☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆RUATDIKA☆ - 41 By Dingdi Pachuau
"Vawiina i kal loh pawhin naktûkahte pawh a kal theih tho alawm tiraw?"
A ngawi vang vang a.
"Engtia che sual thei nge maw a nih le?!"
"A, a upa ve tawh alawm, chêt sual dáwn hi chuan ho têah pawh a theih tho va."
"A fîmkhur viau țhìn asin," a ti leh țâlh a.
A pi hi chu haw viau angin lang mah se a ngaihven a ni. Han thinrimin han tlawh duh lo mah se, a pi a ni tho va, a hmangaih reng tho ang. Khati chen a lo chènpui tawh a ni a, a pi pawh hian a haw tak tak thei teuh lo ang.
Ka pa a lo haw a; ka nu erawhin a awmpui dáwn. Naute awmpui ngai lo se chuan kei pawhin tlawh ve chu ka duh khawp mai, a tlûk sual dàn chu ka pa chu ka zâwt chiang deuh a. Ama tlu sual palh liau liau a lo ni àwm e.
Zànah Neil chu a mu țha leh duh lo va, mut chu a mu hma ve lutuk. Kan mut dáwn tak takah a rawn harh leh a, a pa chuan a buaipui a, kei pawhin ka buaipui ve tho. A men kar reng avàngin ka pua a, ka awi diai diai a.
"Naktûkah chuan ka pi chu tlawh ve rawh aw?"
A ngawi leh tlat.
"Kei pawh nau hi ngaihventu..."
"Kal a ngai lo!"
"'Tiang hian ti tlat lo la?"
"Kei pawh ka kal dáwn lo."
Hm, a thin a rim leh deuh tawh rih a nih hi, sawipui tawh rih lo ang.
"A nih, ti ta daih ila, Lungleiah ka pa chhûngte lam innei hnai tùr an awm em ni?"
"Aw, Ni Thangtei fapain nupui a nei dáwn, engtizia nge min zawh a?"
"Ka nuin a sawi a, 'Kan kal dáwn nia' a tia, ka chhûngte pawh tlawh nghal remchâng a ti bawk a."
Min en vang vang a.
"Ka phal loh vàngin i chhûngte i hmu lawk ta si lo va, min ngei phah em?"
Ka en ve rân a.
"I ring em?"
"Min zâwt lét lovin ka zawhna che chu min chhâng la."
"Engtin nge ka ngei theih ang che? Nu leh pa țha tak leh fa duhawm zet pahnih min pe a, chubâkah, nangmah vàng chauhin ka chhûngte ka hre chhuak thei bawk a, Pathian biakin ka be lo chauh zâwk che."
"Chu kher kher chuh!"
Ka nui a, "Ka tâna i hlut dàn hi ka chhût pha lo zâwk a ni. Ka engkim i ni mai, chu chuan a sawi fiah ber ang," ka ti leh a.
"Thil dang zawng zawng aia ka thlan chhan che hi i hria em?"
"Min duh vàng a ni ang chu?"
"I va chiang lo ve!"
"Min hrilh la?"
"Kan inhmuh țan tirh hun kha chhût lêt la."
Lêngpuiah. 'Angel-i i ni em?' tiin min zâwt a, 'Keimah maw?' ka ti a, min nuihzat hmèl viau a nih kha.
"Min nuihzatzia kha!"
"Motor chhûng ațang khân ka lo thlîr reng tawh che a, Angel-i hmuh ka tum loh dàn deuha ka hmu che kha mak ka ti. Ka unaunu ni tùrin ka duh lo nghal che a, 'hei hi chu ka tâ tùr' tih ngaihtuahna ka lo pu nghal tawh a ni."
"A ni maw?! Mahse, bialnu i neih tho kha."
"Ka unaunu kha engtin nge ka bialnu a nih theih ang?"
"Ka ngei theihzia che kha!"
"Ka nupui i ni dáwn tih ka ring sa thlap. Ka tum rêng bawk a."
Nui chung hian," Lungleia ka chhûngte ka hmuh hunah chuan ka intithei ngawt ang. Anmahni chu i tlawh hrim hrim em?" ka ti a.
"Tlawh lo, an in ka hre ringawt."
