☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆RUATDIKA☆ - 28 By Dingdi Pachuau
Hun a liam ve zung zung a, Ruatdika haw chhohna pawh thla khat zet a lo ni ve ta. Ka ngai viau nain ka phone vak ngai lo, ka lung a lèn zual deuh chuan ka text tawp, amahin a hman hunah min rawn phone ve mai zêl. Min ngaihsak vût thiam lo nge ka hre thiam chiah lo, min duat hliau hliau ngai lo ve khawp mai, țawngkam thlum phei chu khawilam.
Max pawh a fel khawp. A polite a, a over miah lo. Nui sângin min be ziah a, ka be hmasa hman ngai lo. Ireland ațanga lo kal ni àwm a ni, amah hi chu thlah pawlh kual a nih vàng a ni ngei ang, irish a ni tih pawh a hriat loh, a thisenah hian hnam hrang hrang a tel teuh a ni chiang. A hna vànga lo kal a nia, kum 2 vêl awm a tum a ni àwm e.
Zan khat chu ka tai a nuam lo lutuk a, ka mu hma deuh, ka period dáwn ta chiang. Nimin lamah pawh a nuam lo rûm rûm tawh a; mahse, period a hnaih vàngah ka ngai mai. Ruatdika phone call a lo kal a, ka han chhàn chuan," Naktûkah Lungleiah ka phei dáwn asin, lo phei ve la ka rualin?" a rawn ti a.
"Ka va châk ve tak! Eng nge i tih dáwn a?" ka ti vat a, Lunglei hi vawi khat mah ka la kal lo va, ka hmu ve châk.
"Ranngo ka zawng dáwn."
"Talh tùr maw?"
"Eng maw?!!"
"Ranngo chu maw le."
A nui hawk hawk mai.
"Peach te reuh tê tak hi chu aw..."
A ngaihna ka hre lo kher mai! Sawi dik loh ka nei em ni? Ka neiin ka hre lo. Mi nuihzat hi a chîng ve hrim hrim.
"Min nuih ziah suh."
"Ranngo zawng chu i hre nange a?"
"Ka hriat vàngin 'talh tùr maw' tiin ka zâwt rêng che alawm le."
A la nui char char nia.
"I sual e," ka ti ta ringawt a, tlémin ka lung a awi lo deuh țan.
"I lawmawm lutuk hi e, ka bulah chuan awm la ka piai nasa ngawt ang che."
"Ka duh bawk lo, i sual si, ka dah dáwn a nia," tiin ka phone chu ka dah ta daih a. A nuih kha ka hre ve bawk si lo va, min hrilh bawk si lo. Ka period dáwn phei hi chuan ka la na ve thei a, ka thin a chhiat bâkah ka lungawi lo hma viau țhìn.
Ka phone chu a rawn ri leh nghal, amah bawk. Ka chhâng duh ang em aw...
A ring ral țhak; mahse, a rawn tinawn leh tho.
"Min nuih tùr ringawtin min lo phone suh," ka ti tàn tán a.
"I lawmawm ka tih tawh kha, ka nula tê. Ranngo zawng awmzia chu maw, nupui tùr zawng tihna a nia, talh tùr atâna nupui zawn kha a nuihzatthlâk ém alawm."
A ni maw? Ran talh tùr zawng tihna emaw ka ti asin. A va zahthlâk tak! A lo nui char char pawh kha a àwm chiah a lo nih hi.
"A, tinge min hrilh nghal mai loh a?"
"I rawn hre ém a."
"Ka hriat ve dàn a ni mai alawm. Chuan, Lungleiah nupui i zawng dáwn tihna maw?"
"Ka tum deuh."
"Țha tak i hmuh ka duhsak che."
"Chennai lama ka hualin min nei duh bawk si lo va."
"A va â ve!"
A nui leh. Kei pawh ka nuih a za ve tho, kan pahnih chuan kan nui dùn leh rih a.
"Nih leh, news a awm em le?"
"A, ka sawi duh lo." Ka sawi chuan a thîk ringawt ang tih ka hlau, min ngaihtuah lutuk ang.
"Sawi la, a làwmawm lam nge a țha lo lam?"
"Ih, a làwmawm vak loh i ti ang."
"Eng? I rai em ni?!!"
"Eng maw!!!" Ka rei! Rai maw? Keimah maw?! E khai!! Ni dáwn tak, thla khat a ni tawh a nia, ka la period miah lo!!!
