☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆RUATDIKA☆ - 38 By Dingdi Pachuau
Ka nu leh pa rawn haw pawh chuan thawmhnaw bawk a ni an rawn hawn ni. Ka nuin hmeichhe thawmhnaw, ka pain mipa thawmhnaw. A buaithlâk asin, heti ém éma tû awt si hi engtin nge Ruatdika hian fa a neih loh theih zâwk le tih te ka ngaihtuah ta mai mai.
"Thawmhnaw chu a va ngah tawh tak em!! A ha sêng tawh lo chiang alawm, lo lei tawh suh aw, ka nute hi chu ka hnial ngam lo va, nang hi chu ka hrilh ngam che, lo lei tawh suh aw."
"Ka fa ka hmuh hmasak ber tùr a nih hi, hmuh kân ve zâwk mai la?"
"A tam tawh ém alawm. Dahna pawh a awm sêng tawh lo a nia."
"Lungngai mah ta che, room hran kan siamtîr dáwn nia."
Hm, thil țûl lovah buai lo teh ang, a tihluih hmèl tho si a.
"Ka piin a hre tawh em le?"
"Eng?"
"Nau ka pai thu hi maw le, a lâwm ve dáwn lutuk a."
"Theihnghilh teh!"
"A nghahhlelhzia kha, nupui i neiha fa i neih hun a nia ka tih. Tunah pawh hian a lâwm ve khawp ang, a number lah chu ka nei tawh si lo va."
"A hre tawh, a lâwm a nih chuan rawn lêng ve rawh se. Kan han tlawh tawh lo ang, ani àn khum mai mai tùrin ka nei lo che."
"Ih maw, ka pi chungah khân ka thinrim hlei nem, a thinrim hi a àwm ka tihpui viau asin, ka huat phah lo."
"Keiin ka haw thung alawm!"
A buaithlâk. A tih loh lam hi chu ti lo ve tak hi a ni bawk sia, a pi hian ani lo innghahna tak tak a nei dáwn lo. An inkâr hi keimah vàng a nia, a siam țhatu tùr chu keimah. Muangchânga la titipui bek bek chi, a rilru hi ka hneh theih ngei beisei ila.
Ka dul pawh a puar ta viau, ka hah thei tawp. Ka vawi khat paina a ni si a, thil chinchâng ka la hre lo bawk nèn, rai hi nuam viaua ka lo rinna zawng zawngte kha tunah chuan a bo vek tawh. Nuam ka ti lo, chhûngte hian min duat ém zâwk a, chuti ni lo se ka thin hi a chhe ngawtin ka ring.
Chhûngte ka hmuh châk ve tawh nèn, Ruatdika'n chhuah a phal lo bur. Nia, a dik ve tho. Kawng a thui tham ve bawk a, ka chau viau ang. Min ngaihtuah vànga phal lo a ni pakhat bawk a, ka sawi ngam tawh rih lo.
Zîngah tûkțhuan kan ei laiin ka nuin," Nizàn lam news kha in chhiar ve em? A râpthlâk ka ti tak zet a ni," a ti a, kei lah pek, phone khawih khât lutuk chuan eng mah ka lo hre ve leh pek lo.
"Eng thil nge, ka nu?"
"I hriat a țha lo ve, naute ngaihtuahin chaw kha țha takin ei mai rawh."
Ruatdika min tih dàn kher kher chu ka ngei roh tawp, ka melh rum a, min nuih suk duh chauh. Ka hre ve àwm e, fb-ah ka lût ve khawp ang.
Ka phone hi dâr zât en nân leh mi biak nân bâk ka hmang ngai lo tih theih a ni. Fb ka lût khât bawk si, whatsapp lamah biak tùr teh chiam ka nei bawk si lo, ka chhawr fahran lo khawp mai, ka mâwl ve teh e.
Chhùnah chuan ka fb ta ngei a, țhian hluite pic chu ka'n like-sak lâwp lâwp a, News group hrang hrangah news, ka nuin 'râpthlâk' a tih ni ngeia ka rin chu ka hmu ve ta.
E khai! A va mak dáwn ve! Kan ram, Mizorama thleng chu a ni ngei si a maw!! A râpthlâk ka ti ngei mai, chhiar pawh ka chhiar chhuak ngam dáwn hlei nem. Ka rilru a tâwt up up a, hrehawm ka lo ti tlawk tlawk. Thil thleng duhawm lo zet chu a va ni ém!!
Nilêng mai chuan ka ngaihtuah a, an comment-na zawng zawng pawh ka chhiar chhuak dap mai. Mihring chu fel vek kan ni thei lo; mahse, uchuak leh che râwvâ hi chu an awm țhìn a nih hi. Victim tleirâwl tê chu ka khawngaih tak zet a ni. A rilru hrehawm dan tùr chu ka ngaihtuah ve phâk lo, a chhan chu a chunga thil thleng chu ka tawrh ve miau loh vàng leh ka chunga a thlen ve miau loh vàngin.
