☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆RUATDIKA☆ - 35 By Dingdi Pachuau
Dàwr kal ka peih lo tak zet, ka sawi ri duh chuang lo. Kal lo tùrin min duh tih ka hre sa a, ka sawi a nih vaih chuan a țha lo. A thu hrimah tûn thla bâk hi ka thawk tawh dáwn chuang lo va, a bulah chuan ka la sawi lo nain ka tum lo ve tawp. Mizoram lama chhohpui ka duh, a remchàn veleh ka chhûngte pawh hmuh ka duh dáwn a, tûn thla tal hi chu thawh tluan ka duh a ni.
Krismas hun nuam takin kan hmang a, dàwra ka thawhnaah pawh bonus ka dawng ve ngei e. Hmun hrang hrangte fangin kan kal kual a, Max pawh a bâng bîk lo. Thla kan la deuh reng a, nakinah kan la ngai viau ang. Kum thar ațang chuan ka thawk tawh dáwn si lo va, Ruatdika ka hrilh tawh a, ani pawhin a lo 'amen' thlap. Ka pasalin keimah vànga a sumdàwnna a kalsan reng hi ka duh loh bâkah hmeichhia zâwk ka ni a, a thu thua awm tùr zâwk ka ni si a. Ani chuan heta awm reng hi țûl a ti lo sa. Aizawla kan chhoh huna kan in luah tùr pawh a be sa vek tawh nain a pain a phal lo bur, an ina lût nghal tùrin min ti.
Kan chhoh dáwn zànah Max chu zanriah kan eipui a, min ngaih tùr thute chu a sawi ve sap sap a, kei pawhin ka ngai ngawt ang. Hlimna ka neih lêt lehna kawngah hian a sûl sutu pawimawh tak a ni si a, bâkah ka unaupa neihchhun a ni bawk si. Ka ngai dáwn lutuk, he ka in luah lian lo tak pawh hi ka ngai vawng vawng ang, in tak tak anga keimah chauha ka awm țanna hmasa ber a ni si a.
A pain hmun danga awm a phal loh bur avàngin leh kei pawhin hmun hrana in danpui ka duh bîk loh vàngin an inah kan lût a, nuam ti takin ka awm dáwn lo tih hre ve tho mah ila an fapa neihchhun a ni a, an fanu atân an duh tak ka ni lo tih tawh nakalaia, an fapa lo kheuh hran daih chu ka tum bîk lo. Ka huphurh lutuk, anmahni bumtu kha ka ni si a, hun ka hmachhawn tùr hi forward theih se ka ti; mahse, a theih si loh.
Ruatdika nu leh pate'n kan innei tawh tih an hre vek tawh a, a pa chuan lâwm thiam takin min lo bia a, ka nêl fahran lo nain ka lâwm viau. A nu pawh nu fing tih takah a lo țawng bawrh bawrh a, ka rin aiin an lo thinrim lo. Kan pahnih chungah an lungawi lo a nih pawhin an tilang lo rêng rêng nia. Ruatdika erawh a țawng tam lo hle a, a pain hmun danga kal a phal lo chu a lungawi vak lo tih ka hria; mahse, kei pawhin hmun danga kal ka duh bîk hlei nem. A nu leh pa in, an in ngei hi kan luhna tùr dik tak a ni ka ti ve tlat, huphurh sateh mah ila. Ka huphurh bâkah a nu leh pate ka zah, 'ka nu' 'ka pa' tia koh an ngai dáwn bawk si.
Zanriah kîl laiin Ruatdika pa chuan," Kan fate in ni a, nupa in ni bawk. In hran din leh in luah hran a ngai lo, hei bâk in in nei lo va, keini lo nu leh pa in nei hek lo, rilru hran put miah loh tùr a ni," a ti dap dap a.
Ruatdika a ngawi ngul mai si a, nuam lo ka ti deuh hlek.
A pa vêk chuan," Zorini pawh, kan fapa nupui i nih avàngin kan fanu i ni. Hun kal tawh chu theihnghilh hmak tùr a ni. In inhmangaih a, in induh avàngin in innei a ni a, tunah chuan mal tak i ni tawh lo tih hriain nu leh pa ang tak taka min en ka duh a ni," a ti leh a.
"Aw le, ka tum ang...ka pu." Ka kea Ruatdika'n min rawn tlawh zauh vangin 'ka pa' tih ka tum ve pawh ' ka pu' ka ti ta daih mai! Mi mah zah ve naklaia, ka melh duh lo, ka thin a rim tawp. Thu tak sawi lai chuan en loh ka duh, ka melh rum dáwn si a.
