☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆MAGDALENE☆ - 21 By Dingdi Pachuau
"Eirawng hi Bawihtei bàwl tiraw?"
"Aw, a tui i ti em?"
"Aw, tui lutuk. I bàwl a nih ka ring lo rêng a ni."
"Engah ngawt maw?"
"Hetianga tui chuan i bàwl thiam ka ring lo va."
"A, mai mai a. Bawihtei hi ka zirtîr chhuah ngat a nih hi."
Muansanga nuih chu a za khawp mai a, nui hak hak pah hian," Chief Cook i ni tihna a ni maw?" a lo ti ve a.
"Um, chu chiah chu!"
"Chief Cook i nih chuan Bawihtei chu eng nge a nih ve tâk ang?"
"Under Chief Cook."
A nui sek sek ringawt.
"Ei țeuh țeuh rawh, exam a hnai tawh a, lehkha zir i ngai bawk si, chakna i mamawh tam a nia."
Ka rin ai chuan a ei tam, a tân a țha. Zanin chu a theih anga tam mu se, class an kal țhat tawh loh avàngin inah chawlh pahin zir hlek hlek zâwk se a țha ang.
Muansanga hnênah chuan," I u hi ngaihven deuh la aw, thil a ei țha em tih leh zànah a mu țha thei em tih thlengin i lo ngaihven ru dáwn nia. Thil eng emaw a thleng a nih chuan min lo call vat rawh aw," tiin ka chah diam a, thil ţha lo chu a thlen ka ring hran lo nain chah ka duh ve rêng rêng.
A bulah thung chuan," Mu hma rawh aw, i taksa khân chawlh hahdam a mamawh a ni. I hahdam zet loh chuan i thluakin hna a thawk thei lo ang," ka ti a.
"I awm țhat phawt chuan le."
"Eng maw?"
"Ka țha tawh ka ti a nih kha."
"Mu tawh rawh, Apple ei theihnghilh lo la. E, Apple kha pakhat ka hmuin ka hria, i ei zawh daih a hun tawh sia?"
"Ka ei phal lo alawm."
"Eng vàngin?"
"Ka phal lo a ni mai."
"A dang a awm tawh kha. Ei phal tawh rawh, a thar kan lei zêl dáwn alawm.
"Ka ei zawh chuan min kalsan daih ka hlau a, ka khêk ngar ngar," a ti sap a, hei vàng hi a lo nih dáwn hi a lo la ei zawh loh ni.
Ka khawngaih reuh. A kuta vuanin," Ka kalsan dáwn lo che. Eng thil pawh lo thleng se, min kalsan a nih loh chuan ka kalsan ngai lo ang che, ka tiam a che," ka ti sup a, nghet zetin ka hmer vang vang a.
"Kei pawhin ka rinawm lohsan ngai lo ang che, ka tiam a che."
Tlai tin ka pêng haw leh ta. Dàwra ka buaina hi chu ka ngai pawimawh ber ta lo, a hrisèlna hi a pawimawh ber. Doctor ka râwn a, thisen siam thei tùr damdawi țha leh ei tùr ka zâwt a, 'a țha' a tih ang ka hmuh theih chin chin chu ka lei hmiah hmiah ringawt.
Ka chhûngte pawhin Hlimhlimi nèn kan chanchin chu an hre ta vek mai. Nonoi lah chuan," Tàtea nupui tùr atân chuan U Lawmi ka duh asin le," a lo ti ve tlat bawk a, khawi ațangin nge a lo hriat ve ni.
Zanriah ei laiin ka nuin," Tàte, a chanchin engkim hriaa duh tho i ni em?" tiin min zâwt a.
"Nu, kei pawh hian nunhlui țha lo tak tak ka nei ve tho asin."
Ka pa chuan," Ka hre chiang lutuk lo deuh, lo la lènpui ve la," a lo ti thung a.
"Pa hi a mak thei e, an lo lèn fo kha."
"Bawihte, i țhiante hi ka awm laiin an lo lêng khât ém asin, ka lo phêk en hlawm bawk nèn, chiang fakin tu mah ka hre lo."
"Mahse, Pa, tunah chuan kan exam a hnai tawh lutuk, lo leng hman a ni tawh lo."
Ka pa chuan," Nia, ka han tihna chhan pawh mi dang a neihho hi chu kan hriatpui meuh lo hlawm a, tuna mi hi chu a lâk serious ve hmel riauin ka hria a," a ti a, nui chungin min en a.
A ti dik chiah. Mi dang, Melo-i pawh tiamin, an bulah hian ka sawi khât, kan inah ka hruai ngai hek lo. Ka ngai serious lo tihna pawh a ni chuang lo, an hre ngai lo.
"Serious teh se, nupui a nei har tawh lutuk."
"U Lawmi kei chuan țha ka ti."