Ka rilru a luah ngang a ni, mutnaah Ruatdika'n min be mawlh mawlh a, ka lo hre țhak lo.
Ka khabea rawn dawmin amah en thei tùr chuan min kuai her a.
"Vawiinah eng thil nge thleng? Ka be mawlh mawlh che sia, min ngaihtuah miah lo a nia."
Ka harh chhuak ve chiah.
"Pâwngsual chungchâng kha ka hre ve chauh alawm. A râpthlâk ka ti lutuk a, ka ngaihtuah reng a."
"Kha vàng khân alawm hre ve lo tùra ka duh che le!"
"A râpthlâk ka ti lutuk a, ka rilru a hrehawm."
Min kuah a, kei pawhin ka theih dàn dánin ka kuah.
"A tuartu hi ka khawngaih, a nunkhua an tihchhiatsak vek niin ka ngai, a la naupang si," ka ti sap sap a.
"Hm, an tenawm khawp mai."
"Mi pathumin an pawngsual rawn a nia, a râpawm em a ni. Mi ang pângngaiah a rawn chhuak thei ang em tih pawh a la hriat si loh a, ka râp ngawih ngawih. A nu leh pa leh chhûngte rilru nat dàn tùrzia hi," ka ti tlawk tlawk a, ka rilru a luah ém a ni.
"Kristian ram kan nia, roreltu fel tak takin dik takin ro an rèlsak tùrah ngai ang."
"Kristian ramah kristian-te tâna tiha mawi lo leh râpthlâk a thleng chu a nih si hi."
"A dik alawm."
"Nih, a victim hi lo ni ta ila?"
"Teuh lo! Ka phal miah lo, sawi suh!" a lo ti thuai a.
"I unaunu emaw lo ni ta se?"
"Unaupa a neihzia ka hmuhtîr hlawm ang."
"A bialpa tak pawh kha a khawngaihthlâk tho, amah a inpuh lo thei si lo vang."
Chutiang hlîr chu kan sawi. A ngawih hnuah pawh ka sawi chhuak leh țhìn, ka rilruah thil dang a awm thei lo. Pâwngsual tuartu chu ka khawngaih tàwp thei lo, a nunkhua rawn hman chhoh tùr ka ngaihtuah lo thei lo va, depression nasa tak a nei ngei ang, taksa lam chu thuhran, rilru lam leh zêlah a tuar dáwn a ni a, ka khawngaih lutuk a ni ringawt.
Ka mumang lamah ka lo hmu lehnghal a, Ka hlau lutuk chu ka țê tuar tuar. Ruatdika'n min kai tho va, ka phu zawih zawih mai. Nghet taka min kuah a mumang mai mai, mangchhia a ni tih min hrilh hnuah chuan ka zia ta deuh hlek. Ka hlau lutuk a, muthilh leh pawh ka hlau.
Zîng lamah ka chhîng sek, Ruatdika pawhin min thawhsan bîk lo. Ka mit ka men ruala ka bula a lo la mu han hmuh chu nuam tak a ni, min tithlamuang sawng sawng thei. Min lo nuih a.
"Morning, i mu țha thei tiraw?"
Ka zi ar ar phawt a, ngun zet hian min lo en thung.
"Morning, ka men ruala i hmel hmuh chu a nuam danglam hle mai."
"I khua a lo har țhìn tihna em ni?"
"Har bâkah a nuam lo ka ti țhìn."
"Chuti, i harh hun ka lo nghâk tawh țhìn ang che."
"A ngai chuang lo, ka tho har thei si. Ka nu pawh ka thawh khalh thei ngai lo a nia, a inthlahrunawm."
"Inthlahrung suh, i in a nih hi. Nang bâk duat tùr an nei hlei nem, tunah phei chuan pahnih duat tùr in awm tawh lehnghal a, duat ngawih ngawih in phû."
"Hei bâk bâka induat dàn a awm tawh lo ang."
Kan tho hma lo khawp a, chaw ei tùrin min lo nghâk tawh vél. A zahthlâk lutuk ringawt. Ruatdika chuan chaw ei laiin thil awm dàn a sawi a.
Ka nu chuan," Zàn in mu țha thei lo a nih ka ring deuh rêng a," a lo ti a. Ka pa thung chuan," Nau pai lai chuan thu thințhâwng leh news râpthlâk deuh lam chu chhiar tawh lo la a țha ang," a lo ti thung a.
"Nia, a phone pawh ka kawl tawh ang."
"A, ka nuin a sawi zauh khân ka hre châk ve ém a."
"A dik reng mai. News pângngai tak hi chu a awm a, thil țha lo lam hi chu chhiar lo la."
Ka pa leh Ruatdika inkâr khì pawh hi naute hian a rawn zawm ni berin ka hria. Chaw ei lai pawhin Ruatdika leh ka pa pawh hi an inbe ve tawh a, a ngawi ngul tawh bîk lo. Nuih a hunah kan nui tlâng thei tawh a, nuam ka ti tawh lutuk.
