☆RUATSANGA☆ - III

RUATSANGA - 20  By Dingdi Pachuau

Thu tlúkna siam mai dan tur ka va hre lo tak em! Ka pu, min duhsak em em tu, a damlo ka enkawl duha mamawhtu hi ka kalsan leh ang em? A bula awm turin min duh a,a hrehawm tawrh lai hian ka kalsan thei ang em?

Ka kalsan thei lo ang.

Mahse, Rsa bulah ka chéng leh dawn tihna em ni? Ințhenna tifel tura kal lai laia han awmchilh leh daih chu, thil ni thei a ni lo. Mahse, ka va hrethiam ta si lo em!

Mi nunrawng tak leh khawngaihna tlachham ang rilru pu mi nih si loh chuan ka thil tawn hi thil khirh tak chu a ni ve chiang alawm.

"Ka pu, lungngai miah suh. Ka enkawl ang che a, i dam sawt sawt mai ang" tia ka thlah tâk kha. Ani damlo châu kha ka hnial thei ngang lo. Rsa nen kan inneiin kan chéngho leh kher dawn tihna pawh a ni lova, ka pu damlo châu takin min ngenna kha ka tihhlawhtlinsak loh  chuan mi khawngaihna nei lo ka ni mai dawn asin.

Room atanga kan chhuah hnuah chuan sitting room-ah kan țhu leh a, chutah nula pakhat zawk chuan in tur leh dessert min rawn chhawp a, chaw ei kham khan ka pu room-a kan kal nghal avangin engmah kan ei hman lo a ni.

"Ka pu hnena i sawi kha i ti tak tak em?"

"Eng ber kha?"

"I enkawl ang tih i hrilh kha"

"Dáwt ka hrilh i ring tihna em ni?"

"Min zawt lét lovin min chhâng mai la"

"I tih ziah dan alawm. Ka chhún zo tawh che a nih hi"

A nui suk a, A hmél tha leh sawt mai. Nui tam ve deuh hlek turin ka duh țhin, a chhan chu a nuih hian  mihring pângngai a ang ve tlat. A nuih loh hi chuan Greek-ho pathian lim, duhtawka an ker mawi hi a ang ka ti a, milim chuan nunna an nei si lova, nunna nei lo chu ka duh si lo.

"I thu tlúkna chu sawi tawh la"

A ngawi vang vang phawt a, chutah chiang zeta min en pahin," Ka țhen thei lo ang che" a ti ta sup a.

"Engvangin maw?"

"Ințhen ka duh loh vangin mawle"

"Engvangin nge heti hian i awm tlat a?"

"Engtin nge ka awm a?"

A ti leh ta. Thil hi zâwt ila,zawhna hian min chhâng lét leh ziah.

"Min duh lo va,min hmangaih lo tih hi pawm ve mai ta che" Ka au chhuak vak țhelh a ni,Ka insúm hrâm hrâm rih.

"Ka duh che" muang charh maiin a ti sup a, min melh rùn mai a.

"Ka taksa chiah i duh"

"I tidik lo"

"Dik e, i pawm duh lo mai mai a nih kha"

"Ka rilru i hria mi?"

"Hria.... mi pàngngai rilru pu ve teh"

A rawn tho thut a, min hnaih nghal ruak mai. Chét sawnna hun pawh a awm lo. Ka bânah nghet zetin a rawn hmer a.

"Eng maw i sawi kha?" A țawng ring lo. Mahse, a țawng sehchilh nak leh a mitmeng ațang chuan a thinrim tih ka hre thei nghal.

Ka hlâu pah deuh nen, ka bân a hmerna na bawk nen, ka khúr deuh dar dar a.

"A na ania, min thlah teh"

Ka thusawi eng ber kha nge a huat ang? Ka hre thei mai lo.

Min thlah a, bang lam hawia dingin thâwk a la hawk hawk a, a thinrimna chu tih-reh a tum niin a lang.

Ka bân chu ka chùl hauh hauh a,a duk ngei ang naktuk lamah chuan.

Kan ngawi dun reng a, a thinrim chuan ka hlau ve tho bawk si a,sawi tur ka hre lo a ni. Ka thil sawi a thinrimpui leh chuan a lak atangin zalênna ka hmu dawn si lo.

Muangchângin a rawn inher a, awki hniam chhek chhawk  hian," Ka țhen che hi ring ngai suh ang che" a ti sup a.

"Keimahin ka țhen che chuan a tâwk, i remtihna ka mamawh lo. Court-ah ka kal mai ang" Ka thinrim êm avang chuan ka insùm peih tawh lo, a samah sawn keh bawrh bawrh ania ka duh ni.

"Ka ring lo"

"I rin leh rin lohah ka buai love. Ka nun ațang hian chhuak mai teh"

"Duh lo ta ila?"

"Ka hua che"

Ka insúm theihna zawng zawng a kehchhe zo tawh. Ka thinlung natna zawng zawngte, kum tam tak ka lo up tawh chu zanin hian ka phawrhfái vek dawn.

"Ka haw lutuk che. Ka thianghlimna hial hlânin pasalah ka nei che a. Min hmangaih lét turin ka phút thei lo che tih ka hria, mahse kan nupa room-ah ngei khatiang thil tenawm a thlen kha ka ring pha ngai lo. Engtin nge khati khawpa tlâwm khan min siam theih zawk? Rilru na thei leh zak thei ka nih ve tho hi. Mahse,... keima thiam loh a ni. Lo ring miah lo tur che hi ka ni a..."

Ka mittui avângin ka thil hmuh a phé ruai a, ka aw lah a khúr nasa bawk. Khatih hunlaia ka rilru putdan zawng zawngte kha ka  chhui lét a, rilru natnain min rawn tuam thar leh a.

"Khatianga awm leh mai tur siin engvanga min nei nge i nih? Mawhphurhna la i inti maw? Kei chuan ka ti ve lo che. Min hmusit a ni. Kan rethei a, college pawh rap lo leh mi mâwl, bum nuam tak leh nu kalsan, fahrah mai ka nih vang a ni tiraw? Ka duh vang a ni bík lo asin"

Ka aw chu a zuihral tial tial. Ka țahchhuah lohna turin ka hmui chu ka kutin nghet zetin ka hup a, ka mittui erawh a tla zawih zawih thung.

Min rawn din hnaih pahin," Engtiklaimahin ka hmusit ngai lo che" a ti sup a, a aw zâidam zet chu ka hresual emaw ka ti hial mai, nichin lawka a hlauhawm tehlul nen.

"Ințhen lam kha chu sawi tawh suh, ka nupui i ni a, i ni reng bawk ang"

"Pasal rinawm lo ka duh lo"

"Thil awmzia hriat hmasak tum phawt la?"

"Eng nge thil awmzia hriat tur awm a? Ka mit-in ka hmu a, a chiang tâwk viau a ni"

Ka mittui hru tãwkin ," Ka haw tawh ang e, i thutlúkna ka hrechiang tawh bawk a" tiin ka tho vat a.

Ka bânah a rawn hmer leh chat mai.

"Ka thlah ang che, hmeichhia mahnia haw nan chuan zân a rei tawh"

Hnial eng ang mah ila min thlah dawn tih ka hre ve tlat. Chuvang chuan, a thu awihin ka zui ta a.

Car pawh a thar a lo nei tawh. Ani ang tân chuan harsa mawlh hek lo.

Kan tlânchhuah hnu thlengin kan inbe tawh rih lo. Kan rilrua thil kan ngaihtuah erawh a inhlat tehchiam lo maithei.

"Khawiah nge ka fanu a awm?"

A zawhna chu min zâwt har ka ti tawh lutuk. Mahse min han zâwt chiah chu ka phu zawk tho nia, chhân ka va huphurh tehlul em!

"Khawnge a awm?"

"Ka pâi puitling lo a ni"

"I titla maw?!!!!" A au tuar mai. Ka phu nasa lutuk a, ani pawh kawng sirah break chík țhawt khawpin a ding nghal chut mai.

Hlâu zetin ka melh phei a,ani chuan steering chu nghet zetin a húm a, a  kutchángte chu a vâr lek lek mai,a húm na thawkhat a ni tih a hriat.

"Ka chunga i thinrim vangin i titla a maw?!!"

"Ka titla lo. Thi sá-in a lo piang a ni zâwk" Sawi chhuah ka duh loh thil a ni. Mahse, a pa a ni a, hriat a phu si a ni.

Ka nunhlui, ka hun lo tawn tawh zawng zawng chu ka mitthlaah a lo lang leh ta uar uar mai. Khatih laia ka thih teuhzia kha,ka fa thi sa-in a lo piang tih ka hriat tirh lai khan thih mai pawh ka duh a nih kha. Nun réng thlakhlelhna ka nei lo kha a ni a, Ka rilru a na thar leh kher mai.

"Ka tihpalh"

Ka ngâwi reng, 'tihpalh' tih thu hian engkim siam țha leh thei se ka ti khawp mai. Mahse tunah chuan thumal pakhat ve mai a ni.

Ka chhukna turah ding tura ka tih bâk ka be tawh lo, lawmthu pawh ka hrilh lo. Ani pawh a țawng bík lo, ka harsatna leh buaina lo paltlang tawh zawng zawngte kha hre ta se, 'tihpalh' tih kha sawi pawh a sawi ngam lo ang.

Mut hmunah ka meng kar mai. Ka rilru ngaihtuahna,suangtuahna mitthlaah erawh  damdawi in khuma ka mu bém lai kha ka inhmu a. Naute hmêltha leh min chhun em em tu hmuha kuah ka beisei tehlul nen, thi sa-in a lo piang tih  min hrilh ta a. Thei leh thei lovin ka țap vawng vawng a ni. Ka theihtâwp chuan ka inenkawl uluk ve hle a, ka hlawh leh ka pu pawisa min pék váng khan ka rethei lutuk lo. Ka in-check up ngun ve hle bawk asin, mahse ka naute chu ka chân tho si. Rsa haw viau mah ila, naute erawh chu ka thisen, thla tam ka pum chhunga awm a ni a, chutah ka biak ngun ber leh ka nun tihlim bertu, fahrah vâkvái ka nih min theihnghilhtirtu a lo ni bawk nen, ka hmangaih asin. Ka neih hma deuha ka inentir hnuhnun ber pawhin a la țha reng si.

Mit thial ûrh-in zingah ka tho a, ka harh vâk lo kher mai. Vawiin chu Lily tlawh ila, rilru tâwt leh ipik pawh a zia deuh ang chu.

Ka pu ka rilruah a rawn lang leh a, enkawl ka tiam tak kha mawle. Ka tiam tawh chu ka bawhchhe thei lovang, ka pu chungah hlauh phei chuan.

Phúr lo zetin ka insiam a,ka chhuak ve tawp. Lily number ka nei si lova, pan chilh tawp mai ang.

Ka han thlen chhoh chuan an lo awm lo va, dawr, kan lenluhna thinah chuan lùtin ka zawt a, min hmu chu a phùl ve hlut a.

Lily chu school-ah a lo thawk ve tho niin. A school thawhna pawh a hla vak lo, mahse ka kalchilh duh teuh lo. Min hmuh veleh a a awmdan tur ka ngaihtuahin mi zingah hmuh ka duh lo.

Tlâi an bân hun angah ka kal leh a,a lo awm tawh e. Kawngkhâr a inkalh tawh lo. Doorbell ka hmet a, ka nghak ta vang vang a.

Kawng a rawn hawng a min hmu chiah chu a meng bial nasa mai, chutah a țé ta chùl a, min rawn kuah nawk nawk, a tha a khúr tih ka hre thei bawk, hei chu phúr lutuk vang a ni chiang. Min hmu thut, mak ti leh lawm bawk si inchawhpawlh kual vel a ni.

"Mi sualnu, ka ring thei lo hial mai. Eng nge i chanchin? Awii, ka hmu che hi a mak, ngatinge min phone duh miah loh?"Sawi tur leh min zawh tur a va ngah tak em!

A thlenna a la rei lo a nih hmel. Thawmhnaw pawh a la inthlâk lo.

"Chanchin engkim min hrilh rawh aw, biakpawhna tur che ka hre si lova, ka mangan theihzia chu aw"

A hriat duh ang zawng zawng chu ka hrilh a,dawhthei takin a lo ngaithla kar a,ka sawi lai chuan ka mittui a tla leh țhin a,ani pawh a insúm viau nain a țap lek lek tih ka hre thei tho.

Ka sawi zawh hnuah chuan min kuah vang vang a, ka hnungah min bèng thep thep a, ka țhiannu bulah hi chuan ka thla hi a muang veng veng țhin.

Khua a lo thim ruai tawh, ei rawng ka bâwlpui a,chaw ka ei ve nghal dawn. Hotel-a ka lét a phal tawh lova, ka thawmhnaw pawh nakinah kan zuk la dawn.

A nu leh pate Aizawl lamah an phei lai a lo ni a, U Sam-a lah chaw a ei chhuak daih bawk si. Kan pahnih chuan kan bengchheng dunin kan hlim dún leh khawp mai.

Rsa chungchâng kan sawi chho ta a.

"I la hmangaih reng em?"

"Ka thin a tirim"

"I la hmangaih tihna a nih chu"

"Ka thin a tihrim vang chuan ka hmangaih tihna a ni maw?!!!"

Ani lah chuan," Kan hmangaihte hi chuan kan thin an tirim fo a, mahse kan inngaidam tawn leh fo alawm. Inngaihdamna tel lo chuan inremna a awm thei hlei nem" a ti barh barh a.

"Chu, ngaidam turin min ti tihna em ni? Ințhenna tifel tura rawn kal lai laia"

"I thu alawm. Kei chuan sawi theih ka nei ve miah lo"

"Kalsan vang vang ka duh, mahse ka pu hian ka rilru a tibuai"

"E, ni dawn tak. Rsa pawhin min hrilh tak kha"

"Chu, in lo inbe țhin elo?!!"

"I chhuah țantirh vel laia min biak bâk be lo ve"

Mahse ka awih chiah lo deuh. Ka pu damloh thu pawh a hrilh chuan,....anni hi an lo inkâwm ri reng ang a..

"Nih leh, engtikin nge ka pu damloh thu chu a hrilh che a?"

"A, ka va hre ta mai lo ve, khawiah emaw kan inhmuhnaah pawh a ni maithei a ni" a ti kual ta mai mai a,min hrilh țha duh lo chiang.

"I pu chu....engtin nge ni dawn?"

"Engtin nge ni ang? Ka kalsan thei lo a ni, min duata min duhsak em emtu a ni si a, ani lo pu dang ka nei si lo"

"Chuti, i enkawl ngei a ngai a nih chu"

"Ka duh alawm, mahse a buaithlak. Rsa bula awm hi ka duh lo a ni, ka rilru a buai"

"Rsa ngaihtuah miah lovin i pu chauh ngaihtuah la"

Ka theih ka ring lo. Ka bulah ka hmuh theih renga a awm chuan keimah záwk hi ka ném leh rang dawn lutuk.

"A harsa ngawt ang chu"

"I pu i tiam tawh si chuan, i pu i ngaihtuah hmasak ber a ngai tawh a nih si chu"

"Nia, ka thutlúkna siam hi a dik ve reng tiraw? Ka tisual lo tiraw?"

"Tisual nang. I tițha lutuk. Ka theihna apiangah ka lo pui ve zel ang che, lungngai miah suh"

Lily phone chu a rawn ri ta rang rang a, a chhâng chu ngaihven lém lovin ka kalsan a, ka hmai ka phihsan ta daih a.

Ka hmai ka hrúk lai chuan," I puin  a lam a lam che a ni áwm e. Rsa a nia, 'Khawngaihin ka pu hmu turin lo kal hrâm rawh se' a ti che a" a rawn ti nghal a.

"Engtin nge a awm a tih?" Hlauhthâwnna ka nei nghal a, vawiinah tlawh âwm tak ka nih tehlul nen, keima buaina hlír ka lo ngaihsak atin a ni.

"Chutiang engmah a sawi lo. Kal rawh, ka kalpui ang che"

Kan thlen veleh chuan Rsa hnenah chuan," Engtin nge a awm ka pu chu?"ka ti nghal vat a.

"A hmu duh che a ni"

"Ka lut nghal mai dawn" tih leh ka pu room luh chu ka rual a.

Khumah chuan a lo mu diai a, a lo meng kiau a, rin ai chuan ka hmu țha phian si.

"Ka pu, ka lo kal ania"

"Ka bulah hian lo țhu teh le"

A kut chér tak chu ka hmersak vang vang a.

"Vawiinah ngatinge min hmu tura i lo kal loh?"

Chhuanlam siam tur ka hre lo va, Dawt hrilh ringawt ka duh bawk si lo.

"Ka pu, ka tihpalh a ni, min ngaidam rawh"

"Ka ngai em em che a, ka bula awm turin ka duh bawk che. A chhan chu  nang lo chu fanu ka nei si lo va"

A thusawiin min hnehzia chu a hre kher lo vang. Ka pu hian duat tak leh hmangaih taka enkawltu a mamawh a, tumah chutianga enkawltu tur chu a nei lo, a tupa lah mipa,pâ ve tâwk tak mai a ni a, kei a tupa nupui hi a tupa nupui anga min en lovin a fanu angin min en tih ka hriat hian ka rilru a tawk lo thei lo a ni.

"Ka enkawl ang che, ka pu. I bulah ka awm tawh ang" Min ngai a, ka enkawl a thlahlel tih ka hriat hian ka lawm a, ka khawngaih bawk si. Min thlahlel ve hle tih ka hriat phah bawk a, ka kalsan tawh lo vang.

"Ka lâwm e"

A kut chèr zet chuan min hmer ve vang vang a. Kei pawhin ka hmer lét ve a, a nui lui sak a.

"Khawngaihin, puan lum kha min lo bansak mai ta che, ka lo sin ang a, ka muhil tawh ang e"

Puan lum chu ka sintír a, kalsawn lo chuan ka țhu leh rih a. Ka pu hian enkawltu a mamawh hle si a, ngatinge Rsa reng reng pawh hi nurse pakhat tal emaw a rawihsak  loh reng reng ni? Putar, damlo, mahni pawha chét harsat em em hi a ngaihthah deuh chu a ni.

A muhíl tih ka chian hnuah a room chu ka chhuahsan  ve chiah a, sitting room-ah Rsa leh Lily chu lo țhuin an lo titi a,ka chhuak chu min lo en nghal vatin Lily chuan," A muhil ta em ni?"a lo ti vat a.

"Aw"tiin ka chhang a, chutah Rsa lam enin," I pu enkawl tur hian nurse pakhat tal i rawih ka lo ring a" ka ti nghal tâwng a.

"Ka ruai țhin alawm. Amahin a hnial zel a"

"Pakhat tal, vil reng turin a awm a ngài asin"

"I lo lét leh a ring tlat a, midang ruai țhin mah ila tumah a tír duh ngai lo. Ka mi rawihte an inthlahrung záwk țhin a"

"Chutiang ringawt a ni thei lo. Ka enkawl pawhin kei chuan nurse pakhat ka bula min awmpui reng tur ka duh, eng emaw pawh lo thleng thut se, engmah thiam ka nei dawn si lo"

"Naktuk atangin rawih leh nghal a ni ang"

Lily chuan meng sawr sawr chung hian,"Zanin ațangin hetah riak nghal mai la"a lo ti a.

Ni lo, zanin chu.. ka inring lo.

"Thawmhnaw inthlâkna ka keng hleinem"

Rsa chuan," I thawmhnaw bâkah a dang pawh a awm țeuh" a lo ti ve thuai a.

"Hmeichhe dang thawmhnaw ka ha duh lo"

"I thawmhnaw ni lo he inah hian hmeichhe dang thawmhnaw a awm lo"

"A va ropui ve!"

"I pu riahpui a ngaih kha, ka hawsan mai ang che aw. Zanlaiahte lo harhin inthiarte duh ta se, i awm loh chuan a lam âwm si che a, riak mai rawh aw"

He nu lah hi...tinge Rsa lamah a țang ta mai em ni? Ka la zâwtin ka la hre khawp ang.

A tho thuai a, kei lah ka awmdan ka lâi kual tawh a, riah mai loh chuan ka pu hi enkawl ka lo tiam ve tawh si a.

Veranda thleng kan chhuakho a, chutah, Lily chuan," Lut tawh ru, ka kal nghal a ni mai. Ka pu kha a lo harh palh ang e" a ti a, rang deuhin a scooty hùnna lam chu a pan ta dâwr dâwr a. Inmangțhana hun pawh a awm lo.

A tlânchhuah hnuah chuan kan inmelh tawn ve ve a. Ka lâi tlat, khawiah nge ka mut ang le? Sitting room-ah a ni mai.

"Lut ila?"

Ka lut hmasa zawk. Chhuanlam tur ka va duh tak. He pa bulah hian a fál chuan awm ka duh lo. Fridge lam panin ka kal nghal a,ani pawhin min rawn zui zel a.

Inher thutin," Min zui suh"ka ti a, a ding chawt mai.

"Tui in ka tum a"

Kan tum a inang chiah mai.

Fridge chu hawngin tui bottle ka la a, ka pe nghal a.

"Ka lawm e"

Polite thar hle mai. A lâi ve a ni hial lo maw?

"Khawiah nge ka mut dawn?"

"Khawiah nge i mut duh?"

Zawhna hmang bawkin maw?

"Sitting room-ah"

Inchunga ka mut chuan  ka pu thâwm ka hre thei lo palh ang. Chubâkah Rsa bul hnaihah ka mu duh lo.

"I duh a thu le"

Sin tur room ami a han la a, lukham nen. Min rawn dahsak thlap a.

"Mut hmaa titi i duh em?"

"Eng nge sawi tur awm?"

"Tam tak a awm ang chu"

"Sawi tur ka nei  tawh lo"

"Keiin ka nei alawm"

"Insawithiamna ka ngaithla peih lo"

A thaw hak a. Min en reng pah chuan," Insawithiam ka tum lo, thudik a ni sawi ka tum"a ti sup a.

"Thudik chu ka hre ve bawk"

"Min ngaithla la"

"Dâwt ka ngaithla peih lo" Ka luhlul ve tho. A hmaa mi ang kha ka ni tawh lo, a duh duhin dâwt min hrilh tawh lovang.

"Mut tui le" A tho vut a, min melh leh vang vang hnuah chuan room lamah a chho ta a.

He pa mai mai hi...a pu a damlo a, a room-ah pawh riahpui ve mai âwm. Eng emaw pawh tâwk thut se, emaw zanlaiah buai thut se,inchung lam atangin thâwm a hre thei âwm der si lo. A pu hi a hmangaih tak tak lo tawp a nih hi. Mahni chauh a inhmangaih a nih hi.

Thil ka ngaihtuah kual nasa lutuk a,Ka muhil thei lo tawp mai. Ka let ka let a, ka pu room-ah ka va lut thul, mahse a mu tui khawpin ka hria. A puansinte ka va siamsak leh țhin a, ka muhil  thei dawn ngang lo va ka hriat hnuah thoin Tv ka on a, Tv en chuan muthmun ka rem ta zawk a.

Ka muthilh lai ka hre miah lo, ka țhangharh chuan Tv chu a lo in-off tawh a, ka puan pawh țha takin ka lo sin bawk. Rsa a rawn chhuk tihna em ni ang? Ani pawh a muhil thei lo tihna em ni ang?

Tui ka va in leh a, ka pu room-ah kalin ka va check leh a, ka pu khum bula sofa-a mu ka hmuh chuan ka țé chhuak țép a ni.

Ka en chiang a, Rsa a ni tih ka hriat chuan ka thaw huai huai mai. Ka lo ring dik lo hret chu a nih âwm hi.

Ka chhuah hnu chuan ka ngaihtuah kual leh a, ka chhuahsan hnua damlo chho țan a nih chuan  a enkawl rei tawh khawp alawm. A theihtâwp chhuahin nurse, amah enkawltu tur a rawihsak ve a, mahse ka pu chuan a lo duh lém lo a ni âwm a. Rsa tân pawh a khirhin a manganthlâk ngawt ang chu. Ani lah nitin chhuah a ngai ve bawk dawn si.