Bawihtei chuan nui chunga min enin," Ka nono, Tàtea thin i tirim ang e," a ti zauh a, ani chuan," Teuh lo, ani pawhin U Lawmi chu a ngaina alawm, a hmel a țha bawk a," a lo ti leh mai a. Nonoi hi chu duat rawn tih takah a rilru hi a naupang chhia leh zual a, thil hi a sawi phawng phawng zêl, huat tùr pawh a awm lo. Dâwt hi a sawi ngai lo, a hmuh dàn a sawi hmiah țhìn.
"A dik chiah. U Lawmi chu ka țhiannu a nia, ka kàwm ngeihin ka ngaina alawm. Chuan, a hmelțha bawk."
Muansanga pawh dàwr nghah ka phal tawh lo, lehkha zir se ka duh. An unau hian țha takin pass se, hna hi chu dam chuan thawh tâwk tùr a awm zêl.
Dec 2-ah exam an țan a, an țan zànah a hnâr a thî leh a, a thî rei phian. Ka ngaih a țha vak lo va, ani erawh chuan lehkha a zir nasat vàngah a puh thung a. Eng pawh ni se, exam zawh lamah inentîr se a țha ang.
Damdawi leh ei tùr țha ka tih apiang chu țha takin a ei ve zêl a, a taksa pawh a lo chak chho ve zêl e. Muansanga erawh chu mipa ngang a ni a, a dam țha viau reng. Ani pawh chu exam lai a nih vàngin ei tùr țha ka lei apiang chu ei ve tùrin ka ti ziah a, a ei ngai chuang hlei lo va, a u tân chuan a khêksak ni berin ka hria.
An exam chhûng chuan zàna ka lèn ka țhulh lo, ka lêng tho nain ka titipui ngai lo, ka vêng a ni deuh ber mai. A țan tìrah chuan min sawisêl deuh a; mahse, a hnuah erawh a sawi peih ta lo, lèn ka țhulh phah chuang bawk si lo va, a peih ta bîk lo a niang.
Muansanga chuan exam a zo hma bîk a, kâr khat deuhthawin an inthlau. Zànah ka lèn ziah tho avàngin ani pawh a exam zawh zàn ațangin a lêng chhuak ve nghal a, a awm ve hi chuan ka duh ang tak pawhin ka duat ngam țhìn lo.
"Ka lo be lawk che. Zanin chu i break laiin thil eng eng emaw sawipui che ka duh a nia."
"Eng chungchâng maw?"
"Break hunah le."
A break huna a ei tùr ka lo siamsak a, ka siam zawhah ka phone la chhuakin ka online a, chumi pah chuan X-mas thil pêk tùr ka en kual pah a.
Eng thil nge ka pêk ang? X-mas hi an khuaah a hmang ang em? A hman daih chuan ka khua a har ngawt ang. Heta hmang ve mai tùrin thlêm ta ila a duh kher ang em? A lo remti ve mial maithei asin, ka sâwm chhin phawt ang.
Break a neih lai chuan," Kumin chu hetah hmang ve mai la?" ka ti ta a, a tìrah chuan a man lawk lo a niang, min en reng phawt a, a hnu deuhah chuan," A tih chi loh ang," a ti ta sap a.
"Engati maw?"
"Ih, ka hre chuang lo."
"Min ngai ve dáwn lo em ni?"
"Dáwn chiang e."
"Chuti?"
"Ka nuin min ngaihtuah lutuk ang."
"Lo sawi chhin la? Muansanga a haw dáwn tho a ni lo'm ni?"
"Haw ang."
"Chuti a nih chuan hetah hmang rawh."
"A nih leh, hetah ka lo hmang dáwn ta thut a nih chuan exam zawh ațangin min chhawr ve la?"
"I inchhiar to àwm si!"
"Ka ti tak tak a nia aw, pawisa thawh chhuah ve ka duh a ni."
"Ka neih zawng zawng hi i ta vek a nih hi."
Duhawm zet hian min nuih sen sen a.
"Ka lâwm e; mahse, thawh chhuah ve ngei ka duh a."
An exam zawh zànah erawh an țhianho chaw ei khâwm an rawt a, tel ve tùrin min ti tho nain ka tel lo. A zahthlâk ve deuh ka tia, an țhianho zîng leh zela inrawlh chu ka duh bîk lo.
Muansanga a haw a, a haw tùr chu a nu shawl tùr leh puan pheikhawk ka thawn ve a, a hlawh bâkah bonus ka pe hlek bawk. A lâwm thiam hle a, ka rilru pawh a tinuam sawt.
Dàwrah chuan a lo kal ve ta ngei e. Muansanga u tih an hriat chuan Kimtei chuan," In inang ka ti deuh rêng a ni, a fel reuh asin," a lo ti siam siam a.
"Khati'n lo tlawn nghal ringawt suh."
Rum deuha min rawn melhin," Lo la kàwi suh, nula hausa kha ka ko mai ang aw, Bungkawn nula nèn. I buai fé mai tùr a nia," a ti tàn tán a.
"Buaina tùr ka nei lo ve."
"Boss, a bialpa pawh a la rawn hruai ve ngam lo a nia tiraw? A nei tak tak lo a nih ka ring ta. Dâwt a nih ka ring ta tlat nia."
