☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆RUATDIKA☆ - 42 By Dingdi Pachuau
Inneih ni a lo thleng a, kan insiam ve sang sang mai. Ka fate pahnih ka buaipui atalângin ka la inchei ve hman lo. Mimi chuan," Zorin, i va inchei har tawh! Ka chei i duh em? Ka lo chei ang che chu," a ti lang lang a.
"Inchei vak pawh ka lo tum hlei nem."
"Ka chei châk che a!"
"Peach, incheitîr rawh, Lungleiah chuan ani aia makeup artist lâr an awm hlei nem. All-India ațanga zir chhuak thlap a nih kha."
A ni maw?! Makeup lam hi ka hmang vak ngai lo va, ka inhmeh vak lovin ka hre țhìn a, a vawi khatna tùr a ni ve mai. Bâkah, a thiam a nih phei chuan min chei nalh viau ang chu.
"A țha alawm."
Min chei chhûngin naute chu ka nuin a lo buaipui, Ruatdika chu kan bulah a awm ve a, Mimi'n a chhuahtîr leh rih.
"I nupui hi chhe lo tâwkah ka chhuah dáwn, i hai ram ram mai ang."
Min chei chhûng zawng darthlalanga ka inen a phal lo va, min chei rei phian. Nautete'n buaina an lo siam loh hrâm ka beisei, ka nu a lo buai hle ang tih ka hlau.
Darthlalang lian zeta ka inhmu thut chu ka phu zawk! Ka inhai țhelh nia!! Min chei nalh em atin ni! Ka mit leh ka hmui min hnawihsak dàn chu mawi ka ti, ka makeup chu ka kawr hâk nèn a inrem thlap mai a, inhmeh ka inti ve lutuk.
Room-a Ruatdika lo lût chuan min en vang vang a, Mimi chuan," Eng nge i hmuh dàn le? Mawi i ti em?" a lo ti a, ani chuan," Tu emaw a ang!" a ti nghut ringawt a.
"Tu maw ka an?"
"Tu emaw!"
"Mawi min ti a nih kha, i mit i la sawn thei hlei nem."
"Mawi tih hian a sawi fiah lo zâwk!"
Ka nui sak a, mawi min ti ve tho ang.
Mo chu an chei nalh khawp mai. Thu an chham laite chuan ka lo chhampui ve a, kan inneih dàn kha ka hre chhuak a, ka hnuk a ti-ulh deuh tlat. Ka nu leh pa hriatpui khân lo innei ve ta ila, tûn anga ropui hian kan ti ve thei ang em le? Tuna a kawr hâk angte hi ka ha ve ang em?
"Eng nge i ngaihtuah a?" Ka beng bul chêtah chuan a rawn ti sar sar a.
"An mawiin an lawmpuiawm ém a," ka ti ringawt. Ka mittui tling chu a hmuh loh hrâm ka beisei.
"I mawi ber!"
Ka nui sak a, ka lâwm viau a ni.
Kan chhûngkuain thla kan lâkpui a, kan fate pahnih lah chuan nuam an ti lutuk. Kan pawm hman lo, an pi leh pute bulah an awm a, naupang dangte'n an chhaih a, nuam an ti lutuk ringawt.
"I mawi lutuk a, ka ngaizawng thar leh sawt che!"
Ka nui hak hak a," Nang deuh, nulaho mit i lâkzia ka hai hlei nem, 'ka pasal a nih hi' tia au khum nghek ania ka duh hlawm ni!" ka ti sar sar a.
A ni lah tak a. A chhe lo ém asin, a sâng țhain a pian a dik thlap a. A thawmhnaw lah a inhmeh tih piah lam a ni, a sam dum hlap chu a fai tih a hriat hliah hliah a. Pa a ni tawh tih a hriat miah loh, a bula ka ding thei hi ka lâwm.
"Nula pawh ka lo hmu lo, ka nupui ka ngaihzàwn thar leh tâk ém ém chiah hi ka hmuh chu a ni."
Hlim takin ka nuih var var a.
"In chhe lo dùn lutuk a, in thla ka la nual a nia," tih pahin tlangvâl pakhat hian a camera chu a hmet leh mawlh mawlh a.
"Chuti, chiangkuang deuhin min lâksak leh law law la, Peter," Ruatdika chuan a ti a, min rawn hnaih sauhin ka kâwngah a kuah nghal a.
"Nui ula, a nih loh pawhin inen ula."
Ka melh chho hau a, ani a rawn hawi thla ve chiah a, a hmuiin ka hmui a rawn nûl thuak.
"A va fuh tak! Fuh lutuk!"
Ka sen awp awp maithei. Ani erawh chu engtin mah a awm ve leh pek lo ang chu.
"A mawi dáwn tih ka hria e."
"Mawi lutuk! Ka hmuh phal rih lo che u."
Ka hlim, nuam ka ti. Mawi takin min chei a, ka mawi nî ber a ni bawkin ka hria. Ka bulah ka pasal chhe lo zet a awm bawk a, kan inneihna a la rei loh vàng nge a bula awm hi ka la kham mawlh lo. Ka hmangaih a, ka fate pa a ni bawk a, ka duh hluah hluah.
Zànah mut hmunah naktûk hun kan hman dàn tùr ka ngaihtuah a, ka muhìl thei lawk lo. Ka chhûngte chu ka hmu châk tawh, ka hmêl ațangin min hre thei ang em le? Eng pawh ni se, kan dam phawt chuan naktûkah ka chhûngte dik tak chu ka hmu ngei dáwn, min lo làwm emaw làwm lo emaw ka chhûngte an ni dáwn tho.
Kan chhûngkuain kan chhuak leh ta vek. An lo awm ngei theih nân leh min lo lawm ngei theih nân ka rilruin ka țawngțai, ka huphurh deuh si, phûr ru viau siin ka awm.
"Huphurh lutuk lo la."
Ka zàm avànga ka kut vawt thlar chu a rawn chelh a; mahse, rei a chelh hman lo, motor a khalh miau a.
"Khawi vêngah nge an awm kha?"
"Kikàwnah."
Motor hùnna a vâng phian mai. Tâwt leh rem lo zet chuan a hûng hrâm a, kawng chho deuh pên 20 vêl kal lehin Assam type in lian deuh leh la thar deuh mai, a kawngka lu chunga ' Siamliana' tih hming intàrna ngei mai kawngka chu kan kik ta dat dat a.
"Lo lût rawh."
Ruatdika a lût hmasa ber a, keiin ka zui nghal. In chhûngah chuan putar pakhat leh nu pakhat hi an lo awm a, naupang pahnih, kum 13 leh kum 10 mi vêl an lo awm bawk a, chutia kan lût chu min lo en duh khawp mai.
Ruatdika chuan," Ka pu, chibai le. Pu Siamliana i ni tiraw?" a ti a, putar chuan chiang zetin min en phawt a, Ruatdika hnênah chuan," Aw, ni e. Eng nge ni ta?" a ti a, min en leh a.
"Sawmi nèn in va inang kher ém!! Mahse, Sawmi ni tùr chuan i la naupang si."
"Ka pu, ka nu chu i la hria maw?!! A fanu ka ni alawm. Ka pu, ka va lâwm tak!!."
Ka pu chuan min chibai lâwp lâwp a, a hnukte a ulh deuhin ka hria. A khûr dar dar, a tar ve deuh tawh bawk a. A sam pawh a țuak vâr vek tawh nghe nghe.
"I nu i chhùn hle mai, ka hmu thut che kha amah i ni emaw ka ti dáwn a; mahse, i naupang zâwk daih a, i lian zâwk bawk a."
Thil awm dàn a sawi hmain ka chhûngte chu ka hmel hriattîr a, an inchibai zêl a, kan fate pahnih pawh chuan zak deuh chungin an lo chibai ve a, ka pu chuan a nuih dùn san san a. Kan inchibai zawh chuan ka pu pawh chuan nu pakhat lo awm chu ka putea nupui a ni tih leh naupang pahnih chu a fate an nih thu a sawi ve nghal a.