"Min 'pû' lovin 'ka pa' min ti rawh, min ko bawrh bawrh ang che, nêl taka min ko bawrh bawrhtu na na na chu kan nêlin fel kan ti vat duh a nia. Keini zawng, i nu nèn hian upat lam kan pan zêl tawh a, chêt fel loh leh thil chinchâng hriat loh pawh kan nei zauh zauh ang. Chutih hunah chuan min chhawmdàwl kan ngai viau dáwn a ni, i pasal erawh sumdàwnna lam a buaipui lo thei si lo va. I in a ni tih hria la, nuam ti takin awm ang che."
Ruatdika nu chuan eng mah a lo sawi ve lo, an pa thu sawi chu a tâwk a ti a niang, Ruatdika lah ngawi ngul ringawt, ka ngei teh mai a nia.
An awmpui nula tleirâwl kha a lo awm tawh lo va, thlêng seng leh hmun phiah pawh ka tih tùr a ni ta. Kan kham fel veleh apron ka chuh vat a, Ruatdika leh a pa chu an inthiar fihlîm hmak. Ka bulah lo dingin tih dan tùr min lo hrilh se ka tih trh lul nèn, a nu hi ka zawh ngei a ngai dáwn asin. Ka huphurh țûn mai.
Mahse, thil han zawh vak tùr a awm lo ve. Hmun danga kan chêt dàn ang thovin chêt a ni mai, thlêng leh bowl a tam ta deuh e tih a ni mai a, bona tùr a awm chuang lo.
Sitting room-ah kan țhu khâwm a, ka tîm ru viau. Chaw ei lai chuan chaw kan ei mawlh mawlh a, tunah erawh chêtna tùr a awm si lo. Ka kawrlum hâk ipteah ka kut ka zen a, ka țhu at mai.
Rei vak lo hnuah chuan Ruatdika pa chuan," Zorin, thingpui hâng in a châkawm i ti em? I han siam dáwn em ni ang? I nu pawhin a duh ang, ka lo sawi kêp nghal ang e. Bawiha, i duh ve dáwn em?" tiin Ruatdika chu a melh a.
"Ka duh lo mai ang."
Ka kal sawn chu min rawn zui ve nghal a, kitchen-ah min zui lûtin," I siam thiam ang em le, ka pu?" a ti sup a.
"Nangmah vàng vek a nih kha."
"Eng chu maw? I pasal pa chu i pa tùr a nih tih i la hre lo em ni?"
Rum zeta melhin," 'Ka pa' tih ka tum laiin nangma'n min lo tlawh a nih a nih kha, ka zahzia mai chu a," ka ti nang nang a.
"Thingpui chu?"
Flask-ah tui lum an lo dah lâwk diam țhìn a lo ni, thil tih dan chu min hrilh zêl a, min pui miah lo. No hnih chu siamin a nu leh pate chu ka va pe a.
"A va tui dáwn ve!"
Chhan ngaihna ka hriat loh avàngin ka nuih ringawt a, a pa vêk chuan," In chau ngawt ang, inbual fai ula, in duh chuan mu daih rawh u. No hi chu i nuin a lo seng mai dáwn nia," a ti leh a, ka thaw a veng huai mai. Ka chau lêm lo nain an bula awm hi chu a nuam ka ti rih lo, ka țang țùng reng maiin ka hria.
Mut hmain kan inbual phawt. Khua a vawh viau avàngin tui lum sa ver vawr kan hmang a, a nuam tawp.
Ruatdika room hi a zau nuam viau mai. Engkim chu a fel fai a, a dik thlap mai. Mipa room mah ni se, a nuam ka ti tho. Tunah phei chuan kan nupa room a ni tawh dáwn lehnghal a, ka duh dàn ang angin ka ti thei tawh ang. Duh leh bed-sheet pâr chuai leh ka lawm ém ém Minions lem chuang pawh ka phah thei tawh ang, ka thu thuin ka che thei ang chu.
Khua a vawh avàng chuan mut thuai thuai ka nghâkhlel tawp. Ka muhìl thuai theiin ka ring lo, mutna ka sawn hian ka mu țha thei lo țhìn lehnghal a; mahse, Ruatdika a awm a, a zia deuh tùrah ka ngai.
"Thawmhnaw ha țup kher teh suh."
"A vâwt alawm."
"Vâwt ti lova awm dàn ka hria!"
"Kei pawh, chuvàng alawm kawr lum ka hâk."
"Khatiang ha chunga mut i tum loh ka beisei."
"Eng vàngin maw?"
"Khatiang ha chung khân ka kuah peih miah lo che a nia."
