☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆MAGDALENE☆ - 25 By Dingdi Pachuau
Tûkțhuan ei tùrin Hlimhlimi chhûngte ka zu lam a, kan hlim ve dar dar viau asin. Ka ute chhûng an awm a, kan chhûngte hmun hrana mite an la awm nual bawk nèn, kan ri niai niai reng mai. Hlimhlimi chuan boruak chu a zo lo ang tih ka hlau deuh nain ngaihtuahawm chu a ni bîk lo ve.
Nilêngin a nute chu kan inah chuan an awm ve a, tlai lamah chauh ka zu thlah. Chaw ei tùrin kan sâwm char char nain Muansanga class haw hmaa haw hman an duh, a chhan chu eirawng bàwl a ngai dáwn si a, an awm chhûng tal chu eirawng bàwlah kher chuan àwl ve a duh.
"I thil rawn chhawm țhenkhat hi i nute chu hawn pheitîr ila?"
"Engati maw?"
"A tam lutuk a, dah ngaihna a awm loh hi. Rawn keng lo tùrin ka ti mawlh mawlh che a, i chhûngte lung a awi thei ngang si lo va. Hei, hman lohin a awm mai mai dáwn ringawt asin."
"Mahse, rawn chhawm loh ringawtte chu a fuh ber hlei nem."
"Nia, hei i lo chhawm tawh tho va, hàwn phei tawh rawh se aw. An mamawh zâwng tak pawh a lo ni hlawm maithei a."
"Ka nute râwn ve phawt ila?"
Ka en vang vang a, a pasal ka ni a, ka duh dàn ka sawi a, ani chuan ka nute a lo dah pawimawh leh rih phawt. A nute hawn pheitîr chu lo duh rilru viau pawh ni se ka nute hriat loh chuan a lo tum miah lo a nih dáwn hi.
"Ka thu hnial i tum em ni?"
"Ni lo, Julian. Ka rawn chhawm luh a ni a, kan ta vek a nia; ka neih engkim pawh hi i ta vek tih ka hre bawk. I phal vàngin i sawi tih ka hre tho a; mahse, nu leh pa kan la nei a, kan thil neih hi an ta a la ni vek tho, an remtihna a ngai alawm."
"Min hnial lovin lo kal teh."
A tàwi deuh hrat tih ka hria, ka thinrim niin a ngai a ni ngei ang, a rûkin ka nui vur vur.
"Julian, i thinrim lo tiraw?"
Ka kuah a, ka fâwp zauh a.
"Engtin nge ka thinrim theih ang? Mi fel lutuk nupuia ka neih chungah hian ka thinrim thei dáwn em ni?"
"I thin a rim deuh emaw ka ti a."
"Rim nâng, ka chhûngte i dah pawimawh hmasa kha ka mak ka ti a."
"Ka chhûngte an ni ve tho aw."
"Nang aiin ka chhûngte an ni hmasa daih zâwk!"
"Teuh lo! Ka tân an lo chawi lian rih mai mai che a nih hi."
Khumah chuan hahthlâk si lo hian kan inbuan a, kan hmui a intawn fuh chângin kan infâwp leh vawng vawng țhìn. Ka hnê thei dáwn lo tih ka hria, ka duh dàn tâwk chiahin chêt dàn a thiam reuh lehnghal a.
"I kut hi la sawn teh."
"A mak lutuk, lâk sawn ka tum pawhin a theih loh. I âwm chhûngah khân magnet a awm a niang."
"Awihawm loh chiang e!" tiin a nui hak hak a.
"A lum i ti ve em? Inbual dùn ila?"
"Nia, ka ban vek. Inbual loh chuan muthilh a har ngawt ang."
Bathroom chhûngah pawh chuan ka la chhaih zêl a, hmeichhe naupang ang mai a râk chèl chúl mai.
"Lo ninhlei zêl lo la, intleuh fai ka duh tawh a nia."
Shower gel nuai phuanin ka tât leh ţhìn a, a intleuh fai zo thei țhìn lo.
"Min tât leh a nih chuan..."
"A nih chuan...?"
"Zanin atân i nghei ang!"
"Het, fair loh i tum!"
A nui hak hak a," Min han tât leh chiah la?" a ti hârh hârh a, min cho ve khawp mai.
Ka pawm kãng lawp a," Min ngheitîr i tum hmain tlingtla law law zâwk teh ang," ka ti sup a, a hmuiah chuan ka fâwp vang vang a, min chhàn lêt ve nghal avàngin ka nui suk a.
