☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆MAGDALENE☆- 12 By Dingdi Pachuau
Bawihtei chu a rawl ém avángin a lo kal ta lo, ka phal vak lo bawk, a khua a sik phah mai mai ang. Inah lo awm dam se, a peih chuan haw dáwnah vawi khat kal leh mai se.
Mipa pathum kan kal a, tam tak man kan tum avàngin kan țang sauh sauh a. Sangha chu a lo tam reuh phian lehnghal a, a dang erawh an awm mang lo thung.
Kan hlawhtling viau. Sangha chu tam angreng deuhin kan insem hlawm a, kan lâwm tlâng hlein ka hria.
Bawihtei leh Hlimhlimi an lo awm a, min hmuh veleh Bawihtei chuan," A, i lo va hma ve! In man tam em?" a lo ti chûl a, Hlimhlimi erawh a zak leh tawh a niang, a lo sen leh awp awp ringawt tawh.
"I chhe lo lutuk, ngawi lawk, thla ka'n lâksak teh ang che. I pà tawp."
Ka nau tak hi chu aw!!
Ka sangha man chu a han phawrh a, a au chûl a.
"A va tam ém ém ve!! Vawiina ka kal ve lo chu ka inchhîr hle mai, a nawm dâwn nèn!"
Hlimhlimi pawh chuan," A tam reuh khawp mai," a lo ti ve a.
"Bawihte, Hlimhlimite tâ tùr dah hrang la?"
"A, a ngai teuh lo, in hah teh lul nèn!"
A duh lo hle tak nain Bawihtei chuan a dahsak ta tho va, thingpui min siamsak nghal bawk a. Ka ril a țâm tawh bawk a, tui ka ti kher mai.
"I ril a țam viau tawh a ni maw?" Min nuih sen sen a, seh sawk ka châk.
"Nula chu kal ula chuan ka heti bîk lo ang, energy siamtu ber in kal lo tlat a."
Bawihtei chu uar zet hian a lo nui a, Hlimhlimi erawh a nui sek sek chauh, a zak leh ringawt tawh a niang.
Ka inbual zawhah Hlimhlimi hnênah chuan a nu awm leh awm loh ka zâwt a, a awm loh thu min hrilh chuan ka thaw huai mai. Chhuanlamah a nu meizial dahna a hriat leh hriat loh ka zâwt a, ani chuan," Hriat àwm tak a nia," a lo ti mai a.
"A tui ka ti riau a."
A haw tùr chu ka zui ve nghal, ka chhuanlam siam chu a fuh dáwn riau.
Inah chuan a nau mipa pawh a lo awm lo, a tihchi tak zet a ni.
"Tukinah Bawihtei chu ka zâwt a."
A che lai a tàwp chat a, ka lam a rawn hawi chuang lo.
"Thil engkim a hrilh ngei che ka beisei."
"Awmzia a awm lo!"
"I inchhîr ang ka tih kha."
"Inchhìrna chhan tùr ka nei em ni?"
"Min duh suh ka tih che kha."
"Nang ka duh che hi ka la inchhîr chhin miah lo."
A rawn inher ta a, chiang zetin kan mitah chuan kan inmelh rán a.
"Ka tibuai reng dáwn che."
"Min tibuai reng rawh."
Ka hnaih sauh a, ka lamah pawtin ka kuah nghal a.
"I hun kal tawh chu eng pawh lo ni se, engah mah ka ngai lo. Kei pawh ka hun kal tawh a chhuanawm bîk lo."
Min kuah châih châih a.
"Min tihbuai tawh miah loh ka lo ring a."
"Teuh lo, ka tibuai char char dáwn che. Ka tâ chu ka hauh bur zêl ka tih kha aw."
"Haha, ka hria e."
"Nui miah suh, ka ti mai mai lo a nia."
Inhnaih zetin kan țhu dùn a, khua a lum viau nain ka hlat phal miah lo.
"I chanchin chu nangma kâ ngei ațanga hriat ka duh ngawt mai, min hrilh duh chuan?"
Min en zauh a, zak tih hriat takin a khup deuh zàl zál a.
