☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆MAGDALENE☆ - 13 By Dingdi Pachuau
Kan awm chhûngin vawi khat chiah zànah an inah ka lêng. Mi dang lêng an awm ve bâkah Bawihtei'n min rinhlelh a hlauh vàngin ka lêng duh lo. Nakinah hun kan la nei dáwn chauh si a, ka la insûm rih mai ang.
Kan haw dáwn tlaiah Lawmkimi a rawn thleng ve leh tlat mai! Engtin nge kan awmna khua a rawn hriat ni! Mak ka ti lutuk ringawt.
Bike a rawn khalh lah chu a thar a ni! Duata kha a khalh ve mai a, bike khalh hi chu a hnehsawh viauin ka hria, tuna mi pawh a rawn hnehsawh leh khawp ang chu.
"Eng nge i lo tih dáwn?!"
Nui sâng chungin," E khai, ka rawn zawng nasa che u alawm le! Ka va làwm tak! Chaw min chhum kêp hrâm teh u, ka ril a țâm tawh lutuk!" a ti ham ham a, bike ațangin a rawn chhuk a, helmet kengin inah chuan a lût nghal a, Bawihtei'n mak ti zeta min melh chuan ka dàr ka chhìn ãk ringawt.
In chhûnga kan luh chuan," Naktûk chu luiah in kal leh ang tiraw? Ka kal ve châk lutuk a," a ti a.
"Chu lam chu dah țha phawt ang. Bawihte, thingpui lumsak la? A ril a țàm kha maw."
Bawihtei lah chuan ngaisâng tih hriat deuh hian a lo melh vang vang a, a bânah tawksak zauhin," Thingpui chu lum rawh," ka ti zauh a. A harh chhuak chiah a niang, min en hû phawt a, a tho chhuak ta nghal a.
"A nawm hmel reuh hi le! Min hrilh duh lo vêl a niah!"
"Hrilh duh loh che a awm loh kha maw."
"In ka ning lutuk a, dàwrah lah hmel hriat ber i awm bawk si lo nèn, ka rawn kal ve tawp."
A hmai chu a sen țân a, lum a ti a niang, a jacket hâk chu a phelh sat sat a.
"Naktûk chu kal ang u aw."
"Haw kan lo tum tawh a."
"Naaa, ka va luck lo ve!!"
"Kan rêp nual a, i hàwn ve dáwn nia."
Bawihtei chuan thingpui chu a rawn pe a, lâwmthu a lo hrilh sap a. Chutah, min rawn enin," Bike thar ka lâk saw, khalh chhin la? Duata ang ém chuan khalh a nuam lo maithei a; mahse, a tâwk reuh khawp asin," a ti a.
"I khalh rei peih ang em?"
"Duata nèn kan inkhalh chhâwk țhìn ang chu!"
"Thingpui kha in rawh, ka'n test ve ang e."
Chahbi chu min pe a, test tùr chuan ka chhuak ta a. A nalh ver vawr khawp mai, hmeh pawh a inhmeh viau kha.
Khalh a nuam khawp e, a la thar ver vawr bawk a, mit pawh a la viau a ni.
In chhûnga lûtin," Khalh a nuam khawp mai, a la thar bawk a," ka ti a. Ani chuan," Haw lamah chuan khalh mai ta che, naktûka kan haw nghal dáwn chuan," a ti a.
"Naktûk Inrinni a ni tawh a, kalna hun a awm tawh hlei nem."
"Zîngkârah kal ila?"
"I peih lo tawp ang!"
"A nih, in kal leh hunah min hrilh ve tawh ula?"
"Teh rêng mai."
A intleuh hnuah khua chu ka fanpui a, mi chuan min lo en duh ngang mai. Lawmkimi hi a hmel chhe lo va, a vun a ngo viau bawk a, a tê chhe lo bawk nèn, mi en vawng vawng a hlawh țhìn rêng a ni.