RUATSANGA - 21  By Dingdi  Pachuau

Rsa's POV
~~~~~~~

Kan ina Dítei a lo lét leh hi Pathian hnénah lawmthu awm rawh se. Eng tiang pawhin min țhen tum mah se a hlawhtling lul lo ang.

Mut hmunah chuan kan nunhlui zawng zawng chu ka mitthlaah a lo lang a, ka ngaihtuahnaah a rawn thar leh a.

Min chhuahsan zân kha.. Ka ngaihtuah lét ringawt pawh hian hrehawm ka la ti. Ka sawi zak lo, mipa intipã ve tâwk tak ka ni a, mahse khami zán kha chuan chhín khat té mah ka chhíng lo. Hmeichhe pakhat vânga zán hrehawm ka tih ber a la ni. A bula ka mut lohna rei tawh deuh mahse in pakhat chhunga chéndun kha chuan nuam ka ti tho.

Min ngei tlat mai leh a bula ka mut a duh tlat lo kha ka la hrethiam thei lo. Kei hian nawmna ka chenpui lai khan ka lo dím lo viau țhin nge ni ang a, nuam a lo ti ve miah lo ni ang? Khatia a râi tâkah khan min hnar theih nan remchângah la-in room dangah min insawnsan a ni ngei ang.

Ka puin min hrilhfiah ve nasa. Mahse ka ring chuang lo. Keiin ka theihtawpa dím leh duatin ka enkawl ve a, a râi avangin chét pawh ka che na ngam lo reng a ni. Mahse chuti chung pawhin...

Eli lahin nupui ka nei kha a'n hrethiam lo khawp mai a. Min be țha duh lo dawn dawn a, kei lahin 'siai tak e' ka ti mai. Mahse Eli hi ka hnuaia hnathawka ka chhawr hnu ațangin ka mutpui chu sawi loh, hmeichhia ang pawhin ka en tawh lo hrim hrim. Dítei-ah hian hmeichhiaa ka duhthusám chu a kim a, hmeichhe dang ka mamawh lo.

Dítei ka neih hnu pawh hian Eli hi ka mi chhawr a ni tih ka hrilh ngai miah lo.  A bulah hi chuan hna chungchang sawi ka duh lo va, sawi pawh ka sawi ngai lo reng. Inchhunga awmin a naupâi țha takin lo enkawl mai se tih hi ka duhdan a ni.

Eli hian min beisei tâwp thei lo tih ka hria. Ka tân erawh ka hnuaia thawk pakhat ve mai a ni. Chubâkah, kan lo inkâwm nélin kan lo inzui nasa tawh a, kei chuan țhian angin en hram hram ka tum.  Nupui nei tawh ka nih vang hian kei pawh ka fímkhur, eng emaw hleka hmingchhiat hi ka duh lo va, Dítei rilru tihnat phei chu ka duh lo. Keimah anga fahrah a nih vang hian ka khawngaih a, ka theih tâwk chuan ka duat ve bawk. Mi duat hliau hliau erawh ka thiam lo.

Dítei ka bula a mut duh tâk lohah chuan in pawh nuam ka ti lo. Ka chhuak pawh tlâi deuh hleka haw ka chíng.  Ka nupui ka thlâkhlelh em em bula ka mu thei lo hi hrehawm ka ti, zu ka in zeuh zeuh phah ringawt.

Kan hna lama kan buai avangin kan haw tlâi hle a, chutah Eli nen  tihfeldun tur kan nei leh bawk. A hna a thiam avang hian ka duhsak țhin, țhian kan lo ni tawh țhin bawk a, ka duhsak em em pawh hi a âwm reng.

Ina ka office-ah hna kan thawk malh malh a, kan zawh ngei ngei a ngâi.

Zana kan zawh ngei ngei a ngaih avangin Eli chu ka hruai haw a. Ina ka office-ah kan thawk dun leh char char. Dar 12 velah kan zo chiah, ka châu, Dítei bula mut ka châk, min kuah se,naute ang maia duatin. Mahse, a bula riah ka díl duh tawh lo, a lo țeu leh hlar palh ang, chutah Eli a la awm zui.

A tlâi tawh avangin Eli pawh chu riak mai turin ka ti a, room chuang, mikhual room chu kan nei reng tho alawm. Kei chu room-ah inbual turin ka kal nghal a.

Ka intleuh hnu chuan ka boxer nen chauh bathroom atang chuan ka chhuak a, Eli ka hmu thut chu mak ka ti kher mai, ani lah chu a nui deuh ar ar a, mak ka ti hmel chuan a nuih a tiza a ni ang.

Ka nupui nen kan mu tlâng lo tih chu a hre sa tawh a, chuvanga rawn lút ngam pawh a ni maithei. Mahse zak lo chu ka ti ve reng mai. Ka kâwngah min la rawn kuah zui. A thawmhnaw hâk lah chu a pan si, a taksa a lang nasa viau bawk.

"Nupui nei ve si, a bula mut a phal nange? Zanin chu ka riahpui ang che aw"

Ka thinlung a dek zawk mai. Ni e, nupui ka nei, a bulah ka mu lo rei ta hle, kum 3 ang hialin a rei tawhin ka hria.

"***king ***t"

Ka chesawn lo. Ka ngaihtuahnaah chuan Dítei hlir a awm. Tunahte hian min kuah se, min fawp se, a awmbáwr pér thlap khawpin ka kuah nghet ang a, ka kalsawntir tawh lovang. He room-ah ngei hian nawmna sawi hleih theih loh ka chénpui ngei ang.

Ka D ngei mai chuan min fâwp ta e. Ka ngai takzet a ni, a hmui fawh nuam takte leh tui zet te kha...mahse tuna mi hi.. D kha a ni thei lo ang,ani chuan ka bula awm pawh a duh loh kha. Ka bula awm duh miah lo khan min fawp lul lo ang.

Ka ngaihtuahna atanga ka harhchhuah chuan min fawptu chu tudang ni lovin Eli a ni tih ka hriat chuan ka namsawn thuai a.

"Rs, tinge min mamawh ve lo em ni?"

"Nupui nei lai ka nih hi. Chhuak teh"

"Ni lo, i nupui hi a hming maia i nupui a nih hi. I hnathawk châu em em pawh a buaipui peih lo che ania, i duat tehlul nen. Duat i mamawh si a, ka duat che phal hram la?"

Amah pawh ka en duh lo, ka rilru na hi a hriat ka duh lo. Ka nupui D hi ka ngai em em si a, a bulah ka awm thei si lo.

"Tumah ka mamawh lo ve, i mutna turah kal tawh rawh"

Ţawngkam dam thei ang ber ka hmang ve alawm. Ka vín vak chuan midang an lo harh ang a, buaina a tam mai mai. Vawikhatmah kan inah hian ka hruai haw tawh lovang, hna eng ang pawhin tam mahse, duh aiin a kâwlhraâwng tlat. Ka thian hlui chu lo ni țhin lo phei se chuan...

Ka châu a ni. D room-ah va kala a bula riah díl leh mai ka nâp a, mahse tun ang hunah chuan tui takin a muhil sâk sâk tawh ang. Ka awm nghéng chiala a mut țhin lâi kha chuan ka muhíl phal țha lo țhin a nih kha. Ka en reng zel a, ka ângchhúnga a awm khan a him bík khan ka hre țhin. A samin a hmai a'n hliah deuh chhap te leh a sam kâwi niaih te khan a ti-sexy ngawih ngawih ka ti țhin.

Ka kuah châk, a taksa chhunga luh leh pawh ka châk. Mipa țhalai ka ni a,D ka suangtuahna ringawt pawhin ka tisa péng pakhat chu a titho leh țhal țhal mai. Heti em ema hmeichhe pakhat vanga hetia ka awm ta mai hi mak ka inti lo thei lo.

Chhunah kan buai zual a kiang ta deuh a, tlém chuan ka thâwk lâk a zia ta deuh e. Eli pawh ka be châk ta rih lo. Nizana a kâwlhráwng lutuk kha ka ngei deuh a, mahse keima thiam lohte pawh a lo ni maithei a, ngei deuh hlek han neih phei hi chu hmeichhe tih áwm tâwk chauh alawm. Kei chu mipa ka nih hi, ngei lo turin bei hrám hrám ang.

Tlaia ka haw chuan ka pu a lo awm vâng tawh mai a, mahse D hmél awm ka hmu lo. Ni dangah chuan a hmél hmuh tur a awm loh pawhin a thâwm hriat tur tal a awm a,a hmel ka hmuh loh chuan a room bulah ka kal ngei ngei țhin. Ka bula awm peih lo mahse kei hi chuan a hriat loh hian ka enzui ru ziah. A hmel hmu lo mah ila. a thâwm hriat ringawt pawh ka thlahlel tho alawm.

A room-ah ka hmuh loh avangin  ka pu hnenah chuan a awmna ka zawt a ,ani lah chuan a lén chhuah thu ringawt min hrilh a.

Nu Sangi chu ka zawt a, ani pawh chuan ka pu min chhân dan bâkin min chhâng chuang lo. A țhiannu Lily em ni kha, kha mi te inah a léng pawh a ni maithei.

Mahse, khua a thim dawn tâkah chuan ka ngaih a țha lo țan. Ka phone dâwn țhin, switch off a inti tlat bawk si. Ka mangang chu a room-ah ka han tlânchho leh a ,a thawmhnaw ka han check a, mahse thawmhnaw a kengchhuak mang bawk si lo.

"Khawnge a kal le aw?"

"Inah a tawm reng a, hrehawm a tiin a hawiharh ve pawh a ni ang chu. A țhiante inah chaw a ei nghal dawn pawh a ni thei a,mangang chúk lo teh"

"Ka pu, chúngte chu phone-in min hrilh thei alawm. Mahse ka phone tlang thei bawk si lova, a chesualte hi a ni long maw?"

"Ni lo ang. A țhiannu chu phone chhin la"

Lily number ka nei reng reng lo. Ka mâwl ka ti lutuk, a țhiannu ve ber number te chu neih ve âwm tak a ni a, Mâwl pawh hi chintâwk a awm asin le.

Motor ka la chhuak a, Lily-te in zawng turin ka chhuak ta ngawt a,Zotlâng an nih kha maw.

A pa hming ka hre lo. Mahse ka beidawng duh bík lo, ka pu ka phone sek bawk a,a chhan chu ka chhuah hlânin inah a haw ka ring deuh a, mahse ka pu min chhânna chu a ngâi reng.

Dar 7:30 velah Lily-te in chu ka hmu hrâm. A lo la awm lo zui, mahse ka zah loh ka chhuah lui a, a nu hnênah chuan Lily number chu ka díl tawp a, ani lah chuan țha takin min pe mai bawk a.

Lily chuan a sawi duh miah lo. Mahse ka beidawng duh bík lova, ka zâwt reng mai, a tâwpah chuan inhmuh a rawn rawt ta tlat mai a, mak ka ti lutuk.

An inchungah chuan chair-ah inhmatawn rânin kan țhu a, min hmuh duh chhan chu ka zawt nghal tâwng a, ka nghãk rei thei lo.

"Eli hi i eng nge a nih?"

Teh daih chuan. D chungchang hriat duh lai laia Eli chanchin teh daih chu.

"Ka țhian hlui a ni"

"Chu chauh chu maw?"

"Ka hnuaia thawk a ni bawk"

"Dîtei kha i hrilh  em?"

"Eng chu?"

"Eli hi i hnuaia thawk tih mawle, a țantírté atangin?"

"A țantírtéah chuan hrilh lo. A hnuah chauh a hria"

"Ngatinge i hrilh loh a?"

"Ka hna lam hi a tui lo emin ka hria a, chubakah a bulah chuan hna chungchang ka sawi ngai lo"

"A zir hniam vâng em ni?"

"Ni lul lo mai"

"Eli chunga i rilru put dan a hria em?"

He nu té hi, rin âiin a fing reuh. Chubâkah a țhiannu chhan a tina reuh ngawt ang.

"Ka țhian hlui a ni mai a,ani pawhin ka ţhian hlui angin a en ve mai ang chu"

A nui hak mai, a zat vânga nui erawh a ni lo chiang tih ka hria.

"Dítei hi nupui tak tak angin i en em?"

"Khawnge a awmna chu min hrilh thuai mai teh"

"I hmuh lohna turah"

Mak ka ti lehzual. He nu hian engkim a hria tihna, a awmna a zéppui chu ka ring hrim hrim a, mahse hetiang hian a khirh reuh ang tihngaihna ka hre miah lo.

"Engvangin nge ka hmuh lohna turah a awm a? Thil tihsual a nei em ni?"

"Eng maw?!!!!!"

Ka phu ve țép alawm. A awka vín tâk mai chuan D min hriatchhuahtír. A thinrim laia a awka vín tâk țhin ang kha.

"Thil awmzia min hrilh chiang mai la"

"Thil tisualtu chu nangmah hi i ni"

Min melh rân mai. Min hlauhna pakhatmah a nei lo a nih ka ring, a hmélah lah chuan zâmna pakhat té mah a lang lo.

"Eng maw?! Eng nge tihsual ka neih?"

"I hre zawk ang chu"

"Hria ila ka zâwt lo ang che. I țhiannu awmna chu khawngaihin min hrilh teh, a him meuh ang maw?"

"I bula rilru na deuha a awm âi chuan him tùrah ka ngai"

Ka bulah rilru na deuhin.. a awmzia ka va hrethiam lo em! Engtik laiin nge a rilru ka lo tihnat le? Keimah zawk hi rilru na zawk ka ni si a, a bula ka mut a phal loh vangin leh min hmuh peih loh vangte pawhin.

"A rilru a na maw?!! Kei ve thung hi, rilru na tur zawk ka ni lo ami? A bula mut a phal lo va, min hmuh pawh a peih lo ania, engtin nge a rilru a lo nat daih theih a?!! A awmzia ka man lo thlâwt.

"Nizán dar 12:30 velah in nupa room-ah tu nen nge in awm?"

"Eli nen, mahse..engtin nge?...min hmu tihna mi? Engtinmah kan awm hleinem"

"Tak tak maw?"

Ni lo, Eli khan min fâwp tak alawm. Boxer nen chauh, ani lah kha a thawmhnaw hâk kha a thêmlém si.

"Eli khan min fâwp tak"

"I fâwp lét ve a?"

"Teuh lo, ka ngaihtuahnaah D chauh ka ngaihtuah lai a ni lehnghal a"

"Chuan, lo hmutu ngaihdan tur che chu i hrethiam tawh mai em? I fâwp lét emaw lét lo emaw pawh ni se, a ngâi reng"

"Ka fâwp miah lo, ka harhchhuah hnuah ka namsawn nghe nghe a"

Kan ngâwi dun ta vang vang a. Hei vang chiah hi a lo nih hi, ka rinawm loh sanah a ngai ngei ang.

"In riak dun em?"

"Ka nupui a ni hleinem, ka nupui neih hnuah tu hmeichhe bulah mah ka mu leh tawh lo"

"Eli hi Ditei khân a thík hle țhin tih i hria em?"

Hre miah lo, ka hre lo tak tak. Ka țhian hlui a ni a, nupui ka neih hnuah phei chuan ka hnuaia thawk a nih vang leh ka țhian hlui a nih vang chauha hmu țhin chauh ka ni.

"Hre hauh lo"

"Tunah chuan a thinlung a na em a, a kehchhe zo tawh a ni. A hmangaih em em che a,a hmangaih em che avangin a fahrahna leh a retheihna pawh a zahpui thei lova, Mama a hnâwl chhan pawh kha nangmah vâng chiah hi a ni. Mahse, heti mai hi a lo ni ta si a"

Tùn thlenga nung dama ka awm theihna chhan hi chu D-i min hmangaihna vàng chauh a ni. Lily khan min hmangaih hle a ni tih kha min hrilh lo se chuan ka nunphung zawng zawng pawh hi ka hloh ngei tawh ang.

Zanah ka muhil thei ngai lova, ka pu lahin min hâu nasa bawk. Mahse ka pu hi chuan D min chhuahsan chhan tak kha a hre ve miah lo, Lily leh kei leh D bâkin kan hre lo ang. Ka pu chu a hriselna a tlahniam nghal a, kei ka hlim lo bawk nen. Kan inchhung chu a nuam lo kher  mai, nui ri hriat tur a awm lo va, Nu Sangi erawhin min hrethiamin min awmpui chawt a, ka pu phei chu a enkawl nasa hle. Doctor țha țha ka râwn a, ka pu chu ka buaipui takzet. Hna lamah buaina ka nei bawk nen, Eli lah a lo inlâr ve cheng bawk nen, vawikhat phei chu ka vín tuarh a. Ka insúm hman lo a ni. Ani lah chuan eng hù-ah vak a lo ngai lo, kan ina ka kalpui tawh ngai loh vang erawh chuan D'n min chhuahsan tih chu a hre lo rei khawp.

D chu Lily nen an in-contact reng thin tih ka hriat avangin Lily chu ka záwt țhin a, ani pawh a ném sâwt khawp mai. D awmna chu ka záwt char char zél a, a tâwpah chuan min hrilh ta nge nge a, ka zawng hmu khawp ang.

Aizawlah a awm tih min hrilh. Motor ka la chhuak a,phúr rilru zetin ka tlânchhuak. Ka hmuh hun tur mawlh ka ngaihtuah a, ka hmuh veleh ka kuah vawng vawng phawt ang a, a rilru natna leh hrehawm a lo tawrhna zawng zawngte ka tihrehsak hma chu ka fáwp ngawih ngawih ang.

Mahse, mihring hian kan hmaa thil lo thleng tur hi  kan  lo va hre lo tehlul em!

Accident ka tâwk a ni. Ka dam chhuak leh hi ka lâwm nge lâwm lo zawk aw tih ka ngaihtuah țhin a, D'n ințhenna tifel tura min hmuh a duhthu min rawn hrilh ațang chiahin ka damchhuak hi ka lâwm tih ka hre ve chiah.

D nen kan awmdun lo chu Lily nen kan inkawmngeih phah ta hlauh mai. A lo fel reuh khawp a, ka accident hnu deuh ațangin D chanchin a lo hre tawh bík miah lo a lo ni a,Aizawla a awmnate kan  zawt nasa a, mahse a awmna ngâiah a lo awm rei miah lo niin. An lo hre tawh bík lo va, D chanchin chu ngaihven pah chungin Damdawi inah hun ka hmang a, ka pu pawh Nu Sangi kutah a awm chawt mai.

Damdawi inah hun ka hmang rei a, damdawi ina ka awm chhungin Lily a fel khawp mai. Ka țhiante pawh an fel, Eli pawhin min ngaihsak khawp. Mahse D min chhuahsan chhan kha amah hi a nih avangin ka be tui tam duh tawh lo. A chungah chuan ka lâwm tho, min ngaihsak ve reng a.

Ka dam hnu deuhah Phai lamah ka in-checkup leh a, mahse rei ka awm lo. Hna ka ngah bawk si a, ka hnuaia mite an rintlâk em zawk a,min rawn tlawh zut a, kei pawh ka âwl rei hman lo.

D'n min hmangaih tih ka thinlungah ka vawng reng a, hrehawmna tam tak pawh ka paltlang theih phah. Mahse,a chanchin reh ta vang vang erawh hrehawm ka ti a, Aizawla ka țhiante ka phone kual țhin a, min zawnsak turin. Mahse, anni pawhin tihngaihna an hre bík lo. Mahse, kei ve thung chuan ka hnéna a rawn lét loh pawhin Lily tal hi a la rawn contact leh ka ring tlat a, a la dam țhain ka ring tlat bawk.

Min chhuahsan ațang khan nula reng reng hi hmeichhe melhin ka melh ngâi lo tih theih a ni. Nula tam tak min beiseitu an awm ve chiang alawm, mahse ka engahmah an thawk lo. Min melhno ka hmuhte  hian ka luak an tichhuak, kei chu nupui nei lai ka ni, tlangval ka ni lo, pa ka ni, D pasal ka ni.

Restaurant-a D ka han hmu leh chiah kha chu ka mit hi ka ringhlel lek lek. Engmah sawi lova kuaha fawh vawng vawng ka duh, a rilru tur ngaihtuah lo ila chuan ka ti ngei ang,midang awm ve hi chu engahmah ka ngai lo.

A lo danglam tawh reuh lutuk, a inringtâwkin a induhtâwk thiam reuh lutuk a, ka nuih a tiza țép. Ka hmeichhe duh chi lutuk, a sexy sawt bawk si. A mawng khal nalh takte chu ka mitsir reng, a awmbâwr pawh, tunah chuan nula puitling dik tak a lo ni ta, he ka nupui, engtikahmah ka kaltír leh tawh loh tur hi. Naute hi ka hmu miah lova, a raen hruai lo tihna, ka la zâwt ang, mahse tunah chuan a la hun chiah lo.

Ka chelh dan tur ka ngaihtuah char char a ngai. Ka thei ngút ang em? Ani lah chuan min huat hmél bawk si, min haw takzet a nih hmel. Lily khan D hian min hmangaih ni khan min hrilh bawk sia,mahse tuna a awmdanah hi chuan hmangaihna a lang lo reng reng, a hresual a nih ka ring ta rum rum mai.

Mahse, ka puin a rilru luhlul zet chu a tiném deuh ta. Hei hi ka tân hun remchâng a ni, ka hnéna a lo lét ngei theih nan tun hi ka theihtâwp chhuah theih hun a ni.

Lily bulah hian ka inthup thei miah lo tih ka hrechhuak. A chhan chu ka awmdan ațangin min man hneh lutuk tlat, ka inthup theiin ka rilru hi ka cheziaa ka lan chhuahtír ngai loh tehlul nen, Lily hi chuan a lo man tlat, fing reuh lutuk mai. Min țanpui turin ka sâwm dawn zawk ami le? Ni lo, mipa ka ni alawm, hmeichhia, ka duh em em rilru hneh thei lo khawpa mi dawihzep leh lâktlâk loh ka ni lo. Ka bei ang, ka theihtâwpa ka beih phawt chuan ka nei kír leh ang tih ka ring tlat.

Ka fanu a pâi puitling ta lo erawh hrehawm ka ti ngawih ngawih, keimah ka inthiam lo va, ka tihsual liau liau a ni. In chhuahsan duh khawpa siamtu kha keimah hi ka ni tlat si a, a bul tumtu ber chu keimah ngei hi ka ni.

Pangngai takin ka la titipui thei hauh lo. A invéng thiam reuh tawp a, a mipa zâwk hi ka dang lek lek alawm. A thinrimna zawng zawng hi ka chungah leihbuain min ânkhum se, min kék nawk nawk se, min chúm awk awk bawk se ka ti a, a rilrua natna awm reng hi paihbo thei se ka ti takmeuh a ni.

Ka pu vâng chauha he ina awm leh hi a ni. Kei hi chu ka tla vang vang, na ka ti lo a, ka phù tâwkah ka ngai. Mahse, chhuah leh erawh ka tum tawh bau lo, ka theih dan danin ka bei ang.

Kan ina a rawn lét leh hnua, a rawn riah lehna hmasa ber zanah chuan ka mu thei lo chiang khawp mai. He nu hi ka bula a awm lohin ka ngai a, ka mu țha thei lo va, kan ina a awm lahin ka mu țha thei lo bawk, hahthlak lutuk. Sitting room-a mut a duh tlat bawk si, a room hluia mut chu a duh teuh nâng. Ka bul hnâia awm a duh miau lo a,a duhnaah chuan mu teh se. Zanin chu ka puin enkawltu a nei bawk a, room-ah chho rih teh mai ang.

Ka mu thei lo, dik tak chuan zantin ka pu bulah muin châu viau țhin mah ila, thin thíin ka mu ngai reng reng lo. Ka pu chu ka ngaihtuah em em a, a thi mai ang tih ka hlau. Ani lah chuan," Dítei a lo haw leh ang a, min enkawl dawn alawm, ka thi dawn lo" a ti tlat zel a, ka khawngaih si, tihngaihna ka hre lo thei khawp mai. Nurse ka chhawrte lah hi a lo  hawtír zel mai țhin si. Mahse, awmpui ka lâkte pahnih hi an fel a, buaipui a ngaihnaah an lo buaipui țhin a, Nu Sangi nen. Ka hahdam phah viau.

Ka muthilh thei loh avangin inhnuaiah ka chhuk leh a, Tv room atanga éng rawn chhuak ka hmuh chuan mak ka ti. Ka pan phei a, Tv chu a sound awm mang lovin a lo in-on a, țhutthlengah chuan D chu tui hmél zet hian a lo muhil a,ani pawh hi a muthilhna a la rei lo tawp mai. A puan chu sintirin Tv chu ka off a, ka kalsan hmain a hmel chu ka en leh phawt, ka insúm thei ngang lo. Ka pan hnâi a, a hmuiah chuan ka fâwp zauh a,a harh miah lo. Nui sakin ka fâwp nawn leh sak a, hria se chuan min ngei leh khawp ang, min melh râm râm ang a, a țeu leh hlar ang. A muthilh lai hian a lo zâidam ber a nih hi, ka thu a awih ber bawk a, min hnial lo bawk.

Ka pu room-ah chuan ka lùt a, tui tak leh thlamuang taka a muhil hmel ka hmuh chuan ka thinlung hi a zâng sawt. D a hmuh hnua a hmél changkân chakzia ka hria a, ka tân mai ni lo ka pu tâna D lo pawimawhzia ka hriatchhuah phah bawk.

Ka pu bulah sofa chu hnúk phei deuhin muthmun ka rem a, ka mut ve hlek loh chuan naktuk lamah ka châu lutuk palh ang, tunah phei chuan chakna ka mamawh belh tawh lehnghal a, D ka phuarbeh tlatna tur khawpa chakna thahrui tam tak ka neih a ngâi.



RUATSANGA - 22  By  Dingdi Pachuau

Zínga ka harh chuan khua a lo éng țha tawh khawp mai. Choka lamah pawh ri rak rak ka hria.

Ka pu room ka pan vat a, Rsa pawh a lo awm tawh lo. Ka pu chu a lo harh tawh a, min lo hmuh veleh chuan," Nizan chu ka mu țha khawp mai,nang i mu tui em?"a lo ti vat a.

"Aw, tui lutuk. Tunah ka tho ve chiah. Ka pu, i harh țha maw? Ei turte i duh em?"

"Ka ei tawh e"

Ka inthiam lo angreng khawp mai a. Harh hmain tho hma deuh ila chuan keimah ngeiin ka pe âwm si a.

"I tho hma duh mai mai a nih kha. Hna thawh túr i nei pawh a ni lova, mu châwl leh rih la"

Nui chungin,"Ka mu tam tawh, tunah chuan ka harh vâk tawh e. Vawiin chu i thu thuin ka awm ang aw, min tír kat dâwr dâwr thei ang" ka ti lêt a.

"Mamawh ka nei tam lo khawp ang, Mahse ka bulah awm reng la ka duh. Min kalsan tawh dawn lo bawk a, ka thla a muang siai siai tawh ania"

