☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆MAGDALENE☆ - 28 By Dingdi Pachuau
Ka beidawn ém ém chhan chu Hlimhlimi kan entîr khân doctor khân beiseina a neih tlèm ém vàng a ni. Thil awmze awm lo tùrah pawisa sêng lo tùrin min ti a, doctor thiam a ni a, keini aiin thil a hre daih zâwk ang chu.
Chuvàngin, ka tih theih tâwk duat taka amah enkawl hi ka ning lo va, hun a neih rei lo tê chhûng hi chu a hlim thei ang bera hmanpui ka duh. Ei tùr tui tui te hi ei tàwn táwn thei se, a taksa chak se, a duhna apianga hruai zel mai te hi ka duh asin. Kan pahniha hun rei lo tê kan neih hi a tel lova hman ka duh lo va, mi dang bula a hman ka phal hek lo.
Inkhâwm a theih tawh loh vàng hian inah TV-a Pathian thu sawi hi ka enpui țhìn a, ani phei chuan a en peih lo, a ngaihthla mai zel. Ka ngaihthlâkpui a, ka ngaithla a ni mai, ka bengrawngah ka thun ngai lo.
Nonoite inkhâwm an rawn haw a, Nonoi chuan," Au Hlimhlim, vawiinah Biak inah kan țawngțaipui che a, kan hotunui'n 'a dam ngei ngei ang' a ti che a, i lâwm em? Kei pawhin kan hotunu sawi chu ka ring hmiah asin," a ti reuh a.
Nui sakin," Nono, i va fel tak ém! Ka dam hunah chuan ka paw lâwp lâwp ang che. I fel ber mai tiraw?" a ti sap sap a.
"Ih maw, i dam hunah chuan naute pai rawh aw, naute ka pawm châk ve tawh a. Ânu min leisak naute hi chu chaw a ei thei si lo va, ka lawmin a nui duh bawk si lo va, naute tak tak ka awt a."
"Nono, eng zât nge naute chu i duh ang?"
"Ih maw, ka țhiannu Siami chuan pahnih a nei a, kei chuan panga ka duh. Làm ka zirtîr ang a, inbual dàn te, lehkha te, chhuat nawh dàn te leh thawmhnaw dah fel dàn te zirtîr ka duh a."
"Au Hlimhlimi chuan naute panga a neih chuan a chàu ang tih a va hlauhawm àwm ve aw!"
"A nih leh pali tal ni se... Chuan, hmeichhia sam kir chiat ka mumanga ka hmuh ang kha Heidi tiin a hming ka phuah a nia, naute a neih veleh Heidi a ni nghal ang."
"Mipa lo ni thut ta se, Heidi chu hmeichhe hming a ni bawk sia?"
"Mipa a nih chuan Dennis a ni mai. Kan sir Dennis-a pawh a fel lutuk."
Thil thleng lo tùr ni mah se, Nonoi thil sawi chuan rilruah làwmna leh hlimna a siam ve tlat. Ani hi chu a țawng duh siam siam a, mi pawi a sawi ngai lo nèn, chhûngkaw rangkachak a ni ka ti lo thei lo.
Dr. Dika a lo lêng tlat mai!!!
"Lo lêng rawh khai, a va mak ve, i rawn lêng chu."
"Nia, hei hotunu hi eng nge a an zêl ka rawn hre duh a, in țhenawm lawkah sâwn ka rawn kal remchâng pah bawk nèn."
"A nih chu, lo țhu rawh, hei a zia lutuk. TV-ah inkhâwm ka enpui a, làm a tum zêl a, ka lo chelh nasa maw le."
Kan nui hak hak a, Dr. Dika bula awm hi chu a nuamin a hahdamthlâk a, rilru pawh a zângkhai bîk.
Bawihtei'n in tùr min rawn siam a, a che vêl chu a'n lài khawp a, a rûkin ka lo nui char char. Nonoi kan bula a awm lo erawh a vannei ka ti khawp mai.
A haw dáwn hnaihah erawh chuan kan bulah a rawn awm a, a en vang vang a.
"Au Hlimhlimi hi a dam leh dáwn asin, doctor. Kan țawngțaipui a, hotunuin keia sawi vek, pawhin a dam leh dawn tih ka hria."
