☆MIN EN LA☆ - 27 By Dingdi Pachuau "Nu....!!" ka ti vak a, ka nu chuan," Eng i ti vak vak chu ni maw! Ka beng i tichhêt zo dâwn alawm!" a lo ti vat a, hmui petin ka han hawi kual a, ka nauteho chuan mak tih hmèl tak hian min lo en țhap mai. Mercy phei chu a lo meng phâwk zual a,"A ring sia, ka phu nasa lutuk a, ka thil ei lai pawh ka dawlh zawk alawm," a lo ti a, a âwm chu a'n chùm pah dat dat a, ka nu chuan," Hre thiam rawh, i u hi a phúr lutuk a nih àwm hi" tiin Mercy hnungah chuan a han zût thla a, kei erawh chuan," A, hetiang thil hi, âwihawm loh lutuk!" tiin chaw pawh ei chhunzawm tawh lo chuan ka tho ta daih a. Zotei lah chuan," A phûr lutuk helhawlh vàng a nih kha," a lo ti zui a, ka va melh nghek ringawt. A mak êm alawm. Ka nu chuan a fiamthu niin a lang bawk si lo, eng atân nge min neih chu a duh ang? A ei siam reng tùrin maw?! Ka kal duh tâk si lohah chuan a ti a ni ngei ngei ang, chutiang ni lo se chuan eng at...
☆MAGDALENE☆ - 8 By Dingdi Pachuau
In ka thlen chuan ka chhûngte chuan min lo làwm thiam khawp mai. Ka chawhmeh hawn lah chu râk chèl chúl chungin an phawrh a, an lâwm thiam ,a nuam ka ti.
"Tàte, i kal leh hun chu ka kal ve duh aw, sangha leh kaikuang chu ka man ve châk! Exam zawhah kal ang u aw."
Zanriah ei hmain ka inbual a, ni sa hnuaiah ka va awm nasa bawk a, ka vun a sen deuh kharh mai; mahse, 'nun' ka va zir chhuak a, hlawhtling ka inti ém ém tho.
"I sangha man chu a hâng a tui khawp mai."
Ka nuin a lo chhùm niin, kei chuan ka ngaina ve teh chiam lo va, man erawh nuam ka ti viau thung.
"Kal leh ka châk!"
"Tàte, exam zawhah ti rawh, ka kal ve châk a nia!"
Nonoi pawh chuan," Kei pawh sangha ka man ve duh," a lo ti ve chuar chuar a, chaw chu a hâwp pâk pâk a.
"Note, i man ngam dáwn em ni?"
"Ka man ngam loh leh Au Bawihtei'n a man mai dáwn alawm."
Kan nui dar dar a.
"I va kal a, i va hmang nuam tih kan hmu thei a, a làwmawm khawp mai," ka nu chuan a ti dap dap a.
"Nia, ka kal lo ang tih ka hlau asin, Nu. An nun dàn tam tak va zir chhuak hman lo mah ila, a țhen ka va hmuin ka va tawng ve a, a nuam ka ti. 'Nun' dik tak an hmang niin ka hria."
Ka pa chuan," A țha e, i nun nguai zet pawh a rawn pângngai ve leh ta a, zin harha zin chhuah hi a țha rêng a ni," a lo ti ve bawk a. Ka chhûngte hian ka nun 'boring' lutuk kha an lo ning ve tho a lo nih dáwn hi.
Mut hmunah chuan tlaia thil thleng kha ka ngaihtuah a, inchhuih lo ta se kan inkârah khatiang thil kha a thleng kher ang em le? Engtin nge khatiang thu kha ka ka ațang hian a lo chhuah thut theih le? Min duh lo tak tak nge ni a, bialpa a nei?
Bialpa a neih hlauh chuan a dik thei lo ang, an inkâr ka tibuai ang maw? Ka luhlulna avàngin mi pahnih inkâr ka tibuai ringawt ang maw? Bialpa a nei chiah em tih ka hriat phawt a ngai. Mi inkâr tibuaitu nih chu ka duh bîk miah lo.
Engtin nge ka hriat tâk ang le? Bawihtei ka zâwt dáwn em ni ang? Nge Muansanga ka zâwt ang? Ni lo, min ringhlel ang, ka hre chhuak tùr a ni.
Ka phone chu ka lek vat vat a, a number ka hmet chhuak. Ka text phawt ang, ka zâwt dáwn, call nân chuan duh aiin a tlai hret tawh tlat.