"Aih, a ni thei lo ang!"
"I period tawh em?"
"Period lo; mahse, ka period țêp."
"I chiang maw?"
Chiang hran nâng. Tuna ka awm dàn hi chu period tùr ințham kual vêl chu a ni chiang alawm. Rai mawlh chu, ka rai thei lo ang.
Sex kan hman khân indanna a hmang miah lo, kei lahin damdawi ka ei miah lo bawk. Ngatinge kan fîmkhur loh viau le? Rai thei dinhmunah ka la ding rêng rêng lo asin, ka hmalam hun a thim dáwn lutuk. Lalpa, ka rai thei lul lo ang.
"Ngatinge indanna i hman loh?" ka ti ringawt a, ka mawhchhiat thei bîk ngawt lo tih ka hre ru kar thung.
"Rai i duh lo em ni?"
"Ka dinhmun hi ngaihtuah ve ta che!" Ka thin a chhe hlur mai.
"Inbengdai rawh le, nautein a chhiat phah ang."
Ka thin a ti-ur belh sauh. "Naute ka pai lo!" ka ti tuar a. Ka hlauthâwng a ni, naute pai thei dinhmunah ka la ding lo. Pawisa ka la khâwl ngah loh bâkah ka hna ka chân thei lo ang, ka intunnunna ber a ni asin.
"Tikhân awm suh. Lo chhuk vat ka tum ang aw, lo inngaihtuah buai miah suh."
Ani chu mipa niin hmeichhia, keimah ang a ni lo. Ka hlauhthàwn ang chanve pawhin a hlauthâwng tawp nâng. Ngatinge ka ngaihtuah thlen miah loh le? Ka rai a nih hlauh chuan aw...
Zàn ka mu țha lo kher mai, ka rilru a hah lutuk. Ka rai a nih hlauh chuan naute paih ka phal dáwn si lo, nei tùr chuan ka la inring bawk si lo, ka muhìl thei lo, ka rilru a hah thlâwt.
Zîngah hlim nui sânga Max-a'n min biak pawhin nuih harsa ka ti ta țalh mai, nilêngin ka awm a nuam lo va, hrehawm tak a ni. Ruatdika hi a lo chhuk leh a nih pawhin ka mutpui tawh miah lo ang, amah zâwk pawhin hriat àwm tak a nia. A upa zâwk leh ngaihtuahna nei thui tùr zâwk a ni a, fîmkhur ve tùr a nia, kei rêng rêng pawh ani a fîmkhur loh pawhin lo fîmkhurpui thliam tùr ka ni asin le.
Ka eng tih mah a tui lo. Ruatdika fa pai hi ka duh lo a ni lo, naute paia nei tùr hian ka la indah chhin lo hrim hrim a ni zâwk. Ka'n thiam lo viau na a, kei pawh ka thiam chuang lo. Ka lo thlêm hâwrh hâwrh a niang, rilru hmang thui lo lutuk mai.
Ka tai nâ avàngin ka kal muang hle a, rilrua hlauhthàwnna nasa tak awm nèn, ka tai nâ chu a zual zêl ni maiin ka hria. Damdawi ka ei tawp mai ang, hetiang chu ka tuar reng peih lo.
Ina ka luh dáwn chuan Max in luah chu ka'n melh hrâm a, a lo la haw lo a nih dáwn hi. Awm ve se chuan awm a nuam deuh hlek tùr a nia, lo lêngin min awmpui se ka ti lo. Ka bul lawkah mihring a awm ve tih hriat khân a thlamuanthlâk ve hrim hrim.
Damdawi eiin ka mu vang vang a, ka va mal tak ém! Ka kâwng kham țhûm leh ka tai nâ min chûlsaktu tùr ka va duh tak. Ruatdika ka ngai, ni lo, amah vàngin hetiang hian ka awm phah, ka ngai tùr a ni lo. Lo chhuk leh teh na se, amahin a mu ang.
Ka phone a rawn ri, amah bâk a ni lo tawp ang. Thinur hlur chuan," Eng nge?" ka ti hluk a.
"E khai, i la thinur reng a ni maw?"
"Nangmah vàng a nih hi." Ka thinur bawk si, ka tai na bawk si chu ka țahte pawh a chhuak. Amah ka ngai tho bawk si a.
"I zun i test tawh em?"
"Test lo."
"Naktûkah i hman hunah test kit lei la tiraw?"