Țhuthmun kan rem fel hnuah chuan ka pu chuan anmahni ka zawn chhuah dàn chu min zâwt a, chu erawh chu Ruatdika'n a chhâng thung. Ruatdika sawi chhûng chuan kan lo ngawi țhap a, a hnuah chuan ka pu chuan ka nu chanchin chu a sawi ve ta barh barh a.
Ka pa nèn chuan inhre sa ém ém pawh an lo ni lo va, zan khat thil thua inru nghal mai an ni àwm e. Ka pu chuan inneih a phal lo va, ka pa chu fahrah, pianpui unau pawh nei mang lo a lo ni a. Lo inhre sa leh lo inngaizawng sa chu ni se, a duh a nih phawt chuan phal lohna tùr a awm lo; mahse, hriat chian loh lutuk a nih vàng chuan pasala neih atân chuan a remti lo a ni.
Mahse, ka nu chu a haw duh ta lo va, an tlân bo dùn zêl a, palai tirh a awm chuang hek lo. An awmna chin pawh an hre ta lo va, an ințha țhen a ni deuh mai. An chanchin an inhre tawn lo ta vang vang a, ka pu sawi dàn takin," I nu chu kan tân chuan awm lo ang chiah a ni ta. An inrûk ațangin a reh ta vang vang a, a hlim hle niah kan ngai mai a, tunah hei i lo lang hlawl a, a hlim bawk em? A dam țha maw?" a ti a, ka pu hian ka nu leh pa an boral tih a la hre miah lo tihna a nih hi.
"Ka pu, ka nu chu ka têt laiin a boral tawh alawm, kum 20 chuang zet a ni tawh."
"A ni maw?" A ngawi ta vang vang a.
"Ka pu, kei pawhin ka nu chu ka hre hman mang lo, a hming chauh chu ka hre tawh a ni. A rei tawh ém a, chutiang bawkin ka pa pawh ka mitthla thiam tawh lo. Tunah chuan ka pu, kan inhre tawh a, ka chhûngte dik tak ka hmu che u hi ka lâwm tak tak a ni."
"Kei pawh, ka tunu fel tak ka hmu thei che hi ka lâwm hle a ni." A hnuk a ulh tlat, ka khawngaih roh tawp.
Ruatdika chu a lo inrawlh ta vat.
Ka putea nupui hnênah chuan," Pite, inah hian eng zât nge chêng che u?" a lo ti a, ka pu hnuk ulh țeuh pawh chu a țawng a ngai ta rih lo ve.
"Paruk kan chêng a, fa pathum kan nei a, kan fanu upa ber hian Aizâwlah college a kal ve a, chuan hei pahnih chu kan la awmpui a nih hi."
"Chuan, putea'n eng nge a thawh țhin a?"
"Mistiri hna a thawk ve țhìn, tunah pawh țhenawmte'n sawti lai deuhah sawn in an sa thar a, chutah chuan a thawk a nih kha."
"A nih tak chu."
Ka pu hnênah chuan," Ka pu, ka nute chu unau pahnih chauh em ni an nih a?" tiin ka zâwt a, ani chuan," Ni lo ve, pali an nia, a upa lam pahnih hi Champhaiah leh Tlabungah pasal an nei a, an rawn zin khât khawp mai, chuan, i nu leh i putea an ni leh mai," a ti a.
"Putea chu a lo haw har ang em?"
"Aw, an bâng har ve țhìn viau mai a, an hna a laklawh viau phei chuan thim hnuah a lo haw țhìn."
Pitei chuan thingpui a lum a, a fate pahnih chu an zakzum khawp mai, an lo țhu ngawi reng mai a. Maxy leh Neil chuan chhaih an châk tih ka hre reng, ka nu leh pa chuan an mal chungah an pawm reng nain an lo che leh sek tawh.
"Duata, Bawihte, lo kal teh u, Àute nèn khân inkàwm ula tiraw?"
"An duhawm dùn khawp mai."
Ka nui a, pitei hnênah chuan," Min tihlim ve thei teh a nia, pi leh pu leh pa duat ém émtu an nei a, an vànnei teh asin. Pathian zârah an dam țha viau bawk a, a làwmawm tak tak a ni," ka ti bawrh bawrh a.
A hnu lam kan boruak chu a tawrhhlelhawm lek lek. Duatate unau chuan nuam an han ti khawp a, an râk bengchheng tawp a ni mai. Putea fate pahnih lah chuan an ngen apiang an pe a, an inûm a, an inchhaih zawr zawr a, puitling pawhin hau pawh kan hau peih lo, nui chungin kan en tawp.
Pitei chu a phone number ka dil a, an fanu college kalna leh a awmnate chu ka zâwt chiang bawk a. Kan titi bawrh bawrh mai, ka nu leh pate pawhin ka pu chu an titipui a, Ruatdika erawh chuan naupangho infiama inchhaih chu thla a lâksak reng thung.
Ka pu chuan chaw ei tùrin min duh viau nain kan hnial a, a chhan chu nakinah thil pawimawh tiin Lungleiah hian kan kal leh vat dáwn tho a, chumi hunah chuan eiho zâwk ila kan ti a, ani pawh chuan min tilui lo.
Ka hlim veng veng tawh, chhûngte dik tak ka neiin ka hmu tawh a, hei bâka hlimna hi a awm leh tawh chuang lo ang. Pasal nei hman lo phei ila chuan ka awmna tùr in a ni a, ka pu kha ka ngaina nghal a, chutiangin mi dang pawh. Putea ka hmu hman lo erawh a pawi ka ti deuh.
A tûka kan haw pah chuan kan pêng leh lawk a, putea pawh a hna thawk tùr a lo kal dáwn chiah a. Kan inhmu chu kan inchibai leh rih, min thlah hlei thei lo.
"I nu chiah chiah i nih hi. I nu nèn kha chuan kan inkáwm ngeih bîk hle asin, ka ngai thar hle mai."
Min chelh vang vang a, " A pawi ka tihpui hle che a ni, kan inhre har ém mai tiraw?" a ti leh a.
"Nia,Pute; mahse, tunah chuan hei, kan inhre pawh tawh a, ka lâwm hle a ni. Kan la rawn zin fo ang, kan la rawn thleng nghe nghe ang, hlim takin kan awm zêl ang chu."
"I nu i ang tak zet a ni!"
Ka nui a, ka nu chu a hmel hre tawh lo mah ila,' i nu i ang lo hle mai' tih ai chuan nu ang nih chu a nuam ka ti tho.
Thla kan laho leh rih. Putea hna thawk kal tùr pawh kan titlai ta vek.
Aizâwl boruak leh Lunglei boruak chu a inang lo hle mai. Aizâwl nawm dàn a dang a, Lunglei nawm dàn a dang ka ti bawk. Lunglei kha ka ngai, ka chhûngte an awm miau a, Aizawl pawh ka fate leh ka pasal leh chhûngte, ka in ngei awmna a ni a, nuam ka ti viau bawk.
Ka piin min lo phone reng a, kan han lêng leh nge nge. Ani pawh a dam țha tawh a, a kal ve bek bek thei tawh.
"Lo awm chho mai rawh u."
Ruatdika ka en a, ani chuan engah mah ngaih loh hmèl zet hian hmun dang a lo en daih, ka pi chu ka khawngaih reuh.
"Ka pi, kan lo lêng reng thei tho alawm."
"In lo lèn hian ka rilru a hlim ve țhìn a..." a ngawi zui ta daih a.
"Kan lo lêng fo dáwn alawm, naute an harh ve tawh a, thil tichhe zâwngin an che ve tawh bawk si a, vèn ngun an ngai tawh lutuk a."
Vawiinah pawh hian Sangi kan lènpui ve tawp. Keimah mai chuan an pahnihin ka vêng sêng lo, an duhna lamah kalpui an ngai ve tawh miau si a.
"Zorin, ka tunu tak tak zâwk i nih ka ring hial țhìn!"
"Ka pi, i tunu ka ni alawm. Thisenah inzawm lo mah ila, i tupa nupui ka nia, i tunu ka nih hi."
Kan fate pahnih pâwn lamah Sangi'n a awmpui a, Ruatdika chuan min kalsan lo, kan bulah a awm ve reng.