Chhùn lamah nimin lama ka thil chhiar kha ka ngaihtuah nauh nauh a, ka rilruin ka țawngțai mawlh mawlh. Diknain ro a rèl nân leh thil tisualtute'n an thil tih sual man an hmuh theih nân leh victim tân ka dîl, a hnuah thil tisualtute tân ka dîl leh. An thil tih țhat lohzia an hriat chhuah a an sim theih nân leh mi 'ang pângngai' an lo nih leh theih nân.
Ka nu chu ka bulah a rawn țhu a.
"Nizàn lamah i mu țha thei si lo va, muthilh tum la, mut tam i mamawh a nia," a rawn ti a.
"Ka nu, tukinah ka thawh tlai ém kha. Zîng lamah ka mu țha alawm," ka lo ti thung a.
"Nau pai tân chuan hahdam leh mut tam hi a pawimawh asin, damdawi lam hi chu i ei țha viauin ka hria. Rilțam hian i lo awm ngawt ang tihte hi ka hlau a, i ei châk chu ei hmiah hmiah rawh, insûm a ngai miah lo," a ti leh bawrh bawrh a.
"Mahse, ka nu, ei puar deuh hi a hrehawm em alawm, min do rùn maiin ka hria a."
"A ni alawm, i dul ka en vang vang hi chuan naute hi a lian àwm mang e te ka tia, a nih loh pawhin phìr a nih maite ka ring deuh bawk a."
Phìr maw?!!
"Ka nu, a lian i lo ti ve tho maw? Kei pawh a lian ka ti lutuk a, ka ngaih a țha lo deuh hial asin."
"Ngaihţhat lohna tùr phei chu a awm lo, doctor-a kan kal pawhin a țha tih thu an sawi ziah kha. A lian dáwn tihna a ni ang, hmuh a châkawm taeh mang e."
Naute chungchâng hlîr kan sawi leh ta.
"E, taka, i pi pawhin i rai tih a hria a, a lâwm teh asin, hmuh che u a duh lutuk a. Naute thawmhnaw tùr a buaipui char char tawh a ni àwm e, Angel-i a tibuai ngawt ang chu!"
Ka pi chu a lâwm viau ang ka tih tawh kha. Ruatdika fa hmuh a duh ém kha, naute a hmuh phawt chuan a thinlung natna leh thinrimnate kha a reh ka ring tlat a ni. Min haw rei tak tak bîk lo tawp ang, a tupa nupui ka ni miau a.
"Ka pi chu a làwm ka ring rêng a ni, Ruatdika ka lo sâwm chhin dáwn nia, a hman veleh ka pi tlawh tùr chuan ka lo kar ang e."
"Zorin, a tìrah kha chuan i chungah hian ka lâwm lo khawp mai a. Bawiha ka hmangaih vàng chauha i lo luh pawh phal ka ni a; mahse, tunah chuan kan in chhûnga hlimna min thlentu dik tak i ni a, ka lâwm hle tawh a ni. Ka lo rinsual che avàngin min ngaidam dáwn nia," a ti keuh keuh a.
"Ka nu, ka dem miah lo che asin. Mo atân pawm ka har tùrzia ka hria, chhûng leh khat pawh nei lo ka ni a, chuta kârah ka la bum zui che u a, i rilru ang hi nu zawng zawng rilru tùr a ni. Kei chuan nang lo nu dang ka nei miah lo tih ka hria, chutiangin pa pawh. En hran che u hi ka tum lo hrim hrim, ka pasal nu leh pate bâka ka nu leh pa tùr an awm ka hre thei lo a ni."
Ka rilru a hlim veng veng. Tunah chuan ka nu ka hneh ta phawt; mahse, naute vàng chauh hi a nih loh hrâm ka beisei. A chunga ka sual loh a ka țhat tlat chuan ka la hneh zêl ks ring bawk.
Tlaia Ruatdika a lo haw pawhin hlim zetin ka lo chhàwn a, nimin lam boruak nèn chuan a dang ta deuh.
"I hlim hmél hmuh chu a nuam hle mai, hmuh țha i hmu em ni?"
"Maithei a ni."
"Sawi ve mai la?"
"Ka phal lo."
"Duata a lo che leh em?"
"A che peih tawh rih lo a niang, football khelh a zir ziah a, a ninawm alawm," fiamthuin ka lo ti a.
"Um, football-a a tui phawt chuan a khèl mawlh ang, khawi maw, ka lo be leh lawk teh ang."
Ka dul puar zet chu a hlîm lang leh a, ka chhiatzia hi. Pèr pùr hian, ka hmuhnawm lo ve chiang a ni.
"Hiii, buddy, vawiin lamah min lo ngai em? Football i khèl țhìn em ni? Ânu pum chhûngah ni lovin pâwnah lo chhuak la, football chu duh tâwkin kan khèl dáwn nia."
Ka nuih a zâ, mihring biak tak takin a be sia.
"Lo chhuak thuai la, kan hmu châk tawh che a nia, ka duat dáwn nasa mai si che a."
"I duat sual ang!"
"Ânu ai hian ka duat dáwn si che a, a thîk țan tawh ringawt che a nia, hei a tûm vuau mai."
