☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆RUATDIKA☆ - 31 By Dingdi Pachuau
"I pi pawisa kha i duh a ni tiraw? Ka in chhûnga i thil leiho man hù nèn ka lo chhût ang a, ka pe vek ang che u."
"Pawisa sawi tei vet suh!"
"Tunah chuan i pi pawisa min pêk chiah kha ka pe ang che, a dang chu bank ka dàwr a la ngai, cash-in ka kawl lo."
"Engati nge pawisa chungchâng hlîr i sawi a?"
"I duh vànga lo kal i ni tih ka hai lo ve!"
"Ka duh lo, pawisa ka mamawh lo!"
"Min vìn tùrin ka eng nge i nih? Eng mah i ni lo, min vìn tawh ngai suh!"
Hmanhmawh zetin ka pên chho hlawk hlawk a, min zui zêl. Inah ka luhtîr dáwn lo, ka luhtîr ai chuan zankhua pawhin pâwnah ka ding mai ang.
"Lo lût hlek suh!"
"Zorin, luhlul chhuah suh!"
"Ka thu thu!"
Lo luh a tum ve tlat avàngin ka hawng duh tlat lo, pâwnah chuan țawng miah lovin ka dinpui reng mai.
"Hawng teh, ka tui a hâl a nia."
"Saw, dàwr a hnai, va lei mai rawh."
"Pawisa ka nei lo."
Ka ngei lutuk a, chhàn pawh ka chhâng peih lo. Hetia a kiang duh lo dáwn a nih chuan in dang ka luah mai a ngai ang; chubâkah, dàwr ka nghahna a hre bawk a, hna dang ka zawn a ngai ang, a va khirh dáwn si ém!
"Max chu i inthlah hawtîr ka lo ring a nia!"
Ka chhâng lo, ka țawng lo ang. A duh duh sawi rawh se, ka ngaithla lo ang. Ka phone phawrhin ear-phone ka phawrh bawk a.
"A zei viau em? Kei nge zei? Kei angin a dìm ve che em?"
"Zorin, kan pahniha kan awm dun laia i phùr ang tho khân i phûr tho em? Ka tihphùr ang che khân a tiphûr hmasa phawt che em? Ni lo, nangmahin i thlêm hmasa zâwk a nih chuan i tiphûr hmasa tihna. Engtiang taka zeiin nge i'n chawhphùr vêl?"
Music ka play a, ngaihthlâksan daih. Ani țawng mai mai, min hmuhsitna leh min diriamna țawng hi ka ngaihthla peih lo.
Chutia kan din reng lai chuan Max ka hmu, step-ah a rawn chho mêk. Yes, zanin chu ka bialpa anga a awm mai a ngai ang, Ruatdika hnawh bo nân. Ani pawhin ka bialpaah a ngai sa tho, a harsa lo ang chu maw.
"Max?"tiin ka tlân chhuk ta nghal a. A hmuh lai hi chuan over deuh tak hian chêt ka duh, amah tih-el nân hrim hrim pawhin ka che over hlak zêl ang.
Min rawn hmu a, Ruatdika pawh a hmu nghal vat.
A bul ka thlen chuan zawi tê hian," I mi puih ka ngai, khawngaihin. Ruatdika a lo kal a, ka tih ang angin awm hrâm rawh aw?" ka ti sap a.
Ruatdika chu en chho chuan min en leh a, nui sak chungin," Teh rêng mai, darling," tiin min kuah a, step-ah chuan kan chho dùn a.
Ruatdika bul kan thlen chuan nui sâng tho hian," Darling, hei hi tunge ni?" tiin Ruatdika chu a en a.
Ruatdika chuan ngun zet hian min en dùn ràn a, a hmelah chuan thinrimna a lang chhuak chiang hle bawk. Max chu khawih duh mai hmel a put vàng chuan," Max honey, i lût hmasa dáwn em ni ang?" tiin chahbi chu a kutah ka hmehbel nghal a.
"Ni lo, mipa dang i bula an awm laiin ka luhsan thei lo ang che. Eng nge i duh, ka țhian?" tiin Ruatdika chu a en leh nghal a.
"Hei hi ka duh," tih pahin Max khabeah chuan a hnek bur mai a, a tlu hnawk mai. Ka rin loh dàn lutuka a chêt avàng chuan ka hamhaih a, ka che lawk lo; mahse, ka harh chhuah veleh chuan Ruatdika chu nam sawkin," Zahna i nei miah nange? Lo kal tawh suh, hmuh che hi ka duh tawh lo," ka ti tuar a, Max lo țhu chhuak mêk chu ka buaipui ta nghal a.
"A na em, Max?"
A nui sak a, a khabe chu dawmin," I tân chuan eng pawh ka tuar ang, ka phatsan ve dáwn lo che," a ti salh a, Ruatdika hriat theih ngei tùra sawi a ni bawk a, a la na mai mai ang chu.
"Kal sawn rawh, police koh i duh loh chuan. I hmel i rawn inlan leh a nih chuan police ka ko ngei ngei tawh bawk ang." Ka thinrim aw chu a khùr dar dar mai, he pa hi heti khawp hian a lo nunrâwngin a lo che khawlo duh hi mak ka ti! Mi kutthlâk pawh a hreh lo a nia! Ka hua, ka haw tak zet.
"Pawisa kha ka pe ang che," tiin Max chahbi ka pêk kha ka lâksak leh a, ka in luah chu hawng rawkin pawisa ka dah țhat chu ka va la a. Pâwna ka chhuah hma chuan ka thaw leh hawk hawk phawt a, ka chhuak ta chauh a.
Ruatdika hmuh tùr a lo awm tawh miah lo! A zak ve deuh pawh a ni mahna, zahna a tlachham ém mai, a ni leh lo ang. Police ka koh a hlau a ni ang.
"Max, a pawi ka ti lutuk, keimah vàng liau liauin kut i tuar si a."
A khabe chûl hauh hauh pahin," A nêp lutuk, kha aia nasa pawh kha ka la tuar thei a nia. I ex zet chu, thîkthu a pe chhe ve hle a nih dáwn kha," a ti duh lek a.
"Sawi lo teh, mipa pawh a ni lo."
Inah chuan ka hruai lût a, a khabe chu vûrin ka dehsak a, a na ngawt ang chu.
"A na viau em?"
"I lo tuar tawh zawng zawng ngaihtuah chuan nêp tak a ni."
Ka nuih sak a," Zanin chu kut i tuar si a, ei tùr ka'n siam ang e. Hmelchhepa chu a lo kal leh a nih vaih chuan police ka call tawh khawp ang," ka ti hmarh hmarh a.
