☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆MAGDALENE☆ - 5 By Dingdi Pachuau
Zàrkawta awm an ni a, building lian pui pui vêng hran hranah an nei nual. Chu chu office leh dàwr atân an luah hawh a, luah man an hui țawk țawk țhìn. Fanu mal a ni a, a nu leh pa hian Mizorama awm tawh tùrin an ti tawh a ni àwm e.
"Awm ve tawh mai la?"
"Eng nge ka thawh ang?"
"Ka dàwrah hian lo thawk ve mai la?"
A nui nasa mai. " Fiamthu i lo thiam tawh hle mai, lo thawk lo pawh ni ila, ka rawn lang zut dáwn asin, thawk ang tho chu ka nih duh hmél," a ti a, kei pawh ka nui lo thei lo. A ni lah tak a, ni tin a lo kal a, hna thawk lo pawhin a dam chhûng hman tùr pawisa hi chu a nei ém ém tawh a ni.
"Eng tikah nge chaw kan ei khâwm ang?"
"Âțana hman hunah, saturday zànah a tihchi ngawtin ka ring."
"Kan inah aw."
A haw hnuah Amawia chuan," Boss, a chhe lo ropui sia, nei keuh teh," a ti sar sar a, Kimtei pawh chuan phûr zet hian," Nia, a fel tho bawk si," a lo ti ve a.
"Min duh lo."
"Awihawm loh, a cheziaah a lang vek."
Ka țhiannu alawm a nih, ka hrilh fiah peih lo, an ngaih dàn hian ngai mai mai teh se.
"A chhe lo e!"
"A hausa bawk si!"
"A fel bawk si!"
An thil sawi chu ka ûksàk hran lo, a nihna vek chu a ni alawm, ka țhiannu a ni a, a bâk a awm lo.
Chaw kan ei laiin Bawihtei'n Lawmkimi chanchin chu a sawi chhuak leh ta hlauh mai a. Nonoi beng a lo verh leh pek khawp mai.
"Ka hmu châk ve e, Tàte, lo hruai rawh aw."
"Teh rêng mai."
Ka nu chuan a nu leh pa hming min zâwt a, ka hrilh chuan," Ka hria e, Nunmawii chu kan junior a ni țhìn a, a hmel a țha alawm. Pasal pawh a nei țha viau rêng a, a hmel țhatna a chhawr thiam tlat bâkah a fel ve hrim hrim bawk a," a ti barh barh a.
"Tàtea hian nei se ka ti, kan monu atân ka duh e," Bawihtei chuan a lo ti vang vang a.
"Ka țhiannu a ni ka tih tawh kha."
"Ințhianna ațangin hmangaihna pawh a awm thei tho alawm."
Țâlh țâlh chuan. Hmãna ka en dàn ang tho khân ka la en reng, bialnu tùr melhin ka la melh chhin lo chiang.
Melo-i nèn kan ni tluang zêl a; mahse, kan mu dùn tawh lo. Hun fâl leh hmun fâl ka melh duh lo lui tlat a, a chhan chu ka insùm theih loh ka hlau. Inkuah leh infawh erawh ka hnar thei bîk lo, ka la thlahlel reng tho si a.
Lawmkimi chhuk hmain Sunday tlaiah kan lêng a, Âțana nèn kan pathumin. Duata khalh a châk tlat avàngin Lawmkimi chuan a khalh a, keiin a rawn ken i20 chu ka khalhsak a, Âțana ka phur thung.
World bank road lamah bawk kan tlân, Lawmkimi'n bike a leupui châk miau a, fîmkhur tùrin ka hrilh tak nain a chêtsual ka ring hran lo. College kan kal lai pawha duh tâwka bike khalh thiam tawh a ni miau a.
He mi ni hi ka tân chuan theihnghilh theih rual a ni tawh lo. Zàmpuimanga thlan kan va thleng phei a, kan ding chuang lo. A piah deuh takah kan va in-turn a, a chhan chu duh aiin mi an lo tam a, tlangvâl hawklak kârah nula pawh an awm tlat.
Kan lêt leh lamah chuan Melo-i ka hmu ta tlat mai! Bike-ah a ni lo, car chhûngah a ni ka hmuh ni. Driver nèn insi deuhthawin an lo țhu a, min hmu ve miah lo. Ka lèn a ring lo nge niang, a rûkin hetiang hi a lo ni zâwk? Min rawn hmu ve thei dáwn chuang lo va, muangchângin ka tlân, an infâwp ta. Ka thinlung chu a nghawr dat mai.
