☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆MAGDALENE☆ - 27 By Dingdi Pachuau
"Ka kalsan hunah che chuan..." a țawng lai mêk chuan," I tel lova hun hman ka duh lo. Khawngaihin, min kalsan tum zâwngin thu sawi tawh suh aw. I dam leh ang a, fa tam tak kan la nei dáwn alawm," ka lo ti a, a hriatah ka sawi a, ka hnèm ve mai a ni. Ka rilru chhûng erawh chu a rûm vawng vawng a, a țap tlawk tlawk a ni ber.
"Julian...?"
"Fa duhawm tak tak neiin nu leh pa tak tak kan ni ang a, an mamawh pe thei tùrin hna kan thawk bawk ang a."
"Ka tihpalh a ni."
"Tihsual i nei hlei nem. I beidawng rih mai mai a nih kha, i dam leh dáwn a ni."
Kei tak hi a nia beidawng ni. Ka duhthusàmah chuan dam țha leh var se, fa pai se, nupa hlim tak kan ni ngei ang. Kan fate chu ka duat dáwn si a, a nu an chhùn ang a, an fel dáwn bawk si.
"Ka chunga thil thlengah hian Pathian ka dem lo; mahse, nangmàn i lo tuar tel ve hi hrehawm ka ti ém a ni. Nupui țha tak neih i phû asin."
"Nang tluka nupui țha an awm lo, ka duh ber i ni bawk."
"Ka lâwm e; mahse, kei chu heti mai hi ka ni ta si a, min kalsan la, min țhen la..."
"Eng tikah mah ka țhen dáwn lo che, ka nupui i ni alawm. Ka kalsan dáwn lo che a, min kalsan pawh tum miah suh, ka phal dáwn chuang lo."
A mittui a tla zawih zawih a, kei pawh ka insûm thei bîk chuang lo. A tawrh hi nâ ka tihpui a, hrehawm ka tihpui ém ém. Ka hmangaih ém ém ka nupui a ni si a, a natna vàng hian a rilru a beidawng țan tawh a, a hma kha chuan a tilang ngai lo, tunah erawh zawng, a beidawng ve tak zet tawh a ni. Kei hian ka beidawnna hi a bulah ka tihlan a thiang miah lo, ka beidawng ve a ni tih a hriat hlauh chuan a down vek ang.
Dàwrah ka kal ta lo. Bawihtei pawh zir zawm tum a ni nain ka dàwr ka enkawl theih tâk rih lohah chuan a enkawl a ngai lo thei si lo, ka khawngaih reuh viau a, tihngaihna a awm bawk si lo.
Damdawi in leh kan in hi kan kàr tawn deuh reng a, Dr. Dika hi kan pan chawt țhìn. Ani hian a chîk peihin a thiam bawk a, harsatna neia kan kal pawhin zia hawkin kan haw țhìn.
Lawmkimi leh Ațana pawhin an hman châng apiangin min rawn tlawh a, min ngaihven reng țhìn. Țhian țha nih an tlin ngawih ngawih ka ti, kei hi an nupui pasalte țawng thu chhe lovah, hetiang natna nei hian lo awm ta se, an rawn kal zin ang hian ka kal zing ve thei ang em aw ka ti țhìn, ka tluk lo dùn ngawt ang.
Lawmkimi phei chuan min țanpui nasa. Lawmthu sawi ngaihna pawh ka hre lo zâwk, a hausa viau a, Hlimhlimi tân pawisa a ui ngai lo. Ei tùr țha țha, damdawi țha, engkim mai hi a lo leisak ziah, a zahthlâk mah mah zâwk. Pathian ka dem viau țhinna pawh hi anni pahnih kan chunga an țhat ém vàng leh an rawn tlawh peiha an rawn kawm hlim țhin avàng hian a nêp leh sawt țhìn.
"Au Hlimhlim, nizàn ka mumangah naute i lo nei a, hmeichhe naupang sam kir chiat a lo nia, ka naute lem atân ka lo dîl che a."
Nui lui sak hian," A ni maw? Ka lo pe che em?" a ti sap a, keiin a kutah ka chelh ràn a.