"Hmelchhepa tih chu a inhmeh ka ti lo. Chuan, thu dik zawn chhuah a tum lo hi mak ka ti viau."
"Mipa ni hek lo maw le!"
A nui hak hak a, a khabe chu a dawm leh vang vang a, a nuih khân a nâ a nih ka ring.
"Max, mut dáwnah damdawi ei ngei ngei rawh aw, naktûk vêlah chuan a na viauin ka ring a ni," ka ti a.
"Min ngaihtuah mah ta che; mahse, i bialpa anga chan chu ka huphurh tawh maithei a ni," fiamthu hian a ti a, fiamthu mah ni se, ka inthiam lo viau, keimah vàng liau liau a ni si a.
"A pawi ka ti tak zet a ni."
"Chutiang sawi tawh suh, ka unaunu tân chuan thil chhe ber tawn pawh ka huam alawm."
"Ka lâwm e."
Ka ei siam pawh chu a ei țha thei meuh lo niin ka hria, a pawi ka ti a, Ruatdika ka huatna chu a zual sauh a.
Dàwr pana ka chhuah dáwn chuan a la tho lo a nih ka ring, ani hi a na ta viau em ni le? A kawngkhàr bulah chuan ka ding rèn ráwn a, kaih thawh ém chu niin ka hre bawk si lo. Ngaihtuah rilru deuh chuan ka kalsan ta a, ka awm erawh a nuam lo kher mai.
Mahse, a ngaihtuahawm lo tih leh hna thawk tùrin a chhuak tih min hrilhna dàwr ațanga ka chhuah hnuah ka hmu. Ka phone sim, Ruatdika neih kha chu ka hmang ta lo, a dang ka hman țhin tho chu ka hmang ta daih. Kha pa khân min rawn phone leh lo ang tih a hriat loh a, chuvàngin, ka hmang duh ta lo.
A reh ta vang vang rih a, ka ngaih erawh a țha vak chuang lo. Max a hnek ațanga kâr khat a liam meuh chuan ka ngaih pawh a ngam leh ta deuh, tlàwmah a la ve ta a ni ang e, ani ang mi induh tâwk tân chuan tlàwm chu a har ve khawp ang le.
Angel-i chanchin ka hre tawh lo. Min puh chhe viau mah se, a chungah rilru chhia ka pu hran chuang lo. Bobby-a'n dik lo taka thu a thlen miau chuan ani tân lo awih loh ngawt chu a har viau maithei si a; mahse, ka tân a duh chhe lutuk khân ka rilru chu a tikîr viau. Max chauh hi țhian atân chuan ka duh tâwk tawh. A felin min ngaihtuah si, mipa mah ni se ka rin ngam a ni, engkim ka hrilh vek. Ani pawhin zêp a neih ka ring bîk lo, a chanchin min hrilh vek ve tho.
Sunday a ni a, Chawhma zawng inah awmin chawhnu lamah kan chhuak a, hmuh hran hranah kan kal kual a, ani a la kal ngai bîk lo va, kei lah chuti bawk. Rin aiin hun kan hmang nuam phian, rilru refresh-na țha tak a ni.
Dinner kan kîl lai chuan," Niminah i ex kha ka hmu a," a ti a, ka phu deuh zawk; mahse, ka in-control vat.
"Khawiah maw?"
"Restaurant ka chawlh fo țhinnah maw le."
"Hetah a la awm reng tihna em ni le?"
"Ka hre lo le, mipa fel tâwk tak a niin ka hria."
Makti zet hian Max chu ka melh nghal vat a, ani erawh chuan a thil ei chauh chu a ngaihsak emaw tih tùr a ni.
"A duhnaah chuan fel teh rêng e."
"Min hnek avàng khân ngaihdam min dîl a."
Hei zet chuh, a mak leh zual!!
"A tih dik lohzia a hre chhuak ve ta a ni ang e!"
"Mipa dik tak a ni!"
"Ni lo, mipa dik tak a ni lo. Eng emaw tak tum a nei a niang, fîmkhur a ngai a nih chu. Thil dang sawi a nei em?"
"Pawi a tih thu a sawi."
"A va sawi har zâwk ve tiraw? Hei, kut a thlâkna che pawh thla khat deuhthaw a ni leh tawh a, a hre chhuak har mah mah a ni."
Ka rilru hian a ngaidam thei thlâwt lo, ka rilru hi a sual lutuk tawh a ni ang.
"I chanchin min zâwt bawk a."
"I hrilh loh hrâm ka beisei!" Ka beisei tak zet, ka bialpa a ni lo tih a hriat vaih chuan...
"Hlauthâwng suh, eng mah ka sawi lo a nia."
"Ka lâwm e." Ka thaw huai mai.
Thawhțan zàna ina ka haw chu, dâr 8 vêlah ka kawngkhàr chu a ri karh karh a, Max a nih ka ring deuh.
"Max?"
"Zorin, kawngka lo hawng teh!"
Zaklova leh bawk! Ka thin a phu nghal dup dup mai, a haw chho tawh ang chu tih nakalaiin.
"Thlâwk bo rawh!"
"Ka be duh che a nia."
"Ka be duh lo che!"
"Zorin, inbe lawk ang aw."
"Kal bo rawh, ka ngaithla duh lo che."
Ka ti lutuk mah mah em aw chu ka ti deuh. Min nunrâwng lutuk anga chêt chu nuam ka ti bîk miah lo; mahse, tunah rih hi chuan ka hmuin ka be peih thlâwt lo.
"Min biak duh hma chu ka lo nghâk reng ang che, ka lo kal zêl ang."
"Lo kal duh suh, ka be peih thlâwt lo che."
"Ka nghâk thei che."
Zahna chhe tê pawh a nei lo, min nghâk mah se, eng atân mah ka ti lo. Min hnâwltu leh min diriamtu a nih hi. Ani nghah pawh ka ngai lo, a tel lovin ka nun hi ka hmang thei chiang ém mai.
Zînga Max nèn pâwna kan inhmuh chuan nui sâng hian," Morning, nizànah i kawngkhàr bulah khân i ex kha a lo ding reng a," a ti a, ngun zet hian min en bawk a.
"Dàr eng tikah nge i lo haw?"
"Dâr 11 vêl khân."
A nih tak chu. Dâr 8 vêla luh min dîl kha Max lo haw dâr 11 thleng a lo la awm reng a nih àwm chu.
"I hmuh leh pawhin be miah suh."