Lalteite inah ka pènpui lawk a, naktûk lama kan haw tùr thute chu ka hrilh pah a, anni pawh chuan ka kalpuinu chu an en duh khawp mai.
Zànah khawiah mah kan chhuak lo, Hlimhlimite ina lèn pawh duh viau mah ila, lènsan daih chu a tihchi si loh. Naktûkah a phei ve leh dáwn tho va, min hre thiam ém ang chu.
Bawihtei nèn mu tùrin ka ti a, ani erawh chuan long chair-a mut mai mai a lo tum niin. Hmeichhia zâwk hrehawm deuha muttîr chu mipa tân chuan a zahthlâk.
"In tâwt em?"
"Tâwt."
"Ka mutnaah hian lo mu ta mai che, long chair-ah ka mu mai ang."
"Ka ti ve mai mai, kan tâwt hran lo."
Ani hi chu a frank ve a, zêp a nei mang lo. Thil a nihna ang angin a sawi chhuak mai zêl.
Hlimhlimi ka text a.
*I insiam fel vek tawh em?*
Min reply har deuh hlek.
*Aw, tlaiah khân ka hmu che u a.*
A ni maw? Lawmkimi, khua ka fanpui tak alawm.
*A rawn thleng thut a, khua ka fanpui ve a nih kha.*
*A nih tak chu.*
A thîk loh hrâm ka beisei.
*Zanin pawh rawn lèn ka tum teh lul nèn, lènsan kha a tihchi loh deuhin ka hria a.*
*A dik alawm.*
*Ka tibuai reng dáwn che.*
*Min tibuai reng rawh.*
'Ka duh che' tih kan sawina a ni.
Zîngah ka harh hma a, ka tho nghal. Hma deuh hleka chaw eia muangchânga tlàn ka duh, hmanhmawh chûka haw chuan buai bâkah chêtsual a awl bîk.
An rawn thawh ve meuh chuan ni a lang tawh, ka kai tho duh hran lo. Chaw erawh an chhum tùrin ka dah a, bolero ka en fel ta daih.
Chaw ei khamah chuan Bolero hnungah chuan thawmhnaw ka dah lût a, Hlimhlimi pawh a rawn inpeih hma khawp mai.
"Bike chu khalh rawh aw."
"Aw, in hmaah zêl ka tlân dáwn nia."
Laltei leh Hlimhlimi nu leh nauin min vai liam a, khua kan chhuahsan chuan dâr 9:35 chiah a ni, kan thleng har lo tùrah ngai ang.
Ka tlân chak lo, ka tlân chak a nih chuan min rawn ûm ngei dáwn a, khalh thiam viau mah se, ka ngaihtuah viau tho a ni.
An inah kan lût rih a, sangha pawh kan pe țhen ve. A duh lo viau a, kan pe lui tho.
Duh aia kan tlai tawh avàngin dàwrah pêng lovin Hlimhlimi kan thlah a, kan haw chho nghal.
Zànah ka chhuak lo, naktûk lamah chhuah ka duh dáwn si a, in ka awm lo rei tawh bawk nèn, ka inthlahrung ve deuh.
Inkhâwm bânah muangchângin ka insiam a, lêng tùrin ka chhuak. Ka text hmasa phawt a, a lo awm loh hlauh chuan a fuh dáwn lo ém asin.
Pathian hi ka lamah a țang a niang tih tùrin Muansanga a lo awm lo zui, kan pahnih chauhin kan awm, vènthàwn tùr ka nei lo chu ka lâam hle.
"Phun ser ser a ngai tawh dáwn lo va, a tihzia ka ti hle mai."
"Kei chu phun deuh ser ser kha a nuam ka ti."
"Nuam lo, ka hrawk a tikham."
"A romantic zâwk alawm."
Ka nuih a tiza viau nain ka nuih lo. A zak leh ringawt ang tih ka hlau a, zak miah lovin a duh te hi sawi ngam se ka duh a ni.
"Vawiin chu a fuh hle mai tiraw?"
"Eng chu?"
"Kan pahnih chauhin, tu mitmei mah vèn a ngai lo va."