Bathroom ațang chuan ka pawm chhuak a, kan thil tih avàng chuan a chàu leh dêr tawh.
"A chauhthlâk e!"
Ka nuih suk a. "Min cho âr âr a nih kha," ka ti duh lek chauh a.
"Tihna chi-ah pawh ka lo ngai lo hrim hrim a." A sawi chhuak chu a zak leh deuh a ni ang, a hmai a hup a.
"Chi lohna a awm lo, a theih vek alawm."
"Awi, râpthlâk hian!"
Mutkawr ka hâktîr a, damdawi ka pêk hnuah ka muttîr a, a țawngțai leh phawt a, a hnuah kei pawh ka inthawlh ve nghal zat a.
"Julian, naktûk ațangin class ka kal ve leh tawh dáwn em niang?"
"I inhuam phawt chuan. Khawi maw, inneih zungbun kha," tiin ka dap rak rak a, a rawn phar chhuak a.
"Um, bun reng la, a langsàr thei tùr ang berin tilang ziah ang che. Mipa rêng rêngin nula i ni tawh lo tih an hriat theih nân, an lo beisei rûk che ka duh miah lo."
A nui sen sen a.
"Chutiangin ka luck lo aw, min beisei an awm ngai lo."
"In classroom thleng ka thlah ang che, ka nupui i ni tih an hre lo ang tih a hlauhawm tlat."
"Haha, a va nuam dáwn tak! Min thlah ziah la?"
"Nakinah chuan puak i ngèn hial ang tih a hlauhawm deuh e a."
"A, puak kher kher chu, ka ngèn àwm lo e."
"A hriat miah loh."
A hàm bài bái a, a mut a chhuak tawh a nih hi, ka titipui rei mah mah.
"Muhìl tawh rawh le, naktûk zîngah min thawhsan tawh lo la."
"Aw le, muttui aw."
"Muttui, zîngah ka tiharh maithei che a nia. Tui deuhin mu rawh," tiin a chalah ka fâwp zauh a.
Zîngah chuan kei aiin a lo harh hma leh daih zâwk. Ka hmai a lo chûl kual a, hmeichhe naupang tê harh zet ang mai a ni!
"I harhna a rei tawh em?"
"Rei tawh e, thawhsan che i phal loh vàng chauhin ka la mu a nih hi."
"Nupui fel, thu awih thei tak i ni."
Hmangaihna chu phûr zetin kan chèn leh phawt a, chumi hnuah kan tho ve țâwk. Ka nu chuan thingpui min lo thlit vat a, min thawh khalh vàng a ni ngei ang, Hlimhlimi chu a inthlahrung deuh a.
"Ka nu, eng chawhmeh nge kan siam ang?"
"Nia, Nu, siam tùr kha hrilh teh, a chawhmeh siam kan la ei miah lo a nia, a siam tui teh rêng em en chhin a châkawm alawm."
Min chhiat khum zauh a, kei ka nui hawk thung, a lawmawm reuh lutuk. Bawihtei leh Nonoi an rawn tho ve a, Bawihtei chuan," Morning, in va tho hma bîk ve! In mu țha thei nange?" a rawn ti ham ham a.
"Thei e, kan tho tlai ngai em ni?"
"A, ve chuan. Delh hlum sa ei i tum ziah kha."
"Nula ve si, hma deuh deuhah tho ta che, pasal i hmu zo lo mai ang."
"Pawi lo!"
Nonoi chuan," Au Bawihtei pasal tùr chu Tàteate inneih nîa doctor kha a nia, doctor pawh khân a en duh lutuk," a lo ti chuar chuar a.
Hlimhlimi nèn chuan kan inen vat a, Bawihtei chu kan en leh a, ani chu a lo sen nasa mai.
"A ni tak tak, Au Bawihtei pawhin a chibai ka hmu alawm."
"Nonoi thil hriat theihzia hi chu aw.."
Kan nui ta dar dar mai. A fuh dáwn e.
"Au Bawihtei tân Pathian hnênah pasal tùr doctor ka dìlsak țhin kha."
Kan inen kual a, Bawihtei lah chu a țawng ngam tawh lo nge, a ngawi ta hmak sia, anni hi an lo ti tak tak reuh a niang ka ti.
"A fel ém asin, Bawihte," Hlimhlimi chuan a lo ti a, a nui miah lo va.
"Kan inchibai ringawt alawm!"
"In inchibai lo tih kan sawi miah lo."
"Ni lo, in mit meng ațangin min dem nghal ringawt tih ka hmu vek, a chhia pawh ka ti chuang lo va."