"Mahse, Jorin, amahin min biak miau si chuan ka chhâng lo thei nâng."
"A dik tho mai. I bia a nih pawhin ka chanchin a zawh che chuan hrilh miah suh aw."
"Aw le, ka hria alawm. I haw ve sia tiraw?"
"Aw, ka hua."
"I duh hle tihna a ni thei ang em?"
"Eng maw?!! Teuh lo, ka duh tawh teuh lo!!"
Min en chuan a nui var var a.
"Ka fiamthu a nih kha."
"Fiamthu pawhin sawi tawh suh," ka lo ti thung a.
A hnuah chuan Max thil sawi chu ka ngaihtuah reuh reuh a. A dikna chen a awm ve tlat, duh lo hle mah ila. Ka duh alawm, ni lo, ka duh 'țhìn' zâwk. Ka duh em ém țhìn, a zùnah ka uai ngawih ngawih țhìn a nih kha, ka zêp lo ve; mahse, tunah ve thung hian eng nge ka lakah hian a nih tâk? Duhna ka la nei em?
"Nei e, i hmangaih alawm," ka thinlung chhûng ațang aw chuan a rawn ti sar sar a.
"I duh, i duh lutuk. I hmangaih a i duh ém vàngin i thinlung pawh a na rêng a ni," a rawn ti leh.
Nih, tunah ka huat ém si hi?
"I thinlung nâin a hneh rih vàng che a nih kha."
Ni lo, ka haw lutuk. Mipa ni hlei lo chu ngaihzàwn pawh ka duh lo, pasal atân hlauh phei chuan mipa, thil engkim a nihna dik taka chhui chhuak thlap țhìn, mi thu sawia buai ve mai lo leh thu dik tak a ni tih hriat hnu chauha thu tlûkna siam chi chauh ka duh.
Zànah a rawn kal ta ziah mai, kawng hawnsaka inbiak dun min rawn dîl ziah, keiin ka lo hnar ziah bawk. A tûkah Max hian Ruatdika, ka kawngkhàr bula a hmuh thu min hrilh ziah bawk. A duh phawt chuan lo awm ve mai mai rawh se, ka hawn àwm chuang lo. Kâr hnih khat hnuah chuan a peih tawp nâng.
Mahse, kâr hnih a liam a, lo kal a țhulh chuang lo. Zan tin a hun pangngaiah a lo kal ziah a, kawngka hawnsak tùrin min ngèn ziah bawk.
Max chuan," Darling, inngaihtuah chiang deuh teh, i ti deuh mah mah tawh a ni. I inhmeh lo a nia, ngaidam la, renew leh r'u ka ti miah lo; mahse, be ve tal rawh, a thu sawi tùr ngaihthlâksak ve tawh rawh ka ti a ni," a ti dap dap a.
"Hm, thla khat a tih peih phawt chuan ka be mahna!"
"A duh tak zet che tih ka hre thei tawh a ni, i hlimna hi ka duhsak ém ém che. I biak duh loh hian maw, nangmah pawh i intihrehawm a, kei pawhin hrehawm ka lo ti, a chhan chu nangmah i intihrehawm miau si a."
"Max, ka nun a râwng i ti em?"
"Ti lo ve, Jorin. I tawrhzia leh nâ i tihzia ka hria alawm; mahse, a be duh che a, heti chen hi a nghâkin a ngèn tawh che a, a thu sawi i ngaihthlâk vàngin i tawrh phah leh dáwn tihna pawh a ni lo va, ngaithla tùrin ka duh che; mahse, i thu thu a nia."
"Aw le, thla khat hnu lamah aw, nangmah vàng liau liauin min be thei ang."
"Ka lâwm e, Jorin. Mi fel i ni ka tih tawh kha, khami thu-ah khân ka la ding reng a ni."
Max nungchang hi ka hre chiang tel telh a, mi fel a tling ka ti ngawih ngawih. Mi țhat lohna hi a hmuh kân thiam a, țhatna lai a thur chhuak thiam tlat. A bulah hi chuan a sual tak tak theihin ka ring lo, mi fak phùr dàn a thiam bâkah țhatna laiah mi fak a hreh miah lo.
Thla khat a ral hnuah pawh Ruatdika chuan lo kal a țhulh chuang lo. A ngai têin a rawn kik leh a, inbiak a duh thu chu a rawn sawi leh a. Max text ka dawng nghal.
*Thla khat a tling tawh aw, ni thumin a pèl tawh.* tih zawng hi.
'Be rawh, a thu sawi i ngaihthla thei tawh, i thu sawi kha hre reng la' a tihna ang a ni. A bulah khân 'thla khat chhûng, zan tin a lo kal peih phawt chuan ka be mahna' tiin ka sawi tawh tlat.
Um, ka sawi ve lo thei tho, a thu sawi ngaihthlâk chu a sualna a awm hran nâng, keimah ka pawimawh zâwk. A thu sawi ngaihthlâk ringawt chuan min tichhe lo tawp ang. Bâkah, a pawisa ka bat ( a pi pawisa a ni mah zâwk) kha pêk ka duh, bâ neih ka duh lo. La duh lo mah se, ka pe tho ang.
"I lo lût thei ang; mahse, chhuak tùra ka duh hunah che erawh i chhuak tùr a ni."
"Ka lâwm e."
Ka khâwng fawk châk. Inla- polite leh lutuk, ka ei hlawl lo.
A lo lût a; ka țhu duh lo, ka ding tlat.
"Min hlau em ni? Lo țhu la?"
"I sawi duh chu sawi thuai mai rawh."
A dár a chhìn ãk a, ngun zeta min en vang vang phawt a.
"Sawi tùr i neih loh chuan i chhuak thei ang. Chumi hmain, hei i pi pawisa min pêk, ka pe lêt nghal ang che," ka ti hmak a, pawisa chu a țhutna bulah chuan ka theh thla a, a tam lo, sângnga chauh a ni.
"Zorin, min nunrâwng ber anga nun hi i inhmeh miah lo a nia."
A țawng chhuak chu a dam dap. A thinchhiat teh rêng nèn, a in-control ve nasa ang chu aw.
"Ka nihna dik tak i hre chhuak ta alawm, ka nihna a ni."
"Ni lo, mi nunrâwng tak angin i awm der mai mai a nih hi."
"Chumi sawi tùr chauh chuan em ni i lo kal? Ka hre tawh e, i chhuak thei tawh ang."
"Zorin, i thinrimzia leh ka tihnatzia che ka hria alawm; mahse, nang pawhin min bum ve tho a."