Duata chu kan muttîr a, a farnu ang hian mut duh ve viau se a țha tùr, naute mut duh na na na chu an hriselin an țhang duh deuh bîkin ka hria.
Ka pi chu tlawh ve ka va duh tak! Ka fate kalsan lah chu a tih chi bawk si lo. Ruatdika hian kan ve duh hrâm se ka ti, ka tilui ngam bawk si lo.
Ka nu leh ka pain an awmpui chawt a, Ruatdika chuan a tlawh lo nain chanchin ka zawh erawh a lo ngaihven thei hle. Chuvàng chuan ka nu hi ka pi chanchin chu ka zâwt chipchiar thei hle.
Kâr khat hnuah ka pi chu a chhuak a, inah tal chuan kan ve ka duh. A bula ka sawi chuan min hnial duh ta chiah bîk lo a niang, 'aw' a pawh ve ta hrâm a. Ka lawm lutuk ringawt; mahse, engtin nge niang, naute ka hruai loh chuan?
"Naute hi hruai ve ila, ka pi pawhin a hmu duh dáwn asin."
A phal vak lo tih ka hre tho nain ka piin a hmu ve châk dáwn ém a, chubâkah, inah kalsan ka duh bîk lo.
"A nih, rei lo tê chauh kan awm ang."
"Aw le."
Phûr zetin ka fate chu ka siam a.
"Âpi kan tlawh dáwn a, țha deuha awm tùr a niang aw. Chuti lo zawng, âpi chuan a lo ngaina lo palh ang che u."
Thawmhnaw inang deuh ber, ka piin a leisak ka hâktîr a, an cute dùn tawp. An thla ka hmehsak dùn leh zak zak bawk a, kan inpeih hnuah chuan Sangi'n motor thleng min thlah a.
Ka pi chu a lo nula viau tawh, a ke erawh a la hmang ngam lo deuh a. Kan nupa min hmu chu mak a tih hmel vak loh. Naute pahnih a han hmu chiah erawh zawng, ka rin loh lutukin a mittui a tla zawih zawih mai!
A ngaihna ka hre lo lek lek a, ka nu chuan naute ka pawm lai chu min lâksakin ka pi bulah chuan a kalpui a, a kut na lo lam chuan a lo ban a.
"Bawihte, i hmel ka hmu châk tawh lutuk asin. Lalpa, ka lâwm e. A va han hmel țha tak ém!!"
Maxy kut chu a vawnsak a, ani lah chuan chutia a pi han țawng chu, amah a làwm emaw tiin a awrâwl thûm lam deuh, ring fahran lo tak chhuah meuhin a lo làwm a, a lo ban ve a.
Ka pi chuan a làwm tak zet tih a hmuh theih. A țap a, a nui pah bawk a. Ruatdika'n Neil a paqm chu lâksakin ka pi bulah chuan ka dah ve leh a.
Kan tum aia rei kan awm ra!! Room chu kan chhuahsan tawh miah lo, ka pi chuan a phal lo va, naute pahnih chu a lawm chhâwk a, keimahni lam chu min ngaihsakin min be tawh lo rêng rêng.
"I pu chuan a hmu châk ve dáwn lutuk che u. Ka vànnei tak tak a ni, in hmêl a țha si, ka va han duh tak che u ém!!"
Neil chu a sual ang tih ka lo hlau ang reng a;.mahse, a țê bík lo ve. An fel dùn a, ka lâwm tak tak a ni.
Kan haw tùr chu ka pi chuan a phal lo khawp mai a; mahse, riah ringawt thu a awm bîk lo va. Lènpui leh ngei ngei tùrin min ngèn a, kei pawhin ka hnial thei bîk lo.
Motor chhûnga kan luh hnu chuan," Ka pi chuan khati ém ém khân a lo lawm ka ring miah lo va, ka mittui pawh a lo tling ve kiau alawm," ka ti a.
"Ka hmu reng che."
"Ka mittui hi a tling hma thei bîk lutuk a."
"I rilru a thianghlim tihna a nih chu."
"A ni lo, ka mittui hi a pawnlâng tihna a ni zâwk."
Neil leh Maxy chu an țê rai rai a, motor chuan chu nuam an ti a nih ka ring.