"I sual e a."
"Hlih leh tùr tho chu ha duh tawh ngai suh."
"I thawmhnaw hâk pawh i inbual dáwn te chuan i hlîp ziah alawm."
Ka bânah a man chawt a," Min hnial min hnial lo khân hlîp mai teh, ka kuah lum thei reng che alawm le. Pasalte pa 'pu' chut chut a fin loh thlâk ém mai," a ti duah a.
"Sawi tawh teh suh, nangmah vàng a nih kha."
Khumah chuan kan inbuan a, ka kawr lum hâk chu hlihsak min tum a, keiin hlih ka phal lo thung.
"I tlâwm em? Min hneh loh ém hi."
"Hmeichhe derdêpin ka hneh che i ring rêng rêng em ni? Min thlah teh, ka kut a nâ a nia."
"'Ka tlâwm e' ti phawt rawh."
"Aih."
"I ti dáwn lo maw?" tih leh na zeta ka hmuia fawh chu a rual a. A chêt dàn chuan min tiphûr nghal sârh mai, duhthawh takin ka lo chhâng lêt nghal a, a kut chu ka kawr chhûngah a rawn zen lût nghal bawk a.
"A hnawk viau a ni."
Ka kawr lum a hlîp tùr chu ka lo pui nghal. Kan inbuanna lamah khân a vâwt zualpui chu a reh tawh a, vâwt pawh ka ti tawh lo.
"I tlâwm em?"
"Aw."
Ka tlâwm chiang alawm. Ka chunga a thil tih chu ka pawm vek, hnial a hnêkin ka lo pui zêl zâwk. Ka pasal a ni a, a hnênah ka intulût tak zet.
A âwma bei thlar pah chuan," I pa hi a fel ka ti, ka huphurh teh lul nèn, min be bawrh bawrh a," ka ti sap a.
"Nuam lo ti miah suh aw, inthlahrung miah lo la, nuam lo i lo ti a nih chuan min hrilh dáwn nia."
"Nuam lo ka ti lo ang."
"Eng mah zêp suh aw."
"Aw le. Chuan, thil dang daih, naktûkah morning walk kan nei dáwn em?"
"I chau palh ang."
"Nih, i chhuak ang em?"
"I ni khatna a ni dáwn sia, ka chhuak lo ang."
"Ka lâwm e, ka lo huphurh rilru deuh a."
Ka sam chûl hauh hauh pahin," Eng mah huphurh tùr a awm lo, hrehawm tiin hun hmang miah suh," a ti a.
"I awm dáwn chuan ka huphurh lo."
Ka muhìl thei lo hrim hrim. Ka la meng kar a, dâr 11 a ri tawh. Ka mutna ka sawn vàng a ni ngei ang, Ruatdika erawh a muhìl daih tawh. Ani zawng an in a ni a, thlamuang takin a muhìl thei tawh ang chu, kei ve chu ka muthilh theih loh avàng chuan ka hma lam hun tawn tùr chu ka ngaihtuah kual vak vak a.
Ruatdika nu hi ka la ko ve lo va, ka koh thuai a ngai. A pa koh ka tum ve ràn rán laiin, ka kea min tlawh avàngin ka koh dik loh phah lehnghal a, ka chêt chhiat phah vek. A zahthlâk ve asin, pasalte pa chu 'ka pa' tia koh tùr tih chu ka hre ve thlap asin.
Zàn ka mut theih loh avàngin zîngah ka harh tlai lehnghal a, Ruatdika pawh a lo mu tawh lo. Hmanhmawh zetin ka tho, he pa hi min kaih thawh ve tal tùr a nia, thawh tlai ka tân a zahthlâk dáwn tih te chu a hre ve reng àwm si a.
Room ațanga ka chhuah chuan a nu a lo tho tawh a, a pa erawh ka hmu miah lo.
Biak hmasak ngei a ngai dáwn ta, ka huphurh a, eng nge ka sawi tâk ang?
"I lo tho tawh maw? Thingpui i duh em?"
Min lo be hmasa zâwk, ka inngaihtuah hmasak vàng vek.
"Duh lo ve, ka lâwm e, ka nu. I tho nuam em?" Ka aw chu a khùr deuh hlek, ka kut ka hûm ruh a, țawng mai mai chu ka ti thei tùr a ni tiin ka infuih sauh sauh a.
Chawhmeh a siam chu ka pui ve nghal a, min be bawrh bawrh hran lo va, kei phei chuan biak leh ngaihna pawh ka hre tawh lo hrim hrim.
