☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆RUATDIKA☆ - 40 By Dingdi Pachuau
"Min hmangaih chuan zanin chu...?"
"Haha, naute an la tê e."
"An len hun kan nghah chuan... min hrem rei lutuk dáwn asin!"
A thil sawi dàn chuan ka nuih a tiza lutuk. Ka nuih deuh sak a, chu chu a hmuh chuan," Min nuih suh!" a ti nghut a.
"Ni lo, ka nuihzat che pawh a ni chiah lo; mipa naupang phun nang nang i nih duh hmèl tawp."
"Mipa leh hmeichhia kan inang lo va."
"Okay, ka hria e."
Beisei nei deuh hian min en leh vat a," Chuan?" a lo ti sup a.
"Naute lo harh palh ta se?"
"An harh bîk kher nâng!"
"An lo harh thut chuan..." ka sawi zawm hma chuan min rawn fâwp leh tawh. Nia, nupa kan nia, nupa nun chu kan chèn tùr a ni alawm, min nghâk char char tawh a, a phunnawi ngai hlei nem.
Ka kawr hâk min phelhsak lai chuan Neil a rawn țê ta țhat țhat mai! Hnai set sawtah kan inen a, maimichhîng deuh vang vangin kawr chu min haktir leh a, a tho ta nghal a.
Kei pawh ka tho ve tho. Ruatdika chuan Neil chu a mutna ațangin a pawm tho a, a diaper a check-sak nghal. Kei pawhin Maxy chu ka en a, ani chu a lo la mu tui khawp mai, a harh miah lo.
"Duata, tui takin i farnu ang hian mut ve chiah chiah tùr alawm le!"
Ani lah chu a țê deuh hlak hlak reng a, a diaper a lo huh tawh niin. Ka lo pe vat a, a thlâk ve mual mual a, hmuhnawm ti takin ka lo thlîr reng a.
"Țê tawh lo la, tàwp tawh rawh le, hei, ka thlâk tawh che. Muhìl siai siai tawh ang che aw, Ânu nèn min lo tibuai tawh lo la, tlangvâl taka awm tùr a ni."
Ka nui sak sak, ka khawngaih bawk sia. A fapa a ngei phal chiah bawk si lo lai vêl chuan ka nuih a tihzat rualin ka khawngaih deuh reuh tho.
Neil lah chu muhìl leh ta mai lo chuan a meng kar mai a, lawm a cho hârh hârh khawp mai. Min en tawn chhên a, a bân a vai vat vat a.
"A mak e, Duata. Inlawm hun a ni lo, zàn a rei tawh. Muhìl la, naktûkah i duh tâwkin ka làwm dáwn che nia."
"Ka lo awi mu mai dáwn em ni ang?"
"A hnute siamsak ta zâwk ila?"
"Aw, a pawi chuang lo. A hnute i siam chhûngin ka lo pawm ang."
Ka pawm a, ka awi pah dârh dârh a. Zawi te tein ka be pah sap sap bawk a, a muhìl chu a ni deuh mai.
Hnute tùr a siam zawh meuh chuan a lo muhìl siai siai hman tawh. Khumah chuan a pain a mut a, mut pah chuan," Rawn harh tawh suh aw, tui deuhin muhìl tawh rawh, naktûkah i duh tâwkin i harh dáwn nia," a ti sup sup a.
A mut zo chu a thaw huai a, a puan sin siam țhatsakin," A harh tawh loh hrâm ka beisei," a ti a, keiin Maxy ka lo en dik leh bawk a.
"Tunah chuan kan țan leh thei tawh e."
"A lo harh leh chuan...?"
"Ka zilh hrep tawh ang!"
"Engtin?"
"'Naute sual tak i ni' ka ti ang a, ' nangmah ang naute, nu leh pate tibuaitu fapa neih i duh em ni' ka ti bawk ang."
"I duh ém kha aw."
"Zanina min tihbuai dàn hi chu țha ka ti lo, ka duat lo țêp a ni."
Ka nui hak hak a.
"A hre thiam ve bawk si lo va tiraw?"
"A hre thiam a nih ka ring deuh tlat, min thîk a niang!"
Wow!!!
"Thil awihawm deuh hi sawi ve teh."
Ka hmui a rawn hup a, "Shhh, a harh leh ang e," a ti sar sar a, ka nuih a za deuh bawk si, a harh leh ka hlau ve tho bawk si a, ka țawng ta lo va.
Hmangaihna hlimawm leh nuam zet kan chèn a, ka bân veilam a la dam lutuk loh avàng chuan min dìm viau. Naute pawh an rawn harh lo, rawn harh ta se, a buaithlâk ve khawp ang chu!
Zîngah kan harh hma viau zél. Nau pawm chuan a harh tlai theih loh, ka nu leh Sangi hi an buai tam tawh a, ka theihna chinah chuan ka fate chu ka buaipui ve zêl.
