☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
*CHAK TAKIN AWM RAWH*
☆MAGDALENE☆ - 17 - By Dingdi Pachuau
"In va zahawm khup khup ve."
"I laih vàng a nih kha."
Ka lài lo; mahse, Melo-i'n ka bân a chelh erawh ngaih loh lamah an ngaih ka hlau deuh, a bîk takin Hlimhlimi ka vêngthâwng.
Ka va en lai chuan min en lo, Melo-i a lo en. Ani lah chuan," U J, nula rîmtu i ngah mang e, i va luck tak," nui chunga min chhoh enin a ti a.
Lawmkimi chuan bân lo pharin," Amah rîmtu chu ka ni lo chiang mai a," a lo ti a, Bawihtei pawh chuan," Keini pawh," a lo ti ve a.
Kimtei chuan," 'Nula a chhuahpui' ka tih pawhin zu awih lo hlawm tlat a," a lo ti nang nang a.
Bawihteite chuan noodles an chhùm leh a, Melo-i pawh 'haw rawh' tih thu a awm si lo va, a awm ve ta reng mai. Hlimhlimi chu biak ka duh viau; mahse, min en loh bâkah kan inhlat, a țhiante Zotei leh Manuni inkârah a awm tlat. Kan inkâr hi zêp a duh tlat avàngin ka tihlan a la rem bawk si lo. Vawi khât tê pawh min en tawh lo, a țawng bawk lo. A thin a rim nge ni ang Melo-i hi a thîk zâwk? A nih loh ve ve ka beisei.
Noodles chhum zawh hnuah Bawihteite chu an chhuak nghal a, Lawmkimi leh Melo-i erawh an la awm. Kimtei chuan awmze nei zet zet hian min en pahin an pahnih chuan a melh tawn țhìn a, kei chuan rum fé hian ka melh lêt thung a.
"Ka'n haw ang e."
"A la hma alawm."
"Ninawm mai ka lo ni dah ang e," nui chung hian a ti a, a ding ta nghal a.
"Mawng i titam ve alawm le."
"Zoremsang, khatiang khân ti ve ziah suh!"
Melo-i chuan ka thlah a phût tih ka hria; mahse, ka haider lui tlat. Ka bâna a chelh pawh kha tih tawh nâka laiin, thlah leh chu a tihchi loh khawp ang le.
Vànneihthlâk deuhin phone call a lo kal a, Ramhlun lamah thil lam a ngai tlat mai. A hmanhmawhthlâk si a, Melo-i hnênah chuan thupha ka'n cháwi der luam a, ka phit chhuak ta daih a.
Ka lêt leh chuan a lo awm tawh lo. Muansanga a lo awm tawh a, a zia hlauh. Vawiin chu pèn chhoh hma ka duh, a lo thinrim palh chuan a țha lo ang.
An in luah ka thlen chuan pâwn lama a lo inkalh tawh loh dàn ațangin a haw tawh tih ka hre mai. Phûr zetin kawngka chu ka kik a, ka ngaihthla vang vang nain a reh riai mai.
Ka phone ka la chhuak a, a number hmet chhuakin ka call a, a ring chiang e.
Kawngka a rawn ri rak a, a lo inkalh khum leh pek a nih dáwn hi.
A mit sen râm leh a sam hnawk niai ka hmuh chuan," I țha em?" ka ti vat a, ka lût nghal a.
"Aw."
"I mu em ni?"
"Aw."
"Hlimhlim, i țha chiang meuh maw?"
"Tlêm têin ka lu a na deuh a, ka mu mai mai."
"A la na em?"
"Aw."
"Eng tik ațangin maw?"
"Chawhnu ațangin."
Ka hnaih dáwn chuan a tawlh hla hrat a, ka ding nghal chat.
"I thin a rim a ni maw?"
"Tlêm têin."
"Melo-i nèn min hmuh dun vàng khân maw?"
"Aw."
"Eng mah a ni lo."
"I bialnu hlui a nih kha."