Ruatdika a lo lût a, he pa hi min kaih thawh ve tùr a nia. Morning walk a neih dáwn chuan min hrilha min kaih thawh ve hrâm tùr a nia, ka thin a rim tù tú a.
Min nuih suk a, kei erawh chuan rum deuhin ka melh thung.
"Nu, tui lum min lo thlit teh."
Min tirh ve mai àwm, he pa hi min tihzah a tum a ni ang.
"Keima'n ka lo thlit ang e, ka nu," amah en ràn chuan ka ti a.
'Ka nu' ka tih lai chuan a mit ko a san âk a, engah mah ngai lo chuan ka hmui ka tihpawrh khum a, no lain flask lam chu ka pan ta nghal a.
"I thawhna a rei tawh em?" No ka va pêk lai chuan a lo ti sup a.
"Min kaih thawh ve tùr alawm." Ka aw chhuaka lungawi lohna tel hlek chu a hre thiam khawp ang chu.
"Nizànah i mu țha thei si lo va, ka kai tho duh lo che a nih kha."
"Mahse, a zahthlâk alawm."
"Zak suh, va pui leh tawh rawh le."
A pa pawh a lo lût a, an tho hma hlawm viau a nih dáwn hi.
"Zorin, nizànah i mu țha thei em?"
Ka chhàn hmain," A mutna a sawn vàngin a mu țha thei lo," Ruatdika chuan a lo ti hluk a.
"A nih chu, a va zia lo ve aw. Ngawi tak rawh, i awm rei telh telh ang a, tui zet zetin i mu thei mai ang."
Ruatdika chu a pa chungah a la lungawi zân lo tih ka hre mai. Nuam lo ka lo ti ru viau.
"Nia, ka mutna ka sawn thut vàng mai mai alawm," ka lo ti ve a.
Tûkțhuan kan kîl laiin a nu chuan," Zorini eirawng bàwl kan ei dáwn a, a tui viau ang," a ti a.
A pa chuan," A ni maw? Ei țeuh ila a ni mai alawm, a tui dáwn si a," a lo ti ve a.
"Ka siam a awm lo, ka nu siam vek, kei chuan ka pui ve chauh zâwk."
Chaw ei khamah chuan ka chêt dàn tùr Ruatdika ka zâwt a, a nu leh pa erawh mitthi râl tùrin an chhuak daih a, rin aiin kan zalèn ta phian a. Kei pawh ka duh dànin ka che thei a, chêtsual hlau rêng rênga chêt a ngai lo bawk a, a zia khawp mai.
Min chêtpui chiam tùr a awm lo bawk a, keimahin ka che vek. Ani erawhin ka che vêl chu min lo en mai mai, pawi ka ti lo.
"I va fel tak aw!!"
"Vànnei i inti viau lo maw?"
"Ka lâwm rêng a ni."
"Tak tak chuan, keimah hi ka vànnei fê. Sawi ngaihna pawh a awm lo zâwk."
"Lo kal teh."
Ka pan hnai ve mai, ka kâwngah min lo kuahin ka pum chu ka kawr chhanah a fâwp a.
"Hei, naute pawh ka la pai loh hi, khatiang khân ti teh suh."
"A awm tawh maithei asin, i la hre lo pawh a ni thei tho."
"A awihawm loh e."
"Kan tih laiin ka uluk thei ém! I pai thuai dáwn, mipa ngat a ni nghe nghe ang."
Awih lo zet hian ka melh chhuk rân a, ka zak pah deuh tho bawk.
"Nang, mipa nge i duh ang hmeichhia?"
"Ka duh ve ve."
"Mipa nei ngei ngei tùrin țan ka la zêl ang. Rai tawh la ka ti tak zet. Fapa ka duh tawh a ni."
"Hm, țan lâk i la ngai nasa a nih chu."
"Tunah kan țan leh nghal mai dáwn em niang?"
"Hey, hna ka thawh hi aw."
"Thawh tùr i neih tawh loh hi."
"Lo insûm teh, puan pho ka'n check ang e," tiin ka kal sawn ta nghal a.
Ka nu leh pate an lo hàwn chuan dâr 2 a pèl tawh a, eirawng bàwl a hun țan leh tawh avàngin ka nu chuan chawhmeh siam tùr chu a dah chhuak a, thingpui an duh leh duh loh ka zâwt a.
"Ka duh lo mai ang e," ka nu chuan a ti a, ka pa ve thung chuan," A hâng chu lo in ang hmiang, kan inna kha a rei leh ta deuh a," a lo ti thung a.
(Vawiin chu ka buai tak zet. Dah ka duh bawk si a, a tawi hret maithei, min lo hre thiam hrâm teh u, ka tlai bawk si.)