An piah deuh hlekah ka ding a, Âțana chuan min melh zawk nain eng mah a sawi lo, ka call chhin ta.
Min chhâng miah lo, a ring ral țhak. Message ka thawn leh a, a hmuh huna min chhàn tùrin.
Zànah Lawmkimite inah amah thlahna hun kan hmang a, ka ngawichàwi khawp mai. Zu ka in mial mial a, ka mitthlaah Melo-i'n mi dang a fâwp lai chu ka hmu zêl a, ka thinlung a nâ ka ti lo, kawp lo ni reng chuan ka thin a tirim a ni zâwk.
"Zoremsang, duh tâwk teh, in inhlum i tum em ni?"
Ka thinrimna theihnghilh țhaka in ka tum mai a ni. Ka mitthlaa Melo-i lo lang zêl chu tih-reh ka duh, eng mah hre lo leh ngaihtuah thei lo lêka ruih ka duh.
"Zanin chu Âțan, i bulah ka riak mai ang aw, zu rim nam chung chuan haw ka duh lo," tiin Âțana chu ka en a.
"Hetah riak ve ve r'u."
A pawi miah lo, kan ina ka haw loh chuan a tâwk a ni mai.
Ka ruih hma chu ka in char char, Lawmkimi chuan min lâksak ta daih mai; mahse, ka rùi lutuk tawh, chêt pawh ka che thei tawh lo.
Zîngah ka lu na tluk tluk vàngin ka harh a, ka men chuan ka mutna chu ka hai țêp a ni. Ka bul ka han dap a, Âțana ka hmuh chuan ka thaw huai, Lawmkimi erawh a room-ah a mu a niang.
Chhuatah kan mu a lo ni. Lawmkimi room-ah kan mu ve ve a, ani erawh chu khumah a lo mu niin. Dawhkàna damdawi leh tui bottle awm chu banin damdawi chu ka hmawm nghal a.
Tho mai ta lo chuan ka mu leh vang vang, eng vànga hetia awm nge ka nih? Melo-i'n min lo kawp ve pawh chu ka va la na àwm ve a!
Teuh lo, hmeichhiain min kawp ngam a nih chuan ka țhen ngam khawp ang. Ka la nâ maw? Kei pawhin ka kawp a, engtizia nge ka lâk nat bîk ang? Ka thil tih kha ka chungah a rawn lêt a ni mai a, vui tùr leh thinrim tùr ka ni chiah em?
Thinrim tùr ka ni miah lo. Ka tuh rah ka seng a nih hi, ka chìn țha lo zet kha ka seng ta mêk a nih hi.
Ka phone chu ka en a, missed calls a lo awm nual, Melo-i hnên ațang vekin. Message pawh a lo awm e.
*Ka phone ka lo keng lo va, pawi ka ti khawp mai. Ka pite inah chaw ka ei leh daih a, zànah lo lêng la.*
*Ka phone i chhâng thei lo, ka lo nghâk reng che asin.*
Hm, dâwt a sawi lo maithei. A pite inah chuan chaw a ei leh ei loh ka hre lo; mahse, min kawp tho.
Ka rilru a na lo ka tih chuan dâwt tlêm ka sawi tihna a ni ang. Khati chen kha ka lo ngaizâwng ve tawh a, ka bialnu bera ka lo chhàl ve țhin a ni nghe nghe, ani aia kawp rei ka la nei miah lo; mahse, ka țhen hmak ang.
Inah ka haw lo ta law law. Ka rimchhe lutuk a, Lawmkimi bathroom-ah ka inbual ta mai, Âțana erawh a haw thung. Dàwrah ka tlang nghal a, chawhnu lamah erawh Lawmkimi ka thlah, a fel reuh sia, a ngaihawm reuh khawp ang.
"Rawn haw chho thuai la aw?"
"Um, kumin hi chu a laklawh tawh èm mai a, nakkumah lamah ka rawn chho nghet tawhin ka ring."
"Mizoramah i awm nghet tawh dáwn maw?"
"Aw."
"A va țha ve!"
"Min lo ngai lutuk lo la."
"Ngai ang."
"Tak tak ang em?"