"Dâwt bâk va ni suh."
"Nangni pahnih hi, țang dùn ziah suh u. Hlimhlim, kan heti reng mai a ni, a hmeichhia zâwk hi min tiduhdah thei a nia, ţang dùn ve ang aw?"
"Het, ani kha chu ka 'patta' sa tawh a nih kha. Ka lam țang tùr."
Amawia chu za zet hian a lo nui hawk hawk a, min dàwrtute an lo luh tâk avángin Kimtei chuan min chhâng hman ta lo, nui sângin a lo chhàwn nghal vat a.
Nilêngin ka bulah chuan a awm ve ta reng a. Ka hlimzia leh nuam ka tihzia chu amah bâkin an hre kher lo ang, kan mit chu a intawng leh sak sak țhìn a. Kimtei leh Amawia hmuh loh tùr hian a kutah chuan ka lo vuan leh vang vang țhìn, nuam ka ti tak zet.
Lunch atân chuan noodles tam tâwk, tui zetin a chhùm leh a. Coffee sa ver vawr leh noodles chhum tuihnai zet chu kan ei a, noodles hi ka ngaina ve tak zet tawh, a chhùm tui thiam ém bawk a ni.
"Pawisa i thawh chhuah chuan eng thil nge lei i duh deuh a?"
"Eng mah, mi țanpui tùr ka hria a. Tlêm tê pawh ni se an tân a làwmawm dáwn ém a."
Thil ei lai chàwl meuhin ka en vang vang. He nu hi chu a danglam chiang a ni, ka sawi chhuak thiam chiah lo, ka bialnu neih tawhte zîngah chuan a danglam zak a ni.
"Civil-ah sâwn an awm a, thingtlâng lam ațanga lo kal an ni. An pa ber chu a nia damlo chu, an nu chuan a awmpui a, an fate pahnih la tê ve deuhte chu an pite hnênah an dah rih ringawt. An awmthei bîk lo va, ka khawngaih lutuk. An nu pawh chu a chêrin a dawldâng reuh lutuk a, an pa damlo enkawla awmpui ngai nèn, an fate a ngaihtuah bawk si, a rilru leh a taksa a hah tawh sia, pawisa a thawk chhuak thei tawh rih lo nèn, tûn X-mas chu țanpui ka duh a."
"I hmel hriat sa an ni maw?"
"Ni lo ve, exam zawh nia Manuni chhûngte kan va kan khân ka va hmu chhuak a."
"X-mas a lo thlen apiang hian keini aia harsa leh mangangte ka ngaihtuah ve țhìn a, kan theih ang tâwkin kan țanpui ve țhìn a. Nikum khân kan vênga hmeithai pakhat hi Mama nèn tuilum ip, shawl lum leh pheikhawk lum kan leisak a, a lâwm a nia aw. A lâwm lutuk hmuh khân lung a chhiat bâkah rilru a tihlim veng veng a, khatiang kha nuam ka ti a."
A thil sawi chuan ka ngaihtuahna a tithui hle mai. X-mas kum 30 ka lo hmang ve tawh, kum 30 chhûng khân mi làwmna leh țanpui an ngaihna zâwn ka lo ngaihtuah ngai lo, keimah chiah ka inngaihtuah țhìn. Ka pawisa thawh chhuah ve chinah pawh ka chhûngte leh keima tân chiah ka hmang țhìn. Mi harsa leh țanpui ngaite ka lo ngaihtuah thleng pha ngai lo, ngaihtuah ahnêkin ka ngaihtuahnaah an awm pha lo hrim hrim.
Hlimhlim thil sawi chhuah zârah chuan ngaihtuahna ka hmang chho ta zêl a, kumin chu ka la tih ngai miah loh ti ve chhin teh ang. Ka sum, ka thawh chhuah ngei hmang hian țanpui ngai țanpui ve ta ila, X-mas hriat reng tlâk ka tân pawh a lo ni maithei asin. Mite tân X-mas hunah hian malsàwmna ka la ni ngai miah lo, mi fate râl ka ni zâwk țhìn. Kumin chu Hlimhlimi tih țhin ang hi ti ve chhin teh ang, kei pawhin ka hlim phah viau maithei asin.
Bawihtei bulah ka sawi chhin a, ani pawh a lo phûr khawp mai. A phùrna chuan min tiphûr sawt a, ka rilru a hlim veng veng. Mi tân malsàwmna ka nih hma hauh ațangin ka phûrin ka rilru a hlim tawh a nia, ka țanpui hunah phei chuan...
Hlimhlimi bulah pawh ka sawi a, a râk chûl mai. Min kuah châk châk a, a zuang tar tar bawk.
"Ka hlimzia hi, kal dùn ang aw, en teh, nuam i ti viau ang. Mi lâwm hmêl hmuh hi a nuam a, an làwmna siamtu nih hlaih phei chu nuam tak a ni. I zawngchhang hrim hrim ang, ka lâwm é, a nuam ka ti, ka châk tawh."