"Ih, ngaihzâwng ka neih vawi khatna a nia, min bum chu ka ti miah lo va, ka thiam loh a ni zâwk mah ang chu. Kan nih lai rengin bialnu dang a lo nei reng a, ka lo hre miah lo. Ka hriat ve meuh chuan kei aiin a lo kawp rei daih tawh zâwk a lo ni. Ka rilru a nat ém avàngin ka hriat ni la lain ka țhen ta nghal a."
"Ka nu chu kan chanchin ka hrilh ta vek a, tihtlâk a phal lo va. Ka la naupang bawk nèn, ka zak lutuk a. Ngaihawma'n titla tùra min tih pawh chuan tihtlâk mai kha ka duh ve thut thut a, ka nuin a phal tâk lohah chuan ka ti duh ta lo va. Chuta a thinrim chuan bialnu dang a nei tih a sawi ta a."
"Janet-i nèn chuan an lo inkawp nghet hle a lo nia. Ka zak bawk si, rilru na bawk si chuan ka țhen ta nghal a, college pawh ka zawm loh phah hial. Kan vêngah ka awm ta daih a; mahse, ka vànduai a, ka tlù a, ka chhiat ta daih a ni."
A kut chu nghet zetin ka chelhsak reng a, a aw zàwi sapa rilru nat hmêl taka a sawi sap sap chuan ka thinlung a khawih kher mai.
"Chu pa leh Janet-i chu an innei ta em?"
"Nei lo a niang, Janet-i chu tunah kan college-ah a lût ve tho."
Bawihtei sawi kha a nih chiah chu, a ngei teh kha.
"I chungah a sual em?"
A nui sek a, a za lo hle tih ka hria a, a nui lui mai mai tih a lang chiang hle.
" A ho lutuk, engah mah ka ngai lo."
"Tak tak?"
"Umm.., a châng chuan tlêm têin hrehawm ka ti ve țhìn."
A dik ang, hmeichhia phei chu an rilru a no hle si a, hrehawm a ti viau țhìn ang chu.
"Tûn ațang chuan hrehawm lo ti tawh suh aw."
A nui sen sen a.
"Nia, ka bulah i awm tawh a."
"Dik chiah. Mi dang en miah lo la, an thu sawi phei chu engah mah ngai lo ang che, keimah chauh min en la ka duh a ni."
Min en ta kiau a.
"Hei, tunah pawh nangmah chauh ka en che."
"Ti țha lutuk!" tiin a chalah ka fâwp zauh a, a hmuiah ka fâwp thla leh nghal zat a. Duhthawh takin kan infâwp a, induhtawn ve ve kan ni bawk a, kan duhâm kher mai.
Kawta țawng thâwm rawn awm avàng chuan kan tàwp chiang kher mai, țhu țhain a kutin a hmai a tuai vat vat a, a sam a chûl bawk a.
Kawngkaah chuan a nau mipa a rawn lût a, a hnungah a nuin a rawn zui lût bawk a, kan ințhut hlat hman hlauh. Min phâwk teuh kher mai!
"E, i lo lêng elo? Luiah in kal emaw ka ti a?"
"Aw, kal e, kan lo haw hma a."
"Nu, hei sangha min pe țeuh asin, i duh chi hlîr a ni lehnghal."
Sangha a rawn hmuh chuan a nu chuan," E, a va tam ve!! A va làwmawm teh lul ém!! A tui ngawt ang chu," a ti chûl a. Chutah," Bawihi, thingpuite kha han lum la, Julian-a pawhin a la in nâng, lo in ang u," a ti zawm zat a.
Ka lam lo hawiin," Mei ka țheh che kha eng nge ang i tih? Tui i ti em?" a ti leh a.
"Aw, a tui khawp mai. Min lei hawtîr hlek phal ang em aw ka lo tia?"
"E, i duh phawt chuan i hàwn dáwn nia, ka thar ve liau liau a nia. Keimah chauhin ka zù a, ka indah țeuh alawm."
Thingpui chu kan in a, a nau mipa tleirawl uaih tawh chu a la țawng ve lo rêng rêng, a zakzum hle a nih ka ring, kan bulah pawh a awm ve lo.
