☆RUATSANGA☆ - II

RUATSANGA - 11 By Dingdi Pachuau

Sunday-ah chuan ka inkhawm a, Rsa pawh nimin lamah a khawsik  a zia tawh avangin ka chhuahsan thei a. Chubâkah Eli a lo lang tlat bawk a,Rsa bula ka awm a ngaih loh phah a, a zia viau mai. Mahse rilru erawh a nuam lém lo, ka ngaihtuah zui reng tho si.

Mama nen pawh kan inhmu ta. Mahse ka inthiam loh deuh rún tawh avang chuan nuam ka ti tak tak lo, bum ang deuh tlatin ka inngâi a ni.

"I rilru min pe miah lo ania, eng nge i rilru tibuaitu che a awm em ni?"

Nui lui sak chungin," Awm ĺo ve, naktukah i phei leh dawn mai sia,ka ngâi leh dawn em che a" ka ti ve zaih a.

"Min lo ngâi ve tak tak em?"

"Ngâi ang chu" Hei chu ka tidik lo lém lo, ka ngâi ve tho alawm.

"Ka lawm e" min kuah vang vang a,min hmutu an awm lém lo bawk a, kei pawhin ka kuah lét ve a.

"Ka ngâi țhìn lutuk che hi rawn haw lawka phei tawh loh maite hi ka duh rum rum țhin. Mahse chutiang chuan awm ta ila, mi puitling lo tak ka ni dawn si. Kan pahnih tâna țha ka ngaihtuah a ngâi si a, kan tuar hmasak a ngâi a ni tiraw? Hrehawmna a hmasak phawt loh chuan hlimna a awm thei si lova"

"Nia,a dik alawm"

Ka hmui fâwp zoh pah chuan,"Mahse ka khawih phak lo che leh ka fâwp thei lo che hi chu hrehawm ka ti thlâwt, i bula awm reng mai hi ka duh, ka hné thei si lo" a ti leh sap sap a.

Mama hi chuan min duh ve tak tak alawm. Min hmangaih tih pawh a sawi tawh kha, thudik a nih ka ring bawk. Ani aia țha tur hi an awm lo, Rsa hi chuan min duh tak tak teuh lo, a type pawh ka ni lo. Nula high class ka ni lova,engkimah a tân ka tling lo vél vek.

A mamawh phuhru tur chauhin min duh a ni. Hmeichhia chu mipa khawvel tinuama an mamawh phuhrutu tur lekah a ngâi a nih kha. A tân chuan hmangaihnain awmzia a nei lova,awm pawh a awm hek lo.

Chuvang chuan amah hnaih lova a lak atanga ka inthiarfihlím a ngai a ni. A táwpa na tur chu keimah, Nu Sangi pawhin warning min pék ziah kha. Ani ve  thung hi chu,,engmahin a tina lovang.

"Thildang min ngaihtuahsan zel chuan,,,,"

Ka inthiam lo lutuk. Ka lo ngaihtuah kual lo thei țhin lo a ni. Mama bula ka awmlai tal hi chuan Mama chauh hi ngaihtuah tur ka ni asin.

"Ka tihpalh, ka ti tak tak"

A hmuiah ka fawhsak zoh a. Ani chuan min en vang vang phawt a,chumi hnuah chuan min kuah hnâiin min fâwp ta vawng vawng a.
Kei pawhin ka fâwp lét ve.

Mahse, a mak ka ti. Mama nena kan infawh hian Rsa nena kan infawh laia phúrna mak tak leh nuam tihna riau ka neih ang kha, ka nei ve miah lo. Eng nge a chhan ni ang? Mama hian min tiphúr zo lo tihna em ni ang? Nge Rsa kha a zei lutuk vang zawk?

Mama chuan țhi mawi deuh min hawn a lo ni. Min awrhtír a, darthlalanga ka inen chuan inhmeh ka inti ve hle, a to reuh phian ang.

Haw hma em em a ngaih loh avangin kan léng kual mai mai a,Mama'n titi tur a hre bawk a, fiamthu nen,kan nui bâwk bâwk mai. Ka hlim ta phian.Lily erawh lo kal ve a duh viau nain hun thâwl min pe ve niin ka hria,chhuanlam a siam daih.

Pu berte ina ka haw chu min thlah a, lo luh ve a tum tlat avangin ka hnial duh lo va. Lo luh hrim hrim chu a pawina a awm chuang hlei nem. Thil sual kan ti pawh ni hlei lo.

Tv room-ah chuan Rsa leh Eli an lo awm a,min hmuh chuan biak pawh min tum chuang lo, kei pawhin ka tum bík lo. Pu ber erawh chu a room lamah a awm leh tawh a nih ka ring. Kan lùt chu Nu Sangi chuan min lo be vat a.

"I lo haw ta maw? I va lo haw hma zawk  ve"

"Nia, tlâi deuha haw chu ka duh bík hlei nem le"

Kan nui a, Mama chu ka hmélhriattir bawk a,an inbe nghal bawrh bawrh mai, ka rilru a nuam huai.

"Chaw ei ve nghal la,Mama"

Makti deuhin Nu Sangi chu ka en a, Nu Sangi lah a nui hauh si lo.

Mama chuan nui chungin," Chaw ka heh si a, min khawrh hneh lo palh ang"a lo ti a,ei tak tak a tum ang tih ka lo hlâu a.

Rei pawh awm lovin ka thlaa, páwna kan din laiin,"Rsa bula mi kha Eli a ni em?" a ti a.

"Aw,ni e, i hria elo?"

"Venglai ami ve tho alawm"

"A nih tak chu. A lo kal zauh zauh"

"An inngaizawng tiraw?"

"A ni ang"

Car-a a luh dawn chuan,"Invéng fímkhur rawh aw"a ti sap a.

Eng lak atangin maw? Eli nge Rsa zawk? Nge thildang?

Sunday hi chuan eisiamtunu Chhani a lo kal ngai lo va, Nu Sangi'n a bâwl mai țhin. Kei ka awm chuan ka pui zauh zauh bawk. Mahse ka inla âwl ve deuh țhin tho. Bai lam erawh chu ka chanpualah ka dah deuh thung.

Eli chuan zanriah a lo ei ve dawn a lo ni!  A pawi ka ti lo. Ka bai siam tui tak a ei ve thei dawn tihna. Ka bai siam ang hi a thiam ve dawn lo tih ka hre chiang.

Zanriah hi chu kan kílho vek țhin. Túkțhuan erawh pu berte ei hnuah chauh kan ei thung.

Chaw kan ei lai chuan Eli chu a titi barh barh a,Rsa'n lo zawm zauhin Pu ber pawhin a lo tuhnih ve zauh zauh bawk a. Kei leh Nu Sangi erawh chu kan ngâwi reng a.

"Vawiin i léngchhuak chu a nuam em? Sunday hi chuan min dîl kher pawh ngai lovin i chhuak thei reng ania, thil țul bík a awm a nih loh chuan"

Pu ber nuihsak pah chuan,"Umm, nuam e, ka lawm e,ka pu" ka ti a.
Eli leh Rsa chu ka en lo hrim hrim.

"Rs,zanin chu  ka sawi kha aw"Eli chuan a lo ti sap a. Eli chu ka en a, Rsa chu no zet hian a lo melh a, ka ngei lutuk chu ka hawisawn nghal.

"Aw, ka hria e"

He mite pahnih hi a... Rsa lah hi hmeichhe thu thua awm duan duan mai. Ka ei lo,pâ lo em mai.

Zanriah ei kham rei vak lo hnuah an chhuak a, khawiah nge an kal dawn ka hre lo. An 'ride' dawn tak. Ride vang vang rawh se.

Ka nitin hun hman dan chu a ngâi reng mai. Sunday-ah ka chhuak ve țhin a, Lily nen kan inhmu țhin, Mama a rawn haw phei loh chuan. Rsa nen pawh kan inkâr a nģâi, a châng chuan fel deuh deuhin min bia a,a châng leh chimawm tâwk tâwkin. He pa awmzia hi hriatthiam a har. Mama nen kan inzui hian ka hmu thei phian lehnghal,chutih hunah chuan a bulah Eli pawh ka hmu ziah. An inkawp nghet ve hle a nih ka ring ta.

Ka pi (ka pa nu)thingtlang lama awm a boral avangin ka pa chu a kal ve a,kei erawh chu kal a phal ve lo. Kal ve ka duh tehlul nen, ka pi chu vawikhat ka hmu ve tawh,ka tét laiin. Ka pa hi a sual avangin a unau dangte nen an inmil lova,chuvanga ro pawh chang lo tur,in danga chhuak a ni. Mahse,mahni hringtunu em a boral meuh chuan kal lo thei lovah a inngai a ni ang.

In lam ka ngaihtuah avangin zânah pu berte ina riak lovin ka haw a, U Fela'n min thlah thlap. U Fela hi pu ber driver fel tak,hming pu zo em em a ni a,rei awm lovin a haw thuai a. A haw dawnah chuan ,"Nangmah chauhin i riak ngam tak tak ang maw?" a ti a,a thutak angreng phian a.

"Ngam e,nizanah pawh ka riak tawh.Ka riak zauh zauh tawh alawm"

"I va huai ve"

"Mi sual lo luhna tur a vâng em alawm"

A ni lah tak a, in hnuai a ni nain  mi sual luh rúkna tur a vâng viau. Kawngkapui ber lah chu a rinawm tlur bawk si.

In chung nâutein min rawn ko chúl a, ka lo chhâwn vat a. Step-ah a lo chhuk taih taih a,ka lo ngaihven vat. Inchhungah kâi lutin a titi chu ka ngâithla a, a țawngkam a nuihzatthlâk bawk sia,ka nuihpui leh vak vak a. Mahse rei a awm lo va. A nuin a rawn lam thuai.

In ka tihfel laiin kawngkhar a rawn ri dat dat a, in chung naute a nih ka ring leh deuh a,mahse a haw deuh chauh bawk sia.

"Lo lut rawh"

Ka rin loh deuh. Rsa a lo lang leh hlawl mai!

"Teh hlawl che chuan"

"Min va beisei âwm lo ve"

"Sei nâng"

"I beisei zâwk ka ni lo tihna"

"Beisei ka nei lo"

A helmet dawhkâna dahin a kawrbân chu a kiu lamah a'n pawt tawm chho phawt a, chutah,"A lo haw phei lo mi?" a ti sup a.

"Tu chu maw?"

"I pa chu a ni lo phawt mai a"

Thu min zawhkual vel dan hi ka ngei. Inla pehhél kual vel lutuk.

"Ka hre lo a nih chu"

"Țhut i phal em? Nge ka ding reng zawk dawn?"

A ngeiawm thei ania.

"Țhu rawh"

Long chair-ah chuan a țhu ta khuau a,kan long chair hi a hniam deuh hlek a, Rsa te ang bawp sei chu an țhu khuau lo thei lo.

"I pa chu engtikah nge a lo lêt dawn?"

Ngaihtuah lém lo deuh hian," Naktuk tuk leh velah a nih ka ring"ka ti liam puat a.

"I hlâu lo mi?"

"Eng nge hlauh tur awm?"

"Keimah"

A fiamthu a nih ringin ka en phei a,a lo nui miah lo.

Nui lui sak chungin," Haha,  min tihțhaih tihna em ni?"ka ti ve thung a.

"Ka hlauhawm teh ania,nula mahni chauha awm tân hlauh phei chuan"

"A ni maw? Ka khúr țanin ka hria" ka fiamthu zél a ni.

"Min ngâinép ve hle mai maw?"

He pa hi, a sawi ang deuh hian a hlauhawm țan tlat. A chhan chu kei, star em emtu tân hian a fâla awmpui hi a hlauhawm a ni. Fiamthuah a thusawi ka lâksak mai pawh a,a sawi dik ka ti ru lutuk.

"Nizan khan rawn kal ka tum a"

"A ni maw?"

"I awm loh chuan ka khua a har tlat a"

A ti tak tak em le? A khua a har tak tak ang em? Nge min lêmna leh zawk?

"A ni maw?"

"Ni e, ngati nge ka thusawi hi i awih loh viau zel a?" Min en kar mai.

Chhân dan tur ka vân. Min en rân mai bawk si.

"Ih,..a awihawm loh theih em a"

"Ngati nge a awihawm loh bík a?"

"Ka hre lo" ka chhâng zâwi ta hle mai.

"Ngati nge min rin miah loh le?"

Ka kut khâl nep nep pah chuan,"Ka ring lo che pawh a ni lo"ka ti leh ringawt a. Ka lâi leh zo tawh, thutak deuha min biak hian ka awmdan phung ka hloh ziah.

"Ka thusawi eng pawh hi i ring thei miah lo niin ka hria"

Ka ngâwi reng a,amah pawh ka en lo. A thusawite chubrin ka duh ve alawm,tak tak ni se ka ti țhin. Mahse rinzawh a har. A room-a kan infawh laia 'ka duh takzet che a ni'a tihte kha rin ka duh asin. Tak tak ni se ka ti,mahse min duh tak tak hian ka hre bawk si lo, min thlêmna mai mai a ni ang.

"Ngati nge rin ka har em em a?"

"Nih leh,... ka ring che"

"Min rinlohzia a chiang khawp mai"

Helmet lain a chhuak leh daih. Min tihrilhhai leh ta. A awmphung hi ka hrethiam thei ngai dawn lo a nih hi.

A tukah tukțhuan ei laiin ka hmu a, min melh eih lo. Ţawng pawh a țawng mang lo,eng nge a chhan ni ang le? Ni lengin ka hmu zui ta lo. Hmm, ka hrethiam phâk lo e. Rin duh viau si,rin ngam bawk si loh, ka buai peih lo ve. Min be lo mahse ka be lo ve thei tho.

Zânah ka mu hma a, Rsa chu ka ngaihtuah rauh rauh mai. Ngei viauin ring lo viau țhin mah ila, ka chhúngril hi chuan a duh em em tih ka hria. Ka hmuha a inlâr tam loh leh ka tân hlei hlei a țha ting, ka hmuh ngun chuan rilruah a châm reng duh lehzual. Tihian, hmuh tur hian awm lo se, Mama rilru pe tam tial tial ila, mahse...mahse hi a awm tlat. Mama chungah hian ka rilru chhungril hi ka pe thei tlat lo. Rsa ka ngaihtuah chhuak a,a búk hi a rit tlat zel.

Kawngkhar a rawn ri leh a,ka chhâng lawk lo.

"D, lo hawng lawk teh"

Rsa aw ka hria chu ka inperh tho rang khawp mai. Ngati nge he pa hi a rúi em ni ang?

Kawngka ka hawng a, inhmachhawnin kan ding ta rân mai.

"Eng nge i ...." ka hmuiah a rawn fâwp nghal chawt mai. Kei lah mak ka ti chu ka ding khawng reng mai.

Min fáwp bawrh bawrh mai a, eng a hria chu ni maw?

"Ka thei tawh lo" ti sup pahin min châwikâng nawlh mai a, ka tlâk hlau chuan ka ke pahnihin a kâwngah ka kherhbet nghal chial a. Min fâwp mawlh mawlh pah chuan ka hnung chu a chúl zai zai a,ka múr ar ar mai.

Kei pawhin ka fâwp let tawh. Min fawh hian ka thluak a tibuai vek zel a,ka chhia leh țha hriatna a tinù vek zél.

"Strawberry rim i nam"

"Umm, lipgloss ka hmang a"

"Ka duhzawng tak" Kan phun dun sep sep a, min fawhnain ka thluak a tihbuai vek tawh avangin min khawih ang angin ka awm.

"Ka ngâi che"

"Kei pawh"

Long chair-ah min țhutpuiin kei a malchungah ka țhu a, kan infâwp mawlh mawlh tho. Ka bânte chu a chúl zai zai a, ka nghâwngah fâwpin kei lah nuamti takin ka lo er ve ngâng ngâng a. Ka chhia leh țha hriatnain min kalbosan vek tawh, ka rilru ka hmang thei tawh lo.

"I va duhawm tehlul em!" Ka hmuia fawp pahin ka awmdan a siamrem a, țhutthlengah chuan min mut riai riai a,keiin a nghawngah ka kuah ve thung a,a sam chu ka țhâm kual vêl a. Ka meng phal tawh lo.

"Min ti â zo tawh a ni,D"

'Kei pawh min ti â zo vek tawh'ka rilru chuan ka ti mawlh mawlh a, mahse aw reng ka chhuah thei lo.

"He hun ka nghahna hi a rei tawh a ni" tih pah chuan ka kawr chhűngah a kut rawn zen lútin ka hnungzang leh nãkte chu a kut lâwng chuan a rawn zút kual a, chutah insiamrem deuhin a kut chu ka hmalamah a rawn zen lút lut leh a.

Ka kawrhnuai chu zâwimuangin a rawn hlímchho vek a, a kut pahnih chuan ka awmbâwr chu a hum ta chat mai. Chutah,a kut chu a chét ta neuh neuh a,ka chhúnglama phúrna leh nuam tihna avang chuan ka thaw halh a, ka kut chu a sam kârah rawlhin ka țhâm tâwn tâwn a. Hetianga nawmna hi ka la tawng ngai lo reng reng.

"Nawmna i la tem ngai reng reng loh ka temtîr ang che aw" a aw sexy zet leh thúm deuh chhak  chuan ka thinlung a dek kher mai. Tunah chuan a zahngaihna hnuaiah takmeuh ka awm ta. Ka incontrol thei tawh lo,min khawihna apiang chu current man ang maiin a awmin ka hria, ka thluak a thunun vek bawk.

"Ka tâah ka siam ang che aw"

Ka chhâng thei lo. Ka aw chhuak tur reng pawh a awm lo va, ka zâuthau, phúr lutuk tawh chuan ka kut chuan a biang tawn tawnah vuanin châkna tinrenga khatin ka fâwp ta bawrh bawrh a.

"Hmanhmawh lutuk lo la,D..Aw,duhawm reuh lutuk"tiin a lei chu ka ka chhúngah a thúk thei ang bera luhtirin min fâwp ngawih ngawih a, kan thaw lâk pawh a ring dun tawh kher mai.

(Rsa's POV hi ziah in duh em? In thu thu. Engtin nge an awm zela in rin le?)