"Mahse, thil sual kan ti dáwn chuang hlei nem."
A chângin a puitling viau a; a chângin a naupang chhia ka ti viau bawk.
"Ti dáwn lo mah ila nangmah nèn chauha awm dun ka châk alawm. Kan inkawp hnuah hun thâwl tak kan neih vawi khatna a ni hial ang chu."
"Hun thâwl tak, free tak neih hi a țha lutuk lovin ka hria," a ti niah niah a.
"Mitmei véng lo leh phun ser ser ngai lova ka duh thu che hrilh ka duh alawm," ka ti ve thung a.
A nui sen sen a.
"Thla êng hnuaiah ngei mai khân a nuam ka ti."
"Tunah pawh a nuam tho ang chu!"
"A zahthlâk duh a." A sen deuh ap ap.
Ka bulah ka pawt hnai a, a sam a benga zehsak pahin," I sen deuh ap ap pawh hian i chhe lo tho a nih hi, duhawm lutuk mai! Chuan, ka bulah hian zêp nei lo leh zakzum lutuk lo tùrin ka duh che a ni," ka ti a.
"Mahse, ka zah tlat țhìn che a."
"Eng lai ber hi maw?"
"I hmêl hi a niang," tiin a nui leh a, a duhawmzia hi a inhre lo a ni ngei ang.
"I duhawmzia hi!"
"Ka lâwm e, min tihzah tum kher lo la."
"I zak leh tawh maw?"
"Aih."
"Hei, i biang a sen leh tawh!"
"A sen mai mai."
Ka va duh reuh tak. A biangah chuan ka chûl zai zai a, 'hei hi ka ta' tiin ka fâwp zauh zauh a, a nuih a za hle a.
"I naupang chhia e!"
Ka sawi tùr zâwk tak a nia a sawi hi, kei chu ka naupang tawh lo, nupui nei rual kum 30 ka ni tawh.
A hmuiah ka fawhsak a," Tikhan, naupang chhia min la ti em?" ka ti a, ani chuan," La ti deuh tho; mahse, a țha zawngin a nia ka tih," a lo ti a.
"Nih, mipa puitling dik tak anga awm tùrin min duh em?"
"Aw."
Râwp zetin ka fâwp leh a, ani pawhin min chhâng lêt țha khawp.
"I inchhîr lo ang maw?"
"Inchhìrna tùr eng nge awm ang?"
"Mipa puitling chêta ka chêt chuan..."
Fiah zeta min enin," Mipa puitling chuan a bialnu chu thil țha lo lakah a vênghim țhìn, a chungah thil țha lo leh zahthlâk a thlentîr duh lo ang a, rilru nâ leh hrehawmin a kalsan lo bawk ang," a ti ta a.
Mipa puitling chêt dàn ka lo tih nèn a inan loh lutuk avàng chuan ka zak ru khawp mai, ka lo ngaihtuah ve zet chu, ka paih bo chiang kher mai. Ka bialnu tê hi ka rin aiin a fing daih mai, a rilru a thianghlim si. Thil dang ngaihtuah vat ang.
"I nau eng tikah nge a lo haw ang?"
"Ka hre lo le, a lo haw țêp tawh ang. E, niminah khân engati nge bike kha i khalh daih a?"
"A rawl deuh a niang."
"A chhe lo e tiraw?"
"I chhe lo daih zâwk!"
Min melh rum ve tak nain a nuih a za a, kan nui ve ve.
"Kawng tluanin ka țawng tlêm lutuk."
"I rui em ni?"
"I sual e, i țhiannu bulah ka chuang a, ka țawng ngam ve hlei nem."
"Eng vàngin?"
"A chhe lo ém a, ka insit alawm."
A kutah nghet zetin ka chelhsak a, ka lam hawi tùrin ka kuai nghal bawk a.
"Chutiang rilru pu tawh suh. Ka țhiannu a nia, chubâk a awm lo. Kàwmngeih ve zâwk la ka duh."