"Um, kalsan tawh dawn lo che, thlamuang takin i awm thei tawh. Vawiinah chuan i taksa ka hru fai vek ang a, chuan ka malis pah ang che aw"

"Ka va lâwm dawn ve!"

A room parda-te ka siamfel hnu chuan ka room hluiah ka chho ve tawp. Rsa ka hmu chuang lo va, ka chhoh mai loh nâkah. Ka pu room-a inthiarna ka hmanpui duh teuh lo.

Ka intihfel hnu chuan in hnuaiah ka chhuk leh nghal a, Rsa ka la hmu lo cheu. Ani hi a chhuak hma hle a ni ang, tunlai an buai viau em ni le? Inah a pu damloin a awm a, chu pawh a kalsan dâwr dâwr mai ania.

Choka lamah chuan nula 2-te kha an lo awm a, min hmuh chuan min lo wish vat a.

"Pi, chibai. I tho nuam em?"

Ka lâi țhelh alawm le. 'Pi' tia  min koh chuan eng emawti takin ka awm, nuam ka tih viau rualin dik lo húin ka hre bawk a.

"Um, ka lâwm e. Eng nge in siam a?"

Inchhung nu ber angzia zángin.

Ka pu duh deuh țhin bai ka siamsak a,ei tur a ei theih tur apiang pék a ngai. A chér ta lutuk a, ruhkawl ang hial a ni tawh si a, châwm thau vat a ngai a ni.

Choka lama ka chèt rak rak lai chuan Rsa leh hmeichhe pakhat chhe lo deuh, ngo ving veng hi an rawn inzui lùt a, ka lo hmu lawk lo lehnghal a.

"D, hei ka pu enkawlpui tur che nurse  Faktei a nih"

"A ni maw? I va fel ve" tiin ka lo chibai sawk sawk a.

"Chokaah i awm ka lo ring miah lo a" A awka chhuak ațang chuan chokaa min hmu chu a lawm lo tih ka hre nghal.

"Ka pu ei tur bai ka siamsak a"

Lawm lo ringawt mahse a lâwmna siamsak turin he inah hian ka awm lo, ka pu enkawl turin a ni ka awm ni, mai mai chuan.

Nula pahnihte chu inchung lamah an chho daih tawh a, thawmhnaw súk tur la tur leh room tifel turin.

Kawngkaah Nu Sangi ka hmu thut mai, ani pawhin min rawn hmu ve chiah chu a meng phâwk lutuk.

Nui sângin min rawn pan a, ka kut vuan chung chuan," I lo lét tawh maw? A va lawmawm em!! Pu ber lahin a lam ngun nasa si che a, a dam sawt sawt dawn a nih hi. I dam țha em? Engtin nge i awm? Ka hre châk vek" a ti barh barh a. Kei pawhin a kutah ka chelhsak reng a,kan lo inhrawn rei ve deuh avang leh Nu ang hiala la lo en a nih vangin ka ngaihzia ka hrechhuak uai uai mai.

"Sawi tur a tam lutuk"

"Ka ngaithla vek duh"

"Hun thâwl kan neih hunah aw"

"Tehreng mai, dama kan inhmu leh thei hi a lawmawm em mai tiraw?"

Kan titi rei lutuk lo. Ka awmchhan ber ka pu ka ngaihtuah a ngai,heta ka awm chhung chu ka pu hi ka dah lal ber ang. A dam hunah chuan...

Ka pu chu ei tur ka pe a,ka rin aiin a ei tam lehnghal a, ka lawm tak tak. Bai chu tui a tih thu a sawi luam a, chawhmeh tak tak a ei leh thei chu a lawm thu a sawi bawk a.

"Ka dam sawt sawtin ka hria. Ka fanu hi ka lo ngai ber mai che a lo nih hi. Bawiha erawhin min thík loh hram ka beisei"

Ka nui ringawt mai.

"Bawiha pawh hian duattu a mamawh khawp mai, a hah ania. Kei lah hi enkawl ngai ka lo ni bawk nen"

"Ka enkawl dawn che alawm, ka pu. I dam thuai mai ang"

"Nia, lung lam natna hi chu a dam chak har deuh a, mahse ka thi dawn miah lo. In fate pawh hmuh ka la tum fan ania"

Ka naute, mihring tling ta lo kha ka hrechhuak zawk mai. Dam ta se tunah hian kum 5 a ni ve tawh ngei awm si a, nu ka ni ve tawh mai tur.

"Naute chunga thil thleng kha ka lo hria a, a pawi ka ti. Mahse, Pathian hian  fa duhawm tak tak a pe leh ang che u tih ka beisei tlat ania"

"Ka lawm e, ka pu. Ni e, dam hi hauh phawt mai ila"

Rsa nen fa neih leh maw? A thleng lul lo ang. Mahse, ka pu hi thil țha lo lam leh rilru hrehawmna lam tur chu engmah ka sawipui lo ang. A tupa nen hian nupa pangngai angin min la en reng tih ka hria a, a thil sawi pawh hi thil âwm lo a ni miah lo, a tân chuan.

Chhúnah chuan ka pu chu tuilumin a taksa chu ka hru chhuak vek a, oil-in ka zùt leh a,a káwng te chu ka hmehsak bawk a. A nui deuh var var reng a,a láwm ve tak tak a ni ngei ang.

Ka hman veleh Lily ka sáwm a, Hotel Ono-a ka thawmhnaw kan zuk la a,Lily lah chuan min fiam zuk zuk mai.

"Ințhen tum si, lut leh rang ber i nih ka ring"

"Ka pu vang chauh a ni"

"Tak tak?"

A nui țhâ a, min fiam mai maina mah ni se, nuam lo ka ti lek lek mai. Lút leh tak tak ka nih duh hmel ka ti kei pawhin.

"Ka pu dam țhat veleh ka chhuak ang"

"Chu lam chu nakinah le"

Thawmhnaw chu ka room hluiah ka dah lut ve hmiah mai. Rsa hian ka awmna tur min hrilh bawk si lova, ka duhnaah ka indah ve hmiah mai loh nâkah.

Faktei chu ka pu enkawlpui ka duh dan chu ka hrilh a,ani pawh a hmel en aiin a nélawm daih mai. A nui duh a,a ngainat loh theih loh. Ka pu chu a fiam peih phian a, kan pahnih chuan kan nui vak vak a, ka pu erawh nui chhuak vak thei a nih loh avangin a muthmunah a lo țhen a lo țhen ve a.

"In va hlim bík ve?"

Kawngka bulah chuan Rsa a lo ding reng tawh niin. A chhe lo lehpek, ni lo, chutiangin ka sawi duh lo. A 'inla chhe lo pek' ti zawk ang. A sam, a nih dan tur aia sei lek lek tawh chu a kâwi deuh niai a,a biangah pawh hmul a rawn țo tam țêp tawh a, a khabe hmul tam vak lo chu a tilangsár nèp ta deuh. Kan awmdun lai âi khan a chér deuh tih ka hria, a biang hi a lang tháwp lek lek a, mahse a lang lutuk lém lo.

"Engtiziaa lo haw nge i nih?" Ka lo ti khauh a.

"Ka in a ni ve tho alawm"

Ka zawhna a man thiam lo chiang, nge a chimawm leh tawh zawk?

"A ni lo tunge ti?"

A nui ta suk mai. A hmui tuai pah chuan," Thil ka theihnghilh palh a" a ti leh ta záwk a.

A kal hnu chuan ka pu chuan," Tunah chuan kan in pawhin 'in'  a ang leh ta " a ti sap a. A thusawi chu a awmzia ka hre lo khawp mai a, mahse ka zawt chík duh hran lo va.

Faktei hi chhùnah a lokal ang a, zan lamah erawh chuan a tân a buaithlak avang leh kei ka awm tho avangin a lokal lo ang. Mahse ka pu chungah eng pawh lo thleng se, zanlaiah pawh ni se, ka phone thei ang, a chhan chu thil a hre reuh hle a, chuvang tak chuan Rsa pawh hian chhawr a ni réng a ni. A zei hawi a,a che zung zung mai a, a che fel thlarh bawk si.

Sikul ka thawhna principal ka phone a, ka harsatna tawh zawng zawng chu ka hrilh a, a lo hrethiam ve khawp mai. Ka theih veleh zawm turin min ti a,amaherawhchu, ka chawlh chhung chuan hlawh ka nei thei bík dawn lo a ni.

A dik chiah. Thawh loh hlawh lâk chu a dik thei lo alawm. Pawi ka ti lo va, a tidik ka ti bawk. Ka chungah a țha em em a, midang chu ni se min bân duh hialin ka ring a ni. Tunah chuan rilru nuam deuh takin ka pu ka enkawl thei ang, ka hna lam ka chingfel ta bawk a.

Nitin ka hun hman chu a ngai chho leh ta khawp mai. Ka pu chu ka duat deuh avangin khumah hlir chaw ka pe a,newspaper ka chhiarsak ziah bawk. A la chak loh em avangin a tâna țha tur hi doctor-ah ka zawt fo a, ei tur țha tinreng leh damdawi, a ngeih tur leh a damdawi ei lai huat loh tur si hi Rsa chu ka leitir reng mai.

Rsa pawhin a pu chu a ngaihtuah thei khawp mai. Ka lo rindan kha a dik lo tih ka hre tawh, a chhan chu Rsa hian a pu a ngaihtuah em em a,hei aia ngaihtuah leh chuan ngaihna awmin ka hre lo. A rawn haw veleh a pu room-ah a lut a, zanah ni se, a rawn check ziah bawk. Zingah a pu bul sofa-a a mu ka hmu zauh zauh bawk.

He pa hi a châu ve ngawt ang. A hna thawkin a pu a enkawl a,amah pawh hi enkawl a ngâi, duat taka enkawltu a mamawh ve chiang alawm. A hminga kei a nupui ve lah hian ka be țha duh bawk si lo.

Thudik tak chu niminah Lily hnén atangin ka hre tawh a, kei pawhin thil ka tisual. Thudik hre hmasa lovin thíkna avangin ka chhuahsan a ni a, chu mai bâkah Rsa'n accident a tawh phah bawk. A nunna a chân țép tih ka hriat phei chuan he pa hi ka lo hmangaih takzet a ni tih ka hrechhuak leh chiang khawp mai.

Zan khat chu ka pu a muhil hma deuh bawk a, inbualin ka room-ah ka awm deuh reng a, kawngka a rawn ri karh karh a.

Rsa chu inthlahrun hmel deuh hian a lo ding a.

"Eng nge ni ta?"

"Ka lo lut lawk thei ang em?"

A luh theihna turin kawng ka kian a, a lo luh veleh chuan kawng chu ka khâr leh nghal a.

"D, kan inkâr hi sawifel tawh teh ang"

Ka hlâutháwng deuh thut. A rilru siamin min țhen tak tak a tum ta a ni ngei ang.

"Min țhenna i tifel dawn ta tihna em ni?"

Ngun zetin min en reng a. Kei lah min chhânna tur chu thinphu dep depin ka lo châng a.

"Ințhen lam hi chu sawi ri tawh lo teh, min tichâu lehzual ania"

"Chu lam sawi tur chuan i lo lút emaw ka ti?"

"Ka ngâi che a ni"

Ka rinloh lam daih a rawn sawichhuah avang chuan makti deuh hian ka en reng a,kan inen dun chiang khawp mai.

"Ka kuah thei che 'ngem?"

Ka chhân loh avang chuan a hma âia zâwi lehzualin,"Khawngaihin?" a ti leh zat a.

'Khawngaihin' . He thu hi he pa ká atanga chhuak tur hian inhmeh ka ti thei lo. Mahse, ka thinlung a dek em em si, khawngaih tak téin ka khawngaih tlat a nih chu.

Min en reng avang chuan muangchángin 'aw' tih nan ka bu nghat a. Nia, ka khawngaih ve asin, ka hmangaih a, pasal atán hial ka neih a ni a, min kuah duh mahte chuan. A kuah ka thlâkhlelh theih em kha.

Min rawn pan hnâi a, kei chu ka din ngai rengin ka lo ding tawp. Dím téin min rawn kuah a,ka koki-ah chuan a khabe a nghat vang vang phawt a, chutah min kuah nghet ta tial tial a.

"Ka kuah châk theihzia che hi.."

"Ka mumang a ni lo tiraw?"

A phun sup sup a, heti khawp hian min lo kuah châkin min lo ngâi ve maw? Kei pawhin ka ngâi a, zanah ni se, ka bula mua a âwm nghénga muthilh ka duh țhin a nih kha.

Kan inkâr bang chhah zet hi keimah ngeiin ka țhiah loh chuan tuin nge țhiat thei ang? Keima pin a ni a,țhiattu tur pawh keimah tho. Tun hi hun țha chu a ni.

Ka kuah lét ve a, chutia ka kuah lét ve tâkah chuan min pawm kâng nawlh mai.

Ka râk țhat a,a nui hak thung.

A kâwngah ka ke pahnihin ka kherhbet a, a nghawngah ka kuah thung.

"Ka fâwp dawn che aw"

A mitmu uk kharh mai chuan ka hmui chu a en reng a, kei erawh chuan chhâng lovin ka lei chuan ka hmui chu ka liak zoh a.

"Sexy lutuk"

A rawn kùn hniam a, a hmui mi fawh thiam zet chuan ka hmui chu a rawn dek chat mai.

Min fâwp ta mai lo chuan min en kar reng a, kei pawh chuan en lét ve karin ka hmui chu ka chét zauh a, chu tak chu a lo châng kar niin, a lei chu a rawn luhtir nghal a, duhthawh takin min fâwp ta ngâwng ngâwng a, kei pawhin ka uar theihtawp chuan ka lo chhâng lét ve a.

Kan inthlah hlei thei lo a ni.

Kan inthlah meuh chuan kan thaw dun ham ham a, min fâwhna avang chuan ka vâi riaiin ka hre lehnghal a, a mi fawhna thiltihtheihzia ka hre chiang leh ta khawp mai.

"Kum ruk chhùng khan engtin nge ka lo dam theih zawk le? Hei hi ka lo nghah ngar ngar vang a ni ngei ang"

Min fáwp leh a, tun țum chu min fâwp dam raih mai. Ka thluak erawh a tibuai kher thung.

"Min ngâi ve tho em?"

Ngái lutuk, ngái lutuk mah mah zawk a ni.

"Aw"

Tunah chuan dawhkan chungah min nghat tawh. Ka rihna chu dawhkânah nghah ni mahse min thlah chuang eih lo.

"Min kalsan tawh suh aw"

Ka kalsan khân nâ a ti ve takzet em ni le? Nge min neihlét tumna hmanrua mai mai?

"Kalsan tur che a min siam loh chuan"

"Ka siam ngai hauh lo ang che"

"Ka ring thei che ang em?"

"Nangmah i inrin aia nasain le"

Rin ka duh. Mahse keimah hi ka inring tak tak em? Rilru nain ka kalsan leh mai lo ang maw?

"Ka hrethiam lo"

"Eng chu maw?"

"Kan inkâr hi"

"Ka siamțhat min phalsak la"

"Engtin?"

"I inhung tlatna bang hi țhiat la"

Tunah hian ka țhiat mék a nih hi. 

"Na deuhin kan insiam tawn leh mai lo ang maw?"

"Min ring lo tihna mi?"

"Keimah hi..ka inring zo lo"

Min kuah vang vang a, ka thla a muang sawng sawngin ka hria. Ni e, Rsa'n min kuah hi chuan ka thla a muang a, eng thil ţha lo mah hi ka chungah a lo thleng theiin ka ring lo țhin.

"Hun min pe la, nangmah inring zo turin ka pui ang che"

Kan inkâr fel ta deuh thlup mai chu nuam ka ti. Mahse Rsa lakah hian ka inthiam lo leh țhin, ringhlelin chhuahsan lo ila chuan kan naute pawh kha ka chân lo maithei a, fanu lah a awt em em si.

*Nupa chu room khatah awm tur*

Hei hi chhúna ka whatsapp message dawn a ni. Min nawrluih chu a tum bík miah lo nain a awmzia ka hrethiam lutuk chu ka nuih a za zawk.

*Nupa kan ni tawh lo emaw ka ti a* tiin ka chhâng lét ve nghal a.

A rawn chhâng rang khawp mai.

*Nakin zanah nupa kan ni ngei tih ka tifiah ang, țawngka tel lovin*

He pa hi chu aw, a ngaihtuahna hi a hniam ruih zel mai a. Mahse nupa kan ni a, nupa kârah chuan thil dik lo a ni si lo.

Ka message tone a ri leh dat.

*Lo in-ready ang che*

Chhaih ka châk ve pah tho.

*Hna kha thawk mai mai rawh*

A haw khawp ang chu. Nia, a lo haw hunah chuan ka lo duat tawh ang, kan inkâr a fel ta bawk a.

Message a lo thleng leh rang khawp mai. Ka nuih a tiza zawk.

*Ka rawn haw mai*  tih té hi.

He pa hi, a tih tak tak loh ka beisei.  Hna thawh hun lai laiin a rawn haw lo tawp ang. Chhân pawh ka chhâng tawh lo, hna a thawk lâi ka tikhaihlak mai mai.

Ka pu room-ah chuan ka pu kâwng Faktei'n a zùtsak a, a bulah ka lo awm ve a, a ke leh kut hmâwrte chu ka lo malis-sak ve a. Ka pu pawh hi a changkang ve sâwt riauin ka hria, rei lo té té pawh a țhu ve thei tawh a, hmasâwnna ropui tak ka ti lo thei lo.

Kawngkaah chuan Rsa a rawn lùt hlawl mai. He pa hi, a ti tak tak ka ti. Ãwiawm loh theih e, thil  ţúl eng emaw a theihnghilh leh pawh a ni maithei tho bawk.

"Thil theihnghilh i nei em ni?"

"Nei lo ve"

"Ngatinge a? Bân hun a la ni si lo. Nge nâ i nei em ni?"

"Aw" zâwi supin a ti a.

Hlâuthâwng rilru deuh hlekin," Khawi lai nge?" ka ti sawk sawk a, ani lehzêl a nat chuan..

"He lai hi" tiin a âwm chu a dawm a. Nâ a nei tak tak a ni ngei mai.

"Damdawi inah tlân nghal ang"

"Damdawi ina enkawl dam chi a ni lo"

"Eng nge...?" A nui ka hmuh chuan a bânah ka chùm pawp a.

"Min tihlauthâwng alawm, misualpa"

Faktei leh ka pu pawh chu an lo nui a, kei ve thung chu ka nui duh miah lo va, Rsa chu ka melh râm râm a.

"Ka pu, Fakte, D hi ka lo hawhsak mai ang che u aw"

Anni lah chuan," Hawh lovin nei daih rawh" an lo la ti zui a, room aţang chuan min kâi chhuak ta daih a, ka pute pahnih nui ri chu ka hre thei a.

"'Ka lo haw mai' ka tih reng kha"

"I tider emaw ka ti alawm"

"Der nâng. Ka thil rawn thawn che kha ka ti tak tak vek"

"Chhùn lai lai a..."

"Ka ngaihtuah reng che a,hna ka thawk thei chuang lo"

"Thil țha lo tak a nih chu"

"Office hnaa darkar 4 hun hman aiin i bula darkar 4 hun hman ka duh daih zawk"

"Naupang chhia viau suh"

"Naupang chhia" a ti sup a.

"Um, naupang chhia. Kum 30 i ni dawn tawh, naupang chhia deuha awm hi bânsan a hun ve tawh a ni"

"Tuna ka rilrua awm hi chu naupang chhe ngaihtuahna a ni miah lo ania"

'Kan nupa' room-ah min kâi lùt a, chhún lai laiin nupa nun min chenpui a tum chu a ni ém lo maw.

"'Lo in-ready rawh' ka tih che kha"

A kamis phelh lai chu ka en reng a, a taksa nalh zet mai ka han hmu leh ta chu a ni a, phùrna chhungril lamah ka nei leh nghal bawk a.

"Min lo phelhpui la"

A tâwnzâu dum hâk chu a inhmeh ka ti. Che châng lovin ka en reng a, a kekawr a phelh a, a savun pheikhawk bun chu a la tlawh phelh si lova, tâwnzáu, boxer leh smart shoe nen chuan , ka nui chhuak ta thut a.

Hrethiam lo deuh hian min rawn en hâ a, a che pawh a tâwp chiang khawp mai.

"I chhe lo lutuk" ka nuih a za zél a,zá zetin ka nui ar ar reng a.

"I nui zo dawn tawh em?"

A nui ve miah bawk si lo va, a hmel thutak zet nen lam chuan ka nuih an tiza a, pum dawm meuhin ka nui a.

Ka nuihza zualpui a reh hnu chuan," I chhe lo lutuk a, min hrethiam rawh" ka ti a, ka la nui súng a.

"Nang chu ni lo la, ka thin a rim daih tawh ang"

A pheikhawk a lo tlawh phelh tawh a, a mawza erawh laundry basket-ah a vawmlut daih a.

"Inbual dún ang"

Bathroom-ah min pawm lut a, ka tâl ve tak nain min thlah duh chuang lo.

Shower hnuaiah min nghat a, kei chuan," Ka thawmhnaw hi a la bâl..." tuiin min rawn phuh tâk sung sungah chuan  sawiin awmzia a awm tawh lo, ka huh hman tho.

"Min nuih man i huh ve a nih kha"

Min kuah bet a, min fâwp nghal bawrh bawrh a,kei pawh ka thinrim chuang lo. Duhthawh takin ka lo fawp lét ve záwk a.

Ka sam lah chu a huh hnuang a, tui lah chu a dír thla tluk tluk a,ka kâwr hak lah chu ka taksaah a bet vek bawk a.

"I kawr hi ka lo hlihsak ang che"

Hlih lah chu a lo harsa ngang mai a, a tight ve tho bawk si nen,bei a dawng hman lek lek alawm.

"Khatiang kawr hlih har kha chu ha tawh suh aw"

Ka nui sak a, ka kawrhnuai  phelh leh pah chuan, "No bras ka tih tawh kha. Thu i awih loh man" tiin ka *nute chu a țhâm tâwk a.

"A nâââ....naupang chhia viau zel teh suh, a na ve thei tho ania"

"A nih, ka lo chúl dam leh ang e"

Zâwimuangin a kut lian leh hlâi zet chuan a rawn chúl dan dan a, chúl mai duhtâwk lo chuan a rawn fâwp bawk a.

Kei pawh chuan a sam kârah ka kut chu rawlhin a sam chu ka lo țhâmsak ve a, ka nuamti chu ka dâk leh arh arh țhin a.

A kut chuan ka kekawr kawng a rawn dap a,ka huh vek tawh avangin hei pawh hi hlih huphurhawm tak a ni.

Mahse awlsam téin a hlip tlat. Ka thaw huai a, tunah chuan keima chét ve hun.

A tâwnzau chu ka hlihsak a, a mita en rân chung chuan a boxer kâwng chu ka vuan leh nghal bawk a.

A mitmei chuan ti zel tura min hrilh angin ka hlihthlaksak leh a, kuai kùnin a hmuiah ka fawp leh phawt a, ka dul chu eng emaw niin min do rân mai.

Ka kut chu min laksakin ka dul min do rântu chu min hùmtir ta a, a lo lum veng veng mai.



RUATSANGA - 23  By  Dingdi Pachuau

Kan awmdun chhùng khan vawikhatmah ka khawihsak lo, tunah pawh hian ka tím deuh a, mahse amah zawk chuan a kut hmang chuan tihdan tur min hrilh zel a, ka kut chu ka chét rantir ve tial tial a.

A thaw hawk hawk mai a, kei lah chuan ka kut chu chu chawlhtìr lovin uar takin ka chéttír zel a.

Chutah, rawn kùn hniamin min fawp a, ka kut chu min chelhsak ta daih a.

"Muangchângin aw"

French-kiss dik tak a ni. Min zirtir pah a ni bawk ang chu, zei pawh a zei nangiang e.

A zei em avang hian kei pawh hi zei ta viauin ka inhre țhin. Min kâihruai thiam bawk a, ka zir thiam zawng tak mai a lo ni bawk nen, ka man chak khawpin ka hria.

Shower hnuaiah chuan taksa khuhtu nei reng reng lovin kan ding dun a, kan zak lêm lo. Kan inmamawh tawn a, chumi tipuitling tur chuan hma kan la mék a ni.

"Ka duh lutuk che, khawizu ang maia thlum i ni"

"Ka mamawh che, drugs chak tak ang maiin ka addict tlat tawh che"

Țawngkam a phuhchhuahte pawh chu ka hrechiang thei tawh lo, ka taksa hian a mamawh lutuk.

"I ta ka ni duh, tunah"

Ka zak duh bík lo. He hun hi a lo thleng leh ang tih pawh ka ring phâk tawh lova, ho deuha khawhral ka duh lo.

"I ni dawn chiang"

Min pawm betin bangah chuan min nawr bet a, kei pawhin ka kuah chial mai.

Kan taksa chu a insi thlap mai a,a inbelhbawm ta mai emaw tih tur a ni. Chutah, min pawm hniam deuh a, a mal chuan ka mal a nawr kâu a, ka lo inpeih tawh ngang mai.

Kan taksa a inzawm takah chuan ka thaw hak a, ani chuan chét la-in  nawmna vawrtawp min pek tumin țan a la sauh sauh a, kei pawhin a tân,thùk lehzuala ka taksa a luhchilh theihna turin ka theihtâwpin ka hnung lamah ka er lét ve bawk a.

"He hun hi...ka..lo..lo nghâ..kkkk rei tawwwh..hhh asin" A țawng chu a sehchilh nawk nawk bâkah a thaw hawk hawk reng a, kei pawhin theihtâwpin nawmna vawrtawp a tem ve theih ngei nan ka lo țanpui sauh sauh a.

Shower hnuaia nawmna chen hi a lo nuam a nih hi. Thlan han tla deuh phat mahse tuiin min tleuh nghal zel a, zawngchhang chi tak niin ka hria.

Min pawm chhuak a, bathtub tláng innghahna zâwl pheiah chuan min nghat a, chuah ani chu a țhingthi zui nghal zat a.

Eng nge tih a tum ka hre mai lo. Mahse ka mal a rawn fawh chiah chuan ka hre chiang ta hle mai. Muangchanga rawn fawp zelin  ka mal táwp a rawn thlen chuan ka lo thaw hlap hlap tawh mai, ka rin ang reng a lo ni lo.

 Hetiang hi chu sap leh hnam dang tih turah ka lo dah mai țhin. Mahse Rsa'n ka chunga a tih ve tâkah chuan mak ka ti a, a nawmna ka feel vawng vawng mai. Mahse ka insum thei lo, ka țé chhuak lo thei lo va,ani lah chuan a lo fawp duhthawh sauh thung a.

A váwrtáwp ka thlen dawn chuan Rsa sam chu ka țhâmsak țâwk țâwk mai, ani pawh chuan ka awmdan chu a lo hrethiam a ni chiang mai, a hma aia uarin a bei a, ka țe țhat țhat a, ka zawi ta hnak mai.

Chutah rawn thoin ka hmuiah a fâwp leh vang vang a, ka awmdan siamremin min kâitho a, ka ke veilam chu la kângin a kawngah min nghahtir a, a kut chuan min chelhsak reng a.