"Dam leh chiang ang, naupang fel tak i nih hi tiraw?"
"A dam hunah min paw dáwn a, chuan, naute pawh a nei țeuh dáwn a."
Kan nui leh dar dar phawt a, Dr. Dika pawh chuan Nonoi chu lawm hmel deuh hian a en a, a nui sâng reng a, a titi chuan a nuih a tiza ve viau a ni ngei ang.
" Doctor, Au Bawihtei hi nupuiah nei rawh aw. A pasal atân doctor ka dìlsak țhìn a, doctor fel tak Au Hlimhlimi enkawltu i ni bawk sia, Au Bawihtei pawh a fel, in hmêlțha dùn dáwn si a," a ti charh charh a. Ka lo nui hawk a, Hlimhlimi pawh a lo țhen ve sak a.
Dr. Dika pawh a nuih a za a niang, a nui hak hak a.
"Nono, lo kal teh, hei ei tùr i duh deuh ang chi kha ka siam a nia, a tui dáwn lutuk," Bawihtei chuan choka lam ațang chuan a lo ti chûl a
"Au Bawihtei felzia chu i hre thei em, Doctor?"
"Aw, nang pawh i fel hle mai, Au Bawihtei aia i fel zâwk ka ring tlat."
"Au Bawihtei pasal ka zawnpui a, ka ţawngțaipui ziah bawk a. I țha berin ka hria, naute pawh tam deuh in nei ve dáwn nia."
Zanriah ei laiin Nonoi chuan vawiin chungchâng a rawn sawi chhuak leh a.
"Âpa, Au Bawihtei pasal tùr vawiinah a lo kal a, doctor Au Hlimhlimi enkawl țhintu kha a nia, ani pawh a hlim ve lutuk asin."
"Ka nono, nang chu a nuam lo thei e."
Kan inen kual a, kan nui tat tat a.
"Dr. Dika kha maw? E, a țha dáwn e. Kan damloh pawhin min enkawltu tùr doctor kan nei tawh dáwn sia, Nonoi hi chu aw... i fel e, i thlang thiam lutuk," ka pa chuan a lo ti a.
Zànah kan buai ta tlat mai! A chàu thut a, a thaw kâwk kâwk a, a biak theih loh, nikhaw hre lovin a awm a, ka pate ka ko nghal tuar tuar a.
Kan awm dàn mumal takin ka hre lo, ka hlauthâwng lutuk tih ka hria a, a thi tùrah ka ngai hmiah! Ka bîng chûk chûk a, ka awm ve tawp a ni ber.
ICU-ah an dah lût nghal, Bawihtei'n min kuah a, a mittui a tla zawih zawih reng. Chuti chung chuan min hnem a tum a, kan inhnèm lo tawn khawp mai. Muansanga pawh a rawn lang nghal a, Lawmkimi leh Âțana pawh.
Ka rilru a â tlat a, damdawi in chhûngah chuan ka rilru a ipik lutuk, a hrehawm lutuk a, ka rilru tâwt, hlauthâwng leh Hlimhlimi ngaihtuah bawk si avàng chuan ka thâwk a dik thei lo va, ka buai dáwn tlat.
"Pâwnah ka chhuah lawk a ngai."
Bawihtei chuan min thlah duh lo va, a kut chu ka vai thla pawp. Ka thi mai dáwn, ka chhuah ngei ngei a ngai.
Ka kal mawp mawp a, ka awmna lai chu ka hre lo. Hre tùrin ka ngaihtuah hek lo, ka mitthlaah chuan Hlimhlimi thaw kâwk kâwk chu ka hmu a, ka thaw ve kâwk kâwk a, tlêmin thâwk a nuam ta deuh zêl.
'Ka chunga thil thlengah hian Pathian ka dem lo.'
"Ka dem che, ka dem ngawih ngawih che. Engtin nge hetiang hi a chungah i thlentîr theih? I siamte hi min hmangaih a ni lo'm ni? Kei chuan min hmangaih ka ti thei lo. Kan hmangaihte rêng rêng an nat kan phal ngai lo."