"A en dàn che hi ka hmu ve tho va."
"Engtin mah min en lo."
"Ka hre thei alawm, hmeichhia ka nia, ka hmeichhiatpui rilru tùr chu ka hre thiam alawm."
"Ani pawhin țhian ang bâkin min en lo ang."
"Ka phû miah loh bialpa ka nei che a..." a la țawng lai chuan ka fâwp leh ta a, hetiang lam hi sawi lo se ka duh. Ani lo hi duh ka nei si lo, Lawmkimi pawhin min duh mah se, ka rilru hi chu Hlimhlimi tân chauh a ni.
"Sawi tawh suh aw, nangmah chauh ka duh che. Chuan, nang pawhin keimah chauh min en tùrin ka duh che."
"Julian, ka duh che tih ka hrilh tawh che kha."
"Hrilh nawn reng ka duh!"
Hnai set sawtah kan inen reng a.
"Ka duh che, Julian."
"Ka duh che, honey."
Kan infâwp a, kan inkuah vang vang a.
A hnuah chuan eng nge tih a châk ber ka zâwt a.
"Ih, Duata khalh la, min phur la, chu chu ka châk."
"A va ho ve!"
"A ho maw?! Mahse, ka chuan hmain ka chuanna tùr chu fai tâwka hrûk ka duh. I bialnute i phurh tawh țhinna a nih vàngin hrûk reh vek ka duh."
"Mahse, mi hmuha phurh che ka phal hlei nem, car-ah mi hmuh theih loh tùra phurh che ka duh zâwk ang."
"Engati nge? Min phur zak a ni maw?"
A teuh lo lutuk!
"Miin an hmu tùr che ka phal lo."
A ngaihna hriat loh hmel zetin min en a.
"Ngati nge i phal loh?" a ti sap a.
"Mi hmuh che ka phal lo, keimah chauha pumbilh che ka duh alawm. Duata hnunga ka phurh che chuan ka hmu thei dáwn lo che a, chu ringawt pawh chu ka duh lo."
Kan awm chhûngin vawi khat chiah zànah an inah ka lêng. Mi dang lêng an awm ve bâkah Bawihtei'n min rinhlelh a hlauh vàngin ka lêng duh lo. Nakinah hun kan la nei dáwn chauh si a, ka la insûm rih mai ang.
Kan haw dáwn tlaiah Lawmkimi a rawn thleng ve leh tlat mai! Engtin nge kan awmna khua a rawn hriat ni! Mak ka ti lutuk ringawt.
Bike a rawn khalh lah chu a thar a ni! Duata kha a khalh ve mai a, bike khalh hi chu a hnehsawh viauin ka hria, tuna mi pawh a rawn hnehsawh leh khawp ang chu.
"Eng nge i lo tih dáwn?!"
Nui sâng chungin," E khai, ka rawn zawng nasa che u alawm le! Ka va làwm tak! Chaw min chhum kêp hrâm teh u, ka ril a țâm tawh lutuk!" a ti ham ham a, bike ațangin a rawn chhuk a, helmet kengin inah chuan a lût nghal a, Bawihtei'n mak ti zeta min melh chuan ka dàr ka chhìn ãk ringawt.
In chhûnga kan luh chuan," Naktûk chu luiah in kal leh ang tiraw? Ka kal ve châk lutuk a," a ti a.
"Chu lam chu dah țha phawt ang. Bawihte, thingpui lumsak la? A ril a țàm kha maw."
Bawihtei lah chuan ngaisâng tih hriat deuh hian a lo melh vang vang a, a bânah tawksak zauhin," Thingpui chu lum rawh," ka ti zauh a. A harh chhuak chiah a niang, min en hû phawt a, a tho chhuak ta nghal a.
"A nawm hmel reuh hi le! Min hrilh duh lo vêl a niah!"
"Hrilh duh loh che a awm loh kha maw."
"In ka ning lutuk a, dàwrah lah hmel hriat ber i awm bawk si lo nèn, ka rawn kal ve tawp."
