☆RUATDIKA☆ - 34

☆RUATDIKA☆ - 34 By Dingdi Pachuau


Hun remchâng hmasa berah Max chu kan sâwm a, dine-out tùr chuan kan chhuak tlâng ta a. A hmun erawh Ruatdika'n a duh hmun ber a thlang thung, a nuamin an ei siam a tui hle ang tih ka ring nghal mai.


Max chu a titi bawrh bawrh reng a, sawi tùr a hriain a thil sawi rêng rêng chu ka la hriat loh thil a nih hlawm avàngin ngaihnawm ka ti a, ka ngaithla uluk thei hle. Ruatdika pawh chuan a lo sawipui ve țhìn a, kei erawh chuan lo sawipui ngaihna ka hre miah lo. Hmun hrang hrang a fan chanchinte sawiin a  mi chêngte chanchin, an khawsak  phung a hriat ang zawng zawngte chu a sawi a, bengvàrthlâk ka ti khawp mai.


Hlim takin ei tùr tuihnai zet zet chu kan ei a, ka pian a hnu lama ka la ei ngai miah loh pawh ka ei nual. Ei ve rêng rêng ka duh a, a taste ka hriat châk vàng a ni mah.


"Eng tikah nge in inneih ang?" Max chuan kan  haw kawngah chuan a ti a.


"Kan ti thuai ang."


"Max, a thû berah i țang ang chu tiraw?"


Ani chu a lo nui hak hak a.


"Teh rêng, ka farnu i ni alawm. Pasal i neih hi ka la phal lo maithei zâwk a ni," fiamthu hian a lo ti a.


"Max, min nei thuai tùrin lo nawr ve zâwk teh!"


Kan nui dar dar a.


"Present țha tâwk pêk che u ka tum ang."


"Awhaw...!!! Ka va làwm dáwn tak ém!! Max, ka hre mai, làwmthu ka hrilh sa che."


"Leh ringawt. Eng nge ka present dáwn che u pawh ka la hre miah lo."


Ruatdika chuan," Max, hre thiam rawh. Ani hi zawng a la naupang a, a emotion hi a la control thiam tlat lo a ni, i hre thiam hrâm dáwn nia," nui duh miah lo hian a lo ti a.


Rum deuha melh chuan," Naupang min ti miah suh, kum 22 ka tling tawh," ka lo ti thung a.


"Ni dáwn tak. Pasal nei tùrin i upa ve tâwk tawh tak alawm!"


In kan thlen chuan Max pawh kan inah a lo lût ve rih a, rei phei chu a awm lo. Ruatdika nèn games an khèl a, an naupang chhia ka ti tak tak!


Ruatdika pawh thla khat deuhthaw a awm ta. A chhûngte nèn hian an inbe țhìn em pawh ka hre lo. Hlim viau mah ila, a châng chuan a chhûngte ka ngaihtuah chhuak lo thei lo. Heta a rawn awmsan daih hi an ngaih dàn a ni lo ngawt ang, sumdàwnna a enkawl a ngai a. Angel-i awm ve mah se, Ruatdika a tluk dáwn teuh si lo.


Zan khat chu mut hmunah a chhûngte chanchin ka zâwt ta a.


"Ka pi nèn chuan kan inhau alawm. Angel-i ka rin theih loh thu ka hrilh a, ani lah khi Angel-i'n a bâwl â tlat tawh si. Tihngaihna ka hre lo, ka pi chuan puih a ngaih tawh loh thu min hrilh ta a ni."


"A va mak ve!! Ka pi chuan chutiang chuan a ti che maw?"


"Aw, Angel-i ka rin tlat loh avangin ka puih a duh ta lo va,  sumdàwnna chu a tunuin a chhunzawm thei ang a ti tlat a."


A bianga chùlsak hoh hoh pahin," I rilru a na ngawt ang, ka pi chuan a tisual chiang hle mai tiraw?  Mahse, thil a hresual tih a hriat hunah chuan..." ka ti sap sap a.


