☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆RUATDIKA☆ - 33 By Dingdi Pachuau
"Mut i duh tawh em?"
"Aw, ka chau riau."
Mutna ka siam lai chu min en reng a, eng mah phei chu a sawi lo.
"I duh chuan i mu thei tawh ang."
"I lo mu ve dáwn lo em ni?"a ti hû a.
"I bulah ka mu dáwn lo."
"Engati maw?"
"Ka mu dáwn lo a ni mai."
Min en vung vung a, nuam chu ka ti vak bîk lo; mahse, zanin tal chu ka hrem ve a ngai, kei pawh ka inhrem tel ve tho dáwn.
"Min hlau a ni maw?"
"Aih."
"Kha pa Bobby vàng kha a ni tiraw?"
A ni bawk si lo va, ka ngawi ta ringawt.
"Ka hmu leh a nih ngat chuan ka sawisa leh khawp ang!"
"Amah vàng a ni lo!"
"A nih leh, eng vàng nge? Min hrem... maw?!! Lalpa leh!"
Ka ngawi leh ta.
"Min hrem rei loh ka beisei!"
Ka lam hawiin a mu a, min en rân reng mai. Ka lai lek lek a ni, chêt pangngai chuan ka che thei miah lo.
"Min hrem loh hunah thil hrilh tùr che ka nei maithei."
E! Eng nge ni ang le? Ka hre châk tawp, thil țha lam a nih hrâm ka beisei.
"Tunah min hrilh mai la?"
"Min hrem tàwp hunah chauh," a ti ve tlat.
"Ka hre châk lo ve!" Ka ngeiawm ve a nia, ka hre châk reng sia, hre châk ang deuha lan ka duh lo.
"Um, a nih dáwn kha, inchhìr awih loh."
A va ngeiawm tak! Ka hre châk tih a hre chiang lutuk tlat, min hrilh ve mai àwm, ka hre châk telh telh.
Mut hmunah ka ngaihtuah rauh rauh. Eng tak ni ang maw? A piin a ro chanai a sem tawh nge ni ang? Nge a hnawt chhuak zâwk ni ang? A chhûngte nèn an inhau zâwk? Ni lo ve, an fapa neihchhun hi an hau phal lo ang, bâkah, ani lo chu enkawltu tùr an nei lo. Ka ngaihtuah nasa lutuk a, min tibuai vek.
Ka mumangah ka lo la hmu zui. A nute nèn an lo inhau nasa lutuk a, ka lo țap lehnghal. Ani chuan,"Lungngai miah suh, i bulah ka awm zêl ang, țap tawh lo la,"tiin ka chalah duat zetin min fâwp a, ka harh ta nghe nghe a.
Ka chalah min lo fâwp tak tak!!
"Tho tawh rawh le, exer i la țhìn a ni lo'm ni?"
A tracksuit hâk chu a inhmeh kher asin, ka mit ka khap fak fak a.
"I thawhna a rei tawh em?" phak zet hian ka ti a, he pa hi exer a la tawh zâwk em ni? A thlan pawh a tla tawh nia, a lo lêt tawh zâwk a nih dáwn hi. A tlai tawh viau em ni?
"Rei tawh, ka muhìl thei hlei ném."
"I mutna a nuam vak nange?"
"Ka bul lawkah i mu a, ka khawih thei bawk si lo che a, a hrehawm alawm. Ka ngaih ém ém, ka bula awm reng si, ka khawih theih loh leh a bul pawha mut theih loh chu inhremna dik tak a ni, a tuartu tân chuan a namai lo khawp mai."
Ka rilruin ka nui var var mai.
"Pâwnah exer lain ka chhuak ngai lo, in chhûngah ka ti mai zêl alawm."
"A nuam viau ang, exer lâk dàn nuamsa tak ka hre ràn lehnghal."
"Tenawm suh!"
A nui hawk hawk a.
"I ngaihtuahna a dik lo zâwk a nih kha, ka hriat ve chu a phùrawm lutuk."
Bathroom-ah ka luhsan daih.
In chhûngah pawh exer ka la ta lo mai, ka duh aiin ka tlai deuh tlat.
"Naktûkah chuan ka kai tho hma deuh ang che a, kan pahnihin pâwn lamah kan tlân dáwn nia."
"I inti-thu ém mai a!"
"I peih loh pawhin ka paw chhuak tho tho ang che."
"Ka peih lo pawh ka tih loh kha!"
"Min hniala min chhàn lêt hian ka phûr sauh țhìn."
Sawi tùr a vâng leh ta.
In ațanga ka chhuah chuan min zui chhuak ve nghal zat a, Max pawh a lo tho ve tawh a ni ang, a kawngka a inhawng tlat.
"Max?"
"Jorin, morning, oh, in pahnihin maw? In sawi fel tawh tihna a ni em?"
"Ka khawngaih a, ka riahtîr rih mai mai," ka ti a.