*Bialpa i nei em?*
Ka send nghal. Ka nghâk deuh vang vang, min chhâng duh kher lo ang, message hi chu a pawimawh vak tlat lo a ni.
Ka call mai dáwn em niang? Ka tum thut thut nain hmanhmawh rum rum a ngai ka ti ta kher lo, hun ka la ngah alawm.
Message chu a rawn reply lo chiang kher mai, pawi lo, ka zâwt chhuak tho ang, tunge luhlul rei thei zâwk kan hria ang chu.
Ka message chu a 'read' chiang. Um, a țha e, a chhiar tal alawm. Min reply lo mah se, min chhâng khawp ang.
Phùr tharna mak tak min pe a, ka phûr sárh mai. Motor ka sil a, ka faifùk rât rât lai chuan," I zin chhuak hian hmuh țha i hmu a ni chiang," Bawhtei chuan a rawn ti lar lar a.
"Tlangvâl zin chhuak alawm ka nih le!"
"I hmêl hmuh a nuam tawh a, a nuam tawh é."
"Eng tikah nge in exam dáwn?"
"June 4-ah kan țan ang, engtizia teh daih nge chu chu min zawh a?"
June 4. Vawiin hi May 25 a ni a, chuti a nih chuan Hlimhlimi chu tihbuai vak a chî loh viau ang, lehkha zir a duh dáwn asin.
"Lui kan kal theih hun tùr ka lo ngaihtuah a," ka ti ve zaih a.
"Yes, ka exam chu min nghâk tak tak rawh aw. Ka châk tawh é!"
"Class in kal tawh lo em ni?"
"Aw, vawiin ațangin, study leave a ni mai ang chu."
Chuti, inah awmin lehkha a zir dáwn tihna a nih chu. Muansanga pawh a awm ve duh tak ang, lehkha zir a ngai dáwn asin.
Chaw ei khamah hmanhmawh ru takin ka insiam a, Duata ka phittîr leh mai.
Dàwrah chuan an lo awm țhap a, min hmuh veleh Kimtei chuan," A, Boss a ni reng mai! I va hmang nuam em? Ranngo i rawn hawn ve nghal ka ring deuh a nia," a lo ti chûl a.
"Nangmah i awm alawm."
"Zak teh, min chang tawh lo."
Muansanga chu enin," Haw rawh, lehkha zir tùrin ka duh che," ka ti nghal tâwng a.
"Boss, zànah ka zir thei alawm."
"Ni lo ve, zînga i lo nghâk hi a tâwk viau, i exam zawh hma chu kan àwl ang che."
"Boss, a làwmawm viau nain ka tih tùr a ni alawm."
"Min hnial lo tùrin ka duh che."
A haw ta nge nge. Semester hmasa lamah a exam thei tawh lo va, a exam theih hi chuan lehkha zir țha se ka duhpui. Pawisa hi chu duh tùr, thawh chhuah bawk tùr; mahse, zirlai a nih chuan a duty hmasa ber chu a zirlai zir a ni.
"Boss, i awm loh lai khân Melo-i a lo kal a," Amawia chuan a ti sar sar a.
"Eng nge a lo tih a?"
"Eng nge lo ti se i tih a?" Kimtei chuan a ti hé háw a.
"Ka hriat loh vàngin alawm ka zawh le, Kimbawng."
"A lo kal ve a ni mai alawm, mi sualpa."
Kan inchhâng tâwk thei a nia, Amawia chu a lo nui leh char char tawh.
"I bialpa rawn hruai tawh ang che."
"In hmuh ka phal teuh lo!"
"I nei lo tawp a nih kha."
Kan infiam leh thei ta. Ka nun 'boring' lutuk kha chu neih lêt leh ka duh tawh lo, paih bo hmak ka duh.
"Boss, zin hi i ngeih, zin chhuak zauh zauh tawh rawh."
"Amawi, ka awm loh chhûngin a lo intithu viau lo maw?"
Kan infiam kual leh ta. Kimtei hi kan beih rawn țhìn a, min chhàn lêt dàn tùr hi a ngaihtuah nasa thei si a, hei hian nuih a tiza țhìn.
Tlaiah ka pêng chho leh. Lehkha chu an lo zir ve ngei e, chaw erawh an la ei lo a nih hmel.
"Eng nge i lo tih dáwn, Boss?"
"Lehkha in zir țhat leh țhat loh ka rawn check."