"Bawihi, i nauin a lo phone che em? Ka phone miah lo va."
"Phone lo, a țha a niang, nakinah kan phone dáwn nia."
Thingpui kan in zawh chuan haw mai ka tum a, a nu chuan lêng rih tùrin min ti a; mahse, Bawihtei ka ngaihtuah chhuanlamin ka haw ta tho va.
Inah chuan Laltei a lo lêng ve a, ngaihtuah a lo ngai lo khawp mai.
"Chhùn chhùna nula ina lènte chu a," a lo ti hlak a.
"Chhùn a ni lo, tlai a nih hi."
"Chu pawh ni se?"
"Meizial ka va la alawm, a nu mei tui ka zu châk a. A nu nèn kan titi tui deuh a, ka lo haw har deuh. I awm tih hre phei ila chuan ka la rawn haw miah lo ang."
Bawihtei chuan," U Lalte, U Dinga nèn chaw lo ei ve ula?" tiin a lo inrawlh ta a, ka thaw huai.
"Kan nei ve tho sia?"
"A lo ei theih tho alawm."
"A ngai lo ve, in pahnihin ei țeuh zâwk rawh u."
Zanriah ei kham lai velin Bawihtei phone a lo ri a, loudspeaker-ah a dah a, Hlimhlimi a ni tih ka hre nghal.
"Zanin chu damlo kan ve ila?"
"Tu damlo maw?"
"Vawiin lama Aizawl ațanga lo haw a nia, naupang khawngaihthlâk deuh maw le."
"Engtizia nge a?"
"Thisen cancer a nia."
"A va zia lo ve! Nia, min rawn sâwm la?"
"Aw le, ka insiam nghal a nia aw."
Bawihtei chuan min enin," I lo kal ve ang tiraw?" tiin min zâwt a.
"Ka tel lovin i hreh em?"
"Aw."
"Chuti, kan kal anga ni mai alawm."
A lo thlen chuan kan lo inpeih ve ve tawh, min hmuh chuan," I lo kal ve dáwn maw?" tiin min zâwt a.
"Aw, ka sâwm a," Bawihtei chuan a lo ti thuai a, kei chuan," Ka tel lova a chhuah ka phal hlei nem, tlangvâl a melh tài palh ang," ka lo ti ve a.
"Ka sâwm tel ve ngam lo che a, a țhat hlauh chu."
Damlo in chu lui kan kalna lam kawngah a lo ni a, mi pawh an lo awm ve mar mar mai. In chhûng a têt deuh avàngin pâwnah kan țhu a, pâwna țhu pawh an awm ve nual tho.
Hlimhlimi chuan kan bula nula țhu chu damlo chanchin chu a zâwt a, ani pawh chuan a hriat ang angin a lo hrilh ve a.
An chezia chu ka lo thlîthlai ngun leh pek. An thil tih dàn hi țha ka ti, damlo ina an inlènpui tel telte leh țawng mur mur awm miah lo te chu entawntlâk ka ti. Pawisain an țanpui kher lo a ni maithei, an inlènpui hian an inthlamuan zâwk ngawtin ka ring.
Mi rêng rêng chuan min thlêk leh deuh hâ hâ țhìn, khawtual mi kan ni tlat lo va, a àwm reng.
Naupang damlo chu a zia a niang, thâwm a siam miah lo. Hlimhlimi hnênah chuan chanchin chu ka zâwt a, a hriat ang ang chu min hrilh ve a.
Zàn dâr 9:30 thleng kan lêng. Kan haw kawngah chuan," A khawngaihthlâk reuh lutuk, an rawn thlenna pawh a la rei vak lo. A chau a muhìl a niang," a ti sap sap a.
"Thisen cancer tuar hi chu an khawngaihthlâk e."
"Cancer tuar hrim hrim pawh."
"He natna hi chu a ngeiawm ngawt mai. Ka pa pawh kha chuap cancer vànga boral a nia."
"A nih tak chu, a boralna a rei tawh em?"
"Aw, rei tawh, kum 10 zet a liam tawh."