"Um."
"I ti tak tak lo."
"Naupang chhia suh."
"Ka ngai dáwn riau che a."
"I lo chhoh har dáwn tawh loh chu."
"A la rei e."
"A ral thuai mai ang."
Min en vang vang chu ka mitsîrin ka hmu reng; mahse, ka en duh lo tlat. Ka motor khalh laiah chauh chuan ka rilru ka pe lui tlat a.
"Nizàn khân eng vàngin nge zu kha i in vak vak a?"
"Ruih ka duh maw le!"
"Chu chu eng vàng maw? I bialnu nèn in intitau em ni?"
"Chutiang eng mah a awm lo."
"Min hrilh ve mai la?"
"Sawi tùr a awm lo."
A kal hma chu ka awmpui. Kan inbe vak lo va, a thil min zawh ka hrilh duh loh vàng pawh kha a ni maithei, min en țha duh vak lo, a titau ve a niang.
Mahni chauhin ka inkhalh chho bap bap a, a ngaihawm reuh dawn lutuk. Ni tin ka dàwrah a rawn kal ziah si a, a reh rawih dáwn a ni.
Car chu an garage-ah ka dah a, dàwrah ka pêng leh lawk a, ka haw chho deuh nghal.
Zanriah ei laiin Bawihtei chuan," Tàte, i ngawichawi riauin ka hria," a ti sar sar a.
"Ka awih chiah lo."
"Awih rawh, ka nêl lo țêp che. Ih, i țhiannu chhe lo deuh kha a chhuk tawh em?"
"Um, tlaiah khân a chhuk a."
"Chuvàng a nih chiah chu."
Zànah Melo-i'n min rawn phone a, ka chhâng dáwn nge dáwn lo tiin ka inbùk a; mahse, chhàn duh loh ringawt țha ka ti lo va, ka chhâng ta.
Kan inbiak lai reng chuan tih dàn tùr țha deuh ka hre chhuak. Min kawp theih chhûng chu ka inkawptîr ang a, min tih ang chiah hian ka tilêt ang. Chu chu ka tum dàn a ni ta bur mai.
Țha takin kan inbia a; mahse, ka rilru tak takin ka be thei tawh lo. Mi dang ka kawp viau lai pawh khân Melo-i hi chu ka dah lal ber țhìn a nih kha; mahse, tunah chuan...
Ka dàwrah chauh ka rilru ka pe ta. Thil dangah ka rilru ka pe ta lo, lèn châkna pawh ka nei tawh lo va, nulain ka mit an la tawh hek lo. Tunah chuan ka dàwr, chhûngte leh Duata chiah hi ka neihchhun an ni ta.
Ka thawhrim avàngin sum pawh ka la lût ta viau; ka thawh chhuah liau liau a ni a, ka hmang mai mai khât khawp mai. Melo-i pawh an ina ka lèn ngai tak lohah chuan dàwrah min rawn kalchilh a, ka be chhe ngai chuang lo. A pângngai chiahin ka lo bia a, lêng tùra min sàwm erawh chuan ka buaizia thuin ka chhâng țhìn. Dâwt ka sawi lo, dàwrah hian ka buai lutuk tawh, thawk tùr pawh lâk belh ka duh ta hial.
Zirlai inhlawh duh chhawr tùr ka zawng a, ka țanpui ve theih nân ka ti a ni. Ina ka sawi chuan Bawihtei chuan," Ka hmuhsak ang che, ka hauh," a lo ti var a.
"Nang chu i thawk thei lo aw."
"Ni lo, ka țhiannu nau tân ka lo hauh teh ang, inhlawhna a duh thei lutuk a."
"Zirlai a ni em?"
"Aw, ka țanpui ve thei pah tihna a ni dáwn a, a va tihzia tak!"
"Eng tikah nge a lo thawh țan theih ang?"
"Zaninah ka lo bia ang a, Dec thla ațang hian a lo thawh theih nghal ka ring."
"A zia hlauh chu. Hlawh chu a dârkârin ti ila, chu chu i țhiannu nau tân a lo țha zâwk maithei a."
"A țha viau ang, ka lâwm e."
December thla a lo thlen chuan khaw vâwt pawh a lo zual ta. Tlaia rei tak dàwr nghah pawh a peihawm loh mai dáwn, ka chhawr thawrpa chu a mawng a zàn hmel reuh khawp mai. Kum 20 pawh a la tling lo va, a u nèn zàrkawtah hian in luahin an awm a ni àwm e. A hming chu Muansanga a ni.