"Ka pi, Angel-i hi ka hmu khât e, ina kan lo kal hian dàwrah a kal hman ziah tihna em ni?"
A ngawi vang vang phawt a, chutah," Aw, inah hian a awm tam lo khawp mai," a ti sap a.
"A nih tak chu, a thawkrim hle a nih dáwn chu."
Ruatdika chu a melh zauh a, chutah, min en lehin," Zorin, min ngaidam hrâm rawh aw," a ti leh sap a.
"Ka pi, chutiang sawi suh!"
"Bawiha nèn hian pawh țhen che u ka tum ngar ngar a, ani pawhin min huat phah hial a nih kha. Ka hlimna zawng zawng kha keimah hian ka tichhe vek a ni. In fate hian hlimna chu min pe leh a, ka lo la dam ve țêk țêkna chhan pawh kha hei ngei hi a nih ka ring."
Ka pi chu ka khawngaih reuh khawp mai, a hmel ațang chuan a inchhîr tih ka hre si a.
"Ka pi, kan fate i hmu thei hi kei pawh ka hlim asin. Kei chuan pi tak takin ka en che, nang bâk pi ka nei miah lo."
Ka kut chu a rawn vuan a, a kut vuai ve nan tawh chu a nêm thlap mai a, Lungleia ka pu pawh khân hetiang kut vuai nan mai ngei hian min chibai a nih kha.
"Ka lâwm e, nang pawh ka tunu tak tak i ni. Angel-i nèn hian min ngaidam hrâm rawh aw," a ti sep sep a.
"Ka pi, a duat che em?"
Ruatdika a țawng ve vawi khatna.
"Ka thu ang hian awmtîr ka tum lutuk a, puitling a ni tawh tih ka lo theihnghilh țhìn a," tiin a chhâng ta daih.
"Ka pi, a duat che em ka ti a nih chu."
"A thiam dàn ang chuan min duat ve tho. Nu leh pa kâr lovah a sei lian tih ka lo theihnghilh leh țhìn a, ka bula awm hi a tân a har hle ang tih ka ring, kei chu ka duh khirh si a."
"Zanin chu hetah chaw kan ei ang."
Makti zet hian ka en a, lo hnial erawh ka tum lo. Ka pi lah chu a làwm hmel ém ém lehnghal a, a nui ta var var a.
"In ei dáwn nia, in ei lohna rei tawhzia hi."
Ruatdika chu a kalsawn a, choka lamah a lûtin ka hria. Kan chaw ei tùr thu hi Lawmite kha a hrilh dáwn a ni ang.
"Ka pi, lungngai suh aw. I tupa hian a hmangaih chein a ngaihsak ém ém che a nia. I lo duat țhang tawh a, Angel-i lo lang thut hi i duat ta si a, a thîk vàng mai mai a nih hi."
"Min haw viau mah se àwm ka tihpui tho, a chhan chu nupui atân neih che kha a tum tlat a, keiin ka phal lo va."
An pitu inkâr chu keimah vàng chiah a ni a, kei hi a siam țhatu tùr dik tak ka ni.
"Ka pi, hun kal tawh kha theihnghilh vek ila, nun thar vekin nung tawh ang u. Hlim takin awm tum tawh ang u, Angel-i pawh ka chunga a țhat țhin ém avàngin a chungah rilru sual ka pu miah lo, ka khawngaih ém ém zâwk a ni."
Sangite pawh an lo lût tawh a, an rawn ri chùl mai. Chaw kan ei tùr thute chu ka hrilh a, kan inbiak lai chuan ka pi chuan kan fate chu a lo chhaih leh ar ar tawh a.
Zanriah kan ei lai pawhin Angel-i a lo la haw lo. A tlai ve tawh riau asin, ani hi khuta a awm ang khân ka pi bulah hian a khawsak loh hrâm ka beisei.
"Dàr eng tik vêlah nge a lo haw țhin?"
"A inang lo."
Ruatdika chuan Lawmi chu a ko vat a, hlauthâwng zetin a lo kal a.
"Angel-i hi dâr eng tikah nge a lo haw țhin?"
Ka pi chu a melh zak zak a, ka pi erawh chuan a lo en lo. A chaw ei lai chauh a en ngar a.
"Ka pu, a lo haw ngai mang lo."
"A rui țhìn em? Ka pi hi a vìn ngai em?"
"Bawiha, kaltîr teh."
"Lawmi, ka zawh che chu, thu dik ka hre duh."
Ani chu a khùr dar dar mai a," Aw, ka pu, a lo haw chuan a rui thei viau. Ka pi pawh a vìn hrep hrep țhìn," a ti khùr dar dar a.
"Aw le, kal tawh rawh le."
Eng thil dang mah a sawi tawh lo, kan chaw ei chu kan ei tui vak lo hlawm a nih hmel.
"Ka pi, ei țeuh rawh. I chak thei lo ang, khatiang lek lek i ei chuan. Duatate chhaih i duh țhìn si a, chakna i mamawh teh a nia."
Chaw kan ei kham deuh chiah tihin Angel-i chu a rawn thleng ve chiah. A rui leh tawh a nih hi, buaina a thlen loh hrâm ka beisei, naute an awm lehnghal si. An hriat laia țawngka vîn hman pawh ka duh lo, thleng lul suh se.
"I lo haw tawh maw? Chaw i ei tawh em?" tiin ka pi chuan a lo bia a.
"Ka ei peih lo. Hei, bum hmangte chhûng an rawn kal elo?"
Ka nunhlui, theihnghilh ka duh ém ém, hriat chhuah ka duh tawh loh ngei hmang chuan min han kâp leh salh chu a nih hi!
"Ngawi hmak rawh!"
Ruatdika aw chu a ring lo, a vîn miah lo bawk; mahse, ka hre chiang ve tâwk tawh, a thin a rim hle tihna.
"Kan in a nih hi."
"Ka pi in a nih hi."
Thil pawi a thleng ang tih ka hlau, Sangi hnênah chuan naute pahnih chu in chung lama hruai harh tùrin ka ti sap a. Ani pawh chuan a lo man thiam lutuk, a hruai chho dùn ta vat a.
"I fate pahnih hmanga Pitari thlèm lunglèn i tum tih ka hria alawm, i rilru phakarzia hi. Ka lo nêk na lo deuh che hi chu i vànnei ngawt mai, thi daih la a țha tùr a nia!"
Râlthlâk ti zet hian Angel-i chu ka en reng ringawt. Țawng ngaihna ka hre lo, chuti ém ém chuan ka chungah a lo duh chhia a ni maw?!
A ri țhuai a, Angel-i chu a țhu hnawk mai. Ruatdika chuan a hmaiah a lo bêng niin, a bânah ka chelhsak vat a.
"Ramhuai i nih hi!"
"He in hi i chhuahsan tawh a ni lo'm ni? Ro chan duhin i lo lêt leh maw? I nei chuang lo ang, a tunu dik tak ka nih hi. Kei hi a tunu dik tak ka ni," tiin a au vak vak a.
Ka pi chuan," Angel, duh tâwk teh, ro i chan tùr chu i chang dáwn alawm, ka hmangaih teh lul che nèn aw," a ti vang vang a.
"Haha, in vànneihzia hi aw, step-ah khân i tla na lo deuh a ni tiraw? Engkim kha ka tâ ni tawh mai tùr a ni asin, in vai hian ka haw vek che u," a ti tuar tuar a, a chângin a nui uar uar bawk a.
A awm dàn hi ka hlau deuh tlat, a rui sual chhiava a nih dáwn hi. Rui over chu a ni miah lo, pai pawh a pai mang lo kha a ni a; mahse, a rilru lamah a thawk na deuh a niang.
"Ka unaunu i nih hi ka ring thei lo!"
"Unau ka nei lo, keimah chauh ka ni. Chhûngte ka mamawh hek lo, pawisa chauh ka duh, pawisa chauh."
"I awm dàn zahpuiawmzia hi i hria em?"
"In zahpuiawm fé zâwk. Ro ka chanai ka duh a ni mai, chuan, ka nunah hian lo inrawlh tum suh, ka nun a nih hi."