Ka fate hian ka nun an tihlim tak zet. An hrisêl a, an dam țha viau zêl. An vànnei ka ti a, ka nu leh pa leh a pain an hmangaih ém ém bawk si. An làwmin an thlahlel a, pa ber lah hi tlai deuhah a chhuak a, hma deuhah a lo haw leh a, a fate vàng a ni tih ka hria. Hetiang pasal ka nei hi ka vannei ka ti ngawih ngawih a, fel lo hle mah ila ka țawngțai bâng lo. Nu leh pa leh pasal țha tak ka nei leh fa țha leh duhawm, hrisêl bawk si ka neih vàng hian làwmthu ka sawi fo țhìn bawk.
Inrinni a ni a, ka pa chu kohhranah committee pawimawh a neih vàngin a chhuak a, Sangi leh Ruatdika an bazar thung. Ka nu nèn naute kan awm a, an lian tawh a, walker-ah kan dah a, an tlei ém ém.
Ka nu chuan," Zorin, Lunglei lamah chhûngte i lo nei reng a ni maw?" a ti phawng mai a.
"Nei ni àwm tak a ni, Ruatdika'n min hrilh a."
"Nia, a sawi a. I hriat tirhin mak i ti ngawt ang tiraw? A làwmawm ka ti lutuk a, ka lawmpui bawk che a."
"Ka lâwm lutuk ringawt. Fahrah mahnia chawr ve ngawt kha mahni chauh ka lo ni bîk lo va, chhûngte ka lo nei ve reng tih hriat chu nuam tak a ni."
"Tlawh chhuak tùrin kal in la tum ang chu tiraw?"
"Nia, ka rai lai khân ka sawi tawh a, a phal loh vàngin ka dìl ta lo che u a ni. Tunah lah hun kan nei chho thei tawh si lova, a hma lama va tlawh chhuah kha chu țha ka ti ve reng a."
"A nih tak chu. Ngawi tak rawh, i pa chhûngte Lungleiah, nakkum lamah innei tùr an awm alawm, kan phei vek dáwn nia, tlawh chhuah nân kan hmang nghal ang a," a ti bawrh bawrh a.
Maxy chu hlim hmêl tak hian a râk țhat țhat a, a aw thûm deuh hlek, zàwi deuh tak si hian ka nuih a tiza țhìn, naute aw chhuakah chuan a mak ka ti a, ka làwm țhìn bawk.
A pate lo haw a lo hmu niin. A pa lo lût chuan," Maxy Bawihtei'n min hre thei ber a nih dáwn hi," a ti a, a fanu hlim bân vai vat vat chu a'n chhaih pah a, Neil pawhin a lo hre rang khawp mai.
Chawhmeh leh thil țûl hrang hrang an lei chu kitchen lamah kan dah phei a, a kut sil faiin a fate lam a pan leh nghal a.
Kitchen ațang chuan a fate pahnih a làwm chu ka ngaithla pah reng a.
"Duata, Maxy, tuin nge min lo ngai tawh zâwk che u le? Maxy Bawihtei'n min ngai zâwk maw? Um, ka duat hmasa ang. Duata, nang, min lo ngai ve em? Ngai ve tho maw? Um, ani pawh ka duat leh ang."
Kitchen ațanga ka phei chuan Maxy leh Neil chu ka ko ve ve a, Maxy chu a rawn hawi vat a, ka lam panin a walker chu a rawn lìr phei nghal. Neil erawh chuan min en ringawt a, lo phei ve pawh a tum lo.
"Bawihte, i va fel tak aw, ka pawm i duh em? Min lo ûm la aw, âpa bul thleng min lo ûm la?"
Ruatdika bulah chuan ka țhu a, Maxy chuan min rawn ûm zêl a, ka bul a rawn lìr thleng leh mai. Neil pawh a farnu bulah chuan a rawn insawn ve nghal a.
"Âpa nge ânu in duh le?"
"An sawi thiam lo tawp ang."
"Sawi thiam e, an ràk ve nasat theih ém hi."
A nui huk a.
"Zâwt chhin la?"
Maxy leh Neil lam ka hawi a.
"Ânu nge âpa in duh zâwk le?"
Maxy chuan țê rai rai pahin min ban țâwk țâwk a," Kha maw, Bawihtei hi chuan min duh zâwk chiang mai," ka ti a, walker ațang chuan ka la chhuak a, min lo pui a.
"A duh zâwk vàng che pawh a ni lo ang, walker-a awm a ning tawh a nih kha, tiraw Maxy Bawihte?"
Maxy lah chuan hlim zet hian a lu a bu lauh lauh a, a insiam chhia a, a lawmawm tak zet.
"Ka duat, i va duhawm tak ém!"
Neil chuan Maxy kan pawm ta daih chu a rawn en vung vung a, chutah, min rawn pan ve a, ka bân veilamin ka ban chhin a, a lo phar ve nghal a.