Nonoi chuan," Thla pawh an la dùn asin," a lo ti leh a. E khai, a puan zo takngial dáwn.
"Mâkpa doctor neih chu, a va nuam dáwn tak!!"
"In sual ém mai a," tiin a room lamah a kal leh daih a, kan nuih zui a.
Class chu a kal ta ngei a, room thleng ka thlah. Dàwrah ka kal ve nghal a, Kimtei'n min lo hmuh chuan," Boss, i va dâng ve," min lo ti hmanhmawh a.
"Daw lo mai teh!"
"I inhmang nasa deuh a ni chiang."
"Zan hnih khata dâng tham lek ka ni lo aw."
"In titi kha a pawhraw lutuk!"
"Boss hi alawm. Amawi, en ve la, a hmêl da lûp hi i khawngaih ve em?"
"A dâk loh tawp hi!"
"Mi sual pahnih!!"
Chhùnah Hlimhlimi chu a rawn phei a, a hmêl hlim sârh chu hmuh a nuam ka ti a, ka nupui a nih vàng nge ka hmu duhawm leh zual bawk.
"Hey, in induat kha ka hmu peih miah lo a nia!"
"Min lo en lo mai rawh."
"Nupa tih vànga...mi zîngah chuan insûm ve deuh r'u."
"Mî i nih loh kha."
Amawia chu za zet hian a lo nui leh tlat tlat tawh, Hlimhlimi pawh zak deuh hian a lo nui ve sek sek a.
"Vawiin chu ka hnâr hi a za leh mer mer țhìn, a thî leh dáwn a nih ka ring deuh a."
"Chuti, lo țhu mai mai teh, a thî leh palh ang."
Ka bulah chuan ka pawt țhu a, a hahdam thei tùr ang berin ka țhuttîr a, Kimtei'n noodles chu a chhùm a, a chhum dàn tùr leh a chhum rei zâwng tùr Hlimhlimi'n a hrilh pah bawk a.
"Class kal lo hian exam dàn ngaihtuah mai ila?"
"Chutiang chu a harsa ang."
"In dept-ah khân ka hmel hriat a thawk ve alawm, i harsatna zawng zawng hi kan hrilh chuan a theih maiin ka ring a ni."
"Mahse, tunah chuan buaina ka la tawh rih loh hi, ka theih chhûng chu ka kal leh țàng țáng phawt ang a?"
Hm, class kal loh hi a hlau bawk si a, tih luih vak theih pawh a ni lo. A hnâr hi a thî leh ang a, class-ah hian a lo buai hrep ang tih ka hlauthâwng a ni.
"A țha alawm, i thu thu."
"I thin a rim lo tiraw?"
"Engah nge a rim ringawt ang?"
"Julian, ka tibuai ngawt mai che tiraw?"
"Shhhhh, khatiang kha i sawi chuan ka thin a rim zâwk ang."
Kâr khat chhûng chu class a kal tluan ve thei ta. Ka lâwm kher mai, a hnâr hi zã ti țhìn mah se, a rawn thî bîk lo va, ka ngaih țha lo viau țhìn pawh kha tlêm tlêmin a reh ve țan ta.
A nute haw chu a thil rawn chhawmho kha kan hawntîr leh nual a, hetah chuan tihngaihna a awm lo. Țawng mawi lo ni lo se, kan ngah tâwk a, dahna a buaithlâk mai mai. Tihian, nakinah kan zin phei hunah pawh kan phur phei leh ang a, kan dah phei zo thei mai ang chu.
Class-ah a hnâr chu a lo thî ta ngei e. Min rawn phone a, ka tlân vat. Pâwna țhutnaah Bawihtei'n a lo țhutpui a, ani chu a mu thung. A chal leh a bek vêl chu an lo tihuh ve ngei a, a luhai nikhaw hre lo va a tlu lo erawh a zia e.
A hnâr thî chu a reh har deuh avàngin ka mangang ru deuh a, Doctor Dika ka phone tawp a, ani chuan amah pan nghal mai tùrin min lo ti a, Hlimhlimi chu ka pawm nawlh a, motor panin ka chhukpui ta nghal a.
Bawihtei pawh a lo kal ve zêl a, a hmuhah chuan hlauthâwng hmêl ka pu duh miah lo.
Doctor Dika Clinic kan pan nghal a, kan thlen chuan eng damdawi nge pawh ka hre lo, chu chuan a lo jection nghal a. Hlimhlimi erawh a lu a hai nasat deuh avàngin kan be vak lo, a kutah nghet zetin ka chelh thung.