"A hlui alawm. A thar ka nei tawh che a, ani chu engmah a ni tawh lo."
"Chhùnah in chhuah dun tho kha. Chuan, i bânah pawh intitatu deuhin a chelh che kha."
A lo thîk tak tak, chuti a nih chuan min duh ve viau tihna a ni a, a làwmawm viau zâwk e.
Nui chungin," Thîk duh suh, eng mah a ni tawh lo ka tih kha, lo kal teh," ka ti a, ka bân ka phar a.
A mit sen râma min en kal pah chuan a tawlh hnung hret a, thu tak zet hian," Ka nat tak tak hmain min kalsan zâwk rawh, ka tân a țha zâwk ang," a ti a, a nui hauh lo.
"Ka kalsan che i duh em ni?"
"Thu ka nei lo."
Ka bân lâk thlâk pah chuan," I mita i hmuh zawng kha a ni mai, ka thinlungah hmun a chang tawh lo," ka ti a.
"I bialnu hlui a nia, kum eng emaw zât i lo zui tawh a nia, chutin i paih bo hmak thei lo ang."
"Ka paih bo si a ni."
"Benga hriat ai chuan mita hmuh hi a rinawm duh zâwkin ka hria."
Kan la din reng avàng chuan," Țhu phawt teh ang," ka ti a, ka țhu nghal a; ani erawh chu a la ding auh thung.
"Julian..."
"Aw, sawi phawt teh le."
"I duh phawt chuan min kalsan rawh, kei chuan ka hre thiam ang che. Kan dinhmun a inthlau a, ka ngaihzàwn phâk miah loh tùr lakah ka lo inham buai ve mai mai a ni. A thiam lo chu keimah ka ni, ka lo duh che avàngin min ngaidam dáwn nia."
Muangchângin ka ding leh a, ka kalsan dáwn teuh lo. Kan dinhmun inthlauhna hi engah mah ka ngai lo va, min lo duh avàng hian ka lâwm ém ém zâwk asin.
Ka pan hnai a, chiang zeta min melh kal reng avàngin kei hi ka zâm lek lek a nih chu; mahse, zâm han ka ni lo, ka kaltîr dáwn lo, ka kalsan dáwn hek lo.
"A chhan pakhat min hrilh rawh."
"Eng?"
"Ka kalsan che i duh chhan min hrilh phawt rawh."
"I tân ka hniam lutuk."
Hnaih sauhin," Hei, i hniam loh hi, i tâwk chiah a nih hi," ka ti a, a nuih ka ring a nia, a nui chuang miah lo.
"Ka kalsan dáwn lo che, eng tikah mah."
A kut chu ka chelhsak a, a lo hûm ruh nasa hle mai. Muangchângin ka phelhsak ve ve a, a lo inchelh khawng nasa lutuk chu ka khawngaih zâwk.
"Hlimhlim, ani kha chu ka ex a ni. Kum 3 zet chu kan inzui ngei mai; mahse, kei lo mi dang lakah hlimna a hmu a ni. Vawiinah khân dàwrah a rawn kal a, mi dang hriata thil sawi ka duh loh vàngin ka chhuahpui a nih kha. Ka tân eng mah a ni tawh lo, nang ka nei che a, tumah mamawh ka nei tawh hlei nem."
A mit meng lian kel kawl chuan min melh chho kar reng a, thu dik ka sawi nge sawi lo ka mit ațangin hriat a tum a ni ngei ang.
"I bialnu, kum eng emaw zât i lo zui tawh a ni tih an sawi a."
"Um, a dik; mahse, kan ni tawh lo tih an hre miah lo, kum khat deuhthaw kan inzui tawh lo."
"A kawp vàng chein maw?"
"Aw, kei pawh ka tidik bîk chuang lo, ani lo kawp ka nei ve tho va, ka thil tih ang kha ka chungah a lo lêt a ni mai."
"Kum 3 lai i lo zui tawh a ni sia?"
"A tìrah chuan hrehawm ka ti ve; mahse, tunah chuan ka nei tawh che a, tumah duh dang ka nei tawh lo."