"Ka hmangaih hi min lâksak suh. Thil dang ka duh lo, ka hmangaih natna hi la bo rawh, chu chiah chu ka ngèn che, hlim taka awm kan duh asin. Thil tisualtu i hrem dáwn a nih chuan keimah hi min hrem rawh, ani chuan tihsual a nei lo."
"Hei chiah hi ka duh, a natna hi lâk bosak rawh, ka ngèn ngawih ngawih che. Thil engkim tithei i nih kha."
Ka țawng mawlh mawlh a, ka phun mawlh mawlh. Pathian ka dem a, Hlimhlimi damna ka dîl tho bawk. He khawvêlah hian ka hmangaih damna tluka duh ka nei si lo a ni.
"Tidam rawh, tidam hrâm rawh. A damna tùrin i hnênah kan thlen țhìn; min lâksak tum tlat lo la, ka mamawh alawm, ka mamawh ém asin. I tân chuan tih theih loh a awm loh kha, Lalpa. Hei chauh hi ka dîl che a ni, ka hmangaih hi tidam rawh."
Eng chena rei nge ka awm ka hre lo. Ka hminga min ko ri ka hriat chuan ka harh deuh hlek a.
"Julian?"
Âțana aw a ni, eng nge a lo tih le? Ka mumang a ni em? Ka buai nuai mai a, tunah hian khawnge ka awm? Ka mumangah maw? Chuti ka muhìl tihna em ni?
"Julian, kal tawh ila?"
"Khawnge ka awm?"
"Boruak thianghlim i dawng lawk a nih kha."
Ka mumang a nih chiah chu. Mangchhia, tàwp tawh teh. Mang chhe lutuk neih chu a va hahthlâk teh lul ém!
"Ka mumangah Hlimhlimi ICU-ah a lo awm a."
"Hey, mate, i harh chiang tawh em?" Ka kokiah a kut a rawn nghat a, min rawn bêng thap thap a.
"Khawnge ka awm? Eng nge i rawn tih a?"
"Ka rawn zui che a."
"Khawnge ka kal a?"
"Mate, i rilru ipik tùrzia hi ka hriat thiampui lo che, a chhan chu ka la tuar ve tlat lo a ni; mahse, mihring kan nih chhûng chuan natna, kan tawrh atân kan duh miah lohte pawh hi kan tuar fo țhìn. Kan duh vàng a ni lo, mihring kan nih chhûng chuan kan tawrh ngei a ngai si a, chhel taka awm tùrin ka duh che a ni."
Damdawi ina kan lêt lamah chuan ka harh chhuak deuh ta hawk. Âțana chuan ICU-a Hlimhlimi awm thu chu min hrilh a, ka mumang chu a lo ni miah lo, a tak vek a lo ni. A chhûnga kan luh chuan mangan hmêl deuhin ka chhûngte leh țhiante chuan min lo en țhap a, min lo ngaihven pah reng a lo ni ngei ang.
"Eng nge chanchin?"
"A ngai, oxygen an pe mêk."
Pathian hi ka dem, ka dem ngawih ngawih. A hnênah Hlimhlimi damna ka dîl, min chhâng lo a nih hi. Hei, oxygen pêk ngaiin a la awm reng a nia.
Hlimhlimi hmuh min phalsak chuan ni hnih lai a liam tawh. Keimah chauhin ka lût a, a hmel ka hmuh chuan ka insûm thei lo, ka mittui a tla nghal zawih zawih. Hetianga hmuh hi ka duh ngai lo ang, ngaihtuah pawh ka ngaihtuah chhin hek lo.
"Hey, baby, min hria em? Lo harh tawh la?"
A meng lo va, min chhâng hek lo.
"Lo harh tawh teh, min kalsan lul suh aw, i tel lo chuan ka awm thei lo ang."
Ka kun tlawk tlawk a, a kut chêr zet chu ka vuan a, nunna nei kut pawh a ang lo, a vâwt thler mai a, ka lung a âwi thei thlâwt lo.
"Min kalsan suh, i bula awm reng ka la duh asin, Hlimhlim, min kalsan miah suh aw, ka ngèn che a ni, khawngaihin."
"Ka nunna ai pawhin ka hmangaih che, Hlimhlim. Țang hrâm hrâm la, ka mamawhzia che hria hian bei fan fan teh, Pathianin a mamawh aia nasain kei hian ka mamawh che a ni."
