☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆MAGDALENE☆ - 29 By Dingdi Pachuau
Ka kut a na ngut ngut mai, engtizia nge ni? A na lutuk a, bung tùr ang maiin a nâ. Ka rûm kâwk kâwk a.
"Julian? Julian?"
Ka meng siar siar a, ka hmai bul chêtah Hlimhlimi ka hmu. A lo nui sen sen a, a hmaa ka hmuh ang chiah khân. Ka mumang em ni? Ka muhìl nge ka muhìl lo zâwk?!
"Hey..."
"Hey,.."
"Ka harh em?! Ka mumang nge inlàrna zâwk?!"
"I harh chiah e. Mang țha lo i mang a, ka ko harh che a."
"Ka kut a na lutuk!"
"I delh mû a niang."
Ka lo delh mu churh churh tak tak a!
"I țha em?"
"Aw, ka țha e. I muhìl lai kha ka lo thlîr reng che a."
"Ka mumang a ni lo tak tak maw?! I țha tak tak maw?!!" A tak a nih ka ring thei lo, mumang a nih loh pawhin vàn ram a niang, vàn ram erawh ka kal ka ring chiah si lo.
Ka biang rawn chûlin," A tak tak a nih hi," a ti a, a kut lum thar thar chu ka feel thei si, a tak a ni ngei ang.
"Khawnge kan awm?"
"Damdawi inah min awmpui char char a, i chàu tawh lutuk i muhìl a, i harh chiah a nih hi."
"I țha em?" Ka kut chu ka chêt dáwn a, a che thei lo. A mu nasa lutuk a nih dáwn hi.
A nui sen sen a, hmangaihnaa khat mitmeng hian min en lêt kiau a, a biang te reuh tê hi ka chûl châk asin le.
"Ka țha tawh, nâ ka nei miah lo. Ka dam vek tawh alawm."
Kan mutna bulah chuan țawng thâwm a rawn awm ta. Ka nuin tu emaw a be thâwm a ni.
"Lalpa, ka fanu tân hian damna ka dîl ngawih ngawih che a ni, thil dang ka dîl lo che. Ka fanu nunna hi i ta a ni a, i tidam thei tih ka hre chiang a ni. Lalpa, i ropui puan chhuah nân rawn tidam rawh."
"Ka țawng i hriaa min chhâng thei ringawt pawh hi ka lâwm tâwk a ni. Ka mumang a ni lo tak tak maw?"
"Julian, mumang ramah i chêng tawh lo, a tak tak a nih hi."
Ka nu a rawn lût a, Hlimhlimi chuan," Ka nu?" a lo ti sap a.
"Ka fanu, i lo harh tawh elo? Aw, a va làwmawm ém! Lalpa, ka làwm e," tiin a rawn hnai nghal a, ka nu chu makti deuh hian ka lo en a, ka awm dàn hi ka chiang lo kual vêl vek.
"Nu, ka harh em? Ka mumang a ni lo tiraw?"
"Bawiha, aw ka fanu, Pathian hi a va țha ém! Kan mangan laiin min kalsan ngai lo, kan țawngțaina chu chhànin a awm ta. Lalpa, kan lâwm e."
Ka chhûngte, țhiante leh lainate an rawn kal khâwm zêl a, Hlimhlimi lo țhatzia an hmuh chuan an țap a, làwmthu sawiin an țawngțai nghal zêl bawk a, hlim avàngin kan mittui a tla a, Bawihtei phei chu a țap chhuak râwih râwih a ni.
Rawn kal apiangin min lawmpui thu sawiin mak an tih thu an sawi zêl a, a mak ve bawk a ni. 'Pathian thil mak tih a ni' tih bâk sawi tùr a awm lo.
Hlimhlimi hlim nui sen sen reng chuan min tiharh chhuak thei tlat lo, a tak tak ni theiin ka ngai lo va, ka mumang la ni rengah ka ngai tlat.
'A mak' ti bâkin sawi ngaihna ka hre lo. Hlimhlimi chuan ' ka dam tawh ' a ti tlat bawk sia, inthiarnaah hruai a ngai si lo, chutah chaw lah a ei țha tho bawk si. Bia ila, a nui sen sen thei reng bawk si a, hei vàng hian a tak a nih ka ring hlei thei lo va, ka mumangah ka ngai tlat a ni.
Dr. Dika pawhin chanchin a hriat veleh a lo kal vat a, mak a ti lutuk ringawt. 'Thil mak a thleng a nih hi' a ti tawp. Ni e, Pathianin thil mak kan chungah a lo thlentîr a ni, chutiang bâk chuan sawi ngaihna kan hre lo.