"Aih, naute chuan min duh lo va, pawm ka tum pawhin a pan tlat zel che a. I dam dáwn tawh a niang tiraw?"
"Nono, Au Hlimhlimi chu a dam vat dáwn alawm, a dam veleh naute a nei ang, i paw țhìn ang a tiraw? Hmeichhia nge i duh ang mipa le?" tiin ka lo inrawlh vat a.
"Nizàn ka mumanga mi kha hmeichhia a nia, ka duh reuh bawk sia, hmeichhia ka duh ang, ka mumanga mi ang chiah kha."
Kan nui a, hetia nuihpuia titipuitu hi a mamawh a ni. Kan pahnih hi chuan kan inhnèm zo lo leh țhìn si a, a rilru beidawng hmel hmuh hi hrehawm ka ti a, titipui țhìn mah ila a tàwpah chuan a natnaah bawk hian kan lût leh zêl a, chu chu hrehawm ka ti a ni.
X-mas a rawn inher chhuak a, kan hun hman dàn erawh a dang chuang lo. Inah ka awmpui a, mi dang erawh Biak in lamah an inkhâwm a, kal loh an tum pawhin inkhâwm tùrin kan tilui a, phûr lo tak chuan an chhuak hlawm a.
Chhùnah ka bual a, bual ti mai ila puan thianghlim ka tihuh a, a taksa ka hru chhuak a ni ber. A taksa chêr tak hmuh chuan insùm a har ka ti, ka khawngaih lutuk. Ka thauna, ka chakna leh ka tisa lenna hi pe țhen thei ila, a tisa chu a dâng del a, a chêr viau bawk si.
"Ka chêr tawh tiraw?"
"Um."
"Ka chhe ngawt ang tiraw?"
"Eng tik lai mahin i chhe ngai lo. Ka hmangaih che a, i chèr tâk viau hnu pawh hian ka hmangaih ém ém tho che, ka hmangaih zual deuh deuh che a ni."
Ni sa hnuaiah veranda-ah chuan ka țhut chhuahpui a, inkhâwm bâng lo haw zauh zauhte chu kan lo thlîr a.
"Nikum kha a ngaihawm tiraw?"
"Hetia i bula ka awm thei hi nuam ka ti, ka inchhîr hauh lo."
Ka kut chu a khàl neuh neuh a, min en lovin kan thlang lama inkhâwm bângho chu a en a, a khap sak sak a.
"Ka lo thî a nih chuan nupui nei vat rawh aw."
"I thi dáwn lo!"
"Julian?"
"Chutiang chu sawi lo ang."
"Khawngaihin, Julian, thil engkim hi sawi fel a hun tawh a ni, min lo tibuai lo hrâm la aw?"
Ka ngawi ta rân a.
"Ka thih hunah chuan min lo sûn viau lo tùrin ka duh che a ni."
Ni lo, thihna chungchâng lam sawi hi chu ka duh lo asin. A natna tuar pawh hrehawm tih tawh laia thihna avànga min kalsan chungchâng a sawi ngaihthlâk chu nuam lo tak a ni.
"U Lawmi hian a duhin a hmangaih che tih ka hria a, ani hian a enkawl thei viau ang che. A fel a, in inhre chiang tawh bawk a, harsatna in nei miah lo ang."
"Mahse, ka hmangaih che a, nang angin tumah ka hmangaih thei lo ang."
"Chu chu i tum dáwn nia. Mal taka i awm hi ka hlauh ber a ni. Mal takin awm lo la, ka thlarauin ka rawn uap reng ang che."
"Min kalsan thei lo ang."
A biangah a mittui chu a luang thla zãih a, ka kutah a rawn lum pap mai.
"Ka kalsan ngai lo ang che; amaherawhchu, ka taksain he natna tawrh hi a tlin loh hunah erawh chuan ka taksa chuan a kalsan ngei dáwn che a, ka hmangaihna erawh chuan a kalsan ngai lo ang che, kalsan che ka phal hlei nem."
"Min kalsan...ka phal ngai lo ang."
Kan ngawi a, kan rilrua awm erawh chu a inhlat lo khawp ang. Kan lung a chhe ve ve a, kan sawi rei chuan kan țap mai ang.