"Hetah hian ka rawn chêng ve tawh dáwn a ni. Max, ka hmu che chu ka lâwm e. Ka va thlah lawk ang a, ka lo lêt leh nghal ang," a lo ti thung a, Max-a'n a mit ko a sàn ãk chu ka hmu reng a, ka sawi fiah hman tawh rih lo.
Ka rilru a hlim leh tawh avàngin ka nui leh var var thei tawh a, ina haw thuai thuai ka châk vàng erawh chuan hun chu rei riauin ka hria.
Ka haw dáwn chuan Sanju-a chuan," Ka lo thlah dáwn che em ni, Joreen? I awmna lamah ka kal dáwn a," a ti a, kei chuan," A ngai lo, ka lâwm e. Miin min lo nghâk a," ka ti. Ka risk a, min lo nghah erawh ka ring deuh tho.
"Tuin maw?"
"Ka bialpain."
"A ni maw? Ka va hmu ve châk!"
"I la hmu mawlh ang." Hmu se, min be chhên leh min zar hi duh tâwk se ka ti a ni.
Pâwnah chuan Ruatdika chuan min lo nghâk tak tak!! Ka làwmzia mai chu, ka pan vat a, a kutah ka chelh vat.
"Min lo nghah ka ring rêng a."
"I hnunga tlangvâl kha tunge?"
"Tunge?" tiin ka hawi lêt a, Sanju-a chuan min lo en vang vang a.
"Kan thawhpui Sanju a nih saw," tiin ka bân ka vai zauh a, ka hawi lêt lehnghal.
"A ngaizawng che a ni maw?"
"Min beisei hmel deuha min be țhìn hi ka duh lo va."
Ka kuta chelh duh tâwk lo chuan ka chalah a fâwp ta zoh a, " Tunah chuan bialpa i nei tih a hre tawh chiang ngawt ang chu," a ti sup a.
"Min lo nghâk hi ka lâwm tak tak a ni."
"Ka lo nghâk ziah tawh ang che."
Hlim tak chuan inah kan hâwng a, ei tùr a lo lei leh nual tawh.
"Ka ril a țâm mang e!"
"I inbual dáwn chuan inbual phawt la, ei ka lo siam ang, tui deuhin ka lo siam dáwn nia."
Ka hnial lo, ka inbual a, zîng lamah inbual tho mah ila, ni khatah vawi hnih hi chu ka inbual ngei ngei.
Ei tùr eia dawhkàn ka kîlna bulah chuan a lo țhu ve a. Ngun zeta min thlêk vang vangin," I kal hnu khân Max nèn kan inkàwm a, i chanchin ka zâwt a," a ti sup sup a.
"A hrilh loh che ka beisei."
"Min hrilh țha duh lo viau nain ka duh chu ka hre tho. Zan khat chu hmui thî chunga i lo haw thu a sawi a."
"Chu pa mai mai chuh!"
"I chungah eng emaw a thleng a nih a ring a, rin dan ka lo nei thiam mai bawk. Bobby khân a hnek che a ni tiraw?"
"Thil kal tawh a nia, ka hre chhuak duh tawh lo a ni."
"Zorin, a hnek che em? Engtin nge a tih che min hrilh teh."
"Ih maw, thinrim lo la aw, tûn chiah ka sawi ang, sawi chhuah ka duh tawh lo ang."
"Sawi la."
"I thinrim lo ang tih sawi phawt la?"
"Ka thin a rim sa tawh zâwk."
"Ruatdik, mi nunrâwng ni tùrin ka duh lo che."
"I chunga nunrâwng taka chê rêng rêng chu khawih hmiah hmiah ka duh."
Ka țhut dàn siam remin amah chu chiang zetin ka en lêt ve ta a.
"Ka bula i awm phawt chuan tu mahin min tina thei dáwn hlei nem, min hnaih ngam dáwn lo tih ka hria."
"Dik chiah."
"Bobby chuan min bêng mai chauh a nia, a rui bawk nèn, ka hneh ve alawm; mahse, rui lo ni ta se chuan..."
Min rawn kuah a, duat takin.
"Ka thiam loh a ni, keima thiam loh hulhual a ni. Ka kalsan leh tawh lo ang che a, tu mahin an bêng leh tawh ngai lo bawk ang che, ka phal miah lo."
"Sawi chhuah ka duh tawh lo."
"Aw le, ka sawi chhuak tawh lo ang; mahse, ka lakah hian zêp nei miah suh, a chhe lam hi zêp i tum tlat zêl a."
"I rilru tihnata tihhah ka duh lo alawm."
"Pakhatin a tawrh aiin pahnihin an tawrh chuan an inchhâwk țhen thei țhìn. Eng pawh, a chhe lam emaw a țha lam emaw pawh min hrilh zêl tawh rawh aw."
En chhoin," Thil min hrilh tùr i neih ve tho kha aw," ka ti ve vat a.