"Hey, ka duatte u, âpi bulah fel taka in awm vàngin ka lâwm e, in fel lutuk, ka duat zual sauh ang che u. Âpa motor-a chuan hi nuam in ti em?"
Ka làwm tih an hria a, an nui ve var var bawk. An hlim ve a ni ang, an bân an vai a, an tâl ve laih laih a. An duhawm dùn si a, ka en ning thei lo.
"An fel ngawt mai."
"Ka chhuang dùn a nia."
Dàwrah a kal lawk a, cake tui hmèl zet a rawn lei.
"Hm, tui dáwn lutuk!"
"Tui i ti viau ang!"
In kan thlen chuan Sangi'n min rawn pui leh a, ka pi kan tlawhnaah chuan an awm țha em tihte min zâwt sârh sârh a.
"Fel lutuk, ka chhuang dùn teh a nia, a sual zâwngin an țê lo rêng rêng. An duhawm tawp."
"A va țha ve! Neil hi a țê ang em aw ka lo ti rilru a," nui chung hian a ti a.
"Fapa fel lutuk a nih kha!"
Ka pi kan kan hnu kâr khat hnuah kan han tlawh leh. Ka piin min rawn ngèn reng a, naute chu hmuh leh a châk. A la dam țhat loh vàngin ka hnial ngam lo, Ruatdika pawhin a sawi sêl bîk lo. Min hruai a, min thlah a, eng vak sawi lo mah se ka lâwm lutuk ringawt.
Angel-i ka hmu miah lo. Dàwr lamah a kal țhìn a niang, kan han thlen meuh hi chuan dâr 11 dáwn a ni a, kan haw lahin dâr 1 a ni leh a, dàwr ațanga a lo haw a la hun lo ve deuh bawk a ni.
"Ka pi chuan kan fate hi a làwm tak zetin i hre ve em?"
"A làwm viau ang chu, keini pawhin kan làwm alawm."
"Hey, chutiang lam hawiin ka sawi lo a nia. A tupa fate an ni a, a hmangaihin a làwm tak zet a ni."
"Ka rin dàn sa a nia."
Hmm, mipa tak hi chu aw!
Ka pi pawh a dam țha chho zêl e. Ka nu pawhin a awmpui tawh bîk lo va, chhùn lamah erawh a chho ziah. Angel-i inah a awm hman si lo va, awmpuite fel viau mah se an kuta dah ngawt a ngai ngam lo a ni.
Lunglei lama Ruatdika nî fapa nupui neihna pawh a lo hnai ta. Ka chhûngte ka hmu ve thei dáwn tak tak ta e, ka huphurh a, ka phûr viau bawk si. Min lo awih ang em? Min lo làwm viau ang em? Nge min lo làwm lêm lo ang? Nge, engah mah min ngai lo ang?
Kan fate pawh an changkâng tawh a, an kal ve ve thei ta. Neil a kal thei hmasa zâwk tlat!! Ruatdika làwmzia chuh, a chhan chu Neil hi Maxy ai hian a țawi deuh tlat zêl zâwk a, Ruatdika lâwm viau pawh hi a àwm viau. Maxy erawh a chum deuh zâwk avàngin a kal har deuh a niang ka ti.
Ka ni fapa (ka ti ve mai) nupui neihnaah chuan mipa lam theme tùr chu a grey a ni a, keini pawhin inneihnaa hâk tùr kawr kan țhuitîr ve ngei. Kan fate tâ tùr thlengin kan țhuitîr thlap, an han țhui cute reuh khawp a, an inhmeh khawp ang.
Lungleiah chuan kan chhûngin kan phei a, Sangi'n in a lo nghâk thung. Ka pain Neil a pawm a, ka nuin Maxy. Motor chuan nuam an tih vàngin an au raih raih a, țawng an zir chho bawk nèn, kan nuih reng bâkah kan țawng reng mai.
Khua a lum a, kan tlân chak lutuk lo. Lunglei lam hi ka la kal loh avàngin ka tân chuan thil thar vek a ni a, khua kan pelh rêng rêng chu chhinchhiah ka tum thei tawp.
Hmuifangah kan chàwl a, thla kan la chuai chuai a, naute pahnih pawhin pawm an duh bîk lo. Kan kài a, an hlim khawp mai, an râk chûl mai.