"A reh vat dáwn alawm, hlauthâwng lo ula, ka jection tawh kha," Bawihtei en zauh pah chuan a ti a, Nonoi thil sawi kha ka hre chhuak zawk mai.
"Doctor, a hnâr thì ziah chhan hi eng vàng nge ni ang? A hlauhawm ang em?"
"A thisen lamah fel tâwk lo a awm vàng a nih hi. A la țhalai a, a dam vat mai ang." Kal sawn pah chuan min mitmei zoh a, min biak a duh tih ka hre mai.
"Bawihte, Hlimhlimi hi lo awmpui lawk la, doctor khân damdawi pêk dan tùr min hrilh duh a niang."
Hlimhlimi kut chu ka fâwp zoh a, ka thlah ta a. A room tak takah chuan ka zui lût ta a.
"In nu hi a chhûngte lamah hnâr thî țhìn an awm em? A nih loh pawhin eng emaw natna benvawn nei lamte an awm em?"
"Awm àwm ka hre lo, a pa kha chu cancer vàngin a boral ngei mai a."
Bu nghat nghat pah chuan," Um, a țhat chu. A thisen lamah hian felhlel chu a awm ngei mai a, test chiang deuh zâwka tih a țha ang. Hun thâwl deuh eng tikah nge in neih theih ang le?" a ti dap dap a.
"Doctor, a hlauhthàwnawm em? A dinhmun hi a țha vak lo em ni?"
"Țha lo lo ve, a chak țhat ém hi. Damdawi a ei țha a, ei tùr țha a ei țha hle bawk."
Ka thaw huai a, ka hlauthâwng hman lutuk a ni, a eng emaw tak cancer hi a lo ni reuh ang tih ka hlau lutuk a ni.
"A thisen chak tâwk loh vàng a ni pakhat a, hetiang chuan naute pai pawh a harsa viau ang. Hun thâwl in neih hun ka zawh chhan che pawh kha hmunpui lamah te hian test chikim nei thei tùrin kal thei ula ka ti deuh a."
"Aw le, June hian a exam ang a, exam zawh veleh kan lo tum dáwn nia."
"Hlauthâwng lo la, damdawi thisen tichak thei tùr a sâng deuh ka chawh leh ang a, a zia sawt mai ang. Exam a neih dáwn phei chuan enkawl țhat viau a ngai ang, damdawi hi a hun dik thlapah i lo pe ang a, a taksa a chak loh chuan a rilru a hmang thei lo ang."
Mipa mah ni ila, ka hlauthâwng tak zet a ni. Naute chu ka awt viau nain pai a harsat chuan pai rih lo mai rawh se, nakinah a taksa leh thisen a chak tâwk hnuah chauh pai rawh se.
Inah kan haw nghal daih. Bawihtei fiam ka tum viau a nia, fiamna hun pawh a leng tawh lo, ka hlauthâwng zo vek tawh a ni.
Class a kal ta lo char char, ka phal lo va, ani pawhin a tum lui bîk lo. Damdawi chu a hun dik thlap thlapah ka pe ziah, minute tlêm tê pawhin ka bawhpelh ngai lo. Ina awmin lehkha a zir a, nupui zirlai neih chu a buaithlâk angreng. Ka nuih a za bawk si, ka nuih chuan a thin a rim ang tih ka hlau deuh bawk si. Zànah phei chuan a lehkha zirna bulah hian ka lo țhu ve a, ei tùr siamtu leh lo viltu ka ni deuh ber mai. Ka duat ve theih dàn a ni miau a, keiin ka duat loh chuan tuin nge duat teh lul ang? A pasal ka nia, ka duat hle tùr a ni mai.
"Exam lo mai la?"
"A, chutiang chuan min lo ti lo la, min fuih phûr zâwk la?"
"Ka khawngaih che alawm."
"Nupui college chhuak i neih țêp tawh hi."
"Nia, chhuak lo pawh ni se ka duh dàn a pangngai reng tho ang."
"Chhûngte leh țhiante zîngah i hmai a uang thei deuh zâwk dáwn asin."
"A uang tawh tho tho."
Apple țhial hmarh hmarh pah chuan," A uang leh zual dáwn alawm," a ti leh a, a nui sek a.
"I zir ai hi zirsak thei che ila aw."
"A țha ngawt ang, ka ai exam la?"
"I pass țha lutuk palh ang!"