"Min hrem loh hunah ka tih kha."
"A, ka hre châk tawh alawm, min hrilh mai la?"
"Zaninah min hrem tawh lo la."
"I phakar e!"
"Ka fâwp châk che a nia."
Ka hmui ka hup vat a, "Zanriah ei kham hnu lamah chauh min fâwp thei ang," ka ti tlat a.
"I hre har deuh dáwn a ni mai a."
"Pawi lo." Pawi chu ka ti viau, ka hre châk, min fâwp tawh se ka ti bawk; mahse, nghâkhlel over anga lan ka duh bîk lo.
"Pawi i tih loh chuan, i ei zo dáwn em ni ang?" Bowl-a ka thil ei la awm nual chu a melh zoh a.
"I ei ve dáwn lo em ni?"
"'Ei ve rawh' pawh i ti mang si lo va."
"Hm, ngeiawm thiam viau suh. Khawi, ka lo suah ve ang che," tiin ka tho a, bowl dangah ka suahsak ve a, ka pe nghal a.
Zanriah ei tùr kan siam laiin," Ni dangah Max sâwm ila, dine-out ila a țha khawpin ka ring," ka ti a, ka mitthla chhin a, a nuam dáwn riauin ka hria.
"A tihchi ngawt ang chu."
"Ka sâwm châk tawh e."
"Chu ai chuan chaw ei kham vat vat tawh ila ka ti."
Ka man thiam mai. Ka hrem tawh dáwn lo tih a hre ve kar tawh si a, a nghakhlel ve pawh a ni ang.
Zàn mutnaah chuan min si chêtin a mu a, a mal sei zet chuan min khanin a bânin nghet ang reng deuh takin min kuah bawk a.
"Min hrilh tawh rawh le."
"Ka lam lo hawi phawt rawh."
Ka inher vat a, kan inen ta ràn mai.
"Ka fâwp leh phawt ang che," tiin a rawn hniam zat a, ka hnial bîk lo. Min ngau a, min thlahlel ve a ni mai. Kei pawhin ka ngai ve tho, ka thlahlel viau bawk.
"I hmui hi a thlum dep dep maiin ka hria."
"Strawberry lip gloss ka hnawih alawm."
"Ka duh zâwng tak!"
"Chuan, min hrilh tawh la?"
"Chhûngte i la nei tih ka hmu chhuak."
Chiang takin a mit chu ka en ràn. Ka ring ngam lo. Dâwt min hrilh ém chu ka ring phal bawk si lo, ka mit chu ka khap fak fak a.
"A ni...thei...lo...ang!"
Ka awih ngam lo, ka awih lo phal bawk si lo. Beisei nei lo hi beiseina min siamsak a tum hrâm em ni ang? Ka ni khân chhûngte kan nei tih a sawi ngai si lo.
"Ka lawmpui che asin, chhûngte i lo la nei reng si a."
A hmuiah ka fâwp vang vang a, a hnârah nèn, a biangahte ka fâwp chhuak vek.
"Ka thu hriat hi awih harsa ka ti! Dâwt min hrilh chu ka ring bawk si lo, ka lâwm e, ka hmangaih che," tiin ka phun sap sap a.
Ka hlim leh lâwm bawk si chu awm ngaihna ka hre lo hial a ni. Ka mittui a tla thùl, ka nui leh rih bawk a. Chhûngte ka lo la nei chu mak ka ti a, ka lâwm ém a ni.
A zawn chhuah dàn chu min hrilh zung zung a, keiin ngun takin ka lo ngaithla kar a. Hmun dang pawh ka melh phal lo, he pa hi ka hmangaih a ni, ka hmangaih tlâwrh a ni tawp.
"Eng tikah nge i chhûngte chu hmuh i duh ang?"
"Ka hre lo le, tunah rih hi chuan ka hlim ém a, eng mah ka ngaihtuah thei rih lo."
"Keimah pawh maw?!"
A hmuiah fawhsak zauhin," Ka bula i awm chuan thil dang ka ngaihtuah thei hlei nem," ka ti sap a.
"Ka lâwm e, ka nula tê."
Ka hlim tak zet. Ruatdika ka bulah a awm leh tawh a, chhûngte ka nei tih ka hre bawk. Hei bâka thu làwmawm hi a awm thei chuang lo ang.
Zîngah min kai tho miah lo, ani erawh a tho hma leh tho. Ka hmuia fâwpin min rawn kai tho a, ni bul țan nân chuan a țha tak zet.
Hna ka thawk nasa leh zual ang, dârkâr pawh hi titam ta deuh ila, zîng lam hi chu dâr 8 ni thovin zàn lam hi dâr 8 thleng ni bawk se, ka pawisa hlawh a tam sawt ang a, ka lo khâwl ve țàng țáng țhinte nèn chuan ka nei ve nual tawh ang. Tam viau lo mah se, Mizoram lamah chhovin chhûngte chu han hmu ila, an bula chèn ve ka duh. Chuan, ka pawisa khâwl hian sumdàwnna țan ve ta ila.