Ka nuin ka u a phone a, ani pawh a rawn țap tho. A làwmawm ém a ni, kei ngei pawh Pathian hnênah ka dem avàngin ngaihdam ka dîl a, làwmthu ka hrilh reng bawk.
Ka nu chuan," I uin ' Kan țhianpa tihdam rawngbàwlna nei hnênah țawngțaipui tùrin Hlimhlimi hming kha ka pe lût a, chuvàng chu a ni ngei ngei ang, ani pawhin Pathianin a tihdam tùr thu a sawi nghe nghe asin' a ti a," a ti dap dap a.
Ka pa chuan," A ni ngei ang, kohhran te, mimal leh amah țawngțaipuitute zawng zawng țawngțai chhànna a nih hi," a lo ti ve a.
Ina dam taka kan haw chu ka mumang ang ka la ti tho. Dam tlâng taka awmho tluka thil nuam hi eng nge awm thei ang le? Kan hmel a hlim vek a, mi pawh hi an hlim vek ni maiin ka hria, ka hlim lutuk vàng a ni ngei ang.
Ka pain Pathian hnênah lawmthu sawiin a țawngțai leh a, làwm avàngin a insûm thei lo va, a țap. Keini pawh kan mittui a tla leh vek.
Zanriah kan kîl laiin Nonoi chuan," Au Hlimhlimi chu a dam tawh sia, min puak leh naute neih chiah kan bâk tawh a ni, ka pawm châk tawh," a lo ti leh pek a, kan inen a, kan nui vek.
"Ka Nono, Au Hlimhlimi chu a chak lo rih sia, keima'n ka paw mai ang che chu."
"Aih, Tàte. Ka nula tawh a, puak ka ngai tawh lo. Au Hlimhlimi puak pawh ka duh lo, naute chiah ka paw châk."
Ka pa chuan," Hun remchâng hmasa berah chawhlui kîlhoin chhûngkhat lainate kan sâwm vek ang, Hlimhlimi nu leh naute pawh lo phei tùrin kan chah ang a, Pathian hnênah làwmthu kan sawi leh ang," a ti dap dap a.
Mak tak a ni ringawt, a dam chho chu chaw a ei châk reng mai a. Ei tam lutuk si lovin a ei reng mai a, a taksa lahin a lo ngeih nasa, a ei tùr ei tùr țha țha kan leisak reng. A nute rawn phei pawhin a taksa lo țha chak lutuk chu mak an ti, an țah nuih uar uar ringawt.
A taksa a infit țhat hnuah chuan checkup nei ve tùr hrim hrimin a hmaa doctor kan pan kha kan pan leh a, ani pawh chuan mak a lo ti lutuk. Test-naah cancer hrik pakhat mah an hmu tawh lo, engkim a țha vek.
A dam țhat hnuah pawh chuan dàwr nghâk tùra kalsan ka hreh tho. Ka hmuh phâk lova a awm tùr hi ka ngai ngam lo va, ka ai Bawihtei a kal leh nge nge zêl. Chutiang chuan thla hnih chhûng ka awm, dàwra hruai ka phal bawk si lo, a hah ang tih ka hlau tlat.
"Naktûk chu kal ngei ngei tawh rawh aw."
Ka tum ve ziah a, a hun a lo thlenin ka țhulh ziah thung.
"Ka ngai ém che a ni, ka hmuh theih loha i awm hi ka ngai ngam lo a ni ber."
"Dàwra ka lo kal i phal bawk si lo va, heti ringawt chuan kan awm kumkhua thei dáwn lo. A nih loh leh, kan pahnihin dàwrah kal tal ila, inah kan awm rei tawh e."
"Um, khua lo vâr phawt se."
"Ti ve ziah!" A nui pah hak hak a.
Kuah ngheh sauh pahin," I bula awm a nghen reng mai che hi ka duh alawm, ka hnê thei bawk si lo che a," ka ti a, a nghâwngah chuan ka fâwp a.
"Tûn ațanga kum sàwmah chuan min hnê tawh viau ang."
"Teuh lo, a thleng ngai lo ang, tunah pawh hian ka mamawh leh viau tawh che a ni," tiin a dul thêp zaih chu ka chûl zai zai a," Tah hian naute awmtîr tawh a ngai a ni," ka ti sar sar a.
"Keini'n thu kan nei hlei nem."
"A siam tùr erawhin hna kan thawk thei thung alawm. Naute hi amahin a rawn insiam ringawt lo va, mi pahnih hna thawh rah a ni alawm."
"I va hre ém ém!"
"Ka seh hrep palh ang che!"
A nui hak hak a. Ka mamawhna tipuitlin tùr erawh chuan min nêk salh salh a, kei pawhin ka tih tùr chu hai bîk hek lo, hmangaihna tuipuiah chîm pilin kan awm leh ta a.