Ka ngawi reng. Ka test ang a, ka lo rai si ang tih ka hlau.
"Na i nei em ni?"
"Aw."
"A va pawi ve aw, eng nge nâ a? Damdawi i ei em?"
Chutia min ngaihsakna țawngkam ka han hria chu ka rilru a no thar a, ka insût ta hraih a.
"I țap a ni maw? A zia lo tak zet. I bulah awm ila ka ti, ka duat dáwn teh rêng che nèn."
Pangchanna tùr ka neih ve chhun a nih vàng a ni ang, ka pangchan ve ringawt, a rilru ka tihah ngawt ang chu.
"Ka țap lo, ka insût mai mai."
"I va fel tak, i eng nge nâ rêng rêng a?" A dawhthei ka ti, ka thinur khum a, țawngkam vîn a hmang duh miah lo, a thinchhiat teh lul nèn.
"Ka tai leh ka kâwng."
"Tuilum ip emaw bottle țha deuh hlek chi-ah tui lum thun la, chu chuan han dep teh, a zia maithei a ni."
Min hrilh ang chuan peih lo zeta thovin ka ti a, tlêm chuan a zia deuhin ka hria, ka ngaihbel deuh nge ka hre lo.
Toilet-ah inthiarin ka lût a, ka lo period țan chiah a nih hi, ka va lâwm tak, ka làwm dàn chu sawi ngaihna pawh ka hre lo. Ka tai nâ leh kâwng nâ pawh chu a dam hawk hawk maiin ka hria.
Dâr 10-ah min lo phone leh a.
"Eng nge i an?"
"Ka zia tawh e."
"A làwmawm e, ka ngaihtuah reng che a."
"Nichin deuh ațang khân ka period a, ka thin pawh a ur tawh lo."
A ngawi vang vang phawt a, chutah," I thin a lo ur a ni maw?" a ti ta sup a.
"Ka vin hrep hrep che kha."
"Ka lo hre miah lo."
He pa tak hi chuh. A hre reng sia, a'n haider leh hmak a. Ka va duh tak!
"Lunglei chu a nuam bawk em? Ranngo chu i hmu tawh mial lo maw?"
"Nuam e, ka hmu țeuh tawh bawk."
"Chuan, nupui min neihsan dáwn tihna em ni?"
"Nangin min duh loh miau si chuan..."
"Naaa, i sual."
Tunah chuan test kit pawh lei a ngai ta lo. Ka thaw a veng tawh tak zet, tûn hnuah chuan ka fîmkhur tawh ngawt ang, rilrua hlauhthàwnna neih ngai tawh miah lo tùrin ka nung tawh ang.
Mu pah chuan ka ngaihtuah chiang a, Ruatdika kha thinrim khumin ka vìn a, a thiam loh a ni bîk miah si lo. Bâkah, a bula awm duh hle siin rai ka duh bawk si lo, nupa nun chen dun ka hnial chuang bawk si lo. Ka thinrim khum a, ka rai lo tih ka hriat hnuah ka be țha leh hâwrh si, a rilru tak chuan mak min ti viau ang chu.
Ka inthiam lo telh telh. Rai duh loh chuan mut dun loh mai tùr, inphal loh mai tùr a nia, ka thiam loh a ni zâwk tlat. Tunge thianghlimna pasal hnên chauha hlan tuma mi dangin mutpui leh thei ngai? Keima thiam loh liau liau a ni, a bulah pawh ka sawi a, a bawhchhetu chu keimah.
A rilruah' ka fa pai a duh loh chuan' tiin rilru hran pawh a lo pu daih thei asin, a fa pai duh an tam dáwn si. Ni lo, ka hrilh fiah chian a ngai a ni. Heti chuan keimah ka tâl buai leh zâwk ang. Min kalsan ta se, ka tuar thei dáwn em ni? Teuh lo, ka phal miah lo. He pa hi ka duh lutuk tawh, duh bâkah ka hmangaih tel tawh tlat a ni.
Tunah dâr 12 a pêl tawh, a muhìl tawh ang, a phone chî tawh loh. Naktûkah ngei ngeiin ka phone a ngai, a fa ka pai duh loh vàng ni lovin ka hma hun ngaihtuah rih a ngaih zâwk vàngin. Hun min pêk rih ka duh, a chhûngte ka ngaihtuah phei chuan ka hma hun hi a thim mupin ka hria.
Zîngah Angel-i'n min lo phone ve teh tlat. Mizoramah a la awm em le?