Dàwr kal ka peih lo tak zet, ka sawi ri duh chuang lo. Kal lo tùrin min duh tih ka hre sa a, ka sawi a nih vaih chuan a țha lo. A thu hrimah tûn thla bâk hi ka thawk tawh dáwn chuang lo va, a bulah chuan ka la sawi lo nain ka tum lo ve tawp. Mizoram lama chhohpui ka duh, a remchàn veleh ka chhûngte pawh hmuh ka duh dáwn a, tûn thla tal hi chu thawh tluan ka duh a ni.
Krismas hun nuam takin kan hmang a, dàwra ka thawhnaah pawh bonus ka dawng ve ngei e. Hmun hrang hrangte fangin kan kal kual a, Max pawh a bâng bîk lo. Thla kan la deuh reng a, nakinah kan la ngai viau ang. Kum thar ațang chuan ka thawk tawh dáwn si lo va, Ruatdika ka hrilh tawh a, ani pawhin a lo 'amen' thlap. Ka pasalin keimah vànga a sumdàwnna a kalsan reng hi ka duh loh bâkah hmeichhia zâwk ka ni a, a thu thua awm tùr zâwk ka ni si a. Ani chuan heta awm reng hi țûl a ti lo sa. Aizawla kan chhoh huna kan in luah tùr pawh a be sa vek tawh nain a pain a phal lo bur, an ina lût nghal tùrin min ti.
Kan chhoh dáwn zànah Max chu zanriah kan eipui a, min ngaih tùr thute chu a sawi ve sap sap a, kei pawhin ka ngai ngawt ang. Hlimna ka neih lêt lehna kawngah hian a sûl sutu pawimawh tak a ni si a, bâkah ka unaupa neihchhun a ni bawk si. Ka ngai dáwn lutuk, he ka in luah lian lo tak pawh hi ka ngai vawng vawng ang, in tak tak anga keimah chauha ka awm țanna hmasa ber a ni si a.
A pain hmun danga awm a phal loh bur avàngin leh kei pawhin hmun hrana in danpui ka duh bîk loh vàngin an inah kan lût a, nuam ti takin ka awm dáwn lo tih hre ve tho mah ila an fapa neihchhun a ni a, an fanu atân an duh tak ka ni lo tih tawh nakalaia, an fapa lo kheuh hran daih chu ka tum bîk lo. Ka huphurh lutuk, anmahni bumtu kha ka ni si a, hun ka hmachhawn tùr hi forward theih se ka ti; mahse, a theih si loh.
Ruatdika nu leh pate'n kan innei tawh tih an hre vek tawh a, a pa chuan lâwm thiam takin min lo bia a, ka nêl fahran lo nain ka lâwm viau. A nu pawh nu fing tih takah a lo țawng bawrh bawrh a, ka rin aiin an lo thinrim lo. Kan pahnih chungah an lungawi lo a nih pawhin an tilang lo rêng rêng nia. Ruatdika erawh a țawng tam lo hle a, a pain hmun danga kal a phal lo chu a lungawi vak lo tih ka hria; mahse, kei pawhin hmun danga kal ka duh bîk hlei nem. A nu leh pa in, an in ngei hi kan luhna tùr dik tak a ni ka ti ve tlat, huphurh sateh mah ila. Ka huphurh bâkah a nu leh pate ka zah, 'ka nu' 'ka pa' tia koh an ngai dáwn bawk si.
Zanriah kîl laiin Ruatdika pa chuan," Kan fate in ni a, nupa in ni bawk. In hran din leh in luah hran a ngai lo, hei bâk in in nei lo va, keini lo nu leh pa in nei hek lo, rilru hran put miah loh tùr a ni," a ti dap dap a.
Ruatdika a ngawi ngul mai si a, nuam lo ka ti deuh hlek.
A pa vêk chuan," Zorini pawh, kan fapa nupui i nih avàngin kan fanu i ni. Hun kal tawh chu theihnghilh hmak tùr a ni. In inhmangaih a, in induh avàngin in innei a ni a, tunah chuan mal tak i ni tawh lo tih hriain nu leh pa ang tak taka min en ka duh a ni," a ti leh a.
"Aw le, ka tum ang...ka pu." Ka kea Ruatdika'n min rawn tlawh zauh vangin 'ka pa' tih ka tum ve pawh ' ka pu' ka ti ta daih mai! Mi mah zah ve naklaia, ka melh duh lo, ka thin a rim tawp. Thu tak sawi lai chuan en loh ka duh, ka melh rum dáwn si a.