Zîngah dàwr hawngin ka thlen thlâk ve meuh chuan a lo inhralh nual tawh țhìn, a hmêl hi ka hmuh hnu ang ka ti a, ka hre chhuak thei mai si lo.
Chhùn lamah erawh class kal a duh chuan a kal mai tùrah ka ngai; mahse, a kal chuang lo. A nghâk ve reng tho a, tlaiah ka hawsan a, Kimtei leh Amawia haw hnuah darkâr 2 vêl a nghâk leh țhìn.
Bawihteite an exam sia, college kal lai a ni bawk si a, exam tùrin a chhuak bawk si lo, ka hre thiam lo va, ka zâwt ta a.
"Nia, inhlawh ka duh luatah attendance-ah ka tling zo lo va, ka exam thei ta lo va."
Mak ti deuhin ka en a, a va mak dáwn ve! Mi fate hi heti tak hian an lo chhelin an lo tuar nasa a ni maw! Kei ve kha, nu leh pa pawisa ringin nuamsa takin lehkha kan zir kha a ni a, inhlawhte chu khawilam!
"A nih tak chu, kan lo inhre har a ni tiraw? Inhre hma ila chuan attendance-ah i tla miah lo ang."
A nui sak a," A pawi lo, Mami a exam thei a, a zia tho. Kei chu nakkum lamah tha tharin ka ti leh ang a, ka tla tawh bîk lo ang chu," a ti a.
"I u chu tu nge?"
"Hlimhlimi."
Bawihtei țhiannu Hlimhlimi maw!!! E khai! Hlimhlimi nau maw ka lo chhawr hi.
"Bawihtei țhiannu Hlimhlimi kha maw?"
"Aw, Bawihtei chu a lo kal fo asin."
Khawvêl hi a lo va zîm ém!!! Ngaihtuah chhuah nachâng ka lo hre miah lo hi a mak, ka hmuh hnu ang ka lo tih țhin pawh kha Hlimhlimi a an vàng a lo nih dáwn hi.
Zàrkawta awm an ni a, building lian pui pui vêng hran hranah an nei nual. Chu chu office leh dàwr atân an luah hawh a, luah man an hui țawk țawk țhìn. Fanu mal a ni a, a nu leh pa hian Mizorama awm tawh tùrin an ti tawh a ni àwm e.
"Awm ve tawh mai la?"
"Eng nge ka thawh ang?"
"Ka dàwrah hian lo thawk ve mai la?"
A nui nasa mai. " Fiamthu i lo thiam tawh hle mai, lo thawk lo pawh ni ila, ka rawn lang zut dáwn asin, thawk ang tho chu ka nih duh hmél," a ti a, kei pawh ka nui lo thei lo. A ni lah tak a, ni tin a lo kal a, hna thawk lo pawhin a dam chhûng hman tùr pawisa hi chu a nei ém ém tawh a ni.
"Eng tikah nge chaw kan ei khâwm ang?"
"Âțana hman hunah, saturday zànah a tihchi ngawtin ka ring."
"Kan inah aw."
A haw hnuah Amawia chuan," Boss, a chhe lo ropui sia, nei keuh teh," a ti sar sar a, Kimtei pawh chuan phûr zet hian," Nia, a fel tho bawk si," a lo ti ve a.
"Min duh lo."
"Awihawm loh, a cheziaah a lang vek."
Ka țhiannu alawm a nih, ka hrilh fiah peih lo, an ngaih dàn hian ngai mai mai teh se.
"A chhe lo e!"
"A hausa bawk si!"
"A fel bawk si!"
An thil sawi chu ka ûksàk hran lo, a nihna vek chu a ni alawm, ka țhiannu a ni a, a bâk a awm lo.
Chaw kan ei laiin Bawihtei'n Lawmkimi chanchin chu a sawi chhuak leh ta hlauh mai a. Nonoi beng a lo verh leh pek khawp mai.
"Ka hmu châk ve e, Tàte, lo hruai rawh aw."
"Teh rêng mai."