Ka pi chu a lo inrawlh ve ta.
"I chanai chu i hmu ang, ka pe ang che. Chuan, i duh duhnaah i kal dáwn nia, ka bula awm i peih loh chuan."
A rawn ding chhuak a, a hmai dawm vang vang pah chuan," Hmeichhe kutthlâk chîng ka ngaisang lo," a ti a, Ruatdika lah chuan rum zeta melhin," Hmeichhe ruih chîng ka ngaisang lo leh zual," a lo ti nghut a.
"He inah hian ka awm peih lo. Nuam ka ti viauah in ngai a niang e, nuam ka ti ther tê lo, ka chanai ka neih veleh ka chhuak vang vang ang."
"Chuan, kan thisen inzawmna hi ka chhu chat nghal bawk ang, in hmel hi ka hmu peih tawh lo. Ka bialpa lo thlêm duh mihring hi ka hmu peih lo va, ka ro chanai min chhuhsak duh khawpa mi duhâm bulah hian ka awm peih hek lo."
Kawngka lam chu a pan a, ka pi chuan," Khawiah nge i kal leh dáwn?" a ti a, ani chuan," Ro ka chanai tùr min pêk hunah ka rawn kal ang, he inah hian ka awm peih hlawl lo. Ka ruih hlekin min hau ziah, ka hnê," a ti a, kawngka hawngin ring zetin a khâr țhuai a.
Engkim chu a dik lo vêl vek mai.
"A ro chanai chu ka pe mawlh ang, a duh chuan haw chhuk vang vang rawh se, hlimna ka neih phah mawlh lo," ka pi chuan a ti sap sap a.
"Ka pi, step-ah khân a nam thlu che a ni tiraw?"
"Nam pawh a ni chiah lo, min nêk a, ka ke ka chhep sual ta a ni."
"Ngati nge a sual em ém mai le?!"
Ka pi hawsan ringawt dáwn chuan kan ngaihtuah si. Ruatdika chuan ka pate a phone a, anni hetah an riak ang a, keini kan haw thung ang. Ka pi chuan ngai lo a ti viau nain Ruatdika chuan hnial a duh lo bur, '"eng mah pawisak a nei si lo, eng thil pawh a ti duh ang," a ti tlat a, amah maia kalsan a duh lo.
KUM NGA HNUAH CHUAN
"Ânu, Duata nèn àpîte inah kan riak leh ang aw?"
Maxy chuan a nau hnute ka pêk laiin a pîte ina riah min dîl leh ngar ngar tawh.
"Bawihte, âpa dîl la?"
"Âpa chu a buai thei e, a lo haw țêp tawh ang em?"
"Aw, lo haw țêp ang, a lo thlen hunah i lo dîl dáwn nia."
Lawmi leh Neil an lo inûm lût a, mipa na na na chu a harh a, infiampui reng a ngai.
A pa lo haw veleh Maxy chuan a lo hrilh nghal vat a, Ruatdika chuan min rawn en vat a, ka lo nui ringawt a.
"Bawihte, kan ngai che u alawm."
"Âpa, âpite ka ngai ve tawh alawm, âpuin min paw leh dáwn asin, ka châk tawh e."
"Bawihte, kei pawhin ka paw thei reng che alawm."
"Aih, nang chuan Tetei paw rawh."
Leh tlat mai a.
Ka pi bulah kan chêng chho a, Angel-i'n a chanai a neih hnuah Chennai lama a chhuk daih avàngin kan awmpui leh ta. Nikum lawk khân ka pi chuan min boralsan a, chuvàngin, Maxy leh Duata hian ka nute bula awm hi an thlahlel a, keini'n kan duat hle tho nain pi leh pute chuan an duat leh zual a. An riak âwl lo, chhang Tetei an neih hnu phei chuan naute hi an thîk deuh țhìn a, a pi leh pute'n an lo duat bawk nèn, riah min dîl ziah.
A pain a zu thlah leh nge nge, fate thil min dìl hnial hi a lo hrehawm viau a nih hi.
Tetei hi chu a ute lakah chuan a dang zak. Chhùn lamah hian a mu țha duh vak lo nain zàn lamah thung chuan a mu țha thei khawp.
"Zanin chu inbual dùn ila?"
"Naute harh palh ta se?"
"A mut tui theih ém hi maw."
A buai thei ém ém a, zàn lam hi chu ka duat ve a ngai. A thu pawh hi ka hnial khât viau rêng, ka duat theihnaah pawh ka duat ziah.
"Min hnial lo la?"
"Aw le, aw le."
Shower hnuaiah chuan ding dùnin thawmhnaw inbel kan nei hauh lo. Ka taksa min nuaisak a, keiin a taksa ka nuaisak bawk.
"Inbual dun nawmzia ka lo theihnghilh lek lek hial tawh mai."
Ka nui hak a, shower gel kan inhnawihin kan phuan dùn nasa tawh a, kan taksa a nãl zak mai.
"Helai hi Duateate an zai chhuahna kha a ni maw?" tiin ka dul hnuai lam deuh chu a rawn tawk a.
"Umm."
"I mawi loh phah chuang hauh lo mai."
"Vêl a che!"
"Ka tân chuan i mawi ber fo ziah."
"Ka tân pawh i ni tho."
A rawn kûn hniam a, min rawn fâwp a, kei pawhin ka lo fâwp lêt a, shower phuh sang sang hnuaiah chuan duhthawh zeta infâwpin kan taksa chu kan inchûlsak ruai a.
"Ka mamawh che!"
"Kei pawh; mahse, naute..?"
"A lo harh bîk tawp nâng."
Ka bawp lehlam a khai kâng nghal hmiah, nia, ka hnial thei bîk lo. Min mamawh hun lai hi a tân ka awm hun tùr chu a ni dáwn lo'm ni?
Boruak sa zet hnuaiah chuan nupa nun hlimawm zetin kan chèn dùn a, a nuam danglam zakin ka hria.
Mut hmunah chuan min kuah chial a.
"Naute kan siam leh hunah chuan shower hnuaia siam hi a fuh berin ka ring ta."
Ka nuih a tizâ.
"Eng vàngin maw?"
"A boruak a nuam danglam."
"Kei chu ka tlu ang tih ka lo hlau ru viau asin."
Ka âwmbâwr chûl zai zai pahin," Ka awm chuan i tlûk ka phal ngai lo ang; mahse, kan fate hian an hriat ka duh miah lo ang," a ti sup sup a.
"Eng chu maw?"
"Shower hnuaiah hmangaihna kan chèn tih maw le."
Ka nui hak hak a.
"Mahse, nang nèn chuan khawilai hmun pawh ni se, a nuam vekin ka ring."
"Ka làwm e, ka hmangaih che."
"Kei pawhin ka hmangaih che, Puii."
A lam hawiin ka inher vat a, en chho hauin," Min han ko leh teh," ka ti a.
"Puii, ka hmangaih che."
Ka va duh teh rêng ém! He hming hian ka hmangaih tak chuan min ko ta si. Ka pasalin min ko se tih ka duh hming ngei chu.
"Min ko leh rawh, Delete-ka-châk-pa."
"Engtin a?!!"
"Angel-i lem ka rawn chan lai khân khawvêl ata delete daih che hi ka châk țhìn a, ka phone-ah pawh i hmingah 'Delete-ka-châka' tiin ka save che."
A nui suk a.
"Nih, tunah delete chu min la châk em?"
"Teuh lo, 'Chatuan atâna Delete ka duh ngai miah loh tùr' tiin ka save tawh che," uar zet hian ka ti tàn tán a.
F I N
(Ka story tlâwm tak min chhiarsaktu zawng zawngte, làwmthu ka hrilh mawlh mawlh che u. In tel lo chuan he story hian awmzia a nei lo, nangmahni vàng liau liaua he story hi puitling thei a ni e. In comments hian min tilâwmin phûrna thûk tak min pe țhìn.