"Daw peih siah!"
"A hmui kawhzia chu maw, i hmuh ve atân pawh ka duh lo."
Ka dul chûl ve pah chuan," Duata, âpa tân fapa duhawm leh fel, âpi leh âpute tân tupa fel leh ngaihawm, ânu tân fapa țha tak lo ni ang che aw. Mite harsatna thlentu ni miah lo la, i chhûngte zahna thlentu nih duh miah lo ang che aw," ka ti ve sap sap a.
"Duata zawng, a fel dáwn ém! Kan duat sual dáwn lo, mi țha takah kan chhuah ang."
Ka pi chuan ka nu leh pa a rawn phone ta ngei a, ka phone number nei hek lo, Ruatdika lahin a call a pick duh bawk si lo. A mangangin ka nu leh pate hnênah a rawn țuan ta a ni chiang mai.
"Kan nupaa min hmuh a duh chuan rawn lêng ve mai rawh se!"
Zanriah kan kîl a, ka pate'n ka piin min hmuh a duh thu min hrilh a ni.
"Bawiha, han lêng phawt ula, a lo thinrim tawh bîk nâng."
"Amah pawh lo lêng ve ang hmiang."
"Lo lèn a cho lo deuh a niang, han lêng hrâm rawh u, a lo thinrim tawh bîk lo ang. I fa lo piang tùr a nghahhlelh theih ém kha, Bawiha."
Kei pawhin ka nu leh pate sawi angin Ruatdika chu ka thlêm ve a, ka pi chu tlawh ve hrâm phal tùrin ka ngèn a.
"A lo ân khum leh mai ang che."
"Àn khum a na hlei nem."
"Keima'n ka duh lo alawm."
"Ka bula i awm chuan eng mah ka hlau lo."
"Miin an duh hun huna an àn khum tùr i ni lo hrim hrim."
A kut chùlsakin," Tunah chuan min lo àn khum tawh kher nâng, min lo àn khum leh a nih chuan kan lêng tawh dáwn miah lo nia," ka ti a, lèn a duh ngei theih nân ka theih ang anga ka kar a ngai.
"A àn khum che chuan kan haw nghal ang a, kan léng leh tawh miah lo ang."
A tàwpah ka hmin ta hrâm.
Kan lèn ni chuan Angel-i a lo awm lo. Ka pi leh awmpuite chauh an lo awm a, kan rin phâk lohin ka pi chuan min lo làwm!! A mak ka ti lutuk!
"Hmeichhia nei rawh aw, naute kawr pawh ka lei țeuh tawh a nia. Ka pawm hmasa ber ang, ka pawm châk tawh."
Ruatdika nèn chuan kan inen a, a hmui a lo tipawrh nasa.
"Room-ah naute thawmhnaw tùr ka dah a, nakinah kan la dáwn nia. Ka nghâkhlel tawh lutuk a, ka phûr tawh lutuk ringawt."
Hetia ka pi a phûr ta lutuk leh a țha ta lutuk hian ka ngaih a tițha lo lek lek hial, thil ţha lo thleng lul suh se.
Angel-i a rawn haw ve ta. Min hmu chu mak ti hmel pawh a pu lo, a lo ring sa ve te pawh a ni mahna.
"Angel-i hi naute kawr tùr chu ka leitîr țhìn a, a rawn lei nalh thei teh a nia, mawi a hre lutuk. A vah lo piang tùr chu ani pawh a phûr ve khawp mai," a ti siam siam a.
Angel-i chuan ka room hlui kha a luah a lo ni. Naute kawr chu a room lamah a dah nual a ni àwm a, chumi la tùr chuan kan chho a, ka room hlui ka han hmu leh chu lung hlui a lêng reuh tawp.
Ruatdika erawh a lo lût lo. Thawmhnaw chu a la khawm a, a piin lei tùra a tih nasat theihzia chu a sawi lar lar a, a mak ka ti. Min àn khumin hnehsawh zet zetin min țawng khum leh ka ring deuh a nia, rin loh deuh deuhin vawiin chu hun ka hmang a nih hi.
Thawmhnaw chu bag-ah khungin min pe a, room ațanga kan chhuah chuan Ruatdika pawh a lo awm tawh lo, in hnuai lamah a chhuk a nih hmèl.
"Bag kha ka lo kensak ang che."
"A rit lo ve, ka keng thei alawm."
"Khawi, ka lo ken ang che, i puar tawh ém kha."
Bag ka pe tùr chu min rawn nêk palh ta a ni ang, step bul maia ka din tawh avàngin ka rahna a phet a, step-ah chuan ka tawlh a, ka taksa a lo rit tawh bawk nen, ka lum thla titih ta. Ka râk țhawt a, step zumah ka lu ka tauh a, ka lu a hai lutuk.
Ka meng ngam lo, engtin chiah nge ka awm ka hre lo, ka men chuan Ruatdika hmél chiang lo riaiin ka hmu a, ka mit a rawn thim telh telh, ri ka hre lo, a thim ta hmak mai.