Ruatdika bula ka sawi chuan țha a ti; mahse, hna thawh hun dârkâr belh leh kher chu a phal lo bur.
"Ka duh dàn tak phei chuan i hna hi bànsanin inneih ka duh. I duh ka rin loh vàngin ka la zâwt lo mai che a ni."
"I ring dik, bànsan ka la duh rih lo. Ka chhûngte hnênah chhuang taka ka pawisa thawh chhuahte ka hmuh theih nân leh rim taka ka thawh chhuah dàn te an hriat ka duh a ni."
"I duh dàn ka zahsak ang che; mahse, rei tak min nghahtîr lo la tiraw? Nupuia neih che ka duh tawh a ni."
Nupui atân min duh tak tak maw? Ka phû hlawl lo. Eng mah ni lo hi a lakah ka lo induh ve ém ém a, nasa takin ka la hrem zui, hmuh pawh ka duh loh mai bâkah ka la be duh lo zui. Ani lahin ka tân liau liau ka chhûngte a lo zawng chhuak a; chubâkah, a chhûngte kalsanin min rawn pan zui a, ka tân chuan lo pawm a, lo duat hlarh hlarh tùr hi ka va ni ta tak!!!
Pan hnaiin a nghâwngah ka kut pahnihin ka kuah hnâp a.
"Ka hmangaih che, Ruatdik. Ka chunga i thil tih zawng zawngah hian làwmthu ka hrilh che a, ka inthlahrung viau nain rei lo tê chu min nghak rih tùrin ka ngèn che a ni," ka ti sap sap a.
Ka sama a hmai chu nâwr châk châkin," Ka nghâk ang che, i tih chen chen ka nghâk ang che; mahse, i bulah zêl ka awm duh, ka bulah zêl awm tùrin ka duh bawk che," a ti sup sup a.
"Teh rêng mai, i bul lovah awmna tùr ka nei hlei nem."
Ka hnung chûl zai zai pahin," Naute erawh ka awt tak zet tawh a ni," a ti leh sup a.
"Naute i duh tawh maw?!!!"
"Aw, fa ka awt. Rai i hlau ngawih ngawih tih ka hriat khân ka rilru a na viau rêng, a chhan chu ka fa i pai duh lovah ka ngai a ni. Ka chhûngte pawhin ka fa ngei chu hmuh an châk tawh thu an sawi chámchî a, nang ngei hi ka fa nu ni tùr leh pai tùra ka duh ber i ni bawk."
Ka thu hriat chuan min tilâwm a, min tilungngai tho bawk. A chhan chu a chhûngte hian min duh dáwn hauh si lo, tuna ka bula a awm pawh hi an rilru a na ngawt ang, min haw ngawt ang chu.
"Ka lâwm e."
Ka ni tin hun hman chu a nuam thlâwt. Dàwr ka kal tùr min thlah a, ka haw lam min lo nghâk ziah bawk. Min duat a, ka ei tùr duh zâwng min siamsak ziah bawk. Ka tân chuan khawvêl hi a pâr chhing chheng ni berin ka hria.
"Peach, tho teh le. Hnaa i kal a ngaih kha."
Ka inperh tho ve vat, phone-a dâr zât ka en chuan rum zetin ka melh a.
"A la hma lutuk! Mut ka la kham lo asin!" ka ti nang nang a.
"Ni lo ve, exer ka lâkpui duh che, i thawh tho tawh kha, inphih harh rawh le."
"Khawngaihin, mut ka la kham lo."
"Ni lo, i ti ziah, tukin chu i tih ngei a ngai tawh," tiin min pawt tho va, bathroom-ah min nawr lût ta nghal a.
Peih lo zetin ka zui chhuak a, ani erawh chu a thâ a tho zak zak khawp mai. Kan kal thui deuh hnuah erawh ka zia chho zêl a, tûm deuh hmuk chunga ka chhuak kha a ni a, tunah chuan ka nui deuh var var tawh. Boruak chu a nuam ve a, a lum vak bawk si lo nèn, Mizoram pawh ka hre chhuak ram ram mai.
"Nuam i tih hle kha aw, a tìrah kha chuan utûm i ni ta emaw ka ti a."
"Ka peih lo alawm; mahse, hetiang hian a nuam ang tih ka lo hre hauh lo, Aizawl min tihre chhuak uai uai mai."
"Aizawl i ngai a ni maw?"
"A nuam alawm."
"Aw le, kan inneih hnuah Aizawlah chuan awm ila?"
"I thu thu."
"Ka thu thu a nih chuan innei tawh mai ang." A nui deuh suk a, fiamthu mah ni se ka ngai thu tak riau.
"Rei lo tê tak tak chauh min lo la nghâk hrâm rawh aw, a rei tawh lo ang."
"Ok, ka nghâk thei che ka tih tawh kha."