"Tuna kan naute hi chu hmeichhia tùr a nia, Nonoi puak châk deuh kha."
Ka hmuia fâwp zohin," Kei chu eng mi pawh ni se ka duh vek ang; mahse, ka rai har tawh sia, ka beidawng lek lek tawh a ni," a ti sep sep a.
"I dam ațangin thla thum vêl awrh chauh a la nih hi. Pathianin naute kan neih hi a phal hrim hrim ang tih ring la, naute pai tùrin tunah chuan i infit tâwk tawh bawk a, i pai thuai mai ang."
A tûk ațangin dàwrah chuan kan kal a, ka phal lo viau nain ka bula awm tùrin ka duh bawk si a, ka hruai lo thei lo.
Dàwrah lah chuan min lo fiam chùl a, kan inchibai zak zak hlawm a, kan hlim hlawm bawk a niang, thil rawn lei tumte thleng thlengin kan lo chibai a, kan nui reng mai.
Zîng khat erawh hmangaihna chenpui ka tumin a nuamsam lo tih a sawi a, a khua a sik ser ser tih a sawi bawk a, ka ngaih a țha lo khawp mai.
"I lu a hai em? Damdawi ei rawh aw. I khua a sik tih min hrilh daih tawh tùr a nia, min kai tho mai la ni tùr."
Ngaihțha lo tak ka ni. A natna kha a rawn lêt leh dâwn a ni ngei ngei ang, ka rilru a mangang nghal chûk chûk.
"Vawiinah Dr. Dika hmu ang aw."
"Engmah a ni lo ang, ka luak a chhuak lutuk."
Bathroom-ah a tlân lût a, a va uak pap pap a. Kei pawh ka tlân lût ve tho, ka khawngaih rualin ka rilruah chuan hlauhthàwnna hlîr a awm.
Engmah a luak chhuak bawk si lo, ka rilru a hah, ka vei tawn chhên mai. A hnâr a za em tih ka zâwt a, a lu a lo thing ringawt. Ka awih chiah lo, ani hian a zêp a ni ngei ngei ang.
Dr. Dika clinic-ah chuan kan țhu ràn mai a, ka hlauhthàwnzia chu ka hmêlah lantîr loh ka tum hrâm hrâm. Dr. Dika'n nui sãnga min biak pawh chuan ka nuih lêt ve thei meuh lo. Ka rilruin ka țawngțai ru mawlh mawlh a.
Hlimhlimi a check chhûng pawh chuan kei chu ka rilruah thil dang daih a awm, a chângin ka țawngțai a, a chângin ka thaw leh hawk hawk a, ka rilru a tâwt lutuk.
"Ka làwmpui che u, naute thar hmel kan hmu thuai dáwn e."
Naute. Naute maw?!! Hlimhlimi'n naute a pai maw? Kan pahniha fa a pai tawh maw?!!
"Naute maw?!!!"
"Julian, pa i ni dáwn tawh e."
Ka rilru tâwt lutuk kha hlimna hlîrin a rawn luah khat ta thung a, Hlimhlimi chu ka pawm lawk a, ka làmpui ta chiam mai a, ka hlimzia chu, sawi ngaihna ka hre lo.
"Pa ka ni dáwn, pa ka ni ve dawn ta. Lalpa, ka làwm e."
Ka nute ka hrilh nghal a, ka hmel hriat zawng zawng ka phone kual vek a ni ber mai. Ka hlim lutuk a, ka ngaih a țha lo lek lek mai.
A rài tih kan hriat ațang chuan kan duat leh zual sauh a, a engtih mah kan phal lo a ni ber. A ei duh zâwng apiang kan lei a, motor a chuan ka phal hek lo.
"A mak e tiraw? Tihian i pumah hian naute a lo awm tawh reng sia tiraw?" tiin a pum chu ka chùlsak a, a la puar eih bawk si lo va, a mak ka ti lo thei lo.
"Pathian hi kan chungah hian a țha tiraw? Damna min pe a, naute min pe leh ta chu a ni si a."
"Ni e, kan chungah hian a țha tak zet a ni."
A pum chu ka chûl ka chûl a, naute chuan tu hmel tak rawn chhùn ang maw? Ka hmu châk tawh, mipa nge a nih ang a hmeichhia le?
"Naute chuan a chhun zâwk che ka ring."
"Engah ngawt maw?" A nui pah hak hak a.
"A hmekțha dáwn sia, a nu a chhun zâwk a ngai miau si a."
"Nangmah chhùn zâwk che se ka ti, a fel dáwn bawk sia."