A rawn sawi chhuak leh ta.
"Ka hre hnê tawh a nia, chhuak mai teh!"
"Engtizia nge Max hi i bialpa anga min ngaihtîr i tum tlat? Min bum i tumna a ni. I bialpa a ni lo tih i hre chiang ber àwm si a."
A hre chhuak a ni mai em? Nge min chhimbudawi zâwk?
"I lo hriat ve kher a ngai lo ve!"
"Ngai teh rêng mai. I țhenawmpa a ni, i bialpa ni lovin."
"Ka bialpa a ni emaw ni lo emaw lo sawi tùr i nei lo."
"Ka hmuh țantirha ka thinrimzia kha, ka thîk vàngin ka hnek nghe nghe a nih kha. Mahse, ka lo tidik lo va, ngaihdam pawh ka dîl tawh a ni."
A tihdik loh zawng zawng hi hre chhuak ta se, ngaihdam min dîl tlut tlut dáwn em ni?
"'I tițha hle mai' tia ka sawi i phût a nih chuan ka sawi dáwn lo, i tih tùr i ti a ni mai."
Mit khap miah lovin min en a, kei erawh chuan ka en duh vak lo. Ka rilru ka tihkhauh sauh sauh a ngai, ka en reng chuan ka nêm ang tih ka hlau ru deuh, a hmêl țhat ngaiin a la țha reng si a. Ni lo, a hmél a țha leh lo, a chhia, a chhe lutuk.
"Heti khawp hian i nungchang hi ka lo tihdanglamsak thei ang che tih ka hre phâk miah lo!"
A ni dáwn rêng asin, ka nungchang kha zet hi amah vàng liau liau a ni. Max hian min kàwm tlat lo phei se chuan, tunah pawh hian min hmu lo ang a, ka in chhûngah pawh hian a awm lo tawp ang.
"Kha lam kha chu duh tâwk teh, minute 15 i awm tawh a nia, i thil sawi kha a ho tlat."
Ka va sual thiam tak.
"Mipa ka ni a, mipa takin thil ka ti ta rêng a ni."
Ka nui hawk, hei zet chu, deusawhna nui ri a ni, ani pawhin a hre chiang khawp ang chu.
"Mipa pawh i ni lo!"
A rawn tho hluai a, min rawn pan nghal.
"Min rawn tawk hlek suh!"
Hmeichhia kut a thlâk ngai lo; mahse, a thinrim lutuk a, ka hlau tho. Min hnek ang tih ka hlau thut, Max a hnek ang khân.
Bang a hnek ri dawp mai, ka phu nasa lutuk. Mipa ni lo tih chu a haw ve hle mai, a pianah mipa ni mah se a nungchang leh a nun dàna mipa ka lo ngaih sàn țhìn ang kha a nunah ka hmu miau lo alawm, mipa chuan thu dik a zawng chhuak phawt ang, thu tlûkna a siam hmain.
"Min tihhrehawmzia hi i hria em?"
Hrehawm a ti maw? Engtin nge kei hian ka tihhrehawm a? Ka hre hauh lo. Amah hian min tihrehawm fé, ka thinlung pawh a tinâ. En pawh ka en duh lo, min tinatu hian ka en hi a phû lo.
"Mipa ka nih hi, mipa dik tak. Mipa dik tak ka nihna angin i hmaah ka rawn inlan a, ka tlâwm ta rêng a nih hi."
"I tlâwm hlawl lo!"
"Zorin, eng tianga tlâwm tùrin nge min phût? Mipa induh ve tâwk tak ka nih hi, ka induh tâwkna pawh paih bovin ka rawn pan che a ni a."
Ka inher vat a," Mipa dik tak chuan thu dik a hriat hma chuan mi thu sawi mai mai a awih ngai lo," ka ti țhat a, chhuata a țhingțhi ka hmuh chuan makti zet hian ka en a, inher vatin ka hnungchhawn a.
"Tho vat rawh, ka hmu lo che." Hetiang tùr ém chuan ka beisei pha lo, ka duh miah lo. Mipa chu a țùl hunah chuan a tlâwm tùr a ni; mahse, tuna ka hmuh ang chi hi chu ka duh lo, ka hmaah hlauh phei chuan.
"Zorin, ka tlâwm ka tih tawh kha!"
"Khatiang khân awm suh, awm tawh ngai suh. Tu bulah mah awm tawh ngai suh ang che."
"Ka nun ațanga ka hloh tawh, a tel lova ka awm theih si loh lâk lêt nân chuan eng tiang pawhin ka tlâwm mai ang, ka hmuh lêt theihna a nih dáwn phawt chuan."
Ka tel lovin a awm thei lo maw? Ni lo, min hneh a tumna hmanrua a nih hi.
"Zorin, ka thil hriat zawng zawngte kha thu dik zawn hmuh tum lova ka lo awih ringawt vàngin nang leh kei hian kan tuar a ni, keiin ka tawrhtîr che a, thiam lohna pakhat mah nei miah lo kha."
"Ka tidik lo a ni," harsa tih hmel zet hian a ti sup a, sawi a hreh ve ngawt ang. Inti-mipa ve tâwk tak a ni si a.
"I hre chhuak ta maw?"
"Mipa hming dang a lo rîk khân ka thîk em a ni, hloh che ka hlau a, ka hloh ta rêng che a, chu pawh ka tihdik loh vàng liau liauin."
"Phone-ah ka rawn sawi fiah reng kha."
"Ni e, ka hria; mahse, rinhlelhna leh thîkna khân min ei chhe hneh lutuk a, thlalâkah i lang chiang bawk si nèn, ka lo awih ta mai a ni."
"Bobby chuan thlalâk a rawn thawn maw?"
"Thawn e, i thawmhnaw hâk kha... thawmhnaw pawh a ni lo."
A dik ang, khami zàn khân a lum viau a nih kha, chuvàngin ka inhlîp țhen rêng a ni.
"Min ringhlel kha a mak rêng a ni," ka ti țâlh a.
"Thîknain ka khat tlat atin ni."
"Ka phatsan che i ring kha mak ka la ti tho."
"Ni e, khatih lai khân eng rilru nge ka put teh rêng ni? Thlalâk ka hmuh chiah khân ka alh chhuak vek a ni mai."
"Tunah chuan engkim ka hre chhuak vek tawh, thiamthu sawi tùr pakhat mah ka nei lo. Mahse, i tel lova nun hman leh chu ka duh tawh lo a ni."
Engtin nge ka tih tâk ang? Ka rilru chu a nêm leh tawh nasa mai si a, ka țang rei ngût ang em?