"Aa, Duata pawhin ka pawm a duh a ni maw? Duata chu âpain pawm mai rawh se aw, ka pawm thei tawh si lo va," ka ti a, ani pawh chuan a rawn pawm ve nghal a.
"Ânu chu a râk ring thei ém mai tiraw? A au chùl zêl mai a, beng a rim thei ém mai."
"Ka awih thlâwt lo."
"Ih maw, Duata, âpa hian dâwt ka sawi ngai lo a nia aw, dâwt sawi chu nang pawhin duh miah suh, chîng miah suh aw."
Ka nuin naute chu a bual a, ka lo pui a. Bual ve ka tum pawhin an phal lo, ka bân veilam hi rin vak an la phal lo atin ni.
Naute mut hlànin a lu ka ensak a, ka thiam ang angin ka hmehsak bawk a. Nuam a ti bawk a ni ang, a muthlu lek lek.
"I lu chu duh tâwk ang, i kut leh i ke tin en leh ang," ka ti a.
"Ngawi lawk, khawih leh rih teh, a nuam ém mai."
"I mut a chhuah chuan mu la?"
"Hetia awm hi a nuam, nangmah ka nghèng thei bawk che a."
"A nih leh le."
A hnu daihah a kut leh a ke tin chu ka tansak a, rin ai chuan a lo la sei lo.
"I fapa hi chu i fapa a ni teh e, i ke leh kut zawng zawngah a chhùn che a nia!"
"Ka fapa a nih lohin tu fapa nge ni se i tih le?"
"Min chhun ve deuh ka ring maw le!"
"I fanuin a chhùn thung che alawm."
"Dik tak chuan Maxy hi duat zâwk tùr leh duh zâwk tùr i ni!"
"Eng aiah chuan maw?"
"E, 'a chhùn che' i tia, kei min duh chuan min chhùntu chu i duh ang chu!"
A nui suk suk a.
"Ka duh vek che u a, ka duat vek bawk che u. Maxy Bawihtei pawh ka duatin ka duh alawm, Duata hi chu mipa a nia, mipa hi chuan fapa hi kan duh deuh tlangpui a; mahse, chumi avàng chuan Bawihtei hi ka duh loh phah rêng rêng lo. Ka rîla rah, ka thisen pu an nia, ka duat ve ve a ni."
"Mahse, i ngaihsak lo deuh bîk hlekin ka hria."
"A dik maithei. A chhan chu Bawihtei hi chu a fel ém a, han țê deuh a nei ngai bawk si lo. Duata hian a tluk lo viau, naute țê peih deuh hi chuan ngaihsak an lo hlawh deuh hlek duh a nih dáwn hi. Duat zâwk leh duh zâwk vàng ni lovin a fel ém vàng hian buaipui leh ngaihsak a ngai lo zâwk tlat a ni."
A tidik ve chiah. Maxy hi chu a țê khât a, Neil erawh a țê peih deuh a, naute țê zâwk na na na chu kan va ngaihsak lo thei lo. Maxy hi chu a ngawi reng a, han chhaiha a hlim râk ve ham ham tih loh hi chuan thâwm a nei mang lo. Phìr hi a lo inan loh theih khawp mai.
Ka rilruah ka pi a awm vang vang țhìn. Kan fate hi a hmu ve châk țhìnin ka ring, Ruatdika hi ka hnial duh loh vàngin ka sawipui leh tawh rih lo mai a ni. Kan fate pahnih chetla vêl leh râk rawi rawi thâwmte hi hriain hmu ve se, a làwm ve ngawt ang. Ruatdika fa neih hun a nghahhlelhziate kha, pawm hmasak ber a tum kha a ni a; mahse, kan heti zo ta si a...
Hun kal chakzia hi ka ngaihtuah țhìn, hmân ni lawk khân Chennai-ah awmin hna ka thawk a, tlangvâl leh mipa ka ngaihven ngai lo. Tunah chuan pasal neiin fa pawh duhawm deuh deuh pahnih ka nei ta dêr a ni a, ka ngaihtuah chian phei hi chuan mak ka inti leh thut zêl. Ka chunga thil thleng hi ka tân chuan a țha lutuk a, a awihawm loh lek lek țhìn.
Naute an țhu thei ta, Neil aiin Maxy a chak zawk zél. Ruatdika hian a làwm fâl leh bîk a, chhuatah hian a fate pahnih bulah a tawlh hun hun zêl. An țhut theih hnu rei vak loah an bawk vâk thei leh a, hetah pawh Maxy a thei hmasa leh ta. Neil chu a bawk vák ve lo, a tawlh sawn țhìn zâwk. A tawlh chak thei phian, a tawlh dàn chu kan nuih nasa thei khawp, amah lah chu a uang ber berah a țang a, insiam chhe pah hian a tawlh hârh hârh țhìn a, an paho hian an intawlhsiak țhìn!