Ka phun mawlh mawlh a, ka mittui a tla reng bawk a. Min kalsan ang tih ka hlau ngawih ngawih, a tel lova he ka nun ruak ém ém tùr hi ka ngaituah ngam lo va, hma lam pên zêl tùr phei chuan ka thei lo ang. Min kalsan a nih chuan kei pawh ka nun hi tihtàwpin awm ve nghal mai se.
"Min kalsan chuan ka nung zo lo ang, ka nun hi a tàwp ve nghal mai ang. Ka bula awm hi a ninawm viau em ni? Mawh, min chhâng teh, kei chu i bula awm hi ka la ning chhin miah lo, enkawl che pawh hi hrehawm ka ti lo."
"Hlimhlim, Magdalene, harh teh, khawngaihin, harh hrâm teh, mawh khawngaihin?"
Ka muhìl ngai lo va, mut ka duh hek lo. Ka muhìl hlauh a nih chuan Hlimhlimi chuan min kalsan ang tih ka hlau, ka mu ngam lo a ni zâwk. Ei tùr lah ka ei thei lo. Ka lu a rit lûk a, ka mit a nain a thîp viau bawk. Ka lang bawrchhawr viau ang chu.
Nilaithawhțanah ICU ațangin an la chhuak a, cabin-ah kan awm. Rilrua hlauhthàwn lutukna kha tlêmin a kiang a; mahse, ka kalsan chuang lo. Ka nuin awka dam diaiin hahchàwl tùrin min ti a, a dik maithei. Ka meng țha hlei thei lo, ka rilru pawh a buai nuai tawh mai.
Hlimhlimi chuan hlim hmel takin min lo nuih sen sen a, hetianga a hlim nui hmel hi ka hmu khât tawh asin, ka thlahlel ngawih ngawih.
"I țawngțaina kha Pathianin a hre reng a, a hnêna awm tawh tùr ka nih laiin min rawn tîr lêt leh a ni."
"Ka țawngțai lo, i natna vàngin ka dem zâwk alawm."
A kutin ka hmai chu a rawn chûl dan dan a.
"Min enkawl tawhna zawng zawngah ka lâwm e. Pathian hnênah i hnêna lêt ka duh thu ka hrilh asin, i mittui tla kha ka hmu reng che a, kei pawh ka țap hial asin."
"Min kalsan tum tawh suh aw."
"Kalsan che hi ka duh hlei nem." Ka nuih sak a, ani pawh a nui sen sen. A nui hmel hi ka hmu ning lo, tunah chuan tihluihna hmanga nui lui kha a ni tawh lo. A hlim hmel sar a, a mitmengah pawh hlimna ka hmu, nâ a nei tawh lo a ni ngei ang.
"Nâ i nei tawh lo a ni maw?"
"Ka dam tawh alawm."
Khumah kan mu dùn a, Nonoi a lo lût a.
"Ânu, Tàtea hi Àuin a rawn phone a," a rawn ti lang lang a.
"Ka nono, bengchheng rih lo la, Tàtea chu a muhìl rih a, a lo harh hunah kan biaktîr dáwn nia aw."
Ka nu pawh kan bulah a lo awm ve reng a nih hi.
Kan harh a, Hlimhlimi nèn pawh kan inbe reng sia, engati nge muhìl min tih tlat le?
"Nu, ka harh reng tawh alawm."
Min chhâng lo, ka bia tih pawh a hre lo a niang.
Room-ah chuan țawng ri ka hre leh zauh zauh a, eng nge an sawi phei chu ka hre lo.
"Hlimhlim, engati nge ka țawng hi ka nu hian a hriat theih loh le?"
Nui sen sen chung hian," I țawng hlei nem, țawng angin i inhria a nih kha, i muhìl daih alawm," a lo ti mai a, ka hre thiam lo khawp mai.