Story thar ' Magdalene ' nèn kan inhmu leh țheuh dáwn u nia, LOVE YOU ALL, MUAH)
********Maria B Lee************
Inneih ni a lo thleng a, kan insiam ve sang sang mai. Ka fate pahnih ka buaipui atalângin ka la inchei ve hman lo. Mimi chuan," Zorin, i va inchei har tawh! Ka chei i duh em? Ka lo chei ang che chu," a ti lang lang a.
"Inchei vak pawh ka lo tum hlei nem."
"Ka chei châk che a!"
"Peach, incheitîr rawh, Lungleiah chuan ani aia makeup artist lâr an awm hlei nem. All-India ațanga zir chhuak thlap a nih kha."
A ni maw?! Makeup lam hi ka hmang vak ngai lo va, ka inhmeh vak lovin ka hre țhìn a, a vawi khatna tùr a ni ve mai. Bâkah, a thiam a nih phei chuan min chei nalh viau ang chu.
"A țha alawm."
Min chei chhûngin naute chu ka nuin a lo buaipui, Ruatdika chu kan bulah a awm ve a, Mimi'n a chhuahtîr leh rih.
"I nupui hi chhe lo tâwkah ka chhuah dáwn, i hai ram ram mai ang."
Min chei chhûng zawng darthlalanga ka inen a phal lo va, min chei rei phian. Nautete'n buaina an lo siam loh hrâm ka beisei, ka nu a lo buai hle ang tih ka hlau.
Darthlalang lian zeta ka inhmu thut chu ka phu zawk! Ka inhai țhelh nia!! Min chei nalh em atin ni! Ka mit leh ka hmui min hnawihsak dàn chu mawi ka ti, ka makeup chu ka kawr hâk nèn a inrem thlap mai a, inhmeh ka inti ve lutuk.
Room-a Ruatdika lo lût chuan min en vang vang a, Mimi chuan," Eng nge i hmuh dàn le? Mawi i ti em?" a lo ti a, ani chuan," Tu emaw a ang!" a ti nghut ringawt a.
"Tu maw ka an?"
"Tu emaw!"
"Mawi min ti a nih kha, i mit i la sawn thei hlei nem."
"Mawi tih hian a sawi fiah lo zâwk!"
Ka nui sak a, mawi min ti ve tho ang.
Mo chu an chei nalh khawp mai. Thu an chham laite chuan ka lo chhampui ve a, kan inneih dàn kha ka hre chhuak a, ka hnuk a ti-ulh deuh tlat. Ka nu leh pa hriatpui khân lo innei ve ta ila, tûn anga ropui hian kan ti ve thei ang em le? Tuna a kawr hâk angte hi ka ha ve ang em?
"Eng nge i ngaihtuah a?" Ka beng bul chêtah chuan a rawn ti sar sar a.
"An mawiin an lawmpuiawm ém a," ka ti ringawt. Ka mittui tling chu a hmuh loh hrâm ka beisei.
"I mawi ber!"
Ka nui sak a, ka lâwm viau a ni.
Kan chhûngkuain thla kan lâkpui a, kan fate pahnih lah chuan nuam an ti lutuk. Kan pawm hman lo, an pi leh pute bulah an awm a, naupang dangte'n an chhaih a, nuam an ti lutuk ringawt.
"I mawi lutuk a, ka ngaizawng thar leh sawt che!"
Ka nui hak hak a," Nang deuh, nulaho mit i lâkzia ka hai hlei nem, 'ka pasal a nih hi' tia au khum nghek ania ka duh hlawm ni!" ka ti sar sar a.
A ni lah tak a. A chhe lo ém asin, a sâng țhain a pian a dik thlap a. A thawmhnaw lah a inhmeh tih piah lam a ni, a sam dum hlap chu a fai tih a hriat hliah hliah a. Pa a ni tawh tih a hriat miah loh, a bula ka ding thei hi ka lâwm.
"Nula pawh ka lo hmu lo, ka nupui ka ngaihzàwn thar leh tâk ém ém chiah hi ka hmuh chu a ni."
Hlim takin ka nuih var var a.
"In chhe lo dùn lutuk a, in thla ka la nual a nia," tih pahin tlangvâl pakhat hian a camera chu a hmet leh mawlh mawlh a.
"Chuti, chiangkuang deuhin min lâksak leh law law la, Peter," Ruatdika chuan a ti a, min rawn hnaih sauhin ka kâwngah a kuah nghal a.
"Nui ula, a nih loh pawhin inen ula."
Ka melh chho hau a, ani a rawn hawi thla ve chiah a, a hmuiin ka hmui a rawn nûl thuak.
"A va fuh tak! Fuh lutuk!"
Ka sen awp awp maithei. Ani erawh chu engtin mah a awm ve leh pek lo ang chu.
"A mawi dáwn tih ka hria e."
"Mawi lutuk! Ka hmuh phal rih lo che u."
Ka hlim, nuam ka ti. Mawi takin min chei a, ka mawi nî ber a ni bawkin ka hria. Ka bulah ka pasal chhe lo zet a awm bawk a, kan inneihna a la rei loh vàng nge a bula awm hi ka la kham mawlh lo. Ka hmangaih a, ka fate pa a ni bawk a, ka duh hluah hluah.
Zànah mut hmunah naktûk hun kan hman dàn tùr ka ngaihtuah a, ka muhìl thei lawk lo. Ka chhûngte chu ka hmu châk tawh, ka hmêl ațangin min hre thei ang em le? Eng pawh ni se, kan dam phawt chuan naktûkah ka chhûngte dik tak chu ka hmu ngei dáwn, min lo làwm emaw làwm lo emaw ka chhûngte an ni dáwn tho.
Kan chhûngkuain kan chhuak leh ta vek. An lo awm ngei theih nân leh min lo lawm ngei theih nân ka rilruin ka țawngțai, ka huphurh deuh si, phûr ru viau siin ka awm.
"Huphurh lutuk lo la."
Ka zàm avànga ka kut vawt thlar chu a rawn chelh a; mahse, rei a chelh hman lo, motor a khalh miau a.
"Khawi vêngah nge an awm kha?"
"Kikàwnah."
Motor hùnna a vâng phian mai. Tâwt leh rem lo zet chuan a hûng hrâm a, kawng chho deuh pên 20 vêl kal lehin Assam type in lian deuh leh la thar deuh mai, a kawngka lu chunga ' Siamliana' tih hming intàrna ngei mai kawngka chu kan kik ta dat dat a.
"Lo lût rawh."
Ruatdika a lût hmasa ber a, keiin ka zui nghal. In chhûngah chuan putar pakhat leh nu pakhat hi an lo awm a, naupang pahnih, kum 13 leh kum 10 mi vêl an lo awm bawk a, chutia kan lût chu min lo en duh khawp mai.
Ruatdika chuan," Ka pu, chibai le. Pu Siamliana i ni tiraw?" a ti a, putar chuan chiang zetin min en phawt a, Ruatdika hnênah chuan," Aw, ni e. Eng nge ni ta?" a ti a, min en leh a.
"Sawmi nèn in va inang kher ém!! Mahse, Sawmi ni tùr chuan i la naupang si."
"Ka pu, ka nu chu i la hria maw?!! A fanu ka ni alawm. Ka pu, ka va lâwm tak!!."
Ka pu chuan min chibai lâwp lâwp a, a hnukte a ulh deuhin ka hria. A khûr dar dar, a tar ve deuh tawh bawk a. A sam pawh a țuak vâr vek tawh nghe nghe.
"I nu i chhùn hle mai, ka hmu thut che kha amah i ni emaw ka ti dáwn a; mahse, i naupang zâwk daih a, i lian zâwk bawk a."
Thil awm dàn a sawi hmain ka chhûngte chu ka hmel hriattîr a, an inchibai zêl a, kan fate pahnih pawh chuan zak deuh chungin an lo chibai ve a, ka pu chuan a nuih dùn san san a. Kan inchibai zawh chuan ka pu pawh chuan nu pakhat lo awm chu ka putea nupui a ni tih leh naupang pahnih chu a fate an nih thu a sawi ve nghal a.