Zàn lamah a awm dàn a dik loh avàngin damdawi in kan panpui a, ka rilru a hah kher mai. Hlauhthàwnna leh mangannain ka khat a, rilru mumal pawh ka pu hlei thei lo, ka buai nuai mai.
Damdawi inah chuan kan awm rei deuh hlek. Ka țhiante leh chhûng leh khat, lainate'n min rawn kan nasa a, min rawn tihhlim an tum khawp mai. Ka kalsan ngai lo va, inthiar hun chhûng ang tak tak bâk ka kalsan ngam lo. Ka kal sawn hlànin min lo kalsan mai ang tih ka hlau a, a bula ka awm pawhin a kuta ka chelh reng loh chuan ka ngaih a țha lo.
A rawn changkâng chho ve leh deuh a, țawng pawh a rawn țawng peih ve leh ta. Chu chauh pawh chuan min tihlim hle. Kan hlimna chu a va tê tham tawh tak ém!
"I mit a na elo?"
Amah ka ngaihtuah ém avàngin zànah ka mu ngai lo va, ka mit pawh a sen râm reng mai.
"Na deuh a nih hi," tiin ka chhâng ringawt.
"Damdawi hnawih ta che, ka lo hnawihsak dáwn che em niang?"
Ka nuih sak a, damlo zâwk a ni chung chung pawhin min la ngaihsakin damdawi hnawihsak min la tum a nia le.
"Ka hnawih thei alawm, nang chu ka duat che a, ka àwl rih mai ang che."
A nui ve sek a.
Ka ute nupa pawhin Hlimhlimi chu an rawn ngaihven reng a, min rawn phone âwl lo. An țawngțaipui reng tih min rawn hrilh a, kohhran hnênah pawh tawngțaipuiah Hlimhlimi chu an thawh reng tih an rawn sawi bawk.
Kan kohhranah pawh an țawngțaipui reng a, chuvàng pawh chu a ni maithei, a nunna hi lâksaka a la awm loh ni.
Thla khat kan awm tling a, a changkàn deuh avàngin kan chhuak leh rih a. In chhûngah zàwi tê têin a kal ve thei a, a hmel a tla kiam tawh a, a chêr reuh nèn, a khawngaihthlâk tak zet.
"Au Hlimhlim, pitarte i ang reuh tawp."
Nonoi țhìn hi chu aw...
"Ka upa tawh lutuk a, Tàtea te, Au Bawihteite hi ka fate vek an nia."
Nonoi chu a nui hak hak a.
"Au Bawihtei chu Ânu fa a ni emaw ka ti a."
Hlimhlimi chu a nui a, mi dang pawh kan nui vek a, a châng chuan Nonoi hi a lawmawm thei viau. Tunah pawh Hlimhlimi a tinui a nia, a tân chu thil țha tak a ni.
Zanah mutnaah chuan," Nonoi hi a lawmawm tiraw? A nungchang hi ka làwm e," a ti sap sap a.
"Um, kan chhûngkaw tihlimtu a nia, Pathianin kan chhûngkaw tâna min pêk liau liau a ni."
"Thisenah in inzawm lo tiraw?"
Engtin nge a hriat le?! Engmah kan sawi chhuak ngai si lo va.
"Thisenah chuan kan inzawm lo; mahse, kan unau a ni a, kan chhûngkaw mi dik tak a ni bawk."
"Ka hre chiang châk."
Kan zin kawngah Bawihtei motor rùi lutukin din a rawt a, kan chàwl a. Kawnga kan chawlh lai chuan kan thlang kawng sîrah bâwmah kan hmu a, a lo țap ngâk ngâk a. Mak kan ti kher mai, a tìrah chuan kan la ngam lawk lo va; mahse, ka pain ' tu emawin thi tùrin a kalsan a niang, Pathianin a thih phal lovin keini min hmuhtîr a nih hi ' a ti a, kan hàwn ta a, kan unaunu dik tak a lo ni ta a ni.
Chanchin ka hrilh hnu chuan," A lo nih chu, in pianpui dik tak a nih loh ka ring rêng a. Inanna in nei lo va, chubâkah, a nungchang tê hi a dangdai a, a lawmawm reuh tlat a," a ti leh sep sep a.