A birthday pawh a lo hnai tawh hle mai, làm ka thiam ngei a ngai. Tu nge ka pun ang? Bawihtei hian a thiam ang em? Thiam ngei ang, Lawmkimi pawhin a thiam ang;.mahse, ani chu ka inzirtîr duh lo, min nuih ang.
Bawihtei ka zâwt ta phawng mai a, ani chuan mak ti deuh hian," Làm zirtîr i duh maw?! Eng function atân maw? I lâm ngaiin ka hre si lo," a lo ti a.
"Min zirtîr tawp mai rawh, làm thiam chu a țangkai ve alawm. I unaupa hi mi hmaa ka zah i duh loh chuan min zirtîr mai teh."
"Okay, okay, mak ka ti deuh mai a nia."
A lo thiam nameuh mai, a thiam reuh lutuk. Ka zei lo lutuk a, ka khawng bawk si, min nuih duh bîk chuang lo.
"A awlsam ber chi a ni mai."
Hunawl kan neih apiangin min zirtîr ta ziah a, ka thiam ve ta viau e. Step a tam hran lo bawk a, a harsa lo ve.
"Eng tik hunah nge in làm dáwn a?"
"Birthday lawmnaah."
"Aw, ka va chhuang tak che! I thiam tawh bawk si, mi hmaah pawh i buai tawh miah lo ang."
Mi hmaah ka lâm dáwn lo, Hlimhlimi birthday lawmnaah ka làmpui dáwn a ni a, hre na se chuan...
Ka țhianpa, hotel nei ka be fel sa vek tawh a, a lâr tehchiam lo nain a nuam reuh phian asin. Aizâwl khaw pâwn lam deuhah a awm a, in chungah chuan engkim lo buatsaih vek tùrin ka ti a, a senso lamah buai lo tùra ka tih vàngin an chei nalhin an tinuam viauin ka ring bawk.
September 25 chu ni dang ang bawkin a lo thleng leh a; mahse, ni dang ai chuan a danglam bîk ka ti, ni êng pawh chu a mawi bîk riauin ka hria.
Nilêngin ka awm hle hle thei lo, țhianpa RPa ka phone sek a, an lo tifel vek tawh tih min hrilh hnu pawhin vawi hnih lai ka call leh.
A hmain Hlimhlimi chu ka hrilh tawh a, a birthday chu làwm miah lo tùrin. A țhiante pawhin mak an tih deuh thu a sawi nghe nghe, ka nui ringawt. Keimah ngei hian lawmsak ka duh si a ni.
Kei chu ka thleng hma a, ka en fel leh vek. Ka duh dàn takin an chei a, cake lah chu a cial reuh khawp mai, ka lung a dum zân e.
Hlimhlimi ka call a.
"Tunah dâr 6 a nia, in in kawtah khân ka țhianpa a awm mêk a, a thil pêk che chu i la ang a, chu chu hain in lo kal dáwn nia. Eng mah hlauh tùr a awm lo aw, ka țhianpa a nih kha."
Ka nghahhlelh lutuk vàngin an lo thleng har ka ti, ka țhu hle hle thei lo. Ka vei tawn sek a, dâr zât ka en sek.
An rawn thleng ta, ka chhuak vat a. Car ațanga a lo chhuak ka hmuh chuan chêt nachâng ka hre lo dáwn, ka mit chu ka thil hmuhah chuan a bet tlat. A chhe lo lutuk chu mak ka ti, ka phu zawk lo thei lo.
A mit chhîng tùrin ka ti a, in chung zâwlah chuan ka hruai chho a, a meng thei tih ka hrilh chuan a meng a, a țê nghal chûl mai.
Kan boruak chu duhthusàm a ni.
A duh apiang kan ti hmasa zêl a, birthday dinner pawh a ei vak lo, a phûr leh hlim hmel chu hmuh a nuam a, hei bâka hmuh nuam leh hmuhnawm hi a awm thei tawhin ka ring lo. Birthday present ka pêk chuan min kuah a, min fâwp vawng vawng. A țê chèl chúl a, a hmuhnawm tak zet.