Kan hmanhmawh lêm lo bawk a, Lunglei kan luh chuan dâr 4 a ni tawh. Pûkpui chho kan tlân chu a nawm hmèl ka ti a, a boruak chu ka duh chi tak a la ni zui. An in hmun chu a rem ka ti hlawm khawp mai a, Serkawn phei vêl lah chu a fai si a, a nuam ka ti tawp. Vêng hming chu min hrilh pah zêl a, ka bo lutuk lo deuh.
Ka nîte chu Falkàwnah an awm a, kan thlen chuan min lo làwm thiam khawp mai. Min hmuh vawi khatna a ni hlawm a, keiin ka hmuh vawi khatna a ni bawk. Min ko nghal bawrh bawrh mai, kei pawhin ka nêl thei nghal.
Anni pawh fapa pakhat leh fanu pakhat chauh an lo nei a, an fapa chu Ruatdika ai chuan a naupang a, a nau chiah Mimi erawh kei aiin a upa hret thung. Naute chu an lâwm ve khawp mai, an fapa nupui nei tùr pawh hi fa nei thuai tùrin an duh dáwn sa.
An in a zau țha a, kan nupa leh ka pate chu room khat ve ve min pe tawp. Chu lo pawh room a la awm nual nia!! Ka nî hi high school teacher a ni a, a pasal lah College Lecturer niin tuna nupui nei tùr hi JE a ni a, an chhûngkua chu an ngaihtuahawm lo tak zet a ni.
Kan fate pahnih nèn chuan kan mu tlâng dal dáwn, an chau ve a ni ang, an muhìl hma hle a, an mang a chhe dùn tawp. Ka nuih char char a, Ruatdika ka ko ve a, ani pawh chuan a hmuh chuan a phone a chuh vat a, an thla a lâksak a.
Kei pawh motor-ah thui tak ka chuang ngai lo bawk a, ka chau ve nghulhin ka hria. Ka taksate chu a kham țhûm mai, ani pawh a nih ve tho ka ring.
"I taksa a kham țhûm ve em?"
"Kham lo ve, ka lo hmehsak dáwn che em?"
"A ngai lo, i chau ve tho ang."
"Ka nupui bulah hian ka la chau chhin miah lo."
Ka taksa chu min hmehsak a, ka kâwng kham țhûmte chu a hmet nawk nawk a, a zia sawt.
"Zanin chu?"
Beisei a nei leh tawh.
"Eng nge ni ta?" Ka hre lo der.
"Duata'n chhang neih a châk tawh a."
Hm, vêl chuan. Duata a la țawng thiam mawlh lo.
"I chau lo em ni?"
"Duat deuhin i taksa kham chu ka hmeh damsak vek tawh che kha. Bâkah, taksa kham ţhêm țhûm tân damdawi țha tak a ni asin!"
Chu kher chu ka awih hlawl lo.
"Dâwt min hrilh kher lo la?"
"Dâwt a ni lo, kan hre dáwn alawm!"
Ka nuih hi a tiza thei. Dâwt sawi tih lah hi a duh lo ve thei bawk siah.
Zîng kan tho hma vak lo. Maxy-te pahnih pawh mak tak maiin an harh hma vak lo tlat, an mu tui ngang a ni ang.
Vawiin chu Lunglei fan kual kan tum deuh. Ina kan awm ve zawngin an chêtna tùr kan lo tibuai ang tih a hlauhawm, chuan ka nu leh ka pate erawh inah an awm thung ang. Naktûk hi inneih ni a ni a, a tûk lehah kan tum dàn chuan ka chhûngte kan tlawh ang.
Motor chuan nuam an ti leh pek khawp mai. Tunah chuan an fel ve tawh a, buaipui lutuk an ngai lo ve. Ricksaw lah chu hmuhnawm an ti thei khawp a, an thlîr zui zêl mai.
"Auto-rickshaw-ah hian chuanpui ve chhin ila?"
"Tunah chuan ni lo ve, an che sual palh ang."
"Ngati ngawt maw?!"
"Inneih ni naktûk a ni tawh!"
Kan chet sual a hlau tihna. Rickshaw tlân chu ka en a, an tlân chak hlawm ve bawk sia, a àwm ve tho.