RUATSANGA - 12 By Dingdi Pachuau


Rsa's POV
~~~~~~~

He khawvelah hian vanduai tur renga lo piangchhuak ka ni. Ka naupan lai, nu leh pa bula ka awm châk em em laiin  Hostel-ah min dah daih a. Visiting day-ah ka nu leh pa min rawn kan tur,hmuh châkin ka phúr thei em em. Mahse ka pu leh ka pi bâk ka hmu ngai lo. Ka țhiante,hostel-a ka awmpuite chu an nu leh pa leh unauten eitur tui tak tak kengin an rawn kan țhin a,awt takin ka thlír țhin. Ka pu leh ka pi chuan  ka thil mamawh engkim min tihsak vek țhin a,ka tan chuan nu leh pa ang an ni zawk.

Mahse,tuna ka puitlin hnu hian ka tân engkim min tihsak țhin mahse nu leh pa țangkaina leh fate tâna an țangkaina leh an mawhphurhna ka hre ve lo. Nu leh pa nei mah ila,ka tân an hlutna ka hre lo. Kan inhmu ngâi lova,ka tét lai,an ințhen hma lawk kha chuan ka hmu ve zawk. An ințhen hnu phei chuan  ka tân chuan mitthi ang chiah an ni, ka pa erawh chu ka pu nen an in-contact reng tih ka hria. Ka pu leh ka pi bulah hian vawitekhat mah ka nu leh pa chanchin hi ka sawi ngai lo reng reng.

Zirna țha ka duh avang leh țawng lama hmasawn ka duh avangin Mizorama zir ka duh lova,unau,nu leh pa thlakhlelh tur ka neih ve loh avangin school chawlh lai pawhin ka haw ngai vak lo. Delhi-ah mizo țhiante ka nei ve thova, anni hi ka unaute chu an ni mai. Eli hi ka hriatna a rei tawh a,ani pawh hi Delhi-a zir ve tho a ni. Kan inpawh em em a,ngaihzawng enin ka en ngai miah lo. Unau ka neih loh vang leh hmeichhia unau neih ka châk ve em avangin ka nau hmeichhia angah ka chan țhin. Mahse amah hian chutiang kawng zawngin min lo en ve miah si lova, min ngaizawng em em tlat si. A tituai a nalh a,a chhe lo hle bawk,mipa tam takin an  ngaizawng țhin réng bawk. Mahse amah hian a lo duh hlawm bík lo. Keimah hi min beisei reng thin a lo ni.
College ka kal hnuah, mahnia inluaha khawsa ka nih avangin fianrial hun kan ngah thei khawp mai. Ani hi girls'hostel-a awm țhin a ni a,a rawn riakchhuak fo mai. A tírah chuan ka hâu fo,mahse a hnu lamah chuan ka peih tawh lo. A awih chuang si lova, ka chilper ka séng thlâwn peih tawh lo.

Hun thâwl leh fianriala mipa leh hmeichhia,  mi ang pangngai ve ve si, inhaw dun bawk si lo va awmdun reng ta chu, a mipa tân chuan insúm reng chu a lo harsa khawp mai. Chutih laiin hmeichhia zawk lah chuan min hope ropui si,ka tān chuan insúm reng ngaihna a awm lo.

A la virgin chiang khawp mai. Virgin si-ah chuan a zei ka ti lutuk, min 'turn on' dan lah chu, a bú ang thlap. Virgin  a nih ka ring pha lo reng reng, mahse a ni miau si.

Vawikhatin vawihnih a hring a, vawihnihin vawithum. Kan awmdun tawh phawt chuan ngei ngei turah kan ngai tawh ringawt. A țha lém lo tih chu ka hrereng, mahse ka thisen hian a țhan hnan tlat tawh. Eli hian min ngaihsak a, ka mamawh engkim min enfelsak țhin avangin kei pawhin ka ngaina a,hmeichhe dang hi ka kawp lo khawp. Mahse Eli haw chhoh hlan hian mizo ni lo,kan college ami, min star țhintute ka kawp zawk țhin. A chhan chu Eli awm loh chuan ka thisenin a lo țhan hnanpui kha, kha ngei kha a lo chhuah chuan solve-na ka zawn a ngai țhin. Mahse ka fímkhur ve tho ania,mí kawp lâwr hi ka kawp ngai lo. Hmeichhia pawh hi an lo mak hi ka tia,min lo duh ve zél bâkah han chúkhá deuh ila,an lo duh ve zél tho nia.

 Delhi-ah hian ka awm rei thawkhat viau a,mizo awmho pawh ka hrechiang ve khawp. Fel tak tak an awm laiin fel lo tam tak pawh an awm tho. Kei chu ka fel lo tih ka hria,inkhâwm ka peih loh dan atang hian a lang reng mai.

Ka puin sumdawnna min enkawltir a tum avangin leh sumdawn lam hi ka tui loh lêm loh avangin Commerce subject ka thlang a,ka rin âi chuan a lo har zék ka tia. Mahse luhlul chi ka ni ve hrim hrim a,ka thlan tawh anih avangin bânsan ka tum lo hrim hrim. Ka thiam theih dan ka zawng a,mi dang aiin zir nasat ka ngai tih ka hre bawk. Tumruhna ka neih vang chauha hlawhtling ka ni.

Mizorama haw chhoh hi ka peih lo takzet. Mahse, ka puin min thlahlelin a thachhang dâwltu atân min mamawh tawh si a. Kan in thlenin ka pi a awm tawh bawk si lova, ka phúr tehchiam lo.

Awmpui kan lo nei thar reng a,ka la hmu ngâi miah lo. Kan huan enkawltu Pu Nuna fanu a nih thu ka puin breakfast ei laiin min hrilh. A zahzum hmel reuh tawp,mahse,ka pu thu a awih hmel khawp mai ka ti, ka pu pawhin a ngaina ngeiin ka ring.

Ka pu chu ka pui ve thei ta, nuam ka ti. Mahse,thawh tur a la tam over lo va. Chubâkah ka la inzir chho rih bawk a,a la tough lo khawp e.

Zan khat chu ka room-ah awmin laptop ka khawih a. Eli nen kan inchat reng bawk a, hma deuha mut ka tum ve tehreng nen, ka mut a chhuak reng reng lo mai a. Pawnah thlifím dawng tur leh cigarette zu turin ka chhuak a.

Ka hmaa ka thil hmuh chu ka awih lo țèp a ni. Kan awmpuinu,a hming ka theihnghilh leh tawh,kha sam thlahin min hnungchhawn zawngin a lo ding a. Light-in a chhun pha țha lo hle nain ka hmuchiang thei hle thung.

Mut kawr a inbel a,ka bia a,a rawn inher chuan he nu hi a sexy hle a ni tih ka hre chiah. A sam mawlh chu,hmeichhe sam,mawi ka tih chi. Chubakah, a lang sexy lutuk chuan min tizâuthau thei nia. Ka rilru chuan ' Khumah nawmna chénpuiin,tuna a sam awmdan,kâwi deuh niai,sexy lutuk tak mai hi ka lukhamah nghat darh niai se'tiin ka lo ngaihtuah leh hmanhmawh a, ka ngaihtuahna chu hria se chuan min ráp ngawtin ka ring. Mahse, a zia lo ka ti,"Ka pu"tiin min ko!!!
Pasta a ngaina hle tih ka hre thar  bawk.


Ka haw țan tirh lai chuan ka mamawh hriat a tum ni hmiang ka ti, a rukin min zui kual det det  țhin. Ka hmu lo emaw a ti a nih ka ring, a lawmawm ka ti reuh lutuk. He nu hi nitinin ka hmu a nih chuan insúm zawh loh hun ka la nei ngei ang tih ka hria, a sexy ka ti tlat.

Vanneihthlak deuhin Eli a rawn haw chho ve e. Țhiante dang ka sawm a, ka pu awm loh hlanin. Ka thisenin a lo țhan hnan ngei kha Eli chuan min phuhruksak leh ta. Eli hi ka hmuh zeuh zeuh a ngai ang.

Dítei hi hriatthiam har ka ti riau. Hmeichhe tam tak chuan min en duhin min ngaizawng ve țhin viau. He nu hi chu a ni ve lo,min ngaihzawnna âwm  reng reng ka hre lo. Amah chhawrtu, pu ber tupa ka nih vang nge,a mit ka la lo ve hrim hrim ni ang le?

A chungah chimawm ka chhuah thín, ngeiawm thei tur ber hlirin ka țawngkhum a,a thiam ang tâwka min chhâng lét țhin hi ka lâwm tlat. A sexy ka tih rualin a  nungchang innocent lutuk bawk si hian min híp.

Bialpa a nei a ni ang. A țhiannu birthday lawmnaa a kal tur rawn lamin a rawn thlah leh thlap. He pa hi tunge le? Ka thík tlat. An infâwp ngei ngei ang,ka fawh hual asin le.

Chimawm thei ang ber zélin ka che, chuti lo chu a bialpa hi ka lo thík ve ringawt tih a hre palh ang. Eli erawhin a tuar nasa ta a ni. A tuar ti ila, nuam a tuar nasa tihna, Dítei laka ka luanliamna Eli chungah ka hrithla a nih chu.

A birthday lawmnaah pawh min sâwm ve lo. Chubakah, an inah a lâwm daih zui. Keimah vang a ni thei ang em? Ka chimawm thei si a,min ning a ni ngei ngei ang. Mahse,sneakers ka pêk a hmu,a lâwm lutuk hmél kha ka theihnghilh phal tawh lovang. Min la kuah zui, min kuah a ni, a bân pahnihin ka kâwngah nghet deuhin min kuah. Ka taksa-a effect a neih nasatzia chu hria se, min kuah ngam miah lo ang.

Eli lahin a lo thík ve tumhrang, ka cheziaah ka tilang viau mi le? Kei pawhin a bialpa kha ka thík ve tho.  Kan ina a lo lên ngai loh vang erawh chuan ka ngaih a țha deuh ringawt,mahse a rei lo. A chhan chu Dítei chu an inah a lét leh tlat,ka message a reply duh lova, hunthâwl neih an duh vang a ni chiang, mipa rilru hian ka chhuichhuak ve thei.

An vénga an in ka zawng chiah chu, ka buai teh e. Mi ka zawt nasa hle. A pa hming Pu Nuna ti bâkin ka hre si lo. A hnuah 'fanu nen chauh awm' tiin, ka hmu hrâm. Kan ina lét leh turin ka nawr,awlsam téa a lo lét erawh ka ring lo tawp, ka nawrna vâng mai mai chuan. Ka pu lamah ka țuan, lo lét leh tura hmin turin. Mahse, ani'n a lo ti lawk si lo. Sunday tlaia Ditei leh a bialpa, Pukpui lam ațanga lo tlân haw ka hmuh zuai avangin ka pu chungah ka thin a rim thar a, amah vâng vek. Sáwm se,a lo lét daih tawh ang ka ti tlat.

Ka thinrim avangin ka pu phal ngâi loh, ka riahchhuah tur ka hrilh. Kar nan ka hmang ve dawn. Zankhuain Eli nen a room-ah hun kan hmang, ka taksa chu Eli bulah awm mahse ka rilru chu a ni ve lo. Ruiha engmah ngaihtuah loh ka duh.

Kan ina a rawn lét hnuah chiah ka haw. A chungah țhat ka chhuah a ngai tawh, chuti lo chu a hàw leh daih palh ang. A chétdan naupang chhia deuh hi ka lâwm tlat a,naupang chhia ka tih lahin a lo hua,min melh lét râm râm hian a sexy zual ka ti leh tlat. 'Engtikah emaw chuan min melh râm râmna mit ngei hi châkna avangin a la phí chiai ang a,dâvâ riaiin min la en ang' tiin keimah chu ka infuih sauh sauh a.

A chunga chimawm ka bânsan rih hi mak a ti tih ka hria. Ka rilru lah hi a hre dér si lova. A taksa ka deh apianga keimaha effect a neih nasatzia hi mak ka ti,hmeichhia  hi ka kuahin ka lo mutpui nual tawh. Mahse he nu,ka bialnu pawh ni lo, ka type pawh ni miah lo hian min tizâuthau hma em em si.

He nu té hi thil thiam pawh a ngah reuh. Hmeichhe hná chu a thiam vekin ka ring ta. Kawrkilh vuah leh țhui thlengin a thiam, a la naupan nen. Eli ve thung hi chu an awmthei a, an duat bawk a. Engmah a ti ngai lo,lehkha erawh a zir sâng ve deuh a, a phúr thut chângin dâwrah a nu a pui ve thung.

Tlâi khat chu châu angreng deuhin ka haw a, ka rilrua Dítei ngaihtuah  rauh rauh pahin room ka pan chho nghal a, kawngka a lo inhawn avang chuan makti rilru deuhin ka  en dâk dâk phawt a, ka wardrobe bula ding chu ka ngaihtuahi ngei a ni tih ka hriat chuan phurna mak tak ka nei nghal a, he hun hi ka tân golden chance a ni, a lo thlâwnin  a liam thei lo.

Kawngka biang nghéng chuan dingin ka en reng a, a taksa péng engpawh mai hian min tiphúr a ni tawp mai. 'Ka va fâwp dawn rua che em!'  ka ti rilru a,min rawn hmuha a phut nasatzia chu,Ka khawngaih lehling zawk. Mahse a hmuhnawm ka ti bawk si, ka mit ka lasawn thei lo a ni ber.

Nuamti vak lo hmel pu chunga min hél a tum chu a bânah ka vuan chat, ka fâwp dawn chiang lutuk. A hmui hi engtiang taka fawh nuam nge a nih ka hre dawn alawm.

A țang hman hlawl lo, ka hneh ve em. A hlauthawng mitmeng chuan min tiphúr tulh tulh, a hmui chu ka rin ang chiah. Fawh nuam lutuk, ka thluak a fan chiai nghal alawm le. Thlum tui lutuk, ka zawngchhang dawn tih ka hre nghal. Mahse min chhâng lét ve miah lo. A dawh ringawt. Ka phúr ang hian a phúr ve lo tihna mi? Nge min duh lo?

 Nula lakah ka zei ka tih ve theih tehlul nen, he nu zet hi chu... Ni lo, ka tlâwm dawn lo, min chhâng lét ang,infawh nawmna hi ka hriattir dawn khawp. A taksa chúl pahin duhthawh takin ka fâwp pah reng a,min chhân lét chuang lo. Fâwp pah rengin min fâwp lét ve turin ka nģén a nih chu. Mipa hi ka va tlâwm tak,,,tlâwm vawng vawng tak ka ni. Ka piana hnulama nula min fâwp lét tura  ka ngen vawikhatna. Mahse, ka hlawhtling!! Min fâwp lét !! Vawi sângkhat pawh ngen ngâi mahse ka nģén leh mai ang. Hei ngei hi a nih hi miin 'nuam vang vang' an lo tih chu. Ka thlah thei lo țép zawng a ni.

Hun thâwl ka melh rân tawh mai, ka tâwpsan dawn lo, ka phal teuh lo. Ngaihzawng a nei tih chu ka hrereng. Mahse sava thlâwk lâi a ni a, perh ka tum ve thei tho alawm le. Tlangval țheuh țheuh, a fair lohna ka hre lo.

 Damloh laia enkawltu, pangchanna tur nei ngai miah lo kha, ka han damloh chuan ka awm thiam lo a ni ber. Pangchan hi a lo nuam a nih hi. Hetianga duattu neih chuan damloh pawh hi a lo hrehawm hran miah lo a lo nih dawn hi ka ti. Awm dan ka thiam thlâwt lo, ka thu thua a han che kual vel ka hmuh chuan nuam ka ti vawng vawng. Min han hnial ve zat zat a, a hmui a'n tipawrh pah țhinte hi ka seh sawk châk,khumah ngei mai. Damloh lâi em em hi chuan, Châkna,lo chhuak țhin teh suh.

Inbual a phal dawn lo tih ka hriat avangin inbual luih ka tum a, ka taksa min hrúksak phah. Ka tum hi chu a fail lo chiang. Pathian hi ka lamah a țang a nih ka ring hial alawm le, fawhna hun ka zawng miau a.

Zanah ka fâwp leh. Hetah hi chuan min lo chhâng lét ve nghal, ropui lutuk, ropui tak a ni. Ka rin aiin a zirlai hi a man chak tlat, ti ila,a zirtirtu hi ka țha ve em a ni.

Ka zâuthau lutuk, chhúngril lam châkna nawr nasa lutuk nen, a tâwp thlenpui mai ka tum, ani pawhin min lo hnial bík miah lo. A lo insiamrem ve sauh sauh zawk asin. Mahse a inngaihtuah harh a ni ang, a duh ta lo.Hrehawm ka ti,a zak dawn si. Room ațang chuan a chhuak thuai a, kei erawh chu ka chesawn thei lo, ka taksa chhungril ti-normal tur chuan tui vawt ka mamawh, bathroom-ah ka lut a,shower hnuaiah ka ding reng.

Sunday-ah a chhuak, Eli'n min lo text a,ka damțhat loh thu ka hrilh a,a lo lang nghal vat, min rawn kan ve dawn niin a sawi. Mahse a mitmeng atangin thil awmzia ka hre ve tho. Chhuanlam siamte hi a thiam ania.

Tlâiah Tv room-a kan awm laiin a bialpa ngei mai chu a rawn hruai lut ta!!!Ngaihven lo thei ang berin ka awm nain ka mitsír reng. He pa hian a kuahin a fâwp āwm si a,ka ngaihtuah ringawt pawhin ka chhúngril a tâwt up up a, ka thík takzet a ni. He pa lakah hian ka chân thei lo ang, ka taah ka siam hmasa khawp ang. Chu chu ka thutiam a ni,Ka tihlawhtling khawp ang. Chhia ka chham a ni.

Hun remchâng ka melh ta rân mai.

A pi thihnaah a pa a kal avangin inah amahin a awm. Țha lutuk, an in awmna lah ka hre tawh a, harsa lo ang. He nu té reuh hi tihchhiat ngawr ngawr ka tum hauh lo, ka duh a, nawmna nasa tak, miin an la pêk loh pêk ka duh mai a ni, hlimna,nawmna vâwrtâwp temtír chu a sualna ka hre lo.

A bialpa Aizawlah B.Ed a training daih tih Eli kâ atangin ka hria. Eli leh a bialpa hi veng khata awm an lo ni a, Eli pawhin a hrechiang ve khawp. A bialpa awm loh laia chét lâk ka duh.

Míte pawhin an duh nei turin an bei țhin a, kei pawhin ka bei a ni mai. Pasal nei tawh a ni lova, nula a ni. Nula chu ka rím thiang alawm, ka rímthlúk theih beiseiin ka tum a ni.

Zan khatnaah finrâwl ka chhuah. A pa lo haw hun tur ka hriatphah. Mahse min ring zo lo lutuk hian ka thin a tirim tlat. Ka rinawm loh hmel viau em ni le? Ka thusawi apiang mai hi a ring lo tlat zel a, engtin nge min ring tura ka tih theih ang le?

Zan hnihnaa lén ka tum chuan kawngka a lo inkalh tlat. Mahse a awm tih chiang takin ka hre thung.  A la tlâi chhe lova, kawngka hawng tura ka tih chuan a lo hawng ve mai.

Eng nge ka hmuh hi?!!

Ka mitthlaa ka hmuh fo, nawmna ka pêklaia lukhama a sam nghat darh niai tur leh meng phiai tur hmél kha tunah hian ka hmu.

Ka insúm thei lo. A țawng laiin ka fâwp nghal bawrh bawrh, ka tihlau ang em tih lam ka rilruah a awm pha tawh lo reng reng. Ka châwi nawlh a,ani lah chuan ka kâwngah min kherh nghal, ka duhdan tâwk té hian a zei reuh hi ka tia.

Fâwp mawlh mawlh pahin a hnungte chu ka chúlsak zai zai a, ani pawhin min fâwp let ve tân tân tho. Ka duhdan chiah, strawberry rim a nam ham ham lehnghal a,rimtui reuh lutuk mai.

Ka incontrol deuh theih beiseiin long chair-ah ka țhutpui. Ka mal chungah a țhu. Ka taksa pénga thunun harsa ka tih em em țhin chuan ka malchunga nula sexy lutuk țhu chu a hrechiang lutuk tlat, ka thunun thei lo. A awmhmunah a lo phu ve at at mai.

He hun hi a hlu a ni. Ka nghahna a rei ve tawh a,bawhpelh chi a ni lo. Infâwp mawlh mawlh pahin a bân ka chúlsak a,a nghâwnga ka fawh chuan nuam a ti ve a ni ang,a lo er ve ngâng ngâng mai, a duhawm danzia hi a inhre ve âwm si lo va.

Insiamremin long chair-ah chuan ka mut ta riai riai a, ani pawhin ka nghawngah min kuah a,ka sam a țham salh salh mai. Ka ã thei takngial dawn, ka taah ka siam ngei ang,zanin ngei hian. A hnungzangte ka chulsak,a vun a mam si,ka duhthusam dik tak a ni.

A kawrhnuai chu ka hlímchho a, fawhsak ka duh viau nain muangchânga nawmna pek ka duh avangin ka kut chuan ka humsak phawt a, a hmúr ka tuaisak. Nuam a ti ve a ni ang, a thaw halh halh mai. Ngawi tak teh se, a duh ang ngeiin nawmna nasa ka temtír dawn chiang. Ka biang tawn tawnah vuanin min fâwp bawrh bawrh reuh nia, a duhthawh reuh bawk si, ka duh chi tak. Mahse kei chuan hmanhmawh miah lova ka taa siam ka tum. Min mamawh ngawih ngawihin ka siam phawt ang.



RUATSANGA - 13 By Dingdi Pachuau

[Warning : Kum 18 i la tling lo a nih chuan chhiar lo mai rawh aw,a țha lo]

Min fawh kârlakah chuan min duh thu leh duhawm min tih thu a sawi sap sap tih ka hre ruai ruai. Ka thluak a buai a, ka chhia leh țha hriatna a buai vek tawh tlat a ni. Engtin pawh min ti se, hnial thei dinhmunah ka ding tawh lo hrim hrim.

Tunah chuan a kuta min chúl mai duhtâwk lovin a hmui,zei zeta min fawhna ngei chuan a kut hnu a chhui ta zai zai mai. Ka nghawngah fâwpin,ka âwmbâwrah a tâwp chat a, ka hnute khuhtu awm tawh hauh lo chu a fawp ta chat mai. Kei lah nuamtiin ka lo er, ka la tawn ngai loh a ni bawk si a,lo dawnsawn dan pawh ka hre chiah lo. A nuam ka tih em avang chuan awmngaihna hre lovin ka lo tâl ve sek a.

Fawh mai duhtâwk lo chuan a hmúr chu a'n seh pah nar nar a,a kut lehlamin a fawh loh lam chu a khâl pah bawk a. Awm ngaihna reng ka hre lo, ka lu ka thle tawn chhén mai.

Chutah, tâwp thutin, châknaa khat mitmeng sexy zet chuan min melh ta rún a. Hrethiam lo zetin meng dâ vâ riaiin ka melh chho vat bawk a.

"D, i duh tak tak em?" A aw,châkna avanga thâm deuh sup chu a sexy ngawih ngawih.

Ka aw a chhuak thei lo,ka dang a ro vek,hnial leh hnial lo tur pawhin. Mipa, ka duhthusâm hi ka  kaltir thei lo. Ka hnial lovang. A duh ka pe ang a,ani pawhin min pe ve ang. Kan inmamawh tawn a ni.

"Aw"  Ka aw zâwi lutuk chu a hre pha thoin ka ring, ka lei chuan ka hmui ka liak huh zauh a, hmun dang ka melh bík miah lo. A hmel chhe lo lutuk,sexy bawk si hi ka hawisan phal lo a ni ber.

Min fâwp zauhin long chair ațang chuan min kâitho a, hrethiam lo zet hian  ka melh hâ a.

"Kawngka ka'n kalh ve phawt ang e, kan laklawh laia tihbuai ka duh hauh lo ania" a tih tâkah chuan ka harh zawk mai. Ka kawrhnuai chu ka siamțha a,ka sam pawh. A hnawk nuaih mai.