A hmai chu a sen țân a, lum a ti a niang, a jacket hâk chu a phelh sat sat a.
"Naktûk chu kal ang u aw."
"Haw kan lo tum tawh a."
"Naaa, ka va luck lo ve!!"
"Kan rêp nual a, i hàwn ve dáwn nia."
Bawihtei chuan thingpui chu a rawn pe a, lâwmthu a lo hrilh sap a. Chutah, min rawn enin," Bike thar ka lâk saw, khalh chhin la? Duata ang ém chuan khalh a nuam lo maithei a; mahse, a tâwk reuh khawp asin," a ti a.
"I khalh rei peih ang em?"
"Duata nèn kan inkhalh chhâwk țhìn ang chu!"
"Thingpui kha in rawh, ka'n test ve ang e."
Chahbi chu min pe a, test tùr chuan ka chhuak ta a. A nalh ver vawr khawp mai, hmeh pawh a inhmeh viau kha.
Khalh a nuam khawp e, a la thar ver vawr bawk a, mit pawh a la viau a ni.
In chhûnga lûtin," Khalh a nuam khawp mai, a la thar bawk a," ka ti a. Ani chuan," Haw lamah chuan khalh mai ta che, naktûka kan haw nghal dáwn chuan," a ti a.
"Naktûk Inrinni a ni tawh a, kalna hun a awm tawh hlei nem."
"Zîngkârah kal ila?"
"I peih lo tawp ang!"
"A nih, in kal leh hunah min hrilh ve tawh ula?"
"Teh rêng mai."
A intleuh hnuah khua chu ka fanpui a, mi chuan min lo en duh ngang mai. Lawmkimi hi a hmel chhe lo va, a vun a ngo viau bawk a, a tê chhe lo bawk nèn, mi en vawng vawng a hlawh țhìn rêng a ni.
Lalteite inah ka pènpui lawk a, naktûk lama kan haw tùr thute chu ka hrilh pah a, anni pawh chuan ka kalpuinu chu an en duh khawp mai.
Zànah khawiah mah kan chhuak lo, Hlimhlimite ina lèn pawh duh viau mah ila, lènsan daih chu a tihchi si loh. Naktûkah a phei ve leh dáwn tho va, min hre thiam ém ang chu.
Bawihtei nèn mu tùrin ka ti a, ani erawh chuan long chair-a mut mai mai a lo tum niin. Hmeichhia zâwk hrehawm deuha muttîr chu mipa tân chuan a zahthlâk.
"In tâwt em?"
"Tâwt."
"Ka mutnaah hian lo mu ta mai che, long chair-ah ka mu mai ang."
"Ka ti ve mai mai, kan tâwt hran lo."
Ani hi chu a frank ve a, zêp a nei mang lo. Thil a nihna ang angin a sawi chhuak mai zêl.
Hlimhlimi ka text a.
*I insiam fel vek tawh em?*
Min reply har deuh hlek.
*Aw, tlaiah khân ka hmu che u a.*
A ni maw? Lawmkimi, khua ka fanpui tak alawm.
*A rawn thleng thut a, khua ka fanpui ve a nih kha.*
*A nih tak chu.*
A thîk loh hrâm ka beisei.
*Zanin pawh rawn lèn ka tum teh lul nèn, lènsan kha a tihchi loh deuhin ka hria a.*
*A dik alawm.*
*Ka tibuai reng dáwn che.*
*Min tibuai reng rawh.*
'Ka duh che' tih kan sawina a ni.
Zîngah ka harh hma a, ka tho nghal. Hma deuh hleka chaw eia muangchânga tlàn ka duh, hmanhmawh chûka haw chuan buai bâkah chêtsual a awl bîk.
An rawn thawh ve meuh chuan ni a lang tawh, ka kai tho duh hran lo. Chaw erawh an chhum tùrin ka dah a, bolero ka en fel ta daih.