A taksa chuan ka taksa a rawn zawmtir leh ta chiah a. He pa hi chu a zei chiang a ni, ka duh a, ka hmangaih bawk. Chutah nawmna vawrtâwp min han chénpui thiam em em zui a, min han hmangaih em em phei se chuan...

"Min en teh"

Engtin nge thildang ka lo ngaihtuahsan theih le?

"Nawmna váwrtáwp kan chen lai hi chuan keimah chauh tal hi min ngaihtuah hrâm teh"

"Nangmah hlír ka ngaihtuah che alawm"

"Mahse kan thiltih laiah chauh rilru pe ila"

"Ka tihpalh"

"Hremna i hmuh a ngai"

"Lâwm takin le" ka nuih sak a.

"Zanin chu muthilh inring suh ang che"

A che țan leh ta a, bang nghénga ding ka nih avangin lo puih vak ngaihna pawh ka hre lo, a chét ka lo nghâk tawp mai.

"Ka mamawh engkim neitu i ni"

A thaw huam huam a, kei pawh chu ka ni ve tho. Kan awmdan hi a rem tehchiam lo nain a hrehawm hran lo, Rsa'n nawmna min chenpui a nih phawt chuan.

A váwrtáwp a thlen chuan cháu hnépin ka kuah a,ani pawh chuan thaw ham hamin duat takin min kuah a,shower hnuaiah min kalpui a,shower gel min hnawih a,ani pawh chu ka hnawihsak ve bawk a.

Bathroom-ah chuan darkar dâwn lai kan awm a,Rsa chu a ninhlei zel a, ka fái ngùt pawhin ka ring lo.

Lunch chu inhnuaiah kan zuk zawm ve a. Nu Sangi chuan Rsa chu a fiam zauh zauh reng a,ani pawh a nui ve suk suk mai.

Ka pu room-ah chuan kan han awm leh ren rawn a. Ani pawh chuan min lo fiam a, ka rilru chhungril chu a hlim veng veng mai.

"Room-ah chho leh lawk ang"

Min kâichho a, tihtur a awm lém loh avangin ka inthlahrung hran lo.

Khum chu a béng thak thak a, he pa hian eng tih nge a tum leh tak le?

"Min mutpui lawk rawh aw"

Naupang chhia a che leh ta. Mahse, ka hriatthiam a ngai. Duattu a mamawh ve tho, a taksa leh rilru a châu ve thei tho.

"Um, mahse ka sam hi towel-in ka'n tuam lawk ang e"

Mipa naupang ang maiin min zui kual a, khumah chuan ka thu a, ka mal chung chu béngin ," Lo kham la" ka ti a.

Rang zetin a rawn mu a, mahse a mu rei lo.

"Ka kuah duh che"

A thu chu awihin a bulah chuan ka inthawlh ta zawk a,ka kâwngah kuahin  a hmai erawh ka âwmah a phùm ta daih a.

"Khatia mut kha i duh maw?"

"Um"

"Tui deuhin muhil rawh aw" tiin a lu chu ka tuaisak a,  mipa naupang pangchang zet hi ka tehkhin lo thei lo.

A châu ngang a nih ka ring,a muhil thuai mai. A sam chu záwi te tein ka tuaisak a,a sam ném thep mai hi khawih nuam ka ti țhin.

Kei pawh ka lo muhil ve tho lo niin. Ka mumangah chuan fanu ka lo nei a, hmélțha lutuk mai, Rsa ang deuh mai a lo ni a. Ka duh takzet, ka hnute chu ka lo pe a, a lo hne dak dak reuh a, min en ve kar a,kei pawhin mit ka la sawn thei lo.

Ka hnute a seh zauh avang chuan a thip zek a, ka harh zawk mai.

Rsa chuan ka hnute a lo seh niin. Ka mumanga ka naute kha ka ngái asin le.

"Ka mumangah ka fanu ka lo hmu asin"

"Ka va hmu ve chák, a hmèlțha em?"

"Aw, a chhún lutuk che. Min tiharh daih a"

"Kan neih har lutuk loh hram ka beisei"

Ka mumang chu ka ngaihtuah lét leh a, a hmélțha si a, ka va hmu leh châk em! Ka mitthlaah a châm reng tawh dawn a nih hi.

"Zaninah țan kan la thar leh ang a, țha deuh kan nei dawn nia. Kan fanu tur chu a hming ka phuah lâwk tawh ang, Duat ngawih ngawih-i kan ti ang aw"

Ka nuih a za lutuk. Hming pangngai a sawi dawn emaw tih laiin.

"Duat rawn luai luaii ti zawk ila"

"Ka duh lo, Luaii an ti palh ang"

"I hming sawi pawh kha,Ngawihi tiin an ko ve thei tho ania"

"Chuti, Uniq kan ti daih ang a ni mai. Mi danglam bík leh 'cial' lutuk tur a ni sia"

"Mihring hming a nih loh tawp chu"

"'Cial' deuh ka duh si alawm"

"Siam pawh a insiam hma hauh atangin a chungchang kan lo sawi chu a ni sia"

"Lo ngaihtuah lãwk hi a țha asin, mi fing tihdan"

"I fing bík eee..."

A sam chu ka chúlsak a, ani pawh chuan ka âwm nawr châk châk pah chuan," Uluk deuhin kan siam ang a, Pathian zârah i pâi puitling tawh ngei ngei ang" a ti sup sup a.

"Mahse, a hma ami ang kha chuan awm tawh lo la ka duh é"a ti leh a.

Haider sakin," Engtin nge ka awm a?" ka ti ve tlat a.

"Ka sawi duh lo, a hrehawmzia kha, tuar nawn leh ka duh tawh lo"

"Hrehawm i ti tak tak maw?"

"Hremhmun ai pawhin mawle"

Kan ngâwi vang vang a, kan rilrua kan ngaihtuahna erawh a inhlat viauin ka ring lo.

"Fa i awt hle si a, ka awm loh chhung khan hmeichhe dang i lo mutpui ka lo ring asin"

"Ka fa chu i pâi reng a, fa dang neih ka duh hleinem. Nang nena kan neih hi a tâwk viau ka ti"

"Tak tak maw?! Mahse ka pâi puitling ta si lova tiraw? Ka rilru a hrehawm asin aw!"

Duat taka min kuah pahin," Sawi tawh lovang. Chan loh tur hi a awm ve rěng ania, a dang țha tâwk tâwk kan nei leh vat mai ang"tiin min hném ve a.

Che lovin kan han mu leh vang vang a, chutah," A tlâi tawh viau ang a" ka ti chhuak hliai a.

"Nge tihtur i nei mi?"

"Nei hran lo. Ka pu kha ka ngaihtuah deuh a"

"Ka bula i awm chhung chuan theihnghilh rih lawk teh"

"Ka pu vang liau liaua he ina awm leh ka nih kha theihnghilh lo la"

"Ka hria,ka lawm hle bawk. Mahse i bula ka awm ve chhung hi chuan.."

"Um, ka theinghilh nghal, ka hre tawh miah lo"

"Ka pu i duat ang hian min duat ve tal la, ka thík lek lek tawh"

"Ka pu chu kan duat a ngai alawm, keini'n kan duat lohin tuin nge duat tehlul ang?"

"Min duat ve tho la"

"Ka duat che alawm,eng tiang vaka duat tur che in nge min duh a?"

"Duat deuh...."

Ka nuih a za lutuk. A upa telh telh a, a naupang chhia telh telh maiin ka hria.

A bianga fawh zoh pahin," Ka pasal hi ka duat teh mai ania, ka va han duat tak em!" tiin a hmuiah ka fáwp leh a.

"Tètè duh"

"Tenawm suh" Ka nui chhuak ta hawk hawk a, ani pawh chu rawn dâkchhuakin a nui ve suk suk a, vawiin tlai kan hun hman danah hian ka lungawi takzet a ni.

A sawi ang tak takin, zan lamah chuan mut kan hmu tlém khawp. Lâwițhat zan kan hmang țha leh a ni ringawt mai. A châu ve thei lo emaw tih mai tur a ni, kei pawhin ka lo chhâng létin ka lo pui ve zel a, ka lo inpeih ar thei zel tho, kan inhné thei thlâwt lo a ni. Ka bawp chu naktuk lamah chuan a rawl ve khawpin ka ring.

Zingahc chuan harhchiang mang lovin  Rsa mutna lam chu ka'n dap phei a,a lo ruak hiai mai. Peih lo zetin ka han meng siar siar a, khum bul lawka Rsa, tracksuit haa lo ding zaih chu chiang lo deuh hian ka hmu a.

"Morning, sleeping beauty"

Ka chalah a rawn fâwp zoh a, ka meng peih chang chang a ni. Ka châu, mut ka la kham lo.

"Morning"

A nui hak mai. Ka aw chu a nuihzatthlak dawn tih ka hre ve tho, mahse ka nui peih lo.

"Mu vang vang rawh, a la hma alawm. Morning walk ka nei lawk ang e, thahrui tam tawk ka neih a ngai si a"

"Um.."

"Ka nupui té reuh hi, a va sexy tak em!" Ka hmuiah a rawn fâwp leh a, kei pawh chuan meng chuang lovin ka lo chhâng lét ve tho a, room atanga a chhuah lai pawh ka hre mang lo nia.

Ka mut a tui ngang a ni ang, Rsa morning walk rawn haw, shower-a a intleuh hnua ka bula a rawn inthawlh hnuah chiah ka harh nia.

"Ka nupui té hi, nizan lamah a châu lutuk a ni maw?" a rawn ti sar sar a.

"I châu ve lo em ni?"

"Cháu nang aw, khatiang mai maia ka chauh te'n"

"Ka mal a rawl vek ania"

"Ka tidam thiam alawm"

"Ninhlei chhuah suh, tho tawh ang" Ka âwm a rawn zùt leh zai zai tawh.

"Vawiinah i kuttin tan ang che"

"Ngati nge a?!"

"Ka hnung hi vun himdam lai a awm ka ring lo e a"

"A ni maw? Ka lo en chhin"

A lo ni tak tak, ka hamna a lo inrín riak ruak mai.

"A na em?"

"Kan thiltih nena khaikhin chuan na lo tawp"

"A sei vak lo asin le"

"Glove bun tawh la"

"Sual viau suh, tho ang"

"Ka rawn mu ve chiah a?"

"Nih leh, ka thawhsan dawn che"

Ka thawh hmain min kuahbet leh rih a, ka hmuiah fâwp lehin ka hnute chu a ţhâm leh țâwk a.

"A naaaa..misualpa. A pilh ngei ngei ang"

"Ka tidam thiam"

Ka tho lui ta tho a, ruak vek ka nih avang chuan bathrobe ka ban vat a.

"Bathrobe tel lo khan i sexy fé zawk" inbengkãngin min lo thlír reng a.

Lei chhuahkhum zohin bathroom-ah ka lut nghal a, zíng thawhhlima ka hlim ber țum a la ni hial ang.

Ka pu chu niléngin Faktei nen kan awmpui leh a, a chângin Nu Sangi a lo tel ve țhin bawk a, fiamthu thawhin kan nui dar dar a.

Hun ka neih veleh kan room-ah chhoin ka thawmhnaw dahna chu ka hawng a, ka thawmhnaw hluiho chu ka phawrhchhuak a, ka'n ha chhin a, hak theih abar pawh ka lo nei tawh lo. Khang hun lai kha chuan ka chér ve deuh bawk a, tunah chuan ka lo khal ve ta deuh nen, a âwm ve tho. Ka pu kawr min leisak kha mar deuh hlekin ka ha thei hrâm, ka lung a tiléng reuh lutuk.

Zanriah chawhmehah chuan bai 'cial' tâwk ka siam a, ka pu pawhin dawhkân a rawn kìl ve hrâm. Mahse kan khawngaih a, rei lo te tak tak chauh kan kíltír. A changkang sâwt a tih thu Rsa chuan a sawi sup a, kei erawh chuan chuti ema a changkân ka hre lo.

Ni khat chu a rawn haw hma leh deuh  a. A ngaihna hre lo deuh hian ka lo en reng a.

"Ka hmelțha tih chu ka hre ve ania"

Ka lo ner khum a.

"I lo haw hma hi mak ka ti a"

"Insiam rawh le"

"Eng nge kan tih dawn?"

"Ka thu awih la"

"Khawiah nge tih tal chu sawi ve la"

"Khawiah emaw nuam deuhah"

Ringhlel ru deuh chungin ka insiam ta tho a,kawr fual,sìn te tea pâr,simple deuh ka ha a, chapal simple deuh ka bun bawk a, ka sam erawh thlah tura min duh țhin avangin ka thlah mâwl tawp a.

Car-ah kan lùt a, kan kalna tur chu ka záwt tak nain a sawi țha duh der lo.

"Thuruk ania"

Ka mit chu scarf-in min tuamsak a, engmah ka hmu thei lo. He pa hi min kidnap a tum chu a ni em lo ang chu maw..

Minit 20 hnu velahah kan ding ta a, car atanga min hruaichhuakin a kutin min kâi a, engmah ka hmu thei si lo,ni sa deuh erawh ka feel thei,inchhung a ni lo phawt tihna.

Ka mit tuamna chu min phelhsak ta a, ka mit a vâi. Ka men fiah theih hnu chuan ka áu chúl mai.

Phúl hmun mawi em em mai, niin a rawn chhun éng sar hmun niin tuna kan dinna hi chu a sâng deuh hlek. Thing a ding sung bawk a, tuna kan awmna takah hi chuan pahnih chauh a ding. Thing buk, tâwi deuh,țâwi liai erawh a awm nual. A nuam a ni tawp mai.

"Ka lawm e"  Lawmthu sawi loh theih a ni lo. Ka kuaikun a, ka fâwp vang vang a.

 Kan piah lawka a car park ațang chuan  ka hla duh tâwp theih loh 'Perfect' ngei mai chu a rawn ri riai riai bawk a, kan awmna hmun leh boruakin a zir bawk a, ka hmulthi a ding sung sungin ka hria, ka mittui a tla lo chauh.

"Ka lâwmdan hi...sawi ngaihna pawh ka hre lo"

"Ka tisual lo tih ka hrechiang e"

 Ka chalah a fawp zoh a. Car lam panin nghalin car atang chuan mat, phúla phah tur a rawn la a,thing buk hnuaiah chuan phahin min rawn pan leh a, thingțhiin ka chapal chu min phelhsak leh thlap a,min phelhsak hnuah amah pawh chuan a pheikhawk bun lai chu a hlip ve nghal bawk a. Ke lâwngin phulah chuan min kâi phei a,Ed Sheeran zâi nen chuan kan awmdan chu a inhmeh ngawih ngawih ka ti.





RUATSANGA - 24  By Dingdi Pachuau

Ka rilru hi a hlim ngawih ngawih a ni. Ed Sheeran zai leh kan boruak romantic zet chu a inhmeh ka ti lutuk a,tun ang renga ka hlim hi ka la hre lo.

Mat a phahah chuan kan mu diai a, thing hlim hnuaiah chuan inhaw lo zetin kan nui a, ka kham atan a bân a rawn phar a, kei pawhin rang zetin ka lo kham nghal a.

"Ka awih thei lo zawk hial a ni"

"Eng chu maw?"

"Helai hmun nuam lutuka min hruai hi"

"Nuam i tih ka ring réng a"

"A nuam lutuk, i hla play lah ka hla duh ber a la ni zui"

"Ka hria asin"

"Engtin nge i hriat a?"

"Chu zawng a pawimawh love, ka hriat châk ber ka zâwt thei che 'ngem?"

"Min zâwt la"

Ka lam rawn hawi pahin,"Min chhuahsan ațanga restaurant-a kan inhmuh leh hma chiah hun zawng kha, i hun hman dan ka hre duh a ni"a ti sap sap a.

Ngawiin ka maimichhíng ta vang vang a, ka mitthlaah chuan Rsa ka chhuahsan hnua ka hun hman chhoh dan chu a rawn lang zut zut a.

Lily-te in ka chhuahsan hnu khan Aizawlah a nuteite ka va pan ve chawt a,hei hi Lily min ruahmansak  a ni. An fel khawp mai, mahse awmrei ka tum lo hrim hrim a. Hostel-a awm emaw in luah emaw ka tum a ni.

In ruak, lian lo deuh mai ka hmu a,mahse ka tân chuan a tâwk viau. Hei in hi newspaper advertisement atanga ka hmuh a ni. In neitute an fel a, bungrua engkim mamawh tur ang chu a awmsa deuh vek a ni mai. Ka vannei ka ti hle a, luah man pawh a sâng lém lo, a zím deuh avangin.  Ka phone miin min ruksak avangin Lily ka be pawh thei ta lova,pawi ka ti khawp mai. Mahse Rsa chungchang ka hre lo ang a, ka rilru natna leh lunglenna pawh a zia deuh thei zawk ang tiin rilru ka siam a. Ka pum a puar len ve tawh avangin  naute ka buaipui hmasak ber a túl a, naute hi țha takin ka nei phawt ang a,chumi hnuah thil dang ka ngaihtuah ve chauh ang.

Ina ka hnathawh theih chi hrang hrangah inhlawhna ka zawng a,kuhva rah thel leh mei zial te,eng eng emaw ka ti nual mai. Pawisa chu ka nei ve nual alawm,mahse ren taka ka hman a ngai, naute nei mai tur ka ni si a, ka hmalam hunah pawisa ka thawk chhuak leh thei lawk rih dawn lo tih ka hriat reng a ngai.

Housemaid-a ka hlawhchhuah leh Pu ber cheque min pékah khan ka innghat pumhlum țhak a nih chuan ka hmangzo chak lutuk ang. Nitina mei zial leh kuhva rah ka thel atang chuan ka ei tur chu ka hmu ve mai a, chubâkah ka in luahnate chuan min lo khawngaih a, ka tihtheih tâwk tur hnâ min siamsak a, in luah man pawh ka thawk chhuak ve mai. Ka rilruin thil țha lo lam ka ngaihtuah vak vak duh lo va,mahse ka țap ru ngun viau tho. Rilru hlim taka put hram hram chu ka tum ve reng,a chhan chu ka naute hian a tuar ang tih ka hlau a ni, țha taka neih ka duh ve tho si a.

Ka neih dawn hnaih lamah phei chuan inchung nu ber chuan min buaipui thei hle a,hna hahthlak thawk lovin,ka taksa hah lêm lo mahse, ka rilru natna leh ka hlim loh hle ţhin avangin min tihhlim a tum ve hle țhin. Ka hrisel loh phah lutuk lo nângin neih dawn hnâiah ka damlo a, damdawi ei ka hreh bawk si, nautein a huat ka hlau si nen, damdawi inah ka lut zak zak a, ka rilru hrehawm theihzia chu..tawn nawn leh hi ka hlâu ngawih ngawih.

Doctor pawhin min ngaihven țhin hle. Nau ka neih a hnâi ve tawh bawk si a,kei lah ka hrisel lo chho bawk nen,ka naute ka chân mai ang tihte ka hlau ru hle țhin.

Ka inluahna neitu Nu Mawii chu a fel hle țhin. A chhan chu engkimah ka râwn niin min buaipui peih bawk a, a fanu ang maiin min en țhin niin ka hria. Hrehawmna leh manganna ka tawh laiin min khawngaihtu ka tawng țhin hi vannei ka inti takzet țhin a ni.

Ka hrisél loh tâk em avangin Nu Mawii chungah ka innghat tawp ta mai. Naute pawh a la țha zel chu an ti a,naute tana hlauhawm tur damdawi reng reng chu ka ei lo tawp a, mahse ka hrisél lo em em si. Lily ka ngâi, ka bulah awm se, min hnêm se, ka dam deuh mahna.

Nau nei tur chuan damdawi inah ka lùt ve ta ngei a, míte chu an pasal, chhung leh khatte leh unauten an awmpui a, kei ve chu...

Nau chu ka nei ve ta ngei a,ka vei rei asin. Mahse ka châu lutuk, ka lu a hai, ka mit a rawn thim. Engmah ka hre ta lo.

Ni khua ka hriat leh meuh chuan ka naute chu ka lo chân tawh a lo ni. Ka rilru nâ, hrehawm ti bawk si chuan engmah ka ei thei lova,ka buai nuai nuai a ni mai. Ka naute hmel takngial pawh ka hmu hman lo chu hrehawm ka ti ngawih ngawih a, ka inthiam thei lo. Keima thiltihsual ka nautein a tuar chu hrehawm ka ti ngawih ngawih a ni.

Damdawi ina rei angreng deuh ka awm hnu chuan damțha ve deuh takin ka chhuak a, ka hun hman dan chu khawvelah hian hrehawm ka ti a ni. Naute, ka hmuh châk leh amah avanga hrehawm ka tawrh ve țâng ţângna chuan engmah rah a chhuahpui ta si lo va,Rsa kha lo chhuahsan lo ila, hetiang hi naute chungah khan a thleng kher ang em? Hrehawm kha lo tuar ve hrâm hrâm tur ka ni asin le, naute tân tal pawh. Keimah ka lo indah hmasa lutuk kha ka indem, awmzia a awm tawh si lo.

Nu Mawii'n min buaipui vek,ka tân chuan nu dik tak a ni. Hei bâk bâk chu min hringtunu dik tak pawh khan a ti bík lo ang, ka tãn chuan a hlu em em a ni.

Naute enkawl tur ber a awm loh tâkah chuan ka rilru siamtharin, theih ang anga inhlawhchho lehin college-ah admission ka ti ve a. Regular tak erawh chuan class ka kal lo, mahse  ka tum ve ém a, țha takin ka pass ve chho zel mai. Nu Mawii'n inhlawhna tur min siamsak țhin a, keimah ka inchãwm zo ve reng mai. College kal pahin, pawisa ka thawkchhuak a, damdawi ina ka awmnaah khan pawisa ka hmang nasa deuh hlek bawk nen, ei leh in lam ka uar fahran lo va, thawmhnaw pawh ka mamawh bâk ka nei lo. Pawisa thawkchhuakin dahțhat char char ka duh, keimah ka inren thiam leh ka tân a țha.

Mite'n min lo khawngaih a, inhlawhna ka hmu thei hle. Pathianin min ensan lova, min khawngaihtu min pe zel mai, ka țawngţai nasat phah bawk.

Nau ka neih hnu khan ka chér viau a, mahse exer lâk lamah ka ramțang ta daih. Khal ve deuh hlek ka duh avangin phone ka lei a,youtube atangin exer ka lak dan tur ka en țhin. Ei tur ka ei țha a, ka taksa pawhin a ngeih khawp mai.

College ka chhuah hma hauh atangin Nu Mawii nau, private school țha deuh neitu hnenah ka inhlawh țhin a,  naupang bula chén hi nuam ka tih avangin min duh a ni réng a. College ka chhuah hnuah pawh ka thawh zawm ta zel. Naupang bula ka awm chuan ka rilru natna leh hrehawm ka tih țhinte kha ka theihnghilh ve țhin a ni. Mahse ka naute kha hriatchhuah châng ka nei ziah, naute ka hmuh apiangin. La dam ve ta se, eng anga lian nge a nih tawh ang tih thlengin ka ngaihtuah țhin.

Tunah chuan hmeichhe intodelh ka ni ve ta a, pawisa pawh ka hman khawp chu ka thawkchhuakin ka duh ang ang pawh ka lei ve thei ta. Mipa lam erawh ka melh ngai miah lo, Rsa ka hmangaih a, ka rilru zawng zawng ka pe vek tawh a, midang tan rilru ka nei thei tawh lo. Ani chuan min hmangaih ve lo mahse ka hmangaihna pék kha ka la lét thei tawh lo.

Lunglei lam chanchin ka ngaihtuah ngâi miah lova, khawlaiah ka inlâr ngai lem lo bawk. Sikula ka thawhna lah Aizawl hmun laili lai a lo ni lo bawk nen, khawvel chanchin hi ka hre lo takzet. Phone ka neih hnuah erawh ka beng a vár ta deuh.

Lily phone no, neih dan tur ka ngaihtuah char char a,a nuteite kha ka zawt tawp mai ang. Mahse hmuh leh ka hreh tawh tawp mai, an ina ka va kal laiin an lo awm lo hlauh mai a, beidawng takin ka haw leh, pawisa séng meuh meuhin ka kal ve a,ho ka ti ngei mai.

Rsa pawh hi vawikhat na reng reng chu ka hmuh leh a ngai. Mumal takin kan ințhen lo a, ka chhuahsan tawp a ni mai a, vawikhat tal hrilhfiah pawh a phu ve alawm, a inhrechhuak thei ve mahna. Mahse ka intihpaukhauh hle chu a ngai ngei ang.

A biakpawh theihna tur chu ka zawng a, thil kan duha kan zawn kan zawn chuan kan nei nge nge țhin, Rsa number pawh ka nei ta ngei mai, mahse biak ka huphurh. Ka rilru hi a la danglam lo bawk si a, a țawngri ka hriat leh pawhin ka danglam zo leh vek âwm si a.

Ka be ta ngei, mahse ka incontrol nasa asin. Țha tak chuan rei lo te ka bia a, inhmuh ka duh thu la hrilh. Ka biak zawh chuan ka țang nasa lutuk ka kut ka lo hum khawng vek lo chauh. He pa hian huhâng a nei nasa mai si a, ka hmuh hunah ka buai mai ang tih pawh ka hlâu.

Nu Mawii hnenah Lunglei ka phei a ngaih thute chu ka hrilh ve luam a, sikula ka thawhna Principal ka hrilh bawk.

Lunglei ka hmu leh zet chu ka lung a lêng thar takzet. Ka mitthlaah Rsate an lo lang uar uar mai a,serkawn kan tlânpelh laite phei chuan ka hmu mai dawnin ka hre tlat, ka scarf ken laiin ka lu ka tuam țha sauh sauh a, ka hmai pawh a theih ang angin ka khuh hram hram a.

Lily te ina innghah mai ka duh viau laiin tihbuai loh mai ka thlang zawk. Min ngei ngawt ang chu, kan inbe lo rei tawh si a, mahse ka phone a bo vâng ania, tihtheih ka nei hleinem.

Ka chanchin ka sawi lai chuan ngun takin min lo en reng tih ka hria. Kei erawh chu ka maimichhíng daih thung.

"Keimah vanga i tawrhna zawng zawng chu tuamdam che ka duh a ni"

A kut chuan ka hmai a rawn chúl a, kei pawh ka mengchhuak ve ta. Hnâi zetah min en a, a mitmengah chuan min duatna a langchhuak chiang hle.

"Tunah chuan ka dam tawh hle asin"

"Ka tawrhtír zawng zawngah che khan ka inhaw hle a ni"

"Thil kal tawh a ni alawm, theihnghilh daih ang aw"

"Mahse, ka thei lovang. Hlimna famkim erawh pêk lét che ka duh"

"Min pe tawh reng alawm, ka hlim em em tawh asin"

A hmai chu ka chúlsak ve a, chiang zetin kan inen dun a,he pa hi ka hmangaih takzet a ni, ka thinlung hi a hlim a, hlimna min pék ang hi tumahin min pe thei lo tih ka hrechiang.