*MI HUN KAL TAWHAH BUAI LO LA, AN HMA LAM HUN TÙRAH AN NUN CHÀWM LIANTU NIH TUM ZAWK ANG CHE*
Tûkțhuan ei tùrin Hlimhlimi chhûngte ka zu lam a, kan hlim ve dar dar viau asin. Ka ute chhûng an awm a, kan chhûngte hmun hrana mite an la awm nual bawk nèn, kan ri niai niai reng mai. Hlimhlimi chuan boruak chu a zo lo ang tih ka hlau deuh nain ngaihtuahawm chu a ni bîk lo ve.
Nilêngin a nute chu kan inah chuan an awm ve a, tlai lamah chauh ka zu thlah. Chaw ei tùrin kan sâwm char char nain Muansanga class haw hmaa haw hman an duh, a chhan chu eirawng bàwl a ngai dáwn si a, an awm chhûng tal chu eirawng bàwlah kher chuan àwl ve a duh.
"I thil rawn chhawm țhenkhat hi i nute chu hawn pheitîr ila?"
"Engati maw?"
"A tam lutuk a, dah ngaihna a awm loh hi. Rawn keng lo tùrin ka ti mawlh mawlh che a, i chhûngte lung a awi thei ngang si lo va. Hei, hman lohin a awm mai mai dáwn ringawt asin."
"Mahse, rawn chhawm loh ringawtte chu a fuh ber hlei nem."
"Nia, hei i lo chhawm tawh tho va, hàwn phei tawh rawh se aw. An mamawh zâwng tak pawh a lo ni hlawm maithei a."
"Ka nute râwn ve phawt ila?"
Ka en vang vang a, a pasal ka ni a, ka duh dàn ka sawi a, ani chuan ka nute a lo dah pawimawh leh rih phawt. A nute hawn pheitîr chu lo duh rilru viau pawh ni se ka nute hriat loh chuan a lo tum miah lo a nih dáwn hi.
"Ka thu hnial i tum em ni?"
"Ni lo, Julian. Ka rawn chhawm luh a ni a, kan ta vek a nia; ka neih engkim pawh hi i ta vek tih ka hre bawk. I phal vàngin i sawi tih ka hre tho a; mahse, nu leh pa kan la nei a, kan thil neih hi an ta a la ni vek tho, an remtihna a ngai alawm."
"Min hnial lovin lo kal teh."
A tàwi deuh hrat tih ka hria, ka thinrim niin a ngai a ni ngei ang, a rûkin ka nui vur vur.
"Julian, i thinrim lo tiraw?"
Ka kuah a, ka fâwp zauh a.
"Engtin nge ka thinrim theih ang? Mi fel lutuk nupuia ka neih chungah hian ka thinrim thei dáwn em ni?"
"I thin a rim deuh emaw ka ti a."
"Rim nâng, ka chhûngte i dah pawimawh hmasa kha ka mak ka ti a."
"Ka chhûngte an ni ve tho aw."
"Nang aiin ka chhûngte an ni hmasa daih zâwk!"
"Teuh lo! Ka tân an lo chawi lian rih mai mai che a nih hi."
Khumah chuan hahthlâk si lo hian kan inbuan a, kan hmui a intawn fuh chângin kan infâwp leh vawng vawng țhìn. Ka hnê thei dáwn lo tih ka hria, ka duh dàn tâwk chiahin chêt dàn a thiam reuh lehnghal a.
"I kut hi la sawn teh."
"A mak lutuk, lâk sawn ka tum pawhin a theih loh. I âwm chhûngah khân magnet a awm a niang."
"Awihawm loh chiang e!" tiin a nui hak hak a.
"A lum i ti ve em? Inbual dùn ila?"
"Nia, ka ban vek. Inbual loh chuan muthilh a har ngawt ang."
Bathroom chhûngah pawh chuan ka la chhaih zêl a, hmeichhe naupang ang mai a râk chèl chúl mai.
"Lo ninhlei zêl lo la, intleuh fai ka duh tawh a nia."
Shower gel nuai phuanin ka tât leh ţhìn a, a intleuh fai zo thei țhìn lo.
"Min tât leh a nih chuan..."
"A nih chuan...?"
"Zanin atân i nghei ang!"
"Het, fair loh i tum!"
A nui hak hak a," Min han tât leh chiah la?" a ti hârh hârh a, min cho ve khawp mai.
Ka pawm kãng lawp a," Min ngheitîr i tum hmain tlingtla law law zâwk teh ang," ka ti sup a, a hmuiah chuan ka fâwp vang vang a, min chhàn lêt ve nghal avàngin ka nui suk a.
Bathroom ațang chuan ka pawm chhuak a, kan thil tih avàng chuan a chàu leh dêr tawh.