"Vawiina i kal loh pawhin naktûkahte pawh a kal theih tho alawm tiraw?"
A ngawi vang vang a.
"Engtia che sual thei nge maw a nih le?!"
"A, a upa ve tawh alawm, chêt sual dáwn hi chuan ho têah pawh a theih tho va."
"A fîmkhur viau țhìn asin," a ti leh țâlh a.
A pi hi chu haw viau angin lang mah se a ngaihven a ni. Han thinrimin han tlawh duh lo mah se, a pi a ni tho va, a hmangaih reng tho ang. Khati chen a lo chènpui tawh a ni a, a pi pawh hian a haw tak tak thei teuh lo ang.
Ka pa a lo haw a; ka nu erawhin a awmpui dáwn. Naute awmpui ngai lo se chuan kei pawhin tlawh ve chu ka duh khawp mai, a tlûk sual dàn chu ka pa chu ka zâwt chiang deuh a. Ama tlu sual palh liau liau a lo ni àwm e.
Zànah Neil chu a mu țha leh duh lo va, mut chu a mu hma ve lutuk. Kan mut dáwn tak takah a rawn harh leh a, a pa chuan a buaipui a, kei pawhin ka buaipui ve tho. A men kar reng avàngin ka pua a, ka awi diai diai a.
"Naktûkah chuan ka pi chu tlawh ve rawh aw?"
A ngawi leh tlat.
"Kei pawh nau hi ngaihventu..."
"Kal a ngai lo!"
"'Tiang hian ti tlat lo la?"
"Kei pawh ka kal dáwn lo."
Hm, a thin a rim leh deuh tawh rih a nih hi, sawipui tawh rih lo ang.
"A nih, ti ta daih ila, Lungleiah ka pa chhûngte lam innei hnai tùr an awm em ni?"
"Aw, Ni Thangtei fapain nupui a nei dáwn, engtizia nge min zawh a?"
"Ka nuin a sawi a, 'Kan kal dáwn nia' a tia, ka chhûngte pawh tlawh nghal remchâng a ti bawk a."
Min en vang vang a.
"Ka phal loh vàngin i chhûngte i hmu lawk ta si lo va, min ngei phah em?"
Ka en ve rân a.
"I ring em?"
"Min zâwt lét lovin ka zawhna che chu min chhâng la."
"Engtin nge ka ngei theih ang che? Nu leh pa țha tak leh fa duhawm zet pahnih min pe a, chubâkah, nangmah vàng chauhin ka chhûngte ka hre chhuak thei bawk a, Pathian biakin ka be lo chauh zâwk che."
"Chu kher kher chuh!"
Ka nui a, "Ka tâna i hlut dàn hi ka chhût pha lo zâwk a ni. Ka engkim i ni mai, chu chuan a sawi fiah ber ang," ka ti leh a.
"Thil dang zawng zawng aia ka thlan chhan che hi i hria em?"
"Min duh vàng a ni ang chu?"
"I va chiang lo ve!"
"Min hrilh la?"
"Kan inhmuh țan tirh hun kha chhût lêt la."
Lêngpuiah. 'Angel-i i ni em?' tiin min zâwt a, 'Keimah maw?' ka ti a, min nuihzat hmèl viau a nih kha.
"Min nuihzatzia kha!"
"Motor chhûng ațang khân ka lo thlîr reng tawh che a, Angel-i hmuh ka tum loh dàn deuha ka hmu che kha mak ka ti. Ka unaunu ni tùrin ka duh lo nghal che a, 'hei hi chu ka tâ tùr' tih ngaihtuahna ka lo pu nghal tawh a ni."
"A ni maw?! Mahse, bialnu i neih tho kha."
"Ka unaunu kha engtin nge ka bialnu a nih theih ang?"
"Ka ngei theihzia che kha!"
"Ka nupui i ni dáwn tih ka ring sa thlap. Ka tum rêng bawk a."
Nui chung hian," Lungleia ka chhûngte ka hmuh hunah chuan ka intithei ngawt ang. Anmahni chu i tlawh hrim hrim em?" ka ti a.
"Tlawh lo, an in ka hre ringawt."