Ka nu leh pa rawn haw pawh chuan thawmhnaw bawk a ni an rawn hawn ni. Ka nuin hmeichhe thawmhnaw, ka pain mipa thawmhnaw. A buaithlâk asin, heti ém éma tû awt si hi engtin nge Ruatdika hian fa a neih loh theih zâwk le tih te ka ngaihtuah ta mai mai.
"Thawmhnaw chu a va ngah tawh tak em!! A ha sêng tawh lo chiang alawm, lo lei tawh suh aw, ka nute hi chu ka hnial ngam lo va, nang hi chu ka hrilh ngam che, lo lei tawh suh aw."
"Ka fa ka hmuh hmasak ber tùr a nih hi, hmuh kân ve zâwk mai la?"
"A tam tawh ém alawm. Dahna pawh a awm sêng tawh lo a nia."
"Lungngai mah ta che, room hran kan siamtîr dáwn nia."
Hm, thil țûl lovah buai lo teh ang, a tihluih hmèl tho si a.
"Ka piin a hre tawh em le?"
"Eng?"
"Nau ka pai thu hi maw le, a lâwm ve dáwn lutuk a."
"Theihnghilh teh!"
"A nghahhlelhzia kha, nupui i neiha fa i neih hun a nia ka tih. Tunah pawh hian a lâwm ve khawp ang, a number lah chu ka nei tawh si lo va."
"A hre tawh, a lâwm a nih chuan rawn lêng ve rawh se. Kan han tlawh tawh lo ang, ani àn khum mai mai tùrin ka nei lo che."
"Ih maw, ka pi chungah khân ka thinrim hlei nem, a thinrim hi a àwm ka tihpui viau asin, ka huat phah lo."
"Keiin ka haw thung alawm!"
A buaithlâk. A tih loh lam hi chu ti lo ve tak hi a ni bawk sia, a pi hian ani lo innghahna tak tak a nei dáwn lo. An inkâr hi keimah vàng a nia, a siam țhatu tùr chu keimah. Muangchânga la titipui bek bek chi, a rilru hi ka hneh theih ngei beisei ila.
Ka dul pawh a puar ta viau, ka hah thei tawp. Ka vawi khat paina a ni si a, thil chinchâng ka la hre lo bawk nèn, rai hi nuam viaua ka lo rinna zawng zawngte kha tunah chuan a bo vek tawh. Nuam ka ti lo, chhûngte hian min duat ém zâwk a, chuti ni lo se ka thin hi a chhe ngawtin ka ring.
Chhûngte ka hmuh châk ve tawh nèn, Ruatdika'n chhuah a phal lo bur. Nia, a dik ve tho. Kawng a thui tham ve bawk a, ka chau viau ang. Min ngaihtuah vànga phal lo a ni pakhat bawk a, ka sawi ngam tawh rih lo.
Zîngah tûkțhuan kan ei laiin ka nuin," Nizàn lam news kha in chhiar ve em? A râpthlâk ka ti tak zet a ni," a ti a, kei lah pek, phone khawih khât lutuk chuan eng mah ka lo hre ve leh pek lo.
"Eng thil nge, ka nu?"
"I hriat a țha lo ve, naute ngaihtuahin chaw kha țha takin ei mai rawh."
Ruatdika min tih dàn kher kher chu ka ngei roh tawp, ka melh rum a, min nuih suk duh chauh. Ka hre ve àwm e, fb-ah ka lût ve khawp ang.
Ka phone hi dâr zât en nân leh mi biak nân bâk ka hmang ngai lo tih theih a ni. Fb ka lût khât bawk si, whatsapp lamah biak tùr teh chiam ka nei bawk si lo, ka chhawr fahran lo khawp mai, ka mâwl ve teh e.
Chhùnah chuan ka fb ta ngei a, țhian hluite pic chu ka'n like-sak lâwp lâwp a, News group hrang hrangah news, ka nuin 'râpthlâk' a tih ni ngeia ka rin chu ka hmu ve ta.
E khai! A va mak dáwn ve! Kan ram, Mizorama thleng chu a ni ngei si a maw!! A râpthlâk ka ti ngei mai, chhiar pawh ka chhiar chhuak ngam dáwn hlei nem. Ka rilru a tâwt up up a, hrehawm ka lo ti tlawk tlawk. Thil thleng duhawm lo zet chu a va ni ém!!
Nilêng mai chuan ka ngaihtuah a, an comment-na zawng zawng pawh ka chhiar chhuak dap mai. Mihring chu fel vek kan ni thei lo; mahse, uchuak leh che râwvâ hi chu an awm țhìn a nih hi. Victim tleirâwl tê chu ka khawngaih tak zet a ni. A rilru hrehawm dan tùr chu ka ngaihtuah ve phâk lo, a chhan chu a chunga thil thleng chu ka tawrh ve miau loh vàng leh ka chunga a thlen ve miau loh vàngin.
Ka rilru a luah ngang a ni, mutnaah Ruatdika'n min be mawlh mawlh a, ka lo hre țhak lo.