Kawngka a kalh zawh chuan tui a in a,tui bottle chu min rawn pe ve a, ka zah thar tãk thut  avang chuan ka en țha ngam lova, tui chu ka in khawlh khawlh a.

Tui bottle chu dawhkânah dahin min châwikâng leh nawlh a,ka râk țhat mai. Ka rinloh deuha a chêt  vang ania,min zo em em bawk si.

"I room khawi zâwk nge?

Ka room kawngkhar chu a dârin a nêk hawng a, a kein a chhuih khâr leh bawk. Ka bulah riah a tum em ni le?

 Khumah chuan inhmatawna țhu thei turin min nghat a. Light ka on miah lo nain  room dang light êng avangin ka hmu chiang thei tho.

Min en reng avangin ka zak leh tawh, awmdan tur ka hre lo. Mahse a kut pahnihin muangchânga ka khabeah kuai daka min fawh tâkah chuan zah chu khawilam, uar theihtâwpin ka lo fâwp lét vat a. Zanin chu ka nih nih ka ni mai ang,ka hnial phal lo. Khawvâr huna ka awmdan tur leh rilru tur chu naktuk khawvārin hril rawh se.

A lei leh ka lei chu an inbuan let tap tap a, a kut erawh ka kawr hâk chhungah zenin ka hnung leh nâkte chulin, ka kawrhnuai bahna a phelh rualin kei pawh ka lo insiamrem nghal a, ka kawr pawh chu min hlihsak leh ta a. A hmaah chuan ruakin ka awm ta.

"Ka duhthusam chiah"

Ka zak vak bík lo. A  thil sawi chuan min tilâwm em em lehnghal. Kei pawhin khúr deuh dar darin a kawr chu ka hlihsak ve a.

"Zei reuh lutuk mai"

Min fâwp leh vang vang phawt a, chutah khumah chuan min mut ta riai riai a, amah pawh chu rawn kún hniam ve nghalin ka hnute, khuhtu awm miah lo chu a fâwp zui ta a.

Phúrna, châkna leh zâuthauna nasa tak avangin ka khúr dar dar nghal. A sam chu ka țhamsak țâwk mai, ka thaw halh halh bawk a, ka marphúte pawh a rang lutuk a,an puakkeh mai ang tih a hlauhawm zawk.

Ka kekawr kâwng a rawn vuan ta. Elastic kâwng a nih avangin awlsam zetin ka ke lamah a nawrthla nghal a,kei pawhin ka lo pui ve zêl.

Ka mal chu a chúl zai zai a, min en reng pah chuan a kut chuan hmalam a rawn zut țan ta. Ka mur sung sung mai. Hmundang a hawisawn duh miah lo, mitmeng sexy zet leh chãknaa khat tlat meng chíaiin min melh reng chungin a kut a chéttír reng tho.

Ka awm hlé hlé theih loh avâng chuan ka tâl sek a,ani erawh a hmanhmawh lo hle si. Ka chhungril châkna nasa tawh lutuk avang chuan ka inbengtho a,a nghâwngah ka kut pahniha kuahin ka fâwp ngawr ngawr a, hei hian min tidâi deuh mahna.

"Ka duh che,tunah"

Ka nghahhlelh tawh em avang leh duhna nasa tak avângin ka incontrol thei tawh si lo va, engtiangin nge min ngaih ang tih pawh ka ngaihtuah pha tawh lo.

"Nawmna tinréng ka pe dawn che alawm"

A kekawr a hlíp a,a boxer pawh a hlíp tel nghal. Ruaka a ding ka hmuh chuan ka thaw kâwk mai. A pian nalh dan chuh... mahse ka thil hmuh pakhat avang chuan ka hmui ka hup vat, ka hlâuthâwng!

Ka bulah a rawn țhingțhi a, ka hmuiah fâwp lehin zâwimuangin min nem mu leh a. Ka mal inkârah chuan awmhmun a siamrem a, kei erawh chuan inbengkâng deuhin ka lo en reng tawp.

Censor.....censor....censor........

Ka zâm ém avangin a bânah chuan ka hmer ngawt ngawt a, ka taksa chhungah chuan ani pawh a lút lawk thei bík lo.

"A na ang em?"

"Tlémin, mahse a rei lo ang, ka tiam a che"

Lukham chu lain ka kãwng chu a kam kâng a. Chutah insiamrem lehin zâwimuangin ka taksaah chuan a rawn lút ta a.

A ná lutuk chu ka thaw a tâwp dâwnin ka hria, ka kawchhúng hi a phel darh vek a ni maithei a ni. Ka thlan a rawn tla nghal barh barh, ani pawh chu che lo chuan a awm reng a, a kut erawh chuan duat takin min chúl hliau hliau reng a.

'A rei lo ang' a tih kha a lo ni tak tak. A reh deuh hnuah chuan a bânah chuan vuanin ka chúlsak ve a,kùn hniamin min rawn fâwp leh a, chutah, a che țan ta a.

Zawimuangin a țantírah chuan a che phawt a, mahse keimah zãwkin ka duhkhawp loh em avang chuan hnuai lam atang chuan ka lo nawr lét ve a,a lo hrethiam nasa. Ka chét ve ngai miah lovin amah zâwk chuan min hruai kual ta a.

Nawmna tinreng pêk min tiam bawk a,zei pawh a zei. Ka thaw halh halh reng a, a hming ka lam ruai bawk. Hetianga nawmna nasa hi ka tawng ang tih ka ring pha lo reng reng. Ka vawikhatna a ni lehnghal a, ka hlauhthâwn tehlul nen.

Fit pawh a fit nangiang. A nawmna vâwrtâwp ka thlen lai chuan ka insúm thei lo,ka țe chhuak țhat țhat a,nui sakin min rawn fâwp leh vang vang phawt a, a che chhunzawm lehnghal a.Kei erawh chu nawmna vâwrtâwp ka thlen hnuah chuan chét pawh ka che peih tawh lo,ani erawh chu hah hre ve lo ang mai a ni.

A hnu deuhah chuan a che a rang ta tual tual a, ani pawh hi a vâwrtawp a thleng hnâi tawh chiang mai. Chutah,a rúm ta hawk hawk a,ka kawchhung chu a rawn lum ta pup pup mai. Min rawn bawhthla riai riai a,a thaw huam huam bawk a. Duat takin ka lo kuah a, a bengte chu ka lo fawhsak ve ngial a.

A hahdam deuh hnu chuan,"Muhil rih rawh, i châu lutuk ang, mahse ka la duhtâwk miah lo ania"a ti sup a. Insiamremin a saisir zawnga muin min kuah a, a ke chuan min khan nghal bawk a. Kei pawh ka chauh em avang leh ka mut a chhuah ngawih ngawih avang chuan a âwmah chuan bei tlãnin ka muhil deuh nghal mai,ka chala a fâwp zauh chu ka mang hriat ruai ruai.

Ka ke kham lutuk avangin ka harh a,thil rit deuhin min lo delh niin. Ka ke laksawn ka tum chu min delhtu chu ke tho a ni tih ka hre nghal. Tu ke nge  ni ang?

Ka meng a,khua erawh a la éng lo deuh. Ka bula thaw sâk sâk ri ka hre leh nghal a, chutah chiah chuan ka hrechhuak leh chiah. Nizana kan awmdante, tunah hian Rsa nen khum khatah kan mu dun, chu pawh ruak vekin.

Chétsawn ka tum a, mahse Rsa kut chuan ka kâwngah a lo kuah tlat niin, a muhil tui bawk si a, ka tiharh ang tih ka hlau leh hnuhnawh. Che lo chuan ka mu leh vang vang phawt a.

Chutah,a lam hawi chuan ka inher a. A khabe bulah ka dâk chiah, a khabe, hmul tlêm té țo chu ka khawihsak a, ka kut chu sâwn chho zélin a biang chu ka chúlsak leh ta zai zai a.

A rawn meng siar siar a, kan inmelh hnâi khawp mai. A nui suk a."  Ka harh dan chu ka duhzawng tak" a ti sup a,ka hmuiah fâwp zauhin ka chungah a rawn lâwn nghal zat a.

Tun țum chu kei pawhin ka lo pui ve nasa tawh, a hnute hmúr te reuh té ahte chuan ka fawhsak a, a dul, sek deuh tak,sek lutuk si lo te chu chúlin a âwmah pawh ka chúl tho. Nawmna min pék ang kha pék lét ve ka duh.

Kan insãwngbâwl tawn fé hnuah kan inmamawh tawnna a sâng ta bawk a,mitmei leh thâwm ri vâ lo hre túr an awm lo bawk nen,kan thâwm kan dím lo khawp mai. A vâwrtâwp ka thlen hnuah ani pawh a zo ve nghal mai a. Tun țum chu na a awm tawh lo bawk a, nuam ka ti takzet a ni.

Zínga ka harh chuan ni a lo chhuak var tawh a, Rsa pawh a lo awm tawh miah lo. A mutna hnu chu ka chúl a, ka ngâi deuh ringawt nia.

Ka tho tur chu ka nâ țhum tih ka hre chiah. Che loin ka han mu leh vang vang phawt a, ka taksa bung hrang hrangte chu a kham țhúm mai bâkah ka na sup supin ka hria,ka mal lah chu a bal dâwn ta mai emaw tih turin a na.

Zâwimuangin ka tho a,ka thawmhnaw ka hmuh hmasak ber ka inbel tawp a, ka kekawrté leh kawrhnuai phei chu ka ban peih lo. Ka insil zawh hnuah ka ha chauh. Bathroom darthlalanga ka hmêl chu ka en vang vang a, ka hmúi chu a vúng deuh a ni ngei mai,a kham hlur mai a. Ka nghâwngah chuan duk pathum ka hmu bawk. Ka taksa dangah pawh a awm ngeiin ka ring, ka duk hma si a,nizana kan chétdan ngaihtuah chuan duk thluah tur ka ni tlat a ni.

Room-a ka luh leh chuan ka mutpuanphah lo val kalh chu ka hmu chiang kher mai, a lo sen val kalh a, chu chuan nizana kan thiltih leh virgin ka hloh tih a nemnghet chiang hle mai.

Mutpuanphah chu ka hlíp sawk sawk a,bucket-ah súk turin ka dah nghal. Ka phone a lo ri a, Rsa a nih ka ring, tukinah min kalsan daih sia,a rawn insawifiah dawn a ni ang.

"Hello?"

"I tho tawh maw? Vawiin chu lo kal lo mai rawh. I na țhúmin ka ring. Nachhâwkna kha ei la, mu vang vang ang che. Ka pu bulah i damțha lo tih ka lo hrilh ang e"

"Aw le,.... ngati nge min hawsan daih a?" Zah loh chhuahin ka zâwt rawih mai.

"In chungte'n min hmu ta se, engtin nge i chhân ang?"

Dik chiah. Ka zak ngawt ang. Kei ai chuan a lo ngaihtuah kim deuh. Ka lung a âwi lo țép hman asin. Ka mâwl leh lutuk.

Chuan,..Ni dawn tak. Pu berte ina zíng kâr atanga hna thawk tur ka ni asin. Nizana hmangaihna, ni lo, nawmna kan chen avang maiin ka hna ka lo theihnghilh thei ania. Rilru nei lo leh lutuk mai hi,'mâwl lutuk, mâwl lutuk'tiin ka phun mawlh mawlh a.

Damdawi chu ka ei ngei a,ei rawng bâwl pahin  ka insu a, insu pah chuan nizâna kan hun hman chu ka ngaihtuah rauh rauh a. Ka ngaihtuah zâwng ringawt pawhin ka la múr iai iai thei nia.

Rsa khan zei lo min ti viau ang em le? Mahse ka vawikhatna tih a hre ve tho a, zei viau túra min rin chu ka ring lutuk lo. Nuam lo a ti viau ang tih ka hlâu ber, keiin nuam ka tih ang khan nuam ti ve se.

Niléngin ka mu, tih tur a vâng em a. Tlâiah ka pa a lo thleng a,min hmu chu min beisei lo a ni ang, ina ka awm chhan chu min zawt nghal a, ka chhân hnuah a hun hman dan min hrilh ve thuak thuak. Ka lâwm angreng,min hrilh ka rin loh tehlul nen.

Zãnah thléng ka sil zo chiah tihah ka phone a lo ri a, phúr zetin ka han en a, mahse Rsa a lo ni lo, Mama zawk a lo ni.

Mama hming ka hmu chiah chu inthiamlohnain ka khat nghal a,nizan ațangin Rsa zún hlírin min zém a,tunah Mama hi a lo awm ve a ni tih ka ngaihtuah chhuak chiah, chhân ka huphurhzia chu Pathian chauhin a hria ang. Chhân loh chi si loh, ka huphurh  lutuk.

Thawk ka lak hawk hawk hnuah ka chhâng ve chauh.

"Hii"

"Hi, i dam maw? Ka ngâi lutuk che"

Min ngâi țhin réng a ni,Mama hi chuan. Mahse, a chunga ka thiltih avang hian bia a hmu ngam tur pawh ka ni tawh lo asin. Ka phù lo, kei aia țha,thianghlim bawk si a phú. Kei chu ka thianghlim tawh lo.

"I va ngâwi rei ve, min ngâi ve miah lo em ni?"

"Ngâi e, i ngaihawm lutuk"

"I rilru tibuaitu a awm em ni? I awka chhuak a dik tlat lo"

"Chutiang engmah a awm lo"

"Tak tak maw?"

"Aw"

"Mahse, ngati nge hlim lo awka ka hriat tlat mai hi?! Hâu i tâwk a ni êm lo maw?" a la rawn ti țalh a, ka aw ka tihzângkhâi ve tehlul nen, min man chiang hle tho si.

"Tâwk nâng aw,nangmah zâwk kha i dik lo zâwk a ni ang" ka nui lui hak a.

"Kei chuan ka ngâi em em reng che a ni"

Dâwt hrilh ka thei lo ang. Ka ngãi ve tho, ka bialpa a ni a,min duh em emtu a ni. Mahse kei hian ka  lèrhsan tlat tawh, a tân ka thianghlim  tawh loh mai bãkah be ngam túr ka ni tawh lo asin. A rilru  a na ngawt ang. Ka țhen mai dawn tihna em ni? Ka nihpui reng hian rilru inthiam lo reng rengin hun ka hmang dawn a,hlim pawh ka hlim thei nâng.

"Kei pawh"

Hei chu dâwt hulhual a ni lo.  Ka ngâi ve tho,a fel ém a,ngaih loh theih pawh a ni hleinem.

Kan inbe rei lutuk lo, kan inbiak zawh hnu chuan ka rilru a kalkual nasa ta ngei mai. Nizán kha chuan Mama reng reng ka ngaihtuah thleng lo va,Rsa leh keimah chiah he khawvelah hian awmin ka inngai a,  Ka khawvel siamchawpah Rsa nén chauh kan awm atin a ni.

Midangte hi hetiang ve tho hi em ni an nih ang le? Inthiam lo reng reng leh hrehawm ti reng rengin. Mahse hun kan hman lai kha chuan eng thil mah kha a ngaihtuah theih hleihnem le, thil pakhat chauh tih loh kha chu.

A túka Pu berte ina ka kal chuan  Rsa chu hmuh loh hrâm hrâm ka tum. Min ngainép ngawt ang,a bialnu pawh ni miah lovin min mutpui thei ania, chu pawh ka remtihna thlapin.

Pu ber chuan min hmuh veleh chuan," I zia tawh em ni? Inentirte i ngái lo maw?"a lo ti vat a.

"Ngai lo ve, ka țha e"  Ka kal loh chhan tak tak kha hre ta se...

"A zia chu. I pa pawh a lo haw tawh maw?"

"Aw"

"Chuan, engtikah nge min awmpui leh theih ang?"

He thil hi ka lo ngaihtuah tawh miah lo. Hetah ka awm leh chuan Rsa nen hun thâwl kan nei leh ang a, a room-ah emaw ka room-ah emaw. Min han thlém deuh ta se, ka țang zo dér lo ang, a chhan chu he pa hian min híp em a, vawikhatin vawihnih a hring an ti bawk si. A zei ropui bawk si a, ka mualpho mai ang.

Rsa ka hmu lo chu ka láwm tak tak. Hmuh ka hreh tlat mai hi engtizia nge ni le?

Tlâiah erawh ka hmu hrâm, mahse min hmu lo a nih hmél. Ka lâwm zâwk. Zanriah kíl laiin Pu ber chuan mi pawimawhte nen an inhmukháwm dawn tih a sawi a,a buai ve hle a nih dawn hi. A pu aiawh hialin a awm thei tawh a, a rúk tak chuan ka lo chhuang khawp mai.

Zanah ka riak lo va, ka haw leh rih. Naktuk atangin ka riak leh tawh ang.

Zan dar 10:30 velah min rawn text!!

*Nizan kha ka ngâi*   tih té mai hi.

Ka nui sak mai. Kei pawhin a rúk tak chuan ka ngái vawng vawng tho. A âwm nghénga tui taka mut leh kha ka châk, chuan a dangte pawh.

Ka chháng lèt ve lém lo. Bâkah ka zak deuh hlek a,mipat hmeichhiatna lam thil a ni bawk si a.

Ka phone a ri leh dat a.

*Vawiin chu ka hahin ka ning takzet. I bulah engdang  mah ngaihtuah lova mut leh ka châk*

He pa hian min thlahlel ve tak tak tihna em ni ang? Kei pawh a bula mut leh ka châk ve tho a, a hahna zawng zawngte thâwidamsak ka duh.

Fiam ve ka châk reng reng.

*Lo kal la*  tih ka va thawn ve thung a, mahse ka zak leh deuh.

*A tlâi tawh lo mi?*

*Chhuanlam i neih ka ring reng a ni*  ka la fiam châk zèl.

*I pa a awm tawh a ni lom ni? Naktuk zán ka nghák hrám hrám  thei mai ang, hetah i lo riah theih ngei tawh ka beisei*

Beiseina ka siamsak thei lovang, bialpa nei ka ni. Ani pawhin bialnu a nei, ka chhân lêtna chu ka en lét a, beiseina ka neihtír tlat. Ka va ngaihtuah thui lo tehlul em!!

Ka chhâng lét duh tawh lo. Tawngkam ka thiam lo nen, ka insawi kawlâwk vek palh ang. Min beisei thei turin ka chhâng lét tlat, a dik lo.

A túk zanah chuan Pu ber mut tawh hnu dar 11 vèlah ka room-ah a lo kal tak tak ania, a lo kal hmain min text lâwk a,kawngka kalh lo túrin min ti a, mahse ka kalh lui tho.

Kawngka bulah dingin min rawn text char char a,a chángin a rawn kik a, záwi tè téin min ko thúl. Hrehawm ka ti, zanina beiseina ka siamsak chuan zan dangah min beisei leh dawn chiang si a, ka rilru a insual bap bap mai.

Ka rilru pakhat chuan hawn mai turin min ti a, pakhat ve thung chuan hawn lo turin. Mahse an in a ni a,kei an chhiahhlawh. Thu ka nei lo chiang em a,a kalsawn duh bawk lo nen, a tâwpah chuan ka  hawnsak ta hrám a.

A châu hmèl tak ka hmuh chuan ka khawngaih kher mai. Ka en vang vang hnu chuan thil hriatchhuah ka nei.He pa hi ka hmangaih a ni. Phat rual a ni lo.

Mahse, ka phú si lo a ni. Ka hmangaih phák a ni lova, a hmangaih tur pawh ka ni hek lo. Hmangaihna chuan ramri kham chin a nei lo an ti țhin, mahse a tawng tak taktua țan chuan a dang daih.

Min kuah vang vang hnuah chauh ka kuahlét ve. A hmái chu ka samah chuan a phúm vang vang a.

"I thin ka ti-ur ami?"

He pa hi chuan 'em ni' tih tur hi 'ami' a ti tlat zel. A naupang chhia ka ti a,ka lâwm tlat zel nia,chuvangin ka sáwisèlsak ngai lo.

"Ur lo"

"Chuti, ngahnge min hawn duh loh?"

"Hei, ka hawnsak reng che hi"

"A hma khan mawle,ka beidawng țép a ni"

"Rs,hetianga kan awm hi a țha lo. I tán leh ka tán,Ka puin hre phei se chuan...."

"A hre lovang"

"Chutiang a ni ringawt lo ania"

"Ka châu ania, min duat mai teh"

A biangah chuan ka fawhsak zauh a," A tâwk mai em?" ka ti chu ka kâng nghal lawp mai.

Khumah chuan min keuh dawt mai a, ka mu ting al al mai. Min rawn bawhthuah nghal zat a, duhthawh over zet hian min fâwp zui bawrh bawrh a,a bianga ka fawha ka duhtáwk mai kha chu a la na ve ngang mai.

A che buan buan a, mak tak maiin ka hlâu miah lo. Ka theihnaah ka lo pui ve zél a, ka kawr hâk lai erawhin a thlér phah thung.

"Min en rawh"

Awm ngaihna ka hriat leh tawh loh avangin ka lo maimichhíng leh hman tawh a,ka bianga a rawn ben thek thek chuan ka meng ve hrâm a, ka meng phí chíaí ang chu.

"Ka ta i ni tiraw?"

"Aw"ka phun sap a ni ber.

"Ka ta i ni tih chu sawi teh,ka hre duh a ni"

Nia, a ta ka ni, ka hmangaih Rsa ta chauh ka ni.

"I ta ka ni alawm"

"Tuma ta i ni lo,keima ta chauh i ni, keima ta bík liau liau"

Kan thâwm a ring khawp mai,mahse sound-proof ang deuh thaw a phui țha a ni a, tumahin an hre lo ang.

Rsa pawhin a duhthawh thiam a,kei lahin ka lo pui țha bawk nen. A tâwp lam chu kan thaw dún hlawp hlawp mai, nizan hmasa lamte kha chuan lo puih vak dan kha ka hre lo va,zanin erawh chuan a dang zak mai, tihdan tur a lo lang zut zut ni maiin ka hria.

Ka chungah bawk thlarin a thaw huam huam a, kei pawhin ka kuah chial mai, thlan avangin kan ban dun ngawt ang chu. Mahse kan pawisa lo chu a nih hi.

A hahdam hnu pawh chuan tho ta mai lo chuan min kuahin min fáwp leh phawt a, ka hnute țhâm țâwk pah chuan,"Ka riak ve mai dawn" a ti sup a, kei nâ ka ti chu ka țe țhat a.

Melh râm râm pah chuan "Mi sualpa,a na ve thei tho asin" ka ti a, naktukah chuan a duk hrim hrim ang. Ka hnute kher lo pawh ka taksa a duk thluahin ka ring, a chhan chu zanin kher kha chuan min dím lo em mai.

"Phubâ a nih kha"

"Eng phubâ maw?"

"Biang fawh phubâ"

"A naupanchhiatthlak e a"

"Naupang chhe enin min en a nih kha"

"I ni lo em ni?"

"Nichina  i chunga ka thiltih kha naupang chhe thil tih a ni em?"

Ka ngâwi hmak mai. Naupang chhe thil tih ni nang aw. Puitling, tlangval puitling dik tak thil tih a ni.

"Hetia min han hnial pâng pâng leh min melh râm hian i sexy zual sauh ania"

"Ka mu duh tawh ania"

"Ka dâl che mi?"

A mut lohna lam sír té-ah chuan ka mu a, sin tur puan ka pawtchho nghal bawk a.

Ka chétdan chuan a nuih a tiza a ni ang,a nui huk. Chutah,lo tawlh phei ve nghalin" I thinrim hian min tiphúr sawt zel" a ti sup a, ka kawngah chuan kuahin a ke sei pui chuan min kherh nghal a.

Ka chhâng tawh lo. Ani pawh a châu hle tih ka hria,mut a mamawh. Kan țawng reng chuan a muhil har palh ang.

"Min mangțha ve phawt la, umm??"

"Mangtha,muttui"

Ka nghàwng rawn nawr châk châk pah chuan " Muttui, D" a ti sap a,a kut erawh chuan ka hnute a dap rak rak thung.



RUATSANGA - 14 By Dingdi Pachuau

[Mama hi kei pawhin ka khawngaih hle a ni. A text message ka type lai hian ka mittui a tla zawih zawih a, ka chawlh rèn ráwn hnuah chauh ka type leh thei a ni. Chhiar nuam vek u le]