Ka nu chuan a nu leh pa hming min zâwt a, ka hrilh chuan," Ka hria e, Nunmawii chu kan junior a ni țhìn a, a hmel a țha alawm. Pasal pawh a nei țha viau rêng a, a hmel țhatna a chhawr thiam tlat bâkah a fel ve hrim hrim bawk a," a ti barh barh a.
"Tàtea hian nei se ka ti, kan monu atân ka duh e," Bawihtei chuan a lo ti vang vang a.
"Ka țhiannu a ni ka tih tawh kha."
"Ințhianna ațangin hmangaihna pawh a awm thei tho alawm."
Țâlh țâlh chuan. Hmãna ka en dàn ang tho khân ka la en reng, bialnu tùr melhin ka la melh chhin lo chiang.
Melo-i nèn kan ni tluang zêl a; mahse, kan mu dùn tawh lo. Hun fâl leh hmun fâl ka melh duh lo lui tlat a, a chhan chu ka insùm theih loh ka hlau. Inkuah leh infawh erawh ka hnar thei bîk lo, ka la thlahlel reng tho si a.
Lawmkimi chhuk hmain Sunday tlaiah kan lêng a, Âțana nèn kan pathumin. Duata khalh a châk tlat avàngin Lawmkimi chuan a khalh a, keiin a rawn ken i20 chu ka khalhsak a, Âțana ka phur thung.
World bank road lamah bawk kan tlân, Lawmkimi'n bike a leupui châk miau a, fîmkhur tùrin ka hrilh tak nain a chêtsual ka ring hran lo. College kan kal lai pawha duh tâwka bike khalh thiam tawh a ni miau a.
He mi ni hi ka tân chuan theihnghilh theih rual a ni tawh lo. Zàmpuimanga thlan kan va thleng phei a, kan ding chuang lo. A piah deuh takah kan va in-turn a, a chhan chu duh aiin mi an lo tam a, tlangvâl hawklak kârah nula pawh an awm tlat.
Kan lêt leh lamah chuan Melo-i ka hmu ta tlat mai! Bike-ah a ni lo, car chhûngah a ni ka hmuh ni. Driver nèn insi deuhthawin an lo țhu a, min hmu ve miah lo. Ka lèn a ring lo nge niang, a rûkin hetiang hi a lo ni zâwk? Min rawn hmu ve thei dáwn chuang lo va, muangchângin ka tlân, an infâwp ta. Ka thinlung chu a nghawr dat mai.
An piah deuh hlekah ka ding a, Âțana chuan min melh zawk nain eng mah a sawi lo, ka call chhin ta.
Min chhâng miah lo, a ring ral țhak. Message ka thawn leh a, a hmuh huna min chhàn tùrin.
Zànah Lawmkimite inah amah thlahna hun kan hmang a, ka ngawichàwi khawp mai. Zu ka in mial mial a, ka mitthlaah Melo-i'n mi dang a fâwp lai chu ka hmu zêl a, ka thinlung a nâ ka ti lo, kawp lo ni reng chuan ka thin a tirim a ni zâwk.
"Zoremsang, duh tâwk teh, in inhlum i tum em ni?"
Ka thinrimna theihnghilh țhaka in ka tum mai a ni. Ka mitthlaa Melo-i lo lang zêl chu tih-reh ka duh, eng mah hre lo leh ngaihtuah thei lo lêka ruih ka duh.
"Zanin chu Âțan, i bulah ka riak mai ang aw, zu rim nam chung chuan haw ka duh lo," tiin Âțana chu ka en a.
"Hetah riak ve ve r'u."
A pawi miah lo, kan ina ka haw loh chuan a tâwk a ni mai.
Ka ruih hma chu ka in char char, Lawmkimi chuan min lâksak ta daih mai; mahse, ka rùi lutuk tawh, chêt pawh ka che thei tawh lo.
Zîngah ka lu na tluk tluk vàngin ka harh a, ka men chuan ka mutna chu ka hai țêp a ni. Ka bul ka han dap a, Âțana ka hmuh chuan ka thaw huai, Lawmkimi erawh a room-ah a mu a niang.
Chhuatah kan mu a lo ni. Lawmkimi room-ah kan mu ve ve a, ani erawh chu khumah a lo mu niin. Dawhkàna damdawi leh tui bottle awm chu banin damdawi chu ka hmawm nghal a.
Tho mai ta lo chuan ka mu leh vang vang, eng vànga hetia awm nge ka nih? Melo-i'n min lo kawp ve pawh chu ka va la na àwm ve a!