Duata chu kan muttîr a, a farnu ang hian mut duh ve viau se a țha tùr, naute mut duh na na na chu an hriselin an țhang duh deuh bîkin ka hria.
Ka pi chu tlawh ve ka va duh tak! Ka fate kalsan lah chu a tih chi bawk si lo. Ruatdika hian kan ve duh hrâm se ka ti, ka tilui ngam bawk si lo.
Ka nu leh ka pain an awmpui chawt a, Ruatdika chuan a tlawh lo nain chanchin ka zawh erawh a lo ngaihven thei hle. Chuvàng chuan ka nu hi ka pi chanchin chu ka zâwt chipchiar thei hle.
Kâr khat hnuah ka pi chu a chhuak a, inah tal chuan kan ve ka duh. A bula ka sawi chuan min hnial duh ta chiah bîk lo a niang, 'aw' a pawh ve ta hrâm a. Ka lawm lutuk ringawt; mahse, engtin nge niang, naute ka hruai loh chuan?
"Naute hi hruai ve ila, ka pi pawhin a hmu duh dáwn asin."
A phal vak lo tih ka hre tho nain ka piin a hmu ve châk dáwn ém a, chubâkah, inah kalsan ka duh bîk lo.
"A nih, rei lo tê chauh kan awm ang."
"Aw le."
Phûr zetin ka fate chu ka siam a.
"Âpi kan tlawh dáwn a, țha deuha awm tùr a niang aw. Chuti lo zawng, âpi chuan a lo ngaina lo palh ang che u."
Thawmhnaw inang deuh ber, ka piin a leisak ka hâktîr a, an cute dùn tawp. An thla ka hmehsak dùn leh zak zak bawk a, kan inpeih hnuah chuan Sangi'n motor thleng min thlah a.
Ka pi chu a lo nula viau tawh, a ke erawh a la hmang ngam lo deuh a. Kan nupa min hmu chu mak a tih hmel vak loh. Naute pahnih a han hmu chiah erawh zawng, ka rin loh lutukin a mittui a tla zawih zawih mai!
A ngaihna ka hre lo lek lek a, ka nu chuan naute ka pawm lai chu min lâksakin ka pi bulah chuan a kalpui a, a kut na lo lam chuan a lo ban a.
"Bawihte, i hmel ka hmu châk tawh lutuk asin. Lalpa, ka lâwm e. A va han hmel țha tak ém!!"
Maxy kut chu a vawnsak a, ani lah chuan chutia a pi han țawng chu, amah a làwm emaw tiin a awrâwl thûm lam deuh, ring fahran lo tak chhuah meuhin a lo làwm a, a lo ban ve a.
Ka pi chuan a làwm tak zet tih a hmuh theih. A țap a, a nui pah bawk a. Ruatdika'n Neil a paqm chu lâksakin ka pi bulah chuan ka dah ve leh a.
Kan tum aia rei kan awm ra!! Room chu kan chhuahsan tawh miah lo, ka pi chuan a phal lo va, naute pahnih chu a lawm chhâwk a, keimahni lam chu min ngaihsakin min be tawh lo rêng rêng.
"I pu chuan a hmu châk ve dáwn lutuk che u. Ka vànnei tak tak a ni, in hmêl a țha si, ka va han duh tak che u ém!!"
Neil chu a sual ang tih ka lo hlau ang reng a;.mahse, a țê bík lo ve. An fel dùn a, ka lâwm tak tak a ni.
Kan haw tùr chu ka pi chuan a phal lo khawp mai a; mahse, riah ringawt thu a awm bîk lo va. Lènpui leh ngei ngei tùrin min ngèn a, kei pawhin ka hnial thei bîk lo.
Motor chhûnga kan luh hnu chuan," Ka pi chuan khati ém ém khân a lo lawm ka ring miah lo va, ka mittui pawh a lo tling ve kiau alawm," ka ti a.
"Ka hmu reng che."
"Ka mittui hi a tling hma thei bîk lutuk a."
"I rilru a thianghlim tihna a nih chu."
"A ni lo, ka mittui hi a pawnlâng tihna a ni zâwk."
Neil leh Maxy chu an țê rai rai a, motor chuan chu nuam an ti a nih ka ring.