"A chauhthlâk e!"
Ka nuih suk a. "Min cho âr âr a nih kha," ka ti duh lek chauh a.
"Tihna chi-ah pawh ka lo ngai lo hrim hrim a." A sawi chhuak chu a zak leh deuh a ni ang, a hmai a hup a.
"Chi lohna a awm lo, a theih vek alawm."
"Awi, râpthlâk hian!"
Mutkawr ka hâktîr a, damdawi ka pêk hnuah ka muttîr a, a țawngțai leh phawt a, a hnuah kei pawh ka inthawlh ve nghal zat a.
"Julian, naktûk ațangin class ka kal ve leh tawh dáwn em niang?"
"I inhuam phawt chuan. Khawi maw, inneih zungbun kha," tiin ka dap rak rak a, a rawn phar chhuak a.
"Um, bun reng la, a langsàr thei tùr ang berin tilang ziah ang che. Mipa rêng rêngin nula i ni tawh lo tih an hriat theih nân, an lo beisei rûk che ka duh miah lo."
A nui sen sen a.
"Chutiangin ka luck lo aw, min beisei an awm ngai lo."
"In classroom thleng ka thlah ang che, ka nupui i ni tih an hre lo ang tih a hlauhawm tlat."
"Haha, a va nuam dáwn tak! Min thlah ziah la?"
"Nakinah chuan puak i ngèn hial ang tih a hlauhawm deuh e a."
"A, puak kher kher chu, ka ngèn àwm lo e."
"A hriat miah loh."
A hàm bài bái a, a mut a chhuak tawh a nih hi, ka titipui rei mah mah.
"Muhìl tawh rawh le, naktûk zîngah min thawhsan tawh lo la."
"Aw le, muttui aw."
"Muttui, zîngah ka tiharh maithei che a nia. Tui deuhin mu rawh," tiin a chalah ka fâwp zauh a.
Zîngah chuan kei aiin a lo harh hma leh daih zâwk. Ka hmai a lo chûl kual a, hmeichhe naupang tê harh zet ang mai a ni!
"I harhna a rei tawh em?"
"Rei tawh e, thawhsan che i phal loh vàng chauhin ka la mu a nih hi."
"Nupui fel, thu awih thei tak i ni."
Hmangaihna chu phûr zetin kan chèn leh phawt a, chumi hnuah kan tho ve țâwk. Ka nu chuan thingpui min lo thlit vat a, min thawh khalh vàng a ni ngei ang, Hlimhlimi chu a inthlahrung deuh a.
"Ka nu, eng chawhmeh nge kan siam ang?"
"Nia, Nu, siam tùr kha hrilh teh, a chawhmeh siam kan la ei miah lo a nia, a siam tui teh rêng em en chhin a châkawm alawm."
Min chhiat khum zauh a, kei ka nui hawk thung, a lawmawm reuh lutuk. Bawihtei leh Nonoi an rawn tho ve a, Bawihtei chuan," Morning, in va tho hma bîk ve! In mu țha thei nange?" a rawn ti ham ham a.
"Thei e, kan tho tlai ngai em ni?"
"A, ve chuan. Delh hlum sa ei i tum ziah kha."
"Nula ve si, hma deuh deuhah tho ta che, pasal i hmu zo lo mai ang."
"Pawi lo!"
Nonoi chuan," Au Bawihtei pasal tùr chu Tàteate inneih nîa doctor kha a nia, doctor pawh khân a en duh lutuk," a lo ti chuar chuar a.
Hlimhlimi nèn chuan kan inen vat a, Bawihtei chu kan en leh a, ani chu a lo sen nasa mai.
"A ni tak tak, Au Bawihtei pawhin a chibai ka hmu alawm."
"Nonoi thil hriat theihzia hi chu aw.."
Kan nui ta dar dar mai. A fuh dáwn e.
"Au Bawihtei tân Pathian hnênah pasal tùr doctor ka dìlsak țhin kha."
Kan inen kual a, Bawihtei lah chu a țawng ngam tawh lo nge, a ngawi ta hmak sia, anni hi an lo ti tak tak reuh a niang ka ti.
"A fel ém asin, Bawihte," Hlimhlimi chuan a lo ti a, a nui miah lo va.
"Kan inchibai ringawt alawm!"
"In inchibai lo tih kan sawi miah lo."
"Ni lo, in mit meng ațangin min dem nghal ringawt tih ka hmu vek, a chhia pawh ka ti chuang lo va."