Chhùnah ka nu leh Sangi nèn kan awm a, Ruatdika a chhuak a, ka pa pawh a chhuak lawk, țhenawmah. Phone a ri ral ral a, Sangi'n a chhâng lar lar a. Keiin ka fate pahnih ka mutpui a, ka nuin chhùn hmeh tùr chhang a kang mêk thung.
"Ka pi, Laipuitlanga ka pi kha step-ah a tlu sual palh a nih chu. A tunu Angel-i khân min lo phone a," fiah lo deuh taka Sangi sawi chu ka hria. Kan room kawngka ka khâr phui lo va, ka hre thei a ni. Ka mutna ațangin ka tho chhuak thuai a.
Ka nu hmêlah chuan chî-aina ka hmu thei a, hlauthâwng hmel a pu bawk.
"Ka nu, engtin nge ni ang?"
"Ka hre lo, Zorin. I pa phone phawt teh, Bawiha phone tum bawk la."
A țawng a khùr dar dar, inthunun chu a tum hle tih a hriat theih hle tho.
"Aw le."
Ka pa chu ka phone a, a lo haw nghal vat. Ruatdika chu ka phone tlang thei nain min chhâng lo, a buai a niang, a silent a nih ka ring.
Ka pa chuan," Zorin, i nu nèn kan han kal phawt ang aw, Bawiha chu biak pawh i lo tum leh dáwn nia, a hmanhmawhthlâk ém mai. Thu chiang pawh kan hre si lo, kan han thlen chhoh hunah chanchin ka lo hrilh ang che," a ti a.
"Aw le, ka pa. Han kal r'u, helam chu ngaihsak kan ngai lo. Ka nu, mangang lutuk lo la aw, ka pi chu ngaihtuahawm lutuk lo tùrah beisei ang, eng ém a ti lo ang."
Ka nu ka hnemna mai mai a ni. A tar ve tawh a, step-a che sual mai mah ni se, a serious viau thei tho. Chu ém chu a thlen ka ring phal lo.
Ruatdika ka phone lahin min chhâng thei lo, awm hmunah rilru hah deuhin ka awm tlawk tlawk, chhâng thei se chuan a zia tùr.
Ka pate chuan min la rawn phone miah lo, a serious viau em ni le? Nge, an la buai rih lutuk niang? Ka han zâwt mai dáwn zâwk em niang? Mahse, amah zâwkin ' ka rawn hrilh ang che' a ti bawk si.
Room-ah chuan ka vei ka vei a, ka thaw leh hawk țhìn, Ruatdika'n a phone chhâng thei tal se aw.
Room chu rawn inhawngin amah ngei chu a lo lût a, min hmuh veleh chuan," Min lo ngaihtuah leh hman tawh a ni maw?" tiin min rawn pan nghal a.
"Aw, ka call i chhâng thei lo alawm."
"Ngaihtuah ka ngai lo, i rilru hi țûl lovah sêng chiam zêl suh. Ka fate chu an la muhìl a ni maw? Ka tiharh dáwn."
A bânah ka pawt a.
"Ruatdik, ka pi kha a che sual a."
A tàwp chawt mai.
"Step-ah a tlu sual a ni àwm e, ka nu leh ka pa an kal nghal a, chanchin min la rawn hrilh lo."
"Ramhuainu leh!"
A kâwngah ka kuah vat, Angel-i a puh leh dáwn chiang si a, a thinrim a che chhuak ang tih ka hlau.
"Ruatdik, thu chiang hre hmasa phawt ang aw, ka pa phone ila?"
A din khawng tlat dàn ațang chuan a thinrim tih a hriat theih a, Angel-i vàng kher lo pawhin ka pi chu a tlu sual ve thei a, thil hriat chian phawt a țha.
"Ka pi chu a tlûk nat loh beisei phawt ang aw, ka pa ka'n phone ang e."
Ka pa chuan Greenwood-a an luh thu a sawi! Teh daih chuan! Ka pi chu a tlu na lutuk lo nain a tar ve tawh a, a mal ruh a tihnat bâkah a bân a tina bawk a, a zia viau tih a sawi. Ka thaw huai mai.
"Greenwood-ah teh daih an lût a!"
"Ka pi hian a duh tlat zêl!"
"A nih tak chu. A serious lo chu a làwmawm hle mai, thaw a veng deuh huai e."
"Ramhuaii khân a nam thla chu a ni ém lo maw?"
"Hey, i thil sawi kha i inhmeh lo a nia, kan fate'n an hre reu reu ang e."
Khumah kan țhu a, a kut ka chûl hauh hauh a.
"I duh chuan kal ve la?"
"Ka nute an awm reng alawm!"
"Ka pi chuan a lo beisei viau maithei che a."
"Ni lo ve, ka kal lo ang!"
"Min hmangaih chuan zanin chu...?"