"Hey, ka duatte u, âpi bulah fel taka in awm vàngin ka lâwm e, in fel lutuk, ka duat zual sauh ang che u. Âpa motor-a chuan hi nuam in ti em?"
Ka làwm tih an hria a, an nui ve var var bawk. An hlim ve a ni ang, an bân an vai a, an tâl ve laih laih a. An duhawm dùn si a, ka en ning thei lo.
"An fel ngawt mai."
"Ka chhuang dùn a nia."
Dàwrah a kal lawk a, cake tui hmèl zet a rawn lei.
"Hm, tui dáwn lutuk!"
"Tui i ti viau ang!"
In kan thlen chuan Sangi'n min rawn pui leh a, ka pi kan tlawhnaah chuan an awm țha em tihte min zâwt sârh sârh a.
"Fel lutuk, ka chhuang dùn teh a nia, a sual zâwngin an țê lo rêng rêng. An duhawm tawp."
"A va țha ve! Neil hi a țê ang em aw ka lo ti rilru a," nui chung hian a ti a.
"Fapa fel lutuk a nih kha!"
Ka pi kan kan hnu kâr khat hnuah kan han tlawh leh. Ka piin min rawn ngèn reng a, naute chu hmuh leh a châk. A la dam țhat loh vàngin ka hnial ngam lo, Ruatdika pawhin a sawi sêl bîk lo. Min hruai a, min thlah a, eng vak sawi lo mah se ka lâwm lutuk ringawt.
Angel-i ka hmu miah lo. Dàwr lamah a kal țhìn a niang, kan han thlen meuh hi chuan dâr 11 dáwn a ni a, kan haw lahin dâr 1 a ni leh a, dàwr ațanga a lo haw a la hun lo ve deuh bawk a ni.
"Ka pi chuan kan fate hi a làwm tak zetin i hre ve em?"
"A làwm viau ang chu, keini pawhin kan làwm alawm."
"Hey, chutiang lam hawiin ka sawi lo a nia. A tupa fate an ni a, a hmangaihin a làwm tak zet a ni."
"Ka rin dàn sa a nia."
Hmm, mipa tak hi chu aw!
Ka pi pawh a dam țha chho zêl e. Ka nu pawhin a awmpui tawh bîk lo va, chhùn lamah erawh a chho ziah. Angel-i inah a awm hman si lo va, awmpuite fel viau mah se an kuta dah ngawt a ngai ngam lo a ni.
Lunglei lama Ruatdika nî fapa nupui neihna pawh a lo hnai ta. Ka chhûngte ka hmu ve thei dáwn tak tak ta e, ka huphurh a, ka phûr viau bawk si. Min lo awih ang em? Min lo làwm viau ang em? Nge min lo làwm lêm lo ang? Nge, engah mah min ngai lo ang?
Kan fate pawh an changkâng tawh a, an kal ve ve thei ta. Neil a kal thei hmasa zâwk tlat!! Ruatdika làwmzia chuh, a chhan chu Neil hi Maxy ai hian a țawi deuh tlat zêl zâwk a, Ruatdika lâwm viau pawh hi a àwm viau. Maxy erawh a chum deuh zâwk avàngin a kal har deuh a niang ka ti.
Ka ni fapa (ka ti ve mai) nupui neihnaah chuan mipa lam theme tùr chu a grey a ni a, keini pawhin inneihnaa hâk tùr kawr kan țhuitîr ve ngei. Kan fate tâ tùr thlengin kan țhuitîr thlap, an han țhui cute reuh khawp a, an inhmeh khawp ang.
Lungleiah chuan kan chhûngin kan phei a, Sangi'n in a lo nghâk thung. Ka pain Neil a pawm a, ka nuin Maxy. Motor chuan nuam an tih vàngin an au raih raih a, țawng an zir chho bawk nèn, kan nuih reng bâkah kan țawng reng mai.
Khua a lum a, kan tlân chak lutuk lo. Lunglei lam hi ka la kal loh avàngin ka tân chuan thil thar vek a ni a, khua kan pelh rêng rêng chu chhinchhiah ka tum thei tawp.
Hmuifangah kan chàwl a, thla kan la chuai chuai a, naute pahnih pawhin pawm an duh bîk lo. Kan kài a, an hlim khawp mai, an râk chûl mai.