Titi dang a leng thei lo, kan chhûngkua kan awm khâwm tawh chuan hmeichhia nge mipa ni ang tih kan inrinsiak a, kan hlim thei dar dar hle. Nonoi chuan hmeichhia a nih a ring a, 'Heidi' tih a phuah bawk a, kan naute chu a pian hma ațangin hming a nei sa tawh tihna a nih chu.
*******************
Kum 1 hnuah chuan
"Au Hlimhlim, Heidi hi a tui a hâl ve a nia, hei tui min dîl."
Ka pan vat a, Nonoi tui in chu a lo en ve kar a, a lo tep chep chep ve niin. Ka nuih a tiza lutuk.
"Âma, Bawihi hian tete a duh a niang, a nitei tui a in ve châk lutuk a nia."
Room ațanga lo chhuakin Bawihi chu a pawm ta vat a," Ànitei tui in ang kha a lo in ve châk a maw? A in dáwn chiang lutuk tlat, ka Bawihduat. I ril a țam tawh maw? Tete hne rawh aw," tiin ka bula țhutna àwlah chuan a rawn țhutpui a, a hnute chu phawrhin a hnêktîr ta nghal a.
"I nulât laia hmuh chu sawi loh, deh pawh i phal loh theihzia kha."
"Tunah ve thung?"
"Bawihduati tân chuan i ui lo; mahse, ka tân chuan..."
"Shhh, a hre reu reu ang e. I thîk tih a hriat hlauh chuan."
Zanriah kan kîl lai chuan Bawihtei chuan," A thu phungin ka'n sawi ve lawk, Dr. Dika hi Pu Nunhlua leh Pi Rebek-i fapa kha a lo ni a, vawiinah ka hria a, mak ka ti tawp maw le," a ti a.
"Tu Rebek-i leh Nunhlua maw?"
"Hlimhlim, i hre lo em ni? Storyfb-a kan chhiar țhin kha."
"A ni maw?!!! Kha mite kha thawnthu mai mai emaw ka ti?"
"A lo ni lo a nih dáwn hi."
"A va mak!"
An thu sawi chu ka man ve phâk lo, story ka chhiar ngai bawk si lo. Chutiang storyfb tih pawh chu a hming ka la hre ngai lo ve.
Zànah kan țawngțai hnua kan mut fel hnu chuan," Julian, kan nun chhoh dàn hi a mak e tiraw?" a ti sar sar a.
"Um, Pathian min hruai chhoh dàn hi mak tak a ni, Pathianin ka tâna a lo ruat che hi a fuh ber mai àwm e."
"Ka tân pawh a ruat ve tho che alawm."
"Ka tân a ruat bîk zual che, ka nun dik lo zawng zawng siam țhatu atãn a lo ruat liau liau che a ni tiraw?"
"Kei pawh nun dik lo ka neih tho kha."
"Kan hun kal tawh ve ve a nia, kha kha chu nawh reh theih ni lo mah se la, kan kalsan tawh a, theihnghilh daih ang. Kan tûn hun zêl hi a pawimawh tawh a, țha taka kan hmana kan invèn tawn zêl chuan a țha vek a ni mai. Kan hma lam hun atân kan nun inchàwm lenpui zêl ang aw."
"Teh reng mai, ka làwm e, Julian. Ka hmangaih che."
"Kei pawhin ka nunna ai pawhin ka hmangaih che, Magdalene."
"Ka hming i lam dàn hi ka duh e."
"Magdalene, ka Magdalene, ka fanu nèn hian ka dam chhûngin ka hmangaih ang che u, ka nunna aia ka hlutte in ni si a."
*I NUNHLUI AVÀNGIN EN HNIAM LEH HMUHSIT I TÂWK ȚHÌN EM? I TÂWK A NIH PAWHIN BEIDAWNGIN HREHAWM TI MAI LO LA, I HUN KAL TAWH A NI, I SIAM ȚHA THEI TAWH LO TIH HRIAIN I LA SIAM ȚHAT THEIH I TÛN HUN MÊK HI A PAWIMAWH TIH HRIA ANG CHE. I NUN SIAM ȚHAT NÂN KHUA A LA TLAI LO VE.
******(F I N)*****
(Chhiartu zawng zawngte, KRISMAS leh KUMTHAR CHIBAI vek ule, hlim takin in lo hmang vek dáwn nia, nakin atân lungngaihna ni tùr insiam lo ula, nakina in hlim leh làwm zâwk nân a țha thei ang berin in lo hmang vek dáwn nia. Ka duhsakna sâng ber ka hlàn vek che u. Dam takin kan awm ang a, kum thar lamah kan inhmu leh vek dáwn u nia. LOVE YOU ALL)
Ka kut a na ngut ngut mai, engtizia nge ni? A na lutuk a, bung tùr ang maiin a nâ. Ka rûm kâwk kâwk a.