"A rilru hi a thianghlim reuh a, mi pângngai rilru pha lo deuh hlek mah se, kan en dang ngai lo. Kan chhûngkaw duat rawn a nia, kan rohlu a ni bawk."
Ka uin min rawn phone a.
"Hlimhlimi a dam țha zêl em?"
"Aw, hei a zia e. I va fel ve!"
"Ka fel lo ngai em ni? Hei kan pain rawn in-checkup pahin rawn zin thla ula a ti a."
"A inhuam pawhin ka ring lo. Zia ve deuh mah se, boruak dang han dawnpui chu a țha dáwn em ni? A infit viau bawk si lo."
"Nia, infit vat vat se, lo chhuk rawh u. A țhianpain rawngbawlna a rawn nei dáwn a, lo chhim ve ula ka ti lutuk a."
"A țha viau mai; mahse, khata rawn kal tùr ém chuan a chak tâwk lo a ni. Motor chuan a huphurh thei bawk si a."
"Pathianin a hmang nasa sia, tihdam rawngbàwlna hmangin Pathianin ram a la nasa asin. Hlimhlimi kha ka duhsak ém a."
"A nih chu."
Tihdam rawngbàwlna hi ka ring ve ngai lo hrim hrim. Natna nei pawh ni ila ka dam ka inring chhin ngai lo bawk. Miin damna an chang chu la hmu ve fo, mak ka ti ve țhìn; mahse, ka tân chuan awih lohna thlarauin min chènchilh rih a ni ber.
Hlimhlimi hi a chak tâwk dáwn lo, kan kal chhuak thei lul lo ang. Damna nei se chu ka duh lutuk; mahse, beiseina beidawnthlâk siamsak ka duh lo, ka bulah hian awm se, enkawl ila, a thâwk tàwp thlengin awmpuiin enkawl ila ka duh.
*I TUM HRE CHIANG LA, CHUMI THLENG THEI TÙR CHUAN TU MAH INDÀLTÎR NGAI SUH*
"Ka kalsan hunah che chuan..." a țawng lai mêk chuan," I tel lova hun hman ka duh lo. Khawngaihin, min kalsan tum zâwngin thu sawi tawh suh aw. I dam leh ang a, fa tam tak kan la nei dáwn alawm," ka lo ti a, a hriatah ka sawi a, ka hnèm ve mai a ni. Ka rilru chhûng erawh chu a rûm vawng vawng a, a țap tlawk tlawk a ni ber.
"Julian...?"
"Fa duhawm tak tak neiin nu leh pa tak tak kan ni ang a, an mamawh pe thei tùrin hna kan thawk bawk ang a."
"Ka tihpalh a ni."
"Tihsual i nei hlei nem. I beidawng rih mai mai a nih kha, i dam leh dáwn a ni."
Kei tak hi a nia beidawng ni. Ka duhthusàmah chuan dam țha leh var se, fa pai se, nupa hlim tak kan ni ngei ang. Kan fate chu ka duat dáwn si a, a nu an chhùn ang a, an fel dáwn bawk si.
"Ka chunga thil thlengah hian Pathian ka dem lo; mahse, nangmàn i lo tuar tel ve hi hrehawm ka ti ém a ni. Nupui țha tak neih i phû asin."
"Nang tluka nupui țha an awm lo, ka duh ber i ni bawk."
"Ka lâwm e; mahse, kei chu heti mai hi ka ni ta si a, min kalsan la, min țhen la..."
"Eng tikah mah ka țhen dáwn lo che, ka nupui i ni alawm. Ka kalsan dáwn lo che a, min kalsan pawh tum miah suh, ka phal dáwn chuang lo."
A mittui a tla zawih zawih a, kei pawh ka insûm thei bîk chuang lo. A tawrh hi nâ ka tihpui a, hrehawm ka tihpui ém ém. Ka hmangaih ém ém ka nupui a ni si a, a natna vàng hian a rilru a beidawng țan tawh a, a hma kha chuan a tilang ngai lo, tunah erawh zawng, a beidawng ve tak zet tawh a ni. Kei hian ka beidawnna hi a bulah ka tihlan a thiang miah lo, ka beidawng ve a ni tih a hriat hlauh chuan a down vek ang.