"Haha, naute an la tê e."
"An len hun kan nghah chuan... min hrem rei lutuk dáwn asin!"
A thil sawi dàn chuan ka nuih a tiza lutuk. Ka nuih deuh sak a, chu chu a hmuh chuan," Min nuih suh!" a ti nghut a.
"Ni lo, ka nuihzat che pawh a ni chiah lo; mipa naupang phun nang nang i nih duh hmèl tawp."
"Mipa leh hmeichhia kan inang lo va."
"Okay, ka hria e."
Beisei nei deuh hian min en leh vat a," Chuan?" a lo ti sup a.
"Naute lo harh palh ta se?"
"An harh bîk kher nâng!"
"An lo harh thut chuan..." ka sawi zawm hma chuan min rawn fâwp leh tawh. Nia, nupa kan nia, nupa nun chu kan chèn tùr a ni alawm, min nghâk char char tawh a, a phunnawi ngai hlei nem.
Ka kawr hâk min phelhsak lai chuan Neil a rawn țê ta țhat țhat mai! Hnai set sawtah kan inen a, maimichhîng deuh vang vangin kawr chu min haktir leh a, a tho ta nghal a.
Kei pawh ka tho ve tho. Ruatdika chuan Neil chu a mutna ațangin a pawm tho a, a diaper a check-sak nghal. Kei pawhin Maxy chu ka en a, ani chu a lo la mu tui khawp mai, a harh miah lo.
"Duata, tui takin i farnu ang hian mut ve chiah chiah tùr alawm le!"
Ani lah chu a țê deuh hlak hlak reng a, a diaper a lo huh tawh niin. Ka lo pe vat a, a thlâk ve mual mual a, hmuhnawm ti takin ka lo thlîr reng a.
"Țê tawh lo la, tàwp tawh rawh le, hei, ka thlâk tawh che. Muhìl siai siai tawh ang che aw, Ânu nèn min lo tibuai tawh lo la, tlangvâl taka awm tùr a ni."
Ka nui sak sak, ka khawngaih bawk sia. A fapa a ngei phal chiah bawk si lo lai vêl chuan ka nuih a tihzat rualin ka khawngaih deuh reuh tho.
Neil lah chu muhìl leh ta mai lo chuan a meng kar mai a, lawm a cho hârh hârh khawp mai. Min en tawn chhên a, a bân a vai vat vat a.
"A mak e, Duata. Inlawm hun a ni lo, zàn a rei tawh. Muhìl la, naktûkah i duh tâwkin ka làwm dáwn che nia."
"Ka lo awi mu mai dáwn em ni ang?"
"A hnute siamsak ta zâwk ila?"
"Aw, a pawi chuang lo. A hnute i siam chhûngin ka lo pawm ang."
Ka pawm a, ka awi pah dârh dârh a. Zawi te tein ka be pah sap sap bawk a, a muhìl chu a ni deuh mai.
Hnute tùr a siam zawh meuh chuan a lo muhìl siai siai hman tawh. Khumah chuan a pain a mut a, mut pah chuan," Rawn harh tawh suh aw, tui deuhin muhìl tawh rawh, naktûkah i duh tâwkin i harh dáwn nia," a ti sup sup a.
A mut zo chu a thaw huai a, a puan sin siam țhatsakin," A harh tawh loh hrâm ka beisei," a ti a, keiin Maxy ka lo en dik leh bawk a.
"Tunah chuan kan țan leh thei tawh e."
"A lo harh leh chuan...?"
"Ka zilh hrep tawh ang!"
"Engtin?"
"'Naute sual tak i ni' ka ti ang a, ' nangmah ang naute, nu leh pate tibuaitu fapa neih i duh em ni' ka ti bawk ang."
"I duh ém kha aw."
"Zanina min tihbuai dàn hi chu țha ka ti lo, ka duat lo țêp a ni."
Ka nui hak hak a.
"A hre thiam ve bawk si lo va tiraw?"
"A hre thiam a nih ka ring deuh tlat, min thîk a niang!"
Wow!!!
"Thil awihawm deuh hi sawi ve teh."
Ka hmui a rawn hup a, "Shhh, a harh leh ang e," a ti sar sar a, ka nuih a za deuh bawk si, a harh leh ka hlau ve tho bawk si a, ka țawng ta lo va.
Hmangaihna hlimawm leh nuam zet kan chèn a, ka bân veilam a la dam lutuk loh avàng chuan min dìm viau. Naute pawh an rawn harh lo, rawn harh ta se, a buaithlâk ve khawp ang chu!
Zîngah kan harh hma viau zél. Nau pawm chuan a harh tlai theih loh, ka nu leh Sangi hi an buai tam tawh a, ka theihna chinah chuan ka fate chu ka buaipui ve zêl.