"A hre chhuak lo ang tih ka hlau khawp mai. Ka ngaihtuah viau nain ka ngaihtuah a duh miau loh chuan..." a ti sup a.


"Ni lo, a la hre chhuak dáwn chiang. A tupa a chhuan ém ém i ni a, a neihchhun i ni bawk. Hêng thil zawng zawng hi a bul ber chu keimah ka nia, a pawi ka ti."


Ka hmui rawn hupin," Shhh, chutiang sawi suh, ka hre duh miah lo. Ka pi leh ka chhûngte avànga ka duhna che hi hnâwla paih bo ka tum miah lo, engti kawng mahin kan inkâr hi an tihchhiat ka remti dáwn lo," a ti sup sup a.


Hriat nuam ka ti a, hriat hrehawm ka ti tho bawk. Min duhzia leh kan inkâr a dah pawimawhzia hriat chu a nuam ka ti a, lehlamah a pi lak ațangin ka la bo ta niin ka inngai deuh tlat bawk a, a pi bâkah a chhûngte lak ațang pawhin.


"Ka pi chuan min ngei ngawt ang tiraw? A hnên ațangin ka la bo si che a."


"Chutiang ngaih dàn chu khawi ațangin nge i neih?"


"In inah khân lo kal lo ila chuan i nunah ka rawn lût dáwn si lo va?"


" Ka nunah i lo lût lo ang tih hi ka hlau hle a ni, ka nun khawhar leh kim lo riaua ka inhriatna țhin kha tunah chuan a bo tawh a, nang ka nuna i lo luh hnu hian thil dang mamawh ka nei tawh hek lo."


"Mahse, i pi nèn in inkâr hi..."ka la sawi lai mêk chuan,"Nangmah vàng a ni lo, keimah vang zâwk a ni, ka sual a, Angel-i ka ring thei si lo va,"a lo ti thung a.


Hetiang hian sawi mah se, a bul chu keimah ka ni tho.


"Nih leh, i nu leh pate hian kan chanchin hi an hre vek ang tiraw?"


"Ka duh che a nih chuan a tâwk. Ka nu chuan a ngaithiam lo deuh a."


Ka rin dàn sa a ni tho. A nu leh pa hi dem chi an ni rêng rêng lo, ka dem thei bawk lo ang. An fapa neihchhun nupui atân chuan mi țha chhûnga mi, lehkhathiam, belh tlâk leh chhenfâkawm an duh dáwn ngei ngei dáwn, kei ve hi, mo atân duh tlâk ni mawlh hek lo.


"Thil țûl lo ngaihtuah vak vak suh, ka kalsan ngai dáwn lo che. Nang pawhin min kalsan tum mah la, i thei dáwn chuang lo."


"Kalsan che ka tum hlei nem."


"A țha, kan pahnih hian kan inkalsan tùr a ni lo ang," tiin ka hmuiah chuan a rawn fâwp zoh a, duh tâwk lovin kei chuan ka fâwp zui nghal a.


Kan inneih hma chu sex hman tawh loh ka duh vàngin Ruatdika pawh a insûm nasa thei viau. Kei pawh amah tiphûr tùr zâwngin ka awm duh lo, a châng chuan bathroom-ah a awm  leh vang vang țhìn a, ka khawngaih thei tawp. Ka thu tlûkna siam hi ka tidik lo a niang te ka ti țhìn. Mipa a ni a, insùm harsa a tih dan tùrzia hi kei hmeichhia hian ka hriat thiampui phâk mawlh lo ang, mipa insûm thei tak chu a ni.


Zîng khat chu pâwna ka awm laiin Max a lo chhuak ve a. Nui sâng chungin min bia a. A nui sâng reng thei hi a nuam àwm bîk ka ti țhìn, ka awt viau rêng.


"Jorin, i hlim tak tak em?"


"Aw, ngati nge ka hlim loh ang? Min duh ém émtu ka bulah a awm a, keiin ka duh ém ém bawk a, hei bâk te chu."