"Mut i duh tawh em?"
"Aw, ka chau riau."
Mutna ka siam lai chu min en reng a, eng mah phei chu a sawi lo.
"I duh chuan i mu thei tawh ang."
"I lo mu ve dáwn lo em ni?"a ti hû a.
"I bulah ka mu dáwn lo."
"Engati maw?"
"Ka mu dáwn lo a ni mai."
Min en vung vung a, nuam chu ka ti vak bîk lo; mahse, zanin tal chu ka hrem ve a ngai, kei pawh ka inhrem tel ve tho dáwn.
"Min hlau a ni maw?"
"Aih."
"Kha pa Bobby vàng kha a ni tiraw?"
A ni bawk si lo va, ka ngawi ta ringawt.
"Ka hmu leh a nih ngat chuan ka sawisa leh khawp ang!"
"Amah vàng a ni lo!"
"A nih leh, eng vàng nge? Min hrem... maw?!! Lalpa leh!"
Ka ngawi leh ta.
"Min hrem rei loh ka beisei!"
Ka lam hawiin a mu a, min en rân reng mai. Ka lai lek lek a ni, chêt pangngai chuan ka che thei miah lo.
"Min hrem loh hunah thil hrilh tùr che ka nei maithei."
E! Eng nge ni ang le? Ka hre châk tawp, thil țha lam a nih hrâm ka beisei.
"Tunah min hrilh mai la?"
"Min hrem tàwp hunah chauh," a ti ve tlat.
"Ka hre châk lo ve!" Ka ngeiawm ve a nia, ka hre châk reng sia, hre châk ang deuha lan ka duh lo.
"Um, a nih dáwn kha, inchhìr awih loh."
A va ngeiawm tak! Ka hre châk tih a hre chiang lutuk tlat, min hrilh ve mai àwm, ka hre châk telh telh.
Mut hmunah ka ngaihtuah rauh rauh. Eng tak ni ang maw? A piin a ro chanai a sem tawh nge ni ang? Nge a hnawt chhuak zâwk ni ang? A chhûngte nèn an inhau zâwk? Ni lo ve, an fapa neihchhun hi an hau phal lo ang, bâkah, ani lo chu enkawltu tùr an nei lo. Ka ngaihtuah nasa lutuk a, min tibuai vek.
Ka mumangah ka lo la hmu zui. A nute nèn an lo inhau nasa lutuk a, ka lo țap lehnghal. Ani chuan,"Lungngai miah suh, i bulah ka awm zêl ang, țap tawh lo la,"tiin ka chalah duat zetin min fâwp a, ka harh ta nghe nghe a.
Ka chalah min lo fâwp tak tak!!
"Tho tawh rawh le, exer i la țhìn a ni lo'm ni?"
A tracksuit hâk chu a inhmeh kher asin, ka mit ka khap fak fak a.
"I thawhna a rei tawh em?" phak zet hian ka ti a, he pa hi exer a la tawh zâwk em ni? A thlan pawh a tla tawh nia, a lo lêt tawh zâwk a nih dáwn hi. A tlai tawh viau em ni?
"Rei tawh, ka muhìl thei hlei ném."
"I mutna a nuam vak nange?"
"Ka bul lawkah i mu a, ka khawih thei bawk si lo che a, a hrehawm alawm. Ka ngaih ém ém, ka bula awm reng si, ka khawih theih loh leh a bul pawha mut theih loh chu inhremna dik tak a ni, a tuartu tân chuan a namai lo khawp mai."
Ka rilruin ka nui var var mai.
"Pâwnah exer lain ka chhuak ngai lo, in chhûngah ka ti mai zêl alawm."
"A nuam viau ang, exer lâk dàn nuamsa tak ka hre ràn lehnghal."
"Tenawm suh!"
A nui hawk hawk a.
"I ngaihtuahna a dik lo zâwk a nih kha, ka hriat ve chu a phùrawm lutuk."
Bathroom-ah ka luhsan daih.
In chhûngah pawh exer ka la ta lo mai, ka duh aiin ka tlai deuh tlat.
"Naktûkah chuan ka kai tho hma deuh ang che a, kan pahnihin pâwn lamah kan tlân dáwn nia."
"I inti-thu ém mai a!"
"I peih loh pawhin ka paw chhuak tho tho ang che."
"Ka peih lo pawh ka tih loh kha!"
"Min hniala min chhàn lêt hian ka phûr sauh țhìn."
Sawi tùr a vâng leh ta.
In ațanga ka chhuah chuan min zui chhuak ve nghal zat a, Max pawh a lo tho ve tawh a ni ang, a kawngka a inhawng tlat.
"Max?"
"Jorin, morning, oh, in pahnihin maw? In sawi fel tawh tihna a ni em?"
"Ka khawngaih a, ka riahtîr rih mai mai," ka ti a.