"Ka hmangaih che"

Ka sawi tum pawh a ni miah lo, mahse ka ká atangin a chhuak miau si, ka la lét thei tawh lo.

Duat takin min kuah vawng vawng a, kei pawhin ka kuah lét ve nghal.

"Ka lawm e"

"Engvangin maw?" Ka hrethiam lo takzet.

"Min hmangaih avangin. Ka damchhuahna chhan pawh i hmangaihna vang chauh a ni"

Ka hrethiam lo telh telh mai. Hrethiam lo zet hian ka en rân a.

"Ka accident tih kha chu i hre tawhin ka ring a"

'Aw' tih nan ka lo bu nghat a.

"Lily khan, min chhuahsan hnua ka va hmuhin nang hian min hmangaih tih a sawi a, ka accident pawh khan damna chance ka tân a awm lo tluk a ni. Mahse, thih ka tum lo hrim hrim, min hmangaihna kha ka chakna, ka nunna chelhtu a ni. Lo thi ta ila, hrehawm i tih dan tur leh i tawrhdan tur ka ngaihtuah a, Pathian hnenah damna ka dil hial a ni"

"Engvangin nge i accident a?"

"Aizawlah i awm tih ka hria, Lily hi ka zawt ziah țhin a ni. I awmna ka hre ta kha, car-in ka rawn chhuak a, ka vanduai ta a ni. Damdawi inah ka awm rei asin,hmunpui lamah in-checkup turin ka kal zing viau bawk. Keimah pawhin ka inbuaipui thei lo a ni si a, ka rawn zawngchhuak thei lo ta che a ni. Ka pu a lo damlo ve lehzel bawk nen, ka rilru a hah țhin asin. Mahse, min hném deuh thintu chu min hmangaihna bawk kha a ni, ka pu lah chuan i rawn lét leh ang a, i enkawl dawn tih min hrilh ziah bawk a, ka beisei ngam tawh loh thil ni mahse a ni lo lamin ka chhâng ngai lo. A beiseina tihchhiatsak kha ka duh lo a ni"

"Hei hi i accident-na ser a ni tiraw?" Tiin a beka ser awm chu ka chúl riak riak a.

"Aw"

"A na em?"

"Min chhuahsan kha nâ ka ti zawk"

"I thi ang tih ka hlau"

"Ka thi dawn lo, thihnain min pawh luih pawh tum mahse min hmangaihna hian i lamah min kâi lét zèl ang"

"I accident chhan kha keimah vang a ni bawk si a, lo thi ta la, hrehawm ka ti dawn lutuk"

A âwmah ka hmai ka phùm tlat a, a accident-naah khan lo thi ta se, engtin nge kei hi ka awm ang,? Nâ ka va ti dawn em!

"Kan chunga thil lo thleng tur chhiatna hi chu kan dang thei lo nângin i tel lo chuan khawiah mah ka kal dawn lo, chuan Pathianin ka thih a phal lo bawk ang, min hmangaihtu hi min laksak phal ka ring lo bawk, i bula awm ka duh reng bawk"

"Kei pawh khawiah mah ka kalsan tawh dawn lo che"

Kan infáwp vawng vawng a, ka hlim em avang chuan ka mittui a hnâm sawk a,Rsa chuan duat takin min fawh hulsak a.

"Honey, ka kaltir tawh dawn lo che, chuan i mittui hmuh hi ka duh lo bawk"

"Hei te chu hlimna mittui a nih hi, ka hlim em a ni"

Inkuahin kan mu vang vang a, cartape-a zái lo ri vang vang nen, kan awmdan hi ka duhthusam a ni takmeuh a ni.

"Kan naute kha dam ta se, a lian ve tawh ngawt ang tiraw?"

"Honey, kha lam kha chu sawi lo rih ang, i rilru i tina thar leh tur hi ka duh lo"

"Ka tihpalh, mahse amah vànga hrehawm ka tawrh zawng zawng kha ka ngaihtuah hi chuan dam a phù hliah hliah ka ti a"

"A dik, kan chan loh turah Khuanuin a ruatah ngai ang, kan dam ang a,țha deuh deuh nangmah ang deuh deuh kan nei em em ang"

"Nangmah ang se ka duh zawk"

"Nangmah anga ngainatawm ni se ka duh alawm"

"Nangmah anga hmeltha leh pian nalh leh pute hmangaih leh zei ni se ka duh thung"

A nui huk huk a.

"An zei viau chuan i buaipui leh si ang e?"

"Ni leh bawk si, zei lutuk lo se a ni mai"

Kan titi chu a naupang chhia khawp mai. Mahse nuam ka ti leh tlat, chuan Rsa, hetianga a titi ve siam siam hi inhmeh lo hle mahse ngaihthlak nuam ka ti a, kan inpawh lehzualin ka hre țhin.

"Kan haw tawh dawn em ni ang?"

"A la hma alawm"

"Midangte'n min lo ngaihtuah ang, ka pu lah kan chhuahsan daih bawk si a?"

"Ka pu nen kan remruat alawm"

"Tak tak maw?!!"

"Ni e, ka pu hian chhuah che hi a tum lo bur tih i hre miah nange?"

"Hre miah lo"

"Min chhuahsan hnu khan min háu nasa ania, ka thiam loh hul hual anih avangin ka chhâng lét ngai lo. Umzui tur chein min tur nasa a, mahse kei chuan i awmna ka hriat loh bâkah i thinrim dawn si a, i thinrimna tihbelhchhah kha ka duh lo bawk. Kha kha a hrethiam si lova, a hmaa min hâuna 'mi pangngai rilru pu ve teh' min tih kha i la hria em? Kha tawngkam hmang chiah khan min hâu țhin. Khatia ka pu min hauna țhin țawngkama min han hâu kha, ka thin a rawn sa phat mai a, ka incontrol thei lo teuh hle asin"

"Ka lo hre lo a nih chu, ka tihpalh"

"Tihpalh tih tawngkam hi ka bulah hmang tawh suh aw, hmang tur zawk ka ni si a"

"Aw le, hmang lo ve ve mai ila"

Kan haw meuh chuan a tlâi tawh angreng. Kan haw hmain thla kan la nual, ni khawthlang lama a lism tur, êng sur mai chu a mawi em a, thla la dun loa liamtir ka phal ngang lo a ni.

Kan haw chuan ka pu room kan pan nghal a,lawmthu sawi ka duh hrim hrim bawk. An putu chungah hian ka lãwm hle si a.

"Bawihi, nuam i ti meuh em?" Kan luh veleh chuan a lo ti var a.

"Ka pu, ka lawm e aw, nuam ka ti lutuk ringawt"

"Bawiha ruahmanna vek kha alawm"

"Ani chungah pawh ka lawm lutuk, ka pu, lawmthu sawi ngaihna ka hre lo, in putu chungah hian ka lawm takzet"

"Nuam i tih chuan a lawmawm a nih chu"

Rsa chu a lo inrawlh ve a,"Ka pu, a hlim lutuk a, a nui reng mai a ni.  I damțhat hunah kan fate nen kan kalho ang chu tiraw?" a lo ti ve a.

"Tehreng mai, ka chak sáwt teh ania, in fate nen kan la kalho khawp ang, mahse țan in lak deuh chu a ngai dawn a nih hi. In neih thuai loh chuan kan pathuma kan kal a ngaih hmel si a"

Ka sen leh nasa khawp ang. An putu hi an innél a,an infiam nasa bawk. Mahse hetiang lam an sawi hi  chuan lo sawi ve tur a vâng ka ti.

"Ka pu, lungngai miah suh, țan kan la nasa tawh ania" Rsa chuan a lo ti lehnghal a, ka melh lui vak a, ka nui duh miah lo bawk a.

"Eng nge? A dik reng kha, shower hnuaiah pawh..."

"Ka pu, damdawi i ei tawh em?"

Hetianga thudang ka sawi loh chuan he pa hian nuam a ti tulh tulh dawn tlat.

[Zanin chu ka tlâi. Net țha lo leh buaina tam tak ka nei nén, min hrethiam ru. Vawiin lamah nisa hnuaiah ka lâm nasa bawk nen, ka châu lutuk, chhiar tuiin mut tui vek u]



RUATSANGA - 25 By  Dingdi Pachuau

Zanriah kan pahnih chauha kan kíl hnuah chuan,"Khatiang kha ka pu bulah sawi tawh miah suh" ka ti sap a.

"Eng chu maw?"

Thil hriat loh der lah hi a thiam ropui.

"I hriat reng kha"

"Ka hre lo"

"Shower tih vel kha..."

"Engmah ka sawi hman loh kha"

"Sawi i tum a, thildang ka lo sawi hnan daih che a nih kha aw"

"I zak mi?"

"Aw.."

"Nupui zakzum deuh ka nei tih hi ka theihnghilh lek lek țhin"

"Min theihnghilh lek lek țhin maw?" Kei pawhin hriatthiam loh der te chu ka thiam ve tho alawm.

"Ni lo, i zakzum lutuk tih hi mawle"

Ka thil ei lai chu min en vang vang a,"Ei țeuh țeuh rawh, chakna i mamawh ania" a ti sup a.

"Engah maw?"

"Țan lâk kan ngaih kha"

Ka ngaihtuah chhuah hnu chuan ka sen leh țâwn țâwn ang chu. Min tihzah hi chu a thiam ve ngawt mai.

"Ka chak ve bawk e"

"Khati lek ei kha chuan  chak a har âwm em mai. Naktuk zíng atang chuan ka rualin ka kâitho tawh ang che a, kan tlân dun tawh ang"

"Min kaihthawh theih phawt chuan"

"Chiah?"

"Aw, ka tiam e"

Zanah chuan TV room-ah kan awm dun a, țhutnaah pawh țhu peih lovin chhuatah mat kan phah a,thutthleng ngheng chuan kan țhu a, hmuhnawm ka tih em em țhin The Mentalist chu kan en a.

"A changtupa hi ka va duh tak!"

"A khawi lai ber maw?"

"A vaiin"

"Mi ang lo a ang țhín ka ti"

"Awiawm loh e, Gerrard nen an inang ka ti deuh țhin a"

"Gerrard chu i duh ami?"

"Aw, Liverpool FC ka țan țhin chhan pawh a ni"

"A chhuahsan daih tawh si a?"

"Chu pawh ni se, ka țan tho tho"

"Nang té hi...?"

"Eng nge? Football khêl chu a hmuhnawm alawm"

"Ka rin ang i ni miah lo"

"Chu, infiamna lam ngaina miah lo hmuhin maw min lo hmuh a?"

"Ni chuang lo"

"A nih chiah chu"

"I inhmeh lo"

"Ka pa chuan Man United a țan ber a, Lily ve thung chuan Chelsea a țan thung a"

"I pa sawi tâkah chuan, tlawh ve la"

Ka en hâ a, ani pawh chuan min lo en chhuk ve rân a. Rei en lova ka mit lâksawn pahin," A dam țha ang chu a" ka ti ringawt a.

"Chùngte chu i tlawh chuan i hre thei mai ang chu"

"Nia.... a hmanhmawhthlâk loh"

Min kuah pahin," I hmu hreh anih chuan a pawi lo. Mahse, vawikhat tal chu tlawh la, ka hruai dawn che alawm" a ti sap sap a.

"Um, nia"

Kan ngawih vang vang hnu chuan," Thil pakhat ka zawt thei che ang em?"ka ti ve thung a.

"Min zawt la"

"I accident lâi vel khan i paten an rawn kan ve che em?" Ka zâwt hreh viau nain thil pawi viau turah ka ngai lo deuh.

"Ka hre lo"

"Kan lo tihna em ni?"

"Ka hre lo tak tak"

A mitmenga rilru natna ka hmuh chuan ka kuah lo thei lo. Nia, natna khuma thi lek leka  a awm pawhin a pain a rawn kan lo a nih chuan a rilru chu a na viau ang.

"Ka tihpalh aw"

Min kuah lét nghal a.

"Ka bula i awm chuan tumah ka mamawh lo"

"Ka lâwm e"

"Chu âia thui deuh sawi tal la"

"Eng lam maw?"

"Hriat nuam lehzual tur"

"Ka hmangaih che, ka kalsan tawh lovang che"

Ka thil sawi vang chuan fawh vawng vawng ka hlawh. Ka pasal hian hmangaihtu neih a phu a ni. A thil lo paltlang tawhte ka ngaihtuah hian kan chan hi a inang riau ka ti țhin a, keiin hmangaih tak taka ka hmangaih loh chuan tuin nge hmangaih nia a inhriat ang le?

"Kalbo leh tur hian siam che ka tum tawh lo hrim hrim"

"Tak tak?"

"Han tum leh chiah la"

"Ka duh tawh lo, i bulah lo chuan thlamuanna ka hmu lo"

"Room-ah chho tawh ang, TV pawh i en tak tak hman chuang si lova?"

"Min be zel a nih kha"

"I bula ka awm ve reng laia kei aia thildang i ngaihtuah hi ka duh lo a ni"

"Um, nih, ka tlâwm e"

Kan chhoh hmain ka pu room-ah kan lùt leh phawt a, mahse a mut tui em avang leh a ngaihtuahawm lém loh avangin kan chhohsan a.

Nupa nun hlimna kan chen hnuah ka chala fawpin," Tui deuhin aw, naktukah ka kâitho dawn si che a" a ti sup a. Ka châu, mutthilh chhuak bawk si chuan a âwm nghéng chialin," Nang pawh le"ka ti sep a, ka mumangin a zawm deuh nghal a ni mai.

Zingah chuan min kâitho tak tak. Ka tho peih lo kher mai, mut luih ka'n tum ngial a, a theih thlâwt loh. Min muttìr a tum hlawl lo tih ka hriat hnuah ka  tho ve hrâm a,nui suk suk chungin bathroom-ah min nam lut a.

Ka rin aiin nuam ka ti leh si. Mi pawh an lo tlân ve nual a, hmelhriat erawh ka nei lo khawp mai. Rsa erawh chuan a hre hlawm khawp a, a be deuh zel mai.

Zìngah min kâitho ve ta ziah a, a gym-ah kan awm loh leh kan tlân a, nasa tak erawh chuan ka tih a phal miah lo thung.

Zan khat chu ka pu room-a kan awm laiin ka pu chuan," Bawiha, naktukah i nau Champhâi ami a lo zin dawn a, lo welcome țha ru aw" a ti a.

Makti deuhin Rsa chu ka en a, unau a lo nei reng a nih chu. Ka lâwmpui viau rualin a rilru chu ka hre châk hle bawk a.

"Unau ka nei tih ka lo hre miah lo"

A aw ațang chuan demna awka ri ka hre thei. Nia, tunah unau a nei tih a hre ve chiah a, a tân chuan a mak viau rualin awih a harsa ang a, engtianga lo welcome tur nge tih chu hriat a har khawp ang le.

Mutnaah chuan che miah lovin a mu vang vang a, a ngaihtuahnaah chuan a nau lo thleng tur hlir chu a awm ka ring deuh ringawt a.

"I nau chu ka hmu chãk tawh e, in inang ang em le?"

Min chhâng miah lo. A awm ngai rengin a la awm.

Ka biak buai loh a țhat ka ring ta zawk. A puin a hmain a lo hrilh lâwk pawh a ni si lova, a hre thut deuh bawk nen, mak a ti ve a ni ngei ang.

Amah si chét chuan ka mu a,mut erawh a chhuak em em rih lo. Titipui ka duh asin le.

"Unau ka nei lo"

Teh tawp chuan. Unau a nei tih chu pawm harsa a ti a nih ngei hi.

"Mahse, ka pu khan a sawi miau si a"

"Thil theih loh a ni. Nu leh pa ka nei lo va, unau khawi ami nge ka neih tehlul ang?"

Hei hi a thulãk dan a ni, engtin nge ka hrilhfiah ang le?

A kut chùlsak hauh hauh pahin," I tân chuan hriatthiam a har ngawt ang tih ka ring, i pa fa ngei a ni dawn a,lo welcome a har deuh i tih pawhin ka awm reng ania" ka ti ringawt a.

"Pa ka nei lo, pi leh pu chiah ka nei. Chuan, nupui sexy deuh ka nei leh bawk"

Ka lam hawiin a rawn inlet a,"Tunah chuan ka nupui bâk min hmangaihtu pawh ka nei ta lo, ka pu pawh hian min hmangaih tak takin ka hre tawh lo hial mai" a ti sup sup a.

Ka awmah ka pawmbet tlat a, a rilru puthmang hi ka dem reng reng lo. A tet lai  chhung zawng, nu leh pa a mamawh ngawih ngawih laia, a nu leh pa tia a hriat vete khan an enkawl tlat lo alawm. A len hnuah lah an rehsan vang vang bawk si.

"Ni e, keiman ka hmangaih em em che a, chuan i pu pawhin a hmangaih che. Nau i neih thu a hrilh loh che avang ringawt hian a hmangaih ta lo che tihna a ni lo va,  hmangaih takin a enkawl puitling che a, chuvangin ka pu hi kei chuan ka hmangaih bawk a ni. Lo enkawl seiliantu che hian a hmangaih em em che tih ka hria a, a tu dang, i unaute hmel hmuh pawh a phùr hlein ka ring. Mal taka i awm hi a khawngaih che a, i nau, i pa atanga i thisen zawmpui ngei mai hmuhtir che hi a nghâkhlel hlein ka ring a ni"

"Mahse, ka nghâkhlel ve hleinem"

"A pawi lo, ka awm ka tih kha"

A pute'n amah chauhin an lo enkawl chho a, a pi leh pu hmangaihna kha amah hian a pumbilh vek a, midang an rawn lang tur hi a nghâkhlel lém lo a ni chiang, a puin amah aiin a lo ngaihsak a hlau a ni ngat mai.

"Ka pu chu putar mai a ni tawh a, a hmangaih em che avangin a chungah eng pawh lo thleng se, mal taka i awm a duh loh vang maiin hetiang thil hi ti a ni, a ngaihtuah em em vang che a ni"

"Mal takin ka awm lo, nangmah ka nei tawh che a, midang ka mamawh tawh hleinem"

"Ka hmangaih che"

Rilru fim tak pua ka hrilhfiah loh chuan eng pawh lo thleng thei a ni, kei chuan a nau chu țha takin lo lãwm se, mal tak leh khawhar taka awm lo hian chhungte, unau a nei tih hi pawm se ka duh. A pu rilru pawh chu chu a nih ve tho ka rin avanga  ţan lui hram hram ka ni.

"Ka puin kei âiin lo hmangaih ta se?"

A rilru a sawichhuak ta chiah e. A hmasial vangah ka puhsak thei lo. A pu, a hmangaih em em thinlung hi a nau,a la hmuh ngai loh leh a la hriat ngai loh hian a rùksak a hlâu hi a demawm miah lo. Mahse, kei chuan he a thil hlauhthawn hi a thlen ka ring hlawl lo thung.

"Hlâuthawng miah suh, i pu hian a hmangaihzia che ka hria alawm. I nau pawh chu a hmangaih tho ang, a chhan chu a tu a ni miau a, chutah i nau, i thisen zawmpui a ni lehnghal a, in pahnihin inpawh leh innéla inhmangaih tawn turin a duh hle ang tih ka hre bawk a ni"

"Chuan, kei pawhin i nau a nih angin lo pawm thei la ka duh hle bawk. Unau neih pawh i châk lo'm ni? Kei chu ka lo phúr em em asin"

"Ka hre lo"

Kan titi rei avangin kan muhìl har viau mai a, zíngah pawh ka thawh khalh zawk. Ka kâitho duh lo,a duh chen chen mu teh se.

Tlâiah chuan  Rsa chu a lo haw hma ve ngei mai a, ka lâwm ru hle mai. A rilru puthmang tur hre rânin ka lo chiauáu vat a, nidanga a hmél nen chuan a inang lo khawp, rilru kap deuhtu a nei tih a hriat.

Kan kawta sumo a rawn din dat tâkah chuan Rsa chu ka melh a, a hmel atang chuan a nervous a ni tih ka hria, inhmeh lo ka ti lutuk tlat. Ani ang mipa, pâ ve tak tan chuan nervous chu a inhmeh hlawl lo.

A kutah ka chelhsak vat a, a lo la vâwt thlur zui, rang zetin min rawn en chhuk vat a, ka lo nuihsak a. Ka kut chu a húm nghet kher mai.

Sumo atang chuan nula sâng zeih zawih, ngo vang mai a lo chhuak a. A sam chu a ngìl hle a,a buang lek lek emaw tih tur a ni. A chhiat loh hmel kher mai, a u a chhùn a ni chiang.

Pawnah chhuakin  ka lo chiauáu vat a, Rsa erawh a ngâwi reng thung.

Hmaichhanah phei chuan  a hmeltha hle mai. Rsa nen pawh an inang viau ka ti, an sam a ngìl dun hle a,an hleitling dun viau bawk.

"I lo thleng thei maw? I châu em? Kan lo nghâkhlel tawh lutuk che a"

Nui sâng hian,"Cháu lo ve.Ka u nupui i ni ang maw? Ka hmu che chu ka va lâwm em! I chhiat loh ka ring reng a, mahse hetiang éma chhe lo i nih ka lo ring miah lova"a ti nghal barh barh a.

Hm, a la naupang chhia awm ve hle mai, a taksa len anga kawm chi a ni miah lo, rilru țhansan an tih ang chi hi a nih ngei dawn hi.

Kan inchibai a, Rsa pawh chu a rawn chibai a, chibai mai duhtâwk lo chuan a kuah a.

"Ka hmu châk lutuk che. Ãpa hnenah ka zin loh chuan lehkha ka zir dawn tawh lo ka ti a, a phal hrâm a"

A mittuite chu a tling piau roh a,ka khawngaih roh lutuk.

"Lut ang u le"

Rsa chu a chelh tlat a,ani lah chuan nuam a tih loh hmel lutuk a, ka khawngaih zawk. A lâi em em bawk si, a boruak tawn chu hrethiamin," Engtin nge kan koh ang che le?"ka ti a.

Ani chuan," Lalțanpuii ka nia, mahse 'Ãmpui'tiin min ko țhin a, in duh duh danin min ko mai ru. Chuan, engtin nge ka koh ve ang che?"a ti ve nghal a.

"Dìtei ka nia, 'U Dite'pawh min ti thei, I u hi chu i hre sa tho tawh a. I chhungte an dam tha em?"

"Aw, dam e. Ãpa chuan 'Lo haw thuai rawh 'min ti a, mahse ka haw thuai duh miah lo ang, Lunglei hi a nuam ka tihzawng tak a ni"

In chhung kan luh hnu chuan ka pu room-ah kan lùt dial a. Ãmpuii thawmhnaw chu kan awmpuite chuan a room turah an dah nghal a.

"Ka pu, hei Ãmpuii a lo thleng tawh ania"

"A ni maw, ka tunu?  I châu em?"

Ani chu ka pu mutna bulah chuan a țhu hniam thuai a. Keiin Rsa kut chu ka lo chelh vat a,tunah chuan a hmel pawh a zia deuh ta e.

"Châu lo ve. Âpu, dam thuai thuai rawh aw, infiam dun ka châk ania"

Ka pu chu a hmel atang chuan a hlim tih ka hre thei mai. A tunu a hmu chu a tan damdawi țha tak a nih ka ring nghal bawk.

"I lo thleng tawh bawk a, ka dam sawtin ka hria. Ka dam vat ang a, Lunglei hi ka la fanpui ang che"

"A, ka chãk tawh e, dam thuai thuai rawh aw, ka enkawl ang che. I dam vat mai ang"

An putu chu putu inngâi tak, rei tak inhmu tawh lo ang mai a ni. Ka pu chu ka lawmpui khawp mai, tunu duat taka enkawl theitu tur a hmu ta si a.

Room atang chuan kan chhuahsan a, Rsa bulah chuan," I nau chu eng nge i hmuh dan? " ka ti vat a.

"Engtin vak mah"

"Ni lo, a fel hmel khawp mai ka ti. A ngâi hle che a nih ka ring"

"Ngai viau turin min la hmu ngai hleinem"

"Please, ka ngen che. I nau hian engmah tihsual a nei lo ania, a en dan che pawh a u dik tak angin. Tum hrâm rawh aw, a la át em hi"

"Ka bulah awm tlat la"

"Lutuk"

"Hmeichhiaah chuan  nang lo hi chu ka mamawh lo asin"

A kuta vawnsak pahin,"Ka lawm e. Mahse, i nau a ni a,nang bâk u a nei lo. A awm chhung chu țhatchhuah hrâm rawh aw, ka ngen takzet che a ni" ka ti malh malh a,ka ngén takmeuh tih hria se ka duh a ni.

"Aw le"

"In nupa hi inhmeh ka ti e, in hmeltha dun si" room atanga a lo chhuah lai reng ka hre lo.

"Kan lawm e. E tak a,i ril a țâm em?"

"Ţâm love, kalkawngah ka rawn ei a"

"Lo kal rawh, i room tur ka lo kawhhmuh ang che"

Rsa pawhin min rawn zui zel tho. A țawng lém lo va, ka bulah min si chèt deuhthawin a lo kal ve zel a.

Ãmpuii room hi ka pu room bul hnâi deuh, in hnuaiah a ni a, ka room hlui, saron room kha ka sawi deuh nain Rsa'n a phal tlat lo. 'I room ania, tumahin an luah thei lo ang' a ti tlat a, ka hnial duh bík lo.

A room tura ka luh hnu chuan a țé rai rai a,a hlim hle tih a hriat mai.

"Ka room chu a va nuam em em! Lalfanu ang mai alawm ka nih dawn le! Ka lawm lutuk, ka khum lah a nuam si" tiin khumah chuan a'n let vel a, a che naupang chhia lutuk chu ka lâwm ve tlat.

"I duh takmeuh maw?"

"Duh lutuk ringawt, zingah ka tho thei lovang tih ka hlau zawk"

"E, i duh chen chen i mu dawn nia"

Zanriah kan kil lai chuan a țawng ve barh barh a, ka pu pawh a rawn tho ve hial mai. Rsa erawh a ngáwicháwi hle thung, chuvangin kei pawhin  Ãmpuii titi chu ka lo pui ve a.

"Champhai khi vawikhat chu ka lo kal ve tawh a, a véng awmdan khi mak ka ti lutuk a"

"Nia, mi pawh hian an sawi țhin alawm. Kei chuan 'a cial ve naah ka ngai mai' ka ti țhin"

"A boruak hi chu a nuam ka ti khawp mai"

"Nia, a nuam ve khawp mai. Mahse, kei chu Lunglei hi a nuam dawn khawp mai ka ti"

"A țhat chu, i awm rei  mah ang a, nuam i ti viau ang"

"Nia, nuam ka ti țan der tawh asin"




RUATSANGA - 26  By Dingdi Pachuau

Zanah chuan ka pu room-ah kan awmkhawm a, ka pu chu mu pahin a titi a, Ãmpuii chu a khumah chuan a țhu kâi ve a, a titi suah suah a, ka pu nen chuan fiamthute an thawh bawk a.

Rsa ka en a, Ãmpuii ka en leh a,an nui chu a inang takzet. Unau nge nge chu inanna an lo nei zel mai. Rsa hian  unaunu a nei ta a, ka lâwmpui khawp mai. Keimah anga mal taka a awm hi ka duh lo a ni.