Chaw ei khamah chuan Bolero hnungah chuan thawmhnaw ka dah lût a, Hlimhlimi pawh a rawn inpeih hma khawp mai.
"Bike chu khalh rawh aw."
"Aw, in hmaah zêl ka tlân dáwn nia."
Laltei leh Hlimhlimi nu leh nauin min vai liam a, khua kan chhuahsan chuan dâr 9:35 chiah a ni, kan thleng har lo tùrah ngai ang.
Ka tlân chak lo, ka tlân chak a nih chuan min rawn ûm ngei dáwn a, khalh thiam viau mah se, ka ngaihtuah viau tho a ni.
An inah kan lût rih a, sangha pawh kan pe țhen ve. A duh lo viau a, kan pe lui tho.
Duh aia kan tlai tawh avàngin dàwrah pêng lovin Hlimhlimi kan thlah a, kan haw chho nghal.
Zànah ka chhuak lo, naktûk lamah chhuah ka duh dáwn si a, in ka awm lo rei tawh bawk nèn, ka inthlahrung ve deuh.
Inkhâwm bânah muangchângin ka insiam a, lêng tùrin ka chhuak. Ka text hmasa phawt a, a lo awm loh hlauh chuan a fuh dáwn lo ém asin.
Pathian hi ka lamah a țang a niang tih tùrin Muansanga a lo awm lo zui, kan pahnih chauhin kan awm, vènthàwn tùr ka nei lo chu ka lâam hle.
"Phun ser ser a ngai tawh dáwn lo va, a tihzia ka ti hle mai."
"Kei chu phun deuh ser ser kha a nuam ka ti."
"Nuam lo, ka hrawk a tikham."
"A romantic zâwk alawm."
Ka nuih a tiza viau nain ka nuih lo. A zak leh ringawt ang tih ka hlau a, zak miah lovin a duh te hi sawi ngam se ka duh a ni.
"Vawiin chu a fuh hle mai tiraw?"
"Eng chu?"
"Kan pahnih chauhin, tu mitmei mah vèn a ngai lo va."
"Mahse, thil sual kan ti dáwn chuang hlei nem."
A chângin a puitling viau a; a chângin a naupang chhia ka ti viau bawk.
"Ti dáwn lo mah ila nangmah nèn chauha awm dun ka châk alawm. Kan inkawp hnuah hun thâwl tak kan neih vawi khatna a ni hial ang chu."
"Hun thâwl tak, free tak neih hi a țha lutuk lovin ka hria," a ti niah niah a.
"Mitmei véng lo leh phun ser ser ngai lova ka duh thu che hrilh ka duh alawm," ka ti ve thung a.
A nui sen sen a.
"Thla êng hnuaiah ngei mai khân a nuam ka ti."
"Tunah pawh a nuam tho ang chu!"
"A zahthlâk duh a." A sen deuh ap ap.
Ka bulah ka pawt hnai a, a sam a benga zehsak pahin," I sen deuh ap ap pawh hian i chhe lo tho a nih hi, duhawm lutuk mai! Chuan, ka bulah hian zêp nei lo leh zakzum lutuk lo tùrin ka duh che a ni," ka ti a.
"Mahse, ka zah tlat țhìn che a."
"Eng lai ber hi maw?"
"I hmêl hi a niang," tiin a nui leh a, a duhawmzia hi a inhre lo a ni ngei ang.
"I duhawmzia hi!"
"Ka lâwm e, min tihzah tum kher lo la."
"I zak leh tawh maw?"
"Aih."
"Hei, i biang a sen leh tawh!"
"A sen mai mai."
Ka va duh reuh tak. A biangah chuan ka chûl zai zai a, 'hei hi ka ta' tiin ka fâwp zauh zauh a, a nuih a za hle a.
"I naupang chhia e!"
Ka sawi tùr zâwk tak a nia a sawi hi, kei chu ka naupang tawh lo, nupui nei rual kum 30 ka ni tawh.
A hmuiah ka fawhsak a," Tikhan, naupang chhia min la ti em?" ka ti a, ani chuan," La ti deuh tho; mahse, a țha zawngin a nia ka tih," a lo ti a.