Țhuthmun kan rem fel hnuah chuan ka pu chuan anmahni ka zawn chhuah dàn chu min zâwt a, chu erawh chu Ruatdika'n a chhâng thung. Ruatdika sawi chhûng chuan kan lo ngawi țhap a, a hnuah chuan ka pu chuan ka nu chanchin chu a sawi ve ta barh barh a.
Ka pa nèn chuan inhre sa ém ém pawh an lo ni lo va, zan khat thil thua inru nghal mai an ni àwm e. Ka pu chuan inneih a phal lo va, ka pa chu fahrah, pianpui unau pawh nei mang lo a lo ni a. Lo inhre sa leh lo inngaizawng sa chu ni se, a duh a nih phawt chuan phal lohna tùr a awm lo; mahse, hriat chian loh lutuk a nih vàng chuan pasala neih atân chuan a remti lo a ni.
Mahse, ka nu chu a haw duh ta lo va, an tlân bo dùn zêl a, palai tirh a awm chuang hek lo. An awmna chin pawh an hre ta lo va, an ințha țhen a ni deuh mai. An chanchin an inhre tawn lo ta vang vang a, ka pu sawi dàn takin," I nu chu kan tân chuan awm lo ang chiah a ni ta. An inrûk ațangin a reh ta vang vang a, a hlim hle niah kan ngai mai a, tunah hei i lo lang hlawl a, a hlim bawk em? A dam țha maw?" a ti a, ka pu hian ka nu leh pa an boral tih a la hre miah lo tihna a nih hi.
"Ka pu, ka nu chu ka têt laiin a boral tawh alawm, kum 20 chuang zet a ni tawh."
"A ni maw?" A ngawi ta vang vang a.
"Ka pu, kei pawhin ka nu chu ka hre hman mang lo, a hming chauh chu ka hre tawh a ni. A rei tawh ém a, chutiang bawkin ka pa pawh ka mitthla thiam tawh lo. Tunah chuan ka pu, kan inhre tawh a, ka chhûngte dik tak ka hmu che u hi ka lâwm tak tak a ni."
"Kei pawh, ka tunu fel tak ka hmu thei che hi ka lâwm hle a ni." A hnuk a ulh tlat, ka khawngaih roh tawp.
Ruatdika chu a lo inrawlh ta vat.
Ka putea nupui hnênah chuan," Pite, inah hian eng zât nge chêng che u?" a lo ti a, ka pu hnuk ulh țeuh pawh chu a țawng a ngai ta rih lo ve.
"Paruk kan chêng a, fa pathum kan nei a, kan fanu upa ber hian Aizâwlah college a kal ve a, chuan hei pahnih chu kan la awmpui a nih hi."
"Chuan, putea'n eng nge a thawh țhin a?"
"Mistiri hna a thawk ve țhìn, tunah pawh țhenawmte'n sawti lai deuhah sawn in an sa thar a, chutah chuan a thawk a nih kha."
"A nih tak chu."
Ka pu hnênah chuan," Ka pu, ka nute chu unau pahnih chauh em ni an nih a?" tiin ka zâwt a, ani chuan," Ni lo ve, pali an nia, a upa lam pahnih hi Champhaiah leh Tlabungah pasal an nei a, an rawn zin khât khawp mai, chuan, i nu leh i putea an ni leh mai," a ti a.
"Putea chu a lo haw har ang em?"
"Aw, an bâng har ve țhìn viau mai a, an hna a laklawh viau phei chuan thim hnuah a lo haw țhìn."
Pitei chuan thingpui a lum a, a fate pahnih chu an zakzum khawp mai, an lo țhu ngawi reng mai a. Maxy leh Neil chuan chhaih an châk tih ka hre reng, ka nu leh pa chuan an mal chungah an pawm reng nain an lo che leh sek tawh.
"Duata, Bawihte, lo kal teh u, Àute nèn khân inkàwm ula tiraw?"
"An duhawm dùn khawp mai."
Ka nui a, pitei hnênah chuan," Min tihlim ve thei teh a nia, pi leh pu leh pa duat ém émtu an nei a, an vànnei teh asin. Pathian zârah an dam țha viau bawk a, a làwmawm tak tak a ni," ka ti bawrh bawrh a.
A hnu lam kan boruak chu a tawrhhlelhawm lek lek. Duatate unau chuan nuam an han ti khawp a, an râk bengchheng tawp a ni mai. Putea fate pahnih lah chuan an ngen apiang an pe a, an inûm a, an inchhaih zawr zawr a, puitling pawhin hau pawh kan hau peih lo, nui chungin kan en tawp.
Pitei chu a phone number ka dil a, an fanu college kalna leh a awmnate chu ka zâwt chiang bawk a. Kan titi bawrh bawrh mai, ka nu leh pate pawhin ka pu chu an titipui a, Ruatdika erawh chuan naupangho infiama inchhaih chu thla a lâksak reng thung.
Ka pu chuan chaw ei tùrin min duh viau nain kan hnial a, a chhan chu nakinah thil pawimawh tiin Lungleiah hian kan kal leh vat dáwn tho a, chumi hunah chuan eiho zâwk ila kan ti a, ani pawh chuan min tilui lo.
Ka hlim veng veng tawh, chhûngte dik tak ka neiin ka hmu tawh a, hei bâka hlimna hi a awm leh tawh chuang lo ang. Pasal nei hman lo phei ila chuan ka awmna tùr in a ni a, ka pu kha ka ngaina nghal a, chutiangin mi dang pawh. Putea ka hmu hman lo erawh a pawi ka ti deuh.
A tûka kan haw pah chuan kan pêng leh lawk a, putea pawh a hna thawk tùr a lo kal dáwn chiah a. Kan inhmu chu kan inchibai leh rih, min thlah hlei thei lo.
"I nu chiah chiah i nih hi. I nu nèn kha chuan kan inkáwm ngeih bîk hle asin, ka ngai thar hle mai."
Min chelh vang vang a, " A pawi ka tihpui hle che a ni, kan inhre har ém mai tiraw?" a ti leh a.
"Nia,Pute; mahse, tunah chuan hei, kan inhre pawh tawh a, ka lâwm hle a ni. Kan la rawn zin fo ang, kan la rawn thleng nghe nghe ang, hlim takin kan awm zêl ang chu."
"I nu i ang tak zet a ni!"
Ka nui a, ka nu chu a hmel hre tawh lo mah ila,' i nu i ang lo hle mai' tih ai chuan nu ang nih chu a nuam ka ti tho.
Thla kan laho leh rih. Putea hna thawk kal tùr pawh kan titlai ta vek.
Aizâwl boruak leh Lunglei boruak chu a inang lo hle mai. Aizâwl nawm dàn a dang a, Lunglei nawm dàn a dang ka ti bawk. Lunglei kha ka ngai, ka chhûngte an awm miau a, Aizawl pawh ka fate leh ka pasal leh chhûngte, ka in ngei awmna a ni a, nuam ka ti viau bawk.
Ka piin min lo phone reng a, kan han lêng leh nge nge. Ani pawh a dam țha tawh a, a kal ve bek bek thei tawh.
"Lo awm chho mai rawh u."
Ruatdika ka en a, ani chuan engah mah ngaih loh hmèl zet hian hmun dang a lo en daih, ka pi chu ka khawngaih reuh.
"Ka pi, kan lo lêng reng thei tho alawm."
"In lo lèn hian ka rilru a hlim ve țhìn a..." a ngawi zui ta daih a.
"Kan lo lêng fo dáwn alawm, naute an harh ve tawh a, thil tichhe zâwngin an che ve tawh bawk si a, vèn ngun an ngai tawh lutuk a."
Vawiinah pawh hian Sangi kan lènpui ve tawp. Keimah mai chuan an pahnihin ka vêng sêng lo, an duhna lamah kalpui an ngai ve tawh miau si a.
"Zorin, ka tunu tak tak zâwk i nih ka ring hial țhìn!"
"Ka pi, i tunu ka ni alawm. Thisenah inzawm lo mah ila, i tupa nupui ka nia, i tunu ka nih hi."
Kan fate pahnih pâwn lamah Sangi'n a awmpui a, Ruatdika chuan min kalsan lo, kan bulah a awm ve reng.