Hlimhlimi chu a țawng tlêm kher mai, en pawh min en mang lo.
"Thingpui in rawh aw, Boss."
Hlimhlimi che nghal vat ka hmuh chuan ka khi sak a.
"A pawi miah lo."
Thingpui min rawn pe a, a kal sawn leh nghal vat, ka piah hla deuh hlekah a țhu daih. A phone chu a khàl nauh nauh a.
Idea ka nei e. Ka phone chu phawrh ve nghalin nizàna ka thu thawn ngai bawk kha ka thawn leh a, a message tone a ri vât vât mai. Ka en reng a, a phone chu a check chiah e.
A chhiar chiang, keimah a ni tih hriatna tùr amahah eng thil danglam mah a thleng lo, a awm ngai rengin a awm.
Muansanga chuan call a dawn vàngin room lamah a chhâng rih a, kei chuan' siai tak e' tih rilru pu chungin message ka type leh.
*Min reply loh chuan i unaupa hriat lai ngei hian ka zâwt ang che.*
Ka send leh nghal zat.
A phone chu dawhkàn chungah a dah ta daih a, message tone ri vât vât pawh chu a ngaihsak chuang lo.
Muansanga a rawn chhuak leh tawh a, kei pawhin thingpui ka in zo țêp tawh.
"Naktûkah zîng kârah dàwr chu i hawn hun pângngaiah i hawng leh tho ang a, Amawiate lo thlen hnuah inah i hawsan leh daih dáwn nia. Zîng kâr bâk a ngai lo."
"A inthlahrunawm e, Boss."
"Inthlahrung suh, țha takin lehkha hi zir la, exam zawh lamah erawh chuan nilênga min nghahpui leh a ngai tawh ang."
"A làwmawm tak tak a ni," Hlimhlimi chuan a lo ti sap a.
"I lâwm a nih chuan message reply rawh," ka ti rilru rauh rauh a, chutah, ka call ta, engtin nge a tih ang ka hre châk ta tlat.
A phone chu a ban vat a, ka number a ni tih a hriat chuan min rawn melh zawk a, a hmet tàwp daih.
"Tu nge a?" Muansanga chuan a lo ti vat a.
"Tù ni lo ve, company mai mai!"
Hm, company mai mai maw ka nih a?! Ka message leh call chu engah mah a ngai lo tihna a ni maw? He nu hi a mak danglam zak ka ti! Hetiang hmeichhia hi ka la tawng ngai miah lo, engah mah min ngai lotu hmeichhia hi. Het sala! Mahse, hetia min hnar a engah mah min ngaih loh poh leh ka luhlulna hi a chawk tho zual sauh si a ni.
"Ka'n haw tawh ang e, thingpui chu a tui khawp mai. Nula hmêl țha thingpui siam nge nge chu a tui dang zak mai!"
"Boss, ani hi chu thingpui leh noodles siam kher kher hi chu a 'cial' vena lam tak a nia."
Muansanga nui țhâ chu enin," A dik ka ring," tiin Hlimhlimi chu ka en leh a, a lo sen leh țân tawh, a zak thei ve hle a nih àwm hi.
Ka haw kawngah chuan ka message emaw ka call emaw min chhàn ngei theih dàn tùr ka ngaihtuah a, a phone-a message thawn chu min reply duh chuang si lo, call leh 'company' a ti daih bawk si. Ngawi tak rawh, tih dàn ka hria e.
Zanriah ei khamah ka room-ah ka inkhung sauh sauh a, Muansanga ka call ta a. Bungraw thleng tharho chungchâng ka zawh hnuah," Tlaiah khân i u kha ka zawh theihnghilh daih a, khawngaih takin ka lo be lawk thei ang em?" ka ti ve ta zaih a.
"Aw le, ka pe nghal e."
An țawng chu ka hre riai ruai, a hnuah," Hello?" a rawn ti ta chiah.
"Ka message reply rawh."
"Phone ka khawih lo va."
"En lawk mai teh, khawngaihin?"
A haw teh ang chu.
"Phone kha dah la, i phone-ah ka rawn text ang che, min reply loh chuan ka rawn kalchilh dáwn che a nia."
Ka vau chu a ni chiah lovin ka hria. Min reply ngei se ka duh vàng a ni zâwk.
A ngai bawk ka zâwt leh ta. Hriat chhuah ngei ka duh tlat si a.
*Nei lo.*
Min chhâng ve ta hrâm e, chu pawh a làwmawm lam lehnghalin.