"I pi pawisa kha i duh a ni tiraw? Ka in chhûnga i thil leiho man hù nèn ka lo chhût ang a, ka pe vek ang che u."
"Pawisa sawi tei vet suh!"
"Tunah chuan i pi pawisa min pêk chiah kha ka pe ang che, a dang chu bank ka dàwr a la ngai, cash-in ka kawl lo."
"Engati nge pawisa chungchâng hlîr i sawi a?"
"I duh vànga lo kal i ni tih ka hai lo ve!"
"Ka duh lo, pawisa ka mamawh lo!"
"Min vìn tùrin ka eng nge i nih? Eng mah i ni lo, min vìn tawh ngai suh!"
Hmanhmawh zetin ka pên chho hlawk hlawk a, min zui zêl. Inah ka luhtîr dáwn lo, ka luhtîr ai chuan zankhua pawhin pâwnah ka ding mai ang.
"Lo lût hlek suh!"
"Zorin, luhlul chhuah suh!"
"Ka thu thu!"
Lo luh a tum ve tlat avàngin ka hawng duh tlat lo, pâwnah chuan țawng miah lovin ka dinpui reng mai.
"Hawng teh, ka tui a hâl a nia."
"Saw, dàwr a hnai, va lei mai rawh."
"Pawisa ka nei lo."
Ka ngei lutuk a, chhàn pawh ka chhâng peih lo. Hetia a kiang duh lo dáwn a nih chuan in dang ka luah mai a ngai ang; chubâkah, dàwr ka nghahna a hre bawk a, hna dang ka zawn a ngai ang, a va khirh dáwn si ém!
"Max chu i inthlah hawtîr ka lo ring a nia!"
Ka chhâng lo, ka țawng lo ang. A duh duh sawi rawh se, ka ngaithla lo ang. Ka phone phawrhin ear-phone ka phawrh bawk a.
"A zei viau em? Kei nge zei? Kei angin a dìm ve che em?"
"Zorin, kan pahniha kan awm dun laia i phùr ang tho khân i phûr tho em? Ka tihphùr ang che khân a tiphûr hmasa phawt che em? Ni lo, nangmahin i thlêm hmasa zâwk a nih chuan i tiphûr hmasa tihna. Engtiang taka zeiin nge i'n chawhphùr vêl?"
Music ka play a, ngaihthlâksan daih. Ani țawng mai mai, min hmuhsitna leh min diriamna țawng hi ka ngaihthla peih lo.
Chutia kan din reng lai chuan Max ka hmu, step-ah a rawn chho mêk. Yes, zanin chu ka bialpa anga a awm mai a ngai ang, Ruatdika hnawh bo nân. Ani pawhin ka bialpaah a ngai sa tho, a harsa lo ang chu maw.
"Max?"tiin ka tlân chhuk ta nghal a. A hmuh lai hi chuan over deuh tak hian chêt ka duh, amah tih-el nân hrim hrim pawhin ka che over hlak zêl ang.
Min rawn hmu a, Ruatdika pawh a hmu nghal vat.
A bul ka thlen chuan zawi tê hian," I mi puih ka ngai, khawngaihin. Ruatdika a lo kal a, ka tih ang angin awm hrâm rawh aw?" ka ti sap a.
Ruatdika chu en chho chuan min en leh a, nui sak chungin," Teh rêng mai, darling," tiin min kuah a, step-ah chuan kan chho dùn a.
Ruatdika bul kan thlen chuan nui sâng tho hian," Darling, hei hi tunge ni?" tiin Ruatdika chu a en a.
Ruatdika chuan ngun zet hian min en dùn ràn a, a hmelah chuan thinrimna a lang chhuak chiang hle bawk. Max chu khawih duh mai hmel a put vàng chuan," Max honey, i lût hmasa dáwn em ni ang?" tiin chahbi chu a kutah ka hmehbel nghal a.
"Ni lo, mipa dang i bula an awm laiin ka luhsan thei lo ang che. Eng nge i duh, ka țhian?" tiin Ruatdika chu a en leh nghal a.
"Hei hi ka duh," tih pahin Max khabeah chuan a hnek bur mai a, a tlu hnawk mai. Ka rin loh dàn lutuka a chêt avàng chuan ka hamhaih a, ka che lawk lo; mahse, ka harh chhuah veleh chuan Ruatdika chu nam sawkin," Zahna i nei miah nange? Lo kal tawh suh, hmuh che hi ka duh tawh lo," ka ti tuar a, Max lo țhu chhuak mêk chu ka buaipui ta nghal a.
"A na em, Max?"
A nui sak a, a khabe chu dawmin," I tân chuan eng pawh ka tuar ang, ka phatsan ve dáwn lo che," a ti salh a, Ruatdika hriat theih ngei tùra sawi a ni bawk a, a la na mai mai ang chu.
"Kal sawn rawh, police koh i duh loh chuan. I hmel i rawn inlan leh a nih chuan police ka ko ngei ngei tawh bawk ang." Ka thinrim aw chu a khùr dar dar mai, he pa hi heti khawp hian a lo nunrâwngin a lo che khawlo duh hi mak ka ti! Mi kutthlâk pawh a hreh lo a nia! Ka hua, ka haw tak zet.
"Pawisa kha ka pe ang che," tiin Max chahbi ka pêk kha ka lâksak leh a, ka in luah chu hawng rawkin pawisa ka dah țhat chu ka va la a. Pâwna ka chhuah hma chuan ka thaw leh hawk hawk phawt a, ka chhuak ta chauh a.
Ruatdika hmuh tùr a lo awm tawh miah lo! A zak ve deuh pawh a ni mahna, zahna a tlachham ém mai, a ni leh lo ang. Police ka koh a hlau a ni ang.
"Max, a pawi ka ti lutuk, keimah vàng liau liauin kut i tuar si a."
A khabe chûl hauh hauh pahin," A nêp lutuk, kha aia nasa pawh kha ka la tuar thei a nia. I ex zet chu, thîkthu a pe chhe ve hle a nih dáwn kha," a ti duh lek a.
"Sawi lo teh, mipa pawh a ni lo."
Inah chuan ka hruai lût a, a khabe chu vûrin ka dehsak a, a na ngawt ang chu.
"A na viau em?"
"I lo tuar tawh zawng zawng ngaihtuah chuan nêp tak a ni."
Ka nuih sak a," Zanin chu kut i tuar si a, ei tùr ka'n siam ang e. Hmelchhepa chu a lo kal leh a nih vaih chuan police ka call tawh khawp ang," ka ti hmarh hmarh a.