"Chuti, innei thuai tawh ula? R hi i tikhawngaihthlâk rei tawh alawm."


"Engti zâwngin maw?"


"A duhzia che hi a lang reng a, hetah awmpui chein a sumdàwnna enkawl pah a ngai bawk si a, ka farnu ang tak taka ka en vàng chein ka hrilh che a ni. A châwm zo hle dâwn tho si che a, i hrem rei tawh ka ti deuh."


"Max, nei thuai tùrin min duh tihna tiraw?"


"Aw, a tân a harsat tùrzia hi hmeichhia i nih vangin i hre thiam phâk lo ang. A duh ém che avang hian i duhna a zahsak hrâm hrâm che a nih hi, mipa leh hmeichhia chu kan inang lo a nia."


"Ka unaupa thuràwn min pêk chu zawm ka tum ngei ang."


"Ka lâwm e, i inchhîrin ka ring lo. A chhûngte kalsanin a rawn pan che a, a kalsan lo tawp ang che."


Ruatdika hian eng sumdàwnna nge a lo la enkawl le? A pi lak ațanga a inlâkhran tawh si chuan, ka hre thiam lo. Zawh fiah ve ngei a ngai ang, ka zâwt leh tawp mai ang. Inneih ka la duh loh chhan hi tam zâwk pawisa thawh chhuah ka la duh vàng mai a nia, pasala ka neih chuan ani chuan ka rai nghal a duh ngei dâwn a, ka rai chuan hna ka thawh chhunzawm thei dáwn si lo.


"Sumdàwnna eng emaw enkawl lai i nei em?" tiin ka zâwt táwng. Morning walk kan nei mêk.


"Hei, ka neih loh hi."


"Zêp nei bîk lo la?"


Min en vang vangin," Aw, nei e. Engati nge min zawh a?" a ti a.


"Keimah vàngin i sumdàwnna pawh a hmunah i enkawl theih loh phah a."


"Chanchin ka hre thei vek tho."


"A hma thei ang bera inneih ka duh!"


"Ka hre  thei vek...eng... maw!!! Han sawi leh teh!"


"Min nghah vàngin ka lâwm e, a hma thei ang bera inneih ka duh."


Min pawm a, khawlaiah chuan min virpui vak mai.


"Ka lâwm e, ka lâwm tak tak, ka tibeidawng ngai lo ang che." Khawlaiah mah ni se, min fâwp vawng vawng. Mi an tam teh chiam lo va, a zia zâwk.


"Mahse, engtin nge niang? Khawiah nge kan inneih ang?" Aizâwlah chuan a buaithlâk maithei, chhûngte ka nei ve mang si lo va. Haw chhoha chhûngte nèna inhmel hriat leh te te chhûng a nghah peih ka ring chiah bawk si lo.


"Lungngai suh, ka ngaihtuah vek mai ang," meng sawr sawr chung hian a ti a, a hmél hi chu a chhe lo chiang a ni, ka vannei, hetiang mipain min han duh tlat mai hi, piang vànnei tak chu ka ni.


Max chuan min lawmpui khawp mai.


"Buaithlâk a awm lo. Hetah in innei ang a, mî sàwm chiam a ngai lo bawk ang. In inneih theih kha thil țha ber leh hlu ber chu a ni mai, ka phûr tawh hle mai."


Nia, kei hi chuan Ruatdika tih ang ang ka pawmpui tawp mai ang. Khawiah pawh innei ila pawi ka ti lo.


"A awlsam dàn berin kan innei ang, ropui taka tih a ngai chuang hlei nem, tiraw Peach?"


"Um, i tih dàn dàn le. I kutah ka innghat tawp."


Kan hlim viau, lawmna ni pah fâwmin dinner kan ei chhuak leh a, tûn țum chu Max-a'n pawisa a tum vek.


Ka rilru ngaihtuahnaa khat ka zâwt lo thei lo.


"I pate'n kan innei dáwn tih an hria em?"