Ka khabea rawn dawmin amah en thei tùr chuan min kuai her a.
"Vawiinah eng thil nge thleng? Ka be mawlh mawlh che sia, min ngaihtuah miah lo a nia."
Ka harh chhuak ve chiah.
"Pâwngsual chungchâng kha ka hre ve chauh alawm. A râpthlâk ka ti lutuk a, ka ngaihtuah reng a."
"Kha vàng khân alawm hre ve lo tùra ka duh che le!"
"A râpthlâk ka ti lutuk a, ka rilru a hrehawm."
Min kuah a, kei pawhin ka theih dàn dánin ka kuah.
"A tuartu hi ka khawngaih, a nunkhua an tihchhiatsak vek niin ka ngai, a la naupang si," ka ti sap sap a.
"Hm, an tenawm khawp mai."
"Mi pathumin an pawngsual rawn a nia, a râpawm em a ni. Mi ang pângngaiah a rawn chhuak thei ang em tih pawh a la hriat si loh a, ka râp ngawih ngawih. A nu leh pa leh chhûngte rilru nat dàn tùrzia hi," ka ti tlawk tlawk a, ka rilru a luah ém a ni.
"Kristian ram kan nia, roreltu fel tak takin dik takin ro an rèlsak tùrah ngai ang."
"Kristian ramah kristian-te tâna tiha mawi lo leh râpthlâk a thleng chu a nih si hi."
"A dik alawm."
"Nih, a victim hi lo ni ta ila?"
"Teuh lo! Ka phal miah lo, sawi suh!" a lo ti thuai a.
"I unaunu emaw lo ni ta se?"
"Unaupa a neihzia ka hmuhtîr hlawm ang."
"A bialpa tak pawh kha a khawngaihthlâk tho, amah a inpuh lo thei si lo vang."
Chutiang hlîr chu kan sawi. A ngawih hnuah pawh ka sawi chhuak leh țhìn, ka rilruah thil dang a awm thei lo. Pâwngsual tuartu chu ka khawngaih tàwp thei lo, a nunkhua rawn hman chhoh tùr ka ngaihtuah lo thei lo va, depression nasa tak a nei ngei ang, taksa lam chu thuhran, rilru lam leh zêlah a tuar dáwn a ni a, ka khawngaih lutuk a ni ringawt.
Ka mumang lamah ka lo hmu lehnghal a, Ka hlau lutuk chu ka țê tuar tuar. Ruatdika'n min kai tho va, ka phu zawih zawih mai. Nghet taka min kuah a mumang mai mai, mangchhia a ni tih min hrilh hnuah chuan ka zia ta deuh hlek. Ka hlau lutuk a, muthilh leh pawh ka hlau.
Zîng lamah ka chhîng sek, Ruatdika pawhin min thawhsan bîk lo. Ka mit ka men ruala ka bula a lo la mu han hmuh chu nuam tak a ni, min tithlamuang sawng sawng thei. Min lo nuih a.
"Morning, i mu țha thei tiraw?"
Ka zi ar ar phawt a, ngun zet hian min lo en thung.
"Morning, ka men ruala i hmel hmuh chu a nuam danglam hle mai."
"I khua a lo har țhìn tihna em ni?"
"Har bâkah a nuam lo ka ti țhìn."
"Chuti, i harh hun ka lo nghâk tawh țhìn ang che."
"A ngai chuang lo, ka tho har thei si. Ka nu pawh ka thawh khalh thei ngai lo a nia, a inthlahrunawm."
"Inthlahrung suh, i in a nih hi. Nang bâk duat tùr an nei hlei nem, tunah phei chuan pahnih duat tùr in awm tawh lehnghal a, duat ngawih ngawih in phû."
"Hei bâk bâka induat dàn a awm tawh lo ang."
Kan tho hma lo khawp a, chaw ei tùrin min lo nghâk tawh vél. A zahthlâk lutuk ringawt. Ruatdika chuan chaw ei laiin thil awm dàn a sawi a.
Ka nu chuan," Zàn in mu țha thei lo a nih ka ring deuh rêng a," a lo ti a. Ka pa thung chuan," Nau pai lai chuan thu thințhâwng leh news râpthlâk deuh lam chu chhiar tawh lo la a țha ang," a lo ti thung a.
"Nia, a phone pawh ka kawl tawh ang."
"A, ka nuin a sawi zauh khân ka hre châk ve ém a."
"A dik reng mai. News pângngai tak hi chu a awm a, thil țha lo lam hi chu chhiar lo la."
Ka pa leh Ruatdika inkâr khì pawh hi naute hian a rawn zawm ni berin ka hria. Chaw ei lai pawhin Ruatdika leh ka pa pawh hi an inbe ve tawh a, a ngawi ngul tawh bîk lo. Nuih a hunah kan nui tlâng thei tawh a, nuam ka ti tawh lutuk.