"Ka pi, Angel-i hi ka hmu khât e, ina kan lo kal hian dàwrah a kal hman ziah tihna em ni?"
A ngawi vang vang phawt a, chutah," Aw, inah hian a awm tam lo khawp mai," a ti sap a.
"A nih tak chu, a thawkrim hle a nih dáwn chu."
Ruatdika chu a melh zauh a, chutah, min en lehin," Zorin, min ngaidam hrâm rawh aw," a ti leh sap a.
"Ka pi, chutiang sawi suh!"
"Bawiha nèn hian pawh țhen che u ka tum ngar ngar a, ani pawhin min huat phah hial a nih kha. Ka hlimna zawng zawng kha keimah hian ka tichhe vek a ni. In fate hian hlimna chu min pe leh a, ka lo la dam ve țêk țêkna chhan pawh kha hei ngei hi a nih ka ring."
Ka pi chu ka khawngaih reuh khawp mai, a hmel ațang chuan a inchhîr tih ka hre si a.
"Ka pi, kan fate i hmu thei hi kei pawh ka hlim asin. Kei chuan pi tak takin ka en che, nang bâk pi ka nei miah lo."
Ka kut chu a rawn vuan a, a kut vuai ve nan tawh chu a nêm thlap mai a, Lungleia ka pu pawh khân hetiang kut vuai nan mai ngei hian min chibai a nih kha.
"Ka lâwm e, nang pawh ka tunu tak tak i ni. Angel-i nèn hian min ngaidam hrâm rawh aw," a ti sep sep a.
"Ka pi, a duat che em?"
Ruatdika a țawng ve vawi khatna.
"Ka thu ang hian awmtîr ka tum lutuk a, puitling a ni tawh tih ka lo theihnghilh țhìn a," tiin a chhâng ta daih.
"Ka pi, a duat che em ka ti a nih chu."
"A thiam dàn ang chuan min duat ve tho. Nu leh pa kâr lovah a sei lian tih ka lo theihnghilh leh țhìn a, ka bula awm hi a tân a har hle ang tih ka ring, kei chu ka duh khirh si a."
"Zanin chu hetah chaw kan ei ang."
Makti zet hian ka en a, lo hnial erawh ka tum lo. Ka pi lah chu a làwm hmel ém ém lehnghal a, a nui ta var var a.
"In ei dáwn nia, in ei lohna rei tawhzia hi."
Ruatdika chu a kalsawn a, choka lamah a lûtin ka hria. Kan chaw ei tùr thu hi Lawmite kha a hrilh dáwn a ni ang.
"Ka pi, lungngai suh aw. I tupa hian a hmangaih chein a ngaihsak ém ém che a nia. I lo duat țhang tawh a, Angel-i lo lang thut hi i duat ta si a, a thîk vàng mai mai a nih hi."
"Min haw viau mah se àwm ka tihpui tho, a chhan chu nupui atân neih che kha a tum tlat a, keiin ka phal lo va."
An pitu inkâr chu keimah vàng chiah a ni a, kei hi a siam țhatu tùr dik tak ka ni.
"Ka pi, hun kal tawh kha theihnghilh vek ila, nun thar vekin nung tawh ang u. Hlim takin awm tum tawh ang u, Angel-i pawh ka chunga a țhat țhin ém avàngin a chungah rilru sual ka pu miah lo, ka khawngaih ém ém zâwk a ni."
Sangite pawh an lo lût tawh a, an rawn ri chùl mai. Chaw kan ei tùr thute chu ka hrilh a, kan inbiak lai chuan ka pi chuan kan fate chu a lo chhaih leh ar ar tawh a.
Zanriah kan ei lai pawhin Angel-i a lo la haw lo. A tlai ve tawh riau asin, ani hi khuta a awm ang khân ka pi bulah hian a khawsak loh hrâm ka beisei.
"Dàr eng tik vêlah nge a lo haw țhin?"
"A inang lo."
Ruatdika chuan Lawmi chu a ko vat a, hlauthâwng zetin a lo kal a.
"Angel-i hi dâr eng tikah nge a lo haw țhin?"
Ka pi chu a melh zak zak a, ka pi erawh chuan a lo en lo. A chaw ei lai chauh a en ngar a.
"Ka pu, a lo haw ngai mang lo."
"A rui țhìn em? Ka pi hi a vìn ngai em?"
"Bawiha, kaltîr teh."
"Lawmi, ka zawh che chu, thu dik ka hre duh."
Ani chu a khùr dar dar mai a," Aw, ka pu, a lo haw chuan a rui thei viau. Ka pi pawh a vìn hrep hrep țhìn," a ti khùr dar dar a.
"Aw le, kal tawh rawh le."
Eng thil dang mah a sawi tawh lo, kan chaw ei chu kan ei tui vak lo hlawm a nih hmel.
"Ka pi, ei țeuh rawh. I chak thei lo ang, khatiang lek lek i ei chuan. Duatate chhaih i duh țhìn si a, chakna i mamawh teh a nia."
Chaw kan ei kham deuh chiah tihin Angel-i chu a rawn thleng ve chiah. A rui leh tawh a nih hi, buaina a thlen loh hrâm ka beisei, naute an awm lehnghal si. An hriat laia țawngka vîn hman pawh ka duh lo, thleng lul suh se.
"I lo haw tawh maw? Chaw i ei tawh em?" tiin ka pi chuan a lo bia a.
"Ka ei peih lo. Hei, bum hmangte chhûng an rawn kal elo?"
Ka nunhlui, theihnghilh ka duh ém ém, hriat chhuah ka duh tawh loh ngei hmang chuan min han kâp leh salh chu a nih hi!
"Ngawi hmak rawh!"
Ruatdika aw chu a ring lo, a vîn miah lo bawk; mahse, ka hre chiang ve tâwk tawh, a thin a rim hle tihna.
"Kan in a nih hi."
"Ka pi in a nih hi."
Thil pawi a thleng ang tih ka hlau, Sangi hnênah chuan naute pahnih chu in chung lama hruai harh tùrin ka ti sap a. Ani pawh chuan a lo man thiam lutuk, a hruai chho dùn ta vat a.
"I fate pahnih hmanga Pitari thlèm lunglèn i tum tih ka hria alawm, i rilru phakarzia hi. Ka lo nêk na lo deuh che hi chu i vànnei ngawt mai, thi daih la a țha tùr a nia!"
Râlthlâk ti zet hian Angel-i chu ka en reng ringawt. Țawng ngaihna ka hre lo, chuti ém ém chuan ka chungah a lo duh chhia a ni maw?!
A ri țhuai a, Angel-i chu a țhu hnawk mai. Ruatdika chuan a hmaiah a lo bêng niin, a bânah ka chelhsak vat a.
"Ramhuai i nih hi!"
"He in hi i chhuahsan tawh a ni lo'm ni? Ro chan duhin i lo lêt leh maw? I nei chuang lo ang, a tunu dik tak ka nih hi. Kei hi a tunu dik tak ka ni," tiin a au vak vak a.
Ka pi chuan," Angel, duh tâwk teh, ro i chan tùr chu i chang dáwn alawm, ka hmangaih teh lul che nèn aw," a ti vang vang a.
"Haha, in vànneihzia hi aw, step-ah khân i tla na lo deuh a ni tiraw? Engkim kha ka tâ ni tawh mai tùr a ni asin, in vai hian ka haw vek che u," a ti tuar tuar a, a chângin a nui uar uar bawk a.
A awm dàn hi ka hlau deuh tlat, a rui sual chhiava a nih dáwn hi. Rui over chu a ni miah lo, pai pawh a pai mang lo kha a ni a; mahse, a rilru lamah a thawk na deuh a niang.
"Ka unaunu i nih hi ka ring thei lo!"
"Unau ka nei lo, keimah chauh ka ni. Chhûngte ka mamawh hek lo, pawisa chauh ka duh, pawisa chauh."
"I awm dàn zahpuiawmzia hi i hria em?"
"In zahpuiawm fé zâwk. Ro ka chanai ka duh a ni mai, chuan, ka nunah hian lo inrawlh tum suh, ka nun a nih hi."