"Hria e, ka hrilh alawm."


"An lung a awi lo ngawt ang tiraw?"


"An duh dàn chu a ni vak lo; mahse, an fapa hi min hre chiang alawm."


"A pawi ka ti."


"Peach, khatiang khân sawi tawh suh, kan pahnih hlimna hi a pawimawh ber a ni."


An fapa neihchhun liau liauin, mo atân an duh ngai loh tùr, nupui atân min nei dáwn a ni si a, an rilru a hrehawm ngawt ang. Tuna ka bula a rawn awm ringawt pawh hi an tân chuan a tlàwmthlâk viau tawh ang. Kei lahin ka hnar phal si lo.


Aizâwla kan chhoh hunah an bulah kan chèn ngei tùr a ni ang. An fapa hi ka lâk bosak thei lo ang, tunah pawh hian an duh loh dànin kan kal tawh a, hmachhawn leh chu a huphurhawm khawp mai; mahse, an fapa hi ka chàntîr lo ang. Chhûngte ka neih loh vàngin ani pawh hi a chhûngte lak ațangin ka la bo lo ang, keimah ang hian awm ve tùrin ka phal lo.


X-mas hma lawkin kan innei ta a, kan inneih min hriatpuitute chu mi 10 chiah an ni, chu pawh Ruatdika țhiante 2, Max leh min inneihtîrtu Pastor chhûngte an ni. Ka hlim a, ka lung a chhe viau bawk. Kan inneih dàn hi a duh dàn tak a nih ka ring bîk lo, kei pawh a ni lo chiang; mahse, hei hi kan chan tâwk a ni miau si. Inneih thutiam kan chham  chu  Ruatdika chuan nghet cherh chawrh, fiah leh muang raihin a chham a, min en pah reng bawk. Kei erawh chu ka lung a chhiat rûk deuh avàngin ka aw a làwi deuh a, ka zo thei tho. Ka bula ding hian chakna leh huaisenna min pe a, a mit menga min duh ngawih ngawihna ka hmuh hian inrin tâwkna min pe bawk.


Khawi hotel changkângah emaw riah chhuah kan tum lo, ka in luah hi a tâwk ém ém. Nupa kan ni tawh a, chu chu a pawimawh ber mai, Pathian hmaah meuh kan tiam dùn tawh a, eng mahin a tidanglam thei tawh lo.


Max chuan pawisa țhahnem fe min pe a, ka la duh lo viau; mahse, a farnu ang chiaha min en ka nih vàngin ka hnial ta lo, Ruatdika'n ka lâk loh a phal lo bawk.


Dinner erawh Hotel-ah kan ei. Max-a'n ina ei a phal tlat lo, a ropui thei ang berin min lawmsak a, musicians leh zai tùrte a lo be lâwk thlap, hei zet chu ka ngaihtuah phâk loh thil a ni!


Ruatdika nèn kan lâm dùn a, ka hlim leh lâwm bawk si chu ka mittui a tling leh pam tawh mai. Musicians lam chuan 'A thousand years' an play riai riai a, ka tui ral mai dáwnin ka hria. He hun hi ka theihnghilh thei tawh ngai lo ang, ka hun tawna ropui ber leh hriat reng tùr a ni tlat. Ka theihnghilh phal bawk hek lo ang, mite angin ropui takin làwm hut hut lo mah ila, ka duh ber ka neih miau tawh avàngin ka lung a awi.


Max nèn pawh kan lâm, he pa ka lo tawng hi ka lâwm ngawih ngawih. Min kàwm lui hrâm hrâm lo se chuan hetiang dinhmun hi ka thleng kher lo ang, làwmthu hrilh mawlh mawlh tùr ka ni. Ka tân chuan a hlû a, ka theihnghilh thei ngai lo ang.


Zàn kan mutnaah chuan nupa kan nih tawh miau avàngin nupa nun kan chèn thei tawh, ka dang tawh lo ang, ani tân pawh insùm a ngai tawh miah lo.