Teuh lo, hmeichhiain min kawp ngam a nih chuan ka țhen ngam khawp ang. Ka la nâ maw? Kei pawhin ka kawp a, engtizia nge ka lâk nat bîk ang? Ka thil tih kha ka chungah a rawn lêt a ni mai a, vui tùr leh thinrim tùr ka ni chiah em?
Thinrim tùr ka ni miah lo. Ka tuh rah ka seng a nih hi, ka chìn țha lo zet kha ka seng ta mêk a nih hi.
Ka phone chu ka en a, missed calls a lo awm nual, Melo-i hnên ațang vekin. Message pawh a lo awm e.
*Ka phone ka lo keng lo va, pawi ka ti khawp mai. Ka pite inah chaw ka ei leh daih a, zànah lo lêng la.*
*Ka phone i chhâng thei lo, ka lo nghâk reng che asin.*
Hm, dâwt a sawi lo maithei. A pite inah chuan chaw a ei leh ei loh ka hre lo; mahse, min kawp tho.
Ka rilru a na lo ka tih chuan dâwt tlêm ka sawi tihna a ni ang. Khati chen kha ka lo ngaizâwng ve tawh a, ka bialnu bera ka lo chhàl ve țhin a ni nghe nghe, ani aia kawp rei ka la nei miah lo; mahse, ka țhen hmak ang.
Inah ka haw lo ta law law. Ka rimchhe lutuk a, Lawmkimi bathroom-ah ka inbual ta mai, Âțana erawh a haw thung. Dàwrah ka tlang nghal a, chawhnu lamah erawh Lawmkimi ka thlah, a fel reuh sia, a ngaihawm reuh khawp ang.
"Rawn haw chho thuai la aw?"
"Um, kumin hi chu a laklawh tawh èm mai a, nakkumah lamah ka rawn chho nghet tawhin ka ring."
"Mizoramah i awm nghet tawh dáwn maw?"
"Aw."
"A va țha ve!"
"Min lo ngai lutuk lo la."
"Ngai ang."
"Tak tak ang em?"
"Um."
"I ti tak tak lo."
"Naupang chhia suh."
"Ka ngai dáwn riau che a."
"I lo chhoh har dáwn tawh loh chu."
"A la rei e."
"A ral thuai mai ang."
Min en vang vang chu ka mitsîrin ka hmu reng; mahse, ka en duh lo tlat. Ka motor khalh laiah chauh chuan ka rilru ka pe lui tlat a.
"Nizàn khân eng vàngin nge zu kha i in vak vak a?"
"Ruih ka duh maw le!"
"Chu chu eng vàng maw? I bialnu nèn in intitau em ni?"
"Chutiang eng mah a awm lo."
"Min hrilh ve mai la?"
"Sawi tùr a awm lo."
A kal hma chu ka awmpui. Kan inbe vak lo va, a thil min zawh ka hrilh duh loh vàng pawh kha a ni maithei, min en țha duh vak lo, a titau ve a niang.
Mahni chauhin ka inkhalh chho bap bap a, a ngaihawm reuh dawn lutuk. Ni tin ka dàwrah a rawn kal ziah si a, a reh rawih dáwn a ni.
Car chu an garage-ah ka dah a, dàwrah ka pêng leh lawk a, ka haw chho deuh nghal.
Zanriah ei laiin Bawihtei chuan," Tàte, i ngawichawi riauin ka hria," a ti sar sar a.
"Ka awih chiah lo."
"Awih rawh, ka nêl lo țêp che. Ih, i țhiannu chhe lo deuh kha a chhuk tawh em?"
"Um, tlaiah khân a chhuk a."
"Chuvàng a nih chiah chu."
Zànah Melo-i'n min rawn phone a, ka chhâng dáwn nge dáwn lo tiin ka inbùk a; mahse, chhàn duh loh ringawt țha ka ti lo va, ka chhâng ta.
Kan inbiak lai reng chuan tih dàn tùr țha deuh ka hre chhuak. Min kawp theih chhûng chu ka inkawptîr ang a, min tih ang chiah hian ka tilêt ang. Chu chu ka tum dàn a ni ta bur mai.