"Nih, mipa puitling dik tak anga awm tùrin min duh em?"
"Aw."
Râwp zetin ka fâwp leh a, ani pawhin min chhâng lêt țha khawp.
"I inchhîr lo ang maw?"
"Inchhìrna tùr eng nge awm ang?"
"Mipa puitling chêta ka chêt chuan..."
Fiah zeta min enin," Mipa puitling chuan a bialnu chu thil țha lo lakah a vênghim țhìn, a chungah thil țha lo leh zahthlâk a thlentîr duh lo ang a, rilru nâ leh hrehawmin a kalsan lo bawk ang," a ti ta a.
Mipa puitling chêt dàn ka lo tih nèn a inan loh lutuk avàng chuan ka zak ru khawp mai, ka lo ngaihtuah ve zet chu, ka paih bo chiang kher mai. Ka bialnu tê hi ka rin aiin a fing daih mai, a rilru a thianghlim si. Thil dang ngaihtuah vat ang.
"I nau eng tikah nge a lo haw ang?"
"Ka hre lo le, a lo haw țêp tawh ang. E, niminah khân engati nge bike kha i khalh daih a?"
"A rawl deuh a niang."
"A chhe lo e tiraw?"
"I chhe lo daih zâwk!"
Min melh rum ve tak nain a nuih a za a, kan nui ve ve.
"Kawng tluanin ka țawng tlêm lutuk."
"I rui em ni?"
"I sual e, i țhiannu bulah ka chuang a, ka țawng ngam ve hlei nem."
"Eng vàngin?"
"A chhe lo ém a, ka insit alawm."
A kutah nghet zetin ka chelhsak a, ka lam hawi tùrin ka kuai nghal bawk a.
"Chutiang rilru pu tawh suh. Ka țhiannu a nia, chubâk a awm lo. Kàwmngeih ve zâwk la ka duh."
"A en dàn che hi ka hmu ve tho va."
"Engtin mah min en lo."
"Ka hre thei alawm, hmeichhia ka nia, ka hmeichhiatpui rilru tùr chu ka hre thiam alawm."
"Ani pawhin țhian ang bâkin min en lo ang."
"Ka phû miah loh bialpa ka nei che a..." a la țawng lai chuan ka fâwp leh ta a, hetiang lam hi sawi lo se ka duh. Ani lo hi duh ka nei si lo, Lawmkimi pawhin min duh mah se, ka rilru hi chu Hlimhlimi tân chauh a ni.
"Sawi tawh suh aw, nangmah chauh ka duh che. Chuan, nang pawhin keimah chauh min en tùrin ka duh che."
"Julian, ka duh che tih ka hrilh tawh che kha."
"Hrilh nawn reng ka duh!"
Hnai set sawtah kan inen reng a.
"Ka duh che, Julian."
"Ka duh che, honey."
Kan infâwp a, kan inkuah vang vang a.
A hnuah chuan eng nge tih a châk ber ka zâwt a.
"Ih, Duata khalh la, min phur la, chu chu ka châk."
"A va ho ve!"
"A ho maw?! Mahse, ka chuan hmain ka chuanna tùr chu fai tâwka hrûk ka duh. I bialnute i phurh tawh țhinna a nih vàngin hrûk reh vek ka duh."
"Mahse, mi hmuha phurh che ka phal hlei nem, car-ah mi hmuh theih loh tùra phurh che ka duh zâwk ang."
"Engati nge? Min phur zak a ni maw?"
A teuh lo lutuk!
"Miin an hmu tùr che ka phal lo."
A ngaihna hriat loh hmel zetin min en a.
"Ngati nge i phal loh?" a ti sap a.
"Mi hmuh che ka phal lo, keimah chauha pumbilh che ka duh alawm. Duata hnunga ka phurh che chuan ka hmu thei dáwn lo che a, chu ringawt pawh chu ka duh lo."
Comments
Post a Comment