"I mut a chhuak tawh ami?"

"Chhuak love, thil ka lo ngaihtuah kual a"

"Mu tawh mai ang aw"

"A la hma lo em ni?"

Ka kuta chelh chungin ka pute hnenah chuan," Ka pu, kan mutsan tawh mai ang che u aw, a țúl chuan min kâitho hreh lo la" a ti ve ngial a.

"Aw le, han mu ru, ngaihtuah ka ngai reng reng lo"

"A nih ka pu, mangțha le"

"Ãmpui, mangțha u aw"

"Aw le, mangtha. Ka u, nang pawh mangțha aw"

A bu nghat ringawt a.

Room kan thlen chhoh hnu chuan," I tițha lutuk ania" ka ti sap a.

"Ka tițha lo"

"Tițha e, i theihtawp i chhuah tih ka hria alawm"

"Ka nau a ni tih ka la ring thei chuang lo"

"In inang lutuk, in nuih phei chuan. In sam pawh a ngíl țha a, in hleitling dun bawk"

"Ka lawm e"

Mu thei turin kan insiam a, ha ka nawh laiin bathroom-ah chuan a lo lut ve a.

"Zanin chu a hma aia țan lâk  nasat ka duh ania"

A sawi awmzia ka hriat avangin ka lo lâi leh deuh pek a, ka ngaihven lo lui ta ringawt a.

"Ka ti tak tak ania"

Ka chhâng duh chuang lo. Ka ha ka nawhfái thleng chu a awm ve reng a, ka che vél chu min en zui reng a.

"Chhuak rih teh" tiin ka namchhuak leh rih a.

"Eng nge? Nupa kan ni tho a, zahthlãk a awm hleinem"

Ka namchhuak tho.

Bathroom atanga ka chhuah chuan khuma țhu mu deuh chungin TV a lo en a, ka chhuak chu mitko sân âk hian min lo en a.

"Eng nge?" Kan ti rual ve ve a. Kan țawng rual em avang chuan kan nui leh rih a.

A țhutna bul béng thak thak pah chuan," Lo mu rawh le" a ti sup a.

"Ka'n inthlâk leh phawt ang e aw"

Ka pasal ni mahse a hmaa ruaka awm tur em chuan ka la zak ve tho.

Khumah a bulah chuan ka inrawlh ve thak a, TV chu off-in min lo kuah a, ka chalah a fâwp a.

"Ka lawm e aw"

"Kei pawh, țha taka i nau i lo welcome vangin"

"Nangmah vâng chiah a ni"

Lâwmthu sawi nan ka fâwp zauh a,  ani erawh chuan a lo duhtawk  lo khawp mai,min kuahbetin min fâwp țha leh a.

"Hetia tih hi ka châkna a rei tawh lutuk a"

A kut chuan ka kawr hmalam a rawn zen lut lehnghal a, bra ka ha lo tih a hriat chuan a nui suk a.

"Ka nupui thuawih té hi"

A kut chu a hlei sâwt viau nain khap ka tum miah lo.

Duhthawh takin min fâwp leh phawt a, chutah ka lam hawia rawn inherin ka thawmhnaw chu min hlihsak ta nghal a.

Ka ãwm khuhtu awm ta lo chu a en vang vang a, chutah thaw hakin a rawn kùn hniam a,na zet hian a rawn hne ta dawk dawk a. Ka nuamti chu ka lo țe țhat a,dim turin ka duh lo, a nat poh leh nuam ka ti zâwk.

Ka chungah chuan rawn bawkin ka âwm bâwr bawk chu a duhtâwkin a suasam a, a lei hmang chuan thiam takin ka *nute **ur chu a'n liak kual khâwr vel a.

"Ka duh chi lutuk"

Ka *nute **ur hi a dum ve miah lova, a sen no chek a, ka râi hnu ațang khan a lian ta deuh a, Rsa tân pawh khalh tham a tling ve tawh a ni.

Fawh chu a duhtâwk ta deuh a ni ang, ka nghâwng lamah rawn fâwp chhoin ka ir leh khabe te chu a rawn fâwp a, ka mùr chiai chiai mai.

Ka hmuiah bawk rawn fâwpin kan inkeih mawlh mawlh mai a, a lei zei zet mai ka ka chhunga a'n chét kualtír hi chuan zei lo viau țhin mah ila, zei ber ang hialin ka inhre thin.

Kei pawhin a tâwnzâu hâk chu ka hlihsak ve a, a hnung ruak kâng mai chu ka chúl kual ruai a, chúlthla zelin a kâwng, a boxer hâkna chinah chuan ka tâwp chat a. A boxer hâk chu hnawk ka ti, kâwngah chuan zen lútin a boxer chu ka nemthla zel a,ani pawhin min lo puiin, hlih a remchân theih nan a mawng chu a lo kân ve a.

Ani pawh chuan min fâwp reng pah chuan ka kâwng hnuailam chu a rawn buaipui nghal a. Ka kekawr hâk chu hlípin ka kekawrte pawh a hnâwlthla nghal daih.

"Min en rawh le"

Duh tak hian ka melh chho a,ka mitmengah chuan châkna, duhna tinreng a lang chhuak vekin ka ring, thup pawh ka tum chuang lo.

A mitmeng uk kharh chu châkna tinrengin a khat tawh a, a rawng uk dan pawh chu a tak țha tawh viau, a hmai a sen țân bawk a, chaknaa khat a hmel chu en a nuam ka ti.

"Kan inzawm lai hian i hmel hmuh ka duh țhin"

A duh ang tak chuan kan taksa a inzawmtír lai chuan kan inmelh reng a, a hmui sexy zet leh a hmai sen țân chu a inhmeh ka ti, ka taksa thúk zawka a rawn luh lâi chuan ka thaw hawk a.

"I sexy zia hi"

Min en reng chung chuan muangchangin a che a, kei pawhin ka hawisan bìk lo. He pa hi ka hmangaih em em bãkah ka pasal a ni a, a duh ang leh a mamawh ang hi chu pék vek ka duh.

Muangchânga chét chu a thei rei lo khawp mai, a mawng bawr chu a chét rantír tial tial a, kei pawhin ka lo pui ve, chho zâwngin leh a theih ang angin. Kan thaw a ring dun sâwt khawp mai.

Tunah chuan chung lamah ka awm ve ta thung. A hmuiah ka fâwp phawt a,vhutah a khabeah, a nghawngah, a tihdan angin ka ti zel a. A hnute hmur te reuh te chu ka fâwp bawk a, nuam a ti chu a thaw halh halh a.

A dul sek deuh hlek chu ka'n chul phawt a, ka fawp pah zoh zoh a, chutah a mipatna khauh ţang chu ka'n humsak leh zat a, a lo thaw hawk mai.

Ka kut chu ka'n chet kualtir ve ta a, a nuam tih dan tur berin. A thawk a rangin a rúm pah deuh a, ka kut chu a rawn chelh ve bawk a.

Ka tâwp duh bík lo. A nuamti chu a awm hle hle thei bìk lo, hetianga a awm ka hmuh hian ka lung a âwi a ni.

Ka kut chu min lâksakin min muttir leh a, ani pawh chuan ka tihdan ang deuhin a kut chuan min chúl kual phawt a, ka âwm atangin ka dulah, ka dul atangin chúl chhuk tial tialin ka mal inlârah chuan a tâwp chat a, kan inen reng avangin ka mitmeng chuan thil awmzia ka zâwt a, ani erawh chuan nui suk chungin a kutzungtang chu ka mal inkârah chuan a rawn luhtir ta riai riai a.

Ka rinloh dan deuh a nih avang chuan ka ìp deuh chaih a. Chu erawh chuan a thiltih chu a chawlhtir lo khawp mai, ka hmuia fâwp pah chuan a kut chu rang zetin a chettir ta a, ka awm hle hle thei lo, ka thle kual sek a, mahse min fawp reng tho.

Min fawh dan thlak deuhin ka hmui hnuai lam chu a'n pet deuh a,chutih pah chuan a kut chu thúk deuh zawkin a luhtir a, ka țe țhat, chutih rual chiah chuan ka hmui chu a'n seh zui a.

A chétdan  chu a sexy ka ti ngawih ngawih.  Ka âwm báwr lamah țuan lehin a hmúr chu a kut lehlam chuan a'n hmetpial ralh ralh phawt a,nuam ka ti rúm deuh nghar nghar chuan a tiphúr a ni chék ang chu, a hmui chuan rawn tawk leh nghalin a ha chuan a seh deuh nar nar a. Ka mal inkâra a kut chu phawichhuakin ka hnute chu a han piai leh phawt a. Chutah a awmdan insiamremin ka mal chu tawmchho ve vein, ka ke rékah a chelh a, záwimuangin ka taksa chhungah chuan a rawn lùt ta zâlh zâlh a.

Ka rúm halh halh a, men pawh ka meng phal tawh lo. Ka kut chuan bedsheet chu ka țhâm tâwn tâwn a,ka lu ka thle tawn sek bawk.

"Honey, min en teh"

Meng phí chiaiin ka melh chho a,ani pawh a dang bík chuang lo. Ka khúr dar dar a, hetianga nawmna min thlen theitu ka pasal hi ka hmangaih ngawih ngawih a ni.

"Ka hmangaih che"
Ka aw chu a thâm lutuk a, ka dang a ro bawk nen, a ri ché ché chauh a ni, mahse a lo hre thei tho tih ka hria.

"Min hmangaih rawh,D"

A vâwrtâwp a thleng dawn tih ka hria, ka chunga a rawn kúnthla chu ka lo kuah a,a thaw a rangin a ring hle a, chutah rúm hawk hawk chungin a khúr ta dawt dawt a, a dârah chuan duat zetin ka fawhsak reng a.

Ka chungah chuan châu zetin a bawkthlar mai. A rit si a,kei pawh ka thaw hle hle ringawt ,a samte chu ka tuaisak a,a chângin a bengahte chuan ka fawhsak bawk a.

"Ka tui a hâl lutuk"

Tho kângin side table-a tui bottle chu a ban a, kei pawhin insiamremin ka lo laksak a, ka in ta khawlh khawlh a.

"Ka rilte a țãm tepa ka hriat chu le"

"Nupa nun chen hi chuan thahrui kan hmang nasa em alawm, ril a țâm duh bìk"

"Ţám lutuk pawh a ni hran lo"

"Ka zu la ang aw"

"A ngai lo, muhíl zâwk ang"

"Rilțâma i mut ka phal hleinem"

Ruak vek chuan a tho chhuak a, a zak miah lo. Kei lah chuan hmuhnawm ti zetin ka lo thlír a, a mâwi em a ni. Greek-ho pathian ni âwma mâwi a ni ka tih tawh kha, a pian a mâwi a, a inringtâwk ém êm bawk si.

"Lo muhíl miah suh, ka rawn la ang"

A boxer chu a ha nghal a, a tâwnzau pawh, heti chung pawh hian a la chhe lo lehzel tho. Ka pasal zunah hian ka uai chiang ve em a, engtin pawh awm se, engtin pawh inthuam se, ka tân chuan a mâwi ber fo ang.

A rawn chhoh chuan Apple silfâi sa  pahnih, chemte leh grape, bowl-ah a rawn keng chho a. Apple chu hmun li-ah phelin a laia a chi awmte chu a paih nghal bawk a. Grape awmna bowl-ah chuan dahin min pe nghal a.

"Ka lawm e"tih pahin apple chu ka la a, ka keih nghal a, a tui kher mai.

"Ka ei ve châk"

Phel khat chu ka pe a,a lo la duh miah lo.

"Kha, ei rawh. I ei châk thu i sawi kha"

"Min pe la"

"Hei ka pék che hi"

A ngaihtuah lo der tlat.

Ka ei lai chu seh kawhin a hmui bulah chuan ka va kùn hnai a, a hmuiah chuan ka va nawr chilh a.

A rawn seh ve chat mai, nui chungin ei tam zawk nih tum chuan ka țang a, kan hmui a intawk hnuah chuan a seh bung ta hmak a,nui sukin a țhial ta hmarh hmarh a.

"I ei tam bík"

"Apple ka ei tawhah chuan a la tui berin ka hria"

Phel khat chu lain ka hmawm leh a, mahse ka ei hmain a rawn che thut a, a hmui bawk hmang chuan. A zavai deuhthaw chuan min chhuh ta daih a.

"A fair lo"

Nui súngin a țhial leh hmarh hmarh a, rum deuhin ka melh a, tuna a last piece hi chu a chang tawh miah lo ang.

A zavaiin ka hmawm ta vek a. Min nuih suk suk a.

"Ka ei leh pawh chu i va hlâu âwm ve"

"Ka ei mang hleinem"

"Grape a awm tho kha"

"Grape  chu Apple a ni hleinem"

"Nang hi i rái leh țan tawh a ni lo maw?"

"Engah ngawt maw?"

"I thinchhe țan leh deuhin ka hria"

"Teuh lo"

"I nih reng kha aw"

"Ka thin chu a chhe ve sa hrim hrim alawm"

"A chhiat lehzual hmain hawh, Grape kha lo ei daih ang"

A hmaah chuan bowl chu ka keng hnai a, mahse a lo la duh lehpek miah lo.

A rah pakhat chu ka la a, a ka bulah chuan ka keng hnai a,a lo âng a, ka barh nghal a.

"A tui ber ka pe che aw"

"Ka lawm e"

Insi chial chuan kan ei a, an'n min barh a,keiin ani ka barh thung a, tudang mah kan ngai bík lo. Tun anga hun hlimawm hi tawng reng mai ila ka ti takmeuh. Ka hlim lutuk hi ka ngaih a țha lo hial dawnin ka hria.

"I râi leh hun chuan naute ché ka khawih ve ngei ngei tawh ang"

"Tehreng mai"

"Chuan, a hma anga i awm tawh loh hram ka beisei bawk"

"Kei pawh"

"Min huat leh chuan ka tuar thei tawh lovang"

"Huat loh hram che ka tum tawh ang"

Grape kan ei zawh chuan bowl chu side table-ah chuan a dah a. Kei pawh bathroom-a luh ka duh avangin ka kekawr chu ka ban a.

"Khawnge i kal dawn?"

"Bathroom-ah"

"Kei pawh ka kal duh"

"Ka lut hmasa phawt ang aw"

"Lut rual ila"

"A, ka lut hmasa zawk ang"

Ruakin ka tlân lut vat a,hnung lam ațanga min nuih huk chu ka hrereng.

Khawvelah hian kei aia hlim hi an awm thei lo ang. Tuna ka hun hman chhoh dan hi chu ka duhthusam piah lam vek a ni. Rsa lahin min ngaihtuahin min duat si a, hmeichhe dang a melh ka hre lo bawk, thìk tur ka hmu lo a, kei pawhin ka theihtawpin ka duat ve bawk, kan khawvel hi a pâr a ni ber.

Ãmpuii nen pawh kan inkawmngeih khawp mai. A la naupang hle mai a, Rsa hi a duhin a ngaina takzet tih a tilang hreh lo va, Rsa erawhin nél leh pawh taka biak a la harsat tih ka hria. Mahse ka fuih ve reng a, záwi záwiin a inhunghranna hi chu a la țhiat pheuh pheuh ang tih ka ring tlat.

Ka pu pawh a zia chho zel a, Ãmpuii, Faktei leh keiin nitin kan awmpui a, kan fiam a, eitur leh a mamawh apiang kan tihsak a, pawn lamah pawh a rawn țhu chhuak ve thei tawh a, rei tak tak awmtir erawh kan phal lo, dimdawi taka enkawl a la ngai.

Rsa pawh a rawn haw hma thei khawp mai, min thlahlel a, ka bula awm a kham lo tih ka hriat hian nuam ka ti a, min duat ang bawkin kei pawhin ka duat lét ve a. Duatna tilang thiam em em lo mah ila, ka theihtawp ka chhuah ve a, ani pawh a lâwm thiam viau chuan ka hria.

Lily pawh a hman chãngin a rawn léng ve țhin a,Âmpuii pawhin a nél nghal. An titi bawrh bawrh a, kei aia Lily hi ţawng duh a nih avangin an inkâwmngeih nghal hle a ni.

Tlâia Rsa rawn haw chu a hah deuh a ni maithei, a cool deuh raih mai a. A țawng lo viau bawk, ka lo buaipui thuai thuai a, a châu ngang a ni ang, a intleuh zawh veleh a mu nghal daih a.

A tihdan țhin a nih loh avangin ka ngaihtuah viau mai. Mahse tihharh chu ka tum lo, mu tam se, a lo harh hunah a châu pawh a reh deuh ang chu.

Zanriah ei turin ka han ko a, bathroom-ah a lo awm a.

"Rs, chaw ei a hun ania"

"Ka lo chhuk ang"

Ka lo nghak a, Lily chaw a rawn ei ve dawn avangin kìl rual loh ka duh lova, chuvangin ka nghâk a ni bawk.

A lo chhuah chuan min melh zawk a, a phone chu a charge nghal daih a.

"Chhuk nghal ila"

Kan chhuk chuan Lily chuan a lo fiam chúl a.

"Nangni pahnih lah hi, pakhat hmuh hi chuan pakhat zawk hmuh loh theih loh, min awhthik lutuk teh suh u"

A nui ve suk a, ka rilru a nuam deuh huai mai. A châu riau khan ka hria a, a rilru ngaihtuahna a châwl lo lutuk hi ka khawngaih a ni.

Chaw eikhamah chuan sitting room-ah kan țhu khâwm leh rih a, kan titi a, Rsa pawh a țawng ve leh țan e. Lily hian țawng tír dan a thiam khawpin ka hria.

Inchungah ka kawrlum ve deuh la turin ka han chho lawk a, darthlalangah haa ka inen laiin Rsa phone charge chu a rawn ri dar dar a, phone call emaw ka ti a,pick ka tum a,whatsapp message a lo ni zawk a. Pop-up a a set vangin ka hmu thei a ni.

En loh ka tum viau nain thlalak a lan tel avangin inthiam lo deuhin  ka bih leh hrâm a,hmeichhe naupang niin a hmélțhat hmel kher mai.

*I fanu thlalak chu hei aw, a chhùn lutuk che a, hai theih pawh a ni lo*
tih a lo inziak bawk a, a rawn thawntu hming chu CJay ti-a save a ni.

Fanu!!!! Rsa hian fanu a lo nei reng maw?!!! Kan pahniha fa ni lovin midang lakah maw?? Ni lo, dâwt a ni. A nih loh leh, Dâwt min hrilh tihna em ni? Ni lo, dâwt min hrilh lul lo ang. Lalpa, hetiang thil chu thlentir lul suh aw. Khùr zawih zawih chuan message chu ka en chiang leh a, mahse ka thil hmuh chu a ngai reng a ni.



RUATSANGA - 27  By Dingdi Pachuau

Bang chu ka nghéng a,ka khurh nasat em avangin ka tlùk ka hlau a, chubakah ka kaihza tha-in min zo lo ang tih ka hlau bawk.

Kei lo hmeichhe dang a lo mutpui tihna a ni a, hei tak hian ka rilru a tina. Hmeichhe dang laka fihlim angin a insawi a, dâwt min hrilh ta tlat si. Ná ka ti, fanu a nei erawh a awh em avangin ka lâwmpui thei mai ang, mahse dâwt min hrilh erawh hi chu...

Ka chhuk har chuan an ngaih a țha lo ang tih ka hlau si, Lily a awm ve bawk si nen, ka rilru a buai. Rsa hi ka zawt chiang ang nge, a sawi hun,min hrilh hun ka nghak dawn? Mahse min hrilh kher ang em? A zép daih si chuan rilru helhkam nei țúnin ka awm dawn tihna.

Rilru bet lo zetin inhnuaiah chuan ka chhuk a,mahse ka hmelah erawh engmah lan lohtir ka tum ve tho. Lily'n min hrechhuak ang a,min zawt sek ang tih ka hlau ber.

Pangngai thei ang berin ka awm a, fiamthu an thawh pawhin ka lo nui ve zel a, min ringhlel lo tawp ang. Ka rilru chhungril erawh a buai hle si.

Lily chuan nui var var chungin kan nupa chuan min fiam reng a.

"Fa hi nei vat vat teh u, ka hmu châk tawh. Nutei pawh ka ni ve châk a, chubâkah nautein Dìtei hnute a'n pet fân kual vel tur ka hmu châk tawh"

Ka rilru puthmang a hre lo chu ka lâwm tak tak, za vak lo hian ka nui a, Rsa chuan chiang zet hian min en reng a, mahse kei chuan ka en duh lo, mitsirin ka hmu thei thung.

Ãmpuii chuan nui sâng chung hian," A hmelțha ngawt ang, ka pawm chãk tawh" a lo ti ve bawk a.

Ka pu pawh chuan," An nei țêp tawh, țan an la mék alawm"nui chungin a lo  ti ve a.

"In nghah rei tawh loh ka beisei"

Rsa chu ka en reng a. Nia,fa a nei tawh reng a,engtik hunah pawh hmu thei mai kan ni tawh. Ani phei chuan a thlalak pawh a nei kiau tawh mai si a, fa kan awh em em, ani phei chuan a duhthusâm, fanu ngei mai kha a nei reng tawh si a.

"A țhat hlauh chu, ka duat viau ang, kei pawm hmasa ber" Lily chuan a ti leh zar zar a.

"Kei chu ka haw hman tawh awm sia, U D, naute i neih hunah chuan min lo chah rawh aw, i che thei âwm si lova, ka lo awmpui ang che u" Ãmpuii chuan a ti ve thung a.

"Tehreng mai"

"A hmingah eng nge kan phuah ang?"

"Kei chu hmeichhia a nih chuan  Rosangpuii, mipa a nih chuan Laldinpuia"

"Kei chu Lalénpuii tih leh Lalrinfela tih ka duh thung"

An pahnih chuan an inchhâng tawn a, Rsa nen erawh chuan kan inrawlh lém lo. A chângin kan nui a, kan țawng ve lêm lo.

Zan a rei tak tak hmain ka pu chu kan muttìr a,Ãmpuii'n a awmpui nghal a. Ka pu mut hnuah pawh Lily a la haw loh avangin  kan țhukhawm leh a, kan titi leh rih a.

Rsa chuan chhuanlam siamin room-ah min chhohsan a, a tihtur  âwm ang ka hre mai.

Lily chuan," Tunlai chu i hlim thei sia, eng emaw tak lo thleng tur awm tlatin ka hria a nih chu. Hlim lutukna hian lungngaihna a lo keng tel reng țhin bawk sia" a ti sar sar a.

"I sawi hlauhawm em mai a"

"A ni alawm, ka ti tak tak. Mahse engmah thil țha lo thleng lul suh se"

"Thleng lul suh se" Ka ti tak tak, tùn aia ka tih tak tak hi ka la hre lo.

"Zanah a zei áwm sia...?"

"Sawi ve ziah suh, zei ve bawk ang chu"

"A tihkual vel dan che ka hre châk, sawi tawh teh, min la hrilh miah lo ania"

"Châk kha a tâwk"

"Sual i chhuah chuan...."

"Nei la, i hre ve mai ang chu"

"Neih hmaa lo hriat lâwk kha a țha alawm"

"Anih chuan ti ve ula"

Kan nui dun ta kar kar a, ka țhiannu bulah hi chuan rilru hi a thawveng hawk zel a,vitamin mum țha tak hi a ni ringawt.

Rsa pawh a rawn chhuk leh thuai a, a hmélah erawh engmah a lanchhuahtír lo. Kei pawh hi engmah hre lo anga ka awm char char a ngai ang, min hrilh hma chu.

Lily haw hnuah chuan mu turin kan chho a,ka awmdan ngai renga awm chu harsa chu ka ti, rilruah thildang a awm tlat chuan ngawih vung vung a lo awl a, kei pawh ka ngawi vung vung mai a.

"Eng nge i ngaihtuah a?"

"Engvak mah... ka ha ka'n nâwt ang e"

Bathroom-ah ka luhsan a, darthlalangah inenin  ka hmel chu ka en reng a.

"I pasal chuan fa a nei reng sia"

"Ka hria alawm"

"A rùkin a nei a, a hrilh lo che tiraw?"

"Nakinah min la hrilh mai ang"

"Hrilh duh lovin zép reng ta se?"

"Min hrilh loh chuan ka zâwt bìk lo ang"

"Tuna a fanu ni lo, fa dang pawh a nei maithei asin, kum ruk chhung hi mipa tân chuan rei ve deuh mai ania"

"Chu mi awmzia chu..?"

"Kum ruk chhung khan hmeichhe dang a mutpui miah lo tih i ring a maw?"

"Ring e"

"I va khawngaihthlak ve! Mipa hrisel leh hmelțha, luck bawk si tân chuan thil theih a ni dawn em ni?"

"Ka ring dawn lo tihna em ni?"

"Ngun takin ngaihtuah rawh"

"Ka pasal hi ka ringhlel dawn em ni?

"I thu thu"

Ka rilru chu a inhnial zut zut mai. Ka awm rei deuh a ni maithei, pawn lam atang chuan," I țha em? I la awm maw?" Rsa chuan a rawn ti a.

Hmanhmawh deuhin ka ha chu ka nawt sawk sawk a, ka hmai ka phih leh a, hmanhmawh deuh chuan ka chhuak ta a.

"I țha maw?"

"Um, țha e. Va lùt ve tawh rawh"

Min en vang vang a, kei pawhin a ngaihțhat nan ka nuih sak a, hmundang ka hawi ta daih a.

Bathroom-a a luh hlan chuan ka thawmhnaw ka thlãk a, mu thei mai turin inpeih sain, ka hmâiah chuan night cream ka hnawih ve tehmial a.

A lo chhuah hmain khumah chuan ka lo mu thén a, zanin chu ka mitthlaah Rsa fanu hmél fiah lo riai  kha ka maimichhín apiangin a lo lang zel a,rilruah thil dang a leng hlawl lo.

"I muhìl tawh elo?"

"Híl lo e, ka maimichhíng mai mai"

"Zanin chu i rilruah thil dang ngaihtuah nei i ang, ka tidik tiraw?"

"Nei lo ve, ka lu a na lek lek a"

"Damdawi ei la"

"Ka ei tawh, a zia mai ang" Dãwt ka hrilh leh ta ringawt mai.

Hnung lam ațangin min rawn kuah a, ka pasal hian midang lakah fanu nei mahse min thlahlel tih ka hre tho. Ka chhuahsan hnu lawk  vela thil thleng pawh a ni thei a, a chhan chu a fanu kha a lian ve tawh tlat. Hun a kal tam tawh bawk nen, ka thiam lo viau nain engmah ka tidanglam thei chuang si lova,min hrilh duh anih leh min hrilh ang a, ka tân chuan a nih ang anga ka pawm tawp mai a ngai, a chhan chu ka hmangaih em em si a. A fanu pawh chu harsa hle mah se ka fanuah ka pawm mai ang chu, ka pasal fa a nih miau chuan.

"Kan fanu i pâi lài khan chan loh tur a ni ang tih i ring bìk miah lo ang tiraw?"

"Teuh nang aw, ka hmangaih asin, a hmel ka hmu hman lo khan ka rilru a tina bawk"

"La dam ta se, a lian tawh viau ang tiraw?"

"Lian tawh ang, kum 5 vel a ni tawh ang a, a lawmawm rual tur a ni ngei tawh alawm"


Rsa's POV
~~~~~~~