"Kan lâm dáwn tiraw?"
"Dáwn chiang e."
Music a rawn ri a, 'Perfect' hla kha a lo ni. Hei chu Ed Sheeran ni lovin Pentatonix zâwk a ni, a mood-ah kan chêng dùn bawk a, kan lâm delh delh mai.
"I nalh tak zet."
"Ka lâwm e, nang pawh."
Kan phun ser ser a, inkuah chialin kan lâm a, ani pawh ka rin aiin lâm a lo thiam.
"He hla hi ka duhzia i lo hre lâwk em ni?"
"Hre lâwk maithei." Bawihtei ka zâwt lâwk vek a ni.
"Ka va duh tak! Pasal ka neih hunah play ka duh ngei ang."
"I birthday lo thlen leh hunah kan la lâm dùn leh ang chu tiraw? Kan pahnih chauh ni lovin mi dang hmaah ni bawk se."
"Kan pahnih hian a 'romantic' bîk ka ti, a hmunin a zir si."
"I duh apiang tihhlawhtlin zel a ni ang."
A nui sek a, a biangah a mittui a luang thla zãih a.
"Ka hlim vàng a nih hi aw."
"Um, ka sawisêl miah lo che."
A nui hak a.
"Ka hmangaih che, Julian. Thil engkim vàng hian ka lâwm a, ka la tawn ngai loh leh ka rin phâk loh làwmna min pêk avàngin ka lâwm e."
"Ka lâwm e, i hlimna siamtu nih hi ka duh ber a ni rêng a ni."
"Ka hlimzia hi thuin ka sawi fiah phâk lo."
"Ka bialnu tak tak ni rawh aw."
Min rawn en chho a, hriat thiam loh hmel tak hian," Julian..?" a ti sap a. Kei chuan," Chhinchhiahna ka duh a," tiin ka zungbun ah chu ka phawrh a, a hmaah chuan box te reuh tê chu ka hawng ta a.
A hmuh chuan a thaw hawk a, a hmui hup vatin min en leh a, zungbun chu a en leh a.
"Hlimhlim, ka bialnu tak tak ni rawh."
A nui sen sen a, he nui hmel hi ka nun țêk țêk chhûng chuan ka theihnghilh thei tawh lo ang.
"Julian, ka duh alawm, ka duh lutuk!"
Ka bun feltîr hnuah chuan a nemngheh nân lungchim zetin kan infâwp vawng vawng a, khawvêlah hian ka hlim ber maiin ka ring.
"Julian, ka mumang mai a ni ang tih ka hlau!"
"Ka phal teuh lo!"
"Ka tân chuan he hun hi a hlu ém asin, ka theihnghilh ngai dáwn lo a ni."
"Kei pawh, ka bialnu tak tak i ni tawh bawk si a."
Kan inen a, kan nui a. Kan hlim a ni tih kan inhre tawn a, kan rilru chhûngril kan inhre tawn bawk a, a nuam ka ti tak zet.
"Hlimhlim, kan chanchin hi zêp tawh lovin sawi tawh ang."
"Um, i thu thu, Bawihtei'n a hriat hunah chuan mak a ti àwm mang e! Min duh lo ang tih ka hlau."
"A țhiannu i nia, kei a unaupa ka ni bawk a, mak chu a ti viau maithei."
"Min ngaihzawn lo phal lo ta se? Min lo duh lo ta se?"
"Ka duh chu min duhpui dáwn tih ka hria e."
"Tak tak maw? Kei chu i hriat hnu..."
"Sawi lang tawh suh, ka duh che a, a tâwk. Thil dang chu sawi lang tawh lo ang, kan pahnihin kan induh tawn a, chu bâka hlu a awm lo."
"I intithu țan ringawt a nia!"
"Pa ber ka ni tawh a, nuin pa thu a hnial ngai lo."
Kan inen a, kan nui dùn var var.