Dàwrah ka kal ta lo. Bawihtei pawh zir zawm tum a ni nain ka dàwr ka enkawl theih tâk rih lohah chuan a enkawl a ngai lo thei si lo, ka khawngaih reuh viau a, tihngaihna a awm bawk si lo.
Damdawi in leh kan in hi kan kàr tawn deuh reng a, Dr. Dika hi kan pan chawt țhìn. Ani hian a chîk peihin a thiam bawk a, harsatna neia kan kal pawhin zia hawkin kan haw țhìn.
Lawmkimi leh Ațana pawhin an hman châng apiangin min rawn tlawh a, min ngaihven reng țhìn. Țhian țha nih an tlin ngawih ngawih ka ti, kei hi an nupui pasalte țawng thu chhe lovah, hetiang natna nei hian lo awm ta se, an rawn kal zin ang hian ka kal zing ve thei ang em aw ka ti țhìn, ka tluk lo dùn ngawt ang.
Lawmkimi phei chuan min țanpui nasa. Lawmthu sawi ngaihna pawh ka hre lo zâwk, a hausa viau a, Hlimhlimi tân pawisa a ui ngai lo. Ei tùr țha țha, damdawi țha, engkim mai hi a lo leisak ziah, a zahthlâk mah mah zâwk. Pathian ka dem viau țhinna pawh hi anni pahnih kan chunga an țhat ém vàng leh an rawn tlawh peiha an rawn kawm hlim țhin avàng hian a nêp leh sawt țhìn.
"Au Hlimhlim, nizàn ka mumangah naute i lo nei a, hmeichhe naupang sam kir chiat a lo nia, ka naute lem atân ka lo dîl che a."
Nui lui sak hian," A ni maw? Ka lo pe che em?" a ti sap a, keiin a kutah ka chelh ràn a.
"Aih, naute chuan min duh lo va, pawm ka tum pawhin a pan tlat zel che a. I dam dáwn tawh a niang tiraw?"
"Nono, Au Hlimhlimi chu a dam vat dáwn alawm, a dam veleh naute a nei ang, i paw țhìn ang a tiraw? Hmeichhia nge i duh ang mipa le?" tiin ka lo inrawlh vat a.
"Nizàn ka mumanga mi kha hmeichhia a nia, ka duh reuh bawk sia, hmeichhia ka duh ang, ka mumanga mi ang chiah kha."
Kan nui a, hetia nuihpuia titipuitu hi a mamawh a ni. Kan pahnih hi chuan kan inhnèm zo lo leh țhìn si a, a rilru beidawng hmel hmuh hi hrehawm ka ti a, titipui țhìn mah ila a tàwpah chuan a natnaah bawk hian kan lût leh zêl a, chu chu hrehawm ka ti a ni.
X-mas a rawn inher chhuak a, kan hun hman dàn erawh a dang chuang lo. Inah ka awmpui a, mi dang erawh Biak in lamah an inkhâwm a, kal loh an tum pawhin inkhâwm tùrin kan tilui a, phûr lo tak chuan an chhuak hlawm a.
Chhùnah ka bual a, bual ti mai ila puan thianghlim ka tihuh a, a taksa ka hru chhuak a ni ber. A taksa chêr tak hmuh chuan insùm a har ka ti, ka khawngaih lutuk. Ka thauna, ka chakna leh ka tisa lenna hi pe țhen thei ila, a tisa chu a dâng del a, a chêr viau bawk si.
"Ka chêr tawh tiraw?"
"Um."
"Ka chhe ngawt ang tiraw?"
"Eng tik lai mahin i chhe ngai lo. Ka hmangaih che a, i chèr tâk viau hnu pawh hian ka hmangaih ém ém tho che, ka hmangaih zual deuh deuh che a ni."
Ni sa hnuaiah veranda-ah chuan ka țhut chhuahpui a, inkhâwm bâng lo haw zauh zauhte chu kan lo thlîr a.
"Nikum kha a ngaihawm tiraw?"