"Julian? Julian?"
Ka meng siar siar a, ka hmai bul chêtah Hlimhlimi ka hmu. A lo nui sen sen a, a hmaa ka hmuh ang chiah khân. Ka mumang em ni? Ka muhìl nge ka muhìl lo zâwk?!
"Hey..."
"Hey,.."
"Ka harh em?! Ka mumang nge inlàrna zâwk?!"
"I harh chiah e. Mang țha lo i mang a, ka ko harh che a."
"Ka kut a na lutuk!"
"I delh mû a niang."
Ka lo delh mu churh churh tak tak a!
"I țha em?"
"Aw, ka țha e. I muhìl lai kha ka lo thlîr reng che a."
"Ka mumang a ni lo tak tak maw?! I țha tak tak maw?!!" A tak a nih ka ring thei lo, mumang a nih loh pawhin vàn ram a niang, vàn ram erawh ka kal ka ring chiah si lo.
Ka biang rawn chûlin," A tak tak a nih hi," a ti a, a kut lum thar thar chu ka feel thei si, a tak a ni ngei ang.
"Khawnge kan awm?"
"Damdawi inah min awmpui char char a, i chàu tawh lutuk i muhìl a, i harh chiah a nih hi."
"I țha em?" Ka kut chu ka chêt dáwn a, a che thei lo. A mu nasa lutuk a nih dáwn hi.
A nui sen sen a, hmangaihnaa khat mitmeng hian min en lêt kiau a, a biang te reuh tê hi ka chûl châk asin le.
"Ka țha tawh, nâ ka nei miah lo. Ka dam vek tawh alawm."
Kan mutna bulah chuan țawng thâwm a rawn awm ta. Ka nuin tu emaw a be thâwm a ni.
"Lalpa, ka fanu tân hian damna ka dîl ngawih ngawih che a ni, thil dang ka dîl lo che. Ka fanu nunna hi i ta a ni a, i tidam thei tih ka hre chiang a ni. Lalpa, i ropui puan chhuah nân rawn tidam rawh."
"Ka țawng i hriaa min chhâng thei ringawt pawh hi ka lâwm tâwk a ni. Ka mumang a ni lo tak tak maw?"
"Julian, mumang ramah i chêng tawh lo, a tak tak a nih hi."
Ka nu a rawn lût a, Hlimhlimi chuan," Ka nu?" a lo ti sap a.
"Ka fanu, i lo harh tawh elo? Aw, a va làwmawm ém! Lalpa, ka làwm e," tiin a rawn hnai nghal a, ka nu chu makti deuh hian ka lo en a, ka awm dàn hi ka chiang lo kual vêl vek.
"Nu, ka harh em? Ka mumang a ni lo tiraw?"
"Bawiha, aw ka fanu, Pathian hi a va țha ém! Kan mangan laiin min kalsan ngai lo, kan țawngțaina chu chhànin a awm ta. Lalpa, kan lâwm e."
Ka chhûngte, țhiante leh lainate an rawn kal khâwm zêl a, Hlimhlimi lo țhatzia an hmuh chuan an țap a, làwmthu sawiin an țawngțai nghal zêl bawk a, hlim avàngin kan mittui a tla a, Bawihtei phei chu a țap chhuak râwih râwih a ni.
Rawn kal apiangin min lawmpui thu sawiin mak an tih thu an sawi zêl a, a mak ve bawk a ni. 'Pathian thil mak tih a ni' tih bâk sawi tùr a awm lo.
Hlimhlimi hlim nui sen sen reng chuan min tiharh chhuak thei tlat lo, a tak tak ni theiin ka ngai lo va, ka mumang la ni rengah ka ngai tlat.
'A mak' ti bâkin sawi ngaihna ka hre lo. Hlimhlimi chuan ' ka dam tawh ' a ti tlat bawk sia, inthiarnaah hruai a ngai si lo, chutah chaw lah a ei țha tho bawk si. Bia ila, a nui sen sen thei reng bawk si a, hei vàng hian a tak a nih ka ring hlei thei lo va, ka mumangah ka ngai tlat a ni.
Dr. Dika pawhin chanchin a hriat veleh a lo kal vat a, mak a ti lutuk ringawt. 'Thil mak a thleng a nih hi' a ti tawp. Ni e, Pathianin thil mak kan chungah a lo thlentîr a ni, chutiang bâk chuan sawi ngaihna kan hre lo.