Zinga ka harh chuan a lo awm leh tawh miah lo. He pa hi thawh a hria ka ti khawp mai,min tihharh ve tal tur a nia. Tak tak chuan, min tiharh mah se ka la tho peih miah lovang.

Mama ka rilruah a rawn lang leh zawk. Mama ka ngaihtuah chhuah apiangin ka rilru a nuam thei ngai lo. Ka țhen bawk si lo, țhen si lo hian mipa dang ka hmangaihin ka khum min țawmpui bawk si. Mama'n a hriat hunah chuan a rilru a na dawn lutuk, min hmangaih takzet a nih chuan. Va phone-in țhenna thu sawi dawn ila,ka khawngaih bawk si. Ka hrilh thuai chu a ngai a ni. Tuilâirapa awm reng chu a hrehawm em mai.

Ka hman veleh phone ka'n tum deuh thut thut a, a number pawh ka hmet chhuak tawh. Mahse ka thei lo a ni,ka țhulh leh zel. Mi rilru tinatu mai ka ni dawn si, ka rilru a buai takzet a ni.

Thu tlúkna hi ka siam vat a ngai. Va phone ila sawi țan dan tur ka hre dawn si lo. A rilru nat turzia ka ngaihtuah a, keimah leh keimah ka inhaw ngawih ngawih. Mahse ka thinlung hi ka thunun thei bík si lo.

Lily phone ta ila, min hrethiam ang em? Ani pawhin warning min pe mawlh mawlh a,mahse engtin nge ka tih chuan ang? Ka thinlung ka véng thei bík lo a ni mai. Eng thil pawh thleng se,a mawhphurtu ber chu keimah. Mahse Mama na tur hi a hrehawm ka ti.

Zânah lo luh leh min díl, mahse ka lo hnial tawh. Kan awmdan hi a țha lo tiin ka lo hnial a, min tilui bìk lo. Hrehawm ka ti, Mama mawlh mai hi. Min duh vak lo chu ni se,a zia tur. Mahse mi fel, rinawm leh sual lo lutuk a ni si. Rilru a va hrehawm duh em!!Keimah vâng vek, Rsa pawhin thiam lohna a nei lo. Min mamawh a, keiin ka lo hnial bìk lova, lo hnial ta ni ila, a dân a dang ang.

Thil ka ngaihtuah nasa lutuk chu zãnah ka mu țha thei lova, chhúnah ka zawi thei tawp. Thil ka ei țha lo bawk nen, ka rihna a tla duai duaiin ka hria. Zân ka mut țhat loh avangin ka lu te a hai a, ka hnathawh laiin ka'n châwl leh rén râwn a, mahse midangin min hmu lo hlauh zél a,a zia deuh.

Eli pawh vawi hnih lâi a lo kal leh tawh, mahse a awm rei vak lo. Rsa awm lai a rawn nang fuh lo ve ve a, rei han awmna chi pawh a ni lo.

Pathianni hmanga  Mama a rawn haw avângin ka chhuak a, hmuh ka huphurh lutuk chu ka thlante hi a tla barh barh thei nia. Mahni thiltih sual vângin midang hmuh pawh ka hreh zo ta. Hei chu ka tawrh ngei tur,ka hmachhawn ngei tur a ni.

Lily-te in chungah kan inhmu a. Min hmuh veleh chuan ," I țha maw? Zânah i mu țha thei lo em ni? I mit a dik lo" min ti nghal a.

"Mu țha lutuk lo deuh, mahse ka țha ania" Dâwt hlang chu ka sawi bík lo.

"Mahse, i hlim hmél sarh lo. Ka chungah thinrimna i nei em ni zâwk? Ka rawn phei khât vâng a ni lo tiraw?"

Hmm, thil hi i hre tak si lova aw.. Ka thiltihsual a tuar ve tur hi hrehawm ka ti a ni.

"Ni lo, engmah chutiang a awm lo" Ka nui lui sak ringawt, a ngaihțha lo hmél pawh hi hmuh hrehawm ka ti.

"Chuti anih chuan a țha e" Min kuah vang vang a, ka rilrua inthiamlohna avang chuan kuah lét ve pawh har ka ti,ka tím a, ka inthiam hlawl lo.

"Mam, thil hrilh tur che ka nei a"

"Eng nge ni ta? A lawmawm lam ka duh aw"

Lily a rawn lang, hun lo lutuk. Nge a hun viau zâwk? Hrilh ka huphurh hle si a.

"Hei, ka tihbuai loh che u ka beisei. In ril a lo țâm tawh lutuk ang ka tia, keima siam ngat a nih hi" tiin  thingpui tak hmél deuh deuh no thum, paw țha deuh mai,  tray-in a rawn châwi chho a, cake tui hmél zet,zai sa a tel bawk a.

Mama  chuan," I va fel tak em aw!  Bialnu lo nei hman lo ila chuan" tiin a lo fiam a, ani chu a lo chek tlak a." Ngâwi mai teh, ka sawi bam   mai tur che u ania" a ti lét a. An nui a, kei pawh za vak lo chuan ka lo țhen ve sak sak a.

Thingpui chu a tui dap dap khawp mai. Cake erawh ka ei peih lo,mahse tlêm chu ka ei,a mãwiah. An titi barh barh a,a châng chauhin ka lo zâwm ve a.

Ka haw tùr min thlah a, pu berte inah min zui lùt leh a, hnial ka duh viau nain ka ti ta lo. A lo kal tâwpna pawh a ni maithei tawh si a, ka hnial ta lo.

Rsa a lo awm lo hlauh, ka lâwmzia mai chuh. Nu Sangi chuan a lo be leh chùl a,an infiam bawrh bawrh a, kei pawh ka lo nui ve.

Rei awm lovin a haw leh mai a, páwna ka thlah  tur chhuak chu Rsa nen kan intâwk ta chiah lehnghal a, sawi tur a vâng duh khawp mai.

"I thil min hrilh tur kha...?"

"A, ni dangah a ni mai,a ho lutuk" Ho lo tak a ni, kan nun tidanglam thei tur thil a nia. Mahse, ka hrilh hreh ngawih ngawih si.

"Lùt tawh la"

"Ka lo thlír liam zâwk ang che"

"Țha deuhin lo inenkawl rawh aw, i damloh hmel tlat"

"Ka țha ka tih tawh kha,min ngaihtuah suh, nangmah kha inenkawl țha zâwk rawh"

A tlân liam thleng chuan rilru tâwt țùnin ka thlìr a, in chhùnga luh pawh ka châk lo kher mai.

In chhungah lùt nghâl lovin pâwna pangpar huanah chuan ka tei kual a. Pangparte hi mawi ka tih țhin tehlul nen, vawiin tlâi zet chu ka rilru dik loh vangin ka hmu chul rup mai. Lung chungah chuan ka țhu vang vang a, ka rilru ka kâwm rauh rauh reng a. Rei tâwk tak ka țhut hnu chuan phùr lo zetin in chhúngah chuan ka lùt ve ta a.

Zanriah kan kíl lai chuan Pu ber chuan," Tunlai hian thil i ei țha lo riau,engtizia nge?" a ti a. Kei ve thung chuan," Dik lohna ka neih ka hre lo. Thil reng reng hi ka ei châk lo ni berin ka hria" ka ti a.

"I chér deuhin ka hria a"

"Ka pum lam hi a chiangkuang leh tawh lo a nih ka ring"

"Inentír ngei ngei ang che, pum țha lo hi chu entir hma a țha"

Rsa chu a lo țawng ve lo. Min melh leh vung vung țhin a,a rilruah engtak awm ang maw?

Mama chuan min rawn text a. Dik tak chuan chhân lét pawh hi ka inthiam lo tawh a, țha taka chhân loh chuan a rilru tur ka ngaihtuah a, ka thei bawk si lo. Lily hi ka hrilh phawt a ngai a ni. Min ngei viau ang, mahse eng nge tih theih ka neih tawh chuan le?

Lily chu ka phone ta ngei a.

"Hey, i lung a léng leh dèr tawh elo?"

"Lily, ka rilru a hah"

"Engti zawngin maw? Min hrilh la"

"Ih, Mama hi țhen mai ka duh"

"Engtizia nge?!!!"

"Hrehawm ka ti em mai, ka khawngaih bawk si" ka țah a chhuak takzet.

"Ngawi lawk, thil awmzia chiang deuhin han sawi teh"

"Mama hi ka rinawm lohsan a ni"

Lily chu a ngâwi ta vang vang mai. Hrehawm ka ti lutuk chu ka tawt up up a, Lily min ngaihdan tur pawh chu,,,hrehawm tak a ni.

"Rsa'n a nawr lui che tiraw?"

"Ni lo, keima duhthlanna a ni. Min tilui miah lo, a bul ber chu keimah ka ni. Mama hrilh ka hreh si, mahse a laka ka tihsual hi ka thup reng chuan keimah hi ka chhe vek a ni mai. Tunah pawh hian min eichhe țan mêk a ni"

"Chuan, Rsa nen chuan in mu dun tiraw?"

Chhân ka va hreh tak em!!!

"Aw"

"Awi leh, a zei âwm"

He nu tak hi chu aw...mi rilru hah lai lai a.

"Nih leh, tunge i duh zawk reng reng a?"

"Rsa hi ka hmangaih, Mama hi chu a fel ka ti,mahse ka țhen thu pawh sawi lova ka rinawm lohsan hi ka inthiam thei lo"

A thaw ham ham ri chu ka hre thei. Ani pawh a rilru a buai ve ngawtin ka ring. Keima thiam loh vek.

"Lungngai em em lo phawt teh, Mama pawh chu ka khawngaih viau nain i hmangaih si loh chuan awmzia a awm chuang lo. In inkawp rei thei dawn chuang lova,ințhen hi țha ka ti miah lo nain chutiang a nih si chuan dam deuha hrilh ka lo tum dawn nia"

Țhianțha neih man hi chu a lo awm nge nge e. Mahse ka thiltihsuala an tel ve lo thei lo hi hrehawm chu ka ti tho.

"Ka va lawm dawn tak em!! Biak pawh hi ka hreh ngawih ngawih tawh a, hmuh hlauh phei chu.. Ka inthiam thei thlâwt lo"

"Um, țha leh vek turah ngai ang. A țantírah chuan a tuar ve viau ang, mahse mipa a ni alawm. Ngaihtuah lo phawt teh,i rilru kha tihrehawm lutuk lo bawk la"

"Ka inthiam thei lo alawm"

"Chu ái chuan kan inhmuh leh hmasak berah chiang deuhin, eng ang chiaha zei nge a nih min hrilh ang che, ka hre châk lutuk"

Rilru tâwt lutuk pawh hi Lily bulah hi chuan a zia hawk zel. Hetiang țhian ka nei hi ka vannei ka intiin ka lawm tak tak a ni.

Lily chuan a hrilh ta a ni ang, Mama chu a reh ta hmak mai. Hrehawm ka ti. Mi fel em em mai leh innghahna tlâk lutuk mihring a ni a,rilru nâ takin ka siam si. Pathian hian min la hrem ngei ang.

Lily chuan chanchin a rawn report zar zar a, Mama chuan a la na tehmeuh mai. Mahse Lily bulah chuan keimah min demna thu pakhatmah a chhâk chhuak miah lo. Chu tak chuan hrehawm min tihtír thung si,min dem se, min ngei se,phone-ah min rawn hâu hrep se,a rilru natna rawn inbun chhuak vek se.

Vawikhat chu a text ka dawng  nawlh mai.

*Inthiam lo reng reng suh, hlim deuhin hun hmang la tih hi ka duhthusám a ni. Min hmangaih tùrin ka phùt lui thei lo che tih ka hria asin,hmangaihna hi chu mi pahnih inkâr a nih a ngái si a, hlim  turin ka duh che. Kei chu mipa ka ni alawm, kan tuarchhuah theih loh tur hi chu kan chungah a thleng ngai lo.  Hlim i phù a, ka duhsak em em bawk che. Harsatna i tâwk anih pawhin min han be hreh miah suh aw. Ka rawn text khât tawh âwm si che a,mâwi pawh a mawi dawn tawh lo. Chuvang chuan,a tãwpna ber atan, hlimna zawng zawng nei ang che, Mangțha ngawih ngawih le*

Ka chhiar zo hlei thei lo, ka mittui a tla zawih zawih mai. Mama rilru țhatzia ka hre thar lehzual a,ka lo phú lo ngawih ngawih a nih hi. Hmeichhe țha lutuk, Pathianin a pe ngei ang tih ka hria, kei ve hi chu a tân ka tling lo, ka awmdan leh nungchang hrim hrim pawh hian a bialnu nih ka qualified lo tawp tih ka hrechiang uar uar mai.

Zîng khat ka tho chu ka lu a hai deuh zual a,zìngah  luhai, khawsik ang deuhin ni thum chu ka awm ta a nih hi. Ka pum lam hnathawh bawk a ni ang, ka inphihfai a, ha ka nawhfai hnu chuan in hnuaiah ka chhuk a, nizân lamah chaw ka ei mang loh avangin ka ril a țam hle a. Cake hi an ngainat țhin avangin kawl loh lāi an nei mang lova, ka la a, ka ei nghâl tâwn tâwn a.

Vawi thum vel ka lem hman ang tihah chuan ka pum a rawn inlet but but a, toilet-ah ka hmui hup chungin ka tlân lut nghal vat a. Ka thil ei chu ka luakchhuak nghal. Ka thin a phu dup dup a, ka luak zawh hnu pawhin ka la uak zui tuarh tuarh a.

Rei tâwk fang chu toilet-ah ka inkhung a, ka thaw hlè hlé mai. Vawiin chu Pu ber dìl ila, inentìr ngei ka ngái tawh a ni, Lily sáwm ila.

Tùkțhuan an ei lài chuan Pu ber hnènah chuan ka sawi a,a lo phal nghal vat a.

"I ti har ka ti rèng a ni. Kal ngei ngei rawh, hruai i ngai em?"

"Ngai love, Ka țhiannu ka be tawh a"

"A țhat chu. A hma thei ang berah i chhuak dawn nia"

Rsa chuan," Hruai i ngái lo tak tak maw?" ka rin loh deuhin a lo ti ve sup a.

"Ngai love, Lily ka inkalpuitír dawn alawm"

Pu ber chuan pawisa min pe a, ka lo hnial ve hle nain min pe lui tlat a, ka hlawh ka hmang ngai mang lova, ka nei ve nual tho asin le.

Ka hman veleh ka insiam a, Lily lo thlen hun ka nghâk ta rân a. Rei ka nghâk lo, a scooty-in a lo kal a, inentìr tùr e ti lo chuan an in lam panin min phur tak vâwk vâwk a.

An in kan thlen chuan ka chhuk vat a," Ngati nge a ka inentír tur min hruai dawn emaw ka ti a?" tiin ka zawt a.

A helmet hlih pah chuan ,"In chhungah lùt phawt mai teh" a ti thung a, a kal chu ka zui ve nghâl a.

Tumah an lo awm lo va, fridge ka pan hmasa ber a, tui bottle la chhuakin ka in khawlh khawlh phawt a.Chutah, Long chair ka hnaih berah ka țhu thla nghal hnak a.

"I rái a ni lo maw?"

Makti zet hian Lily chu ka melh hau a, hei hi chu thil theih loh a ni!!

"I period tawh em?"

Ka la period lo,tun thlaah. Ni 15 lai a ni tawh asin, ngatinge thil ka chík loh em em țhin le?

"Period lo, ka râi thei lovang"

"Test phawt rawh, thil sawi tam hmain" Test kit chu min rawn pe a.

"Ka rinhlelh deuh che avangin ka rawn lam hma deuh che khan dâwrah ka lam a, a hmain pum țha lo i sawi ngai si lo nen. Chutah, sex in lo hmang kher bawk sia"

Toilet lam ka pan lài chuan,"Tih dan tur kha i hria maw?" Min tizui a, ka hre ve alawm. Hrilh ka ngai lo ve.

Ka rái ang maw?! Ni lo hrám rawh se. Ka rái a nih chuan ka va vanduai bìk dáwn ve... Mi pawhin sex an hmang ve tho a, an rái chuang si lo. Ka rái a nih hlauh chuan  ka zak dawn lutuk, bákah ka pain engtin nge min tih ang le? Min vawhlum duh mai ang.

Ka huphurh lutuk chu ka thaw hap hap a,a result hre tur pawhin ka en ngam lo. Ka țhu reng a, ka rilru a vák kual nasa lutuk. Ráiah ka inngái sa mai,a chhan chu rái țantìr awmdan an sawi ka hre ve tawh tho. Ka lo ngaihtuah chhuak lo mai pawh a. Pasal nei lova ráite pawh an rái an hriatchhuah tirh hian hetiang tho hi em ni an nih le? Keimah ang tho hi an nih teh chuan aw.

Páwn atang chuan Lily chuan min áu lang lang a.

"Nge result chu?"

"Ka la en lo"

"Lo hawng teh"

Muangchángin ka tho a, kawngkhár chu ka va hawng a, pregnancy test kit chu la-in a en vang vang a. Kei chuan huphurh si,hrechiang duh bawk siin ka lo en lèt ve reng a.

"Um, i rái ngei a nih hi"

Ka țap chhuak hawk mai. Ka rilru a ipik lutuk tlat. Kum 20 em pawh ka la tling lova, chutah fahrah, nu leh pa kárah pawh awm lo, mi hnuaia inhlawh lehnghal, bialpa pawh ni lo fa han pái chu..  Ka hmai ka hup tlawk tlawk mai.

Lily chuan min rawn kuah vat a, ka țhiannu hi chuan min hrechiangin min hrethiam ber ang chu. Ka awmdan tur a chhùt chho ang a, ka hma hun tur én lohzia min hriatpui khawp ang le.

Pathian min hremna a ni ngei ang. Mama rilru ka tina a, ka rinawm lohsan a, min rin em em láiin midang ka lo mutpui si, Pathianin min hrem ta ngei a nih hi.

Ni lo,Pathianin naute hmang chuan min hrem lovang, nunna thar nei tur a rawn siam zawk a ni. Kei hi Pathianin min hrem mahse naute chu a hrem ve lul lo ang,tihsual a nei ve si lo va.

"Kan chian leh phawt dawn nia, i rái tih hre tawh tho mah ila"

Lily chuan rem a ruat zung zung a, kei ve chu engmah lo ka ni. Lily awm lo ta se, ka va buai dawn em!

Ka rái ngei e.  Doctor nu chu a nél awm khawp mai a,naupang min la ti ve tho tih a titi dan ațangin ka hre thei. Ka inenkawl chhoh dan tur zawng zawng chu fiahfel deuhin min hrilh a, mahse a thusawi chu ka bengrawngah ka khung tam lo hle mai. Ka pa leh Rsa hrilh dan tur mawlh ka lo ngaihtuah vang ania, Rsa chu naute pa a nih vangin ka hrilh ngei a ngai dawn a, ka pa hrilh dan turah ka buai, ka thaw leh hawk hawk a.

Kan haw hnuah chuan Lily chuan" Inngaihtuah vak vak lo la,kei pawhin ka lo ngaihven reng ang che. Rsa chu i hrilh hmasa ber dawn nia. A fa a ni a,a hrethiam lutuk ang che, bâkah mawhphurhna pawh a la ngei ang" a ti sar sar a.

In chhùng luh ka va hreh tak em!!! Rsa titipui pawh chu. Naute hi lo duh lo ta se,engtin nge ni ang?  Fahrah a ni dawn sa a, keimah leh amah ang maiin. Pu ber pawhin a hriat hun chuan mak a ti ngawt ang,zak lo min ti viauin ka ring.

Nu Sangi chuan chanchin min lo zawt var a, pum ţha lo ka chhuanlam ringawt mai. Ka inthlahrung,dáwt ka sawi leh ringawt tawh ania.

Pu ber lo haw pawhin min záwt vat a, Nu Sangi ka chhán dan bawkin ka chháng leh a,dâwt vawikhat sawiin vawihnih a hring leh a,vawihnih chuan vawi tam tak. Ka hmachhawn mèk chu a nih si hi.

Rsa ka text a, inhmuh lawk ka rawt  a.

*Ka room-ah rawn kal rawh*

*Aw le*

Inhmuh rawttu zawk ka ni si a, ka hnial thei lo. Ka râi a lan hmaa ka sawipui ngei ngei a ngai.

Inthlahrung dákin a room-ah chuan ka lut a, khumah laptop a lo khawih a,mut a la tum lo a ni phawt mai,a inthuam dan ațangin.

"Lo țhu rawh, eng nge ni ta?"

Țhu lovin ka ding reng thung. Amah pawh ka en țha ngam lo, ka thil sawi tur hi ka huphurh a ni.

"Sawi la, min hmuh duh chhan chu?"

"Ka rái a ni"

"Maw?!!!!!"

A hriat avangin ka sawi nawn tawh lo. Khum ațanga rawn thoin ka bulah a rawn ding a, min en vang vang pahin," I chiang maw?"a ti leh a.

"Aw, vawiinah ka test alawm"

"Chuan...?"

Hrethiam lo deuh hian ka en chho há a.

"Eng nge 'chuan' i tih chhan?"

"Naute chu i duh em?"

"Ka hre lo"

Ka hre lo tak tak. Naute pawm turin ka inmitthla chhin lo hrim hrim. Ka rái si chuan naute ka pawm ngei dawn tihna. Lalpa, engtin nge ka tih ang le? Nau pawm thei dinhmunah pawh ka ding reng reng em ni?

Rsa pawh chu ding hle hle thei lo chuan a vei tawn chhén a, kan pahniha thil kan ngaihtuah chian loh lutuk rah kan seng dawn mék a ni. Rilru a buai map map mai.

"Kan titla mai dawn mi?"

Rápthlâk ti deuh hian ka en reng a,chhán pawh ka chháng lo. Hetiang lam hi ka chunga thleng turin ka la ngaihtuah chhin miah lova,nula, naute titlate ka ngaihdan phei chu khùtah. Tunah an dinhmunah ka ding ta chiah a,an rilru put dan tur ka hrethiam ve ta ruai ruai mai.

"Rilru siamfel dan tur ka hre lo"

Rsa pawh a rilru a buai ve ngang a ni ang, ka dem lo. Min hmangaih lova, ka taksa a it a,min duh mai chauh a ni. Kei chuan ka hmangaih a,ka thianghlimna,ka neih hlu ber pawh ka hlân hial a ni. Mahse, naute hi ka lo ngaihtuah pha miah lo. Kan mutdun lái khan indanna kan hmang miah lo va, hei hi a result tur chu a ni reng a ni.

"Ka fa a ni a,mawhphurhna ka lák ngei a ngái a ni"

Lily khan a sawi dik chiah. Mawhphurhna lák ngei a tum e.

"Engtin?"

"Kan innei mai ang chu"

Lalpa leh!!!! Hei zet chu, a lutuk deuh ang. Ka rái avangin min hmangaih miah lo tuin min neih a tum ania, ka awih thei lo.

Naute hian a rilru a tibuai zo a nih áwm hi. A hma pawh khan 'Kan la naupang a, nupui neihte chu chuti, khati' a tih kha. Nupui neih a la duh miah lovang tih ka hria, kei pawhin pasal neih ka la duh bìk lo, min hmangaih lo tu neih ngat phei chu.

"Ni lo, i ti thei lovang"

"Ngahnge ka theih loh ang? Ka pu ka sawipui  ang a,a remti ngei ang"

"Mahse, nupui neih i la duh loh kha"

"Ka mawhphurhna a ni si alawm"

 Rilru put dan tur pawh ka hre lo.
Chhán lèt ngaihna ka hriat loh avang chuan ka ngáwi reng a.

"I room-ah kal tawh rawh, inngaihtuah kual vak lo la, i pumah naute a awm tawh kha" min rawn pan hnáiin ka chalah a fáwp zauh a,a kut pahnih chuan ka káwngah chelhin ka dul lamah a chúl phei a.

Chutah, kùn hniamin,"Hi,baby, ápa ka nia, fel deuhin awm la,hmèlțha deuhin lo țhanglian rawh aw" tiin ka dul, la thép zaih chu a be sup sup a.

[An innei ang em? Nge Eli hian a rawn tibuai ang?]



RUATSANGA - 15 By Dingdi Pachuau

Rsa's POV
~~~~~~~