Hlimhlimi hlim hmel pawh chuan min tilàwm tâwk viau. A pawisa neihchhun pawh mi dang tân a ui lo a nih chuan kei phei chuan ui lo tak tùr ka ni.
Ni 24 a lo inher chhuak a, chawhma chu dàwr kan la nghâk leh rih. Kimtei leh Amawia chu Gift țha tâwk tak ka pe ve ve a, an lâwm thiam khawp mai. Lawmthu an sawi deuh reng mai a, kei pawhin nuam ka ti. Kimtei phei chu hmeichhia tih takah a lâwm leh pek bîk a, min kuah thuak thuak mai. Hetiang tak hian an lâwmin an hlim ang tih chu lo hria ila kum hmasa lamah pawh ka lo ti daih tawh ang.
Chawhnu lamah erawh dàwr kan khâr a, a chhan chu Hlimhlimi nèn chhuah kan duh a, anni pawh an bazar ve duh ang.
Hlimhlimi nèn chuan mawza lum leh tuilum ip kan lei a, ei tùr kan lei nual bawk a. Kei chuan an awmna ka hriat ve loh avàngin Hlimhlimi min hruaina chuan ka zui zél a, kan inkhâi bâwr ve bawk sia, min en duh hlawm riau.
Hlimhlimi sawi damlo awmna kan thlen chuan damlo chu khumah a lo mu ngât a, an nu ni ngei tùr chêr leh dawldâng zet hian a lo țhutpui a. An bul vêlah chuan damlo dang leh awmpuitu pawh an lo awm ve nual; mahse, anni zawng kantu leh thil petu an nei ve lo a nih hmêl, an khum bulah pawh ei tùr hmel hmuh tùr a awm lo.
"Ka pi, eng nge in an deuh tawh a?"
Nu chu muangchângin a lo hawi a, a mitmeng ngui zet hmuh phei chuan a khawngaihthlâk ka ti, a hmela lungngaihna tilang lo hrâm hrâm tùrin a rawn nui lui hrâm a.
"Kan pângngai a ni mai, a dam chak vak thei lo va."
"Ka pi, ka pu natna chu kan tihdamsak thei miah lo nain tlêm tala țanpui che u kan duh a," tiin tuilum ip leh mawza lum chu a phawrh a.
"He hi ka pu tân a nia, damdawi leh țûl dangte lei nân hei hi in lo hmang dáwn nia," tiin pawisa ka ken chu pe tùrin min mitmei zauh a. Kei pawh chuan nu ber kutah chuan ka hmeh bel ta nghal a.
Ka rin miah loh thil a thleng! Nu ber mit ațang chuan mittui a rawn luang nghal a, ka kut chu a thlah lawk thei lo. Lungchhe taka inhnîtin," Lalpa, ka lâwm e, ka mangang awrâwl i lo hriata min chhàn avàngin ka lâwm tak meuh meuh e," a ti sap sap a, hmuh hrehawm ka tih rualin a tawngtai chhànna kan ni chu mak ka ti a, ka lâwm viau bawk.
Hlimhlimi pawh a mittui a lo tling ve kiang a," Ka pi, i țawngțai chhànna kan ni chu a va làwmawm ém tiraw? Pathian hi chu a țha em asin, ka pu pawhin țhat lam a pan zêl ka ring tlat, ka lo țawngțaipui ziah a nia," a lo ti ve a.
"Kan tân chuan Pathian rawn tirh in ni chiang. Tunah pawh hian damdawi leuna tùr kan nei tawh lo va, ei tùr țha leina tùr phei chu khawilam, ka làwm dàn hi sawi ngaihna ka hre lo, ka lâwm hle a ni. Bawihi, min lo țawngțaipui vangin ka lâwm e, min țanpuitu angel dik tak in ni e," a ti a, a mittui chu a rawn luang leh țhìn a, kan țanpui lo ang tih ka hlau ta hnuhnawh kher mai.
Ei tùr kan kente chu kan pe a, pa ber pawh chu a rawn harh a, thil awmzia chu an nu chuan lungchhe si, lâwm bawk si chuan a hrilh a.
"E khai!! Pathianin malsàwm che u rawh se, keini chuan kan chunga in țhatna hi eng tikah mah kan rùl thei dáwn si lo che u a, Pathianin a lêt tam takin a rùl mawlh ang che u, kan lâwm e," a ti ve sap sap a.
Kan awm rei ve reuh phian. Nu ber chuan Pathian hnênah láwmthu sawiin a țawngțai a, chumi hnuah inchibai leh lâwp lâwpin kan chhuak ve ta a.
Pâwnah chuan zah pawh sawi thei lovin ka kuah vang vang a.
"Ka lâwm e, nang ka tawng che hi Pathian ruat liau liau a ni. Nang hi Pathianin min lo ruatsak i ni, ka hmangaih che, Ka angel duhawm te reuh tê."
*MITE TÂN MALSÀWMNA I NI THEI. PATHIAN MALSÀWMNA I DAWN HI NANGMA TÂN CHAUH EM NI I HMAN DAWN?*
(Inkhel en nuam u, ka pawlte kha lo țan ula, haha)
"Eirawng hi Bawihtei bàwl tiraw?"