☆MAGDALENE☆ - 17 - By Dingdi Pachuau
"In va zahawm khup khup ve."
"I laih vàng a nih kha."
Ka lài lo; mahse, Melo-i'n ka bân a chelh erawh ngaih loh lamah an ngaih ka hlau deuh, a bîk takin Hlimhlimi ka vêngthâwng.
Ka va en lai chuan min en lo, Melo-i a lo en. Ani lah chuan," U J, nula rîmtu i ngah mang e, i va luck tak," nui chunga min chhoh enin a ti a.
Lawmkimi chuan bân lo pharin," Amah rîmtu chu ka ni lo chiang mai a," a lo ti a, Bawihtei pawh chuan," Keini pawh," a lo ti ve a.
Kimtei chuan," 'Nula a chhuahpui' ka tih pawhin zu awih lo hlawm tlat a," a lo ti nang nang a.
Bawihteite chuan noodles an chhùm leh a, Melo-i pawh 'haw rawh' tih thu a awm si lo va, a awm ve ta reng mai. Hlimhlimi chu biak ka duh viau; mahse, min en loh bâkah kan inhlat, a țhiante Zotei leh Manuni inkârah a awm tlat. Kan inkâr hi zêp a duh tlat avàngin ka tihlan a la rem bawk si lo. Vawi khât tê pawh min en tawh lo, a țawng bawk lo. A thin a rim nge ni ang Melo-i hi a thîk zâwk? A nih loh ve ve ka beisei.
Noodles chhum zawh hnuah Bawihteite chu an chhuak nghal a, Lawmkimi leh Melo-i erawh an la awm. Kimtei chuan awmze nei zet zet hian min en pahin an pahnih chuan a melh tawn țhìn a, kei chuan rum fé hian ka melh lêt thung a.
"Ka'n haw ang e."
"A la hma alawm."
"Ninawm mai ka lo ni dah ang e," nui chung hian a ti a, a ding ta nghal a.
"Mawng i titam ve alawm le."
"Zoremsang, khatiang khân ti ve ziah suh!"
Melo-i chuan ka thlah a phût tih ka hria; mahse, ka haider lui tlat. Ka bâna a chelh pawh kha tih tawh nâka laiin, thlah leh chu a tihchi loh khawp ang le.
Vànneihthlâk deuhin phone call a lo kal a, Ramhlun lamah thil lam a ngai tlat mai. A hmanhmawhthlâk si a, Melo-i hnênah chuan thupha ka'n cháwi der luam a, ka phit chhuak ta daih a.
Ka lêt leh chuan a lo awm tawh lo. Muansanga a lo awm tawh a, a zia hlauh. Vawiin chu pèn chhoh hma ka duh, a lo thinrim palh chuan a țha lo ang.
An in luah ka thlen chuan pâwn lama a lo inkalh tawh loh dàn ațangin a haw tawh tih ka hre mai. Phûr zetin kawngka chu ka kik a, ka ngaihthla vang vang nain a reh riai mai.
Ka phone ka la chhuak a, a number hmet chhuakin ka call a, a ring chiang e.
Kawngka a rawn ri rak a, a lo inkalh khum leh pek a nih dáwn hi.
A mit sen râm leh a sam hnawk niai ka hmuh chuan," I țha em?" ka ti vat a, ka lût nghal a.
"Aw."
"I mu em ni?"
"Aw."
"Hlimhlim, i țha chiang meuh maw?"
"Tlêm têin ka lu a na deuh a, ka mu mai mai."
"A la na em?"
"Aw."
"Eng tik ațangin maw?"
"Chawhnu ațangin."
Ka hnaih dáwn chuan a tawlh hla hrat a, ka ding nghal chat.
"I thin a rim a ni maw?"
"Tlêm têin."
"Melo-i nèn min hmuh dun vàng khân maw?"
"Aw."
"Eng mah a ni lo."
"I bialnu hlui a nih kha."
"A hlui alawm. A thar ka nei tawh che a, ani chu engmah a ni tawh lo."