"Hmelchhepa tih chu a inhmeh ka ti lo. Chuan, thu dik zawn chhuah a tum lo hi mak ka ti viau."
"Mipa ni hek lo maw le!"
A nui hak hak a, a khabe chu a dawm leh vang vang a, a nuih khân a nâ a nih ka ring.
"Max, mut dáwnah damdawi ei ngei ngei rawh aw, naktûk vêlah chuan a na viauin ka ring a ni," ka ti a.
"Min ngaihtuah mah ta che; mahse, i bialpa anga chan chu ka huphurh tawh maithei a ni," fiamthu hian a ti a, fiamthu mah ni se, ka inthiam lo viau, keimah vàng liau liau a ni si a.
"A pawi ka ti tak zet a ni."
"Chutiang sawi tawh suh, ka unaunu tân chuan thil chhe ber tawn pawh ka huam alawm."
"Ka lâwm e."
Ka ei siam pawh chu a ei țha thei meuh lo niin ka hria, a pawi ka ti a, Ruatdika ka huatna chu a zual sauh a.
Dàwr pana ka chhuah dáwn chuan a la tho lo a nih ka ring, ani hi a na ta viau em ni le? A kawngkhàr bulah chuan ka ding rèn ráwn a, kaih thawh ém chu niin ka hre bawk si lo. Ngaihtuah rilru deuh chuan ka kalsan ta a, ka awm erawh a nuam lo kher mai.
Mahse, a ngaihtuahawm lo tih leh hna thawk tùrin a chhuak tih min hrilhna dàwr ațanga ka chhuah hnuah ka hmu. Ka phone sim, Ruatdika neih kha chu ka hmang ta lo, a dang ka hman țhin tho chu ka hmang ta daih. Kha pa khân min rawn phone leh lo ang tih a hriat loh a, chuvàngin, ka hmang duh ta lo.
A reh ta vang vang rih a, ka ngaih erawh a țha vak chuang lo. Max a hnek ațanga kâr khat a liam meuh chuan ka ngaih pawh a ngam leh ta deuh, tlàwmah a la ve ta a ni ang e, ani ang mi induh tâwk tân chuan tlàwm chu a har ve khawp ang le.
Angel-i chanchin ka hre tawh lo. Min puh chhe viau mah se, a chungah rilru chhia ka pu hran chuang lo. Bobby-a'n dik lo taka thu a thlen miau chuan ani tân lo awih loh ngawt chu a har viau maithei si a; mahse, ka tân a duh chhe lutuk khân ka rilru chu a tikîr viau. Max chauh hi țhian atân chuan ka duh tâwk tawh. A felin min ngaihtuah si, mipa mah ni se ka rin ngam a ni, engkim ka hrilh vek. Ani pawhin zêp a neih ka ring bîk lo, a chanchin min hrilh vek ve tho.
Sunday a ni a, Chawhma zawng inah awmin chawhnu lamah kan chhuak a, hmuh hran hranah kan kal kual a, ani a la kal ngai bîk lo va, kei lah chuti bawk. Rin aiin hun kan hmang nuam phian, rilru refresh-na țha tak a ni.
Dinner kan kîl lai chuan," Niminah i ex kha ka hmu a," a ti a, ka phu deuh zawk; mahse, ka in-control vat.
"Khawiah maw?"
"Restaurant ka chawlh fo țhinnah maw le."
"Hetah a la awm reng tihna em ni le?"
"Ka hre lo le, mipa fel tâwk tak a niin ka hria."
Makti zet hian Max chu ka melh nghal vat a, ani erawh chuan a thil ei chauh chu a ngaihsak emaw tih tùr a ni.
"A duhnaah chuan fel teh rêng e."
"Min hnek avàng khân ngaihdam min dîl a."
Hei zet chuh, a mak leh zual!!
"A tih dik lohzia a hre chhuak ve ta a ni ang e!"
"Mipa dik tak a ni!"
"Ni lo, mipa dik tak a ni lo. Eng emaw tak tum a nei a niang, fîmkhur a ngai a nih chu. Thil dang sawi a nei em?"
"Pawi a tih thu a sawi."
"A va sawi har zâwk ve tiraw? Hei, kut a thlâkna che pawh thla khat deuhthaw a ni leh tawh a, a hre chhuak har mah mah a ni."
Ka rilru hian a ngaidam thei thlâwt lo, ka rilru hi a sual lutuk tawh a ni ang.
"I chanchin min zâwt bawk a."
"I hrilh loh hrâm ka beisei!" Ka beisei tak zet, ka bialpa a ni lo tih a hriat vaih chuan...
"Hlauthâwng suh, eng mah ka sawi lo a nia."
"Ka lâwm e." Ka thaw huai mai.
Thawhțan zàna ina ka haw chu, dâr 8 vêlah ka kawngkhàr chu a ri karh karh a, Max a nih ka ring deuh.
"Max?"
"Zorin, kawngka lo hawng teh!"
Zaklova leh bawk! Ka thin a phu nghal dup dup mai, a haw chho tawh ang chu tih nakalaiin.
"Thlâwk bo rawh!"
"Ka be duh che a nia."
"Ka be duh lo che!"
"Zorin, inbe lawk ang aw."
"Kal bo rawh, ka ngaithla duh lo che."
Ka ti lutuk mah mah em aw chu ka ti deuh. Min nunrâwng lutuk anga chêt chu nuam ka ti bîk miah lo; mahse, tunah rih hi chuan ka hmuin ka be peih thlâwt lo.
"Min biak duh hma chu ka lo nghâk reng ang che, ka lo kal zêl ang."
"Lo kal duh suh, ka be peih thlâwt lo che."
"Ka nghâk thei che."
Zahna chhe tê pawh a nei lo, min nghâk mah se, eng atân mah ka ti lo. Min hnâwltu leh min diriamtu a nih hi. Ani nghah pawh ka ngai lo, a tel lovin ka nun hi ka hmang thei chiang ém mai.
Zînga Max nèn pâwna kan inhmuh chuan nui sâng hian," Morning, nizànah i kawngkhàr bulah khân i ex kha a lo ding reng a," a ti a, ngun zet hian min en bawk a.
"Dàr eng tikah nge i lo haw?"
"Dâr 11 vêl khân."
A nih tak chu. Dâr 8 vêla luh min dîl kha Max lo haw dâr 11 thleng a lo la awm reng a nih àwm chu.
"I hmuh leh pawhin be miah suh."
"Mahse, Jorin, amahin min biak miau si chuan ka chhâng lo thei nâng."