"Hetia i bula ka awm thei hi nuam ka ti, ka inchhîr hauh lo."
Ka kut chu a khàl neuh neuh a, min en lovin kan thlang lama inkhâwm bângho chu a en a, a khap sak sak a.
"Ka lo thî a nih chuan nupui nei vat rawh aw."
"I thi dáwn lo!"
"Julian?"
"Chutiang chu sawi lo ang."
"Khawngaihin, Julian, thil engkim hi sawi fel a hun tawh a ni, min lo tibuai lo hrâm la aw?"
Ka ngawi ta rân a.
"Ka thih hunah chuan min lo sûn viau lo tùrin ka duh che a ni."
Ni lo, thihna chungchâng lam sawi hi chu ka duh lo asin. A natna tuar pawh hrehawm tih tawh laia thihna avànga min kalsan chungchâng a sawi ngaihthlâk chu nuam lo tak a ni.
"U Lawmi hian a duhin a hmangaih che tih ka hria a, ani hian a enkawl thei viau ang che. A fel a, in inhre chiang tawh bawk a, harsatna in nei miah lo ang."
"Mahse, ka hmangaih che a, nang angin tumah ka hmangaih thei lo ang."
"Chu chu i tum dáwn nia. Mal taka i awm hi ka hlauh ber a ni. Mal takin awm lo la, ka thlarauin ka rawn uap reng ang che."
"Min kalsan thei lo ang."
A biangah a mittui chu a luang thla zãih a, ka kutah a rawn lum pap mai.
"Ka kalsan ngai lo ang che; amaherawhchu, ka taksain he natna tawrh hi a tlin loh hunah erawh chuan ka taksa chuan a kalsan ngei dáwn che a, ka hmangaihna erawh chuan a kalsan ngai lo ang che, kalsan che ka phal hlei nem."
"Min kalsan...ka phal ngai lo ang."
Kan ngawi a, kan rilrua awm erawh chu a inhlat lo khawp ang. Kan lung a chhe ve ve a, kan sawi rei chuan kan țap mai ang.
Zàn lamah a awm dàn a dik loh avàngin damdawi in kan panpui a, ka rilru a hah kher mai. Hlauhthàwnna leh mangannain ka khat a, rilru mumal pawh ka pu hlei thei lo, ka buai nuai mai.
Damdawi inah chuan kan awm rei deuh hlek. Ka țhiante leh chhûng leh khat, lainate'n min rawn kan nasa a, min rawn tihhlim an tum khawp mai. Ka kalsan ngai lo va, inthiar hun chhûng ang tak tak bâk ka kalsan ngam lo. Ka kal sawn hlànin min lo kalsan mai ang tih ka hlau a, a bula ka awm pawhin a kuta ka chelh reng loh chuan ka ngaih a țha lo.
A rawn changkâng chho ve leh deuh a, țawng pawh a rawn țawng peih ve leh ta. Chu chauh pawh chuan min tihlim hle. Kan hlimna chu a va tê tham tawh tak ém!
"I mit a na elo?"
Amah ka ngaihtuah ém avàngin zànah ka mu ngai lo va, ka mit pawh a sen râm reng mai.
"Na deuh a nih hi," tiin ka chhâng ringawt.
"Damdawi hnawih ta che, ka lo hnawihsak dáwn che em niang?"
Ka nuih sak a, damlo zâwk a ni chung chung pawhin min la ngaihsakin damdawi hnawihsak min la tum a nia le.
"Ka hnawih thei alawm, nang chu ka duat che a, ka àwl rih mai ang che."
A nui ve sek a.
Ka ute nupa pawhin Hlimhlimi chu an rawn ngaihven reng a, min rawn phone âwl lo. An țawngțaipui reng tih min rawn hrilh a, kohhran hnênah pawh tawngțaipuiah Hlimhlimi chu an thawh reng tih an rawn sawi bawk.
Kan kohhranah pawh an țawngțaipui reng a, chuvàng pawh chu a ni maithei, a nunna hi lâksaka a la awm loh ni.