Ka fate hian ka nun an tihlim tak zet. An hrisêl a, an dam țha viau zêl. An vànnei ka ti a, ka nu leh pa leh a pain an hmangaih ém ém bawk si. An làwmin an thlahlel a, pa ber lah hi tlai deuhah a chhuak a, hma deuhah a lo haw leh a, a fate vàng a ni tih ka hria. Hetiang pasal ka nei hi ka vannei ka ti ngawih ngawih a, fel lo hle mah ila ka țawngțai bâng lo. Nu leh pa leh pasal țha tak ka nei leh fa țha leh duhawm, hrisêl bawk si ka neih vàng hian làwmthu ka sawi fo țhìn bawk.
Inrinni a ni a, ka pa chu kohhranah committee pawimawh a neih vàngin a chhuak a, Sangi leh Ruatdika an bazar thung. Ka nu nèn naute kan awm a, an lian tawh a, walker-ah kan dah a, an tlei ém ém.
Ka nu chuan," Zorin, Lunglei lamah chhûngte i lo nei reng a ni maw?" a ti phawng mai a.
"Nei ni àwm tak a ni, Ruatdika'n min hrilh a."
"Nia, a sawi a. I hriat tirhin mak i ti ngawt ang tiraw? A làwmawm ka ti lutuk a, ka lawmpui bawk che a."
"Ka lâwm lutuk ringawt. Fahrah mahnia chawr ve ngawt kha mahni chauh ka lo ni bîk lo va, chhûngte ka lo nei ve reng tih hriat chu nuam tak a ni."
"Tlawh chhuak tùrin kal in la tum ang chu tiraw?"
"Nia, ka rai lai khân ka sawi tawh a, a phal loh vàngin ka dìl ta lo che u a ni. Tunah lah hun kan nei chho thei tawh si lova, a hma lama va tlawh chhuah kha chu țha ka ti ve reng a."
"A nih tak chu. Ngawi tak rawh, i pa chhûngte Lungleiah, nakkum lamah innei tùr an awm alawm, kan phei vek dáwn nia, tlawh chhuah nân kan hmang nghal ang a," a ti bawrh bawrh a.
Maxy chu hlim hmêl tak hian a râk țhat țhat a, a aw thûm deuh hlek, zàwi deuh tak si hian ka nuih a tiza țhìn, naute aw chhuakah chuan a mak ka ti a, ka làwm țhìn bawk.
A pate lo haw a lo hmu niin. A pa lo lût chuan," Maxy Bawihtei'n min hre thei ber a nih dáwn hi," a ti a, a fanu hlim bân vai vat vat chu a'n chhaih pah a, Neil pawhin a lo hre rang khawp mai.
Chawhmeh leh thil țûl hrang hrang an lei chu kitchen lamah kan dah phei a, a kut sil faiin a fate lam a pan leh nghal a.
Kitchen ațang chuan a fate pahnih a làwm chu ka ngaithla pah reng a.
"Duata, Maxy, tuin nge min lo ngai tawh zâwk che u le? Maxy Bawihtei'n min ngai zâwk maw? Um, ka duat hmasa ang. Duata, nang, min lo ngai ve em? Ngai ve tho maw? Um, ani pawh ka duat leh ang."
Kitchen ațanga ka phei chuan Maxy leh Neil chu ka ko ve ve a, Maxy chu a rawn hawi vat a, ka lam panin a walker chu a rawn lìr phei nghal. Neil erawh chuan min en ringawt a, lo phei ve pawh a tum lo.
"Bawihte, i va fel tak aw, ka pawm i duh em? Min lo ûm la aw, âpa bul thleng min lo ûm la?"
Ruatdika bulah chuan ka țhu a, Maxy chuan min rawn ûm zêl a, ka bul a rawn lìr thleng leh mai. Neil pawh a farnu bulah chuan a rawn insawn ve nghal a.
"Âpa nge ânu in duh le?"
"An sawi thiam lo tawp ang."
"Sawi thiam e, an ràk ve nasat theih ém hi."
A nui huk a.
"Zâwt chhin la?"
Maxy leh Neil lam ka hawi a.
"Ânu nge âpa in duh zâwk le?"
Maxy chuan țê rai rai pahin min ban țâwk țâwk a," Kha maw, Bawihtei hi chuan min duh zâwk chiang mai," ka ti a, walker ațang chuan ka la chhuak a, min lo pui a.
"A duh zâwk vàng che pawh a ni lo ang, walker-a awm a ning tawh a nih kha, tiraw Maxy Bawihte?"
Maxy lah chuan hlim zet hian a lu a bu lauh lauh a, a insiam chhia a, a lawmawm tak zet.
"Ka duat, i va duhawm tak ém!"
Neil chuan Maxy kan pawm ta daih chu a rawn en vung vung a, chutah, min rawn pan ve a, ka bân veilamin ka ban chhin a, a lo phar ve nghal a.