Ka pi chu a lo inrawlh ve ta.
"I chanai chu i hmu ang, ka pe ang che. Chuan, i duh duhnaah i kal dáwn nia, ka bula awm i peih loh chuan."
A rawn ding chhuak a, a hmai dawm vang vang pah chuan," Hmeichhe kutthlâk chîng ka ngaisang lo," a ti a, Ruatdika lah chuan rum zeta melhin," Hmeichhe ruih chîng ka ngaisang lo leh zual," a lo ti nghut a.
"He inah hian ka awm peih lo. Nuam ka ti viauah in ngai a niang e, nuam ka ti ther tê lo, ka chanai ka neih veleh ka chhuak vang vang ang."
"Chuan, kan thisen inzawmna hi ka chhu chat nghal bawk ang, in hmel hi ka hmu peih tawh lo. Ka bialpa lo thlêm duh mihring hi ka hmu peih lo va, ka ro chanai min chhuhsak duh khawpa mi duhâm bulah hian ka awm peih hek lo."
Kawngka lam chu a pan a, ka pi chuan," Khawiah nge i kal leh dáwn?" a ti a, ani chuan," Ro ka chanai tùr min pêk hunah ka rawn kal ang, he inah hian ka awm peih hlawl lo. Ka ruih hlekin min hau ziah, ka hnê," a ti a, kawngka hawngin ring zetin a khâr țhuai a.
Engkim chu a dik lo vêl vek mai.
"A ro chanai chu ka pe mawlh ang, a duh chuan haw chhuk vang vang rawh se, hlimna ka neih phah mawlh lo," ka pi chuan a ti sap sap a.
"Ka pi, step-ah khân a nam thlu che a ni tiraw?"
"Nam pawh a ni chiah lo, min nêk a, ka ke ka chhep sual ta a ni."
"Ngati nge a sual em ém mai le?!"
Ka pi hawsan ringawt dáwn chuan kan ngaihtuah si. Ruatdika chuan ka pate a phone a, anni hetah an riak ang a, keini kan haw thung ang. Ka pi chuan ngai lo a ti viau nain Ruatdika chuan hnial a duh lo bur, '"eng mah pawisak a nei si lo, eng thil pawh a ti duh ang," a ti tlat a, amah maia kalsan a duh lo.
KUM NGA HNUAH CHUAN
"Ânu, Duata nèn àpîte inah kan riak leh ang aw?"
Maxy chuan a nau hnute ka pêk laiin a pîte ina riah min dîl leh ngar ngar tawh.
"Bawihte, âpa dîl la?"
"Âpa chu a buai thei e, a lo haw țêp tawh ang em?"
"Aw, lo haw țêp ang, a lo thlen hunah i lo dîl dáwn nia."
Lawmi leh Neil an lo inûm lût a, mipa na na na chu a harh a, infiampui reng a ngai.
A pa lo haw veleh Maxy chuan a lo hrilh nghal vat a, Ruatdika chuan min rawn en vat a, ka lo nui ringawt a.
"Bawihte, kan ngai che u alawm."
"Âpa, âpite ka ngai ve tawh alawm, âpuin min paw leh dáwn asin, ka châk tawh e."
"Bawihte, kei pawhin ka paw thei reng che alawm."
"Aih, nang chuan Tetei paw rawh."
Leh tlat mai a.
Ka pi bulah kan chêng chho a, Angel-i'n a chanai a neih hnuah Chennai lama a chhuk daih avàngin kan awmpui leh ta. Nikum lawk khân ka pi chuan min boralsan a, chuvàngin, Maxy leh Duata hian ka nute bula awm hi an thlahlel a, keini'n kan duat hle tho nain pi leh pute chuan an duat leh zual a. An riak âwl lo, chhang Tetei an neih hnu phei chuan naute hi an thîk deuh țhìn a, a pi leh pute'n an lo duat bawk nèn, riah min dîl ziah.
A pain a zu thlah leh nge nge, fate thil min dìl hnial hi a lo hrehawm viau a nih hi.
Tetei hi chu a ute lakah chuan a dang zak. Chhùn lamah hian a mu țha duh vak lo nain zàn lamah thung chuan a mu țha thei khawp.
"Zanin chu inbual dùn ila?"
"Naute harh palh ta se?"
"A mut tui theih ém hi maw."
A buai thei ém ém a, zàn lam hi chu ka duat ve a ngai. A thu pawh hi ka hnial khât viau rêng, ka duat theihnaah pawh ka duat ziah.
"Min hnial lo la?"
"Aw le, aw le."
Shower hnuaiah chuan ding dùnin thawmhnaw inbel kan nei hauh lo. Ka taksa min nuaisak a, keiin a taksa ka nuaisak bawk.
"Inbual dun nawmzia ka lo theihnghilh lek lek hial tawh mai."
Ka nui hak a, shower gel kan inhnawihin kan phuan dùn nasa tawh a, kan taksa a nãl zak mai.
"Helai hi Duateate an zai chhuahna kha a ni maw?" tiin ka dul hnuai lam deuh chu a rawn tawk a.
"Umm."
"I mawi loh phah chuang hauh lo mai."
"Vêl a che!"
"Ka tân chuan i mawi ber fo ziah."
"Ka tân pawh i ni tho."
A rawn kûn hniam a, min rawn fâwp a, kei pawhin ka lo fâwp lêt a, shower phuh sang sang hnuaiah chuan duhthawh zeta infâwpin kan taksa chu kan inchûlsak ruai a.
"Ka mamawh che!"
"Kei pawh; mahse, naute..?"
"A lo harh bîk tawp nâng."
Ka bawp lehlam a khai kâng nghal hmiah, nia, ka hnial thei bîk lo. Min mamawh hun lai hi a tân ka awm hun tùr chu a ni dáwn lo'm ni?
Boruak sa zet hnuaiah chuan nupa nun hlimawm zetin kan chèn dùn a, a nuam danglam zakin ka hria.
Mut hmunah chuan min kuah chial a.
"Naute kan siam leh hunah chuan shower hnuaia siam hi a fuh berin ka ring ta."
Ka nuih a tizâ.
"Eng vàngin maw?"
"A boruak a nuam danglam."
"Kei chu ka tlu ang tih ka lo hlau ru viau asin."
Ka âwmbâwr chûl zai zai pahin," Ka awm chuan i tlûk ka phal ngai lo ang; mahse, kan fate hian an hriat ka duh miah lo ang," a ti sup sup a.
"Eng chu maw?"
"Shower hnuaiah hmangaihna kan chèn tih maw le."
Ka nui hak hak a.
"Mahse, nang nèn chuan khawilai hmun pawh ni se, a nuam vekin ka ring."
"Ka làwm e, ka hmangaih che."
"Kei pawhin ka hmangaih che, Puii."
A lam hawiin ka inher vat a, en chho hauin," Min han ko leh teh," ka ti a.
"Puii, ka hmangaih che."
Ka va duh teh rêng ém! He hming hian ka hmangaih tak chuan min ko ta si. Ka pasalin min ko se tih ka duh hming ngei chu.
"Min ko leh rawh, Delete-ka-châk-pa."
"Engtin a?!!"
"Angel-i lem ka rawn chan lai khân khawvêl ata delete daih che hi ka châk țhìn a, ka phone-ah pawh i hmingah 'Delete-ka-châka' tiin ka save che."
A nui suk a.
"Nih, tunah delete chu min la châk em?"
"Teuh lo, 'Chatuan atâna Delete ka duh ngai miah loh tùr' tiin ka save tawh che," uar zet hian ka ti tàn tán a.
F I N
(Ka story tlâwm tak min chhiarsaktu zawng zawngte, làwmthu ka hrilh mawlh mawlh che u. In tel lo chuan he story hian awmzia a nei lo, nangmahni vàng liau liaua he story hi puitling thei a ni e. In comments hian min tilâwmin phûrna thûk tak min pe țhìn.
Story thar ' Magdalene ' nèn kan inhmu leh țheuh dáwn u nia, LOVE YOU ALL, MUAH)
********Maria B Lee************
Comments
Post a Comment