Țha takin kan inbia a; mahse, ka rilru tak takin ka be thei tawh lo. Mi dang ka kawp viau lai pawh khân Melo-i hi chu ka dah lal ber țhìn a nih kha; mahse, tunah chuan...
Ka dàwrah chauh ka rilru ka pe ta. Thil dangah ka rilru ka pe ta lo, lèn châkna pawh ka nei tawh lo va, nulain ka mit an la tawh hek lo. Tunah chuan ka dàwr, chhûngte leh Duata chiah hi ka neihchhun an ni ta.
Ka thawhrim avàngin sum pawh ka la lût ta viau; ka thawh chhuah liau liau a ni a, ka hmang mai mai khât khawp mai. Melo-i pawh an ina ka lèn ngai tak lohah chuan dàwrah min rawn kalchilh a, ka be chhe ngai chuang lo. A pângngai chiahin ka lo bia a, lêng tùra min sàwm erawh chuan ka buaizia thuin ka chhâng țhìn. Dâwt ka sawi lo, dàwrah hian ka buai lutuk tawh, thawk tùr pawh lâk belh ka duh ta hial.
Zirlai inhlawh duh chhawr tùr ka zawng a, ka țanpui ve theih nân ka ti a ni. Ina ka sawi chuan Bawihtei chuan," Ka hmuhsak ang che, ka hauh," a lo ti var a.
"Nang chu i thawk thei lo aw."
"Ni lo, ka țhiannu nau tân ka lo hauh teh ang, inhlawhna a duh thei lutuk a."
"Zirlai a ni em?"
"Aw, ka țanpui ve thei pah tihna a ni dáwn a, a va tihzia tak!"
"Eng tikah nge a lo thawh țan theih ang?"
"Zaninah ka lo bia ang a, Dec thla ațang hian a lo thawh theih nghal ka ring."
"A zia hlauh chu. Hlawh chu a dârkârin ti ila, chu chu i țhiannu nau tân a lo țha zâwk maithei a."
"A țha viau ang, ka lâwm e."
December thla a lo thlen chuan khaw vâwt pawh a lo zual ta. Tlaia rei tak dàwr nghah pawh a peihawm loh mai dáwn, ka chhawr thawrpa chu a mawng a zàn hmel reuh khawp mai. Kum 20 pawh a la tling lo va, a u nèn zàrkawtah hian in luahin an awm a ni àwm e. A hming chu Muansanga a ni.
Zîngah dàwr hawngin ka thlen thlâk ve meuh chuan a lo inhralh nual tawh țhìn, a hmêl hi ka hmuh hnu ang ka ti a, ka hre chhuak thei mai si lo.
Chhùn lamah erawh class kal a duh chuan a kal mai tùrah ka ngai; mahse, a kal chuang lo. A nghâk ve reng tho a, tlaiah ka hawsan a, Kimtei leh Amawia haw hnuah darkâr 2 vêl a nghâk leh țhìn.
Bawihteite an exam sia, college kal lai a ni bawk si a, exam tùrin a chhuak bawk si lo, ka hre thiam lo va, ka zâwt ta a.
"Nia, inhlawh ka duh luatah attendance-ah ka tling zo lo va, ka exam thei ta lo va."
Mak ti deuhin ka en a, a va mak dáwn ve! Mi fate hi heti tak hian an lo chhelin an lo tuar nasa a ni maw! Kei ve kha, nu leh pa pawisa ringin nuamsa takin lehkha kan zir kha a ni a, inhlawhte chu khawilam!
"A nih tak chu, kan lo inhre har a ni tiraw? Inhre hma ila chuan attendance-ah i tla miah lo ang."
A nui sak a," A pawi lo, Mami a exam thei a, a zia tho. Kei chu nakkum lamah tha tharin ka ti leh ang a, ka tla tawh bîk lo ang chu," a ti a.
"I u chu tu nge?"
"Hlimhlimi."
Bawihtei țhiannu Hlimhlimi maw!!! E khai! Hlimhlimi nau maw ka lo chhawr hi.
"Bawihtei țhiannu Hlimhlimi kha maw?"
"Aw, Bawihtei chu a lo kal fo asin."
Khawvêl hi a lo va zîm ém!!! Ngaihtuah chhuah nachâng ka lo hre miah lo hi a mak, ka hmuh hnu ang ka lo tih țhin pawh kha Hlimhlimi a an vàng a lo nih dáwn hi.
Comments
Post a Comment