"Aa, Duata pawhin ka pawm a duh a ni maw? Duata chu âpain pawm mai rawh se aw, ka pawm thei tawh si lo va," ka ti a, ani pawh chuan a rawn pawm ve nghal a.
"Ânu chu a râk ring thei ém mai tiraw? A au chùl zêl mai a, beng a rim thei ém mai."
"Ka awih thlâwt lo."
"Ih maw, Duata, âpa hian dâwt ka sawi ngai lo a nia aw, dâwt sawi chu nang pawhin duh miah suh, chîng miah suh aw."
Ka nuin naute chu a bual a, ka lo pui a. Bual ve ka tum pawhin an phal lo, ka bân veilam hi rin vak an la phal lo atin ni.
Naute mut hlànin a lu ka ensak a, ka thiam ang angin ka hmehsak bawk a. Nuam a ti bawk a ni ang, a muthlu lek lek.
"I lu chu duh tâwk ang, i kut leh i ke tin en leh ang," ka ti a.
"Ngawi lawk, khawih leh rih teh, a nuam ém mai."
"I mut a chhuah chuan mu la?"
"Hetia awm hi a nuam, nangmah ka nghèng thei bawk che a."
"A nih leh le."
A hnu daihah a kut leh a ke tin chu ka tansak a, rin ai chuan a lo la sei lo.
"I fapa hi chu i fapa a ni teh e, i ke leh kut zawng zawngah a chhùn che a nia!"
"Ka fapa a nih lohin tu fapa nge ni se i tih le?"
"Min chhun ve deuh ka ring maw le!"
"I fanuin a chhùn thung che alawm."
"Dik tak chuan Maxy hi duat zâwk tùr leh duh zâwk tùr i ni!"
"Eng aiah chuan maw?"
"E, 'a chhùn che' i tia, kei min duh chuan min chhùntu chu i duh ang chu!"
A nui suk suk a.
"Ka duh vek che u a, ka duat vek bawk che u. Maxy Bawihtei pawh ka duatin ka duh alawm, Duata hi chu mipa a nia, mipa hi chuan fapa hi kan duh deuh tlangpui a; mahse, chumi avàng chuan Bawihtei hi ka duh loh phah rêng rêng lo. Ka rîla rah, ka thisen pu an nia, ka duat ve ve a ni."
"Mahse, i ngaihsak lo deuh bîk hlekin ka hria."
"A dik maithei. A chhan chu Bawihtei hi chu a fel ém a, han țê deuh a nei ngai bawk si lo. Duata hian a tluk lo viau, naute țê peih deuh hi chuan ngaihsak an lo hlawh deuh hlek duh a nih dáwn hi. Duat zâwk leh duh zâwk vàng ni lovin a fel ém vàng hian buaipui leh ngaihsak a ngai lo zâwk tlat a ni."
A tidik ve chiah. Maxy hi chu a țê khât a, Neil erawh a țê peih deuh a, naute țê zâwk na na na chu kan va ngaihsak lo thei lo. Maxy hi chu a ngawi reng a, han chhaiha a hlim râk ve ham ham tih loh hi chuan thâwm a nei mang lo. Phìr hi a lo inan loh theih khawp mai.
Ka rilruah ka pi a awm vang vang țhìn. Kan fate hi a hmu ve châk țhìnin ka ring, Ruatdika hi ka hnial duh loh vàngin ka sawipui leh tawh rih lo mai a ni. Kan fate pahnih chetla vêl leh râk rawi rawi thâwmte hi hriain hmu ve se, a làwm ve ngawt ang. Ruatdika fa neih hun a nghahhlelhziate kha, pawm hmasak ber a tum kha a ni a; mahse, kan heti zo ta si a...
Hun kal chakzia hi ka ngaihtuah țhìn, hmân ni lawk khân Chennai-ah awmin hna ka thawk a, tlangvâl leh mipa ka ngaihven ngai lo. Tunah chuan pasal neiin fa pawh duhawm deuh deuh pahnih ka nei ta dêr a ni a, ka ngaihtuah chian phei hi chuan mak ka inti leh thut zêl. Ka chunga thil thleng hi ka tân chuan a țha lutuk a, a awihawm loh lek lek țhìn.
Naute an țhu thei ta, Neil aiin Maxy a chak zawk zél. Ruatdika hian a làwm fâl leh bîk a, chhuatah hian a fate pahnih bulah a tawlh hun hun zêl. An țhut theih hnu rei vak loah an bawk vâk thei leh a, hetah pawh Maxy a thei hmasa leh ta. Neil chu a bawk vák ve lo, a tawlh sawn țhìn zâwk. A tawlh chak thei phian, a tawlh dàn chu kan nuih nasa thei khawp, amah lah chu a uang ber berah a țang a, insiam chhe pah hian a tawlh hârh hârh țhìn a, an paho hian an intawlhsiak țhìn!