"Hetah hian ka rawn chêng ve tawh dáwn a ni. Max, ka hmu che chu ka lâwm e. Ka va thlah lawk ang a, ka lo lêt leh nghal ang," a lo ti thung a, Max-a'n a mit ko a sàn ãk chu ka hmu reng a, ka sawi fiah hman tawh rih lo.
Ka rilru a hlim leh tawh avàngin ka nui leh var var thei tawh a, ina haw thuai thuai ka châk vàng erawh chuan hun chu rei riauin ka hria.
Ka haw dáwn chuan Sanju-a chuan," Ka lo thlah dáwn che em ni, Joreen? I awmna lamah ka kal dáwn a," a ti a, kei chuan," A ngai lo, ka lâwm e. Miin min lo nghâk a," ka ti. Ka risk a, min lo nghah erawh ka ring deuh tho.
"Tuin maw?"
"Ka bialpain."
"A ni maw? Ka va hmu ve châk!"
"I la hmu mawlh ang." Hmu se, min be chhên leh min zar hi duh tâwk se ka ti a ni.
Pâwnah chuan Ruatdika chuan min lo nghâk tak tak!! Ka làwmzia mai chu, ka pan vat a, a kutah ka chelh vat.
"Min lo nghah ka ring rêng a."
"I hnunga tlangvâl kha tunge?"
"Tunge?" tiin ka hawi lêt a, Sanju-a chuan min lo en vang vang a.
"Kan thawhpui Sanju a nih saw," tiin ka bân ka vai zauh a, ka hawi lêt lehnghal.
"A ngaizawng che a ni maw?"
"Min beisei hmel deuha min be țhìn hi ka duh lo va."
Ka kuta chelh duh tâwk lo chuan ka chalah a fâwp ta zoh a, " Tunah chuan bialpa i nei tih a hre tawh chiang ngawt ang chu," a ti sup a.
"Min lo nghâk hi ka lâwm tak tak a ni."
"Ka lo nghâk ziah tawh ang che."
Hlim tak chuan inah kan hâwng a, ei tùr a lo lei leh nual tawh.
"Ka ril a țâm mang e!"
"I inbual dáwn chuan inbual phawt la, ei ka lo siam ang, tui deuhin ka lo siam dáwn nia."
Ka hnial lo, ka inbual a, zîng lamah inbual tho mah ila, ni khatah vawi hnih hi chu ka inbual ngei ngei.
Ei tùr eia dawhkàn ka kîlna bulah chuan a lo țhu ve a. Ngun zeta min thlêk vang vangin," I kal hnu khân Max nèn kan inkàwm a, i chanchin ka zâwt a," a ti sup sup a.
"A hrilh loh che ka beisei."
"Min hrilh țha duh lo viau nain ka duh chu ka hre tho. Zan khat chu hmui thî chunga i lo haw thu a sawi a."
"Chu pa mai mai chuh!"
"I chungah eng emaw a thleng a nih a ring a, rin dan ka lo nei thiam mai bawk. Bobby khân a hnek che a ni tiraw?"
"Thil kal tawh a nia, ka hre chhuak duh tawh lo a ni."
"Zorin, a hnek che em? Engtin nge a tih che min hrilh teh."
"Ih maw, thinrim lo la aw, tûn chiah ka sawi ang, sawi chhuah ka duh tawh lo ang."
"Sawi la."
"I thinrim lo ang tih sawi phawt la?"
"Ka thin a rim sa tawh zâwk."
"Ruatdik, mi nunrâwng ni tùrin ka duh lo che."
"I chunga nunrâwng taka chê rêng rêng chu khawih hmiah hmiah ka duh."
Ka țhut dàn siam remin amah chu chiang zetin ka en lêt ve ta a.
"Ka bula i awm phawt chuan tu mahin min tina thei dáwn hlei nem, min hnaih ngam dáwn lo tih ka hria."
"Dik chiah."
"Bobby chuan min bêng mai chauh a nia, a rui bawk nèn, ka hneh ve alawm; mahse, rui lo ni ta se chuan..."
Min rawn kuah a, duat takin.
"Ka thiam loh a ni, keima thiam loh hulhual a ni. Ka kalsan leh tawh lo ang che a, tu mahin an bêng leh tawh ngai lo bawk ang che, ka phal miah lo."
"Sawi chhuah ka duh tawh lo."
"Aw le, ka sawi chhuak tawh lo ang; mahse, ka lakah hian zêp nei miah suh, a chhe lam hi zêp i tum tlat zêl a."
"I rilru tihnata tihhah ka duh lo alawm."
"Pakhatin a tawrh aiin pahnihin an tawrh chuan an inchhâwk țhen thei țhìn. Eng pawh, a chhe lam emaw a țha lam emaw pawh min hrilh zêl tawh rawh aw."
En chhoin," Thil min hrilh tùr i neih ve tho kha aw," ka ti ve vat a.
"Min hrem loh hunah ka tih kha."