Kan hmanhmawh lêm lo bawk a, Lunglei kan luh chuan dâr 4 a ni tawh. Pûkpui chho kan tlân chu a nawm hmèl ka ti a, a boruak chu ka duh chi tak a la ni zui. An in hmun chu a rem ka ti hlawm khawp mai a, Serkawn phei vêl lah chu a fai si a, a nuam ka ti tawp. Vêng hming chu min hrilh pah zêl a, ka bo lutuk lo deuh.
Ka nîte chu Falkàwnah an awm a, kan thlen chuan min lo làwm thiam khawp mai. Min hmuh vawi khatna a ni hlawm a, keiin ka hmuh vawi khatna a ni bawk. Min ko nghal bawrh bawrh mai, kei pawhin ka nêl thei nghal.
Anni pawh fapa pakhat leh fanu pakhat chauh an lo nei a, an fapa chu Ruatdika ai chuan a naupang a, a nau chiah Mimi erawh kei aiin a upa hret thung. Naute chu an lâwm ve khawp mai, an fapa nupui nei tùr pawh hi fa nei thuai tùrin an duh dáwn sa.
An in a zau țha a, kan nupa leh ka pate chu room khat ve ve min pe tawp. Chu lo pawh room a la awm nual nia!! Ka nî hi high school teacher a ni a, a pasal lah College Lecturer niin tuna nupui nei tùr hi JE a ni a, an chhûngkua chu an ngaihtuahawm lo tak zet a ni.
Kan fate pahnih nèn chuan kan mu tlâng dal dáwn, an chau ve a ni ang, an muhìl hma hle a, an mang a chhe dùn tawp. Ka nuih char char a, Ruatdika ka ko ve a, ani pawh chuan a hmuh chuan a phone a chuh vat a, an thla a lâksak a.
Kei pawh motor-ah thui tak ka chuang ngai lo bawk a, ka chau ve nghulhin ka hria. Ka taksate chu a kham țhûm mai, ani pawh a nih ve tho ka ring.
"I taksa a kham țhûm ve em?"
"Kham lo ve, ka lo hmehsak dáwn che em?"
"A ngai lo, i chau ve tho ang."
"Ka nupui bulah hian ka la chau chhin miah lo."
Ka taksa chu min hmehsak a, ka kâwng kham țhûmte chu a hmet nawk nawk a, a zia sawt.
"Zanin chu?"
Beisei a nei leh tawh.
"Eng nge ni ta?" Ka hre lo der.
"Duata'n chhang neih a châk tawh a."
Hm, vêl chuan. Duata a la țawng thiam mawlh lo.
"I chau lo em ni?"
"Duat deuhin i taksa kham chu ka hmeh damsak vek tawh che kha. Bâkah, taksa kham ţhêm țhûm tân damdawi țha tak a ni asin!"
Chu kher chu ka awih hlawl lo.
"Dâwt min hrilh kher lo la?"
"Dâwt a ni lo, kan hre dáwn alawm!"
Ka nuih hi a tiza thei. Dâwt sawi tih lah hi a duh lo ve thei bawk siah.
Zîng kan tho hma vak lo. Maxy-te pahnih pawh mak tak maiin an harh hma vak lo tlat, an mu tui ngang a ni ang.
Vawiin chu Lunglei fan kual kan tum deuh. Ina kan awm ve zawngin an chêtna tùr kan lo tibuai ang tih a hlauhawm, chuan ka nu leh ka pate erawh inah an awm thung ang. Naktûk hi inneih ni a ni a, a tûk lehah kan tum dàn chuan ka chhûngte kan tlawh ang.
Motor chuan nuam an ti leh pek khawp mai. Tunah chuan an fel ve tawh a, buaipui lutuk an ngai lo ve. Ricksaw lah chu hmuhnawm an ti thei khawp a, an thlîr zui zêl mai.
"Auto-rickshaw-ah hian chuanpui ve chhin ila?"
"Tunah chuan ni lo ve, an che sual palh ang."
"Ngati ngawt maw?!"
"Inneih ni naktûk a ni tawh!"
Kan chet sual a hlau tihna. Rickshaw tlân chu ka en a, an tlân chak hlawm ve bawk sia, a àwm ve tho.
Comments
Post a Comment