Ka nuin ka u a phone a, ani pawh a rawn țap tho. A làwmawm ém a ni, kei ngei pawh Pathian hnênah ka dem avàngin ngaihdam ka dîl a, làwmthu ka hrilh reng bawk.
Ka nu chuan," I uin ' Kan țhianpa tihdam rawngbàwlna nei hnênah țawngțaipui tùrin Hlimhlimi hming kha ka pe lût a, chuvàng chu a ni ngei ngei ang, ani pawhin Pathianin a tihdam tùr thu a sawi nghe nghe asin' a ti a," a ti dap dap a.
Ka pa chuan," A ni ngei ang, kohhran te, mimal leh amah țawngțaipuitute zawng zawng țawngțai chhànna a nih hi," a lo ti ve a.
Ina dam taka kan haw chu ka mumang ang ka la ti tho. Dam tlâng taka awmho tluka thil nuam hi eng nge awm thei ang le? Kan hmel a hlim vek a, mi pawh hi an hlim vek ni maiin ka hria, ka hlim lutuk vàng a ni ngei ang.
Ka pain Pathian hnênah lawmthu sawiin a țawngțai leh a, làwm avàngin a insûm thei lo va, a țap. Keini pawh kan mittui a tla leh vek.
Zanriah kan kîl laiin Nonoi chuan," Au Hlimhlimi chu a dam tawh sia, min puak leh naute neih chiah kan bâk tawh a ni, ka pawm châk tawh," a lo ti leh pek a, kan inen a, kan nui vek.
"Ka Nono, Au Hlimhlimi chu a chak lo rih sia, keima'n ka paw mai ang che chu."
"Aih, Tàte. Ka nula tawh a, puak ka ngai tawh lo. Au Hlimhlimi puak pawh ka duh lo, naute chiah ka paw châk."
Ka pa chuan," Hun remchâng hmasa berah chawhlui kîlhoin chhûngkhat lainate kan sâwm vek ang, Hlimhlimi nu leh naute pawh lo phei tùrin kan chah ang a, Pathian hnênah làwmthu kan sawi leh ang," a ti dap dap a.
Mak tak a ni ringawt, a dam chho chu chaw a ei châk reng mai a. Ei tam lutuk si lovin a ei reng mai a, a taksa lahin a lo ngeih nasa, a ei tùr ei tùr țha țha kan leisak reng. A nute rawn phei pawhin a taksa lo țha chak lutuk chu mak an ti, an țah nuih uar uar ringawt.
A taksa a infit țhat hnuah chuan checkup nei ve tùr hrim hrimin a hmaa doctor kan pan kha kan pan leh a, ani pawh chuan mak a lo ti lutuk. Test-naah cancer hrik pakhat mah an hmu tawh lo, engkim a țha vek.
A dam țhat hnuah pawh chuan dàwr nghâk tùra kalsan ka hreh tho. Ka hmuh phâk lova a awm tùr hi ka ngai ngam lo va, ka ai Bawihtei a kal leh nge nge zêl. Chutiang chuan thla hnih chhûng ka awm, dàwra hruai ka phal bawk si lo, a hah ang tih ka hlau tlat.
"Naktûk chu kal ngei ngei tawh rawh aw."
Ka tum ve ziah a, a hun a lo thlenin ka țhulh ziah thung.
"Ka ngai ém che a ni, ka hmuh theih loha i awm hi ka ngai ngam lo a ni ber."
"Dàwra ka lo kal i phal bawk si lo va, heti ringawt chuan kan awm kumkhua thei dáwn lo. A nih loh leh, kan pahnihin dàwrah kal tal ila, inah kan awm rei tawh e."
"Um, khua lo vâr phawt se."
"Ti ve ziah!" A nui pah hak hak a.
Kuah ngheh sauh pahin," I bula awm a nghen reng mai che hi ka duh alawm, ka hnê thei bawk si lo che a," ka ti a, a nghâwngah chuan ka fâwp a.
"Tûn ațanga kum sàwmah chuan min hnê tawh viau ang."
"Teuh lo, a thleng ngai lo ang, tunah pawh hian ka mamawh leh viau tawh che a ni," tiin a dul thêp zaih chu ka chûl zai zai a," Tah hian naute awmtîr tawh a ngai a ni," ka ti sar sar a.
"Keini'n thu kan nei hlei nem."
"A siam tùr erawhin hna kan thawk thei thung alawm. Naute hi amahin a rawn insiam ringawt lo va, mi pahnih hna thawh rah a ni alawm."
"I va hre ém ém!"
"Ka seh hrep palh ang che!"
A nui hak hak a. Ka mamawhna tipuitlin tùr erawh chuan min nêk salh salh a, kei pawhin ka tih tùr chu hai bîk hek lo, hmangaihna tuipuiah chîm pilin kan awm leh ta a.