Nonoi chuan," Thla pawh an la dùn asin," a lo ti leh a. E khai, a puan zo takngial dáwn.
"Mâkpa doctor neih chu, a va nuam dáwn tak!!"
"In sual ém mai a," tiin a room lamah a kal leh daih a, kan nuih zui a.
Class chu a kal ta ngei a, room thleng ka thlah. Dàwrah ka kal ve nghal a, Kimtei'n min lo hmuh chuan," Boss, i va dâng ve," min lo ti hmanhmawh a.
"Daw lo mai teh!"
"I inhmang nasa deuh a ni chiang."
"Zan hnih khata dâng tham lek ka ni lo aw."
"In titi kha a pawhraw lutuk!"
"Boss hi alawm. Amawi, en ve la, a hmêl da lûp hi i khawngaih ve em?"
"A dâk loh tawp hi!"
"Mi sual pahnih!!"
Chhùnah Hlimhlimi chu a rawn phei a, a hmêl hlim sârh chu hmuh a nuam ka ti a, ka nupui a nih vàng nge ka hmu duhawm leh zual bawk.
"Hey, in induat kha ka hmu peih miah lo a nia!"
"Min lo en lo mai rawh."
"Nupa tih vànga...mi zîngah chuan insûm ve deuh r'u."
"Mî i nih loh kha."
Amawia chu za zet hian a lo nui leh tlat tlat tawh, Hlimhlimi pawh zak deuh hian a lo nui ve sek sek a.
"Vawiin chu ka hnâr hi a za leh mer mer țhìn, a thî leh dáwn a nih ka ring deuh a."
"Chuti, lo țhu mai mai teh, a thî leh palh ang."
Ka bulah chuan ka pawt țhu a, a hahdam thei tùr ang berin ka țhuttîr a, Kimtei'n noodles chu a chhùm a, a chhum dàn tùr leh a chhum rei zâwng tùr Hlimhlimi'n a hrilh pah bawk a.
"Class kal lo hian exam dàn ngaihtuah mai ila?"
"Chutiang chu a harsa ang."
"In dept-ah khân ka hmel hriat a thawk ve alawm, i harsatna zawng zawng hi kan hrilh chuan a theih maiin ka ring a ni."
"Mahse, tunah chuan buaina ka la tawh rih loh hi, ka theih chhûng chu ka kal leh țàng țáng phawt ang a?"
Hm, class kal loh hi a hlau bawk si a, tih luih vak theih pawh a ni lo. A hnâr hi a thî leh ang a, class-ah hian a lo buai hrep ang tih ka hlauthâwng a ni.
"A țha alawm, i thu thu."
"I thin a rim lo tiraw?"
"Engah nge a rim ringawt ang?"
"Julian, ka tibuai ngawt mai che tiraw?"
"Shhhhh, khatiang kha i sawi chuan ka thin a rim zâwk ang."
Kâr khat chhûng chu class a kal tluan ve thei ta. Ka lâwm kher mai, a hnâr hi zã ti țhìn mah se, a rawn thî bîk lo va, ka ngaih țha lo viau țhìn pawh kha tlêm tlêmin a reh ve țan ta.
A nute haw chu a thil rawn chhawmho kha kan hawntîr leh nual a, hetah chuan tihngaihna a awm lo. Țawng mawi lo ni lo se, kan ngah tâwk a, dahna a buaithlâk mai mai. Tihian, nakinah kan zin phei hunah pawh kan phur phei leh ang a, kan dah phei zo thei mai ang chu.
Class-ah a hnâr chu a lo thî ta ngei e. Min rawn phone a, ka tlân vat. Pâwna țhutnaah Bawihtei'n a lo țhutpui a, ani chu a mu thung. A chal leh a bek vêl chu an lo tihuh ve ngei a, a luhai nikhaw hre lo va a tlu lo erawh a zia e.
A hnâr thî chu a reh har deuh avàngin ka mangang ru deuh a, Doctor Dika ka phone tawp a, ani chuan amah pan nghal mai tùrin min lo ti a, Hlimhlimi chu ka pawm nawlh a, motor panin ka chhukpui ta nghal a.
Bawihtei pawh a lo kal ve zêl a, a hmuhah chuan hlauthâwng hmêl ka pu duh miah lo.
Doctor Dika Clinic kan pan nghal a, kan thlen chuan eng damdawi nge pawh ka hre lo, chu chuan a lo jection nghal a. Hlimhlimi erawh a lu a hai nasat deuh avàngin kan be vak lo, a kutah nghet zetin ka chelh thung.