"Zo, i bàn hnuah kan in luahah khân min va kalsak lawk mai ta che, ka documents min haisak tùrin ka duh che a."
"Aw le, aw le. Ka pi chuan a duat che em? Eng tik nge i lo chhuk ang?"
"Ka hre rih lo le, lo chhuk a phal rih lo viau nain awm rei ka tum tawh lo. Jail tenau a ni ringawt."
Chahbi dahna min hrilh a, ka dàwr nghahna ațangin a hla lo bawk a, dàwr nghah bànah a ni mai.
Ruatdika number chu ka hmet chhuak a, ka call nain a chhâng thei lo. A ring ral țhak, a inbual pawh a ni maithei, message ka thawn hrâm.
In ațanga ka chhuak chu Max-a pawh a in ațangin a lo chhuak ve chiah a, kan han in-morning zawk zawk a.
"Tukin chu i va chhuak hma ve!" ka ti a.
"Nia, ka kalna tùr a hla deuh a, ka chhuak hma a nih hi."
Ka rualin a kal ve zêl a, mak ka ti ang reng khawp mai.
Dàwr awmna kan thlen chuan," Hetah hian ka thawk a, ka pènsan mai ang che," tiin ka ding a, ani chuan," A ni maw? Aw le, ni hman nuam le, kan inhmu leh dáwn nia," nui sângin a ti a, a kut vai zohin a kal țan leh ta a.
Nimin lama ka lungngaihna leh thawpikna kha a bo tawh a, hlauhthàwnna nei tawh lo chuan ka nui sâng leh thei ta.
Sanju-a chuan," I hmel hmuh a nuam ta e, rawn hruaitu vàng che kha a ni thei ang em?" a ti zauh a.
"Ka thenawmpa a nih kha."
Rei kan inbe hman lo, ka thawhna tùr lamah kan kal nghal a. Tùn hnai deuh ațang hian Sanju hian min biak zauh zauh a chîng a, ka duh lutuk lo.
Kan bàn veleh min biak hmain hmanhmawh zetin Angel-i in luah panin ka kal ta dàwr dáwr a, ka thlen meuh chuan ka thlan a tla phung mai.
Chahbi a dahnaah chuan ka la nghal a, ka lut chiah a, ka inkalh hnan nghal thlap. A lum lutuk ringawt, ka thawmhnaw hâk chu ka phelh țhen a, kawr bân bùl, tawi tê pan ang reng deuh chauh tih loh chu ka inbel lo, kekawr erawh ka hlîp lo.
A document dahna chu ka hriatsa avangin ka hai nghal a, text-a min hrilh tawh avàngin ka hmu thuai a, thla lâksakin ka send nghal a.
"Eng nge i tih a?"
Ka va phu chiang tak!! Ka phone pawh ka thlauh nghal, he pa hi eng tik laiin nge a lo luh a? Ka awm tih a hre lo em ni? Ni lo, ka kalh tak alawm.
"Hei, a documents pawimawh hi a pic ka send a."
Documents darh niai chu ka dah țha vat a, ka khung fel ka inher chiah chu ka bul chêtah a lo ding tawh.
"Ka zo tawh a, ka'n haw tawh ang e."
"A la hma alawm," tiin kawng chu min kian duh ta miah lo.
Ka thin a phu rang țan, ka hlau hran miah lo va; mahse, a awm dàn hi ka duh miah lo.
"Ka hmanhmawh tawh a nia, kawng min kian rawh, Bobby."
Che sawn miah lo chuan min en a, a mit meng hur hmel zet chu ka râp țan riau, min melh dàn chu ka duh loh zâwng tak a ni lehnghal.
"I țhiannu awm loh veleh chhuanlam siamin min hmu tùrin i rawn kal a ni tiraw?"
A zak lo ka ti lutuk. Ben pawp tumin ka kutin ka tin uaih a, nghet zeta manin min kuah nghal a.
"I țhiannu nèna kan awm dun lai khân min lo thîk țhìn tih ka hria, kan awm ang khân i awm ve châk a, min hmuh theih ngang loh vàngin i insawn chhuak a ni lo'm ni? Tunah hun țha chu kan nei chiah e."
Zu rim nam huam huam chung chuan min fawh tumin a rawn kûn hnai a, ka theihtâwpa tangin ka tãl a, ka tàl chhuah theih si lohah chuan kûn hniamin a khabeah ka luin ka tauh chho bur mai a.