"Tuna kan naute hi chu hmeichhia tùr a nia, Nonoi puak châk deuh kha."
Ka hmuia fâwp zohin," Kei chu eng mi pawh ni se ka duh vek ang; mahse, ka rai har tawh sia, ka beidawng lek lek tawh a ni," a ti sep sep a.
"I dam ațangin thla thum vêl awrh chauh a la nih hi. Pathianin naute kan neih hi a phal hrim hrim ang tih ring la, naute pai tùrin tunah chuan i infit tâwk tawh bawk a, i pai thuai mai ang."
A tûk ațangin dàwrah chuan kan kal a, ka phal lo viau nain ka bula awm tùrin ka duh bawk si a, ka hruai lo thei lo.
Dàwrah lah chuan min lo fiam chùl a, kan inchibai zak zak hlawm a, kan hlim hlawm bawk a niang, thil rawn lei tumte thleng thlengin kan lo chibai a, kan nui reng mai.
Zîng khat erawh hmangaihna chenpui ka tumin a nuamsam lo tih a sawi a, a khua a sik ser ser tih a sawi bawk a, ka ngaih a țha lo khawp mai.
"I lu a hai em? Damdawi ei rawh aw. I khua a sik tih min hrilh daih tawh tùr a nia, min kai tho mai la ni tùr."
Ngaihțha lo tak ka ni. A natna kha a rawn lêt leh dâwn a ni ngei ngei ang, ka rilru a mangang nghal chûk chûk.
"Vawiinah Dr. Dika hmu ang aw."
"Engmah a ni lo ang, ka luak a chhuak lutuk."
Bathroom-ah a tlân lût a, a va uak pap pap a. Kei pawh ka tlân lût ve tho, ka khawngaih rualin ka rilruah chuan hlauhthàwnna hlîr a awm.
Engmah a luak chhuak bawk si lo, ka rilru a hah, ka vei tawn chhên mai. A hnâr a za em tih ka zâwt a, a lu a lo thing ringawt. Ka awih chiah lo, ani hian a zêp a ni ngei ngei ang.
Dr. Dika clinic-ah chuan kan țhu ràn mai a, ka hlauhthàwnzia chu ka hmêlah lantîr loh ka tum hrâm hrâm. Dr. Dika'n nui sãnga min biak pawh chuan ka nuih lêt ve thei meuh lo. Ka rilruin ka țawngțai ru mawlh mawlh a.
Hlimhlimi a check chhûng pawh chuan kei chu ka rilruah thil dang daih a awm, a chângin ka țawngțai a, a chângin ka thaw leh hawk hawk a, ka rilru a tâwt lutuk.
"Ka làwmpui che u, naute thar hmel kan hmu thuai dáwn e."
Naute. Naute maw?!! Hlimhlimi'n naute a pai maw? Kan pahniha fa a pai tawh maw?!!
"Naute maw?!!!"
"Julian, pa i ni dáwn tawh e."
Ka rilru tâwt lutuk kha hlimna hlîrin a rawn luah khat ta thung a, Hlimhlimi chu ka pawm lawk a, ka làmpui ta chiam mai a, ka hlimzia chu, sawi ngaihna ka hre lo.
"Pa ka ni dáwn, pa ka ni ve dawn ta. Lalpa, ka làwm e."
Ka nute ka hrilh nghal a, ka hmel hriat zawng zawng ka phone kual vek a ni ber mai. Ka hlim lutuk a, ka ngaih a țha lo lek lek mai.
A rài tih kan hriat ațang chuan kan duat leh zual sauh a, a engtih mah kan phal lo a ni ber. A ei duh zâwng apiang kan lei a, motor a chuan ka phal hek lo.
"A mak e tiraw? Tihian i pumah hian naute a lo awm tawh reng sia tiraw?" tiin a pum chu ka chùlsak a, a la puar eih bawk si lo va, a mak ka ti lo thei lo.
"Pathian hi kan chungah hian a țha tiraw? Damna min pe a, naute min pe leh ta chu a ni si a."
"Ni e, kan chungah hian a țha tak zet a ni."
A pum chu ka chûl ka chûl a, naute chuan tu hmel tak rawn chhùn ang maw? Ka hmu châk tawh, mipa nge a nih ang a hmeichhia le?
"Naute chuan a chhun zâwk che ka ring."
"Engah ngawt maw?" A nui pah hak hak a.
"A hmekțha dáwn sia, a nu a chhun zâwk a ngai miau si a."
"Nangmah chhùn zâwk che se ka ti, a fel dáwn bawk sia."