"Aw, a tui i ti em?"
"Aw, tui lutuk. I bàwl a nih ka ring lo rêng a ni."
"Engah ngawt maw?"
"Hetianga tui chuan i bàwl thiam ka ring lo va."
"A, mai mai a. Bawihtei hi ka zirtîr chhuah ngat a nih hi."
Muansanga nuih chu a za khawp mai a, nui hak hak pah hian," Chief Cook i ni tihna a ni maw?" a lo ti ve a.
"Um, chu chiah chu!"
"Chief Cook i nih chuan Bawihtei chu eng nge a nih ve tâk ang?"
"Under Chief Cook."
A nui sek sek ringawt.
"Ei țeuh țeuh rawh, exam a hnai tawh a, lehkha zir i ngai bawk si, chakna i mamawh tam a nia."
Ka rin ai chuan a ei tam, a tân a țha. Zanin chu a theih anga tam mu se, class an kal țhat tawh loh avàngin inah chawlh pahin zir hlek hlek zâwk se a țha ang.
Muansanga hnênah chuan," I u hi ngaihven deuh la aw, thil a ei țha em tih leh zànah a mu țha thei em tih thlengin i lo ngaihven ru dáwn nia. Thil eng emaw a thleng a nih chuan min lo call vat rawh aw," tiin ka chah diam a, thil ţha lo chu a thlen ka ring hran lo nain chah ka duh ve rêng rêng.
A bulah thung chuan," Mu hma rawh aw, i taksa khân chawlh hahdam a mamawh a ni. I hahdam zet loh chuan i thluakin hna a thawk thei lo ang," ka ti a.
"I awm țhat phawt chuan le."
"Eng maw?"
"Ka țha tawh ka ti a nih kha."
"Mu tawh rawh, Apple ei theihnghilh lo la. E, Apple kha pakhat ka hmuin ka hria, i ei zawh daih a hun tawh sia?"
"Ka ei phal lo alawm."
"Eng vàngin?"
"Ka phal lo a ni mai."
"A dang a awm tawh kha. Ei phal tawh rawh, a thar kan lei zêl dáwn alawm.
"Ka ei zawh chuan min kalsan daih ka hlau a, ka khêk ngar ngar," a ti sap a, hei vàng hi a lo nih dáwn hi a lo la ei zawh loh ni.
Ka khawngaih reuh. A kuta vuanin," Ka kalsan dáwn lo che. Eng thil pawh lo thleng se, min kalsan a nih loh chuan ka kalsan ngai lo ang che, ka tiam a che," ka ti sup a, nghet zetin ka hmer vang vang a.
"Kei pawhin ka rinawm lohsan ngai lo ang che, ka tiam a che."
Tlai tin ka pêng haw leh ta. Dàwra ka buaina hi chu ka ngai pawimawh ber ta lo, a hrisèlna hi a pawimawh ber. Doctor ka râwn a, thisen siam thei tùr damdawi țha leh ei tùr ka zâwt a, 'a țha' a tih ang ka hmuh theih chin chin chu ka lei hmiah hmiah ringawt.
Ka chhûngte pawhin Hlimhlimi nèn kan chanchin chu an hre ta vek mai. Nonoi lah chuan," Tàtea nupui tùr atân chuan U Lawmi ka duh asin le," a lo ti ve tlat bawk a, khawi ațangin nge a lo hriat ve ni.
Zanriah ei laiin ka nuin," Tàte, a chanchin engkim hriaa duh tho i ni em?" tiin min zâwt a.
"Nu, kei pawh hian nunhlui țha lo tak tak ka nei ve tho asin."
Ka pa chuan," Ka hre chiang lutuk lo deuh, lo la lènpui ve la," a lo ti thung a.
"Pa hi a mak thei e, an lo lèn fo kha."
"Bawihte, i țhiante hi ka awm laiin an lo lêng khât ém asin, ka lo phêk en hlawm bawk nèn, chiang fakin tu mah ka hre lo."
"Mahse, Pa, tunah chuan kan exam a hnai tawh lutuk, lo leng hman a ni tawh lo."
Ka pa chuan," Nia, ka han tihna chhan pawh mi dang a neihho hi chu kan hriatpui meuh lo hlawm a, tuna mi hi chu a lâk serious ve hmel riauin ka hria a," a ti a, nui chungin min en a.
A ti dik chiah. Mi dang, Melo-i pawh tiamin, an bulah hian ka sawi khât, kan inah ka hruai ngai hek lo. Ka ngai serious lo tihna pawh a ni chuang lo, an hre ngai lo.
"Serious teh se, nupui a nei har tawh lutuk."
"U Lawmi kei chuan țha ka ti."
Bawihtei chuan nui chunga min enin," Ka nono, Tàtea thin i tirim ang e," a ti zauh a, ani chuan," Teuh lo, ani pawhin U Lawmi chu a ngaina alawm, a hmel a țha bawk a," a lo ti leh mai a. Nonoi hi chu duat rawn tih takah a rilru hi a naupang chhia leh zual a, thil hi a sawi phawng phawng zêl, huat tùr pawh a awm lo. Dâwt hi a sawi ngai lo, a hmuh dàn a sawi hmiah țhìn.