"Min 'pû' lovin 'ka pa' min ti rawh, min ko bawrh bawrh ang che, nêl taka min ko bawrh bawrhtu na na na chu kan nêlin fel kan ti vat duh a nia. Keini zawng, i nu nèn hian upat lam kan pan zêl tawh a, chêt fel loh leh thil chinchâng hriat loh pawh kan nei zauh zauh ang. Chutih hunah chuan min chhawmdàwl kan ngai viau dáwn a ni, i pasal erawh sumdàwnna lam a buaipui lo thei si lo va. I in a ni tih hria la, nuam ti takin awm ang che."
Ruatdika nu chuan eng mah a lo sawi ve lo, an pa thu sawi chu a tâwk a ti a niang, Ruatdika lah ngawi ngul ringawt, ka ngei teh mai a nia.
An awmpui nula tleirâwl kha a lo awm tawh lo va, thlêng seng leh hmun phiah pawh ka tih tùr a ni ta. Kan kham fel veleh apron ka chuh vat a, Ruatdika leh a pa chu an inthiar fihlîm hmak. Ka bulah lo dingin tih dan tùr min lo hrilh se ka tih trh lul nèn, a nu hi ka zawh ngei a ngai dáwn asin. Ka huphurh țûn mai.
Mahse, thil han zawh vak tùr a awm lo ve. Hmun danga kan chêt dàn ang thovin chêt a ni mai, thlêng leh bowl a tam ta deuh e tih a ni mai a, bona tùr a awm chuang lo.
Sitting room-ah kan țhu khâwm a, ka tîm ru viau. Chaw ei lai chuan chaw kan ei mawlh mawlh a, tunah erawh chêtna tùr a awm si lo. Ka kawrlum hâk ipteah ka kut ka zen a, ka țhu at mai.
Rei vak lo hnuah chuan Ruatdika pa chuan," Zorin, thingpui hâng in a châkawm i ti em? I han siam dáwn em ni ang? I nu pawhin a duh ang, ka lo sawi kêp nghal ang e. Bawiha, i duh ve dáwn em?" tiin Ruatdika chu a melh a.
"Ka duh lo mai ang."
Ka kal sawn chu min rawn zui ve nghal a, kitchen-ah min zui lûtin," I siam thiam ang em le, ka pu?" a ti sup a.
"Nangmah vàng vek a nih kha."
"Eng chu maw? I pasal pa chu i pa tùr a nih tih i la hre lo em ni?"
Rum zeta melhin," 'Ka pa' tih ka tum laiin nangma'n min lo tlawh a nih a nih kha, ka zahzia mai chu a," ka ti nang nang a.
"Thingpui chu?"
Flask-ah tui lum an lo dah lâwk diam țhìn a lo ni, thil tih dan chu min hrilh zêl a, min pui miah lo. No hnih chu siamin a nu leh pate chu ka va pe a.
"A va tui dáwn ve!"
Chhan ngaihna ka hriat loh avàngin ka nuih ringawt a, a pa vêk chuan," In chau ngawt ang, inbual fai ula, in duh chuan mu daih rawh u. No hi chu i nuin a lo seng mai dáwn nia," a ti leh a, ka thaw a veng huai mai. Ka chau lêm lo nain an bula awm hi chu a nuam ka ti rih lo, ka țang țùng reng maiin ka hria.
Mut hmain kan inbual phawt. Khua a vawh viau avàngin tui lum sa ver vawr kan hmang a, a nuam tawp.
Ruatdika room hi a zau nuam viau mai. Engkim chu a fel fai a, a dik thlap mai. Mipa room mah ni se, a nuam ka ti tho. Tunah phei chuan kan nupa room a ni tawh dáwn lehnghal a, ka duh dàn ang angin ka ti thei tawh ang. Duh leh bed-sheet pâr chuai leh ka lawm ém ém Minions lem chuang pawh ka phah thei tawh ang, ka thu thuin ka che thei ang chu.
Khua a vawh avàng chuan mut thuai thuai ka nghâkhlel tawp. Ka muhìl thuai theiin ka ring lo, mutna ka sawn hian ka mu țha thei lo țhìn lehnghal a; mahse, Ruatdika a awm a, a zia deuh tùrah ka ngai.
"Thawmhnaw ha țup kher teh suh."
"A vâwt alawm."
"Vâwt ti lova awm dàn ka hria!"
"Kei pawh, chuvàng alawm kawr lum ka hâk."
"Khatiang ha chunga mut i tum loh ka beisei."
"Eng vàngin maw?"
"Khatiang ha chung khân ka kuah peih miah lo che a nia."
"I sual e a."