Vawiina ka țhianpa Sangzuala(CJay) hnen atanga phone call ka dawn chuan min barakhaih chiang kher mai. Fanu ka lo nei reng a!!

A hresual a nih ka ring a, mahse hrechiang a inti hle si. Ka zâwt nawn leh țhin, a mi chhânna chu a ngai reng. Mahse engtin nge fanu ka neih theih le? Ka nupui lakah ka rinawm lo miah lo, mipa  fel tak ka ni lo, hmeichhe lakah pawh ka hlei,mahse nupui ka neih hnu hi chuan ka nupui tan hian ka rinawm ve tlat asin. Kei pawhin mak ka inti țhin, a rilru tihnat ka hlâu a,atân rinawm loh ka duh lo bawk. Ka țha ta lua ka ti lo nain ka rinawm ve chiang tih hi chu ka hria, chuvang chuan engtin nge ka nupui lakah ni lo fanu ka neih theih ang?

Mahse, ka fanu nu chu tuna ka nupui ni mek hming ngei hi a ni si. Ka hrethiam lo, engtin nge ka fanu chu a nu hnéna awm lova mi fanuah a awm tlat? Chubâkah ka nupui hian kan fanu kha chu thi angin a sawi tlat si. Pawisa a duh vangin maw a lo hralh a? Min huat vãnga duh lo chu ni se, ka hrethiam deuh hlek, mahse mahni fanu, rila rah ngei pawisa duh vanga han hralh chuh...hetiang thil hi ka nupui hian a ti si a maw?!!

Ka fanu chu ka hmu châk, kei chuan ka hmangaih em em dawn si. CJay hnenah chuan a thlalâk tal min thawn turin ka ngen a, mahse an awmna a inhlat avangin zan lamah min rawn thawn dawn a ni.

Ka rilruah ka fanu hlir mai a awm avang chuan engmah ka ngaihtuah thei lo, office-ah ka țhu tlawk tlawk a ni mai.

Tlâia ka haw pawh chian ka thil ngaihtuah avang chuan ka hlim lova, ka țawng tam lo hle. Engtin nge D hian hetiang rilru hi a put theih ? Rilru țha, tluang leh fel, ngainatawm deuh niin ka hre si a, min lo bum reng em ni zawk? Ka pu chunga a rilru puthmangte hi, mi nunrawng, fate hralh duh nu, hmangaihna nei lo, pawisa duh vanga fate pawh hralh hial duh a ni thei dawn em ni? Ka rilru a va tibuai em!!!

Zanah Lily'n chaw a rawn ei hlauh a, ka rilru kalding lutuk pawh a zia deuh. Lily hi chu a fel tih ka hria a, ngainat pawh ka ngaina, accident ka tawh ațang khan a felzia leh a mizia ka hre tawh a, mi fel leh frank tak a ni. Engtin nge D hian a rilru ang hi a put ve loh? D hi ka lo ring lutuk a, ka lo tisual em ni zawk? Ka hriat loh hlanin ka lo en leh tlawk tlawk țhin, a hmel, pawnlam landan  leh a rilru chhungril hi a inmil ka ti thei lo a ni.

Ka pu mut hnuah chuan Lily a la awm tho avangin chhuanlam siamin room-ah ka chho a, CJay message ka en châk tawh vang a ni.

Ka fanu thlalak chu ka hmu ta ngei e. A va hmeltha tehreng em! Ka hmangaih nghal ngawih ngawih mai, a taka ka hmuh hma hauhin ka hmangaih nghal ania, fate chunga nu leh pa rilru putdan tur chu ka hrethiam nghal kuar kuarin ka hria.

Min chhùn takzet a ni. A hnár, a mit, a sam  leh a hmai pianah min chhún vek. A ngo hmel reuh hle lehnghal a, hei chu a nu a chhunna lam ve thung a ni. Ka fanu chu a ni chiang e, hai theih a ni lul lo.

Engtin nge ni ang? Ka nupui hian pawisa vanga hralh a nih chuan sawi tur ka nei lo, rapthlak ka ti lutuk. Ka chhuahtír nghal dawn em ni ang? Ni lo, ka pu hian a ngainat bàkah ka chhuahtír chuan a tuar palh ang, ka pu hi ka thihtìr thei lo ang.

D hian hetiang a ti duh hi a mak ka ti lo thei lo. Mi nunrâwng ber berte pawh hian mahni rila rahte  ngei chu an hralh bík dawn em ni? D tih atan chuan a râpthlak mah mah a ni.

CJay chu ka phone leh a.

"Ka fanu hi ka nupui chuan a hralh tak tak a maw?!!!"

"A sawi dan chu ania lawm, i fanu enkawltu sawi ania"

"I chiang chiah maw?"

"Aw, ka zâwt chìk viau asin"

Ka beidawng takzet. D hi ka nupui anih bãkah ka duh em em a, ani bâka duh hi ka nei lo. Mahse hetiang rilru rapthlak hi a put chuan...

Ka rilru hah leh hrehawm bawk si chu ka hui pap pap a. Zanin chuan engmah ka zawt lovang, naktuk lamah chiang takin ka zâwt ang, zawhchhuah pawh a va hrehawm dawn em!!

Hetiang rilru hi a pu thei lovang, mi nunrawng a ni ngai hleinem, min duat em em a, ka tân pawh sawisel turin a awm ngai lo, min ngaihtuah em em reng a, min hmangaih bawk a nih kha.

Mahse, ka fanu chu a hmangaih ve si lo.

Ka fate tãn 'nu'  a ni thei ngai dawn lo tihna. Kei chuan ka hmangaih em em dawn si a, ani erawh chuan...

Mahse, tuna ka fanu a hralh tak pawh hi a buai mangan lai taka a neih kha a ni a, pawisa a neih loh avang leh a buai mangan avangin a lo hralh a ni thei tho, mahse mihring, mi pangngai tân chuan thil theih a ni ka ti chuang lo.

D side lam ațangin ka han ngaihtuah a, pawisa mamawh lutuk vangin ka fanu hi hralh dawn ta ila, ni lo, ka thei lovang, pawisa neih loh vangin engtikahmah ka hralh lo ang.

CJay pawh hian a hriatchhuah dan pawh hi a mak ve reng reng. A bialnute ina a lén laiin ka fanu leh a enkawltu hi an rawn léng ve niâwm tak a ni. Chuan, CJay hian ang min lo ti lutuk a, a pa hming a lo zâwt a, ka hming a sawi tâkah chuan mak a lo ti viau a ni âwm e. A enkawltunu chu  chìk deuhin a zâwtfiah a, chu nu chuan zêp awm miah lovin a hrilh ta vek a, chuan min rawn hrilh ve ta a ni.

A enkawltunu hi a hausa phian a,amah chauha awm a ni a. Mahse fa a nei thei lova, a awt ve si a, chuti chuan D hnenah pawisa tam tham tak pein a lei ta ni âwm a ni. Mahse tuma hnena sawichhuah loh an tiam ve ve a, tuna ka fanu enkawltu hian  CJay chu thuruk hrilhin a hrilh ta a ni.

Ka rilru a buai, D hi ka pu tihloha ka chhúng neihchhun, ka nupui a ni. Rilru sual tak a pu thei lovang, ka rila rah fa, ka thisen zawm ngei a duh loh chuan nakinah ka fa pawh pâi leh mah se, engtin nge a tih leh ang? Hei hi thudik ni lo se ka va ti tak em!

Zan kan mutnaah hian zawhchhuah mai ka duh, mahse ka va hlauthawng si em! Tak tak ni ta se... chu chu ka ngaingam lo a ni.

A bula mu lo tur anga ka inngaihtuah ringawt pawhin ka lung a léng lâwk. A taksa mâm hen mai ka han tawk tawh lo tur pawh chu hrehawm ka ti, zantina ka kuah țhin leh khawih loha ka muthilh theih loh D hian min kalsan chuan kei mai ni lo ka pu nen hian engtin nge kan awm ang?

Zanin  pawh hian ka kuah loh chuan ka mu tui thei lehpek lovang. Min hmangaihtu hian engatinge ka fa a duh tlat loh ni ang le? A thinrim lai kha a ni a, mahse thil ni thei niin ka hre thei ngang lo.

Ka fanu a pâi lai chanchin ka han zawh lah chuan a hmangaih thu leh a hmél a hmu hman lo a rilru nat thu chu a sawi bawk si a, ka va hrethiam ta lo em!!! Khawii nge awih zawk tur ka hre thei lo, ka nupui hi ka ringhlel phal lo va, mahse thil awmdan hi ngaihtuahin   rinhlelhawm tak chu a va ni si em!

Rilru helhkam nei lo va kuah vawng vawng ka va duh  em! Kuah lo va mut erawh ka thei țhak lo, zan ka mut hian ka kut hian automatic hian D hi a kuah nghal zel ni berin ka hria,naktuk zanah chuan zanin hun ang hi kan hun hman a ni tawh lo maithei a, thudik hriat tumin zawhna ka zawt kual ang. Kan thinrim dun emaw a ni ang a, zanina ka kuah ang hian ka kuah thei tawh kher lo vang.




RUATSANGA - 28  By  Dingdi Pachuau

Zingah chuan min kâitho miah lo, a thawh lai pawh ka hre lo, ka muhíl har deuh a,zíng lamah ka lo mu tui phian a nih âwm hi.

Chaw kan ei lai chuan Ãmpuii chu a titi hlut a, ka pu pawh a nui suk suk a. Rsa chu a țawng ve mang lo, kei erawh chu Ãmpuii titi ka lo nuihpui bâkah ka lo zawm ve zauh zauh a, thil pangngai thei ang berin, ka awmdan ka thlâk danglam duh lo.

Tukin chu nidang aiin a chhuak hma. A awmdan reng reng chu chík deuh angin ka awm duh lova, mahse ka hre tho. Helhhawlh deuh ang hian a awm a, a chângin hrehawm ti hmel deuhin a awm leh a, a mood chu a inthlâk kual chhen ni maiin ka hria, a pangngai thei ang berin ka bia a, ka ngaihsak em em reng.

A chhuah hmain, room-a kan la awm laiin min kuah vang vang a, hei hi thil thar a ni lo. Mahse nidang min kuah ang ka ti thei lo, ka lung a tichhe tlat pek a nih chu. Ka mittui a rawn tling leh ringawt a, min hmu ang tih erawh ka hlau hle thung.

Chhunah ka pu driver ni țhin U Fela kha a rawn kal nawlh mai, ka hmuh chuan ka lo áu chùl a.

"U Fel, i dam maw? Eng nge i thawh tak? Nupui i nei tawh em?"

"Aw, dam e. Ka pu hnuaiah ka la thawk tho alawm, dawr lamah ve thung ania, i dam zawk maw?"

"Aw, dam e. Nupui chu?"

Nui chungin," Aw, nei ve tawh e, fa pawh kan nei tawh asin. I hman hunah lo léng ve rawh aw"a ti siam siam a.

"Tehreng mai,a ngâiah em ni i la awm?"

"Ni tawh love, Rahsivengah in kan luah tawh a"

"A nih tak chu. E, chuan, eng nge i lo tih dawn reng reng a?"

"Pu Rsa'n min rawn tír a, chawhnuah hian Aizawlah phei a ngai thut a, a thawmhnaw la turin ka rawn kal zawk a"

Maw?!!! Min rawn phone thei reng sia,ngatinge min rawn hrilh ve miah loh le? A fanu hmuh a tum a ni ngei ang, chuan, a fanu nu pawh...

"Aw, a ni maw? A buai viau dawn chu. Ka'n siam lawk ang e aw"

Room-ah a thawmhnaw ken tur siam tur chuan ka chho ta nghal a.

U Fela kha zawhchian ka châk khawp mai, mahse a lo hriat bík si loh khan... nupa ni ve si, mahni pasalte chanchin mi zawh dùk ùk chu ka duh lo. Min ngaihdan tur ka ngaihtuah a, nupa inpawh lo tak hmuhin min hmu mai ang.

Nia, a fanu chu a hmu châk viau ang, kei pawh ni ta ila, ka pan ruak ruak ang chu. Mahse, a fanu chanchin hi a hre har deuh chu ka ti, a nu reng reng pawh hian a rawn hrilh har e. Nge a hrereng tawh zawk ang? Nge a hmu duh lo zawk?

Hmu duh lo ni se, tunah hian hmu turin a kal lo tawp ang. An sumdawnna lam thil vang ni ta se, min hrilh ve âwm tak a ni si a. An sumdawnna lamah hian a buai hle țhin tih chu ka hria, mahse a zin thut dawn a nih chuan min hrilh ve tal âwm... nakinah min hrilh dawn a ni ang, a la buai rih pawh a ni maithei asin.

Ka siam zawh chuan inhnuaiah U Fela chu ka pe a, a kal hma chuan ka pu room-ah a lut ve a,rei erawh an titi hman lo, a kal deuh nghal mai.

Rsa min rawn phone chu ka châng deuh reng a, ka phone pawh ka en deuh sek mai.

A la buai a ni ang, min rawn phone hrim hrim ang, a fanu hmu tura kal tur pawh ni se a nupui ka ni a, chhuanlam siam tur tal pawhin min rawn phone a ngai.

Zan thlengin min rawn phone miah lo. Zanriah kan ei laiin  Ãmpuii chuan,"U Rsa hi a va lo haw har em em!" a ti a.

"Aizawlah a phei thut a, chawhnu khan. Hna lamah tihtur pawimawh a nei a nih ka ring"

"A hrilh lâwk che em?" Ka pu chuan a lo ti vat a.

"A hre sa bìk lo a nih ka ring"

"A rawn phone che a ni ang maw?"

"A, a buai rih a ni ang" Ka chhân dan atang chuan min phone lo tih a hrechiang khawp ang, ka aw a ban chat mai si a.

Zanriah ei kham chuan ka pu room-ah kan lùt leh dial a, ka phone chu ka keng reng, min rawn phone ka ring tlat a ni. An hriat lohin ka phone chu ka en ru sek lehnghal a.

Ka pu chuan min lo hmu ru reng a ni chék ang, Ãmpuii hnenah chuan," Mâte,bawnghnute ka intur va chhuang lawk mai ta che" a ti a,ani pawh chu a kal vat a.

Âmpuii chhuah hnu chuan," A la rawn phone miah nange?" a ti sap a.

Inthiam lo deuh hian ka nui ringawt a.

"A buai a ni ang, ka pu. I be duh em ni? Ka'n phone ang e"

"Hrilh miah lo chea a kal thut leh a rawn phone miah lo che hi mak ka ti a ni"

"A la buai a ni ang ka tih kha, ka pu. Kei pawhin a la buai ka hlauh avangin ka phone duh rih lo mai mai alawm"

"Ka phone atang hian ka lo be chhin ang e"

A phone chu lâksakin Rsa hming chu ka hmetchhuak a, a ring hnuah ka pu chu ka pe a.

A beng bulah dahin a'n ngaithla vang vang a, mahse a pick lo a nih hmel.

"Engngatinge a pick theih miah loh? Han tinawn leh teh"

Ka tihnawn leh pawh chuan a pick chuang lo. A ring reng a, mahse chhângtu a awm lo, a ring ral țhak.

"Silent-ah a dah a ni ang, ka pu"

"Ni maithei, a lo buai tak tak rih pawh chu a ni thei tho bawk"

Zan ka mut dawnah chuan 'ka'n call ve reng reng teh ang' ti rilruin  a number chu ka hmetchhuak a, a tlâi tawh viau nain ka inthlahrung duh bìk lo, ka pasal a ni a, a chanchin ka hriat a ngai.

A ring ngei e.

A ring ral a, ka tinawn leh a, a ring tâwp țêp tihah chuan min chhâng ve țâwk e.

"Hey?"

"Aw, i phone i pick thei lova. I buai em? Ka puin a ngaihtuah che a"

"Buai lo.Ka inbual zo chiah a"

"I thleng tluang maw?"

"Aw, min lo ngaihtuah suh u,hna țùl thut a awm a"

Hna țúl thut chu a fanu hmuh. Chuan, a fanu nu pawh, a hmelțha viauin ka ring, kei hi chu ka tla vawng vawng ang.

"Um, i thleng tluang chu a țha e. I châu âwm si a, mu hahdam rawh"

"Aw le"

"Mut tui aw"

"Nang pawh le"

Hei aia thui hian min chhân ka ring asin le. Beidawng deuhin ka phone chu ka en vang vang a, ka inkhawngaih deuh thut bawk a, Rsa ka ngái bawk nen, ka mittui chu a lo hnâi leh kuar mai.

Ka thil ngaihtuah chu duh lovin bathroom-ah ka lùt vat a. Mu thei turin ka inbuatsaih ta zâwk a.

Mut hmunah ka meng kar mai. Rsa tel lo chuan khum hi a ruak a ni. Mahnia mut phei chu huphurhawm tak a ni tawh, khum a zâu si. Chubâkah min kuah muhiltu a mu si lova, muthilh chu ka huphurh ta hial mai.

A mutna chu ka chùl a, tunah hian ani chu a muhil ngei tawh ang chu, a châu viau bawk ang a, a mu tui bìk viau ang.

Naktuk lamah a fanu a hmu ngei ang a, a nuin a rawn hruai ngei bawk ang chu. Fanu meuh nei dun tawh chu an induhtawn viau maithei asin, kei hian an inkâr ka tihbuai avângin a fanu neih thu pawh a rawn hrilh ngam lo a ni ang.

Mahse, he ina ka luh leh hma pawh khan hrilhna hun a awm reng alawm. An inkâr chu ka tibuai thei lovang, Rsa hian a duh vak lo zawk nge ni a, hmeichhia hian a hrilh duh lova, a țhiante'n an rawn hrilh hre zawk ni ang?

Ka ngaihtuah nasa lutuk a, ka lute chu a na tluk tlukin ka hria, tho lehin damdawi ka la a, ka hmawm ringawt.

A tukah chuan Lily ka phone a, lo lêng tura ka duh thu ka hrilh chuan a lo aw ve mai, mamawh zawktu hian pan âwm zawk tak ka nih laiin ani hian min rawn lénchilh zel zawk chu a nih hi.

Ka pu bulah chuan nizan lama Rsa ka biakthu chu ka hrilh a,tluang takin a thlen thu leh hna țùl thut a neih thu chu ka hrilh bawk a.

Lily a lo thlen leh meuh chuan kan in chu nui riin a khat leh nghal a ni mai. Ãmpuii nen an inkâwmngeih a, an nui rawi rawi mai.

 Ka pu room-ah Ãmpuii'n newspaper a chhiarsak a, kan nula 2-te'n in an tihfâi laiin Lily nen chuan Saron room bathlârah kan țhu a,pangpar chu kan en kual a.

"Eng nge harsatna i nei em ni?"

"Leh ringawt"

"A dik chiang. Min hrilh la"

"Sawi dan tur pawh ka hre lo"

"Ka lo ngaithla e"

Rsa whatsapp message chungchang chu ka hrilh ta a, mak a tih hmel viau nain engmah a lo sawi ve lo. Ka țawng chu a ngaithla char char phawt a, ka sawi zawh chuan ka thâwl ve deuh huaiin ka hria.

"Fanu a neih ngei chu i ring a?"

"A chiang reng alawm"

"Tuna a zin chhan pawh hi a fanu hmu turin a kal tihna maw?"

"A nih ka ring nghet tlat"

"Chuan..?"

"Engtin nge ka tih ang? Ka hria tih a hriain ka ring miah lova, mahse hrehawm ka ti. A fanu a hmuh chuan a fanu nu pawh a hmu ngei ang a,chuan, a fanu chu fahrahah ka siam tihna a ni a.."

"Ni lo, a fanu chu a upa deuh tawh i ti a ni lo'm ni?"

"Aw, kum 5 vel a nih ka ring ringawt a, chutiang vel hmel pu chu a ni"

"Chuti chen chen a nu chuan engvangin nge a thup ang?"

"Ka hre bìk lo"

"Eng emaw tak chu a awm a nih ka va ring em!"

"Ka rilru a buai. Min hrilh hreh ve pawh a ni maithei a, mahse a fanu  fahrah a ni mai tur chu hrehawm ka ti a ni, Rsa lah hian fahrah nihtir a phal âwm bawk si lova, keimah hi awm lo ta ila..."

"Chutiang sawi teh suh"

"A fanu nu nen chuan innei ta se, fahrah a ni dawn lo tihna. Kei hi buaina bul ber tur chu ka niin ka hria"

"Thutlùkna siam ringawt suh"

"Hrehawm ka ti alawm"

"Thil hriatchian phawt a ngai a nih chu"

"Chhuahsan tawp mai ila...?"

Rang fé hian," Chutiang ngaihtuah suh, a hma pawhin thudik i hriatchian loh avangin i chhuak tawh a, khatiang kha chuan chhuak tawh lo ve. Thu chiang takin hriat a țha tawh a ni"

"Mahse, ka pu hi ka ngaihtuah si, a dam ve țan chauh a, a zual leh ngei ang"

"Chhuah lam kha chu dahțha phawt rih teh, ngun taka ngaihtuah ngai thil a nih hi"

"Ka hria. Rsa hi ka hmangaih em em a, a fanu pawh ka fanu ang maiin ka en thei ang tih ka ring, mahse a nu tak tak ang ka ni thei dawn si lo a ni"

"Rsa chu ka phone mai dawn em ni ang?"