Hun a liam ve zung zung a, Ruatdika haw chhohna pawh thla khat zet a lo ni ve ta. Ka ngai viau nain ka phone vak ngai lo, ka lung a lèn zual deuh chuan ka text tawp, amahin a hman hunah min rawn phone ve mai zêl. Min ngaihsak vût thiam lo nge ka hre thiam chiah lo, min duat hliau hliau ngai lo ve khawp mai, țawngkam thlum phei chu khawilam.
Max pawh a fel khawp. A polite a, a over miah lo. Nui sângin min be ziah a, ka be hmasa hman ngai lo. Ireland ațanga lo kal ni àwm a ni, amah hi chu thlah pawlh kual a nih vàng a ni ngei ang, irish a ni tih pawh a hriat loh, a thisenah hian hnam hrang hrang a tel teuh a ni chiang. A hna vànga lo kal a nia, kum 2 vêl awm a tum a ni àwm e.
Zan khat chu ka tai a nuam lo lutuk a, ka mu hma deuh, ka period dáwn ta chiang. Nimin lamah pawh a nuam lo rûm rûm tawh a; mahse, period a hnaih vàngah ka ngai mai. Ruatdika phone call a lo kal a, ka han chhàn chuan," Naktûkah Lungleiah ka phei dáwn asin, lo phei ve la ka rualin?" a rawn ti a.
"Ka va châk ve tak! Eng nge i tih dáwn a?" ka ti vat a, Lunglei hi vawi khat mah ka la kal lo va, ka hmu ve châk.
"Ranngo ka zawng dáwn."
"Talh tùr maw?"
"Eng maw?!!"
"Ranngo chu maw le."
A nui hawk hawk mai.
"Peach te reuh tê tak hi chu aw..."
A ngaihna ka hre lo kher mai! Sawi dik loh ka nei em ni? Ka neiin ka hre lo. Mi nuihzat hi a chîng ve hrim hrim.
"Min nuih ziah suh."
"Ranngo zawng chu i hre nange a?"
"Ka hriat vàngin 'talh tùr maw' tiin ka zâwt rêng che alawm le."
A la nui char char nia.
"I sual e," ka ti ta ringawt a, tlémin ka lung a awi lo deuh țan.
"I lawmawm lutuk hi e, ka bulah chuan awm la ka piai nasa ngawt ang che."
"Ka duh bawk lo, i sual si, ka dah dáwn a nia," tiin ka phone chu ka dah ta daih a. A nuih kha ka hre ve bawk si lo va, min hrilh bawk si lo. Ka period dáwn phei hi chuan ka la na ve thei a, ka thin a chhiat bâkah ka lungawi lo hma viau țhìn.
Ka phone chu a rawn ri leh nghal, amah bawk. Ka chhâng duh ang em aw...
A ring ral țhak; mahse, a rawn tinawn leh tho.
"Min nuih tùr ringawtin min lo phone suh," ka ti tàn tán a.
"I lawmawm ka tih tawh kha, ka nula tê. Ranngo zawng awmzia chu maw, nupui tùr zawng tihna a nia, talh tùr atâna nupui zawn kha a nuihzatthlâk ém alawm."
A ni maw? Ran talh tùr zawng tihna emaw ka ti asin. A va zahthlâk tak! A lo nui char char pawh kha a àwm chiah a lo nih hi.
"A, tinge min hrilh nghal mai loh a?"
"I rawn hre ém a."
"Ka hriat ve dàn a ni mai alawm. Chuan, Lungleiah nupui i zawng dáwn tihna maw?"
"Ka tum deuh."
"Țha tak i hmuh ka duhsak che."
"Chennai lama ka hualin min nei duh bawk si lo va."
"A va â ve!"
A nui leh. Kei pawh ka nuih a za ve tho, kan pahnih chuan kan nui dùn leh rih a.
"Nih leh, news a awm em le?"
"A, ka sawi duh lo." Ka sawi chuan a thîk ringawt ang tih ka hlau, min ngaihtuah lutuk ang.
"Sawi la, a làwmawm lam nge a țha lo lam?"
"Ih, a làwmawm vak loh i ti ang."
"Eng? I rai em ni?!!"
"Eng maw!!!" Ka rei! Rai maw? Keimah maw?! E khai!! Ni dáwn tak, thla khat a ni tawh a nia, ka la period miah lo!!!
"Aih, a ni thei lo ang!"