"Chhùnah in chhuah dun tho kha. Chuan, i bânah pawh intitatu deuhin a chelh che kha."
A lo thîk tak tak, chuti a nih chuan min duh ve viau tihna a ni a, a làwmawm viau zâwk e.
Nui chungin," Thîk duh suh, eng mah a ni tawh lo ka tih kha, lo kal teh," ka ti a, ka bân ka phar a.
A mit sen râma min en kal pah chuan a tawlh hnung hret a, thu tak zet hian," Ka nat tak tak hmain min kalsan zâwk rawh, ka tân a țha zâwk ang," a ti a, a nui hauh lo.
"Ka kalsan che i duh em ni?"
"Thu ka nei lo."
Ka bân lâk thlâk pah chuan," I mita i hmuh zawng kha a ni mai, ka thinlungah hmun a chang tawh lo," ka ti a.
"I bialnu hlui a nia, kum eng emaw zât i lo zui tawh a nia, chutin i paih bo hmak thei lo ang."
"Ka paih bo si a ni."
"Benga hriat ai chuan mita hmuh hi a rinawm duh zâwkin ka hria."
Kan la din reng avàng chuan," Țhu phawt teh ang," ka ti a, ka țhu nghal a; ani erawh chu a la ding auh thung.
"Julian..."
"Aw, sawi phawt teh le."
"I duh phawt chuan min kalsan rawh, kei chuan ka hre thiam ang che. Kan dinhmun a inthlau a, ka ngaihzàwn phâk miah loh tùr lakah ka lo inham buai ve mai mai a ni. A thiam lo chu keimah ka ni, ka lo duh che avàngin min ngaidam dáwn nia."
Muangchângin ka ding leh a, ka kalsan dáwn teuh lo. Kan dinhmun inthlauhna hi engah mah ka ngai lo va, min lo duh avàng hian ka lâwm ém ém zâwk asin.
Ka pan hnai a, chiang zeta min melh kal reng avàngin kei hi ka zâm lek lek a nih chu; mahse, zâm han ka ni lo, ka kaltîr dáwn lo, ka kalsan dáwn hek lo.
"A chhan pakhat min hrilh rawh."
"Eng?"
"Ka kalsan che i duh chhan min hrilh phawt rawh."
"I tân ka hniam lutuk."
Hnaih sauhin," Hei, i hniam loh hi, i tâwk chiah a nih hi," ka ti a, a nuih ka ring a nia, a nui chuang miah lo.
"Ka kalsan dáwn lo che, eng tikah mah."
A kut chu ka chelhsak a, a lo hûm ruh nasa hle mai. Muangchângin ka phelhsak ve ve a, a lo inchelh khawng nasa lutuk chu ka khawngaih zâwk.
"Hlimhlim, ani kha chu ka ex a ni. Kum 3 zet chu kan inzui ngei mai; mahse, kei lo mi dang lakah hlimna a hmu a ni. Vawiinah khân dàwrah a rawn kal a, mi dang hriata thil sawi ka duh loh vàngin ka chhuahpui a nih kha. Ka tân eng mah a ni tawh lo, nang ka nei che a, tumah mamawh ka nei tawh hlei nem."
A mit meng lian kel kawl chuan min melh chho kar reng a, thu dik ka sawi nge sawi lo ka mit ațangin hriat a tum a ni ngei ang.
"I bialnu, kum eng emaw zât i lo zui tawh a ni tih an sawi a."
"Um, a dik; mahse, kan ni tawh lo tih an hre miah lo, kum khat deuhthaw kan inzui tawh lo."
"A kawp vàng chein maw?"
"Aw, kei pawh ka tidik bîk chuang lo, ani lo kawp ka nei ve tho va, ka thil tih ang kha ka chungah a lo lêt a ni mai."
"Kum 3 lai i lo zui tawh a ni sia?"
"A tìrah chuan hrehawm ka ti ve; mahse, tunah chuan ka nei tawh che a, tumah duh dang ka nei tawh lo."