Zânah a bula mut leh ka châk a ni. Mahse a remti tawh lo. Ka muthmunah ka suangtuah nasa thei lutuk a, ka thawh leh phah ziah. Shower hnuaiah rei táwk tak ka din loh chuan ka pangngai thei lo.

Min hrem a tum em ni? Nge ka bula mut kha nuam a ti lo zawk ni ang? Ka hnár ngai lova, ka mang a chhe tehchiam lo bawk. Chuti anih chuan min hnê tihna a ni ngei ang. Ka pu kha chu a chhuanlam mai mai a nih ka ring ta.

Sunday tlâia a bialpa a thlah nen kan intâwk zet kha chu, ka thinrim hle a ni. Mahse, engtin nge ka tih chuan ang? Ka bialnu a ni tlat lova, khum ka kâipui mai chauh a ni. A rilru ka neihsak thei lova, min duha a bialpa țhen turin ka tilui thei hek lo. Thinrim țúnin ka awm phah a,mahse ka tih lan a rem chiah si lo. Ka tilang a nih chuan kan inah a awm duh tawh lovang tih ka hlâu.

Zânah chaw kan ei laiin ka puin a that leh țhat loh a zâwt a, kei chuan a bialpa kha a ngâi a nih ka ring. Mahse tunlai tak hian  a hmél a dik lo chu ka ti ve tho. Ka hmu dâng riau a,mahse a make-up vâng pawh a ni maithei . Make-up erawh a uar fahran lo tih chu ka hre tho, a tel lo pawh hian a sexy tâwk em em a ni.

Inentirna nei turin an inbe thlu thei hrâm e. Nia, inentír teh se,a hrisél loh chuan a hlim hmél hmuh tur a vâng palh ang. Inentîr tur chuan hruai ka duh ngawt mai, mahse min hnial sa. A chhan chu min hnê tlat tawh.

A rúkin ka en leh zoh țhin. A hmél hi a tla deuh tlatin ka hria. Nge ani hi a râi a ni thei ang em? Sex kan hmanlai khân invénna ka hmang miah lo lehnghal. Aw Lalpa leh !Ka va fímkhur lo tak em!!! Midang ka mutpui reng rengin ka ngaihtuah kim theih tehreng nen. Hmm, râi lo turah dah phawt ang.

A inentir ta chuang lo.   Ka rilruah ka ngaihtuah reng țhin nain a thu thuin a awm thei alawm, kei lah ka buai ve bawk si. Tunlái phei chu hnâ a tam a,inah pawh ka awm tam thei lo a nia. Eli a lokal pawhin kan innang thei lo, hun âwl ka nei lo ve tawh em a ni. Ka pu ka âwl ve duh tawh a,min phútna tilang lêm lo mahse a aiawhsak ka duh tawh, a thawk rei tawh em mai.

Zíng khat chu chaw ei laiin ka pu chu inentira chhuah a díl  ve ta a. A ti ve tak tak tawh ang chu maw. Inentir ngei teh se. Hruai a ngaih loh thu a sawi a,mahse ka ngaihtuah ve deuh sia, ka zâwt leh. A țhiannu Lily'n a kalpui dawn thu a sawi. Hmm, mipain kalpui âi chuan hmeichhe kalpui chu a duh záwk ngei ang.

Zanah min rawn text tlat mai!!!

Mak ka ti lutuk. Ka text hmasak ngai lova min text ve vawikhatna. Ka han chhiar chuan ka phûr kher mai. Inhmuh a duh a nih chu. Ka hnial lo chiang khawp mai.

Room-a a lo luh chuan ngaihsak deuha lo welcome ka duh vak lo. Inthlahrung deuhin a ding reng a.

A râi thu a sawi chuan mak ka ti lutuk tlat. Kei lo,midangin an mutpui lo chiang mai si. Ka fa a pâi tihna. Pa ka ni dawn.

A theih loh. Fa neiha pa nih hi ka la duh miah lo.Ka la upa lo va,ani phei chu kum 20 pawh a la ni lo. A rilru ka hre ve châk hrim hrim a, naute chu a duh em tih leh  tihtlâk mai chungchâng ka zâwt. A rilru a buai hle a nih ka ring, a hriat loh thuin min chhâng tlat.

Ka ngaihtuahna a buai kher mai. Engtin nge kan tih ang? Kei chu mipa ka ni, ani chu hmeichhia.  Hmeichhia, pasal nei lova râi,sáwn pawm ka hmuh dan ka ngaihtuah lét zut zut a. Ka ngâisâng lém lo. A nih, tunah D hi a lo râi ta si, chu pawh ka fa, keima nawrna leh thiltih vâng chiah lehnghal.  Mi ka ngaihsân lem loh zíngah D hi a tel dawn, chuan  a bul tumtu chu kei, keimah ngei hi. Ka ngaihsân lém loh dinhmuna dahtu  chu ka ni.

A dinhmun ka ngaihtuah a, keimah anga nu leh pa kár lo thoa seilian a ni. Lehkha zir leh changkanna duhin mi chhiahhlawha awm pawh pawisa lovin a inhlawh. Chutih laiin keiin a future tur ka tihchhiatsak vek. Nau a pâi chuan engtin nge college a kal tehlul ang? Chubâkah,engtin nge naute chu a enkawl chhoh ang? Hei chu ka mawhphurhna liau liau a ni. Keimah ang maia fahrah ve turin ka kalsan ang maw? Ka fa, ka thisen ngei chu ka enkawl tur a ni lom ni? Pa țha ka ni thei lo a nih pawhin enkawl chu ka mawhphurhna a ni.

Hetiang a lo nih tàk rau rau-ah chuan  nupuiah ka nei mai ang. Nupui neih chu ka la duh miah lo, fa neih pawh. Mahse mipa ka nih chuan mawhphurhna ka lâk ngei a ngai. A pain min hnial kherin ka ring lo va,amah ber hi a ni. A lo duh kher ang em? A ngaihzawng kha a la țhen loh phei chuan. Kei chuan Ditei hi ka duh.  A taksa nawmchen nan ringawta hmana kalsan leh daih kha ka duh lém lo. Tunah phei chuan ani pawhin a lo rinlâwk bík miah loh (râi hi a duh kherin ka ring bík lo)a chungah a lo thleng ta si. Min hnial thei dinhmunah a ding bík lo tawp ang.

Inneih thu ka sawi chuan mak a ti tih ka hria. Ani pawhin a lo ngaihtuah bík lo tawp a nih hi.  Mahse,eng nge tih theih kan neih chuan le? A rái len hmaa inneih a ngái. Kan inneih hma leh a țha ting, zanah mahni chauha mut chu a khawharthlâk.

Inthlahrung deuh taka a ding zám mai ka hmuh hian ka khawngaih tlat. A rilru a hah ve dawn tih ka hrereng si a, ka duat a ngâi a ni. Duattu midang,a pa tih loh a nei bík lo. Kei pawh min duat em kha, ka duat lét ve a ngai.

Naute pawh ka duh ang. Ka fa,ka thisen a ni a,tunge mahni fa duh lo ang? Ka nu leh pate ka hrechhuak zawk. Anni ang khan ka awm ve tur a ni lo. He naute hi ka duh em em tur a ni ringawt.

A dul chu a la thép zaih. Engtikah emaw chuan a la rawn puar ve ang. A fa,ka fa,kan fa tur chuan a la rawn tâwn mar ve dawn chu a ni sia. Tunah la insiam țan chauh mahse a la rawn lian ve dawn.

Kan fa tur chu ka be châk tlat. Hmeichhia ni se ka duhthusam a ni nghal bawk.

"Hi, baby, âpa ka nia, fel deuhin awm la, hmeltha deuhin lo țhanglian rawh aw"

Phúrnain min rawn tuam tlat. Fanu hmêlțha tak,a nu chhún tak mai ni se, a sam kir ngei bawk se, ka duat dawn lutuk.

Room-a a lêt hnuah ka pu room-ah ka kal vat a,a la mut loh hrâm ka beisei.

A lo la mu lo chiah chiah e. Chutia a room-a, ka hmu duh tih ka sawi chuan mak a ti hmel ve deuhin ka hria,sawi lang lo mahse.

Sawi țan dan tur a vang ka ti riau. Hetiang lam phei chu ka la tawn loh leh sawi pawha ka inrin loh thil a ni sia,ka huphurh ve lek lek alawm le.

"Ka pu, Dìtei hi a râi a" ka ti phawt a, chutah," Ka fa a pâi a ni" ka ti ban chat a. Thu pehhél loh hian sawi thui a ngai lo deuh a,a chiang nge nge alawm.

Ka pu chu a ngâwi rán a, mak a ti a nih pawhin a tilang lo reng reng, a lo ring ve pawh a ni thei tho. Mahse, ka fímkhur ve hle țhin sia.

Muangchangin a khabe a tuai a, min hau chu ka ring miah lo nain a nuam chu ka ti em em lo. Chutah, chiang zeta min rawn enin," Engtin nge tih i tum?" a ti charh a.

"Keimah anga awmtír ka duh lo"

"A rilru i hre reng reng em?"

"A rilru a buai rih lutuk a,engmah a ngaihtuah thei rih lo"

Aw thian kharh pahin," I thutlùkna chu chiang takin la hrilh ang che. Ngaihzawngte kha a neih ve kha, hun thâwl pe phawt rawh. A rilru buai laiin nawr lo la" a ti dap dap a.

"Mahse, ka pu, a bulah 'kan innei ang' ka ti tawh asin?"

"A duh phawt chuan, i tih ngei ngei tur alawm. I mawhphurhna lâk hun tur chiah a ni.A pa ka lo bia ang e,a dam thei ang bera ka hrilh erawh a ngai dawn a ni"

"Ka pu, a rang thei ang berin aw. A râi a lan hunah chuan a zak lutuk ang"

"Hetiang chu in tawrh tur alawm, in thiltihin a zir miau loh chuan"

"Mahse,a khawngaihthlak alawm"

"Mi khawngaih theihna i zirchhuak tal a,a zia e. Tu hmél hmuh pawh a châkawm alawm, ka rin âiin ka hmu hma dawn lehnghal a" nui var var chungin a ti a, ka zak ve lek lek.

Rilru nuam angreng deuhin ka room chu ka pan a, Dítei room-a kal pawh ka duh viau a,mahse ka insúm. A rilru a buai ve ang a, hun thâwl ka pék a ngai a ni. Rilru tihah lo tura hrilh pawh ka duh a,mahse ka ti ta lo.

Muthmunah chuan ka rilruin thil chi hrang hrang ka ngaihtuah kual a. Kei chuan Dítei hi ka duh, a taksa ka ìt chu thuhran, ka khawngaih thlá a la tlat. Mahse a future ka tihchhiatsak erawh hi chu hrehawm ka ti. Invénna lo hmang ni ila chu..

Ka duh ang hian min duh ve ang em? Ka nawrna avâng chauha mutpui thei ka ni mai lo maw? Mahse, mahse min haw lutuk bík lo tlatin ka hria. A rilru chhungril hriat ka châk takzet.

Țhian ka ngah lem lo va, kan inneih chuan Dan thianghlim kan tlin lo rau rau a,kan inah hian inneihna buatsaih ta mai ila. Sâwm bík tlém tè nen,ropui thei ang berin. Chuan, a duh apiang ka pe ang, retheihna a lo paltlang tawh zawng zawng theihnghilh țhakin ka siam ang. Chuan, fanu hmeichhia kan nei ang,an nufain ka duat dawn si a,hrehawm hre reng reng lovin ka siam ang.

Ka puin a pa chu a be ta ngei a, muanchânna thil a nih loh avangin ka pu pawh che vat a ni reng a ni. Engtin nge  thutlukna an siam ka hre lo, ka hre châk lutuk, mahse zawh chúk chúk ka hreh ve a,ka zak ve bawk. Ka pu min hrilh hun ka nghak a, thil reng reng nghâktu nih hi a lo hrehawm a nih hi.

Zanah a room-ah ka kalchilh tawp. A lo inbual tawh a,mu thei mai turin a lo insiam mék a nih ka ring, a inthuam dan ațangin.

Min lo en hâ a, he nu té hi ka duat a ngai. Ka fa a pumah a pâi tawh a,nitinin a lo lian deuh deuh dawn. Tuna a dul la thép zaih mai hi a la rawn puar kawh lah ang a,chutih hunah phei chuan a lang sexy lehzual ngawt ang. Huh, ka thil ngaihtuah mai mai chuh..

"I châu em?"

"Châu lo ve. Chauhna tur a awm hleinem"

"Che vak tawh suh, i indim a ngai ania,i puma naute insiam mêk tân a țha lo ang"

A sen ap ap mai. He nu hi a zakzum mah mah a ni. Ka nupui a nih hunah phei chuan  thil ka pehhêl thiam ve vak si lova,a la sen awp awp ngun khawp ang.

"Lo kal hnâi teh"

Darthlalang bulah a ding reng a, a tím deuh a ni ang, keimah zawkin ka va pan hnai a, a hnung lam atangin a nghâwngah ka va kuah a.

"Um,hei hi alawm ka ngaih em em ni" tiin a samah chuan ka hmai ka phúm vang vang a, a sam rimtui leh nèm thap mai hi deh nuam ka ti a,a samin ka hmai a han zar nek nek hi nuam ka ti hranpa riau bawk.

"Zanin chauh chu i bulah ka lo riak thei ang em? Aw,? Phal mai la, zanin chiah, please?"

A ngâwi vang vang a, a phal lo tihna em ni?  Ka puin min hmu lova,midang min hmutu lah an awm hek lo, vénthâwn tur a nei tawp si lova,phal ve hlauh mai se.

"I ninhlei dawn loh chuan"

Darthlalanga a thlâ lang atang chuan a nui deuh tih ka hria. Ka ninhlei miah lo ang, mahse ka insúm thei ngùt ang em? Nâute insiam chhoh lai a ni a,chétpui vak hi a pawi ang em aw?

"Ka awmțha viau ang. I duh loh dán angin ka awm miah lovang" dárthlalanga a hmél en rân chung chuan ka ti sup a,ka thil sawi awmzia chu a hrethiam khawpin ka ring.

A  nghawng ka fawh theih nan a sam chu ka hùikhâwm a,a dinglamah ka hnâwl phei vek a, muangchângin a nghawng no chekah chuan ka fawp phawt a,duhtâwk lovin ka kuaiher a, a hmui sen no chekah chuan ka fawp vawng vawng a.

Ka fâwp khât ta deuh bawk nen, ka duhthawh khawp mai. Ani pawhin phùr takin min lo chhâng lét ve tih ka hriat phei chuan hei aia duhthawh hi a awm thei tawh lovang tih tur khawpin ka fâwp duhthawh a. He nu fawh hi chu a nuam thlâwt e, a zei over miah lo, mahse ka duhdán tâwk hi a hria ka ti khawp mai,a zirlaiah hian hma a sâwn chak ka ti em em bawk.

Kan inthlah hnu chuan thâwk kan la dún ham ham a, a mitmeng vâi deuh riai maiin min hípzia mai chuh. Khuma keuh nawk nawk mai ania ka duh ni.

"I landan sexy zia hi"

A nui sak mai, ka duh lutuk. Ka pawm lo thei lo a ni.  A nui hmel sexy zet mai leh ka suangtuahna avang erawh chuan che lo tura ka duh chu a lo che ve leh țual țual si.

"Nang pawh"

Lawmmanah ka fawp leh hlak. Pawm chungin ka virkualpui a,nghet zeta min chelhin,"Duhtâwk teh, ka lu a hai ania"a ti thãm chhêl a. Ka thlah chuan a maimichhíng tlat a,a luak a chhuak a ni ang, a hmui a hup a, luak tur angin a awm tlat.

Ka hlâuthâwng lutuk. Toilet lamah ka hruai vat, ka kuah avang chauha kal thei a ni.

A'n uak țhat țhat a,engmah phei chu a luakchhuak hran lo. A hnungah ka lo chúl hliau hliau a, keimah vâng vek. Ka virpui kher kher a.

A zia deuh a ni ang, a thaw hlè hlé a. A hmai chu a sen tân mai.

"I zia deuh em?"

Țawngkaa min chhâng lovin a bu nghat a, tui chuan a hmai chu a dep hlek hlek a. 

"Mu hahdam rawh"

Ka pawm nalh a, khumah chuan nghatin face towel, bathroom-a awm chu la lehin a hmai chu ka hrúk hulsak a.

"Ka tihpalh"

Rawn meng sar sarin," I tihdik loh a awm hleinem, ka lu a rawn hai satliah mai a ni" a lo ti thung a.

"Ka lo hlâuthâwng hman a"

"Ráino lai chuan luhai, luakchhuak leh khawsik ser ser ang hi a awm țhin an tia, a hlauhawm loh"

Chutiang a nih chuan a awm a lo nuam lo țhin khawp ang a....  Engmah lah chu ka lo hre si lova.

"Min ngei em?"

"Engvangin maw?!"

"Keimah vangin heti hian i awm sia"

"Ni lo,ka chian loh vang alawm"

A bulah mu thlain duat takin ka kuah a,ani pawhin min lo nghéng ve  tâlh tâlh a.

"I bula mut leh ka châk țhinzia chu"

"Tak tak a ni em?" A phun sep sep a, ka âwm a nghéng chial bawk sia,  naute niawm tak zawk a ni.

"Tak tak. Min hné tawh a nih ka ring a"

"Teuh lo"

Ka lawm tâwk a tling chiang khawp mai. Min hné loh chuan..

"Nih leh,tinge i bula mut i phal tawh loh?"

A ngawi leh vang vang a,ka âwm chu a thâwkkhum lum ham ham a, kawr chhanah pawh ni mahse ka feel vang vang thei tho.

"Ka pu mitmei vén a ngái a"

Ka pu mitmei a vén vangin a bula mut a phal lo. Chuti min hnè vang ni lovin thil mawi,nihphung a hriat avangin min hnar mai tihna.

"Mahse keiin ka châk em em a,,," ka titâu ve deuh hlek. Min chhãn dan ka hre châk.

"Hnar i ngái tlat alawm. Fìmkhur sén loh hun a awm thei a, tunah pawh hei, kan fímkhur séng tawh lo chu a nih hi"

"Min hnar loh avangin ka lawm e"

A hmuiah ka fâwp zoh a,a rawn dâk chho hmelțhatzia chuh.. ka hrâwm nawk nawk châk lutuk. Mahse dimdâwi a ngai si.

"I hmelțhatzia hi i inhria em?"

A nui saih. A lâwm ve a ni ang,dâk arh arhin min rawn fâwp zauh a,kei erawh chuan ka duhkhawp lo a,a bianga dawmin ka fâwp leh vang vang a.

Mak ka ti. Ka hlim veng veng a nih chu. He nu hian ka nun a tidanglam zo va, nupui leh fa neih lam ngaihtuah pawh ngaihtuah chhin ngai lo kha, amah vang liau liau hian ka danglam ta hret chu a nih hi.

Ka T- shirt  chu ka hlíp a, kawngka ka va kalh nghal bawk a. Khumah lâwn lehin  a hnung lam atangin ka kuah ve ta thung a.

A kawngah ka kut ka nghah rên ráwn hnuah a kawr chhungah chuan tím deuh hlekin ka kut chu ka zen chho leh rak rak a, a lo nui hak a.

Chu chuan huaisenna min pe a,a kawrhnuai chu hlím chhoh pahin" A hnawk e tiraw?" ka ti sap a. A hnute chu ka vuan nghal chat mai. A hma ai chuan a lo kawh deuhin ka hria, chuan a lian deuh hlek maithei bawk.



RUATSANGA - 16 By Dingdi Pachuau

Zanin chu ka awm a nuam vak lo. Kan chawhmeh kan hmui rim kha ka hné. Thâwk a tihar, chubâkah ka chilte a tirial lek lek. Mahse ka insúm a ngài si.

Ka inbual zawh chuan tlém chuan ka zia e. Mut ka tum tawh laiin Rsa a lo lut leh tlat. Ka bula riah min díl, mak ka ti. Díl satliah a ni mai lo, naupang chhe thil duh, ngéna dil ang maiin.

Ka hnial thei bík lo. He pa hi kei chuan ka hmangaih tih ka hre tawh a, a bula awm tamte hi ka duh asin. Mahse ani rilru ve hi chu, a fa ka pâi tãk avang chauhin min hnaih ni berin ka hria. Min ngaihtuah ve a,a thiam ang ang chuan. Hei ringawt pawh hi ka tân chuan a lâwmawm viau tawh a ni.

Kan han mu, ka âwm bâwr, tím deuh daia a rawn zen rak rak chuan  ka nuih a za. Mipa naupangin a nu hnute a dap ruk ruk ang hi a nih duh hmel ka ti. Ka nuih hak avangin a ngampa sawt. Kâwlhrâwng leh lutuk mai.

Ka kawrhnuai ' hnawk ' a ti chu ka hrethiam reng mai. Mahse zanin chu  hnial ve reng reng teh ang. Ka awm ngaiin ka awm tlat a, ka úksâk duh lawk lo.

Mahse e,a zei lutuk. Min phelhsak thei vek nia.


"Kan pahniha kan awm hi chuan No bras aw"

Ka nui sak ringawt. Intithu nghal em em ringawt, inneih hma ațangin. Mahse, a intihthú dan té hi ka duh leh tlat.

"Chuan, i kawr pawh hi a hnawk ka ti tho"

Min chúl riak riak reng a, ka múr leh ar ar tawh. Naute insiam țan lai hian a thiltih tum hi naute tân a pawi thei ang em?

"Naute tân a pawi thei ang e"

"Chúl che hi maw?"

A chimawm leh țan dawn. Mahse zanin chu ka hnial peih lo, ka sawi awmzia kha chu a hrechiang lutuk tih ka hria.

"Aw"

"Duat deuhin ka chúl che hi, ka fanu chu a lâwm viau zawk ang. Ânu hi duat takin ka chúl tih a hre záwk dawn asin"

Ka dul chu a rawn chúl zai zai a,a zâ ka ti. A kut lianpui, dam thlap si chu a'n nghat vang vang a,chutah," E he! A ché in ka hria" a ti thut a.