"A, ka hre châk tawh alawm, min hrilh mai la?"
"Zaninah min hrem tawh lo la."
"I phakar e!"
"Ka fâwp châk che a nia."
Ka hmui ka hup vat a, "Zanriah ei kham hnu lamah chauh min fâwp thei ang," ka ti tlat a.
"I hre har deuh dáwn a ni mai a."
"Pawi lo." Pawi chu ka ti viau, ka hre châk, min fâwp tawh se ka ti bawk; mahse, nghâkhlel over anga lan ka duh bîk lo.
"Pawi i tih loh chuan, i ei zo dáwn em ni ang?" Bowl-a ka thil ei la awm nual chu a melh zoh a.
"I ei ve dáwn lo em ni?"
"'Ei ve rawh' pawh i ti mang si lo va."
"Hm, ngeiawm thiam viau suh. Khawi, ka lo suah ve ang che," tiin ka tho a, bowl dangah ka suahsak ve a, ka pe nghal a.
Zanriah ei tùr kan siam laiin," Ni dangah Max sâwm ila, dine-out ila a țha khawpin ka ring," ka ti a, ka mitthla chhin a, a nuam dáwn riauin ka hria.
"A tihchi ngawt ang chu."
"Ka sâwm châk tawh e."
"Chu ai chuan chaw ei kham vat vat tawh ila ka ti."
Ka man thiam mai. Ka hrem tawh dáwn lo tih a hre ve kar tawh si a, a nghakhlel ve pawh a ni ang.
Zàn mutnaah chuan min si chêtin a mu a, a mal sei zet chuan min khanin a bânin nghet ang reng deuh takin min kuah bawk a.
"Min hrilh tawh rawh le."
"Ka lam lo hawi phawt rawh."
Ka inher vat a, kan inen ta ràn mai.
"Ka fâwp leh phawt ang che," tiin a rawn hniam zat a, ka hnial bîk lo. Min ngau a, min thlahlel ve a ni mai. Kei pawhin ka ngai ve tho, ka thlahlel viau bawk.
"I hmui hi a thlum dep dep maiin ka hria."
"Strawberry lip gloss ka hnawih alawm."
"Ka duh zâwng tak!"
"Chuan, min hrilh tawh la?"
"Chhûngte i la nei tih ka hmu chhuak."
Chiang takin a mit chu ka en ràn. Ka ring ngam lo. Dâwt min hrilh ém chu ka ring phal bawk si lo, ka mit chu ka khap fak fak a.
"A ni...thei...lo...ang!"
Ka awih ngam lo, ka awih lo phal bawk si lo. Beisei nei lo hi beiseina min siamsak a tum hrâm em ni ang? Ka ni khân chhûngte kan nei tih a sawi ngai si lo.
"Ka lawmpui che asin, chhûngte i lo la nei reng si a."
A hmuiah ka fâwp vang vang a, a hnârah nèn, a biangahte ka fâwp chhuak vek.
"Ka thu hriat hi awih harsa ka ti! Dâwt min hrilh chu ka ring bawk si lo, ka lâwm e, ka hmangaih che," tiin ka phun sap sap a.
Ka hlim leh lâwm bawk si chu awm ngaihna ka hre lo hial a ni. Ka mittui a tla thùl, ka nui leh rih bawk a. Chhûngte ka lo la nei chu mak ka ti a, ka lâwm ém a ni.
A zawn chhuah dàn chu min hrilh zung zung a, keiin ngun takin ka lo ngaithla kar a. Hmun dang pawh ka melh phal lo, he pa hi ka hmangaih a ni, ka hmangaih tlâwrh a ni tawp.
"Eng tikah nge i chhûngte chu hmuh i duh ang?"
"Ka hre lo le, tunah rih hi chuan ka hlim ém a, eng mah ka ngaihtuah thei rih lo."
"Keimah pawh maw?!"
A hmuiah fawhsak zauhin," Ka bula i awm chuan thil dang ka ngaihtuah thei hlei nem," ka ti sap a.
"Ka lâwm e, ka nula tê."
Ka hlim tak zet. Ruatdika ka bulah a awm leh tawh a, chhûngte ka nei tih ka hre bawk. Hei bâka thu làwmawm hi a awm thei chuang lo ang.
Zîngah min kai tho miah lo, ani erawh a tho hma leh tho. Ka hmuia fâwpin min rawn kai tho a, ni bul țan nân chuan a țha tak zet.
Hna ka thawk nasa leh zual ang, dârkâr pawh hi titam ta deuh ila, zîng lam hi chu dâr 8 ni thovin zàn lam hi dâr 8 thleng ni bawk se, ka pawisa hlawh a tam sawt ang a, ka lo khâwl ve țàng țáng țhinte nèn chuan ka nei ve nual tawh ang. Tam viau lo mah se, Mizoram lamah chhovin chhûngte chu han hmu ila, an bula chèn ve ka duh. Chuan, ka pawisa khâwl hian sumdàwnna țan ve ta ila.