Kan in chu a hnaih zâwk avàngin Bawihtei chuan," Hlimhlim, lo pêng rih la, Tàtea'n a thlah haw mai dáwn che alawm," a ti a.
"A tlai tawh e!"
"Lo lût lawk rawh."
Kan lût leh rih.
"Hlimhlimi ka thlah hlànin nangmaha lo awm i hlau lo em ni?"
"Naupang chhia ka nih tawh loh hi maw le!"
A nui kar kar a.
Rei awm lovin Hlimhlimi chu ka thlah haw nghal a, kalkawngah erawh kan hmanhmawh hran lo khawp mai.
"Kan chanchin hi Bawihtei i hrilh lo tiraw?"
"Hrilh lo, a hria em ni?"
"Hria a ang ka ti deuh a, hei chance a pe bawk che sia."
"A hriat i duh em?"
"Dik tak chuan ka duh lo, ihh, a theih chhûng chu zêp ka duh."
"Eng vàngin maw?"
"Ka hre bîk lo."
"Mahse, kei chuan ka hauh bur si che a, mi dangin min țâwm an tum chuan ka ngaithei țhak dáwn lo va."
"Kha lamah kha chuan i rilru tibuai suh."
"Miin ka tâ i ni tih an hriat loh chuan an lo beisei dáwn che asin."
"Ka lo duh chuan loh te chuan."
Ka hre thiam lo deuh hlek a.
"Min zahpui em ? Ka ngaihzawng i ni hi i zak tihna a ni em?"
A ding ta dat mai.
"Ka zahpui phâk rual i ni lo, kei hi zahpuiawm zâwk chu ka ni. Chutianga i ring dáwn a nih chuan mi zawng zawngin hria se pawi ka ti lo," a ti ta kalh kalh a.
"Ka hauh bur ang che ka tih tawh kha."
"Min hauh bur rawh; mahse, min ring tho la, mi dang ka melh dáwn miah lo."
"Ka lâwm e."
An in bulah chuan dingin ka fâwp leh rih, ni e, ka ring ang. Kan induh tih hi zêp a duh rih a nih phawt chuan ka zêp mai ang, ka tâ a nih tho ahnu.
Bawihtei chu a rawl ém avángin a lo kal ta lo, ka phal vak lo bawk, a khua a sik phah mai mai ang. Inah lo awm dam se, a peih chuan haw dáwnah vawi khat kal leh mai se.
Mipa pathum kan kal a, tam tak man kan tum avàngin kan țang sauh sauh a. Sangha chu a lo tam reuh phian lehnghal a, a dang erawh an awm mang lo thung.
Kan hlawhtling viau. Sangha chu tam angreng deuhin kan insem hlawm a, kan lâwm tlâng hlein ka hria.
Bawihtei leh Hlimhlimi an lo awm a, min hmuh veleh Bawihtei chuan," A, i lo va hma ve! In man tam em?" a lo ti chûl a, Hlimhlimi erawh a zak leh tawh a niang, a lo sen leh awp awp ringawt tawh.
"I chhe lo lutuk, ngawi lawk, thla ka'n lâksak teh ang che. I pà tawp."
Ka nau tak hi chu aw!!
Ka sangha man chu a han phawrh a, a au chûl a.
"A va tam ém ém ve!! Vawiina ka kal ve lo chu ka inchhîr hle mai, a nawm dâwn nèn!"
Hlimhlimi pawh chuan," A tam reuh khawp mai," a lo ti ve a.
"Bawihte, Hlimhlimite tâ tùr dah hrang la?"
"A, a ngai teuh lo, in hah teh lul nèn!"
A duh lo hle tak nain Bawihtei chuan a dahsak ta tho va, thingpui min siamsak nghal bawk a. Ka ril a țâm tawh bawk a, tui ka ti kher mai.
"I ril a țam viau tawh a ni maw?" Min nuih sen sen a, seh sawk ka châk.
"Nula chu kal ula chuan ka heti bîk lo ang, energy siamtu ber in kal lo tlat a."
Bawihtei chu uar zet hian a lo nui a, Hlimhlimi erawh a nui sek sek chauh, a zak leh ringawt tawh a niang.