"A dik chiah. U Lawmi chu ka țhiannu a nia, ka kàwm ngeihin ka ngaina alawm. Chuan, a hmelțha bawk."
Muansanga pawh dàwr nghah ka phal tawh lo, lehkha zir se ka duh. An unau hian țha takin pass se, hna hi chu dam chuan thawh tâwk tùr a awm zêl.
Dec 2-ah exam an țan a, an țan zànah a hnâr a thî leh a, a thî rei phian. Ka ngaih a țha vak lo va, ani erawh chuan lehkha a zir nasat vàngah a puh thung a. Eng pawh ni se, exam zawh lamah inentîr se a țha ang.
Damdawi leh ei tùr țha ka tih apiang chu țha takin a ei ve zêl a, a taksa pawh a lo chak chho ve zêl e. Muansanga erawh chu mipa ngang a ni a, a dam țha viau reng. Ani pawh chu exam lai a nih vàngin ei tùr țha ka lei apiang chu ei ve tùrin ka ti ziah a, a ei ngai chuang hlei lo va, a u tân chuan a khêksak ni berin ka hria.
An exam chhûng chuan zàna ka lèn ka țhulh lo, ka lêng tho nain ka titipui ngai lo, ka vêng a ni deuh ber mai. A țan tìrah chuan min sawisêl deuh a; mahse, a hnuah erawh a sawi peih ta lo, lèn ka țhulh phah chuang bawk si lo va, a peih ta bîk lo a niang.
Muansanga chuan exam a zo hma bîk a, kâr khat deuhthawin an inthlau. Zànah ka lèn ziah tho avàngin ani pawh a exam zawh zàn ațangin a lêng chhuak ve nghal a, a awm ve hi chuan ka duh ang tak pawhin ka duat ngam țhìn lo.
"Ka lo be lawk che. Zanin chu i break laiin thil eng eng emaw sawipui che ka duh a nia."
"Eng chungchâng maw?"
"Break hunah le."
A break huna a ei tùr ka lo siamsak a, ka siam zawhah ka phone la chhuakin ka online a, chumi pah chuan X-mas thil pêk tùr ka en kual pah a.
Eng thil nge ka pêk ang? X-mas hi an khuaah a hmang ang em? A hman daih chuan ka khua a har ngawt ang. Heta hmang ve mai tùrin thlêm ta ila a duh kher ang em? A lo remti ve mial maithei asin, ka sâwm chhin phawt ang.
Break a neih lai chuan," Kumin chu hetah hmang ve mai la?" ka ti ta a, a tìrah chuan a man lawk lo a niang, min en reng phawt a, a hnu deuhah chuan," A tih chi loh ang," a ti ta sap a.
"Engati maw?"
"Ih, ka hre chuang lo."
"Min ngai ve dáwn lo em ni?"
"Dáwn chiang e."
"Chuti?"
"Ka nuin min ngaihtuah lutuk ang."
"Lo sawi chhin la? Muansanga a haw dáwn tho a ni lo'm ni?"
"Haw ang."
"Chuti a nih chuan hetah hmang rawh."
"A nih leh, hetah ka lo hmang dáwn ta thut a nih chuan exam zawh ațangin min chhawr ve la?"
"I inchhiar to àwm si!"
"Ka ti tak tak a nia aw, pawisa thawh chhuah ve ka duh a ni."
"Ka neih zawng zawng hi i ta vek a nih hi."
Duhawm zet hian min nuih sen sen a.
"Ka lâwm e; mahse, thawh chhuah ve ngei ka duh a."
An exam zawh zànah erawh an țhianho chaw ei khâwm an rawt a, tel ve tùrin min ti tho nain ka tel lo. A zahthlâk ve deuh ka tia, an țhianho zîng leh zela inrawlh chu ka duh bîk lo.
Muansanga a haw a, a haw tùr chu a nu shawl tùr leh puan pheikhawk ka thawn ve a, a hlawh bâkah bonus ka pe hlek bawk. A lâwm thiam hle a, ka rilru pawh a tinuam sawt.
Dàwrah chuan a lo kal ve ta ngei e. Muansanga u tih an hriat chuan Kimtei chuan," In inang ka ti deuh rêng a ni, a fel reuh asin," a lo ti siam siam a.
"Khati'n lo tlawn nghal ringawt suh."
Rum deuha min rawn melhin," Lo la kàwi suh, nula hausa kha ka ko mai ang aw, Bungkawn nula nèn. I buai fé mai tùr a nia," a ti tàn tán a.
"Buaina tùr ka nei lo ve."
"Boss, a bialpa pawh a la rawn hruai ve ngam lo a nia tiraw? A nei tak tak lo a nih ka ring ta. Dâwt a nih ka ring ta tlat nia."
"Dâwt bâk va ni suh."