Chhùnah ka nu leh Sangi nèn kan awm a, Ruatdika a chhuak a, ka pa pawh a chhuak lawk, țhenawmah. Phone a ri ral ral a, Sangi'n a chhâng lar lar a. Keiin ka fate pahnih ka mutpui a, ka nuin chhùn hmeh tùr chhang a kang mêk thung.
"Ka pi, Laipuitlanga ka pi kha step-ah a tlu sual palh a nih chu. A tunu Angel-i khân min lo phone a," fiah lo deuh taka Sangi sawi chu ka hria. Kan room kawngka ka khâr phui lo va, ka hre thei a ni. Ka mutna ațangin ka tho chhuak thuai a.
Ka nu hmêlah chuan chî-aina ka hmu thei a, hlauthâwng hmel a pu bawk.
"Ka nu, engtin nge ni ang?"
"Ka hre lo, Zorin. I pa phone phawt teh, Bawiha phone tum bawk la."
A țawng a khùr dar dar, inthunun chu a tum hle tih a hriat theih hle tho.
"Aw le."
Ka pa chu ka phone a, a lo haw nghal vat. Ruatdika chu ka phone tlang thei nain min chhâng lo, a buai a niang, a silent a nih ka ring.
Ka pa chuan," Zorin, i nu nèn kan han kal phawt ang aw, Bawiha chu biak pawh i lo tum leh dáwn nia, a hmanhmawhthlâk ém mai. Thu chiang pawh kan hre si lo, kan han thlen chhoh hunah chanchin ka lo hrilh ang che," a ti a.
"Aw le, ka pa. Han kal r'u, helam chu ngaihsak kan ngai lo. Ka nu, mangang lutuk lo la aw, ka pi chu ngaihtuahawm lutuk lo tùrah beisei ang, eng ém a ti lo ang."
Ka nu ka hnemna mai mai a ni. A tar ve tawh a, step-a che sual mai mah ni se, a serious viau thei tho. Chu ém chu a thlen ka ring phal lo.
Ruatdika ka phone lahin min chhâng thei lo, awm hmunah rilru hah deuhin ka awm tlawk tlawk, chhâng thei se chuan a zia tùr.
Ka pate chuan min la rawn phone miah lo, a serious viau em ni le? Nge, an la buai rih lutuk niang? Ka han zâwt mai dáwn zâwk em niang? Mahse, amah zâwkin ' ka rawn hrilh ang che' a ti bawk si.
Room-ah chuan ka vei ka vei a, ka thaw leh hawk țhìn, Ruatdika'n a phone chhâng thei tal se aw.
Room chu rawn inhawngin amah ngei chu a lo lût a, min hmuh veleh chuan," Min lo ngaihtuah leh hman tawh a ni maw?" tiin min rawn pan nghal a.
"Aw, ka call i chhâng thei lo alawm."
"Ngaihtuah ka ngai lo, i rilru hi țûl lovah sêng chiam zêl suh. Ka fate chu an la muhìl a ni maw? Ka tiharh dáwn."
A bânah ka pawt a.
"Ruatdik, ka pi kha a che sual a."
A tàwp chawt mai.
"Step-ah a tlu sual a ni àwm e, ka nu leh ka pa an kal nghal a, chanchin min la rawn hrilh lo."
"Ramhuainu leh!"
A kâwngah ka kuah vat, Angel-i a puh leh dáwn chiang si a, a thinrim a che chhuak ang tih ka hlau.
"Ruatdik, thu chiang hre hmasa phawt ang aw, ka pa phone ila?"
A din khawng tlat dàn ațang chuan a thinrim tih a hriat theih a, Angel-i vàng kher lo pawhin ka pi chu a tlu sual ve thei a, thil hriat chian phawt a țha.
"Ka pi chu a tlûk nat loh beisei phawt ang aw, ka pa ka'n phone ang e."
Ka pa chuan Greenwood-a an luh thu a sawi! Teh daih chuan! Ka pi chu a tlu na lutuk lo nain a tar ve tawh a, a mal ruh a tihnat bâkah a bân a tina bawk a, a zia viau tih a sawi. Ka thaw huai mai.
"Greenwood-ah teh daih an lût a!"
"Ka pi hian a duh tlat zêl!"
"A nih tak chu. A serious lo chu a làwmawm hle mai, thaw a veng deuh huai e."
"Ramhuaii khân a nam thla chu a ni ém lo maw?"
"Hey, i thil sawi kha i inhmeh lo a nia, kan fate'n an hre reu reu ang e."
Khumah kan țhu a, a kut ka chûl hauh hauh a.
"I duh chuan kal ve la?"
"Ka nute an awm reng alawm!"
"Ka pi chuan a lo beisei viau maithei che a."
"Ni lo ve, ka kal lo ang!"
Ualliprot-ya1979 Clayton Jones https://wakelet.com/wake/na7fn10p3Lkpb-JKHgNOy
ReplyDeleteadabsmoulsub