"I period tawh em?"
"Period lo; mahse, ka period țêp."
"I chiang maw?"
Chiang hran nâng. Tuna ka awm dàn hi chu period tùr ințham kual vêl chu a ni chiang alawm. Rai mawlh chu, ka rai thei lo ang.
Sex kan hman khân indanna a hmang miah lo, kei lahin damdawi ka ei miah lo bawk. Ngatinge kan fîmkhur loh viau le? Rai thei dinhmunah ka la ding rêng rêng lo asin, ka hmalam hun a thim dáwn lutuk. Lalpa, ka rai thei lul lo ang.
"Ngatinge indanna i hman loh?" ka ti ringawt a, ka mawhchhiat thei bîk ngawt lo tih ka hre ru kar thung.
"Rai i duh lo em ni?"
"Ka dinhmun hi ngaihtuah ve ta che!" Ka thin a chhe hlur mai.
"Inbengdai rawh le, nautein a chhiat phah ang."
Ka thin a ti-ur belh sauh. "Naute ka pai lo!" ka ti tuar a. Ka hlauthâwng a ni, naute pai thei dinhmunah ka la ding lo. Pawisa ka la khâwl ngah loh bâkah ka hna ka chân thei lo ang, ka intunnunna ber a ni asin.
"Tikhân awm suh. Lo chhuk vat ka tum ang aw, lo inngaihtuah buai miah suh."
Ani chu mipa niin hmeichhia, keimah ang a ni lo. Ka hlauhthàwn ang chanve pawhin a hlauthâwng tawp nâng. Ngatinge ka ngaihtuah thlen miah loh le? Ka rai a nih hlauh chuan aw...
Zàn ka mu țha lo kher mai, ka rilru a hah lutuk. Ka rai a nih hlauh chuan naute paih ka phal dáwn si lo, nei tùr chuan ka la inring bawk si lo, ka muhìl thei lo, ka rilru a hah thlâwt.
Zîngah hlim nui sânga Max-a'n min biak pawhin nuih harsa ka ti ta țalh mai, nilêngin ka awm a nuam lo va, hrehawm tak a ni. Ruatdika hi a lo chhuk leh a nih pawhin ka mutpui tawh miah lo ang, amah zâwk pawhin hriat àwm tak a nia. A upa zâwk leh ngaihtuahna nei thui tùr zâwk a ni a, fîmkhur ve tùr a nia, kei rêng rêng pawh ani a fîmkhur loh pawhin lo fîmkhurpui thliam tùr ka ni asin le.
Ka eng tih mah a tui lo. Ruatdika fa pai hi ka duh lo a ni lo, naute paia nei tùr hian ka la indah chhin lo hrim hrim a ni zâwk. Ka'n thiam lo viau na a, kei pawh ka thiam chuang lo. Ka lo thlêm hâwrh hâwrh a niang, rilru hmang thui lo lutuk mai.
Ka tai nâ avàngin ka kal muang hle a, rilrua hlauhthàwnna nasa tak awm nèn, ka tai nâ chu a zual zêl ni maiin ka hria. Damdawi ka ei tawp mai ang, hetiang chu ka tuar reng peih lo.
Ina ka luh dáwn chuan Max in luah chu ka'n melh hrâm a, a lo la haw lo a nih dáwn hi. Awm ve se chuan awm a nuam deuh hlek tùr a nia, lo lêngin min awmpui se ka ti lo. Ka bul lawkah mihring a awm ve tih hriat khân a thlamuanthlâk ve hrim hrim.
Damdawi eiin ka mu vang vang a, ka va mal tak ém! Ka kâwng kham țhûm leh ka tai nâ min chûlsaktu tùr ka va duh tak. Ruatdika ka ngai, ni lo, amah vàngin hetiang hian ka awm phah, ka ngai tùr a ni lo. Lo chhuk leh teh na se, amahin a mu ang.
Ka phone a rawn ri, amah bâk a ni lo tawp ang. Thinur hlur chuan," Eng nge?" ka ti hluk a.
"E khai, i la thinur reng a ni maw?"
"Nangmah vàng a nih hi." Ka thinur bawk si, ka tai na bawk si chu ka țahte pawh a chhuak. Amah ka ngai tho bawk si a.
"I zun i test tawh em?"
"Test lo."
"Naktûkah i hman hunah test kit lei la tiraw?"
Ka ngawi reng. Ka test ang a, ka lo rai si ang tih ka hlau.