"Nangni pahnih hi, țang dùn ziah suh u. Hlimhlim, kan heti reng mai a ni, a hmeichhia zâwk hi min tiduhdah thei a nia, ţang dùn ve ang aw?"
"Het, ani kha chu ka 'patta' sa tawh a nih kha. Ka lam țang tùr."
Amawia chu za zet hian a lo nui hawk hawk a, min dàwrtute an lo luh tâk avángin Kimtei chuan min chhâng hman ta lo, nui sângin a lo chhàwn nghal vat a.
Nilêngin ka bulah chuan a awm ve ta reng a. Ka hlimzia leh nuam ka tihzia chu amah bâkin an hre kher lo ang, kan mit chu a intawng leh sak sak țhìn a. Kimtei leh Amawia hmuh loh tùr hian a kutah chuan ka lo vuan leh vang vang țhìn, nuam ka ti tak zet.
Lunch atân chuan noodles tam tâwk, tui zetin a chhùm leh a. Coffee sa ver vawr leh noodles chhum tuihnai zet chu kan ei a, noodles hi ka ngaina ve tak zet tawh, a chhùm tui thiam ém bawk a ni.
"Pawisa i thawh chhuah chuan eng thil nge lei i duh deuh a?"
"Eng mah, mi țanpui tùr ka hria a. Tlêm tê pawh ni se an tân a làwmawm dáwn ém a."
Thil ei lai chàwl meuhin ka en vang vang. He nu hi chu a danglam chiang a ni, ka sawi chhuak thiam chiah lo, ka bialnu neih tawhte zîngah chuan a danglam zak a ni.
"Civil-ah sâwn an awm a, thingtlâng lam ațanga lo kal an ni. An pa ber chu a nia damlo chu, an nu chuan a awmpui a, an fate pahnih la tê ve deuhte chu an pite hnênah an dah rih ringawt. An awmthei bîk lo va, ka khawngaih lutuk. An nu pawh chu a chêrin a dawldâng reuh lutuk a, an pa damlo enkawla awmpui ngai nèn, an fate a ngaihtuah bawk si, a rilru leh a taksa a hah tawh sia, pawisa a thawk chhuak thei tawh rih lo nèn, tûn X-mas chu țanpui ka duh a."
"I hmel hriat sa an ni maw?"
"Ni lo ve, exam zawh nia Manuni chhûngte kan va kan khân ka va hmu chhuak a."
"X-mas a lo thlen apiang hian keini aia harsa leh mangangte ka ngaihtuah ve țhìn a, kan theih ang tâwkin kan țanpui ve țhìn a. Nikum khân kan vênga hmeithai pakhat hi Mama nèn tuilum ip, shawl lum leh pheikhawk lum kan leisak a, a lâwm a nia aw. A lâwm lutuk hmuh khân lung a chhiat bâkah rilru a tihlim veng veng a, khatiang kha nuam ka ti a."
A thil sawi chuan ka ngaihtuahna a tithui hle mai. X-mas kum 30 ka lo hmang ve tawh, kum 30 chhûng khân mi làwmna leh țanpui an ngaihna zâwn ka lo ngaihtuah ngai lo, keimah chiah ka inngaihtuah țhìn. Ka pawisa thawh chhuah ve chinah pawh ka chhûngte leh keima tân chiah ka hmang țhìn. Mi harsa leh țanpui ngaite ka lo ngaihtuah thleng pha ngai lo, ngaihtuah ahnêkin ka ngaihtuahnaah an awm pha lo hrim hrim.
Hlimhlim thil sawi chhuah zârah chuan ngaihtuahna ka hmang chho ta zêl a, kumin chu ka la tih ngai miah loh ti ve chhin teh ang. Ka sum, ka thawh chhuah ngei hmang hian țanpui ngai țanpui ve ta ila, X-mas hriat reng tlâk ka tân pawh a lo ni maithei asin. Mite tân X-mas hunah hian malsàwmna ka la ni ngai miah lo, mi fate râl ka ni zâwk țhìn. Kumin chu Hlimhlimi tih țhin ang hi ti ve chhin teh ang, kei pawhin ka hlim phah viau maithei asin.
Bawihtei bulah ka sawi chhin a, ani pawh a lo phûr khawp mai. A phùrna chuan min tiphûr sawt a, ka rilru a hlim veng veng. Mi tân malsàwmna ka nih hma hauh ațangin ka phûrin ka rilru a hlim tawh a nia, ka țanpui hunah phei chuan...
Hlimhlimi bulah pawh ka sawi a, a râk chûl mai. Min kuah châk châk a, a zuang tar tar bawk.
"Ka hlimzia hi, kal dùn ang aw, en teh, nuam i ti viau ang. Mi lâwm hmêl hmuh hi a nuam a, an làwmna siamtu nih hlaih phei chu nuam tak a ni. I zawngchhang hrim hrim ang, ka lâwm é, a nuam ka ti, ka châk tawh."
Hlimhlimi hlim hmel pawh chuan min tilàwm tâwk viau. A pawisa neihchhun pawh mi dang tân a ui lo a nih chuan kei phei chuan ui lo tak tùr ka ni.