A birthday pawh a lo hnai tawh hle mai, làm ka thiam ngei a ngai. Tu nge ka pun ang? Bawihtei hian a thiam ang em? Thiam ngei ang, Lawmkimi pawhin a thiam ang;.mahse, ani chu ka inzirtîr duh lo, min nuih ang.
Bawihtei ka zâwt ta phawng mai a, ani chuan mak ti deuh hian," Làm zirtîr i duh maw?! Eng function atân maw? I lâm ngaiin ka hre si lo," a lo ti a.
"Min zirtîr tawp mai rawh, làm thiam chu a țangkai ve alawm. I unaupa hi mi hmaa ka zah i duh loh chuan min zirtîr mai teh."
"Okay, okay, mak ka ti deuh mai a nia."
A lo thiam nameuh mai, a thiam reuh lutuk. Ka zei lo lutuk a, ka khawng bawk si, min nuih duh bîk chuang lo.
"A awlsam ber chi a ni mai."
Hunawl kan neih apiangin min zirtîr ta ziah a, ka thiam ve ta viau e. Step a tam hran lo bawk a, a harsa lo ve.
"Eng tik hunah nge in làm dáwn a?"
"Birthday lawmnaah."
"Aw, ka va chhuang tak che! I thiam tawh bawk si, mi hmaah pawh i buai tawh miah lo ang."
Mi hmaah ka lâm dáwn lo, Hlimhlimi birthday lawmnaah ka làmpui dáwn a ni a, hre na se chuan...
Ka țhianpa, hotel nei ka be fel sa vek tawh a, a lâr tehchiam lo nain a nuam reuh phian asin. Aizâwl khaw pâwn lam deuhah a awm a, in chungah chuan engkim lo buatsaih vek tùrin ka ti a, a senso lamah buai lo tùra ka tih vàngin an chei nalhin an tinuam viauin ka ring bawk.
September 25 chu ni dang ang bawkin a lo thleng leh a; mahse, ni dang ai chuan a danglam bîk ka ti, ni êng pawh chu a mawi bîk riauin ka hria.
Nilêngin ka awm hle hle thei lo, țhianpa RPa ka phone sek a, an lo tifel vek tawh tih min hrilh hnu pawhin vawi hnih lai ka call leh.
A hmain Hlimhlimi chu ka hrilh tawh a, a birthday chu làwm miah lo tùrin. A țhiante pawhin mak an tih deuh thu a sawi nghe nghe, ka nui ringawt. Keimah ngei hian lawmsak ka duh si a ni.
Kei chu ka thleng hma a, ka en fel leh vek. Ka duh dàn takin an chei a, cake lah chu a cial reuh khawp mai, ka lung a dum zân e.
Hlimhlimi ka call a.
"Tunah dâr 6 a nia, in in kawtah khân ka țhianpa a awm mêk a, a thil pêk che chu i la ang a, chu chu hain in lo kal dáwn nia. Eng mah hlauh tùr a awm lo aw, ka țhianpa a nih kha."
Ka nghahhlelh lutuk vàngin an lo thleng har ka ti, ka țhu hle hle thei lo. Ka vei tawn sek a, dâr zât ka en sek.
An rawn thleng ta, ka chhuak vat a. Car ațanga a lo chhuak ka hmuh chuan chêt nachâng ka hre lo dáwn, ka mit chu ka thil hmuhah chuan a bet tlat. A chhe lo lutuk chu mak ka ti, ka phu zawk lo thei lo.
A mit chhîng tùrin ka ti a, in chung zâwlah chuan ka hruai chho a, a meng thei tih ka hrilh chuan a meng a, a țê nghal chûl mai.
Kan boruak chu duhthusàm a ni.
A duh apiang kan ti hmasa zêl a, birthday dinner pawh a ei vak lo, a phûr leh hlim hmel chu hmuh a nuam a, hei bâka hmuh nuam leh hmuhnawm hi a awm thei tawhin ka ring lo. Birthday present ka pêk chuan min kuah a, min fâwp vawng vawng. A țê chèl chúl a, a hmuhnawm tak zet.