Chhùn lamah nimin lama ka thil chhiar kha ka ngaihtuah nauh nauh a, ka rilruin ka țawngțai mawlh mawlh. Diknain ro a rèl nân leh thil tisualtute'n an thil tih sual man an hmuh theih nân leh victim tân ka dîl, a hnuah thil tisualtute tân ka dîl leh. An thil tih țhat lohzia an hriat chhuah a an sim theih nân leh mi 'ang pângngai' an lo nih leh theih nân.
Ka nu chu ka bulah a rawn țhu a.
"Nizàn lamah i mu țha thei si lo va, muthilh tum la, mut tam i mamawh a nia," a rawn ti a.
"Ka nu, tukinah ka thawh tlai ém kha. Zîng lamah ka mu țha alawm," ka lo ti thung a.
"Nau pai tân chuan hahdam leh mut tam hi a pawimawh asin, damdawi lam hi chu i ei țha viauin ka hria. Rilțam hian i lo awm ngawt ang tihte hi ka hlau a, i ei châk chu ei hmiah hmiah rawh, insûm a ngai miah lo," a ti leh bawrh bawrh a.
"Mahse, ka nu, ei puar deuh hi a hrehawm em alawm, min do rùn maiin ka hria a."
"A ni alawm, i dul ka en vang vang hi chuan naute hi a lian àwm mang e te ka tia, a nih loh pawhin phìr a nih maite ka ring deuh bawk a."
Phìr maw?!!
"Ka nu, a lian i lo ti ve tho maw? Kei pawh a lian ka ti lutuk a, ka ngaih a țha lo deuh hial asin."
"Ngaihţhat lohna tùr phei chu a awm lo, doctor-a kan kal pawhin a țha tih thu an sawi ziah kha. A lian dáwn tihna a ni ang, hmuh a châkawm taeh mang e."
Naute chungchâng hlîr kan sawi leh ta.
"E, taka, i pi pawhin i rai tih a hria a, a lâwm teh asin, hmuh che u a duh lutuk a. Naute thawmhnaw tùr a buaipui char char tawh a ni àwm e, Angel-i a tibuai ngawt ang chu!"
Ka pi chu a lâwm viau ang ka tih tawh kha. Ruatdika fa hmuh a duh ém kha, naute a hmuh phawt chuan a thinlung natna leh thinrimnate kha a reh ka ring tlat a ni. Min haw rei tak tak bîk lo tawp ang, a tupa nupui ka ni miau a.
"Ka pi chu a làwm ka ring rêng a ni, Ruatdika ka lo sâwm chhin dáwn nia, a hman veleh ka pi tlawh tùr chuan ka lo kar ang e."
"Zorin, a tìrah kha chuan i chungah hian ka lâwm lo khawp mai a. Bawiha ka hmangaih vàng chauha i lo luh pawh phal ka ni a; mahse, tunah chuan kan in chhûnga hlimna min thlentu dik tak i ni a, ka lâwm hle tawh a ni. Ka lo rinsual che avàngin min ngaidam dáwn nia," a ti keuh keuh a.
"Ka nu, ka dem miah lo che asin. Mo atân pawm ka har tùrzia ka hria, chhûng leh khat pawh nei lo ka ni a, chuta kârah ka la bum zui che u a, i rilru ang hi nu zawng zawng rilru tùr a ni. Kei chuan nang lo nu dang ka nei miah lo tih ka hria, chutiangin pa pawh. En hran che u hi ka tum lo hrim hrim, ka pasal nu leh pate bâka ka nu leh pa tùr an awm ka hre thei lo a ni."
Ka rilru a hlim veng veng. Tunah chuan ka nu ka hneh ta phawt; mahse, naute vàng chauh hi a nih loh hrâm ka beisei. A chunga ka sual loh a ka țhat tlat chuan ka la hneh zêl ks ring bawk.
Tlaia Ruatdika a lo haw pawhin hlim zetin ka lo chhàwn a, nimin lam boruak nèn chuan a dang ta deuh.
"I hlim hmél hmuh chu a nuam hle mai, hmuh țha i hmu em ni?"
"Maithei a ni."
"Sawi ve mai la?"
"Ka phal lo."
"Duata a lo che leh em?"
"A che peih tawh rih lo a niang, football khelh a zir ziah a, a ninawm alawm," fiamthuin ka lo ti a.
"Um, football-a a tui phawt chuan a khèl mawlh ang, khawi maw, ka lo be leh lawk teh ang."
Ka dul puar zet chu a hlîm lang leh a, ka chhiatzia hi. Pèr pùr hian, ka hmuhnawm lo ve chiang a ni.
"Hiii, buddy, vawiin lamah min lo ngai em? Football i khèl țhìn em ni? Ânu pum chhûngah ni lovin pâwnah lo chhuak la, football chu duh tâwkin kan khèl dáwn nia."
Ka nuih a zâ, mihring biak tak takin a be sia.
"Lo chhuak thuai la, kan hmu châk tawh che a nia, ka duat dáwn nasa mai si che a."
"I duat sual ang!"
"Ânu ai hian ka duat dáwn si che a, a thîk țan tawh ringawt che a nia, hei a tûm vuau mai."