Ka awih lo lutuk chu ka nuih a za. Tun ang hunah an la ché lo hrim hrim, an la insiam țan ve chauh a.

"Nakinah chuan khatiang khan ka la ti dawn si a, ka nghâkhlel tawh"

A thusawiin min tihlâwmzia chu a hre kher lo ang. Chubâkah, 'ka fanu' te a la ti lehnghal a, fapa âiin fanu a duh tihna. Kei chu eng ang nge ka duh zawk ang ka hre rih lo nain, tlém téin mipa ni se tih búk a rit hlekin ka ring.

"Muhil rawh, i châu a nih kha"

"Min hrethiam mai rawh aw"

"Um, zan danga ka lo riah leh i phal dawn chuan"

Ka phal chiang alawm. A bula rilru ngaihtuahna hmang lova,a âwm nghéng chiala mut tluka nuam tih ka nei lo. Mahse, inneih hmaa lo mutdun chhén pawh hi a mâwi ber lo.

"Min duat dawn phawt chuan"

"Hlen chiah aw"

Naupang chhe lutuk. Ka lâwm viau bawk si, a bâna chúlsak pahin," Aw le"ka ti sap a, ka mut a chhuak chìaí chìaí mai.

"Tui deuhin muhìl rawh le" tih pahin a bân dinglam chu ka kham theih turin a rawn dah a,a kut veilam erawh ka âwmah. A kut dinglam chuan ka kut a rawn vuan tel a, ka thla a timuang kher mai.

Zâna ka țhangharh pawh chuan min chelh dan ngai chiahin min lo la chelh, a thaw sâk sâk a. Hetiang hian zantin mai ka bulah mu se, min kuah se,engdang mah ka ngai lo vang.

Kan inneih hmain ka hâw ta lo. Kâr hnih hnuah kan innei a, Thil țul zawng zawng a ngaihtuah vek,engmah ka buaipui ve lo. Lily'n min buaipui ve bawk. Nu Sangi chuan min lawmpui thu min hrilh chúl mai a, Biak Inah innei lo mah ila,  a ropui lohna a awm chuang lo. Sâwm bík 200 vél an rawn kal a,Eli pawh a rawn mâwi e. Keini lamah chuan ka pain tumah a sâwm ve lo pek a, kei lahin Lily chhùngte bâk ka sâwm hek lo. A chhan chu kan ti chúk chúk deuh bawk nen, Biak Ina innei chu ni ila, a dang deuh ang.

Chhún boruak vângin ka châu nghulh mai a. Zanah Rsa țhiante'n party an buatsaih bawk nen, ka awmpui rei lutuk lo. A boruak a nuam viau nain ka châu a,ka luak a chhuak hlúi bawk nen. Rsa bulah chuan room lama chhoh ka dîl a, ani pawhin chhoh ve a lo duh tho. Mahse, ka hnialsak a, kan pahniha chhoh daih chu a mawi lo tiin. Mahse, a ngaihsak lêm lo khawp mai.

Rsa room țhin,kan Room tùr lo ni taa  kan luh veleh chuan khumah ka bawk vang vang phawt, ka châu hluah hluah a ni ber mai.

"Ni lo, intifâi hmasa phawt teh, nakinah chuan i peih lo zâwk ang"

Ka va peih lo tak em!

"Ka lo tung tho ang che aw, i châu chhe dér chu a nih kha"

Ka mutkawr tur chu kengin bathroom-ah chuan ka lùt a, ka hmâite phiha ka intihfâi hnu chuan ka harh deuh ķâwkin ka hria,ka inthlak nghal a. Ka chhuah chuan Rsa pawh a lo inphelh tawh a, intleuh leh a tum a nih hmel.

"I harh deuh em?"

"Aw, ka zia sawt mai"

"A țhat chu. Inneih zana châu deuha hun hman chu a nice viau dawn lo tlat"

Ka nui sak ringawt. A beisei chu ka hria alawm. Inneih zâna thil thleng ngei ngei tura ngaih a ni bawk. Ka intiharh lui hram hram a.

"I țhiante i kalsan rei chuan a mawi lo ania"

"An hrethiam lutuk ang, ka intleuh chhungin lo châwl la, ka lo duat ang che"mit siai sak chungin a ti a, bathroom-ah chuan a lut ve nghal a.

Dressing table hmaah chuan ka țhu reng a, ka hmel chu ka thlír vang vang a.

Tunah chuan ka mipa duh ber, ka duhthusâm țhin ngei mipa kha ka pasal a lo ni ta reng mai. He khawvelah hian kei aia vannei an awm thei dawn em ni? Ka hmangaih a, min hmangaih ve lêm lo mahse min duh a, min duat em em bawk. Min la hmangaih chhunzawm ve thei mai ang chu, ka beisei a ni.

Ka inngaihtuah tui atalângin Rsa lo chhuak pawh ka lo hre lova,ka bulah a lo dung reng tawh zawk a.

"Nge i lo ngaihtuah leh tâk a?" Min rawn fawp zoh a.

"Kan innei ta mai hi ka awih thei lo lek lek"

"Pawi i ti tihna mi?"

"Teuh lo, ka awih thei lo zawk mawle, min nei ta mai hi"

"Vannei i inti tihna maw?"

"Aw,mi zawng zawngin an ti bawk ang"

Min rawn kuah a," Kei chuan vannei ka inti zâwk. Ka vanneihzia hi ka la hre chho deuh deuh dawn a ni" a ti sup sup a, ka nghawng a rawn thâwkkhum  lum ham ham a.

Ka thinphu a dik lo leh ţan dér tawh.

Khumah min pawm phei ta nawlh a. A nghâwngah ka kuah nghal vat a," I țhiante inhnuaiah an la awm sia, i ngaihtuah dáwn lo em ni? Chhuk ve rih la" ka ti a.

"Ngaihtuah an ngai teuh lo. Kan tel lovin an tlei tâwk viau a ni" Khuma dím tèa min nghah pah chuan a ti leh sup a.

"Zanin chu pumbilh che ka tum tlat a ni,vawiin niléngin miin min chím tawh a,zanin chu an tana kan hun a tâwp tawh"

Muangchângin ka taksa chhungah chuan a kut a rawn zen lùt a. Ka múr ar ar mai, chhùngril lamah phùrna a thawk leh țan a. Chu chuan ka thâwk a rawn tidanglam nghal bawk a.

Ka kâikùn a, ka fâwp vang vang a. Amah pawhin min chhâng lét nghal.

"Ka thu i awih vângin ka lâwm e"

A tihchhan ka hrechiang khawp mai. A chhan chu kawrhnuai ka ha lo tlat.

Mutkawr pawh chu a ţangkai lo kher mai. Khum sìrah a thehsawn nghal daih a, ani erawh chuan bathroom ațanga a rawn chhuah pawh khan kawr a rawn ha tawh lo hrim hrim.

Zahtheih loh takmeuh meuh ka chhuah ve. A awm ruak kâng chu ka chulsak a, chu mai duhtâwk lo chuan ka fâwp a, a thaw hak mai. A hnute hmùr te reuh  té chu ka nuaisak nar nar a,a chângin ka fawp bawk.

A tuar thei lo a ni ang, insiamremin amah zawk chuan ka hmuiah fâwpin min nem mu riai riai a. Mahse ka taksa chu a rawn delh miah lo. Keiin a taksa deh ka duh hle si.

Ka mal kârah țhingțhiin awmhmun a siam a, ka mal chu a chúl kual a, ka dul lamah rawn chùl chhoin ka hnuteah a tâwp a, ka hnute hmùr  bial kalh chu a hmet né né a,chutah rawn kún hniamin a rawn fâwp ta dak dak a. Keia nuamti awmngaihna hre lo chu ka lo er kual nasa,ka awm hle hle thei lo.

"Vawiin khan hetia chét hi ka châk tawh lutuk a"

A aw chhuak chu a sexy hluah hluah, min mamawh ve hle tawh a ni ang,a khùr dar dar mai.

"I tâ ka ni alawm"

Ka awm atanga ka dul chúl thlain," Ka hria asin, keima ta chauh i ni" a ti a,a kut chu chét zelin ka mal tawp chu a chùl thuak thuak a.

Ka châkna nasa tawh lutuk avang chuan a taksa leh ka taksa chu inzawm vat vat se ka duh, ka nghakhlel lutuk chuan " Rs, tunah i taah min siam leh rawh" la ti ta thlâwt a.

Ani pawh chu eng a ang tawh bík lo. Insiamremin zâwi muangin ka taksaah chuan a rawn lùt riai riai a, a pumpuia a lo luh hnu chuan a che țan ta nghal a.

Kei pawhin ka lo pui sauh sauh. Ka taksa thlâwpin a rawn awm duh miah lo. A kokiah ka ke chu pu ve vein a che sauh sauh a, a thaw huam huam bawk. Kei pawh eng ka ang lo, ka thaw hawk hawk a, nawmna tâwp min pék lai chuan ka țe chhuak leh țhat țhat mai, ka insùm thei lo.

Váwrtáwp ka thlen hnu rei lo teah ani pawh a mawng chu chét rantírin a thaw a rawn rang sawt a, thaw hawk hawkin a rùm hawk a,nawmna tâwp a thleng tih ka hria.

Kan taksa chu inzawmtir rengin a saisir zawngin kan mu a, a la duhtâwk mai hauh lo a lo ni. Kei pawh ka lo inpeih leh reng tawh a, nawmna min pék belh leh zel tumin a bei sauh sauh a.

Vawi engzat nge nawmna kan tem pawh ka chhiar thei lo. A duhtâwk thei thlâwt lo, kei lahin ka lo phúrpui thei zél bawk si. Kan mut tak tak dawnah chuan " Muhìl tawh rawh le, i châu lutuk dawn, ka hné thei si lo che a. Naktuk zíngah ka kâitho leh ang che" a ti a.

Dik tak chuan ka châu hluah hluah. Mahse, ka pasal  a ni a, a duhkhawp pêk ka duh. Inneih zan a ni bawk a, ka theihtâwp leh phâkbak tlém ka chhuah ve alawm.

"Naute insiam țantir tan i taksa chunga ka chét vak kha a țha lovin ka ring a,chuvangin a him theih dan tur,a him thei ang berin ka ché a nih kha. Ka tina che em?"

Kei âiin a lo ngaihtuah kim leh ta. Kei chuan ka taksa thlãwp zaiha min rawn bawh khan nuam ka tiin kan taksa inhne chial kha nuam ka ti a, mahse zanina nawmna kan chén dan pawh kha a nuam dangdai ka ti a, tih fo chi-ah ka ngai.  Chutah, naute tan a him dawn bawk si.

"Ka lawm e"

"Engvangin maw?"

"Thil i ngaihtuah kim avangin"

"Nang leh ka fanu tân chuan thil țha ber, him ber ka duh a, ka ngaihtuah zel bawk ang"

A âwm pharh dár nghéng chuan thlamuang takin ka muhìl ta siai siai a. Ka mutthilh dawn, ka mumang rama ka chén țantirh lai pawhin ani chuan a dân ngâi té, ka hnute a hùm rân reng. Chu chu ka hre viai viai a,mumang ramah ka chénsan ta daih a.

(Zanin chu a tâwi tih ka hria, thupha ka châwi e. Ka unaupa duh takin vawiinah nupui duhawm tak a nei a, ka buai ve hle a ni. Mahse, rawn dah hrâm ka duh sia, thui tâwkin lo chhiar mai teh u,haha)




RUATSANGA - 17 By Dingdi Pachuau

Inchhúng chét a phal ta lo. Ei tur ka duhzáwng ang apiang min rawn lei haw ziah a. Ka duh leh mamawh nia a hriat zawng zawng nitin a rawn lei haw bawk, ka mamawh loh thleng thlengin. Ka hâu ve bawk nain a tih a țhulh phah chuang lova,ka peih ta lo law law.

Thei thûr
 ei ka châk thei hle a, chuvang chuan Rsa chuan fridge chu thei thûr chitin  deuhthawin a tikhat a ni mai. Ka ei châk chu ka ei hmiah hmiah a ni ber, min ngaihtuah lutuk a, ka dik lo zo vek ang tih ka hlâu. Amahah innghat turin min duh bawk nen, ka rinchhan turin a awm thiam bawk a,engkimah ka ring chho chu a ni dèr mai.

Zânah ka men rei a remti lova, ani pawh a meng rei ngai lo. Ka muthilh hnuah a tho leh a,a meng leh țhin a nih nghal loh chuan. Chhun lamah ka bula a awm theih loh vang nge, in lama a awm theih hunah chuan ka bulah hlír hun a hmang mai. Min duat em em a, ei tur ka ei châk apiang min siamsak a, a siam thiam loh pawhin a siam dan tur a zawng mai țhin.

Kanhmui rim ka tihtheih loh avângin chawhmeh kan reng reng kan hmeh ngai lo. Ka inthlahrung khawp mai a, mahse anni pahnih lah chuan engahmah an ngai lo. Ka hriat lohah an ei nge phei chu ka hre lo, kan in chhùngah kanhmui lam rim nam hriat tur a vâng khawp mai.

Ka pu (pu ber) pawhin min duat, a tupa fa chu a hmu ve châk tehmeuh chuan ka ring a,mahse mak ka ti tho. A phúr ber berah a țang a, min duat viau bawk. An pahnihin min duat si a, awmngaihna ka hre lo ang tih a hlauhawm zawk.

Nu Sangi pawhin min fiam zoh zoh, a âwm ve tho. A chhan chu keimah khan Rsa kha ka star thei em a, an ina awm,an chhiahhlawh țhin kha Rsa nupui ka ni ta mai si a, chutah ka la râi zui. Ngaihtuah chian hi chuan ka vânnei ve chiang em a, kei aia vânnei hi an awm tawh kher lovang.

Lily pawh a lo léng ve zauh zauh, hun a nei lo ve èm a, kei chu ka léngchhuak khât hrim hrim a, ka chhuah ve chhun pawh Lily-te inah bâk kalna tur ka nei chuang lo.

Ka nun a hlim a, râino lai mah ni se rilru a hlim tlat a, han châu nghulh ve țhin mah ila, ka nui var var peih reng. Nu Sangi lahin min fiam reng a, min duat viau bawk.

Zan khat chu bathroom-a a luh hlânin a phone a rawn ri ral ral a, 'tu tak ni ang maw?' ti rilru chung chuan a phone chu ka'n thlêk hrám a, Eli a lo ni.

'Ka chhânsak mai dawn em ni ang aw?' ka ti rilru a, mahse thil pawimawh dang pawh a ni thei a,a pawimawh chuan a rawn phone leh mai ang chu maw.

Ka ngaihtuahna chuan a chhui kual leh nasa khawp mai. Kan inneih hma, Rsa nen kan inhriat hma atanga inhre tawh an ni a, chutah inngaizawng an ni lehnghal. Kan innei thut kha a hrethiam bìk lo tawp ang tih ka ring a, a chhan chu a fa ka pâi vâng liau liaua min nei tih a hriat tho ka ring. Chuti anih chuan an la inbe reng ang. Rsa pawhin a thlah thut bík lo tawp ang. Duh chu min duh ve chiang tih ka hria, mahse kei aia a lo hriat hmasak leh a kuma kum tél a lo ngaihzawn tawh Eli hi rang vuta a thlah chu ka ring lo.

Bathroom atanga a lo chhuah lai pawh ka lo hre lo, ka lo ngaihtuah nasa lutuk a, min tiphu zawk lehnghal.

"Heiii, eng hi nge maw i lo ngaihtuah țhin le?"

"Nangmah mawle" tiin ka nuihsak a, " i phone kha a ri a, mahse ka chhang hman lova" ka ti ve zaih a.

"Um, hnathawk lamte atangin a nih dawn chu"

Ni lo, Eli a ni. I bialnu kha.

"A nih dawn chu"

A phone chu a'n ban a, a hmél ka lo en ru reng a, han danglam emaw hmuh tur a awm chuang lo.

"Hnathawk lam an nih chiah hi"

Ni lo, hei chu dâwt hul hual a ni. Engtin nge dâwt chiang takin a sawi theih le!!!!

"A pawimawh a ni ang,ka'n call back ang e"

A kalsawn ta daih a, ka rilru a na nghal vawng vawng mai.

Ngahnge ka lo beisei sân viau? Hei hi ka chantâwk tùr dik tak chu a ni lo em ni? Rsa hian min duh tih chu ka hria, ni e, ka taksa hi a ìt. Chuan, a fa ka pâi a, a mawhphurhna mipa takin a la mai a ni. Engah nge rinawm taka awm tura ka rin? Keiin ka tihlâwm hma daihin Eli'n a lo tilâwmin  a duhzawng a lo pe țhin. Rsa hian a kalsan ka ring ta lo. A theihtâwpa  fel leh duatin min enkawl a, hei bâk hi ka phùt ngam tur a ni lo reng a ni.

Mahse,he pa hi ka hmangaih miau si a nih hi.

Nupa kan ni a, min duat a,a fel a,a theihtâwp a chhuah. Kei hian eng nge ka tih ve le? A lâwmzawng leh duhzawng hian ka awm ve em? 

A rawn lét leh chuan khumah ka lo mu tawh a,mahse ka muhíl miah lo. Muhíl ang chiahin ka awm a, min ko a,mahse ka chhâng lo.

Rawn kal hnâiin a rawn kún hniam a, ka chalah chuan a rawn fawp vang vang a, chutah záwi sap hian," Zanin chu ka chhuahsan che a ngai tlat, min hrethiam rawh aw. Tui deuhin muhìl rawh" a ti a,a kalsawn leh ta nghal a.

Ka rilru a nâ, ka mittui a rawn luang ngiai ngiai mai. Room a chhuahsan hma chu ka chesawn ngam si lo, a thawmhnaw dahna a hawng ri chu ka hrereng a, a ri sat sat reng mai. A thâwm chu a dím hle nângin ka hre vek tho.

Kawngka hawng thâwm ka hriat hma chu ka che ngam lo. A thâwm a reh vang vang a,kawngka bul atangin min en a ni maithei, light a thim ta deuh khap a,dím light erawh a êng thung. Room kawngka chu dîmtèin a hawng a, dîmté bawkin a khâr bawk.

Car a tinung ham ham ri pawh ka hria. Ka la chesawn lo. Tunah hian ka hmangaih ka pasal chuan nula dang hmu turin min kalsain mék. Ka mittui luang ngiai ngiai chu a rawn luan tam belh a,țah chhuah ka hlauh avangin ka kut chu ka seh ta ngar ngar mai.

Mahni inkhawngaih hi thil țha lo tak a ni. Thil sâwt lo leh thil țangkai miah lo a ni bawk. Mahse,tun hunah tak hi chuan mahni inkhawngaihnain ka khat tlat.

Eng nge Eli nen chuan an tih ang? Ka bulah nuamti tak leh min mamawh ngawih ngawih angin nawmna min chenpui țhin a,mite chuan hmangaihna chên tiin an sawi țhin. Rsa nen kan inkârah hi chuan hmangaihna chén tiin ka sawi ngam lo hrim hrim, a chhan chu min hmangaih miau lo si a,keiin hmangaih ringawt mah ila, hmangaihnaah chuan mi pahnih a ngâi tlat.

Lily hnéna inbunruah ka châk, ka ngai ngawih ngawih mai. Mahse, ka be duh lo, ka bia a nih chuan ka țap ngei ngei dawn tlat. Mu reng chung chuan ka meng kar a, ka mit chu ka hrúkna lamah a thíp hlur tawh mai, naktuk chu ka meng bui ve khawp ang.

Ka rinhlelhna hi ka ngaihtuahna dik lo mai a ni lo maw? Eli hi chu ka thík țhin em kha. An inkâwm nasa a, țhian mai piah lamah pawh an awmdun nasa țhin ang chu. Kei min neih tâk avang maiin thlah hmak tur a ni hleinem. Ka chungah theihtâwp a chhuah tawh a, hei bâk hi ka la phút fo dawn em ni? Ka lo duhâm mah mah a ni ang.

Mahse, ka rilru tinatu ber mai chu dâwt min hrilh kha a ni.

Eli'n a rawn phone a,ani thung chuan 'hnathawk' tiin a sawi thung a. Eli rawn phone a ni tiin sawi mai se, heti khawp hian ka na lo tur. Nupa inkâra dâwt inhrilh hi a lo ná bík a nih dawn hi.

Ka tho a, ka hmaite ka phihfai leh hnuah Pasta ka ei châk deuh thut avangin inhnuai lamah ka chhuk leh rih a. Rsa chu awm se chuan min siamsak leh ngei âwm si a. Ni lo, hetiang lam chu ngaihtuah rih lo ang.

Ka siam zawh meuh chuan a lo tlâi tawh angreng. Rsa erawh a lo la haw lo, eng nge tunah tak hian a tih ang? Eli nen nawmna an chén ang nge, an léng dun zawk ang? Ni leh lo,anni chuan hmangaihna an chén ang chu, an inhmangaih miau  si a.

Thatho  lo zetin chair-ah chuan ka țhu a, pasta ka siam chu ka'n hâwp pâwk a, mahse lem a har ka ti. Ka thinlung tâwt nen, ka rilru put dik loh vang ni bawk, a tui ka ti lo takzet.

Vawikhat chiah ka lem, a dang chu ka ei lui thei lo. Ka pum a inlet leh but but mai, a hrehawm lutuk.

Tui khawihnaah chuan ka ding rân mai, ka uak tuar tuar nain ka luak thei lo. Râino hi a lo hrehawm hle a lo nih hi, ka uakna lamah ka mittuite chu  a tla púr mai a, hrúk pawh ka peih lo. Ka ning ngawih ngawih mai, ka pum chu ka'n chúl a, ka pen kâwrh țêp a ni, heti khawpa min tichãutu naute hi.

Rei tâwk ka din vang vang hnuah  Pasta ka siam chu dustbin-ah ka paih vek a, ka siam ve em em a, ka ei țha thei chuang si lo.

Room ka chhoh hnu rei vak lo hnuah chuan car thâwm ka hria a, a lo haw tawh a ni ngei ang. A duhtâwk a ngah hnuah chuan a lo haw hrâm alawm. 'Hnathawk' a tih-i nen chuan khum laizâwlah hna an thawk a ni ngei ang chu. Ka luak an tichhuak e a.

Chutiang ka ngaihtuahna chuan ka luak a tichhuak tak tak. Bathroom lamah ka tlãnlut leh thuai a, ka uak leh tuar tuar mai, tunah chuan ka luak thei a, ka luak ve nual. Nichina ka thil ei kha chu ka pâi rei lo ngei mai.