Ka inbual zawhah Hlimhlimi hnênah chuan a nu awm leh awm loh ka zâwt a, a awm loh thu min hrilh chuan ka thaw huai mai. Chhuanlamah a nu meizial dahna a hriat leh hriat loh ka zâwt a, ani chuan," Hriat àwm tak a nia," a lo ti mai a.
"A tui ka ti riau a."
A haw tùr chu ka zui ve nghal, ka chhuanlam siam chu a fuh dáwn riau.
Inah chuan a nau mipa pawh a lo awm lo, a tihchi tak zet a ni.
"Tukinah Bawihtei chu ka zâwt a."
A che lai a tàwp chat a, ka lam a rawn hawi chuang lo.
"Thil engkim a hrilh ngei che ka beisei."
"Awmzia a awm lo!"
"I inchhîr ang ka tih kha."
"Inchhìrna chhan tùr ka nei em ni?"
"Min duh suh ka tih che kha."
"Nang ka duh che hi ka la inchhîr chhin miah lo."
A rawn inher ta a, chiang zetin kan mitah chuan kan inmelh rán a.
"Ka tibuai reng dáwn che."
"Min tibuai reng rawh."
Ka hnaih sauh a, ka lamah pawtin ka kuah nghal a.
"I hun kal tawh chu eng pawh lo ni se, engah mah ka ngai lo. Kei pawh ka hun kal tawh a chhuanawm bîk lo."
Min kuah châih châih a.
"Min tihbuai tawh miah loh ka lo ring a."
"Teuh lo, ka tibuai char char dáwn che. Ka tâ chu ka hauh bur zêl ka tih kha aw."
"Haha, ka hria e."
"Nui miah suh, ka ti mai mai lo a nia."
Inhnaih zetin kan țhu dùn a, khua a lum viau nain ka hlat phal miah lo.
"I chanchin chu nangma kâ ngei ațanga hriat ka duh ngawt mai, min hrilh duh chuan?"
Min en zauh a, zak tih hriat takin a khup deuh zàl zál a.
"Ih, ngaihzâwng ka neih vawi khatna a nia, min bum chu ka ti miah lo va, ka thiam loh a ni zâwk mah ang chu. Kan nih lai rengin bialnu dang a lo nei reng a, ka lo hre miah lo. Ka hriat ve meuh chuan kei aiin a lo kawp rei daih tawh zâwk a lo ni. Ka rilru a nat ém avàngin ka hriat ni la lain ka țhen ta nghal a."
"Ka nu chu kan chanchin ka hrilh ta vek a, tihtlâk a phal lo va. Ka la naupang bawk nèn, ka zak lutuk a. Ngaihawma'n titla tùra min tih pawh chuan tihtlâk mai kha ka duh ve thut thut a, ka nuin a phal tâk lohah chuan ka ti duh ta lo va. Chuta a thinrim chuan bialnu dang a nei tih a sawi ta a."
"Janet-i nèn chuan an lo inkawp nghet hle a lo nia. Ka zak bawk si, rilru na bawk si chuan ka țhen ta nghal a, college pawh ka zawm loh phah hial. Kan vêngah ka awm ta daih a; mahse, ka vànduai a, ka tlù a, ka chhiat ta daih a ni."
A kut chu nghet zetin ka chelhsak reng a, a aw zàwi sapa rilru nat hmêl taka a sawi sap sap chuan ka thinlung a khawih kher mai.
"Chu pa leh Janet-i chu an innei ta em?"
"Nei lo a niang, Janet-i chu tunah kan college-ah a lût ve tho."
Bawihtei sawi kha a nih chiah chu, a ngei teh kha.
"I chungah a sual em?"
A nui sek a, a za lo hle tih ka hria a, a nui lui mai mai tih a lang chiang hle.
" A ho lutuk, engah mah ka ngai lo."
"Tak tak?"
"Umm.., a châng chuan tlêm têin hrehawm ka ti ve țhìn."
A dik ang, hmeichhia phei chu an rilru a no hle si a, hrehawm a ti viau țhìn ang chu.
"Tûn ațang chuan hrehawm lo ti tawh suh aw."
A nui sen sen a.
"Nia, ka bulah i awm tawh a."