*Ka bialnu ni rawh.*
*I zawhna ka chhâng tawh che a, i lo kal loh hrâm ka beisei.*
A luhlul ve zêk reuh; mahse, min tiphûr tlat.
*Ka duh che.*
Min chhàn lêt ka rin loh nèn, min rawn chhâng leh tlat.
*Min duh suh.*
Eng vàngin maw? He nu hi a chapo em ni? Fel hmel deuha lang chung si hian a rilru a dik lo em ni?
*Eng vàngin?*
Min reply ta miah lo. Call ka tum deuh ut ut a; mahse, a lehkha zir tihbuai ka hlau ve tho bawk si.
In ka thlen chuan ka chhûngte chuan min lo làwm thiam khawp mai. Ka chawhmeh hawn lah chu râk chèl chúl chungin an phawrh a, an lâwm thiam ,a nuam ka ti.
"Tàte, i kal leh hun chu ka kal ve duh aw, sangha leh kaikuang chu ka man ve châk! Exam zawhah kal ang u aw."
Zanriah ei hmain ka inbual a, ni sa hnuaiah ka va awm nasa bawk a, ka vun a sen deuh kharh mai; mahse, 'nun' ka va zir chhuak a, hlawhtling ka inti ém ém tho.
"I sangha man chu a hâng a tui khawp mai."
Ka nuin a lo chhùm niin, kei chuan ka ngaina ve teh chiam lo va, man erawh nuam ka ti viau thung.
"Kal leh ka châk!"
"Tàte, exam zawhah ti rawh, ka kal ve châk a nia!"
Nonoi pawh chuan," Kei pawh sangha ka man ve duh," a lo ti ve chuar chuar a, chaw chu a hâwp pâk pâk a.
"Note, i man ngam dáwn em ni?"
"Ka man ngam loh leh Au Bawihtei'n a man mai dáwn alawm."
Kan nui dar dar a.
"I va kal a, i va hmang nuam tih kan hmu thei a, a làwmawm khawp mai," ka nu chuan a ti dap dap a.
"Nia, ka kal lo ang tih ka hlau asin, Nu. An nun dàn tam tak va zir chhuak hman lo mah ila, a țhen ka va hmuin ka va tawng ve a, a nuam ka ti. 'Nun' dik tak an hmang niin ka hria."
Ka pa chuan," A țha e, i nun nguai zet pawh a rawn pângngai ve leh ta a, zin harha zin chhuah hi a țha rêng a ni," a lo ti ve bawk a. Ka chhûngte hian ka nun 'boring' lutuk kha an lo ning ve tho a lo nih dáwn hi.
Mut hmunah chuan tlaia thil thleng kha ka ngaihtuah a, inchhuih lo ta se kan inkârah khatiang thil kha a thleng kher ang em le? Engtin nge khatiang thu kha ka ka ațang hian a lo chhuah thut theih le? Min duh lo tak tak nge ni a, bialpa a nei?
Bialpa a neih hlauh chuan a dik thei lo ang, an inkâr ka tibuai ang maw? Ka luhlulna avàngin mi pahnih inkâr ka tibuai ringawt ang maw? Bialpa a nei chiah em tih ka hriat phawt a ngai. Mi inkâr tibuaitu nih chu ka duh bîk miah lo.
Engtin nge ka hriat tâk ang le? Bawihtei ka zâwt dáwn em ni ang? Nge Muansanga ka zâwt ang? Ni lo, min ringhlel ang, ka hre chhuak tùr a ni.
Ka phone chu ka lek vat vat a, a number ka hmet chhuak. Ka text phawt ang, ka zâwt dáwn, call nân chuan duh aiin a tlai hret tawh tlat.
*Bialpa i nei em?*
Ka send nghal. Ka nghâk deuh vang vang, min chhâng duh kher lo ang, message hi chu a pawimawh vak tlat lo a ni.
Ka call mai dáwn em niang? Ka tum thut thut nain hmanhmawh rum rum a ngai ka ti ta kher lo, hun ka la ngah alawm.
Message chu a rawn reply lo chiang kher mai, pawi lo, ka zâwt chhuak tho ang, tunge luhlul rei thei zâwk kan hria ang chu.
Ka message chu a 'read' chiang. Um, a țha e, a chhiar tal alawm. Min reply lo mah se, min chhâng khawp ang.