Ruatdika bula ka sawi chuan țha a ti; mahse, hna thawh hun dârkâr belh leh kher chu a phal lo bur.
"Ka duh dàn tak phei chuan i hna hi bànsanin inneih ka duh. I duh ka rin loh vàngin ka la zâwt lo mai che a ni."
"I ring dik, bànsan ka la duh rih lo. Ka chhûngte hnênah chhuang taka ka pawisa thawh chhuahte ka hmuh theih nân leh rim taka ka thawh chhuah dàn te an hriat ka duh a ni."
"I duh dàn ka zahsak ang che; mahse, rei tak min nghahtîr lo la tiraw? Nupuia neih che ka duh tawh a ni."
Nupui atân min duh tak tak maw? Ka phû hlawl lo. Eng mah ni lo hi a lakah ka lo induh ve ém ém a, nasa takin ka la hrem zui, hmuh pawh ka duh loh mai bâkah ka la be duh lo zui. Ani lahin ka tân liau liau ka chhûngte a lo zawng chhuak a; chubâkah, a chhûngte kalsanin min rawn pan zui a, ka tân chuan lo pawm a, lo duat hlarh hlarh tùr hi ka va ni ta tak!!!
Pan hnaiin a nghâwngah ka kut pahnihin ka kuah hnâp a.
"Ka hmangaih che, Ruatdik. Ka chunga i thil tih zawng zawngah hian làwmthu ka hrilh che a, ka inthlahrung viau nain rei lo tê chu min nghak rih tùrin ka ngèn che a ni," ka ti sap sap a.
Ka sama a hmai chu nâwr châk châkin," Ka nghâk ang che, i tih chen chen ka nghâk ang che; mahse, i bulah zêl ka awm duh, ka bulah zêl awm tùrin ka duh bawk che," a ti sup sup a.
"Teh rêng mai, i bul lovah awmna tùr ka nei hlei nem."
Ka hnung chûl zai zai pahin," Naute erawh ka awt tak zet tawh a ni," a ti leh sup a.
"Naute i duh tawh maw?!!!"
"Aw, fa ka awt. Rai i hlau ngawih ngawih tih ka hriat khân ka rilru a na viau rêng, a chhan chu ka fa i pai duh lovah ka ngai a ni. Ka chhûngte pawhin ka fa ngei chu hmuh an châk tawh thu an sawi chámchî a, nang ngei hi ka fa nu ni tùr leh pai tùra ka duh ber i ni bawk."
Ka thu hriat chuan min tilâwm a, min tilungngai tho bawk. A chhan chu a chhûngte hian min duh dáwn hauh si lo, tuna ka bula a awm pawh hi an rilru a na ngawt ang, min haw ngawt ang chu.
"Ka lâwm e."
Ka ni tin hun hman chu a nuam thlâwt. Dàwr ka kal tùr min thlah a, ka haw lam min lo nghâk ziah bawk. Min duat a, ka ei tùr duh zâwng min siamsak ziah bawk. Ka tân chuan khawvêl hi a pâr chhing chheng ni berin ka hria.
"Peach, tho teh le. Hnaa i kal a ngaih kha."
Ka inperh tho ve vat, phone-a dâr zât ka en chuan rum zetin ka melh a.
"A la hma lutuk! Mut ka la kham lo asin!" ka ti nang nang a.
"Ni lo ve, exer ka lâkpui duh che, i thawh tho tawh kha, inphih harh rawh le."
"Khawngaihin, mut ka la kham lo."
"Ni lo, i ti ziah, tukin chu i tih ngei a ngai tawh," tiin min pawt tho va, bathroom-ah min nawr lût ta nghal a.
Peih lo zetin ka zui chhuak a, ani erawh chu a thâ a tho zak zak khawp mai. Kan kal thui deuh hnuah erawh ka zia chho zêl a, tûm deuh hmuk chunga ka chhuak kha a ni a, tunah chuan ka nui deuh var var tawh. Boruak chu a nuam ve a, a lum vak bawk si lo nèn, Mizoram pawh ka hre chhuak ram ram mai.
"Nuam i tih hle kha aw, a tìrah kha chuan utûm i ni ta emaw ka ti a."
"Ka peih lo alawm; mahse, hetiang hian a nuam ang tih ka lo hre hauh lo, Aizawl min tihre chhuak uai uai mai."
"Aizawl i ngai a ni maw?"
"A nuam alawm."
"Aw le, kan inneih hnuah Aizawlah chuan awm ila?"
"I thu thu."
"Ka thu thu a nih chuan innei tawh mai ang." A nui deuh suk a, fiamthu mah ni se ka ngai thu tak riau.
"Rei lo tê tak tak chauh min lo la nghâk hrâm rawh aw, a rei tawh lo ang."
"Ok, ka nghâk thei che ka tih tawh kha."
Comments
Post a Comment