"A dik tho mai. I bia a nih pawhin ka chanchin a zawh che chuan hrilh miah suh aw."
"Aw le, ka hria alawm. I haw ve sia tiraw?"
"Aw, ka hua."
"I duh hle tihna a ni thei ang em?"
"Eng maw?!! Teuh lo, ka duh tawh teuh lo!!"
Min en chuan a nui var var a.
"Ka fiamthu a nih kha."
"Fiamthu pawhin sawi tawh suh," ka lo ti thung a.
A hnuah chuan Max thil sawi chu ka ngaihtuah reuh reuh a. A dikna chen a awm ve tlat, duh lo hle mah ila. Ka duh alawm, ni lo, ka duh 'țhìn' zâwk. Ka duh em ém țhìn, a zùnah ka uai ngawih ngawih țhìn a nih kha, ka zêp lo ve; mahse, tunah ve thung hian eng nge ka lakah hian a nih tâk? Duhna ka la nei em?
"Nei e, i hmangaih alawm," ka thinlung chhûng ațang aw chuan a rawn ti sar sar a.
"I duh, i duh lutuk. I hmangaih a i duh ém vàngin i thinlung pawh a na rêng a ni," a rawn ti leh.
Nih, tunah ka huat ém si hi?
"I thinlung nâin a hneh rih vàng che a nih kha."
Ni lo, ka haw lutuk. Mipa ni hlei lo chu ngaihzàwn pawh ka duh lo, pasal atân hlauh phei chuan mipa, thil engkim a nihna dik taka chhui chhuak thlap țhìn, mi thu sawia buai ve mai lo leh thu dik tak a ni tih hriat hnu chauha thu tlûkna siam chi chauh ka duh.
Zànah a rawn kal ta ziah mai, kawng hawnsaka inbiak dun min rawn dîl ziah, keiin ka lo hnar ziah bawk. A tûkah Max hian Ruatdika, ka kawngkhàr bula a hmuh thu min hrilh ziah bawk. A duh phawt chuan lo awm ve mai mai rawh se, ka hawn àwm chuang lo. Kâr hnih khat hnuah chuan a peih tawp nâng.
Mahse, kâr hnih a liam a, lo kal a țhulh chuang lo. Zan tin a hun pangngaiah a lo kal ziah a, kawngka hawnsak tùrin min ngèn ziah bawk.
Max chuan," Darling, inngaihtuah chiang deuh teh, i ti deuh mah mah tawh a ni. I inhmeh lo a nia, ngaidam la, renew leh r'u ka ti miah lo; mahse, be ve tal rawh, a thu sawi tùr ngaihthlâksak ve tawh rawh ka ti a ni," a ti dap dap a.
"Hm, thla khat a tih peih phawt chuan ka be mahna!"
"A duh tak zet che tih ka hre thei tawh a ni, i hlimna hi ka duhsak ém ém che. I biak duh loh hian maw, nangmah pawh i intihrehawm a, kei pawhin hrehawm ka lo ti, a chhan chu nangmah i intihrehawm miau si a."
"Max, ka nun a râwng i ti em?"
"Ti lo ve, Jorin. I tawrhzia leh nâ i tihzia ka hria alawm; mahse, a be duh che a, heti chen hi a nghâkin a ngèn tawh che a, a thu sawi i ngaihthlâk vàngin i tawrh phah leh dáwn tihna pawh a ni lo va, ngaithla tùrin ka duh che; mahse, i thu thu a nia."
"Aw le, thla khat hnu lamah aw, nangmah vàng liau liauin min be thei ang."
"Ka lâwm e, Jorin. Mi fel i ni ka tih tawh kha, khami thu-ah khân ka la ding reng a ni."
Max nungchang hi ka hre chiang tel telh a, mi fel a tling ka ti ngawih ngawih. Mi țhat lohna hi a hmuh kân thiam a, țhatna lai a thur chhuak thiam tlat. A bulah hi chuan a sual tak tak theihin ka ring lo, mi fak phùr dàn a thiam bâkah țhatna laiah mi fak a hreh miah lo.
Thla khat a ral hnuah pawh Ruatdika chuan lo kal a țhulh chuang lo. A ngai têin a rawn kik leh a, inbiak a duh thu chu a rawn sawi leh a. Max text ka dawng nghal.
*Thla khat a tling tawh aw, ni thumin a pèl tawh.* tih zawng hi.
'Be rawh, a thu sawi i ngaihthla thei tawh, i thu sawi kha hre reng la' a tihna ang a ni. A bulah khân 'thla khat chhûng, zan tin a lo kal peih phawt chuan ka be mahna' tiin ka sawi tawh tlat.
Um, ka sawi ve lo thei tho, a thu sawi ngaihthlâk chu a sualna a awm hran nâng, keimah ka pawimawh zâwk. A thu sawi ngaihthlâk ringawt chuan min tichhe lo tawp ang. Bâkah, a pawisa ka bat ( a pi pawisa a ni mah zâwk) kha pêk ka duh, bâ neih ka duh lo. La duh lo mah se, ka pe tho ang.
"I lo lût thei ang; mahse, chhuak tùra ka duh hunah che erawh i chhuak tùr a ni."
"Ka lâwm e."
Ka khâwng fawk châk. Inla- polite leh lutuk, ka ei hlawl lo.
A lo lût a; ka țhu duh lo, ka ding tlat.
"Min hlau em ni? Lo țhu la?"
"I sawi duh chu sawi thuai mai rawh."
A dár a chhìn ãk a, ngun zeta min en vang vang phawt a.
"Sawi tùr i neih loh chuan i chhuak thei ang. Chumi hmain, hei i pi pawisa min pêk, ka pe lêt nghal ang che," ka ti hmak a, pawisa chu a țhutna bulah chuan ka theh thla a, a tam lo, sângnga chauh a ni.
"Zorin, min nunrâwng ber anga nun hi i inhmeh miah lo a nia."
A țawng chhuak chu a dam dap. A thinchhiat teh rêng nèn, a in-control ve nasa ang chu aw.
"Ka nihna dik tak i hre chhuak ta alawm, ka nihna a ni."
"Ni lo, mi nunrâwng tak angin i awm der mai mai a nih hi."
"Chumi sawi tùr chauh chuan em ni i lo kal? Ka hre tawh e, i chhuak thei tawh ang."
"Zorin, i thinrimzia leh ka tihnatzia che ka hria alawm; mahse, nang pawhin min bum ve tho a."
A rawn sawi chhuak leh ta.