Ni 24 a lo inher chhuak a, chawhma chu dàwr kan la nghâk leh rih. Kimtei leh Amawia chu Gift țha tâwk tak ka pe ve ve a, an lâwm thiam khawp mai. Lawmthu an sawi deuh reng mai a, kei pawhin nuam ka ti. Kimtei phei chu hmeichhia tih takah a lâwm leh pek bîk a, min kuah thuak thuak mai. Hetiang tak hian an lâwmin an hlim ang tih chu lo hria ila kum hmasa lamah pawh ka lo ti daih tawh ang.
Chawhnu lamah erawh dàwr kan khâr a, a chhan chu Hlimhlimi nèn chhuah kan duh a, anni pawh an bazar ve duh ang.
Hlimhlimi nèn chuan mawza lum leh tuilum ip kan lei a, ei tùr kan lei nual bawk a. Kei chuan an awmna ka hriat ve loh avàngin Hlimhlimi min hruaina chuan ka zui zél a, kan inkhâi bâwr ve bawk sia, min en duh hlawm riau.
Hlimhlimi sawi damlo awmna kan thlen chuan damlo chu khumah a lo mu ngât a, an nu ni ngei tùr chêr leh dawldâng zet hian a lo țhutpui a. An bul vêlah chuan damlo dang leh awmpuitu pawh an lo awm ve nual; mahse, anni zawng kantu leh thil petu an nei ve lo a nih hmêl, an khum bulah pawh ei tùr hmel hmuh tùr a awm lo.
"Ka pi, eng nge in an deuh tawh a?"
Nu chu muangchângin a lo hawi a, a mitmeng ngui zet hmuh phei chuan a khawngaihthlâk ka ti, a hmela lungngaihna tilang lo hrâm hrâm tùrin a rawn nui lui hrâm a.
"Kan pângngai a ni mai, a dam chak vak thei lo va."
"Ka pi, ka pu natna chu kan tihdamsak thei miah lo nain tlêm tala țanpui che u kan duh a," tiin tuilum ip leh mawza lum chu a phawrh a.
"He hi ka pu tân a nia, damdawi leh țûl dangte lei nân hei hi in lo hmang dáwn nia," tiin pawisa ka ken chu pe tùrin min mitmei zauh a. Kei pawh chuan nu ber kutah chuan ka hmeh bel ta nghal a.
Ka rin miah loh thil a thleng! Nu ber mit ațang chuan mittui a rawn luang nghal a, ka kut chu a thlah lawk thei lo. Lungchhe taka inhnîtin," Lalpa, ka lâwm e, ka mangang awrâwl i lo hriata min chhàn avàngin ka lâwm tak meuh meuh e," a ti sap sap a, hmuh hrehawm ka tih rualin a tawngtai chhànna kan ni chu mak ka ti a, ka lâwm viau bawk.
Hlimhlimi pawh a mittui a lo tling ve kiang a," Ka pi, i țawngțai chhànna kan ni chu a va làwmawm ém tiraw? Pathian hi chu a țha em asin, ka pu pawhin țhat lam a pan zêl ka ring tlat, ka lo țawngțaipui ziah a nia," a lo ti ve a.
"Kan tân chuan Pathian rawn tirh in ni chiang. Tunah pawh hian damdawi leuna tùr kan nei tawh lo va, ei tùr țha leina tùr phei chu khawilam, ka làwm dàn hi sawi ngaihna ka hre lo, ka lâwm hle a ni. Bawihi, min lo țawngțaipui vangin ka lâwm e, min țanpuitu angel dik tak in ni e," a ti a, a mittui chu a rawn luang leh țhìn a, kan țanpui lo ang tih ka hlau ta hnuhnawh kher mai.
Ei tùr kan kente chu kan pe a, pa ber pawh chu a rawn harh a, thil awmzia chu an nu chuan lungchhe si, lâwm bawk si chuan a hrilh a.
"E khai!! Pathianin malsàwm che u rawh se, keini chuan kan chunga in țhatna hi eng tikah mah kan rùl thei dáwn si lo che u a, Pathianin a lêt tam takin a rùl mawlh ang che u, kan lâwm e," a ti ve sap sap a.
Kan awm rei ve reuh phian. Nu ber chuan Pathian hnênah láwmthu sawiin a țawngțai a, chumi hnuah inchibai leh lâwp lâwpin kan chhuak ve ta a.
Pâwnah chuan zah pawh sawi thei lovin ka kuah vang vang a.
"Ka lâwm e, nang ka tawng che hi Pathian ruat liau liau a ni. Nang hi Pathianin min lo ruatsak i ni, ka hmangaih che, Ka angel duhawm te reuh tê."
*MITE TÂN MALSÀWMNA I NI THEI. PATHIAN MALSÀWMNA I DAWN HI NANGMA TÂN CHAUH EM NI I HMAN DAWN?*
(Inkhel en nuam u, ka pawlte kha lo țan ula, haha)
Comments
Post a Comment