"Dik chiah. Mi dang en miah lo la, an thu sawi phei chu engah mah ngai lo ang che, keimah chauh min en la ka duh a ni."
Min en ta kiau a.
"Hei, tunah pawh nangmah chauh ka en che."
"Ti țha lutuk!" tiin a chalah ka fâwp zauh a, a hmuiah ka fâwp thla leh nghal zat a. Duhthawh takin kan infâwp a, induhtawn ve ve kan ni bawk a, kan duhâm kher mai.
Kawta țawng thâwm rawn awm avàng chuan kan tàwp chiang kher mai, țhu țhain a kutin a hmai a tuai vat vat a, a sam a chûl bawk a.
Kawngkaah chuan a nau mipa a rawn lût a, a hnungah a nuin a rawn zui lût bawk a, kan ințhut hlat hman hlauh. Min phâwk teuh kher mai!
"E, i lo lêng elo? Luiah in kal emaw ka ti a?"
"Aw, kal e, kan lo haw hma a."
"Nu, hei sangha min pe țeuh asin, i duh chi hlîr a ni lehnghal."
Sangha a rawn hmuh chuan a nu chuan," E, a va tam ve!! A va làwmawm teh lul ém!! A tui ngawt ang chu," a ti chûl a. Chutah," Bawihi, thingpuite kha han lum la, Julian-a pawhin a la in nâng, lo in ang u," a ti zawm zat a.
Ka lam lo hawiin," Mei ka țheh che kha eng nge ang i tih? Tui i ti em?" a ti leh a.
"Aw, a tui khawp mai. Min lei hawtîr hlek phal ang em aw ka lo tia?"
"E, i duh phawt chuan i hàwn dáwn nia, ka thar ve liau liau a nia. Keimah chauhin ka zù a, ka indah țeuh alawm."
Thingpui chu kan in a, a nau mipa tleirawl uaih tawh chu a la țawng ve lo rêng rêng, a zakzum hle a nih ka ring, kan bulah pawh a awm ve lo.
"Bawihi, i nauin a lo phone che em? Ka phone miah lo va."
"Phone lo, a țha a niang, nakinah kan phone dáwn nia."
Thingpui kan in zawh chuan haw mai ka tum a, a nu chuan lêng rih tùrin min ti a; mahse, Bawihtei ka ngaihtuah chhuanlamin ka haw ta tho va.
Inah chuan Laltei a lo lêng ve a, ngaihtuah a lo ngai lo khawp mai.
"Chhùn chhùna nula ina lènte chu a," a lo ti hlak a.
"Chhùn a ni lo, tlai a nih hi."
"Chu pawh ni se?"
"Meizial ka va la alawm, a nu mei tui ka zu châk a. A nu nèn kan titi tui deuh a, ka lo haw har deuh. I awm tih hre phei ila chuan ka la rawn haw miah lo ang."
Bawihtei chuan," U Lalte, U Dinga nèn chaw lo ei ve ula?" tiin a lo inrawlh ta a, ka thaw huai.
"Kan nei ve tho sia?"
"A lo ei theih tho alawm."
"A ngai lo ve, in pahnihin ei țeuh zâwk rawh u."
Zanriah ei kham lai velin Bawihtei phone a lo ri a, loudspeaker-ah a dah a, Hlimhlimi a ni tih ka hre nghal.
"Zanin chu damlo kan ve ila?"
"Tu damlo maw?"
"Vawiin lama Aizawl ațanga lo haw a nia, naupang khawngaihthlâk deuh maw le."
"Engtizia nge a?"
"Thisen cancer a nia."
"A va zia lo ve! Nia, min rawn sâwm la?"
"Aw le, ka insiam nghal a nia aw."
Bawihtei chuan min enin," I lo kal ve ang tiraw?" tiin min zâwt a.
"Ka tel lovin i hreh em?"
"Aw."
"Chuti, kan kal anga ni mai alawm."
A lo thlen chuan kan lo inpeih ve ve tawh, min hmuh chuan," I lo kal ve dáwn maw?" tiin min zâwt a.