"Ka hre hnê tawh a nia, chhuak mai teh!"
"Engtizia nge Max hi i bialpa anga min ngaihtîr i tum tlat? Min bum i tumna a ni. I bialpa a ni lo tih i hre chiang ber àwm si a."
A hre chhuak a ni mai em? Nge min chhimbudawi zâwk?
"I lo hriat ve kher a ngai lo ve!"
"Ngai teh rêng mai. I țhenawmpa a ni, i bialpa ni lovin."
"Ka bialpa a ni emaw ni lo emaw lo sawi tùr i nei lo."
"Ka hmuh țantirha ka thinrimzia kha, ka thîk vàngin ka hnek nghe nghe a nih kha. Mahse, ka lo tidik lo va, ngaihdam pawh ka dîl tawh a ni."
A tihdik loh zawng zawng hi hre chhuak ta se, ngaihdam min dîl tlut tlut dáwn em ni?
"'I tițha hle mai' tia ka sawi i phût a nih chuan ka sawi dáwn lo, i tih tùr i ti a ni mai."
Mit khap miah lovin min en a, kei erawh chuan ka en duh vak lo. Ka rilru ka tihkhauh sauh sauh a ngai, ka en reng chuan ka nêm ang tih ka hlau ru deuh, a hmêl țhat ngaiin a la țha reng si a. Ni lo, a hmél a țha leh lo, a chhia, a chhe lutuk.
"Heti khawp hian i nungchang hi ka lo tihdanglamsak thei ang che tih ka hre phâk miah lo!"
A ni dáwn rêng asin, ka nungchang kha zet hi amah vàng liau liau a ni. Max hian min kàwm tlat lo phei se chuan, tunah pawh hian min hmu lo ang a, ka in chhûngah pawh hian a awm lo tawp ang.
"Kha lam kha chu duh tâwk teh, minute 15 i awm tawh a nia, i thil sawi kha a ho tlat."
Ka va sual thiam tak.
"Mipa ka ni a, mipa takin thil ka ti ta rêng a ni."
Ka nui hawk, hei zet chu, deusawhna nui ri a ni, ani pawhin a hre chiang khawp ang chu.
"Mipa pawh i ni lo!"
A rawn tho hluai a, min rawn pan nghal.
"Min rawn tawk hlek suh!"
Hmeichhia kut a thlâk ngai lo; mahse, a thinrim lutuk a, ka hlau tho. Min hnek ang tih ka hlau thut, Max a hnek ang khân.
Bang a hnek ri dawp mai, ka phu nasa lutuk. Mipa ni lo tih chu a haw ve hle mai, a pianah mipa ni mah se a nungchang leh a nun dàna mipa ka lo ngaih sàn țhìn ang kha a nunah ka hmu miau lo alawm, mipa chuan thu dik a zawng chhuak phawt ang, thu tlûkna a siam hmain.
"Min tihhrehawmzia hi i hria em?"
Hrehawm a ti maw? Engtin nge kei hian ka tihhrehawm a? Ka hre hauh lo. Amah hian min tihrehawm fé, ka thinlung pawh a tinâ. En pawh ka en duh lo, min tinatu hian ka en hi a phû lo.
"Mipa ka nih hi, mipa dik tak. Mipa dik tak ka nihna angin i hmaah ka rawn inlan a, ka tlâwm ta rêng a nih hi."
"I tlâwm hlawl lo!"
"Zorin, eng tianga tlâwm tùrin nge min phût? Mipa induh ve tâwk tak ka nih hi, ka induh tâwkna pawh paih bovin ka rawn pan che a ni a."
Ka inher vat a," Mipa dik tak chuan thu dik a hriat hma chuan mi thu sawi mai mai a awih ngai lo," ka ti țhat a, chhuata a țhingțhi ka hmuh chuan makti zet hian ka en a, inher vatin ka hnungchhawn a.
"Tho vat rawh, ka hmu lo che." Hetiang tùr ém chuan ka beisei pha lo, ka duh miah lo. Mipa chu a țùl hunah chuan a tlâwm tùr a ni; mahse, tuna ka hmuh ang chi hi chu ka duh lo, ka hmaah hlauh phei chuan.
"Zorin, ka tlâwm ka tih tawh kha!"
"Khatiang khân awm suh, awm tawh ngai suh. Tu bulah mah awm tawh ngai suh ang che."
"Ka nun ațanga ka hloh tawh, a tel lova ka awm theih si loh lâk lêt nân chuan eng tiang pawhin ka tlâwm mai ang, ka hmuh lêt theihna a nih dáwn phawt chuan."
Ka tel lovin a awm thei lo maw? Ni lo, min hneh a tumna hmanrua a nih hi.
"Zorin, ka thil hriat zawng zawngte kha thu dik zawn hmuh tum lova ka lo awih ringawt vàngin nang leh kei hian kan tuar a ni, keiin ka tawrhtîr che a, thiam lohna pakhat mah nei miah lo kha."
"Ka tidik lo a ni," harsa tih hmel zet hian a ti sup a, sawi a hreh ve ngawt ang. Inti-mipa ve tâwk tak a ni si a.
"I hre chhuak ta maw?"
"Mipa hming dang a lo rîk khân ka thîk em a ni, hloh che ka hlau a, ka hloh ta rêng che a, chu pawh ka tihdik loh vàng liau liauin."
"Phone-ah ka rawn sawi fiah reng kha."
"Ni e, ka hria; mahse, rinhlelhna leh thîkna khân min ei chhe hneh lutuk a, thlalâkah i lang chiang bawk si nèn, ka lo awih ta mai a ni."
"Bobby chuan thlalâk a rawn thawn maw?"
"Thawn e, i thawmhnaw hâk kha... thawmhnaw pawh a ni lo."
A dik ang, khami zàn khân a lum viau a nih kha, chuvàngin ka inhlîp țhen rêng a ni.
"Min ringhlel kha a mak rêng a ni," ka ti țâlh a.
"Thîknain ka khat tlat atin ni."
"Ka phatsan che i ring kha mak ka la ti tho."
"Ni e, khatih lai khân eng rilru nge ka put teh rêng ni? Thlalâk ka hmuh chiah khân ka alh chhuak vek a ni mai."
"Tunah chuan engkim ka hre chhuak vek tawh, thiamthu sawi tùr pakhat mah ka nei lo. Mahse, i tel lova nun hman leh chu ka duh tawh lo a ni."
Engtin nge ka tih tâk ang? Ka rilru chu a nêm leh tawh nasa mai si a, ka țang rei ngût ang em?
Comments
Post a Comment