Bang nghéngin ka ding vang vang, ka lu chu a hai deuh muai muai a, chuvang chuan towel bânna steel chu ka vuan pah a, ka maimichhíng vang vang mai.

"D,engtin nge i awm? I țha em?"

Ka meng lo. Min ngaihtuahna a aw-ah chuan a langchhuak chiang hle bawk. Mahse, dâwt min hrilhtu a ni, min ngaihtuah tak tak thei lovang.

Ka chhâng lo, ka maimichhing reng. Min rawn hnaih tih a rimtui hman atangin ka hria. A rimtui hman chu ka pum no nghulh mai chuan a lo pâidam thei awzawng lo mai, ka pum chu a rawn let leh but mai a,chumi rual chiah chuan ka uak leh nghal tuar mai.

Min rawn chelh a, min rawn hnaih poh leh a rimtui rim chu ka ti thei lo telh telh. Ka hnâr ka hup, peih lo zeta mengin ka en hrâm. Ngaihțha lo tih hriat fé hian min chelh a, a mitmeng a buai nak tih pawh ka hmu thei e.

"D, damdawi inah kal mai ang aw"

Ni lo, min chelhna chu min thlah se ka duh, a rim chu ka pumin a ngaithei lo.

"Kalsawn teh" ka ti thei hrâm a, ka uak zui leh nghal a.

"Ni lo, i awmdan hi a dik lo tlat"

Ka hnâr ka hup avangin a rim chu ka hre thei lo ta a. Ka ziaawm veleh chuan," Inbual teh"ka ti ta ringawt a.

"Ka inbual reng tawh kha" hriatthiam loh hmél fé hian a ti hú a. A ni lah tak a, a rimtui hman hi ka ngaithei lo tih a hre lo tak ang.

"I rimtui hman kha ka duh lo"

Ka hnâr ka hup tlat avang chuan a hrethiam ta deuh a ni ang, room-ah min kuah lútin khumah min țhuttír te te a, a kawr hâk lai zawng zawng chu hlípin boxer nen chauh chuan a awm a, a thawmhnaw hlihho chu wardrobe-ah a dah mai dawn emaw ka tih laiin inhnuai lamah a chhukthlakpui daih.

A lo chhoh leh hnu chuan bathroom-ah a lút nghal a, kei pawh muangchangin khumah chuan ka mu thla ta a.

"Eng rim mah ka nam tawh miah lo ania aw, D"

Ka chhâng lova, ka che bawk lo. Ka lu a la hai deuh chhú avangin ka chesawn ngam lo bawk.

"D, min chhâng teh. Ka lo mu dawn ania"

"Aw"

Ka bulah chuan a rawn inthawlh a, a taksa vawt thler chu deh a nuam hle mai. Tunah chuan a rim pawh a zia deuh ta e.

"I lu a la hai mi?"

"Aw, tlémin"

"Ka ngaih a țha lo tlat, naktuk chu inentír tawp ila"

"Ráino váng mai mai alawm"

"A ni tawh em em lo ang, hetia i awm hi hmuh hrehawm ka ti a ni"

"Ka țha leh mai ang"

Ka bân chùl hliau hliau pah chuan," I țha har tawh e, keimah ka indem tawh ania. Keimah vang liau liau a ni si a" a ti sup sup a.

"Indem tawh suh"

"Ka indem lo thei lo alawm, nangin hrehawm i tuar si a"

He pa hian dâwt min hrilh tih hi awih a har ka ti. Heti khawp hian min ngaihsakin min duat a, Eli min pansan tih hi rin a har ka ti.

"Khawnge i kal a?"

"Hnathawk pakhat nen thil kan tifel dun a, rin aiin hun a lo duh rei phian a"

Hmm, a insawifiah thiam hle mai. Inngaihtuaha tímna eih pawh nei lovin min chhâng nghal ania, dâwt sawi pawh a lo mân thlap thlap hi.

"Hna harsa a ni ang chu"

"Harsa lo tur ania, a harsa zawngin a la tlat a, kan sawifel theih hrâm tâk kha"

Eli chu a lo lungawi lo a nih chiah chu. A dik ang. Rsa'n min han nei ta thut hi atân chuan hriatthiam har tak tur a ni tlat mai a, chubâkah an ințhen reng reng lo bawk a. Rsa tân pawh insawifiah nan hun chu a duh ve viau tak ang chu, a tãwpah chuan an sawifel thei ta hrâm a, engtin tak inthlêm lungawi ang maw?

"I hmél dâng lutuk hian ka ngaih a tițha lo. Chuan,i țap lo tiraw? I mit kha a sen bawk sia, ka ngaihthat lohna hi a dik lo tiraw?"

Țap e, ka țap asin. Ka rilru a na a, nang hian ka rilru i tina a ni. Dâwt min hrilh si a, engvang nge?

"Ţap lo ve, i ngaih tițha lo duh suh"

"I țha deuh tawh em? I lu hai te pawh kha?"

"Um, ka țha"

"Ka kuah dawn che aw, rimchhia min tih tawh loh hrâm ka beisei"

Min kuah dá dá phawt a, ka ngaihtheih leh theih loh a chhin phawt a ni ang, ka uak ta si lova, a ngaih a ngam ta a ni ang, nghet deuhin amah si chét chuan min kuahbet ta a.

He pa bulah hi chuan thla hi a muang țhin. A taksa hrawl lamin min han kuah hlún mai hi chuan eng lakah pawh him hliah hliah bíka inhriat a awl bík. A nuam veng veng mai a ni.

Ka tan rinawm se, min duhin min hmangaih ngawih ngawih mai se chuan lâwm a kim mai tur. Mahse min hmangaih turin ka tilui thei miah si lo. Mama sawi ang deuhin' hmangaih turin mi a tihluih theih loh. Hmangaihna chu mi pahnih inkâr a ni tur a ni'. Rsa nen hi chuan hmangaihna kawng kan zawh dun hmel loh ka ti, keiin zawh mah ila, ani erawh chuan duhna chauhin min zawhpui ang. A tân chuan a hmangaih ka ni lova, a mamawh hríkthlakna chauh ka ni. Hmangaih a nei ve a nih pawhin kei chu ka ni lo sa, Eli a ni ang.

Zirtàwpni a ni a, chhun lamah ka zia viau a,tunah chuan ka pum pawh a puar ve deuh ta, ka hnuteah pawh a hriat ta khawp mai. Ei tur erawh ka ei țha lo viau, huat ka ngah lutuk a, rim nâ lam ka ti thei țhak lo. Ka inbual pawhin shower gel rim na lo ber ka hmang tawp a, Rsa pawhin chutiang chiah chu a hmang țhin.

Tlâi lam a lo nih chuan Rsate lo hmuah pah tiin pawn lamah ka lo țhu a, țhu pahin pangpar pâr hlui deuh tawh leh a hnah râu deuhho ka thian mai mai a, chutah, car ri ka hre ta thuai a.

Phúr ru takin ka insiam țha a, ka sam hùi țhain,  ka thawmhnaw hãk lai ka  siam țha nghal a, hlim hmel takin ka nui sâng a. Car chu a rawn tlân lut a, ka piah deuh, phúl awm lohna chin chiah chiahah a rawn ding chat a. Passenger seat atanga nula, lo chhuak zán zán ka hmuh chuan ka nui hmel chu a reh riai riai a, thíkna namen lovin ka khat ta nghal a.






RUATSANGA - 18 By Dingdi Pachuau

He nu tluka thîk hi ka nei tawh lovang. A chhe lo em em mai si a,a sambuang thar lah hi a inhmeh si. Kei ve hi, engahmah tlukna ka nei reng reng lo. Tunah hlauh phei chuan râino, chér leh hmelchhiat zual hun lai a ni lehnghal a, a lakah chuan engmah ka ni lo ve.

Rsa chuan, a rawn chhuah veleh chuan "Ahh, min lo hmuak alaw? Fel reuh lutuk, mahse i intihah viau ang e" tiin min rawn kuah vat a, Eli'n min en reng tih hriain kei pawhin ka kuah lét ve a. Ani pawh hian Eli hmuh lai chuan a nupui, thlâkhlelh ber angin min en thei a, kei pawhin ka thei ve tho.

Eli chuan min rawn nuih sak a, mahse a hmelah hian min deusawhna leh tihelna ka hmu tlat.

"I lo țha zel maw?" A kut a rawn pharchhuak a, vawn loh duh viau mah ila a mawi bîk lo.

"Aw, țha e. Nang zawk?" Ka theihtâwpa aw zangkhâiin ka ti  ve a, kan kut erawh kan invuan rei lo khawp mai.

Rsa melh ralh pahin" Aw, țha tawh e " a ti sap a. Rsa erawh chuan keimah chauh min en thung a.

" Eli nen hian hna thawh tur kan nei a, zaninah kan inah chaw pawh a ei nghal ang aw"

Hna lam hi engmah ka hriatpui lo va, inrawlh pawh ka tum hek lo. Amahin min hrilha min sawipui.a nih ngawt loh chuan. Mahse in lamah hi chuan hna lam hi a sawi khât viau, ka pu nen an sawi zauh thung.

"A țha alawm"

Ka phúr lem lo khawp mai. Chubãkah Eli rimtui hman rim chu ka ngai thei lo, ka luak a chhuak lutuk, ka insúm hrâm hrâm a ni.

"Pawnah hian ka lo vâk harh rih ang e"

A rimtui hman chu a rim a na bawk si a, ka hnâr ka hup pah nghal daih. Ka zui lut ve anih chuan inchhungah a nam vek ang a, ka mualpho zawk ang tih ka hlau.

"Aw le, mahse indîm la" ka chalah a fâwp zoh a, bàg lianpui khâi chungin inchhung lamah chuan min luhsan ta a.

Pangpar huanah, lung chungah chuan ka țhu reng a. Boruak chu duhthawh féin ka híp kâwk kâwk phawt a, Sambuangi rimtui hman rim kha ka hnârah a châm tlat avangin tihreh ka duh.

Pangpar par chi hrang hrang en chuan ka kal kual mai mai a,inchhungah lùt mah ila, Rsa leh Sambuangi ka hmu dun a nih loh pawhin ka hmu lo ve ve emaw a ni ang a,ka mal âwm bík em mai.

Chaw ei hmain ka lut ta nge nge a. Anni erawh hmuh tur an la awm lo. Rsa office lamah an awm a ni ang, Rsa hian a pu a puih hnuah khan room thar 'office' a nei a, tah chuan ina a awm chuan hna a thawk țhin a ni.

Chaw kan ei lai chuan  Eli chu a dan ngai téin a ţawng leh barh barh a, ka pu erawh a ngawichâwi viau mai.

Hna chungchang an sawi hran lova,an lehkha zir lai an sawi mah zawk. Ka hriat ve thil a awm loh avangin kei pawh ngawih lamah ka țang a, duh hmél em em a Eli'n Rsa a melh țhin erawh hmuh hmaih a har a, hmuh hrehawm ka lo ti.

Rsa kalsawn hlânin Eli chuan,"Rilru dik lo ka chungah i put loh hrâm ka beisei" a ti sap a. Kei chuan nui chungin,"Dik lohna tur a awm em ni?" ka ti lét ve a.

"Awm love, keini hi chu kan inkawmna a rei tawh a, thík tur pawh a awm lo"

"Ka hria alawm"

"A țhat chu. I lo hrereng dawn nia"

A mi tihdan kher kher chu, ka ngei lutuk. An inkâwm țhin tihte chu ka hre ve reng, min hrilh nawn kher pawh ka ngai lo. Duh leh ka thík ang a, Rsa ka intitâ viau pawh a ni lova,bãkah ka pasal ania, lo intitâ viau pawh ni ila, ka thiam lohna vak tur ka hre lo ve.

"Chuan, ani hi chuan min kalsan mai mai dawn lo a, ka tân a awm reng ang. Nang hi chu i râi avang chauha nei mai che a ni. A mawhphurhna a la mai chauh. Hman zâna kan thil tih pawh kha i hre miah lo tiraw? Hm, a hrilh dawn lo che tih kha ka hrechiang alawm. In inneih tâk thut avang hian kan ințhen tihna a ni lo aw"

Rápthlak ka ti lutuk. Ka hmél chu a dâng sâwp sâwpin ka ring. Ka țhutna țhutthleng cushion chu ka hmer ngat ngat a, ding chu ni ila, ka tlu mualpho ngeiin ka ring. Tunah pawh hian ka lu a dik tawh lo.

"I duhtawk thei tawh ang em?" Záwi téin ka ti sap a.

"Harsatna i lo siamsak loh zel ka beisei. Kei chuan mualphopui mai pawh ka pawiti dawn miah lo ania"

Ka thu hriat hi râpthlâk ka ti lutuk. Hetianga rilru chhe lutuk hi a pu ang tih ngaihna ka hre pha lo reng reng, hetiang mihring hi chu ka bula awmah pawh ka duh lo asin. Rsa lah hian a la duh em em si, engtin nge a rilru chhe lutuk hi a hriatchhuah loh theih zawk le?

Mut hmunah ka mu meng kar a, tunah hian in khatah kan awm reng, kei chu keimah chauhin. Anni erawh chu an hlim viau ang, hna thawk chung pawhin. Hna pawh an thawk kher lo maithei bawk. Hna'dang' deuh an thawk pawh a ni mahna.

A  lo mut lai pawhin ka la meng. Min rawn kuah da da a, mahse a kuta rimtui rim kâi chuan min tiharh chiang kher mai.

"I kut kha"

Ka vín vawikhatna.

A kut chu a la lét rang kher bawk a. Ka inlet a, kan inhmachhawn rân mai.

"Eng rim nge nam a?"

"Insilfâi hmasa phawt rawh"

"Intifâi sain asin ka lo mut"

"I fâi tâwk lo"

Mak min ti takzet tih ka hria. Kei lah vín ngai hran miah lo kha ka țéu hlar mai si.

"I mumang a țha lo mi?"

"Țha,... ka bula i mut dawn chuan intleuh nawn leh rawh"

A rim chu ka ngaithei tlat lo.

A inbualfâi leh hnuah pawh chuan ka ngaithei chuang lo.

"Tinge heti hian i awm tlat a?"

"I rimchhe em a nih kha"

"Ka rim ngâi reng alawm, a hma pawhin rimchhia min tih ngai loh kha"

"Ka bulah mu lo mai teh"

"Ngati?"

"I rim kha ka hné"

Makti hmél deuhin min en a.

"Ka kuah châk che asin"

"Ka peih lo"

"Tinge a? I thin a rim tiraw?"

Rim e, dâwt min hrilh vang khan ka thin a la rim reng.

"Rim lo"

"Ni lo, sawi la,... i duh loh zawng  sawi ka nei mi?"

"Nei lo"

"Heti hian awm suh, thil ka tihsual chuan min ngaidam rawh"

Eli chungchâng chu a sawi lang duh bík miah lo.

"Eli i thík mi?"

A rawn sawi lang ta chiah e.

"Thikna chhan tur a awm em?"

"Awm hauh lo"

"A țhat chu"

Kei pawhin ka awmdan hi ka hrethiam bík lo. Vawikhat mah hetiang hian ka la awm ngai miah si lova, ka râino lai a nih vang a ni ang. Chubâkah a rim hi ka ngaithei lo. Ka luak a tichhuak.

"Ka nupui bulah ka mu thei lo tihna mi?"

Ani, inla pâ ve tak tân chuan ka chhân létna zawng zawng kha a na viauin ka ring.

Ka chhân loh avangin a lukham chu a rawn la lawk a, room chu a chhuahsan ta daih a.

Khawi room-ah nge a mut ang le? Ka room hluiah khan nge ni anga a office ah? A office-ah chuan khum a awm lo khan ka hre si a.

A tuk ațang phei chuan a rim chu ka ngaithei lo lehzual. A thawmhnaw ka hmuh pawhin ka luak a tichhuak thei nia. Room ațanga insawnchhuah daih maite ka rilruk a ni, a rim hriat theihnaah awm ka duh.

Rsa kalchhuah hnuah ka pu chuan a room-ah min ko lut a, ți dék chuan a hmaah chuan ka țhu a.

"I râino chu i la na ve hle mai tiraw?"

Chhan ngaihna ka hriat loh avangin ka nui ringawt.

"Râino lái hi chuan huat neih hi a awl em em a, i pi pawh kha ka khawngaih thei khawp mai. Min haw thei lutuk a, chutiang chiah chuan tunah hian i awm niin ka hria"

"A rim hi ka ngaithei lo. Chuan, amah hi ka ngei bawk"

"Hrehawm a va ti dawn ve"

"Kei pawhin hrehawm ka ti, a bulah ka awm peih thlâwt lo"

"Ka hrethiam che. I room hlui lamah awm leh rih ta mai che. I ngei loh hnuah in room-ah chuan i lét leh mai ang a"

"Rsa'n a remti lovang"

"Ka lo bia ang e"

Ka va lawm tak em! Ka room hluiah chuan awm vang vang ka châk hluah hluah. Rsa hmuh theih lohnaah, a rim ka hriat phâk loh hmunah ngei chuan.

Ka pu thuin ka insawn ta. Rsa chuan engmah a sawi lo, ka pu chuan a hrilhfiah ngei ka ring. A hriatthiam leh hriatthiam loh chu ka hre lo.

Kan mut dun loh tâkah chuan kan inbe tam ta lo hle mai. Kan inhmu khât bawk. Chubâkah, amah hmu thei lo tur ang berin ka awm, ka luak a chhuah loh nan. Ka pu leh midang erawh ka ngei lo, min duat hlawm em em bawk.

Eli pawh a rawn chuangkâi leh țan ta. A chanchin hi ka bula mite'n an sawi ngai loh avangin kei pawhin ka sawi ngai lo. Ka sawi chhuah loh phei chuan midang chuan min sawipui ka ring lo hrim hrim.

An inzui  hi midangin an hmu ang tih ka hlâu. Eli lahin mualphopui mai pawh a cho mai si a,Rsa tal hi chu invêng thei hrâm se ka ti. A hmingin a nupui ka ni ve si a, a hmingchhiat hlauh chuan ka pu leh kei pawh kan hmingchhe tel tho dawn si a.

Lily'n min rawn phone zauh zauh. Rsa nen kan inpawh loh hnu, room hran ka neih hnu hian ka ngâi zual. Ka rilru hi phawrhchhuah vek ka châk a,mahse chu zawng thil tih chi a ni si lo.

Ka pa pawhin nuthlawi a rím țhin kha a luhkhung ta a ni awm e. Ka pute huan pawh a rawn enkawl zawm ta lo. Ka pawiti lêm lo. Nupui a nei leh chu ka lâwmpui viau mai, eng emaw chângin sual viau țhin mahse ka pa a ni tho a, ka lawmpui lo thei lo, an induhtawn phawt chuan a țha a ni mai.

Zánah ka room kawngkhar a rawn ri dat dat a. Rsa bâk a ni lo ang.

Ka va hawn chuan a lo ni tak tak a.

"Ka ngâi tawh che ania"

Hna a thawk nasa ve tawh a,a hmél pawh a châu hmel riau.

"I rim kha..."

"I bula ka mut lohna a rei tawh si"

"I inbual em?"

"Aw"

Ka thaw hak hak a. A rim chu a ngai reng ,ka ngei dan a la ngâi reng.

"A pawi ka ti, i lo mu thei lovang"

"Tinge??? Ka tuar rei tawh lutuk, ka thei tawh lo ang"

"Pawi ka ti, mahse ka thei lo"

"I awmdan hi ka hriatthiam phâk bâk a ni tawh"

Kei pawh ka awmdan hi hrehawm ka ti ve tho. Rsa ka ngei tlat mai hi hrehawm ka ti, ka pasal a ni a, ka bula mut pawh a duh ve ang a.  Mahse ka bulah ni lovin mi dang bulah pawh a mu thei tho ang chu. Eli bulah pawh. Ani'n a lo hnar lo nasa dawn si.

Chhun lamahte hian a lo haw huna ka lo hâu dan tur hi ka lo ngaihtuah lâwk țhin a,min chhãn lét dan tur thlengin. Mahse kan inhmu tam lo hlauh a,hâuna hun pawh ka hmu lo a ni.

Eli chanchin hi chu vawikhat bâk kha kan sawi leh lo hrim hrim. Ani vang kha chuan ka ngei rùn lo, a rim leh a țawngri hi ka ngei ber chu a ni. Hetiang hian râi laiin mi an awm ve țhin tho anih chuan engtin nge an tih-reh bík le?

A room lamah chak fea a kal tak hnu chuan kei pawh khumah chuan ka mu leh ta kâk a. Ka ngei tlat mai hi a hrethiam lo tih ka hrechiang ta e. A thin chu a rim ve khawp ang, mahse tihtheih ka nei lo, ka ngei tho si.

Eli a rawn lang ngun ta viau. A rawn kal apiangin office-ah an inkhârkhum hmak zel. Hna an thawk tih ang tih ka ring, mahse rilru hian ngaihtuah loh loh tur a lo ngaihtuah kual leh țhin. Nu Sangi pawh hian an pahniha an rawn kal tawh hi chuan min enzui nasa țhin tih ka hria, ka haider tlat zel thung. An ringhlel tur hi ka duh loh mai bâkah hmingchhiat ka duh lova, sawi sep kâi ka duh lo bawk.

Ka pum pawh a puar ve ta. Dul nei tam mi ka nih loh avangin a lang har mai mai zawk a, damdawi inah min kalpui zat zat a, ngei viau mah ila,ka tuar ve thei mai.

Tlém tlemin ka zia zel a, Rsa ka ngei tlatna pawh chu a zia ta viau. Mahse room hranah ka la mu tho, hman zana riah min rawn díl hnu kha chuan min díl nawn tawh lo chiang khawp mai. Inah hmuh tur a vâng ta viau bawk.

Zan khat chu ka muhíl tawh chu chiang zetin ka harh hlawl mai a. Engvang nge ka harh chhan chu ka hre miah lo. Mahse hmeichhe nui ri vang a ni tih ka hre hnuhnawh. Khawi lai hmeichhe nui ri ni ang maw?

Peih lo zetin ka tho țaih țaih a, ka phone-ah dâr zat ka en phawt. Zan dâr 12:30 lai a ni tawh. Hma tak chu a ni tawh lo.

Room kawngkhar chu dím téin ka hawng phawt a, nui ri a tâwp leh tawh avângin ka'n nghák leh deuh hlek a. Chutah, nui kar kar,nui rin hlâu deuh si ri chu ka hre leh a, chu chu Rsa nena kan room ațangin a ni tlat mai.