*PATHIANIN TIH THEIH LOH A NEI LO, KAN ȚAWNGȚAINA HI KAN DUH ZÂWNG NI LOVA A DUH ZÂWNGA MIN CHHÀN ȚHIN AVÀNGIN MIN CHHÂNG LO EMAW KAN TI ȚHÌN A LO NI*
Ka beidawn ém ém chhan chu Hlimhlimi kan entîr khân doctor khân beiseina a neih tlèm ém vàng a ni. Thil awmze awm lo tùrah pawisa sêng lo tùrin min ti a, doctor thiam a ni a, keini aiin thil a hre daih zâwk ang chu.
Chuvàngin, ka tih theih tâwk duat taka amah enkawl hi ka ning lo va, hun a neih rei lo tê chhûng hi chu a hlim thei ang bera hmanpui ka duh. Ei tùr tui tui te hi ei tàwn táwn thei se, a taksa chak se, a duhna apianga hruai zel mai te hi ka duh asin. Kan pahniha hun rei lo tê kan neih hi a tel lova hman ka duh lo va, mi dang bula a hman ka phal hek lo.
Inkhâwm a theih tawh loh vàng hian inah TV-a Pathian thu sawi hi ka enpui țhìn a, ani phei chuan a en peih lo, a ngaihthla mai zel. Ka ngaihthlâkpui a, ka ngaithla a ni mai, ka bengrawngah ka thun ngai lo.
Nonoite inkhâwm an rawn haw a, Nonoi chuan," Au Hlimhlim, vawiinah Biak inah kan țawngțaipui che a, kan hotunui'n 'a dam ngei ngei ang' a ti che a, i lâwm em? Kei pawhin kan hotunu sawi chu ka ring hmiah asin," a ti reuh a.
Nui sakin," Nono, i va fel tak ém! Ka dam hunah chuan ka paw lâwp lâwp ang che. I fel ber mai tiraw?" a ti sap sap a.
"Ih maw, i dam hunah chuan naute pai rawh aw, naute ka pawm châk ve tawh a. Ânu min leisak naute hi chu chaw a ei thei si lo va, ka lawmin a nui duh bawk si lo va, naute tak tak ka awt a."
"Nono, eng zât nge naute chu i duh ang?"
"Ih maw, ka țhiannu Siami chuan pahnih a nei a, kei chuan panga ka duh. Làm ka zirtîr ang a, inbual dàn te, lehkha te, chhuat nawh dàn te leh thawmhnaw dah fel dàn te zirtîr ka duh a."
"Au Hlimhlimi chuan naute panga a neih chuan a chàu ang tih a va hlauhawm àwm ve aw!"
"A nih leh pali tal ni se... Chuan, hmeichhia sam kir chiat ka mumanga ka hmuh ang kha Heidi tiin a hming ka phuah a nia, naute a neih veleh Heidi a ni nghal ang."
"Mipa lo ni thut ta se, Heidi chu hmeichhe hming a ni bawk sia?"
"Mipa a nih chuan Dennis a ni mai. Kan sir Dennis-a pawh a fel lutuk."
Thil thleng lo tùr ni mah se, Nonoi thil sawi chuan rilruah làwmna leh hlimna a siam ve tlat. Ani hi chu a țawng duh siam siam a, mi pawi a sawi ngai lo nèn, chhûngkaw rangkachak a ni ka ti lo thei lo.
Dr. Dika a lo lêng tlat mai!!!
"Lo lêng rawh khai, a va mak ve, i rawn lêng chu."
"Nia, hei hotunu hi eng nge a an zêl ka rawn hre duh a, in țhenawm lawkah sâwn ka rawn kal remchâng pah bawk nèn."
"A nih chu, lo țhu rawh, hei a zia lutuk. TV-ah inkhâwm ka enpui a, làm a tum zêl a, ka lo chelh nasa maw le."
Kan nui hak hak a, Dr. Dika bula awm hi chu a nuamin a hahdamthlâk a, rilru pawh a zângkhai bîk.
Bawihtei'n in tùr min rawn siam a, a che vêl chu a'n lài khawp a, a rûkin ka lo nui char char. Nonoi kan bula a awm lo erawh a vannei ka ti khawp mai.
A haw dáwn hnaihah erawh chuan kan bulah a rawn awm a, a en vang vang a.
"Au Hlimhlimi hi a dam leh dáwn asin, doctor. Kan țawngțaipui a, hotunuin keia sawi vek, pawhin a dam leh dawn tih ka hria."