"Hlih leh tùr tho chu ha duh tawh ngai suh."
"I thawmhnaw hâk pawh i inbual dáwn te chuan i hlîp ziah alawm."
Ka bânah a man chawt a," Min hnial min hnial lo khân hlîp mai teh, ka kuah lum thei reng che alawm le. Pasalte pa 'pu' chut chut a fin loh thlâk ém mai," a ti duah a.
"Sawi tawh teh suh, nangmah vàng a nih kha."
Khumah chuan kan inbuan a, ka kawr lum hâk chu hlihsak min tum a, keiin hlih ka phal lo thung.
"I tlâwm em? Min hneh loh ém hi."
"Hmeichhe derdêpin ka hneh che i ring rêng rêng em ni? Min thlah teh, ka kut a nâ a nia."
"'Ka tlâwm e' ti phawt rawh."
"Aih."
"I ti dáwn lo maw?" tih leh na zeta ka hmuia fawh chu a rual a. A chêt dàn chuan min tiphûr nghal sârh mai, duhthawh takin ka lo chhâng lêt nghal a, a kut chu ka kawr chhûngah a rawn zen lût nghal bawk a.
"A hnawk viau a ni."
Ka kawr lum a hlîp tùr chu ka lo pui nghal. Kan inbuanna lamah khân a vâwt zualpui chu a reh tawh a, vâwt pawh ka ti tawh lo.
"I tlâwm em?"
"Aw."
Ka tlâwm chiang alawm. Ka chunga a thil tih chu ka pawm vek, hnial a hnêkin ka lo pui zêl zâwk. Ka pasal a ni a, a hnênah ka intulût tak zet.
A âwma bei thlar pah chuan," I pa hi a fel ka ti, ka huphurh teh lul nèn, min be bawrh bawrh a," ka ti sap a.
"Nuam lo ti miah suh aw, inthlahrung miah lo la, nuam lo i lo ti a nih chuan min hrilh dáwn nia."
"Nuam lo ka ti lo ang."
"Eng mah zêp suh aw."
"Aw le. Chuan, thil dang daih, naktûkah morning walk kan nei dáwn em?"
"I chau palh ang."
"Nih, i chhuak ang em?"
"I ni khatna a ni dáwn sia, ka chhuak lo ang."
"Ka lâwm e, ka lo huphurh rilru deuh a."
Ka sam chûl hauh hauh pahin," Eng mah huphurh tùr a awm lo, hrehawm tiin hun hmang miah suh," a ti a.
"I awm dáwn chuan ka huphurh lo."
Ka muhìl thei lo hrim hrim. Ka la meng kar a, dâr 11 a ri tawh. Ka mutna ka sawn vàng a ni ngei ang, Ruatdika erawh a muhìl daih tawh. Ani zawng an in a ni a, thlamuang takin a muhìl thei tawh ang chu, kei ve chu ka muthilh theih loh avàng chuan ka hma lam hun tawn tùr chu ka ngaihtuah kual vak vak a.
Ruatdika nu hi ka la ko ve lo va, ka koh thuai a ngai. A pa koh ka tum ve ràn rán laiin, ka kea min tlawh avàngin ka koh dik loh phah lehnghal a, ka chêt chhiat phah vek. A zahthlâk ve asin, pasalte pa chu 'ka pa' tia koh tùr tih chu ka hre ve thlap asin.
Zàn ka mut theih loh avàngin zîngah ka harh tlai lehnghal a, Ruatdika pawh a lo mu tawh lo. Hmanhmawh zetin ka tho, he pa hi min kaih thawh ve tal tùr a nia, thawh tlai ka tân a zahthlâk dáwn tih te chu a hre ve reng àwm si a.
Room ațanga ka chhuah chuan a nu a lo tho tawh a, a pa erawh ka hmu miah lo.
Biak hmasak ngei a ngai dáwn ta, ka huphurh a, eng nge ka sawi tâk ang?
"I lo tho tawh maw? Thingpui i duh em?"
Min lo be hmasa zâwk, ka inngaihtuah hmasak vàng vek.
"Duh lo ve, ka lâwm e, ka nu. I tho nuam em?" Ka aw chu a khùr deuh hlek, ka kut ka hûm ruh a, țawng mai mai chu ka ti thei tùr a ni tiin ka infuih sauh sauh a.
Chawhmeh a siam chu ka pui ve nghal a, min be bawrh bawrh hran lo va, kei phei chuan biak leh ngaihna pawh ka hre tawh lo hrim hrim.
Ruatdika a lo lût a, he pa hi min kaih thawh ve tùr a nia. Morning walk a neih dáwn chuan min hrilha min kaih thawh ve hrâm tùr a nia, ka thin a rim tù tú a.