"Kan lâm dáwn tiraw?"
"Dáwn chiang e."
Music a rawn ri a, 'Perfect' hla kha a lo ni. Hei chu Ed Sheeran ni lovin Pentatonix zâwk a ni, a mood-ah kan chêng dùn bawk a, kan lâm delh delh mai.
"I nalh tak zet."
"Ka lâwm e, nang pawh."
Kan phun ser ser a, inkuah chialin kan lâm a, ani pawh ka rin aiin lâm a lo thiam.
"He hla hi ka duhzia i lo hre lâwk em ni?"
"Hre lâwk maithei." Bawihtei ka zâwt lâwk vek a ni.
"Ka va duh tak! Pasal ka neih hunah play ka duh ngei ang."
"I birthday lo thlen leh hunah kan la lâm dùn leh ang chu tiraw? Kan pahnih chauh ni lovin mi dang hmaah ni bawk se."
"Kan pahnih hian a 'romantic' bîk ka ti, a hmunin a zir si."
"I duh apiang tihhlawhtlin zel a ni ang."
A nui sek a, a biangah a mittui a luang thla zãih a.
"Ka hlim vàng a nih hi aw."
"Um, ka sawisêl miah lo che."
A nui hak a.
"Ka hmangaih che, Julian. Thil engkim vàng hian ka lâwm a, ka la tawn ngai loh leh ka rin phâk loh làwmna min pêk avàngin ka lâwm e."
"Ka lâwm e, i hlimna siamtu nih hi ka duh ber a ni rêng a ni."
"Ka hlimzia hi thuin ka sawi fiah phâk lo."
"Ka bialnu tak tak ni rawh aw."
Min rawn en chho a, hriat thiam loh hmel tak hian," Julian..?" a ti sap a. Kei chuan," Chhinchhiahna ka duh a," tiin ka zungbun ah chu ka phawrh a, a hmaah chuan box te reuh tê chu ka hawng ta a.
A hmuh chuan a thaw hawk a, a hmui hup vatin min en leh a, zungbun chu a en leh a.
"Hlimhlim, ka bialnu tak tak ni rawh."
A nui sen sen a, he nui hmel hi ka nun țêk țêk chhûng chuan ka theihnghilh thei tawh lo ang.
"Julian, ka duh alawm, ka duh lutuk!"
Ka bun feltîr hnuah chuan a nemngheh nân lungchim zetin kan infâwp vawng vawng a, khawvêlah hian ka hlim ber maiin ka ring.
"Julian, ka mumang mai a ni ang tih ka hlau!"
"Ka phal teuh lo!"
"Ka tân chuan he hun hi a hlu ém asin, ka theihnghilh ngai dáwn lo a ni."
"Kei pawh, ka bialnu tak tak i ni tawh bawk si a."
Kan inen a, kan nui a. Kan hlim a ni tih kan inhre tawn a, kan rilru chhûngril kan inhre tawn bawk a, a nuam ka ti tak zet.
"Hlimhlim, kan chanchin hi zêp tawh lovin sawi tawh ang."
"Um, i thu thu, Bawihtei'n a hriat hunah chuan mak a ti àwm mang e! Min duh lo ang tih ka hlau."
"A țhiannu i nia, kei a unaupa ka ni bawk a, mak chu a ti viau maithei."
"Min ngaihzawn lo phal lo ta se? Min lo duh lo ta se?"
"Ka duh chu min duhpui dáwn tih ka hria e."
"Tak tak maw? Kei chu i hriat hnu..."
"Sawi lang tawh suh, ka duh che a, a tâwk. Thil dang chu sawi lang tawh lo ang, kan pahnihin kan induh tawn a, chu bâka hlu a awm lo."
"I intithu țan ringawt a nia!"
"Pa ber ka ni tawh a, nuin pa thu a hnial ngai lo."
Kan inen a, kan nui dùn var var.
Comments
Post a Comment