"Dam leh chiang ang, naupang fel tak i nih hi tiraw?"
"A dam hunah min paw dáwn a, chuan, naute pawh a nei țeuh dáwn a."
Kan nui leh dar dar phawt a, Dr. Dika pawh chuan Nonoi chu lawm hmel deuh hian a en a, a nui sâng reng a, a titi chuan a nuih a tiza ve viau a ni ngei ang.
" Doctor, Au Bawihtei hi nupuiah nei rawh aw. A pasal atân doctor ka dìlsak țhìn a, doctor fel tak Au Hlimhlimi enkawltu i ni bawk sia, Au Bawihtei pawh a fel, in hmêlțha dùn dáwn si a," a ti charh charh a. Ka lo nui hawk a, Hlimhlimi pawh a lo țhen ve sak a.
Dr. Dika pawh a nuih a za a niang, a nui hak hak a.
"Nono, lo kal teh, hei ei tùr i duh deuh ang chi kha ka siam a nia, a tui dáwn lutuk," Bawihtei chuan choka lam ațang chuan a lo ti chûl a
"Au Bawihtei felzia chu i hre thei em, Doctor?"
"Aw, nang pawh i fel hle mai, Au Bawihtei aia i fel zâwk ka ring tlat."
"Au Bawihtei pasal ka zawnpui a, ka ţawngțaipui ziah bawk a. I țha berin ka hria, naute pawh tam deuh in nei ve dáwn nia."
Zanriah ei laiin Nonoi chuan vawiin chungchâng a rawn sawi chhuak leh a.
"Âpa, Au Bawihtei pasal tùr vawiinah a lo kal a, doctor Au Hlimhlimi enkawl țhintu kha a nia, ani pawh a hlim ve lutuk asin."
"Ka nono, nang chu a nuam lo thei e."
Kan inen kual a, kan nui tat tat a.
"Dr. Dika kha maw? E, a țha dáwn e. Kan damloh pawhin min enkawltu tùr doctor kan nei tawh dáwn sia, Nonoi hi chu aw... i fel e, i thlang thiam lutuk," ka pa chuan a lo ti a.
Zànah kan buai ta tlat mai! A chàu thut a, a thaw kâwk kâwk a, a biak theih loh, nikhaw hre lovin a awm a, ka pate ka ko nghal tuar tuar a.
Kan awm dàn mumal takin ka hre lo, ka hlauthâwng lutuk tih ka hria a, a thi tùrah ka ngai hmiah! Ka bîng chûk chûk a, ka awm ve tawp a ni ber.
ICU-ah an dah lût nghal, Bawihtei'n min kuah a, a mittui a tla zawih zawih reng. Chuti chung chuan min hnem a tum a, kan inhnèm lo tawn khawp mai. Muansanga pawh a rawn lang nghal a, Lawmkimi leh Âțana pawh.
Ka rilru a â tlat a, damdawi in chhûngah chuan ka rilru a ipik lutuk, a hrehawm lutuk a, ka rilru tâwt, hlauthâwng leh Hlimhlimi ngaihtuah bawk si avàng chuan ka thâwk a dik thei lo va, ka buai dáwn tlat.
"Pâwnah ka chhuah lawk a ngai."
Bawihtei chuan min thlah duh lo va, a kut chu ka vai thla pawp. Ka thi mai dáwn, ka chhuah ngei ngei a ngai.
Ka kal mawp mawp a, ka awmna lai chu ka hre lo. Hre tùrin ka ngaihtuah hek lo, ka mitthlaah chuan Hlimhlimi thaw kâwk kâwk chu ka hmu a, ka thaw ve kâwk kâwk a, tlêmin thâwk a nuam ta deuh zêl.
'Ka chunga thil thlengah hian Pathian ka dem lo.'
"Ka dem che, ka dem ngawih ngawih che. Engtin nge hetiang hi a chungah i thlentîr theih? I siamte hi min hmangaih a ni lo'm ni? Kei chuan min hmangaih ka ti thei lo. Kan hmangaihte rêng rêng an nat kan phal ngai lo."