Thla khat kan awm tling a, a changkàn deuh avàngin kan chhuak leh rih a. In chhûngah zàwi tê têin a kal ve thei a, a hmel a tla kiam tawh a, a chêr reuh nèn, a khawngaihthlâk tak zet.
"Au Hlimhlim, pitarte i ang reuh tawp."
Nonoi țhìn hi chu aw...
"Ka upa tawh lutuk a, Tàtea te, Au Bawihteite hi ka fate vek an nia."
Nonoi chu a nui hak hak a.
"Au Bawihtei chu Ânu fa a ni emaw ka ti a."
Hlimhlimi chu a nui a, mi dang pawh kan nui vek a, a châng chuan Nonoi hi a lawmawm thei viau. Tunah pawh Hlimhlimi a tinui a nia, a tân chu thil țha tak a ni.
Zanah mutnaah chuan," Nonoi hi a lawmawm tiraw? A nungchang hi ka làwm e," a ti sap sap a.
"Um, kan chhûngkaw tihlimtu a nia, Pathianin kan chhûngkaw tâna min pêk liau liau a ni."
"Thisenah in inzawm lo tiraw?"
Engtin nge a hriat le?! Engmah kan sawi chhuak ngai si lo va.
"Thisenah chuan kan inzawm lo; mahse, kan unau a ni a, kan chhûngkaw mi dik tak a ni bawk."
"Ka hre chiang châk."
Kan zin kawngah Bawihtei motor rùi lutukin din a rawt a, kan chàwl a. Kawnga kan chawlh lai chuan kan thlang kawng sîrah bâwmah kan hmu a, a lo țap ngâk ngâk a. Mak kan ti kher mai, a tìrah chuan kan la ngam lawk lo va; mahse, ka pain ' tu emawin thi tùrin a kalsan a niang, Pathianin a thih phal lovin keini min hmuhtîr a nih hi ' a ti a, kan hàwn ta a, kan unaunu dik tak a lo ni ta a ni.
Chanchin ka hrilh hnu chuan," A lo nih chu, in pianpui dik tak a nih loh ka ring rêng a. Inanna in nei lo va, chubâkah, a nungchang tê hi a dangdai a, a lawmawm reuh tlat a," a ti leh sep sep a.
"A rilru hi a thianghlim reuh a, mi pângngai rilru pha lo deuh hlek mah se, kan en dang ngai lo. Kan chhûngkaw duat rawn a nia, kan rohlu a ni bawk."
Ka uin min rawn phone a.
"Hlimhlimi a dam țha zêl em?"
"Aw, hei a zia e. I va fel ve!"
"Ka fel lo ngai em ni? Hei kan pain rawn in-checkup pahin rawn zin thla ula a ti a."
"A inhuam pawhin ka ring lo. Zia ve deuh mah se, boruak dang han dawnpui chu a țha dáwn em ni? A infit viau bawk si lo."
"Nia, infit vat vat se, lo chhuk rawh u. A țhianpain rawngbawlna a rawn nei dáwn a, lo chhim ve ula ka ti lutuk a."
"A țha viau mai; mahse, khata rawn kal tùr ém chuan a chak tâwk lo a ni. Motor chuan a huphurh thei bawk si a."
"Pathianin a hmang nasa sia, tihdam rawngbàwlna hmangin Pathianin ram a la nasa asin. Hlimhlimi kha ka duhsak ém a."
"A nih chu."
Tihdam rawngbàwlna hi ka ring ve ngai lo hrim hrim. Natna nei pawh ni ila ka dam ka inring chhin ngai lo bawk. Miin damna an chang chu la hmu ve fo, mak ka ti ve țhìn; mahse, ka tân chuan awih lohna thlarauin min chènchilh rih a ni ber.
Hlimhlimi hi a chak tâwk dáwn lo, kan kal chhuak thei lul lo ang. Damna nei se chu ka duh lutuk; mahse, beiseina beidawnthlâk siamsak ka duh lo, ka bulah hian awm se, enkawl ila, a thâwk tàwp thlengin awmpuiin enkawl ila ka duh.
*I TUM HRE CHIANG LA, CHUMI THLENG THEI TÙR CHUAN TU MAH INDÀLTÎR NGAI SUH*
Comments
Post a Comment