Phùr tharna mak tak min pe a, ka phûr sárh mai. Motor ka sil a, ka faifùk rât rât lai chuan," I zin chhuak hian hmuh țha i hmu a ni chiang," Bawhtei chuan a rawn ti lar lar a.
"Tlangvâl zin chhuak alawm ka nih le!"
"I hmêl hmuh a nuam tawh a, a nuam tawh é."
"Eng tikah nge in exam dáwn?"
"June 4-ah kan țan ang, engtizia teh daih nge chu chu min zawh a?"
June 4. Vawiin hi May 25 a ni a, chuti a nih chuan Hlimhlimi chu tihbuai vak a chî loh viau ang, lehkha zir a duh dáwn asin.
"Lui kan kal theih hun tùr ka lo ngaihtuah a," ka ti ve zaih a.
"Yes, ka exam chu min nghâk tak tak rawh aw. Ka châk tawh é!"
"Class in kal tawh lo em ni?"
"Aw, vawiin ațangin, study leave a ni mai ang chu."
Chuti, inah awmin lehkha a zir dáwn tihna a nih chu. Muansanga pawh a awm ve duh tak ang, lehkha zir a ngai dáwn asin.
Chaw ei khamah hmanhmawh ru takin ka insiam a, Duata ka phittîr leh mai.
Dàwrah chuan an lo awm țhap a, min hmuh veleh Kimtei chuan," A, Boss a ni reng mai! I va hmang nuam em? Ranngo i rawn hawn ve nghal ka ring deuh a nia," a lo ti chûl a.
"Nangmah i awm alawm."
"Zak teh, min chang tawh lo."
Muansanga chu enin," Haw rawh, lehkha zir tùrin ka duh che," ka ti nghal tâwng a.
"Boss, zànah ka zir thei alawm."
"Ni lo ve, zînga i lo nghâk hi a tâwk viau, i exam zawh hma chu kan àwl ang che."
"Boss, a làwmawm viau nain ka tih tùr a ni alawm."
"Min hnial lo tùrin ka duh che."
A haw ta nge nge. Semester hmasa lamah a exam thei tawh lo va, a exam theih hi chuan lehkha zir țha se ka duhpui. Pawisa hi chu duh tùr, thawh chhuah bawk tùr; mahse, zirlai a nih chuan a duty hmasa ber chu a zirlai zir a ni.
"Boss, i awm loh lai khân Melo-i a lo kal a," Amawia chuan a ti sar sar a.
"Eng nge a lo tih a?"
"Eng nge lo ti se i tih a?" Kimtei chuan a ti hé háw a.
"Ka hriat loh vàngin alawm ka zawh le, Kimbawng."
"A lo kal ve a ni mai alawm, mi sualpa."
Kan inchhâng tâwk thei a nia, Amawia chu a lo nui leh char char tawh.
"I bialpa rawn hruai tawh ang che."
"In hmuh ka phal teuh lo!"
"I nei lo tawp a nih kha."
Kan infiam leh thei ta. Ka nun 'boring' lutuk kha chu neih lêt leh ka duh tawh lo, paih bo hmak ka duh.
"Boss, zin hi i ngeih, zin chhuak zauh zauh tawh rawh."
"Amawi, ka awm loh chhûngin a lo intithu viau lo maw?"
Kan infiam kual leh ta. Kimtei hi kan beih rawn țhìn a, min chhàn lêt dàn tùr hi a ngaihtuah nasa thei si a, hei hian nuih a tiza țhìn.
Tlaiah ka pêng chho leh. Lehkha chu an lo zir ve ngei e, chaw erawh an la ei lo a nih hmel.
"Eng nge i lo tih dáwn, Boss?"
"Lehkha in zir țhat leh țhat loh ka rawn check."
Hlimhlimi chu a țawng tlêm kher mai, en pawh min en mang lo.
"Thingpui in rawh aw, Boss."
Hlimhlimi che nghal vat ka hmuh chuan ka khi sak a.
"A pawi miah lo."
Thingpui min rawn pe a, a kal sawn leh nghal vat, ka piah hla deuh hlekah a țhu daih. A phone chu a khàl nauh nauh a.
Idea ka nei e. Ka phone chu phawrh ve nghalin nizàna ka thu thawn ngai bawk kha ka thawn leh a, a message tone a ri vât vât mai. Ka en reng a, a phone chu a check chiah e.
A chhiar chiang, keimah a ni tih hriatna tùr amahah eng thil danglam mah a thleng lo, a awm ngai rengin a awm.