"Engtin nge i tih chuan ang?"

"Ka zawt mai ang chu"

"A tihchi loh"

Kan ngawi dun vang vang a, Lily pawh a rilruah ka thilsawi chuan hmun a luah nasa a ni ang, a melh ngai a melh char char a.

"Fanu nei pawh ni se, ka dem miah lo. Kan fa lah a damchhuak ta si lo nen,a fanu chu kei chuan fanu tak tak enin ka en thei ang"

"In nei leh thuai dawn alawm"

"Ni lo, keimah hian thu tlùkna ka siam a ngai niin ka hria, a fanu hi fahrah ka nihtir thei lo ang"

"Engtin?"

"Rsa hi ka chhuahsan leh mai ang"

"Sawi ve ziah suh"

"Ka ti tak tak a ni, an inkâr hi tihbuai ka duh lo"

"I tibuai dawn tihna a ni hleinem"

"A ni alawm, kei ka awm ve reng chuan a tân nuhrawn ka ni ang a, nu tak enkawl loh a ni mai dawn asin"

"Ngun deuhin ngaihtuah phawt ang, thutlùkna siam rum rum chuan thil țha a chhuak mawh ania"

"Nia, thil țha ber lo chhuak turin ka duh alawm"

Thutlùkna mumal min siampui lo nain ka rilru chhungrilah chuan kei chuan ka siam der tawh. Rsa hi ka chhuahsan leh ang, thil țha ber a tân ka duh, chuan a fanu pawhin a nu leh pa dik tak hnuaiah hringnun a rawn hmang chho thei ang, Rsa leh kei anga fahrah, nu leh pa awpna hnuai awm lo ang lo takin.

Ni lêngin min rawn phone lova, kei pawhin ka phone lo. Ka ngai em em a, mahse ka va phone zak ve bawk si, ka inkiltawih kual vél tlat tawh. A fanu a hmu ang a, a hlim ngawt ang chu.

Zanah chuan mut hnuah min rawn text a.

*Ka inbual zo chiah, ka ngai hle mai che*

Ka rin loh lutuk anih avangin ka lawm lutuk a, keimahin ka nui var var mai. Dawt min hrilh em bìk lo ang chu maw? Min ngaih ve tho ka ring miau a.

*Kei pawh... i mutna a ruak lutuk a*

*Ka hruai ve lo che a, ka inchhìr takmeuh tawh a ni*

Tak tak ni se ka va ti tak em!!!

"I buai char char em ni?*

*Aw, niléngin ka buai a,zanah pawh dar 8 hnu lamah chiah ka free*

A hna țùl vangin a kal tak tak tihna em ni  ang? Kei hian ka ngaisual tihna em ni?

*A nih chu, i châu ngawt ang*

*Ka bulah awm la ka ti*

Kei pawhin ka bulah awm se ka ti. A bulah, a âwm nghénga thlamuang taka muthilh leh ka châk. Tunah chuan kan nupa khum hi a zâu em mai.

*Engtik nge i lo haw theih ang?*

*Naktuk chawhnuah a nih loh chuan a tuk lehah a ni ang*

Awi, a va la rei em!

*I lo haw thuai dawn tho chu tiraw?*

Min rawn chhâng har ta deuh hlek. Tinge min rawn call zâwk loh le?

Min rawn call ta tak tak, video call lehnghal. Ka zak ve deuh e.

"I hmel ka hmuh loh chuan ka muhìl theiin ka ring lova"

"Ka hmelchhe dawn si"

"I sexy ber"

Lâwm tur nge pawh ka hrethiam lo, sexy hi min ti ve ziah mai.

"Min tizah tum kher lo la"

"I zak leh tawh ami?"

"Aih..."

A nui suk mai. A chhe lo takzet a ni, he pa hi chu ka hmangaih chiang alawm, midang lakah fa nei mahse ka duhna leh hmangaihna a kiam chuang lo.

Kan inbiak zawh hnu chuan  ka mu meng kar a. Rsa hi chuan min duhin min thlahlel ve chiang tih ka hria a, mahse fanu a neih thu hi min hrilh a tum lo em ni le? Aizawlah kalin a fanu chu a hmu ngeiin ka ring a, kei pawhin ka hmu châk asin. Ka hmangaih ka pasal fa hi ka hmu ve châk, hmangaih pawh ka hmangaih ang. Mahse khawvela ka duh loh ber mai fahrah a ni mai tur hi, hrehawm ka ti ber.

A awmdan hi a mak ka ti, fanu neiin lo hmu ni ta se, a nu chu a duh tak tak lo em ni ang? Min ngái em em angin a rawn insawi bâkah a ti tak em em bawk si. Dâwt a sawi thei lovang,mahse...ka rilru hi a va buai tak em!

A fanu kha ka han mitthla leh a, ka hmangaih tak tak a nih chuan he pa hi zalênna ka pe tur a ni. Mahse engmah hrilh hre lova chhuahsan leh ringawt pawh chu thil dik ni theiin ka hre bawk si lo. Lo haw phawt se, ka titipui ang. Ka titipui hma chu ka rilru a dam dawn loh bâkah helhkam nei rùnin ka hun ka hmang reng dawn a ni.

Hun chu a kalmuang ka ti takzet. Lo haw thuai thuai se, ka thil vei em em hi sawichhuah ka duh tawh,ka nunram a tichâu em mai.

A lo haw dawn ni zingah min rawn be leh a. Chawhnu lamah a rawn chhuak dawn a, zánah a rawn thleng thei vel ang.

"Surprise na tur che ka rawn hâwn dawn"

A fanu ka rilruah a rawn lang nghal, ka hlauthawng ka ti dawn nge, ka thin a phu nghal dup dup mai.

"Eng nge ni ang?"

"I hriatte chuan a dik thei nâng"

A sawi duh loh dânah a ni chiang lutuk. Ka lung phu a dik lo, hmuh ka châk, hmuh ka hreh tho bawk, ka helhhawlh ni berin ka hria. Ka hmuh hunah engtin nge ka biak ang? Min duh ang em ? A nu dik tak ka ni si lova, min nél lo ang em? Rsa a chhun viau chuan a hmelțha viau dawn tihna a ni a, hmuh ka châk.

Zan dar ruk a rìk chuan min rawn phone leh a, an rawn thleng țêp tawh a ni awm e. Ka thin phu a rang leh ta, ka țhu hle hle thei lo, inchhungah ka vei sek mai.

Dar 7 a lo ri a, ka phone a,a ring ral ta țhak mai. Lo thlen a hun tawh si, he pa hian surprise tak tak min tum a ni ngei ang.

A hnu deuhah ka phone nawn leh a, vawi nga vel a ring hnuah chuan min rawn chhâng hrâm e.

"Khawiah nge in awm? Min tihrilhhai țêp tawh ania"

"Ka pi, he phone neitu hian accident a tâwk hlauh mai"

"Ni lo, ka pasal chungah chuan eng thil nge thleng ? Min hrilh thuai teh" Ka âu vak lo chauh, ka thin a phu nghal zawih zawih bawk a.

"Hei, motor lian nen an insu palh hlauh mai a, a lu-ah hliam a tuar a, damdawi in lamah kan phur dawn chiah e"

Ka pasal-in accident a tâwk, damdawi inah an kalpui dawn chiah...

Ka rilru a â muih mai, ka taksa chu a khùr chhuak vek a, ka phone ken lai pawh chu ka thlauh bawl mai.




RUATSANGA - 29  By  Dingdi Pachuau

Âmpuii'n min rawn pan vat a. Ka phone thlauh rawn chharin, ka awmdan ațang chuan thil dik lo a awm a nih a ring nghal a ni ang, min rawn kuah a, kei lah chu ka lo khùr zawih zawih a,ka lungphù a dik lovin ka hre bawk.

"Ka u chungah chuan eng nge thleng a?"

"Ka kal vat a ngai, tunah damdawi in an rawn panpui mék"

"U Lily ka phone ang aw, keiin ka pu ka lo awmpui ang a"

Chìáì miah lovin Lily a phone nghal. Nia, a dik ang, ka pu awmpuitu an awm loh chuan...Kei chuan ka pasal ka hmuh ngei a ngai.

Lily chu a lo thleng rang khawp mai, min rawn kuah ve nghal a, tunah chuan ka chìáì nuai mai kha ka zia deuh hlek tawh a, ka khùr pawh a zia tawh.

Serkawn damdawi in an rawn pan ngei ang, kawtah kan lo nghâk mai a ni ang chu, min thlen khalh tawh maithei bawk.

Min thlen khalh tak tak, emergency room-ah an dah lut a, doctor-te'n an check nghal zung zung a, Lily nen pawnah kan nghâk rân a.

Doctor chuan a hlauhthâwnawm loh thu min hrilh, a lu a sawh na hran lova,mahse thisen erawh a hloh nasa.  A thisen chhuak nasa avangin nikhua a hre lo mai a lo ni a, Thisen pék ran a ngaih avangin Lily chuan U Sam-a a phone nghal a,kei zawngin phone tur tumah ka hre lo, Lily chuan engkim a buaipui leh vek mai.

Serkáwn YMA OB an che zung zung mai,Rsa blood group mil pawh an lo awm nual a, hriatchian vak loh thisen lâk aiin U Sam-a leh a țhiante pahnih  thisen chu ka lo duhpui zawk, midang nun chhan nana thisen pe duh tlangval țhalai rual ka hmuh chuan ka lâwm lutuk a, ka hnuk a ulh țeuh mai.

Ka rilruin ka țawngțai mawlh mawlh a, lâwmthu ka sawi bawk. Na lutuk lova a accident vangin. E, taka min surprise tur thu a sawi tak kha... a fanu chu khawiahnge a awm tak le?!!!

A accident-na hmuna kal ve ngei bulah chuan Rsa motor-a midang chuang ve an awm em tia ka zawh chuan Rsa bâk an hmuh loh thu min hrilh a, eng nge a awmzia ni ta le aw?!!! A fanu hmu turin a va kal lo tihna nge ni a, a va hmu a, a rawn hruai haw lo ni ang? Nge kei hian ka ngaihtuahna kual vel hi ka lo thutak bâwl chiam zawk?

Lily'n min riahpui leh ta. Ani hi chu ka engkim hi a ni takzet a ni. Awm lo ta se ka buai dan turzia hi, ka tana a inpêkna zozai hi ka rùl lét zo mawlh lo ang.

Rsa kut chu ka vuan reng a, damdawi in khuma nikhaw hre lova a mu bâm mai ka hmuh chuan ka insùm viau nain ka țap lo thei lo, ka khawngaih a, ka hmangaih bawk si. A hmái dâng diau mai chuan ka khawngaihna a tizual a, chutah ka koh pawhin min chhâng thei lo zui nen, ka insùm zo lo a ni.

Chhìn khat té mah ka chhìng lo. Ka kalsan lo bawk, ka kalsan hlânin a lo harh ang tih ka hlâu, a harh veleh keimah min hmu hmasa ber se ka duh bawk.

Doctor hnénah chuan a chanchin chu ka zâwt leh țhin, ka mang a ang deuh a. Ka rin âiin a rawn harh har si a, doctor-te pawh hian an hriatsual ve thei tho a, ani hian a hriatnate hi a lo hloh palh vaih chuan.... mahse chu ém chu thleng lo turin ka țawngțai mawlh mawlh reng a.

Lily chuan ei tur a ken chu ei ve turin min pe a, mahse ei châkna ka nei lo. Ka pasal damdawi in khumah nikhaw hre lovin a let dér a, keiin thil lo ei țùn țùn kha ka duh lo a ni.

"I intihchak a ngai alawm"

"Ka chak țha reng"

"Nakinah i ei mai dawn nia, a rawn harh țép tawh ang chu maw..."

Rsa hmai chúlsak pah chuan," Lo harh tawh teh, hrehawm ka ti ania"ka ti sap a.

" Ka biak che chuan min chhân vat țhin kha, min chhâng har tawh e. Min surprise i tum kha ka hrereng ania aw" ka ti sap sap a, ka biak ka biak chuan a lo harh hma deuhin ka ring.

Zingah pawh a la harh  lova, ka mangang lutuk tawh. Doctor zawh sek lah chu ka inthlahrung bawk si, vawi 5 chuang lái ka záwt tawh a, min chhân dan a ngâi reng bawk si a.

A kut  chu ka hmet neuh neuh a, a zawi ngiai a, vawh erawh a vâwt hran lo. Ka hmehsak ang a, a lo harh thuai mai ang.

Rilru țawngțaina ka nei pah reng, Pathian hian mifel tawngtaina chauh ni kher lovin misual țawngțaina pawh  a chhang țhin tih ka hria, chuvangin ka rilruin ka țawngțai reng. Hlim viauin nuamti viau thinin Pathian ngai lovin inhre țhin mah ila, mangan tak tak chuan Pathian bâk hi innghahna tur reng reng a awm lo.

A kut chu a rawn chét tlatin ka hria. Hmehsak lovin ka châwl a, mahse ka duhthusâm mai niin ka hria, harh se tih ka duhna lutuk lamah ka hresual a ni ngei mai.

A rawn che leh ta. Tunah chuan a che tak tak!!! A rawn harh dawn, nikhua a rawn hre thei dawn ta.

"Rs, Rs, i harh em? Min hre thei em?"

A kut chuan min rawn hmer lét ta. Ka áu ta chùl a.

"Min hre thei tiraw? Harh teh, han meng teh le, i bulah ka awm reng ania"

Lily pawh a rawn țhu hnai vat a, ani pawh chuan a rawn ko ve mawlh mawlh a. Kan pahnih chuan hnâi deuhah, a hmai bul chétah kan kun hnai a.

A mit chu a rawn meng siar siar a,mahse a fiah lo. A'n khap leh sak sak a, chutah min hmu chiang ta a ni ang, harsat hmel deuh hian a nui ta suk a.

"I harh chiang em? Min hria em?"

Thâm deuh hian a lo 'aw' sup a. Ka va lâwm tak em!!! Kuah nawk nawka fawh vawng vawng ka duh.

Ka mittui tling kiau chung chuan ka nui hak a, ka lawm a ni, a rawn harh tawh a, min hre bawk. A lu lam a sawh deuh avang leh thisen a chhuah tam em avangin ka lo hlauthawng viau a, mahse a țha tih ka hriat chuan ka hlim lutuk lo thei lo.

"I tui a hâl em?"

Min en reng a, kei erawh chuan nui chungin, hlim hmel tak puin," Ná i nei em? Khawilai nge na?"tiin ka zâwt leh a.

Ka kut chu a hmer salh salh a, min ngái ve tawh a ni ang, khaw dang a hawi lo reng reng.

"Ka ngái tawh lutuk che. Ka ko ka ko che a, min chhâng thei lova. Mahse tunah chuan hei i lo harh ta a, ka lâwmin ka hlim tak tak a ni"

"Ka ngâi lutuk che"

Ka mittui chu a far ta záih a, mahse hlim vang a ni alawm, min ngaih thu a sawi hian ka thinlung a dek a ni.

"I bulah ka awm reng tawh ania"

"Accident ka tâwk tih ka hriat khan ka hrechhuak hmasa ber che a"

"I lo thleng har lutuk a, ka ngaih a țha lova"

"Ka hria asin, min ngaihtuah dawn lutuk tih kha. Phone che kha ka duh a, ka tum bawk. Mahse ka chesawn thei ta lova"

Ka khawngaih lutuk avang chuan ka mittui chu ka dang leh thei pek lova.

"Sawi tawh suh, nakinah min hrilh dawn nia" tiin a biangah chuan ka chùl hauh hauh a, ka nuih lui ve hram hram nain thil har tak chu a ni.

"Mumang ang deuh, buai nuai ka nei a, kalsan che tumin ka awm a, mahse nangmah hian min lo chelh tlat a"

"I kal ka phal teuh lo mai"

"Ka hria alawm"

"Ngawi tawh rih rawh, i châu lutuk ang"

A nui leh suk a, chutah," Tui tlém ka in thei ang em?"a ti sup a.

"Tehreng mai"

Lily chuan min lo pe vat, a awm ve tih pawh ka lo hre tawh hleinem. Nuihsak pahin," Ka lawm e" ka ti sap a.

"Ka awm ve tih pawh in hre tawp nang"

"Nia, ka tihpalh takzet a ni"

"Ka hrethiam lutuk che u, ka'n fiam mai mai che ania, ka lo hlim veng veng alawm kei pawh"

Duat takin tui chu ka tulh a, tam deuh in tìr pawh ka duh lo, ani pawh chuan a lo hrethiam ve a ni chék ang chu, tam tak a in duh bìk lo.

A harh thu chu Lily chuan chhungte leh țhiante a hrilh kual a,Nu Sangi pawh a rawn kal a, eitur min rawn ken țeuh mai. Doctor pawh Rsa harh chhuak chu a lawm ve hle a nih ka ring, a rawn nui var var mai.

Thisen unit 3 pek a ni a,amah a la châu deuh em a, han insawisélna dang em em chu a nei lo. A lu ațanga thisen kha chhuak a ni a,lu chu a thi awlsamin a dam leh hma bawk a, a dam thuai ka beisei.

Faktei leh Ãmpuii pawh an rawn kal zawk, chu pawh ka pu muthilh laiin. Awmpui nula 2 an awm tho nain rei chu an awm lo, ka pu a harh hlauh chuan ... Rsa chanchin an la hrilh ngam lova, mahse a ngaih chu a țhat chiah ka ring lo deuh, kei a hmuh turin ka awm bawk si lova.

A tukah cabin-ah kan insawn a,a zia viau nain dam chiang ver vawrin haw se ka duh a,cabin-ah chuan ka duat thei deuh hlek tawh ang a,a tân pawh a zia dawn a ni.

Damdawi in hi ka ngaina lo viau a ni. Mi damlo na tak tak leh na lutuk lém lote ka hmuh hian hrehawm ka ti țhin. Damna duha pan vek kan ni a, a țhen dam duh em em,an duhthusam thlemg ta lote chanchin ka hriatte hian hrehawm ka ti ngawih ngawih a, ka ipik ngawih ngawih thin.

Damdawi inah chuan kár khat kan awm ta. Lily'n min thlahthlam lo reng reng, Rsa pawh a fiam nasain a kâwm hlim thiam a, boruak a tizangkhái thiam hle a ni. A awm lovang tih ka hlau takzet. Zanah ni se, min riahpui ziah a, eitur ni se min rawn ken ziah a, damdawi in thil ka duh lohzia a hre bawk a,a rawn keng tam thei viau a ni.

Rsa țhiante pawhin an rawn kan nasa a, a hnuaia thawkhote pawh an rawn kal zut mai. Eli pawh a rawn kal nawlh mai, ka hmuh lohna a rei tawh bawk a, a lo upa hmel ve ta deuh nain a la chhe lo takzet.

Amah chauhin a rawn kal a, Lily lah a chhuah lawk hlân a ni lehnghal a, lo biak dan ka hre lo asin le.

A rawn țawng bawrh bawrh mai.

"Ee, damlo châu deuh rawn hmuh ka tum asin, i va tlangval tawh ve.." a rawn ti luam a.

Rsa chuan," Ka țha lutuk, min rawn kan a, i tițha hle mai" a lo ti ve a, kei chu țawng ngaihna pawh ka hre lo.

"A țhat hlauh chu. Kan pa pawh rawn kal ve a duh tehlul nen, hna țul a nei thut a, ka tum lâwk tawh a nih vangin ka țhulh duh ta lova"

Pasal a lo nei tawh a nih chu. A va mak, Rsa hnuaiah chuan a thawk tawh lo chiang a, pasal a nei tih erawh ka hre miah lo.

"I fel hle mai, kan turin i lo kal vang vang a"

Min rawn enin,"Ka hman hma thei lo zawk a, nulat lai angin duh duhin a awm theih tawh bìk loh a, inthiam lo ru deuh chungin ka theih anga hma chuan ka lo kal ve chu ania, ka rin aiin ka hmu zia lehnghal a, a lawmawm khawp mai" a ti barh barh a.

A pasal neih hnu hian a mizia hi a thlâk ve hle a nih dawn hi. A nulat lai kha chuan ka nél lém lovin a nungchang kha ka duh lo va, tunah pawh ka nél ta viau e tihna ni lovin a hmaa a nungchang  chapo deuh larh kha chu a bo ta niin ka hria, a pasalin a thlâksak pawh a ni ve a ni ang.

Lily rawn thlen hnuah pawh a la awm ve reng a, Lily pek pawhin a titipui leh bawrh bawrh mai, he nu nungchang hi chu ka awt țhin, a ngei deuh leh a nél em em loh pawh hi țha deuhin a be thei zél mai si a, nél lo pawh hi an vâng viau a ni.

Naktuk Inrinni hian damdawi in atangin chhuah kan tum a, Rsa pawh a țha viau tawh a, a hmél a dâng deuh tih mai loh chu han sawisélna tur ka hre lo, amah pawhin damdawi in chu a ning ve tawh a, chhuah mai a ţha tawh. Doctor pawh kan hrilh tawh a,ani pawhin a remti thlap tawh.

Khumah chuan kan mu dun a, țhutthlengah Lily a mu. Khuma mu ve turin ka ti nasa a,a duh țhak lo. 'Ka tibuai ang che u' a ti tlat a, mahse a mutna pawh hi nuam lo tak tia sawi tur a ni chuang lo.

"Ina hahdam deuha awm a châkawm tawh e"

"Naktukah Pathian zara dam chuan i awm ngei ngei tawh ang"

Lily chuan,"Chu, free deuh taka induat in châk hle tawh a ni maw?"a lo ti hmanhmawh a.

"Châk ve tawh ang chu, a rei ve tawh em asin"

"In tenawm em mai a"

"Nangman i rawn sawichhuak a nih kha"

"Min awhthìk ziah suh u"

"Chu, kan nupa chu min va lo awt țhin ãwm ve"

"Teuh lo"

"Chutiangte chu ti ve tawh mai ula"

"In va sual nupa tak em!!! Ka neih hunah chuan in châk lo dun viau ang"

"A ho e"

"Min tihdan hi ka hrereng ang"

Kan nui hak hak a, Lily bulah hi chuan nuihna tur a tam ve em asin.

"Zan a rei ta, muhìl tawh ang u"

"Ka muthilh hlânin ..tih awih loh aw"

A nui duh miah si lova, ka ngei tak tak a ni.

"Sawi 'raw' viau zel suh"

"A 'raw' thlâwt lo,kha te chu thukhuh dik tak a nih kha"

"Hnial hneh theih loh"

"Rsa damchian hunah 'raw' takin in ti dawn nia"

He nu hi chu aw....

"Mu tak tak tawh ang u"

"Hei, kan mut tak tak hi, i lo mu lem lem bík elo?"

"Vanlallilipui, muhìl rawh"

"Ka muhìl dawn a, i țawng zel a, min timuhìl thei lo alawm"

Chhân ngaihna pawh ka hre tawh lo.

Rsa chuan  ka chala fâwp zohin," Goodnight, girls" a ti sup a, a ban dinglam chu min khamtìr leh phawt a, a kut veilam erawh chuan min kuah leh thân a.

"G'nite"

Ka muthilh tak tak hma erawh chuan a kut chuan ka kawr âwm a rawn zen leh ruk ruk, mahse ka ui lo. A tân chuan ka engkim hi ka phal a, ka pasal ka hmangaih a ni a, ka bulah a mu lo rei tawh a, ka haw teuh lo.

U Fela'n min hruai haw a, ka pu pawh a lo țhu lùr mai. Nu Sangi'n Rsa chanchin kha a dam thei ang berin a hrilh a, engmah a taksaah harsatna a thlen belh chuang lo. Mahse Rsa chu a ngaihtuah viau tho a ni.

Ina kan luh pawh chuan a lo kuah vat a, an putu inkuah hmuh chuan mittui a hnâi. An putua innél leh inhmangaih taka an awmdun hmuh tluka nuam hi chu a vâng viau.

Rsa car kha Garage-ah an lo dah tawh a, a chhe viau nain Rsa ber a dam chhuak hi ka lâwm. Car chu a duh hunah a lei leh maithei, a nunna erawh tangkain a lei thei lo tih ka hrechiang.

Zanriah einaah Ka puin lawmthu sawi tawngtaina a nei a, kan ina thawk zawng zawng, Nu Sangite chhungkua, Faktei, Lily leh awmpui nula pahnih bâkah U Fela te nen kan kim leh ta e. Ka pa erawh a tel ve ta lo, a nupui nei hi a ngeih cher cher lutuk a, a rawn kal tawh ngai lo, Ka pu tlawh tur takngial pawhin.

Zanah chuan sitting room-ah kan titi mam mam a, mahse Rsa ber  hi ka vengthawng, a damkawr a, accident tâwk a ni bawk si a, mu hmâ turin ka râwn ta ringawt. Ani lah chu ka tel lovin a mu duh bawk si lova, room-ah ka chhohpui ta ringawt.

"Bathroom hmang hmasa la"

"Hmang rual ang"

A naupang chhe thar leh ta a ni maw..

"Aw le, boss"

Ha nâwta kan intihfai hnu chuan  damdawi ka pe leh a,mutna tur kawr nen kan inthuam hnuah chuan khumah chuan kan lâwn a, chutah chuan," E, taka min surprise na tur kha, ka la hrereng ania" ka ti ta a.

"E, kha kha maw?"

"Aw, ka hre châk tawh lutuk a, eng nge ni le?"

(Zanin chu ka tlai hle mai. Mahse rawn dah țalh ka tum tho. Khawhar ina kal, haw hnuah ka type char char a, ka mut pawh a chhuak ve ania, min lo hrethiam hram ru aw, edit loh, chuan a tâwi deuh bawk)