Min nuih suk a, kei erawh chuan rum deuhin ka melh thung.
"Nu, tui lum min lo thlit teh."
Min tirh ve mai àwm, he pa hi min tihzah a tum a ni ang.
"Keima'n ka lo thlit ang e, ka nu," amah en ràn chuan ka ti a.
'Ka nu' ka tih lai chuan a mit ko a san âk a, engah mah ngai lo chuan ka hmui ka tihpawrh khum a, no lain flask lam chu ka pan ta nghal a.
"I thawhna a rei tawh em?" No ka va pêk lai chuan a lo ti sup a.
"Min kaih thawh ve tùr alawm." Ka aw chhuaka lungawi lohna tel hlek chu a hre thiam khawp ang chu.
"Nizànah i mu țha thei si lo va, ka kai tho duh lo che a nih kha."
"Mahse, a zahthlâk alawm."
"Zak suh, va pui leh tawh rawh le."
A pa pawh a lo lût a, an tho hma hlawm viau a nih dáwn hi.
"Zorin, nizànah i mu țha thei em?"
Ka chhàn hmain," A mutna a sawn vàngin a mu țha thei lo," Ruatdika chuan a lo ti hluk a.
"A nih chu, a va zia lo ve aw. Ngawi tak rawh, i awm rei telh telh ang a, tui zet zetin i mu thei mai ang."
Ruatdika chu a pa chungah a la lungawi zân lo tih ka hre mai. Nuam lo ka lo ti ru viau.
"Nia, ka mutna ka sawn thut vàng mai mai alawm," ka lo ti ve a.
Tûkțhuan kan kîl laiin a nu chuan," Zorini eirawng bàwl kan ei dáwn a, a tui viau ang," a ti a.
A pa chuan," A ni maw? Ei țeuh ila a ni mai alawm, a tui dáwn si a," a lo ti ve a.
"Ka siam a awm lo, ka nu siam vek, kei chuan ka pui ve chauh zâwk."
Chaw ei khamah chuan ka chêt dàn tùr Ruatdika ka zâwt a, a nu leh pa erawh mitthi râl tùrin an chhuak daih a, rin aiin kan zalèn ta phian a. Kei pawh ka duh dànin ka che thei a, chêtsual hlau rêng rênga chêt a ngai lo bawk a, a zia khawp mai.
Min chêtpui chiam tùr a awm lo bawk a, keimahin ka che vek. Ani erawhin ka che vêl chu min lo en mai mai, pawi ka ti lo.
"I va fel tak aw!!"
"Vànnei i inti viau lo maw?"
"Ka lâwm rêng a ni."
"Tak tak chuan, keimah hi ka vànnei fê. Sawi ngaihna pawh a awm lo zâwk."
"Lo kal teh."
Ka pan hnai ve mai, ka kâwngah min lo kuahin ka pum chu ka kawr chhanah a fâwp a.
"Hei, naute pawh ka la pai loh hi, khatiang khân ti teh suh."
"A awm tawh maithei asin, i la hre lo pawh a ni thei tho."
"A awihawm loh e."
"Kan tih laiin ka uluk thei ém! I pai thuai dáwn, mipa ngat a ni nghe nghe ang."
Awih lo zet hian ka melh chhuk rân a, ka zak pah deuh tho bawk.
"Nang, mipa nge i duh ang hmeichhia?"
"Ka duh ve ve."
"Mipa nei ngei ngei tùrin țan ka la zêl ang. Rai tawh la ka ti tak zet. Fapa ka duh tawh a ni."
"Hm, țan lâk i la ngai nasa a nih chu."
"Tunah kan țan leh nghal mai dáwn em niang?"
"Hey, hna ka thawh hi aw."
"Thawh tùr i neih tawh loh hi."
"Lo insûm teh, puan pho ka'n check ang e," tiin ka kal sawn ta nghal a.
Ka nu leh pate an lo hàwn chuan dâr 2 a pèl tawh a, eirawng bàwl a hun țan leh tawh avàngin ka nu chuan chawhmeh siam tùr chu a dah chhuak a, thingpui an duh leh duh loh ka zâwt a.
"Ka duh lo mai ang e," ka nu chuan a ti a, ka pa ve thung chuan," A hâng chu lo in ang hmiang, kan inna kha a rei leh ta deuh a," a lo ti thung a.
(Vawiin chu ka buai tak zet. Dah ka duh bawk si a, a tawi hret maithei, min lo hre thiam hrâm teh u, ka tlai bawk si.)
Comments
Post a Comment