"Ka hmangaih hi min lâksak suh. Thil dang ka duh lo, ka hmangaih natna hi la bo rawh, chu chiah chu ka ngèn che, hlim taka awm kan duh asin. Thil tisualtu i hrem dáwn a nih chuan keimah hi min hrem rawh, ani chuan tihsual a nei lo."
"Hei chiah hi ka duh, a natna hi lâk bosak rawh, ka ngèn ngawih ngawih che. Thil engkim tithei i nih kha."
Ka țawng mawlh mawlh a, ka phun mawlh mawlh. Pathian ka dem a, Hlimhlimi damna ka dîl tho bawk. He khawvêlah hian ka hmangaih damna tluka duh ka nei si lo a ni.
"Tidam rawh, tidam hrâm rawh. A damna tùrin i hnênah kan thlen țhìn; min lâksak tum tlat lo la, ka mamawh alawm, ka mamawh ém asin. I tân chuan tih theih loh a awm loh kha, Lalpa. Hei chauh hi ka dîl che a ni, ka hmangaih hi tidam rawh."
Eng chena rei nge ka awm ka hre lo. Ka hminga min ko ri ka hriat chuan ka harh deuh hlek a.
"Julian?"
Âțana aw a ni, eng nge a lo tih le? Ka mumang a ni em? Ka buai nuai mai a, tunah hian khawnge ka awm? Ka mumangah maw? Chuti ka muhìl tihna em ni?
"Julian, kal tawh ila?"
"Khawnge ka awm?"
"Boruak thianghlim i dawng lawk a nih kha."
Ka mumang a nih chiah chu. Mangchhia, tàwp tawh teh. Mang chhe lutuk neih chu a va hahthlâk teh lul ém!
"Ka mumangah Hlimhlimi ICU-ah a lo awm a."
"Hey, mate, i harh chiang tawh em?" Ka kokiah a kut a rawn nghat a, min rawn bêng thap thap a.
"Khawnge ka awm? Eng nge i rawn tih a?"
"Ka rawn zui che a."
"Khawnge ka kal a?"
"Mate, i rilru ipik tùrzia hi ka hriat thiampui lo che, a chhan chu ka la tuar ve tlat lo a ni; mahse, mihring kan nih chhûng chuan natna, kan tawrh atân kan duh miah lohte pawh hi kan tuar fo țhìn. Kan duh vàng a ni lo, mihring kan nih chhûng chuan kan tawrh ngei a ngai si a, chhel taka awm tùrin ka duh che a ni."
Damdawi ina kan lêt lamah chuan ka harh chhuak deuh ta hawk. Âțana chuan ICU-a Hlimhlimi awm thu chu min hrilh a, ka mumang chu a lo ni miah lo, a tak vek a lo ni. A chhûnga kan luh chuan mangan hmêl deuhin ka chhûngte leh țhiante chuan min lo en țhap a, min lo ngaihven pah reng a lo ni ngei ang.
"Eng nge chanchin?"
"A ngai, oxygen an pe mêk."
Pathian hi ka dem, ka dem ngawih ngawih. A hnênah Hlimhlimi damna ka dîl, min chhâng lo a nih hi. Hei, oxygen pêk ngaiin a la awm reng a nia.
Hlimhlimi hmuh min phalsak chuan ni hnih lai a liam tawh. Keimah chauhin ka lût a, a hmel ka hmuh chuan ka insûm thei lo, ka mittui a tla nghal zawih zawih. Hetianga hmuh hi ka duh ngai lo ang, ngaihtuah pawh ka ngaihtuah chhin hek lo.
"Hey, baby, min hria em? Lo harh tawh la?"
A meng lo va, min chhâng hek lo.
"Lo harh tawh teh, min kalsan lul suh aw, i tel lo chuan ka awm thei lo ang."
Ka kun tlawk tlawk a, a kut chêr zet chu ka vuan a, nunna nei kut pawh a ang lo, a vâwt thler mai a, ka lung a âwi thei thlâwt lo.
"Min kalsan suh, i bula awm reng ka la duh asin, Hlimhlim, min kalsan miah suh aw, ka ngèn che a ni, khawngaihin."
"Ka nunna ai pawhin ka hmangaih che, Hlimhlim. Țang hrâm hrâm la, ka mamawhzia che hria hian bei fan fan teh, Pathianin a mamawh aia nasain kei hian ka mamawh che a ni."