"Daw peih siah!"
"A hmui kawhzia chu maw, i hmuh ve atân pawh ka duh lo."
Ka dul chûl ve pah chuan," Duata, âpa tân fapa duhawm leh fel, âpi leh âpute tân tupa fel leh ngaihawm, ânu tân fapa țha tak lo ni ang che aw. Mite harsatna thlentu ni miah lo la, i chhûngte zahna thlentu nih duh miah lo ang che aw," ka ti ve sap sap a.
"Duata zawng, a fel dáwn ém! Kan duat sual dáwn lo, mi țha takah kan chhuah ang."
Ka pi chuan ka nu leh pa a rawn phone ta ngei a, ka phone number nei hek lo, Ruatdika lahin a call a pick duh bawk si lo. A mangangin ka nu leh pate hnênah a rawn țuan ta a ni chiang mai.
"Kan nupaa min hmuh a duh chuan rawn lêng ve mai rawh se!"
Zanriah kan kîl a, ka pate'n ka piin min hmuh a duh thu min hrilh a ni.
"Bawiha, han lêng phawt ula, a lo thinrim tawh bîk nâng."
"Amah pawh lo lêng ve ang hmiang."
"Lo lèn a cho lo deuh a niang, han lêng hrâm rawh u, a lo thinrim tawh bîk lo ang. I fa lo piang tùr a nghahhlelh theih ém kha, Bawiha."
Kei pawhin ka nu leh pate sawi angin Ruatdika chu ka thlêm ve a, ka pi chu tlawh ve hrâm phal tùrin ka ngèn a.
"A lo ân khum leh mai ang che."
"Àn khum a na hlei nem."
"Keima'n ka duh lo alawm."
"Ka bula i awm chuan eng mah ka hlau lo."
"Miin an duh hun huna an àn khum tùr i ni lo hrim hrim."
A kut chùlsakin," Tunah chuan min lo àn khum tawh kher nâng, min lo àn khum leh a nih chuan kan lêng tawh dáwn miah lo nia," ka ti a, lèn a duh ngei theih nân ka theih ang anga ka kar a ngai.
"A àn khum che chuan kan haw nghal ang a, kan léng leh tawh miah lo ang."
A tàwpah ka hmin ta hrâm.
Kan lèn ni chuan Angel-i a lo awm lo. Ka pi leh awmpuite chauh an lo awm a, kan rin phâk lohin ka pi chuan min lo làwm!! A mak ka ti lutuk!
"Hmeichhia nei rawh aw, naute kawr pawh ka lei țeuh tawh a nia. Ka pawm hmasa ber ang, ka pawm châk tawh."
Ruatdika nèn chuan kan inen a, a hmui a lo tipawrh nasa.
"Room-ah naute thawmhnaw tùr ka dah a, nakinah kan la dáwn nia. Ka nghâkhlel tawh lutuk a, ka phûr tawh lutuk ringawt."
Hetia ka pi a phûr ta lutuk leh a țha ta lutuk hian ka ngaih a tițha lo lek lek hial, thil ţha lo thleng lul suh se.
Angel-i a rawn haw ve ta. Min hmu chu mak ti hmel pawh a pu lo, a lo ring sa ve te pawh a ni mahna.
"Angel-i hi naute kawr tùr chu ka leitîr țhìn a, a rawn lei nalh thei teh a nia, mawi a hre lutuk. A vah lo piang tùr chu ani pawh a phûr ve khawp mai," a ti siam siam a.
Angel-i chuan ka room hlui kha a luah a lo ni. Naute kawr chu a room lamah a dah nual a ni àwm a, chumi la tùr chuan kan chho a, ka room hlui ka han hmu leh chu lung hlui a lêng reuh tawp.
Ruatdika erawh a lo lût lo. Thawmhnaw chu a la khawm a, a piin lei tùra a tih nasat theihzia chu a sawi lar lar a, a mak ka ti. Min àn khumin hnehsawh zet zetin min țawng khum leh ka ring deuh a nia, rin loh deuh deuhin vawiin chu hun ka hmang a nih hi.
Thawmhnaw chu bag-ah khungin min pe a, room ațanga kan chhuah chuan Ruatdika pawh a lo awm tawh lo, in hnuai lamah a chhuk a nih hmèl.
"Bag kha ka lo kensak ang che."
"A rit lo ve, ka keng thei alawm."
"Khawi, ka lo ken ang che, i puar tawh ém kha."
Bag ka pe tùr chu min rawn nêk palh ta a ni ang, step bul maia ka din tawh avàngin ka rahna a phet a, step-ah chuan ka tawlh a, ka taksa a lo rit tawh bawk nen, ka lum thla titih ta. Ka râk țhawt a, step zumah ka lu ka tauh a, ka lu a hai lutuk.
Ka meng ngam lo, engtin chiah nge ka awm ka hre lo, ka men chuan Ruatdika hmél chiang lo riaiin ka hmu a, ka mit a rawn thim telh telh, ri ka hre lo, a thim ta hmak mai.
Comments
Post a Comment