Titi dang a leng thei lo, kan chhûngkua kan awm khâwm tawh chuan hmeichhia nge mipa ni ang tih kan inrinsiak a, kan hlim thei dar dar hle. Nonoi chuan hmeichhia a nih a ring a, 'Heidi' tih a phuah bawk a, kan naute chu a pian hma ațangin hming a nei sa tawh tihna a nih chu.
*******************
Kum 1 hnuah chuan
"Au Hlimhlim, Heidi hi a tui a hâl ve a nia, hei tui min dîl."
Ka pan vat a, Nonoi tui in chu a lo en ve kar a, a lo tep chep chep ve niin. Ka nuih a tiza lutuk.
"Âma, Bawihi hian tete a duh a niang, a nitei tui a in ve châk lutuk a nia."
Room ațanga lo chhuakin Bawihi chu a pawm ta vat a," Ànitei tui in ang kha a lo in ve châk a maw? A in dáwn chiang lutuk tlat, ka Bawihduat. I ril a țam tawh maw? Tete hne rawh aw," tiin ka bula țhutna àwlah chuan a rawn țhutpui a, a hnute chu phawrhin a hnêktîr ta nghal a.
"I nulât laia hmuh chu sawi loh, deh pawh i phal loh theihzia kha."
"Tunah ve thung?"
"Bawihduati tân chuan i ui lo; mahse, ka tân chuan..."
"Shhh, a hre reu reu ang e. I thîk tih a hriat hlauh chuan."
Zanriah kan kîl lai chuan Bawihtei chuan," A thu phungin ka'n sawi ve lawk, Dr. Dika hi Pu Nunhlua leh Pi Rebek-i fapa kha a lo ni a, vawiinah ka hria a, mak ka ti tawp maw le," a ti a.
"Tu Rebek-i leh Nunhlua maw?"
"Hlimhlim, i hre lo em ni? Storyfb-a kan chhiar țhin kha."
"A ni maw?!!! Kha mite kha thawnthu mai mai emaw ka ti?"
"A lo ni lo a nih dáwn hi."
"A va mak!"
An thu sawi chu ka man ve phâk lo, story ka chhiar ngai bawk si lo. Chutiang storyfb tih pawh chu a hming ka la hre ngai lo ve.
Zànah kan țawngțai hnua kan mut fel hnu chuan," Julian, kan nun chhoh dàn hi a mak e tiraw?" a ti sar sar a.
"Um, Pathian min hruai chhoh dàn hi mak tak a ni, Pathianin ka tâna a lo ruat che hi a fuh ber mai àwm e."
"Ka tân pawh a ruat ve tho che alawm."
"Ka tân a ruat bîk zual che, ka nun dik lo zawng zawng siam țhatu atãn a lo ruat liau liau che a ni tiraw?"
"Kei pawh nun dik lo ka neih tho kha."
"Kan hun kal tawh ve ve a nia, kha kha chu nawh reh theih ni lo mah se la, kan kalsan tawh a, theihnghilh daih ang. Kan tûn hun zêl hi a pawimawh tawh a, țha taka kan hmana kan invèn tawn zêl chuan a țha vek a ni mai. Kan hma lam hun atân kan nun inchàwm lenpui zêl ang aw."
"Teh reng mai, ka làwm e, Julian. Ka hmangaih che."
"Kei pawhin ka nunna ai pawhin ka hmangaih che, Magdalene."
"Ka hming i lam dàn hi ka duh e."
"Magdalene, ka Magdalene, ka fanu nèn hian ka dam chhûngin ka hmangaih ang che u, ka nunna aia ka hlutte in ni si a."
*I NUNHLUI AVÀNGIN EN HNIAM LEH HMUHSIT I TÂWK ȚHÌN EM? I TÂWK A NIH PAWHIN BEIDAWNGIN HREHAWM TI MAI LO LA, I HUN KAL TAWH A NI, I SIAM ȚHA THEI TAWH LO TIH HRIAIN I LA SIAM ȚHAT THEIH I TÛN HUN MÊK HI A PAWIMAWH TIH HRIA ANG CHE. I NUN SIAM ȚHAT NÂN KHUA A LA TLAI LO VE.
******(F I N)*****
(Chhiartu zawng zawngte, KRISMAS leh KUMTHAR CHIBAI vek ule, hlim takin in lo hmang vek dáwn nia, nakin atân lungngaihna ni tùr insiam lo ula, nakina in hlim leh làwm zâwk nân a țha thei ang berin in lo hmang vek dáwn nia. Ka duhsakna sâng ber ka hlàn vek che u. Dam takin kan awm ang a, kum thar lamah kan inhmu leh vek dáwn u nia. LOVE YOU ALL)
Comments
Post a Comment