bâkah, Ruatdika'n a duh dáwn lo chiang, a thîk leh ringawt ang.
Comments
Post a Comment