Ka hresual a ni ang. Tun ang hunah chuan hmeichhia lehnghal, kan nupa room-ah a hruai lút lo tawp ang. Ka chungah lungawi lo viau mahse hetiang kawng kher hi chuan min tihlét ka ring lo asin.

Thâwm chu ka ngâithla phawt a, ka riahna room leh Rsa room,kan nupa room ni ta chu a inhlat lêm lo va, va kala va chian ka duh hle mai.

Zâwimuangin ka pan phei chhat chhat a. Kawngkhár khár phui loh hlek avangin nui thâwm kha ka hre thei a lo ni.

Ka pan hnâi a. Duh lo viau mah ila,ka bih dék dék  phawt. Chuta ka thil hmuh avang chuan ka ding khawng ta reng mai.

Rsa chu ka hmuh theih loh lam hawiin min hnungchhawnin boxer nen a ding a, Eli chuan a kâwngah kuahin eng emaw hi phun deuh sep sep hian a sawi a, Rsa chuan a kuah ve lo nângin a nui ve tho.

Eli chuan phun sap sap hian a melh chho hau mai. Chutah kawr a ha mumal lo tih ka hmu tel bawk. A nui ri leh har har bawk a.

A țawng ka hriat theih mang loh avang leh ka thil hmuh chu hrehawm ka tih em avangin tawlhsawn ka tum a, ka ke chuan zung a kaih ta emaw tih turin ka chétsawn thei miah lo.

"Nupui nei ve si,a bula mut a phal nange? Kei ka âwl reng alawm, zanin chu ka riahpui ang che aw"

Ka hrechiang khawp mai.

Ka chétsawn theih loh avangin a thusawi chu ka ngâithla lo thei lo. Rsa erawh chu a phun deuh sup tih chauh ka hria. En hrehawm ka tih em avangin ka mit ka hup ta ringawt a, bang ka nghéng dat bawk a.

"Ka duat theih em che kha, kei anga i duhkhawp pe zo thei che an awm lo tiraw? I ta ka ni. Ka engkim hi i ta vek an la ni reng ania, i bula awm hi kei chuan ka ning ve ngai lo tih i hriat kha,zanin pawh ka duat leh che min phalsak leh rawh aw"

Ka hriat miah lohin an lo awmdun ngun hle tihna.Ka beng ka hup leh ta daih. Ni lo, an thusawi ka hriat rei poh leh ka rilru natna a zual ang. Ka kalsawn a ngai, ka mualpho hmain.

Ka kalsawn hmain ka en leh hrâm, Eli chuan a kut pahniha a bianga vuanin an lo infâwp ngawr ngawr mai. Ka rilru , ka thinlung a keh chhe zo ta. Ka bíng mup mup mai, mahse ka mittui a tla lo.

He pa hian ka mittui a phu lo. Ka tlâktír dawn lo. Ka hmangaih em avangin ka ngawihpui a,mahse tunah chuan a lutuk ta e. Kan nupa room-ah, chu pawh zanlaiah lehnghal, tu nupui mah hian an hrethiam bíkin ka ring lo.

Ka khumah ka ţhu reng. Ka rilru a chawmawlh a, ka țap hek lo. Ka rilru a tâwt a, ngaihtuah mumal ka nei thei lo.

Lily ka phone a ngâi a ni. Rsa hi kei hian ka kalsan a ngai. Naute vãng chauha min nei a ni a, mawhphurhna lain min nei a, kei hian ka kalsan chuan zalenna a nei ang a, keiin naute chu ka enkawl mai ang. Ka enkawl ve thei em em ang, mi pawhin an thei alawm. Ka chhuahsan ngei a ngâi.

Phone chu ka la kâng a, dar zát lang kulh mai ka hmuh chuan Lily phone ka tum chu ka țhulh leh daih. Tun ang zan rei tawha ka phone hian eng nge awmzia a neih ang? Naktukah ka phone lâwk ang a,he in hi ka chhuahsan ang.

Zaninah pawh hian Eli chu a riak ngei ang chu. A nupui em pawh min zah zo tawh lo chu mak ka ti. Ka bula mut ka phal loh avangin min tih-el nan a hmang nge ni a,min chênpui peih tawh lo? Mahse hetiang tawn hi ka duh lo asin, tlâwm lutuk tak maia chhuah chu ka hreh ve asin, mahse ka chantâwk tur a lo ni reng si.

Zinga ka chhukthlak chuan chaw an lo ei dawn mek. Eli pawh a lo awm chiah e, an riakdun tihna. Ka ngaihtuah chhuak ve zung zung mai.

Hm, vawiinah ka chhuak ang, tuna ka chhuak lo anih pawhin nakinah chhuah hun ka la nei tho tho ang.

Eli chu a țawng zat zat a,ka pu chauh ka chibai. Chaw kílho chu ka va châk lo tak em! Mahse kan kilho tâwpna ber a ni dawn tawh asin. Peih lo chung chung pawhin ka tihtur ka tih a ngai.

Chaw chu ka chawk let kual vel mai mai. Ka ril a țãm lo va, ei châkna pakhatmah ka nei lo.

"Chawk let chawk let lo khan ei ta che"

Ka chhâng lo. Ka ei phah chuang lo bawk.

"Ei châk zawngte  i nei em? Sawi la, vawiinah ka lo hawn ang che"

"Ka lawm e, engmah ka ei châk lo"

"Naute tân tal ei lui hrâm hrâm teh"

Kei chu min ngaihtuah tawh lo,naute chauh a ni a duat tawh. Tukin ataka min be sek pawh hi nizan lama a chêt țhat vang a nih chiah hi. Tenawm hian. Ka lo ngei tlat pawh kha a lo hetih dawn vang hi a lo nih chiah hi.

An kal hnuah Lily ka phone a, a lo thleng vat. Class kal lovin ania min buaipui, țhianțha nih hi chu a va tlin tak em!

An inah, a room-ah min luh tlangpui nghal a, khuma țhuin chanchin chu min zâwt chiang a. Ka sawi țan chiah a,ka țap nghal. Ka rilru a tâwt em avangin nizan lamah ka țap thei lova, tunah chuan ka țap chhuak thei ta e, Ka thâwl hawk ka beisei.

 Lily chuan rem min ruatpui vek. Tlaiah Aizawlah ka phei nghal dawn, chuti lo chu Rsa'n min rawn zawn chuan min hmu nghal ang a,min hruai haw leh palh ang. Tak tak chuan, min rawn hruai haw duh kher lo ang, mahse ka tân hian kalbo phawt a țha ber. Chuan, mualphona lak ațangin ka him thei deuh mahna.


End of flashback
***************





RUATSANGA - 19 By  Dingdi Pachuau

Kan inhmuhna hmun tur chu hmana Pasta 'cial' deuh min leisakna restaurant-ah khan a ni. An lo tidanglam deuh tawh a, tuna ka thutna phei hi chu a nuamin midangin min rawn chím pha vak lova, a zia phian mai. Kan inhmuh hunah engtiangin nge kan boruak a awm dawn ka hre si lova, chuvang chuan tuna ka awmna hi sawiselna tur ka hre lo.

Ka țhu vâng tawh mai a, minit 5 a la awm e. Kum ruk lai mai kan inhmu tawh lo va, a lo danglam viau tawh ang em? A tawh a lo khirh viau tawhin ka ring deuh ringawt a, chuvang chuan chhânlêtna tur hrang hrang ka ngaihtuah  kual nasa a ni.

Hmuh ka châk tawh em avanga thleng hma chu ka ni lo chiang. Innghahtír ka duh lo mai zawk a ni, tunah chuan hmeichhe naupang, kum 18 mi kha ka ni tawh lova, nula puitling dik tak, mahni pawh inchâwm thei leh inringtâwk tak ka ni tawh. Mahni invén dan ka thiam ve tawh a, țawngkam țha leh thlêmna duhawm takah pawh ka tlu lùt mai mai tawh hek lovang.

Dar 12 a rík chiah chuan ka thutna bulah a lo ding ve chiah. Ngun zetin min en a, kei pawhin ding chuang lovin ka en ve reng tho.

A hmel a lo lang puitling ta deuh. A khabe hmul tam vak lovin a zuah a, a sam pawh a hma âi chuan a sei hret bawk, a thur deuh bawk a, thliin a chhém vang pawh a ni maithei, a inhmeh phian lawi a. A lang sexy sauh bawkin ka hria, a hmel han hmuh leh zet hian heichhia ka nihzia ka hrechhuak leh nghal vawng vawng mai.

Het sala.. hetiang rilru hi paih bo nghal tur. Sipai inkhéng khawng anga rilru tihkhawng at tur.

A thawmhnaw hák aţang chuan office  ațangin a rawn kal a nih ka ring.

A mitmeng  uk kharh chuan chík zetin min en reng a,a mit hnuai val phei deuh raih ațang chuan a hun hman dan ka hrethiam ruakin ka hria. Ka awm loh hnuah nun a lo chén nasa tih a hriat reng mai.

"I ni tak tak em?!"

Min welcome dan chu leh..

Ka ni tak tak. Keimah Dingdi ngei kha ka ni. Mahse,hmana tleirawl bum nuam  Dîtei kha chu ka ni tawh lo. Mi thar, puiltling leh mahni inringtâwk tak ka ni tawh, chubâkah min bum mai mai tawh lo bawk ang.

Ka hma chiaha chair-ah chuan min hmachhawn siahin a rawn țhu a, a hmel pawh ka hmuchiang lehzual thei ta.

A bek, a mit sír chiahah chuan ser lian angreng deuh a lo nei reng mai. Hei chu ka awm loh hnua a neih a ni chiang mai. Kan awmdun lai kha chuan a nei miah lo tih ka hming ka hriatchian tluk zetin ka chiang ngang.

"I țha maw? Mitthi tho leh hmu ang mai alawm i nih le"

Ni ang chu. Ka tân chuan mitthi i ni tawh.

"Sawi kual duah lovin kan tihtur chu sawifel zawk teh ang"

Ka awka chhuak chu a chang fal mai a,ka theihtawpin inrintâwkna lantir ka tum a, ka hlawhtling viau bawkin ka hria.

"Sawi la"

Ka duh miah lo a awmdan hi. Țha deuh deuhin min chhâng ang a, mahse thutlúkna mumalin a siam duh miah lovang. Ka sawi thiam hle loh chuan a rilru ka hneh miah lovang.

"Kan ințhen a ngai a ni"

"Engvangin maw?"

"Kan inkarah hmangaihna a awm lova, a hma pawh khan i mawhphurhna avang chauha min nei i nih kha. Kan awm hran hian kan hlim ve ve zawk ang tih ka hrechiang a ni"

"I chiang chiah maw?"

"Aw"

"Ka rilru i hria mi?"

"A chiang reng alawm"

"Engtin?"

Min chhaihkual vel mai mai a tum chiang. Ka rin aiin a khirh dawn tlat mai. Ka fîmkhur a ngai.

"Min hmangaih lo tih pawm ve mai la"

"Pawm lo tlat si ila?"

"I pawm tur a ni. Kan hlawhtlin lohzia i hria alawm"

"A hlawhtling lo tih ka hre miah lo. Chuan, ințhen hi ka duh miah lo bawk"

Ka rilru chu a hah țan, mahse ka tilang tur a ni lo.

"I duh lo ringawt thei lovang"

Ani lah chuan min melh kar chungin," Ințhenna chu mi pahnih inkâr thil a ni. An pahniha an remtih ve ve a ngai" a lo ti tlat a.

"Chuti, remti mai la,kei chuan rem ka ti e"

"Ngatinge ințhen chu i duh em em a? Ngaihzawng i nei a ni maw?"

Ngaihzawng  nei a?!!! Teuh lo lutuk. Nang hian mipa ka rinna i tichhe vek tawh, ka ring leh mai mai tawh lovang. Rilru nàa awm leh ka duh tawh lo.

"Nang pawhin i nei ang chu"

"Zaninah dar 7-ah zanriah ei dun ila , ka thutlûkna chu ka hrilh ang che"

"Khawiah?"

"Kan inah"

Ni lo, kha in kha hmuh ka duh tawh hleinem. Ka thei lovang.

"Ka lo kal thei lovang"

"Inţhen i duh leh ta si lo tihna mi?"

"Duh e"

"Chuti chu, i thu thu a nih chu"

He pa hi chu, ka va haw so bawrh bawrh tak em!

Ka rilru a buai. An ina ka kal loh chuan a thutlúkna ka hre lo ang a, ințhen a remti ngai dawn lo. An ina ka kal chuan a thutlúkna min hrilh dawn. Mahse eng nge thleng ang?

Ka tlâwm mai si loh chuan a thu tlúkna ka hre thei dawn lo.

"Ka lo kal ang"

"Thu tlúkna dik tak"

"A fair lo hle a ni"

"I thlenna min hrilh la, ka lo lam theih nan che?"

"Ka lawm e,a ngai lo ang"

"I duh lo chiah maw?"

Chhân pawh ka chhâng tawh lo. Rum deuhin ka melh ringawt, thinrim laia țawng vak vak ka thiam loh avangin ka ngawi mai a ni.

Amah lah chuan ka melh rum ve te chu engahmah a ngai lo. Ei tur a chah nghal zat a.

"Ei tur ei la, i rilru pawh a thâwl phah deuh ang chu"

"Ka ril a țâm lo"

"Ka ring chiah lo"

Ka ril chu a țam alawm. A chhan chu zíng lamah engmah ka ei lo tih theih a ni. He pa hi hmuh ka ngai si a, ka helhhawlh a, hmuh ka huphurh si, rilru tâwt deuhin ka awm a, ka hahdam thei lova, chaw ka ei thei lo a ni.

Ka chhang dawn úk a, mahse eitur kan dawhkâna an rawn dah tâk avangin ka țhulh leh.

Lalpa leh. Pasta 'cial' ngei mai kha a  nih hi.

Ka chil a tipút nghal nia. Ka pumte chu a ri nghal rawk rawkin ania ka hriat ni.

"Ei rawh, an siam tui i tih ém kha"

Ka hnial duh ta lo, ka inhrem mai mai. A tui leh dawn si a, chubâkah ka ril a țâm bawk nen.

Kan ei zawh hnuah chuan min thlah a tum a, mahse ka hnial fihlím țhak. Bazâr tur angin ka insawi a, a awih hmel lém lo nain min tilui ta bík lo ve.

Bazarah kal ka tum pawh a ni lo, mahse ka kal tak tak. Ka hmuh lohna a lo rei ve tawh a, a lo danglam ve viau tawh ka ring ania,a lo la danglam tehlua lo. Lunglei hi a țhang tehchiam lo a nih âwm hi maw.

Lily ka tlawh miah lo chu ka inthiam zân lo. Rsa ka chhuahsan hnu khan kan inbe chho reng a, mahse  ka phone miin min rúksak atang khan biak ngaihna ka hre tawh lo. Mahse, hun ka neih chuan ka tlawh ang, ka surprise ve a ni mai ang chu.

Hotel Ono-ah ka thleng a, awm rei ka tum lém loh avangin to  ve deuh mahse pawi ka ti lo. A hmunhma a nuam ve tho a,chubâkah a laili bawk sia, room lah a nuam si. Duhthu chu a sâm ka ti viau.

Zanriah kha dar 7-a ei tur a ni a, chuti a nih chuan dar 6:40 velah kal ila a țha ang. Kal hma viau kha ka duh lo, beisei pawh min beisei lo ang. Zanriah ei hman tura chhoh chuan a tâwk chiah.

Auto-rickshaw ka hmang chho a, an in bul thleng. Hla deuh hlek  ațangin ka thlír phawt a,  kawta Rsa ding reng chu ka hmu thei, ani hi min lo nghâk tihna em ni?

Ka pan phei chhat chhat a. Ka inthuamna chu ka duhthu a sâm tehchiam loh avangin ka confi lo tawp. Ka tleirawl chhoh laia ka chér kha, nula puitling ka nih hnu hian ka lo paih ta deuh a, tunah chuan a khal mawi tâwk ka ni tawh a,mahse tuna ka incheina hi chu Rsa bula hâk atân chuan ka duh tehchiam lo a ni, mahse ani mit la tura inthuam pawh ka ni chuang lova tiin ka inhném leh a.

Min lo hmuh chuan min en vang vang a, a kut chu a kekawr ipte-ah a zen lùt ve ve a,a palian si a, min en reng bawk nen, ka lâi leh deuh tlat. Mahse 'hetiang hian awm suh, engah mah ngai suh, mihring pakhat ve mai a nih hi' tiin ka infuih ru  mawlh mawlh a.

"Welcome back"

He thu vêk hi kum ruk kaltaa a sawi bawk kha. Rilruah nun hlui a lo lut zut zut mai.

"I lo thleng dik hle mai" tiin  a sana lawk angreng deuh, rangkachak rawng chu a'n thlêk zauh a. "Lut nghal ila" a ti leh zat a.

Inchhúng chu a la pangngai vek. Mahse thil pakhat danglam a awm, in luh chiaha hmuh loh theih loh turin Rsa nena kan inneih thlalak lian fahran mai a intâr tlat!

Makti deuhin ka thlék reng a. Rsa chuan"Mak i va ti âwm ve, thil dik lo a ni hleinem" a  ti sup a.

"Mahse kan ințhen tawh alawm"

"Chumi chungchang chu zanin hian kan sawi fel dawn chauh emaw ka ti a?"

"I thutlúkna ka nghâk reng alawm"

"Zanriah ei phawt ila"

Minit 5 vel kan țhut  hahdam hnuah chuan chaw ei an rawn siam, an pahnih chuan ka hriat ngai an ni lo, awmpui thar an lo nei hman tihna.

Dawhkân kan kíl hnu chuan,"Khawnge ka pu?" tiin ka zawt a, a chhan chu ka la hmu miah lo, zanriah lah a rawn kíl lo chu a nih hi.

"A room-ah a awm"

"Ngati nge a rawn kíl ve dawn lo em ni?"

"A damlo a"

"Engtin á?!!!" Ka ti hluai a, a hrisél țha hle țhin sia,a mit a chhe deuh tawh e tih mai loh chu.

"A hrisêlna a tlahniam nasa tawh a"

"A nih chu, a va zia lo ve!!! A rei tawh em?"

"Min chhuahsan hnu ațang khan"

Ka pu hi chu, ka ngainat mai bâkah min duhsaka min duattu a ni a, ka pa aiin ka ngaina daih zawk. Rsa ka chhuahsan dawn pawh khan ka pu hi hrilh kha ka duh a,mahse a tupa neihchhun liau liau a ni a, an pahnih inkâr tihchhiat kha ka duh lo a ni. Rsa kha a hâu ngei dawn si a, a rilru a nat phah dawn bawk si nen. Ka pu, engmah hrilh lova ka chhuak kha chu ka inthiam lutuk bík lo.

Chaw chu tui ti tak pawhin ka ei lo. Kan ngawi dún reng mai a, ka chanchin leh naute chanchin min zâwt miah lo chu mak ka ti. Ka chanchin hi chu min zâwt lo mahse ka hrethiam, naute kha chu a duh ve tehlul nen, min zâwt miah lo hi chu a mak ve det.

Ka pu chu hmuh ve ngei ka duh a, mahse ka huphurh khawp mai. A damlai pawh ka hmu leh tawh kher lo maithei a, chuvang chuan hmuh ngei ka duh.

Rsa hnenah chuan ka pu chu ka hmuh theih leh theih loh ka zâwt a, ani pawh chuan a theih thu a lo sawi ve mai bawk a, phal loh thu chu a awm bík lo alawm.

A room kan luh hma chuan Rsa chuan" A lung hi a chak lo hle a, thu thințhâwng lam hi hrilh chi a ni lo ania, a buai nghal a ni mai" tiin min hrilh sa a, muangchângin kan lút ta a.

A lo muhíl chiah lo va, Rsa chuan ka kuta kâiin ka pu bulah chuan min hruai phei a, kei pawhin huatah ka en lo. Ka pu chuan ka rilru a luah hneh tlat zawk.

A lo chér tawh hle a, ka hmu thut  chu ka awih lo hial dawn alawm le. A mit khurte a tla dâk a, khawngaih tih mai hian a sawifiah zo lo ang, tuna ka pu ka khawngaih dan chu. Ka mittui a hnâi nghal kuar mai.

"Ka pu, hei Dítei, i ngaih deuh, i sawi i sawi țhin kha a lo thleng tawh ania"

Chauh hmél deuh hian a lo meng a, min hmuin min hre nghal tih ka hre bawk. A chhan chu a kut chu a rawn chét a, min rawn khawih a tum a ni.

Ka lo ban vat a, a kut chér țhai mai vuan chuan ka mittui a far ta zâwih mai, ka insúm thei lo. Rsa pawh ka zah zo ta lo.

"Ka pu, ka lo kal ania. Ngatinge i lo damloh mai mai?" Ka aw a chhuak țha thei lo, a tâwp lam phei chu ka țap deuhthaw a ni mai.

Ka hnung chu Rsa'n a chúl hliau hliau a, ka pu kut chu ka chúl ka chúl a, tuna ka hmuh dan hi ka lung a awi lo em a ni, ka khawngaih lutuk.

"I lo lét ta maw? Kalbo tawh suh aw" thâm zet hian a ti a, a aw chu a záwi hle a, Rsa pawhin a hre thei chang chang chauh ang.

"Ka pu.."

"Ka hmu leh thei che hi ka lawm e"

"Ka pu.."

"I lo lét leh hi ka ring réng a ni, ka lo nghâk reng țhin che a"

"Ka pu, țawng tawh rih suh, i hah ang"

"Ka ngaihtuah em em che a"

Ka thiam loh liau liau a ni. Ka pu hian min lo ngaihtuah viau ang tihte chu ngaihtuah ve tur ka ni asin, keimah chauh ka lo ingngaihtuah a.

"Min ngaidam rawh, ka pu. Ka lo ngaihtuah tlém em a ni"

"Rsa bulah ka sawi ka sawi țhin che a"

Engtin tak lo inchhâng țhin ang maw?

"Ka damloh chuan nangma enkawl ngei ka duh a"

"Ka pu, ka rilru i tina em mai"

"Kan putua i chunga kan thil tihsualah min ngaidam hrâm rawh aw"

Ka pu, ka chungah thil tihsual i nei lo asin. Keimah zawk hian i ngaihdam ka ngai a ni.

"Ka pu, min ngaidam rawh aw, chanchin engmah ka hrilh loh che avangin" ka inhnít hlap hlap a.

"I kalbo tawh lovang tih min tiam rawh"

Thu tiam harsa tak tur chu a va ni em!!! Ka tiam thei ang em?