"A reh vat dáwn alawm, hlauthâwng lo ula, ka jection tawh kha," Bawihtei en zauh pah chuan a ti a, Nonoi thil sawi kha ka hre chhuak zawk mai.
"Doctor, a hnâr thì ziah chhan hi eng vàng nge ni ang? A hlauhawm ang em?"
"A thisen lamah fel tâwk lo a awm vàng a nih hi. A la țhalai a, a dam vat mai ang." Kal sawn pah chuan min mitmei zoh a, min biak a duh tih ka hre mai.
"Bawihte, Hlimhlimi hi lo awmpui lawk la, doctor khân damdawi pêk dan tùr min hrilh duh a niang."
Hlimhlimi kut chu ka fâwp zoh a, ka thlah ta a. A room tak takah chuan ka zui lût ta a.
"In nu hi a chhûngte lamah hnâr thî țhìn an awm em? A nih loh pawhin eng emaw natna benvawn nei lamte an awm em?"
"Awm àwm ka hre lo, a pa kha chu cancer vàngin a boral ngei mai a."
Bu nghat nghat pah chuan," Um, a țhat chu. A thisen lamah hian felhlel chu a awm ngei mai a, test chiang deuh zâwka tih a țha ang. Hun thâwl deuh eng tikah nge in neih theih ang le?" a ti dap dap a.
"Doctor, a hlauhthàwnawm em? A dinhmun hi a țha vak lo em ni?"
"Țha lo lo ve, a chak țhat ém hi. Damdawi a ei țha a, ei tùr țha a ei țha hle bawk."
Ka thaw huai a, ka hlauthâwng hman lutuk a ni, a eng emaw tak cancer hi a lo ni reuh ang tih ka hlau lutuk a ni.
"A thisen chak tâwk loh vàng a ni pakhat a, hetiang chuan naute pai pawh a harsa viau ang. Hun thâwl in neih hun ka zawh chhan che pawh kha hmunpui lamah te hian test chikim nei thei tùrin kal thei ula ka ti deuh a."
"Aw le, June hian a exam ang a, exam zawh veleh kan lo tum dáwn nia."
"Hlauthâwng lo la, damdawi thisen tichak thei tùr a sâng deuh ka chawh leh ang a, a zia sawt mai ang. Exam a neih dáwn phei chuan enkawl țhat viau a ngai ang, damdawi hi a hun dik thlapah i lo pe ang a, a taksa a chak loh chuan a rilru a hmang thei lo ang."
Mipa mah ni ila, ka hlauthâwng tak zet a ni. Naute chu ka awt viau nain pai a harsat chuan pai rih lo mai rawh se, nakinah a taksa leh thisen a chak tâwk hnuah chauh pai rawh se.
Inah kan haw nghal daih. Bawihtei fiam ka tum viau a nia, fiamna hun pawh a leng tawh lo, ka hlauthâwng zo vek tawh a ni.
Class a kal ta lo char char, ka phal lo va, ani pawhin a tum lui bîk lo. Damdawi chu a hun dik thlap thlapah ka pe ziah, minute tlêm tê pawhin ka bawhpelh ngai lo. Ina awmin lehkha a zir a, nupui zirlai neih chu a buaithlâk angreng. Ka nuih a za bawk si, ka nuih chuan a thin a rim ang tih ka hlau deuh bawk si. Zànah phei chuan a lehkha zirna bulah hian ka lo țhu ve a, ei tùr siamtu leh lo viltu ka ni deuh ber mai. Ka duat ve theih dàn a ni miau a, keiin ka duat loh chuan tuin nge duat teh lul ang? A pasal ka nia, ka duat hle tùr a ni mai.
"Exam lo mai la?"
"A, chutiang chuan min lo ti lo la, min fuih phûr zâwk la?"
"Ka khawngaih che alawm."
"Nupui college chhuak i neih țêp tawh hi."
"Nia, chhuak lo pawh ni se ka duh dàn a pangngai reng tho ang."
"Chhûngte leh țhiante zîngah i hmai a uang thei deuh zâwk dáwn asin."
"A uang tawh tho tho."
Apple țhial hmarh hmarh pah chuan," A uang leh zual dáwn alawm," a ti leh a, a nui sek a.
"I zir ai hi zirsak thei che ila aw."
"A țha ngawt ang, ka ai exam la?"
"I pass țha lutuk palh ang!"
*MI HUN KAL TAWHAH BUAI LO LA, AN HMA LAM HUN TÙRAH AN NUN CHÀWM LIANTU NIH TUM ZAWK ANG CHE*
Comments
Post a Comment