"Ka tâ i ni chiang ta e," ka hmuia fâwp zauh pah chuan a ti sup a.


"A hma pawhin ka ni reng alawm."


"Tunah chuan a chiang leh zual tawh alawm. Chuan, insùm ka ngai tawh lo bawk a."


Dunlop chhah zet chungah chuan min țhutpui a, keiin a nghâwngah kuahin a kâwngah ka kherh bet thung. Ka mut kawr hâk pan zet leh chhîng zet chu hnawk tih hmêl deuh hian a en a, a tlângah a kut pahnih rawn zen lût chhovin ka nâk chu a rawn chûl chho zai zai a, a zâ ka ti, ka nui hak mai.


"I taksa nâl hen hawn chùl hi a nuam ka ti."


Kei pawhin min chùl hian nuam ka ti. Ka mûr ar ar a, a rawn chûl chho zêl. Ka hnung chùl duh tâwk lo chuan hma lamah a rawn chûl țan ta, ka thaw hawk mai. Min chùl nasat theih nân a nghâwnga kuah chung chuan hnung lamah ka eu kual ruai a.


Ka mut kawr chu awlsam têin a hlîp a, thawmhnaw hâk ka nei ta lo. Ka âwmbawr chu chùl mai duh tâwk lo chuan a fâwp ta, awm ngaihna ka hre lo, ka thle tawn sek a, a samah ka kut rawlhin ka țham tàwn táwn a.


A kawr ka hlihsak a, a kekawr pawh. Zah țît țêt ka nei tawh bîk lo. Ka pasal a ni tawh a, kan inneih zàn a ni bawk. Ka theih anga nasain ka tihlim ang, ka zak lo ang.


"Ka tâ tak tak ni tawh rawh aw."


A thil sawi chu ka hre thiam ve alawm, kei pawhin chu tluka duh chu ka nei lo. Ka phûrin ka zauthau tawh tak zet a, a tân ka inpeih at tawh a ni.


Ka taksa chhûnga lo luh chu a harsat tawh lo, nawmna nasa takin min tuam avàngin ka ngawi mai mai thei tawh lo. A hming ka lam ruai a,  a hnungah ka ham tàwn táwn. A che vêl chu ka lo pui ve zêl a, kan thaw huam huam tawh a; mahse, tàwpsan kan tum chuang lo.


Hah hnêpin nupa nun kan chèn a, vawi khat mai kan duh tâwk lo. A chau thei ve lo a ni ang tih tùr khawpin a fit a, mak tak maiin kei pawhin ka lo pui ve thei zêl tho. Ka hah hnêp emaw ka tih pawhin a chê a nih chuan ka lo pui thei zêl.


"I fit reuh phian ka ti," ka beng bulah a ti sar sar a.


"Nang pawh, puih zêl che ka duh alawm."


"In-fit țhatzia chu i hre ta alawm. Exer lâk i peih lohzia kha, he thil ka hriat vàng hi alawm i peih lo chung pawh ti tùra ka kaih thawh hrâm hrâm che."


"I fing bîk e!"


"Zanin atân chuan ka duh tâwk ang, ka khawngaih tawh che; mahse, zîng lamah hma deuh takah ka kai tho leh ang che, nau pai thuai thuai la ka duh."


"Ka mal a kham țhûm mai. Ka bawp hi bal mai tùr angin a awmin ka hria."


A nui hawk a.


"Bal lo ang, ka phal teuh lo."


Ka hàm ta bai bai a.


Ka hmuia fâwp zohin," Um, i chau tawh a nih kha, muhìl tawh rawh le. Muttui, ka nula tê," a ti sup a, nghet takin min kuah a.


"Nang pawh muttui le, ka pasal duh tak."


A âwm nghèngin thlamuang takin ka maimichhîng a, ka hmui na deuh hlar leh ka bawp kham țhûmte theihnghilh riai riaiin mumang nei map lo chuan ka muhìl zui nghal a.