"Aw, ka sâwm a," Bawihtei chuan a lo ti thuai a, kei chuan," Ka tel lova a chhuah ka phal hlei nem, tlangvâl a melh tài palh ang," ka lo ti ve a.
"Ka sâwm tel ve ngam lo che a, a țhat hlauh chu."
Damlo in chu lui kan kalna lam kawngah a lo ni a, mi pawh an lo awm ve mar mar mai. In chhûng a têt deuh avàngin pâwnah kan țhu a, pâwna țhu pawh an awm ve nual tho.
Hlimhlimi chuan kan bula nula țhu chu damlo chanchin chu a zâwt a, ani pawh chuan a hriat ang angin a lo hrilh ve a.
An chezia chu ka lo thlîthlai ngun leh pek. An thil tih dàn hi țha ka ti, damlo ina an inlènpui tel telte leh țawng mur mur awm miah lo te chu entawntlâk ka ti. Pawisain an țanpui kher lo a ni maithei, an inlènpui hian an inthlamuan zâwk ngawtin ka ring.
Mi rêng rêng chuan min thlêk leh deuh hâ hâ țhìn, khawtual mi kan ni tlat lo va, a àwm reng.
Naupang damlo chu a zia a niang, thâwm a siam miah lo. Hlimhlimi hnênah chuan chanchin chu ka zâwt a, a hriat ang ang chu min hrilh ve a.
Zàn dâr 9:30 thleng kan lêng. Kan haw kawngah chuan," A khawngaihthlâk reuh lutuk, an rawn thlenna pawh a la rei vak lo. A chau a muhìl a niang," a ti sap sap a.
"Thisen cancer tuar hi chu an khawngaihthlâk e."
"Cancer tuar hrim hrim pawh."
"He natna hi chu a ngeiawm ngawt mai. Ka pa pawh kha chuap cancer vànga boral a nia."
"A nih tak chu, a boralna a rei tawh em?"
"Aw, rei tawh, kum 10 zet a liam tawh."
Kan in chu a hnaih zâwk avàngin Bawihtei chuan," Hlimhlim, lo pêng rih la, Tàtea'n a thlah haw mai dáwn che alawm," a ti a.
"A tlai tawh e!"
"Lo lût lawk rawh."
Kan lût leh rih.
"Hlimhlimi ka thlah hlànin nangmaha lo awm i hlau lo em ni?"
"Naupang chhia ka nih tawh loh hi maw le!"
A nui kar kar a.
Rei awm lovin Hlimhlimi chu ka thlah haw nghal a, kalkawngah erawh kan hmanhmawh hran lo khawp mai.
"Kan chanchin hi Bawihtei i hrilh lo tiraw?"
"Hrilh lo, a hria em ni?"
"Hria a ang ka ti deuh a, hei chance a pe bawk che sia."
"A hriat i duh em?"
"Dik tak chuan ka duh lo, ihh, a theih chhûng chu zêp ka duh."
"Eng vàngin maw?"
"Ka hre bîk lo."
"Mahse, kei chuan ka hauh bur si che a, mi dangin min țâwm an tum chuan ka ngaithei țhak dáwn lo va."
"Kha lamah kha chuan i rilru tibuai suh."
"Miin ka tâ i ni tih an hriat loh chuan an lo beisei dáwn che asin."
"Ka lo duh chuan loh te chuan."
Ka hre thiam lo deuh hlek a.
"Min zahpui em ? Ka ngaihzawng i ni hi i zak tihna a ni em?"
A ding ta dat mai.
"Ka zahpui phâk rual i ni lo, kei hi zahpuiawm zâwk chu ka ni. Chutianga i ring dáwn a nih chuan mi zawng zawngin hria se pawi ka ti lo," a ti ta kalh kalh a.
"Ka hauh bur ang che ka tih tawh kha."
"Min hauh bur rawh; mahse, min ring tho la, mi dang ka melh dáwn miah lo."
"Ka lâwm e."
An in bulah chuan dingin ka fâwp leh rih, ni e, ka ring ang. Kan induh tih hi zêp a duh rih a nih phawt chuan ka zêp mai ang, ka tâ a nih tho ahnu.
Comments
Post a Comment