Ka phun mawlh mawlh a, ka mittui a tla reng bawk a. Min kalsan ang tih ka hlau ngawih ngawih, a tel lova he ka nun ruak ém ém tùr hi ka ngaituah ngam lo va, hma lam pên zêl tùr phei chuan ka thei lo ang. Min kalsan a nih chuan kei pawh ka nun hi tihtàwpin awm ve nghal mai se.
"Min kalsan chuan ka nung zo lo ang, ka nun hi a tàwp ve nghal mai ang. Ka bula awm hi a ninawm viau em ni? Mawh, min chhâng teh, kei chu i bula awm hi ka la ning chhin miah lo, enkawl che pawh hi hrehawm ka ti lo."
"Hlimhlim, Magdalene, harh teh, khawngaihin, harh hrâm teh, mawh khawngaihin?"
Ka muhìl ngai lo va, mut ka duh hek lo. Ka muhìl hlauh a nih chuan Hlimhlimi chuan min kalsan ang tih ka hlau, ka mu ngam lo a ni zâwk. Ei tùr lah ka ei thei lo. Ka lu a rit lûk a, ka mit a nain a thîp viau bawk. Ka lang bawrchhawr viau ang chu.
Nilaithawhțanah ICU ațangin an la chhuak a, cabin-ah kan awm. Rilrua hlauhthàwn lutukna kha tlêmin a kiang a; mahse, ka kalsan chuang lo. Ka nuin awka dam diaiin hahchàwl tùrin min ti a, a dik maithei. Ka meng țha hlei thei lo, ka rilru pawh a buai nuai tawh mai.
Hlimhlimi chuan hlim hmel takin min lo nuih sen sen a, hetianga a hlim nui hmel hi ka hmu khât tawh asin, ka thlahlel ngawih ngawih.
"I țawngțaina kha Pathianin a hre reng a, a hnêna awm tawh tùr ka nih laiin min rawn tîr lêt leh a ni."
"Ka țawngțai lo, i natna vàngin ka dem zâwk alawm."
A kutin ka hmai chu a rawn chûl dan dan a.
"Min enkawl tawhna zawng zawngah ka lâwm e. Pathian hnênah i hnêna lêt ka duh thu ka hrilh asin, i mittui tla kha ka hmu reng che a, kei pawh ka țap hial asin."
"Min kalsan tum tawh suh aw."
"Kalsan che hi ka duh hlei nem." Ka nuih sak a, ani pawh a nui sen sen. A nui hmel hi ka hmu ning lo, tunah chuan tihluihna hmanga nui lui kha a ni tawh lo. A hlim hmel sar a, a mitmengah pawh hlimna ka hmu, nâ a nei tawh lo a ni ngei ang.
"Nâ i nei tawh lo a ni maw?"
"Ka dam tawh alawm."
Khumah kan mu dùn a, Nonoi a lo lût a.
"Ânu, Tàtea hi Àuin a rawn phone a," a rawn ti lang lang a.
"Ka nono, bengchheng rih lo la, Tàtea chu a muhìl rih a, a lo harh hunah kan biaktîr dáwn nia aw."
Ka nu pawh kan bulah a lo awm ve reng a nih hi.
Kan harh a, Hlimhlimi nèn pawh kan inbe reng sia, engati nge muhìl min tih tlat le?
"Nu, ka harh reng tawh alawm."
Min chhâng lo, ka bia tih pawh a hre lo a niang.
Room-ah chuan țawng ri ka hre leh zauh zauh a, eng nge an sawi phei chu ka hre lo.
"Hlimhlim, engati nge ka țawng hi ka nu hian a hriat theih loh le?"
Nui sen sen chung hian," I țawng hlei nem, țawng angin i inhria a nih kha, i muhìl daih alawm," a lo ti mai a, ka hre thiam lo khawp mai.
*PATHIANIN TIH THEIH LOH A NEI LO, KAN ȚAWNGȚAINA HI KAN DUH ZÂWNG NI LOVA A DUH ZÂWNGA MIN CHHÀN ȚHIN AVÀNGIN MIN CHHÂNG LO EMAW KAN TI ȚHÌN A LO NI*
Comments
Post a Comment