Muansanga chuan call a dawn vàngin room lamah a chhâng rih a, kei chuan' siai tak e' tih rilru pu chungin message ka type leh.
*Min reply loh chuan i unaupa hriat lai ngei hian ka zâwt ang che.*
Ka send leh nghal zat.
A phone chu dawhkàn chungah a dah ta daih a, message tone ri vât vât pawh chu a ngaihsak chuang lo.
Muansanga a rawn chhuak leh tawh a, kei pawhin thingpui ka in zo țêp tawh.
"Naktûkah zîng kârah dàwr chu i hawn hun pângngaiah i hawng leh tho ang a, Amawiate lo thlen hnuah inah i hawsan leh daih dáwn nia. Zîng kâr bâk a ngai lo."
"A inthlahrunawm e, Boss."
"Inthlahrung suh, țha takin lehkha hi zir la, exam zawh lamah erawh chuan nilênga min nghahpui leh a ngai tawh ang."
"A làwmawm tak tak a ni," Hlimhlimi chuan a lo ti sap a.
"I lâwm a nih chuan message reply rawh," ka ti rilru rauh rauh a, chutah, ka call ta, engtin nge a tih ang ka hre châk ta tlat.
A phone chu a ban vat a, ka number a ni tih a hriat chuan min rawn melh zawk a, a hmet tàwp daih.
"Tu nge a?" Muansanga chuan a lo ti vat a.
"Tù ni lo ve, company mai mai!"
Hm, company mai mai maw ka nih a?! Ka message leh call chu engah mah a ngai lo tihna a ni maw? He nu hi a mak danglam zak ka ti! Hetiang hmeichhia hi ka la tawng ngai miah lo, engah mah min ngai lotu hmeichhia hi. Het sala! Mahse, hetia min hnar a engah mah min ngaih loh poh leh ka luhlulna hi a chawk tho zual sauh si a ni.
"Ka'n haw tawh ang e, thingpui chu a tui khawp mai. Nula hmêl țha thingpui siam nge nge chu a tui dang zak mai!"
"Boss, ani hi chu thingpui leh noodles siam kher kher hi chu a 'cial' vena lam tak a nia."
Muansanga nui țhâ chu enin," A dik ka ring," tiin Hlimhlimi chu ka en leh a, a lo sen leh țân tawh, a zak thei ve hle a nih àwm hi.
Ka haw kawngah chuan ka message emaw ka call emaw min chhàn ngei theih dàn tùr ka ngaihtuah a, a phone-a message thawn chu min reply duh chuang si lo, call leh 'company' a ti daih bawk si. Ngawi tak rawh, tih dàn ka hria e.
Zanriah ei khamah ka room-ah ka inkhung sauh sauh a, Muansanga ka call ta a. Bungraw thleng tharho chungchâng ka zawh hnuah," Tlaiah khân i u kha ka zawh theihnghilh daih a, khawngaih takin ka lo be lawk thei ang em?" ka ti ve ta zaih a.
"Aw le, ka pe nghal e."
An țawng chu ka hre riai ruai, a hnuah," Hello?" a rawn ti ta chiah.
"Ka message reply rawh."
"Phone ka khawih lo va."
"En lawk mai teh, khawngaihin?"
A haw teh ang chu.
"Phone kha dah la, i phone-ah ka rawn text ang che, min reply loh chuan ka rawn kalchilh dáwn che a nia."
Ka vau chu a ni chiah lovin ka hria. Min reply ngei se ka duh vàng a ni zâwk.
A ngai bawk ka zâwt leh ta. Hriat chhuah ngei ka duh tlat si a.
*Nei lo.*
Min chhâng ve ta hrâm e, chu pawh a làwmawm lam lehnghalin.
*Ka bialnu ni rawh.*
*I zawhna ka chhâng tawh che a, i lo kal loh hrâm ka beisei.*
A luhlul ve zêk reuh; mahse, min tiphûr tlat.
*Ka duh che.*
Min chhàn lêt ka rin loh nèn, min rawn chhâng leh tlat.
*Min duh suh.*
Eng vàngin maw? He nu hi a chapo em ni? Fel hmel deuha lang chung si hian a rilru a dik lo em ni?
*Eng vàngin?*
Min reply ta miah lo. Call ka tum deuh ut ut a; mahse, a lehkha zir tihbuai ka hlau ve tho bawk si.
Comments
Post a Comment