"Na i nei em ni?"
"Aw."
"A va pawi ve aw, eng nge nâ a? Damdawi i ei em?"
Chutia min ngaihsakna țawngkam ka han hria chu ka rilru a no thar a, ka insût ta hraih a.
"I țap a ni maw? A zia lo tak zet. I bulah awm ila ka ti, ka duat dáwn teh rêng che nèn."
Pangchanna tùr ka neih ve chhun a nih vàng a ni ang, ka pangchan ve ringawt, a rilru ka tihah ngawt ang chu.
"Ka țap lo, ka insût mai mai."
"I va fel tak, i eng nge nâ rêng rêng a?" A dawhthei ka ti, ka thinur khum a, țawngkam vîn a hmang duh miah lo, a thinchhiat teh lul nèn.
"Ka tai leh ka kâwng."
"Tuilum ip emaw bottle țha deuh hlek chi-ah tui lum thun la, chu chuan han dep teh, a zia maithei a ni."
Min hrilh ang chuan peih lo zeta thovin ka ti a, tlêm chuan a zia deuhin ka hria, ka ngaihbel deuh nge ka hre lo.
Toilet-ah inthiarin ka lût a, ka lo period țan chiah a nih hi, ka va lâwm tak, ka làwm dàn chu sawi ngaihna pawh ka hre lo. Ka tai nâ leh kâwng nâ pawh chu a dam hawk hawk maiin ka hria.
Dâr 10-ah min lo phone leh a.
"Eng nge i an?"
"Ka zia tawh e."
"A làwmawm e, ka ngaihtuah reng che a."
"Nichin deuh ațang khân ka period a, ka thin pawh a ur tawh lo."
A ngawi vang vang phawt a, chutah," I thin a lo ur a ni maw?" a ti ta sup a.
"Ka vin hrep hrep che kha."
"Ka lo hre miah lo."
He pa tak hi chuh. A hre reng sia, a'n haider leh hmak a. Ka va duh tak!
"Lunglei chu a nuam bawk em? Ranngo chu i hmu tawh mial lo maw?"
"Nuam e, ka hmu țeuh tawh bawk."
"Chuan, nupui min neihsan dáwn tihna em ni?"
"Nangin min duh loh miau si chuan..."
"Naaa, i sual."
Tunah chuan test kit pawh lei a ngai ta lo. Ka thaw a veng tawh tak zet, tûn hnuah chuan ka fîmkhur tawh ngawt ang, rilrua hlauhthàwnna neih ngai tawh miah lo tùrin ka nung tawh ang.
Mu pah chuan ka ngaihtuah chiang a, Ruatdika kha thinrim khumin ka vìn a, a thiam loh a ni bîk miah si lo. Bâkah, a bula awm duh hle siin rai ka duh bawk si lo, nupa nun chen dun ka hnial chuang bawk si lo. Ka thinrim khum a, ka rai lo tih ka hriat hnuah ka be țha leh hâwrh si, a rilru tak chuan mak min ti viau ang chu.
Ka inthiam lo telh telh. Rai duh loh chuan mut dun loh mai tùr, inphal loh mai tùr a nia, ka thiam loh a ni zâwk tlat. Tunge thianghlimna pasal hnên chauha hlan tuma mi dangin mutpui leh thei ngai? Keima thiam loh liau liau a ni, a bulah pawh ka sawi a, a bawhchhetu chu keimah.
A rilruah' ka fa pai a duh loh chuan' tiin rilru hran pawh a lo pu daih thei asin, a fa pai duh an tam dáwn si. Ni lo, ka hrilh fiah chian a ngai a ni. Heti chuan keimah ka tâl buai leh zâwk ang. Min kalsan ta se, ka tuar thei dáwn em ni? Teuh lo, ka phal miah lo. He pa hi ka duh lutuk tawh, duh bâkah ka hmangaih tel tawh tlat a ni.
Tunah dâr 12 a pêl tawh, a muhìl tawh ang, a phone chî tawh loh. Naktûkah ngei ngeiin ka phone a ngai, a fa ka pai duh loh vàng ni lovin ka hma hun ngaihtuah rih a ngaih zâwk vàngin. Hun min pêk rih ka duh, a chhûngte ka ngaihtuah phei chuan ka hma hun hi a thim mupin ka hria.
Zîngah Angel-i'n min lo phone ve teh tlat. Mizoramah a la awm em le?
"Zo, i bàn hnuah kan in luahah khân min va kalsak lawk mai ta che, ka documents min haisak tùrin ka duh che a."
"Aw le, aw le. Ka pi chuan a duat che em? Eng tik nge i lo chhuk ang?"
"Ka hre rih lo le, lo chhuk a phal rih lo viau nain awm rei ka tum tawh lo. Jail tenau a ni ringawt."
Chahbi dahna min hrilh a, ka dàwr nghahna ațangin a hla lo bawk a, dàwr nghah bànah a ni mai.
Ruatdika number chu ka hmet chhuak a, ka call nain a chhâng thei lo. A ring ral țhak, a inbual pawh a ni maithei, message ka thawn hrâm.
In ațanga ka chhuak chu Max-a pawh a in ațangin a lo chhuak ve chiah a, kan han in-morning zawk zawk a.
"Tukin chu i va chhuak hma ve!" ka ti a.
"Nia, ka kalna tùr a hla deuh a, ka chhuak hma a nih hi."
Ka rualin a kal ve zêl a, mak ka ti ang reng khawp mai.
Dàwr awmna kan thlen chuan," Hetah hian ka thawk a, ka pènsan mai ang che," tiin ka ding a, ani chuan," A ni maw? Aw le, ni hman nuam le, kan inhmu leh dáwn nia," nui sângin a ti a, a kut vai zohin a kal țan leh ta a.
Nimin lama ka lungngaihna leh thawpikna kha a bo tawh a, hlauhthàwnna nei tawh lo chuan ka nui sâng leh thei ta.
Sanju-a chuan," I hmel hmuh a nuam ta e, rawn hruaitu vàng che kha a ni thei ang em?" a ti zauh a.
"Ka thenawmpa a nih kha."
Rei kan inbe hman lo, ka thawhna tùr lamah kan kal nghal a. Tùn hnai deuh ațang hian Sanju hian min biak zauh zauh a chîng a, ka duh lutuk lo.
Kan bàn veleh min biak hmain hmanhmawh zetin Angel-i in luah panin ka kal ta dàwr dáwr a, ka thlen meuh chuan ka thlan a tla phung mai.
Chahbi a dahnaah chuan ka la nghal a, ka lut chiah a, ka inkalh hnan nghal thlap. A lum lutuk ringawt, ka thawmhnaw hâk chu ka phelh țhen a, kawr bân bùl, tawi tê pan ang reng deuh chauh tih loh chu ka inbel lo, kekawr erawh ka hlîp lo.
A document dahna chu ka hriatsa avangin ka hai nghal a, text-a min hrilh tawh avàngin ka hmu thuai a, thla lâksakin ka send nghal a.
"Eng nge i tih a?"
Ka va phu chiang tak!! Ka phone pawh ka thlauh nghal, he pa hi eng tik laiin nge a lo luh a? Ka awm tih a hre lo em ni? Ni lo, ka kalh tak alawm.
"Hei, a documents pawimawh hi a pic ka send a."
Documents darh niai chu ka dah țha vat a, ka khung fel ka inher chiah chu ka bul chêtah a lo ding tawh.
"Ka zo tawh a, ka'n haw tawh ang e."
"A la hma alawm," tiin kawng chu min kian duh ta miah lo.
Ka thin a phu rang țan, ka hlau hran miah lo va; mahse, a awm dàn hi ka duh miah lo.
"Ka hmanhmawh tawh a nia, kawng min kian rawh, Bobby."
Che sawn miah lo chuan min en a, a mit meng hur hmel zet chu ka râp țan riau, min melh dàn chu ka duh loh zâwng tak a ni lehnghal.
"I țhiannu awm loh veleh chhuanlam siamin min hmu tùrin i rawn kal a ni tiraw?"
A zak lo ka ti lutuk. Ben pawp tumin ka kutin ka tin uaih a, nghet zeta manin min kuah nghal a.
"I țhiannu nèna kan awm dun lai khân min lo thîk țhìn tih ka hria, kan awm ang khân i awm ve châk a, min hmuh theih ngang loh vàngin i insawn chhuak a ni lo'm ni? Tunah hun țha chu kan nei chiah e."
Zu rim nam huam huam chung chuan min fawh tumin a rawn kûn hnai a, ka theihtâwpa tangin ka tãl a, ka tàl chhuah theih si lohah chuan kûn hniamin a khabeah ka luin ka tauh chho bur mai a.
Comments
Post a Comment